DUMB AND DUMBER-2
DUMB AND DUMBER-2
"Khawiahmah kal dun ka duh lo. I peih chuan ka ţhianpa te inah min dah la, inţhen hrang nghal ang" inchhung aţanga kan chhuah rualin ka ţawng nghal zawt zawt. Nizan vanga ka inchhirna kha a reh hma chuan a bul hnaiah ka awm duh rih lo.
"Khawiah?"
"Mission Vengah a nia, ke a ka kal chuan miiin min hmufuh palh ang. Kan chhuak dun lo tih an hriat chuan min hau hrep ang" ka ti leh zat zat.
"Lokal rawh" a ti a, min hria ang a a awm duh miah lo chu mak ka ti. Lehlam zawng chuan a ţha phian. Zan a ka awmdan vang khan min chhaih vel chu nise ka zak dawn lutuk.
Helmet a khum lai te chuan min hmuh hlau tawkin ka melh leh zeuh zeuh ţhin a, bike a tihnun veleh hrilh ngai lovin rang tawkin ka lawn nghal. A san deuh vangin a kawr ka ţham tawn tawn a, a chuar duh chi a ha kher kher bawk nen, ka thlah hnu pawh ala chuar tun tho.
"Kalna tur min hrilh zel mai rawh" a ti a, ka rin ai chakin a tlanchhuak.
"I hmanhmawh viau a mi? Tlanmuang deuh rawh motor a tam si" ti chel chul mah ila awmzia a awm lo nasa. Ka ţhutna a sang auh bawk nen, ka mawng a za chuaih chuaih. Scooty nen a inang lo khawp mai.
Sammy te in awmna bawl vel kan thlen takah chuan "Aw tahkhan ding rawh" ring leng lawng hian ka ti leh a, a ding thut. Hmalam ka kawh lai tak a ni bawk nen ka inring hman lo chu ka mawng a kang awk a, amah bawh rawk pahin helmet ah ka intauh chawrh. Ka rin aiin midang ngaihsakna a nei lo daih. Ka zuang thla tharh a, phuba lak dan zuanthlak pah khan a kawr ka ţham chuar na sa kha ka ţham leh ngat.
"Ka chhungte bulah chuan nilengin kan awmdun ti ang che. Kan awmna hmun an zawh che chuan kan tlankual vel mai mai lo ti mai rawh. Ka thusawi an awih leh dawn miah lo a nia. Nang khawnge i len ve dawn?" ka ti a, ka duhna ah ka inthlah tir a, a chanchin zawh ve loh chu a mawi vak si lova, bakah ka nel thiam leh ka vannei a ni mai. Ka ngainatna a bo deuh tawh na a ka ţhatna tur a thil ka tih ve a ngai.
"Hospital ah ka nu bulah ka kal ang" ka chhan leh hma in min kalsan leh tawh. Kalsan ah hian ka ţang bik reng mai. Step ah ka chhuk a, an inchhak chiah a ui in min lo bauh leh tawh. Ka kalpelh dawn hian a bengchheng chiam zel. Ui hrim hrim hi, eng size pawh nise ka hlauh em vangin "Zahngai, zahngai" tih pahin chak thei ang berin ka kal. Ka pi hian kan hlauh deuh chu zahngai tur a ngen ţhin tur a nia, he ui hi zahngaihna ka dil ngun ta khawp mai.
"Sammy...ehe nangmah chiahin law i awm?" a lu a tuam luk a, a fai ser sawr danah a inbual zo chiah a nih hmel.
"Ni e. Nizana ka sual ka lo tleuh fai vel chiah a nih hi. Min vin vak vak a min rawn zawng leh tho sia" a kuttin kheuh pahin ngeiawm deuh hian a mengkual vel a, ka vawm chawrh dawn em maw ni ka ti rum rum.
"Keichu ka rilru hah emai. Ka pite inah min kalpui te" tih pahin ka ţhu zawi hnawk. Pasal neih hi ka ngaihtuah chian poh leh ka ngaingam lo.
"Rin Ramhuaii chuan neihtir che a tum lui tlat tho mi? An mak ve ngawt mai. Ipa pawh hi taksa nei lian ţha ţel ţawl hle si dawih de du lutuk. Keini phei chu a vawikhat nghawkah pawh kan thi daih thei ang tih tur khawp anih laiin inu RR-i hi a hlau lutuk a ka lo thinrim tlat zel" uar fe hian a ti a, sawichhe chiam chiam mah ila thil tithei zawk an ni miau sia.
Ka pa nu leh pate hi keini unau chuan kan pawh zawk a, ka nu te lam chu thingtlangah daih an awm. Min hmangaih vek tho a, he thil pawh hi an hria anih chuan an thinrim ve khawp ang. Sammy nen a step a kan chhoh laite chuan ui hlau bawkin ka "Zahngai" chho leh mawlh mawlh.
"A seh dawn lo che khatin ti ve ziah suh. A hrethiam chuang lo"
"I hlauh deuh ila tawng ve lo mai mai anih kha" ka ti vin hlar a, hlauhzawng in hriatthiampui loh hi ka ngei zawng tak.
Ka pite in a kan kal pah pawn kawngtluanin Rin Ramhuaii kan rel. Ka pi leh pute leh ka unaute ngei pawn min khawngaih thu bak sawi tur an hre lo. An sawifel hma in ka pa an lo sawipui fe tawh a, an beidawng a ni awm e. Ka ute pahnih hnenah chuan "In saw vil reng ang che u. Rin ramhuaii hmingin dah tir miah suh u" ka ti a, kan unau hi hmeichhia vek kan ni. Mipa awm ila chuan he thil hi a thleng kher lo maithei.
