MODERN PASALṬHA-1
MODERN PASALṬHA-1 “Khapa kha ka lo man rawh u..kan umpha lo, a remchang lai apianga ding khan lo man teh u” ti lung lung chungin Lalmalsawma a rawn tlan thla hlawk hlawk a, a phone awrh lai rawng sen no leh a var a inṭial chu a inthen lawp h lawp bawk a, “In mak ka ti…man ta che u, rukru a nih kha, sapui kha chhuah reng reng suh u” ring zet hian a ti leh a, a hnungah lah a ṭhianpa, pianphung, chetphung leh aw pawh nem deuh duai chi hi ban phar kak ṭha chungin a rawn tlan ve bawk a, a khup a tuah emaw tih mai turin tlan no a tum luatah a ke pawh a kak ṭha. A ṭhian pakhat leh thung chu hmeichhia si pa deuh thung chi a ni thung a, “’Kan umphak hun hunah a vun kan lip ang” tiin a piah thirhrui ban chu kungfu style in a tlawh zeuh a, a um zui ve leh nghal a. “Awii…keichu ka nu’n min hrin hnuah sapui ka la um ang tih ngaihna reng reng ka hre lo. Ka nu phei chuan min hmu se Lalmalsawma kawm tawh lo turin min ti tawh ang” an zinga a nu ber Kapa chuan a ti a, tlan pawh a tlan ṭha ve...