BAD BOYS S2 (COMPLETED)

BAD BOYS S2-1


Ka alarm ri bengchheng lutuk chuan ka lu nat a ti zual. Zanah zu ka in ve a ka la hai bur. Thil ka eiţha lo bawk nen ka kut te a khur der der a ka hriat chu. Cindy in min hau leh nasa khawp ang.


Jennifer ka nia, Jenn tiin min ko ber zawk. MA ka kal ve mek tawh a, Christopher nen kan la lut dun zel tho. Kan inbe ngai miah lo. Class12 kan nih laia kan inţhen hnu khan a theih ang angin ka la hel ziah. Pathian hi ka lamah a ţang lo nge mawni ka hmuh hreh ber nen hian kan la lut dun char char lehnghal.

A ni pawn ruihhlo a ti leh tawh tih ka hria. Joseph nen la inkawp rengin an rui ţhin tih thlengin ka la hre vek tho. Hriat duhlo mah ila Joseph hian min hrilh zel tho. Ka ngaihthlak peihloh hun lai tak te hi min hrilh duh hun a ni ţhin. College ka kal aţang khan zu in zeuh zeuh ka ching ve a, kan upa ber ka hlauh berin pasal a nei ta bawk nen ka nun ka uluk lo sawt angreng. Mi angin langsar deuhin ti lo mah ila a ruk a tih ve kerh kerh ka hrat a, cher chhe ve tak ka ni. Tunlai tak phei chu ka taksa a chak lo thar em em bawk. Chaw ei mumal lo a zu ka in ţhin vang.

"Ala tho lehpek nange?" ti a Cindy ţawng lawng lawng ka hriat chuan ka lo nui ver ver. Ka mamawh lai hian a lo lang chat zel. Kawngkhar inhawng ri ka hriat rualin pen thawm ka hre zui a, ka lo muhil der.


"Hey tho rawh. Nizanah biak theih miah lohin i awm a, i thil tih ka hrevek tho ania aw" a ti khur khur a, ka puan sinlai pawt thla in khumah a rawn ţhingţhi rawk rawk a min tung tho nawlh.
"Ana nia, ka lu ana lutuk" ka ti nang nang a, dawt ka sawi lo bawk a ka indawm nghal. A su dup dup a, keh mai tur a ang mah zawk.

"Ana reng ang chu zu i in miau alawm. I in apiangin a na a i sim duh chuang hleinem. I zu in vang khan i rilru a nat loh phah dawn lo hrim hrim"

"Sawichhuak ziah suh" lo ti hlar mah ila "Ngaihzawng dang nei mai rawh" a ti ţalh tho.


Inbual turin ka tho a, bathroom a ka luh a ka inbual lai hian ka in ngaihtuah nasa thei. Amah zawkin midang min neihsan vanga inţhen kan nia, a ngai reng chu a ning a ni awm e. Ka bulah pawh a sawi a, ngaihdam min dil pah zui zat a, amah aia ţha nei turin min hrilh na a hmalam ka pan thei miah lo hi ka buaina ber a ni. Min tihlim ţhin em a, ka mipa duhzawng tak a lo ni bawk nen. Midang a rilru pek har ka ti em a ni. Kum tam a vei tawh hnu pawh hian ka school kal laia ka bialpa kha ka la theihnghilh theilo anih ber hi.


Bathroom aţanga ka chhuah rualin Cindy ţe ţhat ri ka hria a, a ri nghal rum rum a, ka nu pawh a ţe ve ţhat.
"Ana em Cindy?" a ti chul a, inchung kailawn a ţangin a rawn tawlh thla anih hmel. A inchhuih khut khut zel a a chesual reng mai ni.
"Na ve e. A van nal em em ve" tih sep sep pahin a tho ţuang ţuang a, ka nu in a lo pui.
"I kalna enchiang ţhin ta che. I ruh a tliak lo a i vannei anih kha" amah ngaihtuah tak chunga ka tih laiin min melh rum viau thung.
"I muang si han insiam ve vat ta che. Ka tluk hian min dem ve ziah suh ka duh vanga tlu ka ni bik lo" thinrim deuhin min ti let erh. A mood a fu lo ve hrim hrim anih ringin ka chhanglet duh ta lo. Inchung ah ka chhohsan leh a, hmanhmawh deuhin ka insiam. Ka inbual chu ka harh huai alawm le.


"Chaw i ei dawn nange?" ka nu in alo tih chuan ka chhan hma hma in Cindy chuan choka lamah min nem lut rawk rawk a, kan inlen hleih si a chak ropui mai bawk si. Kan in ah lah hian an in aiin a tlangnel zawk amaw tih mai tur a ni lehnghal.
"Ei rawh cher ropui si. Chaw nghei i chin chuan natna ho te hmangin i thi daih mai ang" min tih pahin min ţhut tir rawk rawk a ka bulah a rawn ţhu zui ve zat. Ka chaw ei te chuan ka luak a tichhuak. Min veng run mai bawk si chak lo chung chung a ka ei tak ţeuh kha.


Ka chaw ei khamah hmanhmawh vak lo in kan chhuak a, scooty ka nei tawh a, Cindy pawh khalh thiam lo mahse a chuang ngam tawh tho a, bus in kan kal vak ngailo. Ţhian dang kan kawm tam lo a, kan ţhian dun hian kan tlei tawk em em. Bialpa neih lam kan ngaihsak vak lo ve ve a, Cindy pawh Ben-a a thih hnu kha chuan mipa chungchang a sawi tam tawh ngai lo. Sawitam lo mahse Ben-a a ngaihzia erawh ka hria. An picnic haw lam accident in a hmunah a thi nghal a, a fel tehlul nen a pawi tak tak a ni.

"Awii ka kekawr hak hi a fan lo chi ania, hetiang ka hak hi chuan scooty chuan a kar hi hrehawm ka ti ţhin" tichungin huphurh deuhin a rawn lawn a, a hniam huai hian ka hre ţhin. Kan thlen hma zawng a ti ti char char a, ka lu na sia ka ning ţep. Khap veih ila chuan a rem lai laiah min chum leh awk mai dawn a, ngawih mai hi a ţha.


"Phur ziah suh ka tih kha. A ke te kha a ţhut thep vek lo maw" Joseph pawh ala ngai reng. Cindy nen an inhmuh apiangin an la inkhak ziah a, an naupanchhiat na lai ber a ni.
"I bike a ni lo a, ilo buaina tur pawh awm lo. Cher chhe zawr ruih hmel thei ropui si" pakhat pawn a ti hmuar hmuar a, ka rindan chiah. Joseph zawk chu hlauhthawn hmel deuhin a tawlh hnung hrut hrut a, phawk fe a min en in Cindy a kawk reng bawk.
"Eng nge a?" kan ti ha a, hnunglam phei chu kan hawingam tawh lo hrim hrim.


"Cindy kha kha" a ti hluai a, a hlauh hmel takzet. Keipawn hlauthawng takin Cindy ka en a, diklohna ka hmu bawk si lo. Cindy lah chuan ţap purin "Eng nge sawi vat ta che" a ti ţuau tawh bawk.
"I biang a far dawn maw ka ti lawm engkim eitui nu" a nui zui vur vur. Rei ngial chu an in um kual a, an piahah hahdam deuh a ţhu in ka lo nghak. Ka ţhiannu zawk chu a tlawm leh ta nge nge a, hah deuhin a lo let.
"Hepa ka ngei zia hi chu aw" thinrim deuh a tih pahin a thaw hlawi hlawi a, a hmai thlan pawh a kutin a zap hliau hliau mai.
"Kan inhmu leh dawn nia Cindy khatianga exer lak zeuh zeuh kha i mamawh a, ka hmangaih em che a natna i neih te ka hlau ve a" a tih pawn chhan pawh a chhang peih tawh lo. A kal dawnah Cindy malchungah chocolate a rawn vawm thla a, a kal zui nul nul.


"In van inhmeh tak" nui hak hak chunga ka tih chuan thinrim hmel viau mahse a hmelma pa thil pek chu a ei tho. A duhzawng hi a hreve tlat alawm.

Tlaiah haw tur a Cindy ka lo nghah laiin ka duhloh ber ka hmu. Vanduaithlak thei e. Min rawn pan lehnghal a, bihrukna hun pawh awm lo. Ka thaw halh a, zahzelah ka sam hui pahin lehlam ka hawi. A tuar tu zawk nih tawh nak lai hian thil ttisual tu zawk ang maiin ka biru reng mai.


"I dam em?" min tih chuan ka hawichhuak ta nge nge a, ka duh em em ţhin kha ala ni tho.
"Dam e i dam zawk em?" ka ti mawi ve a, a lo bu nghat.
"I chanchin ka lo hria a" a tih chuan "Eng ber?" ka lo ti ha a, a sawitum chu ka hre tho.
"Zu in tawh suh" a tih chuan ka lo nui lui hak. Ve lutuk hian.
"Min ngaihtuah ve hmel hle mai. Mahni thutiam ah pawh ding theilo hian min zilh ve khanglang lo mai teh" ka ti let erh a, min enchiang em em lehnghal a, thinrim hmel pawh a pu lo.


"Kum tam a liam tawh. Theihnghilh tawh rawh. Thinrim na an pai reng ngai lo" ala ti ngam zawk. Ngaihzawng neih ka peihlo a inţhen ang ka hne ve hrim hrim a ti tu zawk kha ania. Ka rilru na ala reh thei lo.
"Min kalsan mai teh" ka ti sep a, ka thinrim leh hlur tawh.


FLASHBACK

Cindy nen a kan ti ti mai mai laiin a message ka dawng hlawl a, [In inkawtah ka awm lo chhuak teh] tih zawng. Ka tho ve vat tho a, ka ţhiannu lahin "A kochhuak reng che hi a ţha lo" a lo ti ve sek bawk a, midang thusawi ka ngaithla ngailo amah chiah kha ka duh hle a, a thu ang apiangin ka awm a, a mei ang maiin ka zui duan duan a ni ber. Ka thik thu a chhia a, chuvang chuan kan inhau ve reng ţhin. Ka duh em vang khan ka chan daih ka hlau a ni ber.


Phur tawkin ka chhuak a, a thil tum hre ta lo chu min ngaih vang amaw tiin ka va kuah thuak thuak a, min kuah ve miahlo in min lo nemsawn zawk. A uang amaw tiin ka nui vak a, a nuih ve miah loh vang khan ka nui rei lo khawp mai.


"Eng nge awmzia?" ka ti ta nge nge a.
"Inţhen ang" a ti mawl tawp a, a thutak run mai bawk si. Khatih laia ka hrilh hai zia kha. Ka hik deuh chuaiin ka inhria a, ka thinphu a rang em em bawk.
"Engvangin?" ka ti ve ţalh a, hrechak lo mah ila chhan awm lova min ţhen ka ring bik silo.
"Kan la naupang a, hmeichhe ngai reng hi a ninawm a, kei aiţha nei zawk rawh. I chhungte pawh an lawm daih zawk ang" a ti duah a, ka awih lo lutuk kha ka enreng ringawt. A fiamthu anih kha ka ring tlat a, ti mai mai hmel a pu bawk si lo.


"Midang inei a mi?" ka ti leh tawp a, ka tha a khur nasa mahse ka ţap miah lo.
"Nei lo. Ka nei peih tawh rih lo. Ho te te a kan inhau ţhin te hi a ninawm a, mahni a awm ka duh. Inţhen lo mah ila kan hlim chuang lo a, kan tan a ţha ve ve" a ti a, a ţawng tam lutuk te kha mak ka ti zawk. Engmah a sawi duah ngailo a, sawitur a hriat loh ve theih nen.

"Ivan ţawngthei tak thil sawi ţeuh pawh a ngai lo" ka tih hlar laiin a lo nui hawk.
"Min zawt sia"
"Inhau reng mah ila inţhen kher angai lo. Tihsual ka nei mi? Ka thinrim peih iti deuh a mi? Tumah ka thik tawh lo ang ka insiamţha vek ang" ka ti mawlh mawlh a, ka â ruai a ni ber.


"Tihsual inei lo. Keimah hian ka zir lo a, ka rilru a inthlak thut a, ka ti lui thei tawh lo. Ka sawi tawh kha keimah a zalen deuh a ka nun hi hman ve ka duh tawh" a tih lai te chuan ka dinna hmun kha a vir mum mumin ka hria.
"Ţha deuhin awm rawh aw ifel em kha. Keimah zawk hi ka sual a min ngaidam dawn nia" tih pahin ka lu chungah a kut a rawn dah a, rei pawh a nilo. A inher vut a min kalsan. Ka dang miah lo. Kal lo tur pawn ka ti lo. Ka din ngaiin rei tawk ka ding reng a, Cindy ngaihţha lo in min rawn zawng a, min hruai lut a, engmah min zawt lo mahse thil awmdan tur chu a hrethiam. Min mutpui tawp a inbe miah lo in kan mu tlaivar ţhak. Cindy a mutthilh hnu pawn ka harh kur reng a, ka tlaivar chiang hle.


A tukah ngaihzawng dang a nei tih ka hre lehnghal zat bawk a, min runluih nan a ti nge ka kalsan theih nan a ti zawk pawh ka hrelo an inkawp langsar khawp mai. Ka ţhiannu bulah pawh ţap miah silo kha Joseph ka hmuh khan ka ţap a, a ţhianpa anih vang te pawh aniang.
"Hetiang vang hi nia ngaihzawng ka neih peih loh" min hne hmel deuh a ti chungin na lo te te in ka hnung a beng det det a, min hnem vak ngaihna a hre bik lo. Tlaiah pawh min phur haw a kan in thleng min thlah thlap. Khata ţang khan Joseph nen kan inpawh lehzual a, a mawl em vang hian min tihlim ţhin hle. Ka na lutuk tur te pawh min chhawk zangkhai a, kum khat vel a liam hnu ah kha chuan a ze ngai chhuahin ka bialpa hlui chanchin min hrilh sek tawh mai ţhin. Chuti chung chuan tun thlengin ka la hel char char reng a, ka la bihruksan ta char char anih hi.



PRESENT TIME

Ka hnaih deuh a a awm chiah hian engkim kha ka hrechhuak thar leh a, ka thinrim em em pawh hi a awm lo hran lo.
"Ka chanchin lo ngaihven tawh suh ang che" ka tih lai mekin Cindy a rawn lang hlawl.
"Hepa hian eng nge a lo tih a?" tih pahin a kawk va a ka chhang lo. Ala ngei ve a, hau hrep mahse pawi pawh ka ti lo.
"Hetiang mipa lerh rilru nghet lo deuh hi chu i mamawh loh em kha. Mifel an tam emai" ala ti bawng bawng a, awm lo ang hmakah a ngai a ni ber.


"Kawrawh kal ang" ka ti ta daih a. Ngei viau mah ila duhna ka la nei ve tho a, ka la hmangaih tho tho.
"In haw dawn mi? Thil ei phawt ang u" Joseph rawn au lawng lawng chu ava hun lo tak. Tinge tupawh an lokal vek? An bula thil ei te phei chu ka chak lo bur.
"Kan haw zawk ang" ti mah ila Cindy a kuah a a kalpui lui tho tho. Duhthlan tur dang ka neilo ka zui veleh tho a, ka bialpa hlui ngei pawn min zui veleh tak hi. Ka kalmuanin a kal muang ve a, ka kal chak veleh a kal chak veleh bawk a, ka thinrim hmel ka hmuh tir leh engmah thleng lo ang maiin min lo nuih a, a nui hmel hi chu hmuh a nuam thlawt.


Thil ei tur a kan kal ve meuh chuan min rawn miahlo in an duh ang an lo chah thlap tawh. Joseph a lo nui vur vur a, mit a siai zeuh te kha ţullo ka van ti tak.
"Thil kan ei ho lohna a rei tawh sia, in tello in engmah ka eithei silo a, tunah chuan in awm a ka ei ve ţeuh thei dawn anih hi" a ti vel a, ka awih lo lutuk a ka nui tawp.
"Cindy biang uai hnuang khawpin ei ang aw nge puak pawp khawpin kan ei zawk dawn" tih pahin a kuah a, an in then hliau hliau a, hman kha a ang. Kan inhmuhkhawm reng ţhin lai kha a ang a a lunglenthlak tak tak. Ben-a leh Damian te awm ve thei se ţha tur. Ben-a lah a boral daih tawh mai sia, Damian lah home ah a awm kual reng a, danglam tawh tak a ni a chhungte pawn an kawl thei meuh lo.


Eitur an rawn chhawp veleh ka ei nghal buan buan a, Joseph a lo chek tlak tlak.
"Hey tuman an eikhalh lo ang che vawk ang mai" min tih pawhin ka ei dan ngaiin ka ei reng tho. Ka dakchhuak lo hrim hrim. Ka hak ta reng bawk a, ka khuh bawrh bawrh a, Christopher a tui min lo pek ka la duh lo. Cindy bula mi keiman ka ban a, ka hnung chu min rawn chulsak ta tho a.


Kan awmchhung zawng Joseph an min fiam a, kan boruak hrevek chungin kan inneih hun tur te min zawt lui vel a, kan lai hmel velin a tihlim ve em em. Awm lo se chu ka haw daih tawh ang. Mi â ang maiin a nui keh huih reng a, Cindy nen an inkhak zeuh zeuh bawk.


Tlai chaw pawh ei leh tawh lo in ka mu. Christopher hlir ka ngaihtuah a, a hmel ka mitthla thul. Ka hmu thu deuh hlek a, rilru hahna nei hmel a pu bawk. Ka beisei loh deuhin min lo call a, a phone number ka la paih lo a, a la thlak bik miah lo bawk. Be chak viau mah ila ka la duh lo.


[Hmuh che ka duh ţhin a, min hel zel sia. I van chhelo tawh ve] tih hi a rawn thawn ngei ah. A uang ve ni ngei tur a ni. Ka chhanglet duh chuang lo. Beiseina min siam ang a reilote ah min hne leh anga, mahse a message ka hmuh chiah khan keimahin ka nui ver ver tho. Ka phone a rawn rik leh pawn phur deuhin ka en a, amah nilo in Ruatdika zawk a lo ni. Mak deuh maiin zan danga ka biak phur theih tehreng nen zanin chu ka hnual. Ka haw viau na a ka lo la hmangaih reng tho anih ka ring. Amah a danglamna ka hmu miah lo te mak ka ti. Midang a endan ang tho in min en a min hmu kha a hlim hmel loh a, a thinrim hmel loh bawk a, a in thunun thei bik lutuk hi ka thik a ka ngei lek lek ţhin. Ka rilru tibuai tur hrim hrim chiah a piang ve ang ah ka ngai nghet hmiah.


[Vawiin kha nuam iti nasa. A ruk chuan fel min ti. Hrehawm a ti em a tikhan hun ka siamsak anih kha. A mawl luatah a tuar a, ngaidam tawh mai rawh. A ţhen leh che anih chuan i aiawh in Cindy nen kan sawisa mai ang. Cindy kan ţhuttir anga, a ţhut a nat dawn em hi. Bia la hlauthawng duh tawh suh kum thum chuang ka sawipui a ka vau lawk tawh]
Joseph-a message chu nui vur vur chungin ka chhiar. A bialnu chu tupawh nise hmeichhe vannei tak a ni phawt ka ti rilru rauh rauh a, a ţhianpa message erawh ka chhanglet duh chuang lo. Awlsam deuha min neihlet theih a inrin chuan a tisual hle ang.


(A tam zawk hrethiam tur hi chuan S1 kha chhiar hmasak angai ang. A rei tawh a chhiar tawh tan pawh theihnghilh na tham a ni tawh a, engpawh nise chhiar tui ule)


CONT..

BAD BOYS S2-2


"Eng nge chanchin?" thawm nei lawk miah lo in min rawn kuah chawt a, ka phu nasa lutuk hmel chu min la nuihsawh zui.
"Hahchhiau mai tur hmel te pawh i put kha"
"Joseph khatiang kha ching tawh suh" ka ti hrawk. Ka awm ka dawm a, rum deuh a ka melh laiin naupang pawisawi lo ang maiin a lo nui ver ver a, naupang a ang tak tak ania hepa hi chu. A hmelţha veng a, a naupan hmel reng bawk a, hetianga min nuih tawh hi chuan thinrim reng a har ţhin.


"Eng nge chanchin ka tih chu" a ti nawn leh chung chung a, a hma ang chiahin ka darah min kuah leh a, min la uai pur pur zui.
"Ka be lo" ka tih chuan nui tawp hmakin a mit ko a san ak a, a ngaihdan anih loh hmel.
"I khawngaih lo mi?"
"Min khawngaih zawk lo mi?" ti a zawt letin tifuh inti tawkin ka nui ve thung.


"Nunhlui te chu kumtawp ah kan thlah liam vek zel hi. In inţhen aţang ringawt pawn i thlah liam ngun tawh lutuk. Biak che a chak ţhin a, a ngam leh lo ţhin a. Pa lo viau mahse a khawngaih thlak a" a ti zat zat a, a ţhianpa hi a fak awm pawh ka la hrelo reng reng.
"Ama duh dan ania, bakah a rei tawh emai tihian kan inţhen hlen anga nimai"
"A rei tawh vang tak chuan alawm ngaidam tawh tur a ka tih che" tih pahin min sawi nawk a, ka lo phun hluk.


"A ţap ţhin ania aw a ţap vak zel. Intih hlum a tum phah te kha i hria em? Vawihnih ka chhan hman a ka chhan peih tawh miah lo ania aw. Naupangchhia pawh inni tawh lo a sawi dun rawh u. Anih loh chuan a mumang lam thlengin a zawng che a, nangmah amaw te min ti thul. A chang leh nangmah angah min ngaiin min fawp nawk nawk a" ten hmel deuhin a ner kual vel a ka lo nui vak.

"I dawtsawi theih zia hi a rapthlak zawk. Dawt sawi phah vak vak kher angai lo"
"I biak duhloh chuan chaw nghei a tum ţan ania" ala ti ţalh. A nakah ka nghawk vak a, duh aiin ka nghawk na aniang a dawm vang vang mai. Inthiamlo duh miah lo in "I ţawngthei em anih kha" ka ti zui a, Christopher-a mizia ka hrechiang, inti pa ve chi ania, ţah leh intihhlum te chu a hlat lutuk.


"Thudik vek alawm ka hrilh che. Intih hlum a tum apiangin a tih hma in a rukin a banah never die ka ziahsak ţhin a, a thih loh phah anih hi" a tih rualin a lu ah ka beng leh pawp.
"I kutthlak a na si. Min beng â ange" a ti nang nang a, a chang hi chuan rilru hah hi a chhawk ve ţhin ania.


"Saw Cindy hnung a saw ţahbelh deuh chu a lokal saw" a ti a, Cindy rawn kal hnuang hnuang hnungah Christopher chu a rawnkal tak tak. An inthurual ka ring miah lo. Ka ţhiannu hian a ngei lutuk tlat.
"Saw lah saw a thau tawlh tawlh mai. Hawlh ila chu a thep huai thei ang a" ka beng bulah a rawn phun sur sur a, a thusawi chu amah zawkin a lawm amaw tih mai turin a nuih a za viau bawk.


"Min lo rel leh tawh nimaw khapa khan. Engmah ni mang silo hi mi hi ka nuihzat e inti ve a" a rawn hnai deuh tawh bawk a, a phun ri pawh a hriatchian viau tawh.
"Kal teh ang Cindy ka treat ang che" tih pahin a hruai hrang leh hmak tawh. Ka van ngei ţhin em. Cher viau mahse mipa a nihna angin Cindy thahrui ngah lutuk pawn a hneh lo.


"Nizan i lo call khan ka lo muhil tawh a, ka chau lutuk a ka muhil hma tawp" dawt ka lo sawi nghal zung zung. Joseph-a bulah ka awm nasa a dawt sawi te chu ka hneh tawh rap.
"I damlo mi?"
"Dam e khawlumin min hmet chau" ka ti ve zaih a, kan dinna bula ţhutna chu kawkin "ţhu ila" zawi te a tihpahin a pan nghal a, a inthlahrun hmel lutuk a khawngaihthlak zawk. Keipawh ţi dakin amah sik hlau tawkin ka ţhu thla ve.


"Damian a lo chhuak a, chaw ei ah min sawm a, i kal ve loh a hlau khawp mai" a tih lai vel pawh chuan ka ţhu ngil auh reng a, zam na tur chi engmah sawilo mahse ka zam lutuk chu ka kut phah te a thlan a, ka kekawr ah ka tat ka tat ringawt.
"A fel tawh em?"
"Ala rei lo a ka hre lo le" a ti ban charh a, sawi tur dang a vang khawp mai.


"Ka hmuh khat che nen nimin ah kan inhmu a vawiinah ka hmu leh nghal zat che a" te ka tikual ta vel mai mai.
"I biru zel a" a tih pah a nasa lo deuh a a nui suk te chu hmuh nuam hi ka ti em em. Amah vanga ka na ngawih ngawih pawh hi a awm. Ka tan chuan a hlu ve em a, sawisel na lai tur pawh ka hrelo.
"Hmun khat a kal dun char char ţhin kan ni sia, bihruk ngaihna pawh awm loh hi" ka la ti ve ţang ţang a, diktak chuan ka bula a awm hi chuan a ngaihawm thar leh.


"Ka thil tih kha ka la naupan at vang anih hmel" tiin bul a ţan a, ka lo ngaithla kar. A sawi hreh lehpek viau ang chu.
"Mitmei ven tur neih kha ka ning a, ka la naupang bawk nen. Tun thleng hian ka inchhir a" a ti mual mual a, a ţawngzawi sia ngaihthlak uluk a ngai rapthlak lehnghal.
"Inchhir awm ang pawn i awm ngailoh kha. Bialnu te inei a, nuam i chen nasa nilaw mi?"
"I awih ka ring lo sa. Min ring tawh dawn lo, chu chu hriat sa vek. Mahse hun min pe leh tur a dil che ka tum ţhin" a tih laia thawk ka lo lak halh vang chuan a thusawi a tawp hmak a, amah ka en a, min lo en ve chiah vangin ka mit ka lasawn vat. Ka sa deuh ap ap hialin ka inhria.


"Hun lo pe leh che pawh ni ila min nin hunah i ti tawp leh thut tho ang. Joseph pawh ka hrilh kha. Hlauhna hlirin ka khat tawh a, inlaichinna hi chu a chhiat awlsam tehreng nen siamţhat leh a har em a ni" ka lo ti ve leh bawk a, siamţhat leh mai mai a theih ţhin loh vang ania a theih ang ang a vawn tlat ka duh ţhin. Amah zawk hian duhlo in a ti tawp a, ka tello a a hlim zawk a inring a, thei leh chai si lo hi.


"Hetianga ka hmuh hma che hian ka intiam a, ka rilru ka siamfel hmasa. Ka in ngaihtuah nasa a, a hma ang kha a ni leh dawn anih chuan ka hmu lo law law ang che ka tia. Mahse ka hnaih a i awm khan ka hlim zawk. I hlutna kha ka lo hrethiam lo a" atih hnu ah "Ivan ţawng tam ve tawh em em" tiin ka lo fiam zeuh a. Kum tam tawk hnu a kan nuihdun lehna hmasa ber a ni hial ang. Ka hmuh hreh ngawih ngawih ţhin kha ka hmu leh ta reng mai chu a nia.


CHRISTOPHER


"Tihsual nawn leh hlauhna in ka khat tawh a, in ngaihtuah ve fe te ka duh ve tawh a, thutlukna ka siam mai mai tawh dawn lo" a tih chuan ka lo bu nghut a, hun ţha min pek lehna tur a nih chuan ka nghak ang. A tello khan hrehawm ka ti leh si a, let leh ka tum uk uk ţhin na a ka chapona khan min dang ţhin.


"I duh chen chen in ngaihtuah rawh ka lo nghak char char ang che" ka ti a, nelawm deuh a lan ka tum. Khang kum chhung kha a hrehawm a, neih let ngei ka duh. Ka chapona ka dah ţha rih ta ro ro, ka ngaichang tlang ang. Ka naupan lai ang khan ka ti chung chung tawh lo ang a, zaidawh deuh a awm ka tum ang. Ka thil tum hi ka sawilang ngam chuang lo.


"Min nghak thlawn maithei ania" a ti a, a nui zui ver ver. Hmeichhe hmelţha tak a ni lo a, a vantlang. Hmangaihna hi hmelah a in nghat lo a, a bula ka awm hian nuam ka ti tlat zel. Bialnu dang pawh ka neikual nasa a, Jenn ang ka hmu lo. Ka awmsual pui miah lo chung hian eng emaw min hip tlat tu a nei a, chu chu ka sawifiah thiam tawh bik lo.


"Ka nghah thlawn loh che ka beisei. Inţhen hi hrehawm iti ve tho tih ka hria. Midang inei thei lo tih zawng zawng nen, keimah bak iduh lo" inringtawk takin ka ti ve ngat a, ner nang mahse a huat hmel loh.
"A hma zawng zawng pawn thu i tiam a, ka bula i thutiam zawng zawng kha a vaiin i bawhchhe vek miau a, han rin leh che hi har ve deuh asin"
"Ka hria. Chu pawh chu ka naupan vangah ka puh leh mai ang" ka ti ve tlat. Min rin leh angai. Ka neih let leh angai. Ka duh chu ka nei ţhin. Ka inla hrang tawh dawn lo.


Cindy te an lo let a, min melh leh ram ram tawh. A ţhiannu ka tih danah hian a lungawi bik lo a ni. Chu pawh ka hrethiam, Joseph ngei pawh ka chungah a lungawi ngai lo. Hrehawm ka tih hnu chuan ka bulah a awm reng tho. Tunah pawh ka huaisenna tam tak hi chu amah aţanga ka neih a ni.


"Jenn kal ang. Hepa hian min hruai hrang khanglang a, thil ka ei leh ţeuh phah. A thlawn chuan engkim hi a lo tui bawk sia" a ti bawrh bawrh a, ka lo nui hawk a a hma aiin min melh nasa. Mit hian thil tih theihna chu nei sela ka thi daih tawh ang.
"Kan kal, nakinah kan inbe leh dawn nia" tiin ţha deuhin min thlah ve tehmial. Nidang angin a biru tawh dawn bik lo a ang. Min hmuh rual a a tlanchhe kual ţhin te kha ka khawngaih a, a hmuh ah ka inlan loh phah fo. Keimah vanga nuam lo a ti lai kha ka hmu duh bik tlat lo.


Joseph zawk chu ka bulah rawn ţhu tharhin min kuah a, a kut a rawn dawh lai chuan hrethiam lo deuhin ka lo en hu.
"Nangmah vangin Cindy ka hruai hrang a, thil a ei ţeuh. Ka seng hnem lutuk a ei man kha min pe rawh" a chang chuan a khawsak dan hi a awihawm loh zawk.
"I thu in ka treat ang che itia ka pek nachhan tur che a awm lo"
"Ti lo ila ka hruai theih i ring a mi? A duh a tha a hman tak tak phei chuan kei aiin a chak fe. Min pe ringawt rawh" a tih pawn ka hre lo der. Ning ang deuh a lang luiin a kut ka dahthlak sak a, min kuah nawn leh in ka hmai bul setah min bih.


