DUMB AND DUMBER-6
DUMB AND DUMBER-6
SAWMPUIA
Cabin lam pan a kan kal laiin ka hming a min ko ri ka hria a, hawilet lo mah ila min ko tu chu tunge a nih ka hria. Min ko tu in min rawn umphak hma in Rosy hnenah "Kal hmasa rawh. 7 ah a awm" ka ti a, a kal hma in min en hu hu. Midang ang tho in a beng a la ţha ve a, min koh ri kha a hreve. Vanneihthlak takin a hawi hu hu reilo hlauh. Thui pawh a kal hma in Mazualte in min rawn dinchilh rap.
"I dam em Sawmpui?"
"Dam e" hlim hmel pu sang chungin dak vah hian min en a, a inrintawk hmel khawp mai. A coat var hak chu a inhmeh takzet. Ka mitah chuan a la ţha ber reng. Internship ti lai mek niin ka hria. Duh lo mah ila ţhiante hnen aţangin chanchin ka hre ve zel.
"Nupui inei niin ka lo hria a, lokal ve duh viau mah ila ka lawmpui thei si lo che a. Ka lokal chuan ka lawmpui che tihna a ni dawn a, ka lokal ta lo mai anih kha. Kum khat lai inţhen tawh mah ila hmeichhe dang nen a in awmdun vel kha ka hmu peih chuang lo a, nupui neih chu thil ho mai mai a nih loh nen ipa i hnial thei si lova"
"Dem ka hlawh leh dawn ni maw?" ka lo ti a, Mazualtei lo hi ngaihzawng ka la nei lo. Kan inkawp rei a, kan inkawp chhung zawng khan engkimah, buaina kan neih apiangin min dem zawk ziah. Ka nin tawpah la duh viau chungin ka ţhen.
"Ngaihdam ka dil mawlh mawlh che kha. Min hmangaih la chuan min ngaidam awm emai. Bialpa pawh ka nei thei tawh lova, min duh der ve tute nen ka tehkhin zel che a, i hnen tluk a hahdamna ka nei lo. Nang chuan hetiang zawng hian min runluih a" a ti hluk hluk.
"Thil thleng tur a thleng vek tawh. Bialpa chu nei rawh. Keipawn nupui ka nei tawh" kal mai ka tum laiin ka banah a vuan leh tlat tawh. Ning awm deuhin ka awm lui a, a tan a hmuh nuam lo tur a awm ka duh.
"Nupui inei ringawt a i hmangaih hleinem. Hmangaih chu sawi loh iduh vang a nei pawh ini lova, midang bum mah ula i ţhianten thudik an hria a, min hrilh duh tawk an awm zel" a ţawngring sawt khawp mai. Min kal hnaih deuh hlek te chuan min en hrek hrek.
"Min thlah rawh khawlai a nih hi"
"Khawlai lo a biak che ka tumin i duh hleinem. Min block tawh suh. Hmalam ila pan thei bik lo tih ka hria"
"Nupui ka nei tawh. Hmalam ka pan leh pan lohah lo buai suh. Ka hmangaih emaw hmangaih lo emaw ka nupui a nihna a bo lo. Min rawn biak tum buai duh suh" ka ti a, a coat ang ha ve ho naupan hmel te te an lo chhuak zeuh zeuh. Min thlah duh chuang der lo.
"Ilo nunrawng khawp mai. Internship ka ti zo ve ţep tawh a, private hospital ah inhlawhna ka zawng kual ang ka tia, nangmah nen a kan hmalam hun tur ngaihtuah ranin engkim ka ti vek. Lehkhazir aiin thlalak i ngaina zawk a, chuvang chuan keimah zawkin ţhahnemngai deuhin ka zir a, engkimah ka ngaihtuah tel vek che. Ka luhlulin ka tum a ruh a, ka duh chu ka nei ziah. In elna ka ngaina a, ka elpuite aia hmasa zawk a awm nuam ka ti. Ka bansan mai mai lovang che. Ka lo nghak ang che. Ngaihdam dil reng chung che in kum khat ka nghak tawh che a, kum khat dang pawh ka la nghak thei" a la ti sauh sauh.
"Min nghak chhuak lovang tih ka hlau khawp mai. Ka pa ang ka ni ve lo. Ka nupui rinawm loh san ka tum lo. Tun hi kan inbiak tawpna ni rawh se. Min hmuh leh hunah pawh min hrelo angin awm rawh" ka ti a, phallo viau mahse ka kalsan lui. Ka pa hian ka nu hi vawi engzat nge a rinawm loh san tawh? A zat ka chhiar seng lo. Fel awm deuh a awm si hian hmeichhe a lawm riau. Ka pa ka huat rukna hi ka naupanlai aţanga ka pai tawh a ni. Ka ngaihsan loh em vang hian amah ang nih ka tum lo. 'A pa a chhun' min tih hian ka lungawi ngai lo. Rosy nen min inneih tir chhan pawh hi ka hrethiam. Rri nen an inkawp ru a, an inhmuh chang pawh a midangin an chanchin an sawizui loh nan chhungkhat a insiam an duh. Ka nu hi a fel nen a vanduai khawp mai. Ka nu duhthusam ber a thih hmaa nupui min neih tir a ni mauh mai bawk nen, ka pa lahin remchang a zawng vat. Ka nu duhthusam chu nilo se, ka nu hi dam leh thei chu ni sela nupui ka la nei lovang.
"I rawnkal ve hma in mi sawmhnih chiah chiahin a khat pheuh pheuhin min kalpel hman. I va rei ve, eng em em nge in sawi a?" a vin tan tan khawp mai. A te viau na a zuam sual a awl viau ang.
"Min lo nghak alaw?"
