DADDY'S LITTLE GIRL (COMPLETED)

DADDY'S LITTLE GIRL-1


"Adelia mut a hun e, i room ah kal rawh"
"Aw nu ka mu dawn chiah" tiin a au let a, tv a off a, a room ah a kal a, a tih ziah dan in a mut hma in apa in notebook a leisak kha a lachhuak a, apa tan thil a ziak thin. Apa in a duat em em a, amah pawn apa chu a ngaina a, apa bula awm nuam ati a, a naupanzual lai atang tawh in anu aiin a tibuai ngun zawk hial in a hria. Engtik ni ah emaw chuan ka thil ziah hi ka la chhiar tir ang a ti thin.

Adelia, kum13 mi ani. Naupang hmeltha leh fing tak ani a, anu leh pa an len vang in ani pawh a kum phu lo in a lian a, fel tak anih rualin a luhlul tel bawk.

A phek awl lai keu pah in pen a la a, a hla duh zawng chu anu hriat hlau in zawi te in a ngaithla pah a...

|Kum sawm mi ka nih laia in zai ka tawh kha ka la hre reng. Operation room a ka luh dawn thleng in ka nu zawk in min awm pui a, tawngtai reng turin min hrilh a, khatih lai khan pa nangchu damlohna dang ineih ve avang in in lam ah i awm a, ka ngaih zia che kha ka la hre thei. Awm ve la ka ti a sin aw.. |


Kha ni kha chiang tak in ala hria ani. Apa chu a hritlang awm na a nasat deuh avang in a khua a sik nasa a, zan ah pawh a khawsik kha a chawl lo. Apa chu atan a pawimawh em avang in a khawsik ringawt ah pawh Adelia chu a tap nasa hman viau a, mahse apa chuan a that thu a hrilh reng thin. Zanah Adelia zawk chu a pum ana thut a, hospital ah an hruai chung chung a. Zai a ngaih thu doctor ten an lo sawi a, anu bulah in lam a apa damlo chanchin a zawt reng a "Atha e, ipa chu atha. Nangmah hi i dam phawt angai. I dam hmasak loh chuan ipa a damthei lo palh ang. I enkawl chauh in a dam theih thin kha" anu in atih chuan ahma a in zai huphurh tak si khan zai vat vat a duh a, dam vat a, apa enkawl vat a duh a ni.


|Phone in min rawn bia a, nangpawh in tawngtai reng turin min rawn hrilh ve tho a, ka tawngtai a, ka hlauhna pawh a zia in ka hria. Min zai zawh a ka harh veleh a ka sawi chu "Nu" tih a ni. |

Apa chu ngai viau mahse a bula awm zawk a nu a lam char char a, khami zan khan Adelia kha mumallo deuh in a awm a, a muhil lai a harh reng a, mahse a nu a ko reng thin tih chu amah pawh in a hria. Anu in a that vek thu leh muhil leh tur a alo tih thin pawh a hri a a. Kha zan khan Adelia chuan amah veng in anu chu a tlaivar thak a nih a ring.

|Ka pa chu damlo nasa viau mahse zing a ka harh chuan ka kut vuan in ka khum bulah alo thu a, ka hmu thut chu ka awmdan ka sawithiam lo. Enkawl dam ka duh zawk khan min enkawl let ta daih sia. Ka ngaihbel nge a mittui a tling deuh in ka hria a, mahse ka harh a hmuh chuan alo nui sang tho a.
"Eng nge i an? Damlo chung pawh hian ila hmeltha ber tho anih hi" ka chanchin min zawh pah in min lo fak nghal a, ka pa ani miau a, ka awm dan apiang chuan a ti lawm thin. Na ka la tih avang in ka chhanglet thei lo a, ka mittui a tla a, ka tap zui nghal a. Ka tap a hmuh chuan a nui hmel a bo a, ka mittui min hruksak a. Ka hmai arawn khawih chuan a kut sa vur chu ka lo hria a, ka pa duhtak hi ala dam lo reng a ni. A khua ala sik reng anih dawn hi mahse tun ah pawh dam lo chung in ka bulah a awm a, amah zawk in ka mittui min hruksak leh zawk pah in engkim a tha vek mai ang tiin min hrilh a|


Thil hlui a ngaihtuah a vanga a tah a chhuah leh tak avang in Adelia chu a thaw halh a. A lak a apa thil tih zawng zawng khan a tir atanga tun thleng in a rilru a la khawih reng a, a theihnghilh tawh lo ang. A pen chu ahma aiin a vuan nghet sauh a, chawlh a lak vang vang hnu ah a ziak tan leh a..


|Hospital atanga ka chhuah chuan ka nu leh paten min hruai haw a, ka pa in car a khalh a, lian inti tawh viau mah ila ka nu chuan min pawm tho a. Ka nu nen a an ti ti kar ah chuan ka pa in ka that leh that loh min zawt pah reng a. Ka thil duh zawng zawng min lei vek tur thu a sawi a, keichuan ka nu leh amah chu ka duh ber tih ka lo sawi a, khami lai kha a hlim hmel kha, tun ah pawh ka la hre reng a ni|


Adelia chuan a ngaihtuah let a, apa in "I dam veleh i duh apiang ka leisak ang che" atih chuan a mutchhuak pawh a meng lui hram hram a, apa en reng chung in "Anu leh nangmah, in pahnih in ka duh ber" anu leh pa nui ri a hriat chuan ani pawh alo nui ve a, anu hmel chu hmu ve thei lo mahse apa chu a hlim tak tak ani tih a hmu thei a, atan chuan chu aia hmuh nuam chu a awm bik chuang lo.
"Inu nen a min duh ber anih chuan lei pawh angai lo anih chu. Idam hun kher pawh a ngai lo. Keini pawn kan duh ber che" apa pawn alo ti ve a. In an thleng a, anu in pawmchhuah a tum chu lo phallo in "Tikhan awm la keiman ka rawn la ang" apa chuan ati a, amah a chhuk hnu ah an thutna lam kawngka a hawng a "Ka pawmchhuak thei tho sin" anu chuan lo ti ve mahse apa chuan a pawm lui tlat tho. In chhung ah a pawm lut a, khum ah dim tak in a nghat a, puan a sin tir leh a, anu awm ve reng mahse Adelia chuan "Pa min mutpui rawh" ati a, apa chuan chhuanlam engmah siam lo in a mutpui nghal a.

Apa kha amah in ngaihtuah miah lo in a tan alo in pumpek zia a ngaihtuah chuan a mittui a tla a, in sut hrut hrut chung in a kawrban in a mittui chu a hru a.


|Ka nu leh pa te ka hmangaih zia hi ka theih tawp chuan ka lantir ve thin a, mahse ka tan a an tih zawng zawng rul let tur hian a tawk ka la ti lo a, ka rulh let theih ka ring lo. Ka damlo pawh ka pa chuan min buaipui reng a, a damlo ve tih a ngaihtuah tawh lo. Hna pawh a kal lo a, ka bulah a awm reng a. Ka damloh lai kha awmpui kan nei loh lai anih vang in ka nu chuan rawngbawl, insuk leh a dang tam tak a khawih vek a, a hah dawn tih ka hriat vang in ka lo khawngaih thin. Ka pa chuan keimah min buaipui char char a, amah in ngaihtuah nachang a hrelo chu a hunlai chuan ka thinrim a, ka ti tau thin. Ka nu pawh in a hau thin a, amah in ngaihtuah nachang hre miah lo a min buaipui chu a thin a rim ve thin. Keimah vang in a damdawi pawh a ei lo fo mai. Mahse ka nu chuan a hrethiam leh em em thin thung. Kapa chuan ka fanu leh ka nupui tan a tha ber ka duh a, ati a, ka natna min lak kian sak pawh a duh a ni. Khang zawng zawng ka ngaihtuah khan ka tap a, zankhua in ka pa kuah in ka mu reng tih pawh ka la hre thei|


Adelia chu a tap chhuak hial tawh a, hetiang a ziah a, a ngaihtuah hi chuan a nu leh pa hlutna a hre lehzual a, a hmangaih zual sawt in a inhre thin. A pen kenlai a vuan rem a, a ziah zawm leh a...


|Ka ziah ho chauh hi ka nu leh pate min tih sak anilo. An ni chuan tam tak ka tan an ti a ni. Engtik ni ah emaw chuan ka chung a an thil tih hi a chanve tal pawh ka la rul let ve thei anga, ka lak a an that na zawng zawng hi ka theihnghilh lo ang. Ka tan chuan an hlu ber a, khawvel ah an ni hi ka hmangaih ber. Nu, Pa, ka hmangaih che u. Ka pian tirh atanga tha tak a min enkawl avang in ka lawm e. Ka tan a in in pumpek na zawng zawng ah pawh ka lawm e. Engtik ni ah emaw chuan ropui tak in ka la siam ngei ang che u|


"Adelia" apa aw a hriat chuan a notebook a khup thawk a, a mittui a hru vat vat a, mahse apa chuan alo hmu hman tho mai. Adelia thutna chair a kuaiher a, a hma ah a thingthi a, a mittui ala hrukfai zawh loh chu a hruk sak a "Diklo a awm ami? Ngatinge ilo tah a?"ati nem dap a, a fanu tap chuan ati mangang hle ani.
"Pa ka hmangaih che" atih chuan Richard chuan mak ati angreng hle.
"Anu nen hian ka hmangaih lutuk che u" ati a, apa chu a kuah a. A fanu chung ah chuan thil thalo a thleng anih a ring a, mangang viau mahse "Keini pawn kan hmangaih che" ati ve a.

"Eng nge thleng min la hrilh lo, thil thalo thleng a awm em?"
"Aih" tih pah in Adelia chuan a kuah nawn leh a, Richard chu a ding a, Adelia chuan a kawng ah alo kuah leh tho a, a fanu chu a pawm a, khum lam ah a kalpui a, kum 13 ani ve tawh a, mahse ka naute ala nireng ati rilru a.

Khum ah a muttir a, a hmai zar tu a sam chu a huikian sak a, Adelia pawh alo nui ver ver a, a nui hmel a hmuh hian Mary a hrechhuak ziah thin. A biang a dawmsak a, a chal ah a fawp a, Adelia chuan apa chu alo kuah leh a, a hmangaih thu a hrilh nawn leh a. Richard ngaih chu a tha zan theilo. A fanu tibuai tu an awm ah a ngai tlat a ni. Adelia mutchhuak chung chung a menglui tawk tawk a hmuh chuan a nui vur vur a, a sam a chul sak pah in "Muhil tawh rawh. Naktuk school ikal angai si. School a imut a chhuah reng chuan teacher te thil sawi i ngaithla tha ve theilo ang"
"Keimah aia thiam tumah ka awm tir dawn lo" Adelia chuan ati sap a, naupang te si midang aia hniam a hlau em em a, a zirna ah thahnem angai a, Richard chuan anu school kal lai a chhun lo kher mai ati thin a, a lawm phah thin.
"Nangmah aia midang an thiam iduh loh chuan teacher te thusawi ngaithla tha la, zanah mu hma la, class ah pawh harsatna itawk lo ang" Adelia kut avuan a, ani chuan nghet tak in a lo vuan let a, "Ka mutthilh hma chuan min lo awmpui rawh aw" a mutchhuah lutuk vang in a tawng chu a zuihral deuh thaw a, chu chuan Richard nuih ati za a, a chal a a fawh nawn leh hnu ah "Awle ka lo veng reng ang che. I mumang ah thil hlimawm chiah i hmu dawn nia" ati a, Adelia taksa chu a zawi riai riai a, reilote ah thlamuang takin a muhil a.

Adelia thlamuang taka a thaw ri chu Richard chuan a ngaithla reng a, a muhil hmel a en pah reng bawk a, a fanu lian ve ta lutuk chu mak ati zawk hial. Ani chuan a lian chak ati a, nula a nih hun ah pawh ani chuan naute ah ala ngai reng ang. A fanu muhil lai biang ah a fawp a, a thawhsan a. Light a off sak hnu ah mu turin a kal ve chauh a. A tan chuan a fanu aia tha an awm lo a, a en ning thei ngai lo.
.
Cont (Story thar hi min lo chhiarsak leh teuh dawn nia, in hunawl a hman nawm tir phah ngei cheu ka beisei. Ka lawm e)

---

 

DADDY'S LITTLE GIRL-2


"Adelia ipa ka hmu in ka hria" class atangin a tlanchhuak a, apa a hmuh veleh a bag la turin class ah a tlanlut leh a, "Ipa in avan hruai rei che. Nitin an lo hruai che a, la inti naute" lo ti tu chu a chhuah pah in a ke a rahsak a, ana tuar ri a hriat chuan hawilet in ngeiawm takin a nui a, apa a hmuhchak tawh vang in chak tak in akal a.

Apa a hmuh rual in "Pa" tiin a au a, apa chu a kuah chung chung a. Hman lo tak chung pawh in apa chuan a hruai ziah thin. Class aneih dawn pawh in Adelia hruai a ngaih chuan midang nen class a neih thleng pui mai thin a, a fanu chu a dah hmasa ber thin. Car chhung a luh veleh a hnung lamah a bag a vawm pawp a, duhdah deuh a a thu chu Richard an "Adelia hmeichhia ang in thu rawh" alo ti vat a, ner suk chung in a thu tha a, Richard chuan Adelia mize tam tak ah Mary kha ala hmu thin.
"Vawin test eng nge an?"
"Full mark" Richard chuan nui chung in a sam a tuaisak thuak a, Adelia ang fanu a nei chu a lawm thin.

In an thlen veleh Adelia chuan hnung lama a bag vawm kha a la a, car atang in a chhuk a. A hma a apa kal chu a nem thut a, nui vak vak chung in a kawng ah a kuah zui a "School a let leh ka ngai a, tlai ah ho deuh in hun lo khawhral suh aw"
"Yes Sir" anmahni awmpui tura an lak nula fel tak chuan tui in tur te alo pe sawk sawk a, Richard an tui a inlai chu Adelia in alo en vung vung a, "Ngatinge khatia min en?"
"Ka thianten an star che" Richard chuan a tui in lai a phuh thelh a, "Tak tak ania aw" ti chung in a tlankual a, a nui har har bawk a, apa in a umkual a beisei a ni.
"Chuvang alawm inu hi a vanneih em em. Adelia ka kal dawn nia" apa a zui nghal a, kawngka bulah ding in apa a enzui a "Thil min lo hawn rawh"
"Awle"
"Naupang dang keimah ang in duat ve suh"
"Adelia lo chu ka duat peih lo"
"Bye"
"Bye bye" anmahni awmpui tu nula Rosy chu alo nui ver ver a, an pafa inthlah vel chu nitin a hria a, a ning ngai chuang lo. Ning a hnek in ngaithla turin alo awm ve reng thin.


Hana chu a room ah a lut a, a lehkhazir na dawhkan ah thu in a notebook bawk a phawrh a, lehkha zir tur anei tam lo bawk a, notebook  anu leh pate chanchin a ziahna zawk chu a keu a. A ziah tur a ngaihtuah vang vang hnu ah hrechhuak thut ni awm takin a thu tha sawk sawk a, pen a ban zui nghal a.

|Class-5 ka nih laiin ka school bang chuan kanu emaw ka pa min lo hruai hun ka lo nghak a. Gate bulah ka ding a, exam lai ani a, ka chhan na pawh ka hrilh chak tawh hle a, lokal vat vat se ka ti a ni. Ka thian te zawng zawng an haw zo vek tawh a, nidanga an lokal chu a hun daih tawh. An lokal em em ang ka ti a, ka lo nghak lui tlat tho a|

|Ka sana bunlai ka en a, dar4 ari chiah. Dar12 vel atang in ka la nghak char char sia, min theihnghilh tawh aniang. Ka mittui a tla a mahse khawlaia tah chu ka zak. Ka din reng na lam ah ka ke pawh ana vek tawh a, min lo hruai ka la ring tho a, ka din na ngaiah ka la ding reng. Nidanga ka lo nghah thin na anih vang in ka kalsan ngam lo|

Khatih hunlai a a rilru hah zia kha tlem chu ala hrethei. Misual in an ruk bo a hlau a, chumi ai mah chuan anu leh paten an duh tawh lo anga, mi lak turin an dah tawp anih te kha a hlau a, hrehawm ti deuh in a awm reng anih kha.

|Ka pa car ka hmuh chuan ka lawm lutuk a ka lo tap tawp. Khawlai pawh nise ka zak tawh lo. Ka pa chu car atang in hmanhmawh tak in alo chhuak a, min kuah pah in "Ka tihpalh, min ngaidam rawh" ati a.
"Min duhtawh lo amaw ka ti lawm"
"Kan duh lutuk che, kan hmangaih che, ilo mangang viau em?"ka tah nasat avang in ka chhang theilo. Min kuah a, ngaihdam min nawn mawlh mawlh a|


|Kan haw kawng ah nidang aiin kan inbe tam lo. Ka pa chu a thinrim hmel em a ka be ngam lo. Inchhung kan luh veleh ka nu a zawng nghal a, a phallo chung in ka zui lui a. Ka nu a hmuh chuan a hau vak vak a, ka nu chu a ngawi reng a.
"Naupang hruai theihnghilh khawp a i thil lo tih chu hriat pawh ka hre peih lo. Adelia chung ah thil tha lo a thlen i hlau ve lo ami? Nidang ah chuan ti tawh suh" ati a, ka nu ka lo khawngaih vang in ka pa chu ka ngei hle a, ka thlavang hauh pawh nise ka nu a hauh vang in a lam ah ka tang chuang lo|


|An inhau ka vawikhat hmuhna ania, ka nu leh pate chu an in hau ve ngai lo. Ka nu hian vin deuh chang nei mahse ka pa hian alo bengdai vat thin a, ka pa thinrim zawk a a tang kha mak ka lo ti. Ka nu a hauh zawh ah ka bulah alokal a, keichuan ka lo kalsan daih a|


Khami tum a an chhungkaw boruak rih zia kha a ngaihtuah a, hrehawm atih ber tum ala ni. Nidang ah khatiang boruak kha an nei ngailo a. An inchhung kha a reh ngawih ngawih ang in alo hria a, apa a kalsan khan room ah a in khung daih a. Apa chu hmuh a duh rih lo.


|Ka room ah chuan ka nu zawk a lokal a, ka khum ah thu in min en reng a, a rilru ana anih ring in ka lo kuah a. Ani pawn nghet deuh in min lo kuah let a.
"Jenny alokal a, a buaina vel min rawn hrilh a, a ti ti tui lutuk a ka lo theihnghilh anih kha. Ilo hlau viau em? Ka tihpalh aw" ati a.

"A pawilo. Apa khan min lo hruai tho a, amah kha ka ngei zawk daih, a hau vak vak che sia"
"Vawikhat min hauh na anih kha. A ngaihtuah vang che ania. Ipa chuan a tih tur ati lawm. Keima thiamloh zawk anih kha. Ka duhtawh loh vang che a nilo. Ka lo theihnghilh vang khan ka tihpalh" ati leh a. Ka room ah ka pa pawh alo lut ve a, ka nu chuan a thiamloh anih thu alo sawi leh a.
"Keipawh ka thinrim ka insum hman lo a, ka thiam bik lo. Nidang ah chuan ti tawh suh. Adelia ka ngaihtuah lutuk vang anih kha" ati a, keichuan ka lo kuah veleh a. Kan chhungkua in kan in kuah khawm a, ahma boruak kha chu a ral leh nghal vek. Ka nu leh pa ang hi tupawn nei se ka ti. Nuam an tih ve ngei ka ring|


Khami zan kha a hrereng thin. An boruak a that vak loh vang khan a thlamuang lo a, anu leh pate in kar ah a mu a, an inhauh leh a hlauh vang in a muhil ngam vak chuang lo. A mut a chhuah apiang in a thu a, a intiharh a, anu leh pate chu inhau tawh lo turin an intiam hial ani.

|Kapa kha ka ngei reilo a, ka ngei rei thei lo. Inchhung a ngaihtuah a, a theihna zawng zawng kan tan a hmang a, ka nu nen hian kan hlim loh a, buaina kan tawh te a hlau a, min venhim reng a tum thin. Ka nu pawh min theihnghilh vang khan ka ngei lo. A thiannu sawitur ngah thin zia chu ka hretawh. Mitha tak leh min hmangaih tu a ni. Khatianga an inhau kha hmuh nuam ka ti lo a, ka hmuh tawh loh ka beisei a, ka hmu tawh ngailo bawk. Kan chhungkua ah thil thalo a thlen tawh lo nan ka tawngtai thin. Ka nu leh pa ka nei hi ka vannei a, chhungkaw hlim tak kan nih avang in ka lawm bawk. Nu, Pa, ka hmangaih che u|


A notebook a khup a, a zirlaibu a lachhuak a, lehkha a zir melh melh a, lehkha zir chu a ning ngai lo. A ti tha ber nih hi nuam ati thin a, pakhat na ani zat zat a, midang in a dinhmun an luah a phal lo.

