KRISMAS THILPEK
KRISMAS THILPEK
Kan pindan chhung a ni zung rawn lut siar siar chuan min ti harh a, ka bul a tui tak a la mu ka pasal min kuahna aţang chuan dim te a inla hrangin ka tho ţhem ţhem a, a harh hlauin parda ka hawng duh rih lo.
"Bawihte min lo thawh khalh leh tawh a ni maw?"
"Aw nu i muttui em?" nui ver ver hian a lo ti a,a nui hmel hi hmuhnuam ka ti ţhin. Kan kawmthlang in chhe takah a nu nen an awm ţhin a, chhungkhat hnaivai an nei lo. A nu hi burma mi a ni. Vanduaithlak takin a nu in a boralsan hlauh a, ka pasal nen a inhrang kan chan hlim hlawtah a ni nghe nghe. Fa kan la nei rih lo bawk a, hmun dang a awmtir ai chuan tiin fa atan kan la ta a ni.
"Muttui lutuk. Thingpui ka lo lum ang che aw" ka tih laiin "Engtikah nge nu leh pa nei ve lo te Krismas thilpek kan pek leh dawn?" tiin min lo zawt a, kan hnenah kum 3 lai a awm ve tawh a,kan tih ţhin dan a hre ve tawh a ni.
"Ka hre lo le, ipa lo tho se kan sawi ho dawn nia" ka ti a. A thil ziah lai a ziak zawm lehnghal melh melh. Thawnthu ho lam te te ziah vel hi nuam a tia, a kum ngaihtuahin a thiam khawp mai. Krismas boruakin min tuam leh mup mup tawh a,boruak a nuam leh tawh. Kan chhungkaw khawlbawm kan hawn a hun leh ţep tawh.
"I chin ţhan hi i thlah thei ngang lo a nih hi tiraw?" ti a fiam pah chuan ka nui sang reng.
"Zing tin ka hmu ziah chung che hian ka hne thei lo che a nih ber hi"
"Å¢awngkam thum tak tak hman pawh i bansan thei chuang lo a?"
"Hmang lo thei lo a min siam ţhin tu inia, dem tur i zawn dawn chuan nangmah chiah" uang thuang deuh hian a ti a, fa ka la hrin sak thei lo chung a min hmangaih a min la thlahlel em em reng hian min ti lawm ţhin. Thla hmasa ka period miah lo a, beiseina chhe te ka nei ve mahse hetiang hian ka awm zeuh zeuh tawh a,phur takin kan nghak a, a thla dawt lehah pangngai takin ka period veleh mai zel a,kei chiah ni lo vin ka pasal thlengin ka ti beidawng ţhin a, tun ţum chu ka hrilh duh ta lo.
"Eng thil nge i ngaihtuah leh tak vung vung a?"
"A ngai bawk" ka ti zuai raih a,ka thaw zui hawk a.
"A hunah Pathianin min pe ve mai ang. Vei run lo la,hahdam rawh. Bawihtei kan neih hi" a tih lai mekin a diary kengin Bawihtei a rawnkal a, ngaihţhat lohna a neih hlauin hlim hmel ka lo pu vat. A diary karah chuan lehkhapuan a milem ziah chei chawp te tak te te a zep a, Krismas hlim tak a hmang tur a duhna thu tawi te te a inziak. Thilpek kan pek tur ho zing a dah tel zel tur a a tih a ni a, a hming erawh a ziak lang lo. Hman a ka lehkha dawn ang chiah khan. Ni e,tun a ka pasal ni ta Muanawma hnen aţang hian kha lehkha kha dawng lo ila chuan tun thleng hian Krismas hi nuam a ka hman ka ring lo. Midang te thilpek pek ngat phei chu ka ngaihsak lo lehzual ang.
Ka hma hun a thil lo thleng tur hre lawk miah lo va ka tal ve mawp mawp laiin ka nu a damlo chho a,ruh cancer a ni. Kum18 mi lek ka nih lai a ni a, a dam nan ka ţawngţai nasa ţhin hle. Mahse ka nu chuan Krismas niah chiah min boralsan. Khata ţang khan ka tan chuan Krismas hi hlimna hun a ni ve tawh ngai lo. Ka hmangaih ber leh tawpchin awm lo va min hmangaih tu awmchhun ka nu min awm loh sanna ni a ni a,hmun nuam zawkah a awm tawh tih hre mah ila ka chung a thil thleng chu ka pawm thei lo. Ka lo nuihzat em em ţhin Muanawma te unau ai pawn ka rethei daih tawh zawkin ka hre ţhin.
Kum22 ka tlin kum hian kum dang a an tih ang bawkin ka ţhiante chuan kawn chei en turin min hruaichhuak leh a, chu mi ţum pawh chuan ka nu ngaihtuahin ka mittui a tla leh. Min hmanpui ve se, veng tinin Lal Isua lo piang tur lo hmuah nan a a mawi thei ang ber a an thil chei te hi hmu ve se ka ti ţhin.
Hemi ţum a kan lengchhuak kan haw hian kan inkawtah present bawm ka hmu a, enchian chakin phone êngin ka chhun a,ka hming a lo inziak kuau. Ka kawlum phiar lianpui haklai karah chuan ka thukru a,ka pindan chhungah ka hawng a.
Mawza leh kutkawr lum man tlawm chi a lo awm. Lehkha a lo inzep tel a, a sirah far thingkung chhe zetin a inziak. A milem ziah chhe zet vang chuan tawi te in ka nui a, a thu ka chhiar hma in min pe tu hming ka zawng a,mahse ka hmu zo lo.
"Mi tam tak bawr luih luih naah khan i ţhiante zingah ka hmu tel ve che a, i hmel a lungngaihna langchhuak kha ral aţang paw'n a hmuh chian theih khawp mai. Mi zawng zawngin hlim tak a veng chhung cheimawi an en laiin nang chuan ţap mai thei tur hmel i pu reng a, i mitmeng kha a zuai raih reng. Hawina lam apiangah thil chei mawi hmuh tur awmin a de chuaih chuaih vek a, an thil chei mawi ho khan i hlimna leh lungawina an phawh chhuah sak zo ve lo che niin a lang. Khawvel pumpui a mi tam zawk nun a hlimna a thlen mek lai hian eng nge i hlimna ni ve? Hmangaihtu i chân nge i hmangaih i chân zawk? Eng zawk zawk pawh hi nise tuar rih la, dawhthei takin nghak rih rawh. Hmangaihnain a lo zawng hmu ve vat ang che. Mi tumah hi an lungngaih reng Pathianin a remti lo. I hun a la thleng lo ah ngai rawh. Krismas hi hlimna hun leh hmangaihna semchhuahna hun a ni a, hmangaihna dawn chiah inbeisei lo vin semchhuak chhin rawh. Midang ţanpuina tur inei ngeiin ka ring. Hawizau deuh la, i ţanpuina nghak tam tak an awm. Nangmah vanga mi pakhat lekin hlimna nasa zet a nei theih phawt chuan, chu ringawt pawh chuan hlimna a thlen ve ang che. Min ring lo anih chuan i lo ti chhin ve dawn nia. Hmangaihna ila zawng hmu zo lo va, ila dawng ve thei lo anih pawn lo semchhuak ve chhin rawh. Ho te ti ang a i inngaih laiin Pathianin a let tam takin a vur ang che. Krismas hun hi hlim takin i lo hmang tawh dawn nia. Ka hmuh hnu lawk che khan he lehkha ziak tur hian ka haw hma vang vang a,ka thilpek tur che pawh i dawn hma phah ta deuh a nih hi, thil ţha leh to leina ka nei rih lo a,i lo hrethiam dawn nia. Ka thuchah che kha lo hre reng rawh. I hlim phah ngei ngei ang.
Ka lehkha dawn chu ka tuai let ka tuai let ringawt a,a ziak tu hming ka zawng a ni mah. Ka zawng beidawng ţhak a, rei tak chhung chu ka hre lo. Rin tur leh puh tur takngial pawh ka ngaihtuah chhuak zo lo. A thil min pek erawh ka dahţha a,ka roh khawp mai. Tun thleng hian ka la nei nghe nghe,a chhe tawh hle.
Kha lehkha ka dawn aţang khan hawichhuak ve ţanin ka thil thlir dan ka ti danglam a, ţanpuina mamawh kan veng chhungah ngei pawh an lo tam hle. Chutih laiin Muanawma te erawh an unau an fel a,an khawsak a zia ve tawh viau. Thawh hreh an nei ngai lo va,ka hmusit tawh lo. Ka ngaisang ru em em zawk. Ka lo nuihzat ţhin te kha ka zak ngawih ngawih tawh a, a nau hmeichhia ka hmuh phei chuan ka be hmasa ngam tawh ngai lo. Ţhat a chhuah poh leh ka insit a, ka inchhir ţhin hle.
MA ka zawh hnu lawkah hna ka hmu ve hlauh a,thilpek hlu tak min pe tu thu zawmin ţanpui ngai ka hriat apiang ka ţanpui ţhin. Ka tlakchhiat phah ngai reng reng lo. Ka hlim mai bakah ka nun a hausak phah hle. Vawikhat chu nu leh pa nei lo an enkawl naah ka kal a, sweet leh pawisa ka keng. Kei aiin anmahni enkawl tu ten an mamawh an hre zawk a,ka vawikhat kalna a ni bawk nen, naupang lawm sweet lo chu lei tur ka hre hlawl lo a,pawisa a pek mai ka duh ta a ni. Hemi ni hian Muanawma nen kan inhmu a, mak tak maiin kan inpawh nghal hle.
