BAD BOYS CHAP14-LAST
BAD BOYS-14
"Ngatinge helai thleng thleng min rawn zui?"
"Hetah eng nge itih?"
"Ka thu anih hi. I hmu lo mi?"
"Midang in an hriat hma in lo lut rawh" ka thaw huai mai. Midang chuan ka chhuak ru ani tih an hrelo ani phawt ang.
"Min lo thup sak rawh zan in chiah" tiin ka ngen a, a in ngaihtuah vang vang a, a phal ngei ka beisei..
"Ka phone thleng in min laksak a, in ti mah mah tawh. Tunah chuan min hrethiam ve rawh. Haider rawh" engmah sawilo in a kalsan. Ka ngen na tih hlawhtlin loh chu Johna hi chuan harsa ati. Ka naupanlai atang tawh in ka tan a a tihtheih ang zawng zawng hi chu a ti vek thin. Tunah pawh min thup pui ngei dawn ani tih ka hria.
"Ka rei em?" Christopher a rawn let chu a pawr phang mai. Reilote chhung pawn buaina a tawk leh anih hmel. A buaina tawh chungchang ka zawt lo a, ka ngaithla peih lo bawk. Tuna keima buaina ringawt pawh hi a ninawm tawh tehlul nen buaina dang in chim tir ka duh tawh lo.
"Rei ve tho" a thil lei a phawrh a, ka ril a tam lutuk tawh avang in ka lo ei nghal bawrh bawrh mai. Min endan atang chuan min khawngaih tih ka hmuvek.
"Eitur hmu ngailo i ang" ati ta nge nge a.
"Ka hmu a ka eilo zawk. Ka chhungte bula thil ei ka chak lo. Ei mah ila ka eitui chuang lo ang"
"Anih leh tikhan ei zo vek rawh. School danga lut tur a an tih che chuan hnial tawh suh. Awmzia a awm dawn chuang lo in ka hria"
"Ka hre tawh. Mahse school chhuahsan hi ka la hreh tho tho" ka ngaihtuah chian poh leh ka hreh. Exam hnaih lama school san leh thut te chu ka tan pawh phurrit atam dawn lutuk.
A thil rawn lei ka eizawh vek hnu ah amah ngheng in awn deuh in ka thu a, reitak chhung chu in be lo in kan ngaihtuahna kan kawm melh melh a, inthen chungchang a sawi leh ka hlau ber. Nuam tih lohna a neih loh nan keipawh hrehawm ti lutuk lo anga awm thiam ka ngai. Hrehawm ka ti ani tih ka hriat chuan amah a in thiamlo anga, amah vang vek a thleng ah angai leh ang a, amah vang ni tho mahse inthiam lo deuh a awm tir ka duh lo. Amah vanga hrehawm tuar ang a min ngaih chuan inthen chu a duh tak tak ang. A nun uluk ve deuh sela chuan hetiang hi kan tawk lo tur mahse anih na ang ang in ka pawm a, amah ka kawp hi in chhir na pawh ka la nei lo. Ka la tuar chhuak ve em em ang.
"Dar9 ari tawh" ati a, ka tan pawh inchhung a luh a hun tawh. Anih loh chuan ka awm lo tih an hre mai ang. Awmdun reng hnu a inthen hran leh hi ka huphurh thin. Ka ngai leh ngawt ang. Ani pawn min ngai anga, ka chhungte vang in thlamuang deuh pawn kan inhmu ve theilo. Min khap lo sela chuan chhuah ruk pawh angai lo ang a, a ruk a thil tih kher pawh a ngai lo ang. Anmahni vang in anmahni vek ka bum reng a ngaih phah anih hi.
A ding a, keipawh min kaitho zui ve nghal a, ka chhuah rukna lam ah bawk kan kal leh a, ka in khawngaih zawk.
"Kan in be dawn nia. Ka haw tlang anga ka lo bia ang che" ati a, ka luh hnu kawngka ka khar leh thleng in min en a, a ruk chuan a tlawmngai ve ngawt in ka ring. Kan buaina tawh ang hi midang in an tawh ve ka hlau. An rilru a no lutuk phei chuan an tuarchhuak kher lo ang mahse kei chuan ka tuarchhuak ngei ang.
Ka room lam ah thawm dim deuh in ka kal a, ka chetsual veih chuan min man nghal ani mai. Ka room kawngka hawn mai ka tum chu a lo in kalh. Ka nui suk ringawt. Keimah ang in Johna a awm chiang mai. Ka kik veleh arawn hawng nghal a, ka unaupa chung ah ka lawm ngei mai.
"Iva rei ve" alo ti khur khur a, khum a lawn pah in "Engtin nge ka awm lo tih i hriat?"a zawhna pawh chhang lo in ka lo ti deih.
"I room ah ka lokal a, ilo awm lo. Store room bula kawngka ka hrechhuak a, a tir chuan bathroom ah maw choka ah maw i awm ka ring a, ka en a, i awm silo a. I rilru hah ve lai ani sia, i rilru hah laia ikal ziahna chu ka hria. Ka rawn kal a, ilo awm a" ati a, Christopher ka hmu tih a hrelo ani ngei ang. Hria se chuan min pui duh bik lo maithei. A hriat loh chuan ka sawikher angai lo bawk. Ka lawm tak tak ani.
"Chhuak twh rwh ka mu duh tawh" phone ka hman duh vang ani zawk mah.
"Muttui o" atih hnu ah a chhuak a, ka phone ka phawrh nghal. Hman nghal theih in alo siam vek a, inhmu lo mah ila a inbiak theih chuan khawhar lutuk pawh a zia deuh ang chu. A number alo dah sa a, midang number chu a awm lo hrim hrim.
[Ka room ah ka awm tawh] tih ka thawn a, a en nghal miah lo. A tlan laklawh pawh ani maithei. Mut pah in ka lo nghak reng a, thil nghah theilo chi ka nih bawk vang in ka phone ka check ngun hle. Ka mit ka chhing vang vang a, ka hma hun thim lutuk chu ngaihtuah reng tlak pawh a nilo.
[Ka thleng tawh a, an hrechhuak em lo che maw?"]
[Tuman an hrelo] a dp a ka thlalak ka hmuh chuan ka phu zawk thei hial in ka hria. Ka awm na chu classroom chhung ani tih ka hria a, ka sam awmdan atangin school luh tirh lam ani tih ka hre bawk. School luh tirh ah a rukin thla min lo laksak tihna. Nuam ka ti veng veng a, keimah in ka nui vur vur reng mai. A ruka ka lo duh em em lai khan ani pawn a ruk in min lo en ve reng thin ani ngei ang.
[I dp hi?]
[Nalh ka ti lem lo] ka ner suk a, a fiamthu tih ka hriatchian em vang in ka lawm em em tho. Thil ho mai mai sawi in rei deuh kan in bia a,ka lo mutthilh san deih.
Zing a ka harh veleh ka phone ka en nghal a, zan a a message ka hmuh hman tak loh ho ka en a, zing ah chuan min lo la be lo. Ala tho lo anih ka ring. A thawh veleh min rawn be ngei ngei ang. Ka room kawngkhar a ri rek rek a, ka lukham hnuai a ka phone ka dah thuhruk hnu ah ka hawng chauh a. Ka nu in min lo nuih sang a.
"Insiam rawh school i tlai ang"
"Min san dawn nilaw mi?"ka ti hu a, an rilru danglam reng hian awm ngaihna min hriattir dawn lo. An duh duh in min ti kual vel ni ber in ka hria.
"John an a remti lo. Exam hnai tawh nen i zirna in a tawrh a hlau. Kan ngaihtuah chiang a, a sawidik ve tho bawk a, school ngai ah ilut anga, phone chu kan pe let lo ang che. I haw lam leh kal lam John a rualin ani zel tawh ang. Cindy bulah pawh in kal rual thei tawh dawn lo tih kan hrilh tawh" ati zung zung a, min san dawn loh pbawt chuan pawi ka tilo. Ka unaupa neihchhun ka hmangaih lehzual sawt in ka hria. A thu ka awih loh pawn ani chuan min ngaihsak reng tho.
Ka inbual a, chumi hnu ah ka school form ka lachhuak a, ka insiam pawh ka phur kher mai. School ngai ah ka lut anga, Christopher pawh nitin ka hmu thei ang. Ka phone ka la chhuak a.
[Morning] tih alo awm. A tho ve tawh ngei anih hi.
[School ka lokal dawn. Nagpawh lokal ngei ngei rawh. Ka school luhna an sawn dawn lo a mahse John an min thlah ziah dawn] ka phur lutuk a ka nui reng mai.
[Ka insiam nghal] arawn ti a, ka bag ah ka phone ka khung a, inhnuai lam ah phur takin ka chhuk thla a, ka kalna tur a Mary lo ding chu hmu lo der in ka su lui a, a inher lawp thei in ka hria, ka su na bawk em ani. Ka hmuh apiang hian ka thinrim thar leh thin.
An rualin chaw ka ei ve a, ka kun tlat a, tumah ka be lo a, ka en lo bawk.
"Thinrim na neih hian hriat reng loh tur. Tih tauh reng te hi a tha lo" ka pa in a tih chuan a rukin ka ner nasa hle. Khirh lutuk hlawm lo se la chuan ka thinrim bik awm lo emai. Chaw pawh eizo lo in ka ding a, kut ka sil zawh ah "Pawn ah ka lo nghak ang che" Johna bula ka tih zawh ah ka chhuak deih. Ka phone pawh min laksak duh ania, an sual emai. Tumah kha ka hlim hmel ka hmuh tir peihlo.
Gate bulah ka ding reng a, Cindy kal tur ka hmuh chuan ka tah a chhuak tlat amak lutuk.
"Jenn" arawn ti vak a, ka ban ka lo vei a, ani pawh apa in a thlah dawn ani ngei ang. Ka dinna zawn an rawn thlen chuan an ding a "Jenn class ah kan inhmu dawn nia. Kan la awm dun thei dwn a ka lawm lutuk. Ka lo va kalsan phawt ang che" ati a, apa pawh a hna a kal leh tur anih vang in an hmanhmawh aniang, an tlanchhuak lehnghal.
"Kal ang le Jenn" Johna hnung ah ka thu a, school thlen ka chak tawh.
"Jenn inchhung ah thinrim reng tawh suh"
"Nangmahni cho chhuah anih kha"
"Ka pa bulah i phone ka lo dil chhuah sak ang che"
"Angai lo" vin deuh in ka ti vak. Phone neilo ang ah min ngai se atha zawk. Phone ka kawl chuan min veng nasa lutuk palh ang.
"Ka bialpa neih in khap chhung chuan tumah ka be peih lo che u"
"A bulah hian i hlim tak tak ang maw?"ati a, buk nghat pah in "Hlim ang" ka lo ti vat. Ka hlim na anih phawt chuan Johna chuan min pawmpui leh mai ang. Ka hlim hmel a hmu ngai lo a hrehawm ati tawh anih ka ring. Ka thlavang hauh tumlo ang in insawi mahse ka hriat loh in ka thlavang alo hauh char char ka ring tho. Nilo sela chuan school pangai ah hian ka lut tawh lo ang.
"Zanah kan inkawm leh dawnnia" ati a, school kan thlen veleh rang deuh in ka chhuk a "Bye" ka tih sap hnu ah gate chhung ah ka lut a. Christopher a nen a kn thutna thin ka en hmasa ber. Alo awm reng tawh a, min rawn en a, anui vur vur mai. Hetiang a ka hmuh hi chuan ka hahdam huai in ka hre thin. A thutna lamah ka tlan dawr dawr a, thaw hluam hluam chunga thut ve pah in ka ngheng ar ar a "School ngai a kal an phal leh thut a amak e"alo ti nghal.
"Nia Johna vang ania. San lo turin min lo tia"
"I unaupa kha ka hmuh hnu a ang" i sawisak vak tawh kha mawla ka rilru in ka ti nghal mahse a hriat ah ka sawi lo. A ruih laiin a sawisa ang a a hrechiang lo pek aniang.
"Mi pawn an ti ziah. An a ngah niang" ka ti deih. A dik tak ka sawi chuan a inthiamlo lehzual ngei ang.
"Henu hi mipa a ngheng vel. Tah belh si" Joseph a aw ka hria chu ka nui hak mai. School dangah ka lut dawn amaw ka tih khan Joseph thleng hian ka ngai vek.
"Lo thu ve la Joseph"
"Ka duhlo e ah. Min ngheng ve palh ang ka hlau che. Ka ten cheu" ati kual leh vel a, tawngkam pangai hman hi chu hreh ve ngawt mai.
"In in ngaihzawn anga in ngaizawng nasa hi chu an inthen thut duh ania. Ngatinge hmeichhia hian mipa an sik reng le? Ka ten tak tak che u" Christopher a nui ri ka hriat chuan ka meng a, an inmil tawh manle mahse inmil hmel an la pu bawk silo.
"Bialnu ihmuh zawh loh vangin min ten der vel anih kha Jo"
"Bialnu ka duhlo. Ka hmupeih tawh lo che u. I bialnu tah belh belh nen"
"E.. Hey hman ni khan mi ka sawisa teuh Jenn ka chhan na lam ah itia, tumah i sawisa lo tiraw?" Joseph anui vak vak a, a nui lui ani mah zawk.
"Imawl ka tih tawh kha. Mi sawisa teuh ila chu hliam ka nei em em ang. Mimawl tihder awl chhah lutuk anih kha" ati deuh hrep a, nui chungin intithei takin a hawikual vah vah a.
"Jenn" Cindy au ri kan hriat chuan a nui tawp hmak mai. Christopher nen min pawt then a, kan inkar chep deuh ah arawn in zep nawk nawk a, Cindy a hlau lutuk chu a chhan ka hre chak kher mai.
"Jenn ka nghak char char che lawm. Hetah ilo awm deih a. Ehe.. Joseph iloleng dawn maw ka tia nizan khan" Christopher nen a rukin nghet deuh in kan invuan a, nuih kan insum nasa dun hle.
"Ka loleng peih bawk lo. Kal rawh"
"Anih chuan min lo biak lai khan irui ami?"
"Aw rui. I bula ka rawnsawi ang kha ka nu bulah pawh ka sawi ziah. Kalsan teh ka kal dawn" tih pahin a tho a, classroom lamah a tlan a, Cindy a tlanchhiatsan ani mah zawk.
"Anu bulah ka ngai che ka seh chak che" ati ve thin aman le Cindy chuan ati nang nang a, Christopher nen za em em in kan nui a, midang tan chuan aho maithei. Joseph a hriat chian chuan nuihzathlak duh tak ani. Cindy nen a ngaihtuah zawm nghat phei chuan.
"Ka va zawtchiang leh teh ang" ati a, Cindy pawh a kalsan veleh a.
"Jo ithi dawn chiang" Christopher chuan ati a, ala nui reng tho. In a awm ai ngawt chuan school ah chuan intih hlimna tur alo tam zawk anih hi.
"Lut ve ang" ka ti a, atih ziah dan in ka bag min kensak a, kei in a ban ah ka vuan a, tuman thik en ah min en tawh lo. Rachel chuan min la tawngkhum nasa thei viau a, nun tikim tu ka tia engahmah ka ngaihsak ngailo. Min engtin pawn min ti se ka bialpa ka lama a tan chuan chhel takin ka hmachhawn thei zel ang.