"Jenn ka nia khawngaih takin ka ţhiannu thil eina kha min lo pe let" no deuh a a tih chuan ka insum theilo ka nui ta nge nge.
"Jenn aipawn i no thiam daih zawk anih kha" tih pahin pawisa ka lachhuak a, ka pek veleh a hma aia no zawkin "Ka lawm e ka hmangaih che" a ti leh hram. Ka bianga a rawn fawh chuan ka nemsan nawk a, a fawhna lai ka tuai nawk nawk. Hmeichhia ang chiahin a hmui hupin no deuhin a nui leh a, a bawp a khawkherh pah bawk a, ka nui veleh ta nge nge.



"U Mami te an lo riak dawn mi?"
"Dawn e"
"Yess" tih pahin a kut a hum a, ka u ala star reng.
"Lo leng lo ang a buaithlak" ka lo tih hluk chuan a ngaihdan a ni lo kher mai.
"A hmelţha e U Mami hi chu" a ti leh vang vang a, ka naupanlaia ka intihtheihna ber kha a ni ţhin miau a.
"Min en la ka unaunu chu chhiat ngaihna a awm lo"
"Fa lak amaw ka ti ţhin che a. Tak tak a Jenn chu engtin nge?"
"Nghah rei angaih hmel" thawk ka la hrawk a, ka ngaihtuah pawn ka hah.


"Kha kha a ni mai. Ngaihtuah chiang lo a thil tih chu. Bialnu duh ve si nei thiam leh bawk silo i hahthlak emai. A hma ang anih chuan ka sawisak tawh lo ang che" a ti bian bian a, engkim a min pui ang hrim hian.


Tlaiah kan haw pahin Lawma te inah zu kan in kual a, tam phei chu a lo nei lo. A nei a min duhsak a min ko a ni mai.
"Tiang tlem tham si min koh dawn te chuan nei hnuk ta che" tiin Jo a phun lang lang reng. A in tam ber tawh a ni zui.
"Ka pek phal mah che chuan lawm hle rawh" Lawma pawn a ti ve hluk a, an inhnial chho zel a ngawireng in ka ngaithla.


[Eng nge itih?] ka message thawn chu awihawm loh khawpin a lo seen rang. Min va nghakhlel awm ve aw. Min han reply lawk duhlo ngei a hmeichhia tak hi chuh. Minute tam deuh ka nghah hnuah [Engmah] tih ka dawng a ka nui ta hawk tho. A induh, awm ve tho mai.

[Zanah ka rawn leng dawn sin] ka va ti leh a, ka ute an awm chuan ka hman dawn lo sa. Chhaih chhaih ila ka chhaih nem thei mahna.
[Ngai rih lo] ka rin ang chiah. Message type hi ka peih vak loh ţhin vangin ka call ta nge nge a, a pick ve tehmial.


"Kan lo kawi ang hei Jo nen kan haw dawn mek a, inchhung a luh i phalloh leh kawtah lo awm la" ka ti dek dek a, "Naktukah kan inhmu dawnnia" tiin a dah daih. Biak har ve ngang ngang tawh tak a ni. A induh poh leh ka ngai. Te ve viau mahse ngaihawm ve tak a ni.



"Chris haw ang. U Mamin rei min ti ang" tih leh thawh a rual a, helmet a ban zui zat. Engmahin a dang leh thei tawh rih lo. Ka tlan loh ni a nih vangin min phur a, khalh zawk ka tum pawn a phallo. Lawma te in aţanga kan haw kawngah hian Ben-a thihna hmun kalpel ngei ngei a ngai zui. A inringtawk lehzual tawh bawk a a tlanchak ngang mai. Ben-a thihna hmunah a ding det thung. Kros a in phun a, pangpar pawh tam vak lo a awm. Ruahin a nan nasa tih hriat takin a chul deuh rup a, kan thlak sak zeuh zeuh ţhin. Naupanlai aţanga school ka kalpui leh ka kawm char char ţhin hetianga a awm hi chu a awihawm loh. A thih ni khan kan hma lawkah a tlan a, kan rui hlawm viau. A chesual lai pawh chiang deuhin ka hmu a, mangchhia ka neih reng phah ţhin. Damdawi ei ngai hial ten ka awm phah a, mit ka chhin rual hian Bena a lo lang ţhin.



Kan tlanchhuah leh chuan a rilru lakpen tumin "Cindy hi duh mai la" ka ti a, Bena nen an inkawm nasa a, a thih khan a tuar ber reng bawk.
"Ka duh iring a mi?" tiin min zawt let a, duhlo se a umzui pur pur reng bik nang.
"Ring e i ngaih em hi"
"Ka duhlo e ah. U Mami ang ka hmuh hunah chuan tih luih ngai lo in ka nei ve mai ang" ka lo nui mai. A duh nghet ve viau.


Kan vengchhung kan lut a kawngkawi a kan kual laiin hmeichhe pakhat a rawn lang hlawl. A ding chawt a, chutiang bawkin keini pawh.
"Kawng en ta che" Jo pawh a vin khawp mai.
"Ka tihpalh" a ti a, ka hmusual nge a lungngaih hmel riau. Ala naupan hmel a, college kal lai vel anih duh hmel.
"Kalsan rawh" ka ti sup a, hauh khan awmzia a nei lo. Hmeichhia zawk chu a kal hmasa ah a ţang a, Jo chuan hnunglam hawi meuhin a enzui.



"I duh mi? Ka u nen an in an loh em kha" ka ti fiamthu a, chhan pawh min chhang lo. A kal liam hnuah a tlan ve thei chiah. In kan thleng chu kan ding chawt. Ka u fate pahnih in bungrua an lo chinglet nasa hle. Kumzawnin an piang a an invel nasa ţhin. An in ngai tho bawk a.
"Zawng a mi innih a? In va ti hnawk ve, in hmel te hi ipa in chhun a ah" a ti hluk hluk a, mood fu lo tawk velin a in anih hmel. Kei hian ka duh tam ngai miah lo thung. Jenn kha lo kawp char char ila chuan ruihhlo ah hian ka let tawh kher lo ang a, a ni pawn a in lo ang. Keimah vang a nun chhia a ka ngaihna hian min khawngaih tir lehzual a, inchhir loh lai ka nei ngai lo.


"In va rei ve. Nau kha lo awm ang cheu. Ka chhuak lawk dawn" a inchei ngang mai. Nulat hi ala kham chiah lo a, kan in a an rawnkal hi chuan ka kutah naupang a dah a, a chhuak ve ziah. Mipa leh hmeichhia an nia, hmelchhe deuh. Apa chu chhunfuh tak an ni.
"Jo min lo awmsak rawh aw ifel kha" a ti leh a, a star tih a hre miau a.


Ka u chuan min chhuahsan a, ţhutthleng ah zawi tawkin kan ţhu a, an duh duh an khawih lai kan en tawp.
"Nachin a hmeichhia kha ka hria" a rawn tichhuak phawng a, a en nasa reng a ni.
"Engtin?"
"Party naah ka hmu ţhin. Ka hmuh apiangin a lungngaih hmel ve ziah. A nui lai pawh ka la hmu lo" a hriatchian hmel viau.
"Ihmuh leh hunah bia la, i pui thei ang chu" ka ti liam puat a, tumah a puih ka ring hran lo.


"Puih nachhan tur ka neilo" tih pahin a naupang zawk mipa zawk a ban a, a malchungah a ţhuttir rualin a zung. A pawm kang a, a zung zo ţhak tho. Inchhungah hian ka u hian diaper hrentir a phallo a, an zun palh chuan uluk deuhin a tifai leh mai zel.
"Ivan mawl e aw. Ka pawm tawh lovang che" tih hlur pahin chhuatah a nghat chawrh a. Keiman ka thlak ve thung. Tlaiah naupang vangin ka buai hrep a, zanah chuan ka chau chhe der. Jo a haw tawh bawk a Jenn bawk ka call leh.


"Tun nihnih chhung chu iva hman ve" a rawn ti deuh kher a(h).
"I tan chuan ka hman char char tawh dawn" ka tih laia a nui ri hriat chu a nuam ngei mai.
"I duh chen chen ka nghak ang che itia, tunah lem i rawn ti leh tlut tlut tawh a"
"Ka insiamţhatna lantir ka tum a, min ning lo tih ka hre bawk a"
"In ringtawk lutuk suh nangmah vangin rei tawk hrehawm ka tuar a, hun siamsak vat che ka tum lo" ti mahse ka biak hian nuam a ti tih ka hria. Lo hre hma ila chu ka be vat mai tur ania. Tunah phei chuan sawitur ka hre tawh lo ka bialnu ala ni bawk si lo.


"Naktuk ah kan inhmu dawn nia" zung zung zel hian.
"Awle" ti tho mah ila ka la be chak a sin le. Ka ta tur chauh a siam anih hi.


Class kan kal zawh tlai lamah chuan Damian te inah kan awm ţhap tawh. Hmeichhe pahnih ten an zilh ve mawlh mawlh a, lehkha pawh a zir tawh lo. Damdawi a rui reng a, an man ve zeuh zeuh lehnghal.
"Cindy chu ive chhelo tawh ve" tiin Damian chuan a fiam a, "Jo pawn a duh sawt dawn che nih kha" a tih zawm zat. An ner dun nasa.
"Hetiang lu lawk lutuk ka duh lo. Cher chhe zawr si, tuai ang mai a no surh lehnghal" uar zet a a tih chuan kan nuihza kan insum ţheuh Jo tihloh chu.
"Hetiang vual anih hi vual. Cindy te ang duh ila chu nupui ka ngah tawh ngawt ang" a ti a, an inhnial bap bap laiin Jenn hnaih hret hret ka tum a, anin min hlat hret hret thung. Kan awmdan a hmuh veleh kan inkarah Cindy a rawn ţhu a, ka lo thaw hawk, midang hmuh lohin min la nghawk zui. Jenn tih lungawi ai chuan Cindy tih lungawi ka huphurh fe. Jo ka melh a, min hmu lo der. Aw thian kharh kharh chungin a hawikual ruai a, a ngaihna a awm lo ţhin. Ka hah. Damien zawkin hrethiamin "Jenn inbe lawk ang" a ti a, kawtlai ah an inzui chhuak.


"Ka lokal ve" ti a Cindy chhuah ve tum Jo pawn a lo dang ve ta hlauh a, ka ep chiah a ţhu ania, a ţhutna lamah a pawt phei, an inchei bat bat a, an hah dun hle tih sawi lo mahse ka hmu thei.
"Duhtawk ru mi pangngai ber a ti ti pui duh a ni mai. Lo inrawlh su" ti a ka khap laiin Cindy in "Inrawlh lo zawk rawh. I duh tawh loh kha. Midangin an duhloh vang mai mai che a lo let leh inih kha. Per pur mai, nang a lu lian lu kir thluak thawl lutuk rilru chhe bawk si khan rawn beisei tawh suh" min tih chuan ka hawi ka hawi. Ka lu ka khawih a, a lu aia a len bikna awm lo. Thaw hlawp hlawp a rum taka min melh laiin za vak lo in ka lo nuih tlawn a, eng engmaw a rawn thlawk phei. A ur ve hle mai. Jo chuan min nuih tet tet duh ringawt.

(He story hi love story ngawr ngawr a ni lo a, inţhianţhatna lam leh ţhian pawimawhna zawng zawng nen ka ti lang dawn a. Ka ţhiante zawng zawng tan khan ka hlan bawk e😁)



CONT...

BAD BOYS S2-3



"Home a inkhung ngawt ngawt lo a chhuah harh ve theih chu boruak a nuam lehzual bik khawp mai" tiin bul a ţan a, kan ţhu dun ran a, a sawitum ka hria. Kan inkawmngeih a, damdawi bawih a a tan hma chuan Jo aipawn ka ti ti pui ngun zawk ţhin. Jo chu ti ti pui viau dawn mah ila min fiam zawm zel vang hian ka sawitum pawh ka sawi leh lo ţhin.


"A nuam zawk itih chuan luh ngailo in awm tum tawh la. Keini pawn kan ngai che a, i awm loh reng bik chuan a nuam lo a, inhmuhkhawm nikhua pawn i tel thei ngai silo a" ka ti a, a hmai a tuai puat a, a vun a dang bal a, a mit a sen ram mai bawk.
"Ka tum ve dawn chu a nia. Tum chuan theihloh a awm hleinem"
"Awm nang. I tum phawt chuan i thei. I ţhian hlui te kha thlah vek la, bul ţan ţhat leh nan ala tlai lo" a kut a ka vawn chuan mak a tih hmel hle. College kan kal ţantirh aţang khan damdawi hi a hmelhriat ve ţan a, college pawh a zo theilo reng bawk. Thil a ru ti a sawi a awm ngai lo a, veng chhungin inrawk leh dawr rawk vel a an rinhlelh pawn a lo fihlim than ţhin. Ruihhlo ti mi ania, misual ang a an ngaih miau vangin an ringhlel leh mai ţhin. Mahse ruk ruk a duhloh zia a hrechiang pawl ka ni ve tlat. Mi purse thlauh a chhar pawh a pe let leh zel duh ţhin kan inkawm nasat lai kha chuan. Tunah pawh ala ngai reng ang ka ring. Insual buai leh a damdawi lei lai an man fuh palh chang erawh chuan a tang ve zeuh zeuh.


"Puih i ngaih chuan sawizel la kan pui zel ang che. Keini kan awm chhung chuan lungngai reng reng suh. Nghei tirh dawn a hrehawm zawng zawng i tuarchhuak vek tawh a, vawikhat chauh pawh ti leh chhin la chuan i tuar nawn leh angai dawn a, chuvang chuan kalsan hram hram rawh" ka ti ve dap dap. Ţha deuhin a lo chhuak a, a let leh mai ka hlau a ni.
"Ka lo hrereng dawn nia. Chris hi eng nge in chanchin ni zel?" tiin min zawt ta daih a, a hriat vek ka ring tho.


"A ngai ti ila hunawl a neih phawt chuan min lo be ve ziah. Min ngaihsakna a lantir viau chungin ka la ring thei chuang lo" ka ti a, thil hriat reng pakhat ka la nei a, tumah ka la hrilh lo a, ka zah em vangin Cindy takngial pawn a hre lo.
"Nat deuhna ka nei a" ka tih chuan chiang takin min lo en a, midang buaina ah inrawlh vak ţhin lo mah sela a hriat chak ve hmel khawp mai.


"Min hrilh la, ka lo ngaithla ang. Hun ala tam alawm" a tih chuan hmalam ka thlir vang vang a, sawidan tur ber pawh ka hrelo. Kha thil pawh kha ka damchhung a ka theihnghilh theih loh tur zing a mi a ni.


"Kan inţhen hlim khan a nia. Ka rilru na lutuk khan a rukin damdawi mum ka ei ve a" a hmel ka en zeuh a, sawizel rawh ti ni awm takin muangchangin a lo bu nghat.
"Ka â ruai a, kum ala naupang bawk nen, engkim a tawpah ka ngai a, ka kaltir phal miah lo bawk nen khan ka umzui a" khatih hun laia ka thawpik lutuk kha tun thleng hian keimahah hian ala hriat.



"School banah khan ka umzui a, nilengin class ah ka muthlu a, Miss Awmtei phei chu a thinrim a class aţangin min chhuah tir. Ka chhuah lai kha chu nangpawn i hria ang chu"
"A rei tawh em a, i tawn ang tawng ve lo tan chuan hriat a har tawh a" nui sangin a lo ti a, ka zak lutuk khan an hre turah ka ngai vek anih pek chu.


"Damdawi hi rui tur a ei ţhin ka ni lo bawk nen ka rui telh telh amaw tih mai tur. Ka lu hai a, ka khawhawi a tawi tuk a, ka zawiin ka mut a chhuak em em bawk. Banah khan ka umzui ţalh a, school building thlang lamah khan a nia, ka ko lui tlat a, min nin em vang khan a vin hlur tawh. Sawiduh ka nei ka tia, 5mins chiah min pek theih thu a sawi a, kan inhmuh meuh chuan sawitur ka hre leh mang silo a, min kalsan a ka umzui na lamah inchhuihin ka tlu a, ka khup pem leh thi vel pawh ka harhchian hnuah ka hrechiah. Chumi ţum pawh chuan min kaitho duh lo in min kalsan a, ka harhchian hnuah ka in ngaihtuah chiang a, ka zah em vangin ka sawichhuak duh lo. Amah hi chuan ala hria ang a, tun hi ka sawichhuah vawikhatna"


"Ava pawi ve" tih bak sawi tur a hre chuang lo. Khami ni aţang khan ka rilru a nat viau pawn damdawi ka ei tawh ngailo. Ka awmdan kha ka damchhungin ka inchhir tawh ang.
"Chuvang tak chuan ania rin leh harsa ka tih em em. A ni chuan a duh duh hunah min kalsan tawp thei a, keiin ka thei veleh tawh ţhin si lova, hepa hi chuan ka rilru a ti buai reng bik mai. Lo ring leh ta ila, lo kawp leh ta ila a hma ang tho khan a awm leh i ring em?" chhan na ţha beisei deuhin ka en ha a, a ţha lam ka hre duh a, a chhe lam anih ka ring tlat tho.


"A inchhir zia chu ka hria a, biak che a tumin a ngam ngai silo a, i bihruksan nasa thei bawk nen" a tih chuan min nuihzat hmel kher mai. Ka lo nui ţha ve duh lo.
"Iti sual lo ang. Duhlo che se a rawn let nang. Ţha deuhin bia la rin tum phawt teh. Tikha chuan nangmah pawh i inhrem ve tho a, Jo leh Cindy te ang a chhah lutuk in nih ve loh kha" an hming a sawi takah chuan hnunglam ka hawi vut a, tumah ka hmu lo. An rawnkal vang a a tihchhan ah ka lo ngai a.


"Mahse aw ka la pawh rih dawn lo. A dawhtheihna te ka en ve chhin phawt ang chu. Dawhtheihna a neih tlem zia kan hre ve ve a, min nghak char char peih a anih te chuan kan awm zel dan tur chu hunin ala hril ang chu" diktak chuan ka chiang bik lo le.
"A ngai ţhin che a a inchhir bawk ka tih tawh kha. Hrilhfiah dawn che in kan inhmu ngai silo a, phone lah ka hmang ţangkai lo ve ţhin sia. Ka lo thli thlai ve reng ang a, i tih sual ka ring tawh lo. Ka ţhianpa a nia, in inţhen pawn kan inzui reng tho a, ka hrechiang" inringtawk tak a a tih chuan ka rilru a nuam huai na a, nep ka inti lutuk chu ka zak zawk.


"Bialnu te inei ve tawh reng reng em?" tiin thildang sawi ka duh vangin ka zawt daih.
"Aih keimah ringawt pawh ka in enkawl zo mang lo ţhin a, nei thei ah pawh ka in ngai rih lo. Nakinah muangchangin kan la ngaihtuah ve ang chu" nui hmel ka pu reng na a ka khawngaih takzet. A puitlin kan rin ber ţhin a tlachhe ta ber hi a awihawm loh rum rum.
"Ţha deuhin awm tawh la, ruihhlo ţhat lohzia chu Ben-a aţang pawn i hretawh ang a, khami ni te khan rui lo sela chuan tunah pawh ala dam maithei asin. Nangpawh i tih zel chuan i tawpna a nuam dawn miah lo ania, hrereng rawh" tiin ka la zilh malh malh reng. Ka sawi ngai pawh ka sawi ngun. A hriat loh ka hlau em a ni.



CINDY

Ka ţhian ni ve ţhin tho mahse ka la ngei tho. Kan ep chiahin a ţhu reng a, en pawh ka en ţha peih lo. Amah vang ker kawrin ka ţhiannu in a nihna a hloh vek. Amah pawh a inhrechiang lo a ni ber. A zia deuh hnuah pawh hepa hmuh hlau hian a biru ţawk ţawk zel a, school leh college kal a hreh phah ngawih ngawih a, bialnu langsar deuhin ala neih san zui. Mipa ho lah hian an ţan ţham a, a inchhir, a hmangaih an ti reng a, an rawn sawi tam tak Jenn hriat tur a an duh pawh hrilh loh ka ngah.


Min hlauh hmel tawk a ţi dak a a awm te hi hmuh a nuam. Lo inkawp leh pawh nise rei tawk chhungin ngaithei lo ang deuhin ka awm tho ang.
"Ehe.. "
"Awii ka phu nasa lutuk" tih tuar pahin a awm ah ka nghawk chawrh a, a irh awk lo chauhin ka hria. Irh lo mahse eng thawm emaw ni chu a rawn chhuah chiang alawm.
"Iva mawl ve min that anga sin"
"Thih lah hi i tum hma thei. Ka beng bulah au thut thut zel suh ka phu dawrh zel" ka ti ve tuarh a, a ni pawn min vin a ka vin ve bawk ang chu.


"I sam a ţuak a chu chu hrilh che ka tum. I nalh ka duh vang anih chu. I kutthlak avan na tak aw" a ti nang nang a, a nat lutuk ka rinloh hnuah pawh a la in dawm ve ţang ţang a over ania.
"Ţuak ve bawk ang chu. Ka duh vang a ni bik hleinem. Sam ţuak vang mai mai a khati em em a ring a au pawh a ngai lo" ka ti veleh. A tum zui bur. A ho tum mai mai rawh se a na lo emai. Mahse ka insiamţhat ve angai.


Mi nghawk hi ka tih ţhan ania, ka inring hman ngailo. Ka hriatchhuah meuh chuan na an lo ti thei tawh nasa mai. Joseph phei chu kut ka thlak ngun. Dawhthei viau lo sela chuan kan pahnih hian kan thi ve ve tawh ang. Amah vang hian ka tih ngai miah loh pawh ka ti hnem tawh. Inhau reng mah ila a reh vung vung chuan ka ngai ţhin. Min tihbuai te hian ka ning thei em em a, min tihbuai loh chuan ka ngaih a ţha lo leh a, ka awmdan pawh hi ka hrethiam lo e a(h).


A ruih laia a lokal pawn kan inkawt thleng ka thlah a, ka biangah a fawp a, zingah amah ka hrilh chuan ka hretawh lo reng reng ka bialnu amaw ka ti che niang a ti zaih a, bialnu a neihloh zia hi chu thim zinga ka hnarkaw awmna ka hriat tlukin ka hrechiang. Keipawh hian mipa ka biak ve pawn Jo nen ka khaikhin a, amah ang a ho deuh annih loh chuan ka be ngai lo. Amah hi ngaiah ka nei tawh. Kan awmdan zawng zawng te hi thil ni tur sa hrim hrim ah ka ruat vek tawh.


Damien nu leh pate an lo haw a, kan lo kawm hlim chu lawmthu te an sawi vel. Kan kawm hman mang silo. Tunah pawh pawnah Jenn nen an la awm reng. Chris chu a chet apiangin rum tawkin ka lo melh vat ţhin. Pawn a ava chhuah ve chuan a chak lo ang. Rum tawk a melh pahin kan kawk ngei a, min hlauh hmel bawk a nuam ka ti ru ţan deuh tawh. A sual em a a phutawk chiah.


Jo ka beng bulah a rawn phun sur sur a, Chris a kawk pah zeuh zeuh bawk.
"Engmaw?" ka ti reng a, ka ngaihthlak uluk viau pawn ka hrethei lo. Ka nin tawpah vin tak a "Hriattheih turin sawi ta che" ka tih chiah mai chu ka beng hi a kiu rum rum ti ila a dikthei ber ang.
"Kawk kawk suh a rawn zuan thut nge nga i puak dur mai tur a sin" tiin a rawn au a, a au laklawh laia awmsan ka tum lahin min pawt bet a, khawk ţha duh tak a ni.
"Ka beng dar iti then hlawp hlawp alawm" lungawi lo deuh a tih pahin beng ka hup a, ala nui zui. Ka va han ngei ţhin tak. MA lai kan kal ve tawh a, a mawl tulh tulh amaw tih mai tur. A zirlai te leh a thu ţha hriat te hi khawiah nge a thawh pawh ka ngaihtuah thiam lo.


"Chuan engtin zawk nge ka biak dawn che?" nui vur vur chungin ala ti hram. Kei lah hi ka thinrim tawk hi a lo tling ve thei ropui si.
"A pangngaiin min be rawh mawla fiamthu thawh nan hian min hmang ziah suh. Mawl chhah lian ka beng i au chhe mai dawn lawm, nuih pawh nui suh" ti zat zat chungin a hmai ka tuai buan buan, awmsan tum ve mahse min hneh lo nasa. A hrehawm ti hmel ka hmuh chuan ka nui khek nasa tawh. Ka delh bet sauh sauh a, kan nuai tak tak mai chu ţawng tur a awm lo chiang asin.


"Ehem" ka tawp chawt. Kan ţhian ho chiahin kan awm lo tak e. Muangchangin ka hawichhuak a, Damien nu leh pate chuan min lo en duh nasa mai. Damien te in hi kan len khatna ber ania midang angin min hrechiang ve lo. Ding meuhin min lo en dun hau mai. Kan nui lui ta vel hak hak a, nuih ve nachang an hre lawk lo. Keimah a za lo tawk a ka nuih rik luih hak hak hnu chuan an nui ve suk.


"Min tuai hlum mai dawn lawm mawlchhah" ka lu a rawn nem pawp. Bu dawrh mah ila ngawi rengin ka ţhu tawh.
"Inthlahrung su aw. In ţhianpa te in ania, in in ang khan awm bawrh bawrh ru" a pa in harsa tih hmel tawkin a rawn ti ţawk ţawk. Jo ka en zeuh a, a hmai leh beng vel a sen hlar. A tum bur mai bawk nen. A beng chhung aţangin a rawn khu chhuak luih luih lo chauh. Ka nuih a za tak tak tawh. Insum ka duh si vangin ka biang chhunglam ka seh a, a chang leh ka hmui ka pet. Hnehna chang zawkah ka in ngai a, nuam ka ti hliah hliah.


Kan ţhianpa nu leh pate chu rawngbawl chhuanlam siamin choka ah an lut ta daih. Damien leh Jenn pawh an lo lut a, a ruk a Jo ka lo kawhhmuh chuan anni pawh an nui ve hak tho.


"Inneih lam te hi Cindy leh Jo te chu?" nui tut tut chunga Damien zawhna rawn siam avang chuan kan lo ţeu hlar.
"Hepa ai hi chuan putar engmah ti thei tawh lo pawh ka duh zawk. Hetiang ţawngthei si, mawl si, lehkha thiam em em bawk si lo. Rui ve thei reng lehnghal ka nei nguarh ang" ka ti tawn tawn a, ka sawi uar lui. Ner nangin min en a, ka kut phah a ka hmui hliah in a rukin amah chiah hmuh turin ka chhiat khum. A haw ve sin aw. In ngaizawng anga min ngaih hlek pawh kan duh lo a, inneih te phei chu a hla nasa mai. Ben-a kha la dam se chu hepa ai hi chuan ka duh zawk daih ang ka ring. A bialnu nilo mah ila ţhian ang pawn min duat fe.


Choka ah kalin an rawngbawl puih ve kan tum a, an lo phallo nasa. Dawhkana ka chhang duh ber Oreo lo awm chu min lo pe sawk sawkin "Chaw kan la ei har takin lo ei rawh u" min ti a, kan thil eina a rei tawh bawk nen lawmthu ka sawi hnuah ka ei a, keimah chiah a ei ka duh loh vangin Jenn ka pe ve. A ngaina ve miah lo. Hrehawm ka ti chuang lo. Keipawn amah vangin ka ngainat loh zawng ka ti ngun emai.


Tlaiah chaw kan ei leh ţeuh bawk a, Damien hrisel leh dam takin kan hmu bawk nen a hlawk thlak. Chris leh Jenn te awmdunna hun ka siamsak lo. Jenn hi a rilru a no in ngaihdam a awlsam leh dawn a, a hmangaih viau bawk nen hian a buaithlak zo. Tunah chung chung nilo la induh ve deuh se ka duh vang. Inrawlh phet ka tum vang ni lo in awlsam deuh a neih zel theih a nih lohzia Chris hian hreve se ka duh.


"Ka puar lutuk" ti a pum dawm pahin ka ţhu hnawk. School ka kal hunlai ang em em khan thil ka ei tam tawh lo a, ka thau belh vak pawh ka hre lo. Ţhutthleng hnung nghengin hahdam tawkin ka ţhu a, ka nuam veng veng. Setan-a a rawnkal ve hma chuan. Ka bulah a rawn ţhu ve zel lehnghal. Nidangah pawh min tih duhdah viau chuan min ngam loh turin ka awm zel tawh ang.


"Nga tinge Chris i nek sawk sawk kher a? Puitling an awm a a be ngam dawn chuang lo. I chak ropui si, a ban saw va en teh i nek vung vek" Setan-a a ni ka tih tawh kha. Min tibuai lo hian a awm peih lo hrim hrim.
"Ţha nih chu nangpawh hi vung lek luk la, karkhat tal min hmu miah lo in awm la ka ti nia, karkhat pawh a rei lo mah mah"
"Ka hmu lo ang che"
"Ka lawm khawp ang" ka ti a, chu chu kan in biak tawp na.


A ţhusawn hmak a, bialpa pawh ni lo ti tau ve mai mai te chu engahmah ka ngai lo nasa. A hmuh turin hahdam tawkin ka ţhu lui vel. A ţhutna hnu velah khan kan awn ngei a.


Kan haw dawn thleng pawn kan inbe lo. Kan haw tur insiam vel lai pawn kan inpelh dawn apiangin kan insu lui nghawng nghawng a, insut in ring sa a awm chu nilo ila kan thal dun nasa viau ang.
"Kum5 mi ang velin lawm in awm le. Bansan ve tawh teh u" ding chawtin Chris chu ka en run a, min hlau hmel pawh pu tawh lo in "Naupang ang a awm rual inni tawh lo" nin hmel lek lekin a ti tawh. A mood fuhloh nachhan pawh ka hria a, keimah hi min haw bik bawk ang. Jenn bulah ka awm tir duh tlat lo a. Vanneihthlak takin engpawh sawi se keimahah hian eng tinmah hna a thawk ngai lo. An inţhen hlimchhawnah phei kha chuan jail tan chu hlau lo ila ka sawisa nasa viau ang. Kei aiin lian daih zawk mahse ka thinrim tha chuan a hneh ve awm e.


Kan haw hnu pawn Jo chuan min lo la be chuang lo. Zan dang ang chu nise "Muttui aw ka vawkpui" tih vel mai mai a rawn thawn leh ţeuh tawh ang chu. Min rawn biak loh chuan ka be dawn bik lo hrim hrim. Bialnu te hi nei daih sela min tibuai tawh miah lo se ka duh fe zawk. Ka hmu hne ngawih ngawih.


