FIRST LOVE (COMPLETED)

FIRST LOVE-1


"Jessica tho rawh" a nau aw a hriat chuan a in khuh tha sauh sauh a, blanket a vuan bet tlat a.
"Tho rawh ka tih chu"
"ANAAAA" anau chu zuang in a tum a, a blanket pawh a keu chiang hle.
"Chhuk nghal rawh irit si ana lutuk" ati tuarh tuarh a. Anau chu chhuk pah in "I phu tawk chiah. Kaihthawh in thawh tum lo ve ziah mai" rang takin khum atangin a chhuk a, a nau a nem dawrh a, ani chu alo pei chhat chhat a.

"Ilu len nen thluak pawh inei lo. Min thut tliak mai anga sin"

"I tliak teuhlo. Tliak pawh nila doctor ten an zawm thiam lutuk che"
"I hmelchhe lutuk anih chu"
"Min in unau ah i hmeltha zawk min ti ziah. I chhe lehzual tihna anih chu" anau chu chhan ngaihna a hriat loh vang in a chhuak tau nghawng nghawng a.

Anau Johan nen chuan nitin an in hau a, a bik in zingkar ah. An nu leh pate chuan an en tawp tawh. Tih ngaihna an hrevak tawh biklo. An upa anga a reh ve mai an ring tawp anih hmel.

Jessica class12 zir tan tur anih laiin Johan chu class9 chauh ala ni. School khat ah an lut a, apa office kal tur rualin anni pawh school ah an kal ve mai thin.

Choka ah a a lut tlang a, chawhmeh a hawngkual dan dan a "Insiam ta che school tan ni ani law mi?"anu au ri a hriat chuan a zuang zawk a, a awm a dawm vang vang a "Min ti phu lawm"
"Zing ah te hian tho hma la rawng min bawlpui thin rawh. Engkim ti vek thiam rual ini tawh nangpawh hi"
"Ka thiam a ka peihlo nih hi" alo ti vat a, "Pasal neih te pawh ila duh anga, i tih ngei ngei angai tho ang"

"Ka la ti ve bawk ang chu. Nu, Johan hi zing ah min rawn trum a, ana lutuk. A rit ropui si, hau rawh"

"Tunah ala na em?"
"Aih na tawh lo"
"A that chu itlai hma in insiam nghal rawh"
"Nu" anu in a tin uaih a, rang tak in a tlanchhe chhuak nghal a, a phun zui nasa hle bawk.

A hmelhriat loh lakah chuan zakzum tak ang in a lang a, aia upa zah nachang a hria a, mi polite tak ani bawk. Chutih rual in in lamah leh a thiante bulah chuan a bengchheng ve thei hle. In lamah pawh anu nen a an in hau thawm hriat tur a awm reng a, han runluih vel chu a nuam tih zawng a ni.

"Ei hnem thei ve" an chhungkua in dawhkan kil thap mahse unau indo na chu a la tawp chuang lo. Dawhkan hnuai ah Jessica chuan anau ke a tlawh a, anau pawh in a lo tlawh let ve zel a. An thu dun lo chung pawh in an ke lam chu a in zawm reng tho.
"Hmeichhia zawng zawng ah ei i thei ber"
"I tawngthei si tuai inih kha"
"Ka tawngtheih loh ten, tawngthei rual ka nih tawh hi. Ka pian hlim chuan ka tawng bik reng reng hleinem"
"Nu hepa hi ka ning lutuk" tap tuau in ati a, Johan chuan hneh na a chang leh tih inhria in alo nui vur vur a. A ngei tur deuh in a in siamchhe pah reng bawk.

"Awm hrang chhin ula atha ang" apa in atih veleh "Atha khawp ang chu hostel ah dah rawh u hepa hi. Hostel ah chawhmeh tui lo tawk tawk hmeh rawh se. Alu tuihleuh thei te kha ei vel mai mai rawh se"
"Pasal neihtir ula chaw eipuar ngam lo reng rawh se"
"Hostel ah dah ula chhangthawp chiah ei rawh se"
"Ka chhang duh ber alawm. Nu chhangthawp kan nei em? Ka ei chak. Ka pai duh. Tam deuh min paitir rawh. Jessi ka lo pe ve ang. A hmai hi a chhangthawp sia, tui a ti hmuah hmuah ngawt ang" Johan thutna lamah fian a thlawh phei a, ani chu alo awmsan hman hlauh a, thut that leh pah in "Min fuh se ka ti sin le. Anat dan ka hre chak" ati leh kher a. Jessica thinrim chu a tho a, thleng sil naah a thleng a vawm chawrh a, a kut sil pawh in tui a ti per nasa. An nu leh pate chuan an en tawp. Hau mahse awmzia a awm lo a, hrem mahse awmzia a awm chuang lo. Thilsual dang an ti chuang lo an tia an en tawp a, an inhau reng chu a reh hun an nghak tawp. Nu leh pa dawhthei tak an nei a, an vannei.

Car a luh rual in a nau in "A hniam nghal suai mai. Kg engjat nge inih a, ka u duhtak hi alo rih belh leh tawh ami? Ei chiah a thiam vang ami ka u hi nitin kg khat tala a rih belh ziah" ati a, a thusawi tawp lam ah chuan a thluk a siam tawh.
"Naupang. Ka nau ini kher kher hi a pawi ber"
"I thiannu Jennie chu hmeltha viau lo se ka u turin ka duh miah lo ang che"
"Jennie in mipa tawngthei ute zah nachang pawh hrelo a duh lo"
"Kei ai upa ka duh bik lo"
"Ani maw---"
"Jennie lo chu" Johan chuan alo ti leh a, Jessi chuan a sam ah a tham a, a sawi nawk nawk a, Johan na ti chu a then tlawk tlawk a, a u chu chhaih ve reng mahse thinrim in kut a thlak ngailo. A nin tawp ah a dek a, Jessi a zuang zawk a, anau pawh a thlah nghal.
"Min chhaih tawh suh ang che"
"Mahse Jennie chu ka first love alawm"
"A duh ve lo che mimawlpa"
"Ka hmuh tirh atang khan ka hmangaih nghal in ka hria, amah lo chu hmeichhe tha tih pawh ka la nei lo"
"Tha an ti bik lo che. I buaina chu chinfel a ni. Chip hmak tawh rawh" a reh tak vung vung ah chuan hmalam a thu apa chu a thaw huai mai.

"JESSIIIIII" a thiante pathum in an lo nghah na lamah ban phar in a tlan a, anau chu a theihnghilh daih tawh. In kuah khawm chung in an zuang kual a, chawlh chhung pawn in hmu reng mahse an in hne ngai chuang lo.

"Thutiam te innei em? Keichu class-12 hi tha deuha tih ka tum dawn"Jennie in atih chuan an lo nuihsawh a, a ti tak tak tih hre mahse an nuih chak ve hrim hrim. An thian ho ah Jennie chu a thiam ber hrim hrim. Thiamlo fal ang kha an awm lo a, Jennie lo chu thiam fal an awm chuang lo bawk.

Class room ri nuaih nuaih chu ngaiah an nei tawh.
"Saw lo lut thar a awm anih saw. Kan school ah chuan class-11 atang anih loh chuan 12 atangin arawn luh theih miah siloh a" Rose chuan ati sar sar a, a thiante beng pawh a verh.
"Politician fapa niang"
"Nilo ang. Mahse thil tithei deuh fapa chu a niang"
"A fair lo" Jessi chuan alo ti a, "School dan ang chu zawm mai sela. Hetianga duhsak bik neih a theih loh. Rules chu tupawn kan hria, lut thar a awm tih pawh tupawn kan hria"
"Tupawn an la hrelo deuh ang. Keini pawn kan hre chiah sia" Lisa chuan alo ti khauh a, a thiante chuan an melh ram ram mai.

"Tunkum chu laklawh deuh a lo zawm thar kan nei a, in hrethiam tur ah ngai ang. In lo kawm ve dawn nia, Amos tiraw inih kha?"an teacher in atih chuan alo bu nghat a, a nui reng bawk a, a hawikual vah vah a, a zam vak hmel loh. Thian a nei nghal bawk anih hmel.
"Awle midang chu in in hre sa vek a, Amos hi school chungchang, canteen te, toilet te a hriat loh chu in hrilh zung zung dawn nia. Luh tirh a a hrehawm zia chu in hriat vek kha" an teacher chuan ati leh a, hmeichhe ho chuan an lo ngaihven hle. A hrilh tu nih an chak vek a nih hmel.

Lunch break ah midang zawng an chhuah vek hnu ah Jessi te thian ho chuan tiffin an la ei a, an ti ti pah thin avang in an eizo har ziah. A tam zawk chu canteen lamah an kal thin.
"Nangni ho kha" an bula Amos ding chu hmai thal huang in an a, a san bik vang ah an ngai duh lo. An thutna a hniam vang ah an ngai tlat.
"Ka ril a tam"
"Engtham mah a awm tawh lo" inthlahrung takin Rose in alo ti a.
"Khawnge canteen?"
"Midang rual khan kal ve mai ta che. Chhuak tawp la ihmu mai ang" Jennie chuan alo ti a.
"Ka chhuak tawp tawh a, classroom dang leh bang vel chiah ka hmu. Canteen ka hmu lo" Jessi lo chu an nui vek a, lut thar pa (Amos) chuan a fiam a nih an ring. Jessi chuan alo chhang ve vak ngam rih lo. Tlem a zah na ala nei. Midang a nel nghal mai ngailo a, an awmdan a zir in a nel hma viau thin thung.

"Chhuak la midang zawh tur an lo awm nghal mai ang. An la awm teuh ang a, ihmu vat ang"

"Mi ka hmuh ho saw kan class amite anni lo a" an chhan leh hma in "Amos" tih ri an hria a, David an hmu zui nghal a.

"Irei lutuk a, a ninawm hman"
"Hetah enge ilo tih?"
"A ninawm tih zia nan fiamtur ka lo zawng a, anni hi an lo awm hlauh a"
"Kal ila" David chuan a kuah a, an chhuah dawn ah a hawilet a, Jessi in alo en ve a hmuh chuan a mit alo siai a, a nui zui hak a.

"A lerh ngawt ang" an chhuah rualin Jessi chuan a ti nghal.
"Nia anui miah silo a ka fiam ati lehnghal mahse a hmelchhe miah lo" Rose chuan ati a, Lisa pawh alo au chul mai.
"Hmeltha mahse an lerh chuan ka duh teuhlo" Jessi chuan ati a, anu in mi lerh ngaizawng chu an rilru a hah reng thin thu a hrilh tawh a, lerh deuh chu a hlau. An hlat deuh a awmzel mai a duh. "Toilet ah kal ve tawh ang u. Bell ari leh takngial dawn" Jennie in a tih chuan an tho sap sap a, an dawhkan an tifai a. Canteen a kal ai chuan tiffin pai an duh zawk. In lama siam ngei chu an eitui deuh aniang. School canteen ah chuan mi an tam theih mai bakah an duh anga an lo siam loh te a awm thei a, an kal buai peih lo. Bakah an nute theuh in in lama mi chu a hrisel zawk tiin an hrilh a, nalh duh hunlai an nih vang in a hrisel zawk ei chu an thlang a, canteen lam chuan an lung a len ve vak lo.

Toilet ah an kal a, kut sil fai vel pah in darthlalang ah an in en a, an hmai tih that ngai miah lo pawh an khawih zeuh zeuh a. An hmui erawh chu lip gloss an hnawih tha a. An in en leh vang vang a, mahni tawk ah tha an inti tlang ve hle. Mi pawn an ti thin bawk a, an thian ho landan hi chuan fak a hlawh thin.

Classroom ah an inzui lut a, a hnung ber ah Jessi a kal a, an thutna hi a hnung ber a ni. A thiante a zui ve zel laiin a inchhuih khut a, a tlu tur chu a hma a kal Lisa chuan alo dawm hman hlauh a. Lisa kha hawilet lo in che rang hlauh lo sela chuan a tlu chiang viau ang. A inpal na a en let a, Amos chuan a ke alo la dah reng a, Jessi en in a nui vur vur a "Nangma ke maw?"ati sap a. Amos chu a hawisan daih. Jessi chuan a ti lui tih a hria a, an lut thar neih pa chu a haw hlur tawh. Amah vang in a mualpho lo chauh anih kha. A thutfel hnu a lut thar pa hnunglam ahmuh te chuan an lehkhabu zinga chhah ber a vuak chawrh a chak.
"Alo lut ve chiah a, nghal lutuk mai" ati a, "Ka ngei pui tep tawh che. Khatianga intih chu thalo emai. Hmeichhia kan nia pawnfen kan feng a, kan tluk chuan thil pawi lang tur a tam lutuk" Jennie chuan alo ti ve hmarh hmarh a.
"Chuchiah. Ka kekawrte a colorful thei ropui si. Skin tight atang pawn a colour arawn langchhuak thei tho. Mi zawng zawng zing ah tlu chi ka nilo ber" ati a, a ngui bur tawh.
"Engahmah ngai duh suh. A chhaih rei peihlo ang che. Canteen awmna kan hrilh duhloh vang khan ala thinrim aniang"
"Canteen kha chu amah pawn ka fiam atih kha. Min fiam mai mai anih kha Lisa, ngaihtuah chiang rawh" Rose chuan alo ti a.
"A sual thiam emai. Sawpa saw tlanchhiatsan zel chi anih saw" Jessi chuan ati leh a, midang chu an lo bu nghat nghat a. Midang pawh ti lo a ama pal tur kher a a ke alo dah bik kha a thinrim a, mi a hmuh tirh a a huat hmasak ber chu an lut thar pa hi a nih a ring.

Cont (Min chhiar sak thin tu te leh like leh comment min pe thin tu te hnen ah lawmthu ka sawi e. Hun awl pawh awm mai mai nan hmang lo in tangkai deuhin ka hman theih phah a, in tello chuan engmah ka ni dawn silo a, in chung ah ka lawm. Chhiartui vek ule)

FIRST LOVE-2


"Johan ka room ah eng nge itih? Chhuak nghal rawh" Johan chuan a hnung ah engemaw a thukru vat a, nidang ang lo takin a zam ve hmel.
"Eng nge i thuhruk?"
Ensak a tum a, Johan chuan a inher na lamah lehkhabu a nek thla a, Jessi chuan alo chhar vat a, a en kual a a hmel a dur nghal khup khup mai.
"Ka lehkhabu i pawtthla ami? I pawhthlak lai kha zanina thiam tur anih kha. Min hrem anga sin" ati vak a.
"Jennie thil ziah ka hmu lawm. Ka mutpui dawn"
"I mawl ami? Rawn la nghal rawh. Ka thiamlo bik anga sin" ati a, laksak a tumna, an inchuh na lamah a khawr chhe vek tawh. A rei hnu phei chuan chhuat ah an let dun tawp tawp a, paper chu an la inchuh reng a, an pawt bung darh nuaih tawh tih pawh an hrelo. Johan tih ngaihna hrelo chuah a dek leh a, Jessi chuan a thlah a, paper lo sawm nuaih chu a hmu ve chauh.

"Ehe.. A chhe vek. Ka thiam ve dawn lo sin... NUUUU" tlan pah in a ti vak a.
"DAWT A SAWI" ti a au vak pahin Johan chu a hnung ah a tlan veleh a. A nu hma ah an pahnih in an ding a.
"Alo pawt thla daih alawm. Text book ania, Jennie in a keng lo a, ka lehkhabu kan in en tawm a, zirtur chin kha alo thai zel a, a tawp ah ka thaisak vek che anih hi tih a ziak a, chuvang chuan hepa hian alo pawt thla" ti vak chung in Johan lu ah a nem pawp a, a beng zui leh bawk a "Jennie chuan zirtur chin chu a hre dawn bik ami?"
"Phone kan pairu a, thla ala vek alawm. Midang chuan an thiam vek ang"
"Johan ngatinge i pawh thlak?"
"Zawh pawh a ngaih tawh loh chu. Jenny in ka thai sak che tih a ziak a, Jennie thil ziah a awm vang chuan a pawt thla" Jessi chuan alo ti lehbq, a thinrim lutuk chu a au vak vak ni maiin a hriat.
"Vawikhat mah ti tawh ngai suh" anu chuan Johan bulah a ti a, Jessi chuan nep alo tih hmel hle mai.

Ka nau tih ang hian ti ve ila chuan min hau nasa viau ang.

Tum bur in a mu a, thiam lo deuh a kal chu a hreh. Jennie thlalak a inthawn tir a, a fiah hleithei bawk silo. Zoom chawp a ngai zel a, zoom nasat lah in a fiahlo zel bawk a. Anau chu a ngei ngawih ngawih. A hmel lah chu a mitthla ah a awm ve sek lehnghal. A thinrim chu mut pawh a muhil thei lo. A let kual sek a, a thaw leh halh thin a, khawngaihthlak zawk tak a ni.

"Jessica tho rawh" anau aw a hriat veleh a thuchhuak nghal. A thut leh a hlau. A tliak thei dawn tak tak in a inhria.
"Naaa... Alo thu hman a, ka rawn trum leh dawn che mawni ka tia" Jessica hnaiha bungraw awm ang ang chu Johan din na lamah a thlawk phei fua fua mai. A thin ala rim em a ni.
"Ka tihpalh ka tih tawh kha"
"Tihpalh tih kha maw i hrawk chunglam bak in i sawi lo. I rilru chuan min nuihzat. Ka room ah pawh lo lut tawh bawk suh" tih pah in a tho a, Johan alo tlanchhe nghal. A unaunu in kut a thlak chuan a tlawm ah a in ngai. Alo khawih let ve duh ngai silo a.

A bag ah a lehkhabu a khung sawk sawk a, a khung na lutuk a, a phek thenkhat a nawr thlep a, ngaipawimawh ang pawn a awm chuang lo. A awm chu a tawt up up in a hria. Ala thungrul ve khawp ang.

A thil pawh nidang ang in a tawng zawt zawt lo. A ngawi ve reng mai. Johan pawn a chhaih ngam chiah biklo aniang. An in en hrek hrek ringawt. An nu leh pate tan a thawventhlak viau thung a. An in hauh loh chhan chu engpawh nise an inhau lo hrim hrim chu an tan thil mak a tlin rual in hahdamna pawh a ni ve.

"Engmah ka thiam lo" a thiante chuan an lo en thap a, dawhkan ben pah in "Eng. Mah. Ka. Thiam. Lo" ati nawn leh a, a au ring bawk a, a kal tawh ho chuan an en thap mai.
"Engtin nge ka tih ang? Ka nau kerkawr vang vek. Nangpawh ka lehkhabu ah engmah ziak tawh suh. I fans ruhkawl ka bulah a awm tih hre ta che"
"Min hau kher suh" Jennie in alo ti a, pawi tih pui hlawm viau mahse tih theih annei der silo. A hmasa ber ah an la nei dawn zui a.
"Ka mawng te hi a za vek in ka hria" Jessi chuan ati a, a thiante chuan an en tlawk tlawk ringawt. An chhan veih chuan a thinrim lai chuan mawhpuh kual leh mai ang tih an hlau. Amah hnem tu zawk pawh nise awmzia a nei dawn chuang lo.

"A zirlo ding ru le" Jessi chu hreh deuh in a ding a, a ngaihtuahnaah a nau a sawisa nasa leh tawh.
"Ngatinge i zir loh?"
"Zirtur lai bik page kha a tla daih a" ati zawi sup a, an miss ngaihdan chu a nih loh hmel.
"Lo chhuak rawh" atina, Jessi chuan thiamloh pui tur a duh. A thiamloh ni veleh a an lo thiam vek chu a thin a rim zawk..
"Pawn ah va thingthi la i ban phar tel ang che" an miss in atih chuan a zak lawk sa. Class dang in an hmuh te a hlau. Hrem a tawk vak ngai bawk silo. Muang tawkin a chhuak a, an miss sawi ang chuan a awm a, a hawikuak zuk zuk a, tumah a hmuh loh chuan a thaw huai a, an lokal tak thut pawh a an hriat loh nan a kun ta daih a.

"Ehem" a thingthitna bula Amos lo ding nui vur vur pawh chuan a thin a ti rim. Class atanga a chhuah ve theih dan a hre lo. Amos chu a bulah a kal kual sek a, a aw a thian kharh kharh reng a, amah vengtu a ang mah zawk.
"Thingthit kha i inhmeh. Thut pangaia thut ai chuan i inhmeh daih zawk. I chhelo sawt. Kan school tana tawngtai itum ami ivan phar nasa ve" Jessi chuan thinrim deuh in alo en a, a hmai pawh a sen vek thei in a ring. A haw lehzual telh telh. Amah chiah a chhaih thin te chu a ngei. Chhaih pangai aia ngeiawm deuh in a chhaih kher zel bawk si.
"I thingthit rei hunah chuan i khup kha a tek chhawk chhawk mai ang"
"Hetah lo awm ve bawk suh. Ka hmu duh bawk lo che"
"Ka hmeltha tak hi tuman an la hmuduh lo ngai hleinem"
"I hmeltha thlawt lo. Siam sual inih kha"
"Duh vanga siam alawm ka nih" ngeiawm deuhin a nui zui a, Jessi chu a kun daih. A thinrim laia a tihbuai reng vang in a ning lehzual.
"Kan lut tawh a nge" a kal kual leh a, a luh dawn ah Jessi a dek a, a tlanlut zui nghal daih. An miss chu hlau lo se chuan a um nasa viau ang. A khawih let ve hma chu a um peih a in ring.

An thian ho a tiffin an ei laiin Rose in "Apawi e. Ka thiamlo kan lo tive mai lo a, lo ti ila chu nangmah chiah a hrem lo tur che nia. A hnu daih ah kan hrechhuak chauh lawm" ati a.
"Awmze nei tawh lo anih chu isawi" alo ti hmuk a, a thil thial lai chu a khawngaihthlak. A thial chip lehzual viau ang.

Amos tih let ve dan chiah a ngaihtuah. A thiante thil sawi chu a rilru ah alut ve lo. Zak deuh a siam a duh mahse a ngaihtuah chhuak thei mai lo. Amah chhaih ngam tawh miah lo a siam dan a hre duh ber.

Toilet a an awm laiin Rose in "Science lamah duh deuh ka nei" ati a, chu chuan a rilru a la peng ve deuh. Thian te mipa duh chu alo hrechak ve khawp mai.
"Mit tha lam kalh pa kha mi?" Lisa in ati fiamthu a, an ri leh hlut phawt a, Jessi pawh a nui uar leh tawh khawp mai. In sawisak vel hi chu nuam an ti tlang a ni.
"A chhelo lutuk. Zingah kan in nghahna ah khan ka thleng hmasaber a, ka lo nghah lai cheu khan ka hmu lawm"
"Engtinge Science lam tih i hriat?"
"A lehkhabu ken atang in ka hria. A ken chhah zia chu min vawm hlum tawp thei ang" tiin uar deuh in a sawi a.
"Anih chuan a chut ngawt ang. A tawngri leh a hmuiphun pawh a inrem ka ring lo. A kal bu luih luih lo maw?" Jessi pawn alo ti ve a, Rose chuan a haw lem lo. Ani pawn a thiante a kap nasa ve thin tho a, huat en ah an en lo tlang thin a ani.
"A sang lutuk a, apa tawp bawk. Hmu ve mah ula tha in ti ve tho ang. Ka duh emai. Neih dan min ngaihtuah pui teh u" engemaw ngaihtuah theuh nei nghal ni awm takin nui suk chung in an in enkual a, ruahman na an nei nghal pawh a ni maithei.
"Naktuk ah kan lo chang dawn nia, hma tawk ah kan kal vek anga" Jennie in ati a..
"Keiman a hming ka zawhsak ang che, a class leh phone number nen" Lisa in ati bawk a.
"I aiawh in ka lo fawp ang" Jessi in atih chuan an nui uarh uarh a, Rose in vawi tam tak a beng a, an awm tawh chuan toilet a reh ngai lo.

Class a an let leh pawh in nidang ang bawk in Jessi pawh Amos thutna a kalpel dawn lai chuan a fimkhur bik. Eng thang emaw alo kam leh a hlau. A kalpelh dawn a Amos lo nui lai chu a thiannu star pa lehkhabu ken a vawm pawp a chak. Tlaiah zak deuh in a siam ve ngei ngei ang.

Ngaihtuah chhuah a neih chuan a nui vur vur a "Zak deuhin ka siam dawn" tiin a thiante a hrilh a.
"Ban veleh min kalsan vek rawh u. In awm loh chuan min fiam leh dawn hrim hrim a, ka ti let ve dawn" ati a, a thil tum a thiante a hrilh chuan an lo bu tliar tliar a. Class lehlam a an lo awm tur thu an hrilh a.

Bell a rik veleh midang inkhung buai laiin Jessi chuan paper ah lian deuh in thil a ziak sawk sawk a, glue tlem a tat a, dawhkan hnuai ah a rawlh lut nghal a. Rose chuan Amos thutna zawn atang in "Jess kan lo va kal ang, gate bul velah maw kan innghak dawnnia" ati lang lang a, Amos an amah a en nghal tih a hriat chuan a nui ru vur vur mai. Amos pawh a thu veleh nghal tih a hmu bawk.

"Hey keimah nen a awm i chak vang nimaw i thiante ikal hmasak tir"
"Ka chak hran lo"
"Min duh tih ka hria lawm"
"Ani vel ang" a lehkhabu a khung a, a bag a ak a, kal mai a inpeih tawh. Kal a tum der a, Amos chuan alo dang a.
"Ka biangah fawp phawt la ikal dawnnia" ati uang a, nui vur vur chung in a biang a dawh a. Jess chuan alo bensak ve thung a,na ti ang pawn a awm duh chuang lo.
"Hmeichhe dang kan fawhtir daih teh ang. Pawn a banphar chunga thingthi ve ngai lo" ati deuh kher a, Jess pawn a tihbuai reng bik chhan hi a hre bik lo. Jess sam a tuai thur hnu ah chak deuhn a kalsan a, Jess chuan dawhkan hnuaia a paper dah a lakchhuah hnu ah "Amos" ati vak a, kuthnungsuih ang taka lang in Amos dinna lamah akal a.
"Ka biang ah lo fawp zawk rawh" Amos kuah tur ang deuha awm pahin a bag ah paper kha a bel a.
"Ka peihlo e ah. I biang a chang awm emai ka hmui a pilh ang" atih hnu ah Amos a kalsan a, ani pawn a thiante a ko khawm ve nghal.

Amos an zawng a, an umzui a, naupang an la tam chu an tan chuan lawmawm tak a ni. Tupawn Amos bag a in bel chu an chhiar thei ang a, an chhaih zawk reng tawh anga, amah chu a chhaih ngam tawh lo ang tih chu a ngaihdan a ni. Amos kal liam hma in an thian ho chuan Amos hnunga in ziak chu an chhiar a...
"I PEE MY PANTS EVERY NIGHT"
"Sawtiang anih saw chuan min chhaih ngam tawh miah lo ang" tih pahin Jess chuan Amos bag a inziak hmutu te inhrilh ru sap sap chu hmuhnawm ti tak in alo en a.

Cont

---

FIRST LOVE-3


JESSICA's POV

"Nangnu hi" ka hmai ah paper a bet nghal thlawp. Ka thiante an lo te dual mai. Min lo pui zawk se aw. Rose-i duh pa lah kha kan chang chhuak mang silo. Class thlen veleh Amos mawl an min lo man bet leh nghal a. Ka lucky day a nilo pawh nilo in kan thian ho lucky day ani dawn lo chiang sa.

"He thil hi idah tiraw?"
"Ni e. Enge i buaina?"
Paper lakthlak ka tum a, ka hmai ah alo nembet leh a, ka ning tawh lutuk.

"Ka zah iring a manle? Fans ka ngah phah sawt tih i hre silo ah. Tupawn midang dah ani tih an hrevek a"
"Anih chuan min nembet tawh suh. Bang ah min nembet a, ka hmai ah paper i nembet bawk a"
"I hmaia bel tur hian lawm ka lo la dahthat char char"

Amah zawk in a la thla a, ahma ang bawk a ngeiawm in ala nui leh tho. Nilo, a ngeiawm lehzual zawk. Hepa hi ka hua. Ka huatna hi amah ah hian lut vek thei sela chuan a puak tawh ang. A rawn luh tirh atang in min la tibuai char char. Min chhaih lo in nikhat pawh a awm thei lo.

"Tikhan min enreng suh min duh telh telh palh ang" a khabe a dawm a, ka hmeltha intih reng te hi a zaklo ani ngei ang. Zahna engmah a nei lo.

Bell a ri chu ka lawm lutuk. Rang tawkin ka put chhuak nghal. Min tibuai reng lo sela chuan hmeltha ka ti maithei. Tunah chuan hmeltha ka ti teuh lo mai. Ka bodyguard atan pawh ka duh lo. Ka engatanmah ka duh lo.

Jennie in ti dek in min lo en. Thiantha tak nimahse Amos lak atang chuan tuman min chhan ngam lo. A chhaih buai ve an hlau aniang. A ninawm tur zia keimah atang hian an hrevek tawh ang. Tah vak vak mai te ka duh thin.

"Amos saw Sec-A ami Ruby nen nimin ah an haw dun an ti" Rose in atih chuan kut ka beng tep. Bialnu aneih hun alawm ka nghahhlelh. Min tibuai tawh lo anga, anuam viau ang. Rose hian kan thian ho ah thil a hrethei ber. Kan school chhunga thil thleng kan hriat na ber pawh Rose a ni.

"Hmeichhe ho zing ah chuan a langsar tih ka hre hrim hrim a"
"Sawpa saw maw Lisa" tih pah in ner nang chung in Amos ka kawk a.
"Ni e a chhelo alawm mahse a sual" min hlauh vang in chhelo chiah chu a ti ngam lo niang an chung ah chuan a sual ve chuang lo a. Sual lo se chu chhia ka ti bik miah lo ang.

"Nia a langsar. Principal nen hian in zawm na nei anga sawi pawh a awm" Rose bawk a ni. Principal nen chuan a chhe lam in inzawmna nei sela hnawtchhuak daih sela ka ti. Hetiang a rilru chhia hi ka pu ngailo asin le. Hmeh pawh ka inhmeh lo.

"Arawn hawi reng in ka hria"
"Tuman en suh u" thil ziak ang in ka awm a, amah saw tham khawm a hrual nawk nawk ka chak. Lerh hmel si. Ka hua a, ka hlau bawk. Sawtiang ang saw bialpa ka nei ang tih ka hlau. Pasal ah phei chuan ka duhlo lehzual. Nitin insual ka peihlo.


Amos's POV

Henu hi a lawmawm. A hmeltha. Anu reuh si. Ka hmuh tirh atang in tha ka ti. An tiffin eilai ka tih buai kha. An hrem lai pawh khan ngaihsak ka duh vang in chhuah ka dil a, amah chiah a a awm loh nan. Ka ngaihsak tih a hriat ka hlauh vang in ka tibuai leh daih.

"Nimin ah tu nen nge in haw?"
Ka hmai zawn a David lo kun chu ka lo nemsan nghal daih.
"Ruby nen"
"Iduh deuh ami?"
"Ruby maw?"
"Ni e"
"Ka duh zawk che"
"Tenawm" tih pahin min beng. Mipa in dim miah lo a min beng chu na ve tak a ni.
"Ka ke ana min thlah rawh atia, chuzawng chu. Enge ila hriat duh dear" min beng nawn leh.
"Khatianga min tih leh chuan ka hnek tawh ang che" ati.

"Ka ke ana atih vang in ilo thlah ve mai amaw?"
"Imak thin e dear, hmeichhe na tuar pui lo in ikalsan dawn mi?"ka ban ah min hnek a, lu a in ben ai chuan a zia.
"Iduh anih kha"
"Saw te saw" a ruk in hnunglam ka kawk. A hawi hu hu dawn tih ka hre tho.
"Jessica?"
"Amos alawm ka nih" a thinrim chu a sen tul tul tawh. Ka chhaih nasat chang chuan "Ka kawm tawh dawn lo che" ati thin. Inkawm duhloh chu a hmeichhe tih chi emai kan tia, chutiang em chu kan thlen tir ngai lo.

"Jess saw iduh maw? Angai lo. A rilru iti na ang?"
"Ngatinge? "
"Hmelthat em saw. Bialpa aneih pawh ka la hrelo. Kan lut ho reitawh nia"
"A bialpa ka nih chuan a rilru ana ringawt dawn mi?"
"Nimin ah Ruby i thlah a, vawin ah Jessica. Bialnu engzat chiah nge i neih leh tawh. Ka hriat ho bak kha" ka thianpa anih na a rei ve tawh a, a hre ngei ang.
"Nangmah lo chu ka la nei lo"
"Hepa hi ka ning lutuk tawh. Jessica chu in duhtir reng reng suh ang che"
"Tunah tak chuan min hua ang" a thinrim hmel ka ngaihtuah chuan ka nuih a za thin.

Kan en leh lawk.

A thutna lam ka en a, a thiante an lo hawi thap sia alo hawi ve lo. Tuemaw chuan a ngaihtuah naah min hau leh nasa tawh ang chu, a tum nasat dan ah sawn ka hria. Ka tihbuai reng hian a rilru ah ka awm reng dawn a, ka ngaihtuah chhuak tha hle mai.

"Amos hawiphei tawh suh"
"A thiante tu ber saw nge i duh?"
"Duh mah ila tuman min duh ve lo ang"
"I hmelchhia an tih ve tho che iring a mi?"
David an kut min thlak nasa tawh lutuk a ka taksa ah na lo lai a awm zeuh zeuh tawh zawk ang. Ka haw duk chur maithei ni.

Lunch break ah canteen ah David nen kan kal a, hma viau amaw intih pawn an lo tam tawh tho zel.
"Amos" Ruby chu ka hma ah a nui sang mai. Class room a tiffin ei lai mek khi rawn nui zawk se la.
"Nimin vang khan ka lawm e"
"Lawmthu min hrilh tawh bawk a, kan theihnghilh hmak tawh ve ve dawn nia" a nui hmel a bo nghal.

"Theihnghilh tum kher angai hleinem. Kan la in belchiang lehzual zel ang chu"
"Tun a i men dan bak khan i mit kha keu belh la min en rawh. Min belchiang a ni mai. Abak chu ka peihlo e ah"
"I sual emai. Kan inhmu leh dawn nia" a kalsan. A thinrim duhlo lehnghal. A pian chu a nalh reuh a ai nalh tih lo nei hman lo ila chuan ka belchiang hmasa zawk maithei.

Ruby chuan a thutna atang in min ko zeuh zeuh a, a mitmu pawh tla se ka thlah tawh lo ang. Hmeichhe tam tak ka mit lak tum an tam. He school ah hian mipa an tam hle si. An hmeichhia te thiamloh a niang. Lut thar an lo in chuh sup sup zel a niang. Bazar a an sale lai ka ni lo a, mi in min inchuh ve ang tih ka hlau.



Jessica's POV

Class arawn lut tur leh toilet a kan kal tur kan in tawk a, a nuih apiang hian min nuihsawh ni tlat in ka hria. A nuih sawng tawh hi chuan ka ngei lehzual.
"I thil ei ka hria nia" ka ding chawt. Ka van ding peih zawk tak.
"I hmui a kai ang kha" ka hmui ka hup nghal. Ka thiante pawn min hrilh ve awm tak.
"Engmah a kailo nia" tiin Jennie in min rawn hrilh ru a.
"Engmah akai bawk lo" ka ti vak. Min bum vangin a intihtheih hmel em em mai lehnghal. Nui ruh ruh chung in a lut daih.

"A chang chuan keichu ka nuih a ti za. A ti thinrim lui mai mai che in ka hria. A huat vang che pawh niin ka hre lo" Rose in ati a, min huat vang nilo se min tibuai reng lo ang. Min haw lo pawh nise ka haw tho tho.
"Keipawh ka ti. I thinrim hian nuam ati niang" Lisa pawn alo ti ve a.

"Ani fiamthu thawh na mai mai tur ka nilo" ka ti hmuk a. Thian ho zing a uang peih ber thin kha ka vin reng tawh mai. Ka inthiamlo lehzel tho. Ka hauh chuan keimah bawk in nuam lo ka ti leh thin.

"Science building ah chuan kan kal dawn em?" Jennie in atih chuan kan lo aw dual mai. Rose-in a sawireng pa chu kan hmu ve reng reng ang chu. Hun pawh kan la ngah tho lawm.

"Khawi ber hi nge an room niang aw" Rose chuan ati vang vang a. A class awm na pawh kan hrelo. Amah pawh kha a lehkhabu ken vang in Science lam anih a ring ringawt a. Jennie chuan a ning tan in ka hria. Keichu ka ning lo. Thiante puih chu nuam.

"Ka hmu" Rose chuan ati zawi sup a, kan ding kual nghal lai a. Tumah tawng rin loh tur kan ti sa vek.
"Dinglam en rawh u" hei pawh a in chhawk a en tur kan ti. Ka hawiphei ve a, ka hmu ve chiah. Keipawn tha ka ti. Rose ai chuan tha ka ti zawk maithei. A thianpa amaw ni nen an lo ti ti malh malh a, a chut hmel pawh ka ti tawh lo. Tumah pawh tawng nachang kan hrelo. "A van chhelo" keimah ka tawngchhuak hmasaber.
"Chhelo e. Mahse bialnu anei angem le?" Rose chuan ati a, ka lo khawngaih, a rilru a hah ngawt ang.
"A neilo ang. Lisa a hming leh a dang chu, zawh itum kha"
"Nidawn tak. Ka va kal ange" ati a, a thianpa nen an din na lamah chuan ava kal a, ava thlen chuan an thiandun chuan an lo en vat a, mak an tih hmel. Lisa a tawng mawlh mawlh hnu ah kan lam arawn kawk a, an lo hawi nge hawi lo pawh kan hrelo. Kan tlanchhe vek a, Lisa khan enge a sawi ang? Kan hnung ah min rawn um ve nghal ani ngei ang arawn thleng ve rang lutuk.
"Enge i sawi? Ngatinge min rawn kawh?"ka ti a, Jennie leh Rose pawn an lo hau tho.
"An class ka zawhna lamah ka kawk kual anih kha. Eng ber nge ka hrelo a" avan pawi tak. Hetiang lamah hian engmah hriat kan la nei silo a, kan la bo tlang ang reng bawk si. Kan class amite chuan ka first love ania tih ten mi an sawi a, kan lo ngaithla liam mai mai. "Chuan khawnge an class awm na chu?"
"Ka hre hman lo. In tlan vek sia, min tlanchhiatsan in tum amaw ka tia, ka lo um nghal che u" engkim a buai zo leh vek tawh. Kal leh turin hun pawh kan nei lo. Beidawng deuhin class ah kan let ringawt. Kei chuan class a luh ka huphurh. Amos ka pumpelh theih hram ka beisei.

Cont

---

FIRST LOVE-4


Jessica's POV

"Zing ani tawh Jess" ka beng bulah arawn au vak a, ka khum a sawi zui nghal a. Henau ka nin zia em em hi chu.
"Ka khum sawi tawh suh ka lu hai" ka ti tuarh a, a sawi uar sauh a, alo van chak tawh em em.
"Nu... Johan hiii" ka ti vak vak a, a hrepha lo leh tawh a niang. Ka thuchhuak a, ka kut lehlam in ka invuan a, lehlam in ka pheikhawk ka ban a, Johan hmai ah ka vawm a, a dak awrh a ka khum pawh a sawi tawh lo.
"Anat tur pangai aiin na se ka ti"
"Ana bawk lo" ati na a ana tih ka hria. A hmel ah a langchhuak vek. Ka thawh pawn alo awm san nghal sawk sawk mai. Min hlauh viau lai hian nuam ka ti. Hmanrua ka thawh tawh hi chuan min ti let ngam lo hrim hrim.

School kal tur a kan insiam zawh chuan ngai a awh leh tawh. Room ka chhuahsan veleh "Biangpuari pawh a hman ve tawh anih hi" alo ti a.
"Biangpuar tur pawh ineih ve loh kha. I awt ve anih chu ah"
"Thian hmeltha deuh neih a chhiat bik hi zahthlak em?"
"Anuam. Tupawn hmeltha ber min ti vek. Ka luck zia hria la chuan mak itih lutuk vang in lungphu chawl in ithi tawh em?"
"Tupawh hi an lungphu a chawlh chuan an thi vek alawm. I thluak zawng zawng hi keimah ah a lut vek anih hi. Mi bulah ka nau a hmeltha lo ti vak vak tawh suh" a kalsan lai ka enreng ringawt. Sawitur pawh ka hrelo. Tu bulah mah ka nau a hmeltha ka la ti ngai lo. Ka thian te phei chuan ka ngei zia an hrevek. School ah tibuai tu ka nei bawk, in ah ka nei bawk. Kum naupang te in thinrim tuar lo in ka thi ang tih a hlauhawm.

"Johan i test paper ka hmu a" ka nu in atih chuan ka lo nui vur vur mai. Test naah pawh a pass ve ngai lo. Games leh Jennie chiah a buaipui.
"Ka fail mawi viau lo maw?"tiin ka nu a nuih tlawn a, a lungawi leh nghal mai ang.
"Vawi engzat nge lehkha zir tha tur a ka tih tawh che" Ka pa in alo ti bawk a, hau hrep se ka ti.
"Ka zir"
"Zirla i pass ang chu. Ka veng tawh ang che" Johan hlauthawng hmel chuan ka nuih a ti za.
"Ka khawngaih thin che. I thiante bulah i awm a, anni an thiam si,i thiamlo bik bawk si--"
"Ka pa ber tho em?"ala ti ngam tho. A lehkhazir chu an veng tawh khawp ang. Ka vannei a, keichu ka fail ngailo. Fail chu ka zak.

Nidang aiin ka school kal tur ka tlai. Ka nau vang vek. Mawza alo bun theihnghilh a, kan let leh phah. Ka thianten min lo la nghak tho a, min hmuh veleh min lo kuah chung chung hlawm mai.
"Kan hrechiang tawh" Rose in alo ti vat. Ka hreve vat vat chak.
"Mafela ania, class11 ami, rawn lut thar tho alo nih kha" atih zawm leh a, keini ai chuan a class a hniam deuh.
"A phone number chu?" Rose chuan a lehkhabu kenlai a keu a, alo inziak vang mai. Kha nau kha keipawn ka duh ve reng. A fel hmel reuh emai.
"Lunch break ah tiffin kan ei leh vat vat anga, an awm na lamah kan kal leh dawn nia" Lisa in phur takin ati a, ngaihsak ve awm tak hian a tawng ve a, ngaihsak lo reuh sia.


Amos's POV

"Nangmaw?" Gate bula Maggie lo ding vang chu mak tak a ni.
"I dam maw? Amos"
"Dam lo ila min hmu nang. Ngatinge hetah ka hmuh che?"
"Kan inhmu khat em a"
"In hmuh na chhan tur a awm tawh lo a" kal mai ka tum chu min lo vuan vat. Ala hmeltha reng. A fiah kak mai ahma ang bawk in.
"In in ah i school bang ka lo nghak ang che"
"Ka duhlo"
"Ka lo awm ang" amah zawk in min kalsan leh chu le. Maggie chuan min kalsan reng zel. Amah hi nurse ania, ka bialnu hlui. Kei aiin kum5 in a upa. Ka duh lutuk a, a hma chuan a thu thu in ka awm thin. Ka first love ka lo ti ve thin. Ka nuih a za. First love, alo ni pawh a ni maithei. Anmahni a thawk doctor nen an inkawp tih ka hriat khan ka rilru na in then ka tum a, thian ringawt an nih thu a sawi a, ka awih zel. Ka thian ten an sawi sup sup a, an chhuak dun kan hmu ngun an tih pawn Maggie sawi kha ka la ring zawk tho a, Maggie phone ka ensak a, an lo in ngaizawng tih ka hria a, ka then. Ngaihdam min dil leh pawn ka ngaidam duh tawh bik lo. Ka khawngaih tho a mahse min bum nasa em a.

"Amos"
"David iva chhelo ve dear" a bag in min vua a, ka la dam hi amak ka ti. Ka thian ten kut min thlak nasa thei si, bialnu ten an lo hrat veleh zel nen.
"Jess chu engtinmah ti tawh suh aw"
"I duh deuh mi?"
"A teuhlo mai. Ka thian alawm anih"
"I thiannu leh i thianpa hi min in hnaih tir deuh la"
"Jessi chuan hmeltha deuh hlek nei zawk rawh se"
"Hmeltha list ah hi chuan ka lang ziah ah" a nur nang a, mipa leh mipa hi chu in fak hluak hi a har ve deuh bawk a ni.
Classroom kan luh veleh a ka en hmasak ber chu Jessica. Min lo en ve tho mahse a hawisan nghal. A tum zui nghal bar mai. Amah chiah a hmuh theih pawh a nilo. A bulah a thiante an awm ve zel a, bodyguard a ngah emai. David hian min pui duh tak se la.
"David"
"Eng nge?"
"A phone number min dilsak rawh"
"Eng nga?"
"I nei sa tiraw?"
"Ka neilo" a meng buai vek. A ruih hun ah ka laksak ru tho ang.
"Zanah lengchhuak mai mai ila" ka tih chuan alo phur nasa mai. Zu in ve zeuh hi ka thiante chuan an hrat vek. Keichu ka duh lo, ka ruih laiin min bawl palh ang. David chuan ahma aiin min be tha, leng ang ka tih tawh chuan a duh a hmu dawn tih a hria, keipawn ka hmu ang. Tuemaw phone number.

Jessica's POV

"Ka pum anuam lo ka tiffin ei aniang, ka ei hnem lutuk aniang"
"Mafela hmuh kan tum kha" Rose in alo ti vat. Pum nuam lo chung chuan ka kal peih teuh lo. Tlanchhiat a ngaih leh phei chuan ka duhtawh lo. Ka pum sir lam zawng zawng ana.
"Kal ru ka lo awm mai ang" ka ti tawp. Min en thap a, inthlahrung deuh chung in "Ka ti tak tak ania aw, Mafela chu a hmeltha a, ka hmu ve chak mahse ka pum ana tak tak" ka ti nawn leh a.
"Kan va kal lawk ang aw. Nge ka awmpui dawn che" Jennie in atih chuan "Angai lo. Ka awm thei. Va kal ru mahse rei suh u" ka ti a. An kal dawn pawh in an rawn hawilet zeuh zeuh mai. An rilru chu a nuam chiah lo anih hmel.

"Hey i damlo" dawhkan ah ka bawk a, ka mutthilh dawn lai tak in, ka ngei lutuk. Tum bur in ka hawichhuak a, a hmel pawh ka hmuh hma in ka hma ah arawn thu a, ka lam arawn hawi a, ninawm hepa hi.
"I damlo ami?"
"Ka dam. Kalsan teh"
"Kalna tur pawh ka neilo" dawhkan ah min en ran chung in arawn bawk ve. Anui sang bawk a, a nuih hi chuan naupang te a ang.
"Khawnge i thiante?"
"An chhuak vek"
"Ngatinge ikal ve loh? Min lo beisei a mi?"
"Tanpui ka ngaih pawn ka beisei peihlo ang che"
"Ava na ve" a tum leh vel. Intih khawngaihthlak a tum aniang ka khawngaih der silo a.
"I nat chuan ka lawm. Ilo na zel dawn nia" tih pah in ka thu ngil a, ka pum ana zawk a, a ri ruk ruk mai. Ka kua a diklo dawn niang.
"Eng nge ri chu?"ati hu a. Ka zah ve deuh vang in en mang lo a dawhkan a bawh leh ka tum a, rawn thawh a tum ve chiah aniang, kan in tauh chawrh a, ka te that mai.
"I lu ava chang ve" ka ti tuarh a, ka pum ana zel bawk si.
"Ka rilru leh ka taksa tihnat ve ve itum ami?"a ti a, a la nui reng tho. Ka chhang peih lo, pum nat leh tawng reng a inhmeh lo.
"I thiante nen hian engtik atangin nge in in kawm?" Ka ngawi reng a, min zawt nawn sek a.
"I ninawm ka tawng peihlo"
"Tunah pawh i tawng kha"
"Nu te kekawrte thar hmaikawr a lo hman sak thin rual kan nih atang in kan inkawm tawh" a nui vak a. Nuihzathlak lai pawh ka hrelo e ah.
"Inu kekawrte thar hmaikawr ah i hmang thin maw? Ipa kekawrte thar sam lem ah ihmang ve thung a mi?"
"Kan la naupang lutuk tih ka sawina nih chu... Ana.. Ka pum ana lutuk" ka tih zawm zat a. Toilet a kal ka mamawh in ka hria. Ka thlan pawh a tla vek tawh. Ka thiante thil pai ah khan ngaihloh ka nei chiang a ni.

Dawhkan ah pawh ka bawk tawh lo. Ka kun ngawih ngawih tawh.
"Hey itha em?"
Ka hnung ah arawn chul a, min khawih hlek pawh ka duh tawh lo. Toilet ah ka kal dawn.

Ka ding a, ka la kun pah reng tho. Ka pum ka dawm bawk a, a ngaih a thalo ve nge "Ka lo pua ang che" ati a.
"A ngailo" ka ti sap a, tawng ring thei pawh ka ni tawh lo. Midang an rawn lut ang tih ka van hlau tak.
"Anat hmel e. Ka lo pawm dawn che mi? Bike ah i chuang thei angem? Hospital ah ka hruai ang che"
"Angailo" ka ti leh tawp. Hospital ai chuan toilet ka mamawh zawk.

