DUMB AND DUMBER-7
Ka nu boral hnu chuan kan inchhung a reh ruih reng a, engkim mai chu an thi ve vek ni maiin ka hria. Sawmpuia ber hi a khawngaihthlak. Dawr ala kal leh lova, pindan a chhuahsan khat. U Biaktei leh Sawmpuia te hian an tuar ber. Ka pa chu engkim buaipui tu tur leh rorel tur a ni bawk a a inti pachang thei phian.
Kan mikhual te an haw zo tawh a, kan khua a har lehzual. Sawmpuia cousin Rintei erawh ala cham a, min awmpui rih dawn a ni awm e. Sawmpuia nen an inkawmngeih a, a khawngaih ve tho vangin an khaw lamah a haw ve ta lo. College a zawh hnuah a kal chhunzawm rih lova, oriflame tih vel erawh a atchilh ve hlur. Aizawl khua a nilo chungin Aizawl ah ţhian a ngah a, nuam a ti phian.
Keimah chauh a ţhutkhawmna pindan ka tihfel melh melh laiin hmeichhe pakhat ka la hmuh ngai lo a rawn lut. Kawngkhar ka hawng huau bawk a luh min dil lem lo. Ka hmuh hnu ah chiah a lo lut tih ka hria.
"Khawnge Sawmpuia?"
"A mu a, lo ţhu rawh" ka lo ti ţha ve mai. Sofa a ţhut hnuah darthlalang te phawrhin uluk zetin a in en a, a hmui te a hnawih ţha thul. Amah chauh pawn a buai khawp mai.
"Min lo kohsak rawh" thupe aw zet a a tih chuan ka ngaithei vak lo ţan. Ţha deuh a inhrilh a awm lo. A chhiahhlawhah min ngai em maw ni.
"Zan a mu thei ngai lova, a mutthilh ve chhunah chuan ka kaitho hreh deuh a, a harh ţep ang. Lo nghak rawh" ka ti ve ngat. Min ngaina lo tu ang a ka ngaih te hi ka ngaina lui peih bik lo.
"Ka hmanhmawh a, va kaitho rawh. Mazualtei ti la a rawn tho nghal mai ang" beidawn a tum loh hmel khawp mai. Hetiang inleng neih reng ai chuan tiin Sawmpuia kaitho turin ka kal. Nidangah chuan a tirh theihin ka awm tawh lovang.
Khumah bawkkhupin a lo mu a, a muttui rapthlak lehnghal. Khanu lah khan thu a rawn nei ve nasa ropui mai sia, ka pasal tan a hmeichhe pawimawh deuh a ni maithei. Khumah ka ţhu hmasa te te a, ka darah na vak lovin ka sawi. A harh lo nasa mai. A hming a koh pahin ka sawi na deuh hlek a, rei ngial ka koh hnuah a harh ve hram. A mit a sen ram a, a chauh hmel ngawih ngawih hle.
"Inleng i nei a, va kaitho rawh a ti che a"
"Tunge?" tho phang aw deuh hian a ti a, tumah a beisei lo a nih hmel.
"Mazualtei a in ti. A muhil ka tih pawn ka hming sawi la a lo tho mai ang a ti a" tiin ka hrilh ve sar sar a, a inla thunei vel bawk a, a thil sawi duh dan kha hreve reng reng teh se. Hmeichhia an ţawngthei an ti ţhin bawk a, ka sawi chhawng zel ang.
"A tho peih lo va ti rawh" a ti hmuk a, a mut ngaia mu lehin mit a chhing zui daih.
"A nghak reng che sia"
"Haw rawh se"
"A mawi lo i harh tawh tho kha, va thochhuak ve hrim hrim rawh"
"Ka sawi ang chuan va ti rawh. A haw duh loh chuan i rawn luhsan daih dawn nia" a ti sam et.
"I van mawl tak" ti mah ila ka nuichhuak ver ver. A inrin aiin Sawmpuia tan a lo pawimawh mang si lova.
Ka let leh chuan Rintei a lo ţhu ran tawh. Tv a lo en a, kan inleng nen chuan an lo inbe tam lo a nih hmel.
"Ka tho peih lo a ti. Ka nu thih hnu hian a mu tlem lutuk a, ka tihluih ngial pawn a tho duh tlat lo" pawi ti awm fe hian ka ti a, ka nuihzat ru hle sia. Mahni kan indah san ang hian mi hian min dahsang ve lo tih hi hriat tur ania, kan chapo poh leh kan tlukchhiat a hnai. Mi nuihzat hlawhna mai mai.
"Ka hming i sawi em?"
"Sawi e, haw rih mai rawh se a ti" ka ti deuh kher. Zak ru ve chem chem rawh se.
"Va kaitho lui rawh. A thawh hma chu ka nghak dawn"
"Ka hmanhmawh iti sia"
"Ral tumin ka lokal a, ral lo chuan ka haw dawn lo" a rilru a lian ve khawp mai. A peih chen chen ţhu teh se.
"Kha kha Sawmpuia nupui anih kha. Ralna pawisa ipek duh chuan annu kha pe la, a inang reng. Sawmpuia mu tawh vek vek chu i nghak chhuak zo teuh lo. Va hnek pawp mah la a harh lovang" Rinte in a lo ti ve khauh a, ka sawi harh zo reng sia, sawi uar thiam ve khawp mai.
"A harhvang lutuk ka hria lawm. Inleng in lawm loh hmel sia ka haw phawt. Tlai lamah ka rawnkal leh ang" ala ti tak deuh deuh a, a chhuah hnuah Rintei chuan "A rilru a buai deuh mawnle" a ti sep a, keichuan "A chapo a zakthei lo ve hrim hrim anih kha" ka lo ti thung. Sawmpuia laka a thuneihna rawn lantir tumah ka ngai ber.
"A haw tawh" khum lu lam nghengin ke hlang atin ka ţhu.
"Umm"
"Hrim hrimin tunge a nih a? Hmuh iva hlau ve" ka tih laiin a rawn tawlh hrut a, ka malchungah a bawk then.
"Å¢hian hlui"
"I bialnu hlui a ni hrim hrim. A hmelţhat em kha, la inkawp reng ta che u" ka ti a, a hmel kha chu ţha ka ti khawp. A thawmhnaw pawh a nalhin a tunlai a, a chapona leh mawl rukna lo kha chu sawisel tur a awm lo. Ka pasal hi a duh lutuk anga zahna in a thlawh bosan a ni maithei. Ngaihdan ka siam thiam chiah bik lo.