Class kal turin Jenn ka sawm ziah a, kaihthawh angai ziah lehnghal. A alarm te hi engatan nge a dah ve ziah. A alarm ri char char chung hian alarm vekin khawng chawrh mah ila a harh lo hrim hrim. A muttui tak tak phei chuan hnek pawp mah ila a harh ka ring chuang lo. John a lo awm ve ngei bawk a, ramdangah a awm ta daih a college a zawh khan. Tunah tak hi chuan nupui neih a tum hnai a ni awm e ka mipa duh hmasak ber. Tunah chuan ka duhtawh lo. Ka hmuh pawn ka ţek chhawk tawh ngai lo. Min lo be luam a, tlai lamah pawh kalkawi turin min hrilh. Mary fanu a lo pawm a, U Mary chu ka hmuchak kher lo.


Ka hun hman dan a ngai reng chungin Jo chuan min rawn be miah lo tak tak. Kar khat a ni ta ngei a, karkhat chhung ka hmuh turin a awm lo. Chris lah ninawm khawpin ka hmu a, a chanchin ka zawh lahin thil a ei a tih loh leh a haw atia, zawh tlak bawk siloh. Ka thilsawi vang khan a rilru a na tak tak a em mawni ka ti hial tawh.


Vawiin pawh haw tur a Jenn nghah pahin ka hawikual nasa. Ring kham ur a ka dah hnuah ka hmu. Hmeichhia nen an ni lehnghal, ve tehmial chuan. Karkhat a liam chiah chu ka hmu nghal zat mai lawm. Ka lam panin an lokal lehnghal haw an la tum lo mawni. Ka file kenlai ka kuah nghet sauh sauh a, ka enreng tho. Amah ai mah chuan a hmeichhia chu ka en. An lo hnai zel a, a hmelţha angreng. A sam rawng te chu a inhmeh si. Ka pian leh a pian phei chu in ang lo tak a ni. Ka in tehkhin ve ringawt a ka zaktheilo tawp, ka ţhianpa leh ka hmelma ni kawp mai mai lehnghal.

Hmeichhia lah chu a nui deuh reng a, a chhaih thinrim phal ve lo pek aniang chu. Ka dinna an rawn thlen hma in an peng daih. Jo lah chu min hmu ang pawn a awm lo. A hmeichhe hruai nu hnap kha, kha chiah kha ngaihsak mahse ka dem chuang miah lo ang. A chhelo e, kan ţhiandun te chuan tluk lo tak kan ni. Kei ka thau a Jenn lah a te cher ve em em a, khanu kha chu a mal te kha thau miah silo in a tawk tawp. Ka lo van enchiang tak.


"Ava mak vung vung ve" ka hmaiah a kut a rawn vai lauh lauh takah chuan ka khap fak fak.
"Enteh Jo kha ilo hmu em? I hretawh em? Hmeichhia a lokal pui kha, in la lerh lo ve ropui si" tih pahin an kal liamna lam ka kawk a, keimah bawk chuan "Khanu kha i hrengai em? Karkhat chhung khan lehkha pawh zir lo in eng eng nge alo tih bik a?" ka ti mawlh mawlh a, min chhan mai loh vangin a lam ka hawi a, min lo enreng. Hriat a nei bik chiang mai mak ti ang pawn a awm lo hrim hrim.


"Hriat inei chiang. I bff bulah hian zep inei chiang mai. Thil ho te pawh han zep vaih teh aw i chak lo ngawt ang" ka ti pung pung a, ţhian ho vek kan nia, an zep bik a thiang lo tlat alawm.
"Ka hrilh dawn che lawm" a ti ta nge nge a, an kal na lam ka la kawk vah reng "Khamite kha--" ka ti chiah a sawi pawh ka sawi zawh hma in "A bialnu anih kha. A nei ve tawh ngei a mak tawp tiraw?" tiin min la zawt let ha ha lehnghal. Mawl hlawm emai.


S1 ah khan Chris leh Jenn kan serious couple te kan thlur bing a, S2 ah hi chuan Cindy leh Jo kan comedy duo te hi an lang tam zawk mah maithei. Love story ngawr ngawr anih loh kha a

CONT



BAD BOYS S4-4


CINDY

"Eng tik khan nge i hriat bik?" an kal liam na lam ka la kawk reng. Ka la meng phawk hru bawk ang. Thil thleng thei zawng zawng a ka rin loh ber a ni hial ang chu. Inthlahrung tih hriat tak a ţi dek a min en te chuan a hriat vek tawh zia a lantir.


"Nihnih kal ta vel khan"
"Eng nga?" ka ti tuarh a, min hlauh hmel lehzual. Ka au ring em a ni.
"I zep amaw? I bulah a reh zia ka sawi reng zel sia" tlemin min awm hlat deuh. Kut ka thlak a hlau aniang. Ka tih ţhan ka tih tawh kha.
"Hrilh lohna chhan che ka nei" a ti a, a kun zui lap. Inthlahrung tlai emai.


"Eng nge a chhan chu? Ţhian kan nih kha" ka ti hluai a, ka awmdan vel chu film chang mai mai ni awm tak a ni.
"Min khap alawm. Hrilh rih suh an tia, Jo pawn nakinah keiman ka hrilh mai ang a ti lawm" a ti zung zung a ka van thinrim tak. Rawn hawichhuak leh vat mahse tim duiin ala ding tho.


"I thik ka hlau bawk sia" zawi sep a a tih chuan ka lo nui vak. Ka file ken in ka inzap pawp pawp a, khathil ka hmuh vang kha nge min hrilh loh vanga thinrim ka nih pawh ka inhre hrang lo. An kal na lam ka en leh ţhin. Mak ka ti lutuk chu ka thaw te a hah dawn a ka inhriat rum rum chu. Boruak lum sa nak laiin a lum lehzual lehnghal.


"Haw phawt teh ang" tih pahin ka ban a rawn vuan a, ka insiamrem ve nghal. Kan kal hma in ka hawi let leh hram a "A chaklo ngawt ang chu" tiin thinrim tawkin ka phun hluk. Kan tlan pah a thli thaw chuan min chhem dai zo chuang lo ka kawchhung a sa.


Duhlo viau mah ila khanu nen khan ka inkhaikhin leh tawh. A pian a nalh a, kei ka thau a, thau uchuak lo mah ila min hmu apiangin thau min ti tho. A sam te lah kha enkawl uluk tih a hriat. Keive thung ka suk zawhah ka khuih tawp a, han siamţhat nalh tir tih vel te chu hnai lo lutuk. A landan te pawh a nu hnap laiin kei ve thung chu bawng pachal pawh a pu lawp thei ang tih tur khawpin ka nu lo thung. Khanu te kha chu min tih ang pawh hian a ti ve theilo ang. Min elh thut thut a, min tih phut dawrh dawrh ang hian ti ve sela chuan a thi hma ngawt ang. Min chhaih ang chuan a chhaih ve miah lo ang. Kei a vawkpui ka nih laiin khanu kha chu ţhuro ang vel.


Jenn ka kuah sawk a, a phun ngam miah lo. Jo an min phurh hmasak ber laia min velh ţah te kha ka hrechhuak. Ka duh chei si lova. Ka duh miah lo chung hian ka awmdan a danglam vek. Ka mood a hniam nghal rawih rawih. Min tibuai tu chu awm sela tun dinhmunah chuan ka khawih na viau ang.


"Ka lo peng dawn lo nia min thlah tlang rawh" ka tih pawn a 'aw' rang rapthlak.
"I hriat tirhin mak iti ve em?" a darah dawmin ka ţhu awn deuh a, a hmel hmuh tumin ka bih a ka hmu pha chuang lo.
"Ti ve tho e"
"Tunge hrilh che?"
"A man" a tih phei chuan ka thinrim. An pahnih in an lo zep char char. Hmu fuh lo phei ila chuan an la zep reng ang.


"Kei aiin chhelo iti em?" ka chhe zawk tih chiang viau mah ila inhnem nan ka duh. Ka rin dan chiahin "I chhelo daih zawk" min ti a, ka lawm phah chuang reng reng lo.
"Jo hi iduh a mi?"
"Teuh lo" ka lo ti vat. Amah phei chuan a hria ang tih ka hlauh nak laiin. Hre vaih sela chuan min chhaih ang a, mi awm leh awm loh a thliar veleh tawh dawn lo. An hre nghal vek ang.
"I danglam vek a"
"Danglam reng ang chu in zep anih kha" ka in veng ve ţang ţang. Ka duh leh duh loh pawh ka la in hrechiang chuang lo a, tumah ka la hrilh duh lo.

Kan in kawt a a din veleh rang tawkin ka chhuk a, ka la inchhuih khut zui. Ka tlu lo hlauh zawk a, mahse hlau tak ka ni. Remlo deuh chungin min lo vuan ve vat.
"An inţhen vat ang, hmeichhia kha a lerh hmel em kha. An inţhen veleh i insawi lut vat dawn nia" em em hian.
"Sawi ang a awlsam hi a ni ţhin lo bakah ka duh lo hrim hrim" ka la ti ţalh.
"Duhlo angah i in ngai a, i pawm duhlo mai mai anih kha. Hmeichhe dang nen i hmuh dun hnu a i awmdanah a hriat mai lawm. In ngaihtuah ţha la i inhrethiam mai ang"
"Ka haw phawt" tih leh inher ka rual a, ka ngaithla peih lo. Engmah tih peih pawh ka neilo.

Inchhung ka luh rualin ka nu in ka duhzawng tak a siam tih a rim aţangin ka hre nghal. Tunah tak chuan ka nu pawh ka ngei vek tawh. Ka thawm a hriat veleh choka aŧangin a rawn chhuak a, choka luh dawn a ban nghengin nuisangin a ding. Hlim hmel pu deuhin min lo lawm ziah hrim hrim.


"I ei duh zawng ka siam ţeuh ania, intifai la ka lo suak ang. A daih hma in han ti vat vat rawh. A tui dawn tehmai nia" intithei tak mai a a thilsiam a fak hnuah uang thuang takin mit a siai. Nidang chu nise intihfai hun pawh ka nghak leh tawp nang. Ka nuih miah loh vangin ka nu pawh chu a thutak leh vat.
"I nuam lo mi?" min ngaihtuah deuh a a tih lai chuan sofa ah ka bag ka vawm thla ţhuai a, ka tih phui loh vangin a chhung a thil awm pawh a tlachhuak nual. Ka lipgloss phei chu a mum a ni sia a lum daih. Ka awmdan chuan a ti hrilh hai hle.


"Ka eipeih bawk lo. Nangmah vang anih hi ka thau vek. Thil eiloh i phal ngai lo a, ka damloh ve pawn chaw min ei luihtir ziah tho a, ka thau phah vek anih hi. Midang ang pawn ka nalh ve thei lo" ka ti a, ka naupangchhia tih ka hria. Rilru mumal put loh lai leh insit ngawih ngawih lai a eitur lo sawi ve sek kha ka ning.


"Vawiinah engthil nge thleng? Fiamthu thawh nan an hmang che em ni?" a ti a, ka lam pan a a lokal lai chuan ka tawlh hnung. Ka thil ui deuh chan ang maiin ka awm.
"Engmah ka ei dawn lo" ka tih hnu ah min dan hma in ka pindan ka pan daih. Ka inthiam lo mahse keimaha awm ka duh ber zawk.


Min fiam min fiam ţhin lai kha chuan ka rilru a na ve thei lutuk. A rei a, ngaiah ka nei. Min fiam ang ang khan ka ti let ve zel a, a bialnu thar nen a ka hmuh hma kha chuan. School kan kal lai kha chuan ka â lehzual em a, ka tan a pawimawhzia pawh ka ngaihtuah thleng pha ngai lo. Karkhat vel bo rawh ka tih hnu a a reh vang vang chiah khan ka hria. Mahse ka duh ka la ti chuang lo. Ka khuahar ringawt. Kut inthlak pawp pawp chung a ţawngkam chhe tinreng kan hman pawn ka haw rei ngai tawh lo. A bul a ka awm hi chuan ka puitling thei hlawl lo. Tunah pawh ka ngaihtuah a ka rilru a naupan lehnghal vek hi.


Khum ah ka bawk thlawrh a, thildang pawh ti lo in phone ka en. Ka ţhian dangte message enkan in an status ka en ta thung. Ka zawn ber pawh in hrevek ang. Hmanah khan Jenn ngei pawn ka duh angah a ngai ţhin a, school ah pawh min chhaih fo. Jo zawk hian ka lakah ţhat a chhuah ngai lo a, amah kha ka ngei hlur zel. Min duat deuh se chu ka duh ang ka ti ve ţhin kha a nia. A damloh lai pawn midang hriat lohin hospital ah ka kalpui ve hram hram a, min inbuk tir kher zel lehnghal.


A status chu ka hmu ta chiah. Ka hik mum mum thei hial a ka hriat chu. Ka en chian hma hauhin a ri ruang ka hrethei a, hrehawm ti chung chungin ka enchak tho. Khanu nen bawk a an lak kha. Thlalak ai chuan a tak a ka hmuh khan a ţha fe. Thinrim tawk a ka thawk meuh chuan boruak ka thaw chhuak hnem deuh niang ka phone pawh a leng lawp ţep. Ngaihtuahna mawlmang tak tak hi nei ila, fing duh miahlo in â huih ila kan rilru a na lo deuh ang. Kan kum a tam zel rual hian kan fing ve zel sia, kan intauh â chawp anih loh chuan awmzia a awm lo khawp ang.


[Ilo va inzep thei ve. I hmelchhiat nen eng tin nge a duh zawk che a?] ti a a status kan comment hram kha. A seen chiah lai te chuan ka thin a phu. Hetiang hian awm pawh ka la awm ngai lo. Min ngaihsak tawh dawn lo a ka hriat tlat vang a niang.
[Hmelţha min tih em kha ah. Ka zei bawk sia] a rawn la ti ham ham. Kei hi chu engtikahmah pangngai deuh hian min be ve lovang. Phone ka dah tau nghawng a, ka inbual ang a ka mu daih ang.


JOSEPH


Lang ve hlawl. Khanu ka thlah hnu khan haw tlang lo in englai pawh a zu nei Lawma ka pan. A zu in hian a hmai vun chhah tawh sa a ti chhah lehzual a, a hnar phei chu naupang lawm atana khalh tir tham a ni tawh. Beng pawp ila a hnar a fawn hluk thei ang tih tur khawp a hnar lian nei tawh a ni. Ka nu pawn Lawma i pan reng chuan mit phui vek khawpin i hnarin a chhilh ang che min ti ţhin a, mahse hmeichhe rilru hahna nei ang maiin harhfim a awm ka peih mang tlat lo.


"U Lawm i dam em? A bur ruak tihfai ngai te a awm em?" ka ti lut a, zirlai ka ni a, ka nu leh paten pawisa min pe ţha duh lo. Ka hman na tur an hrechiang em a, Damian a ruih ţhin lai kha chuan a damdawi hralhna aţangin tlem a zawng min pe ve ţhin a, damdawi em chu tilo mah ila weed leh zu chu a hmun ang vel ka ni. Ka awmna apiangah tuemaw zawk zawk an awm ve zel a, ka thlah ngai mang lo.


"Lokal rawh office ka bang chiah a, kan inbual hmasa ange keichu", a ti a, ka ta tur a rawn chhawp chhuak tho. Keimah chauh a ka in laiin Piggie message ka dawng tehmial. Ka piggie chiah. A message ka hmuh chuan ka nui suk. Kar khat chhung tal bo turin min tia, hmeichhe dang nen min hmuh hma chuan a reh vang vang. Ka status a hmuh meuh chuan a insum zo lo ania nge. Ka chhanlet vat vat laiin a reh ta hmak. Ka ngaihtuah tawh dawn lo ah a in ngai amaw ni.


U Lawma inbual zo chu a hmai a rawn ling hlar mai. A hmai phih hi hniam tawk a kunin a in vai buan buan zel a, ka hriat tirh phei chuan hnuai lamah amah tibuai tu, hnek pawp pawp a thi mai thei a awm emaw tiin Christopher leh Damian te nen kan enfiah hial a nih kha. A chin ţhan a lo ni reng sia, a hmai phih hi a inherh mai ang tih hlauhawm tak a ni ţhin.


"Nizan Damian a rawnkal a, damdawi a nghei sia zu min rawn dil dawn maw ka tia, pek ka tumin a duh ţhak lo. Ka rawn leng harh mai mai a ti tlat a" a hmai leh a taksa vel hruk pah a a tih chuan ka lo bu nghat nghat. Lu a thing a, dim baksak lo in a sam a hru leh a, a hmaa lo ţhu ve reng na na na chuan ka hmai ka tuai ve puat puat mai.


A inthlak fel hnuah ka bulah min si chetin a rawn ţhu a, a duh ber a ban nghal chat. Hmeichhia ai pawn a duh zawk. No thum vel a in hnu phei chuan inhnaih tawh tak kan ni.
"Christopher leh Damian ten insiamţhat lam an pan zel a, ngati nge nang hi? Ka ngaihtuah avang chauh che in ka sawi ang. Hmalam pan ve tawh rawh. Ben-a pawn a ngaidam tawh ang che"
"Ben-a vang a ni lo"


Awihloh hmel zetin min melh a, hmundang hawi tur a ka duh vangin ka thlit sak leh. Keichu ţhiante lungngaihna chhawk tu ber ka ni. Ka chhungril a thil awm hi ka lanchhuak tir ve ngai lo. Mawl ber ah min ngai a, ka mawl tho. Kei aia upa vek an ni chung hian college kan kal hnu kha chuan min u en vek. Buaina nei apiangin min ko kual a, ka nu in min khak phah fo. Ka nu leh pate thu aiin ţhiante thu ka awih zawk a, an pawimawh zawkah ka ngai tlat ţhin.


"I thah a ni lo. Thil thleng palh a nih kha. Tuman kan thihna tur kan pumpelh thei lo" min hnaih leh tawh khawp mai. A kil rat thlengin ka tawlh tawh a, min ngaizawng lo mahse a nau ang a min en na hrim hrimah kei hi chu min ngai khawp.


"Ka that ka tih loh kha. Ka that ti tu an awm a mi?" ka tih chuan lu thin pah a chek tlak tlak chungin ka dar a vuan a, a kut ka lo phih thlak sak.
"Sawi tawh suh. Kan pahnih a kan awm apiang hian Ben-a sawichhuak ziah suh" ka ti hrawk a, ka thil in nen ka thin a rim hlur tawh.
"I inthiam lohna kha dah bo turin ka duh mai che lawm" a tih dam thluam lai pawhin "Inthiam lohna ka la neichhin ngai lo. Tihsual ka neilo" tiin ka la ţang tlat tho. Mahse Ben-a kha keimah vanga thi a ni. Chu chu ka pawmdan a ni.


Kan picnic ni khan Lawma pawh hi a lokal ve a, kan awmdun chawt. Weed leh zu bawk chu awm nawm nan tiin kan birh leh tlut tlut a, Ben-a pawh a tel ve. Kan ruih deuh hnuah Ben-a nen chuan ho te te ah kan inhnial chho. Mumal pawn ka hretawh lo. Kan thusawi ho kha sawichhawn leh theih mang ka nei lo. Kan insual tih erawh ka hria. Chris leh Damian erawh khawi lamah nge an awm tun thlengin ka la hre lo a, ka zawt ngam lo. Ka thinrimin a bike ka khawih a, engtiang chiahin nge ka khawih ka hrelo a, U Lawma lah bike chungchang zawt mah ila khalh thiam lo hriat pawh hrethiam lo a ni. Ka khawih lai erawh min hmuh thu a sawi.


Ben-a kha bike a khalh thiam bakah a fimkhur ber ţhin. Cindy thleng a bike chuan hlau miah lo a siam thei tu a ni. Khami ni khan an rualin ka haw lo a, Christopher nen an inzui. A thih thu min rawn hrilh lai pawhin ka la harh mumal lo. Ka harhchian hnu erawh chuan inthiam lohna ka nei nasa a, ka ţhiante takngial pawh thil thleng kha ka hrilh ngam lo a, Lawma pawh hian a sawichhuak bik lo.


Midang hriat lohin ngaihdam ka dil ziah a, zana ka mu theilo te hi hlau chung chungin a thlanah kalin ngaihdam ka dil ţhin. Midang chuan a thi ka tuar fal bikah min ngai. Ben-a kha rilru ţha leh fel a ni chung khan tun thleng hian min ngaihdam ka la ring chuang lo. Ka mumangah ka hmu reng a, a chesual lai hmu tu Christopher lah kha doctor hnenah kalin damdawi a dil. A hmu tu zawk pawh ti khawp a a nghawng chuan kei a thlen tir tu zawk phei chu damreng chung a thi tho ang vel ka ni.


"Kan thihna tur tuman kan dang thei lo ka tih ţhin kha. Tihsual i nei lo. I rui a, a seat vel i chul mai mai ringawt ang. Accident thlen tir thei khawpin i khawih ka ring lo" a ti a, intur min pek zawm zat. Tun thlengin zan mut harsa ka la ti. Ka mut dawn apianga ka ngaihtuah ţhin anih vang nge rapthlak deuh deuhin ka mumang lamah ka hmu ţhin a, thlan hluam chungin ka harh ţhin. Ţhiante zingah hlauh nei ang a lan duh lo mah ila thlahrang hi ka thil hlauh ber. Kan ţhianpa thla kha tuman kan hmu lo a, mi sawi tur pawn a awm lo. A thi a a reh hmak. Chuti chung chuan ka hlau takzet tho. Ka thiltih engkim kha hrechiang tal ila ţha tur.


"Vawiin chu maw Seph-a nuthlawi pakhat zei deuh hian min rawn dawr a, min dawr ngun bawk a min duh ve hmel tawh khawp mai. Hmeichhia hi chu an hmuh ngun deuh te hi an mahni ah a tla na anih dawn hi" a nui nasa ngei mai. Hmeichhia aiin zu a duh lo tawp anih hi. Pakhatin beiseina a siam ve a awpui chhuak meuhin a nuihpui a nia. A ke a hlang sawk sawk a, ka lam rawn hawiin a ţhu ţha sauh sauh.
"Enteh maw Seph-a" min koh reng tawh chuan a rui tawh a ni mai.
"Hmu la chu i awt ve ang chu aw. Ka dawhkan a nghah hnawk tham hnute a nei a, khatiang te chu tunge ţhen phal le? A pasal chu a mawl viau ang iti ve lo maw?"
"Mawl a nih chu" tih pahin rawmawl ka phawrh a, ka hmai ka hru. A phur tawh bawk a, a ţawng ring tawh, min hnaih em vangin a rawn ţawng per pheuh pheuh tawh lehnghal. A bula ka awm chuan ka tawrh turah dahin lungawi takin ka pawm zel mai tawh.


"Hmu ve la chu maw Sephte" min ti ţan tawh. Ka helmet ka ban a, min lo dang vat.
"Khua thim tawh hi. Naktukah ka rawn ngaihthlak chhunzawm ang ka lokal leh ngei ngei ang" mangang zetin ti lawm lawm mah ila min manbet lui tlat tho. Ka beidawn hnu chuan "Sawi vat vat rawh" ka ti ta nge nge.
"A ţhutna aţanga a tho chiah chu maw a hnute lian lutuk invawr lawp khan a hmai a han vaw nawlh thei a" ka awih lo lutuk chu ka lo nui hawk. A thutak run vangin nuih chi lohah ngaiin ka chek zui tlak tlak.


"Chu i nuthlawi hmelţha-i chu a inhliam reng mai dawn ni maw? A tlan phei chuan a hnute chuan a hmai a vaw duk vek hman dawn nih chu" ka lu ah ben lawlh pahin "Chutiang em em a ni lo" a ti leh tho si. Min hrilh chhunzawm mawlh mawlh a, a chhiatna lai sawi a nei lo. Kan ţhian ho ah keimah hian ka kawm thei ber a, midang an lo ţawng tam vak lo nen a nel pawh min nel ber a, a mumang ţhatloh chang pawn min mawhpuh ziah ngam. A chang chuan zu hian a ti â lek lek tawh ni ten ka hre ţhin. Ka sim loh chuan ka hma hun tur chu hetiang hi a ni ve mai a, midang ang lo takin ka hma hun tur ka hmu lawk ka damthleng a nih chuan.


Min thlah tur te chu a pai khut khut a, thlah ka ngailo ka tih pawn a polite laklawh tlat tawh.
"Nakinah chaw eiah ka sawm ang a nangpawh lokal ve rawh aw" a tih vel pawn ka aw liam puat puat tawh. Ka banrek a ka sana bun ka bih zeuh zeuh a, ka chhungte an thinrim leh tawh khawp ang. Bike a ka lawn hnuah pawn min dinchilh chung a ka ban vuanin a hmui nalh zia leh mithmul double a neih bik thu te, a chung zawk sei bik zia te a la sawi tui nasa mai. Vawiin a a hmuh dan chipchiar tak a min hrilh vek hnu ah lungawi tak a min thlah ve hram kha. Ka thaw huai. Chak tawkin ka inkhalh haw nghal vang vang.


Ka chhungte chuan min hau ngei e. Bike chahbi dahţhat ah te hial min vau a, bum awl ber Christopher-a bike a awm chhung chu tuifinriat thlengin nawrliam thla boh boh mahse ka lungngai lo.


Inbual zawh a mut hahdam veng veng chu a nuam riau. Zanrei ah ka harh leh ngei dawn a, a chang chuan muhil ngam lo in ka meng tlang fo. Ka phone nghawr det der chu Mawitei anih ringin phur vaklo in ka la a, "Vawiin khan Cindy in a hmu cheu nia" Jenn zawk.
"Chuan?"
"I duh miah lo mi amah hi? Tlem te tal pawn duhna inei miah lo mi?" a rawn ti zung zung a, henu hi chu phi cheng reng mai. Ka hriat tirh aţang tawhin danglamna ala nei ve lo.


"Eng nge sawi itum a?" ka lo ti a, bialnu neih ţan ve dawn ek ek laiin midang hming.
"Cindy hi in in ngai hle sia" a aw aţang ringawt pawn a zam zia a hriat.
"Ka ţhianpa alawm Piggie te chu" ka lo ti a, a hming ka save dan te hi hmu se a lawm lo leh viau ang chu. A thil ei a hmuam ţun lai thlalak ka dah lehnghal a.
"Ţhiannu zawk alawm. A awm loh chuan nangpawn nuam iti chuang lo a, hmeichhe dang tihbuai a ngai hleinem. Cindy a awm reng alawm. Hman aţang tawh a i bula hmeichhe awmchhun chu Cindy ania"

"Hmeichhia angin ka en ngai lo hrim hrim. Ka muhil zawk dawn" ţawng a tum leh laiin ka dah. Tak tak hmeichhia angin ka en ngai lo. Ka ţhianpa angin ka bulah awm reng sela ka duh zawk.

BAD BOYS S2-5


CINDY


Class ka chawl deuh vang vang. In ngaihtuah harh ka duh. Jo leh a bialnu ka hmuh a ka rilru put dan kha ka zak. Ka lo insit ve ringawt te kha ka in zahpui lehzual. Ka nu in ka taksa zahpui lo turin min hrilh a, ka taksa hi mipa it tur a nih kher angai lo tiin min hrilh. Min hmangaih tak tak tu chuan ka nihna ang ang a min pawm tur thlengin a sawi.


Chuan Joseph, khatiang rilru ka lo pu kha hrehawm ka ti leh hnuhnawh. A bialnu nen a an thlalak ka hmu ve reng a, ngaiah nei chiah lo mah ila ka ţhianpa chiah alawm a nih tiin ka inhnem ţang ţang. Nithum vel lai ka inkhung chawt hnu ah min rawn bia a, ţha deuhin ka lo chhang. Jenn pawh nitin a lokal a, ka damloh thu leh Jo ngei pawh ţhian ang bak a ka ngaih loh thu ka lo hrilh. Ka rilru in ka sawi nawn mawlh mawlh ţhin, ţhian chiah alawm kan nih tiin.

U John-a nupui neih a hnaih tawh vangin ka nu leh pate pawh tlai chaw eikhamah an kal ve daih. An chhuak deuh chiah tihin Jo pawn min lo call a, zangkhai vah a "Eng nge i duh Lalsetan" ka lo tih kha.
"Ka lo leng dawn. Zanin chu ka vawk vulh lai ka rawn endik dawn"
"Lokal mai mai teh" ka lo ti hluk. Inhnial mah ila ka hnial hneh leh dawn chuang lo.


Rei pawh ka nghah hma in door bell a rawn ri a, min lo biak lai khan a awm hnai awm mange. Ka hawnsak vat a, a rawn luh rualin a hawikual a, ka nu leh pa a hmuh loh takah chuan tlangnel sawtin sofa ah zawi tawkin a ţhu. A ep chiahah keipawh tv remote hum run chungin ka ţhu ve.


"I damtawh em? I eng nge na a?" a pangngai ve tehmial lutuk. Ţhian dangte bul a min fiam nasat ang hian kan awmdun lai chuan min fiam vak ngailo a, min fiam ve pawn a khat.
"Ka khuasik" ka ti mawl tawp a, a sik tak tak ang tih ka hlauh zia chu.
"Nitin ka zawng ziah che. Hei ka hmuh tir duh che a" tih pahin a kut a rawn lekchhuak a, intithei tawkin a zungbun bunlai min hmuh.


"Tu pek che nge? A van nalh" ka ti hluai a, amah aia phur zawk ang a lan ka tum lui ve tlat.
"A hriat mai hi" nin hmel deuhin ti mahse min ning lo tih ka chiang em.
"I bialnu ni maw? Zungbun mai mai pawh i lawm viau le"
"A pe tu a zir" atia, nui var varin a en a, hlim seng sawng tak a ni.


"A tir ah pawh min hrilh lo in Jenn chiah i hrilh a" tiin ka lo vui a, a ţhiannu ve ber amaw ka nih ka lo tia.
"Hrilh lo, ala chiang lo ka ti. I naupangchhia" min tih hnuah ka bulah a rawn insawn a, awn deuh a ţhu in min ngheng al al lehnghal.
"Zungbun hi vawiin a ka dawn ania ka hrilh hmasa ber che" a ti a, a kut ka pawt pawp a, chiang tawkin ka en. A hranpa a chher tir a ni tih lantir nan an pahnih hming bul a inchhu.
"Ka duh min pe rawh" ka ti uang a, phawi ka tum chu a ui teh sin aw.


"Chuan engkim han sawi teh" ka lo ti veleh nghal. Amah ngei hian sawi se a awihawm deuh ang chu.
"Min rawn bia a ka be ve a, a thleng tawp mai" a tih pawn "Chiang deuhin" ka ti leh kher.
"Ka sawi chu min lo bia. A dang chu a kal dan tur i hriatthiam vek tawh kha" a ti a, ka awih tho. Be hmasa lo se hepa hian a be hmasa dawn lo nasa lutuk.


