MY TEACHER1-12

MY TEACHER-1

"Good Morning Everyone" chu aw nalh lutuk chu ka la hriat ngailoh ani. Tunge kan school boring lutuk ah hian aw nalh lutuk rawn chhuah tir. Kan teacher te zawng zawng chu aw chher chhuai chhuai leh beu deuh deuh nei bak an ni lo. Ka muhil tep lai ka hawi chhuak. Lalpa leh! Vantirhkoh a lokal, kan classroom ah vantirhkoh hmeltha leh pa sexy lutuk mai alokal.
"In history teacher thar tur ka nia. Richard Lalduhawma ka ni. Vawin atang in ka tan dawn chauh a, tha deuh in kan tih tur theuh kan ti tlang dawn nia aw" ati dam diai a, a hmeltha lutuk. Kei ai hmeltha ka vawikhat hmuhna a ni ngei ang. Richard Lalduhawm a, Duhawma, a duhawm takzet ani. Mipa hmeltha, slim lutuk, nalh zaih mai inhmu tawh em? A sam a mawi tawk chiah a buk te, a mitmeng nalh lutuk te, a engkim a nalh vek. Kan school pawh a boring tawh dawn lo.

Kei, Mary Lalhlupuii, mi thawveng leh harh, vei nei lo lutuk a an hriat thin hian kan zirtirtu thar hi ka vei nghal bur. History te chu ka subject nin ber pawl ani mahse tuna kan history teacher thar kha. Ka duh lutuk. Ka pasal ala ni dawn chiang. Ka la nei ngei ngei ang. Mi zawng zawng in ring ula inneih dar vaw rawh u, nupa tuak thar te in hmu thuai dawn.

A hawikual a, kan mit a in tawng chiah. Ngawirawh lawk midang aiin min enrei bik deuh in ka hria. Ka thin a phu nghal char char. Midang chu a en thuak a keichu min en char char bik. Hmeichhe chhelo leh nalh lutuk hi engtinge school boring leh hmelchhe kawi hang paw deuh phuk luh khawm naah hian a luh ve duh min ti pawh ani maithei. Nge ka nupui turin ka hual alo ti rilru zawk ang? A rilru in a nupui turin min sawm ve mek in ka hria, inneih kan duh ve ve anih dawn hi.


"Tha deuh in in zir dawn nia aw" atih chuan midang aiin ka "Aw" ring zawk. Ka nun a a vawikhat nan malsawmna ka dawn nasat bik zia ka inhre chhuak uai uai mai. Zirtirtu hmeltha leh Sexy lutuk mai min pek avang in Lalpa ka lawm e. Classroom chu nilo se ka Hallelui tuarh tuarh duh ngei ang.


Sawifel tur an la neih vang in principal nen an chhuak leh a, an liam fel veleh ka thiannu Jenny kawr ah ka tham a ka sawi nawk nawk a, thawk harsa ati deuh nge a lei a chhuah hlawi hlawi mai.

"Ilo hmu em? A hmel kha ilo hmu em? Amal nalh sexy lutuk kha i hmu em? Jenny engkim kha ilo hmu em?"ka ti tuarh tuarh a, ka thiannu mawl lutuk chu a hawikual ruai ruai mai. Nge ka rek na lutuk a, a á zawk?

"Tumaw?"
"Kan Sir thar kha, kan teacher te zing a putar ang lo awmchhun anih kha. Kan teacher zing a dulkiar ve lo awm chhun. Awii a hmel that zia kha, ka pasal tur"
"Henu hi a á anih hi. Teacher leh student in ngaihzawn hi phal anilo. Ngawi la ahmaa i awm ang khan awm leh rawh. Tunah chuan mi mawl hlawm tawp inih hi"
"Min thik anih kha"
"Putar ka star ve ngailo" ka la na lutuk ringawt.
"Putar anilo. A mit hnuai vun pawh kha ilo hmu lo ami? Ala mar pang kha. Teacher putar hlir kan nei a ilo hmu putar ve ringawt anih kha" ka ti a, min hawisan hmak. Pawilo emai thian dang ka ngah tho mahse Jenny ka hmangaih ber.

"Hey Sam, ka landan hi eng nge i ngaihdan?"
"I chhelo ber kan class ah" kan class mipa a ka thuhnuai a ka dah awmchhun ani. Ka ding a, an hmuh tur in ka mawng kan tisawi kual vel a.
"Mary a sexy ber" ti tu Francis chu fawh a kuah nawk nawk mai ka duh. Ka kal kual a, ka mawng ka tisawi kual a, kut an beng a an nui dur dur a, kan classroom chhung hi chu ka lalna hmun ani.

"An bawl che anih kha" Jenny hian min fak hreh ngawih ngawih. Thian sexy leh hmeltha lutuk a nei hi a lawm ve lo manle. Infak a hnek in min sawisel nasa thei si. A bialpa biangpuar len tehreng nen.

"Ahhh... Uiii... Ka period ka lawm lutuk. Thiannu ka lawm lutuk" kan class tuai tawng ri kan hriat chuan classroom chhung a reh thap mai. Mipa ta ang aneih chhung chuan engtik ah mah a period dawn lo hrim hrim. A vit thi chawp aniang.

"Ka lo enchhin" ka tia, a bula kal pahin a kekawr pawh thlak ka tum a, a tang nasa mai.
"Ehhh.. Period miah silo" ka tih veleh ka hmai bulah a mawng a rawn dah a, a kekawr mawng a sen. Pentui sen a tat tih hriat reng reng.
"Siam tuaia a period amak lutuk" Sam chuan arawn ti veleh a. An mawl ania.
"A period lo pentui sen a tat mai mai nih hi. Siam tuaia bum theih hian awm reng suh u" ti mah ila Siam tuaia kekawr mawng a sen kai chu an en luai luai tho.

"Uiii.. Anuam e.. Ka rai thei tihna mi?"ati no hluak a, a sam ah ka tham a, dawhkan tauh tir ka tum chu a hlau a au chul mai.
"Engtik ah mah i rai dawn lo Siam tuai. Mipa inih kha" ti mah ila "Ka rai chak" ala ti tho. Ka ten. Kan class mipa ho lah hian an ten ka rin tehreng nen a bula awm an in chuh ani ringawt. An bawl a, a chang leh an lam tir a, a chang leh an bungbut tir a, bungbut te chu Siam tuai a chuan nuam ati rapthlak.

"Mawng atanga period ka vawikhat hriatna... Ana... Ka hnar ah kher chum ziah suh" ti chung in Jenny chuan a hnar a hup a, Siam tuaia period an awih tak tak hi an mawl ka ti. Sang vak vak mahse thisen hi engtik ah mah a sangchhuak dawn lo. Jenny pawn a awih lutuk ka thinrim vang in a hnar ka chum sak leh tawh anih kha. Ka tum loh pawn ka kut hi ka lo thawh leh thin. Tupawn min hlau a atha phian.

"Uiii.. Ka tai ana" Siam tuaia tawng ri chu ka hne lutuk. Ka ten bawk si ka luak dawn in ka hria. Ka thut na thin tukverh bulah ka thu a, midang ri nuaih nuaih chu reh tawh se ka ti. Ka duh ang in kan sir thar ka ngaihtuah theilo.

"Tunah enge kan neih dawn?"
"History"
"ENG NGA? KHAWI DARTHLALANG. TUNGE POWDER PAI? SIAMTUAI KHAWI POWDER" ka ti chul a, Jenny in darthlalang min pe a, Siam tuai an powder min pe vat bawk. Ka hmai ah ka hnawih a, ka hmui chu hnawih a sen tial tial thei ang chi kha ka hnawih a, sir alo luh meuh chuan a sen nasa tawh viau ang. Min fawp chak ngawg ang ka ring.

"Ka van chhelo tak em?" Jenny ner suk ka hmuh chuan ka kut ka hum a, a hmai zawn a ka lek veleh ahnar alo hup nghal. Jenny nu in i thiannu hnar ah chum tawh suh, a hnar ruh te ila chum tliak mai ang, bakah tunah pawh a hnar i chum tawi vek tawh a atia, a sawi tirh kha chuan ka chum lo a, nihnih vel a liam a ka chum lehnghal.

Bell a rik veleh ngil auh in ka thu. Ka duh ang in ka hnute a pawng nasa lo. Sir alo luh veleh a lo hip bet chat tu nih ka duh. Arawn luh zuai lai khan chhelo chu min ti ve ani tih a hmel atang khan ka hria a, ahma aiin min rawn hmu chhelo leh maithei bawk a, avan nuam dawn tak.

Arawn lut a, a nui sang mai. Kan class ah chuan a nui sang reilo khawp ang le.
"Sir uiii ka lawm twp, ka period a" Siam tuai an alo ti nghal a, reideuh chhung chu Siamtuaia a en vung vung mai. Siamtuaia hian sir hi min chuhpui anih veih chuan a chaklo ngawt ang. Ani aiin ka chak a, ka sawisa nasa viau ang. Hming a lam a, ka roll number a sawi lai te chuan ka mur chhuak vek thei, Sir hi a power alo van chak em em.

Lehkhabu min phawrh tir nghal a, a first day ah te chuan zir lo in in hriatchian deuhna te neih ve awm. Min en zeuh zeuh a, ka chhelo ka tih tawh kha. Mipa reng reng hian min en tawh chuan min en nawn leh an chak ngei ngei thin.

Sir hmeltha viau mahse history chu ala boring tho. Tukverh ah ka dakchhuak a, pawnlam ka en a, engpawh hian ka mit an ti chhuak. Ka mutchhuak reng hi ka nin em vang in ka cousin doctor bulah ka kal a, inu hi arai laiin a mu tlem lutuk a alo ti. Ka nu ka hrilh a, a bawl che nih chu. Nikhat ah atam zawk ka mu ati bawk si. Vanduaina in min tlakbuak ve ah ka ngai a, ka that em vang in ka that lohna awm ve ah ka ngai a, lawm takin ka pawm hmiah tawh.

Jenny in ka nak ah na tawk in min nghawk a "ANA.. IVA MAWL VE.. HNAR TAWI.. I HNARKUA PAWH A LANGTLANG THEI" ka ti vak a, class room a reh duk vang in Sir a awm tih ka hrechhuak leh si. Ka van zak tak em.

"Ding teh" ati a, muangchang in ka ding. A ruka min lo nuih tu ho ka chhinchhiah a, banah an chaklo ang. Ka bomb an hmachhawn angai ang.
"Enge ilo ngaihtuah?"nangmah kha ka ti chak ropui. Kan inneih ni a ka inchei dan tur tih te ka chak.
"Eng ngaihtuah lo e" ka ti mawl tawp.
"Han chhiar ve teh le" ati a, history text book ka la nei reng reng lo. Kanu in a leina tur min pek in eitur ka lei deih. Jenny lehkhabu ka la a, khawilai ber nge a chhiar tawp na pawh ka hrelo.
"Khawilai nge ka chhiar ang Sir" ka ti nem duai a, mipa bulah chuan nem duai hi a pawimawh. Mahni no lo mah ila tawngkam tal hi no rawh se.

"Ka chhiar tawpna atang in"
"Chu chu ka hrelo lawm" ka vin lutuk vang in ka inhup nghal. Ka dem duai rei ve theilo. Mipa a piang tur hmeichhe hmeltha deuh ah ka piang a, hmeltha mah ila ka pa ru tlat.
"Ngatinge i ngaihsak loh?"
"Hrisellohna thil ania, sawi vak chi pawh anilo" classroom chhung a ri huk a, mi zawng zawng aiin ka hrisel zawk tih hretu te an ni miau a ka dem hran lo.
"Tunge i hming?" Ehhhh... Ka hming a hriat duh vang in min lo chik a, min dintir vel ani maw? A hranpa in a duh leh min zawt thei tho si. Ka rin aiin a zei deih mai.

"Tunge i hming le?"ati nawn leh a, ka hming pawh chu alo van hre chak em em. Kawi deuh a ding chung in ka kawng ka dawm a, no deuh a mit khap fek fek chung in..
"Mary Lalhlupuii aka miss fabulous" ka ti a.. A mit a khap fuk fuk ve thung..
.
Cont

MY TEACHER-2


"Engmaw? Miss Fabulous maw?" Classroom chhung a ri nghal nuaih nuaih mai. A then in dawhkan an chum a, a then in kut an beng a. Ka nihna chu an hlimpui phian mai.
"Ni e, Sir" a hmui a pet a, midang ang in min nuihzat a tum ve nge ka hrelo.
"History ah hian mark engzat nge i hmuh thin?"
"-0" an lo ti rual dual a, 0 ka hmu - a tel kher lo.
"Sir englo ania" ka aw ka thian kharh kharh a, ka tawng hun alo nghak reng.
"Exam naah hian ka ziak teuh zel a mahse ka paper ah hian pentui sen an tihbuak thin a, a sen vek zel" peh hel deuh in ka ti a, zir loh chuan pass ngaihna awm hek lo.
"Class11 kha engtinge i pass theih?"
"Diktak chuan keipawn ka hrelo" ka ti sap a, exam dawn a tution ka lak vang aniang mahse ka sawi lem lo. Arawn thawk ve chiah a, engkim a hriat nghal ala ngai lo.
"Miss fabulous lehkha thiam lo nih iduh ami?"a thusawi chuan min kher zar mai. Min hmusit tlat in ka hria.
"School ban ah a hranpa a zirtir iduh em? Class12 hi a pawimawh lutuk. I fail veih chuan hrehawm iti lutuk ang" class bana a hran pa a zir, ka nui vur vur mai. Tha min lo ti ve hle anih dawn hi a hran pa a min zirtir pawh a tum ania. Ka fail a hlauh vang pawh anilo a fal a ka bul a awm a chak vang anih hi. Mipa rilru hi chu ka hre hneh emai. Mipa tam tak in min then tawh ka vannei a ka eng ah mah a thawk ngailo.
"Duh tehreng e" ka ti a, ka bialpa nih chu alo chak awm hle mai chance a zawng nghal chung chung mai lawm.
"Anih chuan ban ah kan inhmu dawn nia, thu la lo ngaihsak ve deuh tawh rawh" thut chu ka thu, ka ngaihsak peih chuang lo. History hi ka ning, kum a tam si, ka hre seng lo. Kapa in i chanchin hi zirlaibu ah chuang ve sela at phah an tam awm ati. I special na lai ani ati bawk.