"A vawh tehreng nen kutkawr lum zawk bun tur che a lawm. Scooty a lokal inih hmel sia" a lo ti a,helmet ka phelh sawk sawk. A ni pawn hna a nei ve tawh a, rethei ti a sawitur an ni tawh lo. A nau hmeichhia lah phaiah awmin a chhungte a enkawl pah a,in sak an tum uaih tawh. An nawmsak hun a thleng ve mek a ni.
"Nia pan viau mahse lumna a keng tel tho a, kutkawr dang aiin a hlu zawk" tiin ţha deuhin ka lo chhang a,a hmul hrup tawh a,a ţhen lai chu a pawp lek lek tawh.Mahse ka la hluihlawn phal lo,a lumna ala bo chuang lo.Ka kut kawr ang chiah hian Krismas boruak vawt tak hian lumna riau a keng tel ve tlat a ni,thil ţha kan tih phawt chuan.
"Eng nge itih ve?"
"Helai hi chu ka in pakhat ang a nia, naupang thil thar nei lawmpui turin ka kal a nih hi. Ţhu ila,kan lo thlir dawn nia,an lo chhuak ţep tawh ang" a ti a,kan dinna piah lawk a ţhutna inhungah chuan kan ţhu a, kawtzawl zau ţha tak ruak huai si chu kan thlir a.
"Eng ti turin nge i lokal ve zawk? Mi i ţanpui nasa niin ka lo hria a"
"Hmingţhat duh vang a ti ka ni lo" ka lo ti vat a, a lo nui hawk lehnghal.
"Ka hria,i fel ka ti. Lo fel zel rawh aw" a lam ka hawi phei a,a nui hmel chuan lumna min pe tel ve,a chhan ka hre lo.
"Ka tih theih ve tawk a nia, Pathianin malsawmna min vur tam tak zing a tlem te ka semchhuak ve ah ngai rawh"
"Hmeichhe hmelţha leh ngilnei hi chu a inhmeh bik riau asin" tiin min fiam a, kei aiin a upat deuh vangin kan inbe ngai mang lo va, mahse ka nel nghal tlat tho.
"Ngilneihnain hmelţhatna a keng telah ka lo ngai mai dawn nia. In unau hi alawm fel, tihian in puitling ta vek a, hma insawn zel bawk a, in fakawm ngawt mai"
"Hma i sawn lo bik hleinem. I awm ngai reng a awm lo va hmalam pan i thlang hi a lawmawm zawk daih" min hrechiang awm fahran hian a lo ti ve. Naupang thawm a rik tak nak nal vangin kan inbe zui lem lo.
Parcel a sweet pack tam tham zet ka dah chu an nu ber hnenah chuan ka pe a, pawisa ka pe tel bawk.
"I fel hle mai. Malsawmna i dawng let ngei ngei ang. An tam lo bawk a, sweet hi chu nangman sem ta che. An lawm thiam ţhin khawp asin" a ti a, naupang ho chu a ko khawm a,an lo kal khawm laih laih. Ka ţhu hniam a,khawr ţut chungin sweet chu ka sem a, 'ka lawm e' an ti zel a, sweet pakhat lek pawh lawm tak a an dawng thei zel ka hmuh chuan ka hmeichhe rilru no a chhuak a, mittui a hnai leh tawh. Naupang hmuh a ţah ka duh loh vangin ka insum hram hram zawk a ni. Ka hmazawna naupang te te awmkhawm laih hlir ka lo ngaihven a, Muanawma a lo awm ve reng tih ka lo hre miah lo. Ka hmaah rawn ţhuin nui ruh ruh chungin kut a rawn dawh ve a, lo nuih sak pahin pakhat ka lo pe ve.
"Thil ka hrilh ang che aw"
"Eng thil?"
"I kutkawr pe tu che kha" a tih chuan phawk hra hian ka en a, amah a nih ngei ringin ka lungphut dan chu chawp leh chilhin a in thlak. A phu dawt dawt a ni ber.
"Nangmah i ni mial em?"
"Aw. Ka thuchah ho te i zawm a,a lawmawm. Midang an awm ve sia, nakinah kan sawi leh dawn nia, zep reng ka tum viau na a,i danglamna ka hmuh hian ka zep reng thei lo a ni" a ti a, engmah thleng lo ang maii kan ţhutna ngai bawkah a let leh a, keimah zawk ka pangngai hleithei lo. Mak ka ti lutuk chu ka awm ngaiin ka awm reng ringawt.
"A nu lokal ziah rawh aw" ka hmaah hmeichhe naupang kum 6 mi awm vel a lo ding a, ka sweet pek kawr kha a la hum ţat. Muanawma thusawiin min ţhawn tawh sa laiin nnaupangin 'Nu' tiin min ko lehnghal. Min ţhawng dawt thei thil a thleng nawlh nawlh a, ngaihthlak a nuam hle thung si.
"Tehreng mai. Kumtin ka lokal dawn nia, nakumah chuan Krismas kawrmawi ka lo kensak tawh ang che" ka ti a,nelawm thei ang ber a lan ka tum ve.
"Kha hetah hian ţhu rawh. I ke a kham lutuk ang" tiin an nu ber chuan ţhutthleng hniam min pe a, a awm ve reng dawn maw tih laiin naupang dang ngaihvenin min kalsan leh.
"Ka unaute i lo ken ve dawn em?"
"Aw in vaiin ka lo kensak ang che u. Krismas ah mawi tawkin in inchei vek dawn nia" ka ti a, pawisa khawl ka tum ruh nghal hle. Ka thlahnih thum hlawh ringawt chuan an vai daih tur a lei pha bik lo.
"Sweet hi a tui e" tih pahin a nui ver ver a, a sam kir mawi takah chuan ka lo tuai sak a, an duh vang a nu leh pa nei lo leh rethei an ni bik si lo,ka khawngaih takzet.
Mipa naupang ho chu Muanawma'n football a khelhpui a, keiin hmeichhe naupang sam te phiar sakin a ţhen ka ţawnsak a,kan hlim dar dar khawp mai. Kan awm laiin thilpek pe tur dang an lokal ve lem lo bawk a, naupang ho infiampui min phal sak a, rilru chhia la pu miah lo infiampui chu a nuam takzet a ni.
Kan haw dawn te chuan min ui hlawm khawp a, kal leh turin kan intiam lawm lawm reng a ni. Muanawma nen kan inzui haw a,ka tlan hmasa a,a nau nen an iinţawm ni a a sawi bike in ka hnungah min zui. Kawng laklawhah kan ding lo va,inbe zui zel turin kan inthlah thlap thung. Phone number pawh kan inpe thlap.
Kan inbe ta zeuh zeuh a, mi ţanpui turin kan chhuak nasa. Kan neih ang ang kan thawh khawm ţhin a,tam kan nei ngai lem lo. Mahse tlem te pawh pe ila a dawng tu te an lo lawm thei hle. Zankhat kan inkhawm bang kan inhmu nawlh a,leng tur a ka sawmna chu a lo hnar lo chiang a sin. Inngaizawng miah lo vin kum khat dawn ţhian kan ni tawh. Ţhian dangte ai ngawt chuan kan indah pawimawh a,kan hre ve ve chungin bulţan hmasa tu zawk kan ni duh lo ve ve.
Ka chhungten fel an ti bawk a an lo be ţha hle. Thingpui te ka lumsak a, khua a vawt leh ţan tawh.
"Naktuk zan chu Pi Zuali te inah zuk leng ang hmiang. In kawmthlang lawk a ni tho a, i chhungten chhuah an phal em ang chu" a ti a, keichuan nui chung hian "Nula senior hi chu khawiah pawh kal ila min ngaihtuah tawh lo. Kan zuk leng dawn nia,an pa boral aţang khan ka la lang leh reng reng lo a" ka lo ti var a, an dinhmun thli thlai a tum ni berin ka hria.
"Nula senior i intih chuan keiphei chu tlangval senior un tawh,ke pen pah a ţawng hleithei tawh lo ang vel ka ni" a lo ti fiamthu ve nghal zat a,kan ti ti a inrual thei a,kan lo inhre har mah mah ka ti ţhin.
"Nupuite hi nei ve tawh la"
"Nakinah ka sawm ang a,a duh tak hlauh leh ka la nei ang chu"
"Ehh..hual lawk i nei chiang mai"
"Nei ve bawk e. Ka sawm hlawhtlin tak leh ka hriattir ve dawn che nia"
"Nang ni pahnih lah hi,in inchhai dan a hmanlai thei lutuk" ka nauin a rawn ti hlak a, nui chungin a hawisan leh hmak.
"Min hrilh hmasaber ang che. In inneih ni ah ţhian atan min hmang ang che aw" zangkhai vahin ti mah ila a ruk chuan ka hlim hlawl lo. Ka lawmpui thei miah lo chu sual ka inti. Ka thinlungah ţhian aia thuk zawkin hmun a luah tawh tih chiang takin ka hria a ni.