Dawhkan dinchhan in ka kal bek bek a, min lo zui ve zel. Ka pum a ri leh rawk rawk thin.
"Ka lo kai ang che" ati leh a, ka ning lutuk tawh. Chhan en ah pawh ka en tawh lo. Pum na pangai pawh a nilo. Toilet a kal a dam nghal hmak chi a ni.

Dawhkan ah a lawn a, ka hmazawn ah arawn tum a, a thu hniam zui nghal a.
"Ka pua ang che"
"Min puak chuan ek ka cheh ani mai" ka au vak hnu chuan ka inchhir nghal. A hma zawng aia nasa in min nuih. Ka zak leh hnuhnawh.

Dawhkan a awm loh chin ah ka bulah a rawn ding a "Ka ban hi dawhkan ah ngai mai rawh" duhthlan tur pawh ka nei tawh lo. A ban ah ka vuan a, ka uai ani mah zawk. Toilet ah kan kal dun a, kan thlen veleh midang lo awm ve ho chu "Chhuak ru Jess nen hian engemaw kan ti dawn. In en ngam lo ang" ati a, ve ringawt hian. An in hrilh ru nghal sap sap mai. Keipawn midang awm chu ka duh bik lo.

"Chhuak la pawn hla deuh ah min lo nghak rawh" ka ti a. Ka lut zui nghal. A chhuah leh chhuah loh pawh ka hre lo. Ka zak lutuk leh ka pum na lutuk vang in ka thlan a tla nasa. A ri phurh a ka hmai ka hup nghal. Thawm dang a awm bawk silo. Engthil nge ka eisual le? Jennie kha min awmpui turin ka lo timai lo ni. Amos chuan min chhaih leh char char ang. Mi pangai ka nih na anih hi tiin in hnem tum mah ila a theih loh. Ka zah na a reh phah chuang lo.

Ka zawh hnu ah hreh tawk in ka chhuak a, ka luhna kawngka bula ka hmuh phei chuan ka phu nasa lutuk. Ka rin ang chiah a nui reng mai.
"Phone ka pai ru tho sia earphone ka lo pai tello a van pawi tak" ati tan tawh. Ka ngaithla duh tawh lo.

Ka kal hmawk hmawk a, ka hnung min zui a, toilet a ka thawm siam ang kha a siam chawp pah reng a. Ka thiante ka ngai tawh lutuk.

Class ah awm an lo awm nual tawh a, ka thiante an la awm ve chuan loh vang in ka bulah a lokal tho.
"Damdawi ka lo dilsak ang che aw" ka mamawh lutuk vang in ka lo "Aw" vat a, ani pawh in engmah a sawi belh lo, akal ve nghal vang vang mai. A fel ltk hi chuan ka hlauthawng.

"Kha ei rawh" tui ka la chhuak a. Ka lo ei nghal a, reh vang vang se ka ti. Class neih laklawh laia khatianga ka awm kha chuan a zahthlak dawn lutuk.
"Eng damdawi nge i ei kha" nui reng chung in ati a, min hmachhawn zawng bawk in a thu a "Eng damdawi nge?"
"Phurh phurh reh na" ka lo tih chuan kan pahnih in kan nui vak a, kan nuih dun hmasaber ani hial ang. Ka sawi zah a rin vang in damdawi hre reng chung in min zawt lui zel ve tho a, ka sawi zak peih bik lo.
"Toilet a kan kal khan iluh hlan khan ka lo phu zawk zawk a"
"Ngatinge?"ka lo ti vat a, hmeichhia chiah awmna tur a alo awm vangin a hlau aniang. A chawh.
"I thawm a ring lutuk a" box in ka vaw pawp a, a dawm vawng vawng mai. Ana bawk aniang a mittui a tling vek thei in ka hria.

"Ava na ve" ati sap a, ka lo hrelo der daih. Ana a tih ka duh vang a vua alawm ka nih.
"Nachina ithawm kha ka lo record lo ni. Naupang sual tih thaih nan atha dawn emai. Big show pawn khatianga nasa kha chuan a ti ve thiam lo ang" box ka lek kan leh veleh a tho thut a, a thutna lamah a kal nghal. Arawn hawi reng tho a, engmah sawilo mahse a hmel ka en atang ringawt pawh in ala ngaihtuah reng tih ka hria. Kar khat chhung vel chu nitin min chhaih leh ang. Mit ti kalh chung in lei ka chhuah a, ka hawisan daih. Ka thil tawn tawh a zahthlak ber pawl ani ngei ang.

Cont

---

FIRST LOVE-5

JESSICA'S POV

"Hey Phurhs.. Iva hma ve" ka dar ah a vuah a, ka thiante chuan min en thap a, anmahni en ve reng chung in ka nemsan. Mak an tih pawh ka ring lo ania, nidang ah pawh min fiam reng thin tho a.
"Idam tawh mi? Phurhs"
"Tikhan min ko suh" ka ti vak a, kha thil kha hriatreng ka duh tawh lo. Ka ngaihtuah nasat poh leh ka zak chet chet.
"Kal rual ang phurhs" min kuah nawn leh a, ka tal nasat chuan ka dar a na, ka tal peih tawh lo. Ka tal veih chuan min kuah na lui zel a ni mai. Misual tak ani miau a.

Ka thiante an tlan thut a, ka zui ve chak. An rual in ka tlan ve chak "Min thlah rawh ka kal ve dawn"
"Kan kal ve mek hi"
"Hmeichhia i kuah lui a, talchhuak theilo in isiam a, ka hek dawn che"
"Ka va hlau ve" min kuah loh na lam in a kut in a awm a dawm vel a, hlau tak tak miah silo.

"I dam tawh em? In lamah i chhunzawm em lo maw?"
"Kha thil kha i sawi tawh lo thei angem?" Ka tawng dan atang pawh in ka nin zia a hriat ka ring.
"Ka sawi tawh loh iduh chuan min ngawih tir dan ngaihtuah la" engtiklai pawn ka ngaihtuah a ka hrechhuak ngailo chu a nih hi.
"Ka sawi laklawh laiin min lo fawp thin ta la" a bakah ka beng pawp a, a ri thlawp mai. Ana viau ang ka kut pawh a thip vawng vawng thei. Kei aiin sang deih mahse ka lo beng na pha tho anih hi. Na atih hian nuam ka ti.

"I hre khawp ang" min pawt bet a, ahma aia nasa in min kuah a, min rek ni ber in ka hria.
"Hey nangpa kha" ka nau aw ka hria chu mak ka ti. Helai hi arawn kalna tur pawh a nilo a, mipa pawh ka nilo.
"Ka u kha thlah nghal rawh" tun ah chuan kan bulah a ding tawh. Amos pawn min thlah ve nghal a, keichu ka nau ban vuan in ka ding. Ka hriat theih tirh atanga ka hmangaih ve ber tum aniang.

"Ka u hi khatianga ilo khawih leh chuan i lu kha lo bye bye lawk ang che. A chhan chu maw ilu kha ka hmuam daih mai ang" Amos chuan nui sawng chung in ka nau sam a tuai thuak thuak a "Ka lu i hmuam chuan maw i ka chhung ah chil ka chhak ang. I ten lo mi?"
"Chu ai na pawh chuan ka la ti thei. Karate multicolour belt ka nih hi" ati a, karate pawh a thiam lo. Multicolour belt pawh a awm lo. A awm a ring tlat a, an thiam ber a ring bawk a, a in vuah ve mai mai. Amos nuihza lutuk pawh ka dem hran lo. Thil awm miah lo hmanga inlak bawn chu a ho e. Ka nau chu ka zahpui leh deuh tawh.
"Naupang, class engzat nge inih?"
"Class-9 kan class ah pawh ka huai ber. Ka u lo hau tawh miah suh"
"I sawi takah chuan in lo in ang hle mai. Phurhs-i hi min duh chi hmel a pu ka lo ti thin a, nangpawn min ngaina vat ang. Lunch break ah thil ka lei ziah ang che" ka nau mitmeng nung nghal sar chu ka hmuh hmaih lo. A duhzawng a ngaihtuah kual ang tih ka ring. Tunah chuan Amos-an min that daih mahse pawi a ti tawh lo ang.
"Johan let tawh rawh" ka lo ti vat vat a, awmzia a nei chuang lo.

"I u hi nizan ah a damlo em?"
"Dam e. Chaw pawh a ei teuh kha" Johan chu kal vat vat se ka ti.
"Mahse ilo hauh chuan ka kawm dawn chuang miah lo che nia" ati leh a, ka thlavang a hauh leh tho a ka vannei. Nilo sela chuan Amos hian nuam ati dawn lutuk ringawt.
"Ka duat i phal chuan ka lo duat viau ang"
"Tehreng mai lo duat rawh"
"Kal tawh rawh ka ti nilaw mi?"tih pah in a sam ah ka tham a, ka sawi vak vak a, pai nawk nawk chung in a au chul mai. Amos an min lo pawt hrang a, bell a rik zui ve bawk vang in ani pawh high school building lamah a tlan vat vat mai.

Ka hnung ah Amos an min zui a "Phurhs min lo nghak" ati thin a, ka kal chak lehzual telh telh zel a. Ka nghak awm lo emai. Nileng in ka thiante bulah ka awm ang. Min tihbuai theih miah loh turin ka awm ang. Ka bula a awm chuan ka thinrim hi ka puak keh lo chauh zel in ka hria.

"Amos nen hian in in kar ah enge awm?"
"Ka ning a, ka ngei bawk a, a hmel ka hmu peih hlawl lo a, chuzawng chu" ka ti a, ka pen kenlai pawh ka hum nghet lutuk.
"A engkim hi ka hua" ka tih zawm leh a.
"A kuah vel che kha" Lisa in atih chuan ka melh rum nasa mai.
"Kuah pawh a nih loh kha kuah lui anih kha" ka ti hrawk a, hepa hi alo lut dawn tih hria ila chuan kan school ah hian ka lut tawh lo ang.

Lunch break anih veleh pawh ka thutna zawn ah alokal lehnghal. A kil ber ah ka thu daih tawh ang.
"I thil ei fimkhur tawh rawh aw. Anih chuan toilet ah kan pahnih chauh a engemaw te te kan tih leh angai palh ang. Nimin kha chuan nuam ka ti vaklo a" ati a, a kal nghal daih. Ka thiante mak ti lutuk hmel chu nidang ah ka la hmu ngai lo. Hriatchian an chak hmel bawk a, an ngaih dikloh ka hlauh vang in a vaiin engkim ka hrilh a, ka sawi zawh meuh chuan an hapui tawp ber lang khawp a nasa in an nui. Hei vang hi nia ka zep ve char char.

An nui tawp dawn chauh a min en a, an nui leh thin a. A tawp ah chuan anmahni ang chiah a nasa in keipawh ka nui ve. Tiffin pawh kan ei tha thei tawh lo. Kan nuih za akal laklawh nge kan in en, kan nui leh vak zel.
"Phurhs atihna chhan che kan hre chiah" an ti a, min ko hlen ang tih ka hlauh zia.


AMOS'S POV

"Thil min lei dawn kha" Phurhs-i nau canteen bulah alo ding vang mai.
"Dawn e" ka kuah lut a, puar na aiin ho mai mai a thlang zawk. Ka naupanlai chuan ka ni ve thin tho. Kan ngainat a in ang emai an makpa ka ni dawn niang.

Ka thiante bulah thutpui lo in a hrang in ka thut pui a. A thil eilai duhtawk lo in ka eilai pawh min eipui ve zel tho. Hmeichhia in min koh chuan alo ner nang thin a, ala hrethiam ve lo aniang ka tih laiin "Star deuh ka nei a" atih chuan ka thil in lai pawh ka phuh tep. Ka dem lo. Keipawh amah ang rual ka nih in bialnu ka nei daih tawh. Ka chhaih tap ziah.

"Tunge?"amah hnaih tur in zaizir in min hrilh a, a hmui zawn ah ka beng ka dawh a "Jennie"
"I u thiannu maw?"
"Ni e. A sexy e. A nuih te hian khawsik tlun hluah hluah pawh an thaw a sa nghal thei ang"
"Naaa.. Ka awih lo" ka tihsak chuan a hmel a rum nghal.
"Ani lawm. Hmeichhia ah ka duh ber. Ka first love a nih kha aw"
"I bialnu nih tir la"
"Ka hrilh a, naupang tih pah in min beng a, ka hnar a pawt bawk a, mahse ka upat hun min nghah a tum ru pawh ani maithei bialpa ala neih loh dan ah hian" he naupang hi ka nuihsawh vak vak chak. Nuih ngam ani der silo. Phurhs-i nau chu a chhah ve hle mai.

"I u nen hian in in mil em?"
"Aih kan in hau reng zel. Vawkpui raipuar ka tih phei chuan a tap thin" ngeiawn deuh in a nui a, a u a ngaihtuah niang. Vawkpui raipuar anih dawn pawn vawkpui raipuar cute ani tal ang. Hmeichhe cute hi ka ngaina, ka ngainat na ala rei vak chuang lo na a, ka ngaina thut.
"A vel mai tur che sin"
"Kut min thlak a anat viau pawn tap duhlo tlat ila min vello ani mai" ati a, ka plate a eitur awm bawk a rawn ban leh a, inthlahrung hmel pawh a pu chuang lo. Ei an thei unau emai anu leh pate an hah ngawt ang.

"Amos"
"Aw dear" tia David ka fiam chuan Johan an min lo en hau mai. Ramhuai hmel ka pu thut ni awm tak a ni.
"Zanah leng leh ila. Nuni ka lo be lawk ang"
"Awle" Nuni chu kan thiannu ania, kan thianho a kan len na ber thin. Kan bialnu in tawm. Tak tak in hmeichhe fel lutuk ania, kan naupanlai thian. Keimah nen phei chuan kan inkawm nasa lehzual. Thil dang zawng aiin Maggie ka bialnu hlui kha a haw ber.

"U Amos i tuai ami? Dear itia, mipa i ngaizawng thin a mi?" Mak min tih viau nachhan kha ka hre chiah.
"Aih amah saw a tuai a" tiin David ka kawk a, "Dear tih hian nuam a ti ber a, nangpawn ilo ti ve ziah dawn nia" a bu nghat nghat a, David thinrim chu a sen leh tawn tawn dawn ni mai.

"Nau ineih awm ka hre silo a" Ms-a kan bulah a rawn insan a, kan thianho hi pali kan ni. David, Henry leh Ms chuan keimah. Keichu class-11 kha bangalore ah ka kal uk a, class11 ka zir chhung bak ka awm peihlo a, ka thiante hi hemi school ah hian an lut thung. Nuni nen panga kan nih mai chu. Ani chu hmeichhe hlang luhna ah a lut daih. Bialpa ai chuan beer a duh.

"Phurhs-i nau anih hi"
"Tunge chu chu".
"Jess"
"Ka hre leh si. Ngati daih daih nge? Anau lehzel, tan iva la ve" ka lo nui ringawt. Johan hriata sawi vak ka la duh lo. A u alo hrilh vek palh ang.
"Zanah kan sawi zawm dawn nia" ka ti a, khap loh chuan a sawi zawm reng ka hlau leh hnuhnawh. David leh Henry an lokal veleh a, an bula ka thutpui duhloh vang in ka thut hran pui ve a, awmzia awm lo ve. Kan nau a lah hi kal mai ala tum loh hmel.

"Dear tui kha min lo ban mai" Johan chuan David a enreng a, David ve thung chuan tui pek nachang pawh a hrelo. A dear ve chu mak a ti viau aniang. Kan lo nui hak a, "Min lo pe lawk Dear" Johan chuan a ti leh.
"Pe ta che. A koh duat tehreng che nen" ka lo ti a. David chuan kut min thlak chak leh tawh ang chu. Johan anih vang in phun miah lo in tui chu a pe a "Ka lawm e Dear" he nau hi ka nau tur zawk ni awm tak a ni. Ka ak haw daih dawn manle.

"Jessica nau maw inih a?" Henry an atih chuan alo bu nghat a.
"I u hi chhelo kan ti hlawm tehmai nia"
"Lo ti tawh suh u. In lo khawih vaih chuan in inchhir ngawt ang" a tan leh ta. Ka thiante chuan mak an tih hmel.
"Kan khawih hleinem. Kan en ringawt thin" Ms-an ati vat a. Johan hmel chu hlauhawm ve tawh reuh.
"I u chhelo an tih sup sup chuan a lawmawm zawk lo mi?" Henry chuan ati nawn leh ngat a.
"Aih lawmawm loh. Dear chiah hi afel" tih pah in David a kawk a.
"Ani chuan mipa a duh a, nangni ang in hmeichhia a melh ve ngailo a" David chu a dang lap tawh in ka hria. Tui a in reng a, a thinrim a insum nasa tih a hriat.
"Ka kal tawh mai ang" tih leh thawh a rual a.
"Naktuk ah a hun ngaiah ka lokal anga, a hmun ngaiah ka lo nghak leh ang che" min en ran chung in a ti a, nidang aiin ka pawisa a hek ziah tawh dawn tihna ani mai. A chhuah veleh David an min hnek nghal pawp pawp a, insum lo in kan nui thei tawh bawk.
"Ana lutuk Dear"
"Ka hua che. Naupang lehzel thil thalo ilo hrilh a"
"I nihna vek alawm Dear" a tho thut a, a chhuak tau deih. Ms leh Henry te nen kan nuih zui a.
"Nimin ah Jess nen toilet ah enge in tih? Nizan ah ka zawh theihnghilh daih che a, midang i chhuahtir vek a, an sawi sup sup ania" ka nui hak mai. Alo nghak tu kha ka lo zak zawk a.
"A lut a, a thawm ka lo ngaithla a"
"Enge a tih?"
"Ka sawi duh lo. Thuruk ania" ka ngaihtuah pawn ka nuih ala za.
"Kan awih lo. Thil tih in nei. School ah lehzel in zaklo lutuk" Henry an ati leh a.
"Tak tak in hmeichhe lo awm ho kha ka fiam a, Jess pawh ka fiam tel tho. Tih zak ka tum vang mai mai lawm ka chhuahtir. Keipawh ka chhuak lehnghal daih" tiin dawt ka sawi a.
"Anilo. Class a kan awm hnu ah pawh damdawi a pe an ti. Rai lohna tur anih an ring" Henry bawk a ni. Ka chhuah tir zing ah khan kan class ami an awm ka hre silo a, hmeichhia hi thil an va inhrilh darh chak. Henry lah in nau hmeichhe tawngthei deuh a anei bawk sia min la star zui.
"Hetiang anih chuan class-12 kan nih chhung hian ala rai tho ang an ti" kan pathum in kan nui vek tawh. Phurhs, lo inring rawh aw, i pum puar hun an lo nghak thup ania. A dul kiar vak chhin se ka van ti.

Cont (Ka buai thei lutuk a, ka rawn dah tam hman thei dawn thin lo ania. Min lo hrethiam ru. Awl loh chu ka tum hram hram anga mahse ka dah tam thei rihlo ang)

---

FIRST LOVE-6

Amos's POV

"Ka ning lawk che u" Nuni chu kan nemsan nawk nawk a, amah aiin an in chhung ah kan lut hmasa zawk. Tumah an awm lo leh. Tumah an awm vak ngai lo. An awm chuan inchung zawl ah kan awm daih zel. David pawh alokal ve a, tumah min la be tha vak duh lo. Kan lo fiam nasa mah mah aniang. Ala tum deuh bar reng mai. Nunin kawngka a kalh nghal sawk sawk a, beer alo beisei lehnghal aniang. Keichu dil loh tur hmasaber ah min dah ang engmah ka ti ve ngai tlat lo a. Dar8 vel ani tawh a, midang pawn an lo phawrh nghal a, keichu a hran ah ka thu a, guitar ka la nghal.

"Amos i hmeichhe duh thar ve deuh chu" Nuni lam hawi in ka nui suk a, a tawng leh char char mai ang.
"Ala chhelo reng"
"Hrilh mai la. Ipa lo emai"
"David hetianga alo awm tak atang hian keipawh ka pa lo vek, a dik em Dear" a cigarette zuk laiin min rawn vawm a, min fu lo hlauh. Ka naupanlai atangin ka chhungten a that loh zia an sawi nasa bawk a, ka zu ve ngam ngang lo a ni. Ka chhiat phah ka hlau keimah hi ka lo in hmangaih aniang. Bialnu nurse ka nei thin lehnghal. Kei ai upa ka duat thin kha chu pui tak a ni. Mahse aman min ngaihsak thiam zawk in ka hria, ngaih deuh chang chu ka la nei amak ve ngawt mai, min bum chian nen.

"Vawin ah anau thil a leisak vel alawm. Tan ala tawh khawp mai" Ms-a thilsawi vang chuan Nuni a au chul a "Ava tha ve. Han hrilh vat vat teh" ati a, Phurhs in min ngei zia an hreve lo aniang. Min hmuh chuan a nui lai pawh a tum daih zel.
"Han care em em la maw, a duh ve telh telh mai ang che" ati leh a, ka care alawm, mahse a ruk in.
"Nangpawh hi bialpa nei teh"
"Pasal neih hi ka tum lo reng reng. In faten min Pi sup sup hunah pawh ka la nula tho ang"
"I sek emai tuman an duh lo ang che. I hnar te hi Pathian hian a siam uluk lo bik amaw tih mai tur. I hmai ah a vawm bei thlawp a, siamrem lo in a kawm kaw leh tawp a" David an atih rualin a ri nghal thlawrh thlawrh mai. A sawi dik vek tho a, a haw em em tho sia.

"Pathian khan zah ngai sela ka hnar nalh na te hi pe then ve che sela tha tur. Bialpa leh pasal ka duh loh tih hi chu hmuhzawh loh vang mai mai. Hmuh hi chuan in duh lutuk" ka lo ti ve a, a pheikhawk in vawm a, na ve angreng tak a ni. Thawmhnaw ka lei dawn ah thir hlir ka lei tawh ang.
"In sual lutuk in hmeichhe neihchhun hi min sawisa vak vak zel duh u"
"Sawisa che ila i vung ber bur ang chu"
"Amos tuna i hmeichhe duh deuh hian duhlo che sela ka ti ngawt mai"
"Ngatinge? Nangmah hian min lo duh ru reng ami? Sorry Nuni thian ang bak in ka en lo che" hemi tum hi chuan a pheikhawk pakhat zawk in min veleh thung.
"Ka duh che chuan amak ngawt ang. David-a a tuai tak tak nghal ang"
"Enge tuai nen hian min sawi zawm tlat? Ka duh miah lo nia" David-an alo ti ve hlur a, Ms leh Henry chuan sawitur vak an hrelo nge phone an khawih malh malh a, an rui deuh tawh bawk a, an be kual leh nasa viau ang.

"Dear haw kan hnaih dawn mi?"
"Ka peih lo" ati hmuk tawh.
"Ka dear-a thin hi a. I lungawilo mi? Lokal rawh ka lo duat ang che"
"Lalfakzual ka ten che" ati tuarh a, min ko na fak fak khawp mai. A lungawilo viau ani ngei ang.
"Insum rawh Dave, a hawrawppui lam chu telh lo ang u"
"Nangpawh Malsawmkim min khawih hlek suh" Ms-a kut alo beng per lawp a. A reh nghal vawng vawng mai. Ani hi alo rui sual ange, ka buaipui peih miah lo.

"Engzah nge in pek?" Henry bulah a rukin ka zawt a "A tam mai" alo ti ringawt. A mangang ve vak lo. Ms nen chuan an buaipui ve dawn chuang lo a. Thutthleng ah a mu a "Ti harh char char teh u" ka ti a, an khawih hlek in alo thinrim zel bawk si. Hahthlak tak a ni.
"Hetiang chuan a inkhalh haw thei nang. A chesual mai ang. Amos nangmah nen kan phuar zawm mai dawn mi?"
"Tun ah hian ka tap vak chak tih in hria em?"an nui huih a, min hlauh vang in an nui nasa ngam lo. David chu sik hlek pawh an ngam tawh lo.

Kan haw dawn ah "Harh rawh" tih pahin a ke ah ka chhir a, a rum tuah tuah a, a tep chuap chuap a, a harh chuang lo.
"Amos a bike hi ka lo khalh anga, an in a kan dah zawh ah min thlah leh mai la" Nun in alo ti a, duhthlan tur dang ka nei chuang lo.
"In pe teuh anih kha" tiin Ms leh Henry ka hau a, an hrelo der tlat a, Henry phei chuan phone a be der char char. Kan thiannu ber alo nu lem lo chu a zia.

Kan tung tho a, pawn ah kan kuah chhuak a, Nuni pawn bedsheet nen min zui chhuak ve. Bike ka lak chhung in an lo dawm bet a "Mn khawih suh u" ala ti char char tho a, ka hnek pawp dawn manle. Ka inrin veleh ka hnung ah an rawn hlang a, bedsheet chuan ka hnung ah an phuar a, a zawi vang in a rit si, rimchhe bawk si. Hetiang khawp khawp a in reng reng, a nawm na pawh awm dawn lo hrim hrim.
"A hma pawn a tawng zuah zuah sia. A tawng theih lai khan kan lo haw daih lo ni" Ms an ati leh hnuhnawh a, awmze nei lo tur sawi sawi a ngai tawh lo.
"Ka kal dawn nia"
"Ka rawn zui nghal che"
"Nangpawh kha fimkhur ang che" tiin Nuni ka hrilh a.
"Amos kan hmangaih che"
"Ka lawm e. Hmangaih ve thei cheu ila ka ti khawp mai" ka tih hnu ah ka tlanchhuak a, ka hnung a mi rum reng bawk nen. Min nuih tu pawh an tam khawp ang.

An in kawt ah ka ding a, Nuni ka lo nghak. Arawn thleng har vak lo. Henry te kha helama haw tur hi nive sela tha tur ania.
"Ka lo dawm ang" min phuarna a phelh a, harsa ti deuh chung in alo dawm a, ka chhuk veleh ka pawm bet a, a zawi ropui mai si.
"Ka paw mai ang" ka ti a, ka thu hniam a, ka hnung chu khawngaihthlak. A rit ropui mai si. An in ah ka paw lut a, Nuni chu alo lut ngam lo. Beer rim ala nam a, a hlauthawng.

"Engatinge?"anu in alo ti chul a, thutthleng ah ka nghat hnawk a, amah delh in ka thu ve nghal. An fa mal laktlakloh a nih hi.
"A rim chuh. A rui pek ani maw? Ava han zak lo" apa in alo ti a, a harh anga, an hau phallo leh anga.
"A tisual anih kha. Zan dang ah hetiang in a awm ngailo"ka ti a, David arawn uak a, apa nen kan tung tho a, bathroom ah kan hruai. Kan thleng hman lo teuh hle bawk. A luak bawrh bawrh mai. Anu leh pa te nen kan silfai a, a room thleng ka paw leh a. Ka haw san. Ka awmzel chuan ka buaipui zel a ngai ang tih ka hlau.

In ka thlen ve veleh "Iva rei em em ve" ka nu in alo ti a.
"Zanrei a mit a fiah vak tawh loh hnu pawn i hmeltha reng tho" ka ti a, a nui ve suk a. Ka room ah ka kalsan. Tunah chuan phurhs-i ka be thei ta.

Jessica's POV

Ka phone ri reng chu a ninawm. Ka muttui tawh nen. Ka reject char char a, alo ti nawn char char reng tho. A tawp ah ka la a "Enge?"ka ti vak a, nui hak ri ka hria. A aw chu ka hrechiang lutuk, ka thu chhuak hlawl mai.
"Hey" ka ti leh vak a.
"Hmeltha hi an mu hma thin a mi?"
"Engtin nge ka phone number te ilo neih hman? Ngatinge zan rei ah min lo call a mimawlpa" light ka on a, ka thinrim leh hlur tawh.
"I muhil tawh a mi?"
"Muhil tawh e. Mimawl lutuk vang in ka harh tih hre rawh"
"I harh tawh tho chuan i biak theih tihna anih chu" ka off leh nghal a, rei pawh anih hma in arawn call leh.
"Enge? Enge?"
"Ka be chak che. Ka be chak che"
"Khawvelah hian nang aia ngei ka neilo hrim hrim tih hre rawh"
"Min ngei chuan min ngaihtuah reng dawn tihna anih chu tiraw?"
Ka blanket ka tham tawn tawn a, a hmel ni se ka ti ngawt mai. A hmai hi hmuh tlak loh khawp in tham chhe vek thei ila nuam ka ti viau ang.
"Hey Phurhs"
"Tikhan min ko tawh suh"
"Ka ngai che"
"Ka ngai ve lo che. Ka haw lutuk che. I engkim kha ka hua"
"I engkim kha ka duh. I phurhs lai pawh khan i chhelo tho"
"Iva han chimawm hmelchhe tak em"
"Ava chiang lo ve, tun ah khan i hmeltha ka hmangaih che iti mi?"
"Muhil hmak rawh ka ning lutuk che"
"Ka ngai lutuk che a ka muhil thei lo"
"A nih tak chu" ka dah a, ka switch off nghal.

Ka mu meng kar reng mai. Min ti thinrim reng lo se la chuan chhia pawh ka ti bik miah lo ang.
"Jess"
"Chhuak nghal rawh Johan. I games khelh rei vang in ka hek dawn che"
"Kha be rawh. Ka la khel laklawh lutuk. Ka mut dawn ah ka rawn lam ang" a phone in min vawm a, ka beng bula ka dah rual in "I phone battery a low anih kha" hepa bawk chu. Engtik ah nge ka nau phone number alo dil hman?

"A low lo. Ka ning che a ka switch off anih kha. Nangmah vang in ka phone pawh ka on ngam lo"
"I thil tih ngam loh chhan ka ni chu ka van lawm"
"Min lo be tawh lo la ka lawm zawk ngawt ang" anui hak a, nuihzathlak pawh ka sawi lo.
"Ka muhil dawn"
"Muhil rawh. Ka lo la meng reng ang" ala ti tho.
"Mi luhlul lulian lutuk"
"Ka inhmeh tawk chauh in a lian"
"In fak ve ziah suh"
"Fak tlak hi chu ka fak hreh lo. Tak tak a iduh chuan muhil rawh. Chhelo ka ti che nia"
"Lo ti tawh suh"
"Ka ti tho tho. I chhelo ber. Ka duh che. Muttui aw Phurhs" amah zawk in a dah ve thung a. Ka nau arawn tlan lut nghal.
"Enge arawn sawi?"
"Ngatinge i phone number te ilo pek vel a? Ka nin zia i hrelo ami?"
"Fel ka ti. Vawin pawn thil min lei teuh mai. A eitur pawh ka eisak leh teuh a, min hau lo hrim hrim"
"Aw va mu hmak rawh ka ngaithla paih lo"
"A hmangaih tak tak che in ka hria" a lu ah ka beng pawp a "Nang naupang. Vawikhat thil a lei dek dek che a, a hmangaih che iti nghal a. I pumpui i hmangaih lutuk vang zawk anih kha"
"U duh ve rawh"
"A teuh lo"
"Vawkpui raipuar ve mai mai a duh che chuan lawm hle ta che"
"Nang kha zawng ai pawn i hmelchhe zawk. In hauh ka peih lo. Chhuak rawh"
"Awle" ati a, a kal ve mai a. Kawngka bul atang in "I mut naah chil thli i thlauh a, ang phuau in i mu a, i hnar bawk thin tih ka hrilh ang. Phurhs-i muttui aw, Phurhs Phurhs-i" ka vawm hma in a tlanchhia. Ka bula awm mipa pahnih hi keichuan ka hne ngawih ngawih ve ve.

Cont

---

FIRST LOVE-7


Jessica's POV

School ka thlen veleh ka thiante min lo nghahna lamah ka kal tlang a, tunlao chu ka tlai ve ziah. Zana ka mut that loh vang in ka rit luk lehnghal a. Ka mut pawh ala chhuak reng. Ka nu in phal sela chuan school ka kal miah lo ang.

Min nghah na ka thlen veleh ka thu hnawk a, ka hnaih ber a thu Lisa ngheng in ka mit ka chhing nghal. Ka mit te a thip.
"I damlo mi?"an lo ti vat a, an rilru alo nuam lo a ni ngei ang.
"Dam e mut ka kham lo" mak pawh an ti maithei. Mut kham loh lai ka nei ngai lo, ka mu chiah hi ka muhil nghal thei zel a, keimah ang nih an chak thin mahse mawla leu luau vang in ka muhil thei ta silo a.
"Inchhungah buaina innei ami?"
"Aih nei lo. Ka harh leh a. Amos kha tunge ka number pe che u" a tawp lamah chuan ka au lek lek a, an phu suau mai.
"Tuman kan pe lo. Ngatinge? Alo bia che mi?" Lisa in min hlau hmel pu tak in a ti a.
"Bia ang chu male ka mut theih loh phah vek alawm"
"A duh che ka ti tawh kha" Jennie in alo ti thung a, ka chhang buai peih tawh lo. Min tibuai reng mahse anni ho hi chuan a rukin min duh pui tih ka hrevek. Bialpa nei tura min duh lutuk tawh vang pawh a ni mah na.

"Kal tawh ang chu" atih hnu ah Jennie a ding hluai a, a insiamtha mawlh mawlh a.

"Jennie nizan chu naw englo nia, ka---" David-a tawngzawh hma in Jennie in min kaina, min kalsan pui hmawk hmawk a, Rose leh Lisa ten min lo zui vat bawk.

"Enge awmzia?"
"Class ah" ati tawi tak a, biak leh ngam chi pawh ani tawh lo. Nidang ah pawh inbiak chu sawi loh en pawh an in en ngai der silo. Nikum atanga lut ho tawh kan ni sia.

Kan thutna kan thlen rualin "Enge thil awmzia?" kan ti rual nghal thap mai. Jennie chu a zam ve hmel. Zam deuh anga lan hi a inhmeh ve lo reng reng.
"Englo nia"
"Enge?"
"A rukin kan inbia a"
"ENGA?" Kan ti tuarh a, alo beisei sa nge phut pawh a phu eih lo. A awm laiin a awm reng a, tumah pawh min en chuang lo "I uang ami?" ka la ti tho a, kan thianho ah pawh kan in pawh bik a, kan inkawm nasa bik a, midang lakak zep pawh nise ka lakah chuan engmah a zep ka ring lo.
"Ka uang lo. Nikum atang tawh in" ala ti zui. Ka awih thei thlawt lo.
"In in ngaizawng a mi?"
"Aih kan in be ringawt" alo ti vat a, Rose leh Lisa phei chu an la harhchhuak veleh lo. An la ang phuau mai. Keichu ka thin a rim zawk. Ka thiantha ber a ka ngaih in kum khat vel a mipa biak alo zep a. An va inthup thei reng reng ve. Inhrelo ang in an awm hmak hmak vel a. Ka nemsam a, ka thutna ah ka thu daih a, ka ngei tlat. Ani pawh muangchangin ka bulah arawn thu ve, ala inthlahrun hmel reng.
"Ka tihpalh anih kha" ati sap a. Lehlam ka hawisan a. Ka mittui a tling aniang ka hmu phe ruai mai. A thuruk hrilh tlak ah pawh min lo ngai tawh lo aniang.

"Hey Phurhs" min rawn khawih a tum veleh a ban ah ka lo vuan bet a, ka seh vak a, ka seh zawh ah na takin ka peihsan a "Min tibuai suh" ka ti hrawk a, ka aw hlauhawm zia chu keipawn mak ka ti.

"Sorry" min kalsan nghal. Ka thaw huai mai. Nikhat tal min tibuai ngam lo in awm ve rawh se. Ka hah lutuk a ka ning. Class lak lai pawn ka muthlu reng mai, teacher ten min hmulo nge min hmulo der ka hrelo, a strick ber thleng in tuman min hau lo. Nidang ah hauh ka ngai lo thin bawk a.

Lunch break ah ngawi reng in tiffin kan ei a, tumah kan inbe lo. Jennie nen a kan boruak vang in Lisa leh Rose chu an tawng ngam lo anih ka ring. Ka tiffin bik ka ei sawk sawk a, tuna kan tiffin ei chu tumah kan in ban tawm lo. Ka ei kham veleh ka dahfel a, ka chhuak daih. Ka in ngaihtuah nawn leh duh bakah ka thinrim na pawh a reh ve deuh maithei.

Building chung zawl ah ka kal a, a dai lai ka pan a, ahma chuan hetah hian kan thianho in kan kal ziah a, ka bansan thut. A chhan ka hrelo. Nikhat kan kallo a, kan kallo zui ta zel a. Kan chhungte theuh hi inthiantha an nih avang in tette atang in kan inkawm a, Ka pa chuan class khat ah kan awm thin a ti. Keini pawh school khat ah kan lut ho char char a, tun thleng in tumah kan la inthen hrang lo a, thuruk phei chu neih a thiang lo kan ti thin. Jennie pawh tun hnaia mi chu nise thuhran, nikum ami daih alo la zep tlat chu amak ka ti. Ka thin a rim a, ka rilru ana bawk. In be mai mai pawh nise sawi sela kan thianho in kan ngaihtuah zawk tur ania. Ngatinge ka tah a chhuah kher le? A ho emai. Mahse ngatinge a zep char char kher le? Rintlak ah min ngai tawh lo zawk nge pawh ka hrelo.

"Rilru hah na kan neih chuan ziak chhuak ila, kan ziahna paper kan paih rual khan theihnghilh ve daih ila. Siamthat theih anih tawh chuan loh chuan thinrim a, rilru tih hah khan awmzia a nei tawh chuang lo a, mahni kan in hrem mai mai a ni" ka bulah nui vur vur chung in Amos arawn ding a,ka en tih a hriat veleh "Ka pa sawi anih kha" ati leh a. Ka lo chhang duh chuang lo. Siamthat theih ani tawh lo a, mahse ka thin a rim tho. Ka rilru pawh a na tel.
"Min sehna kha i en duh em?"ka hmai zawn ah a rawn lek a, a duk chur mai. Ka lo beng san a, ka buaipui peih lo.
"Buaina deuh inei mi? Min hrilh rawh ka lo ngaithla ang" a thu a, keipawh min pawt thu ve nghal. Ka sawiduh teuh lo David nen an inkawm thin lehnghal. Mahse engemaw chu ka hrethei maithei.
"David hian biak a nei thin em?"
"Neilo"
"I zep anih kha"
"A neilo. Kan thianho a kan len pawn phone a khawih ve ngailo. Ani chu tuai alawm. Inau pawn dear ati thin" anui hak a, engmah a hrebik lo aniang. David chuan a hrilh biklo aniang. Mahse mipa chu thuhran ania, hmeichhia hi chu thil kan sawi ho nasa bik em a. Engpawh kan in hrilh vek a, zep neih bik hi kan hrethiam lo aniang.

"I thiantha deuh khan i lakah zep lo nei char char se engtinge itih ang?"

"Min hrilh hun ka nghak tawp mai ang. I thiante nen a in in kar ani maw? A sawi ngam lo ani mai a, rilru hrehawm nan hmang duh suh. A in peih hunah a sawi vek mai ang. Tupawh chu lo nise a sawi ngam hunah chuan i hreve em em ang" ati daih a.

"Thian chu inhrilh zel tur alawm. Kan inhrilh ngam loh chuan kan in pawh lo tihna ania"
"Hmeichhe rilru emai. Hmeichhia ini tak e, mipa amaw ka lo ti che a, i ha hriam dan ah khan" ati uang a, ka nuih a za tawp silo.
"I lak atang hi chuan thurawn tha tak ka dawn ka beisei lo reng a ni"
"Hetiang mizia hi ilo pu ru reng tih ka lo hrelo ve tho a" ka hawi hu ang ka ring. Ka mizia te chu hrechiang a inti ve viau sia. Keipawn mize mak deuh ka neih pawh ka hrechuang lo.
"Hriatthiamna nei rawh. I thiannu dinhmun ah khan in din tir chhin la. I thiannu mizia kha chiang deuh in ngaihtuah bawk la"
"Engmah i hrelo" ka ti tuarh a, a beng hup pah in alo ner nang mai.
"Kan in pawh zia pawh engmah ihrelo. Inti fel viau suh"
"In bengdaih i ngaiin ka hria, ka kal phawt" tunah pawh min kalsan leh tawh. Kal rawh pawh ti ila tuna ka dinhmun ah phei hi chuan ka bula awm tlat zawk tur ania. Ka duh che ati ve a, min lo duh tak tak miah lo anih hi. Ka rilru hrehawm lai pawh a min kalsan duh zawk tu te chu ka be tawh dawn lo.

Amos's Pov

A hnung ah ka biru daih. Ka bengdar a chhe mai ang. Naupang te a beng ngawng nih ka duh lo. A thaw halh thin a, a rilru chu a buai ve viau aniang. An thianho ah hian David hian biak alo nei manle? Canteen a ka let leh chuan Johan khan min lo char leh ngei anga, class ah poisa ka dah daih vangin la turin ka let a, Jess helama akal hi ka hmuh vangin ka zui daih. A rilru a hah hmel sia, alo zuangthla daih ang tih ka hlau. Poisa chu tu emaw ber in lo pe ve tawh mai rawh se.

Ka en reng laiin arawn inher thut a, ka thu pil nghal. Min hmuh hman loh ka beisei. A chhuk tawh dawn ani ngei ang. A ke pen ri ka hriat loh veleh ka bihrukna atang in ka chhuak a, keipawh ka chhuk ve nghal. Ka kal chak bawk a, ka hmu leh hman tho. Amah in a kal hnak hnak mai. Ka khawihngaih reuh.

"Phurhs" a dar ah ka kuah a, min en turin a dah deuh a, a mitmeng a dul ruih a, a sen ram bawk.
"A tha vek em?"ka ti a, min chhang lo mahse a tha lo chu ani phawt ang.
"I tap lo tiraw?"
"Ka tap lo. Min kuah lo teh" ti mahse ka kut a paih thla tawh lo. Kuah chu a mamawh ve tho niang. A rirlu tina tu chu engpawh nise a fel leh vat ka beisei.

Jessica's Pov

"Jess ka tihpalh anih kha. Ahma pawn hrilh cheu ka tum thin tho lawm mahse min nuih ka hlau a, ka zak a" ka thut rualin Jennie in alo ti zung zung a.
"Tun atang chuan engmah ka zep tawh lo ang. Min ngaidam dawnnia" ati leh a, Jennie in midang ngaihdam dil a duhloh zia ka hria. A thiamlohna ah pawh a dil ngai chuang lo.
"Awle" ka ti sap a, ka rilru chu ala hmin zan chuang lo mahse thian tha in huat chu ka duh bik bawk silo. Min kuah a, a inchhir zia ka hrethei.
"Ngatge kan nuih ngawt ang che? Duhzawng te chu kan nei vek alawm" ka ti tha leh a, keipawh hi duhtawk ve tawh mai awm ka nia.
"Mipa kan ngaihsak lo thei em a, biak ka neih bik kha chuan min nuih ka hlau a, lerh min tih bik ka hlau a. Bakah min lo biak tirh chuan ka duh em em chuang lo a, ka chhang tha vak ngailo mahse amah khan min rawn be lui reng a, a biak ve loh theih loh a. Chuvang ania tun thleng a ka bialpa ala nih loh. Ka khawngaih a, ka be ve zawk ah ka in ngai. Ka duhtak chu nise ka hrilh cheu ka ring" ati a, ka awih leh thlup vek tho.
"I duhloh chuan be reng lo la. Beiseina isiam mai mai dawn a sin"
"Ka duh ve deuh tawh pawh ani maithei" ati leh bawk si. Experience ka la neih bikloh vang in thurawn pek tur ka hrevak bik chuang lo.
"I duh ve tawh anih kha. In pawm rawh" Rose chuan alo ti khauh a, ani hian a hre ber a, keipawn Rose sawi ang chu a dik ka ring nghal thlap.
"I bialpa chu han nihtir chhin la" ka ti a, ahma aiin a zam leh hmel tawh zawk.
"Risk la rawh" ka ti leh a. A bialpa anih tir phawt loh chuan engmah a hrechiang lo ang.
"David pawn a duh ve viau che aniang. Kum khat lai in a bialnu ini miah lo chung a a biak peih tho che chuan" Rose bawk in ati leh a, kan lo bu nghat a.
"Mahse engkim sawi vek tawh ang che anih loh chuan ka be tawh miah lo ang che" ka tih lai mekin David arawn lut a, ani pawh alo inzep thei phian mai. Ka ngaihbel nge kan thutna lam arawn en reng in ka hria.
"Jennie alo hawi reng mai" Lisa in ati a, a tawngring angreng sia, Jennie a sen ap ap mai. Ka ngaihbel pawh nilo in a rawn hawi reng tak tak anih dawn chu.
"Zan in a alo biak hunah che a chhanna duh ang chu ilo hrilh dawn nia. I bialpa chu nih tir phawt rawh" alo bu nghat a "Duhsakna ka hlan che u" ka ti a "Ka lawm e" ti chung in min kuah nawn leh a. Thiantha te duhsakna hlan chu anuam, hlim deuhin awm se ka ti mahse a fans ruhkawl ka nau chuan a tuar ve khawp ang le.

Cont

---

FIRST LOVE-8


Jessica's Pov

"Min rawn be tawh suh ka tih che kha"
"Ka chhaih dawn chuang lo che a" khum ah ka bawk thlawp a, lehkha zir lai lai in a ninawm thin.
"Enge i duh? Sawi vat rawh hun ka ngah lo ania"
"Ka duh che" teh tawp chuan. Ahma zan pawh khan a sawi tawh takin ka hria.
"Ka duh ve hleinem che" anui hak a, tlawmngaihna chang te hreve se min lo be tawh lo sela ka ti.
"Awle" a dah zui nghal a, mak ka tih lutuk vang in ka phone ka en zui vung vung mai. A dah hmasa ve khanglang. Ka duh che ti ve si hi. Min duh tak tak anih chuan min ngen lui tawng tawng zawk awm tak ania. Min rawn chhaih leh pek aniang. Ka duh che ti ila chu min chhaih nan tak a hmang leh ang chu. Ka zahna tur a zawng leh tawh aniang.

"Enge chanchin?" Jennie kan hmuh rualin kan ti nghal sap sap a, tukin chu arawn kal tlai ber ve ngei a.
"Aw.. Ti chhin ila ka tia, inthen leh vat pawh huam tho in. Kan ngaih anga alo nuamlo anih chuan kan in then leh dawn nia ka ti" ati a. Kan nui tet tet hlawm a "Khavang kha lawm ka hrilh duhloh che u" ati a, a hmai a hup a, a zak ve ngei aniang.
"Ivan zei" ka ti fiamthu a, kum khat vel lo inbe ngat ngat tawh chu an zak tawh lem lo ang.
"David chu kan lo nghak dawn mi?" Rose-in a ti a.
"Tikhan min chhaih nghal vak vak kher suh u. Ka la zak ve deuh tho ania" Jennie chuan alo ti vat a, a zak bawk sia, kan nghahpui lo mai.

Class ah Amos an min tibuai miah lo. Amak ve reuh ka ruak deuh huaiin ka hria. Ka nin tehlul nen thawven hawk zawk awm tak hi nia.

"Jennie pen ka lo hmang" David an arawn ti a, kan lo nui vak ringawt. Jennie bula arawn kal duh chhuanlam mai mai. Chhuanlam a nei thing ropui mai bawk sia.

"Kha" ati a, Jennie in amah pawh en lem chuang lo in a pe a.
"Lo thu ve rih la David. Bell pawh ala rilo a" ka lo ti a, a thutna tur kan dah awl a, sawm nawn leh pawh a ngai chung lo. Jennie in ka mal a rawn tham vak a, a awmdan tur ka hriatthiam pui vang in na ti ang pawn ka awm duh chuang lo.
"Jennie chu idub viau animaw i nghak rei emai" Lisa in alo ti ve khauh. A nuihzathlak duh bik.
"Duh ve angreng"
"Dear lokal tawh rawh" Amos an David arawn kuah a, kan meng bial pawp pawp hlawm mai.
"Dear a?" Jennie chu a ner nasa ngei mai. David chu a ten hmel.
"A uang anih hi. Hey kalsan teh ka rawnkal dawn"
"Min kalsan daih a Dear"
"Dear keinipawn lokal vat turin kan duh che" Ms leh Henry lehzel pawn an ti ve. Tumah an nui lo a, Amos phei chu keimah pawh min en duh lo hrim hrim. A rukin ka ngei.
"Jennie kan kal phawt ange" David an atih rualin Amos an a thlah a, min en ka rin nen min la en chuang lo. A titau der aniang nge a titau tak tak zawk ang? Min va tibuai tak hepa hi chuan.