"Inu thi hma lutuk hi chu a pawi ngawt mai. Keini lahin hna kan thawk thei si lova, ipa kan mamawh hun a awm lo thei lo ţhin a, kan thu chu nise pasal inei miah lovang" ka sam chul hliau hliau pah a ka piin a tih chuan ka men deuh pur. Ka ţah a chhuak hlawl lova, ka thinrimna leh Rin ramhuaii thil tum ka hrechak lutuk hian ka ţah a tichhuak zo lo. Ka la pawm theih loh vangte pawh a niang.
Ka pite khawlaiah Sammy nen kan ţhu a, kan thaw leh halh ţhin. Kan beidawng ve ve tawh. Engkim an sawirem vek tawh a, a theih ang angin an inbuatsaih ţan tawh. College takngial pawh ka zawh hmain pasal ka nei dawn chu a ni sia, â phuang chi ka ni bawk nen, mi in a awm ka hreh ngawih ngawih.
"Rosy tunge ţhianah i hman dawn? Theih chu nise keimah hi ka ţang chak e" rilru hah lai laiin ka phone in a hmaiah ka hawlh nawk nawk.
"Pathian zah ve ta che. Mipa ni chungin hmeichhia angin i awm pawh tih tawh nak laiin zu i heh si, mo ţhian a ţan ila tum zui a" ka ti a, hetiang hian ka ti ziah a, a haw ngai lo.
"Thinlung hi a pawimawh. Ka thinlung a ka ţih phawt chuan ka landan hian awmzia a nei lo. Tuai hi min hmusitin min zuam miah suh u. Kan mipa tha kan chhuah chuan min hneh lo an tam ang"
"Chu mipa ini tih i inhriat reng chu"
"Inhre mah ila hmeichhia ka duh thei hleinem. Hmeichhe thil hian ka mit an la zawk vek inchei naah pawh" ţawngthei si. Ka sawisel chhung zawng min hnialna a hre leh dawn a ka ngawi daih. Kan inhau reng a, ţawngkamin a daih loh tawp a inkeh bawrh bawrh chang lah kan ngah. Kan inkawm leh zel tho sia.
Tlai tawkah ka haw a, chanchin min lo zawt vel luam lehnghal. Ka hrilhţha peih lo. Zanlaiah pindanah ka la vei tawn sek. Ka pasal turin min ngaipawimawh lo ropui si, hawihhawmna tlem te pawh a lantir duh lova, tlanbo dawn ta ila pawisa ka nei si lo. Lo intihlum ta ila hremhmunah ka ţe leh chel chul awm tho si. Ka sam ka tuai nawk nawk a, ka thaw a ipik ngawih ngawih.
Ni a kal zung zung a, ka pasal neih ni a thleng. Ka ţhianpa Sammy ngei chuan min chei a, ka u chiah Melody ţhianah ka hmang.
"U Dy hmelţhatzia hi chei i nuam bik tawp. I hmai te hi a nem thep a" Sammy chuan a ti hlawi hlawi a, Dy-i hi a ngaisang tlat.
"Chei ka nuam ve lo itih na mi? I hriat lohin hnuailam lenna ka pe mai ang che ka tih tawh kha aw" tiin ka vau pung pung. A len a hlau em alawm.
"Rosy hmai thap hrup ka tuai naah ka kut a pilh nasa lutuk a, a thip zawr zawr reng mai" min melh ran chung hian a ti a, haw viau mah ila mokawrin min cher khawng hneh em vangin ka che peih lo.
Biakin hawng ngatin pasal nei mah ila ka duh leh hmangaih ngei ka nei lova ka nui lui thei hlawl lo. Thutiam min chham tir lai te chuan ka ti vel mai mai. Inţhen dawn a "Ka tider a" tih leh mai theih te hi ni ţhin se ţha tur. Pastor thusawi lah engmah ka hre mumal lo. Ka hmuhphak a ţhu ho ka melh kual ralh ralh a, inneih ni aţangin ka rilru ah inţhen chiah a awm.
Engkim a nih dan turin kan ti ve vek. Ka lawi luh lai te chuan ka pik mup mup. Hunserh awm tur ang zawng zawng a zawh hnu ah Sawmpuia chuan a nu cher ve tawh tak chu a kal duhna apiangah a kaikual a, a duat hmel hle. Venflon a vuah a, a ţhiante pawn a damloh thu an sawi tak kha. Apa ala ţhalai hle sia, a nu erawh a cher em vangin a lang tar bawih.
Kan pindan turah bungraw chi tinreng nen ka ţhu nuaih. Ka hne, mitkhap kar lekin mi nu ka ni der. Khawvela ka pian chhan ho bik lutuk hi ngaihtuah thui chiam chi pawh a ni lo.
Sawmpuia a rawn lut ve hlawl a, ka lo melh rawm rawm.
"Chaw a ei theih"
"Ka rilţam lo. Ka chau hahdam ka duh" ti nghut nghut mah ila min phih tho lawp.
"Iva sual ve"
"Mi hmuhah nupa ang a awm angai. Ka pa hmingţhat nan. Eichak lo mahla eilui rawh. Iduh leh i luak leh mai dawn nia" a ti a, ka ban a hmerna te chu a na lutuk tawh. Ka rin aiin a chak daih.
"I hlimna aiin ipa hmingţhatna i thlang zawk a ni maw?"
"Ni love, ka nu himna zawk. Rawn chhuak vat mai rawh. Nge hmanzan ang khan kan ti leh phawt dawn?" ka ban a vawnna thlahin min hnaih lehzual a, pawisawi ngai lo ang maiin ka lo hlau nasa.
