KEIMAH, THINGTLANG NULA S2-BONUS CHAPTER
KEIMAH, THINGTLANG NULA S2-BONUS CHAPTER "Lalremmawi, engati nge i chet sek a?" tih vin vak pahin Nutei a ţhu hluai a, current on nghalin min en ngar bawk a, keipawh muangchanga ţhu chhuak vein, "Message ka dawng alawm" ka ti a, a tum kawh nasa mai. "Message pawh dawng la chet reng tur tihna a ni hleinem? Eng message nge i dawn a?" a benga a sam zeh pah hian a ti a, sawi loh ka tum zet a, a hriat ve ţha zawka ka hriat vangin, "Hei en rawh" tih leh phone pek ka rual a, ka chhiar ngun bawk a ka message dawn chu en lo pawhin ka sawi chhuak vek thei tawh. Uluk tawka phone a bih vang vang hnuah, "Call teh" a ti bul hmuk a, "A tlai tawh em hi" ti mah ila, "Call mai mai rawh" a ti deuh tlat a, ka nute pindan lam ka kawh zeuh takah chuan khum aţanga chhukin min hui nghal a, "A pawimawh hmel tlat, pawnah chhuak ang. A rawn tih der mai mai che a nih chuan FIR ka theh lut dawn, dawt hmanga mi tih buai hrat ho ...