"I thi ber dawn nia, ţap chungin mo lawmna chaw i ei em lo ang chu tiraw?"
"Uang reng teh suh. Ka ţhian chauh inih chu" tih hlak pah hian na lo te in a ban puam laiah ka chum a,inthup tum ţhin viau mah ila hepa hi chuan min hmu tlang thei vek emaw tih tur a ni.
Muanawma nen a kal tur kan ni bawk a chaw eikham aţangin ka inpeih at tawh. Min kochhuak tawp lovin inchhungah min sawm turin a rawn lut thlap a, ka pa phalna ngeiin kan chhuak dun. Phone eng ringin step thim zetah kan kalthla dun a,a chhe tawh bawk nen ka tlu lek lek zel. Muanawma chuan min vuan tlat a, hlau miah lo vin ka kal tluan ve thei. Min vawnna a thlah chiah chuan ka nghet lo sawtin ka hre hial nia.
"Senior i inti tawh hle sia,torch light i pai ka ring deuh a"
"Kei aia senior inti zawk khan pai ta che" ka lo ti ve vat.
"Ka pa nen kan inţawm a a hmang duh sia" min hnial na tur englai pawn a hria. Pi Zuali te inah chuan kan inzui lut a,an nufa lekin an lo awm a,inleng neih an inbeisei loh hmel kher mai.
"A inhawng huau sia kan lo lut tlang ringawt a" inthiam loh hmel fe hian Muanawma chuan a ti a, Pi Zuali chuan "A pawi lo. In thawm ka hre lawk tho a, sikri ka chhem sia,a khu nasa em a,ka hawng rih mai mai. Lo ţhu rawh u,in rawn leng a,a lawmawm kan nufa chauh kan ni sia,kan khua a har ve ţhin a" a lo ti zung zung a,a khuh zui kharh kharh.
"Hmanni ah damdawiinah ka nu ka hruai laiin ka hmu che a,eng nge i an zel? I dam lo a nih ka ring ngawt a?" Muanawma bawk a ni. Retheih awmzia hretu leh a tak a tawng tu a ni bawk a,mi rethei zawk te a en liam mai mai ngai lo.
"Ka zia deuh tawh. Damdawi min chawh ţeuh a,ei pawh ka ei seng dawn em maw ni?"
"I lei nghal vek em? Doctor in ei tur a an tih che kha chu ei tawp phawt mai la"
"Strip1 lek lekin ka lei a,ka'n eichhin phawt ang e. Thingpui in lum rawh u aw. A vawt tawh si,kan in phei hi chu a vawt lehzual tehmai nia" tih pahin a tho a, kan hnar duh ta lo. A fanu chuan milem bu a en a, min tibuai lo reng reng. A nungchang a ţha khawp mai.
"Bawihte eng nge i en a?" ka tih chuan "Krismas putar" tiin phur takin min lo chhang a, a lehkhabu min hmuh zui zat bawk.
"Hmanni ah mi paih tawh a la ţha em a tiin ka hawn a,a lo duh phian sia" Pi Zuali chuan a lo ti a,Muanawma chu kalsanin naupang bulah chuan ka ţhu leh zawk a.
"Krismas putar hian eng nge a ah bawr ţeuh ang le?"
"Kawrmawi te,barbie te"
"Ehe..a pe ve dawn che nih chu. Tikhan a lem kha en reng la, kawrmawi leh barbie i dawng ngei ngei ang" ka ti a, naupang dawt ka hrilh ringawt chu ka inthiam lo leh hnuhnawh. Mahse thilpek pek ka tum rilru tho a, a pawi thui lutuk lo ang chu maw. Heta Pi Zuali fanu hi tun a kan fanu ni ta hi a ni. Kan len lai hian kum6 bawr vel chiah a la ni.
"Engtikah nge min pek dawn?" ti a zah hmel tak a min zawh chuan inngaihtuah vang vang ang hian ka awm a,min lo enkar reng.
"Lo nghak hram hram la,a pe vat ang che. Kum dang zawng zawng a i hak ţhin aia mawi zawk a pe ang che" ka ti a, kan sawizui zel a, Muanawma leh Pi Zuali reng reng kan lo ngaihven tawh lo.
Pi Zuali'n "A ngai reng reng lo ka dam ang a kan nufa eikhawp chu ka thawkchhuak thei em em ang" a tih hluai ri ka hria a,an ţhutna lam ka hawi ve ta chauh. Envelope hi Muanawma chuan a lo hmehbel chawt a, Pi Zuali'n a hnar ve ţang ţang a lo ni.
"Ka pe tam thei lo che. I damdawi man tur a tan tal la rawh. I thawh theih hma a in eitur man te a lo daih hlauh chuan a ţha ngawt ang" a ti a, mi chhaih peih viau si hi a ţul hunah hian ţawngkam a thiam lo tlat zel.
"Ava inthlahrunawm ve. Min pe lui tlat bawk sia,anih ka lawm e aw. Damdawiin a min lo hmu hlauh te kha Pathian ruat vek a lo nih dawn kha. Pathian ţhatzia hi chu aw, min ensan ka ring lo reng a ni" a ti vang vang a, ţah loh a tum nasa kher mai. Thilpek kan pek hian a dawng tute hnen aţangin lawmna mittui kan hmu ţhin a,mittui ro ro ah hmuh a nuam bik.
"Thla a eng hle mai" Pi Zuali te in aţanga kan chhuak chu thla a eng uarh tak tak a, a thim em vang te pawh aniang.
"A en ţhat lai hian kal vat vat ang,a vawt ropui si"
"Ding teh" ka dar lehlam lehlama dawm reng chung hian a ti a,min dawm din sa reng tho vangin dinna tur dang awm hek lo,ka dinna ngaiah ka ding tlawk tlawk ringawt.
"Lalrinpui ţhian chiah ni tawh lo ang" deuh teh tawp chuan.
"Eng nge kan nih ang a?" a sawi tum hrethiam reng chungin ka hre lo lui ve ngat.
"Å¢hian lo deuhin. Ka bialnu i ni duh em?" a ti leh nghut a,a nelawm tawh lo ropui si. A sawi tum a peh hel lo em em lehnghal.
"Min zawt thut a"
"I remti dawn sa tih ka hria a, nizan a i nui te kha a lem vek"
"I daw,ka nui a lem ve ngai lo aw" ti ve pang pang mah ila nupui hual a neih thu ka hriat kha chuan ka nui lui hleithei lo a nih ber kha.
"I tleirawl lai aţangin ka duh tawh che. Pawh ngam si lo che in ka en ru reng zel che a,hun ţha ka neih chhun hi ka bawhpelh tawh lo ang. Tunah duh lo mahla min duh hma chu ka zawt ziah ang che"
"Mawihnai deuh hlek a min sawm dan i hre lo em ni? Khati pung pung lo khan" nui chung hian ka lo ti a, a hunah a buai ziah ka tih tawh kha.
"Lalrinpui keimahah hmeichhiain thiltih theihna an neih ve theih tirh aţangin ka duh tawh che a, thinlung pakhat ka neih hi i tan ka la dahţha kiau reng. Ţha ka tih tawh nak lai chein ila ngilnei tel zui a, i chhiatna lai sawitur leh hmuhtir ka hre ve tawh lo. I zûn a ka uai na a rei tawh a,ka sawmna che hi i lo hnar loh ka beisei. Pasalţhate lasi zûn a an uai ang vel ka ni tawh. Chuti chung chuan hmalai lal fanu leh lasi te hian an la tluk chuang lo che. I zûn a uai nat dan tur chu hre ve mai rawh"
"Eng nge inih? Pastor nge hla phuahthiam? Min vau nge i bialnu turin min sawm?" ka ti a,a thusawi mai mai chu ka zak zawk.
"Engtia sawm nge i duh? Ka bialnu turin ka sawm che. Zak chung chungin rilru a awm ka phawrh ve anih kha" a tih chuan ka nui ta hak hak a, lehkhazir leh inhlawhna tur chiah ngaihtuah ţhin tan chuan a har ve bawk a ni.
"I awmdanin a zir te chuan"
"Hmeichhe dang rilru ka pe dawn lo tih ka sawi ngam nang chauh lo chu. Mi te angin ka sawm thiam ve lo che a,ka sawi ve chhun a tenawm zel bawk si. Damchhungin ka hmangaih reng ang che. Min ring rawh ka hmangaih takzet che" a ti a, tlangval senior inti ve si a zei thlawt lo a ni ber.
"Awle ka ring ang che" ka ti ve ta nge nge a, ka duh rukna a rei tawh a,hmeichhe tan lantir hmasak a mawi chiah si lo. Zeilo in min sawm dan zahthlak viau mahse ka lawm em em tho.
Kan inkawp chho ve naw naw a, inhauh leh in tih thiam loh bur bur kan nei ve ngai lo. A tluang purh a, tunlai mi tam zawk chuan boring an ti maithei. Han thinrim ve dawn pawhin a thinrim ve duh ngai si lo va, ka lungawi veleh mai zel. Kum khat kan inzui hnuah kohhran dan thianghlimin Pathian hmaah thu kan tiam ve ta a ni.