"Naktukah rawnkal tawh ang che" min ti a, min hmuh loh chuan min ngai ve tho ka tih kha.
"A fel em. Eng nge a nuam dawn em? I vawikhatna a ni bawk sia, i lo tisual ange"
"A zia ve reng" tiin min lo chhang vat. Ka hriatah a vawikhat neihna a nia. A tihsual chuan hma lam a pan har tawh khawp ang.
"A lerh hmel em? A biak ang che khan midang a lo be ve ange" ka ti leh a, ka pawmpui loh vanga sawisel ka ni lo. Ka lawmpui lutuk lo na a ka pawm vek tawh. Ka in ngaihtuah a, nakinah chuan bialnu chauh nilo nupui te pawh ala nei ang a, keimah chiah min ngaihtuah reng thei lo. Chumi atan te pawh chuan ka inbuatsaih lawk vek tawh.


"Mi pakhat ka kawhhmuh duh che a, i chanchin min zawt ziah ţhin tu" a che hrut hrut a, hlim hmel pu deuhin min en.
"Tu chu?" ka lo ti vat. Ka awih hran lo. Jo leh Jenn bulah bak ka awm ngai lo. College ah phei chuan Jo nen kan inzui nasa. Class kal loh ni ah pawh a lo leng fo.


"Remruata kha i hria em? Thil ei tur pawn ka rawn hruai ve zeuh zeuh kha" a tih lai chuan ka lo ngaihtuah vang vang a, a ţhian te nilo chu hruai ve zeuh zeuh a nei tak e. Sang lutuk lo mizo mipa ah chuan a te ti a sawitur a ni chuang lo. Ngawichawi deuh, thil eilai pawn kan ţhian ho kan inhnial bap bap pawn a ngawi reng zel. Ka hre lutuk mah mah zawk.

"Chu chu engtin?"
"A hrechiang chak che" a rem lai ber a lu ah ka beng nghal pawp. Na ti ang pawn a awm lo, nui reng chungin min la en char char tho.
"I inthiam lo a mi?"
"Engvangin?"
"Bialnu inei sia, midang min neihtir ve kher i tum a mi?" ka ti a, ka rilru a awm hmasa ber ka sawichhuak.


"Ka bialnu ini lo a inthiam loh nachhan tur ka nei lo. Pasal te ila nei duh ang a, fel lo se chuan ka sawihmuh lo ang che. Mifel deuh inei lo ang tih ka hlau ve anih hi" thutak deuh a a tih takah chuan kut ka thlak tawh lo.
"Engber nge hriatchian a duh?"
"A vaiin, belhchian che a duh a, lungngai suh ka vau lawk vek tawh" ka lo nui vak. A tih awm tak a ni.


"I ţhianpa ka nia, nangpawh ka ţhianpa. A ţha ber ka duhpui che. A rukin i mal a, ka hrethei. Jenn leh Chris an inhnaih leh tial tial a, nangmahin i awm leh dawn. I khawhar hnem tu tur ka zawnsak che nih chu" mawla tak hi chu. Kum tam tak ka ţhianpa ni tawh, a bialnu nen ka hmuhdun vanga ka mood tichhe vek thei tu, ka duh leh duh loh pawh ka inhriatchian theih loh khawp a ka rilru tibuai tu a nia, engkim fiamthu a la vek ţhinin thutak deuh chung a hetiang a sawi hi a nuihzathlak.


"Chuan engtia tih nge i tum?"
"I phone number a duh a, ka la pe lo. I remtih phawt loh chuan pek ka tum lo"
"Mipa ka be peih lo" ka ti zuai rawih. Ka landan zawng zawng aţang pawh hian tuman min duh theih ka ring ngai lo hrim hrim.
"I duh loh chuan ka tilui lo che. A fel a, be ve hrim hrim la chuan ka duh" a ţhu pangngai ve tawh a, min la ngheng chet tho. A phone kenlai a malchungah dahin a tuai vir a, chumi vir chu ka en char char.


"Min fiam mai mai tum te a lo ni ang a. Mi nuihzat nih ka duh lo. Nangpawn mi hriatah min chhaih nan i hmang leh ang a"
"Ka ti lo ang" a ti ve tehmial.
"Ka chhaih lo ang che. Fiamthu thawh nan a hmang dawn lo bawk che a, i rilru a tihnat chuan ka sawisak sak hrep ang che" ka lo thaw huai. Ka thawven sawt vang a ni der lo.


"Lo pe rawh" kan ngawih tlawk tlawk hnu ah ka ti ve hram. Rilru lakpen nan chuan a pawi chuang hleinem.
"I duhthusam zan anih loh chuan a ngai kher lo"
"Ka bia ang a, ka duhthusam anih loh chuan ka bansan leh mai ang. Ka nei duh nghal rum rum maithei bawk a" ka ti fiamthu a, min ngaihtuah hmel ve em alawm.



JOSEPH


"Anih chuan kan ţha tiraw?" rawn dakchhuakin a nui seih a, a bu nghat nghat. Khawngaih lo ka ni bik lo a, a tan a ţha tur ka duhpui vang zawk. Inţhianţha tak pawh ni ila nupui pasal kan neih hun ala thleng ve ve dawn. Chu thil chu tuman kan dang thei lo. Bialnu ka nei a, Jenn a awm loh changin a bulah ka awmreng hman tawh dawn lo.


Kan awmhran hun ala thleng anga, buaina dang dang kan la nei ang. Mipa fel bula a awm chuan rilru nuam deuhin ka awm thei ang. Ka ţhianpa hi damchhungin nuamsa deuhin awm reng se ka duh. A huat tur deuh deuhin fiam reng mah ila ka ngaihtuah ber a ni tho. A ţawngduh loh chang a thlen pawn a huat tur ka sawi a, thinrim deuhin min ankhum a, a ţawng ţeuh zel.


Kan inkawmna a rei tawh a, ngaihzawng ang a ka en ring an awm nual. Ka ngaihsak a, a hriat miahloh in thil tam takah ka pui a, ka ngaihsak na tilang lo mah ila midang hmangin ka ti lang a, mahse ka ţhian bak a ni lo. Ţhian pel deuh a en lai ka la nei lo a, mipa ţha deuh tawng se ka tih rilruk ţhin laiin Remruata ka hre ta chiah. Ka rilru hria ni awm takin Cindy chanchin min zawt ziah a, kan in nel hma aţang tawhin a sawilang ziah. Cindy ka hrilh duh lawk lo a, rei deuh chhung ka enthla. Thil ei naah ka hruai a, hriatchian lehzual nan a bulah ka awm tam lui.


Kohhran upa fapa ani tih ka hria a, a nu leh pa fel zia leh, an monu Remruata u nupui ngei pawh an duat zia ka hmu. An ţhenawm te ngeiin an fak lai ka hre fo a, Remruata puitlin zia an sawi nasa. Ruihhlo a ti lo a, lehkha a thiamin a zir nasa bawk. Chung zawng zawng ka hriat hnu chuan Cindy tan iai na ka nei tawh lo. A ţha ber ka duhpui chu mi ţha tak bulah awm se ka duh.


Ka mizia nen a inmil lo a, midang hriat phei chu ka duh lo. An hriat a ka awmdan ang hian min ngai se ka duh a, ka ngaihtuahna hrethei bulah te hian ka awm ang tih ka hlau.
"I bialnu hi iduh viau aniang a zungbun pek che iduh emai. Kha ngawi rengin i khalh mual mual alawm" ring leng lawng a a rawn tih chuan ka harhchhuak chiah. Ka rilru ka kawm a, ka khawih tih pawh ka lo inhre lo.
"Ka duh em em lai ka la hre lo. Ala rei lo e" ka ti a, a dikchiah. A landanah sawiselna hrelo mah ila a tello hian ka la awm thei khawp. Ka hmuh loh chang a ka lunglen ţhin awm pawh ka hre lo.


"Reilo mahse iduh thei tho a, duh lo la i bialnu i nih tir nang" ţalh ţalh hian.
"I bialnu ai hian ka vannei zawk" a tih phei chuan hrethiam lo tak ka ni tawh. Mi thusawi man zung zung chi ka ni lo bawk a.
"Hawi hu hu suh. Mawitei te chuan nang ang misual a nei a, keichu Remruata ka lo duh hlauh anih chuan mifel ka nei dawn a" a dik chiah. Kei ang misual, hun kal tawh a thil ţha tih pawh la nei lo hi chu Cindy te ang pawisawi lo lutuk neih a tan chuan ka duh lo.
"Ka hmelţha a ka pa zawk bawk a" ka ti daih thung.


"I infak ve ziah" ka darah a nem sawk a, a chak a sin aw.
"Min nem tliak ange ka cher ve ropui si" tih pah a ka dar ka dawm chuan a ner nasa. A hmel landan lo nuih pahin ka sam ka tuai a, engkimah a ţha ber a phu.
"I nula tawh e bialpa inei ve ţep tawh ania" ti a ka fak pawn a haw vek tawh.
"Vawikhat i nei ve a, min hmu single em em ringawt"
"I single miau a. Pasal ineih loh ber chuan i tar hunah tar chawmnaa rawn kan reng che angai dawn a. Mi tupawn a hmu zo lo an tih vek che hi" tiin ka cho phur lui. Remruata hi a lo hnawl ka hlau a ni ber.


"Nang aiin ka nei hmasa dawn. Nang te chuan i ţhianpa ang tho in Mawitei pawh i ning ve vat tho ang" a ti pang pang a, ka nin ka hrelo a ka nin loh pawh ka hre lo. Ka be reng peih lo thung.
"Keichu keimah ka nia, ka ţhianpa chu ka ţhianpa. Ka ning lo ang a chhiat loh em hi. Ka sam a kek ve ngai lo a, min chum ve ţawlh ţawlh ngai lo bawk a" ka melh zawk. Hmalam ka hawi leh vat. Kha zan kha a hrechhuak ve ang.


A damlo ka kan a, ka thlen lai pawn ala luak bawrh bawrh. Anu in drip khai turin Mary nula khirh deuh, Jenn u kha a ko bawk. Khami lai kha chuan Mary khan min la haw hlur a, keimah zawk kha min vih vak vak a chak hmel. Venflon a vuah dawn a vein a zawn dawn lai chuan lo dawm turin min hrilh a, Cindy hian khatih hunlai khan bike chuan chiah a hlau emaw ka ti ţhin. A vih dawn lai aţangin a ţe ţan a, a mutna khum bul chhuata ţhu in ka lo vuan ve tlat. A vih chiah laia a vih lohna zawk a kut a ka sam an ţham tak tak kha chu, hmeichhe nau nei tur bul a a ţham tur hrim hrim a inpe ka ang ber. A taksa ţhat ang aiin vein a nei chhe lehnghal. A ţham mai mai pawh a nat nak laiin min la sawikual tel zui. Min haw em em tu Mary pawh kan ti nui nasa. Khami zan aţang khan a damloh chhung ka leng leh ta lo. Min ţham vang khan a natloh phah angem tih hi tun thlengin ka la zawt lo.


"I thil hlauh ber hmachhawn ve ta la rinchhan tur i zawng ve tho ang. Ka ţham nat vak loh che kha i sawipeih" tih hmuk hmuk pahin min chum tho. A kutthlak a natzia lah a inhre lo. Mi pakhat chiahin pawngsual tum ta se alo tum kher kher kha a inchhir ngawt ang. Kut min thlak hian a thapui a chhuah ngai miah lo lehnghal. A thapui chhuah ţhin se la chuan min chum hlum daih tawh ang chu. Mahse a ngaihawm hluam hluam em a, ka pan duk duk reng tho.


"Min duat loh emai kan haw daih teh ang"
"Haw daih rawh ka duat nachhan tur che pawh a awm bawk lo" han vui vel hi a inchhirawm thei. Haw tum miah lo ka din ţuah ţuah phah. A noodles chhum pawh kan la ei lo. Khawvel zawng zawngah a chhum thiam ber. Ka ngaihtuah pawn ka ei chak.
"Iva muang ve haw ta che" a ti leh kher. A ţhutna ka zuk en a, tv lamah remote a tin run a, min en ve miah lo.


"Ka haw tak tak dawn nia"
"Haw rawh ka tih kha" min la en chuang lo.
"Nih leh mikhual innei mi? Ka rawn kal khan in kawtah sawn a lo awm reng a, ka biak khan lehlam a hawi zel sia, a zakzum a niang ka lo tia" min enchiang mah mah tawh zawk. A mitmu te chu ball chu nise a rawn pawk chhuak nawlh ang.


"Mikhual kan nei lo. Thlahrang a mi? Eng kawr nge a hak?" a ti nawk nawk tawh. Ka ding hluai tawh pawh min pawt ţhu leh a, min hnaih rawk rawk. Ka nuih rik ngam loh vangin kuah pahin lehlam hawiin ka ţhen leh zawk ţhin. Thudik ka hrilh ngam tawh lo sa. Thudik a hriat chuan thlahrang ah ka chang ve nghal a ni mai.


Ka nuihzat chhung chu ka ngawi reng a, a landan min lo zawt sek bawk. Ka aw ka thian a, ka nuihza insum ka khuh lui a ni ber.
"Mut kawr a ha, hman a i hak ţhin kha ila hria em? Zan ka rawnlen apianga i hak ţhin panda lem awm suit kha" tiin a thawmhnaw ka hriat chian ber ka sawi. A lu a bu zawt zawt a ni ber.


"Kha kha a ha a, a tir chuan nangmah maw ka tia mahse a cher. I kawr kha i tawk tawh lo ang a in mikhual kha i haktir anih ka ring a. Ka bia a min chhang silo a" min nemsan rawp a, hlau hmel pu tho mahse thinrim hmel pawh a tel.
"Dawt i sawi" a sawizawm leh hma chuan ka hlauthawng mahse "Thlahrang anih loh chu. Ka thawmhnaw a ru niang. Thlahrang in a var fual bak an ha ngai lo" a ti leh ta zawk a, ka thaw huai.


"Tunlai mi thlahrang hmuh chanchin i zawt ngailo mi? A fual var hak an phal tawh lo. Thlahrang an nih miau vangin a var nen a inrem lo a, suit an ha ziah tawh" ka ti leh a, a awih chiah lo. Ka nui duh lo lui tlat.
"A var hlang ang kha an hak chuan min an hmuhin an awih tawh lo zel a, an thih naa an thawmhnaw hak ang ang an hranpui tawh. Bike ka dahţhat lai te khan min lo enreng a, a tir chuan kawngka bul chiah ah sawn a ding a, bike ka dah zo ka rawn luh dawn kha chuan min hlat leh daih tawh. Ka be lui tho a, min chhang lo. A hmel a tilang duh bawk si lo a, inu thlai chin na lamah khan a kal a, min lo hui a, ka kal duhlo a" ka thilsawi in kawkalh nawk nawk te chu a remkhawm thiam tawh lo. Ka kawr a ţham leh chawih chawih ţan tawh.


"La haw suh aw. Ka nute an lo haw ţep min nghah pui rawh" mawl kan inti ve ve a, tunge mawl zawk chu a hriat mai lawm.
"In mikhual amaw ka tih khan ka hlau lo a, mikhual innei si lo a ka hlau. Ka haw mai ang" ka che hrut a, che thei miah lo in min kuahbet zui nghal. Thlahrang chhiar a hrat tih ka hria, ka thilsawi kha hlauhawm lohin awihawm loh viau mahse a thil chhiar ţhin vangin a hlau vek tawh.

"Ngailo haw lo ang" a la ti tlat tho. A hlau em.
"Nih chuan eitur siam la, chaw ei lo in ka lokal i noodles chhum ka eichak a" ka tih chuan muangchangin a ţhu ţha a "Lokal rawh min lo veng rawh" hawikual rulh rulh pah a a tih chuan ka lo ding vat. Choka a a kal tur a hnung ah ka zui a, duh leh eichak zawng hi chu neihdan a awm zel. A bikin Cindy, tupawh ring mai zel lakah hian. Thlahrang te chu a ni aiin ka hlau fe.


CONT..




BAD BOYS S2-6



JENN


Thla khat dawn chu Cindy nen kan inzui leh zak zak tawh. Kan awmdun hi chuan anuam a ni mai. A hma angin thil kan sawidun vak lo, a phone a en reng zel. Christopher kha ka la chhang leh chuang lo a, mak tak maiin min lo la be reng. Dawhtheihna a neihtlemzia hre tan chuan a mak. Cindy ka hrilh ţhin a, ka chhang lo chu a lo lawm mah. Kan zingah Remruata a rawn tel zeuh zeuh a, a awm ve reng ngai lo. A rawnkal ve zawk a, Cindy a rawn be zuai a, chhuanlam siamin a kalsan nghal daih zel. A zah hmel thei rap.


Joseph te an inzui ngawrh sawt a, a bialnu Mawitei hian a atchilh a ni ber. Kan bulah phei chuan a awm khat lehzual. Kan inhmuh fuh changa kan inbiak zawk hi a ni mai. Tupawn hmalam an pan vek a, keichu ka dinna ngaiah ka la ding reng. Nat leh ka hlauh vangin risk ka la ngam ve lo.


"Jo nen in inbe ngai em? "
"Aw zantin" a lo ti then. Ka khumah ka mu dun a, sunday anih vangin a reh ruai mai.
"Ka be lo rei tawh" ka lo ti ve thung. A hlimchhawn khan a tuar viau emaw ka tia, Jo pawh ka biaksak hial anih kha. Ka rin aiin hma a sawn chak a, nge a lo duh tak tak lo zawk? Hrechak viau mah ila ka sawipui duh lo. Christopher nen kan inţhen hlim khan sawi ringawt pawh ka peihlo a, chutiangah chuan ka ngai ve mai.


"A bialnu in min lo thik ve khanglang a, insawifiah vel a peihlo in a rawn lenpui hmiah. A zak ve sin aw" a ti a, a nui pah huah huah.
"Engtikah?"
"Nizanah" alo ti awlsam leh et a. Engmah a rawn sawi chuang lo. Hmanah kha chuan ho te te pawh a rawn report zung zung zel kha ania.


"A hlimchhawnah khan ka rilru ana viau dawn maw ka tia mahse mi bialpa lo ngaihzawn kha a tlawm thlak ka ti. Chubakah ka ţhian ania, min ngaihsak zawk tho a, ka bulah awm reng thei lo mahse mifel deuh min hnutchhiah tho a, keipawn puitling deuhin ka ngaihtuah a, ţhian ni char char ila damchhungin kan inkarah khi awm miah lo in kan awm thei zawk ang" dik ka lo ti ve tho mai. Midang an inneih san theih chuan an induh lo ve ve pawh a ni mahna. In hmangaih sela chuan an inkawp awm e. Cindy pawn hmalam a pan hma em hi. Kan hmangaih tak tak anih chuan hmalam pan hi a harsa ve sin aw, keimah aţang hian ka hria.


"Remruata chu eng nge a an? Engmah i sawi ngai silo a, eng chen chiah nge in thlen tawh?"
"A fel lutuk. A tir ah kha chuan ka be chak hlawl lo a, min lo biak reng te khan ka ning ţhin. A message pawh ka reply ţha peih ngai lo. Ka chhang hmuk hmuk a, min call leh ka vin hrep hrep a, a nui liam mai zel a, min be reng tho. Tunah chuan a dan a dang deuh tawh. Engchen mah kan la thleng lo a, kan in nel ţan mek chauh"
"Anih chu" ka lo ti sep a, a vannei khawp mai.


"Ka chanchin min zawt ve dawn lo mi?" ka ti ta tawp.
"Eng ber?" ala ti hu zui.
"Min ngaihsak lo sawt e" ka ti niah niah a, nidang a engkim chiangkuang tak a hre kilh kelh vek duh ţhin si kha.
"Ngaihsak loh vang pawh a ni lo. A thar hriat tur a awm dawn chuang lo. Chris chu lo la chhang lo hrim hrim tawp la, midang biak te nei ve la, nunhlui ah hian awm reng tur a ni lo" ve teh tlat chuan. Tunlai chu inla puitling deuh deuh hian a ţawng ziah.


"Ka hrethiam lo. A dang nei tur ang a ka in ngaih hian ka ngai ngam lo a, let leh dawn ila ka tlawmngai ve tho bawk sia, awmdan tur ka hre lo. Midang hi chu ka nei thei dawn rih lo" tih pah a a lam ka hawi chuan a phone en in a lo nui ver ver. Amah la en reng chungin "Inphah hniam duh ngai miah lo kha a inphah hniam ve tawh ropui sia,engtinpawn ti ila a thinrim tawh ngai lo hrim hrim. Ka phallo chung chung a lo leng lui a, ka chhungte a kawm a, anni lahin an lo do tawh bik silo a" ka ti a, a phone ala hmeh mawlh mawlh vang chuan ka thaw halh ringawt.


Cindy lo lamah ka saisir a, ka phone ka en ve ta ringawt. Mipa ngaihsak ngai der si lo. Kan bula an awm hlek pawn kan ţhiante lo hi chu a ngaithei ngai miah lo ania. Remruata hian a duat a, nupui duat takin a duat. Engkim ah a hrethiam a, a awm ve tho. Jo nen lah zantin an inbe bawk a, a bialnu a rim loh changin Cindy te inah a leng a, min lo tlawh ve zeuh zeuh.


Min rawn kuah pahin Cindy chuan "Kan la in ngaizawng miah lo chung hian leng turin min sawm ziah. Rawn leng hmasa rawh ka tia rawn len a tum a. Hmeichhe awlsam deuh ang a lan ka duh lo a, rei tawk min nghak char char ang che ka tia. A fel hi a ni tawp mai. Ka lo ning ţhin te kha mak ka inti. Jo khan a ti dik chiah. Ka tan a ţha tur chu a lo hre tak tak anih hi. Min lo duhsak hle mai, ţhianţha a intia, ţhianţha nihna a hlen zo bawk a" a rawn ti leh mawlh mawlh a, Remruata chanchin an chhungkaw chanchin te min hrilh mial mial a, uluk deuhin ka ngaithla a, ka lawmpui thu ka hrilh zeuh zeuh.


A inleh rualin a lam ka hawi veleh a, phone a lo lek kang leh va tawh. Chris nen kan inkawp lai kha chuan Cindy nen kan inkawm duh a min lo be suh ka ti mai zel a, ţhiante buaina leh ansawi duhzawngte ka ngaithla theilo ang tih ka hlau ţhin. Vawiin pawn chutiang bawk chuan ka hrilh leh a, ala reh hmak.


"Remruata hi min duhpui em?" phone enreng chunga a tih chuan aw tihnan ka lu ka ti che a, Jo chuan a thlang sual lo ang. Cindy leh keini aia pawimawh a nun ah hian an awm mang lo. A ţha ber chiah min duhpui vek. Cindy tan chuan mi ţha lo chu a kawh hmuh miah lo ang.


"Jo i theihnghilh theihna a nih te chuan" ka lo ti a, a phone a dah hmak. Ţha lutuk.
"Engtikahmah ka theihnghilh lo ang. Ka ţhianpa ka bula awm reng tur ka tih kha. In awm hnaih reng lo mah ila ka mamawh chuan a lokal chat tho ang, lo ngai reng rawh"
"Nih leh kei?"
"Nang chu awmreng dawn e kan inhnaih em hi" ka lo nui ver ver.

Tuna a awmdan hi chu nuam lo tih chang nei mah ila ka mamawh lai ber a ka kiang a awm tlat leh ka ţhianţha ber a ni tho a, a fel em vangin Jo pawn a ngaina a, midang pawn an ngaina vek. Min vin tun tun chang nei mahse rilru chhia a pu ngai lo. Ka tan chuan ka engkim a ni tawp. Tunah a hlimna tur a hmu ve a, ka thusawi ho te te hmangin ka lo ti khaihlak theilo ka ti leh hnuhnawh. A ţawngkam ho te kha ka hlimpui ve tawk em.


Tlai chaw eikhamah min hawsan ve chauh. Ka pindan ka tifel a, lehkhabu dahna chhuar zawng zawng nen. Zirlai bu hlui te chuan ka lung a ti leng. Nidangah ka tifel hman ngai si lo. Ka dahthla vek a, a chhuar ka hrufai a ka remluh leh lai chuan eng emaw a rawn tla nawlh. Chhuat ka zuk en a, ka din san na aţangin ka chhuk.


Ka enchian chuan school uniform nen ngei a Christopher nen a kan lak kha a lo ni. Kan inţhen hlim khan ka thuzawmin Cindy khan engkim min dah bo sak vek a, he thil hi engtia la awm nge ka hrelo. Ka la inbual chuang lo bawk a, a paw vel ka kekawrah ka tat fai nawk nawk. Ka en chiang lehzual a, tun a ka landan aiin ţha ka inti zawk. Enghelh nei lo leh kan vawiin hun chiah a pawimawh lai kha a ni bawk a, midang mamawh miah lo a kan la inkawp lai, Christopher pawn keimah chiah min la hmuh theih ţhin lai a ni. He tih hunlai hi koh kir theih loh mahse kan thlalak erawh ala ngai reng. Christpher erawh chu a danglamna a tam lo. Tun ai hian a cher hret a tih chauh a ni.


Ka lukham hnuaiah ka rawlh lut a, thildang ka tihsan lehnghal mawlh mawlh. Ka tihfai zawh meuh chuan dar9 a hnai tawh. Ka inbual leh a, ka sam erawh ka su ta lo. Ka mut meuh chuan ka chhungte thawm pawh a reh diak tawh. Phone ka en hman veleh chiah a, message a lo tam hle. Ka lo silent daih a ri ka lo hre lo a ni. A ngai te bawkin Christopher hnen aţang hlirin a ni. A lo mangang leh tawh khawp ang. Thil a inthlak danglam ve ta khawp mai. Amah vangin mangang deuhin ka awmreng ţhin a, ka theih chuan a kalna apiangah ka zui a, ka tello a a len hlekin ka call reng zel. A phone ka check sak reng a, ka thikthu a chhiat em vangin kan inhau ngun a, a ni erawh a thinrim khat. A thinrim nasa zawkah ka ţang ziah a, zan a ka tihtauh san a ka mutsan pawn zingah ţha deuhin min lo be leh mai zel. Kan la naupan vangah ka ngai a, in ngaizawng te inkara thleng tur hrim hrimah ka ngai. Ţha te te in kan awm reng dawn maw tih laiin min hne thu sawiin min ţhen anih kha. Ka uap hneh lutuk ah a ngai a, min mamawh leh tho si. A nun a khawhar zia hria a ngaihtuah a umzui reng zawk ka ni. Ka ngaihsakna a hrethiam lo vel anih kha.



CHRISTOPHER

Zingkar a Cindy in min lo call chuan ka ngaih a ţha lo nghal. Min haw hle sia, thil ţhalo a thleng anih ringin ka pick vat vat.
"Iva muang ve" a rawn ti thawr a, a vin em em lehnghal.
"Ala hma em hi"
"Hma lo ka insiam vek tawh. Vawiinah Jenn rualin ka kal thei dawn lo. Hmanhmawh la rawn hruai rawh" a rawn ti zung zung. Hmeichhia hi an mamawh naah chuan an thutiam ah pawh an ding thei lo anih dawn hi.


"Khawiah?"
"I mawl a mi? An in ah bak khawnge ni chuang ang. An inah ka kal anga ka lo kaitho ang. Lokal vat mai rawh" a rawn ti vak vak.
"Au vak vak kher suh"
"Tho mai rawh" off miah lo in khumah tho ka paih thla. An mak ve ngawt mai. Jo nen an inkawp hnai tawh ang chu tih nak laiin midang ve ve. Jenn rual a ka kal theih dawn vangin a lawmawm tho.


Ka inbual sawk sawk a, thei tui leh chhang tlem ka ei. Khua a lum tho a, rawngbawl lo a hetiang a ei hian a tui zawk. Ka u a rawn len phei loh chuan rawngbawl tur pawh ka nei lo. A remchan dan ang angin ka inhnawh puar a, ka duhzawng ka neih remchan loh leh Jo ka pan mai.


"Min nghak rei em?" gate ngheng a dingin a ke in lei a lo thai niap niap a, a chin ţhan pawh ala ngai.
"Rei tawh e. Cindy a lokal hma a, hmanhmawhthlak deuh a awm amaw ka tia, darkar chanve vel ka ding tawh. Ka lut peih tawh silo a" zahzelah a tihziah dan tho in a sam a tuai a, lai deuhin a nui seih.
"Min rawn call a, min rawn tur---"
"Ve tho maw?" a lo ti hu. Ţawng zawt zawt chi ka ni lo a, ka ţawng muang. Mawilo khawp a ni lo. Kawng engkim aŧanga tehin ka ţawngdan hi a tawk chiah. Ka sawizawh hma in min sawikhalh zut zut hlawm ziah.


"Ni e, hruai tur che in min tia"
"Min tur char char a, ka inbual tur pawh ka muan a hlau a bathroom ah min luhpui min bual lo chauh" a ti bawrh bawrh a, hemite ţhiandun hi chu ţhang lian dun tih takah hian. Zaizir in lawn turin ka hrilh a, muangchangin a rawn lawn. Ka phurh lohna a rei ta khawp mai.


"Ka bodyguard chu iva nawm loh hmel ve" ka ti fiamthu a, min chhang lo. Chhanna beisei a zawt pawh ka nilo. Ngawi rengin kan chuang dun char char. Insawifiah dan leh ka rintlak tawh tur thu sawivak dan pawh ka thiam tawh lo. Ka sawingun leh ninawm min tia, ka sawiloh leh sawi pawh i sawi ngailo min ti leh a. I chetzia in lantir rawh a tia, a bula ka awm leh nuam tih loh hmel deuhin a awm a, ka awm loh leh a sawisel bawk a, hla deuh aţanga midang awm laia ka koh leh a zak a, ka koh loh leh a mitmeng a thip raih a, mipa nun hi a chang chuan a hahthlak. Neih let ka duh chuan ka la tawrh zel a ngaih hmel. A awmdan hi a sawi ang zawng zawng leh mi hmuh ang hi a ni vek bik lo. Thiamna chin nei ve mah ila ka duh miau vangin ka tlawm tho.


Ka din veleh a chhuk a, kal nghal mai a tum chu a banah ka lo hmer.
"I haw hma thei angem?" ka tih pahin a sana an bih ngei a(h).
"Ka lo tum ang hetah hian kan innghak dawn nia. Chu ai pawh a haw hma lehzual ila duh chuan min hawsan dawn nia" a ti leh fek tawh.
"Ka haw hma duh vang nilo in. Eitur siamsak che ka duh a?"
"Maw?" a ti hluai. A hawi phawk hru a, a ang pham bawk. Ka siam lai la hre miau hek lo. Inringtawk tawkin "Keimahin ka awm a, nang aiin ka thiam tawh ang" ka ti a, a bula ka awm duh vang zawk. Ţhiante awm ve zel lohna leh mi chi hrang hrang awm loh naah.
"Awle chutianga nang meuhin i siam dawn te chuan. Ka hmanhmawh deuh a" tih pahin a ban ka hmerna a en a, ka lo thlah vat. A kal zet tawh hnuah rawn in her lehin "Hun ka pe leh che tih naah lo ngai chuang suh" min ti a, ka lo yes vat. A hma aia ka duat te chuan ka hre lo le.


