ANGEL POPS

HKEIMAH, THINGTLANG NULA-LAST CHAPTER "Vawk chaw pek tur tal awm se aw...u Rinhlua lah committee turin a chhuak daih a, tih tur ka hre hlawl lo" tukverh bula ding chung meuh hian ka ti niah niah reng a, ka ţhiante tu emaw ber an lo len loh phei chuan ka khua a har ţhin.  "Kha kha a ni mai...keichu ka nu'n sachek a siam reng zawk a, nang chu i awm awl e" Fithangin a lo tih chuan tukverh a thing inkham vuan ran chung hian ka hawi let a, chaw ei dawhkan kilin a kut a dahchhuak a, fel at hian a ţhu a, thla hmasa lawkah nau a chhiat a, a khua a har ve tho aniang a rawn leng leh nawlh zel.  "Kan inchhung bungrua hi enkual rawh, a bal engmah i hmu lo ang, tih tur ka hre tawh lo zawk a nih hi..hrehawm tih chang te ka nei mawle" ka tih ve chuan, "I phunchiar mai a nih chu, thla thum erh awrh chauh in la innei a hrehawm i ti nghal a nia. Keini te chu inpuiah midang mitmei veng reng rengin kan awm a, nang ve chu inpa chhungte i hrawn bawk si lo, ...

KEIMAH, THINGTLANG NULA-50  Tukţhuan kan han ei chiah chu u Rinhlua nen a kan hmaah Sensiari a ţhu a, a bulah Bawihtei a ţhut tir a, a buaipui viau nain Bawihtei thla a la muang lo aniang tim daiin min rawn en leh ţhin a, a nuam lo angreng.  "Bawihtei kha helam a rawn melh leh ralh zel" ka bul chiah a ţhu, u Mama nupui u Ramtei chuan a ti kher lehnghal a, u Mama hi U Rinhlua te unau zinga upa ber dawttu a ni a, nupui a neihna a la rei lo a ni awm e.  "Kalvari a melh aniang, min vel nghal ringawt a ti a nih dawn kha" ka nu'n a lo ti leh tawh a, mahni lo mah a zah sa nak laiin; tumah ka en ţha ngam tawh reng reng lo.  "Teuh lo mai...khatiang tihpalh te chu a na ngai hleinem tiraw?" Bawihtei lam hawi a Sensiarin a tih chuan, "Nat chu a na ang" u Rinhluan a lo ti ve boh a, a va han mawl thei tak. Sensiari paw'n a rawn en zawk a, midang tana hmuh tham vak loh tur hian lu a thing a, u Rinhlua lah han melh vak dawnin ka bulah a ţhu d...

KEIMAH, THINGTLANG NULA-49 "Engati nge i kal daih a? Hman lo chung chungin hun a insiam a min lo hmuak ve a nih saw" auto rickshaw stand kan thlen ruala Remmawiin lungawi lo deuha a tih chuan, "Chaw ei ţhulh ţhak pawn lo kal se ka chuang lo vang. A hmel kha ka mi rin zawng a ni lo reng reng, rickshaw ah hian lut rawh, a nih loh chuan kein min rawn um rawh" a ti hmak chung pawhin Remmawiin, "U Rinchut but but-a u alawm" a la ti ţalh a, "A va mak...a pu pawh nise ka chuang lo vang. Ke a kal i duh em ni? I lut dawn nge kan kalsan dawn che?" a tih tak chher chherah chuan lungawi lo deuhin a lut a, nu Nempachangin kan kal tumna veng a sawi hnu phei chuan kan ţhu ngawi ţhap mai.  "Tawlh phei teh a chep" Remmawiin a ti deuh hlak a, a lai a ţhu nu Nempachangi lahin, "Tawlh chhuak deuh mai rawh" a ti then a, ka nuihza chuan ka hmui hnuailam pet chungin pawn lam ka thlir daih a, u Zira chu a duh lo ve hle mai.  Kan thlenna t...