"I chhelo zawk" a tih hnuah a nui zui hawk a, na tawk hian ka nemsawn lawp.
"Nge i nuih kher a?" ti vin hlar mah ila a ngai ang chiahin a rawn awm leh. Min hrechiang tawh bawk a, min hlau lo sawt khawp mai.
"Puipuii chanchin i hria em?" ka ti a, kut hlei ta na na na chuan a sam te ka khawih ta vel.
"Hre lo. Ka nu a awm tawh lova, ven tur a nei tawh hleinem" a ti a, Puipuii khan a ngaizawng emaw ka ti ţhin a, ka lo ring sual zawk a ni. Ka nu ruang awm lai te khan a bialpa patling deuh nen an awm dun char char.
"Dawr ah te kal tawh la, i camera te kha lekchhuak leh tawh rawh. Hetianga awm reng ringawt hian eng thil mah a ti danglam thei lo. Kal chhuak la, i rilru a zangkhai zawk ang. Rilru lakpenna tur zawng char char zawk la, buai lui ngat ngat mai rawh" ka ti a, ţhutkhawmna pindanah ka nu tel ve na kan inneih thlalak kha kan tarchhuak ta ngei a, ka men dan erawh ka lung ala awi thei chuang lo.
"Bz-a birthday a nia, chaw eikhawm an tum. Tukin ah min rawn hrilh a ka lo hnar"
"Kal ve rawh. Ţhiante bulah awm la i harh deuh ang. Inkhung ngawt ngawt hi a hrisello"
"Lokal ve la, kal dun ila" a zangthal a, ka chhan na a ngaichang ta reng.
"I ţhiante tumah ka hreve lova"
"Sammy nen in lokal ve zan kha ila hria em? Khalai hmunah khan an lawm dawn. A hmun a rem ber an tia, i Sammy duhtak pawh a kal ve maithei" a thusawi tawp lamah chuan a nui deuh hlek. Sammy leh Bz-a te inkar a hre hneh ve tawh bawk a, a lawm riau.
"Bza chuan a duh tho tihna mi? Sammy a awm ve dawn chuan"
"A nih hmel. A zalen ber a, a neitu Zamzami a lo fel hlauh bawk a" a ti a, class ka ţhulh zeuh zeuh vangin Sammy nen kan inhmu khat angreng a, ka ngai ve tawh bawk nen, birthday lawm vel tak chu peih lo mah ila kal ve chu ka lo remti hram.
"Zanin kan kal ang a, naktuk aţang chuan pangngai deuh a awm chhunzawm tum tawh ang che. Nangmah leh nangmah i inti hrehawm lui a, hei i cher vek tawh hi" a biang leh mit vel ka kawk kual dan dan. Nui suk chung hian ka kut a lo vuan bet a, a awmzawnah a dah.
"U Biaktei a rintlak vak rih si lova, i hah ţhin em? Keilah tihian ka awm tawp a, nidang angin ka enzui ţhin lo che a"
"Nidangah min enzui ţhin maw?" a lu a ti che a, 'aw' a tih naah ka ngai.
"Hah love, Rintei a awm a, U Biaktei chu kan phut lo hrim hrim. Phut ngam pawh a ni lo. Ko hlek ila a ţap ţuau reng a, hnem tumin lahin 'min hrethiam lo' tiin a thinrim nghal dawn zel bawk si" ka ti ta zat zat. A tawrhna kan hrethiam lo ah a ngai lui tlat a, a awm awmin kan awmtir mai. Ka nu ka chan tawh a, a tawrh dan hriatthiampui ber tu zawk ka ni.
"Dawt hram hram rawh. Ka nu kha Pathian tluk a ropui ah a dah ve a, ka nu a thi tak tak tih a pawm thiam hunah ngai a awh leh mai ang. Ka rin aiin ilo fel daih. A ţul ţul iti ve mawp mawp a" tiin min fak a, tlem chuan ka zak ve deuh. Fakna hi ka dawngkhat ve ropui sia.
"Ka tih tur alawm. Midang in rintlak rih si lova" ka ti ban charh.
Lai deuh chung a pindan chhung ka melh kual ralh ralh laiin ka hmuiah tak a rawn fawp zeuh a, ka malchungah bawk rang tawkin a mu leh. A mit a chhing na a a nui hmel a hmuh theih reng tho.
"Tho rawh" ka tih hnuah aw ka thian kharh a, awmdan tur ber ka hre rih lo.
"Tihian ka muhil ang a tlaiah min lo kaitho dawn nia"
"Ka hah ang. Ka ke a mu vel ang a, ruh seh ka nei ania tho vat teh"
"I ruh seh a chhuah hunah min nemsawn leh mai rawh. I chak em kha" a ti lehzel. Tharum hman na hun niin ka hre rih lova, ka ţhut ngaiin ka ţhu ta reng.
Tlai lamah kan nupa a kan insiam mawlh mawlh laiin Rintei a rawn lut hlawl. Min entawn zak zak hnuah "Khawnge in kal dawn?" a ti a, mak a tih hmel heu hau khawp mai.
"Zamzami te inah"
"In mak Malsawmpui, keimah chauh a min awmtir in tum a mi? Nangpawh Rosy papuia leh U Biaktei ţawng duh rih lohzia i hriat ve vek kha" naupangchhia zet hian a ti a, kan hnung lamah min rawn um peih a nih loh chuan bike ah a leng ve der si lo.
"Kan lo haw har lovang. An biak loh che chuan be bik lo mai rawh. Chaw ei naah chiah in inhmu dawn. A rei lo lutuk" ka ti hmak hmak a, Sawmpuia ber pawn a ngaihsak chuang hleinem.
"Malsawmpui nachinah hmeichhe zakthei lo deuh a lokal ania, i hming a lam reng lehnghal. Rosy phei chu a ngaih hniam hmel, an inhre ngai tawp si lo. I hmelhriat ţha anih chuan lo hrilh ang che" a ti fek fek a, nuam lo ka lo ti.
"Ka be thei lo. Engtin nge a tih che?" tih pah hian min rawn en a, Rintei ka melh hrawk ringawt.
"Aaa...a tham lo em a, i nupui ania, i ţhianţha mah nise i nupui chu a zah ve deuh turah ka ngai" a ti bah niaih. Khanu bulah khan zamlo dun viau mah ila tunah tak chuan kan zam dun rem rem khawp mai.
"Midang ka lo hrilh tir ang" a ti a, khatiang hmeichhia a be duh lo hi a thawventhlak hawk zawk.