History a zo a, ka thaw hawk mai. Sir a chhuak chiah chu ka lung a leng nghal vawng vawng mai. Zung turin ka chhuak a, zai pah in ka bai chhuak auh auh a, na pawh ka nei chuang lo.
"Mary" min ko tu chu tudang nilo in kan class a hmelchhe ber leh min ngei ber tu Brenda ani.
"Eng nge ni?"ka ti vin thak a. Min rawn kal hnaih a, min khawih veih chuan ka manbet anga ka zun khum ang. Tunah chuan ka duh duh hun ah ka zung thei.
"Sir hmuh lai khan a hran pa a zirtir iduh vang in i ngaihsak lo der tiraw?"
"Kan school hian detective kan mamawh lo a, detective hmelchhia leh sam ro bem bum phei chu school dang ah lut deih se kan ti, ka awmdan ah lo buai lo la, a hranpa a zir chu duh mah ila enge pawi? Nagmah ang bawk in class12 ka pass ve duh tih hre rawh, Sir chu ilo duh ve ami?"
"Enga? Sir hi iduh ami?"
"HAHAHA" ka khup dawm meuh in ka nui lui a, mak ti tawk chung in min lo en reng. Hmelchhe si mawl si. Min tluk lo emai.
"Mi mawl lutuk inih hi male, engtin nge Sir ka duh theih reng reng ang?"tih pahin a sam ka chul a, ka kut a at in ka hria. Ka kalsan deih, zunchhuah nen a inrem lo emai. Sir ka duh leh duh loh ah alo buai ve angai lo reng reng. Kan inneih ni ah chuan ka sawm ve maithei.
Subject dang kan neih leh hma chiah in class ka thleng leh hman. Tun ah chuan mizo keimahni tawng ngei kan zir dawn a, poem vel min hrilh leh teuh chuan ka muhil leh thei tihna ani mai. Sir arawn lut, a tarmit a chhah lutuk a sir zawng a a awm pawn a mitmu a hmuh theih vek tho. Ka lehkha zir nasat vang in ka mit a chhia atia, lehkhazir nasat ka hlauh phah em em. Ka zir nasat chuan tarmit chhah ka vuah ve anga, ka hnung atang pawn min ka mitmu an hmuthei vek ang. Mitchhe lutuk khawp a lehkhazir chu no no ani mai.

A tih ziah dan in arawn sawi leh nghal mawlh mawlh a, ka mut a chhuak, class ah hian ka that lohna a chhuak ziah thin.
"Muhil suh, a nung chung a ei iduh loh chuan"
"Duh mah ila min ei dawn chuang lo" tiin Jenny chu ka lo chhang a, ka sam zai pakhat pawh a eizo peih lo ang. A nung chunga ei chu ka hlau lo nasa.

"Mary" heti reng hi. Teacher te reng reng hian class ah hian min ko reng zel mai. Ka that lohna hi an hrethiam lo.
"Ding teh"
"Aw ka ding" tih leh din ka rual a, ka hawikual a, mipa ho in hmai thal huang in ha lang thaw in min lo en a, ka thinphu ti rang tu hi ka hmu lo reng reng. An chhe ve hlawm ania. Bialnu hi chu an nei ve reng lehnghal.
"Ilo muthlu lehpek ami?"
"Sir hetia thut a ngaihthlak tawp hi chuan mut a chhuak duh lawm. Bakah thatlohna te ka nei ve a, taksa lam harsatna" ka ti duah a, min en vung vung hnu ah "A hmasa ber ah hian rawn thu teh" ati a, peihloh deuh chung in ka kal. A hmasaber ah hian tumah kan thut duhloh vang in a awl reng. Teacher ten a chhan min zawh apiang in fanghmir hlauhawm chi a awm kan ti thin a, awih lem lo mahse min thut luihtir ngai chuang lo.

"Mipa ai pawn hauh ngun i ngai a?"ati a, mipa tur hmeichhia ah ka piang ka tih tawh kha.

"Ngaihthlak reng vang a i mut a chhuak anih chuan poem lo ziak la, ka chhuah dawn ah i chhiar chhuak dawn nia" ati a, poem ziah dan ka thiam lo hrim hrim.
"Sir thawnthu ka phuah zawk mai ang. Ngaihtuah chawp nasat ngai ziah chu mut a chhuak duh"
"Ziak rawh, muhil miah suh ang che" thawnthu phuah te chu nuam ka ti rapthlak. Ka ngei zawngte ka ti khawngaihthlak leh dawn lutuk.

Ka ziak mawlh mawlh a, keimah in ka nui reng a, Brenda i hming ka ziah laiin ka thinrim lutuk a, ka paper pawh a pawp nual mai. Hetiang em em a mihring min haw tu leh ka huat hi an vang ang. A chang phei chuan hrual nawk nawk ka chak thin.

Bell a rik veleh "Le Mary ithil ziah chu" phur lutuk in ka ding. Ka hawikual a, ka inhauh pui thin te chu an kun nghal sap sap mai ka rilru an hrechiang lutuk.
"Hmanlai hian school reh lutuk a awm a" tiin bul ka tan a.
"An zirtirtute pawh tar tawh deuh deuh chauh an ni a, class room pakhat ah chuan lasi nula ang maia hmeltha a awm ve a" Sir pawh alo nui. Keimah ka insawi na ani tih a hria a man le. Kan sir hi chaichim a ang ania o, a ha hi kuh ve reuh lutuk bawk sia.
"An class ami Brenda chu nikhat chu an sir in a hrem a, pawn nisa ah a dintir a, a sam ro lutuk leh nisa chu a inrem lo ania, reipawh a din hma in a alh pup a" ka chawl leh det a, ka hawikual a, ka ziah loh pawh ka sawi teuh dawn manle. Paper ka en leh veleh "Tawk rawh se" Sir in alo ti a, class atanga a chhuah hnu ah Brenda en pah in "Kang bang inih kha" ka ti leh kher a, min chhang lo mahse a thinrim zia ka hria, a hnarkaw pahnih atangin engemaw arawn khu chhuak luih luih mai.

School ban hun anih chuan ka va hlim tehreng em. Sir nen library ah thil kan zir dawn bik. Dairy neih angai, kan in date hmasak na ber ni hi ka chhinchhiah angai tlat.
"Jenny lo va haw mai rawh o. I bialpa biang fawn nasa thei deuh kha kalpui la, lo va fawn dun vel mai mai teh u" ka ti a, chhan pawh min chhang duh lo. A thinrim ve em em a, thinrim viau mahse hrehawm ka tih phah der silo. Teacher haw tur thenkhat in min bye bye a, fail la kan school ah lut reng la an ti. Ka duh bik der silo.

Sir nghak in ka lo ding a, minute10 vel hnu ah a rawnkal a, ka hmuh veleh ka mitmu a pawngchhuak pawp pawp mai, a tlak deih ka hlau a, ka veng pah reng.

Ka lam pana a rawnkal lai chuan khawvel hi amawi leh zual tih ka chiang. A rah chin a piang a eng pup pup a, oii ka entha ngam lo zawk. Ka mit a vai dawn. A necktie awrh lai chu a ding tawh deuh nge a dah loose hnuang a, a kamis chunglam kilhna a phelh a, a ban a thlep chho bawk a, tunah tak chuan ani aia mipa sexy leh pa hi an awm lo ani tih ka chiang.

"Hey" nui vur vur in arawn ti a, a lai chiang lutuk. Laih loh ngaihna a awm lo. A duh ruk deuh in ka lo enreng sia, a lai ve bawk ang chu. Ka hrethiam lutuk.
"Lut ila"
"Tehreng mai" ka lo ti vat a, school ban anih tawh vang in tumah an awm tawh lo. Kan pahnih chiah in kan awm. Nuam dangdai tak ani.
"I lehkhabu phawrh rawh le" ka neilo tih ka hrechhuak. Jenny lehkhabu kha lo hawn mai tur hi nia, a hunlai hian ka ngaihtuah lo thin..
"Ngatinge? "
"Englo ania, kanu in history text book leina tur min pek ni khan nidang aiin ka ril atam a, eitur zawng zawng khan ka mit an la vek. Hman duh miah lo mah ila ka riltam kha ka thi mai dawn in ka hria a---"
"A tawk" tih pahin ama lehkhabu a keu a, kan in en tawm dawn tihna mi? A lehkhabu en ve pahin nasa deuh deuh in ka kun lui anga, in tauh vel mah ila a nat lutuk loh chuan a pawi lo.

"Eng lai nge i thiam loh ber?" Ka lo en hau a, engkim ka thiamlo tih ka hmel atang in a hre thei angem?
"Diktak chuan history hi lak ka tum lo, thiam ka neidawn lo tih ka hria a"
"Chuan tunah pawh engmah i thiam lo tihna?"
"Ani mai ang chu" zawi te in a nui a, mawi ka lo ti em em. Ka lo record lo ni. Lo record hman ila chuan ka ringtone atan ka hmang ngei ngei ang.

A explain mawlh mawlh a, keichuan amah hlir ka lo en mahse ahma a putar pa ai chuan a sawithiam. Ka hriatna pawh a sang tial tial, mahse ka thatlohna bawk in min tibuai leh tawh. Ka thatlohna in min tihbuai chuan ka hriatna pawh 0 ah a tlahniam nghal. Ka meng theilo. Doctor te tihdam theihloh that lohna hi ka ning lutuk tawh.

"Mary.. Hey Mary i harh em?" Min sawi nawk nawk a, ka ban ka phar kual ruai mai. Insual pawh ti se ka ngam. Ka chiang lo ruai mai.
"I harh em?"ka hmai bul set ah arawn kun a, ka harh chiah. Ka harh chiang lutuk.
"Chawl lawk ang" ka ti ta ringawt a. Harh lehzual ka ngai.
"Kalkual la iharh mai ang" ka rin aiin a zaidam deih. Library atangin ka chhuak a, a hmelthat nen a subject lak a har emai. History pawh nuam ka tih phah chuang lo e ah.

Kal kual mai ka duhtawk lo ka zuang kual nasa lutuk. Ka thatlohna a chhuah leh ka hlau. Nachin pawh khan ka tho a tep tep in ka hria. Min duhna a tla hniam tur ani lo a, a pung zual zel zawk tur ani. Toilet ah ka kal a, darthlalang a ka in en chu ka hmu nasa. Ka sam chu Brenda sam ai pawn a buk zawk, a tho seng sung mai. Ka hmui hnawih pawh a pherh kual nasa. Ka lo van muhil nasa hman awm em em. Zak ve thei ila chuan zahna tham ani mahse ka vannei nge han zah vak hi ka la nei em em lo a, hlauh lutuk pawh hi ka nei chuang lo. Pawngsual hi ka hlau. Min pawngsual tum tu awm se chuan ka au nasa ang chu aw. Heivang hian insual pawh a rukin ka zir thin, ka lukham te ka hnek vak vak a, mahse a tak tak a ka insual hi chuan ka zir ang in ka hnek ngailo, ka kek leh nge nge thin.
"MARY"
"Au ring angreng ve" ka ti sap a, library lamah ka tlan let nal nal. Ka harh chiang kek kawk tawh mahse lehkhabu ka hmu anga, abc a har zawng in a in remkhawm leh anga, ka harh rei leh chuang lo ang.

"Uluk deuh in ngaithla rawh o. I rilru pe la" ka zirlai ai chuan amah ah hian ka rilru ka pe chak zawk. Mipa perfect hi amah ka hmuh hma chuan an awm ka ring ngailo. Ka hmuh tirh atanga min hip nghal tu awm chhun ani. Min hip na em em mai lehnghal. Ani hi power te hi alo nei ru ani lo maw le?
"Ngaihtuah rawh Mary"
"Awle ithu vek alawm" a tawng zawnga a hmui chet vel dan ringawt pawn min hip. A engkim hian min hip a, mihring pangai anih pawh ka ring lo. Ngatinnge mi a hip theih em em le? Ehe hriat chhuah ka nei..
"SIR" ka au vak chuan a ti phu nasa hle. A zuang zawk mai.
"Aw sawi rawh"
"I naupanlaiin, naupang harh rual inih in magnet te ilo dawlh ve mial em?"a in ngaihtuah vung vung a, a dawlh chiang lutuk. A dawlh chuan a paitawih thei dawn lo chiang sa.
"Dawlh awm pawh ka hrelo. Ngatinge?"
"Min hip nasa e"
"I bag ak la haw rawh"
.
Cont...

MY TEACHER-3


Teacher thar kan neih tuk chiah a ka school kal chu nidang zawng zawng aiin ka phur zawk. Magnet a dawlh amaw ka tih hnu a min haw tir kha ka lawm zia chu. In ka thlen veleh ka muhil nghal char char. Mut bak a nuam tih engmah ka neilo.

"Mary" Jenny aw ka hriat na lam ah chuan ka hawi phur rapthlak.
"Nimin chu?"
"Ropui tak ani. Min hip tih ka hrilh veleh min haw tir"
"HAHAHAHAHA" kan pahnih nui ri ringawt chu a khawk rum rum mai. Kan nui lui pah ve deuh bawk thin a.
"A duh ve lo che tih a chiang reng"
"Min duh thei turin ka siam thei. Mipa te chu han zar peih em em ila, min huat loh leh min duh nge nge mai lawm"
"Nang ni pahnih kha" Jenny bialpa James ani. An in ngaihzawn na arei tawh. An in hne thei lo reng reng.
"Hey James"
"Nimin ah ithiam hnem em?"
"Engmah ka thiam belh lo. History chu ihriat kha. A hming pawh hian min hnar"
"Sir thar kha iduh ami?" Jenny in a hrilh ani ngei ngei ang.
"Tehreng mai. Amah ah khan mi hip theihna chak lutuk mai a awm a, ka hmuh ringawt pawh hian ka trek chhawk chhawk zel" alo nui vak a, hrim hrim in Jenny bulah a awm zel a, Jenny nen chiah a thil sawina hun pawh kan nei hleithei lo. A hmel lah hi tha hi ka ti thlawt bawk silo. A biang a puar si Jenny chuan a biangpuar hian a ti cute atia, puar satliah pawh anilo a tawlh pur. Keichuan mipa cute ka duh lo. Sir ang a pa leh sexy deuh ka duh.
"Saw a lokal" James an atih veleh ka sam ka tuai nghal thuak thuak. A mit hmuh ah hian ka nalh em em reng tur ani. Mahse en pawh min en lo in min kalpel deih. Induh ve reuh hle mai.

Class ka luh veleh nimin an lo ti sup sup. Ka thian hnaite bulah lo chuan engmah ka sawi ngai biklo. Tuman ka mimal chanchin hriat an phu lo. Mahse atam zawk chu an hre tho.
"Tunah eng subject nge?"
"History" ropui lutuk. Zing ah Sir ka hmu nga tlai ah a hranpa in min zirtir leh bawk anga. School hi nuam ka ti thar nuam ka ti ngawih ngawih.