"I thil duh ber tihsak che ila thu i awih deuh ang a" a tih leh phei chuan hnunglamah ka awn duai tawh. A nui hmel te chu a landanah mawi ve viau mah sela ka rap ru riau.
"Engmah ka duh lo. Hmanzan pawh ka hre lo. Ka lokal ang, ka ei hnem viau ang" ka ti zawt zawt.
Mi hmuh lai chuan ka kawngah a kuah a, a pa ţhiante a ni ber. Keipawh ka nui lui nasa tawh. Kha thil kha a sawichhuah leh hlauin ka nui duai duai a, a za lo lutuk hi ka ţah te lam lam a chhuak zawk. Ka intiam ang ngeiin chaw ka ei zui nghek. Dy-in min khap nghe nghe. Kan nu RR-i lah pheikhawk sang auh bunin a tei kual sek a, patling pui pui bulah a nui thler nasa. Hmui tereuhte pawh hi a lo fan ve nasa thei khawp mai.
Present te kan hawng a naupang ho nen kan ri dar dar. Naupang nuam tih chi tak aniang chu hawn an inchuh rap rap. Naupang ngaina lo hle si kha mi hmuh a lanmawi tum reng rengin hmelhriat miah loh fa ka hnaih a awm te ka pawm vel a, Sawmpuia pa a lawm hmel vur vur khawp mai, leu luau hian.
Sawmpuia leh a ţhiante pawn lamah an la ri laih laih a, keichu Sammy nen kan pindanah kan ţhu ngui nghiai.
"Ka inkhawngaih e, engkim a der vek. A derin induh ber angin kan awm a, ril ka ti ţam der a, naupang ka lawm der a, mangchhia ang chiah. Ka mit hi chhing vang vang ila, engkim a ngaiah khan let leh vek sela ka ti emai" ka ti ngawih ngawih. A tlai tial tial a, ka lung a chhe tial tial. Sammy haw a hun ţep tawh lehnghal.
"In pindan hi a theih ang angin kan remsak che amaw. U Dy-i pawnlamah ala awm a, a rawn lut ţep ang. Naktukah ka lokal leh anga ka tihpui leh ang che" a ti a, mittui parawl kuang chungin ka lo bu nghat nghat. Ka ţah loh nan ka tep chuap chuap a, ka nu sawi ţhin kha a dik chiah. Naupang ber mah ila ka chhel ber. Ka ute hian ţap miah lovin pasal annei thei teuh lo mai. Ka nu chu la dam se min khawngaih ve ngawt ang.
"I ţap dawn lo tiraw?"
"Dawn lo. Hrehawm ka tih poh leh Rr-i a lawm dawn a, hlim tawk angin ka awm char char dawn" tumruh zet hian ka ti a, a duh dan ang apiangin thil ka thlen tir dawn lo.
"I pasal hneh tum tlat la engkim a dik a ni mai. I pasal i lam a a ţan tlat a pawimawh"
"Ka mizia a ngainatawm loh em hi. Engtin nge ka lamţang a ka siam theih ang? Min duh vanga min nei chu nise thuhran"
"Hneh theih dan a awm alawm"
"Eng nge?"
"Bawh beh nuam apiangin pasalte an thunun thei. Fin a ngaih rualin sexy te hi a pawimawh ve a chuan---" a sawi zo hman lo. Kut ka hum ruh a, na tawkin a lu ah ka chum. A bu luk a, dakchhuak leh vatin a hawi ruai.
"Awii kha kha chu avan na em em. Ka lu ah berkher chuan chum tawh suh, ka huat palh chuan min chum hlum der dawn sin" thutak fe hian a ti a, ka rilru hah ka lo thaw hawk duh chauh.
"At mai mai a hun tawh lova, i naupanchhiatna rilru kha paih bo tawh la, Sawmpuia nu kha i theih ang ang a duatin ngaihven la, a nu i hmangaih tlat chuan Sawmpuia'n i rilru ţhatna a hmu ang a, zawi zawiin a rilru i hneh mai ang. Thildang chu ka hrilh chawp zel ang che" ka u Dy-i haw dawn a a thu min chah. Ka pasalin min hmangaih lo tih a hria a, hrehawm tak a ka awm a hlau ber.
Sawmpuia ţhiante lah an la titi tui nasa. Hawihhawm ka chhuah peih tawh lo. Ka inbual a, ka mutsan hmak. A duh duh naah rawn mu ve tawh mai rawh se. Min rawn khawih a tum vaih chuan ka harh dawn hrim hrim sa.
"Sawmpui in harh tawh em? Dar8 a ri dawn" kan pindan kawngkhar a ri det det a, ka men rualin rang tawkin ka ţhu zui nghal. Sana ka melh a, dar8 a ri ţep. Ka chau hle aniang ka muttui emai.
"Sawmpui" a aia ringin a rawn ti leh. Khumah a mu ve lova, mangang tawkin ka hawikual nghal. Khum hnuai te ka bih thul. Pindanah a mu ve lo maw ka tih hnuah kan pindan chhunga sofa sei inhunga a mu ka hmu a, thawmhnaw la dahfel lo tam tak vawmkhawm zinga a mut vangin ka lo hmu lawk lo a ni.
A pa kha ka lo chhang mai ngam lova, Sawmpuia zawk chu ka sawi dawt dawt. A harh theih loh em vangin a hnar ka hmet ping a, rei hmeh a ngai lo. A harhchiang nghal nasa mai. Na zet hian ka kut min benthlaksak a, a ţhuchhuak ve chiah chu a lu dawmin a ner nang nang.