Class ka neihloh laiin Jo leh Mawitei bulah ka kal a, min nin hmel viau mahse eitur siamtur ka zawt duh. Mawitei alo nuih sang laiin Jo erawh min hrengai ang pawn a awm lo.
"Mi hman deuh deuh hi chu ninawm chang an nei ţhin. An hun kaihtawina tur hi an hre thlawt lo mawni" a tih chu ka hrelo der ve hmak.


"Mawite hmeichhia hi eng nge siamsak chi ang? Jenn lokal turin ka sawm a, eitur ka siam ang che ka tia" ka tih veleh Jo pawn min ngaihven sawt. Kan inkawp leh duh ber tu ania, a chhah ang ai hian hmeichhe duhzawng pawh a hria.
"Eng nge a ei duh ber?"
"Chhangthawp leh Jam" an pahnihin an in en a, an hmel chu ka sawithiam lo.
"Eng nge?" ka lo ti hu.
"Chutiang te chu siamsak chi anih loh chu. Lei tawp a, ei tawp anih chu" Mawite in alo ti nang nang a "Special ve deuh te angai a" a tih leh hnu chuan ka ngaihtuah vang vang a, chhangthawp leh jam leh biscuit leh noodles vel bak kan eidun ngai lo. Restaurant kan kal lahin chow a ei leh tawp a, ka siam thiam der lo.


"Chhang hrim hrim"
"Cake i siamthiam em?" Mawitei bawk a ni. Jo chu amahin a nui vur vur. Mawitei a hrilh ru a, a ngaihna hrelo deuhin ka awm mawl ve tawp mai.
"Cake chu i siamthiam em?"
"Engtia tih bial tur nge? Heart shape in a siam theih em?" ka ti a, cake chu ka duh ta ber.
"Siam lo mai teh kumkhua chatuan hian eng cake mah i siamthei lo ang" Jo bawk. Min ngaihdan hi ka duh vak lo. Ka upa ve tawh.


Ka ngaihtuah chhuak ta nui vur vur chungin "Burger" ka tichhuak phawng a, ramhuai hmu ang vel an ni tawh. Jo te hian an ei nasa, anu pawn a siam ziah a, Jo pawn min siamsak tawh. A eitlak ve viau.
"Ka siamthiam lo a" inthlahrung tak chunga Mawite in a tih chuan "Pawi lo pawilo" tih pahin kut ka vai a, Jo ka en. Min hrilh thei ber tu tur.


"I ninawm emai i hriat hma chu awm itum bawk sia ka hrilh ang che" a tih rualin pen leh note ka phawrh.
"Burger buns ang kha i hriat chuan pahnih" ka lo ziak vat.
"Cheese a tui a, cheese kha pariat vel, pack sa kha lei mai rawh. Capsicum kha panga vel zai la, carrot kha lian pui puiin pahnih vel. Ka sawi ang vek hian ti ang che", a tih chuan ka lo bu nghut.
"Purunsen kha pali vel pan deuhin chan la, zikhlum kha lian pui puiin telh nual rawh. Butter fian ruk vel. Oil fian nga vel. Chi kha fian thum vel aw. Tomato sauce kha fian 5 vel. Tomato pangngai kha pahnih vel chan la, fanghma pawh nizanah fridge ah ka hmu tlawn khat tawp kha chan rawh. Tikhan a zo" ka thil ziah ka en a, ka ziak kim.
"A lawmawm. Ka kal"
"Tui deuhin ei ru aw" a ti a, Jo hi chu ţangkaina a ngah. Ka kal tur pawh min nuih vur vur. Jenn ka tihlawm ka beisei. Ka tihlawm veleh ka rul let ve ang.


CONT....

BAD BOYS S-2-7


JENN

"Ava chhah ve engtia min eitir nge i tum?" ka thlek nghial ţhin. A in la siamthiam sia min ngaih pawimawh ve naah pawh sawisel ka hreh si. Ei ngaihna ka hre hlawl si lo. Hetiang chen chen hmuam thei tur khawpin ka kareh a zau lo. A hmel ka en a, fak a in beisei tih hriat reng.


"I bei rei ka ti reng a hetiang zat zat ilo siam vang anih hi" ka ti a, a zeiloh sa nen, tihpui ka tumin a phallo a, ka siam zawhah ka lo ko ang che tiin a pindanah min khung a, pawn lamah a kalh hmak. Ka nghak rei lutuk kha ka lo muthlu hman ţep.

An chemte dahna bawm aţangin chem te ka la a, fork ka la leh. Ka zai tawh mai loh chuan, eisak ve ka duh chuan a eidan tur ka ngaihtuah a ngai miau a. Chair ka pawt tawlh a, a thil siam min chhawpsak hmaa ka ţhu ran.
"Ei rawh" a lo ti sek tawh. Fimkhur tawkin tlem ka zai thla a, ka ei.


Ka lem thei lo. A taste chu ka sawifiah thiam lo. Burger ka ei ve fo tawh a, ka ngainat ber te zing a mi a ni. Hmuam reng chungin ţap purin ka en a, a nui hmel ka hmuh chuan tihluihna liau liau in ka nui ve. Min ven run vangin harsa tawkin ka lem a tui ka lam nghal. Ka hrawk ka dawm a, khawvela burger tui lo ber ka ei mek.


Ka ei leh tur ka zai laite chuan ka kut a khur. A inpekna hrim hrim vangin ka hmaizah ve tho si. A siamtu pawh hian tem chhin ve sela chuan a tuiloh zia hi min pek hma in a hre ve tho ang. Vawikhat chu ka eilui leh a, ka tilui thei tawh thlawt lo.
"Ei ve chhin rawh"
"I tan a ka siam anih kha ei vek rawh" a lo la ti zui. Lu thin pahin a kut ka vuan a, fork ka hmehbel chawt chawt.
"Tlem chiah ka ei ang" a ti na a, tlem pawh a eithei bik lovang.


A ei ve chiah chu a tawp chat. Mak ti deuhin min enreng ringawt. A ruk chuan ka nuih a za ka nui duh lo mai mai. A ni phei chuan a lem theilo. A chhak a, tui a in nghal bawrh bawrh.
"Ka uluk nen. Eng nge ka telh hmaih le?" ti a amah leh amah a inzawh chuan "Engkim i telh tam vel vek zawk anih kha" ka lo ti hmak.
"A va pawi ve" tih pahin muangchangin plate a la kang a, chumi chhung pawh chuan inthlahrung deuhin min la en reng. Ka lo en ve reng vang chuan a nui deuh a, a nui lui.


A tih hnawk vel a tihfai lai a puih ka tum pawn a duh lo. A chawhmeh neih leh buhfai vel chu ka check sak ta tho.
"Chaw i ei ngai em?"
"Ei ve e" a ti na a a eikhat viau ang. A taksa in a chhiatphah lo te hi a mak zawk. Plate sil a tum laiin "Kal teh" tih pahin ka nemsawn a, ka tihsak lui.
"Naktuk daih turin ka lo siamsak ang che" ka ti ta nge nge. Mipa hi chu an va che ho ţhin tak anmahni a an awm ngat phei chuan. Ka rawngbawl a ei chak viau aniang min dang tawh lo a, a hlim hmel mah tawh zawk.


Haw tlai ka hlau bawk nen ka che sawk sawk a, a neih ang ang ka siamsak. U ka nei a, nu ka nei bawk a, rawngbawl hi thiam tehchiam lo mah ila hepa ai hi chuan ka thiam fe. Sawitur hrelo thei hle si ho deuh deuh min zawt a, i hnawk ka tih pawn ka bulah a awm char char tho. Ka nin hnu ah purun ka zai tir a, ka hman tur ai tam mah. A huphurh zia ka hmuthei a, ka tih luih tir tho. Pum hnih vel a chan zawh meuh chuan biak pawn min chhang tawh lo. A mit a hru a hru ringawt. Ka khawngaih ve deuh hnuah ka laksak.


"Burger siamdan kha khawi aţangin nge i en?"
"Ka en lo ka zawt"
"Tu?"
"Jo" tui a herh haw a a hmai a phih lai chuan min hmu thei chuang lo a tiin amah enreng chungin ka lo nui. Joseph hi mawl a ti em em reng a, Joseph hian a bum zawk ziah thung. A rilru hi a chhe lo a, a thil tih sual pawh a inchhir leh zung zung a, inngaihtuah chiang miah lo a thil a tih pawp pawp zel vang hian a inchhir leh na tur thil a ti fo.


A hmai a phih zawh chuan mit sen rumin choka aţangin a chhuak. A burger siamah purun a tam bawk a, vawiin chu a intuai sen rum mai. Eng eng emaw ngaihtuah pahin ka thil chhuan ka vil a, anu leh paten an awmpui silo, a u neihchhun lah pasal neiin fa pahnih lai a nei tawh a, a khua hi chu a har ve ţhin ang. Thil sawitam lem lo chi ania, ngawi rengin a tuar ngawt ngawt mai.


Ka thil kan zawk ka off a, hnunglam ka hawi chiah chu a lo ding reng, a ban a lek kang uaih lehnghal. Ka phu nasa lutuk chuan ka fian kenin a vaw lo chauh. A ban lehlam zawkin a lo man hman hlauh.
"Eng nge tih i tum a?" ka ti hluai a, ban lek kang uaih chunga lo din reng chu a mak em alawm.
"Ka lo ding mai mai"
"I ban kha?"
"I hah ka ring a i dar a lo dawm ka tum a" a ti bah nawk a, dawtsawi lah hi a thiam lo nasa.
"Min kuah i tum a mi?" zam hmel pu deuh chung hian a nui a, lu a bu pah nghat bawk.


"I kuah ka duh leh duh lo i hria mi? I in a ka lokal vangin beiseina nei kher suh ka tih kha" fian ka dah zawk a, kuangkuahin amah hmachhawn zawngin ka ding leh.
"Ka tum thut" nuih loh tumin aw then kharh kharh pahin ka hawikual a, ka insum fihlim theih hnuah amah bawk ka en leh.
"Inţhen lai reng pawh a duh duh hun a kuah theihah min ngai suh" ti chang fak mah ila ka thinrim hauh lo.
"Tihpalh"


Min hmuh hlimchhawnah kha chuan ka duh lehnghal mai inring khan a inringtawk a, a duh duh nei theiah ala inngai reng tih kha ka hrethiam. Mahse a ngaihdan ka thlakthleng sak. Ka be ţha duh miah lo a, ka hmuh pawn biru tawh lovin engahmah ngailo angin ka awm lui tlat. A awm ang apiang kha ka lawmzawng anih pawn ka sawisel tho. Khata ţang khan a tello a awm thei angah min ngai a, a zam phah a, min be ngun lehzualin ţhat a chhuah nasa lehzual.


"Chaw ei ve la" ţi dek a a tih chuan ka khawngaih leh hnuhnawh. Ka hnunglam thlek pahin a kawk a, ka inher chiah chu gas ka tihniam nghal. A lo so liam teuh lutuk. Ka chawhmeh siam lai a liam loh nan a ka chawh mawlh mawlh laiin hnunglam aţang chuan min rawn kuah ta tho.
"I duh leh a thi lo tawkin min ch$ la a pawi lo. Ka ngai tawh che" a ti a, engtinmah ka ti lo. Keipawn ka ngai a, ka lantir duh lo mai mai zawk. Ka induh khum reng lai pawn ka ngai tho mahse let leh ka tum rih lo.
"Tun bak chu min kuah tawh suh. Min khawih lo hrim hrim rawh"


Tlaia min thlah lai pawn kan inbe tawh lo. Min biak loh chuan biak ka tum si lo a, a thil tih kha a inthiam lo lehpek aniang, a thutiam a bawhchhe leh ta sia. Kan inkawp pangngai leh hma chu min khawih lo tur khan ka intiam tir ve thlap a, a insum theih lehpek loh kha. Min khawih tawh lo tur a ka hrilh aţang khan kan la inbe leh lo.


Ka chhuk a kal nghal mai ka tum laiin ka bag hruiah a pawt lehpek.
"Eng nge ni leh ta?" tunah pawh ning awm deuhin ka la awm.
"Ka khawih lo che. I bag chiah ka vuan" a lo ti a, min la pawt reng tho.
"I sawiduh chu sawi zung zung rawh"
"Ka tihpalh. Ka thutiam ka bawhchhia a, ka ngai thut che a" a ti ve ta reng bawk.
"Chuvang chuan alawm ka rin theih loh che. I thutiam apiang i bawhchhe ziah"
"A dang ka la bawhchhe lo. Zu ka in lo a thildang pawh. Nachin a thil thleng kha chu chhiar tel lo mai ang" ka inkuah tir a, ka phalna thlap ania, chu chu ka haider.


"Ka lo ngaihtuah ang"
"Kum5 pawh nise ka nghak dawn tho che. Min rin hma chu ka nghak ang che. Naktukah lokal leh la zanah burger--" a ti hman chiah tihin "Angai lo" ka lo tih khalh vat. Ka ngaihtuah zawng ringawt pawn hrehawm ka la ti.
"Thil eipui min duh chuan min lei zawk rawh. Eng thil mah min siamsak tawh suh. Artui chiah pawh kang la ka ei duh tawh lo" ka ti hmak. Tun thlengin ka tui ala hal.

"Awle ka leisak ang che. A tuilo ve em anih kha tiraw?"
"Tui lo. A al ban thur ka sawithiam lo" ka ti a, a nuihzathlak zawk.
"Chuan?"
"Eng nge chuan? Eng nge ila duh a?"
"Naktuk chu"
"Nidangah. Nidangah kan eidun leh zawk dawn nia, i tan hian hun ka nei reng bik lo. Buaipui tur tam tak ka nei ve" ka ti lui veleh ngat. Diktak chuan a rilru hrehawmna tur ka sawi vel hian nuam ka ti ngai lo.
"Awle nidangah" a ti zui ve sup a, ka bag hrui a vawnna a thlah veleh hmanhmawh tawkin ka tlan lut. Ka engkim hi a tibuai, min chawk buai hneh lutuk hi ka kham. Ka lo hnar theilo lutuk te hi ka in haw ţhin mahse ka rin aiin ka thei daih ka tum nasa bawk a, min beidawn san erawh ka hlau ru tho.



JOSEPH


"Jo a awm em?" kawngka bul aţanga rawn au ka hriat rualin tv en a ka ţhu chu a hmuh theih loh turin ka ţhu pil hmak. Min rawn chhuahchhal dawn chiang. Mawite in min hau bawk. Mahse hepa fiam hi chu a nuam e, Cindy ang mai bum awl, mawl leu luau lutuk.


"Tv a en kha" ka nu mai mai chuh. A rawn phei a, duh duh hun a inti bo thei ka nih bikloh vangin min rawn hmuh chuan nui vur vur chungin ka lo ţhu ţha sawk sawk.
"I ţha em?" ka ban ka vai a, ka bulah a rawn ţhu ve kher.
"Dawt min hrilh em? Burger min siamsak ţhin kha a tui hle sia, khatiang tho kha i telh em?"
"Telh e" a theih chhung chu ka bum dawn. Dawt hmangin thlahrang pawh suit ka haktir thei alawm le, panda suit lehnghal.


"Ka siam ve khan kan ei ţhin let thum velin a sang a, a tui loh zia chu. Keiphei chuan ka lem theilo" mawl lian-a hi a(h).
"I ei ve mi?"
"Ei e. Jenn khan a ei hnem zawk a, vawihnih a ei hnuah min eitir, a tui lo" a ti mawl leh tawp. Ka nu a rawn phei a "Ka thingpui lum lai tak ania, lo in ve mai mai rawh" a ti a, thingpui a rawn pe. Hnar miah lo in a lo la ve a, lawmthu sawi nachang pawh a hre lo.


"Chaw ei ve la"
"Aih rawng ka bawl tawh" ka nu in mak a ti nasa. Engmah siam thiam hek lo. Kan naupan laia thil kan kan tum ve pawn kan pahnih a sam a kang vak tawh. Kan in ah a ni lehnghal. Gas bulah kan ding dun a, a khu riai riai kha kan duhtawh lo. A khuk vut vut kan nghak a, a thlak hmasa tu nih kan inchuh a, hnehna chang tu kan awm theihloh vangin thlakrual turin thu kan ti tlu a, kan thlak rual a, a rawn alh pup a, kan sam a kang ve ve. Kan hmai ah telin a per bawk a, nasa vak lo mahse ka nu hlau in hospital ah min hruai tho.


Ka nu chu ngaihţha zan lovin a kalsawn a, kan thusawi a hriat phak loh veleh "In va ţha tawh awm ve ka ti vat a"
"Naa" a ti ringawt. Ţhutthleng ban vuanin a hnung nghenchhan a ngheng a, min rawn en danah a la hlawhtling lo.
"Rawng a bawlsak che sia"
"Keipawn a rilru a nem tawhah ka ngai a, mahse nghah ala ngai"
"Eng nge a sawi?"
"A zawng zawng a i hriat angai lo. Jenn nen a kan inkar a ni" min ti zek lehnghal. Keimah vanga inbe leh thei mai mai si hi.


"I chawh khawp alawm. Kum20 vel nghah ngai se ţha tur. Ka zalen lo tih vang mai maiin i ţhen a, in induh khum vel a, Jenn chu ni ila ngaihdam che chu sawiloh i lam hawi pawn ka thaw peih lo ang"
"Tunah pawh ka lam hawi a i rawn thawk hi"
"Jenn ka nih loh hi. Kei te chu ka duh leh i hmai si chet pawh ka rawn thaw ang chu" a biang leh ka hnar ka siktir a, rang tawkin min lo nemsawn.


Tih phut a nei ve a, a dawhtheih loh chin a thleng phut ang a nakina inchhir leh tur tho in a beidawnsan leh mai ka hlau a, ka hmuh apiangin ka sawi ţhaih. Jenn bulah chiah a hlim. Bakah a inchhir te khan ka tuar ber. Zan mut harsat nak laiin ka muttheih ve ţumah pawh dar2 ah te min rawn call harh a, phone ka silent pawn a thawh thut chuan a rawnkal tho. Tihdan tur min rawn zawt a, tih leh ngam tak tak ţhin chai si lo.


Jenn chawhmeh siam a eichak tawh vangin nidang aiin a haw hma. La ţha famkim chiah lo mahse ka lawmpui. Jenn lo hmeichhe dang a kawp hleithei tlat lo. A mawl luatah kan vai buai ta hrep a nih hi.


Chaw eikham a ka chhuak tur chu "Fel fai deuhin rawn haw ang che" awmze nei deuhin ka nu in a ti a, midang an ngawi ţhap. Tuman engmah min hrilh peih tawh lo. Min zilhna zawng zawng chilper hi buk ta ila kg20 tal chu a tling tawh hrim hrim.
"Camping ah te hian lut la a ţha ang"
"Ka rawn back lut nasa lutuk anga i buai leh si ang" ka lo ti a, tum burin a hawisan. Midangin min khap lem lo bawk a, rilru nuam deuhin ka chhuak. Min khap mahse ka chhungte vang hian ka rilru a nuam lo ngai lo. Tuman min hau nasa phal tak tak lo. An phun an phun a, min zilh a, a zo der.


Mawitei kohchhuah ka tum a, a theih der lo. Zan dangah kan chhuak zeuh zeuh tho si. A nu leh pa an khirh thar a ni awm e. Kal leh mai ka tum laiin reilote tal leng turin min ngem ngawng ngawng sia, phur vaklo in ka kal. Kawngkhar bulah pawh ka ding rei. Ka len apiang hian a nu in a fanu a lo fak vak zel rualin makpa ruihhlo ti lo mi hlawhtling an duh thu a zep tel ziah, Chhurbura a an an nen.

Door bell ka hmet a, an door bell ri lah hi a mak. Ka bialnu chhungte hi chu dangdai tak an ni. A nu ang lo tak a hmelţha veng Mawitei chuan a rawn hawng a, a tihziah danin a nui sang. Lut tur a min sawm nachang lah a hre lo.
"Min enreng dawn nge ka lo lut dawn?"
"E...lo lut rawh i lokal ka lo ring lo a, ka van lawm" a tih chuan ka lo nui hawk. A bialpa sual ţawng chhe ve tak hi min ngai ve em em.


Chhurburi chuan min melh no lo leh pek e. Ka nu hian chhurbura an chan chawp kha hmuhnawm a ti tlat pek a, kan en apiangin he nu hi ka mitthla ah a awm ziah. Sam pawr pheng phungin vaibel zu ve sela chuan an danglamna a hriat miah lo ang. Chhungkaw pa zawk ni awm tak a ni. Mawitei hi a fanu pawh a ang lo.


Sofa room a kan inzui luh laia min endan te chu. Keilahin ka lo en ve kher bawk nen. A ner nung a, min ten hmel. A zing thawh hlim hian naupang phei chuan hmu se an hlau ang.
"Lo ţhu rawh" a bula ka ţhut ve rualin min hnaih a, min ngheng ti tih nghal. A fanu hian min duh viau lo phei sela chu an in a len hi ka chak bik reng reng lo.


"I lokal tak tak ka ring miah lo. An lo lawm ngai silo che a, ka lo chhuah theihloh chuan i haw leh daih ka ring a" phur tak a tih pahin ka kut a vuan a, a kut ka lo hmer let ve.
"Ka ngai che tihna a ni mai. Sawlaia bomb pahnih saw ka tawn tlang a nia" a nu leh pa ţhutna lam en in a nui ver ver a, ka darah a lu dahin a insiamrem zui vat. Min rawn hmu pha tak tak chuang lo.


"Naktuk min lo hruai dawn em?"
"Ka hruai lo ngai che mi?"
"Buai thut te a awm ve thei a" a ti a, ka kut pakhat vuan reng chungin veilam a a zungbun min pek bawk a khawih leh. Ka bunsak hi chuan a lawm tawk em em.
"Tun a kan zirlai hi kan zawh veleh innei ang aw. Ka nu leh pa an khirh sia, hetianga awm chu a ninawm e. Bakah kan inneih vat loh chuan kan inţhen palh ang" a sawi ve ziah. Min neih loh a hlau lutuk hi a khawngaihthlak zawk. Hmeichhe tan a mawi leh mawi lo pawh thliar thei lo hian a awm fo a, a sawi lah a sawi ngun. Ka chhan lawk loh vangin min rawn en a, a ngaihţhat nan ka lo nui.
"Mawh" ngen ngawl takin a ti leh a, ka chhang thei ngai lo. Nupui chu ka la nei ang. A hun ka sawithei lo a, tihnual thei tur a intiam zung zung ka duh lo.


Ka kut a vuan tawh lo bawk a, a hmai zar tu a sam tlem tla chu ka hui kian sak.
"Engmah i sawiduh ngai lo a, nupui tlak loh min ti mi?" pangchang awm tak a a tih lai chuan ka lo fawp a, ngawih tir dan ţha ber. Mahse anu leh pa an hnaih em vangin a rei lo thung.
"Zo phawt ila kan sawiţha leh dawn nia. Hrim hrimin ka nu i ngam dawn mi? Zingah hma tawkah a kaitho che nga, zanah tlai tawkah a muttir leh che ang a, thu i awih loh vaih chuan a chhawr nasa lehzual dawn che. Ka nu ka hlau teh mai nia aw, nui miah lo a min en tawh chuan ka tlu dawn zel" ka ti fiamthu a, a nawm loh dan tur ka sawi ţhin a, ka chhungte sual vang ni lovin, thutiam zung zung ka duh loh vang zawkin.


"Pawi lo e kan awmdun tawh dawn tal a" ala ti tho.
"Tunah pawh kan awmdun hi"
"A in ang thei lo. Nu hlauhawm tih mai mai, ţhat ka chhuah char char ang a min duat vat mai dawn lawm" buaithlak ţhin ve. Ka kalbosan daih hi a hlau ţhin a, kalna tur lah ka hre der lo. Midang ka neihsan a hlau a, hmeichhia ka hnaih awm ka hrengai lo. Jenn leh Piggie bak. Ruihhlo hi ka chak lohna lai awmchhun a ni mai. Chupawh a pawm vek tho si.


"Lo lungngai lo la" ka ti ta ringawt. Ka remti ka tihna erawh a ni lo. Nupui lam ka la ngaihtuah chhin ngai lo. Ka awmdanah hian ka la lungawi rih. Lungawi chiah lo mahse a ti lang ngam lo. Min lo nghen leh lai chuan ka lo kuah a, a sam khawih pahin a hnungzang ka chul. Nei duh tam tak an awm dawn em. Lehkha a thiam a, a smart a, a chhelo bawk. A nu in mi ţha tak a duhpui nachhan pawh a nih ka ring.

Ka jacket hnuai a ka tshirt hak hmaa milem inziak a chhui a, thlem vak ngaihna lah ka hre der lo.
"I mutchhuak tawh em? Ka haw tawh dawn mi?"
"Aih" ţawng ţha duh tawh der silo min chhang rang nasa mai.
"Ka englai hi nge iduh a?" hei hi chu hmeichhia in mipa an zawt ziah an ti. Tunah pawh chutiang zawhna chu ka dawn nawlh hi.


"Min lo be peih em a ka ning a" ka awmah na vaklo in a beng. Cindy in min dim loh theih nen. Hriatchhuahna tur lah hi a tam.
"Engkim"
"Maw?"
"Engkim hi" ka ti nawn leh. Inneih chungchang sawina remchangah ngaiin "I nihna ang ang hian ka duh che. Ka tan chuan i khawilai pawh hi a mawiin a ţha vek. Hmeichhe dang ka mamawh lo. Hlauthawng tawh lo la, i hlauhthawn vang a min neih vat i duhna kha dah bo rawh. Chiang zawkin in ngaihtuah la, nidangah hunthawlah kan sawi leh dawn nia" ka ti a, min hmu thei chiah lo mahse a nu leh pa an awmhnai a, keimah vang a an fanu an khak ka hlau ve.

Dar10 velah haw turin ka inbuatsaih a, a nu kan kalpelh dawn lai chuan "Kan cctv chah chu a lo thleng har ngei mai. Tunlai boruak misual an tam tawh nen, in tin hian kan mamawh a sin mawle" a tih lai chuan ka nui chhuak teuh hle. An fanu hi ka ruksak nghal daih loh. Kei aia inpeih at zawk reng fanu a neih lai kar a, lawmthu min hrilh zawk awm tak.


"Ka nu hi chu a mak thei e, engahmah ngai suh. Cctv an chah lo hrim hrim, duh se chu leitur a tam. Ka awm rei ngam lo ka lut dawn" a ti zung zung a, ka dar a vuanin a dingdihlip a, a hmui leh ka hmui a rawn ti si a, awmsan leh mai a tum laiin ka lo man bet. A nu ven tur a awm tawh chuang lo. Mahni bialnu te chu kan thlahlel ve bawk ang chu. Ka duhdan anih chuan engmah a hnial ngai lo. Cctv pawh neise thinrim deuhin a en a en tawh nga nimai.


CONT..


BAD BOYS S2-8


CINDY

Ka hah lutuk. Kawngsirah ka ding a, thaw hlawi hlawi chungin ka kut pahnihin ka khup ka nem a, ka tawpsan duh bik chuang lo. Karkhat vel lai chu zingtin ka walk tawh. Ka in diet bawk a, ka eichak ngawih ngawih pawh ka ei ngam lo a, tui ka tih em em pawh ka ei tam ngam lo. Kan taksa hi mipa it tur a kan siam kher a ngai lo chung hian inrintawk na kan neih theih nan kan enkawl ve thei. Doctor hnen a inzai ţhat tir lam ka sawi lova, ka taimakna vang liau liau a a hma aia ka rihna te a hniam theih chuan ka duhtawk viau.


Ka hah zualpui a reh hnuah ka din na ral lehlam thlir pahin ka tui pai ka in. Tunlai chu Remruata hi ka hlimpui viau. Ka tan a inpekna leh ka nihna ang ang a min pawmzia ka hmuh te hian ka rilru a khawih a, ka landan ţha a tih ka ring hauh lo. Pathianin ka ta tur a min pek liau liau ah ka ngai mai. A ni ai ţha chu hmuh leh ka inring tawh lo.


Ka hmangaih lo tih ka hria a, ala reilo em a, in hmangaih tur hian hun rei a ngai kher lo tih te pawh ka hre ve. Mahse ka hmangaih aiin min hmangaih tu a hlu zawk. Keichuan nakinah ka la hmangaih chawp ve mai ang. Min dah pawimawh thiamin min zahthiam bawk a, a rawn leng ve ţhin tawh a, ka chhungte pawn fel an ti. An inpawh thuai a, ka nu leh pate an sual lo bawk nen, Remruata pawn a fak ve ţhin khawp.


Ka tlan rei tawh tho a tiin muangchangin ka haw a, kum khat vel zingtin hetianga ka tih chuan ka thauchhia tam tak chu a inpaih ka ring. In ka thlen hnuah reilote ka ţhu thlandai a, ka inbual zui leh a, hun ka ngah. Zing thawh hma hi chuan thil kan ti ţeuh hman. Taksa tan chauh lo pawh a hlawk thlak vek.


Kum tawp lam a ni tawh a, boruak ala vawt chuang lo. Ruah a sur zeuh zeuh a, ruahsur laia mut chiah ngaihtuah ţhin kha tunah chuan ruahsur hian ka lung a ti leng ve tawh. Vawiin chu ni a sa ţha a, Remruata nen kan kal ţhin vangin inrin nan rain card ang kha ka pai tho. A awlsam tho a, huh hluam a haw ai chuan leh pawn lam a ruah ban hun nghah hi ka nin zawng tak a nia.


Jenn nen kan inkawp chawt tawh bik lova, nun kan nei hrang ve ve a, engkim kan inţawm thei lo. Nitin inhmu tho mah ila charh beh ang maiin kan inzawm reng tawh lo. Nakin zel atana ka awmdan tur ka duan lawk a ngai a, chutiang bawkin Jenn pawh. A lungawi lo zeuh zeuh a, Remruata a dem lek lek ţhin mahse kan tar hun thlengin Jenn nen kan awmdun chawt thei lo. Ka kawppui, min chhawmdawl tu tur ka zawn ve angai a, an zingah hian a zawng zawngin ka tel hman tawh lo. Jo pawh a bialnu nen an kal hrang nitin a tuman an dem bik hleinem.


Tunah pawh Remruata nen kan kal rual a, ka thlen hnuah Jenn chu ka lo nghak mai ţhin. Kan inzui nasa tawlh tawlh a, a him chinah la awm mah ila kan inhriat tirh nen kha chuan inthlau tak a ni tawh. Jenn lungawi vaklo ni a a hriat te hian hrehawm a lo ti ţhin a, ka khawngaih ve ţhin. Ka bialpa a ni ber tawh a, ka bul a awm ve reng te a duh. Jenn a awm ve zel si. Kan class neih dan a in ang a, engkim a in ang ţhap ţhap. A chang chuan Remruata hian a ning lek lek ţhin a, ka dem hran lo. Christipher a insiamţha lehzual tawh a, a hma aiin a fel mah tawh zawk amaw tih tur. A khawhar ai chuan Christopher be mai ţhin turin ka hrilh ţhin a, a luhlulna in ala dang ve tlat si.