Mi kan ţanpui chhunzawm reng tho a, kum khat kan inneih hnuah in hrang kan chang ve. Veng dangah kan awm a, Pi Zuali a thih khan Bawihtei hi fa atan kan la zui ta a ni. Nufa hlim tak kan ni chho zel a,nau ka la pai thei lo chu ka mangang ru ve viau ţhin.
Kan nupa in khawl bawm kan hawng a, pawisa nawi tlem tlem a kan thlak ţhin kha kum tawp a kan chhiar meuh chuan a lo tam ve viau tawh.
"Bawihte in a vei bawk a, thilpek tur te nawi ho office banah ka rawn lei kawi ang a, kumin chu hma deuh hlek mah ila a pawi lo. Covid vang hian kum dang aiin a to deuh maithei bawk a,kan hlawh kan khawl ve ve hi belh bawk ila" a ti a,kan pawisa khawl kan chhiar zawh tak chu kan remkhawm pah mawlh mawlh.
"Nia kan tunlai boruak vang hian tam tak an harsat phah lehzual dawn a, nei lo in report tur an ti ţhin tak na a va in report tak kha chu tupawn an hreh dawn a, sem tam thei lo mah ila tlem tlemin sem ila" ka lo ti ve a, rilru hah tak tak an tam dawn tih ka hria, pui vek thei lo mah ila kan hriat chin tlem a zawng tal pui ve thei ila ka duh a ni.
"Kan inbe dawn nia, khawmaw min lo en teh, ngati nge i hmel kha?"
"Engtin nge a awm a?" tih pahin ka hmai ka dap kual a,ka ngaih a ţha lo kher mai.
"A ţha em a"
"Min ti hlauthawng alawm le mawla" ka ti hlak a,ka thinrim deuh reuh chu a lawm hlei hlei emaw tih tur a ni lehnghal a.
"Insiam la,kan kal rual dawn nia, rilru nuam deuhin awm rawh aw. I thuneihna ni miah lo thil i ngaihtuah vak vak khan nangmah chiah i hrehawm. Fa kan nei tawh a,a dang kan nei emaw nei lo emaw pawh nise ka hmangaihna che a ngai reng tho. Ka mitmei veng duh tawh suh" a ti a, fa chu a awt ve ang. Kan veng awmna ţhin a mite lah hian inhmuh apiangin min zawt a,Muanawma chhungte lakah te hian a inthlahrunawm.
Office a ka ţhiannu bulah ka period loh vel te chu ka hrilh luam a, hriatchian nan a test hrim hrim turin thu min râwn. Ka ngaihven duh lawk lo a mahse karkhat lai a liam leh hnu chuan min hneh ta nge nge a, office ah ngei ka test a, rin sen pahnih a lang ta kalh mai. Bathroom chhungah keimahin thinphu dut dutin ka awm a, ka in testna chu ka en reng ringawt. Awmdan vak ka thiam lo a, lo dawnsawn dan tur ber lah ka hre hek lo. Ka melh ngawt ngawt tawp mai a ni. Ka kenna kut te chu a khur der der a, ka lawm lutuk chu ka mittui a tla thei hial. Ka beisei loh lutukin thil a thleng ta si. Hlimnain ka khat a ni ber. Ka lawm lutuk chu bathroom chhung pawh nise ka ţawngţai ta ringawt.
Kei leh ka ţhiannu chiahin kan hria a, Christmas hma chu ka pasal lak a zep ka tum rih a ni. Christmas thilpek ţha tak a nih ka ring tlat.
Kan chhungkuain kan theih ang angin kan thil leikhawl sa chu kan semkual a, midang ţanpui thei dinhmun a kan ding ringawt te hi a lawmawm. Bawihtei pawn nuam a ti a, a card siamchawp lah a semchhuak nasa, kei lahin thu lawmawm ka pai ruk kiau vangin nidang aiin ka hlim a, ka tho thang a ţha khawp mai. Zing lam a luakchhuak an tih ang kha chu ka la nei miah lo. Keipawn mak ka ti ve tho,ka hre tlai bik dawn nge ka hreve dawn lo pawh ka hre lo. A la hma em a, ngaihdan ka la siam thei lo.
Krismas ni a lo thleng a, ka pasal chu ko hrangin inhmachhawn ranin kan ding. Ka nui reng mai bawk si,mak min tih hmel takzet.
"Krismas thilpek ka pe ang che aw"
"A hranpain i lo lei bik a ni maw? Nachang i va hre ve" a ti a,rin lawk ngaihna a hre bik lo. Kut ka hum tlat chu a hmaah ka pharh a, test kit a hmuh chuan sawi tur mai a hre bik lo. A en ve tlawk tlawk tho mai. A chian lehzual nan tun hnaiah ka test leh thlap tho a ni.
"Eng nge awmzia?"
"Nau ka pai. Ka hriat tirh khan ka hrilh nghal duh lo che a, Krismas thilpek a tan ka duh a" ka ti a, a la hamhaih khawp mai.
"He thil hi tak tak a ni em? Nau i pai tak tak maw?"
"Ni e,a dik thlap vek" ka tih chuan min kuah thlawp a, a lawmzia ka hrethei. Min hnem nan neih loh pawi a tih loh thu sawi ziah ţhin mahse fa a awh ruk ve zia ka hre tho si a ni.
"Bawihte in nau a nei ve tawh dawn nih chu. Kan chhungkua kan pung sawt dawn. Pathianin ţul a tih hunah a pe mai ang che ka tih ţhin kha ila hria em?"
"Hria e min hmangaih lehzual sawt em?" ka lo ti uang a.
"Ka hmangaihna neih zawng zawng ka pe vek tawh che a,pek belh leh chuan tur che a awm tawh lo" a tih chuan ka nui hak a, ni e ni e,hmangaihna ka pe chhuak a,hmangaihna ka dawng bawk a, a dawngtu chauh nih inbeisei lo va pechhuak tu nih tum ve te hi a ngai miau alawm.
Krismas ka hmuhdan ka pasal hian min thlaksak hlawk a, Krismas a lo thlen dawn hian tam tak chuan nawmchen ringawt an ngaihtuah ang. Pawisa an nei a, thawhchhuah nei lem lo te pawn chhungte an dil thei a, mi engzat chiahin nge mi rethei zawkte dinhmun ngaihtuah thleng pha a ţanpui duhna rilru pu awm? Ţanpui tu awm ve bawk mahse ngaihtuah thleng pha miah lo tam tak kan awm ve tho,kei ngei pawn ţanpui duhna ka nei ngai lo.
Mahse Krismas lo thleng tur nghakhlel tak a kan thlir lai hian nu leh pa tam tak chuan an huphurh ngawih ngawih a sin. An faten thil lei an ngen ang a, leina tur an nei dawn si lo. Naupangin an awh ngawih ngawih tihsak thei lo nih hi nu leh pate tan chuan a hrehawm duh ngawtin ka ring.
Tunah phei chuan natna hri leng vangin chhungtin kan buai a, mi harsa deuh te phei chu an va buai lehzual dawn em. Midangte tan a malsawmna nih hi a har lo a,tun hunah phei chuan mi tam takin kan ţanpuina an beisei ngei ang. Nitin inhlawhfa a chhungte chawm tam tak an awm a, damdawiinah lah damlo ţanpui ngai an tam. Mi pakhat chauhin a tih vek theih loh a, ţanpui sen an ni lo. Thil ţha tak tak leh pawisa tam tak pe thei lo mah ila kan hnaih a mi harsa awm te kan neih ang ang a kan ţanpui a Krismas thilpek kan pek hian kan thil tih hi miin hre kher lo mahse Pathianin a hriatreng ka ring. Mi kan ţanpui a Krismas thilpek kan pek hian anni chauh ni lo keimahni nunah ngei hian hlimna nasa tak a thlen thei a ni. Kumin hunpui lo thleng turah hian 'Nang malsawmna lo ni ang che'.
A TAWP TA.
Kan pindan chhung a ni zung rawn lut siar siar chuan min ti harh a, ka bul a tui tak a la mu ka pasal min kuahna aţang chuan dim te a inla hrangin ka tho ţhem ţhem a, a harh hlauin parda ka hawng duh rih lo.
"Bawihte min lo thawh khalh leh tawh a ni maw?"
"Aw nu i muttui em?" nui ver ver hian a lo ti a,a nui hmel hi hmuhnuam ka ti ţhin. Kan kawmthlang in chhe takah a nu nen an awm ţhin a, chhungkhat hnaivai an nei lo. A nu hi burma mi a ni. Vanduaithlak takin a nu in a boralsan hlauh a, ka pasal nen a inhrang kan chan hlim hlawtah a ni nghe nghe. Fa kan la nei rih lo bawk a, hmun dang a awmtir ai chuan tiin fa atan kan la ta a ni.
"Muttui lutuk. Thingpui ka lo lum ang che aw" ka tih laiin "Engtikah nge nu leh pa nei ve lo te Krismas thilpek kan pek leh dawn?" tiin min lo zawt a, kan hnenah kum 3 lai a awm ve tawh a,kan tih ţhin dan a hre ve tawh a ni.