"David hi ka duh leh lo" Jennie in a ti hmuk a, pen in a lehkhabu a thai hmawk hmawk a.
"An uang anih kha. An thianho mizia chu i hriat kha. David a ze zawi ve ber nia. David pawh ngaihtuah la, an infiam nasa thei dawn lutuk" ka lo ti zung zung a. Nikhat chiah an in kawp chuan kum khat chhung an lo inbiak tawh na kha a thlawn vek ani mai.
"Nia then phah suh. Keini pawh kan infiam bawrh bawrh tho lawm. Khatiang kha ani ve mai a. A ho lutuk. David chu a duat ngawt ang che" Rose pawn alo ti ve a, inthen lehnghal chu thil tih chi a nilo hrim hrim.
"I thik anih kha" ka kiu in ka nghawk a, alo nui ver ver a "I bula a awmrei hman loh vang in i thinrim chiang" ka ti leh a, kan chhaih zui reng a.
"Keipawh Mafela nen kan ni tep tawh" Rose in alo ti ve vat a. Lisa nen kan la single rih dawn animai.
"Ka lo in ngaihtuah ang ka tia. Ka hmuh tirh atang che khan ka duh nghal che ati vel" kan au dual a, min en duh lutuk pawl pawh an awm leh tawh ang. Engahmah hian kan ngailo hlauh zawk hrim hrim a.
"Min hmuh tirh atang khan min umzui nghal ta che ti tawh rawh"
"Keipawh bialpa tur ka duh ve" Lisa in ati a, rual a awt tan chiang mai. An sawi sup sup takah chuan Amos pawh a ngaihawm ve reuh. Nidanga rawn hawi reng thin si a rawn hawi duh tawh lo reng reng. A chhan ka hrechak. Nizan a ka thilsawi kha chu nidanga a bula ka sawi thin aiin ana lo deih zawk a. A thinrim na tur ang ka sawiin a thinrim ngai bawk silo. Hepa pawh hi ka hrethiam teh hrep love ah.

"Enge i ngaihtuah?"
Ka thianten min lo en thap a,an ngaih ka ti tha lo lehtawh niang.
"Amos-a awmdan hi a mak tawp"
"Ehhhh" an ti dual a, thuruk sawi pawh kan ang lo thin.
"Engtinge a awm?" Jennie in thutak deuh in ati a, ka hmel ah diklo a awm tih a hmuthei aniang.

"Nizan a min lo biak in ka duh che atia, ka duh ve lo che ka tia, awle atia a dah nghal daih a"

"A duh che ka tih kha" Lisa in alo ti vat a, a intithei viau bawk.
"Vawikhat chiah a sawi na pawh anilo"
"A duh che lawm. Hmanni a i ek a tet ni pawh khan a buaipui vek che kha. Kan awm miah loh pawn" ati leh zat zat a, ek te tih ai chuan kawthalo tih pawh ka duh zawk.
"Ani lo min buaipui tur an awm loh vang zawk alawm min buaipui kha ka duhloh zia chu" tiin ka lo in veng a, a lo awm hlauh kha lawm chang chu ka nei ve tho. Min ngaihsak loh viau chuan nuam pawh ka ti leh chuang lo.


Amos's Pov

Ka ngaihsak lo der. Ka ngaihsak a phut tih ka hrereng. A bula ka kal chak vang in David pawh ka ko der daih a, bialnu thar alo nei reng a, a duhloh palh taka kan chhaih a hlauh vang in min lo hrilh ngam lo ani awm e. An inbiak tirh chuan Mizoram ah ka awm lo hrim hrim bawk a. A bialnu pawh a chhelo mahse Phurhs-i a chhelo zawk. Ka duh ka tih khan ka ti tak tak. A tir chuan ka uang ve tho a mahse ka ngaihtuah reng zel.

Lunch break anih in class atanga ka chhuak tur min lo dang. A duh chuan a che rang ve lutuk.
"I titau ami?"
"Aih. Min duh silo a, i bula ka lokal rrng chuan min nin ka hlau a" ka ti daih. Ka enchhin duh vang ani reng sia. A khawhar ka ring reng a ni.
"Thinrim na ineih loh chuan a that chu" kal lehnghal mai a tum a, ava induh ve tho reuh e. Keimah zawk in a ban ah ka vuan a "Ka duh che ka tih khan ka ti tak tak"
"Min duh anih chuan ngatinge min tihbuai reng"
"Min bengkhawn ve deuh nan a ka tih anih kha"
"Ka duh che nge ka duh lo che ka hrelo. A in buk vel maithei. Hetianga i awm hian nuam ka tilo a, min tihbuai reng hian ka ning bawk" ka nui suk ringawt. Nuam lo a ti tih chu ka hre daih tawh. Keichuan min duh ve anih ka ring. Min duh lo sela chuan min umzui bik lo ang. Min ti ding hmasa tu zawk chu amah anih kha.
"Thil ei dun ila"
"Ka thiante bulah ka ei dawn" ati leh tlat tho. A khirh ve ngawt mai. A ban ka thlah rual in a kalsan nghal a, ka umzui duh ta lem lo.

Canteen bulah a nau in min lo nghak leh tawh "Nimin ah i kalsan daih vang in tlem te chiah ka ei a, vawin chu kalsan tawh miah suh"
"Lutuk" ka kuah lut a, a duh ka thlan tir a, nidang ang bawk in a thlang tam tho. Ka thiante kan zawm ve a "Dear tui ka lo in ve" Johan bawk in ati leh tawh. David dear bulah hian tui hi alo awm bik thei bawk em a ni.

"Dear min ti tawh suh" David an ati hrawk a, kan thianho ah chuan kan dear hi bialnu nei awmchhun ala ni rih anih hi.

"Iduh zawk an ti lawm. Inthlahrung suh dear tih che ka hreh chuan hleinem" Johan chu ka kuah vak a, nau mipa ka duh ve. Fapa ka duh mah zawk.
"I u ko la" Henry an a tih chuan alo ner nang a "Ihmu chak ami? Ka u tan ka duhlo che. I phu lo. I uikawm si" ati ta hrep a, henau hian sawi hreh pawh a neilo. A rilru a awm ang ang hi a sawi maiin ka hria.
"Ka uikawm lo ka neihloh vang anih kha. Amos anih kha uikawm. Nimin pawn i ei man a pek duhloh vang che in a kalsan daih che kha" a u lungngai hnem tur zawk in ka kal ka lo ti tep a ni.
"Anilo. Inei lo der anih kha"
"Nimin ah tunge pawisa pe?"ka lo tih chuan David a kawk a "Dear hian" ati a, ka beng bulah "Dear tih chuan a lo lawm tak tak aniang" arawn ti sap bawk a. A u in hria se chu ka nau i fuihpawrh a ti leh hrim hrim ang.

Ban veleh bike la turin ka kal nghal. Duhlo mahse ka thlah dawn. Gate pawn lamah ka lo awm a, an thianho in an rawnkal a, David hian a bialnu hi a hawpui dawn lo manle? Bike ka ti nung a, a hma zawn ah ka ding a "Ka thlah ang che"
"Ka duh bawk lo" ka rin dan vel. A thiante a kai a, a kalsan pui a, an rualin muangchang in ka tlan ve zel a, a remchan veleh a hma ah tak ka ding leh thin a.
"Kal mai rawh" a thianten an ti tawh. Ka tibuai reng dawn tho tih an hria a niang.

"Ka ngei tur hian awm reng suh" a rawn lam pahin ka ban a hmer na lui a, a thiante hmuh a a ban a vei hnu ah ka tlanchhuahpui a "A chak i hlau em?"
"Tlan chak loh pawn i khalh anih hrim hrim chuan ka hlau vek" Johan hnen atangin an veng awm na chu ka hre tawh. Min kuah ka duh vang in ka tlanchak lui vak a, a hlau chuan min kuah ngei bawk a. Ka biak pawn min chhang ngam tawh lo niang a ngawi reng tawh. An veng hnaih ah ka tlanmuang a, min kuahna a thlah rual
In min chum a "Iti lui anih kha. Isual ve hrim hrim. Ka ngei thin che"
"Tunah min ngei tawh lo ka hrevek" a ngawi daih. Min ngei tawh lo tih ka hria lawm. An in awm na ka zawt a, ka hruai thlen loh a hlau aniang min hrilh vat vat mai.

An in bulah ka ding a, ka hawikual a, ka chhinchhiah vek dawn. Ka kal leh dawn pawh a ka hriat reng theih nan.
"Kal tawh ta che"
"Awle. Bye, ka duh duh hun ah ka lo leng thin ang" min chhan leh hma in ka tlanchhuak a "Tlanchak lutuk tawh suh" tiin a rawn au zui. Tuemaw chuan ka chungah thil thalo a thlen a hlau ve tawh ani ngei ang.

Cont

---

FIRST LOVE-9

Jessica's Pov


Ka lehkha zir zo ka mut veleh ka phone a ri a, amah tho aniang. Lehkha ka zir zawh hun a hreve deuh tawh lawm.
"Jessi" ka hming pangai a min rawn ko ve chu mak ka ti lutuk a ka thuchhuak hlawl mai.
"Engtinmaw min koh?"
"Phurhs"
"Hey" anui ri te chu ka ngei leh vek tawh. A nin duh duh a hming min phuahsak tur ka nilo hrim hrim.
"I mu tawh mi?"
"Mu tawh e, ka mu lai hi min ti harh ve ziah mai"
"I muhil harh chiah pawh iva au ring thei ve"
"Min ti thinrim lo hian i awm thei thlawt lo ami?"
"Aih ka ngai che" a inzawm hlawl lo. Ka bawk leh a, ka lukham a a par lai ka thai kut a thaikual pah in "Ka ngei che" ka ti a, mahse ka nui deuh tho.
"Ka ngai che a min ngei daih a"
"Nia ngei e"
"Ka engkim i haw tak tiraw?"ka sawi lai pawh ka hria, kan nui ve ve a, a ruala ka nui ve chu mak ka in ti. Nakin lawk ah ka huat tur deuh a sawi leh awm tho sia. Ka tum leh nghal daih. Ka lo inring lawk.
"Sawitur i hriat loh chuan ka dah dawn"
"Ka duh che" ati leh tawh. He thil a sawi hian sawitur hrelo zawk ka ni leh ziah.
"Ka uang miah lo. Uang anga min lo ngai anih chuan i diklo a ni mai"
"Min tibuai reng tho sia"
"I ngaihsak nih ka duh a, i rilru a awm reng ka duh bawk vang anih kha" ati a. Ka awih duh angem le? Min tihder nasat dan ka ngaihtuah chuan ka awih vak thei tawh lo.
"Min chhaih na tur i zawng reng mai" ka fiam mai mai che a tih leh ka hlau. Amah hrim hrim pawh hi hlauhna chen ka nei. Mipa lerh kawp lawr deuh a nih te ka hlau a, hlauh hi ka ngah lutuk a ka buaithlak ve na ber mahse a tha zawk.
"Chhaihna tur che chu hemi kher lo hi ka hre hnem mai. I awih loh chuan i thu. Sawibelh vak dan a awm lo" ka mu zangthal a, ka rilru chu a buai ve tho. Ngawi reng mah ila a dah duh chuang lo.
"Ka bialnu ini duh em?"teh tawp thin hian. Nitin kan inhau thin mai dawn tihna ami?
"Ka hlau che" a nui ri hriat pawh a nuam leh deuh tawh thinrim loh lai hi chuan.
"Hlauhawm laka vengtu tur zawk che min hlauh daih ten"
"Min ven theih pawh ka ring lo"
"Fiah la"
"Tak tak in ka hrethiam rih lo. Min ti thinrim reng a, nangmah ka ngei theih nan che i awm reng a, ka duh che iti leh bawk sia"
"A dik, ka duh che"
"Naktuk ah kan inhmu dawn nia" ka ti a, ka dah nghal daih. Ani pawn a rawn tih chhunzawm chuang lo, hun min pe duh a ni ngei ang.

Ka thiante min lo nghah na ka thlen veleh kan in biak dan ka sawi nghal zung zung a, ngaithlatu tha tak an va ni em tun tum kher hi chu. An ni pawh an rilru a buai ve tho in ka ring.
"Nangmah i pawimawh ber. I duh a i hriat chuan hrilh tawp la, iduh lo anih leh thian ni mai ang iti daih nga" Jennie in ati a, ka duh leh duhloh pawh ka la chiang chuang lo.
"A reh deuh a ka hriat hi chuan ka ngaihtuah ve reng tho. Min chhaih nasat hian ka haw em em a, thil thalo zawng zawng a chunga thleng vek turin ka duh a, mahse a rei ngai chuang lo"
"Keichuan i duh in ka hria" Rose-in alo ti leh tawh. A rukin min lo zirchiang leh tawh a niang.
"I duh a i in pawm duhlo mai mai anih kha. Jennie pawn risk a la, David nen an in kawp mai a, risk chu la ve chhin la. Hlauhna ineih reng chuan i single reng mai ang" atih zawm leh a, ka hlauh lutuk pawh ka hre chuang lo.
"Class ah lut phawt ang u, ruah a sur dawn" Lisa in ati a, ruah lah hi a ninawm. Ka ngaina hlawl lo. Ruah sur hman hlau in class lam ah kan tlan dawr dawr a, huh deuh chunga class a awm phei chu a vawt duh emai.

Kan thut fel hnu chuan "Amos chu" an ti lehnghal a, an sawi rual deuhthaw in arawn lut ve a, ka lo hmufuh ropui sia, tawite a nuih pah in ka hmuh tur in mit a siai a, hepa uang peih lutuk hi chu ka rin loh phah vek zel.
"Min chhaih na niang" ka tih leh phah.
"Ani biklo ang. Keiman ka zawt dawn" Rose thawh tum chu kan vaiin kan lo manbet. A kal ang tih ka hlau lutuk. Min chhaih nasa lehzual zawk ang.
"Khua hi a thim tha leh dawn mi?"
Tukverh lam kan hawi thap a, a thim dawn tak tak. Ka ngaina lo ka tih tawh kha. Rapthlak deuh a thlen duh hmel. Kan tih ziah dan in thutthleng vel a rem dan dan in kan pawh zawm a, lehkhazir loh kan duh zawk thin a, thawnthu te kan sawi mai mai zel. Teacher te engemaw thleng thut vang in meeting an nei thut dawn lehnghal. An rawn sawi tirh chuan an au dual a, keichu a au pawl ah ka tel ve ngai lo. Kan vai chuan bichilh deuh in kan thu a, ruah pawh a tla phuar phuar tawh.
"Ka lo thu ve" light kan off vek bawk vang in David chu chianglo deuh chiah in kan hmu thei. Jennie thutna bul kan dah awl a, han thudun ve char char rih teh se.
"Thlahrang sawi ang u" Lisa in atih chuan midang in an rem ti tlang a, kan thianho chauh lo pawh an lo awmkhawm teuh tawh. Kan thutna vel kan siamrem leh a,, ka bula Amos lo thu chu ka duh vak lo. Zana kan inbiak vang khan ka zam vek tawh in ka hria.

"Bul kan tan ang" Ruat in atih chuan keichu ka lo inring sa. Ka dawih tehreng nen ka ngaithla chak ve tho bawk sia. Hostel a awm anih vang in hostel ah thawm an hriat thin thu a sawi a. Warden ni char char thin alo boral ve tawh bawk nen, a sawi zawng zawng chu awihloh chi pawh anilo. Ka hmulthi a ding sung sung thei. A then chu an tap leh pur tawh ang ka ring. A sawi mawlh mawlh laiin tuemaw hian ka ban a rawn vuan a, a kut a vawt si. Ka au vak a, ka ban ka vei a "A hlauhawm loh" Amos an min kuah pawh chuan ka thla ala muang chuang lo. A awm ah ka hmai ka phum a, ka tiril a khur der der a, a hnung ah a chul a, tiang chuan reideuh chhung ka awm. Midang pawh ka zah zo tawh lo.

Ngai ka awh leh hnu ah hawichhuah pah in "Tunge min lo vuan kha" ka ti a, tumah ka hmuchiang thei chuang lo.
"Keimah anih kha. Ka hlau a midang kut vawn tur ka zawng alawm" Lisa in ati a, ka ngei zia chu. Ka au nasat vang khan midang pawh an lo chiai ve nasa a ni awm e.
"Ka veng ang che ka tih kha" Amos an beng bulah a rawn ti su su a, ka ban ka vei vak vak lai khan ama lamah min pawt pawp in ka hria.
"A ho emai" ka la ti tang tang a. A phone a hmet eng ka hmuh veleh "Phone i pai ru"
"Min man loh chuan ho e" ka beng ah engemaw a rawn hnawh a "Earphone pawh maw?"ka lo ti leh hu a.
"Ho te ah buai vak lo la,an thilsawi pawh hi ngaithla tawh suh, i lung a thalo vat mai ang"
"Anih leh music ngaithla daih ila" a play nghal ka sawizo hman lo tep.
"Hlau tawh suh aw" a thuhniam deuh a, ka lu ah vuan in dimte in a kuai a, a dar ah ka lu ka nghat a. A thil play chu ka nuih a za tep. Mipa ve si hetiang hmeichhe duh chi tur lo ngaihthlak. Mahse keimah zawk in ahma atanga ka lo duh em em thin a ni. A chorus lai tak phei chu.

I'll be your crying shoulder,
I'll be love's suicide
I'll be better when I'm older,
I'll be the greatest fan of your life.

Ka mit ka chhing a, uluk deuh in la ngaithla a, a hmaa ka duh chuan duhna chhan vak pawh ka neilo mahse a hla thu chu in ngaihbel na chin ka nei tan in ka hria. Ahma ang in ka ngaithla liam mai mai tawh tlat lo. A hma a ka hlauhna zawng zawng pawh a bo vek a, ka hlau tawh lo tak tak bakah mak deuh maiin ka bula Amos awm ve chuan min ti thlamuang ve tlat in ka hria. Pawm thlap duhlo viau mah ila a ni tho si.

"Muhil chu ramhuaiin a man duh" ka beng a za deuh mer mer a, ka meng riai riai a, class room a hma aiin alo eng deuh tawh a, thil ka hrechhuak a, ka thu ngil ngawt mai. Ka lo muhil a ni chiang lutuk.
"Ramhuaiin a man hma che in itho thei hlauh chu a lawmawm" Amos chu ka zah thar tlat in ka hria. Ka awmdan zawng zawng kha. Ka hlauh khan ka kuah a, a dar ah ka lu nghat in ka muhil bawk a, ka zak telh telh. A mit ah pawh ka en ngam tawh lo. Midang chuan kan awmdan chu engahmah an ngaih loh hmel a, an tihloh dan pawh ani chuang lo mahse keimah hian nuam ka ti lo.
"Chilthli i thlauh animaw" ka hmui ka nuai nawk nawk a, engmah huh a awm lo. Amos chu ka la en ngam chuang lo. Ka zak thar thut ka awmdan kha ka in zahpui.
"I tawngvai a ka duh che iti nia aw"

Amos's POV

"Ka awih lo" ati sup a, a muhil a harh atang khan ala kun char char.
"Ngatinge i awih loh? I vei lutuk a i mumang thleng in i hmu anih kha" a hmel en tum in ka kun a, a thukru zel. Zahna tur enge awm le?
"Thu san tawh rawh" ati a, ahma lawk pawn min hnaih deuh in a awm duh tawh tho sia.
"Ka thutna ah midang an thu daih a. Hmeltha i hmu ngam lo mi?"tiin ka uang a, a lu a thing a. A thiante pahnih chuan min en reng tawh. Ka vel amaw an ti ang tih pawh a hlauhawm lawm le.
"Naupang ang in awm lo teh"
"Ka awm lo"
"Kun tlat tawh suh. I thiante ngaih kan ti tha lo ang. Ka hau che maw an ti ang" dawhkan ah a bawk leh ta daih a, ka duat nen ngatinge a tih tauh lehtak le? Ka lo kaitho hma mah mah a ni mahse a thim lutuk kha a zia tan sia, a awmdan an hmuh kha chuan amah zawk kha midangin mak an tih ka hlau. David ka en a, ka nui tep. Jennie kut alo vuan ve lutuk "Dear nuam awm ve" ka ti a, min en tha duh lo. Jessi hnung a ka ban dah pahin ka thutna hnung lam ka ngheng a "I kut pawh i sil phal leh lo ang a"
"Ngawi mai mai rawh Lalrinfel, i thutpuinu pawh itih thinrim leh tawh kha" min lo hmuru ve reng ani ngei ang. Ms leh Henry pawn min en ruk reng ka ring.
"A hlim lutuk a ataksa in a tlin lo anih hi. Jennie ikut kha ana vek tawh lo maw? Hmeichhe kut hi khawih chintawk a hre ngai lo nia" David arawn tho thut a, ka sam ah a tham a, tham reilo mahse a nuihzathlak tho. Hmeichhe insual dan in kan insual tep.
"Khavang anih kha Jessi pawh a duh miah loh che"
"Bialnu te bula awm chuan inlak cool tur. I hnar kha tomato tawih a ang tih pawn nia lo tih tawp tur. I zeilo emai Dear" Ms leh Henry thutna lam ka en a, ka chhaih tih an hria niang, an lo nui vur vur mai.
"I mit a inzawn lo ka tih pawn nia lo ti zel tawh rawh. I nihna ka sawi kha ilo pawm thlap thlap dawn nia" Jessi taksa chu a insawi deuh hlek in ka hria, a lo nui ve aniang. Jessi a nuih theih na anih chuan David hi chu lo thinrim mai mai rawh se.
"I ha kha step chhe deuh a ang ka tih pawn a dik chiah lo ti ringawt rawh"
"Iti khawngaihthlak i ninawm" Jennie in alo ti ve thung a. Ka bialnu tur tih hlim ka tum alawm.
"Ngwihsan rawh Jennie, i hauh chuan a tilui zel tho ang"
"Kha kha nimai David Dear chu, a cool ania. Jennie, ka thianpa ang hi an vang ania aw" ka tih chuan David pawn a rukin min rawn nuih suk a.
"Chaw a ei tui poh leh a ke a ti arh nasa ani mai" ka tih leh meuh chuan Jennie box lian tawk in min rawn vawm.
"Ana em?" Jessi in alo ti vat a, nui chung in ka lu ka thing a.
"Min bia a a dam nghal" a hawisan lehnghal daih mahse a nui hmel ka hmu hman a, a thinrim tawh lo niang. A chanve ai sang hret in ka thaw veleh thei ta.

Cont

---

FIRST LOVE-10


Jessica's Pov

School ban ah pawh ruah ala sur reng. Nihliap ka keng bawk silo. A keng hi chu an haw zel a, kan thianho kan la awm a, Amos te thian ho an awm bawk a, midang panga vel an la awm tel bawk. Tukverh bulah kan ding thap a, ruahsur chu reh vat vat se kan ti vek.
"A tam ber ah darkar chanve ka nghak anga, a reh loh chuan ka do haw ang" ka sawi zawh rualin Amos an "Angailo" arawn ti nghal. Ka ner suk a, ka chhanglet peih lo. Ka do leh do loh chu ka thu thu.
"A vawt emai lam mai ang" Henry chu a lamkual a, a chang leh a zuang a, kawrlum a ha lo chu a inchhir ve ngawt ang keimah ang tho in. Keipawn kamis chiah ka ha a, ka inchhir tawh zia chu.

Kut kuangkuah in ka ding a, khur der der chungin Henry lam chu ka en a, Amos chu awm lo se ka lam ve ang. Hepa hi ka zah laklawh vek tawh. Ka hnunglam atanga min rawn kuah chuan ka phu zawk a, ka kiu in ka nghawk a, min thlah mai ka ring ania min kuah lui char char tho. Ka lu ah a khabe a nghat a, ani pawn Henry lam chu a en ve niang "Henry mi pangai lo aia pangai lo lehzual i ang emai duhtawk teh a ninawm" ati hmuk a.
"Min en lo mai rawh" Henry pawh a lam lui zel tho. An thianho hi keimahni ang tho in an in ngamtlak ve hmel.
"Heivang hi lawm a bialnu in a then. Hmeltha bawk silo thiam nei bawk silo ati" Ms an alo ti a, a nui zui vak a.
"A ti bawk lo"
"Message ka hmu vek. Nangmah chauh ka hmangaih che a min then suh mipa pawh ni ila ka tap thei mai ang titu kha tunge?"atih zawm leh a, Henry chuan Ms-a ka a hupsak vat a, alo ti tak tak a manle? David leh Henry hi an fiam nasa bik ziah. An tan pawh a hrehawm ang. Henry an a thlah veleh Ms-an "Ka first love in min kalsan chuan ka nun zawng zawng hi a chhe vek animai, tu tih dan nge?"ati leh tho a, Henry chu ngawi reng in a ding tawp tawh.
"A lehkhabu chhiar ami ani hrim hrim. Chutiang Henry an a ngaihtuah chhuak thiam lo ang" David an alo ti ve ngei bawk a, Henry aia an hnehsawh lehzual thin ania, a tawng ngam ka lo ring vak lo a.
"First love leh nun beidawnna inzawm nan kha a chhiar a" Ms-an atih laiin Amos an "David pawn ruahsur laia hmeichhe kut vawn dan a chhiar alawm. Part-3 thleng a chhiar tawh" alo ti a, Amos hian David sawisak hi nuam a ti bik. Ka nghawk leh a, awmzia awm dawn lo mahse "Ti tawh suh" ka ti tho a mahse "A bialnu hmasa kut a vawnsak kha chuan a ulh rik sak tel kher zel ania" ati leh hman tho. David tan hi chuan a ngeiawm dawn em a ni. Henry pawh a nui uar uar ah alo tang leh tawh a, an thinrim rei ve ngai lo aniang. Mipa hi chu an danglam.

Min kuahna atangin ka talchhuak a, a vawt ka ti lehnghal. Tukverh ah ka dak a, ruah ala sur reng tho "Engtinge kan tih dawn?"ka thiante bula ka tih chuan an lu an lo thing a. Ka riltam lutuk chu haw mai ka duh tawh.
"Ka haw dawn"
"Ruah ala sur hnem em hi" Rose-in alo ti vat a, "Ka do mai ang pawilo"
"Hmanhmawh na inei mi?" Jennie in atih chuan ka lo bu nghat a, dawt ka sawi mai ang. Ka pum a rik mualpho leh vaih chuan Amos an min chhaih nasa leh dawn lutuk tih ka hresa vek.
"In thlen hma ngei ngei ka ngai a, chuvang lawm ka hmanhmawh" ka ti daih. In ka thlen hun chu ka ei hnem nasa ang chu aw.
"Lo haw ve duh kher suh u keimah pawn ka kal thei nia" ka ti lawk sa, an inthlahrung ang tih ka hlau. Ruah do duhlo lutuk vek an ni sia, ka riltam vang mai mai a an do ve chuan ka tan a nuam dawn lo em a sin.

"Kal lo mai rawh" an la ti tho a, mahse ka bag a ak lui a, "A ho lutuk. Vawikhat ruah do mai mai. In thlen hma ngei ngei ka ngai lawm" min hual tuau a, an van mawl tak. Ka kalsan lui tho. Min hmu tawh lo tur an ang mah zawk.
"Min lo nghak" ka hnung ah Amos a lokal ve reng.
"Min lo zui suh"
"Mahni chiahin hetiang khua ah lehnghal. I hlau lo mi?"
"Ka dawih lo"
"I dawih lo niang min kuah nasa emai" ati deuh kher a, a kawrlum a phelh pah mawlh mawlh a, mipa in phelh hi ka hlau ruah a sur bawk si.
"Kha ha rawh a vawt ang"
"Ka duhlo" ka ti hmuk mai. A hnu ah min chhaih leh nan a hmang ziah. Ka kalsan lui leh a, ruah in min nan dawn veleh ka banah vuan in min pawt let a "Ha phawt rawh"
"Ka duh lo"
"I duh loh te chuan" ati a, aman a ha leh. Ka kalsan leh a, ka rin aiin a nuam. Vawt viau mahse ruah do chu a nuam reuh ka ban ka phar a, ka virkual vel a, min lo en reng, ala hul phak mai. Ruah a do ve ngam lo niang.
"A sen" arawn ti a, ka hawikual a, thil sen engmah ka hmu lo mahse hriatchhuah ka nei a, ka kut ka kuangkuah nghal. Ka kamis hnuai ah a sen ka ha a, ruah in min nan hun khan alo lang thei aniang. Ngatinge a nuih theih tur hian ka awm ve ziah le? A kawr ha tura min tih khan lo induh kual kawi vel lo ila a tha mai tur. A dinna ah ka tlan let leh a, a lo nui sawng lehnghal.
"Khawi i kawrlum chu"
"Yes Miss" tih pahin a phelh a. Ka haksak laiin "Phurh phurh-i hi ah" alo ti deuh kher a, ka sam alo pawtchhuak a.
"Bike ka va la anga hetah hian lo ding rawh"
"Ka huh tawh tho lawm"
"Ila huh dawn tho bawk a mahse ilokal ve loh kha a remchang zawk" a kal tur chu dan hman pawh a ni tawh lo. Ka bag a ak daih lehnghal. Ka bag a hmalam ah a ak a, ama bag a hnung lamah a ak bawk a, a chang chuan a fel ve tho anih hi.

"Lokal rawh le. Haw iti lui tlat a, i damlo ang tih a hlauhawm khawp mai" hetianga a thutak hmel hi ka hmukhat lutuk.
"Ka damlo em lo ang chu" a hnung ah ka thu a, a tlan chiah chu a vawt lehzual. A rawn hawi phei zeuh zeuh a, a rawn hawi apiang in "Kan chesual ang hmalam en rawh" ka lo ti thin a.
"I lu kha i tuam duh em?"
"Duhlo ka huh vek tawh"
"Nangchu min vin reng lo la"
"Ruah sur a tawngrin angai anih hi. Tawngzawi ila i hrethei dawn mi? I beng ava tha awm bik ve" rawn hawi let pah in "Ka tlawm" ati a, a tlawm tak tak pawh ka ring chuang lo.

Amos's Pov

An in kawt a ka din veleh a chhuk nalh a "Khawi ka bag" ati hmuk a, ping peng reuh hian. Ka duh ve em em tho sia.
"Kha i bag"
"I kawrlum hi"
"Ha haw mai rawh. A dang ka nei. Lut rawh ka lo en ang che"
"Hey a vawt viau em? Min zui haw ve kher anih kha" a inthiam lo leh deuh ani maithei.
"Vawt lo e. Ka vannei vawt ka hreve vak lo. Lut rawh inti lum vat rawh, i damloh a school ilokal theihloh chuan ka ngai lutuk ang che" a hmui hnuai lam a ti pawrh a, ka lo khawih a "Khawih ve ringawt suh"
"Nakinah ka la fawp dawn tho lawm"
"I zaklo" a inher a, a kal tau nghawng nghawng mai. Ka duat tehreng nen min tihtauh khum reng mai.

Inchhung ka luh veleh a Maggie ka hmuh chuan ka ding chawt mai. Ka nu leh ka u te nen an lo thu khawm a, ka nu leh ka u a tlawn thiam si.
"Ruah irawn do ani maw?"alo ti a.
"Han inthlak vat rawh i damlo ang. Ngatinge ruah i do? I khua te a sik mai anga sin"
"Ka mu nghal daih dawn" inchung ah ka tlan chho nghal. Maggie ka hnaih duh tawh lo. Ka rin em em laiin min lo bum a, min bum tu chu hnaih leh ka duh tawh lo reng reng. Ka hlau tlat tawh bakah Jessi ka duh daih zawk. Ka inbual hnu ah thawmhnaw lum ka ha a, ka rin aiin a vawt daih. Ka room kawngkhar rawn kik tu chu Maggie bak a nih ka ring lo. Rang tawkin khum ah ka lawn a blanket in ka inkhuh nghal.
"Ka rawn lut ania"ka khum lam a arawn pen ri ka hria.
"I damlo ami" ka khumah arawn thu a, blanket a pawh rual in ka tho nghal.
"Enge ilo tih?"
"Ngaihdam ka dil tawh che kha"
"Ka ngaidam che. Haw tawh rawh" ka ti hmuk a, tha deuha chhan chuan a pawng tulh tulh a buaithlak.
"Siamtha ang. Bultan tha leh ang" ka kut vawn a tum a, ka la san daih. Hmeichhia zawk ka nih duh hmel. Jessi titau ka ang. Jessi chiah ka ngaihtuah.
"Bialnu ka nei tawh" nuam lo a tih ve hmel deuh tawh. Ti rawh se a pawilo. A inchhir leh dawn chuan min bum loh mai tur alawm.
"I rilru ila pe dawn lo tih ka hria"
"I hresual anih chu. Nachina ka hmuh che khan i awm ve ani tih ka hre chiah. Ka theihnghilh daih tawh che. I chhuah hunah kawngka khar leh thlap rawh mutthilh ka duh" ka mu a, ka inkhuh leh daih a, a thaw halh ri ka hria. Ka khawngaih tur anilo ka ti tlat. Mipa chu hmeichhe pakhat bum nawn theih a awm loh tur. A kalsan tih ka hria a, ka inchhir lo ang. La ngai ve tho thin mah ila ahma ang kha ka ni tawh lo. A tello pawn ka awm thei tawh.

"Lalrinfel" ka u aw chang fak chu ka hriat ka ring sa. Maggie fans anih hi ninawm lutuk.
"I blanket kha hlim la min en rawh" ka van en awm lo. Ka bialnu leh ka nupui tur a thlansak ka ngai love. A rawn pawt pawp a, ka en leh tho. A thinrim hmel chu bawn tak a ni. Zawi deuh in ka thu a "Maggie eng thu nge i hrilh?"
"In kawp leh ka duhtawh lo tih ka hrilh"
Zirlai naupang te pawh ka ang e ah.
"I thu thu a awm tum suh"
"Ka duh leh ka awm ang. I ninawm ve sek. Min control ve phet hi tum suh. Iduh leh Maggie chu nangmah khan ngaizawng la ani mai lawm" a phone in min vawm a, ka awm ah tak ala fuh zui. Ka vawm let ve dawn manle. A hman hman hian kut min thlak mai.
"Min zahlo deuhin min chhang suh"
"Chhuak mai teh. Pasal nei la a tawk ani mai" ka nui lui a, a huat tawk tur lek in.
"Kha i phone" ka tho a, a kut ah ka hmehbel chawt chawt a, alo hum nghet nasa. A thinrim ve em em a, thinrim na chhan tur a neih ka hrelo reng reng.
"Aron chu la dam se nang ang hian min hnial ve miah lo ang"
"Aron sawi ve ziah suh" ka ti tuarh a. Ani aiin Aron chu ka ngai fe zawk. Ka ngaih lutuk vang in a hming pawh ka sawi duh ngai lo.
"Aron khan kan thu a hnial ngai lo"
"In vaubet nasa reng alawm. Nangmahni vang in---"
"Ngawi ve ve rawh u" kawngkhar bulah ka nu alo ding reng.
"In buai naah Aron telh ve suh u" ati a, an bulah pawh ka awm peih lo. Ka chhuak a, Aron room ah ka kal daih. Lungawilohna ka neih chuan nuam ka ti ber. La dam sela chuan ka mal lutuk bik hauh lo ang. Aron thih chhan ah pawh anmahni bak ka puh chuang lo. Mi tam tak ang in keipawh ka landan ang ngawt hi ka ni bik lo. Rilru natna tam tak nei mah ila ka thup thiam a, ka tilang ngai lo. An duhzawng ka duhlo vanga Aron a tel ve zel nachhan tur ka hrelo. Min kalsan hma lutuk hi chu ati ang lo ngawt mai. Min lo en ve reng ka ring thin a, ka hlim lo hmel a hmuh duh ngailoh vangin hlim hmel ka pu reng thin. A thlalak en chung in ka nui lui a, ka tum ang. Hlim taka awm reng ka tum ngei ang.

Cont

---

FIRST LOVE-11


Jessica's Pov

Ka insiam laklawh laia ka phone ri reng chu ka ning lutuk. Ka la duh lo lui a, a rik zel tho vang in arawn ti tu tur ka hre lawk vek. Ka beng bula dah pah in "Enge a?"ka ti vek a. Nizan pawn min rawn be lo a, a hman chang chang a min biak a tum a.
"Nizan khan ka mut a chhuak hma lutuk a ka lo muhil daih a" arawn ti tho a, ka awih chuang miah lo.
"A ho e. Zantin min rawn be turin ka ti hleinem che"
"Ka lo lam ang che min lo nghak rawh ka rawn chhuak ani mai"
"Ka duhlo. Ka pa rualin ka kal dawn"
"Ka lokal" a tawp zui nghal daih. A duh duh a min tih kawi a tum in ka hria.
"Jess chaw ei tur" ka room ah ka nau arawn dak a, a menrei thin vang in zing ah a tho har a, min kaitho ngai tawh lo a, a lawmawm tawp.
"Kan vawk vulh kha a ril a tam tawh ang ko tawh an tia" atih zawm leh a. A rilru natna deuh tur ka van hrilh chak ang.
"Jennie hian bialpa han nei mai se aw"
"Nang ang in a lerh ve bawk lo. Nangchu U Amos nen in ngaihzawn in tum mek. David Dear-a khan a sawi vek. Class ah pawh in in en char char zel"
"I tawng hnem thei lutuk i ninawm"
"In thianho ah i lerh ber. Bialpa neih itum vek. Vawkpui lerh"
"I hmel kha in en rawh zawng chiah chiah inih kha"
"Hetianga zawng hmeltha hi an la awm ngailoh vang alawm ka thih huna museum a min dah tum te an awm. Nang anga zawng hmeltha hi an la piang lo a an piang tawh bawk lo ang an ti. I u kha chu vawk ah pawh a chhe lulai lutuk a, min han en se a hnarkua hi a lang nghal vawk a an tia" insiam laklawh lo ila chuan kut ka thlak hrim hrim. Ka sam tawn laklawh lai anih vang in engtinmah ka ti lo mai mai. Nau tawngthei lutuk neih hi ka kham tawh pasal ka la neihsan vat ang ka hne lutuk tlat.

Kan ei mawlh mawlh laiin door bell a ri a, hawng tur in ka nau a tho vat a, a tih tur ngei ngei ah a dah tawp. A rawn let har lutuk a kan ngaih a thalo hman. Ka nu thawh a tum mek laiin a rawn let a "Vawkpuii bialpa alokal. School kal turin a rawn sawm"
"Bialpa a?"ka nu in a ti hu a, a mitmeng a bial pap mai.
"Ka bialpa anilo kan class ami lawm"
"School ah chuan kan hrevek tawh. Tam tak chuan nupa amaw an ti tawh zawk a" ka nau in alo ti zat zat a. Ka hnaih ber a ke awm ka tlawh pawp a, ka nu a rak tuarh a "Ana lutuk ka ke alawm i rawn tlawh"
"Ka tihpalh nu ana viau em?"
"Na lo se ka au nang. In in hnial pawn kut inthlak hi sim ang che u" ati hlar a, ka pa chu a ngawi reng. Engmah a sawi ve ngailo hrim hrim. Ka thleng ka dah rualin ka nu in a rawn dah ve nghal.
"Ka thlah der daih dawn che. I bialpa chu ka hmu ve duh" ka beng bulah arawn ti sar sar a.
"Ka bialpa anilo"
"Nu te bulah hian engmah zep loh tur atha ngai lo. I thian ka ni tel bawk tih hre rawh" ati hlur a. Ka chhang let ngam tawh lo.

Ka nu nen kan in zui chhuak a, Amos an min hmuh rualin a thutna atang in a ding vat a "Min lo sawm kher suh ka tih kha"
"Bialnu te chu in sawm ve ang chu tiraw" tih pah in ka nu a nui hawk hawk a, Amos pawh a hawihai ve tho.
"Zak duh suh. Ka fanu nen hi chuan thiantha tak kan nia engkim kan sawidun vek alawm" ka hnuk a ulh thei hial in ka hria. Ka nu mizia hi chu aw ka pa pawh hi ama thlem thluk aniang.
"Anih chu. Avan tha ve" Amos chuan ati ringawt a, ka nu bulah chuan ani pawn sawitur a hre bik lo.
"Ruah a tla cherh cherh ania" Amos bawk chuan ati leh a.
"Anih chuan i rualin ka lokal lo mai ang"
"Bike in ka lokal lo"
"Kha nihliap" ka nau in nihliap min rawn pek pah in Amos a siai zeuh a, ka lo hmu hman vek. Ka nu leh ka nau in an na ka hmuh belh leh tawh.

Pawn kan chhuah veleh ka nihliap min laksak a, a tihparh hnu ah min kuah a "Engin nge ilokal?"
"Taxi in"
"Nihliap keng ve mai ta che"
"Ka ken chuan a hrang ve ve in kan khum anga ka kuah thei dawn lo che sin" tum bur mah ila nuam ka ti ve deuh tho. Ka la zah tho bawk a, ahma ang khan ka awm ngam vak tawh lo.
"School kallo in leng ila"
"Iduh leh nangmah in leng rawh" ka ti hmuk a, school a kal loh chu ka duh chuang lo a khawharthlak dawn emai.

Kan school a hlat deuh vang in taxi kan lo phar a, a hnung ah kan thudun a, ka kut a vawn chuan ka la san tawh biklo. A vawn hian nuam ka ti tho a, bakah a kut a lum bik a.
"Nizan chuan ngatinge i mut hma a?"
"Ka rawn be lo che kha pawi iti ru chiang"
"Mipa ho hi biak in ngah lutuk a in buai anih hi"
"Biak ngah lutuk chu a pa lo daih zawk. Nangmah chiah ka be thin che" pawn lam ka en daih a, a hmel ka en ngam lo. Hmeltha ka ti telh telh lehnghal. Ka lo ngaina ve tawh aniang min lo biak loh pawn ka ngai ve deuh tak tak.
"Min ngai ami?"ka lu ka thing vat a, ka hrilh awm lo emai.
"Keichu ka ngai che"
"Min be lo a i mut theih chuan min ngailo tihna anih chu"
"Ka tihpalh. Ka lo be ziah tawh ang che mahse ka bialnu ni phawt rawh" chhan dan tur pawh ka hretawh lo. Bialpa ka la nei ngai bawk silo. Ka neih hmasak ber hi tihsual ka hlau bawk si mahse ka neih ngam loh reng chuan ka single reng ang tih ka hlau ve tho bawl a.
"Ka duhlo i lerh ang" anui hak a, a lerh ka ring tak tak alawm.
"Ka lerh lo ang. Ka lerh chuan min vel dawn nia"
"Ka vel peihlo che"
"Min vel phallo ami? Ka bialnu ah ka ngai daih tawh che"
"Ve ringawt a che"
"Ka bialnu inih kha" a dangdai khawp mai. Ka duhna ni miah lo in a bialnu min nih tir anih chu. Ka lo hnial chuang bik miah silo. Hepa hi ka duh ve aniang.

School kan thleng a, taxi fare a pe a, inchawi sem ka tih pawn a duh lo. Nihliap pawh aman a keng a ahma ang bawk in min kuah leh a.
"Tang tung suh" min ti. Inthlahdul ve deuh ka thei hrih lo alawm. Vawt pawh ka ti miah lo, ka lum pup pup zawk in ka hria. Kan thiante lo awm naah kan kal a, David alo awm ve reng tawh. Inthup an tum tawh lo aniang.
"Rose hian news anei a" Lisa chuan hlim hmel alo pu leh sang tawh, ani hi chu a nui sang reng thin hrim hrim.
"Enge a?"
"Mafela kha ka duh ve che ka tia, keimah khan ka star hmasa hrim hrim a, mahse ka hrilh duh miah lo" ati a. Amos leh David awmlaiin a sawi pawp pawp mai.
"Athat chu Rose bialnu thar ka lo nei ve chiah a" Amos a nui hmel chu ka ngei lutuk. Ka thiante lah chu an meng phar nasa em em mai lehnghal. An harh chhuah hnu ah an au chul a, an in kuah khawm a, Amos chu awm lo se ka tel ve ang. Rose leh Lisa ten Amos an kuah nawk nawk a, Jennie in keimah min kuah a.
"Ka lawmpui che" ati sap a.
"In ngaih ang kha anilo" ti mah ila awmzia a awm tawh chuang lo. Aman a bialnu min nihtir ringawt anih kha. Ka duh vang pawh ani ve hleinem. Henry leh Ms pawh an lokal ve ringawt a, kan thianho awmna chauh amaw kan tih thin hi avan lun sawt em em.
"Hmeltha pali te chu, lam khum hmiah ila ni mai lawm" tih pah in Henry a lam a, kawi deuha ding chung in na deuh deuh in a ban a vei kual a. Hmeichhe ho kan nuih dar dar laiin mipa te chu an nui ve duh miah lo.

"Dear bialnu hi inei bik e, si reng suh, i bialnu vun kha isi pilh ang i thap ropui si" David an fiam leh tawh. Chhan let vak ngaihna a hre thin silo.
"Johan hetah lokal teh" raincoat eng leh gumboot sen nen a ka nau ka hmuh chuan ka mit ka hup ringawt.
"Good morning everyone, morning, morning" arawn ti nghal mawlh mawlh a. Zam lo ve tak a ni. Amos an alo ko kher a, tullo emai.
"U Jennie ruah sur hian i lang tha" ka lo ip chawih chawih mai. An nui ham ham a, Lisa in alo kuah a.
"Ka huh nia min kuah suh"
"Kan inhmu khat em a ka ngai tawh che lawm"
"U Jennie hian alo thik ange" ala ti zui.
"Ngawi hmak rawh Johan" ka lo ti hrawk a, min hlau leh dawn chuang lo.
"U Amos bialnu inih vangin i inla huai ami?"ka ngawi hmak, ka ngawi hmak tawh ang.

Amos's Pov

"Ka bialnu hi hau suh" ka ti uang a, ka hnung ah ka dintir a.
"A tan vel tiraw Dear" Johan chuan a ti a, David hnaih deuh ah a ding a, a Dear hian bialnu a nei tawh sia, a Dear bialnu hi amah pawh in a duh ve tho sia.
"Kal tawh rawh i tlai ang" ka lo ti a, ka rin aiin a awm rei.
"Dear bulah hian reilote ka awm leh anga ka kal ang" ka nau turin ka duh tak tak. Bomb kam pui ah a tha ngawt ang.
"Raincoat ivan nei nalh HanHan" Lisa in atih chuan alo ner nang a.
"Hanhan min titawh suh. A thing emai" a ban vei pah in a lu a thing a.
"Ka gumboot hi analh em U Jennie" atih zawm zat a, Jennie pawh nui chungin alo bu nghat nghat a "Nalh lutuk i inhmeh tawp"
"I inhmeh lehzual ang"
"A zaktheilo e" Jessi in ati sap ri ka hriat chuan ka nuih a za. An unau hian mi an tihlim.
"HanHan-a zun leh ek ngah zia chu maw" Lisa in atih veleh "Ka kal. Bye bye u" ati nghal sawk sawk a, rawn leh hawi leh pahin "A bikin Dear Bye aw"David en chung in mit a siai a, ka nau chu nise ka duat ang chu aw.

Anau kal veleh Jessi pawh arawn chhuak. A kut in a hmai a zap a, a nau chuan alo tizak viau ani maithei. Ka lo kuah vat a, ka len vang hian ka dar a chen pha lo deuh maithei. Kuah a nuam lehzual. A tal ve ziah a, a talchhuak thei ngai chuang lo.
"Nang pawh hian i bialnu hi ila rek hlum ang" Henry an alo ti zauh a.
"Ms ege kha Henry bialnu in Henry a duh loh chhan dang kha"
"A zeilo extra ati" Ms-a chuan a sawi phur leh ang chu.
"Mi chu an bialpa ten motor hnaih lama an kal pawh an phal lo a, kei be chu ka chiltir dawn che ania min nem phut phut a atia, min nem laia a mitmu lian thei lutuk te hi ka hlau ati" hmeichhe ho an lo nui uar lutuk. An lawm zawng tak aniang chu keini chuan kan hre ngun e. A tak tak ala ni zui. Henry chu ngawi leh hmak tawh.
"Mi chu an bialnute nghawng ah love bite te an siamsak a, Henry chuan a ban leh khabe ah" Ms bawk in ati leh a, Henry pawh a nuihza ber ah a tang a.
"Ka nghawng ah chuan a za ati nih kha. Siamsak ve ngei kha ka duh thin sia, a biang ah te kan siam a, a biang te hi duk thluah a" ati a, amah pawn sawinuam ati tan. Mahse ka bialnu hi a khur tan in ka hria a, ka kun hniam a "Avawt ami?"ka tih chuan a lu a thing a, Henry te thusawi chu ngaihnawm a ti ve niang. A lu ah ka fawp a, ka ngaihthlak chhunzawm leh a, ahma aiin ka kuah nghet deuh vawt atih ka hlau.
"Hmana ka bialnu pawh kan in kiss laiin a hahchhiau a" Ms an ati ve thung a, heipawh hi ani tak tak. Nuni te room ah chance annei a, Ms a nui vak vak chungin arawn chhuak a, kan haw vek hma chu a bialnu chu a rawn chhuak ngam tawh lo.
"Ahma pawn i hrelawk lo mi? Hahchhiah dawn chuan a hriat ve em hi" Rose in alo ti a, ngaihnawm ati fal aniang.
"Hre deuh reuh vawi hnih vel chu a Ha Ha in ka hria nuam ati maw ka tih laiin hahchhiau phut, anuih loh theih loh reng reng" ati a, bell a ri zuina, hmeichhe ho an phun nang nang mai.

Jessi nen nihliap kan inzawn leh a, ka nihliap pawh ka ak ve reng. Ka bag ah a awm, ka nu in min thunsak vek. Ruah do a phal tawh lo. Ka kuah pah duh vang in ka pailo der mai mai. A hnung ber ah kan kal a, ka thu a ka bialnu nih tir pawh ka la neilo. Hmeichhia in min duh hmasa ziah. Jessi chu khatianga ka tih loh chuan a sawi duh dawn chuang lo. Ka sawi chuan a hnial chuan miah loh kha. Class a luh hma in nihliap dahna tur ah a nihliap ka dah sak a, min luhsan daih lehnghal. Ka luh ve chuan alo thu fel than tawh. A thutna ah ka kal hmasa a.
"I hmeltha ber. Ka bialnu inih atang hian ka duh lehzual che. I nalh si"
"Tenawm" tih pahin min chum a, a thianten min lo en thap. A bula ka sawi an hre silo a, thil tenawm deuh ka sawi ah an ngai ngei ngei ang. Nui chung in ka kalsan a, ka thilsawi kha an zawh ngei ka beisei. A buai leh ngawt ang chu.