"In va hma ve" duhdah tawkin a sam a ţawn a, tshirt thawl hnawk leh jeans a ha a, nidang aiin a inchei lo lehzual. A thawmhnaw ka enlai a hmuh chuan "Ka tho tlai a" a ti lehpek. Kan kal rual ngai tawh loh hnu hian thawh a hai ziah a, duhdah deuh a rawnkal chang a ngah mai. A converse lah chu a hnung a la rap thlep zui. Thawmhnaw an ngaih pawimawh loh dan hi chu Christopher nen an in ang tawk chiah.


Hreh deuh chungin Remruata pawn min kalsan leh a, min rawn call leh tlut tlut tho ang.
"Tinge ka awm apiang hian a kal daih zel a" tih pahin Jenn chuan a sam ţawn kim theih loh tlem tlem rawn uai chu a hui a, Remruatna kalna lam a enzui vang vang.
"Nuam a ti bik lo anih kha. A hmaizah che a"
"Min hmaizah nge min ngaithei lo" a ti chang fak a, henu em em hi chu. A ngai kawi daih zel.


"In in biak hun chhung zawng chhut hian thla khat aiin a tam tawh em? Min ngaitheilo nghal tihna mi?" a ti a, a tho fu lo leh tawh anih loh pawn Chris nen an inhau aniang.
"Mipa a nia ka bula awm a chak ve ţhin a, chuvang mai mai chu" ka ti zung zung a, kan kal hma thei bawk a, inkawmna hun kan ngah ţhin. A hmun vel hi nuam ka tih em vangin a scooty nei zawk Jenn ka hruai hma lui ţhin a, a tirah ning viau mahse ngaiah a nei tawh.


"I bula awm na hun ka siamsak char char zel cheu hi. Zingkarah bak hian kan inhmu ngai hleinem. Mipa ho in thil ei ho an rawt changin kan awm ho leh a, thildangah ka tibuai ngai cheu mi?" ala ti kha kha. Remruata pawh Jenn kha biak ve zawk tur ania aw. Hetianga buai hi ka duh lo sin.
"A rilru a kawi miah lo nia, a ţawngtam lo a i hriat kha. Biak dan tur che a hrelo a nih kha" tiin bengdaih tum mah ila a hmel ala rum al reng tho.


Class neih chhung zawng rilru nuam lo tawkin ka awm. Engmah ka ngaihtuah thei lo. Jenn nen lah kan inbe zeuh zeuh ringawt. Min biakin a rul tawkin ka chhang a ni mah zawk. A remchan apiangin Remruata ka text a, bialpa nei ngai miah lo ka ni a, neih dan ka la thiam lo a ni maithei. Ka ţhiannu leh ka bialpa ang lek lek a ka kawm tawh mipa hi ka inhnaih tir thei lo.


Jo ten thil ei tur a min lo nghak tih ka hriat chuan ka lawm ngei mai. Boruak rit lutuk hi a lo manthiam em ang chu. Remruata ka sawm ve a, reilote nghah a ngai ang.
"Lo va lut rawh. Ka lo nghak ang, a reilo ang" ti a Jenn ka hrilh chuan a lo bu nghat a, a rawn kalna tur lam a enzuai hnuah min luhsan. Mi an tam lutuk em lo ang chu.



Remruata rawn thleng hah hmel lutuk chu ka lo nuih ver ver a, a hmanhmawh ve viau aniang.
"Khawnge i mei?" ka din na bul vel a en kual nghal vut vut.
"A lut tawh. Tukin khan biak ve tur che alawm. Ka tan a nuam lo a" ka ti dek dek a, "Biak dan ka hre lo. Duh aiin i ngaipawimawh mah mah" a lo ti zek. Ka ngawi hmak. Kan inzui lut a, Mawitei pawh a lo awm. Min melh no tehchiam lo. Henu in min ngaina lo ve ringawt hi a mak. Tihsual ka neih ka hre der lo. Engamah hma hian mi hi a ngei ve em em ringawt. Ka bialpa ka va chhuhsak pawh a ni chai si lo. Remruata aichuan Jo chu a ţha zawk mahse a landan chiah.


"Lo ţhu ru" Jenn bawk chuan min lo ko leh. Min lo hui a, min hui loh na lamah kher Remruata chuan min kalpui. A duh chuan avan ngeiawm thiam ve tak.
"I mit a va chhe awm ve, Jenn ban vai kha ihmu na nge? I kal----" Jenn chuan a ka a hupsak rawk rawk. Langsar deuhin Jenn thlavang a hauhsak leh ngam tawh a nih dawn hi. Neih let a tum ngang ngang bawk a a inti huaisen lehpek tawh hle mai. Jo chuan mit a rawn siai zeuh a, ka lo nui. Mawite in hmu se chu a haw lehpek ang chu. Thikthuchhe si, an bialpa hi a duh ve hluam hluam em.


Dawhkan hnuai midang hmuh loh chinah Remruata chuan ka kut a vuan a, khawlum sa nen ka sat belh ap ap. In kai fo mah ila tunah tak chuan a dangdai bik. Ka ţhiante ka enkual a, hria angin an awm lo vek. Jenn bula ţhut kan tum nen ka ţhianpa ve hian a kil lamah min kalpui ta daih sia, hnial chi a ni der si lo. Chris nen an eilai an ei mawp mawp a, an rawn hawichhuak lo hrim hrim.


JENN


"Ei vat la kan haw daih dawn nia, i nawm loh hmel" min tih chuan zawi te in lu ka lo bu a, an in ngaizawng tawh em ka hrelo a, engchin pawh lo thleng tawh sela min ngaihtheihloh em em nachhan ka hrelo.
"Ka in diet a thildang ka ei duh lo" Cindy te ţhutna lam ka hawi a, Joseph an a ei ai pek a lo tum mek. A lo hnar nasa mai.

"Hey in diet turin iti mi a?" a tih tak hluai ah chuan Remruata kan en ţhap a, a ngaihna a hrelo nasa mai.
"Ti lo. A thu liau liau a ni e" a ti a, pawisawi loh hmel zetin min enkual a, midang bula fel leh zaidam viau si min van ngaitheilo bik em em.


"Jo keimah ka lo ei ang" tih leh ban ka rual a, ka awmdan chu mak an ti nasa mai. Ka ei tlem ber zel sia, cher pawh ka cher ber a, ka thawmhnaw hak tawk pawh a lian lo. Ka hnute leh ka mawng pawh a te. Ka itawm loh ve thlawt a, pawi ka ti lo. Ţhatna nei lem lo mah ila ka lungawi.

"Aw kha ei ţeuh rawh" min ti a, a ngaih a ţhat tawh loh hmel. Cindy nen kan inbe lo a, kan inmelh zeuh zeuh ringawt. Remruata nen an nui dun leh hak ţhin a, ka thik lo. Thik nachhan tur ka neilo. An induhtawn anih chuan ka lawmpui lutuk. An inlaichin naah sawitheih ka nei lo. A remchan dan ang angin hun ka pe ve hram hram zel zawk. Amah zawkin min thik anih leh thuhran mahse rilru sual leh chhia ka pu lo a, hlim deuh a an awmdun ka duhsak ber.


"Kan lo va haw ange, engmah kan ei ve duh tak tak chuang lo" thip zet hian min rawn melh a, an lam ka lo hawi kher kher chu ka inchhir.
"Cindy i pen. I duh ve sia ka hmansak bawk che sia" tih nuah nuah pahin ka phawrh chhuak a, ka pen pek pawh Remruata zawk chuan a lo la. Cindy chuan min en lo hrim hrim.


An kal hnu chuan ka thaw huai. An uap a na em a, a chhan hre lo mah ila ka inthlahrung. Tihsual ka nei mawni te ka ti rum rum tawh.
"Jenn te in ah hian chaw kan eidawn a, vawiin chu bus a i haw a ngai a" ti a Joseph an Mawitei a hrilh lai chuan ka hawi â nasa ber ang. Kan chhungkua hian anni pahnih hi chaw ei ah kan sawm lo hrim hrim.


"Nia pawi lo. Ţhian ho eikhawm chu a ţha ve lawm. Jenn i ţha em? I ngui riau a" a tih zawm zat a, nelawm deuhin a nuisang reng bawk.
"Aw ţha e. Iduh leh lo ei ve la" ka ti mawi ve a, nungchang mawi ka lantir ve angai tlat.
"Nidangah ni mai rawh se. Tui deuhin in lo ei dawn nia" a ti a, a zaidam hmelin a fel khawp mai. A nuih loh chuan a hmel hi a rum ve a, thinrim reng hmel a pu. Mahse rilru chhe chi vak chu a nih loh hmel.


Ka tlan hmasa ber a, ka hnungah mipa pahnih ten min zui. Kan kal dawn thlengin Mawitei khan min thlah a, a nuam lo duh angreng. Vawiin ni chu a fuhlo ve thlawt. Ka nuih pawh ka hrelo.


"Chaw ei ah kan sawm reng reng hleinem cheu" ka bag ka dahthlak rualin zawi tawkin an la ţhu ve hnawk zui. An zaktheilo ania, an insawm chawp. Ka nu chuan engmah a sawi lo, a hrethiam a ni ngei ang choka ah a lut tharh a, an insawm chawp anih ber chu. Ka ute pahnih an awm tawh lo a, an tlangnel ve tlat tawh. An inpuh tawn ve ve a, a sawi hmasa zawk ka hreve reng si. Jo hi chu engkim a kan master a ni mai.


"Cindy kha ka lawmpui hman em em a" ka ep chiah ah an ţhudun a, Jo chuan min en duh lo lui. Tifuh a intih ve nen.
"A fel kha" ti liam puat mahse khapa awmdan kha a hmuh ve vat ka ring.
"Khatiang kha fel iti mi?" ka lo ti hlur a, Cindy pawh a dang bet tlat tawh anih kha.


"An chhungkua an fel, a nu leh pa pawh. Amah pawh a fel an ti" inringtawk zet hian a ti leh ngam tawh.
"Mi sawi dan ringawt a ni hleinem. Mi hmaah chuan lemchan a awl em hi. Langsar deuh a ruih bung bung ching kan nih loh chuan engmah an rawn hre dik diak lo" ka tih mawlh mawlh laiin ka bulah rawn insawn pheiin a kut a hum a, ka hmui zawnah mike angin a dah, hepa tak hi chu.
"I sawiţha em a, kan lo ngaithla nawn leh ang" a kut chu na tawkin ka bensawn sak.


"Tak takin hrehawm itih hmel em a kan zui haw che. Chaw kan lo ei dawn lo. I ţhat leh ţhat loh kan lo chian anih hi" a ti a, Chris ka en a, lu a lo bu zeuh.
"A ti dik. Kan ngaihtuah che a" alo ti ve charh charh.
"Eng rilru pu in nge i tihpui a i inbiak tir reng reng a" tih pahin ka bul chiah a ţhu Jo chu ka kut pahnih in ka nem a, a nui te chu ka ngei.


"Cindy ka ţhiannu ania, mifel ka duhpui a, nilo sela chuan ka biaktir nang. Remruata lahin min zar nasa a, hmeichhe amaw ka inti ţep alawm"
"Uang ziah suh"
"Awle awle" a ngawi hmak. Ngil auhin fel hmel tawkin a ţhu a, kan awmdan chu Chris pawn a hlimpui anih hmel min lo nuih ve vur vur.


"In chungah eng thil mah a lantir ve ngam lo a, keimahah hian a bur bun vek a, min be ngai lo a, ka awm chuan a kalsawn zel a, khatianga a awm khan Cindy in hrehawm a lo ti ve tawh ţhin si. Ka inthiarfihlim hram hram zel a, inhmuh hun chu a awm lo thei lo a" tiin ka mipa ngamtlak ber ber ţhin te pahnih bulah chuan ka ang bawrh bawrh a, an ngaithlak hi a tawpna a ni mai. Ţhuiphui ang hmak. Hre leh tur an awm tawh chuang lo.


"Ava ţhalo ve, a ten che anih dawn chu. Bal deuh deuhin i kal ţhin a mi?" ka thinrim ka thaw hawk a, ka chhang peih tawh lo. Thu pangngai sawipui theih reng reng loh mai.
"Haw rawh u. Engmah min chhawk lo. Cindy hi a rukin thli thlai ula ni mai" ka tih takah chuan "Hmeichhia chu in ang a, sawipui cheu ila in thinrim a zual zel zawk a?" a lo ti ve khauh. Kan thlen hnu a a vawihnih ţawng ve na chiah.
"Chris sawi kha ka ţawmpui. Thinrim tual tual rawh se tihna ang chauh. Min seh chawt hma zawng ngaihthlak a ngai a" ka hre lo der. Chris nen a kan inţhen lai pawn a tirah ţha deuhin min sawipui a a tawpah fiamthu hlir in. Ka rin aiin kan inkawm rei thei phian lehnghal.


Ka hmuh tirh a ka ngei theih zia te kha. Ţawngthei si min tibuai peih si. Ka hne ngawih ngawih zel kha a nia, ka tan a ţangkai ta phian sia.
"Cindy hi nangman nei mai rawh" phawk hru in min en. Kan vawikhat sawina anih loh nen hetiang kan sawi apiang hian fiamthu lo a kan sawi chuan a phawk hru zel.
"Hun pe rawh Remruata chu ka lo zawtfiah ang. Min sawizawm tawh suh. Ka ţhianpa bak a nilo ka tih tawh kha"
"I duh a, i inhre lo mai mai" Chris pawn a rawn ti veleh. Ning hmel a pu tawh.


"Ka duhzawng chu ka hria a Mawitei pawh ka kawp chawt hi. Ţhian kan ni, ţhianah a tawp. Ka ngaihven pawn ţhian angin. Thildang a awm lo a, ngaihdan diklo nei tawh suh u" a ti a, kan kum ala tlem ve deuh lai kha chuan a thau zia sawiin a ang tun tun zel anih kha.
"I duhzia kan hrevek. In bum tawh lo zawk mai rawh. Hmangaihna hi landanah an teh ngai lo. Thinlung zawk hi a pawimawh. I hmangaih chuan puak lek lek khawp a sen ţul pawn thau se i ngaihtuah ber ang a, ţha iti ber tho ang" Chris-an a tih lai chuan a lo uak der vel.


"Thau mahse a hmelţha a" ka lo ti ve bawk a, "Hman ang em em chuan a thau tawh loh hi" ka tih zawm zat bawk. Earphone a vuah a, ka hmuh lai rengin a ti ring sauh sauh. Chris nen beidawng deuhin kan in melh ngawt ngawt a, ka thaw hawk. Cindy rilru a pen tak tak hma hian inpawm mai mai se, nei let vat se ţha ma tur.


CONT... (He thil hi complete in ka dah tawh a, a thui lo ang. Ka complete na a rei tawh vangin zan khat ah pawh chap hnih zelin ka lo dah thei a, a dang ka duang leh mek a, in lo ngaichang leh zel dawn nia)

BAD BOYS S2-9


CHRISTOPHER


"Kanpa an sawn a, thingtlang a kan awm a ngai dawn a, i hrethiam ang tiraw sawrkar hnathawk hi chu sawnkual reng hian kan awm a" ţi dekin ka khup a rawn vuan. Pasal a nei pawh tih tawh nak laiin. Ka nu leh pate kiangah lah ka awmpeih der lo.


"Awm ula nimai lawm. Thingtlangah awm han awm thu vek ula" nuihzathlak sawi ang vel ka ni.
"Boruak a ţha lutuk. Iduh chuan lokal ve la, thingtlangah i awm thawveng ang a, i rin ai daihin a nuam ang"
"A theih rih loh hi" ka lo ti hmuk. Jenn tello chuan ka peih lo. Jenn awmna apiangah ka awm ang.


"A theih veleh. Min sawn thut thut zel hi a buaithlak, pension vat sela, mahni inah ngei awm nghet vat ila ka ti ve ţhin a sin aw. Nangpawh puitling deuhin awm la, hna ineih veleh nupui inei ang a i khuahar lo mai ang" hna harsat zia hre ve awm tho si hi. Mahse kan chhungkua aţang chuan a har ve lo. Mizoram ah pawh hian Pathian hming lam reng chungin felfai leh thianghlim tak a thil tih a awm tawh chuang lo a, ka hmu ve vat mai ang.


"In kal dawn chuan kal vat vat ru. Hetah rawnkal tawh suh"
"Ka fate i ngai dawn lo mi?" a tih mek laiin " Jo a rawn lang hlawl. A pawr chhup a, nimin ah class kallo mah ila nimin a kan inhmuh laia a thawmhnaw hak ngai kha ala ha.
"Nizan ihaw nange?" Mami nen kan ti rual. Choka ah lut tlangin tui bottle nen a rawn let leh a, chauh hmel tak a ni.


"Nizan ka ti bo" ka lo nui hawk. Mami thung chuan a hrethiam lo.
"U Lawma in a ka kal lai ka hria a, a tir lampang nen, dar9 vel aţangin a bo"
"Mawite in min rawn call ngat ngat lehnghal. A damlo a, a mutawh niang ka tia" ka lo tih chuan a kutzungpui min rawn hmuh a, ti ţha ka inti ve hle.
"Ka phone ka off ka la on lo. Mawitei bakah ka chhungte" a tih chuan ti tur a min duh ka hre thei mai.


Mami zawk chuan min entawn zak zak a, Jo awmdan hrethiam ve tawh a ang.
"Sualna hian a daihrei lo ania aw. Tunah phei chuan in hma hun tur ngaihtuah a ngai takzet tawh. Puitling inni tawh" Jo a awm tho bawk a, hetiang lam a sawi dawn chuan haw vat se a ţha.
"Haw rawh"
"Eng nga?" ala ti ha lehnghal. Ka hnunglama kawngkhar chu en mang lo a kawh pahin "Haw rawh" ka ti leh nghut.


"Teuh lo mai" a ti ve tlat. Zing dar7 vel a ni tawh a, dar6 ah min rawn kaitho.
"Jo thingtlangah kan awm dawn a, lo zin ţhin ru aw"
"E.. Tehreng mai. Nula chhelo ber ber te kha lo ti tlangnel la" ka rin ai takin a phur.
"Min ngaih loh hmel e. Ka fate pawh in ngai dawn lo mi?"
"Hmelchhe emai" tih liam puat pahin tui a in leh khawlh khawlh. Zan lam a a thil tihin a ţhing na deuh ni maw.


"Rawng ka bawl ang a ka haw ang" tih leh choka a luh a rual nghal. Min phut angin a nu ka biak sak a, ka biak lai chuan Jo pawh ka bul lawkah damlo ang maiin a rum nasa. A nu chuan a lo ngaihtuah khawp mai. Nu hmangaihna nge nge a ropui.


Nilengin kan inah a awm a, phone pawh on leh ngam tawhin Mawitei nen pawh an in be ţha leh thei tawh anih hmel.
"Lokal a tum. Na viau turah min ngai a" a ti zuai raih a, a hmuhchak loh hmel.
"I lawm zawk lo mi? Jenn chu lokal dawn se ka phur khawp ang chu"
"Aih inhmuh reng, inbiak reng, ka peihlo ve ve"
"Cindy ni ta se"
"Min sawizawm ziah suh" a ti leh hlur tawh. Mawitei a duh tak tak lo a, Cindy sawi a duh bawk si lo.
"Bakah a hlim" a tih zawm leh a, a hlimchhawn ah chuan an hlim vek ang. Thil nihdan tur pawh a ni. Remruata a fel loh chuan an hlim reng kher nang.


"I chapona vanga iti lanchhuahtir hreh anih chuan i inchhir khawp ang aw. Tun bak ka hrilh tawh lo ang che. Hmeichhe dang daih i bul a an awm lai pawn Cindy chiah i ngaihtuah tho ang" ka tih chuan ngaithla ang pawn a awm lo. Ka sawipeih tawh lo.


"Mi inţhianţha hle hle lai in ngaihzawn tir phet tum te chu" tiin a phun sup sup a, ţhian ang bakin a en lo tak tak pawh a ni mahna. Mawitei a rawn thlen chuan ka inthiarfihlim a, tih tur hi vang thei tak a ni. Jenn ka be tlut tlut a, a u nupui neihna tur vel an buaipui lai anih vangin a buai nasa. Min be hman mang lo. Amah chiah a ni tawh dawn a, hna neih hun pawn ka neih vat theih pawh ka ring ta lo. Hmeichhia lah hian chhuanlam an siam thiam rapthlak si.


Kum10 vel tal chu keimahin ka la awm dawn nih hi tih rilru pahin khumah ka mu zangthal a, ban ka phar duai. Ka duh poh leh a induh a, ka duhlo der ngam tawh der lo. Ka neih let hunah phei chuan ka thlah tawh lo lehzual ang.


Ka pindan kawngkhar an rawn kik chuan ka ţhuchhuak hluai. Jo chu nise a rawn lut tlang awm sia. Ala ri reng a, mak ti ru deuh chungin ka hawng. Mawitei a lo ding reng.
"Chaw ei hun ţep tawh mahse eitur ka siam tho a, ka siam kep che lo ei rawh"
"Khawnge Jo"
"A damlo sia" ka nui a hmuh chuan mak ti hmel a pu. Hmela mai mai chu.
"Aw ka rawnkal ang. A ngai kher hleinem" ti mah ila hmeichhe dang eisiam hi chu keini ţhianho siam ai ngawt chuan a tui deuh.


Jo damlo chu choka ah pawh a rawnkal peih lo. Lem a chang rei peih mai mai. Mawitei a tir kual char char a, pakhat lahin a ti ve mai zel. Thildang ah chuan ka hrelo a, nupui ţha tak anih theih erawh kei takngial pawh hian ka ring ve. Cindy ka la duhpui fan thung.



JENN


Min rawn call char char, tih tur tam bawk nen. Inchhung remfel angai a, bungraw rit pui pui chawi ngai nen. Chaw pawh kan in ei chhawk a, zanah pawh kan awl dawn lo a ang. Ka pa in ka fapa neihchhun nupui neihna chu a pui thei ang berin ka duh a ti miau a, kan inbuatsaih nasa.


"I phone a ri reng. Ko mai rawh hei mipa tih tur a tam hi" ka nu in a tih takah chuan ka ko ta nge nge a, a phur viau na a Mary a awm ve a keimah ka phur lo. Ka u hian a lo lawm tehchiam lo ang tih ka hlau. Kan inngaihzawn lai pawh a a duhlohna lantir nasa ber kha a nia. Kan inţhen pawh khan a lawm letling mah zawk anih kha.


An rawn thlen chuan ka thaw huai. Amah chiah a ni lo. Joseph leh Mawitei an tel ve. Ka nu in a lo be vat vat a, "Reilote chawl ula min pui dawn nia" a lo tih takah chuan a rem remah an ţhu. Mawitei bula kal pahin "Iva fel ve" ka ti a, a phone min hmehbel nghal chawt chawt.
"Ka nu min biaksak rawh" ngenngawl zet hian a lo ti.
"Ka u in nupui a nei dawn a kan in ah riak rawh se ti rawh" a ti leh zat zat a, pawnah kan inkai chhuak dawr dawr.


"Mawitei nu a ni em?"
"Ni e khawnge ala awm? Rawn haw nghal rawh se" a rawn ti pawr khawp mai.
"A ţhiannu ka nia, ka u in nupui a nei dawn a, in min tihfel pui a, ka nu in riak nghal mai dawn se atia" tiin dawt ka sawi zat zat. Min rawn hnial char char a, ka dil lui char char, a tawpah apa zawkin phalna a rawn pe ta nge nge. Mawitei nen pawh kan thaw huai.


"Khawnge i riah ang a? Jo bulah mi?"
"Teuhlo mai. Ka pasal ala nih loh hi. Ka ţhiannu te inah ka indah tir mai ang" a ti a, ka khawngaih reuh.
"Kan in ah riak mai rawh ka khum a zau tho" ka ti a, Cindy nen pawh duhtawkin kan mu dun thei.
"I phal tak tak a mi?" phur taka a tih chuan nuih ver ver pahin ka lo bu nghat nghat a, inchhung kan luh dawn pawn ka banah a kuah. Ţhian nei vak hmel pawh a pu lo.


Mipa pahnih chu ka nu in a chhawr nasa ngang mai. Chris chuan Mary a bel chawt a, Mary a zui duan duan a, a ngaina lo ber tu laka ţhat chhuah a tih tlangnel a tum ve nasa. Kan in hi kan singsa khat a, Mary pasal neih lai bak kan khawih leh tawh loh vangin a ţhen laiah rawng kan hnawih a, chhuat a far vel Mawite in min hrukpui mawlh mawlh.


"Cindy a lokal em?"
"Aih zingah kha chuan ka hrilh a, Remruata ten chaw ei ah an sawm a ni awm e"
"A tlangnel theih chuan a ţhat chu. Jo chu a chhungte ka la hmu lo reng reng" a ti ve thung. A hruai mai mai dawn lo tih te chu a chiang sa.
"Ila hmu ve mai ang. Ala rei lo a, nakinah chuan hne hluiin ila kal dawn lawm" ka ti fiamthu a, a nui veleh thei tawh.
"Cindy chu a vannei ngawt mai atchilh bur tu a nei a, Jo ve hi chu keimah zawk hi mipa ka ang"
"Nia a vannei. Jo chu tumah a ngaihsak hliau hliau thiam hleinem. A rilru a chhe miah lo a nia. I hrechiang ang a a rilru ţhatna i hre tam telh telh mai ang. Nangpawh i vannei lutuk" ka ti veleh mawlh mawlh a, hmeichhia hi chu kan in nel awlsam.


Dar8 ah pawh Cindy a lo la kal lo a, rawn luh haw kha a tum ngei sia. Ka ngaihtuah angreng. Remruata ka ring lo laklawh bawk nen, a chhe ber ka ngaihtuah a ni tawp. Bathroom ah ka lut a, ka call ta nge nge.


"Khawnge i awm?" ka ti nghal tawng. Ţawng pawh ala ţawng ve lo.
"Kan in ah"
"I lo kawi dawn maw ka tia, ka nu pawn min zawt a" ka ti a, ka ţhian dang te min zawt vak lo. A phut ngam lo. Cindy erawh a lam deuh reng.


"Nia ka tihpalh lutuk. Remruata te in aţanga kan haw kha hei a lo leng tlang a, kallo mai ang an zo tawh tho a atia" a rawn ti a, a aw aţang pawn nuam a ti vak lo tih a hriat mai. Keimah zawk hi ka lawm lo fe. Thildang chu nise thuhran. Hun pawimawh ah Cindy nen kan in phatsan ngai lo. Tet te school kal thei rual kan nih hma aţangin ţhenawm kan nih vangin kan inkawm char char tawh. Chhungkaw thil piancham lawm leh nupui pasal neih chungchangah mipa vang mai maiin kan la in phatsan ngai lo.


"Remruata kha phone pe rawh" ka ti chang fak a, ka thin a ur takzet. Ka hah bawk nen, Cindy tha ka phut a ni lova, rawn inlan ve hrim hrim sela, inneih ni tak la ni lo mah sela mikhual te pawh an awm ţan tawh a, ka ţhianţha ber a nihna angin lo ţhu tawp pawh nise min ţawiawm ve turin ka duh.


"Hello" a rawn tih te chuan ka thinrim telh telh. A aw hriat ringawt pawh tunah tak chuan ka peihlo mahse ka hau duh.
"Zan khat lek i len loh khan i thi dawn a mi? Eng ang chiahin nge min hmuh a? Ka bula a awm hian ramhuai bula inthawi tur ang hialin ami i ngaih a?" tiin zawhna ka zawt mawlh mawlh a, ka thinrim vangin ka awm te a tawt vek. Min la chhang duh miah lo zui. Tenawm leh lutuk.


"Nilengin i pawt peng tawh a, ka hrethiam zel. Diktak chuan Cindy nen khan hun pawimawh ah kan in ţawiawm ziah. I rawn lang a a danglam ta vek anih hi. Ka rin aiin ilo nep daih" ka ti a, phone ka dah hmak. Ka kal dawn.


"Ehe hei chuh....nghawng nghawng mai a" Jo chuan min lo fiam lehpek. Ka nuih a za lo.
"Mawite hetah Chris nen lo awm lawk ru a, Jo lo kalrawh Cindy te inah kal ang" ka ti a, Mawitei tan hriat a nuam lo maithei mahse Remruata awmdan hi hmu turin ka duh.


"Nilengin Remruata hian a pawt peng tawh a, tunah Cindy lokal loh nan a lenchilh leh a, ka hne takzet tawh" ka tih chuan min en ţhap. Jo ber chu a kawrah ka ţham a, "Lo kalrawh" tih pahin ka pawt a, ka fiamthu loh zia a hre bawk a a ding ve uaih.
"Kan lo awm ang. Mahse i thusawi tur thlang fimkhur rawh. Thinrim lai hian inchhir lehna tur thil sawi a awl ania" Mawitei chuan a lo ti a, phalna min pe thlap.


Cindy te in leh kan in inkarah hian in dang a awm lo. Insi chet erawh a ni lo. Thingkung pahnih a ding a, ţhutnan a rem deuh lung lian zet a awm bawk.
"Nu Hming, Cindy a awm em?" a nu in kawngkhar min rawn hawn miau a.
"Remruata nen dawrah an kal lawk anih kha. Lo lut ru" kan luhna turin kawng min lo kian a, a pa nen tv an lo la en. Ţhutthleng awl ah kan ţhu ve ran. Kan in bawr vel leh dawr a inhlat ka tih tawh kha.
"An lo chhuak chiah tak tak a, in nang hman ţep" a ti leh a, kan intawh loh danah vengchhak lamah an kal anih dawn chu.


"Vawiin a rawn lang thei ta silo a kan inthlahrung khawp mai. A ţhianpa hian a birh tlut tlut a, phone aţang lahin a be reng bawk a, khak deuh a ngai" hmeichhia na na na chuan a fanu ţhianţhaber ka nihna angin zawh kher ngai lovin min lo hrilh nghal. Ka la ngawi kar.
"An ti lutuk mah mah a, zantin a rawn lang bawk si, tunah pawh pui hman miah lo che in Cindy pawh a awm a, hetiang ringawt chuan naupai te a hlauhawm" a ti leh a, kuangkuahin tv a thlir pah reng.


A pa erawh chuan pangngai deuhin min bia a, Cindy te pawh an rawn let har lo. Min hmuh chuan an ding chawt. Min hmuh an in beisei loh hmel nasa.
"Lokal ru" a ti sep a, anu te awm loh na lamah kan inzui phei dial.