"Ka hre lo le, ipa lo tho se kan sawi ho dawn nia" ka ti a. A thil ziah lai a ziak zawm lehnghal melh melh. Thawnthu ho lam te te ziah vel hi nuam a tia, a kum ngaihtuahin a thiam khawp mai. Krismas boruakin min tuam leh mup mup tawh a,boruak a nuam leh tawh. Kan chhungkaw khawlbawm kan hawn a hun leh ţep tawh.
Thingpui ka siam laiin ka pasal a rawn tho ve a, zawt hmasa lo vin ka siam kep. A duh dan ka hre hneh tawh a,zawh hranpa a ngai tawh lo. A inphih harh sawk sawk a, Bawihtei pawh a be sawm veleh luam. Min zawhna ang chiah kha a lo zawt ve a, hausa uchuak bik lo mah ila keini aia harsa lehchhawng te thilpek kan pek vat tur thu a sawi chuan Bawihtei pawh a phur khawp mai. Zan lam a a thil ziah la tur a a kal lai chuan ka bulah rawn ţhuin ka pasal chuan ka biang min fawhsak zeuh a,ka nuih a za angreng.
"I chin ţhan hi i thlah thei ngang lo a nih hi tiraw?" ti a fiam pah chuan ka nui sang reng.
"Zing tin ka hmu ziah chung che hian ka hne thei lo che a nih ber hi"
"Å¢awngkam thum tak tak hman pawh i bansan thei chuang lo a?"
"Hmang lo thei lo a min siam ţhin tu inia, dem tur i zawn dawn chuan nangmah chiah" uang thuang deuh hian a ti a, fa ka la hrin sak thei lo chung a min hmangaih a min la thlahlel em em reng hian min ti lawm ţhin. Thla hmasa ka period miah lo a, beiseina chhe te ka nei ve mahse hetiang hian ka awm zeuh zeuh tawh a,phur takin kan nghak a, a thla dawt lehah pangngai takin ka period veleh mai zel a,kei chiah ni lo vin ka pasal thlengin ka ti beidawng ţhin a, tun ţum chu ka hrilh duh ta lo.
"Eng thil nge i ngaihtuah leh tak vung vung a?"
"A ngai bawk" ka ti zuai raih a,ka thaw zui hawk a.
"A hunah Pathianin min pe ve mai ang. Vei run lo la,hahdam rawh. Bawihtei kan neih hi" a tih lai mekin a diary kengin Bawihtei a rawnkal a, ngaihţhat lohna a neih hlauin hlim hmel ka lo pu vat. A diary karah chuan lehkhapuan a milem ziah chei chawp te tak te te a zep a, Krismas hlim tak a hmang tur a duhna thu tawi te te a inziak. Thilpek kan pek tur ho zing a dah tel zel tur a a tih a ni a, a hming erawh a ziak lang lo. Hman a ka lehkha dawn ang chiah khan. Ni e,tun a ka pasal ni ta Muanawma hnen aţang hian kha lehkha kha dawng lo ila chuan tun thleng hian Krismas hi nuam a ka hman ka ring lo. Midang te thilpek pek ngat phei chu ka ngaihsak lo lehzual ang.
Ka naupanlai aţanga sum leh pai a retheihna tem chhin miah lo va seilian ka ni chung khan ka nun kha a va rethei ţhin si em. Ţhian ho a kan infiam ho laih laih ţhin lai te khan Krismas dawn a nih chuan kan thil thar neih tur te sawiin kan phul ve hlut ţhin a, kan zingah khan thawmhnaw thar lei ngai mang lo pakhat a awm ve ţhin. Chawlhni ah te hian a ngai hlir chhe deuh tawh hi a ha reng ţhin a,a nuihzat tu pawlah ka tel ve ţhin. Krismas dawnah te hian kawr thar a lei dawn leh dawn loh te kan zawt lui kher ţhin. Tuman ţanpui kan tum lo va,thawmhnaw ţha tam tak kan neih zing a pakhat lek pawh pek ve nachang kan hre lo. Kan nu leh paten pek ve tum mahse kan phal kher lo vang. Keini chuan khatiang nuihzat kha nuam kan ti em em zawk. Chhungkaw rethei tak an ni a,kan vengah chuan an rethei ber ang kan tih ţhin a ni. A nu hi mi buh thlei ten a inhlawh ţhin a,a pa pawh nitin a inhlawh tho. Unau pathum an ni a,an zing a pakhat chu tun a ka pasal Muanawma hi a ni. An retheih dan kha a awihawm loh zawk hial. Mi in an luah hawh a,an kawt zawl zau duaiah khan thuk an siam chawp a,chutah chuan rawng an bawl ţhin. Gas chu an nei ve ngei,an hmang zen zen phal lo.
Ka hma hun a thil lo thleng tur hre lawk miah lo va ka tal ve mawp mawp laiin ka nu a damlo chho a,ruh cancer a ni. Kum18 mi lek ka nih lai a ni a, a dam nan ka ţawngţai nasa ţhin hle. Mahse ka nu chuan Krismas niah chiah min boralsan. Khata ţang khan ka tan chuan Krismas hi hlimna hun a ni ve tawh ngai lo. Ka hmangaih ber leh tawpchin awm lo va min hmangaih tu awmchhun ka nu min awm loh sanna ni a ni a,hmun nuam zawkah a awm tawh tih hre mah ila ka chung a thil thleng chu ka pawm thei lo. Ka lo nuihzat em em ţhin Muanawma te unau ai pawn ka rethei daih tawh zawkin ka hre ţhin.
Kawn chei mawi tak tak en turin ka ţhian ten kum tin min hruaichhuak ve a, kan chhungkua a Krismas kan hman dan ţhin te ngaihtuah a ka mittui tlak chang a tam. Ka chheh vel a awm te an nuih khek uarh uarh laiin mittui nen ka thlir ve ţhin. Mihring hian kan hmalam hun kan va hre lo tak em. Ka duh duh nei thei mah ila ka mamawh ber ka nu ka ban phakah a awm ve tawh si lo.
Kum22 ka tlin kum hian kum dang a an tih ang bawkin ka ţhiante chuan kawn chei en turin min hruaichhuak leh a, chu mi ţum pawh chuan ka nu ngaihtuahin ka mittui a tla leh. Min hmanpui ve se, veng tinin Lal Isua lo piang tur lo hmuah nan a a mawi thei ang ber a an thil chei te hi hmu ve se ka ti ţhin.
Hemi ţum a kan lengchhuak kan haw hian kan inkawtah present bawm ka hmu a, enchian chakin phone êngin ka chhun a,ka hming a lo inziak kuau. Ka kawlum phiar lianpui haklai karah chuan ka thukru a,ka pindan chhungah ka hawng a.
Mawza leh kutkawr lum man tlawm chi a lo awm. Lehkha a lo inzep tel a, a sirah far thingkung chhe zetin a inziak. A milem ziah chhe zet vang chuan tawi te in ka nui a, a thu ka chhiar hma in min pe tu hming ka zawng a,mahse ka hmu zo lo.
"Mi tam tak bawr luih luih naah khan i ţhiante zingah ka hmu tel ve che a, i hmel a lungngaihna langchhuak kha ral aţang paw'n a hmuh chian theih khawp mai. Mi zawng zawngin hlim tak a veng chhung cheimawi an en laiin nang chuan ţap mai thei tur hmel i pu reng a, i mitmeng kha a zuai raih reng. Hawina lam apiangah thil chei mawi hmuh tur awmin a de chuaih chuaih vek a, an thil chei mawi ho khan i hlimna leh lungawina an phawh chhuah sak zo ve lo che niin a lang. Khawvel pumpui a mi tam zawk nun a hlimna a thlen mek lai hian eng nge i hlimna ni ve? Hmangaihtu i chân nge i hmangaih i chân zawk? Eng zawk zawk pawh hi nise tuar rih la, dawhthei takin nghak rih rawh. Hmangaihnain a lo zawng hmu ve vat ang che. Mi tumah hi an lungngaih reng Pathianin a remti lo. I hun a la thleng lo ah ngai rawh. Krismas hi hlimna hun leh hmangaihna semchhuahna hun a ni a, hmangaihna dawn chiah inbeisei lo vin semchhuak chhin rawh. Midang ţanpuina tur inei ngeiin ka ring. Hawizau deuh la, i ţanpuina nghak tam tak an awm. Nangmah vanga mi pakhat lekin hlimna nasa zet a nei theih phawt chuan, chu ringawt pawh chuan hlimna a thlen ve ang che. Min ring lo anih chuan i lo ti chhin ve dawn nia. Hmangaihna ila zawng hmu zo lo va, ila dawng ve thei lo anih pawn lo semchhuak ve chhin rawh. Ho te ti ang a i inngaih laiin Pathianin a let tam takin a vur ang che. Krismas hun hi hlim takin i lo hmang tawh dawn nia. Ka hmuh hnu lawk che khan he lehkha ziak tur hian ka haw hma vang vang a,ka thilpek tur che pawh i dawn hma phah ta deuh a nih hi, thil ţha leh to leina ka nei rih lo a,i lo hrethiam dawn nia. Ka thuchah che kha lo hre reng rawh. I hlim phah ngei ngei ang.