"Nizanah beer i in lehpek a ni maw? Ipa in a ko char char tawh che. Chhuak vat ang, kan tho tlai si i ruallo chuan ka chhuak ngam lo" tih leh a ban a vawn ka rual a, hmanhmawh lo tawkin a tho ţual ţual.
Inphih harh hma hauhin choka ah min hruai a, dawhkan bulah a nu a lo ţhu a, a bulah an nula ni awm tak a che zung zung. Nelawm deuh a min lo nuih pahin "In muttui a ni maw? Sawmpui iva la phak bik chel chual ve" a lo ti a, dam phei sela chuan a ţawng chu a zangkhaiin ngaihthlak a nuam ngawtin ka ring.
"Khawnge ka pa?"
"Tukin chu a hmanhmawh deuh a a kal hma a, a kal hmaa rawn kaihthawh cheu a tum a, in harh zo lova. Rosy lo ţhu rawh. Keichu thil ka ei hma ţhin a, i tho chiah sia thingpui i duh em?" a lo ti sawk sawk.
"Aih duh lo. Thingpui ka in vak lo" ti chung hian chair ka pawt tawlh a, tim duiin ka ţhu ta tho.
"Ila hriat loh takin hei hi in lama min enkawl ţhin tu nurse a nia Puipuii anih hi, a fel a nia, in inkawm thei viau ang" a ti a, min hnungchhawn reng tu chu nui sang chung hian a rawn hawi. A vun a mam nalhin keimah ang lo takin a nu zem a, a nui hmel hmuh a nuamin a fel hmel khawp mai.
"Nimin pawn ka lokal ve a, ka awm rei hman lova, Sawmpui i mut ala chhuah hmel e, coffee ka lo siam ang che" a ti zung zung a, a chevel ka lo enreng. Ka la tih ve a ngai awm sia, heivang hi nia chhungte nen a awm ho ka peihloh nachhan.
"Rosy class ikal zawm tho ang tiraw?" tiin Puipuii chuan min zawt a, zawhna min zawh miau vangin ka en lo thei lova, a ni lahin Sawmpuia ngawt a lo en pek.
"Chhunzawm ang. Ka zo ţep tawh sia, ka ui ve deuh a" ka tih takah chuan ka lam a rawn hawi a, a awmdan ka hmu vek tih a hria aniang chu lai deuhin a nui a, ka chhanna a hre lo nge engmah a sawi chhunzawm lo.
Sammy rawnkal hma keimahin pindan ka lo tifel a, ka pasal ve erawh min be lovin a insiam mawlh mawlh.
"Khawnge i kal dawn?"
"Dawr ah" a hmuh lohah hmui hnuailam ka tipawrh a, thlalak hi nuam a tia, midangte thla a laksak nasa ţhin. Apa in dawr a siamsak a, inneih thlalak vel pawh aman a siam thei vek ang.
"Puipuii ring tawk lo la, ka nu lo ngaihven ve ang che" a tih hnuah zan a a mutna sofa a tlawh a, "Thawmhnaw ho hi dah bo vek rawh mut dun iduh loh chuan" a tih zawm zat. Ka tum sa reng a sawi zawt zawt chu ngei viau mah ila ngawih ka chuh rih. Min nawr nasat vaih chuan a inchhir viau ang.
"Puipuii hi kum engzat nge a lokal tawh"
"Thla thum chauh" kawngkhar bul a thleng tawh tihin a ding leh chawt. Lo melh hraw chung hian "Theihnghilh inei mi?" ka lo ti vat. In melh no lo tawn ve ve chungin kan inbe ve mai mai.
"A nuam viau anih pawn mut naah kawrfual ha tawh suh puan a tla duh sia" a ti a, ka ngei tur deuh a nui vur vur chung hian chhuah mai a tum a, a intauh chawrh. Chawh lutuk. Kawgkhar a hawng tawh emaw a tih kha a lo la inhawng si lova, ka lo nuihsawh ve nasa. Min tih thinrim hnu a chhuah tum kha amah leh amah a inti thinrim a ni ringawt.
A hriat laiin vawihnih lai zah ngawih ngawihna turin ka awm tawh. Ka inveng ve ran tawh ang. Sammy rawn thlen veleh engkim ka lo hrilh nghal vek.
"Puipuii chu ka rin zawng a ni lo. Be chung chein Sawmpuia a en daih a, a ngaizawng aniang. I pasal hi veng ţha hle rawh"
"Ka peih lo. Engvangin nge ka mihring duh miah loh ka ven ve ringawt ang?" ka lo ti hmak.
"Nizanah eng nge intih?" a ti a, nupa leh khum sawizawm tawh hi chuan a mitmeng a nung sar zel. A ngaihtuahna hi bawlhhlawh ve ania aw.
"Engmah. Mut dawn a kawrfual ka lo ha kher kher kha a pawi. Ka mutthilh hnuah a rawn mu ve a, ka puan ka lo tlawh thla aniang zingah khan kawrfual nen a mu tawh lo turin min hrilh a" ngaihţhat lohna nei lem lo hian ka ti a, Sammy chuan a ngaikawi leh tho ang.
"In nep emai. Inneih zanah i kekawrte a hmu a a duhtawk der a nih chu. In pindan chhungah hian in ben thek thek hma loh chu in inpawh teuh lo" a ti hluai a, kan inneih dan hrereng chung hian beiseina a nei sang em em a, keichuan engthil mah tihpui ka tum lo bur. Duh leh bialnu dang nei sela, engthil pawh tise ka buaina tur a ni lo. Rin Ramhuaii thil tum hailan ka tum bur a, ka pasal tih lawm tumna chhete mah ka nei lo.