.
Cont
BAD BOYS-15
"Joseph inbe lawk ang"
"Cindy chanchin ka sawi peih lo"
"Cindy anilo" a bulah ka thu a, vawin chu Christopher a lokal theilo. A u nen apa zin haw an lo hmuak dawn ani awm e. A peih vak lo a, a u in kalpui tur dang a neihloh vang in a khawngaih a, huphurh deuh chung in a kal ve ani.
"Enge i sawi tur chu?"
"Christopher hi i ngaih ang kha a nilo ania" a hmel inthlak danglam dan chu chiang deuh in ka hmu. Ka sawi zel tho ang.
"Min an sawisak vak ni cheu khan puitu tur zawn tumin a kalsan che a, mahse amah kha midang in an lo chang a, an lo khawih rawn veleh a,a hnu ah arawn zawng leh che a, ilo awm tawh lo a, in in ah a lokal a, inu in inkawm tawh suh u alo tia" anui hak a, ka thusawi a awih miah lo tih ka hria.
"Thawnthu sawi ivan thiam" ati ta reng a, "Ka phuahchawp anilo nia. Inu chuan a hliam pawh alo enkawl sak ngei alawm. Joseph a bulah ilokal tih hi ka sawilo ang ati bawk. Iduh chuan inu i zawt thei ang"
"Chupawh nise min kalsan tho" ati a, a rilru na hmel chu ka tan pawh hmuh a nuam lo. A thiantha ber in a phatsan ah angai a, keimah ah ka inchan a, Joseph a rilru tur hi ka hrethiam lutuk. Ana dawn em asin.
"A dawih vang in a tlanchhia anih kha. A hnu a kan insual leh pawn min hneh ngailo hrim hrim"
"A tilet ve duh ngailo che. Christopher hian a hlau miah lo che mahse a thiantha ber inih vang in na taka khawih che a duhlo. Ina tuar lai a hmu theilo" ka ti a, ka theih tawp in ka tawng nem ve chuan ka hria. Joseph a rilru hneh chu a harsa maithei a bikin Christopher a nen a an chungchang ah.
"Ka sawi chu i hrethiam em?" Dawhkan ah a bawk a, min hnungchhawn zui nghal deih. A in ngaihtuah anih ka ring a, ka be buai zui duh lem lo a, ka thutna ah ka let leh a, thil awmzia ka hrilh tawh a, ngaihtuah chiang se la amah in thuthlukna chu siam rawh se. An la in ngai viau ani tih ka hria a, an awmdan ah ka hmu bawk a, an in haw lutuk theilo tih ka hre bawk. Tunah pawh in fiam tawn vel chu nuam an la ti reng. An buaina sawifel an hreh mai mai ni in ka hria. Mipa an nia, mipa ah pawh induh ve tawk tak ve ve an nia, ka hrethiam lutuk. Mahse in ngai deuh chunga an in hlat lui reng hi hmuh hrehawm ka tia, buaina ho te inhriatthiam lohna ho te an neih hi chinfel sak ka duh a ni.
"Joseph saw a muhil leh tawh manle. Keichu ka duh telh telh. I unaupa aiin ka duh tawh in ka hria min ngei phah miah suh" Cindy thusawi vang chuan ka nuih a za angreng. An la in ngaizawng lo ang tih pawh a sawitheih hleinm. Cindy in bialpa ala nei ngailo a, Joseph a lah in hmeichhia midang bialnu hlui chu a duh lo bur bawk a, Cindy chu tu bialnu hlui mah ala nilo. An pahnih a ka hmuh hian Christopher ka ngai tlat zel. Tunah tak chuan Cindy hian Joseph hi tibuai hrih lo se ka duh. A rilru buai na tur thil ka sawi tawh vang in Cindy rilru natna tur deuh alo sawi ka hlau.
Nileng in Joseph nen kan in be lo a, amah in a awm tawp. Midang pawh a be chuang lo. A hlau tawk an awm a, amah kalpelh ringawt ngam lo pawh an awm. School ban ah pawh min thlah na thu engmah sawilo in a chhuak deih.
"Ngatinge a?" Ben an arawn ti a, ka hriat bikloh thu ka lo hrilh a.
"Nizanah Cindy in a hau ani chiang" ati uang a "Nizanah i biang seh i phallo mi?"an ti a, Damian nen nui vak vak chung in an chhuak a.
"An van mawl tak. Ka bialpa anih hma hma atangin min chhaih a mahse nuam ka ti" Cindy chuan a ti a, a phur viau ani ngei ang a mitmeng pawh a nung sar mai.
Gate thleng kan in zui a, Johna pawn min lo nghak reng tawh. Cindy chu apa in arawn lam thin a, bike a chuan a thiamloh vang in car in akal a, a haw leh bawk thin. Ka chhungten kal rual an phal lai kha chuan ti ti pah in ke in kan haw thin a, a nawm theih tehreng nen. Khanglai hun kha ka ngai.
"Lo chuang rawh le" Johna chuan ati dam dap a, Johna thinrim hi ka la hmu lo reng reng. Keimah vanga kan buai vak pawn vawikhat mah thinrim in min hau chuang lo. Ka unaupa mah nise amah neitu chu an vannei ngawt ang ka ti thin.
"School eng nge an Jenn?"
"Pangai ni mai. Karleh exam anih vang in kan zir belh tawh lo a, a zia phian. Class ah pawh kan thiamloh lai keimah niin min zirtir a, in a zir vak ngailo tur ang ania anuam lutuk"
"A that chu. I bialpa lampang te" ati a, la pawm chiah lo mahse then tur chuan min ti tawh lo. Awmzia a awm dawn lo tih a hrechiang a, zawi zawi a pawm a tum ani ber in ka hria.
"Vawin chuan a lokal lo a"
"A fail ange"
"Hrehawm atih phah lo ang. Ka duhloh phah dawn chuang lo a. A rilru a puitling ang nga a insiamtha ve mai ang"
"Chu chu beisei phawt ila"
"Ka beisei tlat dawn" ka lo ti vat a, engvang mah in ka then dawn lo. Aman bialnu dang a nei a, min duhlo anih loh chuan ka then lo ang.
Thlen veleh ka inbual nghal. School ban a inbual hi ka tih ziah dan anih vang in ngai ah ka nei a, ngei ngei tur ah ka dah tawp. Ka inbual zawh ah John an "Ka chhuak lawk dawn nia. Mary leh kanu leh pate kha chaw eina tur an nei o. Ka rawn haw harlo ang" ati a, a chhuah veleh ka phone ka phawrh a.
[Kan haw tawh] Christopher a message chu [Lokal rawh kan in ah tumah an awm lo] tiin ka chhang let a.
[Yes] tih arawn thawn a, tv en pah in alokal hun tur ka lo nghak ran a. Ka phone pawh kan nula in a hmuh ka hlauh vang in ka ak lehnghal deih. Midang a hrilh chuan pawi dawn lutuk. Phone ka kawl ru tih kan nula in a hriat pawh ka duh chuang lo.
Door bell a rik veleh phur tawk in ka hawng a, Christopher ka hmuh phei chuan ka phur lehzual.
"Lokal rawh" ka kut ka pe a, alo vuan vat a, ka kai lut a, kan thu dun a. Kan inchhung alo luh lohna pawh a rei tawh.
"Ka rin aiin in haw hma a"
"Kalkawng ah din an duh reng a kan rei zawk anih kha. School anuam em?" Ka lu thin pahin "Teuhlo a reh" ka ti a, nui chungin ka sam a tuai a, ngai ah ka nei tawh.
"Josepha bulah ka sawi a"
"Eng?"
"A huat chhan che hi thil hriatthiam loh a neih vang tih ka hrilh a" a ngawi reng a, a thin a rim anih ka ring a, ka tawng ngam tawh lo. Min hauh hrep ka hlau ber mahse "A that chu. Thudik hriattir chu a pawilo" ati ta zawk a, ka thaw huai mai.
"A in ngaihtuah nasa in ka hria"
"Tumah a be lo em? Amah in ngawireng in a thu em? Tum bur hmel hlauhawm tawk in" lo nuih vak pahin ka lu ka bu nghat a. Tet te atanga inkawm tih tak ah an in hrechiang ve. Keimah leh Cindy ang chiah in.
"Joseph a chu a ngaiihdan thlak tir a har lutuk. Tuna i thil sawi kha eng ang in nge alo ngaih dawn ka hrelo a. A thil rin tawh chu a ring bur zel a"
"Tuna mi hi chu a dan a dang ngei ngei ang. I chungchang ani tel tlat a. A awmdan ah leh a biak dan ah che hian a ngai che tih ka hria lawm" ka ti a, Christopher a pawh hian angai tih ka hria a, Joseph an a huat ang hian a haw ve lo tih pawh ka hria. Joseph a chuan amah phatsantu ah angai tlat a, a hua pawh hi a awm lo lem lo.
"Khawnge i chhungte?"
"Chaw eina tur an nei a, Johna chu alo haw tep ang. Mahse ani chu hlauhawm loh. Johna chu awm lo se ka school pawh ka san angai ang ka tih tawh kha"
"Ka hmuh hnu a ang e" ala ti. Engmah a hrelo tak tak anih dawn hi. Hria se chuan a zak anga, Johna hi a hmu ngam tawh lo ang. Chuvang chuan hrelo law law se ka duh zawk.
"An a ngah ka tih tawh kha. Mipawn kan unau ah hmeltha an ti ber zel alawm"
"Nangmah i hmeltha ber" alo ti vat a, lawm vang in ka nui ver ver mai.
"I u hlauhawm deuh kha"
"Kha pawh kha kanu te bulah akal ve"
"A pasal in ala ngamlo ang chu o" ati uang a, "Pasal pawh ahmu lo ang" thutak deuhin ka lo ti ve thung.
"Mami chuan anei tep tawh" Mami atih chu a u hmeichhia kha ani tur ah ka ngai. Joseph an chhelo atih deuh kha.
"Joseph an chhelo ati"
"Ka hria lawm. A chhelo Mami chu. A fel bawk si. Kanu ang ah ka ngai thin. Pasal pawh hi neih a duhna a rei tawh a, keimah vang in a nei lo reng a, ka khawhar a hlau a" ati a, a hlim lo nghal vek in ka hria.
"Engtik ah nge a neih dawn?"
"Kan exam zawh ah. Lokal ve rawh o" tiin min sawm nghal a, kal ka duh. A u hmeichhia chu hmuh ve reng reng ka duh. Joseph a ka ral ngei ang.
"Kin ah innei ve ang o" thutak deuhin ati a, ka nuih aza hle thung. Tunah te hian innei ila kan ngaihtuahawm viau ang.
Johna alo haw a, Christopher ahmuh chuan a ding chawt a, mahse a insiamtha vat a "I loleng ani maw? Chaw ei ve la" atih chuan ka lo thawveng hawk mai.
"Aih Mamin a ruala eiloh a phal vaklo a" ati a, a u chu a hlau ve deuh anih hmel.
"Leng reng rawh" atih hnu ah inchungah a chho a.
"Ka hmuh hnu a ang e"
"Sawireng suh ninawm" tih pahin ka chum a, tum bur in a ban a tuai vut vut a, Johna kal na lam ala en reng tho. Heipawh hi hahthlak chang a nei Joseph ang tho in. Ka u bulah ka hmuh hnu i ang atih ka hlau ber, amah a intih hmingchhiat lehna tur bawk.
"Ka haw dawn. A tlai tawh. I u lo haw tawh bawk si ka zak" a hawikual a, min hmutur an awm lo tih a hriat veleh ka hmui ah a fawp a "Ka haw tak tak dawnnia, min thlah rawh. Nakinah midang pawh awm se ka loleng lui leh tho maithei nia" ati a, pawi ka ti chuang lo.
"Zantin i lokal dawn nia" ka ti fiamthu a, kan in bye bye a, a tlanliam thleng in ka en a, a liam chiah a, ka ruak nghal huai in ka hria.
.
Cont
BAD BOYS-16
Exam kar anih vang in lehkha ka zir nasa a, thiam erawh ka nei tam lo kher mai. Christopher vang chu ni tho mahse ka chhungten inkawp an phallo vel ka rilru hah khan lehkha ka zir thei lo. Tunah chuan John a ka lam ah a tang a, a zia tal a, a hma kha chuan ka tan lehkha zir ngaihna a awm lo. Ka tihchhiat phah viau in ka ring. Min pawmpui sela chuan ka lehkha zir engmah ka tawrh tir lo tur.
Hahchawlh pah in khum ah ka mu zal a, ka phone ka en a, miss call alo awm Christopher ani lehnghal. Ka phone ri vel ka chhungten an hriat ka hlauh lutuk vang in ka silent reng thin. Phone neilo ah min la ngai a, Christopher nen pawh school a reilote kan inhmuh bak inhmu ngai tawh lo ah min ngai a, tlai ah Johna rual a haw char char ah min ngai bawk a, Christopher an min thlah hi atam lutuk. John a chuan min zep pui mai mai zawk. Ka unaupa hi chuan min hmangaih bik tlat in ka hre thin. Ka rilru na hi a hmu rei thei tak tak lo. Tuna kan buai naah pawh i lam ah ka tang dawn lo ati vek a, ka lam tang ber leh min hum tu ber ani leh tho si. Johna thusawi chu midang in an hnial bik vak ngai bawk silo. Thil ala harsat rualin ahma ai chuan zia tak ani tawh. Ka tuarchhuah theih ka ring tlat bawk.
Christopher chu ka call a, nidang ai chuan ala rang deuh.
"Joseph alokal a" atih chuan ka lawm rual in mak ka ti. Thudik ka hrilh hnu pawh in Joseph chuan ala haw reng tho a, ka thusawi kha engmah a thawk dawn lo maw ka lo ti hman a, a in ngaihtuah harh ve ta pawh a ni maithei. Ka lawm rualin hlauhthawn na ka la nei tho.
"I thil hrilh kha min rawn zawt chiang a"
"Engtin nge ilo chhan?"
"A dik takin ka hrilh vek. Min la ring vak chuang lo a, hun in ala hril ang chu ati a" arawn ti a, thil lawmawm chu a ni tho. Joseph pawn a in hriat chian hma khan a ngaidam deih tawh. In ngaidam theilo tur khawp a in hua an ni lo hrim hrim. Thian dang kawm lo a naupan lai atanga in kawm an nih avang in an tan pawh in hmelmak reng chu thil har tak tur ani.
"Tunah ala awm em?"
"Awm e. Mamin eitur min siamsak a, a ei zawh ah a muhil"
"A hma ang khan in in kawm leh thei vat ang. Hun ala mamawh rih anih kha"
"Nia keipawn awmdan ka thiam biklo"
"Pangai deuh in bia la, engkim atha vat ang" ka ti a, Joseph a chu awlsam deuha a nem mai ka ring biklo a, mahse Christopher a nen an inzawm leh theihna anih dawn chuan a tlawm hreh bik ka ring lo. A chapona pawh a dah bo ve em em ang.