Ka lehkha dawn chu ka tuai let ka tuai let ringawt a,a ziak tu hming ka zawng a ni mah. Ka zawng beidawng ţhak a, rei tak chhung chu ka hre lo. Rin tur leh puh tur takngial pawh ka ngaihtuah chhuak zo lo. A thil min pek erawh ka dahţha a,ka roh khawp mai. Tun thleng hian ka la nei nghe nghe,a chhe tawh hle.
Kha lehkha ka dawn aţang khan hawichhuak ve ţanin ka thil thlir dan ka ti danglam a, ţanpuina mamawh kan veng chhungah ngei pawh an lo tam hle. Chutih laiin Muanawma te erawh an unau an fel a,an khawsak a zia ve tawh viau. Thawh hreh an nei ngai lo va,ka hmusit tawh lo. Ka ngaisang ru em em zawk. Ka lo nuihzat ţhin te kha ka zak ngawih ngawih tawh a, a nau hmeichhia ka hmuh phei chuan ka be hmasa ngam tawh ngai lo. Ţhat a chhuah poh leh ka insit a, ka inchhir ţhin hle.
MA ka zawh hnu lawkah hna ka hmu ve hlauh a,thilpek hlu tak min pe tu thu zawmin ţanpui ngai ka hriat apiang ka ţanpui ţhin. Ka tlakchhiat phah ngai reng reng lo. Ka hlim mai bakah ka nun a hausak phah hle. Vawikhat chu nu leh pa nei lo an enkawl naah ka kal a, sweet leh pawisa ka keng. Kei aiin anmahni enkawl tu ten an mamawh an hre zawk a,ka vawikhat kalna a ni bawk nen, naupang lawm sweet lo chu lei tur ka hre hlawl lo a,pawisa a pek mai ka duh ta a ni. Hemi ni hian Muanawma nen kan inhmu a, mak tak maiin kan inpawh nghal hle.
"A vawh tehreng nen kutkawr lum zawk bun tur che a lawm. Scooty a lokal inih hmel sia" a lo ti a,helmet ka phelh sawk sawk. A ni pawn hna a nei ve tawh a, rethei ti a sawitur an ni tawh lo. A nau hmeichhia lah phaiah awmin a chhungte a enkawl pah a,in sak an tum uaih tawh. An nawmsak hun a thleng ve mek a ni.
"Nia pan viau mahse lumna a keng tel tho a, kutkawr dang aiin a hlu zawk" tiin ţha deuhin ka lo chhang a,a hmul hrup tawh a,a ţhen lai chu a pawp lek lek tawh.Mahse ka la hluihlawn phal lo,a lumna ala bo chuang lo.Ka kut kawr ang chiah hian Krismas boruak vawt tak hian lumna riau a keng tel ve tlat a ni,thil ţha kan tih phawt chuan.
"Eng nge itih ve?"
"Helai hi chu ka in pakhat ang a nia, naupang thil thar nei lawmpui turin ka kal a nih hi. Ţhu ila,kan lo thlir dawn nia,an lo chhuak ţep tawh ang" a ti a,kan dinna piah lawk a ţhutna inhungah chuan kan ţhu a, kawtzawl zau ţha tak ruak huai si chu kan thlir a.
"Eng ti turin nge i lokal ve zawk? Mi i ţanpui nasa niin ka lo hria a"
"Hmingţhat duh vang a ti ka ni lo" ka lo ti vat a, a lo nui hawk lehnghal.
"Ka hria,i fel ka ti. Lo fel zel rawh aw" a lam ka hawi phei a,a nui hmel chuan lumna min pe tel ve,a chhan ka hre lo.
"Ka tih theih ve tawk a nia, Pathianin malsawmna min vur tam tak zing a tlem te ka semchhuak ve ah ngai rawh"
"Hmeichhe hmelţha leh ngilnei hi chu a inhmeh bik riau asin" tiin min fiam a, kei aiin a upat deuh vangin kan inbe ngai mang lo va, mahse ka nel nghal tlat tho.
"Ngilneihnain hmelţhatna a keng telah ka lo ngai mai dawn nia. In unau hi alawm fel, tihian in puitling ta vek a, hma insawn zel bawk a, in fakawm ngawt mai"
"Hma i sawn lo bik hleinem. I awm ngai reng a awm lo va hmalam pan i thlang hi a lawmawm zawk daih" min hrechiang awm fahran hian a lo ti ve. Naupang thawm a rik tak nak nal vangin kan inbe zui lem lo.
Parcel a sweet pack tam tham zet ka dah chu an nu ber hnenah chuan ka pe a, pawisa ka pe tel bawk.
"I fel hle mai. Malsawmna i dawng let ngei ngei ang. An tam lo bawk a, sweet hi chu nangman sem ta che. An lawm thiam ţhin khawp asin" a ti a, naupang ho chu a ko khawm a,an lo kal khawm laih laih. Ka ţhu hniam a,khawr ţut chungin sweet chu ka sem a, 'ka lawm e' an ti zel a, sweet pakhat lek pawh lawm tak a an dawng thei zel ka hmuh chuan ka hmeichhe rilru no a chhuak a, mittui a hnai leh tawh. Naupang hmuh a ţah ka duh loh vangin ka insum hram hram zawk a ni. Ka hmazawna naupang te te awmkhawm laih hlir ka lo ngaihven a, Muanawma a lo awm ve reng tih ka lo hre miah lo. Ka hmaah rawn ţhuin nui ruh ruh chungin kut a rawn dawh ve a, lo nuih sak pahin pakhat ka lo pe ve.
"Thil ka hrilh ang che aw"
"Eng thil?"
"I kutkawr pe tu che kha" a tih chuan phawk hra hian ka en a, amah a nih ngei ringin ka lungphut dan chu chawp leh chilhin a in thlak. A phu dawt dawt a ni ber.
"Nangmah i ni mial em?"
"Aw. Ka thuchah ho te i zawm a,a lawmawm. Midang an awm ve sia, nakinah kan sawi leh dawn nia, zep reng ka tum viau na a,i danglamna ka hmuh hian ka zep reng thei lo a ni" a ti a, engmah thleng lo ang maii kan ţhutna ngai bawkah a let leh a, keimah zawk ka pangngai hleithei lo. Mak ka ti lutuk chu ka awm ngaiin ka awm reng ringawt.
"A nu lokal ziah rawh aw" ka hmaah hmeichhe naupang kum 6 mi awm vel a lo ding a, ka sweet pek kawr kha a la hum ţat. Muanawma thusawiin min ţhawn tawh sa laiin nnaupangin 'Nu' tiin min ko lehnghal. Min ţhawng dawt thei thil a thleng nawlh nawlh a, ngaihthlak a nuam hle thung si.
"Tehreng mai. Kumtin ka lokal dawn nia, nakumah chuan Krismas kawrmawi ka lo kensak tawh ang che" ka ti a,nelawm thei ang ber a lan ka tum ve.
"Kha hetah hian ţhu rawh. I ke a kham lutuk ang" tiin an nu ber chuan ţhutthleng hniam min pe a, a awm ve reng dawn maw tih laiin naupang dang ngaihvenin min kalsan leh.
"Ka unaute i lo ken ve dawn em?"
"Aw in vaiin ka lo kensak ang che u. Krismas ah mawi tawkin in inchei vek dawn nia" ka ti a, pawisa khawl ka tum ruh nghal hle. Ka thlahnih thum hlawh ringawt chuan an vai daih tur a lei pha bik lo.
"Sweet hi a tui e" tih pahin a nui ver ver a, a sam kir mawi takah chuan ka lo tuai sak a, an duh vang a nu leh pa nei lo leh rethei an ni bik si lo,ka khawngaih takzet.
Mipa naupang ho chu Muanawma'n football a khelhpui a, keiin hmeichhe naupang sam te phiar sakin a ţhen ka ţawnsak a,kan hlim dar dar khawp mai. Kan awm laiin thilpek pe tur dang an lokal ve lem lo bawk a, naupang ho infiampui min phal sak a, rilru chhia la pu miah lo infiampui chu a nuam takzet a ni.
Kan haw dawn te chuan min ui hlawm khawp a, kal leh turin kan intiam lawm lawm reng a ni. Muanawma nen kan inzui haw a,ka tlan hmasa a,a nau nen an iinţawm ni a a sawi bike in ka hnungah min zui. Kawng laklawhah kan ding lo va,inbe zui zel turin kan inthlah thlap thung. Phone number pawh kan inpe thlap.
Kan inbe ta zeuh zeuh a, mi ţanpui turin kan chhuak nasa. Kan neih ang ang kan thawh khawm ţhin a,tam kan nei ngai lem lo. Mahse tlem te pawh pe ila a dawng tu te an lo lawm thei hle. Zankhat kan inkhawm bang kan inhmu nawlh a,leng tur a ka sawmna chu a lo hnar lo chiang a sin. Inngaizawng miah lo vin kum khat dawn ţhian kan ni tawh. Ţhian dangte ai ngawt chuan kan indah pawimawh a,kan hre ve ve chungin bulţan hmasa tu zawk kan ni duh lo ve ve.
Ka chhungten fel an ti bawk a an lo be ţha hle. Thingpui te ka lumsak a, khua a vawt leh ţan tawh.