Kan insiam zawh thlengin Rintei a awm ve. Khum a mu zawn zawn chung hian a ti ti melh melh a, a tawpah Mazualtei a huat thu bawk a sawi leh. Kan insiam zawh veleh Sawmpuia chuan "Kal ang le" tih pah hian ka darah min kuah a, ka nu boral hnu hian min hnaih lehzual. A damloh lai te khan damdawiin aţanga a rawn haw hi ka thiam dan danin ka lo ngaihsak ve ţhin a, a thih hnu phei hi chuan min bel deuh chawt.
"Sammy chu kal dawn lo se ka kal miah lovang mawle" ti sep sep chung hian bike ah ka lawn kai ve a, a sang lutuk hi kei ang nu lian vak lo tan chuan a ninawm chang a tam. Sammy ka la hrilh lawk lova, nuam a tih lai taka ţhawn thut ka duh zawk. Ka fel ve sawt khawp mai. Ka pasal a nu vanga a rilru natna chhawk zangkhai sak tumin ka kal peihloh deuhna hmunah ka kal ve ta mai chu nia! Nupui ţha tak chu ka lo ni e.
Hman a Sammy nen kan kal ţum a scooty a dahna ngeiah khan Sawmpuia'n bike a dah veleh. Bike tlem te leh scooty pahnih a lo inhung ran a, pakhat zawk chu Sammya scooty ngei a ni. Keimahin ka nui sak. A nuam ti lutukin min rawn hrilh nachang a hre lehpek lo a ni khawp ang.
Dar5 a ri tawh a, tunlaiah chuan birthday an lawm reng rengin a tlai poh leh nuam an ti.
"A bialnu a kal ve dawn em?" tih pah hian ka pasal chu ka en chho ha a, mipa a ni bawk a kan insan hleih ve khawp.
"An inţhen tawh kha"
"A ni maw?"
"Umm..ka nu damloh lai vel khan"
"Sammy tan hun ţha a inherchhuak ta ni maw?" nui hak hak chung hian ka ti a, ka phur sawt.
An inchhung chu a lo la danglam lo. An lo ţhukhawm laih a, min hmuh rualin a ri mur mur lai a reh hmak. Sawmpuia'n a lo hnar vek tawh a, min hmuh an inbeisei lo hlawm a mak an lo tih hmel hlawm nasa. An zingah tlangvel hmel tak a Sammy ţhu ve kuk ka hmuh chuan min tihlim a, tuman tibuai lo se tih hi hman aţanga ka thil duh ber ţhin a ni. Mahse chhun a kan in a lokal nu kha ka hmu tel ve. Avan hman awm em em ka ti rilru a, heta a kal duh vang hi anih dawn hi hun neilo a lo intih em em.
"Lo ţhu ve ru. Nupui neih ve mai ka duh, duh duh huna hruai chhuah tur ka nei ve dawn a" an zinga pakhat, a hmel vang chuan nupui zawng dawn se a hmu bik miah lovang tih tur chi berkher hian ring leng lawng hian a lo ti a, a nui zui huah huah lehnghal. An tam lem lo bawk a, a awl laiah kan inzep ve a, rin ang tak takin zu an lo inkhawm.
"Bz pek tur che kan rawn leikawi hman tawh si lova, nidangah ţha deuh kan pe ang che" inthlahrung angreng tak hian ka ti a, Sawmpuia lahin engmah sawi nachang a hre der si lo.
"A ngai lo. Min rawn lawmpui hrim hrim hi a lawmawm" a piah chiahah Sammy ţhuin a hawi vah vah a, kan ti ti a midang kan nuih pangngai mai laiin Sammy erawh uar tawkin a nui hawr hawr thung. A arsi ve deuh hlek bulah a awm bawk a, engtinpawn ti ila a thinrim thei lovang.
Sawmpuia chuan a ţhiante ho hming chu min hrilh kual den den a, ka nu damloh lai khan lokal ve ţhin mahse inkawmna hun em em a awm ngai lova, chiang pawn ka hre leh tawh hlawm lo. Chhia ka tih ve deuh kha Ruata ania, midang chu hmelchhe tak an awm lo.
"Zamzam khawnge i nu leh pate?" ti a zawh pahin a ţhutna lamah ka inher a, midangin ţhutna kan luah hneh bawk a rem lo deuhin kan piah deuhah a ţhu ve ran.
"Ka pa hi thingtlangah hnathawkin a awm a, ka nu hian a awmpui zeuh zeuh. Hetah chuan ka naute ho nen kan awm tam ber. Pindanah an awm, ka ţhiante an lokal hi chuan min chim buai vak ngai lo" a ti a, tlem chuan a rui ve deuh tawh.
"Chaw ei inti sia, rawng in bawl zo tawh mi?"
"Aw nachinah Jerry nen kan ti zo chiah. Tih tur a awm tawh lo. Tikhan ţhu tawp la a hunah i ei tawp dawn nia. Birthday lawm tih takah birthday chhuanlama chaw eikhawm a ni zawk mah"
"Nihchu. A nuam khawp mai" ka ti na a a rui ho an phul hlut a, rui lo tan chuan a nawm na vak a awm hran lo.
Sawmpuia chu a ţhianten pek ve an tum ngial pawhin a la duh lo. Ka hriat chinah beer bak ala in lova, tunah lah beer a awm hmel mang si lo. Mazualtei pawh ka en ru reng. Tumah be lovin amah chauhin a in mial mial a, rin aiin a daih rei zek. A inţhang aniang te ka ti rilru ta vel mai mai.
Dar7 velah daih chaw kan ei a, an ri luih luih reng mai.
"Sawnu saw eng nge a hriat a? Biak lahin min chhang duh der lo. Amah sawn a awm tawp a, chaw rawn eitir ru a chau lutuk ang" Mazualtei hriat hlau tak chungin Jerry chuan midang a hrilh kual.
An thlem ngial hnuah choka lamah a rawn phei ve chhat chhat. Dawhkan awl laiah Sawmpuia nen kan ei a, midang chu an kal darh nual.
"Malsawmpui i muhil a ni lawm ni? Muhil chungin engtin nge i rawn kal theih? In in hial ka rawn thlen hnuah pawh min be duh lo maw?" a ti a, a ţap lek lek lehnghal. Midangin hruai hran an tum ngial na a alo duh lo nasa. A rui viau na a bu luk luk khawpin a awm lova, mahse amah a ni tawh lo. A mitmeng thlengin a buai nak tawh.