Kan in biak zawh ah ka zir chhunzawm leh a, Christophera te thian dun chuan an zir dawn lo tih ka hrechiang a, Cindy chuan a zir nasa viau thung ang. Kan school luhna hmasa ah pawh ati tha ber ani ziah thin a, result an puan hian ka lo chhuang a, ka lo intithei viau thin. Lehkhazir lamah hi chuan Cindy nen kher hi chuan tehkhin chi kan ni lo. Ani chuan a zir laiin a rilru zawng zawng ape thin a, keichuan thil dang deih, ka nun a thleng tak tak miah lo tur nawm hmel tak tak ka ngaihtuah kual thin.
Exam ni anih vang in kan tan tlai hret dawn a, mahse Christopher ka hmuh duh vang in hma deuh ah ka insiam tho. Ka hman veleh thil ka ei sawk sawk a, kal hma ka duh vang in John a pawh ka tur nasa. Min ning ve ngawt ang.
"Vawin ami tur chu ithiam em?"
"Aih chuvang lawm kal hma a zir leh ka duh. Tlanchak deuh rawh" tih pahin a hnung ah ka nem a.
"Ngailo tlanchak chuan chetsual a awl. Kan kal hma tho. Lirthei khalh chuan fimkhur tur" ati duah a, ka lo ngei zawk. Tlangval hmel apu a, putar zia a nei ni maiin ka hria. A fimkhur bawk a, school pawh him deuhin kan thleng.
"Exam hall a iluh veleh tawngtai la hmanhmawh lo in chhang rawh. Tha deuh in i ti dawn nia o. Chawhnu lam pang exam tur in neih loh chuan i bialpa kha inthlah tir la. Haw veleh lehkha i zir dawnnia" ati duah a
"Ivan tawng hnem tak" ka tih chuan anui vak mai.
"Bye bye" tih pahin a in her a, keipawh phur tawk in gate ah ka lut. Kan thutna thin ah Christopher alo awm leh reng tawh. A hawikual a, a lam pan in ka kal mek tih pawh a hrelo.
"Hey" ka ti vak a, arawn hawi a min hmu chiah chu a nui vur vur mai. A bula ka thut rualin ka bag ka hawng nghal a, lehkhabu ka la chhuak. Tlem tal ka chhiar nawn loh chuan ka thiamsa ka theihnghilh loh pawn ka hriat pawlh vek palh ang.
Ka chhiar nawn leh vel chu min enreng a, "Zir ve ta che"
"Lehkhabu ka neilo" ka awih lo hial zawk. Lehkha a zir peihlo tih ka hria. Exam dawn ni ah pawh note ala nei miah lo ania, ala nui thei lehnghal. Joseph a nen hian thawvenna mak lutuk an nei ve ve anih hi.
"Zir rawh ka tibuai lo ang che. Tihian ngawi reng in ka lo thu ang"
"Kha tlem tal chhiar ve rawh" lehkhabu pek ka tum chu alo duh lo nasa.
"Tuna chhiar chauh chuan engmah ka hre dawn chuang lo. Saw pawh sawn note anei biklo" thawveng hmel taka hawivah chunga Joseph lo lut chu kan lo enreng a, kan thutna thin chu a hreve niang a rawn hawi char char.
"Joseph ithiam em?"kan zawn arawn thlen veleh ka lo ti a, hawisan nghal deih chung in min kalpel a tum a "Joseph" ka ti nawn leh a, arawn let leh a, nui chunga kan hmaa din pahin "Ehe.. Ka lo hmu reng reng hleinem cheu" ati a, dawt asawi chiang lutuk. Gate arawn luh tirh atang khan min hmu deih tawh. Min kalpel lui vel mai mai nih kha.
"I thiam em?"
"Aw thiam e" Christopher lo nui huk chu rum deuh in a melh a, a hma ang chuan la awm leh thei rih lo mahse an in haw tawh lo tih ka hria. Joseph pawn a haw tawh lo. Nidanga a en thin dan leh vawin a a en dan chu a dang daih.
"Ivan Zir nasa awm ve"
"Zir nasa e. Dark circle pawh ka neih hi"
"An sawisa leh tawh che mi? Dar circle anilo a duk anih kha" Christopher chuan alo ti a, "Lo kun teh" a duh dawn loh vang in a kawr ah ka tham a, ka kuai kun lui a, a duk tak tak. Thup a tum ve niang a duk laiah enge maw hnawih chu a nei.
"Exam dawn ah te chuan buaina tlanchhiatsan ve rawh u. Exam lai pawh a mit duk chu a zahthlak"
"Ka lehkhazir nasat vang ka tih chu male" Christopher an a bag a lo pawhthlak sak a, a hawn chuan pen pakhat bak a bag chhung ah engmah a awm lo.
"Ngatinge pencil leh scale te pawh engmah i ken loh"
"Ka bag ah hian thil tam deuh ka ak peihlo. Pencil leh scale te chu ka thutpuite ta ka hmang zel mai. Khawi ka bag kha min pe ru in ngaizawng te bulah hian ka awm peih vak lo ania" kan pek hun pawh nghak lo in a bag a la a "Hey Bena, minute5 hnu a paper i dah ve loh chuan ka hnek ang che. Kan exam tur subject hming pawh ka hrelo" ati phei lang lang a "Minute5 thut tlin pawh a peihawm loh e. Ziah tur a awm dawn chuang lo a"Christopher an alo ti ve sep sep bawk a. Ka thiam loh ber pawn darkar 1 vel tal chu ka awm tling ngei ngei thin. Minute5 pawh rei ti chuan a thiamlo hle aniang. Exam ni ah pawh note an la neilo a a ngaihna a awm lo ve bawk em ani.
"Zir tawh rawh. I chhiar nawn zo hman lo ang" ati a, kuangkuah in ngil deuhin a thu a, min tihbuai chu a tum lo ve hle. En pawh min en tawh lo. Keichu fail chi ka nilo ka fail chuan ka chhungten i bialpa neih vang an tia nga Christopher bawk an dem leh ang. Thawm ka hriat loh nan ka beng ka hup a, mit chhing tlat chung in ka thiamsa ho te ka rilru in ka sawi nawn mawlh mawlh a, ka thiam zat ngaihtuah chuan ka fail bik ka ring lo.
Bell a rik veleh Cindy pawh gate ah arawn lut ve. Kan lo nghak a, ka bag chu ka bialpa in min kensak leh tawh.
Kan bul alo thlen veleh "I thiam em?" ka lo ti nghal a "O thiam ve tho. Ka theihnghilg then anih loh chuan ka chhang vek thei ang. A vaiin ka zir vek. Zir loh bik ka neilo" tiin tlang deuh in min hrilh a, hmana kan thiannu kan school hlui a kan kawm ve thin chuan ka thiam lo ka zir lo ati ziah a mahse a titha thei lutuk. Cindy chu a ni ve lo. A diktak min hrilh thin.
"Christopher i thiam em?"atih chuan "Aw" tiin alo chhang vat a, Joseph ang chiah.
"Joseph chuan kan exam tur subject hming a hrelo" ka ti a, kan nui vak vak a. Christophera tak ngial pawn a nuihzat. A ni pawn subject hming leh date bak hriat a nei bik tawp nang.
Exam hall ah kan lut a, kan inthut hlat hlawm lutuk. Cindy in min rawn ko a, tlar hma lam nui chung in a kawk a, a hmasa ber a Joseph a thu hmuh chuan nuih a za duh hle. Kan en reng a, a hawikual a, a thiante ho a hmuh apiang a nuih vur vur a, thiamlo hrehawm ti hmel pawh a pu lo. Christopher a an in nuih vur vur ka hmuh chuan lawm avang in ka lo nui ve. Ahma ang khan awm leh thei sela ka ti ngawt mai.
Tluang takin kan zo thei a, ka chhuah chuan Cindy ala zo ve lo. Christopher a te thian ho chu a tir lamah an vaiin an chhuak a, min veng tu te pawh an nui tawp a, hall chhung pawh a ri hluai mai. Ka chhuah veleh Christopher ka hmu nghal. Ka bag ala keng zui.
"I chhang tha thei em?"
"Aw ka huphurh aiin alo awl a"
"Ka huphurh loh aiin a har"
"Zir ve tawh rawh"
"Aa..lehkha hi chu zir luih a har. Lokal rawh Cindy nghah pah in ka thiante bulah kal ang" ka dar ah akuah a, kei in a kawng ah ka kut ka dah kual a, a thiante awm na kan thlen chuan min lo chhaih sup sup mai. Min hmuh ngun tawh nen ngai ah annei theilo.
"Joseph ithiam em?"
"The tih chiah ka ziak hman a, an chhuak huk dawn sia ka dah ve dyh alawm"
"Joseph a paper ah chuan a roll number leh date leh subject hming leh The tih chiah a in ziak, kan dah khan ka hmu lawm. Ka nuih teuh zia chu" Damian chuan alo ti a, an nui zui vak vak a, Joseph chu a nui nasa ber ah ala tang zui.
"Anih leh nang ve?"tih pah in Christopher ka nghawk a.
"Engmah ka ziak lo. Ziahtur ka hrelo a"
"Ani pwh a roll no leh date leh subj hming chiah a awm. Joseph aiin a chhang tlem. Joseph chu The tih ala ziak tal a" Damian bawk chuan alo ti leh a, an hahthlak tlang ani.
"Damian nangpawh question i copy ve tho kha" Benan alo ti ve bwk a.
"Nia question ka copy a, answer ziahna tur ka dah awl zel a, miss chu a thinrim ang chu o. Ka hlau lo ve siah" ati a, am chhan dan vel an sawi chu a nuihzathlak duh hle. Cindy arawnkal a, kut an lo beng dur dur a, a zak lutuk in min tham vak vak mai.
"Haw ang u naktuk exam tur awm si"
"Nia Jo, Cindy hi thlah la. Jenn thlah ka ngai sia. Anni chu an zir peih a haw hma rawh se" Christopher an a tih chuan Joseph a hmel a hmuhnawm vak loh.
"Thlah rawh o Joseph ifel em kha. Amah chiah a haw tir chi anilo" ka lo ti ve a.
"Anih kal ang u" ati a,midang ho in an lo chhaih chu a rukin ka lo khap char char. Joseph an a thlah duhloh phah ka hlau.
An bike dah na kan thleng a "Ka duh lo ka hlau" tap pur in Cindy in ati nghal.
"Lo chuang mai mai rawh engtinmah i awm dawn lo" Joseph an alo ti hlar a, Cindy an chhaih hi chuan a lawm chiah lo thin chu ani.
"Ka tla ang"
"Ava ninawm e. Chuang rawh" ati a, a vin tuk tawh.
"Kal rwh Cindy. A hlauhawm loh. Keipawh ka chuang ziah a ka tla ngai lo" tiin ka thlamuan a.
"Ka duhlo" ala ti tlat tho. Joseph a dawhtheihloh hun a thleng ang tih ka hlau tawh.
"Khawi ka lo hlang ang che. Ka pawm che nga" Christopher an alo ti a, Cindy chu min vuan chungin ala ding tlat.
"Ka kar thiam lo lawm, ka kar theilo" kan mipa pahnih te an nui vur vur tawh. Joseph atan pawh thinrim lamah akal tawh lo niang.
"Chris lo hlang mai teh. Tikha chuan engtikah mah alawn lo ang" Christopher an a vuan a, Cindy tap pur chu a thlem pah a. Keiin a bag vel ka kensak a. Kan beih fe hnu ah kan thuttir thei hram. Joseph a kuah bet nghal a, a ruk tak chuan nuih a za.
"Min kuah nghet lutuk ka thaw thei dawn lo min thlah deuh rawh"
"Ka hlau alawm" tap tuau a Cindy in atih vak chuan ka nuichhuak hawk a.
"Min kuah tho la ikut kha thlah dul deuh rawh ka tan a hrehawm lawm male" Joseph chuan ala ti reng a, a thlah dul chuang pawn ka hrelo.
"A bag vel hi ka keng anga, kan in kawt ah khan in lo awm mai dawnnia" ka tih hnu ah an tlanchhuak a.
"Jo khan a phur nawn duh tawh miah lo ang"
"An inhmeh e" ka lo tih chuan kan nui ve ve a, keini pawh kan in lam pan in kan kal a, Cindy te kan hmu hman lo. A hlau sia tlanchak pui loh ve deuh tur nia. Joseph anih chhung chuan midang thusawi a ngaithla tak tak dawn chuang lo.
Kan in bulah an lo ding a, Cindy a tap a, Joseph an nin hmel deuh in alo en a.
"Ngatinge?"
"Min tlanchak pui anih kha"
"Ka tlanchak mai loh ten min kuah nghet lutuk a ka thaw tha theilo a, kan thlen vat loh chuan ka thi nga sin. Tah belh si thau si"
"I cher si i pian kha a thin thin nen"
"Vawkpui nih ai chuan ka duh fe" an inhnial tak tak hma a inrawlh ka duh vang in "Kha Cindy i bag o. Nangni pawh kal tawh mai rawh u. Keini chu pass ngei ngei kan ngai sia" inthlahrung deuh chungin Christopher ka en a, "O kan kal dawn. Nangni tal chuan tha deuh in zir ru o" min hrethiam tak in ati a, an kal hnu ah Cindy tap thlem in rei deuh ka buai leh bawk a, ka thiannu hlau deuh a ka siam chu ka tan pawh a nuam lo. Lehkha zir kan duh vang in Cindy pawh arawn lut kawi lo. Ka inbual a, chumi zawh ah lehkha ka zir nghal. Ka pass ngei ang. Christopher an huat belh chhah na tur engmah ka ti dawn lo. Ka pass anga ka bialpa in ka zirna a tibuai lo tih ka lantir ngei ang.
.
Cont
BAD BOYS-17
Exam kan zawh ni chuan Christopher a thiante ho nen kan awm na thin ah kan in nghak khawm leh a. Lehkha zir angai lo bawk a, kan hmanhmawh lo tlang hle. Kan awm na a fal deuh a, teacher ten an round dawn loh bawk vang in cigarette te an zu a, exam lai pawn lehkha zir ngai chuang lo mahse exam zawh meuh chuan ka thawveng huai an ti vek thei.
"Jo, Cindy chu a englai maw iduh a?" Ben an ati uang a, a lighter ken laia Bena vawm pah in "A engmah ka duhlo. Min chhaih ve ziah suh u. Vawkpui anih hi" ati a, Cindy a rawn la kallo hlauh a azia, awm ve se chuan an in hau leh nasa khawp ang le.
"Cindy nen a in awmdan anga awm hi an in ngaizawng deih duh ania o" Damian chuan arawn ti veleh a, Joseph a hmel a dur khup khup tawh. Chhaih zui vak chi ni pawn ka hre tawh lo. Mahse a thiante chuan eng ah mah an ngaih loh hmel hle thung. A thinrim pawn an hlau ve vak lo.