Cont

---

FIRST LOVE-12

Jessica's Pov

"Kan lo thu ve" an thianho eitur keng chunga an ding thap chu an hmuhnawm letling zawk. Nitin an bula eive turin min sawm thin a, kan duhlo a tiffin kan pai lui ziah. Mipa annia an pai ve duh bawk silo a, keinin canteen kan duh bik bawk silo.

"Lokal rawh u" Jennie in ati a, thutna kan siamrem veleh ka bulah Amos a thu nghal. Ka beisei sa ani ve hrim hrim.
"Naktuk Nuni birthday ania lokal ve rawh u" Henry an ati a.
"Ka duhlo" ka ti hmasa ber. Hetiang a kal ngailoh nak laia hmelhriatloh birthday lehnghal.
"A ti mai mai anih kha a kal dawn" Amos an alo ti vat a.
"Saturday ni tho a kal ve ang u" Rose in alo ti bawk si "Mahse Mafela ka sawm ve ang" tih pahin a enkual a.
"Sawm rawh kan thianho bak kal tur kan awm chuang lo. Mahse David hian room a hauh lawk a, Nuni bulah pawisa a dah tawh" Jennie kan en thap a, ani chuan rum deuhin David alo melh a.
"Ka hauh lo reng reng"
"Nuni nen a in in biak lai ka hria lawm" Henry an ala ti tlat a "Ka bialnu hi fawh na hun takngial pawh ka la neilo a, room ah hian midang kaltir suh, ka hampuar ve chak hrim hrim itih kha"
"Dawt vek anih kha aw Jennie, i inpeih hma chu fawp lo che mah ila pawi ka tilo hrim hrim" ati zung zung a. A hlau lutuk a khawngaihthlak zawk.

"Ka bialnu ka lo hruai ve ang school danga mi ania" Ms an phur deuhin ati a, Henry an "Keipawh" alo ti vat bawk.
"Anih chuan keimah chiah ka single dawn ni maw" Lisa chu a tum bur tawh mai.
"Lungngai suh Nuni chu apa lutuk. In in kawp dawn nia. Mahse ka hriatthiam loh chu i chhiatloh tehlul nen ngatinge bialpa ineih miah loh. Mizo hmeichhia ah chuan i chhelo pawl ini ve nia aw. Zep loh chuan in thianho ah hian i tha ber" Henry chuan ati duah a. Kan mitmei a veng leh deuh si aniang "In vai hian in chhelo vek. Ka rin aiin in nei har vek. Amos leh David tih ang vel mai mai innei leh tho sia, ka ui che u" atih zawm leh a.
"Nangpawh i bialnu te ho kan hmuh hian kan phu ve ziah. Hlauhawm loh deuh hlek zawng ve rawh" Amos an alo ti a, a la na ve lutuk tha hi a inti em.
"Ka lokal ve dawn nia" pathau-a a awm ve reng tih kan lo hrelo hrim hrim. A rawnkal a, a rawn khat phei mup mup mai.
"Ahma pawn in thianho ah ka tel ve tho kha birthday lawm naah chuan ka kal ve duh" ati a, Henry zo deuhin a nemsan a, arawn thu ve run a.
"Lisa nen in in kawp thei anih chu" mipa ho in kut an beng a, Lisa chu a lawm vak lo niang a nui duh miah lo a, keini pawh kan nui ngam bik lo.
"Zing ah khan ngatinge office ah an koh che" Ms an thutak deuh in a ti a, pathaua pawh a thu ngui nghal lap mai.
"Ka kamis nghawng ka kilh lo a. Miss inti strict i khan alo hmu a"
"Tunah pawh ila kilh chuan loh kha"
"Ka kilh theilo lawm. Ka nghawng a lian lutuk a, ka kamis ho chu ka nu hian a nghawng a zawm belh thin a, tuna mi hi a thar ani sia ala zawm hman lo a" ati nui nui a, a lungawilo ve hle tih a hriat mai.
"Hetiang harsatna chu min hriatthiam ve mai tur ania. A smart lo ati tlat a. Kilh lui ila chuan maw chawhma chhung pawh khan ka thi hman hrim hrim. In ei peih tawh loh chuan ka lo ei ve" atih zawm zat a, cher ve deuh tumna chu awm lo. Midang chuan an pe ve a, pek ve ka tum laiin Amos an alo phallo "Ei rawh i cher" ati deuh tlat. Ka ei lui hmawk hmawk a, anui tih ka hria. Ka ei nasa deuh aniang.

"PT tunlai i thil ei a tui maw?"tih pahin Henry chuan Pathaua hnung ah a beng thak thak a "A tui lo vak ngailo ka vannei a. Ka riltam lutuk hi chuan kan TV te hi dawlh ila ka puar rei deuh ang ka ti thin a" atia a uang ve ngei a. Birthday lawm naa alokal ve chuan Lisa chuan a kawm ngei ngei a ngai dawn tho.
"PT hi chu chak pawh a chak ang. Lehkhazir lo mahse a tan eizawn na tur a vang lo ang" Amos an ati a, Pathaua a lo bu nghauh nghauh mai.
"Ka bialnu hi a chhelo tiraw PT" tih pahin min kuah a, min kuah reng mai. Awm lo thut ila a buai ve viau ang.
"Chhelo e ka star thin lawm" alo ti ve ngei, a thil ei a thak deuh nge a si hluam hluam reng lehnghal.
"Bullet inei nilaw mi? Lisa hi phur la"
"I ninawm Henry" Lisa in alo ti hlar mai.
"Nei e, a dang chu ka tan a te. Ka liam sia ka thau sia, hmanni ah scooty ka khalh a, scooty zawk kha a lang theilo. A bo vek, ka nu in nangmaha lir tawp i ang min ti" ati a, amah zawk a nui huah huah a. Anu chu chhelo nia aw. Nau hmeichhia pathum anei a, an hmeltha hlawm lutuk amah pawh hi hmelchhe lo mahse a thau uchuak. Anu hi chu designer lar deuh mai kan thianho pawn kan pan thin. Chuta tang chuan a naute pawh kan hriat phah.

Amos chuan min kuah lohna lam zawk a kut chu ka mal ah a dah a, midang in an lo hmuh ka hlau nia aw. Jennie leh David an inkawp rei daih tawh zawk a, anni pawh keini ang em em in an in kuah ngun lo.
"PT naktuk chu bialnute hruai theuh tur kan ti nia"
"Bialnu ka neilo hmeichhia in min ten zel"
Amos an ka beng bulah "Min ten ve em?"arawn ti a, ka lo bu nghat a, ka mal a hmer vak a, ka au hman tep a ni.
"Imawl ami?"
"Mawl ka inti lo a, i ngaih dan dan ani mai" a nui suk a, lei ka chhuah khum ringawt.

Midang an rawn lut tan a, keini chu kan awm ngaiin kan la awm reng a, Pathau an min hliah hneh emai.
"David ngatinge hmeichhe bulah ithut ve ringawt. Hmeichhia te chu khawvel ti bengchheng tu itih thin kha" Pathaua chuan engmah ala hre ve lo aniang.
"Ale.. Tiang chuan alo ti maw?"
"Jennie engtinge ni dawn? PT-an a puan ta vek sia" an ti a, Jennie chu a hawihai zawk ah a tang.
"Jennie nen a inthup kan duh nasat vang anih kha" alo ti a.
"Ka awihlo" an ti dual mai.
"Keichu hmeichhia hi ka ning tak tak. In thianho chu ka ti chuang lo. Hmeichhe thenkhat hi ka ning. A then in min tenna, a then in min bawl an tum a, khatiang ho kha chu an bulah pawh ka awm duh lo"
"I kut hum ruh la, an hmai zawn ah vei pawp la, i vawikhat vei ah pawh an tlu hrim hrim" Henry an alo ti a.
"Ka naupan deuh lai khan hmeichhe kutthlak ka ching a, ka pa in hrem nan hmul min pawhsak thin a, ana thei lutuk. Ka velh apiangin ka hmul hi sawm ai tam a pawt ziah. Hnar hmul ka neih tam hnu phei chuan ka hnar hmul bik hi a pawt a, ka mittui a tla nasa thei. Ka vel duh tawh lo reng reng" kan lo nui vak a, hremna tha tak anih dawn chu. Pawh pawp pawp chuan ana ve khawp mai.
"Keichu ka bialnu hi chu a samzai pawh sak pawh ka phallo" tih pahin Amos an ka sam a chul a, na deuh in ka nghawk a "Min sawi tel ve ziah suh" ka tih hnu ah a mal ah ka chum a, alo nui ringawt. Na chu a ti ve tho ang.
"Ka ngei che" ka ti leh a, keipawh hi ka duhthawh ve thei.
"Min ngei suh PT-a ka dawlh tir daih mai ang che" zawi te in arawn ti a.
"I phal te chuan min dawlh lo pawh nise ka lut anga ani mai lawm"
"Aa.. Min kuah ve zawk mai rawh" ati daih a, ka hmui ka ti pawrh a, a hnu ah ka nui tho a, midang hmuh laiin ka kuah awm lo emai.

"Hmanni exam kha ka tichhe lutuk a,exam leh hun chu tha deuhin ka ti tawh ang"
"I thluak kha ithlak anih loh chuan iti tha leh chuang lo ang Henry" David an alo ti a. Henry rilru chakloh zia chu an sawi ziah.
"Ka mu bo thin alawm. Ka thiam vek pawh hi ka mut hian ka theihnghilh zel mai ni"
"I mitmu len vang anih kha" David bawk in a ti leh a "Hlauh nei ang hian i meng reng mai a"
"Hmeichhe hiptu anih hi Dear. Ka mit ang hi nei duh neithei lo an tam a sin. Nangchu a englai pawh a mitchhing tlat hi i ang a"
"Hnek vun meng tha theilo a ang" Ms-an alo ti veleh. A mitmeng a lian vaklo na a chutiang em em chu ani bik pawn ka hrelo. Hmel ah hi chuan Amos leh Rose bialpa Mafela hi sawiselna tur an awm lo ber. Midang pawh an tha tho a mahse tha lutuk anga sawi tur an nilo. An lian a, an lang tha bik. Ms phei chu a ngo vak lo mahse a hma chuan apa kan ti thin.

"Naktuk chu sawi chiang ang u" an ti a, ka chhungte chuan an phal dawn sa.
"Beer a awm dawn em?" Lisa in atih chuan mipa ho an nuih a za nasa mai. Kan thianho ah chuan a mikhual lo. In zeuh kan hrat. Tui kan ti vek a, mahse a nazawng in kan in ngailo a, pawi pawh kan ti lutuk lem lo.
"Iduh aiin a tam maithei" Henry pawh a phur nasa mai.
"Kan lokal ang" kan ti a, kan thianho chu nui vur vur chung in kan in enkual a. Kan in chhunzawm leh dawn chuang lo. Christmas dawn bawr vela kan in bak kha kan la in leh lo hrim hrim bawk. Kan sual vang ani miah lo nia.

Mipa ho kalsan hnu ah "A tir atang khan ka zawt chak tawh a, ka ngam chiah lo a, Lisa khan alo zawt hlauh a" Jennie in a ti a.
"Keipawh. Hetiang hun ah hi chuan a nuam ve sia"
"Mahse pakhat theuh chiah in tur" kan ti lawk sa vek a. Pakhat ai tam chu a thatloh a hlauhawm ve. Beer chu keimah hian ka duh ber. Mahse ka sawi ang khan kan in nasa ve lo.

Ban anih veleh ka thutna bulah Amos alo ding leh vat a, a tihdan ziah. Ka haw san a hlau thin. Ka thiante pawn ngaiah an nei tawh a, haw rual pui ah min sawm tawh ngailo.
"Ti ve vat vat rawh" alo ti sek a. Ka ning tep tawh.
"Min kalsan mai rawh" ka ti a,min kalsan leh dawn chuang lo tih ka hrechiang emai.
"Ka lo nghak ang che" a ti leh tho a, a rukin ka nui vur vur mai. Ka muang lui ve thin ka runluih ve theihna ber ania. A nin tawp a min pawhchhuah luih chang te a nei. Midang an chhuah vek hnu ah pawh muangchang in ka lehkhabu ka la khung a, a dawhtheihna a tlem leh tawh ngawt ang tih pawh ka ring. Ka thiante ruala haw a phalloh man a ni mai. Jennie thutna lamah a thu a, thu chung law law a min nghah a tum tawh niang.
"I muang lui tih ka hria nia aw" ka nui hak a, hriatloh chi pawh a ni hleinem. A thut rei hma in kal ang ka ti leh daih a, nui chung in amah ka en a, a ngei dan tura awm chu ka thiam ve emai. A din veleh ka hman leh lo ka ti daih ang. A ding mai dawn maw ka tih laiin min pawt hnai a, ka hmui ah a fawp a, ka in la hrang vat. Classroom ah lehnghal tih chi loh lutuk. Min enreng chung in "Ivan chhelo tak" ati a.
"I chhe ve thung a" ka tih chuan a nui vur vur mai. Chhia ka ti tawp silo. Nitin hian ka duhna a zual ve telh telh zawk in ka hria.

Cont

FIRST LOVE-13

Jessica's Pov

"Nu heti hian a nalh tak tak maw?"
"Nalh e. I bialpa chu a hmuh hunah che a meng pawng pawp pawp dawn nih kha. A mitmu tla tur kha lo dawn hman tum la,a tla keh palh ang,a thih hma in i vuahsak leh vat dawnnia" Ka nu em em thin hi chu ah. Ka bialpa hmeltha a ti lutuk hi keimah min duat phah vek. Birthday lawm na a ka hak tur pawh a aman a thlang vek.
"I nalh zia kha. Ka nulat lai pawn college a ka thiante hian ka inchei dan tur min zawt luih luih zel. Ipa in kalna tur anei tih ka theihnghilh. Mike i insiam tawh em?"tih leh tlanchhuah a rual a, inkoh duat hi chu awm vak lo kapa hi amah aiin kum5 vel in a upa ania. Ka pa bulah akal dawn maw ka tih laiin arawn lut leh a, pawisa min rawn pek pah in "Ipa in pe tam suh atia. Mahse ka pawisa atangin ka pek belh che" ka lo kuah a, rang deuha min nemsan pah in "Han awm khawlo vaih teh. Lian tawh viau mah la ka vua ang che. I chhelo lutuk ania" atih leh hnu ah min chhuahsan a. Ka pa a buaipui ve reng tawh ang chu.

Ka sam ka khuih laiin ka nau a rawn lut a "Poisa kha tlem min lo pe ve. Ka leng ve duh a, min pe ve duh lo"
"I chawh anih chu" a thian hmeichhe ho bulah intihtheih nan thil a leisak leh dawn tih an hretawh bawk a, an le duh lo a a tha khawp alawm.
"Mawh scooty chahbi pawh ka la chhuak ru vek tawh. I hmelthat em kha. Min pe rawh"
"Ka phallo"
"I hmanna tur ka hrevek ka phallo"
"Johan" ka nu aw a hriat veleh chhuah inring tawk in a ding nghal.
"Min pe rawh vat"
"Ka phallo" ka la ti tlat tho.
"Ivan sual tak. Vawkpui raipuar nu" ka nu in a koh leh rual in a tlanchhuak nghal. An tih tih in ti ve mai tawh rawh se. A ho emai.

Ka phone ri chu nidang aiin ka la rang zawk. Ka nu in min siam hma a, ka hman hma lutuk.
"Kawt ah ka awm"
"Ka lokal" ka dah a, ka nu te room ah kal in ka kal tur thu ka hrilh a, ka pa in "Fimkhur rawh aw" alo tih chuan ka bu nghat a. Ka tlanchhuak leh nghal. Ngatinge ka tlan char char kher le? Ka kal muang lui leh vel.

Kan in atanga ka chhuah veleh Amos ka hmu nghal. Min lo nuih vur vur a, uniform a hak loh in a chhelo daih zawk. Ka thut hma in a bulah ka ding hmasa phawt a, engemaw a sawi ka beisei tlat a.
"I chhelo lutuk" ati a, ka nui ver ver tawh mai. Khatiang a sawiloh kha chuan a nuam lo. Phur deuhin a hnung ah ka thu a "Midang an awm vek tawh a, an hma khawp mai. Ka lo murei deuh a, a zialo. Ilo ning hman em?"
"Aih ka hman na ala rei bik lo" ka lo ti daih. Phur lutuk anga lan ka duh bik lo.
"A that chu min hau leh dawn nih hi ka lo ti deuh a"
"Ka hauh khat em che a, ka hauh chhan che pawh nangma thiamloh vek"
"Ka thiamlo hi a nireng" tih pah in a nui hak a, a thiamloh vek ani tak tak alawm.

A hmun kan thleng a, pawnab hmeichhe pakhat alo awm a, alo au chul a, mipa samsei a ang.
"In lo thleng maw? Amos i bialnu chu a hmeltha em anih hi. A thiante pawh an lo thleng vek tawh kal ang u" ati zung zung a, ka ban a a vawnna chu Amos an thlah tir in "Ka lo vuan zawk ang chu ka pi" ati a. Keimah min en chung in "Hei hi Nuni anih hi. Mipa inti hmeichhia chawp ania. Hmuihmul pawh a neih hi" ka nui ngam lo. Nuni chuan a chum nghal pawp pawp sia min chum ve ang tih ka hlau.

A chhung ah kan lut a, ka thianten min hmuh chuan an vaiin an thutna atangin an lo tho vek a, Rose chuan min kuah pahin ka beng bulah "Ms-a bialnu chu maw nangmah ngei deuh thin tu keimahnin kan ngei vek kha" arawn ti a. Ngaihdan ka la nei chuang lo.
"E... hei Mafela" atih chuan Mafela chu ka lo nuih sang a, a zah lutuk loh ka beisei.
"Muani a nih hi" Henry an a bula ding hmeichhia chu a bialnu anih thu min rawn hrilh a, ala naupan hmel lutuk. Class7 zirlai vel lek ala nih duh hmel.
"Muan vawin sa i rep lo mi?" Muanin "I ninawm Amos" atih laiin keiin ka lo nghawk a, a hmelhriat ngailoh hlir kan ni siq, zak lutuk in a siam ang tih ka lo hlau.
"In lo thleng maw" Ms-a kalpui ka hmuh chuan ka phu zawk mai. Class-8 atanga class-10 thleng kan luhpui thin Nunu-i a ni. Min haw thei em em lehnghal. Ka chunga a sual thin vangin kan thianho pawn kan ngei vek.
"Jessica maw? Tun ang hunah chuan tunlai deuh hlek a inchei ve tawh tur alawm"
"Midang i sawisel hma in imit atanga i khabe thlenga thil dum in rin thla kha va tifai hmasa phawt teh" Amos an alo ti hlak a, a hmai ah engmah dum in rin keipawn ka hmu lo a, Nunu-i erawh a in hup a, a kalsan nghal. Ms-an zui ve a tum chu Amos an alo dang a "I bialnu khan buaina a siam dawn chuan haw pui ang che"
"Awle" Ms-an a tih hnu ah a bialnu chu a zui ve a, ni hrehawm tak ani dawn anih hi.

"I nalh e" min en vang vang pah in a ti a, ka rilru a hrehawm a ring a niang pawn ah min awmpui daih mai.
"Ka hria lawm. Ka nu in haktur min hrilh a. Nu te mit hi chu alo tunlai vak tawh lo aniang"
"I nalh ka tih chu. I inhmeh bawk a, itha ber" a ti a, ka chal ah a fawp a. Amah hnaih lehzual in min thut tir a, a tih ziah dan in a kut pakhat in ka dar ah a kuah a, pakhat in ka kut a vuan a.
"Nuam iti tiraw?" ati a, ka lo bu nghat a, nuam pawh ka ti chiah tawh lo e ah.
"Insual pui ineih chuan maw paper ah ihming lian tawk ka ziak anga, keng chung in ka lo au phur ang che" ati a, ka nui vak a, mi chu an bialnute insual lo turin an ti thin ania, ani chuan min fuihpawrh zawk daih. Ka hmui ah a rawn fawp thut a, ka lo nemsan vat a "Min hmu nga sin imawl ami?"
"Hmu lo ang" ati hmuk a, min fawp nawn leh tho a, ka lo hnial tawh biklo. Nuam ka tilo pawh ani chuang lo a. A inlak hran hnu ah "Inalh si" ati zui leh sap a. Ka tan chuan hriat a nuam. Mahse a chhelo tih ka hrilh ve duh lo. Min tihzah nan a ahman leh ka hlau tlat tawh.

Inchhung a kan luh leh chuan ka thianten beer an lo keng far tawh. Henry bialnu Muani pawn alo in ve a,naupang te lek ani sia,mak reuh lutuk.
"Khawnge ka ta tur?"
"Lungngai suh a tam lutuk" tih pahin Ms-an min rawn pe a. Amos ka en a, thutak deuhin min en run mai. A remti chiah lo niin ka hria a,mahse beer in a that lohna pawh ka hrechuang lo. Ka in ve mai bawk a, a tui ka ti lutuk hi zawngchhang te ka hlau thin.
"Amos irin aiin alo in thei ami?" Nunu-ii tawngri ka hre pha vuai vuai mai. Ani phei chuan beer mai lo pawh a in leh pek ang chu. Hmanah pawh kan picnic in an buaipui luih luih tawh. Pakhat ka inzo a, a dang ka dil belh leh a, kan thianho intiamna kha chu tuman kan zawm leh tawh lo. Kei ai hma in an in belh vek tawh zawk.

Amos's Pov

"Ila danglam vaklo anih hi Amos" Nunu-i hi Msa bialnu chu nilo se ka haw tir na arei tawh ngawt ang.
"Min hrelo ang maiin i awm vel a" ati a, henu nen hian karkhat kan inzui ve. Ms-an a duh tih ka hria a ka then daih mahse a rei tawh.
"I bialnu saw kan school luhpui thin anih saw. A chut lutuk i duh chi anilo"
"Ka then chhan che i hre duh em?"
"Enge? Inrawlh an awm ami?"
"I hmai khan tui a ngam lo em a" a hawi hu mai. Mawl lutuk. Jessi in min rawn en zeuh zeuh thin a, henu pawh hi khap loh chuan a duhtawk thei miah lo ang. Kan hnaih ber a awm PT-a ka ko a, "Hei Nunu-i hian a ngai che a lo awmpui rawh aw" PT-a rui tawh pawh a phur lutuk. Nunui chu a manbet hneh khawp ang.

Jessi bulah ka kal a "Dahtawh rawh" ka tih chuan "Teuhlo mai. I awm na ngai ah khan va awm leh rawh" alo ti a. Tuemaw chuan tuemaw a thik in ka hria.
"I bula awm ka duh zawk. I in reng chuan kan awm dun theilo ang. Dah la" ka ti leh a. Ala duh chuang lo. A ken lai ka laksak a, thinrim tak chung in min lak let sak a tum a.
"Henry kha paih teh" ka vin deuh aniang min en thap hlawm mai. Henry pawn a tilo ngam lo.
"Tha deuh in awm rawh" ti mah ila a in bengdai theilo niang min la sual bat bat mai. Ka pawm nawlh a, room ah ka kalpui a, kawngka ka kalh nghal.
"Nunu-i bulah khan awm mai mai zawk ta che"
"Ka duhlo" khumah ka pawt thu lui a, ka khawih hlek pawh a duh tawh lo. Ka nuih apiang in a rem lai lai ah min chum a, a tawp ah chuan ka kuah lui ta tho a.
"Ka duhber ka nei tawh a midang ka duh tawh lo. Tumah thik duh suh"
"Ka thik bawk lo in in hmeh" ati tha leh vel.
"Ka awihlo e ah, i thik ka ring tlat"
"Ka thik lo"
"Anih leh i thik lo" ka mutpui a, ka ban ka lukham tir a, ka ban lehlam in ka kuah a, muhil se a zia deuh mahna.
"Ka film en ah chuan hetianga an awm hian an in kiss thin" atih chuan ka nui hak a "Ka film en ah ve thung chuan mipa khan hmeichhe rui deuh hlek an kiss ve ngailo a" ka ti daih a. Rui lo se chu a sawi ngam awm tawp si lo.

A mutthilh hnu ah dim te in ka ban ka la san a, a chal a ka fawh hnu ah tui in turin ka chhuahsan a. An lo la ri luih luih mai. PT-a phei chu a su fawn hlurh hlurh in ka hria.
"Khawnge David te?"
"Choka ah an awm" Nun in alo ti vat a, Ms leh Nunu-i pawh an in kuah uluk. Thla ka laksak vek chak a hnu a chhaih lehna tur. Room ah ka lut leh a, Jessi pawh a mutui, ani chu laksak lo ang. Phone nen ka chhuak a, ka la kual char char. An lam lai chu video in ka ti thung a, "Pt i hah tawh em"?
"E.. ka thla ila alaw? Hah lo e, a tul chuan ka lam tlaivar mai ang. This is today anih hi" ka nui hak a, this is today ka ti nawn sap a.
"I bialnu kan lo beisei ve sia"
"Nuni hian a hmuihmul a mehfai that hunah kan in ngaizawng ang" ati a, a thaw hluam hluam bawk a. Hah chung chung chuan tilo mai sela aw.
"Ka ngaisang che aw PT, i fans ka nia"
"Ka lawm. Ka fans ini tiraw? Tunah hian kg100 chuang ka ni. Ka bialnu tur kan in pawm tir ange" Nuni a zuan a, Nuni a au nasa mai. Tuman an lam an thulh lo a, an ngaihven lo.
"I rit lutuk mimawl lian pathau" tih pahin Pt-a lu ah a thil hmuh remchan apiang in a ch$ a.
"Mawl min ti lo mai teh Nun hmuihmul" alo ti let ve a, an tawng ring dun kher mai. Music a rin loh nen tuman hria angin an awm duh der lo.

Henry te inkual chial a lam ka laksak leh a "Hey Henry"
"Ka zei fu lo maw Amos"
"I bialnu khan ala at vang chauhin a duh che an tia"
"Keiin ka fin na in ka thlem thlu a, tunah pawh thlahrang ka sawi vang chauh a min kuah anih hi" a bialnu chu ka koh pawn alo hawi duh lo. A hmai a thukru vei kak reuh a, amah ai chuan ka bialnu a zakzum zawk hrim hrim. Ms-a te chu ka kal kan. Nunu-i ka lantir ve duh lo. Ka phone a puak palh ang.
"Hey Rose, Lisa leh Rose bialpa"a hming ka hretawh lo a.
"Khawnge Jessi"
"Games a khel a"
"Avan boring tak" an ti a, boring khawp mai tunah chuan a hnar tawh ang.
"Lisa, Pt-a bulah sawn lam ve la"
"Ka duhlo. Ir fual a ngah si" reitak ka dam ve tawh a, irfual ka la hrelo.
"Enge irfual" a khabe hnuai a khawih a, ka hrethiam chiah. A ngah bawk ani a i thuah tup mai.

Dear bulah kal ang choka ah an awm tak kha. An hmuhnawm ber ang chu. Choka lamah ka kal a, Jennie rawn chhuak chuan min su sawk mai.
"Jennie" arawn hawi a, a thinrim tih a hriat. David Dear hi alo che mawilo manle?
"A tha vek em?"
"I thianpa saw ka ngei" a biang a kawk a, David dear ha thla a lang kulh mai. A nghawng ah a lang kulh bawk a.
"Ka lo en chiang, avan seh na awm ve"
"Mimawl anih kha. Hetiang hi love bite ah angai. Ana ka tih pawn a thlah duh hleinem"
"Room ah i thiannu a awm. Iduh chuan va kal rawh"
"Awle" a kalsan hnu ah choka ah ka lut a, "Dear vampire i ngaisang thut ami? I bialnu iva seh nasa ve"
"Ka thiamloh vek ani" a thu hnawk a, dawhkan a a kiu nghat in a chal a dawm a.
"Awmdan i thiam chuan a lungawi veleh mai ang. Dear bialnu neih ithiam lo bialpa nei mai rawh. Johan pawh a awm reng a" rum deuhin min melh a, a huat loh dan tur ber in ka lo nui sang a. Ka hawikual a, chhuat ah cashew nut a tla darh nuaih mai. Dawhkan ah pawh engmah a awm tawh lo. Kan lei hnem ve viau sia.
"Dear khawnge a dang" tih pahin ka kawk kual a, ka ui lutuk a chhar khawm leh ka duh. Lei turin ka chhuak peih tawh lo. Keimah bak kal tur ka awm leh chuang lo.
"Jennie thinrim in min sawm nasa lawm, a then chu ka lo dawng a, a darh ho kha chu ka dawng hman lo"
"Khawnge i dawn ho chu"
"Min vawm nasa mai. A tham pawp pawp a, min vawm mawlh mawlh a"
"Engtin nge ilo tih? Khawnge i dawn chu?"
"Ele.. Ka lo ei vek" ka zawi hnawk in ka hria, ka luh tirh pawh thial nuap nuap chu a nei reng a ni.
"A then chu ka lo bum a. A na fawk fawk reuh lutuk a"
"A dang lei turin nangmah i kal ang"
"Ka rilru na ka zawi vek" dawhkan a bawk chungin zaizir in chhuak turin min ti a, rintlak dang awm tawh bawk silo. Hetianga an awm hian ka hah ve ziah. An zing ah ka tel leh tawh ngai lo ang ka ti rilru a, ka thinrim a reh anga a phur ber a ka tan leh ngei ka ring bawk.

Cont

---

FIRST LOVE-14

Amos's Pov

"Harh lawk teh Jess" na vaklo in ka sawi a, kan bulah Jennie a thu tum bur a, min pui turin ka ngen ngam lo. A biang leh a nghawng a nat hmel em a, ka tilui duh lo. Chawl lo a rei deuh ka sawi hnu a a meng a, mak min ti nge a thuchhuak nghal hlawl mai.
"Chhuak lawk ila"
"Ka peihlo" amu leh nghal a. Min hnungchhawn tlat tawh. A hnunglam atangin ka kuah ta tho a "Cashew nut kha tui itih em kha. David an alo ei vek a, lei leh lawk ang. Nangpawh thil ka lei ang che" ka ti a, khap fuk fuk chung in "Eng?" ati hu a.
"Eng nge niang? I duh duh ni mai. Na inei lo tiraw?"
"Neilo"
"Anih chuan tho rawh le"amah pawn a tho lo keiman ka tung tho.
"Jennie, David bulah i awm lo mi?"
"Kal ang Jennie chu ti hian lo hahdam rawh se" ka duh aiin ka pawt nasa. Jennie thusawi kan ngaihthlak leh chuan kan rei lutuk ang. Ani pawh hi ala rui tho ang a muhil reilo emai. Keimahin ka kal peih silo a.

"Khawnge in kal dawn?"
"Thil kan han lei lawk"
"Eitur lo lei teuh teh aw" ti pah in Pt-a chuan cigarette a zu ham ham mai. Nuam an ti tlang a ni. Jess chuan min uai a, a zawi lutuk a amah pawn a ding peih lo. Bike ka lakchhung pawn bang ngheng in a ding a, pawr chhap mahse a hmeltha tho. Ka zahpui vang nilo in arawnkal hnaih veleh ka lo vuan a, a sam ka tuaimam sak a "Vawin chu Inu ang maiin lawm ka awm le Jess"
"Mahse ka bialpa lawm inih" a dik chiah. Nidangah a bialpa tiin min sawi ngailo. Min sawi ve chuan nuam ka ti.
"Min kuah rawh aw ilo tla palh ange" min chhang lem lo mahse min kuah nghet ve thawkhat tho.


"Ka tui a hal" dawr kan tlanpelh veleh an sawi chuh.
"Dawr din na remchang a awm leh tep ang"
"A tam hi"
"Din na remchang a awm lo a"
"Tui lei chhung lek a reilo" ati hlar tawh bawk a, a chang chuan ka in khawngaih ve tho. Remlo deuh ah ka ding a "Kapi tui min lo pe lawk thei ngem? Din rei na chi vak niin ka hre silo a" ka ti ta duah a.
"Thei lutuk" nui var var chung in tui min rawn pe a, pawisa ka pek hnu ah a chhin ka hawng a "In hmanhmawh deuh rawh aw. Kan dinna hi min lo hau ang" min chhanglet lo hlauh. Tunah chuan ka lawm zawk. A inzawh a chhin min dil a, bag kha an kentir ve tak e, aman a ak ve dawn niang.

Bazar kan thleng chiah chu a phun lehnghal. Bike ka dahthat hnu ah a dar ah ka kuah a, thlai min chahtel lo sela chuan bazar kal kher angai lo tur ania.
"Ka nutei dawr ah min lo nghak la keimah in ka kal mai dawn mi? I zawi sia kan rei lutuk ang"
"Ka duh bik lo"
"Awle kan lut hmasa hrim hrim dawn nia" ka ti a, thlai lo zawng kan lei tur chu ka nutei dawr ah a awm vek tho.

"Bawiha ilokal alaw? I induh ka ti reng a" alo ti chul a, customer buaipui tur in a thawk an awm tho a, ka nutei chuan keimah min kuah thuak thuak a, bialnu te awm ve lai lai in. Ka kuah let tha duh vak lo.

Jessica's Pov

"Hei tunge?"a nutei chuan min kawk a, in kawh hi mawi pawh ka ti chiah lo.
"Ka bialnu anih hi. A hmeltha tiraw?"
"Mahse hei hi i bialnu maw mahse" ati reng a, Amos an a hrilh ru a, bu nghat nghat mahse min ngaina vaklo anih hmel Amos a en laia a hmel leh keimah min en a a hmel chu a dang daih zel.
"Khawnge kal in tum hrim hrim?"
"Thlai kan lei lawk dawn. Nuni kha birthday a lawm a, thlai engmah a lei lo"
"Ilei thiamlo ang. I bialnu nen hian kan kal anga dawr ah hian lo awm rawh" ati a, ka kalpui hreh ve reng.
"Kan thiam lutuk ang nute" Amos an ti mahse a phal tlat lo. Ka lokal ve ang a tih pawn "Dawr hi lo veng rawh" ati tlat a. Ka inthlahrun vang in "Nia lo awm rawh. Kan kal dun thei lawm" ka ti ve a, a ruk chuan lokal ve se ka ti reng.


Amos tello in a nutei nen chuan kan kal a, ka rim a hriat ka hlau bawk si. Beer ka lo in ve bawk nen ka kal hnaih lutuk ngam lo "I hming sawi la"
"Keimah maw?"
"Tudang nge nichuang ang"
"Jessica" ka hming pawh a ngaihsak vak hmel chuang loh chawhmeh a en daih. Min be lem lo in akal kual a, ka zui ve zel tho a, a duh ang a lei zawh hnu a "Kha khai rawh" ati a, a rit ropui lehnghal. Amos kha hruai ve mai awm ania.
"Chuan Jessica, school atangin maw in in hriat?"
"Aw ni e"
"In principal a fel em?"ati leh daih a.
"Fel lutuk"
"Amos te in ah hian ikal tawh em?"
"Aih la kallo" abak chu min be leh tawh lo hrim hrim. Ka mihring hriat tawh ah ala ngainatawm loh ber ang keima tan chuan.

"Nute khaipui ve ta che" dawr kawt atang in Amos an ka thil khai lai min lo laksak nghal a.
"Kan duh tur ho ka lakhawm a, aman kha chhut rawh kan kal nghal mai ang"
"Aman angai lo. Khati khan la rawh. In in ah chaw ka ei dawn a, haw tlai suh ang che"
"Dar9 velah ka rawn haw ang. Jess i chau em?"
"Chau love" a nutei chu ka en ngam tawh lo.
"Kan kal ania"
"Awle. Dar9 rawn pel miah suh. Ka lo nghak dawn che ania"
"Ka hrelo le"ati leh hram a. Kan let leh lamah chuan engmah ka ken a phal tawh lo. Bike ah chuan loh theihloh a ka ken angai a "Arit em?" ati reng mai.
"Ka nutei khan a bia che em?"
"Aw be ve e"
"A landan ang kha a nilo nia, a rilru atha nia" ati leh a, ka awih chiah lo mahse ka sawi duh chuang lo. Kei aiin a hrechiang zawk a, a mizia ah pawh kei aiin sawitheih a ngah zawk ang.

Kan thleng leh thei chu ka thawveng hawk mai. Amos bawk in engkim a keng leh vek a, ka kenpui duh lem lo. A nute in min kentir char char tawh tho.
Inchhung kan luh chuan kan thlai hawn aimah in eitur chu an lo inchuh nasa zawk a. Pt phei chuan midang a nek dim vak tawh lo.
"Thil dang chu intih ve tur tawh. Jess keini chu awm mai mai ang" Amos an atih veleh thutna lamah ka kal a, ka pal tur a Nunu-in a ke alo dah chu ka hmu ru reng, Amos vang in hetiang lamah hian ka fing ve tawh. Hmu lo ang deuhin ka kal a,a ke ah ka rap a.
"Lung amaw ka tia" ka ti a, ana ti hmel chu nuihzathlak, a au tlawmngai ve tho bawk si. Ka hlau lo emai a nep ber zel.

Amos chu "Min si suh" ka lo ti nghal. Ka thawveng rih lo. A nutei hmel kha ka mitthla ah awm reng lehnghal. Khatiang hmel kha chu ka nel loh chi ani hrim hrim. A landan ang ngawt anilo tih mai mai. A nute in thil min khaitir vek pawn a tan zawng in ala tawng reng tho ania. Ka ngei ve deuh tlem chuan.

"Khawnge David Dear hi" Ms-an ati lang lang a.
"Room ah a bialnu titau a thlem anih kha"
"Ngatinge Jennie a tih tauh" ka tih chuan an hriat loh thu in min chhang a, avan mak. Jennie a titau hma ve ngai miah silo a.
"I hria em?"
"David an a seh" Amos an alo ti a, a ti tak tak leh tawp nang.
"Hei hi lawm bialnu neih ka peihloh chhan. Titau in thlem kual vel. Ka bialnu chu han titau teh se, titau ngam tawh lo turin ka siam ang male" PT-an alo ti ve kha kha mai. Hmeichhia in min ten zel a ti sia.
"Titau lo turin engtinge isiam ang? Kan hreve chak" Henry an atih chuan "Ka vawihkhum ang" alo ti awlsam et a. A thing emai. An nuih vak chuan a intihtheih hmel zawk.
"Hmeichhia chu thlem heuh heuh chuan an pawng tual tual a, ngam loh an awl" ati leh a, nei ngun tawh ber a ang zawk. Amos zawk chuan ka dar ah a lu arawn dah a, a chauh ka rin vang in ka lo hau bik lo.
"Amos vel hi" Pt-a bawk in a ti leh a, dul fawn hlurh hlurh in a nui a, a tshirt hak a tight sia a peih zawk ka ti. A kekawr a lian ropui lehnghal. Chhuat lai takah amah in a thu a, akhat vek. Pathaua hi chu khawiah pawh nuamti deuhin a awm mai thei zel.
"Ms hi a inla cool e" Lisa in atih chuan alo nui hak a, a bialnu erawh ala meng ram ram mai. Tuman engahmah kan ngak silo a.
"A bialnu hian mi melh hlum theihna power anei a, a thinrim chuan mi a melh hlum thei. Ms pawh hian a hlauh phah lawm" Henry an alo ti a, PT-a ngaihdan ani vak lo nge Nunu-i en pah in "Min han melh ve teh. Nachin ai sang ah khan ka khai ang che" ka nui lui vak. Nunui huat tura awm hi nuam ka ti.
"I khai maw?" Rose pawn alo ti ve tho a, runluih ve zawng tho in aniang.
"Amos umzui a tum a, a ke atangin a letling in ka khai anih kha, hei a tum bur reng hi. A mit te hre hraw hi" kan thianho chuan kan nui leh vak a, Nuni erawh chuan alo khap thung. Khap duhlo se ka ti nia.

Dar8 vel ah chaw kan ei a, David leh Jennie pawh an rawn thuchhuak ve tawh. Jennie nghawng leh biang chu a duk tak tak.
"Jennie, David dear hian vawin atanga chhiar tan in thla1 na chiah chiah ah Jennie a uak a uak loh chuan mipa ka kawpsan ang ati" Ms-an ati a, an fiam duh ber an hmu leh ta.
"Athat chu kawp rawh se"
"Eh.. Jennie a uak a uak dawn lo nimaw?" Pt-an lo ti ve ngei. A chaw ei hmuhnawm zia chu.
"Amos, Dear-a hi a eitui leh tuiloh hriat nan a ke tang en angai sia, a pheikhawk kan phelh tir mai dawn mi?" Henry an atih veleh David an alu ah fian in a khawng a, anat hmel bawk a kan te dual mai. David hi a mood a fu vaklo in ka hria.
"Dawt in sawi reng hlawm mai. Jennie engmah kha awih suh. Duh belh inei em? Ka lo suah dawn che mi?" Lisa nuihza chuan min hmer ngawt ngawt a, a nui tha ngamlo niang. Jennie duat vak chi anilo, a duh ve lo.
"Muan i thial sawm thei em? Ka lo thial sak dawn che mi?" Tiin Henry an David tihdan a zir a, a vuak hrep hnu pawn a tihdan ala zir sak ngam tho.
"Nun i eizo thei nange ka lo eizo vek ang chu" Pt-an lo ti ve thung a, hemite pahnih hi egemaw a awm chiang mai.
"In diet teh PT. Hetiang chuan thau in a hnawh hlum mai ang che" Nunin atih veleh "Nangpawn i hmuihmul ziat rawh" alo ti a.
"Hmuihmul anilo a dum ve hrim hrim anih hi"
"A reh theilo maw?"
"Theilo"
"Kan in ang chiah. Hmuihmul reh theilo neiin i piang a keipawh cher theilo in ka piang khawmaw chaw chu, rawn dah leh keuh ula" atih zawm zat a. Kan rin sa anih vangin mak kan ti lo hrim hrim.
"Nangkha min en suh ka ei ve daih mai tur che sin" Nunu-i bawk a hau leh tawh, a millo ve viau aniang mahse a uang tel deuh tho ang. Pathaua chu a uan leh uan loh a hriat loh fiamthu a thawh in a nui ngailo.

Dar10 velah kan haw thei chauh a, keiphei chu kapa thleng thleng in min lo phone tawh. Ka hlau tawh lutuk. Chhuah leh an phal tawh loh ka hlau. Midang pawh an hmanhmawh ve tawh theuh a, kan inthlah tha vak hman lo. Hlau chung chung in Amos pawh tlanchak turin ka ti reng mai. Engmah a in ve chuang lo a, ka ngaihtuah lo. Kapa in ka rim a hriat ka hlau tel bawk. Hlim deuhin ka kal a, hlauh ka ngah haw em em a.

Kan inkawt ah a ding a "Anih aw"tia kal mai ka tum chu alo phallo. A beisei ka hria a, ka hmui ka dawh lawk a, amah pawh anui tawp mahse min fawp tho. Amah zawkin min kal hmasak tir leh a, hmanhmawh deuh in kan in ah ka lut a, an lo la meng thap. Tv bulah Johan a lo thingthi a, a scooty khalh chhuah ruk vang tih ka chiang.
"Iva rei ve"
"Nia pa chaw kan ei tlai a"
"Pa han hnim teh. Jessi khi a mitmu dum lai a bialtha lo engemaw a in tihna"Johan an alo ti zuah zuah a.
"Engmah ka in lo"
"A in chiang lutuk. Pa hnim rawh a pum helai zawn te hi khawihsak la"ati a, a pum ah akut pahnih in a dawm a, a ban kham a dahthlak lawk duh vang mai mai.
"Johan i ban phar rawh" ka pa chuan a ti daih.
"Ka mu dawn"
"Nidang ah chuan ching tawh suh"
"Awle pa" ka kal pahin Johan lei ka chhuah khum a.
"Pa akal dan pawh a diklo, a penrual saw. Jessi a penrual ania hnim ve hrim hrim rawh"
"I ban dah ngil rawh"nui vak vak chung in ka room ah ka kal. Ka hlauhna zawng zawng a bo vek tawh. Ka inbual anga, Amos min lo biak hun mut mai mai paha lo nghah ani leh tawp mai.

Cont

---

FIRST LOVE-15


Jessica's Pov

"School kal tur a min lo sawm hian lo lut kher zel suh" tih hmuk pahin a hnung ah ka thu a "A kal theih em?"
"Kal rawh"
"Vawin chu in hau lo ang aw. Ka nuamsam lo a" ati a, min lo nghah chhung pawn a tawngtam lo ka ti reng a ni.
"I khuasik ami? Enge na?"ka ti leh hnuhnawh. Ka inthiam bik vak lo. Keipawh hian ka vin nasa mah mah thin ka in ti ve tho.
"Ka khuasik lo mahse ka nuam lo" ati a, keipawn nuam lo ka lo ti ve.
"Aw ka be tawh lo ang che" ka mal arawn khawih zawk a, a kut ala let lehnghal a "Ka thin a rim lo. Nuamlo ti duh miah suh. Ka tha leh vat mai ang" ati a, a tlanchak chauh in ka kuah thin a, tun tum chu tlanchak lo mahse ka kuah tho. Ka khawngaih, hetianga hmuh hi hrehawm ka ti. Min biak reng khan nuam ka ti daih zawk.

School kan thlen chuan min a hma ang chiah in kuah leh tho a mahse a tawng tam lo. Kan thiante min lo nghahna ah pawh kan kal kawi thlap, kan thlen rual in Rose in "Amos hi i mu tlem animaw" alo ti nghal a. A bialnu nilo pawn a hria a ngatinge engmah ka lo hriat ve loh le? Keimah ka lo indah hmasa zawk nasa lutuk aniang. Ngaihzawng ka vawikhat neihna ania ka hrethiam ve lo pawh ani maithei. Nuam lo ka ti letling zawk.
"Jennie leh Dear te chu an tha leh tawh mi?"
"Dear min ti tawh suh u" David an Henry a tin leh uaih tawh. Na tuar reng chung in an chhaih reng peih tho ania.
"Henry nangpawh in in then lehnghal kha" Ms-an ati ve bawk a.
"In in then nghal maw?"kan ti hu hlawm mai.
"Then e. A chhungten min duh lo. Beer rim a nam haw ham ham bawk sia. Anu in a putar san hma lutuk ang che alo ti" ati a, a nuihza ber ber ah a tang a, an inthen chuan a nghawng ve lo. Keini hi lo inthen ve ta ila? Ka ngaihtuah ngam lo hrim hrim. Inthen ka duh lo. Ka tuar dawn lutuk tih ka hrechiang sa vek. Ka lo in ngaihbel ve ziah engkim hi.
"A chhungte khan maw min duh leh mahse ka lo duhtawh lo ang. Fa tereuhte annei a, an chhuang ve em em a, a kerek leh a mawng a insi deuh thaw lawm" Henry chuan ala ti lung lung reng a, an inthen chu a tuar lo a bialnu chhungten an duhlo chu a tlawmngai ve niin ka hria.
"Nang kha i bialnu kha then ang che" Rose-in Ms-a bula atih chuan ka lo ip chawih mai. A duh hmel ropui si.
"Ngatimaw?"
"Mi lerh anih kha. A inti no thei si. Kan lut ho thin alawm. A thiante tih loh chuan kan ngei vek. Bialpa a thlak ngun bawk si" ati hmarh hmarh a.
"Then ve nghal mai chi Ms. Pt-a khai hnu iduh mi?"tihpah in Henry a nui vak a, tumah kan lo nui ve chuang lo.
"Then daih rawh Ms" Rose bawk a ni. Ani hian alo ngei ber ani maithei.
"Chutiang ringawt pawh ani theilo"
"Tunah pawh nangmah lo bialpa anei tho ang. First love ngah-i kan ti thin" Lisa in ati ve thung a. Kan luh ho lai pawn a bialpa apiang ka first love a ti ziah. A hmeltha em a, a nungchang tha vaklo mahse a luck tho, a pian a nalh bawk a. Ms pawh a demawm loh.
"Ms a bialnu chu sik hlek pawn ana ka pilh dawn ti chi ania" Henry an ati a, Amos chuan engmah a sawi ve lo. A awmdan hian ka ngaih ati thalo tan tawh. Class lam kan pan laiin
"Itha tak tak maw?"ka ti a, a nui lui tlat in ka hria.
"Tha e, ka hmelthat em hi"
"I uang emai. Ka ngaih iti thalo a. I thiante bulah pawh engmah i sawi ve lo a, tumah i chhaih bawk silo a"
"Ngaihtha deuhin awm rawh. Ka tawng char char tawh dawn mi?"
"I peih loh chuan angai chuang lo. I nawm loh chuan school ilokal duh kher anih kha"
"Ka hmu chak che a" a awm ah ka beng a, "Ka damloh lai chuan min duat ve la" atih vang in ka chul sak leh vel.