"Keimah a ka luh duh bik i ring a mi? Awm nawm loh sa nak laiin nawm loh iti zual. Ka ke a kham vek, ka kawng na a tizual. I rei dawn chuan min dah phawt la kal leh mai ta che" a la ti zat zat. A hnung lam a nurse pahnihin an nuih tih a hre der si lo. Hre mahse a zak leh tawp nang, a dangdai emai. Ti lang lo mah ila a chang hi chuan boruak a ti zangkhai phian.
Ui ang mai a a hnar a tum dut dut hnuah ka jacket ban a rawn hnim kual den den. Mazualte in a vawn a, a pawm beh tlat na lam ngei kha.
"Hmeichhia i hmu chiang. Lo ko tu che kha ni maw? Perfume a van hmang nasa awm em em, a bul a awm ringawt chung pawn i kai nghal vek" inhnim ve ngial mah ila danglamna a neih ka hre lo. Ka perfume rim nam riai riai chiah ka hria.
A hmel en a a hnarkua hmuh nghal chat theih khawpin a hnar a vang lova, ka ţhiante hian hnar vang tak tak chu an lam han hawi ila hnarkua in min lo hmuak a an ti ţhin a, chutiang chu a ni lo. A rimhriatna a ţha khawp mai. A hnarkaw inlen hleih kha chu chhaih thinrim nan a ka sawi mai mai. Mizo ah chuan a hnar a nalh lutuk tlat.
"I rim hriatna a ţha hle mai"
"Ţha e. Ka naupanlai aţang tawhin ka uten pindan kharphui vek a thil an ei ruk pawn ka hre thei. I rawn thlen hlim khan perfume rim ka hre nghal. Khawlaiah in lo inkuah vel a ni lo maw? Tunge a nih a?" eng nga tan mah min tih loh zia hrechiang hle lo ila chuan a thik emaw ka ti maithei.
"Kal ang" a zawhna pehhelin a darah ka kuah a,ka nu awmna lamah ka kalpui. Kan boruak rit ru zet reilote chhung atan a ngaihtuah loh zawk te hi a nuam ve. Rosy kianga ka awm chuan ka rilru kal bing mup mup tur a zia ve deuh ţhin.
Ka nu a lo la muhil bam a, ka khawngaih takzet. Rri leh ka pa an lo awm. Puipuii a bo leh hmak tawh.
"Awii ka thleng chiah ka bag ka dah fel awrh hman chauh. Kan la inhmu teuh ve, in lokal dawn tih hria ila chuan ka lo nghak tur cheu nia" a dawheh khawp mai. Kalkawngah Rosy a ding reng. Ka melh zawk a, a lo hrethiam ve vat. A hmu lo tih lantir nan lu a thing.
"Ka pa in lamah chawl hahdam tawh rawh. Rosy nen kan lo riahpui ang. Zanin chu awl rawh"
"Chawhma chhung ka mu a, ka harh hawk mai. Zan lam chu nia induh leh riak ula, nakin deuhah ka haw ang" a ti a, Rri erawh ka be zawm lo. Ka nu khum bulah chair ka dah a, ka pa te hnungchhawn zawngin ka ţhu. Thil ka hrethiam ţan uarh uarh a, ka hmupeih lo. Rosy pawh khumah a ţhu a, a nuhrawn chu a be bik lo. Ka dem hran lo khawp mai. Hetiang nuhrawn hi nei ve ila ka ngaina bik lovang.
"I rilţam em? Chhunah thil ka ei lo iti sia"
"Å¢am lo. Ka period lai chuan eng thil mah ka eichak lo" a ti sep. A nuhrawn vang te pawh niang, a ngui tawh riau.
"Engtik thleng nge tuipui sen i kan dawn?" min hmuh hlau zetin ka nui ru vur vur. Min hrilh lai khan mak ka tih vangin ka nui lova, ka ngaihtuah chian hnuah ka nui leh hnuhnawh.
"A hriat loh. A changin a rei a, a changin a rei lo. Ninawm tak a ni, hmeichhia i ni lo kha lawm hle rawh" a thusawi tawp lam chu a uar tan tan khawp mai. Mazualtei hnen aţangin chocolate ţhat thu hmanah ka hretawh. A mood a fuh lai pawn a thinchhia a, a mood a fuh loh phei chuan a ropui dawn em a tiin U Biaktei ka chah tel a, keiman a pek ka duh loh vangin a lukhamah ka dah. Ka duh loh hnu khumah ka thleh thla ah ngai se ka tia, kawi deuhin ka dah.
Ka pa in haw a tum rualin Rri a ding chawpchilh ve.
"Ipa rual hian kan haw ang nge, motor dang chan chawp leh ai chuan a awlsam mai" ka lo nui suk. Ka rin lawk dan chiah.
"Sawmpui i u Biaktei chaw pe tur cheu in ka rawn tir ang. Inu kha lo ngaihven ţha ula, zanah inmut chhawk ru aw. In tlaivar ve ve chuan in chau lutuk ang" min ngaihsak ve hmel fe hian a la ti zui.
"Tunah dar3:30 nia, kan in a hla vak lo bawk a dar4 hma in thlen tum la, U Biaktei chu rawnkal vat rawh se"
"Nia traffic a jam loh chuan ka thleng thei turah ngai ang" ka nu damlo a zual hnuah pawh a insum thei chuang lo a nih hi. Ka nu awm loh hnuah duh duh a a awmtheih a inring a ni maithei. Ka nu hi boral chiah sela chuan a rin ka ang lo khawp ang.
ROSY
"Bz-a hi a lova thleng har ve. Rawnkal vat se U Biaktei chaw rawn dah hi thlah haw thei se ka tih nen. A ni hi a rawn zan kal vel ang a" a thusawi chuan ka beng a verh kaw hawk. Sammy rawnkal a tum a, Bz-a a rawnkal bawk chuan an inhmu dawn tihna. Hria se chu a phur ang chu aw. A inchei rei lehpek viau ang.