"Jenn exam kan zo" ti a Cindy rawn au phei lang lang an hriat chuan an nui hak a, an ehem nghal sup sup bawk a, a rukin khap mah ila awmzia awm chuang lo. An ti nasa zual telh telh amaw tih mai tur ani. Ka bul alo thlen chuan a phur lutuk vang in min kuah chung chung a "In thlen veleh a lehkhazir nghal angai tawh dawn lo" ati a, a zir peih viau amaw ka tih pawn lehkha zir chu alo ning ve tho ani.
"Cindy vawin tlai chu Joseph a inthlah tir leh la" Bena chuan alo ti uang a.
"Teuhlo. Hmeichhe care nachang pawh hrelo. Ka tah vak vak pawn chak deuh in a tlan lui zel tho"
"Thih in duh loh chuan henu hi phur suh u" Joseph an alo ti ve vat bawk. In huat hmel takin an in en a, Cindy hian ala star nge star lo pawh ka hretawh lo. Ka u mizia ang mipa a duh chuan Joseph a hi chu a nilo sa.
"Kal ang u. Ricky te restaurant ah kal ila" an tia, Christophera nen a kan kal tawhna kha anih ka ring. Eitur tui deuh deuh awm na kha.
"Cindy hi Bena iphur mai dawn mi?" Christopher an atih veleh Cindy chuan Bena a vuan nghal a, Joseph a phurh chu a duh tawh lo tak tak a ang.
"Pawi hleinm. Joseph min lo thik lutuk lo la"
"Vawkpui chu talh a ei atan bak ka duhlo" Joseph an alo ti vat a, Cindy in a lehkhabu ken laiin a vua a, engtinmah a ti let lo ve teh tlat.
Bike an dahna lamah kan kal a, keichu Christopher an min kuah a, kan inlen hleih em vang in min kuah pil hneh thin hle.
"Midang kal hmasa sela a hnung ber ah tlan mai ang o. An penkawi a hlauhawm sia" atih chuan ka bu nghat a. Bike dahna kan thleng a "Ka duhlo" Cindy in ati lehnghal tawh. Kan inthlem viau angai leh maithei.
"Ka lo va kal ang. Vawkpui bengchheng chu a ninawm" atih rualin Joseph chu a tlanchhuak nghal. Kan vaiin a tlan liamna lam kan hawi thup ringawt.
"Ricky a bulah alo awm mai ang" Damian chuan ati a, Bena nen Cindy an en a, an nui tet tet thin. A phur tu zawk nih an duhlo ve ve pawh ani maithei. Joseph an a sim chiang em a, an huphurh phah pawh ani mahna.
"Chuan Cindy chu...?" Bena chuan ati ta ngei a, Cindy in ka ban ah nghet deuh in a vuan a, vawikhat a chuan tawh chuan a hlauh loh phah deuh ka lo ring ve mai a, ahma ang tho in ala hlau anih hmel.
"Kal rawh le Cindy. Min vuan la ahma ang khan, ka lo hlang leh ang che. Bena lawn hmasa la" Christopher chuan ati a, Cindy ban ah arawn vuan zui nghal a, a hlauh zia a hreve tho a, Bena in siamrem chhung vel in Cindy alo kuah a, naupang duat deuha kan kuah hi a ang ber. Ka thiannu chu nilo se ka thik ngei ngei ang.
"A chuang thiam tawh a, a hlau tawh miah lo tro Cindy? Ben tlanchak pui suh o" ati a.
"Tlanchak lo ang. Lo hlang la"
"Kal rawh Cindy. I hnung ah kan lo zui ang che. Bena kha ivuan anga"
"Min lo vuan rawh" ati a, a tap leh pur tawh.
"Keiman bike hi ka lo vuan anga, Chris an avuan che nga, i him lutuk. Itla dawn lo hrim hrim" Damian pawn ati a, Cindy pawh tlem chuan a thlamuan ve hmel deuh.
"Jenn ka bag vel min lo kensak leh rawh o"
"Tehreng. Tikhan nangchu chuang tawp rawh" ka ti a, Christopher leh Damian ten awlsam deuh in an thuttir a, a thut veleh Bena a kuah ve nghal.
"Anuam tawk chiahin min kuah" ti chungin Bena a nui vur vur a, a kuah bet hneh dawn tih chu hriat sa.
"Ka tlanchhuak dawn nia Cindy inring rawh o" ati a, Joseph a ang lo takin muangchang in a tlanpui a. Cindy pawh ahma aiin a thlamuang ang.
"Jenn i bawr lutuk dawn chuan Cindy bag chu ka lo kensak ang"
"Nia Damian kha ken tir rawh" Christopher an alo tih vang in Cindy bag ka pe a, a hma lam ah a ak a.
"Bag pink nen hian ka la pa tho em?"nui vur2 a atih chuan ka lo bu nghat nghat mai.
"Ka kal aw. Lo thleng har lutuk lo ula" ati a, Damian kal hnu ah "Kal ve nghal mai ang" Christopher an ati a, "Kan thlen har chuan Cindy in nuam ati lo ag" atih zawm leh a.
"O kal ang" bike a lachhuak a, midang kan zui ve a. Joseph a chu hmuh hman kan inring lo hrim hrim a, Damian pawh kan hmuh hmah loh laiin Bena leh Cindy chu kan hmu hman.
"A tlanchak pui lo hle mai. Cindy pawh a tap tawh lo ang" ti chung in Christopher a nui hak hak a, Bena kuah chunga a thu ka hmuh chuan keipawh ka nuih a za..
"Vawihnih a chuang tawh a, a hlau lutuk pawh a zia tawh ang" ka tih chuan min pawmpui ve hmel viau mai.
An hnung ah kan tlan zel a, restaurant pawh kan thleng rual reng.
"Chhuk hmasa la, Cindy chhuk tur saw lo pui rawh. A hlauh hmel emai a khawngaihthlak" Christopher an ati zung zung a, ka chhuk vat a, Cindy chhuk tur ka lo vuan a, a tluk chuan ka tlu ve nghal ani mai. Min pawt hneh dawn lutuk.
"Cindy ka phur tap ve lo che tro?" Ben an a ti uang a, Cindy pawh alo nui ve mai. Joseph ai chuan a zia hrim hrim e.
"Lut ila" Christopher a chu ka hnung ah kal in ka dar ah avuan a, Bena leh Cindy te hnung ah kan lut a. Joseph leh Damian chuan cigarette an lo zu a, kan lut min hmuh chuan thutna min lo kawh hmuh vat a.
"Cindy irin aiin a hlauhawm loh em? Bena khan a phur thiam che e, tap lo in irawn thleng a a lawmawm hrim hrim" Damian chuan alo ti zung zung a, "Lokal rawh ka bulah lo thu rawh. I bag chu Ricky bulah ka dah nia" ati a, an vaiin an thu khawm a, an piah Christopher kan kan thu thung.
"Ka zawi lutuk" tih pah in dawhkan ah ka bawk a, ka kut ah alo vuan a, amah ka en a, min lo nuih vur vur mai.
"Lehkha izir rei thei em anih kha"
"Ka pass angai ka tih kha"
"Kan exam a piang in engmah ziak lo in ka submit deuh ziah" anui a, ngei viau mah ila ka nui ve tho. A peihloh miau chuan zir rawh pawh ti ila a zir chuang lo ang.
"Bawk reng suh dawhkan hi a fai lutuk lo maithei nia. A chawl apiang in thil an ei a, an hru thuak thuak ringawt a" ti mahse ka zawi lutuk a ka tho lawk peih chuang lo. Ka kut tang a khal niap niap a, min khawih reng vang in ka mut te chhuak.
"Tho rawh dawhkan hi a failo ang" atih leh chuan "ivan ninawm tak" ti chung in ka tho a, ka lu te hi hai vek in ka hria. Zan ka mut tlem vang ani tak tak ang.
"Ka ngaihtuah vang zawk che lawm. Eitur hrang hrang an ei kha tlem te te pawn bua se a bal dawn tho tho"
"Ivan chhut kual vel peih tak. Lehkha zir peih mang silo"
"Nia ka peih lo" ti a a nuih chuan ka lo nui ve top. A chang chuan a nuih vak hian naupang te a ang ka ti thin. A ngawichawi lutuk pawh kha a zia deuh tawh in ka hria. Ka lakah pawh a in hawng ve tawh lutuk.
"Naktuk kan chawl sia kan inhmu thei dawn silo a tlai deuh ah haw la"
"Ka chhungte haw hmaa ka haw loh chuan min ringhlel leh palh ang. Exam kan zo tawh bawk sia, exam leh ala hla an tia nga min sawn an tum leh te a hlauhawm a"
"I chhungte hian an ngaihtuah che e, an hmangaih ngawt mai che" ka awih loh lutuk vang in ka nui vak ringawt.
"Ka chhungte hian enkawl che sela hrehawm iti viau ang"
"Ani maithei mahse ka nun ka hloh ka ring lo" thutak deuh in ati a, ruihhlo a khawih tirh ah te khan a chhungten ngaihsak sela chuan an hre em em ang. An khuahkhirh anga, a kal thui lutuk hma in an sim tir thei ngei ang. Anu leh paten an fapa aiin an eizawn na an ngai pawimawh a, a pawina chu a langchhuak mek zel anih hi. Mahse kan inkawp hnu hian a insiamthat na tam tak ka hmu tawh. Ala insiamthat vek ka ring tlat ani.
"In ei duh kha lo ziak teh u" Ricky an arawn tih chuan Bena leh Damian an phur fal. Kan duhzawng min zawt a, kan sawi teuh hnu ah an ei duh tur nen an ziak tlar dul mai.
"Pawisa pek angai lo" an ti a, a thlawn a eitur anih vang aniang an chah duham em em.
"I nuam lo tiraw?" Christopher an arawn tih chuan ka lu thin pahin "Teuhlo ka tha lutuk" ka ti a.
"I nuam lo i hmel ah ka hria. I khua sik ami?" Ka chal arawn khawih a.
"A sa deuh anih hi. I mit pawh a sen. Lo awm rawh damdawi ka va lei lawk ang"
"Angai lo ka tha ka tih kha"
"A nasat hma in damdawi eila itha ni mai" a ding a, midang in an lo en thap a hmuh veleh "Damdawi ka va lei lawk. Jenn hi a khuasik a" midang in ka chal leh ka biang vel an rawn khawih ve sap sap mai.
"Mi chu damlo thak khawp ten lehkha an zir a, Joseph ve thung chu a ruih reng pawn a hrisel em em reng a" Ricky an arawn tih chuan Joseph a tih loh chu kan nui vek. Class ami te leh school dang a miten an hlau em em a, a thiante lah chuan fiam ber leh sawisak ber ah an nei a.
"Ka rui tawh ngailo"
"Nizan pawn Christopher a nen in--"ka awm tih a hrechhuak thut aniang, Ricky chu min en veleh a thusawi lai a tawp chat mai. Nizan chuan a leng tih ka hria a, lehkha ka zir duh vang in kan inbe tam lo a. Joseph a nen an lo inkawp ani ngei ang.
"A ho lutuk sawi rawh" ti mah ila sawi chhunzawm a tum tawh hmel loh.
Damdawi leh tui keng in Christopher arawn lut a, "Kha eirawh" damdawi min pek hma in ka hmai a khawih leh a, "Kan lo hre har zawk anih hi. Ilu ana ngut ngut em?"
"Aih ka lu ahai deuh ringawt"
"I haw duh em?"
"Angai lo. Ka zia mai ang damdawi ka ei chuan" ka ti ve tlat. A hunlo a ka haw bik chuan midang in nuam an tih loh phah vek ang. Boruak tichhe tu nih ka duh lo.
"Jenn na inei em?" Cindy in arawn tih chuan ka that thu ka hrilh a. Na ka neih chuan aman tuar ve lo mahse keimah ang bawk in hrehawm alo ti ve thin.
"Jo hei maw i bialnu thar?"
"A teuhlo. Vawkpui ka ngaizawng ngailo" Joseph chuan ati tuar a, Ricky pawh a nuih a za hle.
"Vawkpui pawh ka nilo. I cher si, i zawr si, rui ve ziah lehnghal"
"Ka ruih lohna arei lutuk tawh"
"Nizan pawh irui tih nachin khan Ricky khan sawi atum chiang lutuk" lunat lai phei chuan ninawm tak ani. Ka lu dawm in ka mit ka chhing deih a.
"Jenn ka thlah tawh mai ang che"
"Thil ei phawt rawh" ka la ti talh tho. Thil pawh ei hman lo khawpa siam chu a khawngaihthlak.
Kan eitur chah ho an rawn dah a, engmah ka eichak lo. Tlem ka ei a, a dang zawng chu Christopher ka pe vek. Ani pawn a ei hleithei bik lo. Min en dik reng a, ka hmai a khawih reng a, a duhtawk hnu ah "Lokal rawh le" ati a.
"Cindy"
"Kal rwh Jenn. I nuamlo tih i hmel ah a hriat vek. Keichu Bena rualin ka lo haw ang"
"Aw anih leh ka kal phawt ang. Ka lo bia ang che u"
"Lo dam vat rawh" an tih hnu ah uang deuhin an ban an vei a. Christopher an ka bag a keng a, restaurant atang in min kuah chhuak a, damdawi ei mah ila ka lu chu ana tial tial tho in ka hria.
"Jenn ana viau em?"
"Ana lo" ka ti deih. Ka mu anga a dam leh mai dawn a, a rilru ka tihah vak duhlo. Kan inthleng in min thlah a, bike atanga ka chhuk veleh kan bulah Mary car arawn ding ve chiah a..
.
Cont
BAD BOYS-18
"Jennifer" arawn ti hrawk a, car atanga rawn chhuak in min phih lawp a, ka luhai bawk si nen ka tlu lek lek thin.
"Ngatinge in lo la in zui? Ka ngaihdan chiang takin ka sawi tawh ani law mi?" Ka chhang peih lo. Christopher en pah in "Kal tawh rawh. Midang kha an ngaih alo tha lo ang"
"Itha ang maw?"
"Aw tehreng mai. Kal rawh" ka ti a, min kalsan hreh viau mahse Mary a awm ve bawk vang in hreh deuh chung in a kal a, Christopher a tlan liam chiah tih ah ka biang a thip zawk a, ana vung vung a, ka rilru pawh ana. Mary chuan ka hmai ah min beng a, inchhung a luh pawh nghak hman lo in pawn ah lehnghal.
"Thuawih lo lutuk hi ka hua. Khapa kha a that loh zia ka sawi ngun tawh. Duh deuh che angin a awm anga, a tawp ah nang aiin ruihhlo a thlang tho tho ang"
"Chutiang mi anilo" ka ti sap a, ka chau a, ka tawng ring peih lo. Ka mittui dan hram hram ka tum a, ka rilru ana takzet ani.
In chhung ah min pawt lut dawr dawr a, ka luhai chu ka tlu mai dawn ten ka hria. Christopher ka ngaihtuah tel lo theilo a, a rilru a nuam dawn miah lo tih ka hria a, min ngaihtuah ngawt in ka ring. Ka khawngaih zawk.
"I damlo ami?"
"I hriat ve zel angai lo" ka ti hmak a, thei leh theilo in inchung ah ka chho a, step ah te chuan ka vak chho lo choh. Mary chuan min puih pawh a tum chuang lo.