"Mazualte lokal rawh. Amak e, chaw ei la ka pindanah mu daih rawh. Ilo riak mai dawn nia, isawi duh chu i harhfim laiin sawi zawk rawh" ti mawlh mawlh chungin Zamzami pawh kaih sawn a tum a, ka ţhutna chair nghenchhan a vuan tlat. A va hahthlak ţhin tak. A rawn vawnna kut chu na zet a lo chum pawp mai te ka duh.
"Chhanna fel fai tak ka hmuh hma chu hepa hi ka kalsan dawn lo" a ti tlat. A ding run reng a, Sawmpuia ning lah chuan min khamsan hmak. Mahni a ţhut reng nuam ka tih bik loh vangin ka kham ve a, ka puar hman lo hrim hrim.
Ka thawh veleh ka ţhutnaah a ţhu tharh. Mahse a ţhu rei lo, ţhutkhawmna pindan lama kan phei min zui leh ngat. A luhlul ka tih tawh kha.
"Kan lo va haw hmasa ang. Jerry rawngbawl chu a tui khawp mai. Nakinah kan inah kan la ti ve dawn nia" ti a a ţhiante hrilh pahin a helmet a la kang a, chuveleh Mazualtei chuan lo chhuh thutin chhuatah a vawm bur. A neih tharna ala reiloh vangin bike ah pawh a kalsan ngam lo ania.
"Awiii invan ngawi thei tak e aw. Henu hi chaw ei hma aţang khan ka ning tawh. Hey doctor ve lai ini lawm ni? Iva polite lo ve, chaw ei pawh iti tui nek love. Sawmpui la haw suh u, henu hi haw zawk rawh se. Chhe chhep chhup ropui si, i sam te hi a thur bum hi intuai mam ve ta che. Midang ang a i ţhianţha chu ni ve ila ka beng sawk sawk tawh ang che" Sammy chuan a rawn ti ta phiar phiar a, kan ngawi ţhap. Helmet tla chu Sawmpuia chuan a chhar veleh mai a, a thinrimzia erawh kei takngial pawn ka hmu thei. A zak bawk ang ka ring.
"Lo inrawlh suh. Invai khan tumah lo inrawlh suh u. Malsawmpuia nen a kan inkar thil ania, tumah inrawlh tum hlek suh u" a ti khur khur a, Sammy sawi ang tak takin a sam pawh a thur deuh bam tawh.
"A zia lo hle mai. Sawmpui lokal lawk teh. Tun ţum chu hrethiam hram hram rawh u" Ruata chuan a ti a, choka ah bawk Sawmpuia a hruai let leh a, eng nge an sawi kan hriatpui ve tawh lo. A thinrim tak tak hma a a hruai hrang kha a ţha daih zawk.
"Rosy ţhu rawh,a nawm tur angin a nuam thei lo vek. Bz ei ţeuh tho rawh aw, birthday zanah chuan thal tawp khawp a eitur" Sammy bawk a ni. A nui leh hawr hawr tawh. Nakinah Bza nen a an chanchin ka la zawt ang. Mazualtei thung chu bang nghengin zawi deuhin a ding a, harhfim se a awmdan chu a zak ve ngawt ang. Lehlam zawng chuan a khawngaihthlak angreng.
Midang chaw eina karah ka ţhu ve reng. Tui tih hmel tawk hian an ei a, keichu chawhmeh ka eichak ho pawh ka eikim hman lo. Kan awmnaah Sawmpuia rawn dak zawkin "Bawihi kal ang le" a rawn ti a, a pil lehnghal daih na a an hriat hman vek vangin min koh dan chu an lawm dar dar khawp mai.
"Maw? Engtin maw i koh?" Mazualtei lo ţawng ve chu hrepha vek mah ila tuman kan ngaihsak duh lo.
"Sammy ka kal phawt. Naktuk chawlh a ni tho a, lo leng rawh aw" ka tih hnuah rang tawkin ka chhuak ve.
"Ex ivan nei ţhing em em" ka ti deuh hluai. Pawnah kan awm tawh a, midangin min chimbuai tawh lo bawk a, boruak a nuam bawk nen, ka harh sawng sawng.
"A rui em anih kha"
"Dikchiah mahni intheihngilh vek khawpin a rui. I dawih si, hau hrep ta che" ka ti leh a, a mizia ka hrechiang a, mi zingah tumah a hauh ka ring lo. A thinrim tawpkhawk a thleng anih loh chuan.
"Hmeichhe rui khing ur ur turin min beisei a mi?" a ti hluk a, nui chungin lu ka lo bu nghat.
"Hnai te ah leng kawi ang" ka kut a vuan a, kan inhmuh hmasak ber naah khan min hruai. Engkim a la ngai reng a, keipawh ka la ngai. Zanin chuan ka rui lo tih mai chauh a ni.
"Khami zan a ka awmdan kha chiang pawn ka hretawh lo hrim hrim ania, ka rui ropui si. Min fiam hlek suh ang che" tiin ka vau lawk.
"Ka lawm e" a ti ringawt a, a lawmna tur thil tih ka nei der si lo. Ka vau khur khur zawk kha ania.
"Eng thilah?"
"Engkimah. Zanin a thil thleng kha ngai thutak duh suh. A harhfim hunah ka sawifel pui mai ang. Nangmah zawk hi, ka kiangah awm reng ang che" a ti a, ka nuhrawn leh a pa thil tih tum kan hriat veleh a inţhen kan tum sia.
"Kan inţhen vat dawn kha, engtin nge kan awmdun reng theih ang? Kan inţhen hnuah pawh ka la zui reng tho ang che maw?" ti a ka zawh chuan lu a thing a, bang nghengin ka ding a, ka hmaah a ding ve thung. Kan inhmuh hmasakber zan a kan awmdan ang chiah tho khan.
"Å¢hen che ka tum tawh lo. Nupui nei tur a min tih khan ka hmangaih theih ka ring lo va, tunah hian ka hmangaih leh hmangaih loh che ka rih lo. Mahse ka duh che. I bula awm nuam ka ti tawh a, reilote i awm loh pawn ka khuahar" a la ti ta deuh deuh. Thla tlem te chhung khan a danglam theih ka ring lo reng reng. Thil tam tak chu ka tihsak ngei. Ka theihtawp chu ka chhuah ve chiang alawm mahse min duh ka ring thei chuang lo. Min fiam aniang.
"Min duh ve kher angai lo. Ka duh che tih hi hria la, min kalsan lo la a tawk mai" ka khabe ah dawmin min kuai dak a, ka hmuia min fawh chuan ka lo dawh tawp. Ka lo hnar lova, ka fawp let ve lo bawk. Mahse ka duh ve awm ka hre lo. Min fawh pawn chhunah khan lai viau mah ila tunah chuan engtinmah ka awm tawh lo.