"Rose i nawm loh viau leh haw la, U Biaktei nen kan riak thei" a tih chuan lu ka thing nawk nawk. A pa nen chauh a awm ka duh lo hrim hrim. Ka hlau deuh reuh tawh e a(h). Ka nuhrawn Rri nen an awmdan kha ka hmu ru vek. An inmelh dan vel te kha, ka ten lutuk. Sawmpuia hi a nu vangin a rilru hah lo sela chuan ka hrilh ngei ngei ang mahse...
"Engtin maw min koh a?" ka ti hluai. Hey tih hlirin min ko ţhin sia, tunah kha chuan min ko duat ve in ka hria.
"Rosy" sawisual hlau deuh hian a ti a, ka zawh nawn lai khan a darah vuanin ka kuai her sawk bawk nen a hrilhhai hmel lek lek.
"A nih loh kha. Khatiang lo deuh khan min ko"
"I hresual anih chu" an ti hmak a(h), min duat hreh ve thei sia.
"Hresual nang, Hey min ti ziah a, tunah tak kha chuan min koh duat ve deuh kha"
"Nihchuan Bawihte ka ti anih dawn chu" ka ri deuh har har lai ka tawp chawt a, sawifuh intih hmel fahran hian a lo la nui suk zui. Chan ţha ka chan tir duh bik lo hrim hrim.
"A ţha, tiang hlir chuan min ko tawh rawh. Kan pahnih chiah a kan awm kher loh pawn Bawihte min ti ziah tawh ang che" sam phe suau khawpin ka inher a, shampoo fakna vel a ka lan duh hmel viau laiin khum mawng lamah ţhu thla lehin ka nu ke ka hmet.
Sawmpuia chuan a kut thisen an lakna hnu vel te a chulsak ve thung a, a nu chu a lainat hmel khawp mai. Kan ti ti inrual lovin inhnial leh zeuh ţhin mah ila a rei ngai lo. Ka nu mu reng chuan kan rilru zawng zawng a luah lo thei lo.
Ka nu pawh a harh zeuh zeuh a, a mu leh ţhin. Sawmpuia nen a min hmuh chuan chau hle mahse a nui lui hram hram zel a, damţha leh thei se ka ti. Bz-a rawn thlen hnu deuh lawkah Sammy a rawn thleng. A rawn luh hlim chuan a lai ve ţep ţep. A kal pawh duhthusamin a no thei lo.
"Ken tur dang ka hre lova, pangpar ka lo keng tawp"
"Pawi lo. I lokal a a lawmawm" Sawmpuia zawkin a lo ti a, a nu duhsak tute hi chu a ngaipawimawh thiam riau zel.
"In inchhungah pangpar in dah nasa a, thlalak ah lah nise i sen lai aţangin i awmna bul apiangah pangpar khawi sa diam a awm ziah. Inu in pangpar a lawm tihna ania, a harh apianga pangpar mawi lutuk a hmuh tur dahsak nachang hre ta che" tiin Sawmpuia a hau leh daih tawh.
"Ka lo hre tawh ang" a ti zawi sup. A ngam loh a tawng e. Tuai ho hi chu hnial loh an ţha. Hmanah Sammy nilo tuai dang nen kan inhnial tawh a, ka sim. Sammy aiin a no lehnghal a, ka thusawi apiang min hnial thla thei zel. Ka nin tawpah ka sualpui a, insual meuh chuan a mipa tha a chhuah leh sia, ka hneh lo nasa. Vawi tam tak 'a tawk' ti a ka chaklohna ka pawm hnuah min haw tir ve chauh. Khata ţang khan fiamthu lo chuan ka chhaih tawh ngai lo.
Ka nu vil reng a ngai a, a duh leh mamawh apiang tihsak zel kan tum. Kan nupa chuan ka nu hnaih a awmin kan vil reng. Sammy leh Bz-a te chuan duhthlan tur nei hek lo. Ţhutna dang a awm miau loh vangin an ţhudun lo thei lova, Sammy nui keh hui reng lai Bza'n rum zet zetin a melh ringawt. Sammy hi zaktheilo huam huam a ni ve lova, a hnaih ngam chiah bik lo.
Zan chu a reh vung vung khawp mai. Ka nu nen ka ti ti vel luam a, min mutsan leh tawh bawk si. Tih tur hre lova ka hawikual relh relh laiin Sawmpuia phone bih chu a rawn nui chhhuak hawk. Phone hian kan inawm tlei thei tawh hlawm a, tumah kan inpawh hlei thei tawh lo. Kan phone kan buaipui lutuk hlawm vang hian awmdun reng chung pawn inbe miah lovin a awm theih.
"Bz-a message hi en teh" tih pah hian a hmaizawnah a phone a rawn lek kang a, ka lo chhiar mual mual.
[Sammy awm lai chuan ka lokal tawh dawn lo. A chhan chu innu khan zawt mai rawh se] tih te hi a rawn thawn a, han nuihzat viau tur ka hre ve lo na a, Sammy chu message ka thawn ve nghal. Tih tur dang a awm chuang lo bawk a.
[Engtin nge Bz-a itih a?] tih hi ka thawn a, kan va chhangchhe tak. Tupawh chhuizui vek ngai. Keilah inthlak tur a bathroom kal reng ka ngai lehnghal. Chau hnap hnap tak ka ni.
"Ka zawt mek a, min chhang har leh ngawt ang. Hepa hi chu hmanhmawh thilah phei chuan call tawp a ngai. Chuan vawiin a lo ko tu che kha tu maw?" ka ti leh ngat. Ka hrechak zek zek. Ka thik hauh lo na a khati khawp a nghahrei ngai kha mak ka ti deuh hlek.