CONT..
"Khawiahmah kal dun ka duh lo. I peih chuan ka ţhianpa te inah min dah la, inţhen hrang nghal ang" inchhung aţanga kan chhuah rualin ka ţawng nghal zawt zawt. Nizan vanga ka inchhirna kha a reh hma chuan a bul hnaiah ka awm duh rih lo.
"Khawiah?"
"Mission Vengah a nia, ke a ka kal chuan miiin min hmufuh palh ang. Kan chhuak dun lo tih an hriat chuan min hau hrep ang" ka ti leh zat zat.
"Lokal rawh" a ti a, min hria ang a a awm duh miah lo chu mak ka ti. Lehlam zawng chuan a ţha phian. Zan a ka awmdan vang khan min chhaih vel chu nise ka zak dawn lutuk.
Helmet a khum lai te chuan min hmuh hlau tawkin ka melh leh zeuh zeuh ţhin a, bike a tihnun veleh hrilh ngai lovin rang tawkin ka lawn nghal. A san deuh vangin a kawr ka ţham tawn tawn a, a chuar duh chi a ha kher kher bawk nen, ka thlah hnu pawh ala chuar tun tho.
"Kalna tur min hrilh zel mai rawh" a ti a, ka rin ai chakin a tlanchhuak.
"I hmanhmawh viau a mi? Tlanmuang deuh rawh motor a tam si" ti chel chul mah ila awmzia a awm lo nasa. Ka ţhutna a sang auh bawk nen, ka mawng a za chuaih chuaih. Scooty nen a inang lo khawp mai.
Sammy te in awmna bawl vel kan thlen takah chuan "Aw tahkhan ding rawh" ring leng lawng hian ka ti leh a, a ding thut. Hmalam ka kawh lai tak a ni bawk nen ka inring hman lo chu ka mawng a kang awk a, amah bawh rawk pahin helmet ah ka intauh chawrh. Ka rin aiin midang ngaihsakna a nei lo daih. Ka zuang thla tharh a, phuba lak dan zuanthlak pah khan a kawr ka ţham chuar na sa kha ka ţham leh ngat.
"Ka chhungte bulah chuan nilengin kan awmdun ti ang che. Kan awmna hmun an zawh che chuan kan tlankual vel mai mai lo ti mai rawh. Ka thusawi an awih leh dawn miah lo a nia. Nang khawnge i len ve dawn?" ka ti a, ka duhna ah ka inthlah tir a, a chanchin zawh ve loh chu a mawi vak si lova, bakah ka nel thiam leh ka vannei a ni mai. Ka ngainatna a bo deuh tawh na a ka ţhatna tur a thil ka tih ve a ngai.
"Hospital ah ka nu bulah ka kal ang" ka chhan leh hma in min kalsan leh tawh. Kalsan ah hian ka ţang bik reng mai. Step ah ka chhuk a, an inchhak chiah a ui in min lo bauh leh tawh. Ka kalpelh dawn hian a bengchheng chiam zel. Ui hrim hrim hi, eng size pawh nise ka hlauh em vangin "Zahngai, zahngai" tih pahin chak thei ang berin ka kal. Ka pi hian kan hlauh deuh chu zahngai tur a ngen ţhin tur a nia, he ui hi zahngaihna ka dil ngun ta khawp mai.
"Sammy...ehe nangmah chiahin law i awm?" a lu a tuam luk a, a fai ser sawr danah a inbual zo chiah a nih hmel.
"Ni e. Nizana ka sual ka lo tleuh fai vel chiah a nih hi. Min vin vak vak a min rawn zawng leh tho sia" a kuttin kheuh pahin ngeiawm deuh hian a mengkual vel a, ka vawm chawrh dawn em maw ni ka ti rum rum.
"Keichu ka rilru hah emai. Ka pite inah min kalpui te" tih pahin ka ţhu zawi hnawk. Pasal neih hi ka ngaihtuah chian poh leh ka ngaingam lo.
"Rin Ramhuaii chuan neihtir che a tum lui tlat tho mi? An mak ve ngawt mai. Ipa pawh hi taksa nei lian ţha ţel ţawl hle si dawih de du lutuk. Keini phei chu a vawikhat nghawkah pawh kan thi daih thei ang tih tur khawp anih laiin inu RR-i hi a hlau lutuk a ka lo thinrim tlat zel" uar fe hian a ti a, sawichhe chiam chiam mah ila thil tithei zawk an ni miau sia.
Ka pa nu leh pate hi keini unau chuan kan pawh zawk a, ka nu te lam chu thingtlangah daih an awm. Min hmangaih vek tho a, he thil pawh hi an hria anih chuan an thinrim ve khawp ang. Sammy nen a step a kan chhoh laite chuan ui hlau bawkin ka "Zahngai" chho leh mawlh mawlh.
"A seh dawn lo che khatin ti ve ziah suh. A hrethiam chuang lo"
"I hlauh deuh ila tawng ve lo mai mai anih kha" ka ti vin hlar a, hlauhzawng in hriatthiampui loh hi ka ngei zawng tak.
Ka pite in a kan kal pah pawn kawngtluanin Rin Ramhuaii kan rel. Ka pi leh pute leh ka unaute ngei pawn min khawngaih thu bak sawi tur an hre lo. An sawifel hma in ka pa an lo sawipui fe tawh a, an beidawng a ni awm e. Ka ute pahnih hnenah chuan "In saw vil reng ang che u. Rin ramhuaii hmingin dah tir miah suh u" ka ti a, kan unau hi hmeichhia vek kan ni. Mipa awm ila chuan he thil hi a thleng kher lo maithei.