Sir alo lut, kan classroom chhung chu a eng nghal vek. Nuam tak ani. Ka lam alo hawi veleh no deuh in ka khap a, min ngeitu tan chuan ka tenawm ngawt ang. Sir hi chuan min ngei dawn lo tih ka hrechiang a thinphu a rang dawt dawt zawk maithei.
"Nimin a kan tih bak kha kan ti lehnghal anga" ka mut a chhuak nghal. Lehkhazir reng hi ka ning. Thil dang te sawi ve sela sir pawh hi amak em em ngawt mai.
"Mary" ka hming a min koh chuan ka sa chhuak nghal vek. Hepa hi mihring pangai anilo. Thil tih theihna anei.
"Aw eng nge?"
"Khawngaihin lo ngaihsak tha ve rawh aw" khawngaih te min dil a, ka thiamlo lutuk hian ati mangang tan ani ngei ang. Nikhat lek ah pawh ka nihna diktak chu a hre nghal vek mai lawm.

A thil sawi ho chu lo hriat vek ka tum ve lutuk mahse la hrethei lo. A sawi laiin ka hria a, ka theihnghilh lehnghal zel bawk a. A sawi zel dawn amaw ka tih laiin "Nimin ah ziak tura ka hrilh ho cheu kha" note book an la chhuak sup sup a, ka hawi á nasa em em thung. Eng nge ziah tur engmah ka hre ve lo.
"Jenny"
"Nimin ah mahni a note siam turin min ti lawm" ka phili buai chung tawh. Tlaia min zirtir lai te khan sawi leh awm tak ania. Ka enkual a, Siamtuaia takngial pawn a ziak ve aniang a intithei lutuk. An dawhkan ah lehkhabu an pharh vek a, a kal kual a, a enkual den den a. Ka thi chiang ngawt ang le. Ka pum tihnat der a tlanchhuah mai ka duh. Ka kua rawn thalo thut se ka ti. Anih loh pawn ka khuasik vak sela. Kan thutna zawn alo thleng, Jenny chuan alo hmuh vat a, Sir in a fak laiin I-thi-dawn-chiang tih melh in min rawn melh. Keipawn ka thi dawn tih ka hria.
"Mary phawrh ve rawh le" a hmel ka en a, ka tap lek lek.
"Ka hreve lova" ka ti ban charh mai.

"Ti tur a hrilh ti lo hi teacher hmasa khan engtin nge a hrem thin?"tih pahin a hawikual a, avan sual tak em. Hrem ka duh biklo.
"A in bin tir thin a Sir mahse oii ti duh kher suh, a zak ang" Siam tuai an arawn ti hlawi hlawi mai. A mithmul lem saw khap thla deih se ka ti.
"Hrem dan thar ka hmang mai ang" atih hnu ah min en leh a "Vawi sawm vel tal rawn ziak chhuak ang che"
"Awle" akalsan veleh ka hnung a thu Sam bulah "Min tihsak dawn tiraw?"
"ENG NGA?"ati tuar a, lung thalo nei tan chuan thal tawp na tham.
"Eng nge in buaina?" Sir in arawn ti vat,arawn hawi phei lai te chuan pa hi ka lo ti khawp ah.
"Engmah anilo" ati sap a, Sam chuan min hek ngam dawn lo hrim hrim. A star ka hria a, ka thin a tihrim chuan ka hrilh dawn sia, min tlawn thei lutuk.

"Sir helai hi min lo ensak lawk" ti tu Brenda chu rum deuh in ka lo melh nghal. History ah keimah anga thiamlo an nih loh chuan a hran pa a inhrilh na chhan tur a awm lo. A thutna bulah Sir akal a, a kun veleh Brenda chuan cho deuhin min rawn en a, ka tham nawk nawk chak. Hmelchhe si. Lerh si. Sir hi a duh ve chiang lutuk.
"Helai hi kan la zir thleng lo a, in vai a hriat turin ka sawi ang" Sir in a tih chuan hnehna ka chang leh ta tih ka hria a, Brenda hmuh laiin lei ka chhuah a, teacher te an awm loh chuan midang runluih nan Jenny nen kan mawng kan beng thin. Teacher te awm laia mawng ben chu tih chi anilo tih kan hre ve.

Kan hmaah ding in Sir chuan kan zirlai min hrilhfiah mawlh mawlh a, ka rilru ka pe hleithei lo. Ka biang dawm in amah ka en ran a, ka rilru ah thil dang deih a awm. Ka ngaihtuah naah kan innei tawh. Amah aia ka naupan deih vang in min duat em em lehnghal. A thil sawi laia a hmui a liak leh zeuh thin te chu hmuhnawm ka lo ti em em. Ka duh che min ti phut mai sela, min lenchhuah pui vel se, mahse kan ram ah hi chuan len na tur a tlem e. A pawilo a bula kal chu a nuam tho tho ang. Min kuah se min fawp vel sela "Haha anuam"
"Mary" ka lo tawngchhuak ani chiang. Min en leh thup tawh.
"Engmaw nuam?" Mipa ho an nui thaw a, engmah hrethiam mang silo.
"Nuihpui tham khawp a nuam tur engmah ka sawi silo a" ati kher a, ka hawichhuak ngam tawh lo. Min en reng awm sia, ka zam lehzual ang.
"Ngaihsak tawh rawh ka tih kha"
"Awle" ka ti a, thuawih hmel takin kuangkuah in ngil auh in ka thu a, peihrei leh dawn lo mah ila min en lai tal chuan tha deuha awm ka duh. Thuawih lo min tih chuan min duh lo telh telh ang tih ka hlau. Ka bialpa hual ani ve sia.

Bell a rik veleh a lehkhabu a khup a, a lehkhabu kenlai hi ka ni chak. A en reng a, a chul hliau hliau a, keichu min hau reng bawk si. A chhuah veleh ka zi mar al al mai. Ning viau mah ila a chhuah meuh chuan hrehawm ka ti. A hmel hmuh reng ka chak tehreng nen. Ka mutthluk san tawh miah lo ania, hma chu ka sawn hret in ka hria.

"Hey Mary ka ziak dawn lo ania"
"I ngam chuan ziaklo la, Ruthi bulah i star tih ka hrilh ngei ngei ang. I bulah pawh a awm duh tawh miah lo ang"
"Anih leh ka ziak ang" ngui bur in ati a, a sam a chul pahin "Kan class mipa ah ifel ber" ti mah ila hlim hmel a pu lui thei chuang lo. Ziahtur a ngah em alawm, ka thiamloh pawh anilo Sir thiam loh zawk anih kha. A thatchhe ber tih tur min pe teuh vel a midang in an tawrh phah.

"I nuih na chhan kha eng nge a?" Francis an arawn ti veleh. Ka hrilh duh angem le? Ka ngaihtuahna ang kha ka sawi chuan kan dam dun chhung chu min chhaih char char ani mai. Sawilo phawt ang.
"Ka sawiduh lo e ah"
"Naa sawi rawh" tih pah in a ke a leng a, mipa naupangchhia deuh hi ka hua. Bialnu pawh neise zeilo extra ang kha an ni duh. Jenny bialpa pawh hi zeilo tak ani. An in ngaihzawn reitawh tehreng nen an la in kiss miah lo. Engkim virgin in an innei dawn niang.
"Ka sawiduh loh miau te chuan"
"I mumang i ngaihtuah ani hrim hrim" ati a, a duh ang ang in lo ngai vel mai mai teh se. Hriatchhuah ka nei. Ka ding thut a, "Kalsan teh Jenny ka lo chhuak lawk" mak ti viau mahse a ding a, ka thutna atanga chhuak in Siamtuaia thutna lamah ka kal. Ka thlen rual in a lu ah na lutuk in ka beng pawp.

"Ana" ati duai a, no deuh in ka ben na lai a tuai a.
"Nangmah vang in ka in bin tep"
"Min beng kher lo la" ati a, a tap dawn in ka hria. Anu hi kan english teacher ania, a tah chuan anun min hrem ngei ngei ang.
"Siam i star ka hria, Francis saw i star tiraw? Ka lo tihpui ang che" a beng bulah ka ti sur sur a, a chocolate eilai hi ka ei ve chak lutuk. Francis sawi chuan a phur nghal surh mai. Ka duh naah chuan mi zawng zawng aiin ka fing.
"Min duh iring ami?"
"Ring e. Francis chuan mipa bak a duh hleinem"
"Ani maw?"
"Aw ni e. Siam tlem ka lo ei ve" ka ti ta nge nge a, a nun a duat sia eitur hi anei tui thei nia o.
"Aw kha eivek rawh. Francis chu min tihpui tak tak rawh aw"
"Ka hrelo le" ka tia ka kalsan deih. La thut na a ka thut leh veleh Siamtuaia thutna lam ka en a, a in chei hlarh hlarh mai. Kanu in tuai bulah awmtam loh tur atia, i nel viau chuan a fa i pai deih mai ang ati. Siamtuaia pawh hian sawn ala thlak lo ang tih a sawitheih loh. Francis hi han rai mai se aw.

Nui vur vur chung in Francis ka en a, rai se a mak ngawt ang. Siamtuaia bialpa tur hi ah.
"Ngatinge min en reng?"ati hu a, Sam pawn mak min ti niang min en pahin ang phuau in mit a khap fuk fuk mai.
"Star tu che ka hria"
"Min hrilh lo law law teh. Siamtuaia iti dawn ka hrevek" an dawhkan beng in ka nui lui vak vak a.
"Ilo hretawh mi?"
"Keiman ka hrilh. Siamtuai an Francis a lehkha tur a ziah laiin ka awm ve a, ka chhiar vek alawm" Jenny in alo ti a, chutiang min lo hrilh ve miah lo chu ka ngei kher mai.
"Thian kan nia engkim inhrilh ang kan tih kha? Thil ka hriat ve chuan ka hrilh dawn biklo che"
"I hretawh maw ka tia"
"Ka thil hriat chu ka sawi ngei ngei ziah. Ka zep ve theilo tih i hriat kha" ka ti bai bai a, ka rilru ana dawn ten ka hria.
"A ho lutuk siamtuaia mai mai. I hmelthat na a danglam phah lo"
"Min tlawn itum. Kan classroom pawh hi kei leh Sir hmelthatna infin khawm vang a eng mai mai anih hi" a ner deuh dawn a, ka lo enreng vang in a nui lui ta zawk a.

Break anih chuan kan class CR Ruby in "Mary, Sir in office ah lokal rawh ati" arawn ti a, thil ei tura kal kan lo tum chiah a sin le. Zing atangin Siamtuaia chocolate tlem bak ka ei silo a ka ril a tam lutuk ropui si. Min hmuchak anih pawn thil eizawh tal chu lo nghah ve awm ania. A ngeiawm thin ka ngei phal lo mai mai zawk ani.

A dawhkan hmaah ka ding a, lehkhabu rawn dah pah in "Hei hi nei rawh. Lehkhabu neih loh ringawt chu a diklo. A pawisa a ila anih chuan thildang i lei leh dawn nia. Heti hian ka pe ang che" a lehkhabu min pek chu History text book ani. Khawvel zawng zawng a ka subject huat ber. Tumah kha lo indo lo sela tha mai tur zirtur kan ngah phah emai.
"Ziak tura ka tih che kha rawn ziak la. Class12 hi a pawimawh ka tih tawh kha tha deuh a tih tum rawh. Zirtha peih la chuan ithiam ngawt ang" min bawl mek in ka hria. Thiam khawp a zir dawn chuan zir nasat angai lutuk. Chutak chu ka peihlo.
"I ziah tur hi tuna hrilh fiah iduh em? I hriatchian chuan nangma tan pawh a awlsam sawt dawn a, vawin tlai ah ka zirtir hman dawn silo che a" ka hnual nghal vek.
"Eng nge itih dawn?"
"Chhungkaw thil ania" chutiang anih chuan min zirtir rawh tih luih tlat chi pawh anilo.
"Ziah tur i ngah tho a, ihaw veleh atang in ziak la, i zo hman lutuk ang. I ziah tur chin chu lehkhabu ah hian ka thai vek a" ati a, min ngaihsak a ka hriat hi chuan ka lawm lutuk a ka tah a chhuak zawk.
"Naktuk ah break lai tho in min pe dawn nia" ka pum rawn ri chu a hun lo lutuk. Ka pum ka dawm a, Sir chuan min nuih vur vur mai.
"Kal tawh rawh va in ei puar ve rawh" lehkhabu ka la a, ka chhuak nal nal.

"Nuam iva ti awm ve?" Office bulah Brenda alo ding. Lehkhabu a keng a, Sir a hmuh chak vang in a thiamlo der leh dawn aniang. Kan class ah a thiamthei ber a, tuma puih angai lo. Amah pawn a zir thei lutuk.
"Sir hmuh iduh vangin i thiamlo der"
"Ivan hrethei. Tlaia a hran pa a a zirtir che avang khan inti neitu bik viau suh"
"I rilru hi chu a chhe ve ngawt mai. Tuna i rawn sawi ang kha ka ngaihtuah naah a awm lo hrim hrim. Rilru chhe deuh pu suh i hrisello ang a, i chhe lehzual ang" a hmel chu nuihzathlak zawk. A thinrim vang in a phit dawn aniang. Tawngkam ah chuan min hneh lo sa, henu nen hian kan insual ngun tawh. Class8 kan nih tangin class in ang ah kan la awm char char a, kan in el reng a, zirna lamah chuan ka hneh ngailo hrim hrim. Mahse ani chuan mipa a hip ve lo. Hippo a ang em alawm. An chhungkua chu hippo an ang vek. Pen in ang kan neih ringawt pawn kan inhnial a kan insual thin. A tap zawk ziah.

"Ka lut dawn. I bula awm reng ai chuan Sir bula awm anuam zawk"
"I luh hun ah tlu ngei ngei ang che" ka ti a, min chhan leh hma in ka kalsan deih. Sir nen a kan in ngaihzawn hun ah min thik lai hmel vel ka hmuchak. Ka runluih nasa thin ang chu aw.

Class ah ka lut a, Sam ka hmuh veleh "Hetah hian ziah tur chin a in thai vek. Ziak ngei ngei ang che. Anih loh chuan sir in min hrem anga, min hrem veih chuan Ruthi bulah thil thalo deuh ka sawi ang"
"Ka ziak ang" thinrim deuhin ka lehkhabu kenlai arawn pawt thla. A ziah dawn phawt chuan titau mai mai mahse pawi ka tilo.