Sana a en a, anu leh pate haw hun anih vang in a lehkhabu a khup a, an in kawt ah a tlanchhuak a, apa in anu a lam haw thin a, an haw rual thin.

Car ri a hria a, apa ani tih en lo pawn a hrethei nghal. A ding tha a, nui vur vur chung in a lam pan a an kal chu alo en a "In in hmeh ve" alo ti uang a. Anu chuan "Kan hma a ding hi a hmeltha lutuk a, a eng vek, ka meng tha theilo" atih chuan Adelia anui nasa leh sawt a.
A din na an thlen chuan an pahnih in alo kuah chung chung a, an bag laksak in a hai nghal a, engemaw tal a awm a beisei ziah thin.

An room lama an kal pawn a zui zel a, an bag a a thil hmuh ei pah in khum ah a thu a, anu phone a en nghal bawk a, a thiante nen a an inbiakna ber a ni. Apa in phone neih ala phallo a, a dil lui duh bik chuang lo. A lehkhazir atih buai te amah pawh in a hlau ve tho a, anu phone a khawih zeuh zeuh chu a duhtawk rih.

A bula anu a thut ve chuan anu malchung ah a ke alo dah nghal a, phone ringawt ala en reng thung.
"Lehkha ilo zir em?"
"Zir" tiin apa alo chhang vat a, a thar an zir pawn an zir zan ah a thiam nghal vek thin.


"Thawmhnaw ilak in a inthlep sa zawng zawng ngtinge a chhiat vek zel kher" ti tu a nu chu a en vat a, chumi hnu ah anu en na lam a en leh a, apa chuan kawr alo ha mek a, a din na bula thawmhnaw inthlep chu alo tla darh nuaih a "A tla lo in ka la thiam lo ka tih kha. Ka pawhchhuah rualin alo tla zel"
"Remtha leh rawh" Adelia alo nui hak a, apa en reng chung in "Keichu ni ila adang chhe lo a lakchhuah dan ka zawng ang male. Hna inei leh tawh nih kha, i taima tho lawm tiraw Daddy" ati uang a "Min rawn tihpui rawh" apa in atih chuan a tho vat a. Phone hum reng chung in a rempui a.
"A hnawk daih zawk. Kalsan teh u. Keiman ka ti mai ang. Nangpawh i hak duh tur chu sawi tawh rawh. A chung ber ah ka lo dah tawh ang" anu in atih chuan apa nen khum ah an thu daih a, anu thil remfel chu a rukin an lo nuih a, an tih ziah dan ani. Anu in an pahnih a a tirh apiang in an ti tha lo lui a, anu in a ngaihtheih loh tawp ah ti leh lo turin a hrilh thin a, chu chu an duh vang in an thiam lo lui thin. Chu amah leh apa chauh in a an hriat, an awl theih dan thuruk an neih chhun a ni.
.
Cont

---

DADDY'S LITTLE GIRL-3

I love being a girl because I'm my Daddy's little girl and that rocks!


|Ka nu a rai tih ka hriat ni khan ka awmdan amak lutuk. Ka nu pumchhunga mi chu lan pawh ala lan hma in ka thik tlat. Ka pa in kei aia a duat ka hlau a ni ber. Tunah chuan ka nu pum ah pawh a lang tan tawh a. Naute chu keipawn ka hmu chak leh tawh si. Ka pa chuan naute chu lo piang mahse a fanu ka nih reng dawn tho vang in ahma ang in min la duat zel dawn tho tih min hrilh|

Anu in nau a pai tih a hriat tirh a a awmdan ngaihtuah in a nui vur vur a, an hrilh veleh khan lungawilo takin room ah alut a, apa in a umzui vat a, blanket a inkhuh hlun chung in a mu daih a.
"Adelia" apa in a hming a lam phei chuan a inkhuhna blanket chu a vuan nghet lehzual. Apa chuan a blanket chu a keu ta tho a "Eng nge?"alo ti hlar a.
"Ngatinge i kalsan daih? Lungawi lohna ilo nei ami?"
"Kei aiin i duat daih dawn tiraw? Ka nai tur ani bawk sia" alo ti a, khata a pa hmel landan kha a hrilhfiah thiam lo. A zawt zual niin a in hre ve tho.
"Teuh lo mai. A inang reng in ka duat ang che u. Inau chu ihmuh hun chuan nangman i duat ber ka ring" apa in atih lai chuan apa chu uluk tak in alo enreng a "Ka fanu inih kha hrereng la, ka duat dan che leh ka hmangaihna che pawh a ngai reng ang" apa chu alo kuah a, "Naute chu lo awm vat vat se ka ti" ati leh ta zawk a..


|Khata tang khan naute kha tha deuh a alo pian loh ka hlau a, ka nu ka duat phah sawt a. Naute pawh lo piang vat vat tawh se ka ti. Ka lo duat ang a, a bulah ka awm reng ang a, ka pawm ziah thin bawk ang. Tun ah chuan ziah tur ka hretawh rih lo a mahse nu, pa ka hmangaih che u|


A notebook a khup a, anu leh pate neen a an hun lo hman tawh a hmuh dan ziah chhuah leh ngaihtuah let vel hi a nuam tih zawng a ni. A notebook a dah that zawh chuan a zirlai a lachhuak a, lehkhazir chu a thil nuam tih ber zing a mi a ni. A hunawl ah pawh a pa nen tennis an khel anih loh chuan lehkha a zir thin.

Saturday anih vang in an chawl a, anu leh pa in kar ah thu in tv a en a, anu pum puar ve tawh tak chu a chul sak leh thin.
"Inu khan ball a dawlh a" apa in atih chuan a nui vak a, a nu tum bur chu a kuah pah chung chung a "I ball dawlh chu ava lian awm ve Mom" ati uang a.
"A thep tep tawh. Naute ka neih hun ah in pahnih khan in pawm ve miah lo ang"
"Sad ve. Keichu ka pawm ang aw" tih pah in anu pum chu a chulsak leh a.
"Chawlh la tawh mai la"
"Nia nu chawl tawh rawh" tiin apa chu alo tuihnih a.
"Ka chawl tep. Tunah laklawh deuh ala awm a, ka tihpui zawh veleh ka chawl ang"
"Keichu doctor ka ni duh" Adelia chuan alo ti a "Doctor special tawk ka ni ang. A thiam e, a hmeltha si an la ti thin ang a" ati zat zat a, anu leh pa nui a hmuh phei chuan a phur lehzual a".
"Nangchu pasal pawh neilo in ka bulah awm reng mai rawh. Naute ah ka ngai char char tho dawn che a" apa in atih chuan phur deuh in alo bu nghat nghat a, pasal neih awmzia pawh ala hre lutuk lo mahse school a star a neih thu chu apa bulah ala zep. Zawhna tam tak chhang turin ala in peih lo.

Zan ah chuan a khuasik vawt ti in a ti harh a, anu leh pa tihbuai a duh loh vang in amah in kawrlum a la chhuak a, a hak hnu ah room atang in a chhuak a, damdawi bawm a hai rak rak a, tlai atang khan thil ei harsa ati tawh a, anu leh pate chu a hrilh lem lo. A hrawk ah hnawhtu awm tlat in a hria a. Damdawi a ei a, tui a in pawh in ala ni tho. Ngaihtha vak lo chung in mu tur in a room a pan leh a.


A mut hnu pawh in ala khur reng tho a, damdawi a ei tawh hnu a adam nghal lo chu a ngaih a tha lo a, tah loh hram hram a tum a, anu leh pa tibuai lo a tawrh chhuah a tum ve tlat tho.

A theihloh chin ah anu leh pate room ah akal a, kawngkhar dim te in a hawng a, an muttui lai tih harh chu a hreh ve hle. Apa mutna lam zawk ah akal a, anu harh ve hlau in dim te in a sawi det det a, "Pa" tiin a ko pah a.

"Adelia hlauh inei mi?"
"Ka khuasik" Richard chuan light a on nghal a, a fanu chu duat takin a pawm a, a damlo hmuh chu hrehawm ati thin.
"Damdawi ka va la ang"
"Ka ei tawh lawm" alo ti a "A reh ka ring a, a reh thei miah lo, ka lu ana, ka hrawk pawh" a in sut hrut hrut nghal a, insum viau mahse a tah a chhuak tho si.


"Zing ani tawh mi?"
"Adelia khawsik a reh theilo a" Richard chuan alo ti a, Mary pawh a thuchhuak ve nghal a.
"Ngatinge? Na inei em? Damdawi i eitir tawh em?"zawh bih pawh neilo in ati ve nghal sawk sawk a.
"Amah in alo ei tawh a"
"Tlai atang khan chaw kan ei pawn ka hrawk ana tawh a, ka sawi duh lo nih kha. Tun ah pawh ana" ati a. Richard leh Mary chu an mangang tan a, zanrei lam anih tawh vang in tih theih vak a awm silo.
"Tonsil aniang" Mary zawk chuan ati a, a pum nat vak avanga zai lo tawk tawh anih vang in Adelia chuan in zai na dang a hmachhawn a ngaih leh an hlau hle.

"Adelia hospital ah kal ang aw" apa in atih chuan alo tap ringawt a. Hospital a kal chu a hlau thin. Damlo khawngaihthlak tak tak a hmuh thin chuan nuam lo tihna a siam a, amah leh midang zawng zawng pawh a tihdam theih nan doctor nih pawh a thlang a ni.
"Hruai mai rawh. Ka lokal ve angai em?"
"Ngailo ang. Serious lutuk pawh ani chuang lo a, keimah in ka ti thei mai ang. Antibiotic vel ei se a that mai ka ring a, mahse doctor in an chawh loh chuan antibiotic chu eitir tawp chi ani dawn silo a" ati a, Mary pawh chuan "Hruai la chanchin rawn sawi zel ang che" alo ti vat a.

Adelia chu kawrlum dang a hma aia lum deuh zawk a haktir a, Richard a car lakchhuah chhung chu alo awmpui a.
"Ana viau em?"
"Aih, hospital a kal kher pawh ka duhlo"
"Damdawi an lo hrilh che nga, in lo haw lehnghal dawn lawm. An en loh che chuan i nat dan an hre dawn silo a" atih hnu ah Richard pawh an bulah a let veleh a, Adelia chu a pawm a "Ka rawn bia ang che, lo mu leh rih rawh"
"Awle"

Adelia chu apa bulah athu ngui bur a.
"Naktuk ah ka kal duh zawk asin"
"Naktuk sunday. Bakah damdawi i ei angai lawm. I eiloh chuan naktuk ah i inchei nalh theilo ang. Ala na em?"
"Aw na" ati hmuk a, mi hrang hrang in natna an tuar thin chu a naupan zual lai atang in pawi alo ti tawh thin. Natna hi a thil huat ber anih a, a theih ang chu tihdam vat vat zel theih nise a duh thin. Amah ngei in a tawrh ve phei chuan a ning a, a dawhtheihna a tlahniam hma hle thin. Apa in a biak pawh in a rul tawk te te in a chhang tawh a.
"I dam vat mai ang" atih pawn "Nia" tih bakin alo chhang lo.


Car atangin apa in a pawmchhuak a, casualty a an luh chuan damlo dang a hmu lo chu a lawm ru ve hle. Damlo serious deuh a hmuh kha a hlau ber a, a ngaihtuah zui leh reng dawn tih a inhria ani. Apa chuan doctor la naupang tak hma ah a thuttir a, doctor chuan alo nuih sen sen a, apa in card a siamtir hlan chuan "Tunge i hming?" Doctor pa chuan ati a.
"Adelia"
"Eng nge na a?" Doctor in a ti leh a, a chhan hma in apa card la zo pawh a bulah a let leh chiah a.
"Ka hrawk ana a, thil ei pah pawn" doctor chuan a en vel a, a enchhung pawh chuan a nui sang reng a, a hmel hmuh anuam hle a, Adelia chuan doctor nih ve a chak lehzual phah a.


Tonsil vung anih thu a sawi a, a nasat leh zel phei chuan zai thleng in a ngai thei tih pawh doctor chuan Richard bulah a sawi vek a. Richard chuan zai ngai lo in dam thei se a duh a, Adelia chu Mary ang tho in a khawngaih ve tawh a ni. Naupang te ni chung a in zaina hmachhawn reng tur chuan a phal lo.

Doctor chuan damdawi a ziak a, a ziah pah in Adelia pawh a be pah reng a.
"Lo dam vat rawh aw, i hmeltha si. Hmeltha chuan damloh an inhmeh ve lo ania" ati a. Damdawi a ziah zawh a lehkha chu Richard a pe a "Fanu inei hmeltha khawp mai" atih chuan Richard pawn lawmthu alo hrilh a. Adelia pawm a tum laiin a phone a ri a, Mary bulah chanchin ala sawi miah lo tih a hrechhuak zawk mai. A la a, tawng a hriat that theih loh vang in pawn ah a chhuak a.

"Doctor inih na arei tawh em?" Adelia chuan doctor bul ah alo ti veleh a.
"Reilo. Ka zir zawh na ala reilo. Tun ah chuan intern ka ti mek a"
"Keipawh doctor nih ve ka duh. Ka len hun ah chuan doctor ka ni ve ang"
"Ni ve ngei ngei rawh. I inhmeh ngawt ang" Doctor pa nui hmel a hmuh chuan a dam sawng sawng in a hria a, ani pawh doctor fel tak, damlo te rilru thleng a tidam thei tu ala ni ve ngei ang.
"Tunge i hming ve Doctor?" Adelia chuan fiah takin ati a, amah enkawl tu doctor mai bakah a thiante ho pawh an lo nui hak a "Keichu Robert ka nia, ka hming ai chuan Adelia tih hian nalh tih a hlawh zawk ka ring"
"Tehreng mai. A phuahtu in a phuah thiam a"
"Ipa phuah ani em?"
"Ni e" atih laiin apa pawh a lut veleh chiah a. Doctor ho chuan Richard bulah Adelia an lo fak mawlh mawlh a, Richard pawn a fanu chu a chhuang ru ve hle. Apa nen an let leh hnu pawh in "Doctor fel deuh ka ni ve dawn" ala ti reng a,amah lo entu doctor vang chuan doctor chu a ngaisang lehzual sawt a ni.
.
Cont

---

DADDY'S LITTLE GIRL-4


I may be daddy’s LITTLE girl, but I am also his BIGGEST fan. I love you.


"Eng nge i an?" Adelia muhil a harh veleh a a hmuh hmasak ber chu a pa a ni. Hospital a an haw atang khan ala kalsan lo tih a hria. A damloh laiin apa chuan khawi ah mah a kalsan lo ang.
"Ka dam tawh ang"
"Thil ei zawh veleh damdawi i ei leh nga, damdawi i ei that chuan i dam mai ang. Eitur ka lo lak ang che" ati a, Adelia chuan anu chu a beisei vak tawh lo. Nau a pai a, a pum a len tawh vang in apa ang in a damlo pawh a veng ve thei tawh lo a ni. A ngaihtuah lutuk ang tih chu a hria.
"Adelia i muttui em?"a room a anu lut ve a hmuh chuan a nui vur vur a, a bula hmun awl chu lo ben thak pah in "Nu lo mu ve rawh" ati a, a damloh chuan anu leh pa a ngai ber thin. Anu chu khum ah a lawn a, Adelia bulah chuan a mu ve a.
"Naute ineih hun ah chuan ka duat viau ang mahse a chang chuan ka thik ka ring"
"Ngatinge? Ipa in a duat bik i hlau leh tawh ni maw?"
"Hlau ve tho. Mahse keimah min la duat zawk ka ring tho" tih pah in nui chung in anu a en a, "Keimah ang hian a hmeltha ve angem?"
"Nang chu tuman an tluk hleinem che. Min chhun a i hmeltha lawm"
"Nu" ati hluai a, anu nen chuan an nui zui hawk hawk a.


"Thu la thil ei rawh. I ei zawh ah damdawi ei nghal angai si"
"Awle" a thu tur chu Richard chuan alo vuan a. Dam vat se engmah na nei lo se a duh ber thin. Adelia in na aneih chuan a tawrh ai tawrhsak theih a duh thin. Hospital an kal zawh a a muhil pawh a veng tlaivar a, a khawsik a hlauh vang leh ana in a kaihthawh leh a hlauh vang in a mutthilhsan ngam lo. Adelia thil ei lai chu alo en reng a, Adelia hmel a hmuh chuan a nupui a hrechhuak ngei ngei thin. Tupawn anu a chhun an tih in a hnial ngai lo, an in an em vang in hnial ngaihna pawh a awm lo.
"Ka duh tawh lo" Adelia in atih chuan plate chu alo laksak a, a thutna bul dawhkan a a dah hnu ah damdawi a la a, a eitir a, a muttir leh thlap bawk.


"Pa itlaivar ami?"tiin apa chu a zawt a, amah vang in apan hrehawm a tawrh leh chuan a inthiamlo ngawt ang.
"Na ila nei em?"
"Aih nei lo" ati a, apa chu a tlaivar tih a hre mai. Nilo sela chuan a zawhna pawh a chhang ngei ang.
"I damloh laiin ipa a mut theih iring ami?"anu pawn arawn ti veleh a.
"I tlaivar kher a, ka mutthilh chuan mu ve nghal daih ta che"
"Hau lo khan lawmthu hrilh zawk rawh" anu in ti mahse a ngawi tlat tawh. Apa a ngei vang pawh anilo. A tana apa inpek na zawng zawng hian a rilru a khawih a, sawi mai tur pawh a hrengai lo. Apa chau hmel chu a hmuh hmaih biklo a, hetiang anih zel vang hian na aneih pawn a chang chuan a hrilh duh lo thin. Apa chu a hrem tel tlat in a hre thin a, apa chuan amah vang in hrehawm a tuar ve zel ang a ngaih chang a nei thin.


"School chu ikal thei tak tak ang maw? I khawsik amaw na dang ineih chuan min lo be nghal dawn nia" buk nghat pahin a nui suk a, amah vang in anu leh pate chu rilru nuam lo deuh in an hna ah an kal leh ngei dawn a ni. Anu chu an college bulah a chhuk a, a kal liam thleng in apa nen chuan an en a "Chawl tawh se ka ti e, ka khawngaih" Adelia chuan a ti sap a.
"A chawl tep. A class lak laia nau a nei duh anih loh chuan a chawlh angai lawm" apa chuan alo ti uang a.
"Class a neih laiin naute lo chhuak pawp mai se la"
"Tuman an buaipui ngam lo ang. A au ring dawn si" tiin apa chuan anu chu uan nan ala hmang tho a, Adelia pawh alo nui ve mai.

School an thlen chuan teacher te office ah apa in a hruai a, "In class teacher ka hmu duh" atih khan Adelia chuan a hmuh duh chhan alo hre vek tawh. Apa kawng ah akuah a, apa pawh in a dar ah alo kuah ve a, teacher te office an thlen chuan vanneih thlak takin an class teacher pawh alo awm tawh.
"Adelia chu apa in alo hruai leh ani maw?"nui ver ver in alo ti a.
"A damlo a min lo ngaihven sak deuh thei angem? Damdawi chu amah hian a kawl a, min lo ngaihven sak zeuh zeuh theih chuan a lawmawm ngawt ang" Richard chuan ati a. Adelia a hruai ziah vang in an teacher nen pawh chuan an in hrechiang viau tawh.
"Tehreng mai. Rawn ngaihtuah suh. Ka lo ngaihven reng dawn nia" alo ti a.
"Ka lawm e" atih hnu ah Adelia a chhuahpui a, an class thleng a thlah a, Adelia luh dawn chuan, a chal ah a fawp a "Buaina a awm chuan min lo be dawn nia aw ka rawnlam ang che"
"Awle.. Bye"
"Bye Bye" apa kal hnu ah class ah a lut a, a thiante lo awm teuh tawh mahse a ruak huai in a in hria. Apa in a kalsan chauh vang anih a ring.