Inthlak lo in ka mu tawp. Ka che peih tawh thlawt lo. Ka phone ka la kang a, Christopher an min lo call chiah. Ka beng bula ka dah veleh "Itha em?"tih ka hre nghal a, ka mittui pawh arawn tla ve nghal. Min ngaihtuah lutuk tih ka hria.
"Aw ka mu nghal deih a"
"I u khan a hau che em?"
"Aih engtinmah min ti lo" ka ti deih. Min hau ka tih leh phei chuan arawn kal leh duh mai ang.
"Muhil la, iharh hun ah chuan i zia deuh maithei sin"
"Awle. Kan dah phawt ange"
"Aw, muhil rawh aw. I harh veleh min lo hrilh la ka lo call ang che" ati a, ka phone ka dahthat hnu ah puan ka sin a, ka luhai lutuk chu ka awm na te hi a vir mum mum in ka hria. Mutchhuak in min zem chiai chiai a, ka harh chuan ka dam vek tawh ang.
Min khawih reng tu awm a ka hriat vang in ka harh a, ka meng riai riai a,ka mutna bula thu reng chu chiang lo ruai in ka hmu. Christopher chiah ka rilru ah a awm. A lokal a niang tih ka ngaihtuah a, chiang deuha ka en chuan Johna zawk alo ani. Ka sam alo chul a, min ngaihtuah hmel hle.
"Itha em Jenn? Na inei em?"alo ti vat a, ka tap ringawt. Mary hi Johna ang hi nive se tha tur.
Min rawn kuah a, ka sam pawh ala chul reng tho.
"A hau che mi?"
"Ka hmai ah min beng" ka ti a, ka tap nasa zual sauh a.
"Tunge beng che?"
"Mary"
"Ka hau ang" ati a, ka mittui min hruksak a. Tlai tin school ban a inbual ziah kha vawin chuan inthlak pawh ka peihlo. Ka chau lutuk ka mu tawp a, Johna pawn a hriatthiam ka ring.
"Muhil leh rawh. Nge eiduh inei em?"
"Ka riltam lo" ka ti a, ka mit ka chhing lehnghal a. Ka naupanlai a ka mut dawn a atih ziah ang in Johna chu zawi te te in a zai a. Chu chuan ka mut ati chhuak leh a, ka bulah Johna a awm bawk a, rilru thlamuang deuh in ka muhil leh a.
Ka harh leh chuan ka bulah Johna a awm tawh lo. Ka thuchhuak a, ka luhai a reh deih chu ka lawm hle. Kawngka ka kalh hnu ah phone ka lachhuak a, Christopher a bulah ka harh tawh thu ka hrilh a, arawn call nghal.
"Eng nge i an?"
"Ka damvek tawh" ka ti deih a, ka lu na chu sawitham ani tawh lo.
"A that chu. Kan in ah ka thiante ho nen kan awm a"
"An va awm rei ve"
"Chaw an lo ei dawn" ati a, an tawng nuaih nuaih pawh ka hrethei.
"Thil ei rawh aw. Pum ruak deuh khan awm tawh lo la. Hahdam deuh in awm la"
"Awle" ti ringawt in ka chhang a, awmdan tur dang min hrilh leh teuh a, rei deuh kan inbiak phah.
Ka inthlak hnu ah kawngkhar ka hawng a, reivak lo hnu ah kanu arawn lut a, en pawh ka lo en lo.
"Mary hnen atang ka lo hria a"
"Engpawh sawi se ka hriat hnu vek min hrilh leh kher angai tawh lo" ka tih lai mek in Mary arawn lut ve.
"Thuawih la chuan tuna kan boruak ang hi a thleng lo ang" arawn ti a, ka thinrim lutuk a, ka tha te hi a khur vek in ka hria. Damthat loh nen chuan a inrem lo.
"I thatna tur kan duh ber"
"Anih chuan ka bialpa in duhloh thu sawireng suh u. Ka tan a tha tur hre rual ka ni tawh. In lo buai ve chung angai lo" tiin kanu thusawi lai ka lo pawtchat a. Kan thawm ahria aniang Johna pawh a rawnkal.
"Eng nge in lo sawi leh tak a?"arawn ti lut a, an awm tih hrelo ang hmak in ka awm. Ka rilru ka thlak awm chuang lo emai.
"A thuawih lo lutuk hi tih ngaihna pawh ka hrelo" Maryn alo ti a, a hrelo ani mai lawm.
"Anih chuan en tawp rawh. A damloh lai lehzel chuan tibuai lo teh u. Thu a awih dawn lo tih in hriat chuan a duh ang in awm tir ula. Duh a thlang sual a nih pawn amah alawm inchhir tur. Bakah a pasal tur tihna pawh anilo a, keichuan ka ning tawh. Kapa pawh a inrawlh duh tawh loh hi. Tawp tawh rawh u" ati a, hetiang a Johna awm hi ka la hmu ngailo a, ka la hrengai lo bawk. Kanu leh Mary kalh zawng in ala tawng ngai lo. Anni pawn sawitur an hrelo nge Johna tih thinrim an duhlo zawk engmah an sawi tawh lo.
An kal hnu ah John an "Enge i an?"ati leh a, ka that thu ka hrilh a, ka khawsik ala awm leh awm loh arawn fiah hnu ah "I pang ala lum. Chaw ei phawt ila ei zawh ah damdawi i ei dawnnia. Pum ruaka damdawi ei chu pum tan a thalo. Chaw ei an siam tawh a, chhuk phawt ang" ati a, step ah pawh ka tluk hlau in min kaithla.
Kapa in min lo en vang vang hnu ah "I exam i tluang maw?"alo ti dyh a.
"Aw ka pass ang" inringtawk takin ka lo ti ve.
"A that nasat chu. Hmuh theih khawp in i cher a, athalo riau. Thil ei teuh teuh rawh" ka rilru an tih hah vang vek. Ka phone te min laksak kual vel a, ka rilru ti hah lo se chuan ka cher miah lo ang. Ka chaw ei pawh a tui lem lo. Kapa leh John an min be reng a, kanu leh Mary chu an ngawi reng. Kanu hi chu Mary thu thu ani mai. Kapa leh Johna chu hmeichhe thu in an awm ve ngailo a, min duat em em bawk.
Chaw eikham veleh ka room ah ka let leh deih a, John an min zui a, damdawi te min eitir bawk a.
"Chaw eiloh ching tawh lo la ngai i awh leh vat mai ang. Kapa pawn cher atih che kha"
"Cher lo theilo in min siam anih kha. In hriat loh in ka rilru a hah hnem emai"
"Hah tir loh kan tum tawh dawn nia" nui chung in ati a, ka mu leh hmak a, Joseph pawn min chhuahsan leh. Ka mut that chuan ka damtha vat anga, Christopher ka hmu leh vat thei zawk ang. Ka damloh rei chuan ka hmu har dawn tihna nimai.
"Jenn i thiante an lokal" John an atih chuan a uang amaw tiin ka lo en hu a, uang hmel a pu bawk silo. Kawrlum ka ha sawk sawk a, step ah ka tlan thla sawk sawk a, Christopher te thian ho lo thu tham ka hmuh chuan ka phu nasa kher mai. Joseph leh Bena an lo nui vur vur a, Damian chuan phone a khawih mawlh mawlh laiin Christopher chuan Joseph a kawk char char a, Joseph an leng ang u ati tlat ani maithei. Ka ngaihbel nge an rui tlat in ka hre bawk.
"Helam ah lokal ru" ka ti a, ka chhungte awm lohna lam zawk ah ka kalpui a, an tawng reng chuan an tv en an tibuai ang tih ka hlau. Keimah zawk min hauh phah leh mai ang.
"Ngatinge in lokal?" Christopher ah bula ka tih chuan Joseph a kawk leh a "Mary vel kha Cindy hnen atangin a hria a, kal ila runluih ang ati tlat a"
"In lokal ve loh pawn keimahin ka kal anga ka che na ngawt ang atia. Amah a rawnkal tir chu kan ngam lo" Damian pawn alo ti ve a, "Cindy bialpa hi ah" ati tel pah zeuh a, Joseph a ding nghal uaih mai. Ka lo nem thu vat a "Jenn i unaupa saw hmanni tlai ah kan sawisa sin" ati a, Christopher arawn hawi phawk nasa mai.
"Engtik ah nge ilo sawisak a? Ala hria che em? Imawl thei emai" arawn tih veleh Joseph an lo tlawh pah in "Mawla, i mawl fe zawk. Nangmah anih kha bike atang pawh a tlawh thla tu"
"Ka hmuh hnu a ang ka ti reng a"tih pahin Christopher chuan min en a "Ka hmuh hnu a ang ka tih khan min hrilh mai ta che"
"I inthlahrun phah ka hlau lawm" inveng takin ka lo ti a. Dawt pawh ka sawi chuang hleinm.
"Amawl ania. Jenni u mipa kha kan sawisa a, alo hre miah lo male. Mimawl lulian" Joseph chuan Bena leh Damian bulah ati sur sur a.
"Lu len zawng ah chuan ilu a lian fe kan teh vek kha aw" Ben an atih chuan Joseph a meng rum nasa mai.
"Christopher a lu lian ka tia, ka lu a lian lo tih ka sawitel lo. In tawng tam vang hi lawm tuman an duhlo che u"
"Ve che Cindy bak duh tu inei lo"
"Vawkpui sawi ve ziah suh u" ati hlur a, Christopher chu ka bula a rawn insawn hnu ah ka kut a vuan a "Idam deuh tawh em?"
"Aw ka tha tawh lutuk"
"An hau lo tak tak che maw?"
"Hau lo e"
"Jenn thingpui lum rawh. Thingpui ka duh leh lo coffee ka duh. Tui deuh in tui vak lo chu ka in lui thei lo nia aw"
"Ngawi mai mai rawh a dam loh hi" tih pahin Christopher chuan Joseph a tlawh a "Ka duh ka sawi mai anih chu. Nang aiin insual ka thiam ka tih tawh kha" ati a, a rawn tlawh veleh. An in tlawh tawn char char a, Bena leh Damian te nen kan lo en tawp. Damlo kan pawh an ang lo.
"Jenn i u hmeichhia saw ka duh der ang a a rilru ka lo tihnat sak ang aw" Joseph bawk ani. Min duhsakna avang chuan lawm viau mah ila Mary chuan alo duhlo dawn chiang sa. A der pawn a duh peihlo ang.
"In rui tro?" Christopher a bula ka tih chu an hrepha vek. An thu tha sawk sawk mai. Ka nui duh miah lo a, an ruih chuan ka ngei ve deuh maithei.
"Joseph hi lawm" an ti a, hriatthiam loh hmel taka enkual pah in "Eng nge keimah chu?"ati hu a.
"In ruih ve loh chuan in chaklo ngawt ang iti anih kha"
"Ka ti maw?"
"Ti e. Jenn ka khawngaih ka rilru ana itia i au vak vak a"
"Ka hretawh miah lo" ati a, a thianten a rukin an nuih a, Joseph chu a in ngaihtuah nasa mai. A mawl hlum lo choh anih hi.
"Kan in hriat tirh a i bakilh itih ve ziah kha khawnge i dah?"
"I duhlo vel a ka u fa ka pe deih. A lawm em em lehnghal" nui hak chung in ati a, inthiamlo hmel pawh a pu chuang lo.
"Min hrilh ve tal ta che"
"I uikawm emai. Khatiang a tlawm si. Vawikhat na deuh in seh ila a chhe nghal ang. Ka eizawh vek nghal loh" nuihpui turin a thiante ho a enkual a, tumah an lo nuih ve loh vang in "In hmelchhe hlawm emai" ati ta ringawt a.
"Cindy bialpa hi ah" an tih leh chuan "A bialpa ka nilo. Ani ang hi duh ila chuan veng tin ah sawm vel theuh ka nei thei ang" ati a, Cindy duhloh chu a pe na ve khawp mai ka mitmei pawh a veng seng lo. Joseph an tu mitmei mah a veng ngailo hrim hrim.
"Haw ang u. Len rei pawh a chi loh. A inthlahrunawm" Christopher an atih veleh an tho sang sang a, Joseph a chiah a thu.
"Khawvar thleng leng ila nula senior sual deuh saw kan ti hrehawm ani mai lawm" ti ve bawk mahse a thian ten an pawt tho lawp mai.
Kan in zui chhuak a, "Kan haw mai ang" Christopher chuan ati mawi ve a.
"Thingpuite in phawt rawh u thu leh rawh u" ka pa in atih veleh Joseph an "Coffee" ati hman zuai a, Christopher an a ka alo hupsak a.
"Nidang ah ani mai. Jenn hian mut a duh tawh a. Muttui u" ati a, midang hmuh loh in ka kut arawn vuan a, a hmer vang vang hnu ah min thlah a, Joseph a nemchhuak dawr dawr a.
"Kan kal ang aw" ka lo bu nghat a, "Lut rawh pawn vawt ah awmrei suh. Ka lo bia ang che" ka biang ah a fawp a, a thiante an lo te dual a.
"An tenawm anja, zaklo si, thiante awm lai pawn a fawp ania"
"Biang ah chauh anih hi, phun peih viau suh Jo"
"In zak lo hrim hrim. Zahawm loh mah ila thiante hmuh laia khatiang tih tur anilo. Mahse bialnu ka neih hun ah chuan in hmuh laiin a hmui ah ka fawp ang" ati a, kan vaiin kan nui.
"I bialnu chu Cindy ni ta se"
"Ka thinrim hunah ka talh ang. Naa.. Cindy hi mn chhaih ziah suh u. A rit si, a tiffin box alian ropui si, ka bialnu atan ka duhlo. Ir fual anei lehnghal"
"Engnge ir fual chu" an lo ti vat a.
"Vun chuang a ngah tihna nih chu. A englai pah ka duh lo. Ka hlau ania, min hmet keh vek thei ang, kal ang u, Jenn i u bulah khan a hmelchhia tih lo hrilh rawh aw" an vaiin an nui lui vak vak a, keipawn kan gate thleng ka thlah. An kal liam hnu ah inchhung ah ka lut a.
"Hei la let twh rawh" ti a ka pa in ka phone min pek let leh chuan mak ti viau mah ila ka lawm hle thung.
"Tha itih ang chuan han awm phawt teh" Mary akalsan hmak a, John an min siai zeuh bawk.
.
Cont
BAD BOYS-19
"Cindy ka chhungten bialpa ka neih vang in min hau tawh dawn lo" a au nasa lutuk a, ka phone ka dah san ringawt. Min lawmpui tur ber ani khan ka hrereng ani. Christopher pawh ka hrilh tawh a, ani chuan mak ati lutuk. Mary chu ala hlau tho tih a sawi. Keipawn ka pawh theilo rei ngawt in ka ring.
Christophera u pasal neih ni ani tawh. Cindy nen kan thiante nghak in kan in kawt ah kan lo awm a.
"Joseph hi ila duh em?"ka tih chuan a in ngaihtuah vang vang a.
"Min ti duhdah thei lutuk a. Amah hrim hrim hi chu ka duh. Vawkpui min ti kher thin hi ka haw em ani" ati ve vawng vawng mai. Ka khawngaih reuh.
"Bike chuan ihlau tawh lo ang chu tiraw?"