"Ka ţhian hlui" tih chiah min hrilh duh lehnghal. Keipawh hi 'ka ţhian' min tia, a ni ngaihah chuan a nupui ka ni lo. A nupui angah min ngai se chuan tun ang hian kan inpawh teuh lo. A ţhian a min ngai hi a ţhatna chen a awm. Duhna nei miah lovin inhre mah ila a rilru ţhatzia erawh ka hmuchiang tawh khawp mai. Min duh miah lo ve tho chungin min nei a, ţhian ang a min ngaih hma pawn ka hrehawm tihna turin a awm ngai lo. A nu a chhun ve na lai tak.
"Va mu daih rawh. Ka nu pawh a muhil tho a, puih ka ngaih tak leh ka rawn kaitho mai dawn che nia"
"Ka theih chen chen ka menpui ve lawk ang che" ka ti ve ţalh. Rilru hah deuhin amah chauhin a lo awm leh ang tih ka hlau. A nu a hmangaihzia ka hrechiang a, amah chiah a a awm chuan a eng zawngin eng thil mah a ngaihtuah lovang. A nu a chau bawk nen, meng ve reng thei turin ka intiharh hram hram.
[Engtinmah. Canteen inkal hlan pawn U Biaktei a awm ve reng kha. A zun zawk hlanin ka fiam a, ţhian angin awm ang ka tia, tih tlangnel nan khapdiau ka tia, ka kut ţang pangang angin ka khap vel mai mai nih kha a ban velah khan. A ho tik tek lutuk. Min kawm duh loh chuan ka kawm duh bik lo] Sammy message ve thung. Sawmpuia ka chhiar tir a, mi pahnih inhmufuh hleithei tawh lo te chu kan lo hlimpui phian.
Zing hma tawkah ka pa a rawnkal. Ka nu hi ka pa a hmuh aiin Sawmpuia a hmuh hian a hlim hmel ţhin zawk. Pasal nei fu lo a inti ve ţhin ngawt ang. Ka pa mizia hi hriatthiam a har emai, palian pui ni si hi aipui leh aite nei kan tih ang mai hian a awm a, kei aia awmrei tawh zawk U Biaktei takngial pawn a hrethiam lo chu ania, hrawn a hrehawm ve khawp ang.
Ka ni chu nitin a hniam zel emaw tih tur a ni. A cher lehzual a, hmuh a hrehawm tawh zawk. Doctor te pawn beiseina an nei tawh lo. A chhel em vangin ala dam ţawk ţawk a ni ber. Sawmpuia a mu ngai mang lova, ka tello pawn a nu a riahpui reng ţhin. In lamah hahchawl tur a an tih chang lahin a nu a ngaihtuah a a mu thei ngai chuang lo. Kan buai tak em vang chuan class ka ţhulh leh zeuh zeuh tawh a, an pindan lam phei chu ka pa thupekin U Biaktei nen kan tifai nasa tawh. Keichuan ţha deuhin ka tifai thei mai a, tihfai pah a U Biaktei ţap thlem tel ngai ţhin chu a buaithlak chang a tam. A thil khawih apiang a ţahpui zel emaw tih mai tur a ni.
Kan inneih aţanga thla hnih a liam leh meuh phei chuan ka nu chu chhe tawh tak a ni. Kan inneih ni a ka hmuhdan te ngaihtuahin a awihawm loh zawk. Chhe tawh tho mah sela an kaih chuan ala kalkual ve reng peih a, tunah chuan biak tlak vak a ni tawh lo. A ka a ang reng a, a hmui a ro in hnawih mawm sak reng a ngai. Tui pawh lapua in tlem tlemin kan far fep fep ţhin. A damţhat laia thil ţha a tih nasat nen, hetiang tak a hrehawm a a huntawp lam a hmang ringawt mai te hi mihring tak a ngaihtuah chuan a fair hlawl lo. Sawmpuia chu ala hre viau tho a, a kal tawh chuan thei leh thei lo hian a kut hi a lo tiche ve a, Sawmpuia hian a vawnsak a, a thlamuan hmel em em tawh ţhin.
Ka nuhrawn lah a rawnkal awl lova, ka pa a rawn hruai tel zeuh zeuh. Ka pa nen hian a hmanrua kan ni ber. Ka pa lah hian a hmangaih em a, a ţhat lohna lai a hmu thei hlawl lo. Zaidam thinthawk phut nasat zia ka hreve a, Sawmpuia hi zaidam viau mahse a nu thi lek lek tawh nen a rilru a buai ve ţhin hle a, a rawnkal chang a ka nu ngaihsak awm deuh a a awm vel te leh a ţawng zawt zawt te hian Sawmpuia a thinrim ka lo hlau ţhin. A nu hi a ţhatna lai chauh hmuhtir a duh vangin ala insum hram hram ni berin ka hria.
U Biaktei nen in kan nghak leh a, Sawmpuia leh ka pa damdawiinah an riak. Chanchin ţha hriat tur a awm ngailoh vangin kan mu thei bik lo. U Biaktei lah a en ngai a en vung vung a, a rawn ţapchhuak leh phawng ţhin a, ka phu zawk zawk fo. Dar12 velah ka pa in min rawn bia a, ka nu thih thu min rawn hrilh. Sawmpuia ka ngaihtuah hmasa ber. A tuar thiam lo khawp ang le.