Amos's Pov

Teacher te thilsawi engmah ka rilru ah alut theilo. Birthday kan lawm zan khan ka chhungten min lo nghak thap a. Ka nutei pawh a awm. An vaiin min hauh rawn a, ka pa chuan engmah a sawi ve lo. Ka pa chuan ka duh chu min duhpui vek. Mi tha lo iduh leh nangma tawrh tur ati mai zel. Ka putea kan school principal pawh a awm. Ka nutei leh ka nu hi phir annih vang in engkim ah an inthurual a, ka u ho in Maggie min duhpui vek a, min duhpui nachhan ber pawh ka hrechuang lo. Ka cousin pakhat leh kanu u te nen an thawk ho a, an chhungte atangin an inhre hnai aniang. Jessi hi then turin min duh a, ka then dawn lo tih pawh chiang deuh in ka hrilh. I pute an school atangin a hnawtchhuak mai ang an ti a, mahse ka putea chu anmahni ang ani ve lo. A school naupang pawisawilo chu a hnawtchhuak dawn lo tih ka hrechiang. Min then luihtir pawh tum se ka then awm lo emai ka ti ve tlat a. Thuneihna an nei ve phak lo. Zanah khan ka khua chu a sik tak tak a, min buaipui an tum pawn ka duh lo. Maggie in min rawn biak a tum reng a, ala hlawhchham thak thak. Biak pawh ka tum tawh lo.

"Vei nei deuh i ang" Ms-a hmuh tur in ka nui lui a, chhungkaw buaina chu ka zep rih ala ngaiin ka hria. Ka chhungte ka do duh tak tak hunah ka la hrilh ang. Jessi leh ka chhungte hi inmil se ka ti. An vaiin ka hmangaih a, inrem deuha an awm tlan ka duh.

"Enge i ngaihtuah?"
"Jessi hi ka nei tawh mai dawn mawni ka ti deuh a" ani pawh alo nui ve sung a, "Nei mai rawh, duh tak tak te hi chu inthen hmaa neih daih tur" ati a. Lo innei ta ila kan la ngaihtuahawm dawn sia. Min hmangaih chuan harsatna awm mahse min then kher in ka ring lo.
"Nangpawh Nunu-i nei la"
"Nupui atan ka duh lo. A lerh tih ka hria lawm"
"Anih then la"
"Midang ka hmuh leh hunah" ati a, Henry ang in a rem rem a kawp ve tawp lo. Duhzawng te hi a nei ve tlat a.

Lunch break ah canteen a kan kal hma in Jessi bulah ka kal hmasa a "Ka tiffin hi lo ei ve mai la" alo ti ve a. Ka damloh chuan min duat ve dawn niang.
"I kham lo ang nangman ei rawh. Eitur ka rawn keng chho peih kher lo ang aw"
"Awle tam deuh ei itum dawn nia"
"Ka rawn let vat ang" ka thianten min koh sek tawh vangin ka kalsan a.

Canteen bulah Johan alo awm leh reng tawh. Class a kan ken dawn pawn leisak tho a ngai thin.
"Vawin chu min lo zawm thei ang" ka tih chuan phur deuh in min kuah a, ka taksa a a chet zawng pawn ka lu a na. Kan thutna thin ah thu in eitur kan chah a, engmah ka eichak loh vang in tlem te chiah ka chah ve.
"U Amos birthday in lawm zan khan apan min hrem asin"
"Ngatinge hrem ngai a i awm a?"
"Scooty ka lachhuak ru a, kan class ami pakhat nen kan leng a, kan len lai chuan anuam rap mahse zan dar12 thleng ka thingthi a, ka ban ka phar bawk a, tv bulah ania, tv en pah in min veng" anui hak hak a, eitur an lo la chu phur deuh in a lo la a.
"Anu in i lachhuak ru reng mai. Chahbi kha dawlh law law rawh atia, chahbi ka digest theilo ka tia" tih pahin a ei nghal mawlh mawlh a. Chhungte duat rual. Hmanzan anga min hauh rawn kha an la nei ngailo a, keipawn ka la na. Min duat theih nen.
"Johan chu ilokal ve lo a, a nawm tehreng nen"
"Nia, i bialni chu i hruai ami? U Ms. Dear hian nuam ati ve em?" David en chung in a nui sang a. David hian engtinmah ati ve ngam lo ber.
"Ti nang le. Ka nin zia"
"Lokal ve ila chu kan in kawp thei tur ania, min sawm ve lo a" ati a, lokal ve se chuan a tap haw ngei ngei ang male. A duhber-i lah a Dear an a seh vak lehnghal a.

"Nge min sawm ve loh a?" Pt-a arawn inzep ve. Rice plate thum nen. Johan pawn a en duh nasa. Pt-a tak hi chu ala hreve lo in ka hria.
"Pathaua anih hi" ka lo ti a, hetianga kan tih hian a haw ngai chuang lo. A unaute pawh pathau an ti.
"Au Pathau i ei vek dawn ami?"
"Dawn ele, i eiduh loh chu min pe rawh aw" ala ti tho.
"Pt, Nuni nen chuan enge chanchin" Henry an alo ti a.
"Ka ruih reh hnu ah ka hmu leh a, ka duh lo. Ngatinge Nuni hian hmuihmul a neih tlat a" ala ti.
"Kutchuk anih kha" ka lo ti a, a khap fuk fuk dan ah a hrelo aniang.
"A bet reng dawn mi? A hmui chungah hian mitthi savawm a fu vung reng ang in ka hre mai" ati a. Nuni pawn min rawn bia a, a duhloh thu min rawn hrilh tawh. An induh lo tawn ve ve.
"Pangang hi hlau lo ila chuan ka duh lui thei mai anga, mahse pangang a ang em a, ka fawp ngam lo ang"
"Amah hi uite pangang a ang" ka beng bulah Johan an arawn ti sap a. A puar deuh tawh hnu ah ka malchung ah a bawk a, ka dam vak biklo sin le.
"Au Pathau, Nuni lo chu a dang zawng mai la"
"Min duhlo zel. Min duhtu chu awm se neih chu a hun ve tawh mahse keichu ka first love kha ka la theihnghilh theilo" ati a, a thil ei chawl meuh in a ngaihtuah vung vung mai.
"Ngatinge in in then?" Henry-a hriat chak zawng.
"Ka la naupang ltk a, ka la zeilo em a, wrestling en hrat lai ani bawk nen, ka thil en ang hi amah ah ka zir thin a, ka tlin tawh ngang lo, ka thi thei mai ang atia, thi lo tawka tihdan ka thiam ka tih pawn a duhtawh lo. Ka la naupang lutuk ka la a em a" tunah pawh ala a tho.
"Iti hlum lo a i vannei anih chu" Johan takngial pawn alo ti ve. Ka la cher ngailo hrim hrim atia, hmeichhia chuan a tuar nasa ve khawp ang.

School ban veleh Jessi inrem fel ka nghak a, ati ve zung zung mai. Nidang ang in a muang lui tawh bik lo.
"Kan kal thei" atih veleh a kut min pe a, ka kaitho a. Ka chhungte thu ka awih duhloh chhan pawh a ni. Keimah lo a ngaihzawn chuan keimah ang in an duat ve lo anga hrehawm ati lutuk ang.

Ka hnunga a thut veleh min kuah a "Enge i an?"ati nghal zat bawk a.
"Ka tha, na ka neilo. Ka nuam lo satliah" ka ti daih. Damdawi ei ila lu na chu a reh mai. Ka sawi chuan a hlauthawng leh vat ang.
"Amos in in ah ka loleng chak e"
"Nakinah ka la hruai dawn che nia" ka chhungte nen a kan boruak tha phawt rawh se anihloh chuan rilru na deuh in a haw palh ang.
"Min hruai ngei ngei rawh aw"
"Lutuk e. Nakin ah chuan hne hlui in ila awm dawn sia" a lai leh tawh niang min chhang leh tawh lo.

Jessi ka dah hnu ah ka haw tlang. Damdawi ei vat vat ka ngai. Kan in a Maggie lo awm chu ka hmulo der. Damdawi ka zawng a, nachhawkna ka hmuh veleh ka ei nghal a, ka mu nga a dam mai ang. Kan haw tlai lutuk kha ka hritlang dawn niang.
"Amos naktuk ka birthday tih ihria em?" Maggie in alo tih pawh chuan hrelo ang hmak in ka la awm tho.
"Lokal ve rawh aw" ka nu thutna bulah ka test paper ka theh thla a.
"Ka bulah lo thu teh" ka thu veleh mai. Nu te chu an hnar theih loh. Min hau thin mahse ka ngai reng tho. Ka hmai a khawih a, a chal leh ka chal a ti si a.
"Damdawi i ei tiraw?"
"Aw"
"A that chu. Maggie birthday chu i tel pui peih angem?"a malchung ah ka lu dah in duhdah deuh in ka mu a.
"Dam pawh ni ila ka kal lo ang" ka u chu awm se min vin leh tawh ang.
"Tel pui hram theila tha tur"
"Ka thein. Ka peih lo a ka duhlo bawk" bialnu thar ka nei tawh a, bialnu hlui bula awm reng nachhan tur ka nei lo. Jessi ka ti lungngai dawn lo hrim hrim. Pakhata rinawm hi apa zawk. Jessi lo chu ka ngaihtuah ngailo.
"Ka lo beisei ang che" Maggie chuan ati tho. Min beisei thlawn anga a nimai.
"Ka bialnu ka rawn hruai ang"ka mit ka chhing a, an hmel landan ka hrelo. Thinrim hmel an put ka ring. Engtinpawn awm se, kan inthen theih nan thang hlauhawm deuh pawh kam mahse ka then dawn chuang lo. Hetianga hmeichhe vei ka la nei ngailo. Ka hmangaih anih ka ring. Ka chhungte leh midang lakah ka hum char char ang. A thlavang ka hauh char char ang a, an tihnat ngam loh tur a awm ka tum tlat bawk ang. Tumah in an tihnat ka phallo.
"Hruai lo in ilokak dawn nia" ka nin tawh vangin ka nu malchung atang in ka tho a. Room ah ka kal daih. Ka chhungten min hauh leh ngei beisei bawk ang.

Cont

---

FIRST LOVE-16

Jessica's Pov

"Enge i an?"tih ka thawn a, ka be hmasa ve ngei. Amah pawn mak ati ve ngawt ang. Min rawn chhang miah lo chu ka thinrim tan tawh. Min reply hma theih tehreng nen. Tun tum chu a reh hmak. Ka phone ka en nawn reng a, min chhan let hun ka ngaichang ran a, a na zual thut aniang ka ti rilru a, ka hlauthawng leh hnuhnawh. Darkar khat hnu vel ah "Ka tha. Ka dam vek tawh" arawn ti a, ka thaw huai mai.

"Ka rawn leng dawn" atih chuan "Loleng rawh" tiin ka chhang let a. Ka pa a awm chuang lo a, ka kawm tha ve ngam deuh tawh ang. Ka pa a awm chuan han biak vak hi ka hreh thin.
"Ka rawn thleng har lo ang" ka tho thut a, darthlalang ah ka in en a, ka sam ka siamtha mawlh mawlh a, a mitlak lehzual ka chak thar tlat. School ah inhmu reng mah ila zan a min lo biak har te hian ka ngai hman thin. Be hmasa tu zawk nih ka duh bawk silo a, tunah pawh a damloh avang chauh a be hmasa mai mai ka ni. Makeup tlem ka hmang a, school ah makeup hman an phal bawk silo a, school lo ah pawh ka hman ngailoh phah. Ka lang danglam ve deuh chuan ka hria. Amos chuan ka danglamna a hre ngei ang.

"I bialpa a lokal" room atang chuan ka thlawk chhuak ni maiin ka hria. Amos a hnen ka thlen chhung a reilo lutuk. A bulah amah si chet in ka thu a "I hmeltha" ka beng bulah arawn ti sap a, ka lum pup in ka hria, nuam ka ti bawk si.
"U Amos ka room ah ilokal duh em?" Johan an atih chuan a lu a thing a, naupang mawl lutuk.
"I u bialpa anih kha. Lo inrawlh ve reng suh. Room ka tihfai zawh loh kan tifai leh lawk ange Amos lo leng reng rawh aw" ka nu in nui thaw chungin a ti a, awmze nei deuh in min en a, chance min pek a duh aniang.
"Johan min rawn pui rawh" ati leh hmuk a.
"Ka peih bawk lo"
"Min pui rawh ka tih chuan min pui la ani mai. Anih loh chuan lehkha zir rawh"
"Ka thiam vek tawh"
"Anih chuan min rawn pui rawh"
"A ninawm ve nu" ti bui bui chung in ka nu a zui a. Room a suasam kual leh dawn aniang. Thil rem sa thlak kual sek hi ka nu chuan nuam a ti ve hrim hrim a awm mai mai thiam lo.

"I dam vek tak tak maw" chhan pawh min chhang lo min fawp nghal chawt a, a mak thin. Ka zeiloh em vang aniang min fawh zawh hian a nui ziah lehnghal, tun ah pawh chutiang tho chu.
"Ka dam chiah" a chal ah ka nem vak a, tum bur chungin a tuai vut vut a.
"Ve che, a nat loh kha"
"Mahse ka rilru a na" ka lo nui hak a, a thutak chhung hi a rei vak ngailo.
"Zan in chu i hmai ah eng eng emaw i bel ve ni maw?"
"Aw ka inhmeh em?"ka biang dawm in a hma zawn ah no deuh in ka thle a.
"Thlahrang ka hmu maw ka tia" tum hmuk in ka hawisan.
"Ka ti mai mai nih kha. I inhmeh lutuk nangchu in hmeh loh pawh i nei hleinem" a ti a, min kuah leh vel a. Keipawh ka nui leh tawh. Thinrim deuh in min siam a, reilote chhung in min tinui leh thin a, a tihdan ani ve hrim hrim. Bialpa ka nei dangdai ve ngawt mai.

"Jessi miin engpawh sawi se ka sawi anih loh chuan awih miah suh ang che" ati a, a uang amaw tiin thildang a sawi hun ka ngaichang a, engmah a sawi chhunzawm lo.
"Min ti hlauthawng alawm"
"Hlauthawng suh. Ka hmangaih che ka tih ziah kha. Midang ka nei dawn lo a, chuvang chuan keimah chiah min ring dawn nia"
"Awle" ka ti ban charh a, a sawi tum tak ka la man chuang lo. Buaina a tawk anih te ka ring a, a nguai thut chhan te hi a ni thei angem? Ka hlauthawng laklawh vek tawh.
"Ka then dawn lo che. Min then mah la min duh leh hma chu ka umzui reng ang che" ati a.
"Keimah pawh hian ka then lo ang che" a ti a, ka rilru buai lutuk chuan ka kuah tawp. Buaina a nei aniang. A inpeih hun ah chuan min hrilh mai ang. Amah pawh hian mi chu an in peih hun nghah tur a tih kha. Engmah a zep hlen ka ring lo. Tunah chuan ka hriat ve ngai ala awm rih lo aniang.

A haw dawn ah kawt thleng ka thlah a "Ngui bur suh. I rilru ka tih hah chuan ka tihpalh. Hahdam deuh in awm rawh"
"Ka rilru a hah lo. Nangpawh hahdam deuh in awm rawh"
"Ka lo bia ang che"
"Awle"
"Lut tawh rawh. Midang in an rawn hmu ve palh ang che. I chhelo sia ka phallo"
"Nangpawh imit chiah tilang rawh midangin an hmuh ve che ka phallo" nui chung in kan in vei liam a, ka la ipik tho mai. Buaina nasa deuh alo tawk ang tih ka hlau.


Kan in nghah khawm na kan thlen chuan an lo awmkim leh thap tawh. An tho hma thei bik aniang, ka thawh a phone ka check hi chuan group ah an lo ti ti nasa hlawm tawh thin.
"Hei an lo thleng alawm. Kan bula awm aiin in pahnih chauh a awm hi nuam in ti tan. Midang hi awm ve lo se in ti tan" Henry an alo ti nghal bawrh bawrh a. A mit a duk nasa lutuk, a chhan ka zawt duh lem lo.
"Chutiang anilo" ti mah ila "Ani reng kan hrevek. Tunah pawh midang ho hi khawng vek se ulh bun hmawk hmawk ka chak iti" a uang tih ka hriat vang in ka lo nui ve mai a, an thusawi hi ngaih thutak vak chi pawh anilo.

"Henry nizan ah Muani te in ah buaina isiam ani maw?" Amos an atih chuan mak ti deuh in kan en ha mai.
"Nuni hnen atangin ka hria, apa i cho vel" Henry a nui vur vur a, zahzel ah a hnar a tuai nawk nawk a.
"Amawl ania. Muani pa in a rek ang chuap chuap alawm. Nuni nen khan inrawlh vat lo ila chuan a rek chau vek thei ang chu" Ms an thutak zawk in a ti bawk a "A rui lungpuam khan an duhloh thu vel a sawichhuak leh a, ka kal dawn atia, a kal tak tak kan ring lo a mahse kan ngaih a that theihloh vangin a hnu daih a kan zui a, kan thlen chuan alo rek tawh" atih zawm leh a.
"Thing deuh in che tawh suh" Amos an alo ti bawk a, an thutak run hlawm lehnghal. Hmeichhe ho chuan kan en tawp.

"Muani hian pa a nei lian tih ka lo hre miah lo. Anu leh pate kha tereuhte tur ve ve maw ka tia amah hi a te reuh sia. Police alo la nizui. Irawnkal leh chuan ka man ang che ati" Henry an ati a, a nui reng lehnghal.
"Ikal leh hunah chuan min hruai ve tawh rawh. Keiman ka khawih hrep mai ang" Pathaua thin hi ah. Midangin ti tawh lo tura an tih mek laiin alo fuih leh sia..
"Nizan min kawm duh loh vang anih kha Henry. Ka inpui che i hlau a, min tihder vel a, i chawh khawp mai" atih zawm zat a.
"Engtinge a tih der che"
"Inei em ka tia, ka pum ana hospital ah kan kal dawn min admit maithei atia, ka hlauhthawn zia" a lungawi lo ve takzet tih a hmel ah a hriat.
"Imit pawh ala duk kual ruih alawm kha. Ti tawh miah suh" Amos chuan ati nawn leh ngat a. Henry chu a haw ta thut amaw ka ti hman hial.
"Ka mit a hnek chiah chu maw, a eng chuaih mai male. Zanah chhun ka hmu daih. Ka tlu em lo na a, ka hnungtawlh nasa" ati a, a nuireng tho chu amak ka ti. Midang an thutak ropui mai si.
"Ka la mawl tluang zel e itihna ah ka ngai" Amos bawk ani. A rukin ngawi tawh turin ka hrilh.
"Pa te rual kutthlak chu a zahthlak alawm" ala ti tho.
"Ka ti tawh lo ang. Na tawrh hrep hnu a jail tan ka duh teuhlo. Ka ngaihtuah ringawt pawn ka khur, ka hlau min lo kuah" ti chung in Amos a kuah a, Amos pawn alo kuah let ve tho. Henry hi an thianho a naupang ber a niin ka hria. A thiamthei a, a zir chak deuh bik an ti.
"Dear iva ngawi ve. Mi seh chu i bansan tawh ang maw?" Ms-a thusawi vang chuan David a ding ngil awt mai. Engtinmah a ti lem lo. A insum ve ani maithei.
"Dear chu a ti ang lo thei em lawm. A riltam vangin a bialnu ei a tum ringawt a. Pt-a bialnu ang khan Jennie khan ka tlin lo ala ti ve mai tur asin" Henry an alo ti veleh a, Amos hnung ah a biru nghal. Amos an midang a fiam ve miah lo hi ka ngaih a tha theilo. Nidang ah a fiam nasa ber ber ah a tang ziah sia, zep anei ngei niin ka hria.

"Itha tiraw?"a bu nghat a, class lam pan in kan kal mek a, min kuah reng mahse a rilru chu hmundang ah daih a awm in ka hria. A nutei ka ngaihtuah chhuak zawk a, keimah min duhloh vang in alo hau anih ka ring ber. A damsam lo bawk si nen, a thinrim anga a nguai vek phah a niang.
"I hlim loh chhan hi keimah vang anih chuan pawi ka ti"
"Nangmah vangin ka hlim zawk. Hahdam deuh in awm rawh ka tih kha" ati dam dap a, a awmdan hian min ti hahdam silo a nih hi.

Class neih lai pawn ka enreng a, zirlai a ngaihsak lo. A in ngaihtuah muk hmel thei lutuk. A nutei vang bak anih ka ring lo.
"Henry engatinge imit kha? Ding teh" Miss in atih chuan Henry kan en thap a, Miss hi a khirh em vangin Henry chu kan hlauhthawnpui. Jennie nen kan in vuan nghal a, ka thaw dep dep in ka hria.
"I insual ami? Ngatinge i mit?"
"Kut tum tattoo anih hi" ati a, Miss a nui suk a.
"I tattoo kha karkhat chhung in lo ti reh ang che"
"Awle mahse a reh kim ang tih ka tiam thei lo che. Ka thu dawn, ka tattoo neih thar hi ana" tih leh thut a rual a, Miss in a hau miah lo.
"Avan hlau lo zawk" Jennie nen kan lo ti a, Henry na ti der indawm vel chu kan en ngawih ngawih ringawt.

Lunch break ah pawh kan bulah thil an ei a "Ka che fuh viau lo maw? Lem chan chu ka thiam emai" ala ti reng.
"Ana tawh lo mi?"
"Na tawh nang kan ke pawh tliak se mipa chuan anuam kan ti mai tur ani" atih laiin pathau an amit duk lai arawn pen a, na tiin then tlawk tlawk mahse harsa ti tak chung in "Anuam" ati hram a, Amos pawh a nui ve hak hak mai. A nui ka hmuh chuan keimah ka lo hahdam. Ahma ang kha ni leh vat vat se ka ti.

Banah min thlah a, kan in be tam lo. A khat tawk in min fiam zeuh zeuh a, ka rilru nawm nan a atih ani maithei. Anuam tak tak thei chuang lo. Bike atanga ka chhuk veleh "Naktuk ah chuan dam chiang deuhin kan in hmu tawh dawn nia. Ngui deuh a awm tawh lo tur ti ve ve ang" ka ti a.
"Awle. Dam deuh in ka lokal ang. Rilru nuamlo deuhin ka siam tawh lo ang che. Ka awmdan ka thlak thut kha min hrethiam dawn nia"
"I damloh vang ania ka hrethiam lutuk hrehawm ti lo zawk rawh" tiin ka thlamuan a, a damloh vang ringawt a nilo tih ka chiang.
"Lut rawh se" hlim hmel pu tak chung in ati a, a biang ah ka fawp a.
"Bye Amos"
"Bye bye Jessi, ka lo bia ang che" a duh dan in keimah zawk ka lut hmasa a.

Kan in a ka hmelhriat ngai miah loh lo awm chu mak ka ti. Ka nu in "Hmu tur che in a lokal a" ati bawk sia. A nui sang a "A fala biak che ka duh a" ka thin a phu dup dup mai. Thil thalo thleng tura ngaihna ka nei.

"Ka room ah kal ila" ka ti daih. Midang hriat kan duhlo ve ve niin a lang. A hmel nelawm viau mahse ka hlau ru tlat. Ka room ah kan inzui lut a, a thutfel hnu ah "Maggie ka nia" ati a, keipawh a bulah ka thu ve "Nangchu ka hria che"

"Engtin?"
"Amos nen in in kawp tiraw?"
"Engatan nge itih?"
"Amos kha ka pasal hual ania" ka nghilh dup mai. Ka nghing lawih in ka hria. Sawitur ber pawh ka hrelo. Lo dawnsawn dan ka thiam lo. In puahchah nasa viau chung pawn he thil hi chu ka dawngsawng thiam chuang lovang. A reh thap a, eng thawm mah ka hrethei lo. Ka thinphu a rang a, ka sa chhuak vek a, engmah ka ngaihtuah tha thei lo. Kan ngawih dun vang vang hnu ah "I puihna ngen turin ka lokal" a ti a.

Cont

---

FIRST LOVE-17


Jessica's Pov

"Ka puihna iduh maw?"ka ti sap a, dim te in ka kut a vuan a, ka mit ah a en kal pah in "Amos hi hlat rawh" fiah tak in a ti a. Ka thei lo ang ka ti rilru nghal mawlh mawlh a.
"Engemaw vang in in rem lohna kan nei a, min runluih nan a kawp che a, ka na ve tawk in ka hria. Hetianga a awm hi hmuh hrehawm ka ti tawh a, hmuh lehzel ka duh tawh lo" ati a, mipa pakhat vang in kan na ve ve a nih hi. Amos chuan ngatinge midang runluih nan mai mai a min lo kawp le? Min hmangaih thu kha a sawi si a, ka lo rin ve thin nen. Ka mittui tla chu Maggie chuan min hruk sak a. Chumi hnu ah min kuah pahin ka hnung a chul a, Amos pawn hetiang hian a ti ziah an in ang chiah anih hi.

"Ilo duh ve hman hle ani maw? Amos hi chu duh a awl ania. In hual tawh nilo ila chuan i mittui vang pawh hian ka kian ngei ang che"

"A ngai lo" ka ti tham tuak a. Bum nawn ka duh tawh lo.

"In school clinic ah ka rawn awm dawn a, i hriat loh takin nurse ka nia, puih i mamawh chuan i duh duh hunah clinic ah i lokal dawn nia" ati a. A pasal hual ka lo ngaihzawn ve vanga min haw lo chu mak ka ti zawk. Min la hnem thei zawk ania, a rilru anat dawn tehlul nen a puitling ngawt mai.

"Min duat thei em em a, naupang zawk ni mahse min ngaihsak thiam zawk a, kan in hau ngailo a, ka thinrim pawn min ti lungawi leh vat thin" chutiang chiah chuan ka lakah pawh a awm ve thin.

"Hetianga rawn tih hi nuam ka ti hauh lo ania. Mahse ka pasal hual ani tawh sia, hetiang hi ka tih ngei ngei angai a, mifel tak ini tih ka hria. I tan Amos ai tha an tam dawn lutuk" mahse Amos lo chu tumah ka duh lo.

"Khawngaihin inat zel hma in lo kalsan rawh. Hetiang hi min runluih a duh vang vek a a tih a ni. Bum tu che vang in tap duh suh. A hmuh ah nui sang zel zawk rawh. Ka kalsan phawt ang che. Chhel deuh in i awm dawn nia" thlah na thu pawh ka sawithei lo. A chhuah veleh ka room kawngkhar ka kalh a, ka tap hawm hawm a. Hetiang hian ana dawn tih ka hre ngai lo. Kan hmangaih te chu an awm loh hunah chauh kan hmangaih ani tih kan hre thin. Amos pawn min bum a, duh dang a lo nei reng tih ka hriat rualin ka hmangaih ani tih pawh ka hretel nghal. Hmangaih lo ila hetiang em em hian ana dawn em ni? Hmangaih lo ni ila ka thawveng hawk anga, ka tap lo anga, ka thinlung pawh ana lo ang.

"Jessi kawngka lo hawng rawh"
"Ka chau ka mu dawn. Min lo kaitho suh u" ka nu hriat phak tawk tur a ring in ka ti a. Khuma mu chung in ka phone ka en a, ka hmeh en rual a kan thlalak dun ka hmuh chuan ka mittui a tla leh a, ka tap zawm lehnghal a. Khawvel atanga bo hmak ka duh ber. Ka hriatna hi hloh vek ka duh. Amos ka huat hun laia kir leh ka duh. Ahma ang khan ka haw leh duh. Ka hmangaih vang in ka haw thei silo. Thinlung kehsawm hi a tuar ve lo tan chuan hriatthiam theih a nilo. Khawvel a thil thleng zawng zawng a lungchhiat thlak ber niin ka hria. Chakna kan neih ve zawng zawng a bo zo va, nun hian awmzia a neilo. Kan hmangaihna nei ve zawng zawng kan pe a, natna bak min pe let lo. Engtinnge thinlung hi pangai taka a awm leh theih ang? Engtinge ka thinlung ka pek then tawh kha ka lak let leh theih ang? Ani kha ka hmangaih hmasa ber anih bakah ka bialpa hmasa ber a sin. Ka tan a a hlut zia hrethiam thei chu keimah anga lo tuar ve tawh tu chauh anni ang.

Ka phone ri ka en a, Amos hming ka hmuh chuan ka mit ka chhing a, tunah phei chuan biak ka duh lo. Ka mualpho mai ang. A rawn tih nawn reng vang in phone ka switch off a, ka rit lutuk tihreh nan hian au vak vak mai ka duh.

Ka khum ngheng in chhuat ah ka thu a, ka sam pawh ka tham pawr vek tawh ngei ang. Ka awm ka chum dawt dawt a, ka chau lutuk a, ka thinlung chu zahngai rih turin ka ngen a, anat lutuk chuan thinlung kehsawm vang in ka thi ve thei mai ang. Nangmah lo chu hmeichhe dang ka be lo ati thin a, i hmeltha min ti reng thin a, naute ang maiin min cheibawl a mahse a lem vek. A nupui hual pawh rilru na taka a siam kha. Chhuatah kawm chial in ka mu a, chhuat vawt in ka taksa a deh chuan ka khur der der a, pawi ka ti lo. Ka na areh phah dawn chuan vawt tih vang in duk vek mah ila pawi ka ti lo. Amos hi ka haw miah lo. Ka haw miah lo hi keimah ka in haw let zawk. Ka haw lo a, ka ngai ngawih ngawih thung.

"Jessi lo chhuak tawh rawh i room i kalh rei tawh lutuk" ka nu in arawn tih leh chuan ka thinrim tun mai. Engkim ka haw vek. Ka bul vela thil awm zawng zawng pawh ka haw vek. Thih daih ka chak. Engmah hrelo a awm ka chak ber. Kawngka an tih rik reng avangin ka hawng a "Jessi engatinge?"ka nu in min kuah chuan ka tap leh a, tah nasat avang hian ka thinlung hliam hi dam dawn sela chuan a dam fel vek tawh ang.
"Enge thleng? Tlaia lokal khan enge a sawi?"khum lam ah min kalpui a, in hmachhawn in kan thu a.
"Nu helai hi a na, ana lutuk a, anat dan ka sawifiah thiam lo" tahchhuak insum tak chung in ka nu ka en a.
"Bawihte i chung ah enge thleng?"
"Tlaia lokal kha Amos-a nupui hual anih kha" a thil sawi zawng zawng ka hrilh a, a chang leh ka tap a, sawi nan pawh hun a duh rei. Ka nu mittui ka hmuh chuan ka tah a chhuak lehzual. Min hau reng mahse ani chuan min hmangaih em em si a..
"Ka van lainat che em. I tuar thei tih inhre rawh aw. Hun a rei anga, i natna hi chu ala zia em em ang" engtikahmah a reh ka ring lo. Nitin ka hmu dawn a, ka hmaah a inlan reng dawn a, ana zual telh telh in ka ring. Ka nu malchung ah ka mu a, duat takin ka sam min chulsak a, Amos pawn hetiang hian a ti thin, ka nu nen pawh an lo in ang chiah anih hi.

Ka harh rual a ka ngaihtuah hmasak ber chu Amos a ni. Ka chau lutuk a nizan khan ka tap muhil a nei ngei ang. Ka khum bul ah eitur a awm a, ala sa vek. Ka nu in a dahna ala rei miah lo ang. School pawh ka kal peih lo. Amos ka la hmu duh lo. Ka pa bulah chuan ka nu in a sawifel thei mai ang. Ka phone ka on a, Amos hnen atangin missed call leh message tam a awm.
"Ngatinge i pick loh?

"I muhil ami?"

"Min ti hlau"

"La rawh khawngaih in"

"Ka ngai che phurhs"

"I switch off"

"Ka lokal dawn"

"Ka lo chhuak chiah"

"Ka lo thleng"

"Ipa car ka hmu ka lo lut ngam lo. Lochhuak lawk la, reilote tal ka lo hmu che"

Ka chhiar zo peih lo. A vaiin ka paih nghal vek. Chhiar loh ka ngah zawk. A nupui hual runluih nan min ngai der mai mai.

"Ka damlo a, school ka lokal dawn lo" kan thian pali chiah awm na group ah message ka hnutchhiah a, min rawn chhanglet nghal. Chupawh chu en tawh lo in ka switch off lehnghal. Amos an arawn call leh anga, a hming inziak ringawt pawn ka rilru a ti na. Ka nu eitur dah chu ka en ngawt ngawt a, ka khawih lo hrim hrim. Engmah ka eichak lo a, tui pawh ka in chak lo.

"Jessi i thiante an lokal" ka nu in atih vang in room atangin ka chhuak a. Kan thianho leh Amos te thianho an lo thu tham a, Amos chu ka hmuduh lo. A awm ve tho bawk si.
"School kan rawn tlan bo a" Henry an atih chuan ka lo nui a, Maggie pawn a hmuh ah nuisang rawh min tih kha.
"I damlo tih i hmelah pawh a hriat. I bui luk mai. Nizan te khan rawn sawi tur alawm" Amos thusawi chu ka hrelo der. Ka en lo hrim hrim bawk.
"Eng nge i an tawh?" Jennie in a ti a.
"Ka tha. Damlo vak pawh ka nilo. Ka mu nasa lutuk a, ka vung vek" ka ti daih a, muthei lo a tap char char ang in ka lang duh lo.
"School kan tlanbo ve ringawt a naktuk chu min hrem ngei ang. Dawhkan hnuaia luh tur an tih loh ka beisei. Tawt chung chung in ka inhnawh lui thin a, a hrehawm emai" Pt-an a ti a. A lokal ve vang vang a, ani pawh a fel.
"An ti lo sa. Class tin a school ka tlan bo ti a au a ngai ang tih ka hlau e" Ms-an ati ve thung a, an sawi chhunzawm a, ka lungngaihna min hriatpui loh vang in an nui dar dar reng a, keipawh ka lo nui lui ve char char a rilna ang in ka lang dawn lo hrim hrim.
"Kan noodles lei hi chhum ang u. Choka ah kal ang u" an ti a.
"Ka nu a awm lawm. Tih tir ru a thiam lutuk. Nih loh pawn keiman ka lo ti ang"
"I damloh kha engmah tih ve angai lo. Inu pawh tih tir angai lo kan ti thei lawm" an ti tlat a, choka lamah an in zui dat dat a, a nawr in an in nawr tawn tawn a.

"Nizan khan i damloh vang chauh a phone la lo ini lo" Amos chu ka la en lo hrim hrim. Ka kun ngul a, ka pj a milem awm chu ka kut tang in ka chhui a, ka lu ana bur a, ka mit a thip em em bawk a, ka mut tlem vang anih ka ring. Min bum tih ka hriat atang khan engmah ka la ei lo. Ka ei lui thei lo. Engkim a da duk vek in ka hria.
"Min chhang ta che. Mangang deuh in min siam suh" ka bulah arawn thut chuan ka thu ngil nghal awt mai. Ka kut a vawn chuan rang tak a lak let pah in "Min khawih suh" ka ti hlur a.
"Tih dikloh ka nei mi?"ka inrin hma in a hmel ka en a, a beidawng hmel ka hmuh chuan ka khawngaih. Min bum tu ka khawngaih thei hi mak ka ti. Haw ngawih ngawih zawk tu hi ka nia.
"Engemaw tal sawi rawh" ka kuah a, a tawp na ani tawh ang. Tun bak chu ka kuah tawh lo ang. Ka la thlahlel ngawih ngawih a, a tawp na tak tak a ni tawh ang. A awm ah ka hmai ka phum a, insum nasa viau mah ila ka tap ta tho a. A hmuh laia tah hi ka duh lo. Nep deuh anga min hmuh ka hlau, min bumtu kuah a tah vel hi ka duh dan ani bik lo. Ka insum thei lo a ni.
"Eng nge thleng? Keimah vang a ni em? Ka sawi loh chu engmah awih lo tur in ka ti che tiraw?"ka bu nghat a, mahse Maggie khan dawt sawi hmel a pu lo a, dawtsawi chu nise a tah theih pawh ka ring lo. Ka hmai ka dah na zawn a kawr pawh ka mittui vang in a hnawng chap tawh.

Ka in la hrang a, ka mittui ka hru hul a, min bum reng sia, nep min ti viau ang. Min bum chung pawn ka la kuah duh ania, ka ngai em a, in sum a har a ni.
"Eng thu nge i hriat?"a tlanchhe tan nghal der ni maiin ka hria. Min bum a, ka manchhuak tawh a nih a ring nghal ani ngei ang.
"Engemaw tal sawi ta che" kan in ngaihzawn hnu a min vin ve vawikhatna ani hial ang keipawh in mak ka ti. A dawhthei vak tawh lo a ni ngei ang.
"Tun atang chuan ka bulah awm tawh suh" ka ti a.

Cont

---

CHAPTER-18

Jessica's Pov

"Ngati teh thut nge?"ati hu a, a lemchan vang chuan ka nui hul hak a. Min bum zel ala tum tho anih dawn hi. A ngaih ang em em a bum awlsam chu ka ni tawh bik lovang.
"I nupui hual runluih na tur mai mai chuan ka in phal bik love" ka ti chang fak a. A buai hmel tulh tulh mai.
"Tu ka nupui hual maw?"a hrelo der peih lutuk chuan ka thin a ti rim hlur tawh. Kan thiante mitmei ven angaih vang in ka tawngring ngam bik silo.

"Maggie"
"Eng nga?"ati tuarh a, ka lo ip chawih mai.
"Ka nupui hual chu Maggie maw?"za lo deuh in a nui a "A lokal ami?"
"Aw. I nupui hual bulah chuan kal la min beisei tawh suh" tawng zawi viau mah ila ka tawngfiah viau thung.
"Ka nupui hual a nilo. Ka bialnu hlui anih kha"
"Min bum leh ila tum tho mi? Maggie nen intih thiamlohna inneih vang anih kha min duh der vel mai mai. Ka hmangaih che itih pawh kha dawt vek. Maggie chiah i hmangaih" ka ti hmarh hmarh a, ka hrechiang ve tawk chuan ka hria.

"Maggie hmangaih ni ila i hnen ah ka lokal lovang"
"Min bum tum tawh suh" a thinrim hmel chu ka hlau deuh reuh.
"Ka bum ngai lo che. Ka sawi loh chu engmah awih lo turin i intiam vek tawh. Maggie kha ka nupui hual anilo" sehchilh rap rap in a ti a, ka dar ah na tak in min hmer ngawt ngawt bawk a, ana chu ka hrechang tawh lo. Ka dar a a hmer na ai chuan ka rilru ana daih zawk.
"Ka bulah rawnkal in a sawi vek. Kha hmeichhe fel lutuk khan dawt a sawi lo ang"
"Bum hmang a nih kha" ati sap a, min hmerna a thlahdul deuh a.
"Min bum vang in kan inthen. A that nan tumah a bum hreh lo. Maggie hi hmangaih a, tan tlak pawh a nilo. Amah chiah a in hmangaih. Midang in tuar mahse a hlim chuan a duh tawk" ati a, ka nem leh deuh nghal mai chu mak ka ti mahse ka tilang dawn chuang lo. Amos hi rinna tlem chu ka la nei. Maggie thusawi pawh a finfiahna ka nei chuang lo.
"Ka bialnu ani thin a, ka ring thei em em a, mahse ani chuan ka hriat loh in bialpa alo nei reng a. Ka manchhuah hnu pawn ka neilo tiin a la tang tlat tho. Maggie hi rinna chhete mah ka nei tawh lo. Dawt bak a sawi ngailo" Maggie chu chhe tak in a sawi a, Maggie bulah engtinge min sawi ve ang? Hetianga chhia hian min sawi ve angem?

"Ka ring lo che" ka thusawi chu na a tih hmel kher mai. A thusawi chiah awih tur chuan ka intiam ngei a, chutianga awm pawh chu ka duh mahse a thusawi chiah ka lo awih chuan min lo bum reng ang tih ka hlau ve tho bawk a. Ka rilru hi a buai nuaih nuaih ani ber. Rin tur ka hrelo a, rinloh tur pawh ka hre chuang lo. Ka lu a hai muai muai thei hial in ka hria.
"Min rin loh chuan i thu. Mahse dawt ka sawi lo tih hreve tho ang che. Ka bum ngai miah lo che. Nangmah lo chu biak pawh ka neilo" a phone a phawrh a, ka kut a hmehbel chawt chawt pah in "Iduh leh kawl rawh" ati a. A phone min pek chu ka vuan a, kan hria ang chu. A phal phawt chuan ka kawl em em ang.

Midang eitur keng in an lokal a "Helama ei hi a pawi em?"
"Pawi lo e" ka lo ti vat a. Kan hmaah an hung a "Kan vil tha vaklo a" an ti a, an thil chhum chuan tui pawh a neilo. Thildang an tih san tih hriat reng.
"PT eiteuh rawh" kan ti vek. Kan eichak lo tlang aniang.
"Ei teuh dawn. Tuman eive lo mah ula a pawilo" a vannei ngawt mai. Eitur a hmuh ringawt pawn a hlim em em a, a rilru ana ve awm der silo a.
"Keichu ka ei ve dawn" Pt an Henry mit a nemsak leh a, nui vur vur chung in "A nuam" alo ti a. Henry an David hnar ah a kiu in a nghawk a, ani pawn mittui tling pam chung in "A nuam" alo ti ve tho. Tunah chuan an vai hian ka awt vek tawh. Rose leh Jennie te, an bialpa te nen a buaina nei ve miah lo te hi ka awt tawh.

Amos phone ka kawl chu vawikhat pawh ka en lo. Maggie in a rawn call sek a, Maggie haw viau anga in sawi si a phone number ala nei ringawt te chuan ka thin a tirim a, ka en peih lo. Min manchhuak vek rawh a tih naah ka ngai. Ka chhungril tawt lutuk pawh a reh theilo. Zan ah hian a nasa lehzual zawk in ka hria, ka thiante bula ka awm kha chuan ka hahdam deuh hlek a, ka buaina hi ka thiante pawh ka la hrilh lo. Ka tap nasa anga ka sawi leh thei chuang lo ang. An ngaih a that loh thu chu min hrilh vek a, ka inpeih hun min nghak turin ka hrilh a, an lo remti tlang bawk. Hetianga hrehawm hian vawikhat mah ka la awm ngailo. A hma a ka awmdan kha ka ngai ngawih ngawih. Vei nei miah loh a ka awm lai kha tunah chuan ka ngai ber.

Amos min rawn sawm hma in school ka kal a, kan in nghah khawmna thin ah pawh ka thleng hmasa ber. Ka kal hma tur thu ka thiante ka hrilh avangin anni pawh an rawnkal har lo. Jennie kut ah Amos phone ka dah a "Ilo pe dawn nia, ka lut hmasa ange" ka ti a. Lisa leh Rose ten min zui a, ka inpeih hun min nghak tur a ka tih miau vang in engmah min zawt lo. Ka ban leh lam leh lam ah min kai a, min vengtu tha tak te an ni. Tawng miah lo in kan kal ho a, kan rilru theuh kan kawm melh melh vek in ka ring. Class ah pawh ka sir ve ve ah thu tur in ka hmu a, a fal a Amos hmuh ka duh lo. Ka thiante chu min veng tur in ka duh.

"In bia ang" ka thiante ka vuan nghal vat a. Amos bulah hian ka awm duh lo hrim hrim.
"Ka duhlo. I phone pawh Jennie bulah ka dah kha. Ka be duh rih lo che"
"I hriat kha a diklo. Ka finfiah thei. Hun min pe la, a diklo tih ka finfiah ang" ka thiante pawh a zah zo tawh lo anih hi.
"Hun pe dawn che pawh ni ila ka in ngaihtuah fe phawt angai ang. Ka ngaichang rih phawt dawn che. Ka in bengdaih phawt loh chuan ka thei rih lo" ka ti ve tlat. Tuman an theih bik ka ring lo. Ka thu hriat khan tun thleng in min la thawng, ka ngaihtuah chian apiang in ka hah zual a, ka chapona alo chhuah ve chang phei chuan hrehawm ka ti lehzual thin.
"Ila hrechiang ngei ang" ati a, a thutna ah a thu hnawk a, ka enreng. Ka ngai bawk.

Lunch break anih chuan kan thian ho in tiffin kan ei a, mipa ho chu kan bulah an rawn ei ve lo.
"Amos te an insual" a sawi zawh veleh Henry a tlanchhuak lehnghal. Kan zui ve vat a, hlauhna hlir in ka khat. School a insual duh khawp a mawl anih ka lo ring ngai hauh lo. An insualna hmun lah a ual au. An lo zim tuau tuau a, Amos chu mi pahnih in an lo sual rawn a, a hmai a thisen kai vel chu ka en tha ngam lo. Ms leh David te pawh then tum a an buai laiin Pt leh Henry te chuan "Amos anuam ti char char rawh aw. Anuam kha a pawimawh" tiin an lo au a.
"PT lokal teh" Ms an ti mahse Henry nen inkuah in hmuhnawm ti tak in insual chu an en a, an ni anga mawl hi hetiang rual tawh ah hian ka la hrelo.

"Awmsan vek rawh u" kan principal aw kan hriat chuan an kiang dual a, insual lai pawh an chawl nghal. Amah zui tu Sir hnen ah "Hemite pahnih hi hruai rawh" ti chung in Amos sawisa tu te a kawk a, lei a Amos let reng chu a kaitho a, a fair lo ti a phun ri ka hre tan. Principal chuan duhsak bik a neiin an hria a, keipawn chutiang chiah chuan ka ngai. A duhsak bik hi Amos nilo phei sela chuan ka phun nasa ve viau in ka ring. Amos kuah reng chung in a hawikual a "In class theuh ah lut rawh u" a ti a. Tuman kan zawm lo ngam lo. Amos chu ka ngaihtuah ru kher mai. Ka awm hle hle theilo.


Amos's Pov

"Ana em?"
"Na ve e" tiin ka putea chu ka chhang a. Canteen ah thil ei turin ka kal ve a, engmah ka eichak loh vang in ka thiante ai hma in ka chhuak a. Section danga mi mipahnih in Jessi chungchang an lo sawi ri ka hria a, kan inhnial buai chho a, a tawp ah kan insual a. Jessi a itawm ti a an sawi khan ka thin a tirim a, nidang chu nise ka kalpel thei emai. Kan boruak tawn nen a inhmeh lo em a ni.

Clinic ah min luhpui a, Maggie alo chiai nasa. Henu hi ka hua.
"Henu hian hetah enge a tih?"
"Maggie lo buaipui rawh. In pahnih khan buaina siamlo ve ve ang che u" ka putea chuan min chhuahsan nghal daih.
"I hmui kha a kak anih dawn kha" a tihfaina tur hmanrua vel la in a che nghal zung zung a.
"Jessi bul ah eng thu nge ilo sawi?"a thil tih lai a chawl a, muang chang in ka thutna lamah a rawn in her a.
"Tunge Jessi?"
"I hrereng. An in ah kal in i pasal hual ka nih thu i hrilh ani law mi?" Hmusit deuh in ka nuih a, ka nuih zawng pawn ka hmui chu a na.
"Ka pasal tur ini miau sia lawm. Tunah min la haw rih mai mai anih hi. Kei aia duh inei lo tih ka hria"
"I duhthusam anih chu. Khawvelah hian nangmah chiah hmeichhia an awm lo mahse nang anga mi bum hreh lo hmeichhia chu tlem te chiah an awm" a kut hum ruh in a ding ngil awt a, a duhtawk in thinrim teh se. Min hua sela min bansan vang vang rawh se.

"Kha hmeichhia kha i hnaih apiang in a natna tur ka hrilh ve zel ang. Mi bum ka hreh chuang lo a, ani law mi?"anui hmel chu a rapthlak lek lek zawk.
"Ka hnaih theih miah loh in siam mah la ka nei dawn chuang lo che. Nang neih ai chuan nupui neihloh pawh ka duh zawk. Ka duhloh na che a rei lutuk tawh. I ngaihtuahna mawl lutuk kha a tak amaw ti zel suh" ka ti duah a, Jessi atih nat aia nasa hian na ve se ka ti. Jessi a tih nat vang hian ka haw lehzual.

"I hliam kha tifai phawt ila kan haw dawn nia"
"I rualin ka haw lo ang. Nangmah vanga ka bialnu rilru na ka hnem angai" a thaw kawk a, pangai taka lan luih a tum tih ka hria. Kum tam tak henu hi ka lo hre tawh. Mize hrang hrang pawh a nei, insum thei leh dawhthei tak a ni bawk. Ka duhna chhan ani thin. Tun ah chuan ani aia huat ka nei tawh lo. Ka mit bul a rawn hruk lai chuan ka mit ka chhing a, hnai deuh ah phei chuan ka en peih lo.