"Bena phurh chiah ka duh. Joseph chu min vin nasa thei emai. Ka hlau a, ka kuah vak pawn, ka thih palh chuan i bulah hlir ka hrang ang ati" ati a, ka nui vak a, Cindy pawh a nui ve mai. An in hauh vak vak hian ninawm chang awm mahse boruak siamtu leh min ti nui tam tu ber anni ve tho.
Bike ri kan hria a, Christopher te anni tawh tih ka hre nghal. An rawn thleng a, smart deuha an inchei chuan hmuh an nuam lehzual hle. An chhuk vek a "Joseph a pawh analh hle mai" ka lo ti vat a.
"Cindy in pa hi nalh iti em?"an ti uang a, Cindy chhan hma in Joseph an "A nalh tih ka duh bawk lo. Nalh min tih chuan ka inthlak leh nghal ang. Vawkpui nalh tih ai chuan ruaka kal pawh ka duh bawk" ati nghal bawrh bawrh a. Cindy a dawhthei tawh lo aniang, a bag ken in a vaw pawp pawp a, Joseph a zawk a tlanchhia a.
"Hmeichhia chu nilo la i thal tawp ang male" ti ve bawk mahse Cindy hnaih ah a awm ngam tawh chuang lo.
"Cher si, lulawk ropui si"
"Ka lu a lawk kher lo. Duhtu ka ngah zia" ngawi reng in kan lo en tawp. Thil thleng tur a kan beisei kha ani hrim hrim.
"Inkhawm naa tel ve te kan duh chuan kal ila" ka ti a, an lo remti tlang bawk a, a bike a lawn pah in Ben an "Lokal rwh le Cindy nge Josepha phurh iduh zawk em?"
"Bena dam hi ka la duh ve em em a, ka phur lo mai ang. Naupang te kuah hlum nih ka duh hleinem" Cindy nen a an in um kawi kan nghak leh phawt a, a um peih loh hnu ah Cindy in Christopher arawn pan a "Min lo pui leh" arawn ti a, "Mahni pawh a bike a lawn theilo. Cindy ka hmangaih che khawngaih in in diet rawh" Joseph chuan arawn ti leh a, Christopher leh Damian ten ngaihsak lo turin an ti a, an in um kawi nghak hman an in ti tawh lo ani maithei. Cindy pawn bike chuan a awlsam tawh. Ben an a tlanchhuahpui a, kan lehpel leh vek tho ang. Damian an a dawt a. Joseph akal mai dawn amaw kan tih kha ala ding tlat. Mak kan tih vang a kan en reng laiin "Ngatinge khatianga min en? In in fawp leh vel duh mi?"
"Ikal dawn lo mi?"
"Nula senior-i lo chhuah hun ka lo nghak"
"Engatan?"
"Ka in siamchhiat khum chak" Mary hmel awmdan tur ka ngaihtuah a ka nuih a za.
"I inkhawm peihloh vang anih kha. Kal mai mai rawh. Inkhawm naa itel loh chuan Mary a lawm lo ngawt ang" Christopher an alo tih chuan a tum lian nasa mai. Joseph hi naupang te ang chiah ala ni. Sual ti tu ngah viau si hi a rilru a tha phian a mak ve ngawt mai. Mihring hi kan landan ang ngawt chu kan lo nilo anih hi.
Cindy te chu kan lehpel tak tak a, a tlanpelh dawn ah Joseph an "Cindy mawng hlang amaw ka ti che a" ati hram a, Cindy in "Ilu kha a sawt thla deih ange" alo ti ve bawk a. Rem sela chuan kut an inthlak hram ka ring.
Biakin ah kan in nghak khawm a, mi pawh an tam khawp mai. Cindy te an rawn thleng hnuhnung ber a, Joseph an "Cindy analh lo chi in i khal tawp" alo ti leh talh a, "Nang ve kha mawng pawh inei lo"
"Ka nei a ka thup bo thiam"
"In hnial hun anilo" ka ti a, an inkar ah ka ding a.
"Nangmahni vang hian Jenn bulah ka awm tlem phah ziah" lungawilo takin Christopher an alo ti bawk a. Bena leh Damian chu kan hlat a awm hram hram an tum in ka hria.
Biak in ah kan inzui lut a, ahma lam ah kan thutna tur an dah a, Joseph a sawi ang tak tak in Christopher a u chu a hmeltha khawp mai.
"Ka hmeichhe duh ber in pasal anei deih" ka beng bulah Joseph an arawn ti sur sur a "Ka la ral ang che"
"Angai lo. An pa per pur saw ala ning vat ang. A chut tehmai nia. Biak pawn mim chhang lawk ngai lo. Vannei lel lawl, nupui nei chhelo ropui si. Hmeichhia chu ni ila a hmel saw ka rap ang. Mipa ka ni chung pawh hian a hmel saw thlahrang ai pawn ka hlau zawk" ka nui a, Christopher an min rawn nghawk ka nuih a za telh telh tho si. Joseph a bula ka thu hi ka tisual ani.
"Ka hmangaih che tih pawha engmaw i sawi a tilet hu chi ania" arawn ti leh a, midang mitmei veng lo a nuih ka chak. Joseph a sawi anih hi chuan ho te pawh a nuihzathlak duh bik. School luh tirh a ka ning thei te kha mak ka in ti.
"Kut ke kim biai hmel piangsual tlat ania" arawn ti leh a, Christopher an min melh rum dun tawh lutuk ka inthlahrung zawk.
"A chhe e, u mami hian a englai nge a duh ka ngaihtuah chian poh leh ka hrelo telh telh. Love is blind ni mahse a blind mah mah ani"
"Tawng tawh suh ka pum ana"
"Min hriat loh turin ka hmai ka tuam anga ka la sawisa hrep ang. A hmelchhiat dan sawi midang pawisawi chi" Joseph chu ka dem lem lo. Ami duh deuh in pasal hmelchhe deuh anei a, a rilru nawm nan a alo in hrosa ve chu a awm lutuk abak tih theih anei lo.
Inkhawm a zo a, pawn a an chhuah hnu ah chibai turin kan intlar ve a, Christopher an hma a hruai a, a hnung ah ka awm a, ka hnung chiah ah Joseph a awm bawk.
"A pasal saw chibai kan theih se. Ka chibai hun ah ka thak vak ang tih ka hlau" ka nui vak a, min en thup mai. Joseph ka en a, min lo en duh miah lo. Min hrelo ser hmak.
Kan chibai hun a thleng a, Mami chuan Christopher chu chibai mai duhtawk lo in alo kuah vang vang a, anau kalsan chu a hreh viau ang ka hriatthiam pui. Ka hun a thlen ve chuan min lo nuih ver ver a, hmeltha tak ani, a sang em em bawk.
"Jenn ini tih ka hria. Engkim ah ka lawm e" ati a, inbiak na hun vak a awm lo.
"Joseph ka nau nen inhau tawh su o"
"Ka hmelthat vanga min thik tawh lo turin hrilh la ani mai. U mami ka la star dawn tho che" Mami nui ri ka hrepha. Joseph chuan a ti nui thei tal alawm. A u awmtawh lo mahse Christopher pawn Joseph a neilet leh tawh a ka lawmpui.
Kan chibai zawh ah Christopher te in ah kan kal a, ka vawikhat kalna ani. A in a lian a, a zahawm bawk a, ka rin ai deih in a nuam. Mi an tam vang in a room ah kan awm deih a, a thawveng deih zawk.
"Tah vak mai ka duh" Joseph an atih chuan kan nuih a za tlang hle. Cindy tih loh chuan a tawrh na kan hre tlang vek.
"A pasal kha a chhe ropui si. A hang si, kamis var a hak phei kha chuan amah kha black an white anih kha. An fate chu an trial ngei ngei ang" ati a, kan nui nasa lutuk a midangin kan thawm an hria ang tih hlauhawm zawk.
"I rilru na awm ngaihna hrelo anih kha Jo"
"Na ve tho e mahse Bena hmeltha deuh hlek chu nei se ka lungawi ang. A pasal chhe pherh phurh lutuk hian lung ati chhia"
"Mahni hmel hre tawp silo" Cindy in a tih zeuh chu ala na hle aniang "Hria e. Ka hmel chu ka hria darthlalang ah ka in en ziah, nangpawh ka hria che vawkpui sam sei inih kha" ati bawrh bawrh a, Cindy hriat a nuih ka hreh si ka nuih a za thin bawk si hi buaithlak. Ka pum ana vek zel.
"I lu a buk si, i lu a lian bawk si"
"I chawn te kha a lian ve tho. I bawl ringawt pawh kg30 vel aniang"
"I lu kha ruaitheh na tham"
"Talh che ila kum2 chhung pawn ka ei zo seng lo ang che"
"Duhtawk ru" Christopher an alo ti a, Bena nuihza insum pawh a sen vek tawh. An inhnial hian an thin a rim tak tak thin sia, lo nuih vak ngam ani thin silo. A nui chu an melh rum thei ropui si. Tunah pawh an in melh rawm rawm mai. Awm lo ila chuan an in sual maithei.
Ka bulah christopher arawn thu a, ka zawi bawk si avang in alo ngheng nghal. Joseph an a haw leh ang chu. A hawisan hmak dan ah a hua tih ka hria, min en zak pawh ani maithei.
"Bialnu neih ai chuan insual anuam fe" ati ta ringawt a. Hetianga kan awm min hmuh hian a zak hi alo hah thin aniang, a hawikual vak vak zel.
"Na inei lo tiraw?"
"Aw ka tha vek" ka zawi vang in Christopher chu a ngaih a thalo leh tawh. Ka sam a khawih chuan ka mut ati chhuak, ka lo muhil leh dawn thin a, an tawng ri ah ka harh leh zawk zel.
"Ka zun a chhuak" Cindy in atih veleh "Zung lo ang tui a lian ang" Joseph an alo ti hmanhmawh a. Christopher an bathroom a kawh hmuh a, kal pah in Joseph a ke a rap lui a, ana ti lutuk a te ring nasa mai.
"Ka muhil dawn"
"Ngailo a khawharthlak" ka mit ka chhing lui tlat tho. Ben an thla a la a, a nuih vur vur dan ah engtin emaw tih a tum ani maithei.
"Ka tlai lutuk em?" Ricky a rawn luh veleh an hawisan vek. An hmulo der thiamlo emai. Ka lo nuih a, ani pawn min nuih let ve a.
"Vawin chu in nalh hlawm hle mai a mahse Joseph a nalh ber"
"Tunge ka hming sawi kha. A aw atang chuan mi inthlahrung vaklo chi anih duh hmel" Ricky chuan nui vak chung in Joseph a kuah bawrh bawrh a, ani chuan lo nemsan tum nasa viau mahse a nemsan hlei thei lo.
"Nakin ah thil ka lei ang che i duh ber" ti ten an inthlem a, Joseph hi an thianho ah a naupang ber a, ti ila Christopher nen an inrual mahse christopher aiin thla5 vel in ala naupang. Hei vang hian an naute chei deuh bik thin a, an ngai bawk a, a awm loh chuan an sawireng thin.
"Ehe.. Cindy iva nalh ve" Cindy bathroom atanga arawn chhuah rualin Ricky chuan alo fak nghal.
"A hing, vawkpui zun rim anam" Joseph ah lu ah Cindy chuan na takin a beng a, a ri chawrh thei. Rum deuh in an in en a a tawk ani leh mai. In nei se chu an in sual nasa thei viau ang.
Christopher nen corridor ah kan ding a, kan pahnih chiah a kan awm chuan a reh vung vung zel.
"I u chu i ngai awm"
"Mami awmloh hun a awm dan tur ka lo zir lawk lo a ka inchhir" a hnem nan a kut ka vuan ve thung a, nghet deuh in min lo vuan let a, a lungngai takzet ani tih a lang reng mai.
"Class12 kan zawh veleh innei ang"
"Ala hma awm e"
"Hma mahse a pawilo. Eizawn na tur vel a lungngaih thlak loh. Class-12 kan zawh hun ah innei tak tak ang aw" chhan dan tur pawh ka hrelo. Ka pasal ni tur chuan ka la ringtawk chiah lo. Tunah pawh zan a chhuah, insual leh ruihhlo tih ala bansan theilo ania, innei ila hrehawm tih chang ka ngah ang.
"Ka insiamtha ang" ati a, min en pah in "Kum khat a liam leh chuan tuman misual min ti tawh lo ang" ati a, a tih tak tak zia a hmel ah a lang reng.
"Ka sawithei rih lo. I awmdan in ala hril ang chu" ka ti ta ringawt a. Duh mah ila a in siamtha fe anih loh chuan ka chhungten an phal dawn lo hrim hrim.
"I hre mai ang" ati a, a sawi ang a a danglam leh danglam loh ka hrechak tawh ngawt mai.
.
Cont
BAD BOYS-20
A pangaiin school kan kal leh tawh a, kan in a alokal anih loh chuan Christopher pawh zan ah a chhuak ngai tawh lo. Class laklawh laiin a chhuak ngai tawh lo a, test naah pawh a fail ngai tawh lo. A zir duh tak tak chuan alo thiam khawp mai.
A ruihhlo tih bansan thut a har zia a sawi thin a, ka fuih a, ka pui nasa thin. A u pasal neih atangin thla khat a liam tawh a, ala rui leh miah lo. Thla khat lek pawh la ni mahse ka lawm lutuk tawh tho. Christopher hi chuan a sawi ang a awm a tum tlat thin. Kum khat aliam chuan tuman misual min ti tawh lo ang atih kha ka hrereng a, chu chu thlen dik tir ngei a tum bawk in ka hria.
Break lai ani a, ka bulah Christopher a rawnkal a, kan thil pai kan ei laiin Joseph a rawn lut. A hmui sir lam atang in thisen a chhuak a, a insual ani ngei ang. Kan lam hawi zawng in arawn thu ve a "Eng nga tinge?"ka lo tih chuan class-12 mipa thenkhat in an lo tihbuai thu a sawi a, kan bulah fel viau mahse midang tan hi chuan a sual aniang, an ngei tur anga awm te hi a thiam lutuk.
A pangaiin school kan kal leh tawh a, kan in a alokal anih loh chuan Christopher pawh zan ah a chhuak ngai tawh lo. Class laklawh laiin a chhuak ngai tawh lo a, test naah pawh a fail ngai tawh lo. A zir duh tak tak chuan alo thiam khawp mai.
A ruihhlo tih bansan thut a har zia a sawi thin a, ka fuih a, ka pui nasa thin. A u pasal neih atangin thla khat a liam tawh a, ala rui leh miah lo. Thla khat lek pawh la ni mahse ka lawm lutuk tawh tho. Christopher hi chuan a sawi ang a awm a tum tlat thin. Kum khat aliam chuan tuman misual min ti tawh lo ang atih kha ka hrereng a, chu chu thlen dik tir ngei a tum bawk in ka hria.
Break lai ani a, ka bulah Christopher a rawnkal a, kan thil pai kan ei laiin Joseph a rawn lut. A hmui sir lam atang in thisen a chhuak a, a insual ani ngei ang. Kan lam hawi zawng in arawn thu ve a "Eng nga tinge?"ka lo tih chuan class-12 mipa thenkhat in an lo tihbuai thu a sawi a, kan bulah fel viau mahse midang tan hi chuan a sual aniang, an ngei tur anga awm te hi a thiam lutuk.