CONT
Kan mikhual te an haw zo tawh a, kan khua a har lehzual. Sawmpuia cousin Rintei erawh ala cham a, min awmpui rih dawn a ni awm e. Sawmpuia nen an inkawmngeih a, a khawngaih ve tho vangin an khaw lamah a haw ve ta lo. College a zawh hnuah a kal chhunzawm rih lova, oriflame tih vel erawh a atchilh ve hlur. Aizawl khua a nilo chungin Aizawl ah ţhian a ngah a, nuam a ti phian.
Keimah chauh a ţhutkhawmna pindan ka tihfel melh melh laiin hmeichhe pakhat ka la hmuh ngai lo a rawn lut. Kawngkhar ka hawng huau bawk a luh min dil lem lo. Ka hmuh hnu ah chiah a lo lut tih ka hria.
"Khawnge Sawmpuia?"
"A mu a, lo ţhu rawh" ka lo ti ţha ve mai. Sofa a ţhut hnuah darthlalang te phawrhin uluk zetin a in en a, a hmui te a hnawih ţha thul. Amah chauh pawn a buai khawp mai.
"Min lo kohsak rawh" thupe aw zet a a tih chuan ka ngaithei vak lo ţan. Ţha deuh a inhrilh a awm lo. A chhiahhlawhah min ngai em maw ni.
"Zan a mu thei ngai lova, a mutthilh ve chhunah chuan ka kaitho hreh deuh a, a harh ţep ang. Lo nghak rawh" ka ti ve ngat. Min ngaina lo tu ang a ka ngaih te hi ka ngaina lui peih bik lo.
"Ka hmanhmawh a, va kaitho rawh. Mazualtei ti la a rawn tho nghal mai ang" beidawn a tum loh hmel khawp mai. Hetiang inleng neih reng ai chuan tiin Sawmpuia kaitho turin ka kal. Nidangah chuan a tirh theihin ka awm tawh lovang.
Khumah bawkkhupin a lo mu a, a muttui rapthlak lehnghal. Khanu lah khan thu a rawn nei ve nasa ropui mai sia, ka pasal tan a hmeichhe pawimawh deuh a ni maithei. Khumah ka ţhu hmasa te te a, ka darah na vak lovin ka sawi. A harh lo nasa mai. A hming a koh pahin ka sawi na deuh hlek a, rei ngial ka koh hnuah a harh ve hram. A mit a sen ram a, a chauh hmel ngawih ngawih hle.
"Inleng i nei a, va kaitho rawh a ti che a"
"Tunge?" tho phang aw deuh hian a ti a, tumah a beisei lo a nih hmel.
"Mazualtei a in ti. A muhil ka tih pawn ka hming sawi la a lo tho mai ang a ti a" tiin ka hrilh ve sar sar a, a inla thunei vel bawk a, a thil sawi duh dan kha hreve reng reng teh se. Hmeichhia an ţawngthei an ti ţhin bawk a, ka sawi chhawng zel ang.
"A tho peih lo va ti rawh" a ti hmuk a, a mut ngaia mu lehin mit a chhing zui daih.
"A nghak reng che sia"
"Haw rawh se"
"A mawi lo i harh tawh tho kha, va thochhuak ve hrim hrim rawh"
"Ka sawi ang chuan va ti rawh. A haw duh loh chuan i rawn luhsan daih dawn nia" a ti sam et.
"I van mawl tak" ti mah ila ka nuichhuak ver ver. A inrin aiin Sawmpuia tan a lo pawimawh mang si lova.
Ka let leh chuan Rintei a lo ţhu ran tawh. Tv a lo en a, kan inleng nen chuan an lo inbe tam lo a nih hmel.
"Ka tho peih lo a ti. Ka nu thih hnu hian a mu tlem lutuk a, ka tihluih ngial pawn a tho duh tlat lo" pawi ti awm fe hian ka ti a, ka nuihzat ru hle sia. Mahni kan indah san ang hian mi hian min dahsang ve lo tih hi hriat tur ania, kan chapo poh leh kan tlukchhiat a hnai. Mi nuihzat hlawhna mai mai.
"Ka hming i sawi em?"
"Sawi e, haw rih mai rawh se a ti" ka ti deuh kher. Zak ru ve chem chem rawh se.
"Va kaitho lui rawh. A thawh hma chu ka nghak dawn"
"Ka hmanhmawh iti sia"
"Ral tumin ka lokal a, ral lo chuan ka haw dawn lo" a rilru a lian ve khawp mai. A peih chen chen ţhu teh se.
"Kha kha Sawmpuia nupui anih kha. Ralna pawisa ipek duh chuan annu kha pe la, a inang reng. Sawmpuia mu tawh vek vek chu i nghak chhuak zo teuh lo. Va hnek pawp mah la a harh lovang" Rinte in a lo ti ve khauh a, ka sawi harh zo reng sia, sawi uar thiam ve khawp mai.
"A harhvang lutuk ka hria lawm. Inleng in lawm loh hmel sia ka haw phawt. Tlai lamah ka rawnkal leh ang" ala ti tak deuh deuh a, a chhuah hnuah Rintei chuan "A rilru a buai deuh mawnle" a ti sep a, keichuan "A chapo a zakthei lo ve hrim hrim anih kha" ka lo ti thung. Sawmpuia laka a thuneihna rawn lantir tumah ka ngai ber.
"A haw tawh" khum lu lam nghengin ke hlang atin ka ţhu.
"Umm"
"Hrim hrimin tunge a nih a? Hmuh iva hlau ve" ka tih laiin a rawn tawlh hrut a, ka malchungah a bawk then.
"Å¢hian hlui"
"I bialnu hlui a ni hrim hrim. A hmelţhat em kha, la inkawp reng ta che u" ka ti a, a hmel kha chu ţha ka ti khawp. A thawmhnaw pawh a nalhin a tunlai a, a chapona leh mawl rukna lo kha chu sawisel tur a awm lo. Ka pasal hi a duh lutuk anga zahna in a thlawh bosan a ni maithei. Ngaihdan ka siam thiam chiah bik lo.
"I chhelo zawk" a tih hnuah a nui zui hawk a, na tawk hian ka nemsawn lawp.
"Nge i nuih kher a?" ti vin hlar mah ila a ngai ang chiahin a rawn awm leh. Min hrechiang tawh bawk a, min hlau lo sawt khawp mai.