Jenny leh James an lokal a, engmah ka la eilo tih ka hrechhuak, bell rik a hnai leh tawh si.
"Kal tawh lo mai rawh mi an tam lutuk. Keini pawn kan nghak rei" an ti a, Sir leh Brenda leh Sam vang vek. Francis pawh eitur keng chung in arawn lut a, a thutna lam ka hawi nghal. A rim ringawt pawn ka ril a ti tam.
"Thutna a awm tawh lo a, ka lo keng lut tawp. Intlar rei angai si", ati a, va intlar ve mah ila ka lei ve hman chuang lo ang. Ka ei ve chak hmel a hmuh chuan ka laksak a hlau aniang, tam deuh deuh in a ei a, a ei anga tam hi Siamtuai an ei ve chu a helh nasa viau ang. Jenny te pawn eitur chu min lo laksak ve mai awm. Thian chu a inti ve sia. Francis a eitur a rimtui ropui si. Ka pum pawh a ri leh tawh. Chhangthawp leh butter hi chu a tui ropui si. Ka awm hnaih sauh sauh a "Francis ka ei ve chak vang pawh nilo in ka chil alo awm reng mai"
"Ehe... Francis an Chhangthawp lian tawk a hmawm vek" Sam a au chul a, Francis a tal tawp tawp a.
"Ka helh.... Tui ka duh" ka hawisan hmak. Duham chu chan na..
.
Cont

MY TEACHER-4


"Iti tha lutuk e Mary. A felfai thlap bawk a" break anih veleh Sir bulah Sam a min ziahsak ka submit a, chawhma chhung zawng ka hmu bawk silo a ka ngaih hman zia chu.
"Hetiang reng hian ti rawh. I insiamtha zel thei ania" ati dam dap a, ka ziah anilo tih hria se chuan min in bin tir tawh maithei. Mahse in bin tak chu ka thiam lo. Ka in bin dawn veleh a sir lam ah ka let tep zel.
"Ikal thei e, i rawn ziak a a lawm awm" ka chhuah veleh "Nia ka ziah anih kha" nui chung in ka ti a, bum a awl ve ngawt mai.

Cafe ah ka kal a, mi tam zia lehpek chu ah. Thil ka ei ngei ngei tawh dawn ani ringawt.
"Mary i dinna ah hian rawn ding rawh" ahma lama ka nau ding chu a rawn au lang lang mai. Phakar ve lutuk ka lut chiah reng sia. Nau mipa pakhat ka nei tih ka la sawi lo tak e. Stephen ania, class11 ani mek. Lehkhathiam thei zir peih bawk ani. Mahse a zir peih tih chuan an awih lo zel. Kan mizia a in ang a, kan inhau nasa ve thei bawk a, mahse a rei ngai lo. Kan inkawm leh vat thei. Kum zawn a piang kan nih vang in kan tet lai phei chuan thian dang kawm vaklo in kan inkawm thei phian.

A hmaah min dintir a, ka dar avuan a "Ka zei viau lo maw?"arawn ti sur sur a, "Tenawm khawp in i zei" kan nui a, naupang zawk mahse mipa anih vang in kei aiin a sang deih zawk. Ka nau vang in ka hun pawh a thleng vat mai. Coffee leh sandwich ka la a, Francis leh Sam te bulah ka thu. Jenny leh James pawh an awm ve.
"Francis khawnge i bialnu Siamtuaia"
"Ka chhang peihlo che" atia min chhang tho sia.
"Ka thil in hi a tui lutuk Jenny in ve chhin teh" tih pahin James chuan a thil in lai Jenny a pe a, alo in ve mai a.
"Eh.. An in kiss tihna" Sam an atih chuan kut kan beng a, Jenny aiin James a zah hmel zawk. Zeilo emai. Mipa zawk ve si, engmah ati ngam lo.
"Ka lo thu ve" a aw no em em dan atang chuan Siamtuaia tih hriat reng reng. Tuman kan ngaihsak duh lo. Francis phei chu a kun ngur mai.
"In sual emai. In bulah ka thu peih lo" ati a, Moses te thian ho awm naah akal a, an lo au dur dur mai. An bawl kual leh nasa ang chu aw.
"Francis hei in nu ka kuah" Moses an arawn ti lang lang a, engtin nge an lo hriat hman vek le? Siamtuaia zawk hian a hrilh ani ngei ngei ang. Francis a zak lutuk chu a beng thleng in a sen vek tawh. Class11 ah ani pawh hian star a nei a, a star nu awm ve lo sela chuan Moses kha a chhanglet hrim hrim. A star hmuh a lan cool a duh vang in a tawng duhlo vel a, a tawng chak a alh lo chauh ani sia.

"Ka phu lo che Siam" Moses te thutna lam kan en thap a, Moses chu a awm dawm in a kun a, a nui nasa hle bawk a, Siama chuan eng nge alo sawi ni.
"Eng nge a sawi a Moses?"ka ti ta nge nge. Ka hrechak miau a.
"Francis aiin min duh zawk. Siam ka bialnu in a thik ange" ati a, Siama lah chu a hawi vah vah lehnghal. Moses hi a hma in ka star thin a, mahse Jenny chiah in a hria. James pawh kan hrilh duh lo. A hmeltha ka ti thin. Siamtuaia nen chuan kan mit a in ang chiag. Sir pawh hi alo star ru ve reng ang a, a lerh ve angreng sia. Sir chuan min duh zawk dawn hrim hrim ka lung ngai lo.

Class a kan luh veleh kan ri leh nghal nuaih nuaih. Kan class hi chu class dang zawng zawng aiin kan in pawh zawk. Kan in kawm thei vek. Brenda nen chuan hmelma ni mah ila midang min ngei tu leh keipawh ngei ka neih awm pawh ka hrelo. Tunah hian history kan nei dawn tih kan sawi leh hram ange.
"Ka peihlo e. Boring leh dawn" an ti nang nang hlawm a, diktak chuan keipawh in ka peihlo mahse Sir chu ka hmuchak.
"Mary a hau leh ngei ngei ang" Francis an atih chuan "Iti dik" ka lo ti vat. Min hau der mai mai. Ka hming a sawi chak vang vek. Thil tam zawk hi chu a eng zawng in ka ngaihtuah tlat thin a, vannei ka in ti thin. Lungngaih chang pawh ka nei ve tho.
"Moses banah haw rual ila. Min lo thlah" Siamtuai an atih chuan a ri nuaih nuaih mai.
"Thlah mai rawh Moses vawikhat chuk kha nimai a" Moses a thianpa ber Ricky an alo ti a, Moses chuan ngawih a chuh. A thlah duh loh vang tih hriat reng. A tilui thei biklo ang.
"Moses a awm ve hi ka lawm. Ka thawveng huai mai" Francis an ati a, ka hriatthiam pui. Awm lo sela chuan Siama hian Francis ati reng mai dawn a, tunah chuan Moses ati reng tawh ang.
"Siam inthlah tir suh, ka la thik thei tho ania" Ruby in alo ti a, ani hi Moses a bialnu hlui ani. An inzui nasa sia an inthen chuan mak ka ti nia o mahse an la in duh reng in ka hria. An inthen chhan ka hrechak lutuk a, zankhat ka muhil theilo. Ka ngaihtuah char char. Ruby in a zirna a buai phah a hlau an tia, tunah chuan a then kha a inchhir leh tawh an ti.
"Hmmm.. In ni tawh chuang lo a" Siam an alo ti ve thung a.
"Ni leh rawh u" kan lo ti dual a, an inhmeh em alawm. An in kawp leh kan duh vek vang in Siama chuan tumah a hnial duh lo, kan tang ho vek dawn tlat a. Ruby chhelo si fel si. Tunah tak chuan Sir chiah duh ka nei.

Arawn lut chu Jenny in min lo en nghal, ka beng bula rawn kun in "Min ngei miah suh tuna a inchei dan saw chu inhmeh tawp chhelo ka ti" arawn ti, na tawk in ka lo nghawk. Tuman chhelo an ti ve tur anilo. Ka ta tur anih saw. Engpawh ha se keichuan inhmeh ka ti vek. Hnathawh kawr pawh ha se a inhmeh tho ang. Hmeichhe thawmhnaw pawh a inhmeh ka ring. Kan sir hi chu a chhelo ve chiang ani. Ka hmuh ngun poh leh ka vei nasa tial tial ziah.
"Mary" ka rindan vel.
"A hmasaber awl ah hian rawn thu rawh" a uang a manle? A thutak run bawk si. Thutna mumal pawh ka nei ve lo. A rawnlut a piang deuhthaw hian a hmasaber awl ah an ti reng mai. Ka lehkhabu keng in muang tawk in ka thutna tura atih ah ka kal. Ka ban pawh ka then peih lo. Tunah tak chuan Sir hi ka ngei.
"Tikhan classroom a lang zahawm sawt mai. Thu char char tawh la atha ang" a nui suk. Tunah khan min fiam in ka hria. Nge min bawl zawk? Teacher dangte hnen atanga ka chanchin a hria anih chuan min bawl ani ngei ngei ang.
"Jenny bulah ka thu duh zawk" ka ti tlat a, a hming ka sawi vang in Jenny chu a thinrim leh ngawt ang.
"Khata thut kha i inhmeh zawk. A fel ber chu a hmasaber ah an thu thin" an nui huk a, fel ber nih chu ka lo inhmeh lo viau aniang. Francis a nui ring lui chuan min ti thinrim.
"Tikhan tha deuh in ngaithla rawh aw. I pass ngei ngei angai ania" exam ala hla e ka rilru in ka ti nuap nuap a, ka sawi ring ngam teuh lo. A explain tan a, a hmasa ber ah pawh thu ila ka mut a chhuah loh phah chuang lo. Dawhkan a kiu nghat in ka kut phah in ka biang ka dawm a, a din lohna lam ka hawi a, ka muthlu dawn. A hmel chu tlaia min zirtir hun ah ka hmuthei tho. Break zawh anih chiah hian mut a chhuak duh bik. Ka theih tawp chuan men luih ka tum ve mahse harsa ka ti thin.
"Lalhlupuii" ka hming pum lehnghal in min ko. A thin a rim aniang.
"I muhil ami?"
"Aih" ka thu ngil a, ka mutchhuak lutuk chu hrehawm tak ani. Ka in khawngaih zawk. Mi zawng zawng aia mut duh ka men luih a ngai thin hi. Lehkhazir ngai ve kher kher te hi ka ning.

"Mary han chhiar ve teh le. Mutchhuak pawh a reh deuh ang" ati leh tawh. A chhiar chin pawh ka lo chhinchhiah lo. Khuh kharh ri ka hriatna lam ka hawi a, a chhiar chin chu a rukin Moses an alo kawk. Ka zawn fe hnu ah ka hmu ve hram. A milem atang in ka zawng tawp. Ri mang lo in ka chhiar a, tuvak mah in an hrepha lo ang.
"A ai ring in" Sir in arawn ti ta ngei a, a duh aia ring in ka au vak vak dawn manle. Ka chhiardan ka ti danglam duh chuang lo. Min chhiartir tawh loh vang vang na tur a awm ka duh.
"Mary chhiar ring deuh tawh" hmeltha lo se la chuan ka ngei vang in a class ah hian ka awm ngai lo ang. Ka chhiar ring duh chuang lo. An phun sep sep tawh. Ka van chhiar ring awm lo ka ti ve tlat.
"Thu rawh" kha kha ni mai. Thiamlo mah ila han luhlul em em mai ila. Teacher te pawh hi pawngpaw hlauh angai lo. Kan runluih ve tlat chuan tihngaihna min hre biklo. School atanga in hnawhchhuahna tham pawi khawih loh chuan a ho e. Ka chhiar rin duhloh vang chuan min hnawtchhuak dawn lo chiang sa. Sir chu ka nuih ver ver a, a hawisan deih. Tlem chuan a lawm lo ani maithei. Sir ani sia, a dawhtheih a ngai sia, ka lainat ru angreng.

Ka ngaihthlak ve reng laiin Ka dawhkan ah paper hlawm arawn tla a, a rawn tla pawh anilo tuemaw chuan arawn vawm ngei ani. Ka hawikual a, Ricky alo nui vur vur. A rawn vawm tu anih ka ring.
"Sir min vawm ania" tifuh lo a inti ang chu aw. A thilsawi a chawlh phah rih nan pawh ka duh hrim hrim. Thil dang ka sawi chuan zirlai a sawi hrih dawn lo tihna ani mai.
"Tunge vawm che?" Ricky a te thutna lam kawh pah in "Sawta tang sawn arawn kal a, tu ber nge min vawm ka hrelo" Sir chuan paper hlawm chu ala a, a keu pharh hnu ah..
"Ka bag ah i kekawrte i theihnghilh" tih a chhiar a, hmel a chuh. Sir in engtin nge min ngaih tawh ang? Ala chhiar ri zui. Sir hrilh lo khan lo chhiar ve mai mai ila, ka tawngtheih vang vek..
.
Cont...

MY TEACHER-5


"Lut ila zir tan nghal mai ang aw" kekawr te avang khan ka zak vek tawh. Ricky a fiamthu san lutuk vang vek. Sir hi chuan hria ang pawn a awm leh tawh chuang lo mahse a hria tih ka hrechiang ropui si. A chhiar rik khan class chhung a awm zawng zawng an nui vek a, Sir zawk a lai hle anih kha. Keichu ka zak hran lo. Kan class chu kan in pawh a zahna tur pawh awm lo. Sir zawk hi a rawn thawh na ala rei loh vang aniang a chhiar zawh a a laih em em. Ka classmate te ngaihdan chu ka ngai pawimawh lo a Sir hian min ngai khawlo vek ang tih ka hlau ber.

"Eng nge i ngaihtuah leh veng veng tawh?"
"Ricky thah dan tur" ka lo ti bul hmuk mai. Tunah tak chuan ka ngei zia hi sawi ngaihna pawh ka hrelo hial zawk.
"Ngatinge Ricky chu?" Paper rawn vawm tu kha ani tih a hrelo tak e.
"Sir paper rawn vawm tu kha Ricky anih kha aw. Min chhaih thinrim a duh vanga rawn vawm anih kha" ka ti a, mi bag a kekawrte dah tur ah chuan min ngai bik em lo ang chu mahse ka mizia en hi chuan ka dah duh hmel, tuna ka landan ah tak phei hi chuan ka dah a ring ngei ngei ang.
"Mary inu leh pate nen in awm ho em?"ati deih. Arawn leng chak a manle. "Awm ho e. Kan chhungkua chu pali kan nia"
"Lehkha hi zir turin an nawrlui thin che em? Nge an en tawp che"
"Tunah chuan min en tawp tawh" kanu leh pate a dem veih chuan ka ngei ngawt ang. Min nawrlui lo se chuan class12 ka thleng lo ang. Tunah chuan min nawrlui peih tawh lo zawk, ahma chuan kapa in min hauh vak vak thin phah.
"Class12 i fail hi ka hlauhpui che. I fail anih chuan irin aiin hrehawm iti dawn ania. I thianten an kalsan che nga, i thian an nih vang khan i bulah an awm ve zel dawn lo. In ngaihtuah tha la, lehkhazir hi ngaihsak rawh. Heti ringawt chuan i hma hun a thim lutuk" ati dap dap a, kan class mipa ah kei ai thiamlo an tam tehreng nen. Keimah chiah hi min hau reng a, thiamlo ber ah min ngai bawk a.
"Tha deuhin ilo ngaithla dawn nia. O hriatthiam chuan History chu nuam iti ang. Man laklawh chuan zir reng a chakawm duh a, atir atang hian hriatthiam tum la, i rin aiin awlsam iti maithei" ka awih lo emai ah.