CONT...(Bz-a tih khi chapter hmasa lamah Bm-a tihin ka ziak thanin ka hria a, lo ngaihpawlh lo ula, Bz-a tur ania, ka ziah sual chuan ka lo ti dik dawn nia)
SAWMPUIA
Cabin lam pan a kan kal laiin ka hming a min ko ri ka hria a, hawilet lo mah ila min ko tu chu tunge a nih ka hria. Min ko tu in min rawn umphak hma in Rosy hnenah "Kal hmasa rawh. 7 ah a awm" ka ti a, a kal hma in min en hu hu. Midang ang tho in a beng a la ţha ve a, min koh ri kha a hreve. Vanneihthlak takin a hawi hu hu reilo hlauh. Thui pawh a kal hma in Mazualte in min rawn dinchilh rap.
"I dam em Sawmpui?"
"Dam e" hlim hmel pu sang chungin dak vah hian min en a, a inrintawk hmel khawp mai. A coat var hak chu a inhmeh takzet. Ka mitah chuan a la ţha ber reng. Internship ti lai mek niin ka hria. Duh lo mah ila ţhiante hnen aţangin chanchin ka hre ve zel.
"Nupui inei niin ka lo hria a, lokal ve duh viau mah ila ka lawmpui thei si lo che a. Ka lokal chuan ka lawmpui che tihna a ni dawn a, ka lokal ta lo mai anih kha. Kum khat lai inţhen tawh mah ila hmeichhe dang nen a in awmdun vel kha ka hmu peih chuang lo a, nupui neih chu thil ho mai mai a nih loh nen ipa i hnial thei si lova"
"Dem ka hlawh leh dawn ni maw?" ka lo ti a, Mazualtei lo hi ngaihzawng ka la nei lo. Kan inkawp rei a, kan inkawp chhung zawng khan engkimah, buaina kan neih apiangin min dem zawk ziah. Ka nin tawpah la duh viau chungin ka ţhen.
"Ngaihdam ka dil mawlh mawlh che kha. Min hmangaih la chuan min ngaidam awm emai. Bialpa pawh ka nei thei tawh lova, min duh der ve tute nen ka tehkhin zel che a, i hnen tluk a hahdamna ka nei lo. Nang chuan hetiang zawng hian min runluih a" a ti hluk hluk.
"Thil thleng tur a thleng vek tawh. Bialpa chu nei rawh. Keipawn nupui ka nei tawh" kal mai ka tum laiin ka banah a vuan leh tlat tawh. Ning awm deuhin ka awm lui a, a tan a hmuh nuam lo tur a awm ka duh.
"Nupui inei ringawt a i hmangaih hleinem. Hmangaih chu sawi loh iduh vang a nei pawh ini lova, midang bum mah ula i ţhianten thudik an hria a, min hrilh duh tawk an awm zel" a ţawngring sawt khawp mai. Min kal hnaih deuh hlek te chuan min en hrek hrek.
"Min thlah rawh khawlai a nih hi"
"Khawlai lo a biak che ka tumin i duh hleinem. Min block tawh suh. Hmalam ila pan thei bik lo tih ka hria"
"Nupui ka nei tawh. Hmalam ka pan leh pan lohah lo buai suh. Ka hmangaih emaw hmangaih lo emaw ka nupui a nihna a bo lo. Min rawn biak tum buai duh suh" ka ti a, a coat ang ha ve ho naupan hmel te te an lo chhuak zeuh zeuh. Min thlah duh chuang der lo.
"Ilo nunrawng khawp mai. Internship ka ti zo ve ţep tawh a, private hospital ah inhlawhna ka zawng kual ang ka tia, nangmah nen a kan hmalam hun tur ngaihtuah ranin engkim ka ti vek. Lehkhazir aiin thlalak i ngaina zawk a, chuvang chuan keimah zawkin ţhahnemngai deuhin ka zir a, engkimah ka ngaihtuah tel vek che. Ka luhlulin ka tum a ruh a, ka duh chu ka nei ziah. In elna ka ngaina a, ka elpuite aia hmasa zawk a awm nuam ka ti. Ka bansan mai mai lovang che. Ka lo nghak ang che. Ngaihdam dil reng chung che in kum khat ka nghak tawh che a, kum khat dang pawh ka la nghak thei" a la ti sauh sauh.
"Min nghak chhuak lovang tih ka hlau khawp mai. Ka pa ang ka ni ve lo. Ka nupui rinawm loh san ka tum lo. Tun hi kan inbiak tawpna ni rawh se. Min hmuh leh hunah pawh min hrelo angin awm rawh" ka ti a, phallo viau mahse ka kalsan lui. Ka pa hian ka nu hi vawi engzat nge a rinawm loh san tawh? A zat ka chhiar seng lo. Fel awm deuh a awm si hian hmeichhe a lawm riau. Ka pa ka huat rukna hi ka naupanlai aţanga ka pai tawh a ni. Ka ngaihsan loh em vang hian amah ang nih ka tum lo. 'A pa a chhun' min tih hian ka lungawi ngai lo. Rosy nen min inneih tir chhan pawh hi ka hrethiam. Rri nen an inkawp ru a, an inhmuh chang pawh a midangin an chanchin an sawizui loh nan chhungkhat a insiam an duh. Ka nu hi a fel nen a vanduai khawp mai. Ka nu duhthusam ber a thih hmaa nupui min neih tir a ni mauh mai bawk nen, ka pa lahin remchang a zawng vat. Ka nu duhthusam chu nilo se, ka nu hi dam leh thei chu ni sela nupui ka la nei lovang.
"I rawnkal ve hma in mi sawmhnih chiah chiahin a khat pheuh pheuhin min kalpel hman. I va rei ve, eng em em nge in sawi a?" a vin tan tan khawp mai. A te viau na a zuam sual a awl viau ang.
"Min lo nghak alaw?"