Class ah pawh tha deuh in a ngaithla a, class-10 anih vang in a pawimawhzia a hreve a ni (Kum13 ka tlin nih in class10 ka nia, Adelia pawh ka nih tir ve tawp. A awmlo lem lo ang chu) Anu leh pa a bik in apa bula a awm chuan naute ang chauh la ni mahse puitlin na lai tam tak a nei a, lehkhazir pawh ama tan vek ani tih hria in class ah pawh lehkha zir loh vang a hauh ngai pawn a awm ngailo.

Nileng in ana vang in a buai leh lo a, an miss chuan a ngaihven em em reng bawk a. Lehkha a thiam vang in duhsak pawh a hlawh hle a ni.
"I damlo ami? Adelia" amah be tu Eric chu "Aw" tiin a chhang a, a kun nghal daih a. Eric chu an school ah a lar a, Adelia pawh Eric duh tute zing ah a tel ve. Mahse ani chuan hmeichhe dang ang in tu bulah mah a sawi ve lo a, amah chiah in a hria a, apa bulah phei chuan a sawi duh lo lehzual.
"Eng nge na a?"
"Tonsil ania"
"Hospital ah inkal em?"
"Aw zan rei ah kan kal. Doctor a fel lutuk. Min lo en tu nia"
"I damlo sia, chanchin ka lo zawh theih nan che i phone number min lo pe Adelia" a vawikhat nan Adelia chuan ama pual a phone neih a chak ve phah. A neilo chu a zak ve deuh a, mahse chhuanlam tur a awm chuan loh vang in "Phone ka la neilo" ati a.
"A pawilo. Inu emaw ipa phone number ani mai. Ka lo call anga biak che ka lo dil ang. I damlo bawk sia"
"A ngai lo. Anu phone hi ka hman tawmpui zawk a, dar7 hma chiah in ka biak theih" ati a, dar7 hnu lam ah chuan lehkha a zir tawh thin.
"Awle. Hma deuh ah ka lo call ang che" Eric chuan ati a. Adelia pawh a star in a phone number a dil chu a ruk chuan a lawm hle a, a damlo pawh chu pawi a ti tawh vak lo.

Tlai ah apa in a lam leh a, apa bula a thut rualin apa chuan "I dam deuh ami? I hmel hmuh a nuam tlat" ati a, Adelia chuan Eric an a number a dil vang anih a ring.
"Dam e. Na tawh lo"
"Thil thleng a awm mi?" Apa hi chuan anu ai pawh a a hriatchian a ring.
"Aih awm lo. Ka khuasik tawh lo"
"Lawm na deuh nei i ang" apa chuan ati leh a, dar7 hma chu apa chuan kal na tur nei se ati. Eric an a phone number a neih tawh bawk si chuan apa chuan a manchhuak vat dawn tih a hre nghal vek.
"Ka damlo sia ka dam thut vang aniang" a phur na tih lan lo a tum tlat tawh. Apa chu tun ah bumthei mahse a bumrei thei dawn si lo. Mipa a bia tih a hriat vaih chuan zawhna chhan sen loh a zawt ngei ang.

In an thlen veleh atang in anu phone a laksak nghal a, apa school ah a let tawh lo tur chu a lawm rual in let leh ngai se tihna pawh a nei tho. A room lama a kal dawn a "Engemaw chu a thleng chiang ani" tia apa tawng ri a hria a, anu chuan hre mahse a ngaipawimawh vak lo. A enliam mai mai dawn tih a hria. Apa a ngaihtuah chuan a nui suk a, pa dang a awt biK lo hle.

Dar5 vel a rik chuan Eric chuan a be ngei bawk a, khum ah bawk in midang hriat hlau takin zawi te te in a chhang a. Kawngkhar lam a melh leh zeuh zeuh thin bawk..
"Kan inbiak zawh ah phone hi ka pe let nghal daih dawn a, lehkha zir a ngai dawn bawk si. Message min lo thawn suh aw" ati a, chetsual palh leh in nan loh palh hlau in chiang tak in a hrilh lawk nghal vek a.
"Mut dawn ah chuan ka kawl leh thei ang"
"Mut dawn chu dar engzat tur nge? Ipa bulah khan engmah sawi suh aw. A veng reng che sia, a hriat chuan min ei daih duh palh ang" Adelia chu a nui hak hak a, apa chuan a tih duh tak tak pawh a ring.
"Awle. Bakah ka dam vat dawn tho a" ati a, Eric khan a damloh vang in chanchin zawh nan a phone number a dil a, a dam hun chuan Eric nen a inbiak chhan tur awm lo ang ah a ngai a, apa chu khawngaih lo se Eric biak phah theih nan damlo reng mahse pawi a tilo mahse a damloh chuan anu leh paten hrehawm an tuar ve zel si, a bik in a pa, a tlaivar leh thak thak duh ngei ang. Apa vang tal pawh in dam vat vat a tum ngei tur a ni tiin a rilru a siam ta zawk a.

Eric a biak zawh veleh apa chu a room ah a lut a, alo la phu nasa lutuk tho.
"Vawin ah eng nge thleng a? I danglam nasa nia Adelia"
"Engmah a thleng lo" ala ti tlat a, apa in a zawt lui lo chu a lawm ru kher mai.
"Engpawh nise damdawi ei a hun, ei rawh" apa chuan ati ta zawk a. A thaw huai a, apan a en loh laiin phone chu a ak tha sawk sawk bawk a, free ve vak lo mahse venthawn tur pa ala nei chu vannei a in ti hrim hrim. Apa chuan engtinpawn enkawl se athat na tur a duh ber tih a hria a, vuina tur a hre lem lo. Mipa chungchang ah buaina an la nei ngai lo a, apa chuan mipa biak ala phal a ring lo a, a star ve deuh in a bia chu a lawm rual in apa lakah inthlahrun na lai a nei bawk. Apa in damdawi a pek zawh Adelia chuan apa a kuah ringawt a "Eng nge thleng hrelo mah ila vawin ah thil tha tak a thlen ka ring. Ka lawm pui che Adelia" apa in atih chuan alo nui ver ver a, thil tha tak chu a thleng a ni.
.
Cont

---

DADDY'S LITTLE GIRL-5


How do I describe my daddy? I just add the three letters EST after Cool, Strong and Best. I love you dad.


"Pa atha vek ang tiraw?"
"Aw a tha vek" hospital ah anu chuan nau a vei mek a, a hlauhthawn lutuk avang in apa chuan a pawm a, lian ve tawh tak ani chung a apa in a pawm chu mi nuih pawh a hlau tawh lo. Hlauhthawn na a neih chuan apa malchunga a awm hian a thlamuang huai thin. Api leh pute (Anu nu leh pate) pawh tar ve viau mahse an awm lui ve tlat tho a, Adelia pawn a ngaina in a thlamuanpui thin mahse a mangan tawp ah chuan apa bawk a bel thin.
"I rit tawh awm si, ipa tan khan a hrehawm anga sin, chhuk rawh" api chuan lo ti mahse apa a kuah nghet sauh a, a lu a thing mat mat a, api thusawi chu a zawm lo lui tlat bawk.

Reitak an nghah hnu ah nurse alo chhuak a, a hmel en chuan thu lawmawm a sawi ngei dawn tih a hriat. Nui sang chung in "Mipa in nei a, ka lawmpui che u" ati a, Adelia chuan reitak chhung chu a thaw a tawp in a hre hial a. A kut in a hmui a hup a, mak atih vang in a meng zau kawk a, a in siamthat hnu chuan a mitmeng a nung sar a, tun ah chuan nau a nei ve tawh ang a, amal lutuk bik tawh lo ang. Apa in a duat bik loh phawt chuan engkim atha ang.

Anu chu cabin ah an dah a, ala chauh deuh vang in a muhil zui leh a, api in a vil chawt a. Apa chuan a nau chu a pawm a, Adelia chuan ala en ngam ve lo. Anu kut a vuan a, anu muhil lai chu a enreng a, anu chau hmel a hmuh chuan a khawngaih a, alo chau ve vek in a hria a, anu sam ah a chul a, a chal ah a fawh sak a, hrethei lo mahse "Dam vat vat rawh aw" tiin a nu chu a hrilh tho a.

Apa chu a bulah kal in "Pawm ve rawh le Adelia" ati a, a vawikhat nan Adelia chuan a nau hmel chu a en a, a men nghal pur pur a, apa chuan a pawm tir a, a nau a pawm veleh chuan a tap a.
"Ngatinge maw i tah ringawt ni? I nulat tawh kha" apu in atih chuan "Ka lawm lutuk alawm" alo ti vat a. Anu leh pate chuan amah aiin duat mahse pawi ati tawh lo.

Adelia awmdan avang chuan Richard pawh a nui hak a, a nupui mutna bulah thu in a kut a vawnsak veleh a, naute pawh a an muttir a, Adelia amah kuah a a din veleh "Inau chu hmeltha iti em?"alo ti vat a. A mittui la hruk reng pah in Adelia chuan "Aw hmeltha, keimah ai pawn a hmeltha zawk" ati a.
"In hmeltha ve ve. Nangpawh i hmeltha a, inau pawh a hmeltha. Keichuan hmeltha ber ka ti ve ve che u"
"Ka nau hi a hming ka hre miah lo"
"Nakin ah ipu saw ila zawt dawn nia"
"Keichuan inau hming ka hretawh. A pian hma atang khan mipa anih ka ring hrim hrim a, a hming tur ka lo phuah sa vek tawh" apu in atih veleh Adelia a ner suk a "Apu hi sual ania" ati sap a, apu chuan hrilh ala tum hmel chuang lo.

"Khawmaw naute chu" an awm na room ah Stephen a luh rual in Adelia chuan "Pute" alo ti chul a, alo kuah nghal thuak thuak a "Ka hmuh apiang che hian i lian zual a, i hmeltha lehzual zel bawk anih hi Adelia"
"Ka lawm e, ka nau chu en rawh" aputea chu a kai a, a nau mutna ah hruaiin anau chu a entir a.
"Ava hmeltha ve. Ka fate pawh ka pawm hreh phah mai dawn lawm" ati uang a, an lo nui dar dar a.

Mary a harh veleh a hnaih ber ah awm Richard bulah "Naute pawh ka la hmuchiang lo" ati a, na la nei mahse hmuh hrehawm a a awm hlau in a nui lui a. Anu chuan ahmuh tur in naute chu a pawm a, Mary chuan a hmai alo chul a "Ka fapa ni awm tak ani a hmeltha emai" ama fiamthu thawh ah chuan nuih luih a tum a, na atih vang in a ner leh sawk thin tho a.
"Hahdam rawh ala hlimchhawn anih kha. Idam hunah kan la nui ho dawn nia" Richard chuan alo ti a, Mary pawh hahdam deuh zawk in a mu leh a.
"Nu ana viau em?" Adelia in atih chuan tawi te a nui chung in a lu a thing a "Ana lo. Ka hmuh phei che hi chuan ka dam vek in ka hria"
"Doctor ka nih hun chuan hospital a i awm angai tawh miah lo ang"
"Ni e, doctor chu ni ngei ang che" ati a, Adelia sam uai lai chu a beng ah a zeh sak a. A chhungkua ang a nei hi phulo a in ti. A nundan a ngaihtuah let a, ruihhlo chu ti em lo mahse asual ber leh a classmate te pawh in an hlauh ber thin a ni. Mipa thleng in sual ngam loh a nei ngai lo a, lehkha a zir peih lo em em bawk a, Richard chu awm lo se tun a a hna pawh hi a thawk kher lo ang. A chhungkua ang a tha a pek vang in Pathian hnen ah pawh lawmthu a sawi nasa thin.

Apa in anu a riahpui a ngaih vang in Adelia chu a pite bula riak tur in an ti a, an haw dawn chuan apa in car awm na thleng a thlah a. Driver chuan alo nghak reng tawh.

Adelia chu a lut duh lawk lo. Apa a kuah bet tlat a, tap tur ang in a awm leh thin. Zan khat pawh anu leh pa tello in ala riak ngai lo.
"Kal rawh le. Zanah ka lo bia ang che. Thil ei teuh la, ipite kha thawnthu te lo chhiarsak leh la"
"Ka duhlo" ati ta tlat a. Richard tan chuan a luhai thlak chang a tam ve thin hle. A hreh chung chung a kal liam tir chu a tan pawh a harsa ve thin a ni.

"Ipa ngen rual ini tawh loh kha. I nula tawh si. Lokal rawh keini pawn kan duat ve tho che lawm" api in lo ti mahse ahma ang tho in api thusawi ngaithla lo in apa chu ala vuan tlat tho a, "Adelia, inu leh inau an dam vat nan chuan fel deuh a i awm angai nia. Ka awmpui loh chuan awmpui tu tur an nei lo anga, Jenny a zin bawk sia, an pahnih chiah a awm chu i khawngaih lo mi? I fel em kha. Nktk zing ah hma deuh ah irawnkal leh dawn nia, thil tui deuh deuh ka lo leisak ang che" apa in atih chuan a thlah ve hram a, car a a thut hnu chuan a mittui a luang ngiai ngiai a, Richard tan pawh thil hmuh hrehawm ber a ni.

Apite in a an luh veleh api phone a laksak a, apa a be nghal a.
"Adelia in thleng tawh mi?"
"Aw kan thleng chiah. Naktuk ni nghal thei se ka ti e"
"Keipawn ka ti. Ikal hnu khan inau alo tap a, angai ve che niang"
"Tap tawh suh se, keipawh ka tap lo mahse ka ngai che u" ati a, a mittui a tling leh pam tawh.
"Keini pawn kan ngai che. Fel deuh in awm la naktuk zing ah i lokal leh vat dawn nia aw"
"Awle" apa nen an inbiak zawh hnu ah pawh room ah a awm tlat a, aputea fate ho pawh a ngaihsak peih lo. A putea nupui chuan a fate ang tho in a buaipui a, a ngaihsak a, anu leh pate a ngaih vang in nuam atih phah chuang lo.

Zing ah hma takah tho in a insiam leh nghal a, dar4 vel chiah ala ni. A putea te room kawngkhar a kik dat dat a, a putea nupui chuan alo ngaihven vat a.
"Harsatna a awm ami? Adelia"
"Hospital ah ka kal duh tawh"
"Awle. I putea saw va kaitho la, i rilatam em?"
"Aih hospital ah ka ei mai ang" ati a, a putea kaitho tur chuan akal a. A sawi nawk nawk a, a hmanhmawh vang in a dim vak lo.
"Ala hma Adelia"
"Mahse ka kal duh tawh lawm. Driver pawh awm tawh lo. Min thlah rawh.. Mawh" ati sek a.
"Nang hi chu aw. Inu chiah chiah" ti chung in a putea pawh a tho a. Adelia chuan room atangin alo nemchhuak. Car chahbi a lak chhung leh a tih nun leh vel chhung ringawt pawh rei ati tawh. Car a aluh chuan a putea bulah phone hman a dil a, a pek veleh apa bawk a be leh a "Pa ka lokal mek tawh nia"
"Ani maw? Ka lo nghak char char tawh che"apa chuan rawn ti mahse a aw chu chauh hmel atih vang in a khawngaih a "Pawn ah lo awm suh. Keimah in ka rawnkal thiam alawm" ati a.
"Ka lo nghak ang che. Ka hmuchak tawh che lawm" apa in atih tlat vang in a hnial duh lem lo.
"Pute tlan chak rawh min nghak tawh"
"Ati mai mai nih kha. A chauh dawn nak lai a, room chhung ah khan ala awm ang. Min kaitho hma ropui sia"
"I sual ber" ati a, kuangkuah in tum bur in pawn lam a en daih a.

Ahma ni a a thlah na chiah ah khan apa chuan alo nghak a, apa a hmuh rualin rang takin a chhuk a "Stephen lo lut ve la"
"Ka rawn lut zuai ang. I fanu hian min kaitho hma lutuk a" atih chuan Richard alo nui hak a, a beisei aiin Adelia chu a hma lo zawk. Khawvar hma atangin a phone alo chang tawh. Room chhung ah an in zui lut a, Adelia anu bulah a kal a, "Nu ka lokal a" ati sap a, a kut a vawh vang in anu chu a khawih ngam lo.
"Iva tho hma ve. I ril a tam em?"
"Aih, ka nau a fel em?"
"Fel lutuk nangmah ang chiah in"
"Kha Mary chu nimin ai chuan hmuh i nuam zawk alawm" Stephen pawn alo ti ve tho a, Adelia ngaihdan chiah pawh a ni.

Apa ngheng in a thu a, anu bula naute muhil lai chu a enreng a "Hetiang hian ka te ve thin awm sia, amak e" ati hluai a.
"Inau hi nakin ah nangmah aiin alo lian mai ang a" apa in atih chuan "Lian mahse a pawi lo mipa lian hi nalh ka ti"a hmui a hup a, nui put put chung in apa a en a "Mipa ilo en nasa ve thin tawh ani maw?"apa chuan ati ta ngei a.
"Teuhlo. Tv a ka hmuh"
"Anime bak i en ngai loh kha"
"Aww.. Tiang ah pawh khan an len theih em kha" apa kuah chung in a nuih tlawn a, theihnghilh daih se a ti.
"Thil ei tawh rawh aw" apa in atih chuan a lu ala thing tlat a.
"Engmah eiloh chu a tha lo. Lokal rawh ei lawk rawh, inau mutthilh lai hian" ati a, apa chuan anu bulah an kal lawk tur thu a hrilh hnu ah thil ei turin a hruai chhuak lui a

Ala hma vang in eitur a la awm vak lo a, a awm ang ang chu tui ti vaklo mahse apa lawm nan a eilui a. Apa chau hmel a hmuh chuan a khawngaih bawk. Apa ang hi chu an van viau a ring thin.

A ei zawh ah an let leh a, anau lo la muhil reng chu "Mut avan duh em em" ti chung in a biang a khawihsak zeuh a, pawm chak viau mahse a harh phah a hlauh vang in a ti lui duh lem lo. Anau chu duat deuh a enkawl a tum a, apa in a duat ang chiah in ani pawh in a nau chu a duat ve ang. Apa chu a ngaisang a, anau pawh apa ang chiah a awm ve turin a duh. A pa mizia a hrechiang a, anau chu apa mizia ang chiah pu turin zirtir a tum bawk.
.
Cont

DADDY'S LITTLE GIRL-6


My life is like a comic book because whenever I am in trouble, I am always saved by a hero called SUPERDAD. I love you..


A nau leh anu hospital atanga an chhuah tawh avang in Adelia pawh amah in room ah a riak leh tawh. Tui deuh a a mut laiin ruahsur bur bur in a ti harh a, kawl alo phet zuai zuai chuan puan in a inkhuh vat a, tek tla leh kawlphe te hi a naupanlai atanga a thil hlauh ber pawl ani thin. Apa a chauh vang in a tibuai hreh ve tawh si, a hlauh lutuk vang in a khur der der a, a thlan fim a tla a, a mittui a tla reng bawk a.

"Adelia" apa aw a hriat chuan a inkhuhna a dahthla a, apa chuan a hlau tih hria in a veng leh dawn ani ngei ang.
"I harh na a rei tawh em? Ka lo hre lawk lo a, ka tihpalh aw" a bulah apa amu a, apa in a kuah chuan a thlamuang huai a, kum13 ani tawh chung a apa buaipui ala ngai reng chu nuam lo tih chang pawh a nei ve thin.
"I bulah ka awm tawh a, a hlauhawm tawh lo. Ka lo veng ang che, muhil leh tawh rawh" apa lam a hawi a, apa chu nghet deuh a kuah let pah in a hmel a en a, a chauh zia chu a hmuthei ve tho a ni.
"Pa i chau sia"
"Ka chau tawh hleinem. Muhil tawh rawh hlauhawm a awm tawh lo. Naktuk school ah i chau lutuk palh ang"
"Ka nau in a hlau ve em?"
"Hlau lo e, ani chu mipa ania, ala muhil char char. A len hunah chuan i hlauh apiang in a chhan char char thin tawh ang che ka ring"
"Ka nau ai chuan nangma chhan ka duh zawk. Mahse tun ah chuan i chau sia, a nuam lo e"
"Ka chau reng reng lo. Keichu pa ka nia ka chau ve thei hleinem" apa chuan alo ti a, Adelia pawh a mut a chhuak leh vat a. Apa kuah in thlamuang deuh in a lo muhil leh a.