"Mary" ka meng tawk tawk. Khaw awmdan zawng zawng nen hian mut a chhuak lo theilo. A beidawng ani ngei ang chair hnung nghen pah in a chal a dawm vang vang mai. Lungngai hmel taka a awm pawn a chhelo tho. Bialnu alo nei ru reng ang tih ka hlau. Ala naupan hmel sia, kan Sir ani bawk sia amak e. Ka thiamloh vanga a rilru alo hah ve chhan hi ka hrelo reng reng. A thiamlo zawk ka nia, keimah hi ania rilru hah tur zawk chu. A thaw halh a, chumi hnu ah a thu tha a, a lehkhabu khup in min en run mai. A mitmeng mawi zia chu.
"Ni thum vel chiah kan la in zirtir a, beidawn na hun ala awm lo tih chu ka hria, mahse keichu ka bei a dawng in ka hria" ati a, a sam a tuai thuak a, a tui thur deuh a, a inhmeh lutuk ringawt. A hmui a liah zeuh hnu ah "Thiamlo mah la thiam tum la chuan thil tul dang tih tur ka neih thulh thak pawn ka zirtir peih ang che. I thiamlo a, thiam itum bawk silo. Ka ngaihtuah dan zawng chu i hrethiam ang tiraw" ka khap fak fak a, a ngaihtuah dan zawng ka hrethiam lo.
"Hetiang anih dawn chuan hetia a hranpa a in zirtir hi a tul pawh ka hre tawh lo. Tih tur tam tak ka nei ve tho a, ka hun ka khawhral thlawn dawn tlat" ka harhchhuak thut. Ka ding hluai mai. Min lo enreng vang in ka thu leh hnawk a "Nangman ka zirtir ang che iti nih kha. Bakah min la zirtir tlem e"
"Thiam itum loh vang hian zirtir che hian awmzia a nei dawn lo"
"Anih chuan i hna hi bansan rawh" ka thil sawi chu keimah pawn mak ka ti. Mi rilru nat na tam tak sawi ziah thin mah ila Sir bulah chuan hetiang hi sawitur ka nilo a sin le, ka bialpa hual lehnghal.
"Naupang zirtir hi ka hna ania, ka zirtir bawk a. Mahse thiam tum lo deuh zirtir hi chu a harsa. I tawn ve loh chuan i hrethiam lo ang. Brenda phei chuan kan zir tur hi in lamah uluk deuh in a chhiar lawk thlap zel. Chutiang chuan ti ve thin rawh. I chhiar lawk ang a, i hriatthiam loh min zawt anga, ka hrilh zel ang che"
"Chutiang chu tha ka ti mahse Brenda in atih thin vang tal in ka ti ve lo ang" ka ti deih. Tupawn Brenda nen min tehkhin an tum mai. Kan nu leh pa te pawh an inang lo a, kan zia a in ang theilo. Kan duhzawng leh nuam tih zawng te pawh.
"Anih leh hetianga zirtir iduh chhan hi i thiam tak tak duh vang nge min hmuh duh vang?"keimah takngial pawn sawi mai tur ka hrelo. Ka duh tih a hrethiam ani ngei ngei ang. Ka hmuh duh vang chu ani ber a mahse "Nangman ka zirtir ang che iti anih kha" ka la ti tlat tho.
"Karleh ah test ka neihtir dawn cheu a, teacher sang te hnen atangin i pass ngailo tih ka lo hria a, karleh a i test chuan pass ngei ngei tum ang che. Anih loh chuan ka zirtir tawh lo ang che" in la khirh vel lutuk. Test leh exam neuh neuh ah ka pass duhlo ati mai a, a tawp ah ka pass ziah tho lawm. Test lehzel a pass a ngaih chuan zir reng angai anga, kan test ngun si, intih hlimna hun a awm dawn lo lutuk ka peih teuh lo mai.
"Aw ka tum dawn lawm" ka ti na a, ka zir leh dawn chuang lo tih ka hrechiang. Lehkhazir angaih chuan movie hmuhnawm tih deuh deuh ka nei thar teuh zel. Ramsa in um lai mai mai pawh ka en reng peih zawk.

"Ngatinge ka hmuh duh vang che a zirtir ka duh anga ilo ngaih a?"ka ti a, inthup chu ka tum ve.
"Ka zirtir hmasak ber che khan ka hip che tih isawi kha" ni dawn tak e. Min la hawtir deih zui kha.
"Teacher leh student in ngaihzawn hi thil theih ani lo a, ka student te ngaihzawn tumna ka la nei ngai lo" ka rilru chu ana ve deuh. Duh deuh nei sela chuan teacher leh student ati awm tawp silo. Brenda pawh a duh ve tho a, a nei dawn biklo tihna ania ka rilru chu anuam deuh tho a, beidawn pawh ka tum chuang lo. Min duh theih nan ka awm reng dawn tho. Ka zar char char dawn. A phone number te hi neithei ila ka ti nia. Dawhkan a a kut dah ka en a, a kut nalh zia chu. Hmeichhe tam tak kut ai pawn analh deih zawk. A fai si. Kan sir hi sawiselna tur ka hre thlawt lo. A dik vel vek ni maiin ka hria. Putar rilru pu lo phei sela chuan a dik lehzual ang. A rilru hmanlai lutuk hi a buaithlak.

"Duhtawk mai ang. Naktuk atang chuan thiam tum tak tak in kan inhmu tawh dawn nia" atho a, min nghah pawh a tum lo, min chhuahsan deih. A ho emai. Min la kalsan phallo vat ang. Ka lehkhabu vel ka bag ah ka khung a, library atanga ka chhuah veleh a car tlan liam lai chu ka hmu hman. Min ngaihsakna anei lo hle mai. A car ah khan ka chuang chak a sin le.

Sir in min thlah a tum loh vang in bus in ka haw. Ala tawt em em mai lehnghal. Jenny te nen chuan ke in kan haw ziah a, keimaha ke a kal chu ka peihlo. Bus tawt deuh pawh anuam zawk. In vuan lo mah ila ka tlu theilo sa. Min nek ding vel mai mai in ka hria. Ka hmaa ding vaipa tel hel rim nam lutuk chuan ka luak ati chhuak, Sir a rimtui tehreng nen. Ka chhukna tur ka thleng chu ka thaw huai mai. Ka chhuah dawn pawn mi an la tam. Ka mood a fu tawh chiah lo nen na deuh deuh in ka nek phei pawp pawp mai. A phun zui pawh an awm. Min hmu tawh dawn chuang lo a pawi ka tilo reng reng.

In ka thlen veleh choka ah ka lut tlang a, a rem rem ka ei. Chhun a thil ka ei bak engmah ka la eilo.
"Chaw ei ahnai tawh. Engmah kha ei tawh suh" kanu in alo tia, ka eilui char char tho. Ka vannei a, chaw ei theih loh lai ka la neilo.
"Keipawh ei i phallo a, Mary chu i eitir tho si" ka nau in arawn ti lut a.
"Ei tawh suh ka ti ni law mi?"tih pahin ka nu in a thil ken laiin ka kut a khawng chawrh a, "Ana ve ang" ka nau in alo tia, anui zui vak vak bawk a.
"Na mahse ka puar hman tho lawm" puar na tham ka eilo hrim hrim a, ka puar miah lo bawk. Ka puar ka tih chuan ka nau a ril a tam telh telh dawn a, min thik hmel hi hmuhnawm ka ti.

Ka room a ka kal veleh min rawn zui lut nghal. Ka bag in ka vawm a, a hmai a sik hma in alo dawng hman pawi lutuk. "Tu bag ah nge i kekawrte i dah a, kan class ah an sawi sup sup ania o" Sam an a star nu Ruthi kha a hrilh ani ngei ngei ang. Ruthi in an class ah a sawi anga, an in hrilh pung zel ang a.
"Ricky a uang anih kha"
"Chupawh nise a zahthlak. Kan class ho in mawl an ti vek che nia, min chhaih phah ziah" ati nang nang a, ka khuma mut a tum chu a kawr ah ka lo tham.
"Mu bawk suh. Mahni ute zahpui pawh ka hrengai lo e ah" ka ti hmuk a.
"Ka zahpui lo che. Min chhaih phah ziah a a ninawm alawm. Kan class ami hmeichhia pawn an hlau vek che"
"Avan tha" ka lo ti vat. Min hlau se ka thu thu in awm vek se ka ti.
"Sir thar in nei mi? A hmeltha lutuk an tia"
"Nei e. History teacher" ka nau hi science a lak vang in leh class11 atang chiaha kan school a aluh vang in kan teacher te a hreve vak lo.
"Mahse tha ka ti ve lo" ka ti a, ka star tih ka sawi chuan ka nu leh pate bulah a sawi nghal ani mai. A fel rual rual hian mi hek hi a peih ve a. Amah vang hian min hau fo mai.
"Moses an kan class ah bialnu anei"
"ENG NGA" tum burin a beng a hup nghal.
"I rilru ana ani maw?" Moses ka star tih kha hepa pawh hian a hria. Jenny nen kan sawilai alo ngaithla ru thin.
"A teuhlo. Ka star tawh lo hrim hrim. Tunge a bialnu chu?"
"Christy" ka inrin hma in ka nui vak mai. Christy chu Francis an a star lutuk. Moses a bialnu ani deih sia. Ka hrilh chak tawh. A vanduai em em, Siamtuai an amah aiin Moses a duh zawk a, Christy lah in Moses alo duh veleh bawk sia. Ka nau in min chhuahsan hnu thleng pawh in ka nuih ala za. Hetiang em em a han vanduai bik mai chu. Ka phone ka phawrh a, ka hrilh dawn chiang. Naktuk ka nghak hman tawh lo.
[Christy leh Moses an in ngaizwng deih. I vanduai leh tawh] tih ka thawn a, ahmuh hun chuan a phu zawk thei ang mawle. A tir khan hrilh vat vat se la chuan alo duh ve miah maithei sin le. Jenny te Sam te pawh ka hrilh nghal. Hei chu zep bo mai mai atan chuan a uihawm lutuk.
[Ka awih lo]
[Ka nau in a sawi. Awih ringawt rawh] a reh leh vang vang. A rilru ana ve viau ang. Ka khawngaih reuh.
[Ka â der anga, vawikhat tal chu ka fawp tho ang] a rawn ti leh a, tha lutuk. Keipawh sir in min duhloh zel chuan ka â der anga ka luhkhung deih ang. Zan khat ka riah chuan min nei dawn chiang sa.
.
Cont

MY TEACHER-6

"Jenny min lo nghak" a din hnu ah a rawn hawi a, a mit a bui luk mai.
"Imit kha ava mak ve. Khuai in a zuk che mi? Nizana ka message thawn che min rawn chhang bawk silo a" ka tih chuan min kuah a, a tap ta mai. Mak ka tih zia chu.
"Imawl ami?"
"James an min then a" a tap ai pawn mak ka ti zawk. Nimin lawk ah pawh an la infiam dun zawr zawr sia.
"Ngatinge a then che?"
"Ka in ngaihtuah a, bialnu ka nei peih tawh lo thut ati" ati a, ka khawngaih lutuk. James a tello chuan a dam zo anih pawn a dam zo tawk tawk ang.
"Lungngai suh ka awm hi" tap chung in ka biang pahnih ah a dawm a, na deuh in a hmer pah a, ka hmui pawh a kawh vek tawh "Awm ringawt mah la James ini hleinem" atih ka ring reng a. A kut ka dahthlak tir a, a tap reng sia ka lo hrehawm.
"Mipa pakhat vang mai mai in hetiang hian awm suh. Hawina lam apiang ah mipa hmuh tur an awm. Bialpa nei leh vat la i runluih thin anga, a inchhir vat ang" a mittui a hrufai a, ka thilsawi vang chuan a tap tawh lo.
"Mahse tunge ka bialpa ka nih tir ang"
"Ka la hrebik lo kan zawng dawn nia, lut phawt ang. Ho te ah tap tawh suh"
"A ho bawk lo" ati hlar a, ka tawn ve loh vang aniang a ho ka ti. Ka bialpa ten min lo then ve tawh a, ka tah ve awm pawh ka hrelo.

"Mary ithil rawn sawi kha tak tak ani em?" Kan thut rual in Francis an arawn ti nghal. Sama pawn a hriatchian chak hmel.
"Ni e. Ka nau in sawi lawm. Christy te chu an class ah chuan alar ve em a, an hriathma phah niang. Nihloh pawn Moses pawh an class ah akal thin ani maithei a" ka tih chuan an pawm tlan hmel kher mai.
"Ruby in a hretawh ngem le?"
"Ka hre biklo. Hria pawh nise a bialpa hlui in bialnu dang anei ni mai a"
"Mahse ala duh e" Jenny in alo ti ve thung. A rilru na in engmah a ngaihsak lo maw tia, kan tawng chu alo ngaithla ve reng mahse atha deih zawk.
"Duh leh tur si a then kher a"
"Ni e" Sam leh Francis ten an lo ti rual a, mi chanchin sawi hi chu kan peih ve ngawt mai.
"Jenny idamtha lo mi? Iva ngui ve?" Francis an Jenny diklohna arawn hmu ve chiah. A lung a chhe thar leh a, a mittui a tla leh tan.
"Ngatinge?" Francis bawk in ati leh. A mangan zia a hmel ah a langchhuak hial thei.
"Kan inthen a" a tap chhunzawm nghal. James pawh hi amak ngawt mai. Hmel ah phei chuan Jenny hi a phu thlawt lo.

A hma a bengchheng luai luai kha a reh thut a, kan thu tha nghal sawk sawk. Sir hmeltha alo lut. A lo luh hun tur ani tawp silo a "Vawin ah english teacher alokal lo a, chumi ai chu ka rawnkal ang aw. History kan zir hnem deuh hlek dawn nih chu" ari nghal sup sup. An peihloh zia an sawi sup sup a, Sir pawh a nui tawp. Jenny lah alo la tap laklawh bawk si. A hmuh veleh kan thutla lamah a lokal a, midang pawh ahma ang chiah in an bengchheng leh tawh.