A hmui chu ka lo tihfai sak a, kan in pawh lutuk hi a chang chuan Christopher a hian a thik deuh thin in ka hria.
"Duhtawk rawh i ei hnem tawh" tih pahin Cindy thil ei lai a laksak a, aman a ei deih a. Ngei viau mahse hliam a neih vang nge Cindy chuan a sawisel lem lo. Eitur a pek belh zawk a, Joseph ngei pawn mak ati. Nidanga eitur an inchuh nasat thin nen.Christopher an "Chhuak harh ve ang" atih avangin Joseph leh Cindy te kan kalsan a "An lo insual em lo ang chu" ka tih chuan anui suk a.
"Joseph chu amak lutuk. Hmeichhia in a huat deuh dan pawn tise a tilet ngailo. Kut an thlak pawn a dawh tawp. Hmeichhia chu a zahthiam ve lutuk. Kanu leh ka unaute ka ngaihtuah thin ati" ati a, Joseph hi an unau a mipa awmchhun ani a, a unaute duat rawn ani. Anu leh pa pawn an duat lutuk, a duh ang apiang an tihsak a, a sual na chhan pawh ani maithei.
"Nangmah itha em? Ala har em?"
"Har lutuk, zana ka len hun awm velah te hian ka thiante bula len ve ka chak. Race naah pawh ka tel chak mahse ruihhlo a tam sia, ka insum thei dawn silo a, ka in khung lui thin. Zana ka mut theih loh te hian ka in fuih a, nilo sela chuan ka rui leh deih tawh ang. Ka intiam tawh sia, sawi ang a awm leh loh hi mipa tan chuan a zahthlak sia" ati a, a chapona avang a a sim phah thei anih chuan a tha lutuk ang.
"Mami pawh alokal zeuh zeuh a, min fuih ve char char zel"
"I ngai ngawt ang tiraw i u chu"
"Aw ngai e. Kanu leh pate an buai thei sia, ka tet lai atangin Mami hian min enkawl ber a, ka school kal tirh pawn min buaipui tu ber ani. Ka damloh pawn min mutpui thin a, a muhil nghet ngailo aniang ka chet hlek chuan a tho a min ngaihven nghal ziah" ati a, a u chu a tan a hlut tur zia ka lo chhut thiam vek. Ka tan Johna ahlu ang chiah hi ani ve ang ka ring.
"Pasal aneih zan pawh khan ka ngai a ka muhil theilo" a en ngai a en reng a, ka bulah awm mahse a rilru chu a vak thui viau in ka ring. Unau pahnih chiah an ni a, amah ngaihsak ber tu in pasal a neihsan bawk si chu atan pawh tawrh thiam a har ve ngawt ang.
A mah hnem tum in a hnung ah muangchang in ka chul a, khawhar reng reng in hun a hmang thin a, amah hmangaih a ngaihsak tu ber pawh in tunah a kalsan leh tawh a, a nunhlui peih tum in tan ala mek a, puitu chu ala mamawh dawn chauh ani. Josepha lah insiamthat tum hmel ala pu lo nasa mai si. Bena leh Damian ten anmahni ang em chuan an ti nasa ve lo hlauh a, a zia zawk.
"A pasal pawh kha kanu leh paten an neih luih tir " ati chuan mak ka ti kher mai. Joseph pawn a duh chhia a tih em kha.
"A fel a, an hausa bawk a, Mami chuan bialpa dang anei" ati a, ka ngaihtuah chiang a, Mami chu ka khawngaih. Ka chhungten Christopher nen min pawh then an tum lai ka ngaihtuah a, keimah ang tho in a rilru pawh a hah ve ngawg ang. Ani phei chuan a duh ber kha pasal atan anei lo lehnghal. Inneih ni te khan hlim hmel alo pu lui hram hram anih dawn kha.
"Keichuan ka duhloh chu ka nei miah lo ang" ka ti sap a.
"Ka hria, nangchuan i chhungte i beilet ngam a, Mami chu a dawihzep a. Nangchuan keimah min neih ka ring" nui deuh chungin ati a, tunah tak hian ka hun hman zel dan tur ka hrechak. Christopher a hi ka pasal anih dawn leh dawn loh ka hrechak. Neih ka tum a, neih ngei ka duh bawk. Mipa dang hi ka rilru ah an awm ve theilo. Ka hlim in ka hrechhuak hmasa ber a, ka lungngaih chang in ka hrechhuak hmasa ber bawk. Ka hmangaih ani maithei.
Hmangaihna hi nupa nih hnu a piang chawp chauh tur amaw ka lo ti thin a, mahse Christopher hi ka hmangaih in ka hria.
"Ka hmangaih che in ka hria" ka tih chuan a nui suk a, ka zak leh hnuhnawh mahse ka hrilh ngei angai sia.
"Keichuan ka hmangaih che. Tuna ka rilru put ang hi hmangaih na anih chuan ka hmangaih che ani mai"
"Eng rilru nge iput?"
"Min then ka hlau a, bakah mipa dang i ngaihzawn chuan keimah ang a iduh anih chuan thil thalo deuh an tihpui che ka hlau a, nagmah duh der tu ineih ka hlau a, an fiam kual mai mai ang che tih ka hlau bawk a. I thatna tur chiah ka duh a, ka ngaihtuah reng bawk che a, ka ngai reng che a" ati a, dawt a sawilo ani tih a mit atang pawn a lang reng.
"Keichuan tihchhiat che ka duhlo a, ven che ka duh zawk a. Kan in kawp tirh a i rilru hah thin dan tur pawh ka hrethiam. Zanah ka chhuak a, ka rui a, ka ngaihsak tak tak ngailo bawk che a, mahse khalai vel pawh khan a rukin ka veng reng tho che"
Bell a rik tak vang in class ah kan let a, "hetianga inzui nasa hi an inthen duh ania" Joseph an alo ti nghal. Hmeichhe pakhat in tap pur in a dawhkan alo tihfai sak a, a tihfai luih tir ani tih hriat reng.
"Hmeichhia vanga inthlak danglam tum vel chu pa lo e" Christopher en pahin ati a, alo nui ringawt. Chhan let pawh a tum ve lo a, chu chu atha zawk. A duh tak tak ahmuh hun ah Joseph pawh hi ala danglam ve ka ring tlat.
Cindy bula ka thut veleh "Joseph an nitin eitur min lo paikep rawh a ti a zaklo e" alo ti nghal a. Sawisel vak vak mahse a paikep leh tho ang. Cindy hi awm lo se Joseph pawh hi a khua a har ngawt ang ka ring.
"In in hau reng a, in in ngai tho si"
"Min ngai ve awm lo emai, a mawl si, sual leh chimawm hi a kawp bawk si"
"Nang chuan i ngai thin ani maw?"uang deuha ka tih chuan ka mal ah a chum a, "A chang in ka duh a, a chang in ka duhlo. Min duat deuh se chu ka duh ngawt ang" Joseph an a duat chu keipawn ka beisei lo. Lo ngaihsak pawh ni se a tilang dawn lo chiang sa. Hmeichhe ngaihsak vel chu a zah zawng tak ani ngei ang. Bialnu pawh ala nei har ngawt in ka ring. A bialnu chu a vannei ve tho maithei a lerh dawn lo tih ka chiang.
Ban veleh ka thutna bulah Christopher lokal in ka bag ala nghal a.
"Hmeichhe bag ken te hi a zahthlak" min kalpel pahin Joseph chuan ati sup a, hmeichhia nen a inzawm na nei thil tih zak a ngah emai. An thian te ho nen kan chhuak ho a, Bena pawn Cindy chu thlah ngei ngei tur ah adah tawh a, Cindy bike chuang tur pawh buaipui angai tawh lo.
"Jo min zui ula kan let ho leh anga" Christopher an atih chuan alo nur nang a, "Kan bulah ikal leh duh tak tak dawn chuang lo a"
"Kal ho theihna laia kal ho te hi nuam ve lawm"
"Nia Zui mai ang Jo" Damian pawn atih ve vangin Joseph pawn alo remti ve hram a.
"Kan in ah lokal kawi ula coffee kan siam dawn nia"
"Isiam leh loh veih. Kal ang u" Joseph an atih chuan kan insiam rem vat vat a, kan in lamah kan inzui a.
Kan in bul kan thlen veleh Cindy in "Kan in ah zawk kal ang u. Kan nula in coffee siam chu a thiam lutuk"
"Nia a tui thei lutuk" ka lo ti vat a, dawt kan sawilo tak tak. A tui zawk chu an lo duh ve niang tumah sawm luih an ngai lo. Cindy te in ah zawk kan kal vek.
Kan luh rualin Cindy in an nula chu coffee siam turin a hrilh nghal a.
"Ka inthlak dawn lo thu rawh u"
"Ole vawkpui" a kal pahin Joseph a ke ah a chhuih a, na tih hmel viau mahse "Ava na lo ve" ti chung in Cindy huat dan deuh in a nui lui vak vak tho.
"Kha coffee chu o" Joseph an ala hmasa ber a, a duh zawng chu ti huam huam chi ani.
"Pakhat khan tlawmngai ula in ve suh u no2 ka in duh"
"Ka in ai in rawh" ka tih chuan Christopher an "A ngailo" alo ti vat.
"An in ah pawh an siam reng. A hne theilo mai mai nih hi. Duh duh hun a intur anei. Nangmah khan in rawh" atih zawm leh a, "Ka in ai chu pe dawn ila ilo laksak sawk sawk awm sia. Mi zawng zawng ai hian bialnu hi inei bik a" Joseph chuan alo ti hlak a, "Nei ve lo chuan an hrethiam lo" Christopher an atih chu Joseph a huat tawk a tling hle.
"Cindy thau na anih hi nagmah khan in suh"
"Vawkpui min tih loh vang hrim hrim in ka in ai in rawh" phur takin Cindy in ati a, ani aiin Joseph a lawm zawk. Midang aia tam duh reng thin ania, midang in no1 teuh kan in laiin no2 a in bik dawn a, a intithei chu a hawi vah vah mai.
Kan vaiin kan haw rual a, a thiante kal hnu ah Christopher nen kan in bulah kan la ding.
"Zanah ka lokal ang"
"Aw lokal tlai suh"
"Tlai lo ang. Ka rawn hrilh ang che"
"Awle kal tawh rawh, an kalsan vek tawh che"
"A pawilo an leng kawi leh ang keichu ka haw tlang dawn a" atih chuan ka lawm rilru khawp mai. A thiante nen a an kalna thin ah pawh kal lo turin a insum tlat thei tawh.
"Zanah kan inhmu dawn nia" atih hnu ah min kalsan a, keipawh inchhung ah ka lut.
John alo awm tawh a, ka haw har deuh vang in min lo thlen khalh aniang.
"Zanah rawn len a tum a"
"Pawn lama inhmuh ai chuan atha zawk"alo ti liam puat a.
"Nia amak lutuk. Insiamthat pawh a tum ve lutuk. Kan in a alokal tih loh chu zanah a chhuak tawh ngailo. A thiante len naah pawh akal tawh ngailo a, ruihhlo pawh ati tawh lo. Mahse nghei thut chu harsa atia puih ala ngai lutuk" ka tih chuan hlim hmel pu tak chungin "Ava tha ve. A lawmawm anih chu. Ti leh chhin tawh suh se, tha deuh in hrilh thin rawh" ati a, amah sawisa tawh tu mah nise a ruih lai anih kha ka tih vang in a hrethiam khawp mai. Ruihhlo ti ve lo mahse a ti thin thian a ngah ve tho a, hriatthiamna pawh a ngah phah bik.
Ka inbual pah in ka zai al al a, zana Christopher lokal tur ka hre ran a, zan ni vat vat se ka ti. Amah vang in min hau tawh ngai bawk silo. Arawnlen pawn a hmel ah a ruilo tih an hmuthiam ve vek bawk si. Lo sual ve thin mahse a insiamtha ve mek tih an hre tho ang. A tum nasat em vang in reilote chhung pawn a langchhuak tawh a, ka chhungte pawn a sual loh zia an hre telh telh ang, an rin aiin an ngaina hma deih maithei. Ka hmangaih che atih kha ka ngaihtuah chhuak a, keimah in ka nui ver ver a, min hmangaih ang chiah in keipawh in ka hmangaih. Kan hlim zel theih nan ka tawngtai char char ang. Christopher a chuan i u Mary khan pasal a neih vat theih nan tawngtai tel thin rawh ati a, ka hre reng a, Mary pasal neih vat nan pawh ka tawngtai thin. Mahss tun thleng in chhan na ka la hmu lo a, ka hmuh vat ka beisei.
.. Cont..
BAD BOYS-LAST
"Class12 room ah kan inhmu theuh dawn nia" kan ti a, kan in chibai kual a. Class11 kan zo thei chu kan lawm ve hle. Tumah kan fail lo. Class pumpui ah Joseph tichhe ber mahse a pass ve hrim hrim vang pawn kan lawm.
"Chawlh reilote kan nei a enge kan tih ang?" Benan atih chuan kan in enkual hrek hrek hlawm a "Reilote inhmuh loh pawn a khawharthlak dawn e" Cindy in alo ti ve bawk. Joseph chuan Christopher nen min kawk chung in "Anni pahnih hi chu an khua a har dawn lo. Nitin an inhmu a, an in fawp leh vel anga ka ten" ati leh a, a hmuh laia Christopher an ka biang a fawh kha ala hrereng ani ngei ang.
"Keichu in a awm tawp ani mai" ka tih veleh "Ka lo leng ziah anga" Christopher an ati vat a. Ka chhungte nen pawh ahma aiin an in nel deuh a, kan in ah pawh a tlangnel ve deuh tawh na a Mary chuan ala be duh chuang lo. Engtik ah mah min duhpui dawn lo niin ka hria. Mahse a buai thei em a, nuam tih lohna tham a ni chuang lo. Engmah a hre ve kilh kelh chuang lo.
"Kan in ah kal ang u" Ben an arawn tih tak ah chuan kan thutna atang in kan tho sang sang a, Joseph a huat deuh deuh ho kan hmuh veleh Joseph a an kai a, chak deuh in ankal pui a, hlimna ni ah buaina tawk turin kan duh biklo.
"Lokal rawh Cindy" Ben an Cindy a kuah a, bike dahla lama a kalpui chu an hnung ah kan zui a "An in ngaizawng ami?" Joseph an min hrilh ruk chuan ka hriat bikloh thu ka lo hrilh. In ngaizawng sela chuan Cindy in min hrilh ngei anga, an la puangzar duhlo pawh ani thei tho bawk. An inzui nasa em a, lo in ngaizawng pawh nise amak vak chuang lo ang.
"Damian saw mite saw an in ngaizawng ami?"
"I thik ami?"
"Teuhlo vawkpui chu ei atan chiah ka duh" Joseph chuan alo ti vat a, Damian chuan engmah sawizui lo mahse Christopher chuan engemaw hriat a neih a rin thu min hrilh. Bena leh Cindy te an tlanchhuak hmasa ber a, kei nin an hnung ah kan zui a, Bena te in lamah kan inzui chhuak leh vek a.