School thleng in apa in a thlah a "Buaina i neih chuan min lo be dawn nia, ka lokal vat ang" apa chuan a ti a, nidang ah pawh a tih ziah dan tho a ni.
"Awle. Bye"
"Bye Bye" apa a enliam hnu ah class lam pan in akal a, class a thlen hma a Eric a hmuh chuan a zah deuh vang in hmuh loh der mai a tum a. Kal pelh mai a tum laiin Eric chuan "Adelia naute thar in nei ami?" alo ti a, mak ti deuh a Eric en pah in "Nei e. Engtinge i hriat a?"ati hu a.
"I kal loh ni khan Miss in a sawi a, saturday leh sunday kha ani leh daih sia. Hrilh hmasa lo che chuan ka lo be ngam lo che a, inu phone ani sia" bia se chuan a che buai khawp ang anu in phone a kawl daih sia.
"Nia phone a kawl daih a, naute hmeltha deuh kan nei"
"Mipa nge hmeichhia"
"Mipa a nia"
"Ka van hmu ve chak"
"Apa bulah a thlalak siamtir turin ka ti anga ka lo keng ang" ati a, a nau en turin Eric chu an in ah a hruai ngam lo. Class lam pan in an kal dun a, Adelia chuan a nau chanchin chu ala sawi pah reng a "A hming eng nge?"
"Danial. A hming chu Danial ania, Baby Danial"
"Baby Danial chu min hmuh tir ve vat rawh aw"
"Awle. A fel lutuk. Mahse a muhil reng zel a, ka lo ngai hman thin a" ati a, classroom ah an lut a, a thutna tur a akal dawn ah Eric chuan "Break anih hun ah kan inkawm leh dawn nia aw Adelia" ati a.
"Awle Eric" alo ti ve vat a.

A hma ah thu Rody chu Adelia thutna lam a hawi a "Eric nen in ni mi?"alo ti nghal a, Adelia nuih a za ru angreng hle. Eric chuan duhtu a ngah tih alo hre lawk hlauh zawk a. Mak a ti lutuk lo zawk.
"Ni lo e" ati liam puat a, a lehkhabu a phawrh a, dawhkan a a dah dawn laiin Rody chuan a kut alo man bet a "In ni lo tak tak maw?"
"Nilo ka tih kha"
"Athat chu Eric chuan naute chu a duh ka ring lo reng a" Rody chuan ti mahse engahmah alo ngaihsak lo. Apa naute nih chu a zak lo a, a inchhuan phah zawk.

Toilet a akal ve dawn ah Rody leh a thiante chuan an lo ti ding a "Eric nen kan ni lo itia, break ah in awm dun leh tho sia"
"Chu chu ni tihna ani lo. A ninawm, mawl viau suh Rody. Iduh anih leh hrilh mai rawh nge a duhlo zawk che" ati ve tawh. A chang chuan a dawhtheihna hi a tlem ve thin hle.
"Nangmah a duh che chuan min duh dawn chiang sa"
"Anilo. Min tluklo anga i in ngaih vang anih kha hetianga min tih. Nia min tluk hleinem" ati a, kal pelh a tum chu Rody te chuan an lo dang bet leh a, a dawhtheihna pawh a tlem lehzual tawh a ni.
"Ka tluklo che ah i ngai amaw?"
"Keimah chiah pawh ka nilo. Nangmah pawh khan min tluk lo tih i inhria. Tereuhte pian nalh lo deuh chu Eric chuan a duh ka ring lo reng ani" Rody chuan a pawt lawp a, Adelia pawn alo ti let ve nghal. Tumah ti hmasa ngailo mahse tumah a hlau ngai chuang lo. An insual zui chu ani mai a, Rody thiante hlauthawng chu teacher te hrilh tur in an kal vat a.

"Adelia thlah tawh rawh" an teacher ten thinrim deuh in ti mahse Rody a vawn na chu a thlah duh chuang lo.
"Min ti hmasa anih kha" ati tlat a. A tawp ah an teacher ten an pawt hrang lui a, office ah an ko a "Enge in in sual chhan?"an ti a. Rody chuan "Tereuhte pian nalh lo deuh min ti anih kha. Min tluk lo te atia" ati zat zat a, a tap reng bawk.
"Adelia sawitur inei ve em?"
"Ngaihdam min dil rawh se" tih zawng a sawi a, a bak chu a sawi zui duh chuang lo.
"Ipa kan phone dawn nia" an tih pawn a ngawi reng a, hlau hmel pawh a pu chuang lo.
"Toilet a alokal dawn in kan lo ti ding ringawt alawm"
"Bengchheng" tih pah in Rody a nem vak a, a tluk pah in dawhkan a thil inrem pawh a vei thla nuai mai.
"Adelia" an ti hrawk a, ani chuan Rody chiah alo la en a "Hey ngaihdam min dil rawh ka tih kha" ala ti khur khur tho. An teacher te chu awm ve lo ang hmak ah a ngai anih hmel. School naupang zing a an duhsak ber thin a ni a, Adelia awmdan teh thut chu an teacher te pawn mak an ti. An miss chuan apa a phone ta ringawt a, Rody chu class lamah an let tir a, Rody umzui leh a tum chu an lo man bet a "Ngaihdam min dil tu tur zawk anih kha" alo ti vak a, an teacher te tihdan chu fair lo ati kher mai.
"Thlah rawh kan tih lai che in ithlah duh lo a, office ah kan hmuh laiin kut i thlak leh bawk a, engmah i sawi duh bawk silo" an teacher te mangang chuan an ti a. Adelia chu ngawi reng in a ding a, an zawh leh pawh in a chhang duh tawh lo. Fair lo atih vang in an teacher te chu a haw hle a ni.

"Adelia chu ngatinge?"an teacher te chuan a din na lai an kawh hmuh a, kil khat ah kut hnung suih a kun ngul chung a alo ding a hmuh chuan a khawngaih angreng hle. Richard chuan a fanu chu hnaih in duat tak in a kuah a, "Ngatinge? Adelia"
"Min tibuai hmasa. A thiamloh zawk ani reng a mahse ani chu class ah akal daih tawh" tiin apa chu alo hrilh a, an teacher ten hre pha vek mahse pawi a ti lo.
"Kan zawt a, engmah a sawi ve duh lo a. A thiannu kha kan hmuh laiin office chhung ah a nemthlu leh bawk a"
"Ka thiannu a nilo" Adelia chuan alo ti vat a. An teacher te chu tumah a ngaina tawh lo.
"Adelia pawh heta awm tir lo in class ah in lo awmtir ve mai rih lo a, a fair lo ve deuh a, ka fanu hian tumah a ti hmasa ngai lo. In hriat ve tho ka ring" Richard chuan ati a, a fanu a khawngaihna vang in midang mitmei pawh a veng vak lo ani.

An class teacher chuan an dawhkan hma ah a thuttir a "Adelia hian tun tum tih loh chu buaina ala tawk lo. Kan zirlai tha ber ania, amah ah hian beiseina sang tak kan nei bawk a, khatianga a awm kha kan tan pawh thil mak a tling ve tho. Thinrim ah la lo ula, Adelia pawh khatianga awm tawh lo khan pangai takin class pawh lokal leh ziah la kan duh"
"Rody ve kha"
"Kan lo ngaihtuah tha leh dawn nia. I rilru ala dam lo emai. Iduh chuan ipa rual khan i haw thei ang" an miss chuan a ti a, Adelia pawn apa ruala haw chu alo tum sa hrim hrim.
"In lung kan tih awiloh chuan min hrethiam dawn nia. Teacher kan nihna ang in naupang chung ah dan kan ken kawh a ngai sia" an miss bawk chuan ati leh a. Richard chuan a hriatthiam thu a sawi a, Adelia chuan ala ngei em em thung.

"Class ah ka bag ka la anga hetah hian min lo nghak rawh"apa bulah ati a, apa chu class thleng kal ve turin a duh tawh lo. Apa in lo nghah a remti pawh chu a lawm angreng viau a ni. Class ah a let a, Eric chuan kawnka bulah alo nghak a "Atha vek em? Adelia"
"Tha vek e. Rody hmel tih loh chu" Eric nen chuan an nui dun vur vur a.
"Ka haw dawn a"
"School ban hun ah ka lo bia ang che"
"Awle" a bag a la a, a chhuak tawh mai tur chu let leh in a bag chuan Rody lu ah na tak in a vua a "Min tibuai nawn leh tawh suh ang che. Dawih si chak lo si" ati leh kher a, akal chiah chu Eric pawn a zui ve nghal.
"I vuak lai khan i cool tehmai nia Adelia"
"Ka vuak ai na khan min lo vuak sak dawn nia"
"Hmeichhe kutthlak chu ka duh vak lo mahse a kamis ah pen tui ka lo tikai ang" Eric chu apa in a hmuh hlau in "Let tawh rawh. Teacher te an lokal tawh dawn nia" ati daih a.
"Awle. Ka lo be ngei ngei dawn che nia phone lo keng tlat rawh"
"Ka lo keng ang. Pen tui chu lo tat ngei ngei ang che" Eric kalsan in apa lo nghah na lam ah akal a, apa bul a thlen veleh apa chuan a bag alo kensak a, car awm na lam ah an kal dun leh a.

"Engtin nge a tih che?"apa in atih chuan thil thleng zawng zawng a ngaihtuah kual leh a.
"Min ti hmasa ka tih tawh kha. A tir ah engtinmah ka tilo. Teacher te pawh fair lo si" ati a, a mittui a tling nghal pam bawk a, Eric vang anih chu a sawi dawn lo nasa.
"Amah chiah a an kaltir kha chu a fair lo. Mahse school a insual pawh tha ka ti chuang lo"
"I tan zawk ami?"ati a, a tap ti tih tawh.
"Teuhlo. Nangmah ka tan zawk che. Tumah iti hmasa ngailo tih ka hria lawm. Mahse a theih hram chuan ti tawh suh. Khatianga awm kha i inhmeh ve miah lo ania"
"Min tih hmasak chuan ka ti leh tho ang" apa thusawi a hnial vak ngai lo a, tun tum a a hnial pawh hi a inthiam chuang lo mahse lo ngawih mai mai chu a tih theih bik miah loh tur a ni a, a theih loh tur chu apa bulah pawh a tiam duh lo. Apa beidawng a hmel a hmuh chuan a inthiam lo a, apa chu a hmangaih ngawih ngawih a, a mangan pawn apa lo chu pur tur a hrelo.
"Tih tawh miah loh chu ka tum ang" ati a, "Awle, atha lam chiah ka lo beisei tawh ang" apa pawn ati veleh a. Boruak pik lutuk pawh a zia deuh a, Adelia pawn apa chu a be leh bawrh bawrh ngam tawh. Tilang lo mahse a pa chung ah chuan lawmthu a sawi ru mawlh mawlh a, a theih hram chuan a rilru tih hah loh a tum tawh ngei ang.

Cont.

---

DADDY'S LITTLE GIRL-7


"Adelia inau kha lo awmpui rawh aw, a eitur kan siamsak ang e" anau thla thum mi chu khum ah a awmpui a, a bulah amu a, kuah tum mahse anau chuan alo duh vak lo nge ni a tal leh bat bat thin.
"Danial chu tun atang in i harh nghal em em a, atha dawn lo tlat" tih pahin a khalh tur a an dah chu a nau hmaizawn ah a lek kang va a. A thing vak vak a, school a kalloh ni chuan a nau bulah a awm reng thin.

"Alo tlei maw?"
"Aw a nui vel" tiin anu chu alo chhang a, anau pawh ala lawm pah reng a.
"Thil ei phawt teh se. I awm leh dawn nia" atih hnu ah anu chuan a pawmchhuak a, Adelia pawh in rang takin a zui ve a "Ipa leh Danial hi in ah lo awm sela, bazar ah kan kal dawn nia itih vek tawh kha"

"Ipa a lo la haw loh hi. Ipiten an lo char leh tawh aniang. Arawn haw veleh kan kal dawn nia" anu in a tih chuan alo phur hle. Anu in nau a pai a, apum a len hnu leh a nau tet zual lai zawng in a nu nen an bazar thei ngai lo a, anu nen a bazar leh chu a chak ve leh tawh a ni.

Anau thil ei chu alo vil reng a, a hmui berh lai te lo hruksak in a nu alo pui ve a. Inchhung ah pawh a tih theih ang chu a ti ve zeuh zeuh tawh thin.
"A ei hnem thei e. A thau vak ang tih ka hlau" anau en chuan a ner nang a, anau lah chuan alo la ei buan buan a.
"Thau tawk nise a lawmawm zawk dawn sin"
"Thau tawk anih chuan a len hun ah hmeichhia in an duhlo nga bialnu pawh a nei ve thei lo ang"
"Mipa thau i duhlo nimaw?"anu chuan a ti uang a, Adelia chu alo sa pap pap a "Nu thil ka hrilh ang che aw mahse nangmah chiah hriat chi"
"Ipa ve thung?"
"A hriat chuan a puak leh ni mai. Kan inchhung ah hian bomb a puak ang" anu alo nuih vak chuan a huaisen lehzual sawt in a inhria.
"Nu a hming chu maw Eric ania" ati a, anu chuan "Sawi zel rawh ipa lo haw hman ange" alo ti nghal chung a.
"Kan school mipa ah chuan a hmeltha ber. A luck ania aw. An duh hlawm lutuk a, chuan keimah nen hian kan in be thin a"
"School ban veleh ka phone i chuh vat zel a, ka hrethiam e"

"A mah khan ka number min dil a, ka damloh hnu khan min lo dil ve tawp a, i phone number ka pe a"

"Kan bazar hun ah ipa hriat loh turin phone kan lei mai dawn mi?"anu in atih chuan an nui dun vak a, chutiang chu an ti ngam dawn lo tih an hre ve ve.
"A hmel chu ka van hmu ve chak"
"Nakin ah nangman school ah min thlah la, ka hmuh tir ang che. A hmeltha lutuk"
"Nia mahse ipa tello chuan car ka khalh thiam ve der silo. Ka chuang ngam tawk ve tho sia"
"Kan in nghah tir anga, nangman class thleng min hruai mai dawn lawm. Car ah naute kan lo pawm tir anga"
"Awle Monday ah ngei ngei in aw. Vawin saturday, naktuk chawlh ala ni, avan pawi tak ka hmuh chak tawh nen" anu chuan ati a, Adelia chuan hrilh har thei a in ti zawk. Anu chuan a hau dawn lo hrim hrim tih a hreve tho a, han sawi tawp kha a hreh ve thin a ni.

"Inau thil ei lai hi a hnar ah te a lut. Buaithlak lutuk. Eric kan sawi nasat vang" anu in Danial a tihfai mawlh mawlh lai chuan Adelia chu a lo nui reng a, anau ei bang alo chang ziah thin a, tun tum pawh hian anu chuan pek leh a tum a "Ka duhlo a hnar a lut te kha a thawk zawng in a per lut palh ang" ati a, ala nui zui reng tho a.
"Ka siamkep che sin. Paih a ngai teuh dawn nih hi. Ka dahfel chhung in inau kha lo hru rawh"
"Yes Mom" anu a intihfel vel laiin a nin a nau alo buaipui a, a hruk apiang in a nau chu alo te ve zel bawk a. A vawn beh in a tal nghal zel bawk si. Adelia chuan a tilui zel a, anu a let leh hma in harsa takin a nau chu a hrufai thei hram a.

"Pa ilo haw tawh law?"apa inchhung a luh rual in alo ti nghal a, a thil khailai a pawt thla pah nghal. A hai nghal rak rak a, a eiduh zawng a lachhuak a. A bula a pa a thut veleh alo ngheng a, apa chu chau zawk dawn mahse apa bula a awm chuan a nghen kher hian nuam ati thin.
"Tlai lam ah Adelia nen bazar ah kan kal lawk dawn nia, Danial ilo awmpui thei angem?"
"Kal vek ila"
"Angai lo. Tlai lam ah phei chuan Danial a damlo haw anga, kan buai leh vak mai ang. Tu mipa mah melh no vel rual ka nih tawh loh hi, min zui zel tum suh" anu in mit a siai zeuh lai chuan nui chung in alo siai let ve a. Apa biang a chul pah in "Ka van khawngaih che. Baby Danial chu apite in ah dah la lokal ve mai rawh" ati uang a, apa chuan nui chung in alo kuah vak a, Adelia chu a in leng arh arh a "Inu hi veng uluk rawh aw. Ball a dawlh tawh silo a, a thep leh vek tawh sia, alo hawi nasa lutuk ange"
"Aw mi bulah kan awm apiang in nu ka ti zel a, miin nu ani tawh tih an hre mai ang"

"Adelia insiam rawh" ti a anu a au thut chuan apa nen an beng an hup a, Danial pawn anu aw a hriat chuan alo zawng ve nasa mai.

"Kan insiam nge. Pa thil ka lo hawn ngei ngei ang che" room ah insiam turin a lut a, a thawmhnaw hak tur pawh a thlang uluk hle. Eric pawh an hmu thut thei a tiin a ngaihtuah lawk sa vek a, a lan nalh theih dan ber tur in a inchei a. Nú lutuk in a inchei ve ngailo a, a ngaina ve lo.

"Adelia"
"Ka lokal ivan au ring thei tak" ti chung in inhnuai step ah a tlan thla hlawk hlawk a, "In nalh dun khawp mai. Ka thlah ang cheu ti dawn ila Danial hi ka ven angai bawk sia. Adelia inu lak atang khan kal bo suh, a auring thei si. Bazar ah i zak ang" apa chuan alo ti a, "Thlah ngai lo. Kal na tur dang atam. Awm hahdam pahin Danial kha lo veng rawh. Hmangaihna kan lo hawn ang che. Anih loh pawn ka au ri"
"Nia pa hmangaihna awm zawng zawng kan rawn lei zo vek ang. Bye bye" ati a, anu nen chuan nui har har chung in an chhuak a.

Taxi in bazar lamah an kal a, an phur dun kher mai.
"Nu. Eric hmu ila ka ti. Ka hmuh tir chak tawh lutuk che"
"Keipawn ka ti. Ka duh anga alo hmelthat loh chuan ka phone ikawl tawh lo ang" a uang tih hria in Adelia chuan alo ngai pawimawh lem lo.
"Hmeltha iti dawn chiang sa. Kan school a lut ho pawn hmeltha an ti deuh vek" ati leh hram tho a.
"Keichu ni ila ka duh che ka ti ang male" anu in atih chuan alo phu deuh zawk a, Eric nen chuan inbe reng mahse a bialpa ni tur chuan ala ngaihtuah ngai lo. Class10 berkher a bialpa neih phei chu apa in a phal dawn lo lutuk in a hria.
"A rapthlak. Inchhung ah bomb ka tih tawh kha"
"Ipa te chu tih luih theih lutuk. Tak tak a, ka sawi ho hi keipawn ipa hriat ka duh bik lo nia" anu pawh chuan ati ve leh si a.

Bazar ah an chhuk a, mi an la tam deuh vang in anu ban ah a vuan tlat a. Thawmhnaw te an enkual a, Danial tan toys an lei teuh bawk a. An ril a tam vang in restaurant ah an chawl a.
"Nu la kalkual ang aw. Ka la kham lo. Ala hma tho a" tih pah in Adelia chuan sana a en a, a en zawh hnu ah anu mit zawn ah a sana chu ava ti lang veleh a "Ka mithmul ka pawhtir chak"

"Adelia" anu in atih chuan alo nui vur vur a, an class amite pawn an sawi ziah a, a tih tir ve duh.

"Kan class ah pawh ti an tam zawk"
"Ipan a hre ngei ngei ang"
"Hre dawn e. Min hau lo ang, tih tir ve ka duh lawm"
"Eric vang ani ngei ngei ang"
"Ni deuh tho" a nu hmai zawn te a kun in a nui a, "Min tlawn" tih pahin anu chuan alo nemsawn a.