"Inu thi hma lutuk hi chu a pawi ngawt mai. Keini lahin hna kan thawk thei si lova, ipa kan mamawh hun a awm lo thei lo ţhin a, kan thu chu nise pasal inei miah lovang" ka sam chul hliau hliau pah a ka piin a tih chuan ka men deuh pur. Ka ţah a chhuak hlawl lova, ka thinrimna leh Rin ramhuaii thil tum ka hrechak lutuk hian ka ţah a tichhuak zo lo. Ka la pawm theih loh vangte pawh a niang.
Ka pite khawlaiah Sammy nen kan ţhu a, kan thaw leh halh ţhin. Kan beidawng ve ve tawh. Engkim an sawirem vek tawh a, a theih ang angin an inbuatsaih ţan tawh. College takngial pawh ka zawh hmain pasal ka nei dawn chu a ni sia, â phuang chi ka ni bawk nen, mi in a awm ka hreh ngawih ngawih.
"Rosy tunge ţhianah i hman dawn? Theih chu nise keimah hi ka ţang chak e" rilru hah lai laiin ka phone in a hmaiah ka hawlh nawk nawk.
"Pathian zah ve ta che. Mipa ni chungin hmeichhia angin i awm pawh tih tawh nak laiin zu i heh si, mo ţhian a ţan ila tum zui a" ka ti a, hetiang hian ka ti ziah a, a haw ngai lo.
"Thinlung hi a pawimawh. Ka thinlung a ka ţih phawt chuan ka landan hian awmzia a nei lo. Tuai hi min hmusitin min zuam miah suh u. Kan mipa tha kan chhuah chuan min hneh lo an tam ang"
"Chu mipa ini tih i inhriat reng chu"
"Inhre mah ila hmeichhia ka duh thei hleinem. Hmeichhe thil hian ka mit an la zawk vek inchei naah pawh" ţawngthei si. Ka sawisel chhung zawng min hnialna a hre leh dawn a ka ngawi daih. Kan inhau reng a, ţawngkamin a daih loh tawp a inkeh bawrh bawrh chang lah kan ngah. Kan inkawm leh zel tho sia.
Tlai tawkah ka haw a, chanchin min lo zawt vel luam lehnghal. Ka hrilhţha peih lo. Zanlaiah pindanah ka la vei tawn sek. Ka pasal turin min ngaipawimawh lo ropui si, hawihhawmna tlem te pawh a lantir duh lova, tlanbo dawn ta ila pawisa ka nei si lo. Lo intihlum ta ila hremhmunah ka ţe leh chel chul awm tho si. Ka sam ka tuai nawk nawk a, ka thaw a ipik ngawih ngawih.
Ni a kal zung zung a, ka pasal neih ni a thleng. Ka ţhianpa Sammy ngei chuan min chei a, ka u chiah Melody ţhianah ka hmang.
"U Dy hmelţhatzia hi chei i nuam bik tawp. I hmai te hi a nem thep a" Sammy chuan a ti hlawi hlawi a, Dy-i hi a ngaisang tlat.
"Chei ka nuam ve lo itih na mi? I hriat lohin hnuailam lenna ka pe mai ang che ka tih tawh kha aw" tiin ka vau pung pung. A len a hlau em alawm.
"Rosy hmai thap hrup ka tuai naah ka kut a pilh nasa lutuk a, a thip zawr zawr reng mai" min melh ran chung hian a ti a, haw viau mah ila mokawrin min cher khawng hneh em vangin ka che peih lo.
Biakin hawng ngatin pasal nei mah ila ka duh leh hmangaih ngei ka nei lova ka nui lui thei hlawl lo. Thutiam min chham tir lai te chuan ka ti vel mai mai. Inţhen dawn a "Ka tider a" tih leh mai theih te hi ni ţhin se ţha tur. Pastor thusawi lah engmah ka hre mumal lo. Ka hmuhphak a ţhu ho ka melh kual ralh ralh a, inneih ni aţangin ka rilru ah inţhen chiah a awm.
Engkim a nih dan turin kan ti ve vek. Ka lawi luh lai te chuan ka pik mup mup. Hunserh awm tur ang zawng zawng a zawh hnu ah Sawmpuia chuan a nu cher ve tawh tak chu a kal duhna apiangah a kaikual a, a duat hmel hle. Venflon a vuah a, a ţhiante pawn a damloh thu an sawi tak kha. Apa ala ţhalai hle sia, a nu erawh a cher em vangin a lang tar bawih.
Kan pindan turah bungraw chi tinreng nen ka ţhu nuaih. Ka hne, mitkhap kar lekin mi nu ka ni der. Khawvela ka pian chhan ho bik lutuk hi ngaihtuah thui chiam chi pawh a ni lo.
Sawmpuia a rawn lut ve hlawl a, ka lo melh rawm rawm.
"Chaw a ei theih"
"Ka rilţam lo. Ka chau hahdam ka duh" ti nghut nghut mah ila min phih tho lawp.
"Iva sual ve"
"Mi hmuhah nupa ang a awm angai. Ka pa hmingţhat nan. Eichak lo mahla eilui rawh. Iduh leh i luak leh mai dawn nia" a ti a, ka ban a hmerna te chu a na lutuk tawh. Ka rin aiin a chak daih.
"I hlimna aiin ipa hmingţhatna i thlang zawk a ni maw?"
"Ni love, ka nu himna zawk. Rawn chhuak vat mai rawh. Nge hmanzan ang khan kan ti leh phawt dawn?" ka ban a vawnna thlahin min hnaih lehzual a, pawisawi ngai lo ang maiin ka lo hlau nasa.