"Ti vat rawh" a hmanhmawh lo lui niin ka hria. A hrukna lai a hru nawn tlut tlut a, a thip zawk zawk bawk a. Ka hmui a hru leh a, a hma aiin a thip lehzual.
"Mahni mawi lohna i insiam mai mai. Nge i hmeltha lutuk a, intih hmelchhiat itum zawk?"a fiamthu chuan ka nuih a ti za thei tawh lo. Ahma chuan hetianga a tih hian uang deuh bawk in ka lo chhanglet thin. Kan nunhlui kha phawrh chhuah leh a tum tih ka hria. Sawivek mahse engmah khan min ti danglam thei tawh chuang lo ang. Ka hmui hre reng chung in a hmui leh ka hmui a insik tir a, min fawh thut vang in a tir chuan ka hamhaih a, ka meng kawk a,na tak in ka nemsan nghal. Mahse ka tlai hret aniang, kawngka lam hawi a thu ka nih avang in tuemaw phe vuai kha ka hmu hman. Tupawh nise report a awm hma in thil thleng palh anih thu ka hrilh ang. Ka tlanchhuak ve nghal a, ka umzui a, ka umphak veleh a ban ah ka vuan a.
"Jessi"


Cont

---

FIRST LOVE-19


Jessica's Pov

"Min thlah rawh" ka ti tuarh a, ka au ri hi midang in hre mahse pawi ka tilo. Ka ngaihtuah lutuk vang in a ruk in a awm naah ka kal hram hram a, min bum reng ani tih ka hriatchian phah. A hma a ka thil hriat ai pawh in ka mit ngei a ka hmuh hian a na daih zawk.
"I hmuh ang kha a ni lo" ala ti hram a, ka lo nui hak a, chiang deuh a ka hmuh hnu ah pawh zep ala tum tang tang tho.
"Ka hmuh vek kha. Min bum thei tawh chuang lovang. Kal la i nupui hual bulah khan va awm leh rawh" ka kut laksan ka tum a, ka tum nasat poh leh a vuan nghet nasa lehzual zel ni maiin ka hria.
"Min ti na ania" ka tih chuan a thlahdul deuh a, ka la san zui nghal a. Ka banrek hmeh kual pah in "A tawk tawh. Kan inthen tawh tih i hre dawn nia. Ka then che. In then ang. Bum reng nih ka duh tawh lo" ka kalsan dawn pawn min dang tawh lo. A hmeichhe duh ber a hnen ah a let tawh a, hlim deuh in awmdun tawh rawh se.

Class kawt ah ka thianten min lo nghak a, mi awm loh lai ber tur anih vang in "Toilet ah kal ila engkim ka hrilh ang che u" tih leh kal ka rual a, an pathum in min zui a. Maggie thil sawi zawng zawng ka hrilh vek a, mak an ti ani tih ka hria mahse "A bialnu hlui alawm" mipa aw kan hriat chuan alo chhuahna lam ah kan hawi phawk hru a, Ms alo awm ve reng.

"A bialnu hlui anih kha. Maggie khan an in ngaihzawn lai reng in midang a neihsan a, Amos an a duh tawh hleinem"
"I thianpa anih vang in i tan anih kha" ka ti a, ka mittui ka hru a, a tlak belh zel tho. Ka thianten min kuah lo phei sela chuan keimaha ka din theih pawh ka hrelo. Ka khup hi a zawi vek in ka hria.
"Ka tan lo. Thudik ka hrilh che anih chu. Maggie kha ring suh. Hmeichhia chu nilo se ka sawisa hrep tawh ang" ala tan tlat vang in Ms pawh ka ngei vek tawh. Ka man chian tehlul nen.
"An inkar ah engmah a awm tawh lo. Maggie chuan ala duh maithei mahse Amos chuan a duh tawh lo"
"Duh lo se an in fawp lai ka hmu nang"a reh thap hnu ah Ms-an "K-kiss maw?" ati bah nawk mai.
"Ni e. Ka hmu chiang lutuk" ka tap lehnghal ani deuh mai. Ka thianten min kuah a, Ms pawn sawitur a hre tawh lo. Kha thil kha ka mitthla ah a lang nawn tlut tlut a, ka thlan nasat vang in ka hnawng chap tawh. Rose-in ka sam min tawn that sak a, bell a rik vang in tawm bo reng theih ani tawh lo. Theih chu nise haw daih ka duh. School nuam tihna pawh ka nei tawh lo. Engkim hi ka hmu hlui vek tawh.

Kan thut fel hnu ah pawh Ms chu kawngka bulah ala ding a, ngaihtuah hmel deuh in min en leh reng thin. A in thiamlo pawh a ni maithei. Anih loh pawn Amos an Maggie nen in zawm na an la nei tih a hrilh bik lo aniang. Amos lo luh veleh Ms an a hmai ah alo hnek a, class room a ri huk a, mahse a khawih zui lem lo. An thiante an in rawlh vat a, a then in Amos an buaipui a, Pt-an Ms a hruai hrang a, "Tenawm lutuk" Ms chuan a ti leh kher a. Ka thlavang a hauh vang in ka lawm a, mahse keimah vanga a thianpa kut a thlak erawh nuam ka ti lo.

Amos's Pov

School banah kan thianho chiah in class ah kan la awm a, Jessi chuan a chhuah dawn pawh in min en lo. A thiante a in hliah tir a, ka lo chelh hlau deuh chungin min kalsan a.
"Ms ngatinge Amos kut i thlak ve ringawt a. A insual pui te kha i cousin te an lo ni ru hial lo maw? Thiante thinrim a kut thlak chu ka ngaihdan ani miah lo" Henry-an a ti hmarh hmarh a, a thutak ve tum ani maithei a thinrim hmel khawp mai.
"Amah kha zawt ula. Clinic ah khan enge a tih zawt ta che u. Bum nat zia hre tawh tu in a midang han bum ve chu enge in ngaihdan ni ve a?"a thusawi chu keimah chiah in ka hrechiang a, midang an ngawih reng takah chuan mak an ti tih ka hrethiam. Keichuan tumah ka en lo.
"Enge bum na vel chu awmzia? Jessi a bum tihna mi?" David-an a ti a.
"Zawt rawh u. A awmdan chu amah khan a hrechiang ber" ka hrechiang a, ka duhvang anilo tih nen. Sawimah ila Jessi ang bawk in tuman an awih leh chuang lo ang.

"Amos enge thleng a?" Henry-an ka dar ah arawn vuan a, ka lu ka thing ringawt. In sawifiah awmzia a awm dawn in ka hre lo.
"Henry clinic ah Maggie a awm tih i hria em?"
"A awm maw? Ngatinge? Ani chu hospital ah--"
"A bialpa arawn umzui anih hmel" Ms thusawi duh dan chu ka ngaina lo. Ka thian ania, min rin na tlem tal chu a neih ve ka beisei.
"Amos hmeichhe pawisawilo rilru tihnat ai chuan neilo ngam rawh. Maggie ila kalsan theilo anih chuan ngatinge Jessi i umzui reng? Jessi a nat hian nuam iti mi?" Ms bawk a ni. Jessi thlavang a hauh a, bum tu ah min ngai a, min haw mahse ka dem chuang lo. Min rin na tlem tal chu nei se ka ti.
"Clinic ah Amos-an Maggie ava ei anih chu" Pt-an ati a.
"Ka kal dawn. Siamtha ang che Amos. Ka ring che. Ka thian inih kha" Ms chuan a kal pah in chakna min pek tum ni awm tak in ka dar a hmer a. A chhuah veleh "Amos enge awmzia? Eng thil chiah nge itih?" David pawh a tawngkam a nem vak tawh biklo. Jessi ka kawp dawn pawh a a nat hlau a remti lo tu anih kha.

"Hint ka pek tawh cheu kha Amos an clinic ah Maggie a ei" Pt-an a ti nawn leh a "In hawi hu hu mai. Bialnu nei si hi in chut emai. Clinic ah chuk chuk an ti anih chu" atih zawm leh a. Henry an min kuahna atangin a ban a la san nghal. Ka rin ang chiah.

"In ngaih ang kha a nilo" ka ti a. David an min chhuahsan veleh a.
"Ka riltam ka kal dawn. Canteen ah an hralh bang ka zuk ei lawk. In haw dawn ah min rawn hrilh dawnnia" Pt-an ati a. Henry nen chiah class ah kan awm tawh.

"Mahni a tawrh kha a hrehawm loh mi?" Henry chu phawk deuh in ka en a, min en ve reng chung in a nui a, nidang a a nui ka hmuh aiin a hahdamthlak zawk.
"Amos iduh vang ani em? I duh vanga thleng ani em?"
"Ni lo. Ka inring hman lo"
"Maggie hi hlat rawh. A hlauhawmzia keini aia hrechiang an awm lo. I chhungte hian an hmu thiam lo mai mai anih hi. I chhungte bulah chuan Angel ang mai alawm anih" a ti a. A mawza kar atang in a phone pai ruk a phawrh a "Thla kan la dawn mi? I rilru na hmel hi kawl reng ka duh a" ka nui suk a, a dar ah ka ban ka dah a, ka thu awn pah a "Min nel lutuk suh keipawn ka ring lo ve maithei che nia. Maggie hi tlanchhiatsan ngei ngei ang che. Anih loh chuan a thang ah i awk reng mai ang" keiin ka tlanchhiatsan a, ka bialnu alo umzui leh thung a, a daihzai emai.
"Haw phawt ang. A fel veleh mai ang. Jessi tih lungawi tum la, i chhungte bulah pawh Maggie i duhloh thu chiang deuh in sawi rawh"
"Ka sawivek tawh"
"Tihdan kan zawng zel dawnnia. Ka pui ang che. Maggie pawh ka lo bia ang" kan chhuak a, kan in lam ve ve pan in kan kal a. Tunlai chu inchhung pawh ka ning.

"Ilo haw maw?" Maggie alo awm leh reng tawh "Chaw alo ei dawn a" ka nu in atih veleh "Chaw ka nghei dawn" ka ti a, room ah ka kal daih a. Min umzui tu an awm. Ka hawilet chuang lo.
"Lalrinfel" kawngkhar ri bur in a zui nghal.
"Maggie bulah mawilo deuha awm lo tura ka hrilh ngun tawh che kha" ka necktie ka pawt thlawk a, ka kamis nghawng kilhna ka phelh a. Ka u hi chuan kei ai pawh in Maggie a hmangaih zawk in ka hria. Khum ah ka thu hnawk a "Sawitur inei lo mi?"
"Chhuak rawh, chubak sawitur ka nei lo" kan in en reng a, a thinrim chu a thaw hlawp hlawp in ka hria.
"I bialnu laktlakloh tak kha then ang che"
"In lak tlak loh daih zawk. In duhzawng chauh nei turin ka piang lo. Keiman duhthlan theihna ka nei ve. Maggie hi ka nei dawn chuang lo nupui nei rual pawh ka la nilo"
"Nupui nei rual inih hunah ila nei ngei ang"
"Iduh leh nangman nei la" a phone bawk in min vawm leh. Thinchhe lutuk, a chaklo ngawt ang. A phone chu bang ah na takin ka vawm a, a ri pawh a ring tha, a keh vek bawk.
"Lalrinfel eng thil nge itih?"
"Ka u i tih dan ka zir anih kha. Naute chuan ute an entawn thin ani law mi?"
"I thu thu in i awm dawn lo tih hria ang che. Kan duh chiah inei ang" a chhuak nghal daih. Ka nei awm lo emai. Ka duh chiah ka nei ang. Tunlai ah hetiang hi an uar tawh lo. Hmanlai zia anih hi.

Jessica's Pov

Zan tir atangin ruah a sur reng a, Amos ka ngaih lehzual phah. Maggie nen a an awmdan kha ka la ngaihtuah reng a, ka rit lutuk reng hi a ninawm. Chaw pawh ka ei leh thei chuang lo. A hma a ei ka duh theih tehreng nen ka pa pawh a mangang a, ka nu in engmah a hrilh duh lem lo a. Ka pa chuan engmah a hre ve lo.

Hma deuh ah ka mu a, vawt ka tih vang in ka khur der der reng a, Amos ka ngaihtuah apiang in ka tah a chhuak thin. Tunah hian Maggie nen an awm dun angem? Awmdun turin ka duh lo. Amos chuan keimah chiah min hmangaih se ka ti, keimah chiah min ngaihsak sela mahse chutiang chu ani chuang lo. Kei aia hmangaih leh ngaihsak a nei reng. A hmangaih hmasa ber chu a theihnghilh thei miah lo ang.

Min rawn call a mahse ka la duhlo a. Ka switch off daih. Ka lu a nat vang in damdawi ka ei a, mumal deuhin ka mu lo thin a, ka chau ve aniang, ka mut a chhuak hma. Ka lawm zawk. Muhil ila reilote tal pawh engkim theihnghilh rih ka duh.

Khawpui riin min ti harh a, sana ka en duh vang in ka phone ka on a, message alo lut teuh mai. Hreh viau mah ila Amos-a min rawn thawn chu ka hawng hmasa ber a, diktak chuan ka la ngai pawimawh ber reng a ni.
"Pawn ah ka awm. Lo chhuak lawk teh, i room zawn ah" tih alo thawn na chu dar 7:30 ani tawh a, tun ah dar11 ani tawh bawk a. A awm tawh pawh ka ring lo mahse room light ka on hnu ah parda ka keu a, pawn light kan off ngailo. Ka pa in a phallo. Ka room lam lo hawi reng chunga Amos ding ka hmuh chuan parda ka ti phui nghal.

A awm tih min rawn hrilh atang khan ala kalsan lo tihna mi? Kapa in mut dawn ah a en ziah sia a hmu lo manle. Ka chhuak dawn chuang lo, a duh leh tlaivar in ding rawh se ka ti rilru a, ka mu lui a. Blanket in ka in lukhup a, mutthilh leh tum in ka mit a chhing a. Ka hlawhchham chiang kher mai. Ka khawngaih a, a damloh ka hlau ve tho bawk a, ka mutluih theih loh hnu ah ka tho a, nihliap ka lak hnu ah Amos bula kal turin ka chhuak ta nge nge a.

Cont



CHAPTER-20

Jessica's Pov

"Amos i mawl ami?"ka nihliap ka zawn a, ruah a tam em vang in awmzia a awm chuang lo. Ka kai a, inchhung ah ka luhpui ngam loh vang in kawt ah a eng lai ah ka dinpui a. Bathlar a awm kan nih vangin rual in min nan tawh lo mahse min la theh pha tho. Amos nen in hmachhawn in kan ding a, a thawmhnaw atangin tui a far tluk tluk a, a hmai pawh a dang var pap mai. A hmui pawh a sen tawh lo, vawt a tih vang in a duk vek a, tunah tak chuan hmuh anuam lem lo. Ka khawngaih lutuk a, en reng pawh harsa ka ti.
"Haw mai ta che. Damloh pawh i hlau lo mi?"min din hnaih a, ka hmai a a khawih chuan a kut vawh lutuk vang in ka phu zawk thei. A vawt chuan min hip veng veng mai.
"Min ring rawh" ati a, a aw pawh a ri chhuak chang chang chauh a ni.
"I hmuh ang kha ani lo. Ka inrin loh laia a rawn tih anih kha" ka rilru a buai leh tan tawh. Ka hriat leh ka hmuh hnuhnun apiang hi ring zel ta ila min bum kual reng mai dawn tihna ania. A ruk in min lo nuihzat viau hlawm ang tih pawh ka hlau. Hlauh ka ngah lutuk a, engkim hi ka hlau vek tawh. Tupawh hian min ti hlau vek tawh.

"Ka sawi zawng zawng kha a diktak vek anih kha. Ka bum ngai miah lo che" ka mittui tla min hruk sak a, ka chal ah a fawp a, ka dawh tawp. Ka chesan eih lo. Thil thleng zawng zawng ka ngaihtuah hian tah loh har ka ti thin.

"Maggie chu kei aiin a tha zawk vek alawm. I duh zawk a, i hmangaih zawk anih pawh in ka dem lo che. Keichu ka tap reng a, tah chiah ka thiam. Ka mittui te hi zo tawh se, tla thei tawh lo sela ka ti" ka duhthusam ang chu ani dawn lo aniang ka mittui a tlak belh zel a, ka tah a chhuak zel bawk a. Ka thunun theih pawh a nilo. Ni sela chuan Amos hmaah ka tap hauh lo ang.

"Nang ni la engtin nge i tih ang? Ka pasal hual anga inchhal in rawn hmu che sela ina ve tho angem? Mipa dang ka fawp lai min hmu ta la engtinge min tih ang?"a ngawi reng a, ka chunga a tih ang hi a chunga thleng turin a duh ve miah lo ang.
"Min chhan dan tur pawh i hriat miah loh kha. A ruk chuan mawl min ti viau lo maw? I sawi ang apiang ka awih zel khan nuam iti thin em? Min nuihzat ru thin em?" Maggie nen a min nuih ru thin tur anga ka ngaihtuah phei chuan ka zak ngawih ngawih.
"Nupui hual ka nei lo a, ka duh vang in hmeichhe dang ka fawp lo bawk"
"Ka ring ngam dawn che em ka hrelo. Ka rilru in ti buai vek. Nangmahni ka hriat hma a ka nun kha ka ngai ngawih ngawih tawh zawk tih i hria em? Hetiang thil ka chunga thleng tur hian enge tihsual ka neih" a dang chu ka sawi zawm thei tawh lo. Ka thaw te hi a hah vek in ka hria.

"I rilru ka tina a, min ngaidam rawh" ati sap a, vawt atih vang in a khur nasa tawh hle bawk.
"Hetianga kan awm angai hi pawi ka ti. A thleng thut vek a, ka lo hrilh lawk lo che a, inrin na hun pawh ka siam sak lo che a ka thiamloh anih kha. Keimah vanga i tah thin vang khan min ngaidam rawh" ka tah rin hlau in ka hmui hnuai lam ka seh ngawt ngawt a, thi mahse pawi ka tilo. Taksa na ai chuan rilru na hi a hrehawm zawk.
"Tuna min ngaidam theilo anih pawh in min ngaihdam tum rawh. Ka siam tha vek ang. Siamthat na hun tal min siam sak rawh" ati leh a, hun ka siam anga ka na telh telh ang tih ka hlauh vang in "Ka theilo ang" ka ti a. A hma aiin a hmel a ngui lehzual a, ka khawngaih loh luih angai, keima tan vek anih hi tiin ka infuih ru mawlh mawlh a.

"Kan inthen dawn lo. Ka then dawn lo che"
"Kan inthen tawh" ka ti hmak a, ka in lamlet loh nan a hmel ka en duh tawh lo. Ka hmuh chuan ka rilru ka thlak leh duh mai ang.
"Kan in kawp tirh atang khan min kalsan ka hlau tawh a. Ka bula awm reng turin ka duh che a, min kalsan ka hlauh vangin ka ngaihsak lehzual che a. Maggie khan khatianga arawn tih kha ka beisei biklo. A chungchang ka hrilh lo che kha ka thiamloh ani ngei a, mahse ka bialnu hlui chanchin chu ngaihthlak nuam itih ka rin loh vang pawh ani tel tho bawk" ngaihthlak nuam chu ka ti miah lo ang. Mahse tunah buaina lian zawk a thleng leh tho si. Tumah ka rin loh phah. Maggie leh Amos pawh, an pahnih hian rintur zawk ka hrelo.
"Min ring lo tih ka hria. Ms leh David te pawn min ring bik lo. Ka thiantha te pawn min rin theihloh chuan itan phei chuan rin ka harsa ang tih ka hria, mahse ka bum lo che tih i hriat ka duh"
"Ka ring lo che" ka ti leh a. Kalsan ka tum chu ka banrek a lo vuan in "Kal suh" ati sap a.

"Ka hmangaih che" a sawi hmasak ber tum a ka lungphu a ran ang chiah khan tunah pawh ala ni reng. He thu a sawi apiang hian chutiang chuan ka awm thin.
"Chan che ka duh lo. Tunah phei chuan ka mamawh lehzual che. Ka bulah awm la tuna ka chunga thil thleng mek hi ka tuarchhuak thei ang. Keimah chuan a har" a hma aiin min awm hnaih a, a ngawih vang vang hnu ah min kuah a, kuah let ve lo mah ila min mamawh ni a ka hriat vang in ka in kuah tir tho.
"Nang tal chu ka lam ah tang rawh. Min kalsan ve suh. Tunah chuan ka hmangaih te leh min hmangaih tu ten min hlat vek tawh" eng ber nge sawi a tum ka hrelo. Ms leh David a sawi anih chuan anni chuan an hlat reilo tawp ang.
"Maggie a awm alawm" ka ti ve ngat a. A hmangaih ber a ni miau alawm.
"Ka hmangaih ka tih zing ah khan Maggie a tel ve lo" min kuahna atang in ka in la hrang a.
"Ka lut dawn" ka ti a, ka in her a, a hma ang in min chelh tawh lo. Muangchang in kawngkhar lam ka pan a, min chelh leh ka beisei ru reng a, mahse engmah a tilo. Ka rilru buai lutuk hian rin tur ber ka hretawh lo a ni. School a a awmdan te enthlak reng phawg loh chuan thuthlukna ka siam thei lo. Inchhung ka luh hnu a kawngkhar ka khar leh dawn ah a din na lam ka en a, ka kalsan dawn a a din ang chiah in ala ding a. Ka rin leh theih na tur a a awm ngei ka beisei.

Ka thawmhnaw hun ka thlak hnu ah ka mu a, ka muhil chuang lo. Mut nuam ka tih theih tehreng nen, mutthilh pawh ka awlsam thin nen tunah chuan tum nasa viau mah ila ka muhil thei lo. Tunah chuan kan school ah Maggie a awm ve tawh lehnghal a, thuthlukna siam nghal mai ka harsat phah. Amos hun ka siamsak veleh khatiang thil kha hmu leh ta ila, tun ai hian ka tuar na zawk ngei ang, bum ka ni tih ka inhre chiang lehzual dawn a. An awmdan a ruka thlithlai phawt ka duh. Maggie nen a in pawh lo taka an awm zel chuan hun ka la siam sak ang chu pawh maithei chauh. Jennie leh David ang annih ve phei chuan min bum nawn leh thei tho bawk.

Ka let ka let a, thil hrang hrang ka ngaihtuah a, ka awm tawt lutuk avang chuan ka thaw leh halh thin. Tunah chuan engmah ni tawh lo ah ka in ngai. Engmah ka nei tawh lo. A hma kha chuan engkim nei ah ka in ngai thin. Bialpa hmeltha deuh leh min duat em em tu ka nei ve thin a, mahse lemchan vek a ni. Ka chheh vela thil engkim khan min tihlim thin a, tunah chuan engkim ka haw vek tawh. Ka thin an ti rim vek. Mal ngawih ngawih in ka in hria a, ka ruak huai a, ka khua a har a, amah kha ka ngai ber. Haw viau mah ila ka ngaih na a reh chuang lo. Ka thlavang a hauh hlur a, mipa dang in min en nasat ve deuh in a thin a rim a, midangin min neih daih a hlauh vang in min duat a, lemchan vek ani tih lo hria ila chuan awmdan ka lo thiam ve tur.

Ka taksa ah hian hliam na tak tuar zawk ila ka ti. A rei anga damdawi hmang in ka dam mai anga, tuna ka thil tawrh hi chu a dam theih ka ring lo a ni. Thinlung kehchhia tan damdawi a awm ve lo a, a na ti chawl rih thei pawh a awm ve tho. Ana a chawl ve lo a, angai ang pat in a na reng a. A damdawi hi awm ve sela chuan ka neih zawng zawng pawh in ka lei duh ang. Keimah anga na ve an awm pawh in ka pui zel ang. Anmahni leh an natna tawrh mek hrethiam tu ber ka nih ka ring.

Ka mutna atanga tho in tukverh bulah ka ding a, parda ka keu leh a. Ruah sur hian min ti na zual in ka hria. Ka khua ati har lehzual a. Nidangah chuan ruahsur hian ka mut a ti tui thin a, tunah chuan ka muttheih loh phah a, min ti hrehawm lehzual a. Amos hmuh tum in ka en reng a, kan din na kha ka room atang in a lang ve thei silo. Min chelh miah loh avang khan min kalsan hlen tawh tur ah ka ngai hmiah a. Thawveng hawk tur ka nih laiin ka na telh telh zawk. Min chelh tawh lo bawk a, ani pawh a haw tawh ngei ang.

Ka din nin tawh hnu ah pawh ka khum bak chu pan tur ka nei chuang lo. Min ngaihtuah a min thlamuan a min hnem turin ka bialpa pawh a awm tawh lo. Tukverh bula din reng pawh ka ning. Engpawh hi ka ning zung zung mai ni. Tunah chuan ani chuan midang a duat daih tawh ang. Keimah ang chiah a a duat ve phei chuan hmeichhia chu a in ngaihlu anga nuam ati ve ngawt ang.

Ka phone riin min ti harh a, khua alo var reng tawh. Reilote chu ka lo muhil veleh anih dawn kha. Mutthilh hlen daih te ka chak ve rum rum mai. Min call tu chu Amos leh tho anih ka rin vang in ka phone chu ka en duh chuang lo. A ngai bawk a sawi leh tho anga, sawifel tur engmah a awm chuang lo amah in lo ri vel mai mai rawh se.

"Hey i phone en nachang i hreve lo mi?"ka nau in min rawn vin ve ringawt vang chuan ka lo thinrim leh nghal a, hrehawm tih tawh nak lai a min vin ve ringawt chu nidang aiin ka ngaithei lo lehzual.
"Ka phone ania ka thu thu. Chhuak rawh in hnial ka peih lo" ka ban ah vuan in na deuh in min pawt tho a, hetiang hian min la ti ngai lo.
"Mawl viau suh"
"I mawl fe zawk" ka ti a, mut leh ka tum laiin "U Amos accident" ati a.

Cont

---

FIRST LOVE-21


Jessica's Pov

"Khatiang thu malsawm lo lutuk kha sawi suh" mut leh ka tum chu ka banah bawk arawn pawt leh a, ka ban vuan reng chung in ka bulah a thu a "A banruh leh a nakruh a tliak a,a lu pawh a sawh tel tho ani awm e. Biak che an tumna a rei tawh a,i biak theih siloh a. Midang pawh hospital ah an awm vek" ka kalsan laia a awmdan kha ka ngaihtuah a,ka mittui a luang ngiai ngiai a,lo kalsan miah lo ila tha tur.
"Amos a accident maw?" ka ti leh kher a. Ka tan chuan awih a har ve bawk em a ni. Heta tanga a haw lam kha ani ngei ang.
"Insiam rawh hospital ah ka hruai ang che" ka chetsan mai loh vang in amah zawk a tho a, khum ah thawmhnaw a rawn vawm teuh a "Eng ber nge i hak duh ka hrelo. U Amos ihmuh vat duh chuan insiam vat vat rawh"
"Amos chungchang isawi ami? Kha pa kha i u in a hmuh ka remti hleinem, ngatinge i tah?" ka nu chuan a tih zawm zat a, min rawn kuah chuan ahma ai mah in ka tap nasa zawk. Ka nu chu nghet deuh in ka kuah let a, Amos ka hmu ngam lo. Ka nau pawh in ka hnung lam atangin min kuah ve bawk a "U Amos chu a accident"
"Enga? Ana viau em? Ngatinge in la awm mai mai. Kal ta che u" ka nu in ka kawr a hlip a, ka zawi vek a, min khawih ang ang in ka awm tawp.
"Na ve angreng an ti.Tukin zing dar1 vel khan ania. Ama thiamloh an ti. Hliam a nei nual. Keipawh nachin khan u Jennie in min rawn hrilh a ka hre chiah. Kha hemi kawr hi haktir mai rawh" ka nau chuan a ti a. Engmah pawh ka sawi ve theilo. Kekawr chu keimah in ka ha a, ka thlan pawh a ni chuang lo. Ka nau in ka pheikhawk min bun tir lai chuan ka phone ka en a. Amos-an min rawn call a tum nasa tih ka hmu. A accident hma lawk pawn min rawn call a tum a, lo hria ila tha deuh in lo chhang ila chuan hetiang thil hi a thleng lo maithei. Miin a accident chhan kha ama thiamloh ti mahse kei chuan keima thiamloh ah ka ngai. Ka ngaihdam na thu pawh ka hrilh thei silo a.

Ka nau in room atang in min kuah chhuak a "Pa min thlah mai rawh. Hospital ah"

"Ngatinge? Jessi i damlo ami? Iva zawi ve" ka pa in atih chuan ka lu ka thing a "Amos a accident" zawi te in ka ti sap a. Ka pa chuan chahbi a zawng nghal ruai mai. Amos chu ka tan a pawimawh ani tih a hrethiam ve tho ani ngei ang.

"Johan a ngaihtuahawm viau chuan min rawn hrilh ang che" kan kal dawn ah ka nu in a ti a,ka nau in engtinge alo chhan pawh ka hre tawh lo. In thiamlohna in ka khat a, Amos bak ka rilru ah a awm thei lo. A accident hlim ah na tuar in a mangang viau angem tih te ka ngaihtuah a, na a tawrh laia a bula ka awm lo chuan hrehawm min tih tir lehzual a. Thi phei sela chuan ka damchhung in ka inthiam thei tawh lo ang.

Hospital kan thleng a, mi an vei suau suau a, ka nau chuan cabin lam ah min kalpui a, ka tluk mai hlau in min kuah tlat a. Room pakhat kawt a kan thiante lo ding thap ka hmuh chuan Amos ka hnaih viau tawh tih ka hria. Ka ding chawt a, leh leh tum a ka in her laiin Rose in min rawn kuah a.
"Natna a tawrh lai pawh tlanchhiatsan itum tho a mi? Jessi nunrawng tak inih ngai loh kha. I huatna dahtha in inti huaisen la, Amos chu va hmu rawh. Reilote a harh zawk bak chu ala harh leh lo hrim hrim ania" ka thin a phu dup dup a, Rose rinchhan in muangchang in ka pen ve a. Ka ban lehlam ah Jennie leh Lisa ten min lo vuan ve bawk. Min thawng lutuk hi awmdan ka thiam lo ni ber in ka hria.

A chhung ah kan lut a, Amos ka hmuh veleh ka mit ka chhing nghal. Amos pawh a ang lo. A hmai duk nasa lutuk te chu ka en rei ngam lo. A hliam pawh a nat dawn tehlul nen a taksa ah hriau an vih belh lehnghal. A lu an tuam a, ICU a dah a ngai lo chu ka lawm kher mai. Dah daih sela chuan amah a a awm angai dawn a, a mal dawn emai.
"Jessi em ni inih? Amos-a nu u ka nia. Lokal rawh" aw nelawm tak ka hriat vang in ka meng a, nui sen sen chung in min lo en a, Form var a hak vang in doctor anih ka ring.
"Lily hei hi ani law mi Jessi chu?" Lily atih nu chuan "Anih kha" arawn ti hmuk a, Amos-a nutei kha ani tih ka hria. Amos-a nu, a phirpui tap nasa tawh tak tih hriat taka bui lak chu a kuah a, min melh no hran lo.
"Jenet ka nia. I duh duh in min ko rawh. Lokal rawh Amos bulah rawn awm rawh" ati a, Lily ang lo takin a tawngkam pawh a nem. Min kuah a, Amos bulah min kalpui a "Bawiha, Jessi alo thleng ania aw" ati sap a. Amos hmai duk nasa tak chu a chul a.
"Chhuah tir tawh rawh J"
"Lily iduh chuan nangmah kha i chhuak thei ang. Bawiha pawh a harh leh vat dawn a,a hliam a nasa si. A hriat laia boruak tha lo siam ka remti hauh lo" Jenet chuan a ti a. Khum bula chair awm ah min thut tir a, ka bulah arawn thu ve a,ka dar a min kuah a, a lu in ka lu a rawn sik tir a.
"A accident tih ka hriat khan min thawng lutuk a. I hming leh ka hming a lam chhawk sek a ni awm e. Ka thiannu lo duty lai anih vang in min rawn call a, casualty ka thlen chuan khum pakhat ah alo let reng a, nurse leh doctor ten an lo buaipui a. Ka lainat lutuk vang in tap chung in ka enkawl a, ana tuar hmel kha hmuh a har lutuk a, i rawn hmu lo kha ka lawm zawk. Nikhaw hrelo a a awm thut phei chuan kan chan emaw ka ti hman a, mahse a chhel em a, bakah in in kar a that hma chuan a kalsan duh miah lo ang che" ati dap dap a, nuam lo ka ti telh telh a. Kan inkar buaina zawng zawng chu lo hrilh vek mahse pawi ka tilo. Hetianga a awm chhan hi keimah vang ah ka ngai tlat a, Jenet pawh fel viau mahse ka zah tlat phah. Ka ngaidam theilo tih hre ta se Jenet pawh hian min huat ve tho ka ring. Pawn khawvawt ah ka hnutchhiah tih hre ta se anni hian min ngaidam hauh lo ang.

Khum tlem awl awm ah ka bawk a, ka mittui a tla zung zung a, Jenet chuan ka hnung ah a rawn chul a. Lo ngaidam ila, a thusawi kha lo awihsak ila chuan hlim deuh in a haw anga, hetiang hi a thleng kher lo ang. A hmangaih leh amah hmangaih tu ten an hlat vek ni a a hriat vang in a rilru a buai anga, a bike khalh ah khan a rilru a pe thei lo ani ngei ang.

"Amos. Nute ngatinge engmah min hrilh loh? Ka phone a tlang loh pawn ka chhungte phone atang tal in" Maggie aw ka hriat chuan ka thu ngil awt a. Kan thut lohna lam zawk ah kal in Amos chu a kuah a, a tap hlawp hlawp a, ka hriat tirh khan hetiang hian ka tap ve lo. Ka hamhaih lutuk khan tah nachang pawh ka hreve lo.
"A thi em pawh anilo a Maggie, amah kuah in khatiang khan tap suh. Mitthi tah te pawh i ang alawm" Jenet in alo ti a. Keipawh in dik ka ti. Amos chu mitthi tur ang maia cheibawl ka phallo. Maggie chuan a hmai a chul a, hmuh hrehawm viau mahse ka en reng tho.
"Maggie zan in ah nangmah nen kan riahpui dawn nia" Nute Lily in atih laiin Jenet chuan "Bawiha i harh a mi? Lyle i fapa a harh ania. A ti thei ang ka tih reng kha" Jenet chu mittui tla reng chung in a nui ver ver a, Amos hnaih takah a awm a,a hmel ka hmuthei tawh lo. Lily leh Lyle te an rawnkal vang in ka inthlahrung chu ka thu hniam lehzual bawk si "Jessi" midang tawng nawk nawk kar a ka hming a lam ri chu zawi viau mahse ka hrechiang hle thung. A puansin lai hmawr lam ka tham ngawt ngawt a, amah kuah lo turin ka in sum tang tang a "Jessi alokal alawm.Lokal rawh Jessi. I hming a lam ngun emai rawn in lan ve tawh rawh" Jenet chuan min rawn pawt a, ka dinchhuah rual a a hmel ka hmuh chuan tah duhlo viau mahse in sum a har ka ti. A mitmeng ala â vek a, ka hming a lam nawn mawlh mawlh a, a aw pawh a ri chhuak tha thei tawh lo.
"Awmsan ru. Hnaih tawh rih suh u. Bawiha tan a tha lo. A harh tawh tih in hre tho" midang lungawilo phun ri chu hrelo der in ka huaisenna zawng zawng sawmkhawm in Amos kut ah ka vuan a, ka kut pawh a khur nasa. Mitmeng fiah lo ruaiin min enreng a, chakna min pek tum ni awm tak in Jenet chuan ka dar ah a vuan a "Jacob a harh tawh mi?" Mipa pakhat doctor form ha tho rawn lut ka hmuh chuan a kut ka thlahsak a "Harh e. A tuarchhel khawp mai. Mahse hnaih vak rihloh atha zawk. Duty rawh. Hei Jessi anih hi" Jenet chuan alo ti zung zung a. Doctor pa chuan nuih vur vur pah in "Ani maw? Ka nau hian i hming a lam ngun. Awmpui tlat rawh aw Jessi,a mamawh ber che in ka hria" atih hnu ah Amos hnaih deuh a kun in a lu ah dim hmel deuh a dawm pah in "Jessi a lokal bik sia nuam iti awm. A awmpui char char dawn che nia. Keipawh ka duty zawh veleh ka lokal leh ang. Moss-a tun ai hian lo harh tawh rawh aw" a ti a, tumah min en tawh lo in a kun tlat chung in a chhuak vut a.
"Amos-a ngainat ber ka fapa anih kha" Jenet chuan alo ti vat a.
"Ka unaute hian Bawiha chanchin an hriat atang in engmah an la eilo a. Ka eipui anga, Amos hi lo awmpui rawh aw" atih chuan ka lu ka bu nghat a.
"Kal ang u. Jessi a awm chuan ngaihtuah suh u. Maggie nangpawh lokal ve rawh" ati zung zung a.
"Jessi ka fapa kha lo ngaihven tha rawh aw. Ka ring tawk che a nia" Amos-a nu in atih chuan ka lo en hau ringawt.

Amos a kut ka vawnsak leh a, a vun chu nasa lutuk lo mahse a pilh nen nuan a,min en reng a,keipawn amah en reng chung a a kut la kang in ka fawp a, ka ngaih bel nge a nui hmel ka hmu tel tlat in ka hria mahse a rei lo viau thung.
"Amos min ngaidam rawh" ka tih chuan engemaw sawi tum in a ang zuau a,a sawi thei lo nge a chip leh hmuk a. Ka ding a,a hmai zawn ah kun hniam in a biang leh ka biang ka sik tir a, a kut ka vawn reng vang in a kut ka ti che zeuh chu ka hrethei. Ka awmsan meuh chuan a mit alo chhing leh tawh a,a harh leh chuan a dam vek tawh ngei ang. An damdawi pek in ala hneh deuh pawh ani maithei. Ala harh tha theilo emai.

Kan thiante an rawn lut a, Amos khum an din hual a. Tupawh mai chuan hrehawm an tih hmel em em vek a, a bik in David hmuh a nuam lo khawp mai.
"In hmel kha hmuh anuam lo. Jenet khan a tha atih kha. Hlim hmel pu rawh u" ti mah ila keipawh an hma ah chuan ka nui lui mai mai zawk a ni. Pt-a ring angreng taka a tap thut chuan min tiphu vek niin ka hria. Nui hak mah ila Pt-a hnem tum chuan an kuah liam liam a, ani lah a lung a chhe telh telh amaw tih mai tur a ni.
"A vannei khawp mai. A bike en chuan damchhuak lo tura ngaih ani. I hmu duh em?" Henry an atih chuan ka lu ka thing a. A tawrh nasat zia ka hmu thiam anga hrehawm ka ti lehzual mai mai ang.
"Min ngaidam dawn nia Amos" David pawn a ti veleh a, Amos chung ah eng thil nge a tih ka hrelo mahse keimah ang tho in Amos a ring lo ve anih ka ring.
"A harh hunah ngaihdam chu kan dil dawn nia" an ti a, amah hnaih loh a that hrih vang in pawn a lo nghak tur in an chhuak leh a.

Midang chhuah hnu ah pawh keichu Amos bulah ka la awm reng a,a hmai duk lai te chu ka en vang vang a, ka lainat takzet a ni. Ka inthiamlohna hi a reh theilo bawk a, Amos an min ngaihdam na thu a sawi hun ah pawh a reh ka ring chuang lo. A biang ah dim tak in ka fawp a, an damdawi hman rim nam vung vung pawh ka hrethei harh chiang se la chuan a ngaithei lo viau in ka ring. Rawn pen lut ri ka hriat chuan ka lo en vat a,ka hmelhriat loh anih vang a ka zam lutuk chuan Amos kut ka vuan nghet sauh a,a hmel chu a hriam hraih a,a ngainatawm lem loh.
"Jessica ini em?"
"Aw n e" Amos ka vawn na kut chu na tak a min phih thlak sak pah in "Rosy ka ni. Amos-a u. Hetah hian kan lo lawm lem lo che. Ka nute in a rukin i rawnkal tih min hrilh a, hnawtchhuak tur che in ka lokal vang vang anih hi" atih chuan ka ip chawih chawih a, anau pawh a ngaihtuah ve lo mawnle. Amos hi ka khawngaih zawk ngawt mai. A damloh lai pawn a u chuan min huat vang in a kut a phih sak lawp duh ania.
"Nupui hual anei tih hrilh nawn fo i ngai hi a zialo khawp mai. Maggie tang in i hriat vek tawh kha" ati leh a. Amos ka en zawk a, a harh lo chu ka lawm kher mai. Damloh nasat laia hetiang a lo hriat ve hi ka duh lo.
"Tunah min chhuahsan la. Rawnkal leh tawh suh" ati chang fak a.


Cont

---

FIRST LOVE-22

"Rosy" Jenet aw ka hriat chuan ka thlamuang huai mai. A u in min hua tih hi Amos hian a hria ani ngei ang an in a kal ka sawi pawh a a phal ngai miah loh.
"Inau na tuar a a mut reng pawh in a bialnu hnar haw ila tum cheu maw? Nangmah kha haw la rawnkal tawh lo zawk rawh" Rosy chu a dinna ngai ah che lo in a ding reng a, chutiang chiah chuan keipawh ka awm tho. Keimah vanga an inhau ni a ka hriat vanga nuam lo ka tih vang in "Ka haw ang a ka lokal leh zawk ang" ka ti sap a.
"I haw kher angai lo. Amah zawk hi haw rawh se. Hetianga in pawh then tum hian hlawkna engmah engmah a neilo" Jenet chuan ti leh mahse nuam ka ti tawh chuang lo.
"Ka haw phawt ang. Amah ka hmu tawh a,bakah ka awmrei tawh hrim hrim" ka ti tlat a. Rosy awm lai chuan ka awm ve duh tawh lo.
"I phone number min pe la, i hming a lam hunah ka lo bia ang che" atih chuan ka phone number ka pe a, diktak chuan Amos ka kalsan hreh ngawih ngawih, a harh veleh a a hmuh tur a lo awm ka duh. A u in min hnar haw lo sela chuan zan ah pawh nise ka awmpui char char ang. Ka kalsan tawh miah lo ang. Ka chhuah dawn ah Amos ka en leh vang vang a, chu chu Jenet in a hmuh in "Iduh chuan la awmpui rawh Jessi" ati leh a,ka lu ka thing a, ka rilru a Amos ngaihdam dil ru mawlh mawlh chung in ka chhuahsan a. Amos an min haw mahse ka dem tawh lo. Min mamawh lai pawh in a bulah ka awm reng thei tawh silo a.

Ka chhuah veleh ka thian ten min lo bawr laih laih a, thildang sawi lo in ka haw tur thu ka hrilh tlang a.
"Ila haw san thei cheu maw? Haw rawh ti tlat mah ila i duh ka lo ring lo zawk a sin" Nun in thinrim tak chung in a ti a, Rosy min tihdan a hriat loh vang ani a, ka dem hran lo. Hria sela chuan ka thlavang a hauh zawk tho in ka ring.
"Nakin ah ka kal leh mai ang. Vawikhat arawn harh tawh a, arawn harh leh chuan chiang deuh a a harh tawh ka ring. Ka hmu tawh a, ka thla a muang" rapthlak tih hmel zet in min en a, ka ngaipawimawh lo lui tlat a, a thiante chu a haw ve lo anga keimah ang khan a ti ve kher lo ang. Ka kal lui zel a, ka thianten min zui tih ka hria. Sawitur ka hriat loh vang in an ni pawh ka be chuang lo.

"I haw tlang dawn ami?" an tih chuan ka lu ka bu nghat a.
"Kan lo thlah ang che" min kai a, min kaih kual na lam apiang ah ka kal a, ka zawi in ka chau ngawih ngawih a, mu ila ka muhil thei awm der silo. Amos hlir ka ngaihtuah a, tunah te hian alo harh thut angem tih te. Thildang ngaihtuah tum mah ila ka theilo. Ka thiante thusawi pawh ka rilru ah a lut ve theilo. Kan in thleng min thlah a, an lo lut ve in ka hria. Ka nu min lo biakna pawh ngaihsak lo in ka room ah ka lut tlang a, khum ah thu hnawk in ka en ngai ka en tlawk tlawk a. Amos khan ngatinge engmah min hrilh loh le? A u in min hua a ni tih te sawi se la, amah a engkim tihfel tum lo khan rilru hah na a neih pawn min hrilh ve tal tur ania, kei lah in a rilru ka lo tih hah belh zel lehnghal a.

"Mu hahdam rawh" Jennie in a tih chuan ka lu ka thing a, hospital a kal inpeih reng a ka awm angai a, Amos na tuar laia lo mut hahdam bik chu nuam ka ti lo.
"Kan intifai ange" ka ti a, ka ding chiah chu ka luhai vang in ka thu leh hnawk a, Lisa in min lo vuan vat a, ka hmaah Rose a rawn thingthi rawp a, min ngaihtuah hmel taka min en chung in "Itha em?" ati a.
"Ka tha. Ka ding thut a" tih pah in ka ding nawn leh a, hemi tum hi chuan Lisa in bathroom thleng in min hruai a.

An chhungten an koh haw hma zawng min awmpui a, an haw dawn ah chanchin in hrilh zel tur tih an sawi a, phone pawh ka khawih peih lo. Amos nen kan inbiak ngun vang hian ka khawih hi chuan ka khua a har tlat thin.

Ka phone ri chu ka en vat a, ka number hriat ngailoh a ni. Ka beng bula ka dah veleh "Jessi" tih ri ka hria a.
"Keimah Jenet ka nia. Amos a harh a, tuma awmpui a duhlo. In in awm na min hrilh la, rawn hruai pah che in i chhungte ka rawn hmu lawk ang" ati a. Hnial chi ni a ka hriat loh vang in kan in awmna chiang deuh in ka hrilh a. A rawnkal vat tur thu a sawi bawk.

Ka insiam a, Jenet lokal a tum avang in ka room atanga chhuak in midang ka zawm ve a. Mak min lo tih hmel khawp mai. Ka in khung bet rei ve tawh em a ni. Ngawi rengin an thil en lai ka en ve a, ka nau pawn min chhaih tawh bik lo. Ka nu bula thu ka nih vang in ka nu chuan ka sam a chul reng a, engmah sawilo mahse min thlamuan khawp mai.

Door bell a rik veleh ka nau in a hawng a, Jenet a rawn lut a. Kan in chu mak a ti maithei mahse ka zahpui lo. Kan chhungkua ah ka pa chiah hnathawk a awm a, diktak a pawisa la lut duh mi anih avangin mi ang in kan ropui ve lem lo mahse kan hlim thlamuang thin thung.

"Lo thu rawh. Enge i duh? Ka van hrengai lo che ve" ka nu in alo ti zung zung a, Jenet chu kan ep chiah ah thu in "Amos-a nu u ka nia. In chibai ang u" tih pahin a tho leh a, ka nu leh pa te chu a chibai a.
"Anih chu. Amos chu enge a an? Kan ngaihtuah lutuk a, atha zel maw?" ka nu in a tih chuan Jenet in "Aw, tun ah a harh tawh a. Jessi hi a lam reng a, zan in awmpui in phal angem ka rawn tia ka rawn dil che u" nelawm takin a ti a.
"Ka hrelo apa thu thu hi ani mai a" ka nu in atih chuan ka pa tawngchhuah hun kan nghak thap a.

"Damlohna thil ania, remtih lohna tur a awm lo. Mahsela hmeichhia ani sia, i awm ve reng hman dawn em?" tiin ka pa chuan Jenet a zawt a, Jenet chuan nui sang chung in "Awm dawn e. Ngaihtuah duh miah suh. Ka duty na hmun ani hrim hrim a. Ka lo thlithlai reng dawn nia" ati a.
"Pi doctor ami inih? Ka hmai ah hian tereuh te te bawl a awm a" ka nau in alo tih chuan ka nu in a khap vat a. Jenet-i chuan "Lokal hnai teh" tiin ka nau a hui a, ka nau pawh a phur khawp mai. Skin lam doctor anih leh nih loh ka hrelo a,ka hmuh chawp chiah anih avang in eng doctor nge anih ka hrelo.
"Naktuk ah i u lo haw hunah damdawi hnawih tur ka lo thawn dawn nia" atih chuan ka nau a vur vur a "Ka lawm e. U Amos pawh lo dam vat rawh se" ati a. Kan kal tur chu an vaiin min thlah a. Jenet lokal ve avangin ka pa pawh in min thlah ve. Kan kal dawn thleng in fimkhur tur in min la chah a. Ka nu aiin min ngaihtuah zawk mah thin.

"Jessi vawin thil thleng kha a pawi ka ti. Rosy chetdan avang khan thupha chawi ka duh a"
"A ho lutuk. A nau tan a tha tur a duh vang anih kha"
"Amos hi ka fapa ang tho ani a. A tan a tha tur chu keipawh in ka duh ber. Mi sual ini lo a, i that lohna engmah ka hrelo. Amos pawn a duh ber che a, a thatna tur kan duh anih chuan a hlim na tur kan ngaihtuah anga, a duh chu kan duhpui tur ah ka ngai a. Rosy hian a ngaihtuah thiam rih lo a ni. Ala hrethiam vat mai ang. In pahnih pawn rirlu hah nan hmang duh suh u" ati dam dap a. Ka hmuh tirh atang khan ka ngaina nghal reng a ni.

Amos awm na room a kan luh chuan a chhungte, Maggie pawh tiam in an la awm thap a. Ka luh ruala Amos hlim hmel kha ka hmuh hmaih lo. A ban alo dahkang vat a, zah pawh dawn lo in ka vawn sak a. Ka ti beidawng duh tawh lo. A mitmeng pawh a fiah ve tawh. Pathian hnen ah lawmthu ka sawi nghal mawlh mawlh a. Ka tana Amos hlut zia ka hrechiang lehzual bawk.