A tir ah hnial deuh mahse anu chuan mithmul pawh tir tur chuan a hruai ta tho a. Chair ah zam deuh in a thu a, anu a melh zeuh zeuh a, "Nu ana angem?"
"Tehreng mai, goodluck Adelia" a thawk ho zawng zawng an nuih tak ah chuan Adelia pawh alo nui ve ringawt a. An pawh chuan na atih vang in a au chul a, anu in alo veng a "Nalh iduh kha tuar rawh" alo ti zeuh zeuh a, apa in a hnem dan nen chuan in ang lo ati hle thin a, a ngainat loh phah chuang lo. An pawt zo a in en chu hlim hmel pu tak chungin a nu a en a, chumi hnu ah a in en leh a "Analh e" ati pah reng bawk.
"Fanu inei hmeltha khawp mai" tiin a thawk te chuan an lo fak a.
"A lawmawm. In mithmul pawhsak pawh a inhmeh" tia a anu in a chhan chuan Adelia alo nui suk a, amah pawh in inhmeh a in ti a, darthlalang hma a awm reng mai te chu a duh rum rum laiin anu in "Kal ang le hmelthate" ati a, an kal hnu ah pawh in en turin vawikhat a tlan let leh.

"Kan haw thei ipa leh Danial an khawngaihthlak"
"Kan la enkual dawn maw ka tia, kan kal khat sia"
"Tun ah chuan Saturday apiang in kan kal leh thei tawh. I peihlo chung chung sawm luih i ngai leh tep tawh zawk ang" anu in atih chuan alo hnial zui duh tawh bik lo. A beisei anga Eric a hmu fuh lo chu a hnual ve rawih in a hria. Taxi stand lam ah an kal a, bawr viau mahse a nu chu ala vuan hram hram tho. Taxi ding alo awm lo a, anu nen chuan an lo nghak rih a. A hawikual vel a, amah an sut chuan a ner leh suk thin.
"Saw doctor" ati hluai a.

Adelia kawhna lam chu Mary chuan a en ve a, tlangval pakhat leh nu pakhat an lam pan a kal a hmu a.
"Saw mite sawi ihria maw? Adelia" ati a, a awihloh hmel lek lek.
"Aw, ka damloh khan, zanah kan kal laia doctor fel deuh kha" ati a, Mary chuan a en chiang a,a hmeichhia zawk chu a hriat hnu a ang riau in a hre bawk a, an rawn hnaih veleh Adelia chuan "Doctor" alo ti a, a ban alo vei pah lauh lauh a. Doctor pa pawh chu a tir ah hrilh hai hmel deuh hlek mahse Adelia a hmuh chian chuan nelawm taka nui chung in "Ehe.. Adelia anih hi. Alo hmeltha zual lehnghal" ati a. Adelia chu a lo phur nasa mai.
"Hei anu anih hi" tiin doctor chu a hrilh a, Mary chuan hmeichhia char char chu alo en thung.
"Ani maw? Inu pawh a hmeltha nih hi. Ka pi i fanu hi a hmeltha khawp mai"
"Ka lawm e Doctor---" Mary chuan ati sap a.
"Robert ka nia" alo ti vat a. Mary chuan a lungphu a tawp hial in a hria. Hmeichhia kha a hmuh hnu ang a ti reng a, a en nawn leh a, Jenet anih a ring, ani ngei ang.
"Ka hmuh hnu i ang" Jenet zawk chuan a ti a, Mary chuan a chhang hreh takzet ani. Ala inthiam theilo. Amah vanga an nufa a hrehawm tuar ah ala ngai reng ani.
"Keichu Mary ka nia"
"Mary maw? Ka nau thiannu kha ini em?" Jenet chuan ati chul a, a hlim hmel a, mak a tih hmel bawk a. Mary chu chibai pah in "Jenet ka nih hi" ati a, an bula ding Robert leh Adelia chuan hrilhhai tak in an lo en reng a.

Cont

---

DADDY'S LITTLE GIRL-8
www.storyfb.com mizo story thar englai pawhin chhiar tur a awm reng

"Alo rei ve ta khawp mai. Ka nau hnen atang in i chanchin ka lo hre thin a" Jenet-i chuan ati a, Mary chuan chhan vak ngaihna a hrelo. A inthiam lohna chu ala lian zawk tho a ni.
"Mizoram a in awm lehna a rei tawh em?"
"Reilo. Kum khat pawh ala tling lo. Hei hi i fanu maw?"
"Aw ni e"
"Nangmah a ang zawk che a nih hi. A hmeltha khawp mai"
"A lawmawm lutuk. Robert pawh a lian tawh. Ka hmuh hnuhnun ber kha chuan kum2 mi lek kha ala nia" Mary chuan ati mawi ve na a, a zam ru hle thung. Hetianga zam hi a neih pawh ala hre lo.
"Keimah min hria maw?" Robert chuan ati hu a.
"Hria a, i putea te nen class in ang ah kan awm thin a. Kan pawm ve nasa che lawm" ti chung in a nui lui hak hak a, Robert pawn "Avan mak. Min hretu ka neih vak pawh ka lo ring lo a" ati a, ani chu a lawm hmel hle.

Taxi a lokal a, Mary chuan "Kan kal phawt mai ang. Nidang ah kan inhmu leh thin dawn nia" ati a, Robert chu a en nawn leh a, apa a ang tawh hle mai ati rilru a. Jenet in "Awle. Inhmu leh thuai ang u" atih pawh chu a hrechiang mang tawh lo. Robert ringawt a ngaihtuah a, a rilru chu a tawt nghal up up in a hre hial a ni.
"Nu i damlo ami?" Adelia mangang hmel ahmuh veleh a kuah a, a awm ah a pawm bet tlat a, nunhlui tha lo zawng zawng kha a hriat ve a duh lo. A fate rilru nat a duh lo a ni.
"Nu, na inei mi?"
"Ngaithla rawh Adelia" atih hnu ah Adelia biang ah a dawm a.
"Vawin a kan hmuh te kha ipa bulah lo sawi rih miah suh aw. Nakin ah keiman ka lo hrilh ang"
"Doctor kha chu zanah khan a hmu ve a"
"A pawilo. Sawi rih suh. Nakin ah keiman chiang zawk in ka hrilh dawn nia"

Adelia chuan "Awle" ati ban charh a, anu awmdan danglam thut chu mak ati ru ve hle. Khanu vang kha anih chuan ka ngei ngawt ang a ti rilru a. An kal lam a tawng bawrh bawrh si kha anu chu a ngawi ta daih a, Adelia chuan a en leh zeuh thin a, a tawp ah a tih ngaihna hrelo chuan a kut a vawnsak ta ringawt a.

In an thleng a, apa chuan kawt ah Danial pawm chung in alo hmuak a, thawm an neih veleh Rosy pawh in chhung atanga tlanchhuak in an thil khai te chu alo chhawk zung zung a.
"Mary i nuam lo mi?" Richard pawn alo ti nghal. Chu veleh Adelia chuan "Nu mu daih rawh" ati a.
"Ka tha lutuk. In khua alo har viau lo maw? Duh aiin kan rei sia" tih pah in Danial a la nghal a, vei a neih chu lanchhuah tir loh hram hram a tum a ni. "Kan khua chu alo har hman. Adelia eng nge min lo hawn?"
"Keimah" ti chung in apa a kuah a, apa pawn alo kuah let vat a.
"Thil danglam ka hmu" apa in atih chuan a pa bianga dawm chung in a nui vur vur a, a mithmul a san pah ak ak a "Ka hmeltha lehzual em?"

"Nang chu i hmeltha reng. Ka fanu kha ini tlat sia"
"Ipa khan a hau na che nge?"anu nui hmel a hmuh chuan a thawveng huai mai "Hau lo min hau dawn lo ka tih kha" alo ti vat a.
"I lerh ve tan tawh dawn niang. Lerh ka la phal miah lo nia aw" anu nen awmze nei deuh in an in melh a, apa bulah chuan "Lerh vang nilo. Mithmul nalh na lawm. Mithmul tih nalh chu lerh tihna pawh ani lo a. Anu pawh sawn a pawh tir reng a a lerh chuang hleinem" ati zung zung a, apa in thil a hriatthiam ve a hlau hle.
"Danial hi lian vat vat se keiman bazar ah ka hruai ve chak tawh"
"Ka kal ve char char dawn tho. Keimah ber min hruai ve loh chuan" alo ti nghal a. Anau chu thik tum miah lo mahse a thik nghal der mai. A naupan zual lai atang tawh in apa chu naupang dang bula a awm hlek pawh in a thik em em thin.
"Vawin pawn min hruai bik lo a"
"Danial awmpui ngai sia lawm. Min hruai loh itum sa daih nih kha"
"Danial amaha akal theih hun chu ala hla awm e. Ilo huphurh lawk em em a" ati a, hla tak pawh nise a huphurh tho mai. Apa kal naa akal ve loh chuan rilru nuam in a awm ngai lo.

Zanah lehkha a zir a, anu awmdan a mak em vang in Eric nen a inbiak nan phone pawh a dil ngam lo. A rilru a tih buai belh a hlau a, doctor te a hmuh atanga anu awmdan danglam daih kha mak ala ti tho mai. Apa hrilh a phallo leh zel nen. Engemaw tak chu a awm a ring a mahse enge anih ang tih a ngaihtuah thiam lo. Lehkha a zir lai a thildang a ngaihtuah ve chhun ani maithei. Anu awmdan khan alo ti mangang ve em a ni. An in hua anih te a ring a, in hua se chu an inbe tha miah lo ang ati leh a, ama tawk ah a rilru alo buai ve a, anu in a hun ah chuan a bulah pawh engkim ala sawi vek a beisei.

Jeneti te nufa a hmuh ni atang khan Mary chu a rilru a mumal thei tawh lo. Robert hlir a mitthla ah a awm a, a mumang ah a hmu reng bawk thin. Richard hnen atangin Jenet nen an chungchang zawng zawng a hria a, tun ah pawh apa chu ala hre kher lo ang tih te thleng in a ngaihtuah a, a fate pahnih hi an pa hre miah lo in awm ta se a lainat ngawt ang. Chuvang tak chuan Robert pawh a lainat ve a, apa chu a hriat ve chak a ring thin a ni.

Danial a ti mu a, chumi hnu ah Adelia hmu turin akal leh a, apa hrilh lo tur a atih kha ala zep ve char char anih a ring a, a hriatfiah chak chu a ring tho a ni.
"Mu tawh rawh le Adelia"
"Aw bathroom ah kan kal hmasa" Adelia kal hlan chuan a lehkhazir na vel alo dahfel a, a fanu pawh hmeltha tih nei rual ani ve tawh a, kum pawh a hriat loh kar in alo liam hnem tawh. Robert te nufa a hmu leh thut chu mak a ti. Michael nen pawh an in be pawp reng a, Jenet te chanchin engmah a sawi ngai silo. Atan hriat nuam ni a a rin loh vang in Michael chuan a sawi tha duh dawn lo tih hre tho mahse an let leh anih chuan a hriattir ve tal a ring a, Michaela lakah pawh a vui ru hle.

"Nu ngatinge ilo tih fel. Keiman ka lo ti ang" Adelia in atih chuan "Ka tivek tawh a hahthlak hleinem" ati a, Adelia chuan a chet vak a phal tawh lo a, a theih ang ang in a awl a, Adelia pawh a puitling ve tawh. Apa bulah chuan naute ang in la awm reng mahse anu chu a chhawk nasa tawh viau a ni.

Adelia muhil lai en in a thaw leh halh thin a, Richard pawn a awmdan danglam thut chhan chu ni tam tak chhung a zawt tawh. A damlo anih te a ring a, Richard leh Adelia rilru nuam lo taka a siam chu amah pawh a inthiam lo. Adelia sam a huikian sak a, a hmel chu chiang zawk in a en a, apa fanu bik amaw tih tur khawp a apa in a duat a ani. Ani pawn apa chu a ngai a, apa chu a engkim a ni. A ngaisang a, apa lak a thikthu pawh a chhe em em thin. Hei vang hian Adelia hriattir chu a duh lo bur. A rilru na lutuk tur chu a hmuh ngam a ring lo a ni.

"Hetah ila awm a?" Richard aw a hriat chuan a phu zawk thei.
"Thil thleng a awm tiraw? Ka hrechiang ve che in ka hria a, zep inei tih pawh ka hria. Min hrilh rawh. Kan sawi dun anga tihdan kan ngaihtuah dun zawk dawn nia"

A thaw halh a, Richard chu hrilh ngei tha in a hria a ni. Nakin ah alo hre leh si anih chuan a pawi zawk a ring a, a hretawh tih a hriat ngat phei chuan amah pawh a dem daih thei ani tih a hria. An nupa kar ah buaina a awm lo a, chutiang in hriatthiam lohna chu awm turin a duh lo.

"Hrilh tur che chu ka nei a" ati a, Richard chu a bulah a thu a, amah kuah pah in "Sawi rawh ka lo ngaithla ang" ati a.
"Adelia damloh zan kha ila hria em? A tonsil vanga zan a hospital a i hruai kha"
"Aw hria e. Ngatinge chu chu?"
"Khata Adelia lo en tu doctor kha" a ngawi leh rih a, Richard chuan "Ngatinge? Alo thalo mi? Adelia tan a thalo ami?"alo ti mawlh mawlh hman a.
"Nilo. Atha lutuk. Kha doctor kha Robert anih kha. I fapa kha" a rindan chiah in Richard hnen atang chuan chhan na a dawng mai lo. Amah ang bawk in a thawng ve a nih a ring.
"Adelia nen kan bazar ni khan anu nen kan hmu a, Adelia chuan amah entu doctor anih thu a sawi a, a fel ati hle bawk"

"Sawitur engmah inei lo mi? I hmu leh chak lo mi? Ihmu leh anih pawh Adelia te unau hi theihnghilh miah suh" ati a, Richard hnen atanga chhan na a dawng har lutuk chu a mangang tawh a ni. A fate pahnih in an tawrh phah a hlau takzet. Richard tan a Robert pawimawh ve tho zia a hretel bawk a, a mangang lo theilo a ni.

"Ka fate pahnih engtinge ka theihnghilh theih ang?"tiin Richard chuan a zawt let a, "Robert chu a dam a, hna tha tak aneih chuan atha anih chu. A hlim zel ka beisei" atih zawm leh a. A thutna atang in a tho a, Mary pawh alo ding ve nghal a. Richard chuan Adelia a khuh tha a, a bianga a fawh hnu ah "Mu phawt ang" ati a, Mary chu a hruai chhuak a.

An chhuah veleh a Adelia a meng a, a mittui a luang ngiai ngiai a, anu in a muhil amaw atih lai zawng zawng pawh khan alo muhil lo. Anu rilru hah kha hrehawm alo ti ve a, a muhil thei bik lo a ni. A doctor ngainat tak kha apa fa alo ni reng tih a hriat chuan a rilru ana, thawm a neih hlau in a hmui a hup a, a thil hriat vang chuan a tap a, doctor pawh kha ngainatna a nei tawh lo. A muhil theilo a thuchhuak a, anu awmdan danglam pawh kha awm a tih pui, anu chu a khawngaih lehzual a, amah pawn a chhan a hriat miah loh in a thin a rim em em bawk.

Cont

---

DADDY'S LITTLE GIRL-9
www.storyfb.com mizo story thar englai pawhin chhiar tur a awm reng

"Michael ngatinge engmah min hrilh loh?" Mary chuan ati tawp a, a insum thei tawh lo chuan Michael a phone ta tawp a ni.
"Engmaw?"
"Jenet te nufa an rawn let leh tih isawi lo a, ka hmu leh tho si. Sawi lawk la chuan min thawng lutuk lo tur" ati a, room ah midang an luh ve hlau in kawngkhar a kalh daih a.
"A pawimawh vak lo in ka hria a, bakah inpa nen pawh in zawm na an nei tawh chuang lo a"
"Jenet nen chuan an nei tawh lo maithei mahse Robert nen chuan an nei alawm"
"Robert nen pawh in zawm na an nei lo. Adelia ngaihtuah ang che. Robert leh Richard hi an in hriatchhuah veih chuan Adelia chan tur ngaihtuah rawh"
"Richard chuan Adelia a endan a danglam dawn chuang lo" Mary chuan ala ti tlat tho a "Richard pawh ka hrilh vek tawh"
"Eng nga?" Michael chuan ati tuar a.
"Ngaihtuah chiang hmasa ta che Mary. Ahma in Richard an Robert a duh ve vang in ka ute an awm bo phah tawh a, tunah hian ka ute hi awm bo leh se iti mi?"
"Chutiang rilru chu ka pu hauh lo a, nangpawn ahma a an kalbo kha Richard vang anilo itih kha" Mary chuan a ti a, Michael a thilsawi danglam daih chu a hrethiam lo a ni.
"I fate pahnih thatna tur iduh anih chuan hmu mah la i zep tlat tur zawk a ni"
"Robert lakah hian ka la inthiamlo reng tih chu i hriat ve tho kha. Apa ka neihsak a, ka khawngaih thin zia hrechiang ber tu inih kha"
"Inpa khan a zawnchhuah loh ka beisei" phone a tawp zui nghal daih a, Mary chuan a en ngai a en tlawk tlawk a, Richard hian Robert chu a hmuchak dawn lutuk tih a hria a, a fa ve tho anih vang in a dem hran lo mahse a fate pahnih in an tawrh a hlauh phah bawk. Michaela sawi ang khan Adelia a ngaihtuah lehzual. Midang an ngaih a that loh a hlauh vang in room atang in a chhuak a, Danial tap ri a hre nghal bawk a.

"Adelia i awm reng sia, i nau tap chu lo thlem tur che lawm. Ipan a eitur a siamsak a mi? Nge i rawn tho chauh zawk? School i tlai ange aw" ati nghal zung zung a, Adelia chu che miah lo in ala thu a, anu pawh a en chuang lo. Mary chuan lungawilohna anei anih a ring a, apa in a thlem lungawi turin a dah a, ani chuan Danial a pawm thung.
"Siam zat tur ka hre vak lo. Rosy in min tihpui a, room ah i awmrei sia"
"Nia thil ka tifel leh a" ati daih a, Richard chu a mitmeiin Adelia chu thlem turin a hrilh a.

A thutna hma chhuata apa a thut chu Adelia chu a tah a chhuak leh ut ut tawh. Apa hi mi pa ani ve tho ti a a ngaihna chuan a rilru a tina a ni.
"Tukin chu iva mu rei ve"
"Zan ah ka harh leh a" a aw ki chu apa tan pawh ngaihthlak a nawm a ring lo.
"Inbual la, insiam rawh. School i tlai ang. Ka thlah dawn che nia"
"Thlah loh a keimaha kal ka duh ve tawh" a tho vut a, a kalsan ta daih a.

Mary leh Richard pawh an in en hau mai. Apa in a thlah loh a school kallo thak duh thin khan thlah a duh lo thut a. Mary chuan Eric vang a nih a ring a, Richard chu a hrilh duh chuang lo. A rilru a hah nasat lehzual a hlau a ni ber.
"Lungawi lohna anei a mi?"
"Ka hrelo" Mary chuan alo ti vat a.
"A awmdan ava mak ve. Ka insiam anga, kan thlah tho ange, a lungawi veleh mai ang"
"Robert kha engtinge tih i tum?"
"Ka la hrelo. Zep loh chuan ka hmu leh chak a, ka bula awmtir ka tum lo a, apa ka ni tih in hriattir pawh ka tum chuang lo" ati a, a tet lai chiah in a hmu a, hospital ah a fa ani tih hre miah lo in chiang lo ruai in a hmu leh a, a fapa a nih ve avang in hmuh leh chu a chak lutuk. Thisen zawm hi chu inhlat tak tak a har a ni. Inhmuh loh rei tih vel in awmzia a nei lo a, in ngainatna a bo chuang lo.
"Hlauthawng suh. I hlauh ang kha a thleng dawn lo. Keichu Adelia leh Danial te pa alawm ka nih" Mary bulah a ti a..
"Robert nen khan in an na lai in ngah lutuk. Ka en khan i hmel ka hmu in ka hria"
"Ka fapa chuan min ang ve bawk ang chu. Mahse a nu nen a an awm hian an hlim a nih ka ring. Ani pawn apa ka ni tih a hre kher lo ang a, keipawn ka hrilh lo ang" ati a, Mary hlauthawng pawh chu a hrethiam lutuk. Fa pahnih an neih tawh vang in an fate chunga thil thalo a thlen loh hi ani pawn a duh ber ani ve tho a ni.