"I thil duh ber tihsak che ila thu i awih deuh ang a" a tih leh phei chuan hnunglamah ka awn duai tawh. A nui hmel te chu a landanah mawi ve viau mah sela ka rap ru riau.
"Engmah ka duh lo. Hmanzan pawh ka hre lo. Ka lokal ang, ka ei hnem viau ang" ka ti zawt zawt.
Mi hmuh lai chuan ka kawngah a kuah a, a pa ţhiante a ni ber. Keipawh ka nui lui nasa tawh. Kha thil kha a sawichhuah leh hlauin ka nui duai duai a, a za lo lutuk hi ka ţah te lam lam a chhuak zawk. Ka intiam ang ngeiin chaw ka ei zui nghek. Dy-in min khap nghe nghe. Kan nu RR-i lah pheikhawk sang auh bunin a tei kual sek a, patling pui pui bulah a nui thler nasa. Hmui tereuhte pawh hi a lo fan ve nasa thei khawp mai.
Present te kan hawng a naupang ho nen kan ri dar dar. Naupang nuam tih chi tak aniang chu hawn an inchuh rap rap. Naupang ngaina lo hle si kha mi hmuh a lanmawi tum reng rengin hmelhriat miah loh fa ka hnaih a awm te ka pawm vel a, Sawmpuia pa a lawm hmel vur vur khawp mai, leu luau hian.
Sawmpuia leh a ţhiante pawn lamah an la ri laih laih a, keichu Sammy nen kan pindanah kan ţhu ngui nghiai.
"Ka inkhawngaih e, engkim a der vek. A derin induh ber angin kan awm a, ril ka ti ţam der a, naupang ka lawm der a, mangchhia ang chiah. Ka mit hi chhing vang vang ila, engkim a ngaiah khan let leh vek sela ka ti emai" ka ti ngawih ngawih. A tlai tial tial a, ka lung a chhe tial tial. Sammy haw a hun ţep tawh lehnghal.
"In pindan hi a theih ang angin kan remsak che amaw. U Dy-i pawnlamah ala awm a, a rawn lut ţep ang. Naktukah ka lokal leh anga ka tihpui leh ang che" a ti a, mittui parawl kuang chungin ka lo bu nghat nghat. Ka ţah loh nan ka tep chuap chuap a, ka nu sawi ţhin kha a dik chiah. Naupang ber mah ila ka chhel ber. Ka ute hian ţap miah lovin pasal annei thei teuh lo mai. Ka nu chu la dam se min khawngaih ve ngawt ang.
"I ţap dawn lo tiraw?"
"Dawn lo. Hrehawm ka tih poh leh Rr-i a lawm dawn a, hlim tawk angin ka awm char char dawn" tumruh zet hian ka ti a, a duh dan ang apiangin thil ka thlen tir dawn lo.
"I pasal hneh tum tlat la engkim a dik a ni mai. I pasal i lam a a ţan tlat a pawimawh"
"Ka mizia a ngainatawm loh em hi. Engtin nge ka lamţang a ka siam theih ang? Min duh vanga min nei chu nise thuhran"
"Hneh theih dan a awm alawm"
"Eng nge?"
"Bawh beh nuam apiangin pasalte an thunun thei. Fin a ngaih rualin sexy te hi a pawimawh ve a chuan---" a sawi zo hman lo. Kut ka hum ruh a, na tawkin a lu ah ka chum. A bu luk a, dakchhuak leh vatin a hawi ruai.
"Awii kha kha chu avan na em em. Ka lu ah berkher chuan chum tawh suh, ka huat palh chuan min chum hlum der dawn sin" thutak fe hian a ti a, ka rilru hah ka lo thaw hawk duh chauh.
"At mai mai a hun tawh lova, i naupanchhiatna rilru kha paih bo tawh la, Sawmpuia nu kha i theih ang ang a duatin ngaihven la, a nu i hmangaih tlat chuan Sawmpuia'n i rilru ţhatna a hmu ang a, zawi zawiin a rilru i hneh mai ang. Thildang chu ka hrilh chawp zel ang che" ka u Dy-i haw dawn a a thu min chah. Ka pasalin min hmangaih lo tih a hria a, hrehawm tak a ka awm a hlau ber.
Sawmpuia ţhiante lah an la titi tui nasa. Hawihhawm ka chhuah peih tawh lo. Ka inbual a, ka mutsan hmak. A duh duh naah rawn mu ve tawh mai rawh se. Min rawn khawih a tum vaih chuan ka harh dawn hrim hrim sa.
"Sawmpui in harh tawh em? Dar8 a ri dawn" kan pindan kawngkhar a ri det det a, ka men rualin rang tawkin ka ţhu zui nghal. Sana ka melh a, dar8 a ri ţep. Ka chau hle aniang ka muttui emai.
"Sawmpui" a aia ringin a rawn ti leh. Khumah a mu ve lova, mangang tawkin ka hawikual nghal. Khum hnuai te ka bih thul. Pindanah a mu ve lo maw ka tih hnuah kan pindan chhunga sofa sei inhunga a mu ka hmu a, thawmhnaw la dahfel lo tam tak vawmkhawm zinga a mut vangin ka lo hmu lawk lo a ni.
A pa kha ka lo chhang mai ngam lova, Sawmpuia zawk chu ka sawi dawt dawt. A harh theih loh em vangin a hnar ka hmet ping a, rei hmeh a ngai lo. A harhchiang nghal nasa mai. Na zet hian ka kut min benthlaksak a, a ţhuchhuak ve chiah chu a lu dawmin a ner nang nang.