"Puipuii chanchin i hria em?" ka ti a, kut hlei ta na na na chuan a sam te ka khawih ta vel.
"Hre lo. Ka nu a awm tawh lova, ven tur a nei tawh hleinem" a ti a, Puipuii khan a ngaizawng emaw ka ti ţhin a, ka lo ring sual zawk a ni. Ka nu ruang awm lai te khan a bialpa patling deuh nen an awm dun char char.
"Dawr ah te kal tawh la, i camera te kha lekchhuak leh tawh rawh. Hetianga awm reng ringawt hian eng thil mah a ti danglam thei lo. Kal chhuak la, i rilru a zangkhai zawk ang. Rilru lakpenna tur zawng char char zawk la, buai lui ngat ngat mai rawh" ka ti a, ţhutkhawmna pindanah ka nu tel ve na kan inneih thlalak kha kan tarchhuak ta ngei a, ka men dan erawh ka lung ala awi thei chuang lo.
"Bz-a birthday a nia, chaw eikhawm an tum. Tukin ah min rawn hrilh a ka lo hnar"
"Kal ve rawh. Ţhiante bulah awm la i harh deuh ang. Inkhung ngawt ngawt hi a hrisello"
"Lokal ve la, kal dun ila" a zangthal a, ka chhan na a ngaichang ta reng.
"I ţhiante tumah ka hreve lova"
"Sammy nen in lokal ve zan kha ila hria em? Khalai hmunah khan an lawm dawn. A hmun a rem ber an tia, i Sammy duhtak pawh a kal ve maithei" a thusawi tawp lamah chuan a nui deuh hlek. Sammy leh Bz-a te inkar a hre hneh ve tawh bawk a, a lawm riau.
"Bza chuan a duh tho tihna mi? Sammy a awm ve dawn chuan"
"A nih hmel. A zalen ber a, a neitu Zamzami a lo fel hlauh bawk a" a ti a, class ka ţhulh zeuh zeuh vangin Sammy nen kan inhmu khat angreng a, ka ngai ve tawh bawk nen, birthday lawm vel tak chu peih lo mah ila kal ve chu ka lo remti hram.
"Zanin kan kal ang a, naktuk aţang chuan pangngai deuh a awm chhunzawm tum tawh ang che. Nangmah leh nangmah i inti hrehawm lui a, hei i cher vek tawh hi" a biang leh mit vel ka kawk kual dan dan. Nui suk chung hian ka kut a lo vuan bet a, a awmzawnah a dah.
"U Biaktei a rintlak vak rih si lova, i hah ţhin em? Keilah tihian ka awm tawp a, nidang angin ka enzui ţhin lo che a"
"Nidangah min enzui ţhin maw?" a lu a ti che a, 'aw' a tih naah ka ngai.
"Hah love, Rintei a awm a, U Biaktei chu kan phut lo hrim hrim. Phut ngam pawh a ni lo. Ko hlek ila a ţap ţuau reng a, hnem tumin lahin 'min hrethiam lo' tiin a thinrim nghal dawn zel bawk si" ka ti ta zat zat. A tawrhna kan hrethiam lo ah a ngai lui tlat a, a awm awmin kan awmtir mai. Ka nu ka chan tawh a, a tawrh dan hriatthiampui ber tu zawk ka ni.
"Dawt hram hram rawh. Ka nu kha Pathian tluk a ropui ah a dah ve a, ka nu a thi tak tak tih a pawm thiam hunah ngai a awh leh mai ang. Ka rin aiin ilo fel daih. A ţul ţul iti ve mawp mawp a" tiin min fak a, tlem chuan ka zak ve deuh. Fakna hi ka dawngkhat ve ropui sia.
"Ka tih tur alawm. Midang in rintlak rih si lova" ka ti ban charh.
Lai deuh chung a pindan chhung ka melh kual ralh ralh laiin ka hmuiah tak a rawn fawp zeuh a, ka malchungah bawk rang tawkin a mu leh. A mit a chhing na a a nui hmel a hmuh theih reng tho.
"Tho rawh" ka tih hnuah aw ka thian kharh a, awmdan tur ber ka hre rih lo.
"Tihian ka muhil ang a tlaiah min lo kaitho dawn nia"
"Ka hah ang. Ka ke a mu vel ang a, ruh seh ka nei ania tho vat teh"
"I ruh seh a chhuah hunah min nemsawn leh mai rawh. I chak em kha" a ti lehzel. Tharum hman na hun niin ka hre rih lova, ka ţhut ngaiin ka ţhu ta reng.
Tlai lamah kan nupa a kan insiam mawlh mawlh laiin Rintei a rawn lut hlawl. Min entawn zak zak hnuah "Khawnge in kal dawn?" a ti a, mak a tih hmel heu hau khawp mai.
"Zamzami te inah"
"In mak Malsawmpui, keimah chauh a min awmtir in tum a mi? Nangpawh Rosy papuia leh U Biaktei ţawng duh rih lohzia i hriat ve vek kha" naupangchhia zet hian a ti a, kan hnung lamah min rawn um peih a nih loh chuan bike ah a leng ve der si lo.
"Kan lo haw har lovang. An biak loh che chuan be bik lo mai rawh. Chaw ei naah chiah in inhmu dawn. A rei lo lutuk" ka ti hmak hmak a, Sawmpuia ber pawn a ngaihsak chuang hleinem.
"Malsawmpui nachinah hmeichhe zakthei lo deuh a lokal ania, i hming a lam reng lehnghal. Rosy phei chu a ngaih hniam hmel, an inhre ngai tawp si lo. I hmelhriat ţha anih chuan lo hrilh ang che" a ti fek fek a, nuam lo ka lo ti.
"Ka be thei lo. Engtin nge a tih che?" tih pah hian min rawn en a, Rintei ka melh hrawk ringawt.
"Aaa...a tham lo em a, i nupui ania, i ţhianţha mah nise i nupui chu a zah ve deuh turah ka ngai" a ti bah niaih. Khanu bulah khan zamlo dun viau mah ila tunah tak chuan kan zam dun rem rem khawp mai.
"Midang ka lo hrilh tir ang" a ti a, khatiang hmeichhia a be duh lo hi a thawventhlak hawk zawk.