"Ngatinge hei chu?"ati a, Jenny bul set ah a kun a, "Rilru natna a nei a" ka lo ti vat. A bialpa nen an inthen chungchang Sir bulah ka sawithei lo. Jenny chungchang anih chuan a remtih loh chuan ka sawisak ngailo. Jenny sam a a chul chuan a nawm hmel ka lo ti
"I thiante hi kawm la. I tahna chhan chu engpawh nise ngaihtuah loh tum rawh. I rilru la peng tur thil dang ngaihtuah tur i zawng char char dawnnia" a ding ngil a, "Ka sawi kha in hria maw? Kan zir rei dawn a lo in puahchah ang che u" nui sang chung in ati leh a, a hmel hi chu a chhia tih luih a har em ani. Engtinpawn a tha.

"James chu alokal dawn lo niang" Sam an ati sap a, a hawikual pah a, a thutna pawh ala ruak. Class khat ah hian awm lo thei tal sela chuan azia deuh ang male.
"Jenny tap tawh suh" ka ti leh tawp a. Amah chhaih duh tu tur ten an rawn hmuh ka hlau. An chhaih veih chuan an chak lo ngawt ang.
"Mary lokal lawk teh" Siamtuai an arawn ti. A thutak ve hmel em vang in ka kal a, min kuah a, pawn lam ah min chhuahpui deih.
"Engvangin nge Sir hi i star tih min hrilh loh?"mak ka ti lutuk a, tennis ball tiat tiat in ka meng. Siamtuai an engtinge alo hriat deih theih? Brenda in ahrilh loh chuan James ani leh mai. Sam leh Francis ten an hre bawk silo.
"Tunge hrilh che? An ti mai mai nih chu. Ka star teuhlo raptlak" ka ti deih. Anu bulah alo sawi vel ang tih ka hlau.
"Zep lo mai teh. I awmdan ah ka hrevek. Mipa duh ineih leh neih loh te chu ka hreve emai. I inthup thiamlo si. A hmasaber a ithut atang khan ka hrevek" ati zuah zuah a, anilo tih chi pawh ani tawh lo.
"Teacher dangte i en dan leh Sir Richard i endan danglam zia te chu ka hre emai"
"Anih leh ngatinge hetianga min tih vak vak? Iduh ve ami?"
"Hmh... A teuh lo mai. Teacher te duh tur khawp in ka mawl ve lo. Ih maw" tih pahin ka beng bulah arawn kun a, zawi te in "A phone number ka nei. Nizan ah kanu phone atang in ka la ru lawm iduh ka ring a" mak ka ti lutuk a chet nachang pawh ka hre lawk lo. Ahma khan a number neih ka lo duh em em a tunah ka duhthusam ang chiah.
"Khawi min lo pe"
"Pe dawn che e. Iduh ka rin vang alawm ka lo laksak che. Vei deuh neih hrehawm zia ka hria lawm. An mahni hnaih te kan duh a, a phone number hi ka pe che nga, i be pawp dawn nia. Mahse keimah atanga ineih tih sawi miah suh" ati a, ka lo bu nghat nghat mai. Anuam leh dawn. School ah hian phone pai an phallo a, pairu thin mah ila phawrh mai mai chi anilo. Phone number chu paper ah alo ziak a, ka hmuh phei chuan ka van lawm tak. Kan inkuah thlawp a, kan zuangkual nasa mai.
"Iduh ka la tihsak ve ngei ngei ang che" ka ti a, egemaw tak ka la tihsak ve ngei angai ang. A theih loh leh a theilo kan ti tawh mai ang chu.

Kan inmil ve hmel lutuk class ah pawh inkai chung in kan lut. Ka thut veleh Jenny ka hrilh ru a, Sir phone number ka neih thu ka hrilh veleh "Hmangaihna hi ka hua" alo ti a, phone number leh hmangaihna chu a inzawm lo e. Tunah a phone number ka nei chauh a, kan tan chuan hmangaihna te chu ala hla lutuk.
"Bialpa dang kan zawng dawn nia ka tih kha. Tap tawh miah suh ang che. I runluih anga nuam iti khawp ang" tiin ka fuih a, mi rilru na hi chu an rilru nat belh na tur sawipui loh tur. An tap hma lehzual a, tap thlem leh nen hna a tam duh lutuk.
"Kan class hi chu kan in pawh mah mah a, bialpa tur a duh vak pawh ka nei lo. Anni pawn min duhlo ang" ati a, ka hawikual a, infiam bawrh bawrh thin vek kan ni. Pangai deuha inbiak hi a awm vak lo.
"Aho lutuk class dang ah pawh an tam alawm. Section dang ah kan zawng dawn nia" ka ti a, keini hi Section A kan ni a, keimahni ang lo takin Section B chu an reh thup thin. An inbe ve ngai lo niang te kan ti thin a, nel an har em em bawk a, chulai kara bialpa zawn chu a har viau ang mahse Jenny tih phur nan a rilru nawm na tur chu egpawh sawi tur.

Bell ari a, kan insiamtha nghal sup sup a, "Kan teacher te hi lo kalloh annei khat e, ka ning tlat" Sen in atih veleh "Nia an hrisel lutuk a buaithlak" ka lo ti ve vat.
"Mary i kekawrte theihnghilh hi rawn la tawh rawh"
"Khatiang zawng khan min chhaih ve ziah suh Ricky" ka ti hmuk a, an thian ho in an nui vak vak a, amah vanga ka mualpho zia kha.
"A chhiar laia Sir hmel kha in lo hmu em?" Moses pawn arawn ti veleh a, Sir makti hmel awmdan a zir a, tupawn an thutna lam kan en vek tawh. An zir vak vak chuan keipawh ka nuih aza leh tawh. Ka lo enchiang ngam lo a, mak alo ti awm hle mai.
"Moses i bialnu ka hria nia aw" Moses te thian ho tih loh chu an lo hawi phawk hru mai. Ruby hmel ka hmuh rual in ka thil sawi chu ka sawi sual tih ka hria, ka inchhir nghal. A rilru ana tih keipawn ka hmuh theih chuan midang tan chuan hmuh a awl ngawt ang.
"Ka ti mai mai" ka ti leh deih. Ka nui lui pah vak vak a, mahse an awih tawh chuang lo anih hmel.
"Jenny tunah hian nagmah chiah rilru na ini lo. Keimah vangin Ruby pawh saw a rilri ana. Ka lo sawi kher kher a ka inchhir"
"I mawl em alawm. Ngaihtuah hmasa ta che" alo ti vin hlar mai. Henu pawh hi a mood a fu lo laklawh.

Miss sual ve deuh kan tih thin arawn lut a, tumah kan inbe ngam lo. Keipawh kuangkuah in ka thu. Mi hrem a hrat lutuk a a thu awih loh chi pawh anilo. Tihtur min pek pawh ka tilo ngailo. Ka nau ka tihtir thin a, ka tih ang in ka sawi thin. Kan teacher te ah hlau ber mah ila a subject ah pass ngai chuang lo. Mutthluk loh hram hram ka tum a, ka muthlu anih veih chuan min hrem leh ani mai. Ka thingthi leh anga ka duh tawh lo. Amah zawh chiah atang hian Sir Richard alokal dawn lehnghal.

A hrehawm ber chu kan tuarchhuak ve hram. A chhuak chiah chu kan thaw huai hlawm mai. Nuam tak ani.
"Jenny izia deuh em?" Francis an atih veleh "Khatiang khan rawn ti twh suh. James a hriatchhuah pah zel" ka lo tia, inthiamlo awm deuhin a awm leh vel.
"Ka ngaihtuah deuh hlek a, a tap nasa sia" ala ti hram a, ani pawh a star in bialpa anei deih sia. Jenny rilru chu a hriatthiampui aniang. Vawilehkhat ah kan class ah rilru na pathum lai an awm rual nghal anih hi. Siamtuaia tiam in pali lai.

Sir arawn lut a, hmeltha viau mahse a ninawm leh dawn. A phone number ka neih kha ka hrechhuak zawk a ka nui ver ver mai. Zanah ka be nghal ang.
"Class11 ah in vai hian in lut ho vek em?"kan aw dual a. Sam an "Class8 atangin kan lut ho. Mahse chhuak an awm nual tawh zawk" ati a.
"A chhuak ta te chu an ti tha thin em?"
"Aw thiamthei deuh deuh an chhuak. An zir peih lutuk, an harh ve ngailo bawk a, holy ho kan ti thin a" Sen in alo ti ve thung a, chhuak ta te kha chu an boring tak tak.
"Tuna awm ho ah hian tunge titha deuh thin?"
"Brenda ati tha ber ziah" Sam an alo ti leh a, "A that chu. Mary vawin atang chuan Brenda bulah ithu tawh ang"
"Eng nga? Indo na chhuak turin iduh ami?"ka ti vak a, Brenda bula thu Grace chu hmun dang ah insan duhlo tlat se ka ti. A ngaihtuah leh vang vang a, dik ati aniang Grace tho tur chu a zaizir in thu leh turin a hrilh a.
"Brenda lo tunge thiam leh?"
"Siamtuaia" kan ti dual a, a bula thut pawh ka hreh lo zawk.
"Anih leh Siama bulah chuan rawn thu rawh"ati a, Siamtuaia bula thu Seni chu Jenny bulah athu ta thung a. Jenny pawh class ah hauh ngai vaklo mahse a fail ve ziah tho. A bialpa chiah a ngaihtuah a, a tihchhiat phah. Khatiang zeilo extra lehnghal, a duh ve em em a.

Siama bulah ka thu ran tawh. A thiam bula thut hi a that bikna pawh ka hrelo. Test naah entawn tur kan nei tha anga a tawk der ani mai.
"Number kha tha e tiraw?"nui chungin arawn ti a, ka phur lutuk chuan a rukin amal ah ka sik a, a thinrim biklo a nui reng mai. Tifuh a inti ve ngang aniang. Sir thil sawi lai chu a pawimawh tura a rin Siam an alo chhinchhiah zel a, heivang hi niang an tih that bik thin. Brenda te hnung ah kan thu a, kan hnung leh chiah ah Ricky leh Moses an thu bawk a, ka thiante ho chu tlar dang ah an thu thung. Ka en phei deuh reng a, an hnaih ah ka thu leh chak. Ricky an ka hnung arawn hawlh reng a, ka hawiphei veleh tha deuh in engmah tilo ang maiin a thu leh a, hmalam ka en leh veleh min rawn hawlh leh thin. Ka nin lutuk hnu ah lehkhabu ka la a, a lu ah na deuh in ka vua a, class a reh thep thawp bawk a, ka vaw ri chu anih tur ang aiin a ring.

"Mary" Sir chuan ati leh ta nge nge a. In hauh tir ka tum tawh loh nen Ricky vang vek.
"Min rawn hawlh reng anih kha" engmah asawi hma in ka lo ti nghal. Min en reng a, thinrim in control tum a ang ber.
"Ding ve ve teh u" ati a, tunah tak chuan Ricky a hi ka haw lutuk.
"Tuna mi kha chu ka thiamloh anilo tak tak" ka la ti tho. Sir thinrim hmel chu ahma aiin ka hlau deih zawk. Thinrim tak tak a ang.
"Tikhan lo ding reng mai rawh u" ati a, Ricky a en pah in lei ka chhuah hram a, alo la nui char char zui. Ka kun char char a, min dintir tawh bawk sia, min hauh loh dan tur ngaihtuah hram hram a ngai tawh.

Ka ke kham lutuk chu ka che sek tawh mai. Kan ding rei tawh lutuk a, ka hrehawm ti hmel chu Sir in a en duhtawh lo. Min hrelo der tlat tawh. Ricky ka en leh ringawt thin. Ani chu ala nui char char.
"Mary i ding ning tawh em?"ka lu ka lo bu nghat a, ka kun zui nghal deih. Ka kun pahin Brenda intithei hmel ka la hmu zui. A hrem ve loh vang mai a. Ka ngei lutuk a ka pen kenlai pawh ka hum nghet lehzual. Ngeiawm deuha min en chung in a sam a tuai vel sek a, a thut da a siamtha reng bawk a. Engtinpawn awm se ka hua.
"Tunah eng nge i chak ber? Ithu chak tawh em?"
"Power neih ka chak. Brenda hi doormat a chantir a, rah hrual nawk nawk ka chak ber" Brenda hlau hmel ka hmu chuan ka nui suk, hippo tih hlauh chu ka hneh emai.
.
Cont

MY TEACHER-7


Vawin chu nidang ang lo takin ka tlai. Ka tho har lutuk a, kanu leh pa an awm silo, ka nau lah in school chawlh amaw alo ti bawk si. Bell a rik rualin gate kan thleng a, kan class lam ve ve pan in kan unau in kan tlan dawr dawr mai. In tlansiak te pawh kan ang.
"Mary Bye"
"Bye" ka nau chu an awm na building lamah a peng a, keichu ka la tlan. Ka hah zia chu rapthlak zawk.

Step tawp ka tlan thleng chiah tih in tuemaw ka su a, ka hah lutuk zawi tawh nen ka let tawp. Ka tho lawk thei lo. Chhuat ah ka mu a, ka thaw vak vak mai.
"Ka tihpalh" ka meng a, mipa pakhat in min lo en chhuk run mai. Ka khap fuk fuk a, ka hmuh ngai pawh anilo. A kut arawn phar chhuak a, ka lo vuan nghal. Min su thlu tu ania min kaihthawh chu a tih ve tur ani hrim hrim. Min pawt tho lawp a, kan in hmachhawn ta ran mai. A sang em em mai lehnghal.
"Na inei em?"
"Nei e. Ka tlukna kha ka taksa ana"
"Ka tihpalh tak tak anih kha" ati leh a, chhuat a ka bag tla a chhar a, min pek leh pah in "Vawin atang in ka rawn zawm ve dawn a, office min hrilh thei em? In report hmasak tur an tia" ati a, a tawngdan atang chuan a zaidam hmel.
"Min lo zui rawh" ka ti a, chak deuh in ka kal a, ka hnung ah arawn kal ve zel. Kan class nen a inhlat lutuk lo bawk a, ka tan kawh hmuh a harsa lo. Keini pawh school tan tirh in kan kal nghal a, rawnkal ve nghal mai awm ania, tam deuh lo zir san na hun ala awm lo tal a a vannei. Classroom ka thlen veleh hmalam kawh pah in "Kal phei zel la ihmu mai ang"

"Ka lawm e" nui ver ver pah in a ti a, a chhiat lem loh kha. Hmeichhe ho chuan lut thar hmeltha deuh an ti leh sup sup dawn nih kha. A fel hmel reuh em em mai lehnghal.