"Adelia kal ang le" Adelia chuan phur lo deuhin apa a zui a, apa in a kuah pawh chuan nidang ang in a kuah let lo. A kal ve mawp mawp ringawt mai a ni. Car ah apa bulah a thu a, hmalam en run chung in a thu tum bur a.
"Lungawi lohna inei ami?"
"Aih" ati leh tawp a, a thil hriat chu ala pawm thei lo. Naupang tan chuan pawm har tak tur a ni ve reng reng bawk a, Adelia pawh a demawm lem loh. School an thlen veleh "Bye" atih hnu ah rang takin car atang in a chhuk a. Apa in a koh let hlau in a tlan hlawk hlawk a "Iva hmanhmawh ve"Eric aw a hriat chuan a ding chawt.
"Ngatinge i tlan vak vak?"
"Nia ka tlai in ka hria a"
"Ala hma lawm"
"Ka sana a diklo anih chu" tiin chhuanlam a siam a. Eric nen chuan muangchang in an kal dun a.
"Iva cool ve Adelia"
"Mut ka kham lo a" ati sap a, a tlaivar thak reng a ni.
"Zan ah i muhil thei lo mi?"
"Aw"
"Inu phone kawl la min lo be ta che. Ka menpui tur che nia"
"Ka lo hre tawh ang" classroom ah an inzui lut a, Rody bawk in alo melh ram ram a, a tih ziah dan anih vang in a ngai pawimawh lem lo. An intibuai ngun a, Rody thiam an chantir ziah. Eric hnen atangin an principal tunu a ni tih a hria a, an teacher te chuan an hlau anih a ring. Rody pawn a tih buai reng ngam phah.

Lunch break anih chuan dawhkan a bawk in a mit a chhing a, a zirlai pawh a ngaihtuah theilo. Teacher te pawn vawi tam tak an hau. Apa a ngaihtuah reng a, a rilru ana lehzual zel bawk a. A pa in fa dang a nei tih hi a pawm theih pawh a ring lo.
"Adelia engmah i pailo mi? Canteen chu mi an tam lutuk a, ka thil pai hi lo ei ve rawh" a bula Eric a thu chu ngawireng in alo en tawp a.
"Ka pai a ka la phawrh lo a"
"Ka lo phawrh sak ang che. Keichu ka chhungten thil eiloh an phallo a, nangpawh an phal biklo ang" a thu tha a, Eric an a hma a eitur a dah ho chu alo en tlawk tlawk a.
"Ei rawh Adelia. I pan a duat che si, hetianga ahmuh che chuan a lawm miah lo ang"
"Ka riltam vak lo a Eric nangman eiteuh rawh"
"Ei ve tho rawh" Eric chuan ati tlat a, a kut ah fian a hmehbel chawt chawt a.
"Inau enge an? A fel zel em?"
"Tunlai chu a tahbelh lutuk"
"Keichu keimah chiah ka nau. U ka neilo a, nau pawh ka nei lo. U leh nau ka duh ve thin. Ka duat ve ngawt ang" Eric chuan a ti a "Nangchuan nau i nei a, anuam dawn e" atih zawm leh a. Adelia chuan u pawh ka nei alo ti rilru a, a nui suk a, a nui hmel chu a hlauhawm mah zawk.
"Ni e a nuam"
"Zanah mu tha ziah tawh rawh i mut that loh chuan i nelawm loh e" Eric chuan a ti a, a chhang let lem lo.

Tlaiah apa bawk in a school bang a hruai a, "In kan thlen hun ah i lawm na tur tawk thil ihmu dawn nia aw" apa in nuisang a atih chuan enge anih dawn a hrelawk vek. A hlim lo a a hriat vang in a duhzawng thil thar a leisak tih a hre mai.
"Vawin pawh ka chawl tawp a, chu chu ka buaipui a"
"Eng nge?"
"Ihmu ang a i hremai ang" apa chuan ati tlat a. Adelia pawn alo zawt nawn lem lo a, apa bula awm chu nuam a ti rih lo a ni ber. In thlen vat a, lehkhazir chhuanlam a room a inkhung bo daih a chak tawh ber.

"I mood ala fuh chiah nange? Nge school ah thil thleng a awm?"apa in a tih leh chuan "Atha vek. Mut ka kham loh vang anih hi. Ka chau a" ati a, a mit a chhing zui nghal a, apa hmel a en duh rih lo. Kha doctor kha apa in fa atan a pawm anih pawn ani chuan a pawm dawn lo hrim hrim. Danial bak unau pui anei lo. Kha kha chu a nu fa pawh a ni ve lo a ti tlat. Kha doctor lo awm ve kher kher khan a thin a ti rim. Ngainatna pawh a nei tawh lo.


In an thleng a, car atang in ahma ang bawk in a chhuk vat a, apa chu nghah pawh a tum loh laiin apa zawk chuan "Min lo nghak rawh. Ka surprise dawn che sia kan lut rual dawn nia" ati a, Adelia chu ngawireng in alo ding a, a hmel en chuan enge a ngaihtuah ber ang tih pawh a hriat loh.
"Lut ang le" apa chu a hnung ah a kal a, Adelia mit chu a hupsak a.
"I hmuh hun ah lawm lutuk miah suh" tiin a fiam a.
"A tha viau a mi?"
"Aw i hlim ngawt ang. I mood a fu lo sia, nuam lo kan lo tia" Adelia chuan engmah hmulo mahse inchhung an lut tawh tih a hria. A nau thawm pawh a hrethei tawh. Apa chuan a kut ala san a, a hma ah Doctor pa kha nui sang in alo ding a, Adelia mak ti chu a ang phuau a, an in a awmtir ve chu an tum loh a beisei.
"Adelia i doctor ngainat deuh kha chaw ei ah kan sawm a" apa in atih veleh a hmui a chip a, apa hlim hmel a hmuh chuan hrehawm a ti. A hlim chhan chu doctor pa hi anih a ring. Engmah sawilo a room lam a pan daih chuan midang a ti hrilhhai hle.

Cont

---

DADDY'S LITTLE GIRL-10

Adelia kal hnu ah Mary chuan Robert bulah "A thawh hlim atangin a mood a fu lo sa a, hrethiam rawh ka han bia ange" ati a.
"Hrethiam lutuk khatiang hunlai kha a awm ve lawm. Pawi ti suh" Robert chuan alo ti vat a. Adelia kal na lam chu a en zui ve vang vang a. Mary chuan nuam lo a ti ber maithei. Adelia room lamah hmanhmawh takin a kal a, kawngkhar a nem hawng rawp a "Adelia" ati hrawk a. Adelia chu tum bar in khum ah alo thu ngil auh a, a kut a kuangkuah tlat bawk.
"Awmdan mawi i hre miah lo ami? Kan mikhual awm laiin ngatinge khatiang zia kha i chhuah?"

Anu chu a chhang buai duh lo. Apa nen an in biakna kha a hreru tih an hriat a duh lo a, Robert apa fa alo nih vanga a thin a rim tawh laia an ina kal tur lehzel a an sawm chuan a thin a ti ur leh zual a. Anu in tha taka alo dawngsawng thei chu mak ati zawk hial.
"Inthlak la rawn chhuk ang che. I lungawi lo hmel kha tilang tawh miah suh"
"Ka rawn chhuk dawn lo. Chaw ka ei peih lo"
"Eng nge i buaina tak chu ni a?"
"Buaina ka nei lo" ati tuarh a, a au thut vang chuan a nu pawh a thawng angreng hle. A thinrim thlem tur a apa a kallo chu mak a ti. A fapa bulah a awm ang a a hlim aniang tih a ngaih tuah a, Adelia te ang kum rual hi chu an buaithlak thin reng a ni. Anu chuan a kawr ah a pawt tho a "Inthlak nghal rawh"
"Ka rawn chhuk dawn lo ka tih chu"
"I rawn chhuk loh in Robert an nuam a ti nang. Inthlak la rawnchhuk rawh"
"Ka duh lo" anu dawhtheihna tlem tawh zia a hria a, apa ai pawh in anu chu a hlau zawk thin mahse tun tum hi chuan hlauhna a nei lo.
"I luhlul chhuah suh"
"Eng nge in buaina?"apa hmel a hmuh rualin anui suk a, a fapa a hmuh chuan buaina pawh arawn ngaihven har ati rilru a, engkim chu a ngaihbel kual vek tawh.
"Ngatinge Danial irawn kalsan?"
"Robert an a pawm a"
"Ava mak ve midang a duh ngai silo a, Adelia, Danial pawn a ngainat chu. Inthlak la rawnchhuk rawh"
"Lo zuk chhuk rawh. Ka lo buaipui ang" Richard chuan ati ta zawk a.

Anu kal hnu ah apa chuan a dar ah a vawnsak a, amah chen turin a kun hniam a "Adelia ngatinge i hel tlat a? Hetiang inih ngai loh kha. Buaina inei mi? Inu i hrilh ngam loh pawn min hrilh rawh. Ka lo ngaithla ang"
"Neilo" ati hmuk a, apa chu a en duh lo lui a.
"I awmdan a mawilo tih i hria tiraw? Awmdan thalo kan sawi thin ang kha i lantir a, Robert chu i ngainat em kha"
"Tunah chuan tumah ka ngaina tawh lo. Nangmah pawh. Tumah ka entawn peih tawh lo" ati a, a dar atang in apa kut a dahthlak sak a, a inthlakna tur thawmhnaw a lachhuak hmawk hmawk a, thawmhnaw inthep dang tla darh nuaih chu a rap zui leh a, a thusawi khan apa rilru ati na tih engmah a sawi loh dan ah a hria. Apa chuan a rilru nat laiin sawitur a hrevak ngailo a, a thinrim pawn a inchhirna tur a sawi ang tih hlau in ngawih a thlang zawk thin. Fapa a neih mai duhtawk lo a, a hriat ruala an in a kaltur a asawm nghal chung chung chu a ngaithei lo a ni.
"Adelia min ngaina lo mah la ka fanu i nihna a danglam dawn chuang lo a, in ngaihtuah nawn leh a, thil thalo i rilru a awm kha thai bo itum dawn nia. I rawnchhuk duhloh chuan ka tilui miah lo ang che. Awm hahdam rawh i chau anih ka ring. Robert bulah chuan phatna ka lo zawng dawn nia" apa chhuah hnu chuan a thawmhnaw kenlai a vawm a, a sam a tuai nawk nawk a, engkim mai chuan a thin a ti rim em em vek mai a ni. Uniform nen a mu a, apa leh Robert in pawh deuh a an awm dun tur vel chu a hmu peih lo.

Zing ah uniform ha chung in a tho a, a intihfai hnu ah choka ah kal in Rosy eitur a dil a "Nimin a in mikhualpa kha ipa nen an in ang iti ve em? An lian duh si. Ipa a ang e. An awmdun reng bawk sia, an in ngaina viau aniang" Adelia chuan dawhkan atang in plate a nawr thla a, a thozui daih a. Rosy hlauthawng pawh a au chul mai. A room ah kal in a pawisa khawl ala chhuak a, a school bag a lak hnu ah choka ah bawk a kal leh a, Rosy chuan alo en hrek hrek ngam tawh chauh.
"An la mu mi?"
"Aw nizan a in mikhual pa kha a lengrei deuh a"
"Ka kal tawh tih lo hrilh ang che" a kalsan leh chu Rosy a thaw huai mai.

School a kal tak tak hma in Restaurant ah a lut kawi a, mi an la tam lo. A eitur duh a hrilh a, a nghah chhung chuan a pawisa khawl a lakchhuah chu a chhiar a, a khawl na a rei tawh bawk a a tam thawkhat tawh. A eitur chah an rawn dah a, thil a eiloh rei vang in a riltam tawh bawk nen a eizo har lo. Pawisa a pek hnu ah phone zawrhna a zawng a, a hmuh hmasak ber ah a lut nghal a. Phone a lei a, zing kar ah ringawt pawh anu leh pa phalloh thil a ti teuh tawh.

School a thlen veleh Eric a zawng a, a hmuh chuan a kai hrang a "Hei phone ka lei"
"Ipan a phal tawh mi?"
"Aih a phal kher angai lo. Class-10 lai ka nih tawh hi. Ka pawisa khawl in ka lei"
"Avan thalo ve Adelia" Eric chuan ati sap a, Adelia erawh chuan alo ngaihpawimawh vak hmel loh.
"I en duhloh chuan a pawi loh chu"
"Khawi ka lo enchhin" Eric chuan ati leh a, Adelia phone thar chu a ensak a, siam ngai zawng zawng pawh a siamsak zung zung hnu ah a phone number ala a.
"Ka duh duh hunah ka lo be thei tawh dawn che anih hi"
"Nia ithei ngei ang" Adelia chuan ati sap a. Classroom an luh chuan an thutna ve ve an pan nghal.

A thutpui nu chuan alo enduh riau in a hria a, an thut dun na a rei tawh. Anu thiannu Jenny fanu Loisy ani a, Adelia hi lehkha athiam vang in class a san chak a, Loisy hi chu amah aiin a u deuh.
"Adelia nimin atang khan rilru hah na nei i ang e. Thian kawm tam vak chi inilo tih chu ka hria a, mahse ahma a i awmdan ang anilo"
"Ka nei ani maithei sin"
"Min hrilh thei ang"
"Ka sawi peih lo" ati hmuk a. Loisy chuan a thut hnaih lehzual a.
"A tihrehna iduh em?"
"A reh theih ka ring lo"
"Hei hi ei rawh" a rukin Loisy chuan damdawi mum a pe a, Adelia mak ti chuan alo en hu a.
"Keipawn nitin ka ei thin. I hriat kha ka nu hi a hnathawh vang in a zin reng a, ka pa lah ka hah atia a mu hma thei si. Ka naute pahnih an la te bawk sia, kawmtur ka nei ngailo a, ka khuahar thin sia hei ka ei thin a, ka buaina ka theihnghilh vek zel. Bottle pawh ka pai, lokal rawh" Adelia a kaichhuak a, cooler awm naah akalpui a, Loisy in tui a thun laiin Adelia chuan damdawi mum chu alo khal melh melh a, a thinrim na te a reh dawn chuan ei pawh a pawiti lo.
"Ila eingai silo a, mum khat kha ei phawt rawh" Loisy chuan ati a, Adelia pawh chuan hnial buailo in a ei nghal a. A danglam phah pawh a hrelo. Class ah an let leh a, a rei hnu chuan a awmdan danglam hret hret chu a hrethei. Loisy hmaa a phone dah pahin "I phone number dah rawh" ati a, a that viau chuan damdawi chu a dil reng duh dawn a ni.
"Dah lang vak suh. Teacher te an lokal thut chuan an man daih mai ang" tih pah in Loisy chuan alo dahthat sak sawk sawk a. Adelia chuan a awmdan danglam chu hrehawm a ti tan a, a zawi a, a mut te a chhuak a.
"Ka awmdan hi anuam miah lo Loisy, dawt min hrilh a mi?"
"Teuhlo mai. I vawikhat eina anih vang anih kha. Vawihnih na atang chuan nuam iti tawh ang"
"Midang hian an hria angem?"
"Hrelo ang. Keipawn nitin ka ei a in hriat ngai miah loh hi"
"Tumah ka chik ngailo tih hria la"
"Min chik pawh nila i hrelo ang. In control la atha vek ani mai"

"Adelia ngatinge vawin hi i zawi em em?"an teacher chuan vawi engzat a hauhna nge a hreseng tawh lo.
"Miss a damtha lo a" tiin Loisy chuan an miss chu alo hrilhfiah a.
"A tir ah khan sawitha ta che u" an miss chuan ati nawn leh kher a.
"Kan duhlo ni mai lawm" Adelia in ati a, vanneihthlak takin an miss chuan a hrepha lo hlauh.
"A zualpui kha a reh anga, anuam tep tawh ang. Nghak rawh Adelia" tiin Loisy chuan a hrilh ru a. A awmdan a mak lutuk chu Adelia a mangang lek lek tawh. Anu leh paten hmu se, Robert an ngaihsak vang khan in chhir se a duh. A khawl bawm ami pawisa a lakchhuah pawh an hriat tawh ngei a ring a, an rilru pawh a hah a ring tawh mahse anu leh pate chuan mangang takin an teacher te a a chanchin ngaichang in an phone kual ruai ani tih a hrelo. Apa phei chuan amah aia ngaihsak a neilo tih a theihnghilh daih tawh.

Loisy sawi ang tak tak in chawhnu lamah chhan hrehawm a hre tawh lo. Loisy chuan in ah i ei duh takin tiin mum hnih dang a pe a, Adelia chuan alo dahtha vat a. A duh ngei a ring. Anih loh chuan a thil ngaihtuah nasa lutuk a muhil leh thei dawn lo tih a hria.

Banah veleh Loisy nen an inzui chhuak a, apa car a hmuh chuan a biru vat a.
"Hel ang. Inhmuh tir lo ang. Kan in hnaih tho a, haw rual zawk ang" Loisy bulah ati a, Loisy nen chuan kalkawng dang ah apa hmuh loh turin an kal a. Ke in muangchang in an kal a "I buaina chu sawi tawh la" Loisy in ti reng mahse ngawih ala chuh tlat. Apa mualpho theihna chu engmah a sawi dawn lo.

In a thlen veleh anu in "Khawnge i pa?"alo ti nghal. Chhang lo in a room ah akal tlang a, kawngkhar a kalh hnu ah Loisy thil pek chu pakhat a ei leh a, a inthlak leh hnu ah khum ah a mu a. Kum naupang te in damdawi a hmelhriat tan dawn a ang. Tleirawl tan chauh ani a, mahni ngaihdan dik ber a ngaih hun lai a ni. Apa nunhlui a hriat ve pawh in a thim zawng in ngaihtuah lo sela chuan tunah pawh an chhungkua chu inmil deuh in an la awm anga, tleirawl rilru chu hriatthiam a har thin. Apa in a fanu duat, naute ang maia ala ngaih hi hetiang hian a awm tih hria se na ati ve viau ang le.

Cont

---

DADDY'S LITTLE GIRL-11


"Adelia arawn haw tawh em?"
"Haw tawh e. I awm na ka lo zawt a min chhang miah lo room ah a chho tlang daih" Richard a mangang hmel chu alo khawngaih hle. Richard chu Adelia room lamah a tlan hlawk hlawk a, Mary pawh in naupawm chung in a zui ve a. Adelia room hawn mai an tum chu alo in kalh tlat a.
"Adelia lo hawng teh. I thinrim pawn kawngka kalh suh. Ka hmu duh che" Richard chuan ati a, Adelia thawm engmah an hre chuang lo.
"Vuak hrep ka duh tawh mai ni" Mary chuan a ti hlar tawh a, Richard chuan "Buaina lian deuh a nei anih ka ring zawk. Vaw mah ila awmzia a awm lo ang" ati thung a. Mary chuan a pasal chu zaidam zia a hre nasa lehzual in a inhria. Ani chuan tawk a ti tawh. Vua ila a sim mai ang tih chiah a ngaihtuah tawh.
"Vawin ah school akal em le? Naupang zawng zawng ka lo en vek a, ka hmu bawk silo"
"An miss te kan phone kha chuan a lokal an tih kha" Mary chuan alo ti vin leh hlar a "Kawngkha a hawn duh nan ka lo thlem anga, Loisy bulah class a a awmdan va zawt teh. Danial kha hruai mai rawh"
"Awle" ati a, Mary pawh akal ve mai. Thinrim viau mahse a fanu chu a ngaihtuah lo ve thei silo a, thil thalo zawk a thlen a hlau ve tho a ni.