"Pawi ka ti lutuk. Kan hun hman danin a zir lo em a" Cindy chuan a ti ţha leh a, Remruata thung chu a ngai reng min biak a tum lo a, keipawn biak ka tum bik lo.
"Remruat pawnah cigarette zu ang" ti a Jo a lo inrawlh chu ka lawm ru ngei mai. Kan ţhiandun a muk tak a kan ti ti lohna a rei tawh. Englai pawn a lo tla zep a, a hruai hrang thuai zel.


Hreh deuh chungin Remruata pawh chuan a zui ve a, chuveleh Cindy ka ţhut hnaih.
"I danglam hma bik hle mai. Ngaihzawng ka neiin engahmah ka thlim ngai lo che. Khawi hmunah pawh kal ila ka hruai ve che a, i bula ka awm dawnin min lo be lo turin ka hrilh ţhin. Mahse chutiang chu ka phut ve kher lo. Vui na ka nei lo a, i hlim chuan ka hlimpui che. Hun pawimawh ah lehzel min ţawiawm thei lo hi chu mak ka ti ve deuh" ka ti a, ka vin lo. A hma ang em em khan ka thinrim tawh lo bawk.


"A rawn leng tlang dawn lo maw ka tia, zanah ka pui cheu nga ka lo riak nghal ang ka ti deuh a mahse haw a tum bawk si lo a, ka sawi pawn a rawn leng lui tho a" a ti a, a inthiamlo hle tih ka hria. A hmel ka hmuh chiah hian ka khawngaih letling zawk.
"I bialpa hian nangmah chiah hi a mi a duh? I ţhiante leh chhungte thlengin a ngaihven thiam vek a ngai asin. Thik tur awm ngawih ngawih chu an awm. Kei lehzel min ngaithei lo hi a mak ka ti. Ka sawi ngun tawh viau na a ka sawi bang thei lo"
"Ka lo hrilh ţha leh dawn nia"
"I mizia pawh reilote chhungin a danglam. Harhvang leh tha tho tak ţhin kha phuar tu inei. I tan a mi ţha ni sela chuan a hma aiin i hlim zawk ang a, delh beh tlat ang hian i awm lovang" ka ti dap dap a, a ngui riai zel maiin ka hria.


"Min duh lutuk hi a ni ber" a ti lehzel a, a sawichhe dawn lo. Bialpa te sawichhiat zut zut te chu ţhat pawh a ţha lo. Mahse a bialpa hi a insiamţhat tir a ngai.
"Hlau dui lo la, a thu thu in awm suh. Ka tihsual tawh naah khan inzir la, a hmangaih tak tak che chuan a rawn let leh em em ang. Ţhen inhuam rengin awm rawh" ka ti a, a tlai hma hian harhchhuak vat se, Remruata thai kawi mai mai theih hian awm lo se ka duh ber.


CONT..


BAD BOYS-10


JOSEPH


"Jenn hian i pawi a sawi a mi?" ka ngaihmawh na a rei tawh. Zawhna hun ka la nei lo zawk. An inkawp tirh aţangin ka hmuthiam tawh a, Mawite in min chim hneh ve vang hian a hranpa a hetianga ka hmu anih loh chuan ka peng hrang thei lo.


"Ţhian inkarah chutiang a awm lo. Ţhian an ni lo. Unau an nih hi. An inkar hi i tihchhiat dawn chuan Cindy ineih ka rem ti lo ang" ka hriat hlim khan mak ka ti ve tho. A hranpa a sualna a neih awm ka hre tlat lo. Jenn a ngaithei lo erawh ka duhzawng a ni lo bur.
"Englai pawn Jenn a ti reng a, Jenn sawi ang apiangin a kual a kual a"
"Thla hnih em pawh in la inzui lo. Hrechiang ber ang khan awm suh" ka lo ti hrawk.


A nupui ala ni lo. A mimal nun thleng a a thunun theih nachhan tur a awm lo.
"Cindy hi be tawh lo tur che in ka vau bet dawn nge, i ngaihdan hi i thlak dawn? Tun ang reng a i awmdawn chuan kalsan zawk rawh" tiin ka duh dan, diktakin ka hrilh. Mipa ve ve kan ni a, hmeichhia anga inhauh chiam chiam a rem lo a, hmeichhe sawiţhin zat ang a tam sawitur kan hre ve lo.


"Cindy keimah a a beh theih tak tak lohna chhan te hi Jenn a nih ka ring. A fuih a nih ka ring a, keimahin ngaihdan ka siamchawp a, Jenn lo chu hmeh bel tur ka hrelo"
"Nangmaha a beh tak tak theih nan chuan awm tum ta che. Midang mawhpuh tur zawng lovin. Jenn hian fuih tak tak sela chuan Cindy hian a be tawh kher lo ang che. Ngaihdan mawl mang tak tak lo nei tawh suh" hmeichhe hnaih vak lo chi a ni ve a, a duh tawh duh nghet tlat chi. Heivang tak hian Cindy tan pawh ka duhpui. Keini min haw ve lo a, Jenn a huat chhan lah a ho. Inţhen tir hi keichuan ţul ka ti lo.


"Ţhian ho a awmkhawm kan ching a, ngaihzawng te aia ţhiante ngaipawimawh chi vek. A nihna ang ang leh keini a ţhiante i pawm vek thei a nih loh chuan zanin hi i hmuh tawpna ber ni rawh se" a hmel hmu chiang thei lo mah ila ka thilsawi anga tih chu a hlau dawn. Min hmuh apianga Cindy chanchin bak sawitur hre lo. A thil tih hrechak em em ţhin kha a ni miau a, Cindy a hmangaih zia ka hria. Hmeichhia leh mipa in hmangaihna chungchang a kan ngaihdan ka hre lo na a, keichuan Remruata ang a hmangaihtu a neih ka ring lo ve tlat.


"Ka thiamloh a nih chu. Jenn pawh ka lo bia ang a, ka lo sawipui dawn nia"
"Itih theih chuan a ţha. Mahse Cindy chauh hi englai pawn i malkhalh thei lo. A hran pa a inhmuh hun chu a awm. Englai pawh a hruai hran reng tum tawh suh. Ihmuh duh chuan zanah te leng la, anih loh chuan a ţhiante ihmuh tel zel a ngai. Ka lo chik leh reng dawn che nia" ka ti a, a pawm ve hmel khawp hi. A zawm loh leh a chawh tawh anga ni mai. Cindy hian a ţhiante tumah a phatsan dawn lo hrim hrim. A nin tawp ah 'ka peih tawh lo' a tia nga, hawilet miah lo turin a rawn let vut mai ang. Chu chu Cindy ze diktak a ni. Thai kawi nuam viau si hi tih loh chin a nei a, chutiang a thlen tawh chuan tuma tih luih theih a ni tawh lo.


"Jenn i bia ang a, in in hriatthiam lohna te kha sawipui la, kan hmeichhe pahnih hi an landan chuan hmeichhia an nia, a nihna takah chuan mipa an nih hi aw, an thinrim chuan i ngam miah lo ang. Nachin pawh khan Jenn kha an in aţangin fei kan khawh zawt ang hian a rawn inkhawh chhuak" ka tih chuan a nuih ve suk suk kha.


A darah ka dawm a, Cindy tan a ka hmuhchhuah ve ngat a nih hi.
"I awmdan mekah hian ţhiante dem ka hlawh a, a nuam miah lo. Ka rintawk vang che in ka biak tir che a, i mize danglam thut kha dem ka hlawh mek. Jenn phei chuan min ţham lawp lawp tawh, an thinrim chuan kan ngam lo ka tih tawh kha. Ka duhsak che a, i duhber ka tihsak che a, ka thil tih min rulh let theih dan ber chu ka thusawi ang a i awm kha ni mai. Nupui tur a iduh anih phei chuan ka thusawi ang a i awm ngei ngei angai"
"Ka hrethiam" ka la sawi zo chai si lo. Zawt zawt hian.

"I duhna kha ka hrethiam ve. Mahse nangmah chiah ngaihven tur che a iduh lutuk na lamah khan i chan daih thei ania. I hawi lel lel mai ang. Hetianga i awm reng chuan chan daih mahla ka pui tawh lo ang che. Chuan ka lawm e" a dar ah ka beng leh tharh.
"I lawm loh vanga min kochhuak ini law mi?"
"Cindy i hmangaih naah" ka ti a, min chhan tumin a ang zuau a, a chip leh hmak.


"Hmangaihtu tak tak bul a a kal chuan thla a muang. Jenn laka i awmdanah lawm lo mah ila Cindy i hmangaih naah hian ka lawm. Jenn nen in inkar a ţhat phei chuan ka lawm lehzual ang. Ka thil tih zawng zawng hi ka rintawk vang che a ti ka nih hi hrereng la, min ti beidawng suh. Nangmah vanga ka zah leh vaih chuan heti hian ka ding hle hle tawh miah lo ang. Min ngam lo tiraw?" naupangchhia zet a ka tih chuan a nui hak.


Ka nun hman tawhah hian thil tam tak zirchhuah ka nei tawh. Ka fel famkim thei bik lo. Ka rui peih si. Mahse thinrim a thil tih bawrh bawrh hian engmah a chinfel theih loh. Ka thinrim vangin ka ţhianpa ka chan a, keimah vang a nilo ti mahse ka la in mawhpuh tho. Thinrim vang bawkin Chris ka ţhianpa ka chan hlen ţhelh a, Jenn vang chauh a hetianga awm leh thei hi kan ni. Thinrimna ka thunun a, ngaihtuahna ka hman ţhat a, ka inbengdaih hnu a thil ka tih hian engkim a chingfel zawk. Remruata pawh mipa ania, thinrim a ka nawr chuan ka ti zualkai zawk maithei. Cindy thlengin a tuar ve dawn. Ka ţhiante hi ka tan chuan lunghlu ang an ni.

Cindy phei chu amah a len ber ang hi lunghlu lian ber chi. Ben-a vang tal pawh khan hrehawm an tih a, an tawrh ai chuan ka inpe anga ka chinfel sak zel ang. An hriat kher erawh ţul ka ti lo. Min fak ang a, khatiang ţawngkam thlum kha ka ngaithla peihlo ka luak a tichhuak. Remruata pawh thiam deuh a tih hian Cindy chungah ţhat a chhuah lehzual ang a, Jenn nen a an buaina a chingfel thei ang a, keini a ŧhiante pawh min ngaithei zual zawk ang. An tan chuan Pathian ka ni ringawt.



CINDY

"Jenn number min lo pe. Thupha chawi ka duh" a haw dawn a a thil min dil berkher chu. Ka beng ka ringhlel rum rum zawk.
"Joseph khan engtin nge a tih che? A vau che mi? Kut a thlak che mi?" tih pahin ka thlek kual a, hliam a nei lo. Engtin maw tak a ti anih ka ring nghal tawp.


"Jo hi irin ang a nilo" a nui suk a, ka bo telh telh.
"Ka haw phawt. Ka lo bia ang che" a tih ziah danin ka biangah a piai zeuh a, a kal daih. Biang fual tawh sa nak laiin, ka biang thau hi a lawm a, min piai vak vak zel. Kan innei a fa kan nei anih pawn keimah ang chiah chiah a duh.


Jenn unaupa nupui neih ni chu mi an tam tawp. Kan buai char char a, inkhawm ban veleh inthlak mah ila chawlhna hun a awm lo. Remruata pawn a theih ang angin min pui a, a inhmeh lo turh turh khawp mai. Jenn nen pawh an ti ti ve nasa ţhin tawh. Hetianga an inpawh hian nuam ka ti lehzual.


Zingah pawh Jenn rual a ka kal a phal tawh a chuti chung chuan min duat lehzual emaw tih tur ala ni tho. A danglam dan em em hi Joseph ka zawh lahin 'Jail tan ka hlau ve lo a, ka that mai ang che ka ti' a ti bawk si. Chutiang em a a tih chu ring lo mah ila min hrilh ţha duh chuang lo hrim hrim.


Midang thlimin a rukin room mikhual ho inthlakna hnawk hnuaiah ka chawl ru. Ka hah lutuk. A lum si, ka che kual lui peih tawh hlawl lo.
"Bi ru ka man e" phawk hru a ka lo en laiin phone a phawrh a, thla min la laksak zui. Ka thlan zawng zawng nen ka hmelchhe viau ang chu.
"Nangpawh biru tur a lokal ve tho inih kha" vin deuh a tih pahin ţhutna awmchhun ka lo kawh hmuh tho. Ka hmazawnah chiah a nia, ţhut pahin hnunglam bang a ngheng a, a thluang duai bawk. Mipa nih hi chu a nuam awm bik, ţhutdan mawi leh mawi lo pawh a awm ve lo.


"Mawitei khawnge?"
"Pitar leh putar thingpui a pe ka lokal lai chuan" tiin pangngai deuhin min chhang ve. Kawtlaiah dawh mai theihin kan siam a, tar hi chu duhsak bik an ngai ziah hrim hrim. Kan ţhian zing ami ang maiin a inti tlangnel a, a tum bur zel hi ka la ngaina thei chuang lo. A nuih loh hi chuan hlauhawm tak a ni. Min ngei hmel thei si. Min en ve pawn min en rawm rawm zel.


"Engtikah nge ineih ve dawn?"
"I pasal neih hnuah" a ti a, bang nghengin mit a chhing. Kan ţhian ho min chhawr nasa a, a chau ve niang. Mary khan min chhawr nasa lehzual bik. Jo leh Chris ngat phei chu.
"Remruata hi nupui nei mai chi a nih loh hi"
"Keipawh"
"Min chhang ţha ve ţhin rawh" tih pahin ka tlawh a, ka ţhu ţha lehnghal. A awm ngai rengin ala awm tho. Ka ngei thei.


"A duat che em?" min zawh ve tehmial chu le.
"Duat e a theihtawp a chhuah ve a ang"
"In in kawt a phum chu ava hlau awm ve" a nui a mit ala chhing tlat tho. Tak a, Cindy te in kawtah ka phum ang che ka ti a ti tel tak e.


"Mawitei hi iduh tak tak em? Ka sawi awmzia chu i hlim em?" ka ti a, tunah hian ka hlimin ka inhria a, ka ţhianpa ber hi a hlim loh ka hlau.
"Ka hlim lo ngai a mi? Keite chu keimah chiah pawn thliarkar reh tawkah pawh awm ila ka hlim tho ang"
"Ka awih lo" ka ti hmuk. A chang chuan vei ruk nei run te hian ka hre ţhin a, ka ţhianpa hi ka lo hrechiang tak tak lo emawni te ka inti ţhin.


"Enteh Jo, sawi duh ineih chuan ka ngaithla thei reng ania aw" ka ti a, min hrilh vek turin ka duh. A nei kher lo maithei a, mahse a in ngaihtuah vung vung lai hi ka hmu zeuh zeuh.
"Thei ang chu beng ineih kha" lehpek hian. Buaina aneih chuan sawi ve mai mai ţhin tur hi ania, mipa pawh hi a chang chuan an inti pa mah mah zel. Rilru na thei lo ang mai hian an awm a, na ve thei hle tho si hi.


"Mawitei hian a duat thiam che a, i hlim ang. I vannei ngawt mai. Mawitei ang inei thei hi chu. Nangpawn duat viau rawh" amah enreng chungin ka ti a, danglamna awm lo.
"A ni mai ang chu. A fel mah mah zawk anih hi ka tan chuan"
"I fel ve tho lawm" a nui hawk. A awih loh hmel nasa mai.


A mit rawn mengin tlemin a ţhu ngil deuh a, kan in hmachhawn leh ran tawh.
"Remruata khirh tak tak lai kha chuan i ţhiante i phatsan lek lek anih kha tiraw?" a nui suk. Ka duh loh dan berin min fiam leh tawh. Ka inchhir ve nak laiin.
"Sawi ve ziah suh"
"Ngaithla teh Piggie, khawvelah hian ţhiante aia hlu an awm lo. Nakin zelah Remruata hi inei kher lo maithei. A tawk chin chu a awm a, i ţhiante lak aŧanga lak hran hmak tum tu che an awm chuan inngaihtuah nasa rawh. Inţhen ta ula, anih loh pawn a hriat ve chi loh buaina nei ta la i pan tur chu ţhiante tho. Hrereng tawh ang che, i lu len nen hian ngaihtuahna hman tum reng reng lo" deuh kher zel hian.


"Min sawichhe tel kher lo hian engmah hi i sawithei hlawl lo mi?" awki sang tawkin uar tawkin ka ti ve ngat. Min hnehsawh em em bik kher zel.
"Thu ţha ka hrilh che anih chu. Au vak vak suh min rawn hmu ang. Mary awm loh hunah kan chhuak dawn nia, thingpui min semtir te a tum. Min la haw hlur reng mai saw pawh saw hmarcha te ang mai thak tak mai" insum hman lo in ka nuih dan ţhan ngei maiin ka nui ta vak vak a, min khap nan a hmui ah a kut a lo dah vat. Ka insum ve na a ka la su dulh dulh tho. Ka kawchhung aţangin ka la nui ka ti mai.


"Hetah law in lo awm daih" kawngkhar vuan a Mawitei ding ka en phawt a, Jo ka en leh. Min lo melh rum nasa mai. Ka hlau lo ve sia.
"Kan biru a" ka lo ti a, a thil tih lai a zawh veleh Jo a zawng leh tawh niang.
"Chaw ei in duh tawh em?"
"Aih" kan lo ti rual. Min en dun he haw a, a hmel ve hrim hrim nge ka hrelo a ngaihdan a nih loh hmel thei engkim hi.


"Chris leh Jenn ka hmu bawk silo a, kawm tur an vang lutuk a, Remruata ala buai bawk nen" a ti sep sep a, a zam hmel ropui lehnghal.
"Lokal rawh" Jo chuan a lo ti a, keimah zawk ka inthlahrung. Min melh no loh theih sa nak laiin kan pahnih chauhin kan lo awm leh sia.
"Hetah hian a ţhut theih. Remruata chu ka va pui ang. Ka hahdam tawh" tih pahin ka ding sawk sawk a, Jo pawn min dang lo. Ţhian te hlut zawk dan sawi zawt zawt ve si hi.

"A ngai kher lo. Awm rawh hmeichhe tan a puih theih loh. Bungraw thiar luh vel niin ka hria" ti ve bawk mahse ka chhuak lui tho tho. A che nasa ve tho bawk a, hahdam ve tawh rawh se. A bialpa bulah chuan hahdam pawh a nuam deuh ang chu.


A sawi ang tak takin Remruata chu a buai khawp mai. U John-a nupui pawh a chhelo in a fel hmel. A nuisang reng a, an inneih ni chiah a nih vang pawh a ni maithei. Chris leh Jenn chu kilkhatah an lo ţhu dun a, an chauh hmel.


"Khawnge in kal a? Mawite in ka hmu lo a ti cheu a" an bulah ka inzep ve sawt sawt.
"Pawnlam kan tifel deuh a, ţhutthleng rem fel vek. Khawnge Mawitei chu"
"Room ah Joseph nen" min lo en ha.
"I lungawi chiah nange"
"Lungawi lohna chhan tur eng nge awm?" ka lo ti hlar. Kan kawppui te hi kan seng lut ve zel chu anih hi. Anih dan tur chiah a ni bawk a.


"A che char char a hah ngawt ang. Ka nu in fel a ti tawp" ala ti zui. Tupawn fel an ti ang. A hmelţha phian lehnghal. A pian zawng zawng nen, sawiselna tur hi awm se a vang viau bawk sia a landan ngawr ngawr ah chuan. Hmeichhe hmelţha tih chi a ni nge pawh ka hre lo.
"Remruata pawh a fel" Chris pawn a lo ti ve ngei. A va han fak khat tak. A la fak miah lo zawkin ka hre leh si.
"Fel e pui ve reng ta che u Joseph nen sawn" ka la ti hlak hlak a, an nui liam ve mai.


Chaw kan eihma lutuk a, chhun lam a thil ei bawk nen. Chaw ei pawh a tui lo. Tlai lamah kan ţhianho ah Joseph chiah a rui. Langsar lo mahse ho te a a danglamna pawh hi ka hre lutuk. A ruih leh ruih loh chu a mit aţang ringawt pawn ka hre thei.


"Piggie eitui em?" chaw eikham ah ka dinna bulah kalin min rawn kuah ham ham.
"I bialnu in a thik ang che" ka lo ti hlak a, a nuih a za nasa.
"A hrevek tawh. Ţhik enah a en tawh lo. Nang phei chu a thik lo ber. Ka ţhianpa ini sia" ka ngei tawk a van tling thei tak. Mi hmuh a in keh ur ur a ni thei si lo. A rui pawh ngei tawh nak laiin mi hi a sawisa tel kher zel hi ka hua.


"Nih tak chu. Ka ţhiannu ini ve thung ang a ni mai. I pa vak chuang hleinem" dawt ka sawi tih ka hre tho a a haw ve lo. School kan kal lai pawn pa ka tih theih em kha. Tunah lah kan inkawm nasa tawh ropui si.
"In diet tawh suh aw"
"Engvangin?"
"Zing a i walk hi chu i hriselna atan a ţha. In diet kher angai lo. Lanmawi duh vangin inhrem duh suh. I landan ang ang hian i mawi vek" a ruih loh laite hian hetiang hian min hrilh ţhin tur ania, rui lo se chu i thau min ti leh ang a.


"Kal mai teh. I ninawm ka duh duhin ka awm ang" ti ve mah ila a chesawn lo. A duh hun te ah lo chuan a kal leh awm lo emai. Kan ding dun ta reng a, kan ţhiante pawh kan hmuh phakah an awm. Mawitei chu Jenn nen an ti ti mawlh mawlh a, Remruata leh Chris ten uluk zet hian an lo ngaithla.


"Damian hi?"
"A rawnkal reng kha" a tih chuan ka hawikual ruai a, ka hmu chuang lo. Damian ţha hleithei lo hi a buaithlak. A tum ve nasa ţhin a, tumna tak tak a neilo nge a tlu leh nge nge ţhin. Ka hmu khat a, phone ah kan inbe lo bawk nen, home aţanga a rawn chhuah hnu a a chanchin ka la hrelo.


"Jenn chuan a ngaihven reng a, i ngaihven ve hman silo a" min ti ta zek lehnghal.
"Ala ţha em?"
"Rin ai daihin" a tih chuan ka lo thaw huai. Kan awm ho changa a bo bik daih hian thilsual a ti ziah a, ngaiah ka nei tawh. Ka ngaih a ţha lo ngei ngei.

"I pasal neih ni chuan i nalh ngawt ang" min ti a, ka chhan hma hma in midang bulah zawi tawkin a phei. A kal leh kal loh chu a thu thu ka tih tawh kha.


CONT..

BAD BOYS S2-11


JENN

"Tun chiah..." beisei nei zet hian min lo en run. Min nghak rei ve tawh bawk a lawm. Ka enchhin reng a, fiahna ka zawng ve reng bawk. Sawisel tur zawng reng mah ila ka hmu lo telh telh zawk. A insiamţha ve nasa. Ka rintlak nih a tum tlat reng.


"Tun chiah hun ka pe leh ang che" ka sawizawh rual a a hlim hmel chu hmuh avan nuam tak. Min chan leh hlau ni awm tak a nghet zet a min kuah chuan ka lo kuah let vat a, ka thlamuan ţhin zia kha. Hetianga min kuah lohna hi kum tam a ni tawh. Mi hrang ang maiin kan awm reng a, hmangaihna chuan min phuarzawm leh ta tho. Inneih pui a min sawm leh hunah chuan ţawngka chauh nilo, thinlung tak tak a min sawm tawh ka ring.

Min thlah hnuah pawh ala ring chiah lo tih hriat deuh hian min en a, min kuah leh ţhin. Heti tak hian a nghakhlel tih hria ni ila chuan reitak ka in nghah tir bik lo tur.
"Mahse ka sawi tawh ang khan i hunţha neih hi eng emaw thin thawk phut vang a i bawhchhe leh anih chuan min rawn beisei buai duh tawh suh" ka ti fak fak a, a hriatchian loh ka hlau em.


"Bawhchhe leh turin ka lo let lo" a ti a, khathil ang kha a thleng leh anih chuan a tuar tu tur zawk ka ni leh. Hrehawm ti takin rei tawk ka awm leh ang a, ngaihtuah pawh ka ngaihtuah ngam tawh lo.
"Mi zawng zawngin min ring lo a, ka nu leh pate thleng a ka tih beidawn hnuah pawh nangchuan min ring tlat a, naupang te ka ni chung a min ngaihven hman lo khawp a an hna a an buai lai pawn min ngaihven reng a, khang hunlai khan lo hrethiam ni ila chuan kan na lo ve ve ang a, kan inkarah khi awm miah lovin kan awm reng thei tur a nia, ka thiamloh a nih kha" a ti ta nge nge. Ka ngaihsakna kha a hriatthiam loh mawlh ka hlau ţhin a, a hretiam ta chu ka lawm hle.


Pangngai takin class pawh kan kal chho ve zel a, Remruata pawn kan kianga awm nuam a ti ve ta in ka hria. Cindy ala duh em em reng a, tupawn kan lawmpui. Ka ţhianţhaber in amah atchilh tlat tu a tawng hi ka lawm. Intih thiamloh an nei ngai lova, ka rin ai daihin an in mil. Cindy lak hran a tum zui tawh lem lova, a leng fo tih chu ka hria, chu chu a tih tur ania sawitheih ka nei lo. An pahnih a inremsiamna a ni tawh.

Chris ka bulah a awm tam lehzual. Nitin min rawn hruaiin min thlah lehna, school kan kal lai ang bawk khan Cindy leh Remruata te nen kan inzui dial dial ţhin. Kan kal rual loh pawn kan hman tlang bawk a kan haw rual deuh ziah. Kan zawh hnu a kan tih zel turin kan rilru a kap tlang leh tawh. Kan lo upa ve ta khawp mai.

"Keichu pasal ka nei dawn" Cindy chu kan en ţhap. Hna neih hma a pasal neih a tum ngai miah si lo a, Remruata ber ber chu a makti ah a ţang lehnghal.
"Nei dawn lo mah ila mo kawr tal chu ka hachhin tho ang. Tunah chuan inhmeh ka nei ve deuh tawh ang a" a tih chuan kan lo nui dial. Tlemin a thau a paih ve deuh a, thau tih tur ang chu ala ni tho. Nalh lo bawih khawp erawh a ni tawh lo. A tum a ruh bawk a, a fakawm khawp mai.


"Private school a hna dil bak tih tur em em ka hrelo" Mawitei pawn a lo ti ve sep. Hna hi a vang em a ni. Tihpui tu neihloh phei chuan hna kan hmuh loh inring zawk ila hna hniam leh hna sang thliar lo in a rem rem thawk ila a ni mai.
"Designer nih ka la chak reng"
"Zir leh a, mizoramah zirna awm tawh tho a, zir chhung a reilo e" Mawite in a lo ti vat. Ka chakna a rei tawh. Class12 ka zawh khan zir ka duh a, ka chhungten an phallo zel. Heti hian tum loh deuhin ka la zir ve ta zel anih hi.


"Hun kan la ngah chutiang sawi a la hun lo" Jo a lo inrawlh ve. Hawi vah chungin min enkual a, a thawven hmel nasa. A ni chu a zawh hrim hrim chuan a pa aţang pawn a hmu thei ang chu. Chris leh Jo chu an ngaihtuahawm loh ang an chhungten thil an tithei alawm. Fair vak lo a thil tih an hreh lo ve ve bawk a hna chu an hmu thei mai ang. Ka pa ve thung chu doctor a ni a, mi dik tak anih vangin engmah ka beisei lo tih theih a nei lo bawk a, thawh na tur chu awm ve zel mai ang. Jo sawi ang khan ka la ngaihtuah peih lo. Kan zo dawn chiang em tih pawh la hriat loh. Hun kan la nei nual.


"Cindy in pasal neih chak viau mahse keichu pasal neih hma ka duh lo" ka lo ti veleh. Min en veleh ta ţhap. Chris ngaihdan a nih loh hmel nasa, pawi lo emai. Min nghah theihloh leh a thu. Min nghak leh thovang.
"Fa ineih theihloh thleng ţhak i in upbet dawn mi?" Jo chu thip zetin melh mah ila a nui suk duh chauh.
"Teuhlo chumi hma chuan ka nei ve ang chu. Ka kham hnawk thleng a nulat phawt ka duh" ka ti a, tuman min chhang peih tawh lo. Ka hmuh tur ngeiin an in bia a, a ţhenin phone an en. Anni chuan Chris nen a innei vat turin min duh miau alawm.

"Pasal neih vat chu i tum lo tak tak maw?" kan in kawt a kan awm hnu thlengin min la zawt. Kalkawng tluanin neih vat ka duhloh chhan min zawt char char bawk.

"Tum lo ka tih kha. I duh leh nupui dang nei mai rawh i hmanhmawh viau chuan" thutak deuhin ti mah ila a neih ka ring lo. Tun dinhmunah tak phei chuan keimah lo chu neih tumna a nei lo chiang ngawt ang.


"Tum lo e. I thu ber, i duh hun hunah ni leh mai rawh se. Hna pawh ka la nei chuang lo a, nghak leh ngat ngat mai ang" a tih chuan lawm avangin ka lo nui sang. Tiam mai mai lo in ti tak tak tawh se ka ti ngawt mai. Rinhlelhna leh hlauhthawnna ka nei leh ţhin.
"Ka lut dawn zanah lo leng rawh aw"
"Awle" kal hmasak a tum miau loh vangin ka luh san.


Tunlai chu ka chhungte pawn ka bul a awm nuam an ti ang. Kan monu in chhuat a lo nawt a, a sual ring miah lo mah ila rin ai daihin a fel. Kan in hi a in ang chiahin a ngai thiam a, ka nu leh pate pawh a duatin an kiangah a awm reng ţhin. Ka u hi a hrangin a be melh melh ngai lo a, a ko hrang ngai lo. Ka u pawn an in ngaihzawn lai aţang tawh khan a fak ţhin reng a. A lo faksual lo a nih hi.


"A siam dan enchawpin pancake ka siam ve ngei. Rin aiin a tui daih lehnghal, va ei ve chhin rawh" min hmuh rualin min lo hrilh nghal mawlh mawlh.
"I intithei" tiin ka fiam a, choka ah phur tawkin ka lut tho. Ka eitur a a dah chu a lo chhin thlap.


"A tui em?" chhuat nawhna keng reng chungin a rawn dak a, hmuam ţun chungin ka lo bu nghauh nghauh.
"Ei zo vek rawh midang chuan kan ei vek tawh" a ti a, a thil tih lai a tih chhunzawm leh. Ka nu leh pate hian ka u pawh a hma a hnathawk a a awm naah kal an phal tawh lo a, kan chhungkua kan tlem ve ta bawk nen, kan bul a awm chungin eng eng emaw a ti kual a, mo kan nei bawk nen kan khawhar a zia ta deuh.