Classroom ka luh chuan an lo ri hluai mai. Teacher te an la awm lo hlauh a, Siamtuaia bulah bawk ka thu leh. Sir khan thu hlen tawh turin min ti sia. Lut thar ka hmuh thu tumah ka hrilh lo. Kan class a rawn awm tur anih loh phei chuan a chanchin an hrechak in min zawt leh sek hlawm anga ka chhang peihlo. Ka peihlo pawh anilo ka chhang seng lo ang.
"Mary hetah lo thu leh thei la ka ti e" Jenny in ngui bur in arawn ti a, ka khawngaih reuh. Min ngai ngawt ang. James nen an inthen tawh bawk si. Keimah lo amah hmangaihtu an awm vak tawh dawn silo a.
"Nia fel deuh in ka awm anga Sir kan dil tha leh dawnnia" ka ti ta ringawt a, min enthlak char char phawt loh chuan a phal teuhlo mai.

Kan Sir tar ve deuh tawh alo lut a. Midang chuan tar an la ti chiah lo maithei. Kan teacher te ah chuan a fel ber. Zing a ka mi hmuh pa kha arawn kuah lut. A fapa man le? Kan teacher te ho fate rawn lut hi an tam sia, a fapa ani ve ngei ngei ang. Anih chuan zing ah khan ngatinge a ruala a kaltir mai loh le? Office te pawh a zawn chawp tir vek a. Chupa an hmuh chuan an ri nuaih nuaih a keipawh ka ri tel ve.

"Lo ngawi lawk teh u" Sir in atih chuan a reh ve thap mai.

"Hei in thian thar tur anih hi. Michael Lalpekhlua ania. A hriat loh te in hrilh zel ang a" atia, a hawikual fe hnu ah "Thutna ruak dang a awm lo. A hmasa ber ah hian thu mai ta che"
"Awle" atia, a hmasaber ah athu a, hreh hmel pawh a pu ve lo. Keini kan thut hreh hlawm tehreng nen.
"Chhelo tawp" Siamtuai an alo ti nghal. Keipawn chhelo ka ti mahse Sir Richard ka duh zawk.
"Nizan ah Sir chu ibe ta em?"
"Be lo. Biak ka tum a, mahse class ah khan min dintir kha, a thinrim hmel ropui sia ka be ngam leh lo a, a thinrim reh hun ah ka bia ang"
"Ummm... Be ngei ngei rawh. A lo duh ve che chuan ka duhpui che" ati ve ngei. Mi bialpa te a star thin vang in an bialnute a ngei theih tehreng nen tun ah chuan tan min lakpui nasa ve lutuk. Sir a duh ve ngam lo chu ka vanneih phah. Nilo sela chuan phakar deuh in a pumbilh leh deih ang.

Sir chuan a tih ziah dan in a sawi mawp mawp a, lo tawng reng mah ila min hau ve ngailo. A zirpeih lo chu ka tilui dawn lo che u ati ziah. Class a nuam a mahse exam naah a har ber ziah. A subject a mark tha deuh hmuh chu a thiamthei ho pawh in harsa an ti. Min hau ngailo a, mahni a thahnemngaihna chang hre turin min duh ber. Chu chu a nachang ka hriat ve miah loh leh ka peih miah loh thil ani. Ka lo tawng leh ka mutthuk pawh a min hauh loh chuan ka lawm em em a ani mai.

Sir a chhuah veleh hmeichhe lam chuan lut thar pa chu biak dan an zawng reng mai. A rul tawk lek lek in alo chhang a, kan inthut hnaih a nuam ka ti. Ka duh vang pawh ni chuang lo in hmelthar chhe lo ve deuh hnaih ah ka thu thei a. Kan class chu kan awm ho rei tawh lutuk a tha intih viau hi a har tawh. Ka duh che pawh inti ila fiamthu ah vek kan ngai tawh. Engkim hi a diklo kual vel vek tawh.

Lut thar pa rawn hawi in min hmuh chuan a nui ver ver mai. Hmuh anuam reuh lutuk. Sir hi lo duh hman lo ila chuan ka duh ngei ngei ang. Tunah alo la lut dawn zui.
"Siam ka dik em? Sir Richard alo lut dawn nia" ka biang a dawm in min en vung vung a, a tawp ah nui chung in "Dik vek. Tha chu ati ve tho ang che" ati a, min bawl nge ka hrelo mahse mi pawn hmeltha min ti zel thin. Kanu leh pate hi an hmeltha a, Jenny pawn i mizia hian zir sela chuan i luck viau ang ati. Ka mizia hi a danglam bikna pawh ka hrelo kan class ho chu kan in ang vek.

"Ka bulah lo thu la" lut thar pa chu ka bulah a ding run mai. Siamtuai an min rawn vuan vat a, a za zek zek ti ila a dik ber ang. A lo star leh hman tawh chiang lutuk. Inhre sa ang maia min rawn bia chu mak an lo ti leh hlawm ngawt ang.
"Hei hi ka thutna ania"
"Ka hria a, in zir chin ka hre silo a, ka tan a harsa em a, teacher te ka zawh zel chuan hun ka peihtir nasa dawn a" chhuanlam chu hreve reuh hle mai. Min lo star reng ani maithei. Duh ruk neih hrehawm zia chu ka hria lawm Siamtuaia ang deuh in. Ka bialpa nih tir dawn lo mah ila nuam atih nan kan thutpui ange.
"Kan thutpui mai ang aw" ka tih chuan Siamtuai an alo phal nasa. Hrechiang se min ti ani ngei ngei ang. Ka bag ka lak pawh nghak lo in aman a la a, thutna tur ah akal nghal deih. Min lo van thutpui chak awm em em.

"Zing a min puih vang khan ka lawm e"a bula ka thut rualin alo ti nghal a, ka lai lek lek alawm le, hepa hian mi pangai ah min ngai ani ngei ang. Pangai deuhin min be rei miah lo ang ka ti rilru a ka nuih a za zawk e ah. Ka thiante thutna lam ka en a, an mak ti hmel chu rapthlak zawk. An meng kawk kawk a, an ang zau hle bawk. Ka tlai vanga min kalsan tu te an nia, Jenny pawn min lo nghak ve mai mai sela chuan hepa hi a hmelhriat ve mai tur ania.

Sir alo lut a, min hmu chu mak atih hmel ve deuh. Lerh min ti ru ang chu. Lut thar pa ka lo thutpui leh hman tawh sia. Thik vel sela atha viau ang. A rilru en nan hmang ila a that dawn khawp hi. Engtinge hetiang thil tha te ka ngaihtuah chhuah thiam ve zawk le? Michael chu ka thut hnaih lui vel. Insi chet in kan thu a, kan zir chin chu ka hreve lutuk. Ka hrilh pah in ka melh no lui vel a, lo thik sela min duh ani tih hriatchhuah phah sela atha khawp ang.
"Mary" ati leh tawh. Min ko lo in a awmthei lo reng reng.
"Nangma thu in i thutna ilo san a" ati a, ka sawi kha a thik chiang lutuk.
"Nia Michael hi alo lut thar chiah sia, amah chuan a khuahar a, bakah Ricky an min tibuai peih emai" ka ti deih a, Ricky ka mawhpuh deih.
"Keiman ka lo sawm bawk a, a pawi ka ring vaklo a" Miachael an alo ti bawk a, min sawmtu anih vang in nuamlo atia ka thlavang hauh alo tum ve.
"Awle zirtan nghal mai ang" ati daih. Kan thutna lam alo en leh tawh lo reng reng. A thik anih chuan a lawmawm viau ang. Ka tan chance a sang telh telh tihna ani mai a.
"History hi nuam ka ti" Michael chu ka rap lek lek zawk. Kan class ah tumah nuam ti kan awm lo. A zirpeih deuh an ti tha mai mai. Zir ngei ngei kan ngai a kan zir ani mai.
"I piang vannei bik lutuk anih chu vannei ka ti tak tak che. History tih bak a awmzia engmah ka hrelo" anui suk a, a mawi reuh tak tak. Ka duh zawng tak ani. Mahse midang ka ngaihtuah dawn veleh Sir arawn lang zawk zel. Mak ka tih em vang in Pathian min ruatsak ah ka dah tawp. Nilo sela chuan midang ngaihtuah theiin ka awm ang.
"Mary ilo ngaihtuah ve em?"
"Aw" ka ti lauh a, min hauh hi a chak zek zek in ka hria. Tunah phei chuan mipa chhelo deuh bulah ka thu lehnghal. A dinhmun a derthawn a hlau aniang kan thutna lamah arawnkal reng mai. Vawin pawn apa lehpek. A thawmhnaw in hmeh si, amah hi sexy tawp.
"Tinge i nuih?" Michael an arawn tih chuan ka harhchhuak zawk mai. Ka nui ri lo hlauh chu ka vannei lutuk.

"Thil ka lo ngaihtuah a" ka ti a, pangai deuh a lan hram ka tum anih loh chuan min hlau ang.

Sir chu a chhuah dawn ah ka bulah a lokal a "Tlaiah vawin a kan zir hi ka zawt leh ang che" ati.
"Awle" ka ti a, ka nui tak na a ka hlauthawng lutuk. Engmah hriat ka neilo. Thildang ka ngaihtuah char char a, ngaihtuah lo pawh ni ila ka hrereng ngailo hrim hrim. Thikthu vanga hetianga intih te chu, ka thinrim ve tep mahse thinrim ila chu keimah chiah ka hah dawn bawk si. Ka theihnghilh tawh ka ti leh nga nimai. Phat dan chu ka hreleh awm tho emai.

Break ah cafe ah kan kal a, Michael pawh alokal ve. Ka thiante chu ka hmelhriat tir a, a nel nghal mai. Mi nel a awlsam viau aniang. Mi an tam vang in kan eitur kan lei a, class ah kan let leh deih. Midang pawn class ah an lo ei nual mai. Tiffin te an pai a, rim hrang hrang a nam.
"James saw" Sam a kawhna lamah rang tawkin kan hawi nghal vek. James chu Gosi bulah alo thu run mai. Ka thinrim thut, bialnu nei duh tawh lo ve si hmeichhe bulah awm leh tho a.
"A nuih zawng te sawn a biang a fawn hluk hluk mai. A chhiat zia saw" ka tih chuan Michael alo nui hak a, kan class mizia ala hrelo anih dawn hi.
"Gosi a duh vang aniang min lo then deih" Jenny in ati a, chutah chiah chuan Michael pawn thil awmzia a hrethiam aniang, Jenny tawrhpui hmel apu tawh zawk.
"A bialnu saw ka va sawisa hrep ange" tih leh thawh ka rual a, class khat ah kan awm ho rei tawh. James leh Jenny in kawp reitawh zia pawh a hreve vek. Jenny vang tal pawn lo duhloh ve mai awm alawm. An bul ka thlen veleh an dawhkan ka beng a, an lo hawi phawk hru mai. Gosi mitmu keu kau reng ni awm taka lian leh James in hampuar reng ang maia biangpuar lutuk te hi hmel ah chuan an inphu tawk chiah. An chhe ve ve.
"I bialnu nei duhtawh lo ve chu leh" James a bulah ka ti a.
"Jenny lo midang ihmu lo hrim hrim a, midang ihmuh veleh Jenny i then nghal. A luck loh thlak emai" ka tih zawm leh a, a ngawi reng. Ka sawidik vek tlat alawm.
"Lo inrawlh ve suh. Engpawh chu lo nise an inthen tawh tho lawm" Gos in alo tih chuan ahma aiin ka thinrim fe zawk.
"Ka thiannu chungchang ania, inrawlh ber tur ka nih hi. Nang kha mi bialpa chhuhsak hrat" ka ti a, a ding a, hnai deuh ah kan in en reng. A mitmu len zia chu rapthlak, heta tang hian London pawh a hmu pha ang.
"Ka chhuhsak lo. Engmah hriat inei lo. James zawkin anih kha min lo bia"
"Ka hrethiam. Nang ang bialpa hmuzo lo lutuk chuan arawn be dek dek che a ilo duh nghal a" ka tih chuan a lak nat hmel lutuk mahse ka sawidik ka ring.
"Ihmu zo biklo" ati ta ringawt a.
"Ka hmuzo lutuk hi duh tur ber ka hrelo zawk" ka ti a, a ngei turin kawngdawm in ka ding kawi sawi vel a. Ka awm a min nem pah in "Mi awmdun tha lai tibuai lo in nangmah in va awm ve rawh. Anih loh leh i thiannu lungngai chu hnem la" ati a, ka inrin vakloh vang in ka tlu tep a, bang ah ka la intauh zui. Min nem vang hrim hrim in a sam ah ka tham a, a thutna atangin ka pawtchhuak a, a auchul mai. Ka sam a pawh ve a tum chu ka lo awmsan zel. Ka thlah dawn lo reng reng. Min hlauh reng theih nan ka sawisa hrep dawn.

Ka thiante ho an lo tlanphei a, ka lo en na lamah ka lo inthlahdul aniang. Gosi a talchhuak deih. Ka man bet leh a, a sam ah bawk ka hnuk leh. In lama insual ka zir dana ka tih chuan ka khawih na lutuk anga buaina ka tawk palh ang. Ka insual lai mek pawn ka tana tha tur chu ka la ngaihtuah hman vek. Chhuatah ka hnuk tlu a, a pum ah ka thut bet. A tap nasa tawh lutuk.
"Mary titawh suh" tih pahin Francis an min rawn pawt a, a sam a tham pahin a beng pahnih ka vuan tel a, chhuat ka tauh tir bawp bawp a, "Bell ari tep tawh nia. Nangmah zawk kha an hrem ang che kalsan rawh" arawn ti leh chu "I ninawm min sawisak tir rawh" tih pahin ka kiu in ka lo nghawk a.
"Ana" ati vak a.
"Francis eng nge thil var rawn thlawk chhuak kha" Sam an atih rual in Francis an "Ka ha" alo ti nghal. Gosi ka thlah a, ka ding tha sawk sawk a "Eng nge a?"
"Ka ha i nghawk bal" ati a, a inhup tlat tawh. Kan thianho in kan kun a, Francis a ha tla kan zawng kual a.
"Min nghawk kher angai ami? Ha bal in engtinge ka chhuah ngam ang. Min nuih zel dawn asin" ati a, ka inthiamlo kher mai. Ka thinrim lai nilo sela chuan ti em em khan ka nghawk na lo tur. Dawhkan hnuaia thil var tla chu ka hmu. Aha chu aniang. Nuam lo ka ti telh telh. Dawhkan hnuai ah ka lut a, Francis a ha tla chu ka enchiang a, mahse..
"Francis iha anilo.. Popcorn anih hi"
.
Cont.