Jenny te in chu kik buai lo in a hawng tawp a, Loisy chu alo awm ngei bawk a, Jenny in "I lokal alaw. Kha chuan apa a chhun deuh lawm"
"Loisy hi thil ka zawt duh a" tih pahin Loisy bulah a thu a.
"Eng nge i zawh duh?"
"Vawin ah Adelia nen in haw dun em?" Jenny pawh chhang lo in Loisy bulah a ti nghal a "Haw dun e"
"Apa in hmulo mi?"
"Tih kawi tur kan nei a, kawng pangai lo lamah kan haw a" Loisy chuan ati a, "Enge in tih kawi tur chu?"
"Engmah vak pawh anilo. Kan inkawm pah a, ke a kal nan a rem em a, a pangai ah chuan motor a tam thei sia" ati leh daih a. Adelia pa an hel daih tih chu alo sawi duh bik lo.
"In in kawm tam silo a"
"Midang kan kawm lo ve ve a, kan pahnih a kan inkawm na a rei ve tawh lawm. Adelia pawn a sawilo mi? Karkhat vel ani tawh" ati zat zat a, dawtsawi ang pawn a awm lo.
"Vawin ah Adelia awmdan ah danglam na a awm em? Nidang an lohna ang te?"
"Awm lo. Kan pahnih in kan inzui char char a nimai"
"Ngatinge Adelia chu? Engtinge a awm a?" Jenny pawn alo ti leh a.
"A mizia in thlak thawk. A sual lutuk. Tunah pawh room ah a in kalh hnan"
"Hawn tir ngei ngei rawh u. Anni ang rual hi chu an rilru a awm hmasa ang ang hian an awm a, intih hlum te a hlauhawm" ati a, Mary pawh a hlauthawng thar leh. Jenny nen in lamah an tlan let leh a, Richard chu Adelia room bulah a lo la awm reng.

A damdawi ei zawh a a mut khan mutchhuak in a zem chiai chiai a,pakhat a ei hnu khan ala bang pakhat kha a hmu reng thei lo a, a ei leh a, damdawi chak tak chu a rualin pahnih a ei ani. Ala ei ngailo lehnghal. Puan in a taksa a sik zawng chuan nuam a ti. A phone thar a en a, Eric chu message a thawn a, a mutchhuah lutuk hnu a a message chu a chhiar theih tawh lo. A muhil dawn tih in a room kawngkhar a ri a, apa aw a hriat chuan apa chu a ngai thar thut a, tap lo turin a insum hram hram a, ngai viau mahse a thinrimna chu a reh chuang lo. Mutthilh san leh mai tum mahse a rik reng vang in a muhil thei lo.

A beng hup in reitak chhung chu a mu lui tlat a, an beidawng anga an let mai ang ati tlat a. A rik reng tho vang in a tho a, kawngkhar a hawng a, anu leh pa bakah Jenny a hmu tel chu mak ati angreng. An mangan hmel hlawm em em mai lehnghal.

"Iva pawr pheng phung ve" anu chuan ati a, anau chu pawm lo se a sam chu a chul mam sak a ring. Jenny zawk chuan alo chul mam sak a, apa chu a en lo hrim hrim.

"Adelia inbe lawk teh ang" apa in atih veleh lu thin pah in "Sawitur ka nei hleinem" ati a. A awki chu amah pawh in a diklo tih a hria. A dang a ro ngulh bawk a, damdawi hnathawh kha a ni.
"Mary lo zuk chhuk tawh mai rawh u. Ka lo awmpui ange" apa chuan ati a, amah a biak hran duh apianga apa tihdan a ni. A nu chu a thin a chhia a, Adelia in a luhlul a chhuah lai chuan apa in anu a awm tir ve ngai lo.

Richard chuan khum ah a thuttir a, amah chu chhuat ah thu in Adelia mit ah chiang takin a en a, thil danglam chu a hmu ngei a ni. A fanu bik tih tur khawp a in ngaina leh awmdun tam an ni a, Adelia pawh a naupanlai atang in zanah a muttir a, zing ah a kaitho leh a, a mitmeng chu nalh atih vang in a en reng thin a, mahse tun a a mitmeng chu nalh a ti lo. A mitmeng ah chuan diklo awm a hmu. Kum tam tak teacher hna alo thawk tawh a, naupang sual tak tak alo enkawl tawh a, an thil tih thin leh an thil tih laia an awmdan a hria, mahse khatiang tur khan a fanu hi chu a beisei ve lo. Khatiang a awm tur khan a duh ve lo.

"Adelia ka mit ah min en teh" hnuailam ala melh tlat a, Richard chu a mangang takzet tawh. A fanu chuan thil thalo alo tih ve a hlau a ni.
"I buaina chu engpawh nise min sawipui rawh. Min ngainat loh chhan pawh sawila ka insiamtha ngei ngei ang. Khawngaih in Adelia" tiin a ngen a, hemi tum hi chuan Adelia chuan a en ve. Adelia mitmeng a hmuh chuan Richard chu a mittui a tling pam a, a mittui vang in amah zawk chuan Adelia hmel chu a hmufiah tawh lo.
"Adelia thil thalo engmah iti lo tiraw?"ati a, a chhanna chu amah chuan a hre sa vek tho si. A rilru na chuan a fanu chu engber nge a hrilh ang tih a hre lo a ni.

Adelia mit hnuai chu a chhah tap a, a meng phelh phung bawk a, a mitmeng a diklo tih chu amah hrechiang tu tan chuan a hai theih lo. A nupui pawh in hmu se a hreve tho in a ring.
"Ka mut a chhuak lutuk" Adelia chuan ati a, a tawngdan pawh a dik chuang lo. Peihlo deuh chunga tawng lui hram hram a ang ber a, a meng hleithei tawh bawk si lo. Richard chu a mittui a tla hial tawh. Inti mipa tak ani a, Mary vang pawn a mittui ala tla ngailo a, Jenet in Robert a hruai bo daih pawn tuar ang in a awm duh chuang lo. Mahse hetianga a fanu awm hian a rilru a tina a ni. A kut in a hmai a hup a, a mittui chu a fanu hmuh tir pawh a duh chuang lo. A room kha lo hawntir lo tawp ila, hetianga a awmdan danglam hi lo hmu lo law law ila tih te a ngaihtuah a.
"Ka muhil dawn" ti a Adelia tawng chu a hreleh a.
"Ka hmangaih che Adelia" engmah dang a sawithei tawh lo. Adelia room atang chuan hmanhmawh tak in a chhuak a.

Adelia chuan apa chhuah lai pawh a hrelo ve thung. A thusawi pawh a hre mumallo. Amaha damdawi hnathawh chu a nasa lutuk. A mutdan pawh a siamrem hman lo. A ke lehlam chiah khum ah a hlang a, lukham a sik nghal chuan a muhil nghal bawrh bawrh a, hetiang lam hrethiam vaklo tan pawh a thil tih chu a hriattheih ngei ang.

Jenny haw hnu ah Mary chu inchung lamah a chho leh a. A pasal in phallo mahse Adelia chanchin chu hriat ve hrim hrim a duh. Danial pawm chung in Adelia room ah a lut a, Richard a hmulo chu mak ati angreng hle. Adelia muhil en chuan a nui hak a "Apa in a mut that tir lo nimaw? Danial i u mu hi enteh" ati a, khum ah Danial thuttir in Adelia chu a siamtha a. A awm mai mai lai alo muhil anih a ring.

"Adelia i mutthat tir lo a, a ke pawh hlang lo in lawm alo mutthilh. I fanu hi ah" an room a luh pah in ati a, a nui pah bawk a, mahse Richard a hmel a hmuh tir chuan a nui tawp chiang hle.
"Ala tha lo ami? Adelia chuan eng nge a sawi?"
"Engmah a sawi lo" Richard chuan ati sap a, a nupui bulah chuan hrilh kher ngaiin a hre rih lo. Hrilh hun chu ala nei anga, tunah chuan Danial buaipuiin a buai em em a, Robert leh Jenet a mithmuh ah an in lar leh thut bawk nen, a taksa leh rilru a hah ve em em a, belhchhah sak a duh rih lo.
"Engtia tih in nge a sawi duh ang aw. Kan lakah lungawilohna a nei anih ka ring ber. Nge naute anga ila en hi a ngaithei tawh lo zawk ni ang"
"A sawi loh chuan keipawh in ka hre bik lo" ati a, Danial an alo ban reng vang in a pawm a. Mary chu hahdam turin a hrilh a.

Richard chu Adelia room ah akal nawn leh a, tlai a chaw an ei dawn a a nupuiin kaihthawh a tum pawn a phallo. Awmzia anei dawn chuang lo tih a hria a, Mary zawk chu a thinrim leh a hlau a ni. Adelia chu tui takin alo la muhil a, khum ah a lawn ve a, a muhil lai chu hmuhnawm ala ti reng mahse a mittui pawh a tla leh dawn thin. A bul ah saisir in amu ve a, A sam a chulsak hliau hliau reng a, a biang ah a fawhsak reng bawk a, a fanu tibuai tu chu enge anih a hrelo a, hetianga a fanu hmuh hi a duh lo. Adelia chu a tan a hlu em em a, a awmdan engkim khan a ti lawm thin a, a duh a sawi chu a leisak lo ngai lo. A tan engkim a ti vek a, a hlim theih nan tih loh a neih pawh a hrelo. Mahse a ngaih a that em em laiin a fanu chu a lo hlim lo reng in a hria a, thil thalo ber tih duhna te alo nei a "Adelia kum13 chiah ila ni asin le" ati sap a, a mutha a, Adelia chu a kuah a, a fanu dik tak kha a duh let leh tawh a ni.

Cont

---

DADDY'S LITTLE GIRL-12


Adelia chu ahma ang bawk in hma tak ah a harh a, a bula apa mu a hmuh chuan a thaw halh a, Loisy nen in nghahna tur hmun an siam vek a, apa in a thlah lui ang tih a hlau. Thawm dim takin a tho a, apa chu tih harh loh hram hram a tum a, a uniform a zawng khawm a, a ruka a phone lei pawh a lukham hnuai ami a phawrh a, apa chu a harh hman a hlau hle. A uniform zawng zawng keng chung in room atang in a chhuak a, apa chu a harh vat dawn tih a hria, a chauh chang chuan muhil nghet viau thin mahse a bula a awm loh chuan a harh vat thin. Chu chu Adelia pawn a hrechiang. Mahse ani pawh a tlai deuh ani. Kawngkhar a thlen hma in "Adelia" ti a apa koh ri a hria a, a ding chawt a "Lo let rawh" apa in atih chuan a kal lui ngam bik lo.
"Lo chho rawh ka be duh che" apa aw ah chuan ahma ang a amah thlem hliau hliau na ang kha a hre tawh lo. Hlau ru viau mahse hlau ang in a awm duh chuang lo a, la tum bar chung in a let a. Room a thlen veleh apa chuan thutthleng a kawk a, tah chuan a thu a. Apa chu khum ah thu in ama thutna chu a kuai her a, apa nen an in hmachhawn ran mai.
"Nimin ah khan thil thalo tak iti a ni Adelia. Itih ve tur pawh a ka lo la ngaihtuah ngai miah loh" apa in atih chuan a phu zawk a, ahma ni a a ei hnu khan hriat mumal pawh anei tawh lo. Apa chuan a hrechhuak hma dawn tih a hrereng mahse pawi a ti lo.
"Engmah ka tilo"
"Dawt min hrilh tum duh suh. Ka hmu a ka hrevek. I danglamna hrelo tur ah min ngai suh. Ngatinge hetiang a i awm thut?"a ngawi ta reng a, sawitur engmah a hretawh lo. Manchhuah theih khawp a alo awm chu a inchhir ru angreng hle. A tawk chin alo hre lo a ni.

"Harsatna ineih chuan min hrilh rawh. Adelia kum13 chauh ila nih hi. Engtinnge khatiang kha ilo tih ve ngam zawk? Engtin nge a nachang pawh i hriat? Engkim, ho te te pawh nise sawi rawh ka ngaithla peih vek. Khatiang itih kha bansan rawh" apa chuan a ti mawlh mawlh a, diktak chuan a taksa pawh ala zawi a, ala nghawng reng niin a in hria.
"Vawin school kal ka phallo. Khatianga ka hmu leh che nih chuan school kal lo in in lama zirtir tu tur che ka ruai mai ang. Tuna i luhna sawn an school hming a i exam an phal dawn lutuk tho. Class10 i pass chuan kan school ah i lut tawh bawk ang. Intifai la inu leh Rosy pui rawh"

Richard chuan Adelia che miah lo a la thu reng chu en in a thaw halh a, a lak ah khirh viau tum thin mahsela a khawngaih leh thin. Tun ah pawh a khawngaih lo chuang lo a, thunun a ngaih avangin a khirh lui ve a ni.
"Che rawh Adelia" ati leh a, nelawm loh luih hram hram a tum tlat a, a khawngaih vang in nem deuh in alo tawng leh ang tih pawh a hlau ve tho.
"School ka kal duh"
"I kal dawn lo tih ka sawi tawh in ka hria. Ka sawi ang chuan awm ang che" Richard chuan ala siamtha thei tih a hria. Vawikhat bak khatianga Adelia awm kha ala hre lo a, ala tlai lo tih a hre bawk a, a khawngaih lo lui ve a ni.

"Adelia school ikal dawn lo mi?" Anu in atih chuan alu a thing ringawt a, hmunphiah alak laiin Rosy in "Keiman ka lo ti ang" ati a, chhuhsak a tum a.
"Angailo tih tir rawh. School akal dawn chuang lo a tih tur anei lo" Richard an alo ti a, Mary leh Rosy chu mak ti deuh in an in en hau mai. Adelia chuan inchhung a phiat chhuak vek a, chumi hnu ah chhuat a nawt leh a.
"Khabak kha engmah tih angai tawh lo aw Adelia"
"Tih tir rawh Mary"
"Tih angai lo. A ti hnem tawh. Iduh leh nangman ti rawh" Mary chuan alo ti hlar a, Adelia chhuat nawt zo kalsan tur chu alo vuan ding a "Engmah tih angai tawh lo tak tak aw" ati nawn leh a. Richard chu a melh pah kher bawk.
"Inau va infiam pui rawh a dang chu Rosy in ati thei. Tih tur pawh a awm tawh chuang lo. Iduh leh i thawmhnaw bal zawng khawm la suk tur ah ilo dah dawn nia" ati a. Adelia chu ngawi reng in a kalsan a. Anau pawh awmpui chuang lo in room ah a lut a, a thu hnawk a, apa chu a hlauh viau rualin runluih zel pawh a chak. Kawngka a kalh a, a phone la chhuak in Loisy a bia a "Adelia ka la nghak che. Irei twh ltk ka tlai dawn nia"
"School ka kal dawn lo. Nimin a ithil min pek kha apan a hria a. Tuman an hre dawn lo iti sia, a hre tho a"
"I awm thiam lo anih chu. A hriat loh tur a awm tur alawm. Iduh leh em?"
"Aih an hre leh ang" ati a, apa hremna dang leh chu a tuar ngam tawh lo. Thildang hmang pawh in a runluih thei tho lawm tih a ngaihtuah a.
"I thiam tawh anga a hre tawh miah lo ang"
"Min man leh chuan school ka kal tawh dawn lo. Ka duh tawh lo"
"Aw a dang ka lo ngaihtuah ang" Loisy chuan a ti tho a. School kal loh a Eric hmuh tawh loh chu a duh lo. Eric vang tal pawh in school kal reng a duh hrim hrim.

"Adelia insuk tur chu i zawng khawm em?"anu in atih veleh a thutna atang in a tho a, a thawmhnaw a zawng khawm nghal a. Room a anu aluh chuan alo dah khawm hman vek tawh.
"Robert rawnkal a tum a" anu in a tih chuan a sa phat a "Vawikhat a lokal kha duhtawk mai lo in eng nge ala duh a? Tinge rawnkal nawn leh a tum?"
"Adelia min hrilh rawh. Ngatinge Robert hi i huat tak thut? I ngaina thin hle si"
"Nu lokal tir suh. Khapa kha a lokal chuan room ah ka awm leh tlat tho ang"
"Kan inleng tur ka lo hnar ngawt theilo alawm. Ipa hi a ngaina a, an ti ti a in rual aniang"
"Awmpui law law rawh u. Apite bulah ka kal daih dawn" tih leh a bag lak a rual a, anu chuan alo pawh thlak sak vat a "Robert i huat chhan ka hre duh. Sawi la keiman ipite bulah chuan ka dah ang che" ati a. Adelia chu a en kar bawk a.
"Ka haw ve tawp"
"Chhan awm lo in tumah kan haw ngai lo. Inu ka nih hi. Engkim min hrilh vek rawh. Ka bulah chuan engpawh a him"
"Robert hi apa fa ve tho ani tih ka hria" anu mak ti hmel chu a hmuh hmaih bik lo. Adelia chu a mittui a tling leh pam tawh a "Ka hrevek. Zana in sawi kha ka hrevek. Nu nangpawn engtin nge i theih zawk a, apa hi min chhuhsak daih i hlau ve lo mi? Tunah pawh kan sawm loh pawn lokal a tum hi. A lokal reng ang a, apa hi an nei daih anga sin"
"Robert hian apa ani tih a hrelo"
"Ama nu khan a hrilh ve thei tho lawm. Apa pawn keimahni min ngaihtuah se chuan a be tha reng lo ang. Keimahni lo fa dang a duh ni mai lawm. Apite bulah chuan min dah tawh rawh. I sawi vek tawh kha. Robert kha ka hmu duh lo" Adelia chuan ati leh a. Anu in a bag a kensak chu a chhuhsak veleh a, a thawmhnaw thenkhat a khung khawm a, uniform pawh a tel.
"Chuan ka pawisa khawl in phone ka lei. Nu engmah sawi suh aw" ati a, a phone lei thar chu a nu kut ah a dah a, "Apite in a ka riah pawn zan ah ka lo bia ang che" ati a.
"Dahtha vat rawh" tih pah in anu chuan a bag mawng ah a khungsak a.

In hnuai lamah anu in a kaithla a, a sam a tawnsang vah a, a mitmeng pawh a fiah kak tawh.
"Ka nute in lamah riak se ka tia, a unaute pawn an ngai ve a" anu in atih chuan apa in "Angailo" alo ti hmuk a.
"Robert lokal a tum sia, Robert a hmu duh bawk silo a, buaina a tam leh mai mai ang. Zingah chuan Stephen pawn a school kal tur chu a thlah thei a"
"School akal loh chuan in chhuahsan pawh angai lo"
"Anih chuan ngatinge school i kal tir loh. Zing atangin hna i thawh tir bawk a, i awmdan hi ka hrethiam lo e ah nangpawh hi" Mary chuan a ti a, anu thinrim chu tih daih tum in Adelia chuan alo vuan nghet sauh a.
"Kal ang Adelia ka thlah ang che"
"Angailo ka tih chu" tih pahin apa chu a ding hluai a. A nelawm thin na zawng zawng kha a bo vek tawh.

"Anih leh hetiang hi ngatinge itih? Adelia school kalloh tir a, hna thawh tir vel kha. Nidang ah ka tirh pawn i ngaitheilo hle si"
"A thatna tur ka duh vang a ti ka nih kha. Kum13 chauh ala nia a duh anga awm rual ala nilo"
"Kanute in a kal pawh min dil thlap alawm. Chu chu ngatinge i phalloh em em?" Mary chuan ati a.
"Lo tan suh. A nun siam hunlai anih hi"
"Tun tum lo hi hauh ngaiin a awm ngai lo. Hrem lo hian tha deuh in hrilh rawh. I hrem vak hian awm zia a neilo"
"Robert nen chuan in mil tir tum rawh. Adelia pawn ahma in a ngaina reng. Nangmah zawk khan tha deuh in hrilh la, in mil rawh se" apa in atih chuan Adelia chu alo ner suk a, a fapa anih vang mai mai a ti rilru a, apa in Robert a tan daih chu a ngei tawk a tling viau mai.
"Nakin ah ala mil mai ang. Robert vanga hetianga iti hi chu a dik lo. Adelia hi naupang ala nih hi"
"Chuvang tak chuan nundan mawi leh tha a zir angai"
"Anih chu. Robert chu lo kawm teh" atih hnu ah Mary chuan Danial a pawm a, "Lokal rawh Adelia" ati a, Adelia leh Danial chu room lamah a hruai ta daih a..

Cont..