"Nizanah beer i in lehpek a ni maw? Ipa in a ko char char tawh che. Chhuak vat ang, kan tho tlai si i ruallo chuan ka chhuak ngam lo" tih leh a ban a vawn ka rual a, hmanhmawh lo tawkin a tho ţual ţual.
Inphih harh hma hauhin choka ah min hruai a, dawhkan bulah a nu a lo ţhu a, a bulah an nula ni awm tak a che zung zung. Nelawm deuh a min lo nuih pahin "In muttui a ni maw? Sawmpui iva la phak bik chel chual ve" a lo ti a, dam phei sela chuan a ţawng chu a zangkhaiin ngaihthlak a nuam ngawtin ka ring.
"Khawnge ka pa?"
"Tukin chu a hmanhmawh deuh a a kal hma a, a kal hmaa rawn kaihthawh cheu a tum a, in harh zo lova. Rosy lo ţhu rawh. Keichu thil ka ei hma ţhin a, i tho chiah sia thingpui i duh em?" a lo ti sawk sawk.
"Aih duh lo. Thingpui ka in vak lo" ti chung hian chair ka pawt tawlh a, tim duiin ka ţhu ta tho.
"Ila hriat loh takin hei hi in lama min enkawl ţhin tu nurse a nia Puipuii anih hi, a fel a nia, in inkawm thei viau ang" a ti a, min hnungchhawn reng tu chu nui sang chung hian a rawn hawi. A vun a mam nalhin keimah ang lo takin a nu zem a, a nui hmel hmuh a nuamin a fel hmel khawp mai.
"Nimin pawn ka lokal ve a, ka awm rei hman lova, Sawmpui i mut ala chhuah hmel e, coffee ka lo siam ang che" a ti zung zung a, a chevel ka lo enreng. Ka la tih ve a ngai awm sia, heivang hi nia chhungte nen a awm ho ka peihloh nachhan.
"Rosy class ikal zawm tho ang tiraw?" tiin Puipuii chuan min zawt a, zawhna min zawh miau vangin ka en lo thei lova, a ni lahin Sawmpuia ngawt a lo en pek.
"Chhunzawm ang. Ka zo ţep tawh sia, ka ui ve deuh a" ka tih takah chuan ka lam a rawn hawi a, a awmdan ka hmu vek tih a hria aniang chu lai deuhin a nui a, ka chhanna a hre lo nge engmah a sawi chhunzawm lo.
Sammy rawnkal hma keimahin pindan ka lo tifel a, ka pasal ve erawh min be lovin a insiam mawlh mawlh.
"Khawnge i kal dawn?"
"Dawr ah" a hmuh lohah hmui hnuailam ka tipawrh a, thlalak hi nuam a tia, midangte thla a laksak nasa ţhin. Apa in dawr a siamsak a, inneih thlalak vel pawh aman a siam thei vek ang.
"Puipuii ring tawk lo la, ka nu lo ngaihven ve ang che" a tih hnuah zan a a mutna sofa a tlawh a, "Thawmhnaw ho hi dah bo vek rawh mut dun iduh loh chuan" a tih zawm zat. Ka tum sa reng a sawi zawt zawt chu ngei viau mah ila ngawih ka chuh rih. Min nawr nasat vaih chuan a inchhir viau ang.
"Puipuii hi kum engzat nge a lokal tawh"
"Thla thum chauh" kawngkhar bul a thleng tawh tihin a ding leh chawt. Lo melh hraw chung hian "Theihnghilh inei mi?" ka lo ti vat. In melh no lo tawn ve ve chungin kan inbe ve mai mai.
"A nuam viau anih pawn mut naah kawrfual ha tawh suh puan a tla duh sia" a ti a, ka ngei tur deuh a nui vur vur chung hian chhuah mai a tum a, a intauh chawrh. Chawh lutuk. Kawgkhar a hawng tawh emaw a tih kha a lo la inhawng si lova, ka lo nuihsawh ve nasa. Min tih thinrim hnu a chhuah tum kha amah leh amah a inti thinrim a ni ringawt.
A hriat laiin vawihnih lai zah ngawih ngawihna turin ka awm tawh. Ka inveng ve ran tawh ang. Sammy rawn thlen veleh engkim ka lo hrilh nghal vek.
"Puipuii chu ka rin zawng a ni lo. Be chung chein Sawmpuia a en daih a, a ngaizawng aniang. I pasal hi veng ţha hle rawh"
"Ka peih lo. Engvangin nge ka mihring duh miah loh ka ven ve ringawt ang?" ka lo ti hmak.
"Nizanah eng nge intih?" a ti a, nupa leh khum sawizawm tawh hi chuan a mitmeng a nung sar zel. A ngaihtuahna hi bawlhhlawh ve ania aw.
"Engmah. Mut dawn a kawrfual ka lo ha kher kher kha a pawi. Ka mutthilh hnuah a rawn mu ve a, ka puan ka lo tlawh thla aniang zingah khan kawrfual nen a mu tawh lo turin min hrilh a" ngaihţhat lohna nei lem lo hian ka ti a, Sammy chuan a ngaikawi leh tho ang.
"In nep emai. Inneih zanah i kekawrte a hmu a a duhtawk der a nih chu. In pindan chhungah hian in ben thek thek hma loh chu in inpawh teuh lo" a ti hluai a, kan inneih dan hrereng chung hian beiseina a nei sang em em a, keichuan engthil mah tihpui ka tum lo bur. Duh leh bialnu dang nei sela, engthil pawh tise ka buaina tur a ni lo. Rin Ramhuaii thil tum hailan ka tum bur a, ka pasal tih lawm tumna chhete mah ka nei lo.
CONT..
Comments
Post a Comment