Kan thlen veleh mipa ho in an bag an vawm hlawm tawp a, thatchhe deuh in an thu nghal hlawm a. Ka thutna bula Christopher alo thut rualin ka tih ziah dan in ka lo ngheng nghal.
"Class12 room ah kan inhmu theuh dawn nia" kan ti a, kan in chibai kual a. Class11 kan zo thei chu kan lawm ve hle. Tumah kan fail lo. Class pumpui ah Joseph tichhe ber mahse a pass ve hrim hrim vang pawn kan lawm.
"Chawlh reilote kan nei a enge kan tih ang?" Benan atih chuan kan in enkual hrek hrek hlawm a "Reilote inhmuh loh pawn a khawharthlak dawn e" Cindy in alo ti ve bawk. Joseph chuan Christopher nen min kawk chung in "Anni pahnih hi chu an khua a har dawn lo. Nitin an inhmu a, an in fawp leh vel anga ka ten" ati leh a, a hmuh laia Christopher an ka biang a fawh kha ala hrereng ani ngei ang.
"Keichu in a awm tawp ani mai" ka tih veleh "Ka lo leng ziah anga" Christopher an ati vat a. Ka chhungte nen pawh ahma aiin an in nel deuh a, kan in ah pawh a tlangnel ve deuh tawh na a Mary chuan ala be duh chuang lo. Engtik ah mah min duhpui dawn lo niin ka hria. Mahse a buai thei em a, nuam tih lohna tham a ni chuang lo. Engmah a hre ve kilh kelh chuang lo.
"Kan in ah kal ang u" Ben an arawn tih tak ah chuan kan thutna atang in kan tho sang sang a, Joseph a huat deuh deuh ho kan hmuh veleh Joseph a an kai a, chak deuh in ankal pui a, hlimna ni ah buaina tawk turin kan duh biklo.
"Lokal rawh Cindy" Ben an Cindy a kuah a, bike dahla lama a kalpui chu an hnung ah kan zui a "An in ngaizawng ami?" Joseph an min hrilh ruk chuan ka hriat bikloh thu ka lo hrilh. In ngaizawng sela chuan Cindy in min hrilh ngei anga, an la puangzar duhlo pawh ani thei tho bawk. An inzui nasa em a, lo in ngaizawng pawh nise amak vak chuang lo ang.
"Damian saw mite saw an in ngaizawng ami?"
"I thik ami?"
"Teuhlo vawkpui chu ei atan chiah ka duh" Joseph chuan alo ti vat a, Damian chuan engmah sawizui lo mahse Christopher chuan engemaw hriat a neih a rin thu min hrilh. Bena leh Cindy te an tlanchhuak hmasa ber a, kei nin an hnung ah kan zui a, Bena te in lamah kan inzui chhuak leh vek a.
Kan thlen veleh mipa ho in an bag an vawm hlawm tawp a, thatchhe deuh in an thu nghal hlawm a. Ka thutna bula Christopher alo thut rualin ka tih ziah dan in ka lo ngheng nghal.
"Induh leh inchung ah han awm deih rawh u" Benan atih chuan "Nakin deuh ah" tiin ka lo chhang a. School atanga haw hi chuan chauh hi ana ve hrim hrim.
"Nia kal ru keichuan hetianga in awm vel hi ka hmupeih vak lo che u" tih pahin Joseph chuan cigarette a tan a, rimchhia ka ti lutuk ka tuar lui mai mai zel."Sneaker nalh deuh ka tih ho chu lo en rawh Cindy" Benan atih rualin Cindy pawh Bena bulah athu ve nghal. An pahnih in an en a, an nui dun hak hak reng a. Joseph an a dawhthei ta lo nge "In in ngaizawng ami?"ati ta tawp a, kan zawh chak kan zawh ngam loh ani. An lo chhang duhlo a, hrelo ang hmak in an tihlai an tih chhunzawm a, Joseph a ngaihdan nilo hmel chu hmuhnawm tak ani.
"Hei coffee"
"Awle ka nupui tur coffee" coffee an rawn dah rualin Joseph an alo ti nghal a, thildang zawng aiin coffee hi a ngaina ber mai ni. Cindy in a lak ve dawn veleh "Thau lehzual zelna anih hi" alo ti sup a, Cindy chuan lei chhuah pah in "Ni lo chiang. Nise chu mawng pawh inei ve tawh ang"
"Ka mawng hi ka thutbet tlat zel. Ka hlim reng ngailo. Nangmah zawng zawng kha mawng i ang. I biang pawh kha mi pangai mawng tiat lai anih kha" Cindy in a tin uaih uaih a, Joseph alo in dang vat a, tuman kan khap tawh ngai lo. Duhtawk chin an hre ve mai.
"Class12 ah chuan Joseph pawh a fel tawh nga bialnu fel tawk kan zawn sak bawk anga" Ben an ati dek dek a "Bialnu ka duh lo. A ho. Biak reng an ngai anga, an bula awm reng te angai anga, ka hah peihlo. Ka ngaihtuah ringawt pawh hian ka chau, drip khai ka ngai maithei" alo ti zung zung a, a bialnu neih ve hun a a awmdan tur ka hmu chak tawp. Hmeichhia zawk aiin a lai thin ngei ngei ang.
"Inchung ah chuan chho deih ang" Christopher an atih chuan keipawn ka lo duh ve nghal. Ri nuai nuai hi chu ngaia neih har ka ti ve tho. Min pawm nawlh a, an lo au dual mai.
"Innei tawh mai rawh u" Ben an atih laiin "An inneih phei chuan hei aia nasa hi kan hmu dawn a, hetiang ka hmureng peih lo" Joseph an atih veleh Christopher a nghawng ah ka kuah a, midang runluih nuam atia, ani pawh runluih a nuam lutuk.
Inchung zawl kan thlen veleh min dah thla a, thli thaw in min chhem chuan ka harh sawng sawng thei in ka hria.
"Hun hi a kalchak e" ka ti a, Christopher a dar ah ka lu ka dah a, kan inhmuh tirh te kha nimin mai niin ka hria. Kan in kawp rei a, tun ah chuan ka rilru pawh ati hah tawh ngai lo. A lo sual ve thin em vang in amah haw tu leh hlau tu an la tam a, a in siamtha nasa tih hretu pawh an tam. A insiamthat nasat zia chu keimah hian ka hmu a, amah tih loh ah chuan a hrechiang tu ber ka ni maithei.
"School luh leh hun chu kan school ah chuan a sang ber kan ni ve tawh anga" ka ti a, kan class ho kan luh leh vek phei chuan anuam ngawt ang.
"A hma aiin lehkha zir nasat angai dawn tihna ania, ka huphurh lawk" Christopher an alo ti thung a.
"Lehkhazir chu thuhran nise school a senior ber nih kha a chakawm ve hrim hrim""Ka chak em em pawh ka hrelo. School hi chu kal a ngaih vang in ka kal ve animy" ati a, tumah ngaihsak em em pawh anei lo. Kan class ah pawh kei aiin hmelhriat a nei tlem zawk. Amah en ai hian a lerh lo bawk.
"School kan chhuahsan angaih hun ah chuan kan la ngai viau ang"
"Kan inneih nghal dawn kha" a thusawi kha ala hrereng aniang.
"Kan la naupang e" tiin chhuanlam ka siam a, class12 zawh chiah a pasal neih chu ka chhungten an phal dawn lo chiangsa tih ka sawilawk ngam bakah chritopher hi an la ring tak tak theilo anga, neih vat an phal dawn lo. Tun ah pawh rin harsa an la ti a, a insiamtha mek tih hre mahse an la ring tak tak thei lo.
"Naupang mah ila puitlin a zir theih alawm" ati a, asawi anga awlsam ani silo.
"Inneih chu tih mai mai chi anilo. Kan nun pum a in nghat tawh dawn a, rilru puitlin vek hnu ah lo chuan tih chi anilo" a ngawi ta deih a, a ngaihdan a nilo pawh ani maithei. Mahse ka chhungte remtih thlap na lo chuan pasal em chu ka nei duh bik lo ani. Ka tih luih chuan malsawmna ka dawn loh te ka hlau a, hremna tawrh ka hlau.
"Engtik ah nge pasal neih itum hrim hrim?"
"Ka hrelo. Hna neih phawt te ka duh" ka ti a, amah hi ka pasal tur ani kher angem pawh ka hre silo. Thil ho te vang pawn kan inthen hlen vang vang thei. Pathian thu thu ka ti tawh.
"Ka nupui ini angem le?" Amah pawn ati ve tho. Kan hun hman zel dan tur hi kan hrelo takzet ani mihring ve mai kan ni si a.
"I nupui ka nilo anih pawn i thiantha chu ka nitho ang" ka ti a, inthen tur anga ka in ngaihtuah ringawt pawn ka hah nghal vek.
"Thu inhmuh loh deuh a awm pawn inthen lo ila, harsatna chu mihring kan nih chhung chuan kan tawh tur ania mahse inthen kher lo in"
"Bialpa inei te anih loh chuan ka then lo ang che" ati a, ka lo ngaihtuah thin dan chiah ani. Midang min neihsan tawp anih loh chuan then na chhan tur ka hrelo ani.
"I nunhlui a i let leh hi ka hlau ber a"
"Insiamtha zel turin ka intiam tawh a, min ring rawh. Ka sawi chu tih hlawhtlin ngei ngei ka tum thin"
"Ka ring che" ka ti sap a, a sawi anga awm loh aneih pawh ka la hrelo mahse thu a tiam ve zung zung ngailo. A in ngaihtuah hmasa a, a tih theih ngei tur chauh a tiam thin.
"Class12 zawh huna inneih iduh bawk silo" anui deuh a, a thinrim lo ni a ka hriat chuan ka thawveng huai mai. Min nawrlui ve chung chung dawn lo tih hre mah ila lo hnar kha ka tan pawh anuam bik miah lo. Mahse tih tur kan la ngah ve ve a, naupang te a inneih chu atha in ka hrelo ani. Rilru puitlin tak tak hmaa innei hi chu inchhir leh an tam a, in then na atam duh bawk a, risk ka la ngam ve chiah lo.
"Anih leh engtik ah nge kan inneih ang o" min kuah pahin ati a, "Ka hrelo kan inpeih hun ah ani mai lawm" ka lo ti vat a, kan awmdan tur hriat lawk hi ka chak thei lutuk. Mahse thil thalo deuh thleng dawn ta se kan hriat lawk vek chuan kan rilru a hrehawm nasa dawn lutuk a, hriat lawk loh pawh a thatna a tam mai.
"Ka sual thin vang ami min neih ngam loh?"
"A teuh lo, tunah isual tawh hleinm" ka lo ti vat a.
"Sual tawh lo pawh ni ila ka sual ring an la tam zawk a. Min tihbuai tum a min chang reng tu pawh an la tam a, min hmuh ruala tlanchhe zel te an awm a, ka nun ka uluk loh lai kha chuan nuam ka ti thin. Joseph nen kan inzui phei chuan min hmuh ruala tlanchhia kan hmuh chuan fiamthu thawh nan kan hmang a, intih hlim nan ber kan nei a, kan nuam tih ber ani thin. Mahse ka insiamthat duh tak hnu hian hrehawm ka ti" ati a, a thilsawi chu dawhthei takin ka lo ngaihthlak a.
"La sual reng duh ila chuan tunah pawh min hlau deuh tu ka hmuh chuan nuam ka la ti ang. Mahse hrehawm ka ti tawh. Min hnaih se ka duh tawh a, nel leh ngam tlak deuh in min kawm bawrh bawrh se ka ti. Ka mize thalo deuh khan alo hnar fel vek tawh a, min hnaih ngam tawh lo ang. Sual hi awmzia awm lo. Joseph pawh ka hrilh ziah thin. A nawm chhung a reilo emai" atih chhunzawm a, sual hi chuan an inchhir leh duh reng ani.
"Ila siamtha vek thei. Hun ala tam alawm. An ngaihdan che hi ila thlaktir leh vek thei" tiin ka fuih a, a insiamthat zel chuan chance ala ngah lutuk.
"Min rin tak tak hun ah ka rilru anuam deuh ang" ati a, kei ai mahin ka chhungte atih na zawk a ang. Ka chhang duh lem lo a, thil tullo ka sawi ka hlau.
"Ka hmangaih che a rilru hrehawm in ka siam tawh lo ang che" atih chuan ka hlim nghal em em "Keipawn ka hmangaih che" ka lo ti ve vat.
"Anih chuan hna ineih veleh innei ang aw?"ka chhang mai lo. Engtik ah nge hna ka neih dawn ka hrebik lo a, ka chhungten pasal neih an phal hun pawh ka hrelo.
"Aw ti ve mai la" ka phu zawk mai. Aw lo chhuahna lam kan hawirual nghal a "Joseph" a hming kan sawi rualin a tlanchhe nghal. Min lo enthla char char ani ngei ang. Tihngaihna a awm tawh chuan loh vangin Christopher nen kan in en a kan nui ringawt.
"Engtik ah nge ka neih dawn che ka sawithei lo mahse pasal ka nei anih chuan nangmah ani ang" ka ti a, kan inthen te anih loh chuan ka nei ngei ang.
"Ka nunhlui kha ka peih vek ang tih ka tiam che. Min mifel deuh kha tih in min la hre vat ang. Sual ti a hriat chu ka duh tawh lo" ati a, ka lo hlim veng veng mai. Ka la tuarchhuah ka ring reng ani. Ka tawngtaipui thin na te kha a thlawn lo ang tih ka ring tlat bawk a, Pathian in ka tawngtaina min chhang tawh ani tih ka hria.
"Ka hmangaih che" atih ri ka hriat chuan ka nui ver ver a, ka beng bulah rawn kun in "Joseph ala biru reng. Lo che miah suh" ati a, ka awm ngaia ka awm reng laiin ka hmui ah arawn fawp a.
"Tenawm" ti a phun hluk ri kan hriat chuan kan nui hak a, Joseph a kal bo tak tak hnu ah min fawp nawn leh a keipawh in ka lo chhanglet ve a...
.
END
(BAD BOYS min chhiarsak tute zawng zawng chung ah ka lawm e. A tawp a hnaih tawh vang in nizan atangin story thar ka ziak a, min lo chhiarsak leh theuh dawn nia. Ka sawi tawh ang khan ka vawikhat ziahna ania, tihsual leh thu in man lo tam tak a awm anga, in duhthusam ang ka ziak chhuak lo anih chuan in hriatthiam na ka dil nghal bawk. Ka hman a, ka dam anih phawt chuan ka lo ziak zel anga, min lo chhiarsak zel thin dawn nia. Sawisel tur inneih chuan sawi hreh lo ula, a theih anih phawt chuan ka lo insiam tha ang. Ka story min chhiarsak vangin ka thinlung zawng zawng in lawmthu ka sawi nawn leh. Ka lawm e)
Awi heihi ka lo chhiar ngai lo a..angaihnawm thraks..josepha hi ka duh lutuk
ReplyDelete