ANGEL POPS

KEIAH, THINGTLANG NULA S2-8 "Engmaw 'a chi loh' i tih chu?" a ti he hu a, kan la indinchilh reng a, chhuna min bem vang aniang a thawh tur angin a thawk thei lo, engtinvakmah ka awm lo.  "I nalh em a ka fak che" a tih lai chuan lo pawtchatin, "I lerh e a" ka ti a, mak a tih hmel lehzual a, a meng phawk hru tawh mai. "Inhriatchian hmaa inngaihzawn nghal ringawt ka duh hleinem. Bakah keichu dan ka siam thlap" inringtawk zet hian ka ti a, a chil a lem khalh a, hlauhthawn hmel taka, "Eng dan nge?" a tih chuan, "Remmawii duh zawng leh duh loh zawng dan bu a ni tawp mai" ka ti a, a meng tal tap a, min rap viau ang. "Min hrilh la" zawite hian a ti leh a, "Zanah ziakin ka lo thawn ang che. Ka kal dawn" ka tih tawh hnuah, "Lehlawk" ka ti leh a, a lo ding ţha vat a, "Thosi hmunah keimah nge shri shyama agarbatti i thlan zawk ang?" ka ti a, a inngaihtuah vang vang hnuah, "N...

KEIMAH, THINGTLANG NULA S2-6 "Kha, min lo vel pui ve rawh aw" ti a Maski-a chemte pek ve pahin ka nu te ţhutna lam ka hawi a, min ngaihsak lem lo va tv an en ngar laiin u Lalhuman min lo en ve char char thung a, a hmel a thutakin a nuih ve paw'n a nelawm vak bawk si lo, a rapawm lek lek zawk alawm le.  "Min en kur suh" a la ti zawk zui a, a ţawng chu hriain ka nu'n min rawn en zawk a, chutah u Lalhuma chu en lehin, "Aieng saw tlem hawn ve la, a tui te in rawh. Zu i heh si a, i inenkawl ţhat loh chuan i thi vat mai ang" a ti a, keipaw'n a thih ka hlau tak tak, a vak tam si a, min tlawh kual ang tih te pawh a hlauhawm.  "I hawn tur ka lo dah hrang ang" ka ti nghal a, Maski-a pawn muangchangin a kawr chu a lo vel a, "Na i nei em ni a?" ka nu'n a tih leh takah chuan u Lalhuma bawk chu ka en leh a, a zi uan uan a, a insut zui hrut hrut a, a ţap leh ringawt dawn aniang chu.  "Engati nge Lalhum?" ka nu...

KEIMAH, THINGTLANG NULA S2-5 U Zira ka thlah ta lo rau rau bawk a tiin hma deuhah ei ka rel a, ţukţhuan eikhamah ka pa pawh ipte pui akin a chhuak a, pa taima tih takah hnathawk lo va awm awl reng a thiam tlat lo. Ka nu'n vaihlo a zial mawlh mawlh laia ka thleng sil zo pindana luh ka tum chu, "Ka zial sa hi lo ţawn zung zung teh. Hmanhmawh a ngai" a lo ti a, thil dang buaipui ka duh ve tawh tehreng nen ka nu vaihlo zial sa chu phur lo zet hian ka la a, hetiang a nih chuan engtikahmah Aizawl ka kal lo vang.  "Ţhu tung ût reng lo khan ti thuai thuai rawh" a ti leh a, kan naupanlai aţanga vaihlo zial zuar tih takah mit ka khap chhung lek pawhin panga vel chu a zo hman ang, kan khuaah ka nu aia vaihlo zial hnehsawh an awm dawn lo chiang sa.   "Vawiin chu ka hmaihnawih siam saw ka zuar ve dawn a nia aw" ka tih chuan, "Dawr tinah i dah a ni lo'm ni? I khawlai chhuah chak chhuanlam a nih kha" a ti leh daih tawh.  "An hralh zawh ...