"In duh chuan hawsan mai rawh u" Jenet in atih chuan ka inthlahrung tha leh a, Amos ka vawn nghal vang in midang ka lo theihnghilh hman a ni. Ka bulah Jenet a ding a, ani pawn Amos ban ah arawn vuan ve a "Ka thiannu a duty dawn a, keichu duty room ah ka thiannu bulah ka awm ang" Maggie in a tih veleh Amos an "Nupui haw tir rawh" ati sap a. Nupui atih chu Jenet anih ka ring. Keipawn tiang chuan ka ko ve tawh ang.
"Tunah chuan Bawiha thu hi zawm hram ang u. Maggie haw mai rawh. I hah tawh hrim hrim dawn bawk a" ati a, a awki chu a nem lutuk hran lo. Anu leh a nute-i ten an rawn din hnaih a, kan awm lohna lam zawk ah kal in anu chu Amos lu zawn ah a kun hnai a "Jessi in a awmpui dawn che a. Mamawh ineih chuan min rawn hrilh vat dawn nia aw. Thil ei tum hram hram la, ipa pawh in zingah ka lokal leh ang a tih kha. Jessi thu ilo awih dawnnia" ati dam dap a. A nutei pawn "Naktuk ah kan lokal leh ang. I rilru tihah tawh lo la. Rosy pawh ka lo be dawnnia" ati a, keimah en in tawi te in a nui a, min haw hmel pawh a pu tawh lo. A inthlak thut ani ber.

An chhuak chu Jenet in a thlah a, kan pahnih chiaha kan awm hnu ah "Min ngaidam rawh" ka ti sap a. Ka tah a chhuak lehnghal a, ka inthiamlohna a nasa em a ni.
"Tap suh, lo thu hnai rawh" atih chuan a lu lamah ka thutna ka pawt hnai a, ka mittui min hruksak a, damlo zawk in min buaipui leh anih hi.
"Na inei em?" a ban ruh leh a nakruh a tliak a, ana dawn tih hre reng chungin zawhna atthlak deuh ka zawt tho.
"Ana lo. Mipa ka nih hi", ati a, damdawi in a hneh vanga a harhchian loh laia a awmdan nen chuan danglam tawh tak ani mahse a lawmawm lam in.
"I ban vel hi a damhar a ngem le?" ka thut lohna lam a ban chu an tuam var luk a, a nak chu ka la ensak lo.
"Dam har lo ang. Ka ke ani lo a, ka vannei"
"Fimkhur turin ka ti ziah thin che a, tun atang chuan thu awih tawh rawh"
"Min duat la thu ka awih ang" ka nui hak a, ner sung chung in "Enge nuihzathlak?"ati hmuk a.
"I len tawh nen duat ila duh a"
"Kum50 ai tam ka nih hunah pawhbi duat ka la duh" atih laiin nurse arawn lut a. Damdawi a rawn pe a, nachhawkna in arawn chiu leh bawk a, Amos alo phun vang in "Nachhawkna kan pek reng loh che chuan ina hi i tuar thei lo ang. Awmpui tu inei chhelo hle mai" tiin a uang zui a.
"Ka hria. I zawh tawh chuan ikal thei tawh lo mi?" ati hmuk a, a awmdan chu keipawn mak ka ti. Hetianga mi bula a atawng thin awm ka hre silo a. Nurse chhuah hnu ah "Maggie thiannu anih kha" ati sap a. Sawi vak tur ka hriat loh vang a ka lo buk nghat laiin "Min ngaidam tawh ami?" atih zawm leh chuan "Aw. Ka ring che" ka ti a.
"A tir khan min ring nghal mai la chuan heti hian ka awm miah lo ang"
"Ring lo che pawh ni ila fimkhur tho tur che lawm"
"A vawt anih kha. Min kuah duh mang silo. Ka kuah che pawh khan i ding tlat a" ati bui bui a.
"Ka kuah duh reng che"
"Anih tun ah min lo kuah" a nui vur vur a, dim te in ka kuah a, a nak a tih nat vang in kuah that ngam a nilo.

"Kan inbiak that loh chhung khan min ngai em? Kan mutthilh chhung khan min ngai em?"
"Tehreng mai. Ngai ve bawk E" nui chung in ka lo ti a.
"Keipawn ka ngai che. Ka thi dawn maw ka tia, hei ka thih tep tak tak hi" a tawng nasat vangin a nak a na deuh nge a ner sawk a "Ana mi?" ka lo ti vat a "Ring lo tih ka sawi ringawt pawn na ka nei nghal. Fiamthu pawn in rinloh lam chu sawi tawh lo ang. Fiamthu a ka ring lo che itih chuan ka thidang anga, itih tak tak chuan ka thi tak tak ang" na ti deuh chungin ala uang peih tho. Accident tawk hlim ani tih pawh a hriat loh. Ka bulah na ti ang in a awm duh lo mai mai niin ka hria.
"Muhil rawh"
"Aih ka la ngai che"
"I bulah ka awm reng dawn tho lawm"
"Mahse ka hmuthei dawn hleinem che" ala ti tlat a, a bula bawh pah in lukham ah ka lu ka dah a "Khatianga i awm pawh khan ka hmuthei lo che. Ka nghawng ka la tiche tha ngam lo"
"Mahse i tawng tam tawh. Ana lo mi?"
"Mipa ka nih hi"
"Anih chuan room chhungah hian tlankual tawh la"
"Min um dawn loh chuan ka duh lo" ka nui vak a,a hmel en turin ka in bengkang a, uang deuh in "I Love You" ka ti a, message ah hetianga ka tih hian a thinrim ziah vang in ka chhaih ve chak hrim hrim. Ka hmangaih che tila a chiang zawk a ti thin. A lungawi lo hmel ka hmuh chuan "I Love You" ka ti nawn leh a.
"I Love You.....Tube" atih ve chuan ka inrin hma in ka beng a.
"Mipa ka ni lo niang ana emai. I love You..Tube tho tho" ati tham tiak a, inthiamlo deuh chung in tih lungawi nan ka kuah leh a.

Cont

---

FIRST LOVE-23


Amos's POV

"Khawi darthlalang" Jessi in darthlalang min pek a ka in en chuan ka ner suk a "Ava duk nasa ve" ka ti hluai a.
"A dam lam tawh zawk anih kha. Khatin min melh rum ve ringawt suh. Ka tih duk sak che pawh ni hlei lo" alo ti ve hlar a. Hospital ah ka awmrei tawh ka hmai duk hi chu a reh a hun tawh.
"Ka tap vak dawn"
"I duh leh tap la. A reh phah dawn chuang lo. Han tap vaih teh ka hawsan ang che" ka nui hak a, hmaiduk tahpui rual ang in min hmu man le.

Ka bul hnaih a alo thut chuan a biang ka lo piai zeuh a, ala tum bar reng tho. Ka ban ruh tliak lo se chuan ka kuah nasa thei ngawt ang.
"Hospital atanga ka chhuah hunah in in ah ka awm dawn. In in a awm ka duh nia"
"I mawl ami?" ati vak a. Phal se chuan kan in aiin ka awm duh zawk tak tak. A nu ka bia nga ka dil dawn manle? Mahse Maggie chungchang vel kha a hriat chuan min haw awm sia.
"Hey"
"Hey ka ni lo"
"Jessi inu i hrilh em? Maggie thil sawi vel kha"
"Hrilh vek"
"A diklo tih isawi tel em?"
"La sawi lo" ati hmuk a, min haw dawn chiang sa. An in ah min awmtir phal leh lo ang.
"i titau ni maw?"
"Hmh.." tih pah in a hawisan a. Ka dam deuh tawh niang min tih tauh khum leh ngam tawh.
"Ka damloh nasat lai min duat lai kha ka ngai e" tih pahin lungngai thei ang ber hmel pu in ka awm lui a, min rawn melh zeuh a, hawisan lehnghal mahse a daih rei lo "Kan in a lo awm ve ngawt a chi loh. I chhungte pawn an phallo ang. I nupuii te bulah awm mai rawh. Ka loleng thin ang" arawn ti leh vat a. Hospital atangin ka chhuak thei tep tawh a, kan in ah chuan ka awm duh lo. Kan boruak a rit thei emai. An in a ka awm loh pawn Nupuii te bulah ka awm daih ang.

"Zanin ka rawn riahpui thei dawn lo che nia aw"
"Ngatinge?"
"Au vak kher suh" ati hlar a, min riahpui loh chuan chhuah ka ngen ang.
"Ka pa in a na lutuk tawh lo bawk a, riak tawh lo mai rawh atia" ati sap a, a inthlahrung leh tawh niang.
"Riak rawh"
"Ka pan a phalloh chu. An rawn kan dawn che nia, an rawn thleng tep ang"
"Ka lo damlo der dawn nia" phawk hru in min en a, na zual leh ang in ka awm dawn. Jessi lo chu midang riahpui ka duh lo.
"Thim thleng ka awm dawn tho lawm"
"Riak anih chuan loh chu" a thaw halh a, min en dan chu ka duhlo.
"Nangmah khan min riahpui peih tawh lo anih kha" tih hmuk pawh in ka hawisan a, ka nghawng a na zawk mai.
"I damlo mawl vek tawh anih hi" ka hawina lamah arawn kal a, a rawnkal lohna lamah ka hawisan leh thin a. A nin hnu ah "Ka riahpui peihloh vang che pawh anilo. An phalloh chuan ka tilui ngam bik hleinem"
"Nupuii ka phone anga ka haw duh tawh ka ti dawn" ka phone kenlai chu rang deuh in min laksak a.
"Ila dam hleinem"
"Ka ngai che min riahpui rawh. Ka riak duh ti tlat rawh"

Jessica's POV

"Mawh min riahpui rawh aw" ngen ngawl deuhin a ti a. Ka pan phal sela Chuan ka la riahpui ang. Ka la riahpui chak reng. In lamah keimaha ka riah chuan ka khua a har viau ang.
"Min riah pui dawn loh chuan damdawi pawh ka ei tawh dawn lo nia" ati leh a.
"Naupang chhia deuh in awm suh. Iduh leh eilo la, i damlo char char anga ni mai lawm" ka ti lui ve ngat a. A hmel landan pawh a danglam nghal.
"Min riahpui tho rawh. I dil chuan a phal awm emai. Keiman in in a awm ve ka dil dawn" atih chuan "Angailo" tih pah in ka ban ka lo vei a.
"Ka dil dawn"
"Keiman ka dil mai ang" ka tih chuan a nui suk a "Ka lo damlo der tho ang" a awm ah ka beng a, na a nei tih ka theihnghilh leh tawh. Ner nang chung in a awm a dawm a "Khatianga min tih reng chuan ka dam har viau ang"
"Ka tihpalh anih kha. Thu pangai deuh hlek sawila chuan khatiang khan ka ti lo ang che"
"Ka damloh lai pawn min la hau zawk zel ania" a thusawi chu hrelo der in damdawi bawm ka rem fel a, zawi te te in a phun a, enge a sawi ka hrepha lo. A bul hnaiha ka awm veleh min lo vuan a, "Min riah pui rawh aw" a ti leh a, ka nin lutuk vang in ka chhang buai peih tawh lo. Thu ngai ah kan kual reng mai ang.

Ka pa te an rawn luh veleh Amos chu muhil ang in a awm a, ka lo ner suk a. Jenet in "Alo fel em?" a tih chuan ka lu ka lo bu nghat a. Ka nu leh pate pawh a khum bulah an lokal a, an thawm a hriat chuan a rum tuah tuah a. Ka hming a lam ang tih ka lo hlauh rilruk laiin "Jessi" a ti zawi sap a, ana laia chum pawp mai ka duh. Ka zak chu ka sen chhuak maithei. A na lutuk tawh lo tih ka hrechiang ropui si.
"A tawngvai leh tawh anih hi" Jenet in a tih chuan ka hming a lam nawn leh a, ka kut ka hum ruh nasa tawh. Ka nu in "I awm loh chuan a buaithlak ngawt ang ala lam reng bawk si che a, ala tha vak lo aniang a, ala tawngvai reng sia" tih paha a kut a vawn chuan a rawn meng diar diar a, a hrelo tan chuan a chauh hmel takzet.

"Bawiha ilo nuamlo leh deuh a mi?" Jenet in a tih phei chuan a chauh hmel lehzual. Lemchan thiam lutuk.
"Ka nak hi ana" a aw chu a ri chang chang chauh. A ti lutuk mah mah a ni.
"I zia viau khan ka hria sin mawle. Jessi a zun dawn a a thawh vel in a inti na ani lo maw?"
"Ka hrelo. Kalpui a duh ngailo a" ka ti daih. Ka kalpui loh chuan a kal duh ngailo zawk ani reng sia. Ka bialpa atang in dawt sawi pawh ka lo zirtel anih hi.
"Bathroom bul vel thleng chu kalpui tur che alawm. Khum atanga a thawh dawn ah te lo pui thin la, damlo awmpui si hi awm nawm ilo tum lutuk ang e" ka nu in a ti hlak hlak a.
"Chutiang pawh a nilo. Puih ka tum in a duh hleinem"
"Zan in ah chuan veng tha tawh rawh" atih chuan ka phawk hru a, Amos pawh a che hrut in ka hria.
"Nu ka riahpui leh dawn mi?"
"I hming a lam reng chunga kan hruai haw che chuan kan tan pawh anuam hleinem" ka lawm lutuk chu ka nu ka kuah vak vak chak. Ka nu in a phal chuan ka pa pawn a hnial lo ang. Amos an lemchan alo thiam bawk si nen, na deuh a ang tak tak miau alawm.

Ka nu te haw tur chu "Lokal leh vat rawh u aw" ati a, chauh hmel deuh in a mit a chhing zui a. Ka nu in Amos en vang vang chung in "Ka va han lainat tak. Ala naupang si, dam vat se ka ti hle mai. Kan lokal leh vat ang, ilo dam vat dawn nia, tunah chuan kawm pawh ila kawm theih siloh a" ati vawng vawng a, keimah zawk hi ka lo zak. Jenet in a thlah a, an ke pen thawm a reh veleh nui vur vur chung in a meng a "Min lo zunpui" atih chuan ana lo lai ber ni a ka hriat a hnar ah ka chum a, hup pah in rum deuh in min melh a "Ka hlau lo che. Min tihzah zia hre rawh" ka tih zawh rualin Jenet pawh arawn thleng veleh a, Amos biang ah a piai vak a, ana dawn tih ka hria. Kan pahnih a min en in a khap fuk fuk a, a thinrim chu kan awm lohna lam hawi pahin "Damlo dim nachang pawh hrelo" ati hluk a. Jenet in amah en turin a lu a kuai sawk a "Iti der tiraw? Ka hrevek. An hriatchhuah che ka hlauh zia kha i hria em? Hrechhuak che sela chu ka zak dawn lutuk"
"Min hriatchhuah loh chuan sawi angai tawh lo e, Nupui ka riltam ania, ka nghawng ana ka hmai nen" pangchang deuh a a tih chuan ka ten zawk.
"Tam rawh se. Lem i chang puar tawh zawk lo mi?" Jenet chuan ati a, a nuih ve tho vang in a thinrim lo ah ka ngai. Keimah zawk hian ka la hua.
"Anih leh engmah ka eilo anga ka damthei lo anga nimai. Engmah min pe suh"
"Eitur chu ka rawn dahtir ang. In duh sawi rawh u" Jenetin a tih veleh Amos chuan a sawi nghal zung zung a, ka eitur pawh a sawi tel nghal vek. Jenet chuan min en ha chung in "A sawi ang chu i duh tak tak ami? Iduhloh te hi alo eiluih tir che nge" ati A.
"Ka duhzawng alawm" ka lo ti vat. Ka duhzawng vek a sawi tho a pawi ka tilo. Duh belh nei mah ila ka inthlahrung. Amos a ka eipui tawh mai ang. A inthlahrung lo zawk a a duhzawng a sawi hnem em kha.
"Hospital atanga ka chhuah hunah khawnge ka awm dawn?" tiin Jenet i kalsan tur alo chelh a.
"I duh duh naah i awm dawn nia"
"Jessi te in a ka awm min dilsak la"
"Chutiang ka ti dawn lo. Zahthlak lutuk, a riahpui rei tawh che inthlahrun nak laiin. In in a i awm duhloh leh kan in ah i awm dawnnia" Jenet pawh alo teu hlar mai.
"Anih leh in in ah chuan ni mai. Jessi in min riahpui theihloh veleh ka chhuak ang. In lamah min enkawl zui mai rawh"
"Ka lo ngaihtuah dawn nia. Na deuh ang khan awm tawh suh ang che" a pen ken laiin Amos chal ah a khawng a, nui hak hak chung in min chhuah san a. Amos hi chu amah hian a duat ber in ka hria.

Amos a khum bul chair a thut pah in "I phone ah thlalak ka hmu a, nangmah ang deuh mai in din dun na ania, mahse nang chu ila te deuh hlek a, i cute lutuk, tunge kha kha? Ka hmuve ngai lo" a hmel inthlak thut chu a tider amaw ka tih laiin "Ka u anih kha" ati sap a.
"Khawnge a awm? Hetah alokal ve ngai bawk silo"
"Van ah a awm"
"Ka tihpalh" ka ti a, a thinrim hlau in ka kun daih a. Ani pawh a ngawi ve vang vang a, kan inbe thei tawh dawn lo amaw ka tih hnu ah "A accident a, bike tho in" ati a, hawichhuak in a hmel ka en a, a hmel a thutak run a, engemaw ngaihtuah nei hmel a pu a "A hming chu Aron. A bialnu hi ka chhungten an duhpui lo a"
"Keimahni ang tho animaw" tiin ka lo pawt chat a, ka kut hum nghet sauh pah in "Ka u bak anilo. Aron chu keimah tihloh chuan an duhpui lo vek. Ka pa leh ka putea thleng in an duhlo. A bialnu kha a fello ve em a, mahse keichuan an in hmangaih chuan pawi ka tilo. A neitu ber in a pawm anih chuan pawm dan kan lo thiam ve mai tur ah ka ngai. An duhloh vek vang chuan an pawt then lui a, an inthen atanga kar hnihna velah a bialnu kha OD in a thi a. A lungleng kha in ah pawh a awm ngai mang lo. A room pawn lama an kalh hnan pawn tukverh atangin a chhuak ru tho zel. Awm ngaihna a hrelo ni ber in ka hria. Ani pawh a bialnu thih atanga thla khat naah accident in a thi ve. A ruilo niin an sawi a ka thlamuang huai mai. Ruih vanga accident nise chuan ngaihtuah a thui dawn lutuk a"
"I ngai thin em?"
"Aw, kan inkawm nasa a. A bialnu nen khan inhmu leh se ka duh" ati a. Boruak a rit vek in ka hria. Amos pawh a khawhar hmel,a unaupa a ngai lehzual ani maithei. Aron an chan tawh sia, Amos hi chan ve an hlau lo manle? Min pawh then an tum ve tho sia, a accident ve bawk vang in anu rilru chu a danglam ngei ka beisei. A unaunu chu ala danglam zo chuang lo a ni. A nuta te pahnih hi chan hlen a pawiti lo a ni maithei mahse an chhungkaw chungchang ah ka lo buai ve a tulna ka hrelo. Ka hah thlawn mai mai. Aron chu hmun nuam takah a awm ngei ka beisei.

Eitur alo thlen veleh ka lo buaipui sawk sawk a. Amos hmaah a eitur ka lek kang a, fian ka pe bawk a "Min eitir rawh" tih pahin fian min pe let a, a chal a khawn pah in "Lo ken reng pawh tih tawh nak laiin nangmah in ei ve mai rawh"
"Ka eipeih lo" ati hmuk a, ka thinrim insum chu ka thaw halh a, tihsual neilo ni awm tak in min lo en a, eitur chu ka suak a, dimlo deuhin ka barh nawk nawk a, a nui vur vur tho.
"Thinchhe nu" a lem rual a a tih chuan ka lo barh lehnghal a "Kei aia dawhthei an awm lo. Min ngaihtuah lo lutuk, hah mah ila pawi iti lo"
"Anih leh khawi keimah in" tih leh ka fian kenlai ban a rual a, amah in a ei hmawk hmawk a, a thinrim lo tih ka hriat vang in keipawn ka eitur a min chahsak chu ka ei pah a, amah vil nen ka duh ang pawn ka eitha ve thei lo.
"Engtin pawn awm la ka hmangaih tho che. I phurhs anih pawn" ka thil eilai ka tawp chak a, thinrim tak chung in ka en a "Ka dam veleh innei ang" ka thil kenlai ka thlauh tep.
"Thil pangai sawitur i hriat loh chuan ngawi mai rawh. Kan chhungte pawn an phal dawn lo hrim hrim"
"I rawnlen hunah i haw tawh dawn lo. Ka dang tlat dawn che"
"Ka lo leng lo ani mai"
"Ka hruai haw lui che nga" ka hnial peih tawh lo. Ka hnial hneh dawn chuang lo. Nui chunga thil ei pah in min en reng a "Min en suh" ka ti vin thak a.
"Fa kan neih hunah chuan khum mawng ah hlir mu rawh se aw" fian lian zawk la in a chal ah ka khawng a, a ri fawk thei hial.
"Ana thei" ati sap a. Ka khawngaih leh si. Kutthlak hi tih than ah ka nei tawh aniang. Ka thil ken lai dah in ka khawn na ka en chiang a "Ana viau em?"
"Fawp dam mai rawh" atih chuan rang tak in ka awm san a.
"Ei zo vat vat ta che"
"Khawnge ka eitur? I dahsan daih a, boruak ka ei thei lo a,mahse ka hip thei"
"Tawngthei lutuk"
"Min hmangaih em kha" ka lo nui hak a, ka duh aiin a dam leh tawh mah mah in ka hria.

Cont

FIRST LOVE-24

Jessica's POV

Kan thian ho zawng zawng a Amos-a room kan luh chuan alo ner suk a. Hospital atangin a chhuak a, Jenet te in ah a awm rih a, haw tur a kan tih char char pawn a duh tlat lo. An in boruak chu awm na atan a duh rih lo. Anu leh paten an ngaih tawh vang in an tlawh ve reng a, ka bula awm nuam atih ber thu alo sawi thin. Zak viau mah ila ka lawm tho. Ka tan a pawimawh ang chiah in atan pawh ka pawimawh ve tho tih ka hria.

"Jessi chiah lokal turin ka duh sin" alo tih chuan a ban na lo zawk lam ah an hnek fiam a, na ti awm deuh in alo awm lui a, a thiam zawng tak. An rik nak nak laiin Pt-an Amos lu ah a vuan bet a, a biang ah a fawp a, kan lo au dual a, Amos chu che lo in reitak chhung a awm. Pt-a chuan a enreng a, a chet loh rei em vang in a sawi dawt dawt a "Idam leh tawh lutuk a ka lawm vang anih kha. Ka ngaizawng che maw iti ange, ka pa thei ania aw" Amos an a phone in alo khawng a, ka lo nui vak a, mi kut a thlak ve ngai miah lo ania.
"Lawm ve man pawh awm lo" ti nang nang chungin Pt-a a kalsan a.
"Hey pathau min fawh kher angai hleinem. Jessi pawn a thik lutuk che a a beng atanga thil khu a tihchhuah luih luih kha" ati kher chu ka lo ngei. Ka thik lo ve ropui sia.
"Ka pa thei ka tih mawlh mawlh kha. Khatiang thik chi pawh a nilo"
"Pa thei mahla mipa i ngaizawng thei tho" Ms an alo ti a, PT-a chu kil khat ah a thu ngawi ran a, keichuan ka be ngam rih lo sa. Midang pawn an hlat sap sap mai. A kutthlak ana tih an hre theuh. An tih thinrim belh ngam tawh lo.

"Jessi nang chu khum ah hian lo thu rawh" atih tlat vang in khum ah a bulah ka thu a, midang pawh a rem na apiang ah an inhnawh a. Vawt ka tih vang in a vawt tawh a, khum ah chuan ka ke hlang in puan ka sin tawm pui a. Ka kawng ah arawn kuah vat a, a nghen tur a an siamsak chu kan pahnih a ngheng in awn deuh in kan thu a, a nak tihnat ka hlau a, ka ngheng ngam lo.
"An zahpuiawm ania thiante hmuh lai pawn puan an inzawm ngam ania" Ms an atih rualin Amos an "Lung rualremlo bal deuh deuh bakah kan ngailo che u" alo ti ve vat a. Lung tih pangai ve mai awm,a duh thaw thei ania. A kut a tihchet reng vanga ka ning lutuk chuan ka Melh hrawk a, ka men dan ang chiah in alo meng ve a.
"Ti ve zel suh"
"Min lo kuah ve rawh"
"Kuah theih pawh inih loh kha. Ngawi mai mai teh"
"Mu ila. Kan thil delh hi siamtha la" aw thian kharh ri kan hria a, kan pahnih in kan awm lo tih ka hre leh chiah ka zak leh hnuhnawh. Kan thiante nui thaw hmel chu a hmuh a hrehawm zawk. Min chhaih an chak hmel hlawm lutuk.
"Ni e avawt alawm mu rawh u" Henry an a tih chuan Amos an "Chhuak ula" alo ti a, a nakah ka nghawk hman tep. Ka hrechhuak leh hman hlauh zawk.

"Kan damlo kan hian hnawk min ti e" an ti a, an nui hawk hawk a.
"In hnuai lamah eitur zuk siam zawk mai ang u. Pakhat a zak silo a, pakhat zak lutuk a alh lo chauh bawk sia" Jennie in awmze nei tak in a ti a, David nen hian midang bulah an awm tam zawk bawk sia, Amos lah hian kan pahnih chauh a awm a duh zel bawk sia. An chhuah dawn ah "Rawn luh thut pawh a hmuh hrehawm loh turin lo awm ang che u" David an ati khar khar mai.
"Rawn kik hmasa ru" Amos an atih chuan awmze nei takin min melh ralh ralh hlawm a, an ngaih ang ani der silo.

An chhuah veleh "Mutna chu siamtha rawh" ati leh chung chung tawh. A accident hnu hian a mizia a dang vek in ka hria. Min nawt cheng cheng reng mai. A thu ngil tur chu puih pawh angai tawh lo. Kan thil nghen lai ka lasan a, lukham ka dan a, a mu tur pawh puih a ngai chuang lo.
"Lo mu ve vat rawh" ner nang chung in a bulah ka mu a, ala mu saisir theilo a, tum viau mahse harsa ala ti.
"Ka kuah chak che sin le" atih chuan ka khawngaih vang in keimah zawk ka mu saisir a, dim te in ka kuah a. A hma ang em em a dim ngai ni tawh lo mahse fimkhur loh chuan a nat zual zel a hlauhawm zawk.
"Muhil suh aw"
"I awm laia ka mutthilh daih ten. Zanah min lo riah pui leh tawh la"
"Tunah chuan idam tawh a, a theih tawh loh. Hospital atang pawn i chhuak thei tawh a" a hriatthiam theih dan tur ber in ka ti a. Ka vin leh chuan a hrethiam lo nga min hnial leh reng palh ang.
"Naktuk ah min lo hruai la ka lo leng duh"
"Tun ai hian la dam leh phawt rawh. Ila dam chiang lo emai"
"Min riahpui rawh ka tih in i dam tawh itia, ka lo leng dawn ka tihin i damlo iti leh sia" ati nang nang a.
"Ka sawi awmzia i hrethiam vek a, ka sawinawn peih tawh lo. Ka mutchhuak"
"Muhil suh itia min mutthilh san itum leh bawk sia"
"Ka sawi apiang i lak kawih zel chuan ka haw mai ang" a nui hak a, "Ahma ang khan ka awm leh duh zawk" ati a. Phun chung in ka tho a, ani pawh alo insiam rem ve zung zung a. Lukham ka dahsan a, a nghen tur bawk ka dah let leh a, lo thut rem pah in "Heti hian ka hmuchiang thei zawk che. Enge maw ti rawh" tih pahin nui chung in a hmui a kawk a, ka hreh lutuk chu ka thaw halh a, mahse amah fawp tur chuan ka awm hnaih ta tho a. A hmui leh ka hmui ka ti si a, a bak engmah ka ti ngam tawh lo. Ka awmsan leh vat a, min en pahin a hmui hnuailam a ti pawrh a "Kha zawng kha mi?"
"Ni e. Khami ka ti duh pawh kha lawm hle rawh"
"Awle. Ka lawm e. Engtik ah nge kan inneih ang?"
"Kum30 ka nih hun ah" a meng zau kawk a "Chutiang ka nghak thei lo"
"Min duh tak tak lang chuan ithei ang"
"Duh tak tak pawh nilo in ka hmangaih che, chuvang chuan ka theilo. Innei tawh ila lehkha te kan zir dun anga, anuam zawk ang"
"I ngaihtuah tawi emai" ka ti a,a thusawi ho kha engahmah ka ngailo. A thutak pawh ka ring chuang lo.
"Ka ngaihtuah tawi reng reng lo. Ka ngaihtuah thui alawm inneih te ka ngaihtuah a"
"Mipa hi chu in rilru a puitling har"
"Keichu a puitling har lo. Ka pian hlim pawn min chhar tu in hei chu a rilru a puitling nghal a ti" ka nui vak a, a fiamthu anih kha ka ring ru reng a ni.
"Min neih vat loh chuan min tlanchhiatsan leh reng ka hlau"
"I awmdan a zir ani mai lawm"
"Diklohna engmah neilo chung pawn min tlanchhiatsan tho kha" a dik ve reng. Diklohna neilo mahse min fiam kual mai mai anga lantir dan an thiam em alawm. Midang pawh nise an awih ve awm tho emai. Ka inthiam chawp char char dawn tho.
"Sawitawh lo ang" amah zawk in ati leh hnuhnawh a, ka nuamlo ti hmel a hrethiam ve ani ngei ang. Inneih pawh a sawi chhunzawm leh ta lo.


Christmas a hnai kuarh tawh a, Amos pawh a dam pangai ve tep tawh. Jeneti chuan in dim turin ala ti tho a. School kan chawlh tawh vang in tihtur vak pawh a awm ngailo. Christmas anih nan ni tam angai tawh lo a, Christmas hla an play te chuan ka lung a ti leng. Inhmu reng mah ila Amos ka ngai lehzual ziah tho.
"I thiante an lokal" ka nau ka zuichhuak ve nghal a, ka thiante ho lo thu tham ka hmuh chuan ka bangbo tlat. Inhmuhkhawm kan ti silo a, min thawng thut zel.
"Phone hi engatan nge itih bik le? Amos ringawt be lo in group leh keimahni message te hi en ve thin rawh" Rose-in alo ti hlak a. Ka inthiamlo leh hnuhnawh. Amos bak ka be ngailo tak tak a.
"Nizan ah an inthen a" Lisa in atih veleh Rose ka enleh a. A hmel atangin min tihder lo tih ka hrechiang.
"Min lo kawp a, amah pawn thupha arawn chawi. Ka first love ani sia, ka hnen a alo let leh khan ka lo hnar theilo a atia, ka rilru nat zia chu. Ani pawh ka first love ani ve tho. Ngaihzawng neih pawh ka duhtawh lo. An inthen leh hun ka lo nghak mai ang" ka khawngaih lutuk chu ka en tlawk tlawk. Rose chu a thil tih tawh chu a ti bur zel a, Mafela a hmangaih zia pawh kan hrevek. A bialpa hmasaber in a bum chu pawi ka ti.
"I tuarchhuak thei ngei ang" ka tih laiin Henry an "Mahse i theihnghilh theilo ang, First love chu a theihnghilh theihloh an tih kha. Pt-a takngial pawn ala theihnghilh hleinem" ati a, ka mitmeiin khap mah ila awmzia awm lo "Hun a rei a, rilru na chu a dam veleh mai. I hrereng anga mahse tun ang hian ina tawh lo ang" atih chhunzawm leh zawk a.

"Kan kal chhan sawi vat vat ru" tih pahin Amos an a bula thutna awl ah min pawt thu hnawk a. Jennie in thutak fe in "TNT ah kal ang u kan lo tia" ati a.
"Ngatinge engmah min hrilh ve loh?"
"Message en ngai heklo che"
"Enge kan ken dawn" ka la ti hu a. Engmah ka hreve lo tak tak.
"Motor kan phurh tir tawh a, a bulah min lo nghak dawn a. Buhfai bag ani ber, a bak kenvak tur a awm lo. Thawmhnaw nise an in daih tur leina kannei dawn bawk silo a. Buhfai kha kan ngai pawimawh ber a, petu tam mahse eitu pawh an tam ve tho a. Chuan pawisa kan pe bawk anga, cake leh thei tui kan sem bawk dawnnia, kan order vek tawh, chupawh chu motor ah a awm" Jennie in a ti leh zung zung a. Lisa in "Keimahni chu car in kan kal dawnnia. Henry leh David leh Amos ten an keng a" atih veleh Amos ka en nghal a, engmah khalh an la phal silo a. Amos chuan Ms kawh pah in "A khalh dawn" alo ti hmuk a. Motor pawh an thawh khawm aniang. Engmah ka thawh ve theilo tur chu nuam lo ka ti. Ka nu pawisa tlem tal ka dil ve ang.

Ka insiam zawh ah ka nu bulah ka kal a, sanghnih tal ka thawh ve duh thu ka hrilh a. Ka tello in engkim an lo ti vek a, a nuam lo. Nu leh pa neilo ten Christmas nuam deuh a an hman ve theih nan chuan ka nu hnen a ka thil dil hi a tlem lutuk mahse pek hrim hrim ka duh ve. Ka nu in min pek zawh ah ka thiante bulah ka kal leh a. Kalchhuah mai inring hmelpu pawh an la awm lo. An la thu kawi nguai hlawm mai. Amos bulah ka thu a, a then in kan kalna tur chanchin an sawi laiin a then in Rose rilru na an lo la hnem bawk a.

"Rose na duh suh. Kan kalna tur a a awm ho ihmuh chuan i vanneih zia i hremai ang. Ka first love ania ka then theilo tih mai mai ho lutuk, anni te chu an first love aia hlu zawk nu leh pa neilo alawm an nih" Henry chuan ati lawng lawng a, kan zing ah chuan a vei ber in ka hria. Amos an midang hmuh loh turin ka kawng ah akuah a, hepa lah hi min si reng mai. Midang ti ti pawh ka ngaithla theilo.
"Hmangaih ineih ve hunah i hrethiam ve mai ang Henry"
"Ka nu leh pa aia hmangaih ka neilo. Kan nu leh pate hi lawm kan first love chu. Kan zingah hian tuman kan la then reng reng hleinem" Henry an thu pangai a sawi hnem ve lutuk a, tumah an uang theilo.
"Nu leh pate kan hmangaihna nen chuan a dan a dang alawm" Rose chuan ala ti talh tho a.
"Hmangaihna theuh theuh, a danglam na vak tur ka hrelo. Keichu ka nu leh pate hi ka first love an nia, min kalsan hunah chiah first love then ang ah ka in ngai ang. Ngaihzawng hi chu an liam a, an awm leh zel mai. Kan neih lai kan hmangaih a, kan then a, a dang kan nei leh a, kan hmangaih leh a" ati duah a, a sawitui bawk a, a kut pawh a vei kual nasa, Henry thusawi kan ngaihthlak uluk ve tum tak aniang.
"Anih chuan Jessi First love ka nilo nimaw?" Amos chuan alo ti sup a..
"A ngaihzawng ang chuan ni e" Rose bawk a ni. A tlawm zawk a tan chu a hreh ve hle aniang. Keichuan ngaihdan ka siam thiam lo. An tang nasa dun sia, mahse first love kan hmanna hi chu nu leh pate ah chuan anilo ve lawm. Hmang ta ila a inhmeh phian ang ka ti ve bawk a.
"Nu leh pa neitawh lo ka ngaihtuah hi chuan ka vanneih zia ka hreziah. Bakah chhunghaw harsa ve tak tak te hian Christmas hi an huphurh thei ngawt ang" Jennie chu a mittui a tling pam mai. Mihring hi khawsak inthlau tak tak kan ni miau sia.
"Henry leh Rose te inhnial leh hma in kal ang u" tih pahin Ms a ding hluai a, midang pawh kan ding ve sap sap a. Ka chak rualin ka huphurh, ka rilru ah an awm leh reng mai ang. Amos car ken ah chuan Amos nen a hnung ah kan thu a, Rose leh Ms te a hma ah an thu a, PT-a tuman kan chuanpui duhloh vang in a titau a, Henry an a thlem leh fe hnu ah Lisa te nen an pathum in an chuang ho a. Rose chuan hnunglam rawn hawi pah in "Henry leh Lisa te hi" nui vur vur in ati a. Keipawn ka hrethiam. An in hnim hnai sawt riau.
"An mawl dun awm emai. Henry an Lisa in min duh hma chu ka sam ka met lo ang ati" Ms an atih chuan Amos alo nui hak a, "Jessi in inneih a duh hma chu ka kut tin ka zuah ang ka ti ve mai dawn mi"
"A thing" tih pah in a mal ah ka chum a.
"Keipawh Rose in min duh hma chu ka hnar hmul ka zuah ang" Rose a au vak a, nui ho dar dar chungin kan hma a kan thiante tlan chu kan zui ve zel a.


Cont

---

FIRST LOVE-25

Jessica's POV


A hmun kan thlen veleh rang tak in kan chhuk a, Ms an car a dahthat chhung kan lo nghak a. Midang in min luhsak vek tawh vang in tawi khawmuang lo in keini pawh kan lut ve nghal. A thawk te an lo fel em em a, naupang ho ka hmuh rual chuan ka hnuk a ulh nghal. Min lo lawm thiam em em a, naupang duhawm tak tak hetianga hmuh an ngai hi hrehawm ka ti. Kan thilpek vel hlan tur chuan Jennie leh David an kal a, midang chuan naupang ho kan infiam pui a. Mipa naupang pakhat ka pawm veleh Amos an "Mama iva hmeltha ve lokal rawh ka bulah" tiin a rawn la hrang a, a bula mi zawk ka pawm leh a,a hma ang bawk in a rawn ti leh a, naupang ka pawm apiang in chutiang chuan a rawn ti ziah.
"Min laksak zel kher suh"
"I awm si deuh in i pawm zel kher anih kha. In fawp vel ah"
"Naupang annih hi. Ka fawp ve bawk ang chu. Ilo buai ve angai bawk lo"
"Naupang pawh nise mipa tho alawm an nih"
"I hmelchhe lutuk anih chu" a nui hak a, ka hmai si lek lek a rawn kun in "Hmelchhia min tih loh em kha a. Hmelchhe bulah i awm lui peih loh tih ka chiang emai"
"Ka khawngaih vang che anih kha"
"Min hmangaih vang zawk anih kha" ala ti talh a. Amah pawh en tawh lo in hmeichhe naupang ka infiam pui a. A tawngduh reuh em em mai lehnghal.

"Naupang bula i awm ka hmuh hian fa neih ka chak ve tlat. Siam ve ila kan thiam tho a" dak awrh khawp in a chal ah ka beng a, naupang ho an lo nui vak a, Amos ber chu a tum nasa.
"Khatiang kha sawi tawh suh"
"Naute siam ang tih chu huat chi pawh anilo. Kan la siam dawn tho a, kan hmanhmawh ve deuh ani mai a. An chhun che nih chuan an hmeltha ngawt ang" atih chuan ka nui ver ver hman a, mahse "Kan inchhung a ri phurh phurh reng mai ang" atih veleh ka tum leh hmuk a.
"Lawm hle rawh ka nel tan na che anih kha" ka ti ve ngat a. Khami ni kha thleng lo sela chuan ka nel peihlo ang. Min puih vang khan ka lawm ve deuh hrim hrim a.
"Min nel tawh chuan naute nei tawh ang min hmangaih kha"
"Iduh leh nangmah khan nei la"
"Keimah kaltlang in inei anga, ka zar a fa nei ini dawn a, kan in tawm anga kan duat dun thei dawn lawm" nui miah lo in a ti a. A ngaihtuahna hi kei ai pawn ala mawl zawk. A duh ang kha tha ber tur ah ala ngai tlat a.
"Kan inneih chuan ka thaibawih tir ang che"
"Tunah pawh ka thaibawih sa reng alawm. I duh duh hun ah kut min thlak a, fa nei ila hetiang te hi a reh deuh ang" ati hluk a.
"Engtinge kan chawm anga"
"Lehkha kan zir pah reng dawn tho a"
"Ka zir ve thei nang. Ka rai te chuan"
"Nau ineih zawh ah kan zir chhunzawm ve ve nga. Ka putean ka peihloh hunah school hi i enkawl dawn nia a ti. Fapa anei silo a, a fanu te lah hian tui zawng dang annei bawk si. Innei ila kan enkawl dun anga" ka lo bu nghat a.
"Mahse Maggie nen inneih tir cheu an tum kha"
"A neitu tur ber in ka duhloh te chuan an tilui theilo"
"In in ah alo lakal reng bawk si"
"Innei ila bomb kan lo kam dun thin anga" thilsawi apiang a innei ila ti zel mai ka ning ve ziah.

Kan haw dawn ah a thawk tu ten min thlah a, lawmthu an sawi nasa khawp mai. Thil tam tham tihsak tur kanneih loh hlawm nen. Kan pawisa thawh khawm pawh a vaiin kan hlan a. Kan haw tur naupang ho lama ka hawilet chu ka mittui a tla sawk thei. Ka lainat lutuk. Fa ka neih ve hun chuan ka thi anih loh chuan fahrah in ka awmtir miah lo ang. Harsatna tawk chung pawn ka enkawl lui tang tang tho ang. Amos vangin ka duh ang in infiampui ve theilo mah ila tum thar ka neih phah a,a tha khawp mai. Ka dam tawk tawk chhung chuan ka fate ka enkawl reng ang. Fa nei tur ang maiin ka awm ka duhlo. Amos vang vek. Min sawi hmuh laklawh a.

A hnung ah kan thudun leh a. Rose leh Ms te an ti ti mawlh mawlh a, keini ngawi reng in kan thu a. Lo innei ta ila ka la naupang sia ka mona te hrehawm ka siam nasa awm emai. Amos pawh a chhungte hmaah a zah phah fo mai ang. Fa neih phei chu ka ngaihtuah ngam lo. Hnute an hnek te an ngai anga dek ka haw ropui si ka pe hleithei lo ang.
"Kan inah lo haw tlang daih la" ka beng bulah a ti sur sur a, ka lu ka thing a, ka chhungte bulah Amos nen a inneih ka dil phawt dawn.

Ka room ka luh rualin Amos ka ngai nghal. Innei ila chu kan awm dun char char thei awm tho sia, kan khua a har hman lo anga, a sawi dik ve vek tho. Keipawn inneih ka duh ve tho mahse kan la naupang ka ti tho bawk sia. Ka rilru a buai ve deuh reuh. Ka nu ka room a alo luh chuan ka lo dil ang ka tia, ka zam vang in ka tawngchhuak thei mai lo. A bulah ka kal ve zel a, a thil rem thatna bulah ka awm ve a, thawmhnaw a khai that in a bulah ka lo ding ve reng a, dawhkan a tihfai pawn a bulah ka awm ve zel tho.
"Min tibuai kalsan rawh" alo ti hmuk a.
"Nu, ka pa nen hian engtik ah nge in inneih? Kum engzat nge innih?"
"Ipa chu a upa tawh. Kum30 a tling dawn tawh keichu ipa hian min bumthlu a, ka la naupang, college ka kal laiin. Ngatinge min zawh thut? Ahmaa sawi ka tum pawn a zahthlak itia i ngaihthlak duh ngai miah loh kha"
"Engmah a nilo. Ka hrechak deuh thut a" min melh khui khui a, min rinhlehna a nei tih ka hria lawm.
"Amos nen hian inneih in sawi ami?"ati ta reng a "In ngaizawng chuan an sawi vek zel tho a"
"Pasal ineih dawn pawn kum30 hnu lam ah nei ang che. Fa nei theilo thak khawp a i senior hman loh chuan a tawk chiah. Tuna pasal ineih chuan i inchhir dawn chiang"
"Mahse Amos chuan min duh e"
"Hna pawh ala nei hleinem. Ka sawi ang khan i senior hunah nei rawh"
"Ka pa hi i first love ani em?"
"Ka bialpa apiangte hi ka first love ka ti ziah. Hmangaih ang ah ka in ngai tlat zel alawm. Bialpa ka neih hmelthat theih nen a hmelchhe ber leh a dulkiar ber berkher ka nei a, mahse kan inneih hnu chuan a dulkiar te hi ka hmu mawi vek tawh. Atchilhna leh hmangaihna thliar thiam ang che" min ti ta zek a. Ka atchilh lo mahse ka hmangaih lawm. Amah lo hmangaih dang ka la neilo. Ka neidawn lo hrim hrim bawk a, ka hmangaih hmasaber hi pasal atan neih ka duh.

"Ka rawn leng dawn"
"Ka pa mood a fu lo. Lo leng lo ang"
"Anih leh rawn chhuak rawh"
"Ka rawnkal nghal" ka pa ka melh zawk a, muk deuh in tv a en khur a, a hah lutuk vang vek Leh Johan a fail vang.
"Pa dawr ah ka kal lawk dawn. Ka period thut a, pads leisa ka lo neilo a" inthlahrung tak chung in dawt ka sawi.
"Kal la rei suh" a phal laiin ka tlanchhuak nghal. Ka nu leh ka nau chuan an awih lo tih ka hria, ka chhuah chhan tur pawh an hre maithei. Amos min duhpui miau vang in ka pa bulah chuan engmah an sawi kher lo ang.

Pawn a eng awm na chin ah Amos ka hmu lo a, ka pa hmuh a hlau anga a thim chin ah a awm ring in a thim lai apiang ah ka kal a, ka hlauh ruk tawh laiin ka hnung atangin min rawn pawm thut a, ka te that a, ka pa in a hriat hlau in ka hmui ka hup nghal a. Min dahthlak veleh a awm ah ka chum pawp a, ala nui duh chauh lehnghal.
"Kal ang"
"Khawnge min kalpui dawn"
"Kan in ah" a bike dahna lamah min kalpui a, keipawn ka zui ve mai. An in ah ka la kal ngailo a, ka kal ve chak tho bawk a.
"Bike hi la khalh lo mahla a pawilo sin"
"Na ka nei tawh lo. Ka tih loh zel chuan na ka nei amaw ka ti char char zawk ang. Na deuh mahse ka tilui tho ang" ati tlat sia, khap eng ang mah ila awmzia a awm leh chuang lo ang. Hlau ru deuh chungin a hnung ah ka thu a, a ban a maw a nak kha a diklo thut anga kan accident ang tih ka hlau.

"Fimkhur rawh" ka ti deuh reng a, a nin chin ah phei chuan min chhang peih tawh lo. An in kawt ah a ding a, pawn lam atang ringawt pawh in a chhung chu a pui viau ang tih a hriat. An hausak em vang aniang Rosy pawn a nau tan min duhpui loh em em.
"Zah tur a awm lo nia" ka ban ah a vuan a, an in ah min luhpui a, ka thinphu a rang dut dut mai.

"Jessi ka lo hruai haw" an lo hawi thap a, Rosy mitmeng thip lutuk chu ka en ve ngam lo. Midang pawn mak an tih hmel mahse Jenet ka hmuh chuan ka thlamuang huai mai.
"Engti zawng in nge irawn hruai haw? Leng turin nge i nupui turin?" ti tu chu apa anih ka ring. A tawng dam duam mai. A fel hmel viau bawk.
"Ka room ah kan kalpui lawk" min kai leh dawr dawr a, nuamlo ti viau mah ila ka zui ve zel tho. Midangin engmah an sawi tawh lo chu amak ka ti. Engemaw tal an sawi ka ring a, a room a kal dun pawh an phal ka ring miah lo ania.

"Ka pa in reisuh min ti ania" a room a kan luh rualin ka ti nghal a, ka rei tawh mah mah zawk. Min hau hrep tawh ang. Kan in bul lawk ah dawr a awm bawk si. Khum ah min nem mu a, min fawp zui bawrh bawrh a, nidang nen a awmdan pawh a in ang lo. Nem san tum mah ila ka hneh chuang lo. A tawp ah amah zawk a awmsan a, ka mutna bula mut ve pah in ka kawng ah a kuah a "Kan in a ilokal chuan i haw tawh dawn lo ka tih kha" ka meng kawk mai. Ka pa mood fu lo nen min sawisa duh hial ang.
"Ka duh lo ka pa ka hlau"
"Kan in ah chuan engtinmah arawn ti lo ang che" ka lo zui kher kher kha ka inchhir tan tawh. Amah chu neih ka duh lutuk mahse ka pa mood fuh loh lai chuan ka duh lo.
"Ka nu pawn ala phal miah lo nia. Pasal neih hma a phallo"
"Kei aiin i huai zawk tho a nupui ka nei iti mai nga"
"Fiamthu na hun pawh anih loh hi" ka ti vin hlar a, a nui vel chu ka ngei lutuk vangin thawh ka tum a, alo phallo, ahma aia nasa in min kuah a, ka pa chiah ka rilru ah a awm.
"Ka haw duh tawh" ti mah ila awmzia awm chuang lo.