Zanah ka sawm ang ngeiin a rawn leng. A rawnkal hma em em lehnghal. Ka chhungte pawh hian ngaiah annei tawp tawh. A ţhatna lai chiah a hmuhtir bawk nen, phalloh dawn pawh a phalloh chhan tur an hre tlat lo. Mary lah nise John te inneih bawr velah khan a ti lawm hneh a, a ni pasal nei ve tawh chuan mipa leh hmeichhe inhmangaihna te alo hrethiam ve ta bawk a, duh em em ang a awm in ti huam lo mahse a chanchin min zawtin a sawi ve zeuh zeuh ţhin. Mary berin min pawmpui chuan ka lawm a ni mai. Nu leh pate chuan an fate nat ai chuan an duh vak loh pawh an neih tir mai a, ka nu leh pate hi chu ka huphurh lo.


"Iva hma ve"
"Tlaiah khan Jo leh Mawitei ka inah lawm an lo haw daih" a ti a, "Kawngka a lo inhawng a, Jo chiahin chahbi a nei ve. Hauh ka tum a, Mawitei a awm ve sia. Rawngbawl turin alo in buatsaih mek a, ka hau ta lo" a ti mual mual a, Jo hian a ngaihsak hluak ngailo a, a bansan lem hlei lo bawk. An inzui ve reng a, Mawitei thlavang hauh erawh a pe na ve mahse a awm loh lai chauhin. A awmlai chuan Cindy a tih angin na tak takin a fiam ve fo. Mawitei pawh a tirah zak ţhin viau mahse ngaiah a nei tawh niin a lang. Fiam let ve rawh tum ve viau ţhin mahse a ţawngkam thiamna in a tlin lo.


"Vawiin khan ka sawi theihnghilh daih a, ka mumangah kan lo inţhen leh a" ka tih chuan a nuih a za. Kan lo inţhen tak tak. Kan inţhen chhan pawh a ngai ang chiah. Ka hlauhthawn luatah hian ka mangphan ţhin aniang.

"Hmeichhe mumang chu a letling ţhin an tih kha. Kan inţhen dawn lo tihna nih chu" a lo ti awlsam et.

"Kan inţhen dawn lo iti ziah lawm" ka nui zui hak. Hunkal tawh sawichhuah duh lo viau mahse hmeichhe chin dan ve hrim hrim aniang ka lo sawi leh ţhin.
"Kan inţhen dawn lo ka ti ziah tawh ang. Kan innei ang a fa kan nei ang a, fa kan neih phei chuan kan inţhen thei tawh dawn lo. I hlauhthawn viau chuan min nei vat mai rawh"
"Ti leh ta" ka lo ti hlar. Sawiţha a intih hmel nasa. Kan inkawp leh hi a tir kha chuan kan lai ve deuh huih a, a daihrei hran lo.


"Hlauthawng deuh a awm reng chu a hrehawm dawn em a, i hlauhthawn loh nan min nei mai la" a la ti sauh sauh a, fiamthu thawh a tum ve dan lah hi a mak thei si. Ka nuih pawh a za ngai lo. Kan inhnaih tawh tehreng nen ka hnaih lehzual theih nan a lamah min pawt hnai a, min pawm lo chauh. Min ngai em em reng ringawt. Keipawn ka ngai ve tho. A lo leng ziah chung hian a haw hian ka ngai ziah.

Kan naupang ţha leh ni maiin a hriat. A lo leng a, a haw a, in a thlen veleh min rawn hrilh a, kan inbe chhunzawm char char zel. Dal tu kan nei ta lo bawk a, min hmangaihna a lantir ve nasa in min ngaipawimawh thiam em em tawh bawk a, tunlaia ka hun hman ţhin dan tak hi chu a nuam tih bakin ka sawifiah thiam lo.


CHRISTOPHER


Tun a ka hlimna hi thleng min dil se ka phal kher lovang. Mamawh dang ka nei tehchiam lo. Thingtlang a awm tur an nih vangin ka u hian ka tlawh a beisei ţhin a, ka tlawh khat. Min hmu khat lutuk chu a ngaih a ţhalo lek lek zawk. A changin a rawn vui a, a chang leh amah a rawnkal a, Jenn vang a ni tih a hriat erawh chuan a lawm. Jenn bula ka awm phawt chuan min ngaihtuah ngai lo.


Ţhutthleng ah puan sin in kan ţhudun a, The notebook kan en. Khua a nuam lo a, ruah a tla cherh cherh reng. Sur tam lo mahse boruak ti dai tawkin a sur. A hmalam zawkah ţhuin min ngheng ar ar a, keiin lukham lian tawk pathum vel ka ngheng ve. A che sek lehnghal. A insiamrem reng a, ka chet ve lahin a lo phun hlak zel.


"Romeo and Juliet hi ka hne thei lo reng reng. Ka en hian ka ţap ve ziah lehnghal"
"Ka hria" ka lo ti hmuk. Hneawm khawpin ka hria.
"E...ka enpui tawh tak che" a ti leh lawi a. Hetiang lam hi hmuhnawm ka ti ve tehchiam lo. Hmeichhe lam chan deuhah ka ngai. Romeo and Juliet a ti reng a, kan endun zat pawh ka hre tawh lo. Rilru pe lo deuh pawn en ila an awmdan tur ka lo sawi lawk vek thei tawh.


A chang leh Korean drama min enpui a, an ţawng lah chu a hnuaia inziak chhiar tel zel a ngai lehnghal. En tui a har awm hi ka tia. An in a ka len leh kan endun ţhin aia u hret mizoţawng a an lehlin a nu leh an monu te nen uluk em emin biak ngam loh khawpin an en leh a, mipa tan a inpawh na hun a nimai tiin a u leh a pa ti ti ka zawm ve ţhin. An en zo meuh chuan a tlai tawh a, inkawmna hun kan nei tlem thei. A chhuah loh zan chuan hma tawkah ka kal ţhin.


"Ka la enchak reng. An thawnhnu hi a ropui e" a rawn ti leh a, ka lo ner nawk.
"I en chuan ka mutsan ang che"
"Ka en dawn ka tih loh kha, chak leh dawn i hrethiam lo mi?" min ti ta zek. Hmeichhia hi chu an vin ve hrim hrim aniang. Thui tawk, darkar khat chuang mah an an loh chuan a tawk a ni mai. An ang ngaihthlak ai chuan vawihnih khat min vin vak se ka duh zawk.


[Mawitei a lokal em?] Jo message ka dawn.
[Kal lo. Ngatinge?] nidanga chhanglet peih ngai mang lo kha Mawitei chungchang anih vangin ka chhang ve thuai.
[A bo. A nu nen an inhau]
[Zawng rawh] ka phone dahin ka en chhunzawm leh. Mawitei anih chuan a ngaihtuahawm loh ang. Ruihhlo a ti lo a, a lerh hran lo bawk. Khawlaia vah vel a ngam dawn lo hrim hrim. Khawiah emaw a tawm mai mai ang. Jenn leh Cindy ni sela chuan buaina tham a ni deuh. Cindy phei chu vaw hrep mahse a bo ngam lo sa. Mawitei chu a inveng thei, a fel fak a, a rilru len zia ka hretawh. Jo pawh a thlah duh ţhak loh hi.


A awm a a kut dan a uaithla hnak. A muhil. Rit vaklo mahse naute a ni tawh lo a, min nghen rei em vangin ka na ve ţhum tawh. Dim te a tho in ka siamţha a, a muhil hi dim angai vak lo tak. Pawm nawlh ila khawlai ah dah mah ila ruahsur in a nan fe hnuah chiah a harh ang. A mutdan ka siamţha a, a muhil lai chu ka en ngawt ngawt.

Ka hlauhawm loh. A mutthilh pawn ka kaitho ngai lo. Ka nghak ngawt ngawt zel. Duh ber te thlamuang deuh a an muhil chu hmuhnawm ka ti ve bawk ang chu.


Jenn hi ka tan a hlu bik. Awm lo sela chuan Damian te ang mai maiin ka tawp ve tho ang. Ka nu leh paten pawisa min pe tawp a, ka hman na an ngaihven tawh lo. Dam a min hmuh chuan an duhtawk em em.


Runluih nan sual kawng ka zawh a, duh miah lo chungin an hriat atan langsar deuhin sual ka chhuah mahse keimah chiahin ka tuar. Ka nu leh pate an thawkrim a, an hlawhtlin ngaiin hlawhtling reng. Hma an sawt hret hret mai thei zawk. Kei ve kha chu ka runluih duh ber te aia hniam lehzualah ka awm daih. A hunlai khan ka hrethiam lo a, tunah hian ka chiang tawh.


Jenn khan min chhanchhuak hlauh zawk. Ka hmeichhe duhzawng tak a lo ni bawk nen. Ka nu leh pate ai a awh hneh. Ngaihsakna dawng ngai lo kha ngaihsak ka ni ve a, a tirah kha chuan a nuam pawh ka ti. Ka ţhiante pawn an ngaina viau. Ka dawn ngai loh ka dawn khan ka hlu ve ah ka in ngai. A rei a, zalen ţhang ka nih vangin Jenn kha ka hne ta ngei. Zalen duhin ka ţhen a, kumkhat pawh a ral hma in ka inchhir.


A tello a ka awm chiah khan a tello a ka awmtheih loh zia ka inhria. Ka hmangaihzia ka inhre nasa lehzual a, harsa tak chungin ka neilet leh hram. Jenn a ni kher kher hi engkimah ka vannei a ni. Tunah chuan engpawh thleng se ka thlah tawh lovang.


CONT



BAD BOYS S2- LAST CHAPTER


JOSEPH


Khawiah chiah nge a awm ang? Ka ţhiante ka zawt kual vek tawh. Ruahsur nen min va han tibuai tak. Chhurburi pawh chu fate chhuak tur te chu dan ve tur a nia. Amah ka call lahin switchoff hmak tawh. Ka hawsan daih dawn mawnle ka ti rum rum.


Number hlang aţanga phone call ka dawn chu ka la rang nasa.
"Peki te inah ka awm. Ka phone a chhia a" a aw ka hriat laia ka thlamuan nghal zia in hrethiam lo ang.
"Iva mawl ve. Ka rawn hruai che ang a ka thlah ang che"
"Ka duh lo" a tawp hmak. Ka kal thovang. Peki te inah chuan vawihnih vel kan kal tawh. Ka la hrethei em ang chu. Raincoat te hi hak peihloh nak laiin hak loh theih loh.

A lokal bo hman loh hram ka beisei. Min ti mangnang takzet. Hetianga a awm hi ka la hre ngai lo. A pa a nep si, a nu rorelna hnuaiah an awm a, tunah pawh apa mangangin min lo be lo sela chuan a bo tih pawh ka hre nang. Ruahsur vangin ka mu a, tlai lamah U Lawma in ah ka kal ang ka tia ka awmdan tur ka lo duan lawk vek tawh. Mi bo ka zawng ang tih ngaihna reng reng ka hre lo.


Peki hi a u nen a inluah an nia, kan kal hnuhnun ber kha chuan a u kha an khuaah a haw a, Mawitei a tlan tauh ngam chuan a u ala awm lo aniang. Mi inhnuai ah an awm a, an in kal dawn chuan step tereuhte a kal angai. Tunah pawh fimkhur tawkin ka chhuk mek.


Ka lut chiah chu a sam ro chiang lo nen a lo pawr phang mai. Ka khawngaih leh hnu hnawh. Min lo be ngam lo hrim hrim. Peki nen khumah an ţhudun a, min lo melh ngam ţawk chauh. Raincoat ka hlip sawk sawk a, kawngkhar hawng lehin pawnah ka dinna aţanga ban phak si a rem laiah ka khai. An bula ka va ţhut ve chuan Peki zawk a tho tharh a, a piah a ţhutthleng seiah a insawn daih.


"Engtin nge a tih che?" ka vin lo. Ka thin pawh a rim tawh lo. A inbual zo chiah aniang a sam awmdanah a pawr angreng sia khawngaihthlak. Anu in a hau tawh a, ka hauh ve kher angai lo. Nakinah in chhuahsan tawh lo turin ka hrilh zawk ang.
"A tam mai" a ti sep w, a towel kenin a hmai a hru niap niap.


"A phone te hi" tih pahin Peki'n khumah a phone a rawn theh phei a, ka lo nui hawk.
"Ava keh mawi chuaih chuaih ve a" ka tih chuan a nui ve seih.
"Ka vawm keh anih kha"
"Iva chak ve"
"Ninawm" a ti hlak. Ka ţhutna piah a kawk a, ka hawilet a samkhuih a lo awm. A mamawh aniang chu tiin ka laksak a, a khuih nghal chawt chawt.


Kan awmdun nasa a, ka ngaina ve tawh. A theihtawp a chhuah vang pawh hian hnar reng theih a ni lo. Ka tan a inpe tawp a, U Lawma inah pawh kan riak zeuh zeuh. Hauh huamin min zui duan duan ţhin. Mi sawi sep sep pawh engahmah angai lo.


"Ka haw dawn lo. Tunah rih chuan ka nu ka hmu peih hlawl lo. Eng emaw hlekah min hau hrep a, sual ber chhuah hian min chhuah ziah, ka ning ka haw peih lo" a ti hmerh hmerh a, blanket a pawt pharh a, a inkhuh hlun.
"In in hauh chhan chu?"
"Chi hrang hrang. Thil dang dang a sawikai zel a, ka ngawi reng a, a rei deuh hnu chuan ka ngawi thei ta biklo anih kha. Ka phone te kha ka thinrim lutukin ka vawm keh vek. Ka pa lah hi ka nu thu thu" a la ti hmuar hmuar. Thinrim lai a neih ka hrengai lo. Kan inzui nasa ka tih tawh kha. Thil thleng ang apiang hmin zan lo mahse a pawm thiam zel a, midang tih angin a awm a, an thutlukna apiang a pawmpui. Tun ţum hi a thinrim ka hmuh hmasakber.


"Engtik a haw nge i duh?"
"Hrelo. Kar khat vel tal chu hetah ka awm dawn" a aiawhin ka lo inthlahrung. Peki chuan a hrethiam a ni chek ang chu "Ka u kan khuaah a la awm deuh reng dawn. A duh chen chen awmtir rawh" a lo ti bawk a, ka hnial ta bik lo. Awm lungawi sela a haw veleh duh mai ang.


Khumah chuan bawkkhupin tukverh ah ka dak a, khum hi tukverh zawnah a awm. Tukverh nen hian a in si. Ka bulah blanket a la intuam hlun chungin a rawn bawk ve a, ka hnungah min khan ar ar.
"Min hau hrep dawn maw ka tia, ka tibuai che sia, min hau hrep mahla ka thinrim phah lo ang" ka mitmei chu ala veng ve. Henu hi chu min kalsan rawh pawh ti ila min kalsan lo ang.


"Ka nuhrawn a nia, ka nu a luah lan a" an in an loh zia ka sawi tawh kha. Hlauhawm khawp a hmel bumro fanu kha a ni thei lo.
"Khawnge i nu chu?"
"Pasal a nei tawh. Fa pawh a nei leh tawh. Ka nuhrawn hian ka nu a lan a, nau chu a pai ve, a chhiat a, khata ţang khan a pai thei tawh lo. Pathian hrem naah ka ngai hmiah" lo sawi ve tur ka hrelo. A sawizawm hun ka nghak ta ringawt.


"Ka nun min rawn lam leh a tum pawn ka pa in a lo phallo a, hna a neih loh vangin min enkawl theih a ring lo a, ka nu ka ngen chung chung khan min manbet lui a, ka pi leh puten an bula min awmtir an tum pawn a phal chuang lo. Tihian ka nuhrawn nen kan pathumin kan awm ta reng a nih hi"
"Ava pawi ve" ka lo ti a, chhel viau mahse ka thiam ang ang a ka lo sawipui chuan a ţah ve mai ka hlau. Hmeichhia a ni ve tho sia.


"Ka nu pasal neih hma kha chuan an in a ka len zeuh zeuh chu min phalsak a, mahse pasal a neih hnu khan min khap bur. School ban pah a ka kawi te hian min hau hrep zel. Ka pa aiin ka nuhrawn hian min hau nasa ziah lehnghal"
"Fa engzat nge a neih leh?"
"Pathum. A naupangber phei chu kum8 vel bak ala ni lo ang. Ka hmu khat ka kal ngai lo. Kal chuan ka nu ka ngai mai mai" a ti a, thlang lamah chuan tuihawk a luang hum hum a, a sur tam vak a ka hriat loh nen.


"Iduh leh min hawsan tawh rawh. Ka awmna i hretawh tho a, ngaihţha deuhin awm rawh" a ti leh ta daih. A thusawi a inzawm lo hlawm nasa.
"Phone chu engtia tih nge i tum a?"
"Phone thar leina tur em em te chu ka khawl ve lawm. Min ngai tlaw viau suh" teh hrep chuan.
"Ka ngai tlaw che ni lo. Phone hlui la ţha vek ka nei a i hmang duh em ka ti dawn a"
"Duh e. Pawisa a hek lo nimai lawm i lokal leh hunah lokeng la" pawisa nei inti ve si hi. A thlawn a neih a duh zawk daih a nih hmel.


"Ka lokeng ang. A ţha lutuk battery phei chu karkhat pawh charge lo la i tla zan"
"Ni maw? Min lo ken ngei ngei rawh aw. A thar lei ai chuan min pek phalloh leh ka lo leichhawng ang" a ti a, beisei nei zetin min en a, a mitmeng a nung leh sarh tawh.
"Leichhawn a ngai lo ka pe ang che. Tetakte dum rin ren ania, a dum leh a dum dal chiah rawng a nei a, games pawh a chhawm ţha iduh leh cricket i khel anga, iduh leh rul, full stop a ei apianga sei zel kha i khel ang a, music i ngaihthlak duh leh a rang chi leh muangfan raih a chhawm vek a, eeee...nangchu phone inei ţha bik dawn hle mai. Message pawh i type ri tlek tlek mai dawn a" a thinrim leh nuihza inpawlh chu blanket in a lu a khuh ta ringawt. Peki pawn a lo ngaithla ve ni ngei tur a ni a lo ve hak hak.


"Ila duh tho em? A awrhna te a awm a, iduh leh i awrh ang a?"
"I ninawm" tih pahin ka hnungah a chum a, a bawk zui zat.
"A ţha lawm tiraw Peki? Tunlaiah nei an van zia chu tuna a phone ang khan vawm vak mahse a phel phawk ang a, a remkhawm ang a a ţha leh vek, lungawi deuhin an in chibai leh mai ang. A chhe ve thei lo reng reng"
"Nia a ţha tawp hmansak ngei ngei rawh" Peki pawn nuih reng pahin a lo ti ve bawk. Min dil mahse chutiang chu ka nei lo hrim hrim. Ka pi chuan a nei maithei. Kan naupanlai chuan ka pa pawn a awrh ve ţhin. Inti pa tawkin a chang leh a kawnghrenah a pai a, a battery low vang a ka nu nen an ţawngţai nasat zia te kha ka la hria.


"Hepa hi chu thutak hian a biak tlak thlawt loh. Zanah i lokal dawn em? Nih loh pawn ruah ban deuh hunah chawhmeh han lei ila a hla chuang lo a, chaw ei ve daih la zanah i haw ang a" tih pahin ka sam a khawih a, khawih lo turin ka hrilh peih tawh lo.
"Ka haw anga ka rawnkal leh ang"
"Ngailo" buaithlak.
"Duhthlan tur min siam amaw ka tia"
"Vawiin chiah te chu" zawi sep hian a ti leh. Nau ka awm a ni ringawt.


Ka talchhuah hlau ni awm takin min kuah a, min khan bawk a, keimah zawk chuan Peki mitmei ka veng mahse min hnungchhawn zawngin a ţhu a, phone a en a nih hmel.
"Nih leh haw vat rawh aw. Karkhat em em angai lo. Inu i huat pawn ipa ngaihtuah la, a mangang in anih kha min rawn bia. A ngaihtuah che, nangmah chiah in ngaihtuah lo khan ipa i ngaihtuah tel a ţul" tiin ka zilh ve. Ka ţhiante chu awm se an thi pawp pawp maithei.


"Aw ka haw har lo ang. Hey ka bulah awm reng ang che i hria em? Min ţhen miah suh ang che"
"Hetah hian ka ak reng ang che" rem leh rem lo in ka lung awmna zawn ka awm ka dawm a, ka dawm dik em ka hrelo. A dik aniang a lawm vur vur emai. Blanket in a lu a khuh a, keipawh min khuh ve. A thim khup rualin kan hmui a insi a ni nghal der. Min chân a hlauh luatah hian pawisak vak a neilo ka tih tawh kha. A hrehawm ka hlauh vangin keipawh ka insiamţha hret hret a, ka ngaihsakna ka lantir ve zel. Thlamuang takin awm se ka duh.


Blanket a keu a, min nuih ver ver.
"Min ţhen tum mahla ka umzui char char tho ang che. Ka tibuai zel che ang a, i bialnu te apiang ka lo hau ang a" a ti zawt zawt a, a naupangchhia. A ngam dawn lo tih ka chiang. Ţhen ta ila min umzui lovang. Chutiang mi chu a ni lo. Inţhen chhan a zir te pawh a niang chu. Mahse ţhen tumna ka la nei ngai lo. Kan inkawp tirh a ka ngaihsak peihloh lai pawn ţhen tumna rilru ka pu ngai lo. A rei a, a fel zia ka hriat belh zel a, Mawitei ang hian tuman min hmangaih ka ring lo. Mualpho pawh pawi a ti lo a, a nu leh pate mitmei a veng zo lo.


"Ka hmangaih che" a tih chuan ka sawi ve thei lo. Amah pawn a hrechiang a, ka nghet tih a hria a, sawikher a ţulna ka hre lo. Hmeichhe ngaihsak lo chi ka ni tih nen lam a hria. Nakinah kan la innei te anih chuan ka hmangaih ve mai ang.



CINDY


"Ruah ban deuh nghak la"
"A bang mai dawn lo a ang. Ka haw lui mai ang. Chhungten rei min tih takin. Ruah a sur chuan zanah ka lo leng lo ang aw" a tih chuan lu ka lo bu nghat. Ruah a sur reng a inphut luih chi pawh a ni lo.
"I damlo hlauh ange aw. I haw veleh inbual la, mu lum nghal daih rawh" ka ngaihtuah ve a ni. Min hmuh duhin ruahsur karah a rawn leng hram hram a, keimah vanga a damloh ka hlau.


"Awle. Nangpawh mu hma rawh. Ruahsur hi chuan mut a nuam. Min lo ngai la" a ti a, a nuam ve ţhin a chang hi chuan.
"Ngaih loh ten le. Nangpawh i haw kawngah te khan min theihnghilh daih ange aw" tiin ka fiam ve a, a lawm nasa mai
"I len em hi theihnghilh theih pawh i nilo"
"I ninawm Jo ang mai" ka lo ti a, Jo chiahin a ti ngai lo nih hi. Engkim hi Joseph-a ta a ni lo. Ţawngkam leh fiamthu duhzawng pawh midang pawn an hmang ve thei tho.


"Jo pawh Mawitei bulah a tawm kuk maithei ni"a ti a, a nui zui hawk. A itsik leh thik vang a sawi a ni lo a, kei leh Jo phei chu kan inkawmngeih zia a hria a, inkuah bawrh bawrh mah ila a thik lo rapthlak. Raincoat a ha mawlh mawlh a, an veng a hla si peihawm loh. Ka khawngaih zawk.


"Ruahsur chang chuan lo leng tawh suh in veng a hla sia, i khawngaihthlak" ka ti ta nge nge a, tunah pawh kan kawtlai hul laiah kan ding a, thli a tel lehnghal. Tun ai hian sur nasa se chuan min theh pha tho ang.
"Awle. Ivan fel tak min ngaihtuah si. Min ngaihtuah ve hian a nuam. Ka hmangaih che" a ti a, ka lo nuih ringawt. Ka sawi ve thei rih lo. Sawi ka tum ţhin a, min dang tu a awm tlat zel. Nakinah a nupui te ka nih hunah ka la hmangaih chawp ve mai ang.


A kal hnuah pawh kawtah ka la ding a, phone ka hum ran. Ţhian ho in awmkhawm ila, a ţhen inhau leh ila, a ţhen infiam ila, a ţhen in tui deuhin tv en ila, anih loh leh thlahrang te enkhawm leh mai mai ila. Kan upa ve tawh a, khatiang kha engmah a tih theih tawh loh. Bakah kan kim tawh lo.


Ka phone a nghawr det det reng a, ka en vat. Joseph bawk. Eng camera apps thar emawni a nei chiang mai. Hmeichhia ang deuh deuh a a lakna te a rawn thawn ţeuh a, a ţhen laiah chuan Mawitei a lang ve. Remruata khanna sawidik a nih hi.
[I ţhianpa hi chhelo iti em? Ka phone a chhia a, Mawitei] tih hi a rawn thawn a, a bulah Jo a awm angem le? Awm se chu rawn thawn a phal kher lo ang.
[In chhelo dun vel tawp. Ka status nasa chuai chuai ngawt ang cheu] tih ka thawn let a, an thlalak chu en nawn lehin keimahin ka nui ka nui. Rilru chhia pu a min rawn thawn anih ka ring lo. Ka rin aiin Mawitei pawh a fel.
[Ngai kher lo. Nakinah vau nan i hmang dawn nia. A in duhlo lutuk a, i duhloh zawng deuh a a chhaih hunah che i hmuh dawn nia] a ti a, emoji a rawn dah ţeuh. Ti fuh a inti ve viau aniang chu.
[Awle]


Chaw eikham veleh ka mu hmak. Remruata nen kan inbe pah char char a, dar10 dawnah a mu ve hram. Ka la harh kur thung. Jo te thlalak enin keimahin mi â ang maiin ka nui leh vur vur. Ka hmuhtir hun a a hmel awmdan tur ka hmuchak tawh.


[A va sur ţha duh ve] Jo number aţang tho in. Mawitei tho a ni maithei.
[Mimawlpa kha ala haw nange?] tiin ka chhang let a, a rawn reply hun nghakin ka en reng.
[Mimawlpa ka nilo Piggie. Tunge i biak a?] a rawn tih takah chuan hriatchian nan ka video call ngat. Mawitei bula a awm chuan a la duh lovang.


A rawn la a, blanket chhah tawk karah a mu.
"I leng amaw ka tia"
"Haw a hun tawh hi. I muhil thei nange? Muhil rawh ţek a tlak loh hi" a rawn ti a, hei ngei hi anih hi ka ţhianpa Jenn tih loh a min hrechiang ber tu chu. Mipa zawng zawng zing a ka ţhianţha ber. Ka hlim loh te hian a hre thei bik a, nui mah ila ka nui hmel phen a thil awm a hre chat thei. Min chik lo amaw ka tih pawn zanah a hranpa in min rawn bia a, min rawn thlamuan ţhin.

"Ţek ka hlau tawh lo"
"Ka hreţha thei lo. I upa tawh anih kha i hmuiphun leh i aw a inmil lo. Dah rawh ka rawn call ang" amah zawkin a dah hmak. Rei pawh rial lovin a rawn call nghal.
"Zingah ruah sur loh chuan i walk duh awm sia muhil tawh ta che"
"Mut a chhuah loh miau chuan ka muhil thei bik nang" ka lo ti let ve khur khur.


"Remruata i ngaihtuah chiang. Ilo puitling tawh e mipa chanchin kan sawipui tawh che ania"
"Min zirtir anih hi. Min kawhhmuh lo la chu ka la single reng ang chu"
"Rilru kaptu inei mi?" a rawn tih chuan min hmu lo mahse lu ka thing. Ka danglamna a hrethei ka tih tawh kha. Keimah bikah phei chuan a ngaih a ţhalo hma a, min zawt chung zel.
"Nei nang. Remruata pawh a rawn awm nileng deuh ţhak a, kan inbe leh a, nachin deuh lawk khan a mu chiah"
"I hlim em?"
"Tehreng mai. Remruata min kawhhmuh hi ka lawm. Min hmangaih tu diktak min kawhhmuh a, ka khawhar te a hnem ve a"


"I ţhianpa ka nia i tan a ţha ber ka kawhhmuh che anih kha" a rawn ti a. Ka ţhianpa ka ţhianţha ber ania, ţhian huang kan pel lo. Ţhian aia sang min thlenpui ngailo a, englai pawh a ka ţhian. Ka mamawh chang apianga ka kianga awm ţhin a ni.


"Nia ka ţhianpa inia ka vannei"
"Vawkpui cute deuh ka vulh thei a keipawh ka vannei" a tih chuan ka lo nui a, a fiamthu te hi ka lawm fal ţhin a, lungngaih deuh chang pawn ka nuih theih phah ţhin. Joseph ka nei hi ka lawm a, ka lo hrelo ang tih ka hlau. Kan inhmuh tirh aţang khan ţhenhran theihloh kan ni nghal aniang nitin Jenn nen min tibuai a min zui reng ţhin kha.


"Englai pawn ka ţhian ni reng ang che" ka ti a.
"Lutuk, phallo mahla ka ni tho ang. Ka thih hma zawng chu kan tar ve ve hunah pawh ka la tibuai tho ang che" a rawn ti a, a tawp thlengin ka bulah a awm zel ang. Ka chiang. Ka ţhianpa leh ka unaupa a ni. Manganna vawrtawp ka neihin ka kiangah a awm a, ka hlim lai pawn chutiang tho chu. Chhiat leh ţhat ni engkimah min ţawiawmin rinchhan tlakin a awm vek. Keipawh ka ni tho. Kan inpui tawn reng ţhin.


Class kan neih zawhte hian a chang chuan kan kal hrang daih a, a hranpa in darkar rei tak tak thleng kan inkawm ţhin. Mi zawng zawngin in ngaizawng turah min ngai a, chutiang chu a ni der si lo. Ka ţhianţha ber chauh a ni. A tih tur hlenin hei ka ta tur diktak, ka tan a ţha tur mipa fel tak min kawhhmuh mai hi.


"I muhil alaw Piggie?"
"Teuhlo mai. Kan inchung hi rangva nise ruah mal tla ri hi hrethei ila" te ka tikual vel.
"A bengchheng dawn e. Ka hman chuan naktukah ka lokal ang. Noodles ka ei chak"
"Lokal rawh ka lo siamsak ţeuh ang che" phur zetin ka ti a, ka thilsiam tui a tih ve awmchhun. Min fak ve ber na. Kan in eisiak ţhin a, kan eidun tawh chuan hrehawm khawpin ka puar ţhin. Ka duh ai tam ka ei phah ziah.


"Muhil rawh naktukah kan inhmu dawn nia"
"Dam chuan" ka lo ti zeuh.
"Aw dam chuan"
"Nih leh aw"
"Awle ka hmangaih che Piggie"
"Ka hmangaih che mawla" nui vak vak chungin phone kan dah. Ka dah dawn lai pawn a nui ri ka hre reng. Ka ţhianţhaber chu a ni ve chiang alawm.


END (Min lo chhiarsak leh tu te kha ka lawm lutuk ania. Ka comple vek hnuah ka rawn dahchhuak chauh a, siamţhat theih a ni tawh si lo a, chuvang chuan Jo leh Cindy shipper te chungah khan thupha ka chawi😁)