"Keimah a ka luh duh bik i ring a mi? Awm nawm loh sa nak laiin nawm loh iti zual. Ka ke a kham vek, ka kawng na a tizual. I rei dawn chuan min dah phawt la kal leh mai ta che" a la ti zat zat. A hnung lam a nurse pahnihin an nuih tih a hre der si lo. Hre mahse a zak leh tawp nang, a dangdai emai. Ti lang lo mah ila a chang hi chuan boruak a ti zangkhai phian.
Ui ang mai a a hnar a tum dut dut hnuah ka jacket ban a rawn hnim kual den den. Mazualte in a vawn a, a pawm beh tlat na lam ngei kha.
"Hmeichhia i hmu chiang. Lo ko tu che kha ni maw? Perfume a van hmang nasa awm em em, a bul a awm ringawt chung pawn i kai nghal vek" inhnim ve ngial mah ila danglamna a neih ka hre lo. Ka perfume rim nam riai riai chiah ka hria.
A hmel en a a hnarkua hmuh nghal chat theih khawpin a hnar a vang lova, ka ţhiante hian hnar vang tak tak chu an lam han hawi ila hnarkua in min lo hmuak a an ti ţhin a, chutiang chu a ni lo. A rimhriatna a ţha khawp mai. A hnarkaw inlen hleih kha chu chhaih thinrim nan a ka sawi mai mai. Mizo ah chuan a hnar a nalh lutuk tlat.
"I rim hriatna a ţha hle mai"
"Ţha e. Ka naupanlai aţang tawhin ka uten pindan kharphui vek a thil an ei ruk pawn ka hre thei. I rawn thlen hlim khan perfume rim ka hre nghal. Khawlaiah in lo inkuah vel a ni lo maw? Tunge a nih a?" eng nga tan mah min tih loh zia hrechiang hle lo ila chuan a thik emaw ka ti maithei.
"Kal ang" a zawhna pehhelin a darah ka kuah a,ka nu awmna lamah ka kalpui. Kan boruak rit ru zet reilote chhung atan a ngaihtuah loh zawk te hi a nuam ve. Rosy kianga ka awm chuan ka rilru kal bing mup mup tur a zia ve deuh ţhin.
Ka nu a lo la muhil bam a, ka khawngaih takzet. Rri leh ka pa an lo awm. Puipuii a bo leh hmak tawh.
"Awii ka thleng chiah ka bag ka dah fel awrh hman chauh. Kan la inhmu teuh ve, in lokal dawn tih hria ila chuan ka lo nghak tur cheu nia" a dawheh khawp mai. Kalkawngah Rosy a ding reng. Ka melh zawk a, a lo hrethiam ve vat. A hmu lo tih lantir nan lu a thing.
"Ka pa in lamah chawl hahdam tawh rawh. Rosy nen kan lo riahpui ang. Zanin chu awl rawh"
"Chawhma chhung ka mu a, ka harh hawk mai. Zan lam chu nia induh leh riak ula, nakin deuhah ka haw ang" a ti a, Rri erawh ka be zawm lo. Ka nu khum bulah chair ka dah a, ka pa te hnungchhawn zawngin ka ţhu. Thil ka hrethiam ţan uarh uarh a, ka hmupeih lo. Rosy pawh khumah a ţhu a, a nuhrawn chu a be bik lo. Ka dem hran lo khawp mai. Hetiang nuhrawn hi nei ve ila ka ngaina bik lovang.
"I rilţam em? Chhunah thil ka ei lo iti sia"
"Å¢am lo. Ka period lai chuan eng thil mah ka eichak lo" a ti sep. A nuhrawn vang te pawh niang, a ngui tawh riau.
"Engtik thleng nge tuipui sen i kan dawn?" min hmuh hlau zetin ka nui ru vur vur. Min hrilh lai khan mak ka tih vangin ka nui lova, ka ngaihtuah chian hnuah ka nui leh hnuhnawh.
"A hriat loh. A changin a rei a, a changin a rei lo. Ninawm tak a ni, hmeichhia i ni lo kha lawm hle rawh" a thusawi tawp lam chu a uar tan tan khawp mai. Mazualtei hnen aţangin chocolate ţhat thu hmanah ka hretawh. A mood a fuh lai pawn a thinchhia a, a mood a fuh loh phei chuan a ropui dawn em a tiin U Biaktei ka chah tel a, keiman a pek ka duh loh vangin a lukhamah ka dah. Ka duh loh hnu khumah ka thleh thla ah ngai se ka tia, kawi deuhin ka dah.
Ka pa in haw a tum rualin Rri a ding chawpchilh ve.
"Ipa rual hian kan haw ang nge, motor dang chan chawp leh ai chuan a awlsam mai" ka lo nui suk. Ka rin lawk dan chiah.
"Sawmpui i u Biaktei chaw pe tur cheu in ka rawn tir ang. Inu kha lo ngaihven ţha ula, zanah inmut chhawk ru aw. In tlaivar ve ve chuan in chau lutuk ang" min ngaihsak ve hmel fe hian a la ti zui.
"Tunah dar3:30 nia, kan in a hla vak lo bawk a dar4 hma in thlen tum la, U Biaktei chu rawnkal vat rawh se"
"Nia traffic a jam loh chuan ka thleng thei turah ngai ang" ka nu damlo a zual hnuah pawh a insum thei chuang lo a nih hi. Ka nu awm loh hnuah duh duh a a awmtheih a inring a ni maithei. Ka nu hi boral chiah sela chuan a rin ka ang lo khawp ang.
ROSY
"Bz-a hi a lova thleng har ve. Rawnkal vat se U Biaktei chaw rawn dah hi thlah haw thei se ka tih nen. A ni hi a rawn zan kal vel ang a" a thusawi chuan ka beng a verh kaw hawk. Sammy rawnkal a tum a, Bz-a a rawnkal bawk chuan an inhmu dawn tihna. Hria se chu a phur ang chu aw. A inchei rei lehpek viau ang.