Kan insiam zawh thlengin Rintei a awm ve. Khum a mu zawn zawn chung hian a ti ti melh melh a, a tawpah Mazualtei a huat thu bawk a sawi leh. Kan insiam zawh veleh Sawmpuia chuan "Kal ang le" tih pah hian ka darah min kuah a, ka nu boral hnu hian min hnaih lehzual. A damloh lai te khan damdawiin aţanga a rawn haw hi ka thiam dan danin ka lo ngaihsak ve ţhin a, a thih hnu phei hi chuan min bel deuh chawt.
"Sammy chu kal dawn lo se ka kal miah lovang mawle" ti sep sep chung hian bike ah ka lawn kai ve a, a sang lutuk hi kei ang nu lian vak lo tan chuan a ninawm chang a tam. Sammy ka la hrilh lawk lova, nuam a tih lai taka ţhawn thut ka duh zawk. Ka fel ve sawt khawp mai. Ka pasal a nu vanga a rilru natna chhawk zangkhai sak tumin ka kal peihloh deuhna hmunah ka kal ve ta mai chu nia! Nupui ţha tak chu ka lo ni e.
Hman a Sammy nen kan kal ţum a scooty a dahna ngeiah khan Sawmpuia'n bike a dah veleh. Bike tlem te leh scooty pahnih a lo inhung ran a, pakhat zawk chu Sammya scooty ngei a ni. Keimahin ka nui sak. A nuam ti lutukin min rawn hrilh nachang a hre lehpek lo a ni khawp ang.
Dar5 a ri tawh a, tunlaiah chuan birthday an lawm reng rengin a tlai poh leh nuam an ti.
"A bialnu a kal ve dawn em?" tih pah hian ka pasal chu ka en chho ha a, mipa a ni bawk a kan insan hleih ve khawp.
"An inţhen tawh kha"
"A ni maw?"
"Umm..ka nu damloh lai vel khan"
"Sammy tan hun ţha a inherchhuak ta ni maw?" nui hak hak chung hian ka ti a, ka phur sawt.
An inchhung chu a lo la danglam lo. An lo ţhukhawm laih a, min hmuh rualin a ri mur mur lai a reh hmak. Sawmpuia'n a lo hnar vek tawh a, min hmuh an inbeisei lo hlawm a mak an lo tih hmel hlawm nasa. An zingah tlangvel hmel tak a Sammy ţhu ve kuk ka hmuh chuan min tihlim a, tuman tibuai lo se tih hi hman aţanga ka thil duh ber ţhin a ni. Mahse chhun a kan in a lokal nu kha ka hmu tel ve. Avan hman awm em em ka ti rilru a, heta a kal duh vang hi anih dawn hi hun neilo a lo intih em em.
"Lo ţhu ve ru. Nupui neih ve mai ka duh, duh duh huna hruai chhuah tur ka nei ve dawn a" an zinga pakhat, a hmel vang chuan nupui zawng dawn se a hmu bik miah lovang tih tur chi berkher hian ring leng lawng hian a lo ti a, a nui zui huah huah lehnghal. An tam lem lo bawk a, a awl laiah kan inzep ve a, rin ang tak takin zu an lo inkhawm.
"Bz pek tur che kan rawn leikawi hman tawh si lova, nidangah ţha deuh kan pe ang che" inthlahrung angreng tak hian ka ti a, Sawmpuia lahin engmah sawi nachang a hre der si lo.
"A ngai lo. Min rawn lawmpui hrim hrim hi a lawmawm" a piah chiahah Sammy ţhuin a hawi vah vah a, kan ti ti a midang kan nuih pangngai mai laiin Sammy erawh uar tawkin a nui hawr hawr thung. A arsi ve deuh hlek bulah a awm bawk a, engtinpawn ti ila a thinrim thei lovang.
Sawmpuia chuan a ţhiante ho hming chu min hrilh kual den den a, ka nu damloh lai khan lokal ve ţhin mahse inkawmna hun em em a awm ngai lova, chiang pawn ka hre leh tawh hlawm lo. Chhia ka tih ve deuh kha Ruata ania, midang chu hmelchhe tak an awm lo.
"Zamzam khawnge i nu leh pate?" ti a zawh pahin a ţhutna lamah ka inher a, midangin ţhutna kan luah hneh bawk a rem lo deuhin kan piah deuhah a ţhu ve ran.
"Ka pa hi thingtlangah hnathawkin a awm a, ka nu hian a awmpui zeuh zeuh. Hetah chuan ka naute ho nen kan awm tam ber. Pindanah an awm, ka ţhiante an lokal hi chuan min chim buai vak ngai lo" a ti a, tlem chuan a rui ve deuh tawh.
"Chaw ei inti sia, rawng in bawl zo tawh mi?"
"Aw nachinah Jerry nen kan ti zo chiah. Tih tur a awm tawh lo. Tikhan ţhu tawp la a hunah i ei tawp dawn nia. Birthday lawm tih takah birthday chhuanlama chaw eikhawm a ni zawk mah"
"Nihchu. A nuam khawp mai" ka ti na a a rui ho an phul hlut a, rui lo tan chuan a nawm na vak a awm hran lo.
Sawmpuia chu a ţhianten pek ve an tum ngial pawhin a la duh lo. Ka hriat chinah beer bak ala in lova, tunah lah beer a awm hmel mang si lo. Mazualtei pawh ka en ru reng. Tumah be lovin amah chauhin a in mial mial a, rin aiin a daih rei zek. A inţhang aniang te ka ti rilru ta vel mai mai.
Dar7 velah daih chaw kan ei a, an ri luih luih reng mai.
"Sawnu saw eng nge a hriat a? Biak lahin min chhang duh der lo. Amah sawn a awm tawp a, chaw rawn eitir ru a chau lutuk ang" Mazualtei hriat hlau tak chungin Jerry chuan midang a hrilh kual.
An thlem ngial hnuah choka lamah a rawn phei ve chhat chhat. Dawhkan awl laiah Sawmpuia nen kan ei a, midang chu an kal darh nual.
"Malsawmpui i muhil a ni lawm ni? Muhil chungin engtin nge i rawn kal theih? In in hial ka rawn thlen hnuah pawh min be duh lo maw?" a ti a, a ţap lek lek lehnghal. Midangin hruai hran an tum ngial na a alo duh lo nasa. A rui viau na a bu luk luk khawpin a awm lova, mahse amah a ni tawh lo. A mitmeng thlengin a buai nak tawh.
"Mazualte lokal rawh. Amak e, chaw ei la ka pindanah mu daih rawh. Ilo riak mai dawn nia, isawi duh chu i harhfim laiin sawi zawk rawh" ti mawlh mawlh chungin Zamzami pawh kaih sawn a tum a, ka ţhutna chair nghenchhan a vuan tlat. A va hahthlak ţhin tak. A rawn vawnna kut chu na zet a lo chum pawp mai te ka duh.