"Naktuk zan chu Pi Zuali te inah zuk leng ang hmiang. In kawmthlang lawk a ni tho a, i chhungten chhuah an phal em ang chu" a ti a, keichuan nui chung hian "Nula senior hi chu khawiah pawh kal ila min ngaihtuah tawh lo. Kan zuk leng dawn nia,an pa boral aţang khan ka la lang leh reng reng lo a" ka lo ti var a, an dinhmun thli thlai a tum ni berin ka hria.
"Nula senior i intih chuan keiphei chu tlangval senior un tawh,ke pen pah a ţawng hleithei tawh lo ang vel ka ni" a lo ti fiamthu ve nghal zat a,kan ti ti a inrual thei a,kan lo inhre har mah mah ka ti ţhin.
"Nupuite hi nei ve tawh la"
"Nakinah ka sawm ang a,a duh tak hlauh leh ka la nei ang chu"
"Ehh..hual lawk i nei chiang mai"
"Nei ve bawk e. Ka sawm hlawhtlin tak leh ka hriattir ve dawn che nia"
"Nang ni pahnih lah hi,in inchhai dan a hmanlai thei lutuk" ka nauin a rawn ti hlak a, nui chungin a hawisan leh hmak.
"Min hrilh hmasaber ang che. In inneih ni ah ţhian atan min hmang ang che aw" zangkhai vahin ti mah ila a ruk chuan ka hlim hlawl lo. Ka lawmpui thei miah lo chu sual ka inti. Ka thinlungah ţhian aia thuk zawkin hmun a luah tawh tih chiang takin ka hria a ni.
"I thi ber dawn nia, ţap chungin mo lawmna chaw i ei em lo ang chu tiraw?"
"Uang reng teh suh. Ka ţhian chauh inih chu" tih hlak pah hian na lo te in a ban puam laiah ka chum a,inthup tum ţhin viau mah ila hepa hi chuan min hmu tlang thei vek emaw tih tur a ni.
Muanawma nen a kal tur kan ni bawk a chaw eikham aţangin ka inpeih at tawh. Min kochhuak tawp lovin inchhungah min sawm turin a rawn lut thlap a, ka pa phalna ngeiin kan chhuak dun. Phone eng ringin step thim zetah kan kalthla dun a,a chhe tawh bawk nen ka tlu lek lek zel. Muanawma chuan min vuan tlat a, hlau miah lo vin ka kal tluan ve thei. Min vawnna a thlah chiah chuan ka nghet lo sawtin ka hre hial nia.
"Senior i inti tawh hle sia,torch light i pai ka ring deuh a"
"Kei aia senior inti zawk khan pai ta che" ka lo ti ve vat.
"Ka pa nen kan inţawm a a hmang duh sia" min hnial na tur englai pawn a hria. Pi Zuali te inah chuan kan inzui lut a,an nufa lekin an lo awm a,inleng neih an inbeisei loh hmel kher mai.
"A inhawng huau sia kan lo lut tlang ringawt a" inthiam loh hmel fe hian Muanawma chuan a ti a, Pi Zuali chuan "A pawi lo. In thawm ka hre lawk tho a, sikri ka chhem sia,a khu nasa em a,ka hawng rih mai mai. Lo ţhu rawh u,in rawn leng a,a lawmawm kan nufa chauh kan ni sia,kan khua a har ve ţhin a" a lo ti zung zung a,a khuh zui kharh kharh.
"Hmanni ah damdawiinah ka nu ka hruai laiin ka hmu che a,eng nge i an zel? I dam lo a nih ka ring ngawt a?" Muanawma bawk a ni. Retheih awmzia hretu leh a tak a tawng tu a ni bawk a,mi rethei zawk te a en liam mai mai ngai lo.
"Ka zia deuh tawh. Damdawi min chawh ţeuh a,ei pawh ka ei seng dawn em maw ni?"
"I lei nghal vek em? Doctor in ei tur a an tih che kha chu ei tawp phawt mai la"
"Strip1 lek lekin ka lei a,ka'n eichhin phawt ang e. Thingpui in lum rawh u aw. A vawt tawh si,kan in phei hi chu a vawt lehzual tehmai nia" tih pahin a tho a, kan hnar duh ta lo. A fanu chuan milem bu a en a, min tibuai lo reng reng. A nungchang a ţha khawp mai.
"Bawihte eng nge i en a?" ka tih chuan "Krismas putar" tiin phur takin min lo chhang a, a lehkhabu min hmuh zui zat bawk.
"Hmanni ah mi paih tawh a la ţha em a tiin ka hawn a,a lo duh phian sia" Pi Zuali chuan a lo ti a,Muanawma chu kalsanin naupang bulah chuan ka ţhu leh zawk a.
"Krismas putar hian eng nge a ah bawr ţeuh ang le?"
"Kawrmawi te,barbie te"
"Ehe..a pe ve dawn che nih chu. Tikhan a lem kha en reng la, kawrmawi leh barbie i dawng ngei ngei ang" ka ti a, naupang dawt ka hrilh ringawt chu ka inthiam lo leh hnuhnawh. Mahse thilpek pek ka tum rilru tho a, a pawi thui lutuk lo ang chu maw. Heta Pi Zuali fanu hi tun a kan fanu ni ta hi a ni. Kan len lai hian kum6 bawr vel chiah a la ni.
"Engtikah nge min pek dawn?" ti a zah hmel tak a min zawh chuan inngaihtuah vang vang ang hian ka awm a,min lo enkar reng.
"Lo nghak hram hram la,a pe vat ang che. Kum dang zawng zawng a i hak ţhin aia mawi zawk a pe ang che" ka ti a, kan sawizui zel a, Muanawma leh Pi Zuali reng reng kan lo ngaihven tawh lo.
Pi Zuali'n "A ngai reng reng lo ka dam ang a kan nufa eikhawp chu ka thawkchhuak thei em em ang" a tih hluai ri ka hria a,an ţhutna lam ka hawi ve ta chauh. Envelope hi Muanawma chuan a lo hmehbel chawt a, Pi Zuali'n a hnar ve ţang ţang a lo ni.
"Ka pe tam thei lo che. I damdawi man tur a tan tal la rawh. I thawh theih hma a in eitur man te a lo daih hlauh chuan a ţha ngawt ang" a ti a, mi chhaih peih viau si hi a ţul hunah hian ţawngkam a thiam lo tlat zel.
"Ava inthlahrunawm ve. Min pe lui tlat bawk sia,anih ka lawm e aw. Damdawiin a min lo hmu hlauh te kha Pathian ruat vek a lo nih dawn kha. Pathian ţhatzia hi chu aw, min ensan ka ring lo reng a ni" a ti vang vang a, ţah loh a tum nasa kher mai. Thilpek kan pek hian a dawng tute hnen aţangin lawmna mittui kan hmu ţhin a,mittui ro ro ah hmuh a nuam bik.
"Thla a eng hle mai" Pi Zuali te in aţanga kan chhuak chu thla a eng uarh tak tak a, a thim em vang te pawh aniang.
"A en ţhat lai hian kal vat vat ang,a vawt ropui si"
"Ding teh" ka dar lehlam lehlama dawm reng chung hian a ti a,min dawm din sa reng tho vangin dinna tur dang awm hek lo,ka dinna ngaiah ka ding tlawk tlawk ringawt.
"Lalrinpui ţhian chiah ni tawh lo ang" deuh teh tawp chuan.
"Eng nge kan nih ang a?" a sawi tum hrethiam reng chungin ka hre lo lui ve ngat.
"Å¢hian lo deuhin. Ka bialnu i ni duh em?" a ti leh nghut a,a nelawm tawh lo ropui si. A sawi tum a peh hel lo em em lehnghal.
"Min zawt thut a"
"I remti dawn sa tih ka hria a, nizan a i nui te kha a lem vek"
"I daw,ka nui a lem ve ngai lo aw" ti ve pang pang mah ila nupui hual a neih thu ka hriat kha chuan ka nui lui hleithei lo a nih ber kha.
"I tleirawl lai aţangin ka duh tawh che. Pawh ngam si lo che in ka en ru reng zel che a,hun ţha ka neih chhun hi ka bawhpelh tawh lo ang. Tunah duh lo mahla min duh hma chu ka zawt ziah ang che"
"Mawihnai deuh hlek a min sawm dan i hre lo em ni? Khati pung pung lo khan" nui chung hian ka lo ti a, a hunah a buai ziah ka tih tawh kha.
"Lalrinpui keimahah hmeichhiain thiltih theihna an neih ve theih tirh aţangin ka duh tawh che a, thinlung pakhat ka neih hi i tan ka la dahţha kiau reng. Ţha ka tih tawh nak lai chein ila ngilnei tel zui a, i chhiatna lai sawitur leh hmuhtir ka hre ve tawh lo. I zûn a ka uai na a rei tawh a,ka sawmna che hi i lo hnar loh ka beisei. Pasalţhate lasi zûn a an uai ang vel ka ni tawh. Chuti chung chuan hmalai lal fanu leh lasi te hian an la tluk chuang lo che. I zûn a uai nat dan tur chu hre ve mai rawh"
"Eng nge inih? Pastor nge hla phuahthiam? Min vau nge i bialnu turin min sawm?" ka ti a,a thusawi mai mai chu ka zak zawk.