"Rose i nawm loh viau leh haw la, U Biaktei nen kan riak thei" a tih chuan lu ka thing nawk nawk. A pa nen chauh a awm ka duh lo hrim hrim. Ka hlau deuh reuh tawh e a(h). Ka nuhrawn Rri nen an awmdan kha ka hmu ru vek. An inmelh dan vel te kha, ka ten lutuk. Sawmpuia hi a nu vangin a rilru hah lo sela chuan ka hrilh ngei ngei ang mahse...
"Engtin maw min koh a?" ka ti hluai. Hey tih hlirin min ko ţhin sia, tunah kha chuan min ko duat ve in ka hria.
"Rosy" sawisual hlau deuh hian a ti a, ka zawh nawn lai khan a darah vuanin ka kuai her sawk bawk nen a hrilhhai hmel lek lek.
"A nih loh kha. Khatiang lo deuh khan min ko"
"I hresual anih chu" an ti hmak a(h), min duat hreh ve thei sia.
"Hresual nang, Hey min ti ziah a, tunah tak kha chuan min koh duat ve deuh kha"
"Nihchuan Bawihte ka ti anih dawn chu" ka ri deuh har har lai ka tawp chawt a, sawifuh intih hmel fahran hian a lo la nui suk zui. Chan ţha ka chan tir duh bik lo hrim hrim.
"A ţha, tiang hlir chuan min ko tawh rawh. Kan pahnih chiah a kan awm kher loh pawn Bawihte min ti ziah tawh ang che" sam phe suau khawpin ka inher a, shampoo fakna vel a ka lan duh hmel viau laiin khum mawng lamah ţhu thla lehin ka nu ke ka hmet.
Sawmpuia chuan a kut thisen an lakna hnu vel te a chulsak ve thung a, a nu chu a lainat hmel khawp mai. Kan ti ti inrual lovin inhnial leh zeuh ţhin mah ila a rei ngai lo. Ka nu mu reng chuan kan rilru zawng zawng a luah lo thei lo.
Ka nu pawh a harh zeuh zeuh a, a mu leh ţhin. Sawmpuia nen a min hmuh chuan chau hle mahse a nui lui hram hram zel a, damţha leh thei se ka ti. Bz-a rawn thlen hnu deuh lawkah Sammy a rawn thleng. A rawn luh hlim chuan a lai ve ţep ţep. A kal pawh duhthusamin a no thei lo.
"Ken tur dang ka hre lova, pangpar ka lo keng tawp"
"Pawi lo. I lokal a a lawmawm" Sawmpuia zawkin a lo ti a, a nu duhsak tute hi chu a ngaipawimawh thiam riau zel.
"In inchhungah pangpar in dah nasa a, thlalak ah lah nise i sen lai aţangin i awmna bul apiangah pangpar khawi sa diam a awm ziah. Inu in pangpar a lawm tihna ania, a harh apianga pangpar mawi lutuk a hmuh tur dahsak nachang hre ta che" tiin Sawmpuia a hau leh daih tawh.
"Ka lo hre tawh ang" a ti zawi sup. A ngam loh a tawng e. Tuai ho hi chu hnial loh an ţha. Hmanah Sammy nilo tuai dang nen kan inhnial tawh a, ka sim. Sammy aiin a no lehnghal a, ka thusawi apiang min hnial thla thei zel. Ka nin tawpah ka sualpui a, insual meuh chuan a mipa tha a chhuah leh sia, ka hneh lo nasa. Vawi tam tak 'a tawk' ti a ka chaklohna ka pawm hnuah min haw tir ve chauh. Khata ţang khan fiamthu lo chuan ka chhaih tawh ngai lo.
Ka nu vil reng a ngai a, a duh leh mamawh apiang tihsak zel kan tum. Kan nupa chuan ka nu hnaih a awmin kan vil reng. Sammy leh Bz-a te chuan duhthlan tur nei hek lo. Ţhutna dang a awm miau loh vangin an ţhudun lo thei lova, Sammy nui keh hui reng lai Bza'n rum zet zetin a melh ringawt. Sammy hi zaktheilo huam huam a ni ve lova, a hnaih ngam chiah bik lo.
Zan chu a reh vung vung khawp mai. Ka nu nen ka ti ti vel luam a, min mutsan leh tawh bawk si. Tih tur hre lova ka hawikual relh relh laiin Sawmpuia phone bih chu a rawn nui chhhuak hawk. Phone hian kan inawm tlei thei tawh hlawm a, tumah kan inpawh hlei thei tawh lo. Kan phone kan buaipui lutuk hlawm vang hian awmdun reng chung pawn inbe miah lovin a awm theih.
"Bz-a message hi en teh" tih pah hian a hmaizawnah a phone a rawn lek kang a, ka lo chhiar mual mual.
[Sammy awm lai chuan ka lokal tawh dawn lo. A chhan chu innu khan zawt mai rawh se] tih te hi a rawn thawn a, han nuihzat viau tur ka hre ve lo na a, Sammy chu message ka thawn ve nghal. Tih tur dang a awm chuang lo bawk a.
[Engtin nge Bz-a itih a?] tih hi ka thawn a, kan va chhangchhe tak. Tupawh chhuizui vek ngai. Keilah inthlak tur a bathroom kal reng ka ngai lehnghal. Chau hnap hnap tak ka ni.
"Ka zawt mek a, min chhang har leh ngawt ang. Hepa hi chu hmanhmawh thilah phei chuan call tawp a ngai. Chuan vawiin a lo ko tu che kha tu maw?" ka ti leh ngat. Ka hrechak zek zek. Ka thik hauh lo na a khati khawp a nghahrei ngai kha mak ka ti deuh hlek.