"Chhanna fel fai tak ka hmuh hma chu hepa hi ka kalsan dawn lo" a ti tlat. A ding run reng a, Sawmpuia ning lah chuan min khamsan hmak. Mahni a ţhut reng nuam ka tih bik loh vangin ka kham ve a, ka puar hman lo hrim hrim.
Ka thawh veleh ka ţhutnaah a ţhu tharh. Mahse a ţhu rei lo, ţhutkhawmna pindan lama kan phei min zui leh ngat. A luhlul ka tih tawh kha.
"Kan lo va haw hmasa ang. Jerry rawngbawl chu a tui khawp mai. Nakinah kan inah kan la ti ve dawn nia" ti a a ţhiante hrilh pahin a helmet a la kang a, chuveleh Mazualtei chuan lo chhuh thutin chhuatah a vawm bur. A neih tharna ala reiloh vangin bike ah pawh a kalsan ngam lo ania.
"Awiii invan ngawi thei tak e aw. Henu hi chaw ei hma aţang khan ka ning tawh. Hey doctor ve lai ini lawm ni? Iva polite lo ve, chaw ei pawh iti tui nek love. Sawmpui la haw suh u, henu hi haw zawk rawh se. Chhe chhep chhup ropui si, i sam te hi a thur bum hi intuai mam ve ta che. Midang ang a i ţhianţha chu ni ve ila ka beng sawk sawk tawh ang che" Sammy chuan a rawn ti ta phiar phiar a, kan ngawi ţhap. Helmet tla chu Sawmpuia chuan a chhar veleh mai a, a thinrimzia erawh kei takngial pawn ka hmu thei. A zak bawk ang ka ring.
"Lo inrawlh suh. Invai khan tumah lo inrawlh suh u. Malsawmpuia nen a kan inkar thil ania, tumah inrawlh tum hlek suh u" a ti khur khur a, Sammy sawi ang tak takin a sam pawh a thur deuh bam tawh.
"A zia lo hle mai. Sawmpui lokal lawk teh. Tun ţum chu hrethiam hram hram rawh u" Ruata chuan a ti a, choka ah bawk Sawmpuia a hruai let leh a, eng nge an sawi kan hriatpui ve tawh lo. A thinrim tak tak hma a a hruai hrang kha a ţha daih zawk.
"Rosy ţhu rawh,a nawm tur angin a nuam thei lo vek. Bz ei ţeuh tho rawh aw, birthday zanah chuan thal tawp khawp a eitur" Sammy bawk a ni. A nui leh hawr hawr tawh. Nakinah Bza nen a an chanchin ka la zawt ang. Mazualtei thung chu bang nghengin zawi deuhin a ding a, harhfim se a awmdan chu a zak ve ngawt ang. Lehlam zawng chuan a khawngaihthlak angreng.
Midang chaw eina karah ka ţhu ve reng. Tui tih hmel tawk hian an ei a, keichu chawhmeh ka eichak ho pawh ka eikim hman lo. Kan awmnaah Sawmpuia rawn dak zawkin "Bawihi kal ang le" a rawn ti a, a pil lehnghal daih na a an hriat hman vek vangin min koh dan chu an lawm dar dar khawp mai.
"Maw? Engtin maw i koh?" Mazualtei lo ţawng ve chu hrepha vek mah ila tuman kan ngaihsak duh lo.
"Sammy ka kal phawt. Naktuk chawlh a ni tho a, lo leng rawh aw" ka tih hnuah rang tawkin ka chhuak ve.
"Ex ivan nei ţhing em em" ka ti deuh hluai. Pawnah kan awm tawh a, midangin min chimbuai tawh lo bawk a, boruak a nuam bawk nen, ka harh sawng sawng.
"A rui em anih kha"
"Dikchiah mahni intheihngilh vek khawpin a rui. I dawih si, hau hrep ta che" ka ti leh a, a mizia ka hrechiang a, mi zingah tumah a hauh ka ring lo. A thinrim tawpkhawk a thleng anih loh chuan.
"Hmeichhe rui khing ur ur turin min beisei a mi?" a ti hluk a, nui chungin lu ka lo bu nghat.
"Hnai te ah leng kawi ang" ka kut a vuan a, kan inhmuh hmasak ber naah khan min hruai. Engkim a la ngai reng a, keipawh ka la ngai. Zanin chuan ka rui lo tih mai chauh a ni.
"Khami zan a ka awmdan kha chiang pawn ka hretawh lo hrim hrim ania, ka rui ropui si. Min fiam hlek suh ang che" tiin ka vau lawk.
"Ka lawm e" a ti ringawt a, a lawmna tur thil tih ka nei der si lo. Ka vau khur khur zawk kha ania.
"Eng thilah?"
"Engkimah. Zanin a thil thleng kha ngai thutak duh suh. A harhfim hunah ka sawifel pui mai ang. Nangmah zawk hi, ka kiangah awm reng ang che" a ti a, ka nuhrawn leh a pa thil tih tum kan hriat veleh a inţhen kan tum sia.
"Kan inţhen vat dawn kha, engtin nge kan awmdun reng theih ang? Kan inţhen hnuah pawh ka la zui reng tho ang che maw?" ti a ka zawh chuan lu a thing a, bang nghengin ka ding a, ka hmaah a ding ve thung. Kan inhmuh hmasakber zan a kan awmdan ang chiah tho khan.
"Å¢hen che ka tum tawh lo. Nupui nei tur a min tih khan ka hmangaih theih ka ring lo va, tunah hian ka hmangaih leh hmangaih loh che ka rih lo. Mahse ka duh che. I bula awm nuam ka ti tawh a, reilote i awm loh pawn ka khuahar" a la ti ta deuh deuh. Thla tlem te chhung khan a danglam theih ka ring lo reng reng. Thil tam tak chu ka tihsak ngei. Ka theihtawp chu ka chhuah ve chiang alawm mahse min duh ka ring thei chuang lo. Min fiam aniang.
"Min duh ve kher angai lo. Ka duh che tih hi hria la, min kalsan lo la a tawk mai" ka khabe ah dawmin min kuai dak a, ka hmuia min fawh chuan ka lo dawh tawp. Ka lo hnar lova, ka fawp let ve lo bawk. Mahse ka duh ve awm ka hre lo. Min fawh pawn chhunah khan lai viau mah ila tunah chuan engtinmah ka awm tawh lo.
CONT
Comments
Post a Comment