"Kan la naupang si kan innei rei thei lo palh ang" ka ti ta ringawt a. Awmdun reng hi chuan nuam ka ti ve tho a, inneih rei theihloh ka hlau a chhungten min duh bawk silo.
"Thei ang. Kan inthen lo anga kan innei rei ani mai lawm"
"I chhungte hi"
"Kan inneih chuan engtinmah an ti lo ang che. Ka chhan zel dawn che lawm" ka mit ka chhing a, ka rilru chu a hah ve tho. Amos-a bula awmreng ka duh laiin ka chhungten min rawn hruai lui anga min dah bo daih ang tih ka hlau bawk sia. Ka phone ri chu ka en a,ka nau anih vang in hlauthawng tak chung in ka la a "Apan dawr ah a zawngkual che. Arawn haw a a thinrim ania. Scooty ka lak chhuah ruk ai pawn a thinrim zawk. Khawnge i awm? Rawn haw vat rawh" arawn ti zung zung a, ka dah rin vang in Amos pawn a hre ve vek.
"Min chhang te che Jessi. A hau dawn che nia. A vaw maithei che ni. Dawt min hrilh a ti nia aw. I room pawh a check vek tawh" arawn tih leh phei chuan ka hlau lehzual.
"Ka lo haw ngam teuhlo mai"
"Rawn haw rawh. Tuar tawp mai rawh. Anu pawh a hau vak vak tawh nia. I period hun i chhinchhiahna te chu a en vek alawm. Thil rapthlak ber tawrh huam in lo haw rawh" phone ka off a, hlau tak chung a Amos en pah in chil ka lem khawlh a "Engtin nge kan tih ang"
"I haw ngam loh chuan riak la" ati sam et a, ka hmangaih hmasaber pawh nise hetiang em em a ka neih hma ka ring lo. Vawin ah thil tha kan ti zo chiah a, zanah thil sual tih lehnghal kan tum a.
"Ka haw dawn"
"I thu thu" ka thuchhuak a, ka pa min tihdan tur ka ngaihtuah chuan ka mur sung sung thei hial in ka hria. Ka rap lutuk. A hmel ringawt ka mitthla ah a awm. Thaw halh pah in ka mu leh hnawk a, Amos alo nui hak a, pasal neih hi alo harsa miah lo anih hi. Rilru erawh a nuam chuang lo.

Cont

FIRST LOVE-26


JESSICA'S POV


"Amos kawngka lo hawng rawh" kawngkhar a ri nghal vak vak a, ka hlauh vang in Amos ka sawi nawk nawk a "Tho rawh tunge lokal chu" a men rual in ka lo ti nghal. Enge a sawi pawh hriat hleihtheih loh a phun hluk chung in a tho a, puan in ka in lukhup tlat a "In pahnih khan lo chhuak teh u" a aw atang chuan anu tih ka hria. Ka thil tih hi ka inchhir telh telh. Ka pa hlau chung chung khan lo haw zawk ila tha mai tur.
"Kan lokal ang" kawngkhar in khar ri ka hria a, Amos an ka blanket pawh hlim pah in "I tho peih tawh em?" ati a, hreh viau mah ila ka hmachhawn tur tho tho ani sia, ka tho a, ka in siam fel hnu ah Amos nen kan in zui chhuak a. A chhungte an lo kim thap a, kan principal ka hmuh tel phei chuan ka zak lutuk a ral daih ka chak, apa chuan zaizir in thu turin min hrilh a, kan thut pawh chuan min la en thap mai.

"Engtinge awm in duh?"
"Kan innei duh" Amos an alo ti vat a. Keipawh ka lo bu ve nghat a. Mualpho tawh hnu a inneih leh loh ka duh teuhlo mai. Ka mualpho pui chu ka nei dawn hrim hrim.
"Jessi i chhungte pawh an lokal dawn a" Jenet in a tih chuan ka hik chuai thei hial. Ka pa ka hlau takzet.

"Haw lo phal miah suh u. Pute anu nen pawh school inkal dun thin kha. Lo dil rawh aw" Amos chuan principal en pah in ngen ngawl takin a ti a. Tupawh in mangang hmel an pu vek tawh a, keiphei chu ka mangang lehzual.

"In la naupang em a, innei chi in la nilo" principal in a tih pawn "Kan innei thei ang. Inneih kan duh lawm" ala ti tlat tho a, a luhlul zia ka hrechiang. A thu a sawh sawn mai mai lo ang. A tih tawh chu a ti leh tlat tho ang.
"Jessi chhungte lokal phawt sela kan sawi ho dawnnia" an ti ta ringawt a.

Door bell a rik rualin Amos an ka banah a vuan a, hmanhmawh tawkin room pakhat ah min tlanluh pui nghal. Kawngkhar a kalh a, thawm ngaithla in a beng a dawh zui nghal a. Engmah a hriat theih tak loh ah chuan ka bulah a rawn thu hnawk a "Hruai haw an tum che pawn duh miah suh aw. Mipa dang in virgin tawh lo chu an duh lo" ka biang a sa hat hat a, ka haw duh bik tawh teuh lo mai.
"Kan tet laia Aron nen a kan infiamna room anih hi" ati ta daih a. A mawl zo vek tawh, rilru hah laiin an tet lai chanchin ka hre peih lo.
"Min hruai haw lui dawn ta che"
"I duh loh chuan an thei lo ang. Bakah kan inneih chuan college te kan kal rual nga anuam dawn sin"
"A dik chiah. School kan kal zo tep tawh tho a. Lehkhazir lai intihbuai awih loh ti thin bawk ang" ka ti a. A lehlam zawng chuan a nuam phian ang haw leh ka hreh telh telh.

"Fa kanneih hunah chuan kan chhungkua in thawmhnaw in ang hlir kan len naah ha thin ang" ka ti leh a, nawm hmel ka ti ber. An hlim hmel bik.

"Mipa lo nei ta ila coat suit hak angaih hunah i ha ve dawn mi?"
"Dawn e nangpawn len naah kawrfual te iha ve anga"
"Nia ka ha ve mai ang ka tuai der ziah nga"
"Keipawn coat suit ka hak chuan hmuihmul lem ka vuah ziah ang"
"Ka lo fawp thla lui thin anga"
"Pawn lamah kan chhungte rilru buai deuha an awm laia kan thusawi hi kan zahpuiawm" ka tum hmuk tawh. Kan nawm na tur chiah kan ngaihtuah niin ka hria. Ka rilru hi a inthlak kual reng mai a ninawm tak tak a ni.
"Ho e anni pawh innei lo se kan piang nang. Anni ai hmeltha kan lo pian theih phah a, keini pawn fa hmeltha tawk tawk 10 vel kannei dawn nia"
"I mawl ami? Machine pawh ka nih loh hi. Chutiang zat zat siamchhuak thei tur ah min ngai a mi?"
"Mi pawn 12 te lawm an neih. Kan siam dun dawn lawm"
"Chupawh nise ka neih tur alawm. Ana an ti lehnghal. Chutiang zat iduh chuan iduh leh nangmah khan nei rawh" kuangkuah a rum deuh a ka melh laiin a beng pahnih pawt in tawi te in lei a chhuah a, a hmaia nem pawp pah in "Fa sawm ka neidawn lo" ka la ti hlar tho.
"Ka ti mai mai nih kha. Nei miah lo mah la pawi hleinem kan pahnih in kan awm char char thei ni mai lawm"
"Ka nei dawn tho tho" ka ti leh thung. A mawi tawk te chu ka nei ve ang chu.

Kan awmna kawngkhar an rawn kik a, ka zuangtho nghal. Amos hnunga pawt in ka zui a, keimahin ka kal hrang ngam lo. Kawngkhar a hawng a, ka nu alo ding run mai.
"Mimawlnu, engmah thiamlo a pasal neih itum ami?" ati tuarh a, kan principal in "Brenda a tawk rih. Thil thleng tur chu a thleng vek tawh. Ngaihtuah tlang ang u" alo ti hlauh a, a hma zawng zawng khan an ngaihtuah tawh amaw ka tia.
"Nang pa pawh kha, ka fanu hi min ruksak dawn tih hria ila chuan i damloh lai khan i thil eichak i sawi pawh kha ka siamsak lo ang che. Ka tha leh bawl hlo zawng zawng kha ka ui lutuk" tih pah in a chal a dawm a, ka nu hian kan naupanlaia nangmahni ang rual kan nih hian kan lerh lutuk ati reng sia, min hriatthiam ve awm ania.
"Engahmah ngai duh suh u. Kan thianho hi chu anihna baka lan an thiam hrim hrim a, engmah ui anei lo ania" Principal chuan alo ti zung zung a.

"Lo chhuak rawh u. Vuak ve ve cheu ka chak khawp mai. Min ti zak lutuk. Class12 lek ah inneih in duh ania" ati leh a, inchhung chu ka nu au ri hlir in a khat in ka hria. Ka pa in min lo en khur a, Johan chuan an eitur pek ni awm tak alo ei mawlh mawlh a, min hmu ang pawn a awm ve lo.

"Zan in ah palai kan rawn tir dawn nia" Amos-a pa in atih chuan Amos nen kan in nuih vur vur a, ka pa chuan a phal dawn chiang. Alo hnial miah lo ang thinrim viau mahse alo hnial ka ring miah lo. Min hruai haw an tum a, mahse an phallo a. Kan principal chuan ka nu a bengdai char char a, a awm lo ang tih ka hlau takzet. Nilo sela chuan ka nu hian kut min thlak duh hial ang, tu in pawh ni rawh se a thinrim lai chuan pawi a ti dawn lo hrim hrim. An haw dawn chuan ka tah a chhuak ve deuh. Mahse Amos pawh ka khawngaih ve tho bawk sia. Kan inneih pawn an in ah te chuan ka leng reng thei tho lawm nitin ka kal ziah ang.

///////////////////////////////

Palai an tir a, rem an tih vek hnu ah Amos an kan in ah min dah a. A awmlai chuan engmah an sawilo. Kapa nen pawh tha deuhin an inbia. A haw tur pawh kan kawtlai thlengin ka thlah a, inchhung ka luh leh veleh ka nu in ka hnung ah min beng a, thutthleng ah min namthu hnawk pah in "Zan ah ka mu thei ngailo tih i hria em? Ngaihzawng pawh a ngaihsak ve ngailo kan tih laiin i neih ve chhun chupawh rei pawh in la inkawp lo, pasal atan neih itum nghal a. Inneih pangai pawh nilo in ruk lehnghal" thaw halh chung in a sam a hui thuak a, keipawh ka inthiam bik lo.
"Lo phallo ta ila nau ilo pai hman phei chuan i mualpho lehzual na tur ania. Keini pawh dinhmun laklawh deuh ah min din tir a, nau i pai hman chu hlau lo ila chun in ru eng ang mah ula ka remti dawn lo hrim hrim. Pasal neirual pawh ila nilo. Ila naupang lutuk" ati hmawk hmawk a, ka bula rawn thut ve pah in "A nuam lai chiah in ngaihtuah niin ka hria. Nupa nih hi in rin anga nuam ani dawn miah lo ania. Hrehawmna tam tak a awm dawn. In hlim reng dawn lo. In kum a upat chuan puitling deuh in in hmachhawn thei anga, kum naupang te nih chuan a har ang. In then leh te a awl a sin"
"Kan inthen lo ang" ka lo ti vat a, fahrah ka hmuh atang khan fa ka neih chuan fahrah tir ve ka tum lo hrim hrim. Bakah Amos nen pawh kan in hmangaih ve ve a inthen lehna chhan tur a awm lo. Kan inhau ve vak ngai bawk silo.
"Inthen lo ang tih ngawt theih anilo. I at laiin pasal inei dawn ania, ka ngaihtuah ngawt mai che. Min kan puitling deuh hlek ange an ti hram hram a, nangni ve college pawh kal hma a inneih in tum a" ati tha leh a.

"Engpawh thleng se lo haw reng reng suh. Inthen leh tur a pasal nei ini lo tih hrereng rawh" ka pa in nghet churh in ati ve thung.
"Kan inthen lo ang. Inthen na chhan tur ngawt a awm hleinem. Nu nangpawh inneih hma hma atang in inthen isawi tan a"
"Ka sawi loh in ka ngaihtuah che anih hi. Ila naupan zia hi hreve ta che. I pasal tur lah chuti bawk. Ka rilru hi nuam thei hlawl lo"
"Nitin ka rawnkal ziah dawn lawm"
"Rawnkal hlek suh" ati tuarh a, ka pa pawh a phu in ka hria.
"Hmeichhe in pasal kanneih tawh chuan kan in lam ah kan kal reng tur anilo. A tul anih chuan i pasal in a rawn hruai thin mai ang che. Chupawh chu a chhungte phalna lo chuan tul ka ti chuang lo. Kha kha nia pasal neih hi itum hma lutuk a buaithlak. Engmah hrelo in inei dawn a" a beidawn zia ka hria, a ngaih ang ka ni dawn tawp silo. Ka fel viau ang.

"Ka fel lutuk anga mak iti zawk ang"
"Inthlak la inchhung zawng zawng hi tifel vek rawh. In inneih hma chuan rawng pawh i bawl ziah tawh ang. Ka awm mai mai tawh dawn. I chhawr theih dawn chauh a pasal neih itum nghal a. First love tih mai mai, inneih hunah a pawimawh tawh dawn lo chiang lutuk. Keini aiin i bialpa i hmangaih zawk anih hi" a kalsan zui daih a, ka inthiamlo ve deuh. Amah pui turin nitin ka kal ziah tho tho ang.
"Inu sawi kha i hriat chuan ti tan rawh" ka pa in atih veleh inthlak lo in hmunphiah ka la a, inchhung ka tifai a, hahthlak tak a ni. Amos te chuan awmpui an nei a, hetiang tih hi a ngailo tur ah ka ngai. A ngaih tak leh ka ti bawrh bawrh tho anga ni mai. Amos bula ka awm dawn phawt chuan a pawina awm chuang lo.

Chhun ah ka hah bawk a, khawthim rual in khum ka pan nghal. Ka mut chuan ka kawng na te a reh nghal vek in ka hria.
"Pasal neih chu iduh tak tak maw? Keimah pawh ila naupang ka ti. Duhlo leh thut la, palai te bulah kan duh leh lo kan tia nga, i inchhir ange?" ka nau in a rawn ti tha veleh ka chauh nak laiin.
"Kalsan mai teh. Inchhir na chhan tur a awm lo. Amos pawn a duat em che hi"
"Keichu min duat mahse duat lo mahse a pawilo ka pasal tur ani hleinem. Nangmah khan a chhungte zawng zawng i hrawn thei dawn mi? Inchhung ah engmah iti ngai bawk silo"
"Ila naupan nen min zilh ve lo mai teh ka hah ania, chhuak rawh"
"Awle inchhir awih loh kan ti dawnnia aw" min fiam miah lo in a chhuak min ngai lawk lutuk aniang. Keipawn ka ngai ve reuh ngawt ang ka nau neihchhun a ni sia.

Phone ka en a, kan thiante chuan chanchin an hrevek tawh. Ka thiante bikin min hau nasa lutuk a ka la be duh hrih lo. Naktuk ah school ah chauh ka bia ang. Amos an arawn call a, mi hi chu a ngai ve chiang ania.
"Hey ka nupui tur ve si iva la har ve"
"Min rawn call kher angai mi?"
"Ngai e keimah chiahin ka mu a,a hrehawm alawm" min hmulo mahse ka hmui ka ti pawrh a, a lung a leng hma emai.
"Ka nu pawn a ngaihawm reuh ati che" arawn ti leh a, an in a reilote ka awm chhung khan kan in ngaina hman. Zan tam ka riak hman lo nia. Room atanga ka chhuah khat tehreng nen. Amos an chhuah a phal ngailo a.
"Min lo biak dawn nia. Kan inneih naah Maggie sawm ve ila" ka tih chuan a nui hak a, a pasal hual ka nei lai min hmu se ka ti.
"Inkhawm a tibuai palh ang. Inneih dawn zanah hmana i tiffin pai ang kha ei miah suh aw, inneih laia phurhs chu a hit lo"
"Sawi ve ziah suh" ka ti vak a. A reitawh tehreng nen min la chhaih ziah a ka ning tlat.
"Ala hma sia ka rawn leng dawn"
"Tullo ka muhil dawn ka chau lutuk ka nu in min tir nasa a"
"Min lo ko leh ta che ka lo tihpui thei che nga"
"I tihpui ka ngailo. Ka dah dawn"
"Ka ngai che nia"
"Ngai ve tho che mah ila mutthilh ka duh zawk. Muttui" ka dah hnu ah ka switch off zui nghal. Duh leh lo muthei lo mai mai rawh se ka mut theih chuan a tawk. Keipawh ka duh ang in ka muhil hma thei chuang lo. Inneih an ti hma dawn sia ka helh hawlh nghal aniang. Jennie thian ah ka hmang dawn chiang sa a, min chei tur a ka rawih tur thleng in ka ngaihtuah. Amos ka nei thei tur hi ka vannei. Tam tak chuan an hmangaih pawh annei thei lo nia keichuan ka hmangaih hmasa ber ka nei thei dawn bik ania. Ka hmangaih hmasaber leh a tawp ber ani dawn tihna ani mai. Fa kan neih hun tur thleng in ka ngaihtuah pha vek. Amos an bike a a phurkual tur vel te. Kan chhungkua a kan leng tur vel thleng in. Ka hmangaih ber ka nei dawn a,hlim deuh in ka awm reng dawn ni mai. Ka nu hlauhna ang chu ka thlen tir miah lo ang. Amos nen chuan kan hlim reng dawn tih ka hria a, inneih hlauhna ka neilo mahse inneih hma zan in eisual ka nei ang tih ka hlau zawk. Ka pasal tur a chhelo bawk a, inneih ni chuan nalh tih kan hlawh pawh ka ring. Mi ten an awh khawp a chhungkaw hlim siam ka tum tlat dawn bawk.

Cont

---

FIRST LOVE-27


JESSICA'S POV

Inneih ni a hnai tial tial a, ka huphurh ve telh telh mai. Ei leh in ah ka fimkhur lehzual a, pum huat tur ang chu ka ei duh lo hrim hrim. Amos lah ka phallo chung chung pawn alokal lui reng a, ka nu phei chuan ka hne tawh a ti. Ka thianten pui kan ngaihna apiang ah min pui a, kan inhmuh apiangin inthen lo turin min ti thin a, kan inthen an hlau hlawm em em a, keiin kan inthen na chhan tur ka hrelo thung. A hmaa kan inthen ve deuh pawn Amos a accident phah a ka then chhin ngam tawh lo hrim hrim.

Inneih hma zan ah ka thiante an lo riak khawm a, zingkar a inneih an tih vang in min chei tur a kan tih pawh riak turin kan sawm ve tawp a. Ka muttheih pawh ka ring lo. Ka chak tawh a, ka huphurh tho bawk sia.
"Amak e naktuk atang chuan mi nupui ini tawh dawn nia" Jennie in thutak run in a ti a, kan tap mai ang tih ka hlau. Ka pasal neih ni ah mit bui luk neih ka duh lo.
"Nia mahse nangni pawh nakin ah mi nupui in la ni ve dawn tho a"
"A hma ang in kan duh duh hun ah kan inhmu thei awm silo" tih pahin Lisa a thaw halh a, min ngai em em thin tu ani reng a ni.
"Hmuthei ang. Amos pawn duh duh hun a len a phal alawm. Bakah nangni pawh in lo leng ziah anga. Amos hian fa sawm neih a duh a" ka hnaih ber a awm Lisa chu a irh awk in ka hria.
"Uiiii...Ithi mai anga sin. I thau vak bawk silo. Bakah i hnute tui pawn sawm hnek tur em em chu a daih nang" Rose in a ti hluai a, ka hnute ka hup a, tui chu ala nei ve dawn sia.
"Fa sawm em em chu keipawn ka duh bik hleinem. Ka hah dawn si. An harh phei chuan hah lutuk vang in ka thi mai ang"
"Vawi engzat nge intih tawh?" Rose in atih leh chuan kan nui vak a, a tir ang em em khan ka zak tawh lo. A tir a min zawh kha chuan ka kalsan daih.
"Rai na tham chu ani tawh ang" ka thutak tehreng nen an au dual a, min chei tu turin min rawn khap zui. Kan phur ve tawh ani mai a.
"Zan in hi ka nulat tawp ber na tur ani tawh nia. Amak e"
"Pasal kanneih ve hunah chuan i fate an lian tawh ngawt ang" an ti a. Ani reng dawn bawk a.
"Kan pa tur hi a hmeltha sia kan fate pawh an hmeltha ngawt ang. Fa neih a duat vel ka chak tawh" ka ti a, nu tha deuh ka ni dawn chiang. Ka chei nalh thei viau ang. Nula rei dawn lo mah ila ka hmangaih ber ka nei dawn a, ka hlim tho tho.


Zing ah hma takah kan tho a, darkar khat pawh kan mu tling lo ang. Kan insiam nghal zung zung a, ka zam lutuk hi ka pangai theilo. Mi an tam phei chuan thu chham te kha a ngai awm sia. Ka huphurh dan hi a namai lo hle.

"In sawi reng suh ka chei tha thei lo che" min cheitu hian min hau nasa lutuk tawh.
"Ka in sawi pawh a nilo ka khur alawm" Amos an a rawn call reng a, hun a awm veleh ka phone hian a hmai ah ka vawm ang.

Biakin a kan kal lai atang in Rose leh Lisa an tap reng a, school kan la kal ho dawn tho a, an tah na chhan ka hrelo. Inneih hun hman chhung zawng in ka khur a reh theilo. Ka khur nasa hi ka chauh pui hrim hrim. Tluang takin kan zo thei a. Amos te in ah ka awm ran tawh. Kan thiante pawh zan anih pawn an haw mai lo. Mut hun anih hma chuan min awmpui an tum a, ka lawm angreng hle. Maggie a awm ve reng a, ka thianten an rap lui vel thin chu ka lo khawngaih. Maggie chu ni ila hetiang ah ka kal miah lo ang. A huaisen a, a tuarchhel bawk ka ti. Rosy nen an awmdun reng a, Rosy hlim hmel ka hmu lo hrim hrim bawk.

"Nupui pasal neih hi chu puitlin angai ania, ho te te ah in hau lo ula puitling deuh in awm rawh u" Henry an ati a, kan room ah kan awm khawm a, ka thiante tap pawh an la bang theilo.
"Kan puitling alawm" Amos an alo ti sam et a, "Naktuk zan kha race naah kal ang u aw. Amos chuan a nupui bula awm a thlang zawk ngei anga"
"Kei ber ka lokal loh ten le" tiin Ms alo chhang vat a. Tupawh in mak kan ti vek. In neih tuk zanah em em chuan kal loh tur ania.
"In innei thar chiah a a chiloh"
"Zan rei ah daih nia. Ahma zawng chu ka nupui bulah ka awm dawn tho lawm" min nuih tlawn tum vel mahse ka tum bur tho. Race mai mai a ho tehreng nen.
"Lokal lo ang. Jessi pawh a nuih duh miah loh hi. A ngai ve ang che"
"A muhil hma thei emai min ngai hman lo ang. Ala tel theih chuan ka tel ve maithei ni. I phal tiraw?" tih pahin min kuah a, a kut ka lo dahsan sak. Bathroom ah ka luhsan daih. Hman ni lawk a accident si hlauhna pawh a nei miah lo man le? Ka in bual a, ka inthlak zawh vek hnu a ka chhuah pawn kan thiante chu an lo la awm tho.
"Thinrim suh ka kal dawn lo ka uang anih kha" Amos an alo to vat a.
"Iduh leh kal rawh engahmah ka ngailo emai. Ka nute bulah ka riak thei tihna ani mai lawm. A nuam dawn ani mai. Kal rawh. Iduh leh zan in pawn kal la" ka ti duah a.
"Present pawh in la hawn kim hma in in hau nghal suh u"
"Ka hau ve lo. Jessi alawm mahse a thinrim rei ngailo tih ka hrechiang emai. A hmelthat vang hian thinrim hi a inhmeh ve vaklo a" Amos chu lukham in ka vawm a, lo dawn pah in a mit a siai a, a tih ziah dan. A nui vur vur lehnghal.

"A thinchhe emai. A rai tan tir dawn aniang. Christmas in hmang nuam dawn bik ka thik che u" PT an ati bui bui a, christmas a min lensan reng dawn loh chuan kan hmang nuam ang.

"Naute inneih hun chu ka awm nasa ngawt ang" Lisa in phur takin a ti a, alo tap bang tawh ani ngei ang. Ka thiante pawh ka lo ngaihven tawh hleinem.
"I awm mawl vek ang" Amos an atih chuan a tum hman mai. Tih lungawi ka duh vang in "Lisa in a awm thiam ber ang" ka lo ti a, fa kanneih hma atang in a awm tu tur thlem lungawi a ngai hmasa nia.

An haw hnu ah khum ah ngawi reng in kan thu a, ka la ngei tlat. Min kalsan a tum nghal kha ti der pawh nise kan thian te an awm ve vek a ka zak tho tho.
"Naktuk zan chu kal dun ila. A nuam thei tehmai nia" ati tha leh a, ka thinrim na ngai bawk.
"Ka peih lo iduh leh nangmahin kal rawh min be tawh suh ka ning" mut pahin blanket in ka inkhuh nghal. A nui ri te chuan ka thin a ti rim lehzual. Min rawn kuah a, ka lo tal bat bat tho.
"Ka phallo ti ve mai la. Ka kal i phallo anih kha. Thinrim kher lo la, i phalloh chuan ka kallo mai dawn lawm" ka in khuhna keu pah in "Kal duhna rilru inei pawh kha ka ngei tho tho che"
"Min ngei tho tho mah la min hmangaih tho tho. Ka hrevek"
"Nangpawn min hmangaih ve tho lawm"
"A dik chiah. Ka lenna apiang ah ka hruai ve zel ang che"
"Ka kal ve zel peih lo. I len apiangin ka haw ang" nui vur vur chung in ka bulah a rawn mu ve a "Inu in haw mai mai a phal dawn lo. Rilru nuam deuhin ka leng thei tihna. I haw ziah dawn lo chiang e. Min ngai hma thei si"
"Nangmah khan min ngai daih zawk. Ka bulah pawh lo mu suh"
"Ka mu dawn tho tho. Ka nupui bula ka mut loh ten le" min kuah chung chung lai chuan "Naupangchhia lutuk" ka ti sap a. School kal pawh ka peih tawh lo. Class12 ka zawh chuan ka zir chhunzawm peih tawh kher lo ang. Amos hian zir chhunzawm zawk rawh se.
"Min kuah vak vak tawh suh ka thawk a buai dawn. Fa kanneih hun ah a laiah hlir ka mut tir ang"
"Ka san ve zel mai ang. Naute chu ka pawm zo dawn chiang. Anih loh pawn khum ka zawm tir anga i bulah ka mu tho ang" amah hnungchhawn zawng in ka mu a, min la kuah tlat tho. Ka kalbo a hlau aniang. Ka kalbosan phal dawn tawp silo a.
"Naktuk thawh hma angai lo nia. Ka harh hma in tho miah suh ang che"
"Ka thawh hma ve loh in mo ka nih hi"
"Mo tha inih duh chuan i pasal thu awih la ani mai thawh hma a ngai lo" ati leh bur tho. Ka tho hma awm emai. A chhungten an sawisel theih a awm ka duh teuh lo mai. Ka mit ka chhing a, engmah sawi tawh lo ila ka muhil thei ani mai.

Tukverh a nizung rawn lut in ka hmai a chhun chuan ka harh zawk a. Ka meng nghal kawk mai. Sana ka en a, dar8 a ri tawh. Ka tho hma ve chu rapthlak zawk. Hmanhmawh deuh in ka in ti fai zung zung a, ka zawh veleh room atanga chhuakin in hnuaiah ka tlan thla. An lo thu thap tawh a, inthiamlo deuh chung in an thutna bulah ka ding khawng lah mai.
"Tih tur a awm chuang lo a,ilo tho hma duh kher anih kha" ka nu thar in nui sang a alo tih laiin "Dar8 hnu lama mo thawh chu a zahthlak" Rosy in alo ti ve thung.
"Nia kan room ah ni alo lut har lutuk a, zan amaw ka ti char char a"
"Ni nghak suh. Bakah ni a lut har lo. Ni zung rawn lut i hre har zawk anih kha" ati leh a, a mitmeng te chu hlauhawm lutuk.
"Khatiang khan ti suh. Nimin lamah a chau a, a tho har anih hi" ka nu chuan a ti leh a, Amos a damloh lai pawh khan min duat tel ve thin. Eitur pawh min lei ziah.
"Kal la Muani(an awmpui) va pui rawh" Rosy in a tih chuan choka lamah ka tlan dawr dawr mai. Min hauh belh leh ang tih ka hlau. Pasal nei vat se ka ti.

"Muani enge ka lo tih ve ang"
"Lo awm tawp rawh. Puih ka ngai hleinem. I muttui em?" alo ti zung zung a, nui seih chung in ka bu nghat a "Ka muttui vang alawm thawh ka hai"
"In pa pawh a rawn tho chhuak har thin. A harh reng pawn a mu lui tlat zel. Pasal neih chu anuam dawn awm em?"
"Aw nuam e. Duh ber te bula awm chu nuam alawm. Nangpawh nei ve vat rawh"
"Ka la nei ngam lo. A hrehawm na tur lam hi ka ngaihtuah tlat zel a" ati a, pasal neih hrehawmna an tih lai hi ka hrethiam pha ve lo reng reng. An hmangaih te bula awm hrehawm an ti ah ka ngai tawp.


"Ka harh hma chu tho suh ka tih kha" choka a Amos rawn lut ve chu ner nang in ka lo en a, a rual phei chuan tho ila Rosy in min hauh nasat lehzual dan tur zia chu.
"I harh har em anih kha"
"Muhil lui ve mai la"
"Zingkar atanga in hnial ka peihlo. Engmah a siamthat theih tawh chuang loh" min kuah rualin ka in la hrang nghal.
"Ngatinge?" tih hu pahin a mit a nuai a,a mut thawh apianga a tih ziah dan ani ve hrim hrim.
"Midang hmuh turin min kuah suh"
"A ho e. Midang mitmei ven lutuk chuan a hlim theih loh" a ti a, min kuah lui leh tho a.
"Keichu ka ning tawh" ti chunga inlak hran ka tum a, a theihloh. Mood fuhloh sa nen ka ning tak tak tawh hetiang hi aniang pasal neih hrehawm na chu. Rosy rawn luh ve veleh min thlah a, Rosy vanga ka lawm ve vawikhatna aniang.
"Amos he inchhung ah hian i nupui nen chiah in awm lo tih hria la. Jessica nangpawh Muani puitur che in ka tih kha. I pasal lo in kuah tir mai mai lo in"
"Nangpawn i puih ngai bik miah loh kha. Ve tan tan che hian. He in chhung ah hian i thu ber lo tih hreve la" Amos an a ti let ve a.
"Ka thu ber lo mahse thudik ka sawi. Midang hmuha inkuah reng a mawilo. In duh chuan in room ah in khung nileng mai rawh u" a chhuak tur chu a kal dan ah pawh a thinrim zia ka hria.
"Engahmah ngai suh. A senior tawh lutuk a, tuman an kuah duh tawh lo a a thinrim anih kha" nuihsawh deuhin a ti a, keipawh ka nui ve tho. A hriat loh a nuihsawh ka chak ve hrim hrim tho a. A ho e, lo thinrim mahse kan hlim chuan a tawk.


Kar2 vel ka awm hnu pawh in Rosy nen chuan kan la in be tha thei chuang lo. Midang chu sawiselna tur ka hrelo. Min duat bawk si nuam tak a ni. Thil pwh ka eithei. Ka inthlahrung em em lo bawk a, ka riltam chuan keimah pawn eitur ka zawng ngam. Amos pawn amah ka ei tel hlauh chang a ngah mai. Mihring chu ka eipeih lo ka ti thin. Room ka tihfel laiin a leng haw khum ah a rawn bawk thlawp a, ka biangah a fawp lo reng reng ka lo beisei ve tehreng nen.
"Iva chau awm ve"
"Chau ka mutchhuak. Rosy in alo hau che em?"
"Hau nang kan in be lo a nimai"
"Be lo la a hau lo che ni mai"
"Irawn van haw har reng reng"
"Kan thiannu alo haw a, kan lengkawi lawk a" ka sa phat mai. Hmeichhe dang hi ka ning.
"Thiannu lah hi i ngah si. Hmutawh suh. Tunlai hmeichhia mi pa ngaizawng hreh lo an tam si"
"I thik ani maw? Thik tur i hrethei si"
"Thiktur awm tir lo la a chhelo ani mai"
"Thik duh suh a hmel chu maw bull dog ani mai. Chheve reuh tak ani"
"Hmeltha se iduh angem?"
"Tehreng mai. Hmeltha ka hnar ngailo hrim hrim" ka hmui ti pawrh chungin ka hawisan a "Mahse i hmeltha ber a, nangmah vangin ka hnar vek ang" a rukin ka nui a, hmeltha min tih ber chuan a tha nimai lawm.
"Jessi rai tawh rawh"
"Ka duh duh hunah ka rai thei lo"
"Ka thianten min chhaih reng tawh nia, nupui raitir theilo min ti"
"Kan la inneih rei loh em hi"
"Kan inruk atanga chhut chuan rai hun ani tawh lawm. An awm laiin uak der ziah mai rawh" a thusawi mak ka ti chuan ka en hu a, thutak deuhin min lo en ve reng a "Ka duh bawk lo. Iduh leh nangmah kha uak rawh"
"Rai tur ka ni ve hleinem. Rai vat rawh aw, tang viau rawh"
"Mipa zawng zawng ah imawl ber" ka ti tuarh a, a thawmhnaw ka thleh sa in ka vawm pawp pawp a "Khang ho kha nangmahin thlep leh vek rawh"
"I awmdan hi raino i ang ka ti. Ka thlep em em ang. Hmeltha lo la chuan i chaklo ang,ka keuh thlu tawp ang che"
"Ka duh leh ka raino anga ka thu thu. Thlep vat vat rawh"
"Awle" ti sup chung in a lakhawm a, a thlep mual mual a. Ka lo mu ve thung. Ka chau lutuk a mut hi nuam ka ti ber.
"I rai leh rai loh test rawh Aw. Test na tur ka lo lei ang"
"Ka muhil dawn" ka bula a mut ve veleh amah nem pahin "Thlep zo phawt rawh" ka lo ti a.
"Aih i mutthilh hunah ka ti mai ang. Muhil phawt rawh, ka mutpui phawt ang che" ati a, min kuah chuan ka thlamuang huai huai mai. Ka hahdam sawng sawng in ka hria. A sawi takah chuan keipawh ka rai chak tawh. Ka la rai ve mai ang. Amos chu ka kuah let ve a, hmangaih ber te nupui nih hi alo nuam ber anih hi.

Cont

---

FIRST LOVE-LAST

JESSICA'S POV


"Ngatinge pakhat chiah a inrin reng a? Pahnih in rin tur anih kha. I zun kha i dah chiang maw?"
"Ka dah chiah a a inrin nghal iring ami? I tawngpeih kalsan rawh ka ning" a kalsan duh bik chuang lo. Ka rai leh rai loh kan test a, kan nupa in kan nghak ran mai.
"Pahnih a in rin tawh. I rai anih hi. A dang pakhat ala awm va zung nawn leh teh"
"Ka zun a chhuak tawh rih hleinem. Pakhat ah a result a chian chuan ka rai tihna ani mai lawm"
"I zun a chhuah leh hunah zung leh tho rawh"
"Ka peih tawh lo. Tikhan a chiang ka rai anih kha" a ngawih vang vang hnu ah a tho thut a, min pawm pahin min virkual pui a, "Ka lu hai min dahthla rawh" tiin ka au chul mai.
"I tha em?" ti a min dahthlak chuan ka pai nawk nawk a, min lo vuan in khum ah dim te in min thuttir a.
"Ka tihpalh anih kha. Ka lawm vang ania"
"Kalsan mai teh. Ka hne che"
"Lawm vanga insum zawh loh chu thil awmthei ania. Min ngaidam ve mai la"
"Ka mu dawn" ka pheikhawk ka phelh a, khum ah ka lawnkai a, "Ka lo mutpui ang che. Pa ka van ni teuh tawh tak. Ka fate hian hmel ah chuan min chhun hram sela"
"Mahni infak vak vak hi sim rawh. A hrengai lo tu che phei chuan mak an ti ang"
"Mahse tha min ti tho ang. Naute engzat nge neih iduh?"
"Pakhat chiah" a thuchhuak a, a mu leh hnawk a "A khua a har ang. Pahnih tal kannei ang. Na mahse pahnih tal ka duh"
"Nia nangmah khan pahnih chu nei rawh" tih pahin ka hawisan a.
"Nei dawn e, ka siam anga a neih chu itum ve ang chu" ka lo nui lui vak a, hetianga ka tih hian a ngei thin.
"Ka chhungte ka hrilh ve dawn" atho thut a, min chhuahsan a.

Nau ka pai atang chuan min duat lehzual amaw tih mai tur a ni. A bikin Amos engmah ka tih a phallo. Ka bulah a awm reng a, step ka kal pawn ka tluk hlau in min vuan reng mai. Rosy in min be ngai miah lo mahse naute thil tur a buaipui char char reng a, a hna atanga alo haw a piang in naute thil tur leh ka eitur atana tha tur engemaw tal alo hawn thin. Min nuih ngai lo a, ka biak pawn a ruk tawk chiah in min chhang thin.
"Muani kan monu hi chhunah thil ilo eithat tir em?" Rosy aw ka hriat chuan ka biru vat a, choka a luh ka tum min lo luh khalh a ni.
"Aw eitir e. Vawin chu anpa kha picnic naah a kal ve sia"
"Chutiang thil ho lutuk ah ngatinge a kalsan a? Thil a eithat chuan a lawmawm chu. Ka thil rawn hawn hi siam la i eitir dawn nia. Choka ah engmah khawih tir suh aw, a chesual palh ang"
"Awle. U Rosy i haw viau amaw ka tia"
"Ka inthlak dawn a, kha thil kha lo siam sak rawh" choka atanga a chhuah chuan min hmuh hlau in ka thin a phu dut dut hman. A phone a en vang in min hmu lo hlauh a, a thawm a reh fel hnu ah choka ah ka lut ve chauh a.
"Lo lut suh Jessi i chetsual chuan keiman ka tuar dawn" dim te a min vuan chungin hmanhmawh takin choka atangin min hruai chhuak thung.


Ka pum a lian ve zel a, ka nu thar hian thawmhnaw min leisak reng a, Rosy min lei pawh a awm nual mahse aman min pe ngailo. Kan khum a alo awm tawp loh leh midang kut ah a dah thin. Nau ka pai atang hian ka puitling lehzual sawt in ka hria, mahse ka rai tan tirh a ka thinchhiat lai chuan Amos nen kan in hauh thin vang in room a riah duhloh chang a nei thin a, zing ah a ngai ang chiah in min duat leh thin.

Zan ka mu ka pum na in min ti harh a, ka nau neih hun ala nihloh vangin phurhs tur nghawng amaw ka ti a, ka tuar lui a, mahse a nat zel vangin Amos ka kaitho.
"Enge?"
"Ka pum ana" ka thlan fim pawh a tla hial. Hetiang hian ka pum ala na ngailo.
"Hospital ah kal ang" a ti a, min pawm nawlh a, a pen zawng te chuan anat lutuk vang in a sam ah ka tham a "Ana ka sam kha thlah rawh. Ka kal tha theilo min thlah rawh"
"Ka pum ana a vawn tur ka duh lawm. Kal vat vat mai rawh"
"Ka sam kha thlah rawh" ati tuarh a, kan in vin ri ah midang an rawn tho vek a, kan awmdan an hmuh chuan "Engatinge?"tiin an lo tlan khawm a. Tawng pawh ka tawng peih tawh lo. Ana telh telh amaw tih mai tur ani.
"Hospital" an ti a, an thusawi pawh ka hre mumal lo. Nau ka nei dawn tih ka hrechiang a ni mai. Amos sam a ka vawn na min thlah tir in a nu in a kut min vawn tir a, an vaiin min fuih mawlh mawlh hlawm a, tluang deuha nau ka neih ka beisei.

Nau tap ri ka hriat chuan thawk ka la vang vang a, a tawp a tawp ah chuan ka nei ve ta lawm. Nurse leh doctor ten min buaipui zung zung a "Itha em? Hmeichhia inei a"
"Maggie" ka ti sap a, a hmui tuam mahse a mitmeng dangdai ka tih thin tak atang chuan amah ani tih ka hria.
"A hmeltha ania" a kalsan lawkna, naute tap ngak ngak pawm in a rawn let a, ka fa ngei ka hmuh chuan ka lawm vangin ka mittui a tla. Pathian hnen ah lawmthu ka sawi nghal mawlh mawlh a. Naupang te ni mah ila tha takin ka enkawl ngei ang.
"Ka lawmpui che Jess. Ka duhthusam zawng zawng neitu inih vangin ka awt ngawt mai che" ati sap a, tawi te in ka lo nuih a. Hmeichhe chak tak ani ngei ang.


"Keiman ka pawm duh. Ka ti harh lo ang. A tah pawn ka awi anga nimai lawm"
"Ka fanu kha ti tap miah suh u"
"Vawikhat lek pawm chu enge pawi?"
"Ti tap ula hnute hnek ngaiin siam rawh u Jess hnute ka hmu ve chak alawm"
"I tenawm PT, khawi keiman ka pawm dawn"
"Inchuh lo ang u ala no si kan pawt bung palh ang"
"Kan kal lamah pawh ka pawm hmasaber dawn ka ti vek tawh"
"Enteh u a hnar hi a te sia a kaw ve tho bawk sia" ka insum thei tawh thlawt lo. Ka chauh vanga mutthilh luih ka tum nen an tawng ri chu ka ning lutuk. Ka meng a, rum deuhin ka melh kual a "In bengchhen dawn chuan chhuak vek rawh u" ka ti hrawk a. Pathau an "He naute hi khawi atangin nge arawn chhuah? Engtinge a rawn chhuah len zawk. Amak e, a lu ringawt pawh hi a chhuah theih dan ngaihtuah fe tham" Henry an a lu ah a beng a, ala men pur pur zui "Ka hrelo ve ani mai a" tih pahin a lu a tuai vut vut a. Ka thiante pathum in pawm an la inchuh char char a, Lisa kut atangin tuman an laksak theilo. Amos an khap nasa viau mahse an inchuh char char tho. Kan naute fel viau lo sela chuan a tap nasa tawh viau ang. Jennie chuhbuai ve peih tawh lo chu ka bulah arawn thu a, ka sam a chul pah in "Iti tha khawp mai. Tunah chuan nu tak tak ini ve tawh ania, puitling deuhin awm rawh aw"
"Tehreng mai. Tunah chuan enkawl ngai ka nei tawh alawm. Ka theih tawp a tha in ka enkawl ang" ka ti sap a. Ka la chauh vangin ka bul vela bengchheng ho te hi ka ning. Khap engang mah ila awmzia a awm dawn chuang lo.

Hospital atanga kan chhuah ni chuan inleng kan ngah. Ka chhungte pawh an lokal leh a, naute an in pawmchhawk kual a, Jenet in a khap pawn sawi loh ang chiah ani mai. Puitling thleng in tuman doctor thu pawh an awih lo. Ka fanu chu a vannei,a pian tirh atangin tupawn an lawm nghal vek a. Hmeichhia anih takah chuan Amos aiin keimah min chhun se ka ti zawk.

"Sofia Lalawmawmi" ka pa in a ti a. Ka pasal neih hma vanga a lawm loh em vang in ka fanu hming a phuah duh pawh ka ring miah lo ania. Tupawn hmeltha an tih thu an sawi vek a, chu baka hriat nuam chu a awm chuang lo. Amos phei chuan amah a an vanga tha anih thu a sawi a, anu a an vang ti se ka lawm dawn nen.

"Jess college chu kal leh la, keipawh ka kal tho a"
"Nitin class pangai anga ka kal reng theih iring ami?"
"Nitin kal ngailo tal in ti rawh. A uihawm. College zawh ah tal lo innei ila tha tur ania" atih chuan ka ding khawng lah a.
"Ka sawi mawlh mawlh kha. Inneih hma a atha lo ka tih kha"
"Ka nei che a ka inchhir chuang hleinem. Thinrim suh naute pawh a hmelthat em hi" tih pah a nui vur vur chungin ka puak lai a rawn piai a.
"Kum4 vel a tlin hunah thil training tur ka zawng mai ang. Anih loh cla tun ang hun a ka kalsan chuan ka rilru a nuam dawn chuang lo. Chhun ah Muani bak in ah a awm ngailo"
"Awle itih dan dan ani mai. Mahse i lokal ve loh chuan a nuam lo"
"Kal ho thei tur reng min nei hma lutuk anih kha"
"College ah chiah ka bulah i awm lo a, innei lo ila chuan class ah chiah kan awm dun leh anga, hun awl ah pawh i thiante i in ventir leh tlat anga, ka nei che hi tha ka ti fe" ati duah a.
"Kan chhungte hian nangmahni in in chawm rawh u ti mai se engtinge kan awm ang le?"
"An ti dawn lo sa lungngai suh. An ti dawn lo tih ka hriat vang in khatiang kha hman atangin ka la ngaihtuah ngai lo"
"Ivan tawng duham thei em em"
"An ti dawn lo lawm. An thei lo chiang sa"
"Mahse lehkha hi tha deuh in zir tho ang che"
"I awm phei chuan naute nen hian ka chhaih chak tlat zel cheu a lehkhazir pawh a peihawm loh"
"I zir dawn apiangin kan kalsan mai ang"
"Tullo in awm in ka zir tha thei zawk" min melh rulh hnu ah a nui a "Min tlawn itum leh tawh chiang i nuih dan kha"
"Min hrechiang emai ka nupui ni awm reng a ni" ner suk chungin ka kalsan a, min zui ve zel. Ka din in a ding ve zel a, ka thil khawih apiang alo en ve a. Chhelo bawk min zar peih bawk hi chu hmangaih an lo awl ani ngei ang. Amos pawh ka hmangaih em hi maw.

Naute ka puak mut hnu ah khum ah dim te in ka nghat a, tunlai chu a zia a thlak a, puak mut zel a ngai tawh. Naute bula ka mut rualin Amos pawh a lehkhabu khup in ka bulah a rawn mu ve nghal.
"Light off leh lawk rawh" a tho leh a, light a off hnu ah ahma aia min hnaih lehzual in a rawn mu a. Pasal neih a nawm na chhan pakhat aniang. Keichuan naute leh apa te min hnaih deuh a an mut hian nuam ka tia,a thlamuanthlak ka ti. Chhun lam a ka chauh zawng zawng pawh a bo vek thei thin in ka hria. Ka kawng ah a kuah a, zan dang aiin a muhil hma. Naute a harh leh zeuh thin vang in ka muhil tui ve lutuk hman thin lo a. A tah deuh pawn Amos chu a harh ve tawh lo,a harh ve tawh ngailo hrim hrim zawk. Mipa hi chu an lo danglam zawk tak tak anih hi.

Naute tap riin min ti harh a, ka meng vat a, khua alo eng uarh tawh. Amos a kut ka dahsan a, ka thut hnu ah naute ka pawm a, pawm chuan a tap rei bik lo. Ka chhaih a, min en reng chung in alo nui sen sen thin a, a nuih theih hnu phei chuan a hmeltha lehzual.
"A nuih khan i hmel ihmu zel em?"
"Min ti phu alawm" ka ti vak a, naute chiah ka ngaihtuah a a rawn harh ve lai pawh ka hrelo.
"Iva phu nasa tak ve,i hahchhiau dawn amaw ka ti lawm"
"I sual emai ah" min ngheng reng chungin naute a chhaih ve a, a nuih chuan kan in ang tak tak. Amos aiin keimah a ang ti tu an tam zawk.
"Mipa kanneih hun chu aw. Keimah ang tawk nei ve tawh ang che"
"Nangmah a ang vaklo zawk tih i pawm tawh ani maw" tih pahin ka nui vak a, a tir ah an tan nat vei nen.
"Pawm e. Mahse i hmeltha tho a, ang che mahse pawi ka ti chuang lo"
"Em em a che"
"I hmeltha lawm. I hmelthat a reh hunah pawh ka hmangaih dawn tho che a" ka rilru a nuam veng veng mai. Mipa thenkhat ang a nupui te iai leh chi kha a nih ve ka hlau a.
"I vannei nangpawh pasal hmeltha deuh inei a"
"Ka first love ngat pasal ah ka nei thei a, vannei ka inti" ka lo ti ve a.
"A dik tuman i nupui saw ka ex an ti theilo tur pawh hi a lawmawm hrim hrim. Mi nupui hlui nih i duh loh chuan min then miah suh ang che" tia min sawithaih chuan ka lo nui hak a, nuthlawi nih ka hlauh zia a hrelo ani ngei ang.
"Nangpawh mi pasal hlui nih iduh loh chuan min then suh"
"Ka hmangaih che a,ka then dawn lo hrim hrim che. Midangin an neih che ka hlauh vang ania inneih pawh ka hmanhmawh. Kan thih hma chuan kan innei reng dawn nia, ka hmangaih reng dawn bawk che a" ati duah a.
"Keipawn ka hmangaih reng tho ang che" ka tih chuan alo uak der vel. A awm ah ka nghawk a, tum bur chung in a awm a dawm a.
"Kut min thlak thin mahla ka hmangaih tho che. Mi chu an pasal te sual in kut an thlak a,keichu ka nupui ka fiam apiang in ka engemaw lai ber ana ziah" ka nui a hmuh chuan a ni pawh a nui veleh mai a. Pasal neih fuh chuan pasal neih hi alo hrehawm em em lo aniang. Ka chhungte ka ngai thin hi a hrehawm na lai ber a ni mai. Tunah chuan fanu leh pasal fel tak ka nei a, nupui tha ber ni tur a theihtawp chhuah hi ka tih tur awmchhun ani tawh mai.

END (FIRST LOVE, lo chhiar a, comment leh like min pe thin tu te zawng zawng chung ah lawmthu ka sawi e. Ka buai viau pawn min lo nghak hram hram thin a, ka lawm. FIRST LOVE sequel PERFECT WIFE rawn dah vat ka lo tum dawn nia❤)

---