"Ka ţhian hlui" tih chiah min hrilh duh lehnghal. Keipawh hi 'ka ţhian' min tia, a ni ngaihah chuan a nupui ka ni lo. A nupui angah min ngai se chuan tun ang hian kan inpawh teuh lo. A ţhian a min ngai hi a ţhatna chen a awm. Duhna nei miah lovin inhre mah ila a rilru ţhatzia erawh ka hmuchiang tawh khawp mai. Min duh miah lo ve tho chungin min nei a, ţhian ang a min ngaih hma pawn ka hrehawm tihna turin a awm ngai lo. A nu a chhun ve na lai tak.
"Va mu daih rawh. Ka nu pawh a muhil tho a, puih ka ngaih tak leh ka rawn kaitho mai dawn che nia"
"Ka theih chen chen ka menpui ve lawk ang che" ka ti ve ţalh. Rilru hah deuhin amah chauhin a lo awm leh ang tih ka hlau. A nu a hmangaihzia ka hrechiang a, amah chiah a a awm chuan a eng zawngin eng thil mah a ngaihtuah lovang. A nu a chau bawk nen, meng ve reng thei turin ka intiharh hram hram.
[Engtinmah. Canteen inkal hlan pawn U Biaktei a awm ve reng kha. A zun zawk hlanin ka fiam a, ţhian angin awm ang ka tia, tih tlangnel nan khapdiau ka tia, ka kut ţang pangang angin ka khap vel mai mai nih kha a ban velah khan. A ho tik tek lutuk. Min kawm duh loh chuan ka kawm duh bik lo] Sammy message ve thung. Sawmpuia ka chhiar tir a, mi pahnih inhmufuh hleithei tawh lo te chu kan lo hlimpui phian.
Zing hma tawkah ka pa a rawnkal. Ka nu hi ka pa a hmuh aiin Sawmpuia a hmuh hian a hlim hmel ţhin zawk. Pasal nei fu lo a inti ve ţhin ngawt ang. Ka pa mizia hi hriatthiam a har emai, palian pui ni si hi aipui leh aite nei kan tih ang mai hian a awm a, kei aia awmrei tawh zawk U Biaktei takngial pawn a hrethiam lo chu ania, hrawn a hrehawm ve khawp ang.
Ka ni chu nitin a hniam zel emaw tih tur a ni. A cher lehzual a, hmuh a hrehawm tawh zawk. Doctor te pawn beiseina an nei tawh lo. A chhel em vangin ala dam ţawk ţawk a ni ber. Sawmpuia a mu ngai mang lova, ka tello pawn a nu a riahpui reng ţhin. In lamah hahchawl tur a an tih chang lahin a nu a ngaihtuah a a mu thei ngai chuang lo. Kan buai tak em vang chuan class ka ţhulh leh zeuh zeuh tawh a, an pindan lam phei chu ka pa thupekin U Biaktei nen kan tifai nasa tawh. Keichuan ţha deuhin ka tifai thei mai a, tihfai pah a U Biaktei ţap thlem tel ngai ţhin chu a buaithlak chang a tam. A thil khawih apiang a ţahpui zel emaw tih mai tur a ni.
Kan inneih aţanga thla hnih a liam leh meuh phei chuan ka nu chu chhe tawh tak a ni. Kan inneih ni a ka hmuhdan te ngaihtuahin a awihawm loh zawk. Chhe tawh tho mah sela an kaih chuan ala kalkual ve reng peih a, tunah chuan biak tlak vak a ni tawh lo. A ka a ang reng a, a hmui a ro in hnawih mawm sak reng a ngai. Tui pawh lapua in tlem tlemin kan far fep fep ţhin. A damţhat laia thil ţha a tih nasat nen, hetiang tak a hrehawm a a huntawp lam a hmang ringawt mai te hi mihring tak a ngaihtuah chuan a fair hlawl lo. Sawmpuia chu ala hre viau tho a, a kal tawh chuan thei leh thei lo hian a kut hi a lo tiche ve a, Sawmpuia hian a vawnsak a, a thlamuan hmel em em tawh ţhin.
Ka nuhrawn lah a rawnkal awl lova, ka pa a rawn hruai tel zeuh zeuh. Ka pa nen hian a hmanrua kan ni ber. Ka pa lah hian a hmangaih em a, a ţhat lohna lai a hmu thei hlawl lo. Zaidam thinthawk phut nasat zia ka hreve a, Sawmpuia hi zaidam viau mahse a nu thi lek lek tawh nen a rilru a buai ve ţhin hle a, a rawnkal chang a ka nu ngaihsak awm deuh a a awm vel te leh a ţawng zawt zawt te hian Sawmpuia a thinrim ka lo hlau ţhin. A nu hi a ţhatna lai chauh hmuhtir a duh vangin ala insum hram hram ni berin ka hria.
U Biaktei nen in kan nghak leh a, Sawmpuia leh ka pa damdawiinah an riak. Chanchin ţha hriat tur a awm ngailoh vangin kan mu thei bik lo. U Biaktei lah a en ngai a en vung vung a, a rawn ţapchhuak leh phawng ţhin a, ka phu zawk zawk fo. Dar12 velah ka pa in min rawn bia a, ka nu thih thu min rawn hrilh. Sawmpuia ka ngaihtuah hmasa ber. A tuar thiam lo khawp ang le.
CONT...(Bz-a tih khi chapter hmasa lamah Bm-a tihin ka ziak thanin ka hria a, lo ngaihpawlh lo ula, Bz-a tur ania, ka ziah sual chuan ka lo ti dik dawn nia)
Comments
Post a Comment