"Engtia sawm nge i duh? Ka bialnu turin ka sawm che. Zak chung chungin rilru a awm ka phawrh ve anih kha" a tih chuan ka nui ta hak hak a, lehkhazir leh inhlawhna tur chiah ngaihtuah ţhin tan chuan a har ve bawk a ni.
"I awmdanin a zir te chuan"
"Hmeichhe dang rilru ka pe dawn lo tih ka sawi ngam nang chauh lo chu. Mi te angin ka sawm thiam ve lo che a,ka sawi ve chhun a tenawm zel bawk si. Damchhungin ka hmangaih reng ang che. Min ring rawh ka hmangaih takzet che" a ti a, tlangval senior inti ve si a zei thlawt lo a ni ber.
"Awle ka ring ang che" ka ti ve ta nge nge a, ka duh rukna a rei tawh a,hmeichhe tan lantir hmasak a mawi chiah si lo. Zeilo in min sawm dan zahthlak viau mahse ka lawm em em tho.
Kan inkawp chho ve naw naw a, inhauh leh in tih thiam loh bur bur kan nei ve ngai lo. A tluang purh a, tunlai mi tam zawk chuan boring an ti maithei. Han thinrim ve dawn pawhin a thinrim ve duh ngai si lo va, ka lungawi veleh mai zel. Kum khat kan inzui hnuah kohhran dan thianghlimin Pathian hmaah thu kan tiam ve ta a ni.
Mi kan ţanpui chhunzawm reng tho a, kum khat kan inneih hnuah in hrang kan chang ve. Veng dangah kan awm a, Pi Zuali a thih khan Bawihtei hi fa atan kan la zui ta a ni. Nufa hlim tak kan ni chho zel a,nau ka la pai thei lo chu ka mangang ru ve viau ţhin.
Kan nupa in khawl bawm kan hawng a, pawisa nawi tlem tlem a kan thlak ţhin kha kum tawp a kan chhiar meuh chuan a lo tam ve viau tawh.
"Bawihte in a vei bawk a, thilpek tur te nawi ho office banah ka rawn lei kawi ang a, kumin chu hma deuh hlek mah ila a pawi lo. Covid vang hian kum dang aiin a to deuh maithei bawk a,kan hlawh kan khawl ve ve hi belh bawk ila" a ti a,kan pawisa khawl kan chhiar zawh tak chu kan remkhawm pah mawlh mawlh.
"Nia kan tunlai boruak vang hian tam tak an harsat phah lehzual dawn a, nei lo in report tur an ti ţhin tak na a va in report tak kha chu tupawn an hreh dawn a, sem tam thei lo mah ila tlem tlemin sem ila" ka lo ti ve a, rilru hah tak tak an tam dawn tih ka hria, pui vek thei lo mah ila kan hriat chin tlem a zawng tal pui ve thei ila ka duh a ni.
"Kan inbe dawn nia, khawmaw min lo en teh, ngati nge i hmel kha?"
"Engtin nge a awm a?" tih pahin ka hmai ka dap kual a,ka ngaih a ţha lo kher mai.
"A ţha em a"
"Min ti hlauthawng alawm le mawla" ka ti hlak a,ka thinrim deuh reuh chu a lawm hlei hlei emaw tih tur a ni lehnghal a.
"Insiam la,kan kal rual dawn nia, rilru nuam deuhin awm rawh aw. I thuneihna ni miah lo thil i ngaihtuah vak vak khan nangmah chiah i hrehawm. Fa kan nei tawh a,a dang kan nei emaw nei lo emaw pawh nise ka hmangaihna che a ngai reng tho. Ka mitmei veng duh tawh suh" a ti a, fa chu a awt ve ang. Kan veng awmna ţhin a mite lah hian inhmuh apiangin min zawt a,Muanawma chhungte lakah te hian a inthlahrunawm.
Office a ka ţhiannu bulah ka period loh vel te chu ka hrilh luam a, hriatchian nan a test hrim hrim turin thu min râwn. Ka ngaihven duh lawk lo a mahse karkhat lai a liam leh hnu chuan min hneh ta nge nge a, office ah ngei ka test a, rin sen pahnih a lang ta kalh mai. Bathroom chhungah keimahin thinphu dut dutin ka awm a, ka in testna chu ka en reng ringawt. Awmdan vak ka thiam lo a, lo dawnsawn dan tur ber lah ka hre hek lo. Ka melh ngawt ngawt tawp mai a ni. Ka kenna kut te chu a khur der der a, ka lawm lutuk chu ka mittui a tla thei hial. Ka beisei loh lutukin thil a thleng ta si. Hlimnain ka khat a ni ber. Ka lawm lutuk chu bathroom chhung pawh nise ka ţawngţai ta ringawt.
Kei leh ka ţhiannu chiahin kan hria a, Christmas hma chu ka pasal lak a zep ka tum rih a ni. Christmas thilpek ţha tak a nih ka ring tlat.
Kan chhungkuain kan theih ang angin kan thil leikhawl sa chu kan semkual a, midang ţanpui thei dinhmun a kan ding ringawt te hi a lawmawm. Bawihtei pawn nuam a ti a, a card siamchawp lah a semchhuak nasa, kei lahin thu lawmawm ka pai ruk kiau vangin nidang aiin ka hlim a, ka tho thang a ţha khawp mai. Zing lam a luakchhuak an tih ang kha chu ka la nei miah lo. Keipawn mak ka ti ve tho,ka hre tlai bik dawn nge ka hreve dawn lo pawh ka hre lo. A la hma em a, ngaihdan ka la siam thei lo.
Krismas ni a lo thleng a, ka pasal chu ko hrangin inhmachhawn ranin kan ding. Ka nui reng mai bawk si,mak min tih hmel takzet.
"Krismas thilpek ka pe ang che aw"
"A hranpain i lo lei bik a ni maw? Nachang i va hre ve" a ti a,rin lawk ngaihna a hre bik lo. Kut ka hum tlat chu a hmaah ka pharh a, test kit a hmuh chuan sawi tur mai a hre bik lo. A en ve tlawk tlawk tho mai. A chian lehzual nan tun hnaiah ka test leh thlap tho a ni.
"Eng nge awmzia?"
"Nau ka pai. Ka hriat tirh khan ka hrilh nghal duh lo che a, Krismas thilpek a tan ka duh a" ka ti a, a la hamhaih khawp mai.
"He thil hi tak tak a ni em? Nau i pai tak tak maw?"
"Ni e,a dik thlap vek" ka tih chuan min kuah thlawp a, a lawmzia ka hrethei. Min hnem nan neih loh pawi a tih loh thu sawi ziah ţhin mahse fa a awh ruk ve zia ka hre tho si a ni.
"Bawihte in nau a nei ve tawh dawn nih chu. Kan chhungkua kan pung sawt dawn. Pathianin ţul a tih hunah a pe mai ang che ka tih ţhin kha ila hria em?"
"Hria e min hmangaih lehzual sawt em?" ka lo ti uang a.
"Ka hmangaihna neih zawng zawng ka pe vek tawh che a,pek belh leh chuan tur che a awm tawh lo" a tih chuan ka nui hak a, ni e ni e,hmangaihna ka pe chhuak a,hmangaihna ka dawng bawk a, a dawngtu chauh nih inbeisei lo va pechhuak tu nih tum ve te hi a ngai miau alawm.
Krismas ka hmuhdan ka pasal hian min thlaksak hlawk a, Krismas a lo thlen dawn hian tam tak chuan nawmchen ringawt an ngaihtuah ang. Pawisa an nei a, thawhchhuah nei lem lo te pawn chhungte an dil thei a, mi engzat chiahin nge mi rethei zawkte dinhmun ngaihtuah thleng pha a ţanpui duhna rilru pu awm? Ţanpui tu awm ve bawk mahse ngaihtuah thleng pha miah lo tam tak kan awm ve tho,kei ngei pawn ţanpui duhna ka nei ngai lo.
Mahse Krismas lo thleng tur nghakhlel tak a kan thlir lai hian nu leh pa tam tak chuan an huphurh ngawih ngawih a sin. An faten thil lei an ngen ang a, leina tur an nei dawn si lo. Naupangin an awh ngawih ngawih tihsak thei lo nih hi nu leh pate tan chuan a hrehawm duh ngawtin ka ring.
Tunah phei chuan natna hri leng vangin chhungtin kan buai a, mi harsa deuh te phei chu an va buai lehzual dawn em. Midangte tan a malsawmna nih hi a har lo a,tun hunah phei chuan mi tam takin kan ţanpuina an beisei ngei ang. Nitin inhlawhfa a chhungte chawm tam tak an awm a, damdawiinah lah damlo ţanpui ngai an tam. Mi pakhat chauhin a tih vek theih loh a, ţanpui sen an ni lo. Thil ţha tak tak leh pawisa tam tak pe thei lo mah ila kan hnaih a mi harsa awm te kan neih ang ang a kan ţanpui a Krismas thilpek kan pek hian kan thil tih hi miin hre kher lo mahse Pathianin a hriatreng ka ring. Mi kan ţanpui a Krismas thilpek kan pek hian anni chauh ni lo keimahni nunah ngei hian hlimna nasa tak a thlen thei a ni. Kumin hunpui lo thleng turah hian 'Nang malsawmna lo ni ang che'.
A TAWP TA.
Comments
Post a Comment