DADDY'S LITTLE GIRL-13


"Rawnchhuak rawh Robert a lokal"
"Adelia hi apite in a riah phalsak phawt rawh" Mary chuan alo la ti tlat tho a.
"Adelia chu keiman ka buaipui mai ang. Lo zuk chhuk rawh" ati a, a hnial zel chuan an in hau vak ang tih a hlauh vang in Richard sawi ang chuan in hnuai ah a chhuk a. Robert chuan alo nuih sang a "Ka rin aiin i hma daih" ati liam puat a.
"Nia vawin ah tih tur ka neilo a ka lokal mai mai. Khawnge Adelia hi?"
"Room ah a awm a, inu atha maw?"
"Aw tha e"
"I lokal dawn i hrilh em?"
"Hrilh e. Ka putea pawh ka hrilh a, hman se chuan lokal ve a chak a, mahse naupang school a kal a ngai in ka hria" Robert chuan ati a, Danial a chhaih pah reng tho vang in Mary chuan a pawmtir a.
"Adelia chu i hriatthiam ala ngaih hmel. Anni ang rual hi chu mak deuh deuh a awmchang hi an nei a" tiin Adelia chu a thup mawi a, Adelia thil sawi kha a ngaihtuah pah reng mai.

"Nia, a ho lutuk. A lung ala awi ve vat mai ang" alo ti a, inchung lam a en pah zeuh zeuh bawk.

"Adelia ipite in ah kal ta la tha deuh in i awm angem?"apa in atih chuan a hnungchhawn a, thildang a tihsan a tihsan a. A be peih rih lo niin a in hria.
"Luhlul chhuah tawh suh. Ka tih theih chu i hriat kha"
"Ti la" tih pahin thinrim takin apa a en a, "I duh duh ti rawh. Ka hlau lo che. I duh leh hna min thawh tir leh rawh. Ka hah lo emai. Keimahni ai pawn midang i tan zawk. Robert-a bulah kal daih rawh" ati hrep a, Richard pawh alo hawi hai hial zawk.
"Nangmahni aiin tumah ka tan lo. Ka tan chuan in pawimawh ber. Nang phei chu i pawimawh lehzual. Hetiang hian awm tawh lo la, ahma ang khan tha deuh in awm leh rawh"
"Kal tawh rawh. Keimaha awm nuam ka ti zawk. Lehkha ka zir duh" ati hmuk a, "Adelia iduh chuan ipite bulah chuan ka dah ang che. Mahse tha deuh a i awm angai. Nimin a i hmel ang kha ka hmu tawh tur a ni lo"
"Ka kal peih lo"
"Anih chuan rawn chhuk rawh"
"Ka ngei che" khum ah a lawn a, puan in a inkhuh a.
"Pawm thlak iduh em? Naute ini sia" Richard chu a uang lui a, Adelia inkhuhna keu in a pawm nawlh a "Min dahthla rawh ka lo chhuk duh lo"

"Ifel em kha. Bakah i awm loh chuan a nuam hleinem" Adelia chu tal vak vak mahse awmzia a neilo, apa chuan a pawmthla lui ta tho a.

Inhnuai ah a pawm thla a, an lo en thap a, Mary chuan mak a tih hmel lehzual. Thutthleng ah a khat a, a bulah thu in a kuah zui nghal a.
"Min thlah rawh ka tih kha, a ninawm si"
"Ka ngai tawh che lawm" Richard chuan a ti tlat a. A kuah lui zel tho a.
"Ipa chuan ava duat che ve" Robert an alo tih chuan Adelia in "Lo tawng ve bawk suh" alo ti hlar a, Robert chuan a thusawi lak let leh daih duh hmel a pu. Mary leh Richard pawn lo thup mawi vak ngaihna an hre bik lo.

Adelia chu tum bar in a thu reng a, Robert chuan a be zeuh zeuh reng a, alo chhanglet ngailo thung.
"Kan haw ang e" Robert an atih chuan a lawm ru viau zawk. Anu leh pate chuan kawt thleng in an thlah a, anu leh pate awm loh hlan in hmanhmawh deuh in room ah a lut daih a, Robert a tihdan vang in an hauh leh a ring a, chu chu a ngaithla peih lo. Anute room a a bag dah a lak hnu ah ama room ahba let a, a lehkhazir na dawhkan hmaah thu in a lehkhabu a keu a. Lehkhazir pawh a tum chuang lo. Chhuanlam a hman a tum a ni mai.

A room a lut an awm tih a hriat chuan a thu khawng lah a, a nu zawk nise ati kher mai.
"Adelia" apa aw a hriat chuan a nin lutuk vang in a thaw halh a, apa in a thutna a kawih her lai chuan a kuangkuah a "Robert i huat chhan hi sawi tawh rawh le. Isawi hma chuan room atang hian kan chhuak lo ve ve ang. Ka sawi chu ka ti thin tih i hriat kha" ati a, Adelia pawn a ti leh tak tak dawn tih a hria. A sawi hma chuan a awmpui reng peih anga, thil ei miah lo leh mu lo pawn a peih a ring.
"Huat chhan ka nei lo. Ka ning ve tawp"
"A chhan a awm ngei tur ani"
"Ngatinge Robert pawh chu i ngaihsak em em? Lokal tawh lo mahse a pawi bawk lo" ati a.
"I awmdan mawilo ka tih vang zawk a ni. Khatiang khan tu lak ah mah i awm ngailo. Han sawi teh. Anih loh chuan kan chhuak lo ang" apa chuan room kawngkhar a kalh daih a, anu leh Danial pawh an lut thei lo ang.
"I fa anih vang" Adelia chu tawngzawi viau mahse Richard chuan a hrechiang viau thung.
"Chuvang chuan i ngaihsak. Keimahni ai pawn i ngaihsak zawk. Kan in ah pawh ilo kaltir reng" ati a, a tap ti tih der mai.
"Ilo hria maw?"
"Aw"
"I ngaihdan a diklo anih chu. Robert chu apa ka ni tih hriattir ka tum reng reng lo. Anu in hriattir a phallo a, Robert chuan apa chu a thi ah a ngai daih tawh ang" ati a, Adelia chuan apa chu a en kal a "Nangmahni aia ngaihsak engmah ka nei lo. Nangphei chu ka ngaihsak lehzual che ka tih tawh kha. I ngaihdan kha a dik lo ania. Nang aia ngaihsak ka nei ngailo a, neih pawh ka tum lo" ati a.
"Robert chuan keimah mai nilo kan vaiin min ngaina vek. Nangmah ani lehzual maithei. A lokal apiang in a zawng hmasa ber ziah che. I hmelhriat hnai tak ang ah ngai la, a diklo zawng in ngaihtuah tawh suh. Nangni chu ka kalsan dawn lo che u. Robert pawn a nu a kalsan lo ang" atih zawm leh a.

Adelia pawh a rilru a buai ve nuaih mai. A tir a alo sawi nghal lo kha a inchhir rum rum.

"Robert-an min chuhpui dawn lo che maw?"
"Teuhlo mai. Ani chu a puitling tawh a, bakah Robert chuan engmah a hrelo. Hria pawh nise a bula kal turin min ti miah lo ang. Ka kalsan dawn lo bawk cheu a. Nangchu ka naute bik ini reng dawn ka tih tawh kha. Fel deuhin awm leh tawh la, thil thalo deuh kha ti tawh lo bawk la. I tih hma in chiang deuh in i ngaihtuah thin tawh dawn nia. Ka rilru nat dan tur te ngaihtuah la. Inu leh Danial te pawh. Robert pawh amah a alokal anih loh chuan kan sawm miah lo ang. Ahma pawh khan nangman i ngainat em vang a sawm kan ni" a tih hnu ah Adelia kut pahnih a vuan a.
"Thil thalo iti tawh lo ang tiraw?"
"Ka ti tawh lo ang" ati sap a, a inchhir takzet tawh. Buaina siam lo a alo sawitlang mai lo kha a inchhir ber.
"Ka lawm e. Ka fanu kha alo let leh tawh em?" Apa nui hmel a hmuh chuan Adelia pawh a nui ve sen sen a "Ka hmangaih che a, midang bulah ka kalsan lo ang che. I tello chuan keimah zawk ka awm thei lo ang. I tih tauh chhung pawh khan ka ngai hman lutuk che. Ngaihdan tha lo deuh kha nei tawh miah suh"
"Ka tihpalh" tiin Adelia chuan apa a kuah a, apa chuan alo kuah let rang hle. A fanu chu a ngai tawh takzet a ni. A fanu rilru nuam lo deuh a alo siam pawh chu amah pawh a inthiam bik lo. Ahma aia ngaihsak lehzual zawk a tum a, a ruka hrehawm lo tuar reng turin a duh lo. Thil thalo tak alo tih phah lehnghal.
"Adelia thil thalo tih itum tawh lo tak tak tiraw? Tih duh na inei tawh lo tiraw?"
"Aw ka neilo. Ka ti tawh lo ang" apa dar ah a lu a nghat a, a mit a chhing a, ahma ang khan ala hahdamthlak reng. A rilru buai pawh a ti zia vek in a hria.

"Muhil tawh rawh Adelia" zanah a pa in a hma ang bawk in a muhil tur a veng a, apa kut chu nghet deuh in a vuan a, tumah in an laksak a phallo a, tumah a laktir lo ang. Apa in a kalsan tur ang in ala ngaihtuah ngailo a, Robert arawn lan thut khan a eng lam zawng a ngaihtuah nachang alo hrelo a ni. A mit a chhing a, apa kut a vawn na pawh a thlah dul riai riai a.

A mutthilh hnu ah Richard chuan a biang ah leh a chal ah a fawp a, an room lamah a kalsan a.

"A muhil ami?"a nupuiin alo tih chuan a bu nghat a, Danial muhil lai a fawp pah zauh a. Adelia lungawiloh chhan chu Mary a hrilh ve a "Anih chu" alo ti a, a hriat lawk tawh vang in mak ti ang pawn alo awm lo.
"A fel vek tawh a, atha lawm" ati a. Richard chu a ngaih a thalo zawk. Mary dilchhut zia a hreve tho sia. Mahse Robert chungchang anih vang in Mary pawh in a zawt zui duh biklo ah a ngai.

"Muttui aw"
"Muttui le" Richard chu amah kuah in a mu a, Mary chuan Adelia daih a ngaihtuah a. Apa chan hlau reng reng a alo awm tur chu a khawngaih leh hnu hnawh a, ani lah chuan engmah hrelo in alo hau vak vak thin lehnghal. In hawng deuh a a awm chuan Adelia pawn a harsatna a hrilh nghal reng si a, a hau nghal vak vak kha a inthiam lo a ni. Adelia mizia a hria a, apa laka a thikthu chhiat zia pawh a hria. Adelia vang tal in a harsat lai ber pawh in Richard chu a chelh sauh sauh ang tiin a rilru a siam a. Richard leh Adelia chu engmah in a then hran a phal ngai lo ang.

Cont (A tawp kan hnaih tawh a, Chapter khat bak a awm leh tawh lo. Chhiar nuam vek ule❤)

---

DADDY'S LITTLE GIRL-LAST

"Adelia lokal tawh rawh kan tlai ang" Adelia chu step ah a tlan thla hlawk hlawk a, apa zawn a thlen veleh apa chuan alo kuah a, ani pawn a pa kawng ah a kuah let ve a, ahma ang chiah kha a ni leh tawh.
"Nu Bye Danial nangpawh" nui sang in ati a, anu chuan Danial ban a dawm a tihchet sak pah in "Bye" alo ti let ve a. Apa nen school kal tur in an chhuak a. Kalkawng ah pawh ahma a an tih thin dan bawk in an tawng bawrh bawrh a, Adelia lungawi loh chhung kha ni tam nilo mahse Richard chuan rei deuh ah angai a, Adelia nen a inpawh lo deuh a an awm chuan nikhat pawh rei a ti a, school leh in inkar pawh hla a ti viau thin. Adelia a awm chuan an thleng zung zung thin in a hre ve leh thung.

Car atanga a chhuk veleh apa nen ahma ang bawk in hlim tak in an in thlah a, a ke pen pawh a z*ng vah tawh mai. Eric chuan nidang ang bawk in alo nghak leh a, tum bar chung in "Ngatinge i phone chu ilak leh theih siloh?"
"Ka bag ah alo awm tawh miah lo a" Adelia chuan ati a, anu in a bag chhung ah a dahluh sakin a hria a, a hmu leh tawh silo a, anu in a la daih a nih a ring a, a thinrim pawisak aneih loh laia a hmuh tir anih vang in a lungawi hnu chuan a sawichhuak ngam tawh lo.
"Khawnge itih bo a? A dang ilei leh dawn em?"
"Aih lei lo ang. Ka chhungten neih an la phal silo a, lei lehna ka neitawh lo lawm"
"Inu phone bawk angai leh dawn ni maw?" Eric chuan ati nang nang a, Adelia pawh alo nui hak a, a lu a bu pah nghat nghat a
"Lehkhazir hunchhung anih loh chuan ka kawlsak char char lawm. Kan inbe ziah thei ang"
"Mahse ipa"
"Kan inbiak laiin room ka kalh mai ang" an in en a, an nui dun ver ver a. Classroom lamah an kal a, Adelia chuan Loisy a hmu hreh kher mai. An luh lai pawn a en lo lui char char.

An thut naa a thut veleh Loisy chuan "Adelia iduh tawh lo tak tak maw?"alo ti nghal a, a lu a thing vat a "Aw bakah tunah chuan ka rilru a hah tawh lo a" tiin a chhang vat a.

"Ka phone kha an la daih bawk a" atih zawm leh a, hrechiang lo mahse anu chuan a lak ngei a ring.
"Anih chu phone ila theilo a"
"Ka dil ngam tawh lo. Min hau ani mai" ati leh a, anu chuan a hauh a ring chiah lo. Apa phalloh anih vang in a laksak zawk a nih a ring. Loisy nen chuan a hma ang bawk in ngawi reng in an thu dun a, kum tam tak thudun tawh mahse thian ngaina lo ve ve an ni a, an mizia a in an lutuk vang nge an inkawm ngai lo. An thudun na a an rilru chu a inhlat viau maithei.

"Ka lo paikep che a, canteen ami ai chuan a hrisel zawk" Eric chuan Adelia hma ah a thil pai a dah a, Adelia chuan "Keipawn ka pai alawm" alo ti vat a.
"Anih chuan kan ei teuh ve ve mai dawn nia. Ei teuh tawh rawh. Mut i kham tawh niang hmuh inuam leh tawh. Ahma kha chuan ka be hlau deuh thin che"
"Min hlau lo niang min be tho lawm"
"Biak loh che chu ka thiam tawh lo a, ka ngai zel che a" Eric chuan zak deuh in ati a, a hmui hnuailam pet in a kun daih a.
"Hey Eric ei vat vat rawh. Kan eizo hman lo nga sin"
"Awle" ati a, Adelia pawh en chuang lo in a ei mawlh mawlh a "I eihnem em Adelia"
"Min hmu lo mi?"alu a thing a, a kun tlat vang in a hmu theilo miau alawm. Eric a zah tak thut vang chuan Adelia pawh a zak veleh tawh. Ngawi reng in an tiffin box an remtha ve ve a, Adelia tui pai an in inchhawk a. An in en fuh chang in an nui a, an hawisan leh vat a. Bell a rik chuan Adelia a thawveng hawk mai. Eric a thut naah a let a, nidang ang in Eric chuan a ko reng tawh lo. Adelia zawk chuan a en leh zeuh zeuh thin a, Eric chuan lehkhabu alo bih ngur ngur zel a, a ngaihbel nge Adelia chuan Eric chu a beng thleng in a sen vek niin a hria.

Banah apa in a lo nghahna lamah a tlan dawr dawr a, car a luh rualin a tih thin ang in hnung lamah a bag a vawm phei a "Adelia school chu eng nge an?"
"Nuam lutuk" ati a, Eric a hrechhuak pah zawk mai. Eric vang in school chu nuam a ti.
"Engmah in zir belh tawh dawn lo mi?"
"A then chu kan la zir belh char char tho. A in ang lo a, zirbelh a hun tawh loh nen" ati nang nang a, apa chuan a hriatthiam a ring.
"In zawh chin chu an hria lawm" apa chuan ati a, Adelia chuan Eric alo ngaihtuah leh daih tawhba, a thusawi vang khan amah in a nui ver ver a, Eric an a ngai thin tih hriat chu nuam a ti.
"Star inei mi?" Adelia chu a phu zawk a, anu a ngaihtuah chhuak nghal. Anu chuan apa bulah engmah a sawi a ring silo.
"Aih neilo"
"Star nei ka hriat te awmdan ang chiah in i awm? Zirlai a nuihzathlak siloh a, nuih tur engmah kan tlanpel bawk silo" a zam deuh chuan a kut tin a seh niap niap a, apa chu a chhang theilo. Star nei se chuan apa in a thik ve dawn chiang sa.

In an thlen veleh Danial a ko a, anu in arawn pawm chhuah chuan a biang ah alo piai a, a fawp vak vak a, a mize ngai a chhuah leh tak vang in anu leh pate pawh an hlim ani tih an hmel ah a hriat. Danial pawh alo nui ve reng a, Adelia chuan a kut te a fawhsak a, anau pawh alo ngai viau tawh ani ngei ang.

"Pa ka bulah i awmreng dawn tiraw?"
"Dawn e. Ka kalsan phal lo che. Nangmah hian min kalsan ang tih ka hlau zawk. Inu leh Nang leh Danial te chu ka tan in hlu em a, kalsan tum na cheu ka nei ngailo" Adelia chuan apa a kuah hnu ah a lehkhazir na dawhkan hma ah a thu a.
"Tha deuhin i zir dawn nia Adelia ka hmangaih che"
"Keipawn ka hmangaih che" apa bulah chuan a ti veleh thei ta a. A zirlaibu a phawrh hma in a notebook pakhat anu leh pa chungchang a ziah na thin ala chhuak leh a.
"Ka ziak khat tawh hle mai" ati sap a. Pen ala a, notebook a phek awl lai a keu a, ziahtur tam tak nei mahse ziah ber tur a hrelo a, bultan dan tur a ngaihtuah vang vang a, a hriatchhuah hnu ah a pen a hum tha leh a.

|Ka lungawi loh lai khan ka nu leh pate rilru tur ka lo ngaihtuah ve miah lo a, keimah chiah ka in ngaihtuah a, ka thinrim vang in an rilru tihnat phet ka tum a, runluih ka chak tlat a, an thusawi apiang ka hnial a, ka luhlul ka chhuah tlat a, ka buaina kha ngaihthlak an in peih reng ve ve a, keimah zawk khan ka sawi duh lo lui tlat a, ka awmdan avang khan hrehawm an tih viau ka ring. Ka tihpalh a ni. |


|Ka buaina ka sawi chuan ka pa in awlsam takin min chinfel sak a, ani chuan buaina a chingfel vat thin a, thil hlauhawm ka tih pawh engmah a hlau ve lo tih ka lo hrechhuak zo lo a ni. Ani chuan ka kalsan lo ang che min ti a, min kalsan ka hlauh vanga ka lungawi lohna kha ka hrereng duh tawh lo. Ka kalsan lo ang che min tih chuan ka bulah a awm tlat ngei ngei ang. Min kalsan miah lo ang|


|Keipawh in kalsan ka tum lo a, naupangchhia ang taka tih tauh khum mai mai ka tum tawh lo. Naupangchhia anga awm chu duhtawh lo mah ila ka pa fanu nih a, a naute nih chu nuam ka ti em em tho si. Ka bulah ka pa a awm chuan engmah ka hlau lo. Engpawh a ti thei a, keipawn engpawh ka ti thei ve in ka hre thin. Min hmangaih vang in ka lawm a, keipawh in ka hmangaih lutuk|


|Ka nu leh Danial te pawh an hmuh laiin ka thinrim tawh miah lo ang. Rilru hah deuh in ka awmtir tawh lo anga hlim deuh in ka awmtir reng tawh zawk ang. An vaiin ka hmangaih vek a, an tan ka awm reng ang. Ka chhungkua ang ka neih vang in ka lawm a, ka nu leh pa ang hi tupawn nei se ka ti. Ka tan chuan nu leh pa tha ber an ni. Ka hmangaih che u|

A notebook a khup a, a zirlai zawk ala chhuak a, thildang engmah ngaihtuah lo in a zir a, a tam thei ang ber hriat a tum. A chhungte rilru a tina tawh a, ngaihdam dil nan amah vanga inchhuang taka awmtir ngei a tum tlat a ani.


END

(DADDY'S LITTLE GIRL in lo chhiar a, like leh comment te min pek thin avang in ka lawm e)

---