---

MY TEACHER-8


"Thlah iduh em? Mary" kan ban veleh Michael an ati nghal.
"Tlai ah a hranpa in Sir in min zirtir leh thin a, ka lawm viau na a min thlah lo mai rawh" ka ti a, ka inthlahrung zawk. Min thlah duh tu lo hnar hi anuam lo.
"I thiamlo ami?"
"Aw thiamlo pangai pawh ka ni lo. Ka thiamlo ve angreng a" tiin peh hel deuhin ka thiamloh zia hrilh ka tum a, a hrethiam em ang chu.
"Aw ka hrethiam" ati a, a nuih a zat hmel angreng.
"Naktuk ah kan inhmu leh dawn nia" ati a, a chhuah veleh Siamtuai an min dinchilh nghal.
"A phone number min lo dilsak ve ang che" ati a, lut thar pa in lo duh dawn miah lo mahse ani pawn Sir phone number min lo neihsak ve tho vang in "Tehreng mai. Ka lo dil ngei ngei ang mahse akal tawh sia naktuk ah animai" ka ti a, a lawm hmel vur vur lutuk. Mipa a duh tlat hi amak ve ngawt mai amah pawh mipa ani reng sia.
"Kan kal dawn nia. Chhuak rual ila library thleng kan thlah ang che" Jenny in atih chuan ka insiam a, history chiah ka bag ah ka dah. Ka lehkhabu zawng zawng deuh thaw hi chu class ah ka dah thin. A rih bakah zir dawn loh chuan hawn reng khan awmzia anei chuang lo a. Hawn mah ila ka zir leh dawn chuang lo a, ken theihnghilh palh a hlauhawm zawk. Pen pawh ka nei rei thei. Note ka copy ve vak ngailo a, exam dawn ah midang ziah sa ka Xerox a, a awlsam zawk.

Library thleng chuan min thlah a, min hawsan dawn meuh chuan an rual a haw ka chak ve leh si. Nidang ah chuan library thleng an lokal ve ngailo a, vawin chu min thlah thlap sia, class ah lah kan inthut hnaih tawh silo a, ka thiante ka ngai thar leh. Ka haw ve deih chuan Sir a thinrim ka hlau ve bawk sia. A thinrim chuan ka be lo rei dawn ni mai a, tih lungawi vat vat a biak vat ka duh. A phone number ka neitawh bawk si. Ka thut veleh ka lehkhabu ka phawrh nghal a, Sir chu nidang aiin a rei. Min theihnghilh loh ka beisei.

"Ka tlai deuh a, min hrethiam rawh" ka hma zawn ah arawn thu nghal. A bul hnaia ka awm hi chuan ka duh telh telh zel. Anuih zawng a a mitmeng nung sar zel te, a sam tihdan inhmeh lutuk te leh a pian nalh tak te hi. Tupawn an duh vek ka ring. A sang ropui mai si.
"Vawin a ka sawi ho chu ila hria em?"hei hi ania ka lo huphurh em em mai chu.
"Hriat chu ka duh alawm"
"I zir ve duh nan hian eng nge ka tih ngai?" Beidawng deuh in ati a, ka bialpa ni la tha deuh in ka zir ang ka ti chak. Sawichhuak veih ila chuan min haw tir leh dawn chiang.
"Karleh test tur in i in puahchah tawh em?"ka ngawi reng. Ka la zir lo ka tih chuan min hau anga, ka zir ka tih chuan dawt ka sawi tihna. Dawt sawi ai chuan ngawih mai a pawi lo.

"I lehkhabu kha rawn la teh" ati a, ka lo pe vat a, eng eng emaw a thai leh a, keichuan a che vel ka lo em reng.
"Ka thai ho hi lo zir ang che. A vai a izir theihloh pawh in ka thai ho tal hi chu lo zir rawh" ati a, min ngen ani mah mah zawk in ka hria. Ka nute zin lai free lai ania, lehkhazir a peihawm loh lehzual ang.
"Michael alo lut thar chauh a, zirtur chin hi ka hrilh ve thei angem?"a hmel a danglam deih. Min duh ve chiang lutuk. A tilang hreh mai mai.
"Kha kha chu ithu ni rawh se. I zir ka duh ber. Ka hrilh chin tal che kha chiang deuh a i hriat ka duh. I pass lo ang tih ka hlau" ati leh tawh. A hriat lawk miah loh. Ka vannei thei lutuk a tawp ah hian ka pass leh nulh zel.
"Ngaihsak la ka hrilh tha leh ang che" tih thinrim loh tur anih hrim hrim vang in tha deuh in ka thu a, ka ngaithla bawk. Ka bo tulh tulh thin hi hrehawm ka tihna ber ani. A sawi tam poh leh ka hrethiam lo thin. A har lutuk hi mak ka ti hial zawk. Min hrem ve deuh nge tlai tawk ah min haw tir. Ka bula awm rei a duh vang pawh ani maithei. Ka haw dawn a min thlah a tum ngai miah lo hi amak ka ti. Ala thinrim hmel emai zan ah chuan be leh rih lo phawt ang.


Kan test ni a thleng tawh. Engmah thiam ka neilo. Zir ka tum ve pawn ka thiam thei lo. Line khat ka thiam a, a dang ka zir leh a, ka thiam sa ka theihnghilh zel a, ka zir ta lo law law. Michael pawh zir tur ka hrilh a, ani chuan a thiam ka ring nuam ati tlat alawm. A phone number pawh ka dil a, Siamtuaia ka pe ve a, amah pawn min dil ve a, zanah kan in be thin. Sir hi lungawi vat vat sela biak ka chak ber tawh. Midang hi chu tumah ka duhlo.

"I thiam em? Michael"
"Ka thiam lo a ka hria" ati a, a hriat pawn a zia tal alawm.
"Nang?"
"Teuh lo" anui a, keipawh ka nui ve. A nui mawi lutuk hian ati hmeltha.
"Michael" ti a Brenda in no deuh a alo koh chuan ka thin alo rim nghal. Michael pawh Brenda te thutna lamah a hawichho a, Brenda hmuh ah chuan anui ve miah lo. Ka lo intithei.
"Nimin ah ka hmu che" atia, a sawi ho si. Nimin chu sunday ani lehnghal.
"Khawnge ikal a?"
"Hospital. Ka pi a awm a" ati a, hmalam a hawi lehnghal. Ka bula mipa awm tawh phawt chu Brenda hian lo biak a tum ve ziah.
"Nimin ah ka lo sawm tep che a"
"Ka muhil nileng"
"Lo sawm dawn che pawh ni ila i peih dawn lo anih chu"
"Min lo sawm tawh dawn nia" ka ti liam puat a, thiante tan hi chuan ka in pe zo ve emai.

"Toilet ah kan kal lawk" min chhan pawh nghak lo in ka chhuak nghal deih. Ala hma tho a, class ah ka awm reng peih lo. Awm na ngai a awm reng hi ka ning ve hrim hrim.

Class a ka let leh tur chu Sir nen kan intawk. Paper a keng teuh a, test na tur aniang. Ka zam thut. Haw deih ka chak. Min hmuh veleh nui chung in "I thiam em?"ati a, nidang aiin a nelawm zawk. Mood fuh deuh na chhan a nei niang. Hmeichhe dang vang chu nilo se ka ti.
"Ka zir a mahse a har lutuk" harlo se zir angai nang.
"Har lo se zir angai nang. Engkim hi zir a thiam vek ania. Kha paper hi la then la office thleng min kenpui rawh" atia, ka phur zawng tak. Kan awmdun nasa bik bawk a, min ngaina ve niang. Min duh be pawh ka ring. Hmeltha ti tu pawh ka ngah ve tho a, a rukin tha min ti ve tho ang.
"Kan test dawn vangin i mood a fuh vek ami?"
"Aw in thiamdan ka hrethei dawn a, i fail chuan ka hrem ang che" min hrem ngei dawn anih chu. Thiam ka nei silo a. Office kan thleng tep tawh tih in ka in pal a, ka tlu a, ka pawnfen zawng zawng a inhlim a, paper a darh nuaih bawk.
"Ana lutuk" ka ti vak a, Sir in a rem laiah a thil ken lai adah hnu ah min rawn kaitho a, min en lo in min kaitho. Min en ngam miah lo.
"Ana em?"
"Ka tluk dan en chuan na tura ngaih ani" tih pahin ka in siamtha mawlh mawlh a, paper tla darh ho a man a chhar khawm a, ka tihpui peih lo.
"Anat ka lo ring vak lo a. Khatianga tluk mai mai kha chu engahmah i ngai ve nang. I special a"
"Ngatinge min bawl i hrat thut a" nui vur vur chung in office ah alut deih. A nui hmel ka hmu a, ka tluk na pawh ana tawh lo. A nui hmel in ati dam vek. A thinrim tawh lo anih hmel a, zanah ka be chiang tawh ngawt ang.

Class a ka let leh veleh Michael an "Ivan rei" alo ti nghal.
"Nia ka zung zo hleithei lo a" ka ti deih. Sir ka hmuh a, a hmuh laiin pawnfen in hlim vek khawp in ka tlu tih ka sawi dawn lo hrim hrim.
"Mary ka ngai. Ka hmaah lo thu leh se" Ricky tawng ri ka hriat chuan ka tum nasa mai. Tihbuai tur anei lo a hrehawm ati tih hriat reng. History chu chawhnu lamah deih kan nei dawn a, ka rilru ka la ti hah peih vak lo. Rilru hah hian kan thiam phah chuang silo a awmzia awm lo emai.

James leh Gosi nui ri ka hriat chuan min ti chau. Inthen deih se ka ti. Jenny in runluih zawk se ka tih nen Jenny aiin bialnu a nei leh hmasa sia. Gos in athen hun ah Jenny bula let leh a tum leh ngei ngei ang.
"Michael kan insual khan ka cool viau lo maw" alo nui vur vur ringawt. Min chhanglet dawn lo amaw ka tih hnu ah "Cool viau mah la insual duh tawh miah suh. Insual loh in i cool zawk"
"Thinrim lutuk hi chuan kut hi a awm hle hle thei lo" ka ti a, kan naupanlai atang tawh in Jenny vang hian ka van insual ngun tal. A dawihzep lutuk vang hian ka tawrh phah fo.

Ka phone ken ruk ka phawrh a, "An man ange" Michael an arawn ti a, man loh dan ka thiam tawh tih a hrelo ani ngei ang.
"Lo pai ve rawh dahthat a awl lutuk" min kawm reng chuan thu a awih lo ve tial tial mai ang.
"A ho e. School ah chuan hman na a awm chuang lo"
"Ngatinge kan school ah irawn insan deih a, ilo luhtirh atang khan ka hrechak tawh"
"I awm tih ka hria a"
"Ehh.. "tih pahin a ban ah ka chum a, ngawi chet chet a ruka zei deuh anih duh hmel.

Kan test hun a thleng a, Sir pawh nidang aiin arawn lut hma. Paper a sem nghal a, Question ka en chuan ka hriat ngailoh vek ani. Ziah tur engmah ka hrelo ang. Dawhkan hnuai ah lehkhabu ka dah a, chu chu a rukin ka keu a, ka en theih chin chin ka copy mai ang. A chhanna nilo mahse a ho emai. Aman a thai vek tho a, a thai chin chu enruk zeuh zeuh theih turin ka dah.
Ka hawikual a, an ziak malh malh hlawm mai. Ka thiante takngial pawn ziahtur an hria. Sir a kal kual reng a, kan thutna lo lam a akal apiang in Michael a paper ka en zeuh zeuh a, ka hmuh theih ang ang chu ka ziak ve. Mahse en a har lutuk a, tlar khat ziah khah chhung pawh a rei. Ka ziah chin chu lian tawk tawk in ka ziak. A awl duai ai chuan lian pui pui in ziak ila tam deuh kan ziah tam hmel bik.

Ziahtur ka hriat loh vangin Sir ka en a, min lo la en ve reng lehnghal. A hmui phun a "Ziak rawh" tih pahin paper a kawk a, ziah tur hria ila chuan ka ziak ve char char ang, zahzel ah ka pen hmawr ka seh reng ringawt. Question ka chhiar nawn reng a, hrehawm ka ti ve deuh. Test dang kan neih in hrehawm ka ti ngailo. Exam pawn engmah thiamlo mah ila hrehawm ka ti lo. Mahse Sir vang hian hrehawm ka ti. Ka pass a ring ve awm sia. Ka fail dawn chiang si.

Dawhkan hnuai a ka lehkhabu dah ka khawih leh zeuh zel a, ka en apianga min lo en ve vang in lakchhuah ngaihna awm lo. Ka thiante ka en leh a, anni pawh an hawi kual tan tawh. Hnunglam ka hawi chak. Hawi chi ani der silo. Tunah tak chuan Sir pawh hi tha tihna ka neilo. Ka thlan te atla dawn in ka hria, amah hrim hrim hian min ti zam. Kanu leh pate an awm silo a, ka lo kallo deih lo ni. Ka damloh der pawn min manchhuak awm tawp silo.

Sir a kalkual leh tan a, tlem te chu ka enleh thei maithei. Kan thutna lo lama akal veleh ka lehkhabu ka phawrh chhuak a, ka mal ah ka dah a, copy tur ber pawh ka hre chuang lo. A rin ho pawh kha ka hmuthei tawh lo. Ka keu pawp a, a rin loh lai pawh ka duh duh ka copy ve tawp. Ziah hrim hrim kha ka duh ber. A mumallo pawh tise ka hriat pawlh a ka ti mai ang. A hrang hrang ka keu lawr a, ka duh duh lai ka copy a, ka hmuh fuh apiang ani zawk. Ka mal ah chuan arawn hmuh ka hlauh vang in dawhkan hnuai ah ka dah lut leh a, ka chhinchhiah sa ka ziak zo a, lehkhabu phawrh leh ka tum laiin ka dar ah arawn hmer a, ka phu nasa lutuk a ka zuang dawrh thei..
"Awii.. Sir min ti phu zawk alawm"
.
Cont..

---

MY TEACHER-9


"I thiam em?"arawn ti deih. Min hmu hman lo ani ngei ngei ang. Misual vanneih na hun a thleng leh ta ah ka ngai.
"A dah theih tawh em?"
"La ngaihtuah rawh. Hriatchhuah inei leh maithei asin" ati a, midang tihbuai a hlauh vang in zawi te in a tawng. A kal kual leh a, ka thutpuipa lah hian ziah tur a hriat hmel ropui. Ka entawn ngam tawh lo. Ngaihtuah chhuah tur ka neih loh hrim hrim vang in ka thu mai mai tawh. Ka thiante ka en zeuh zeuh a, an thiamlo ve hmel ka hmuh chuan ka hrehawm tih pawh a zia deuh. Thiamloh pui neih hi chuan thlamuan huai a awl.

Bell a rik veleh Sir in paper a lakhawm a, ka test na a hmuh hun chu a nuih a zat loh pawn a thinrim viau ang. A number nei mah ila ka la be ngam har deuh dawn anih hi. Tunah pawh ka ti thinrim leh dawn anih hmel sia. Tih thinrim duh bik lo mah ila ka thiam si lo a, ka zir lah in ka thiam hmasak a ka hriat ho pawh ka theihnghilh zel bawk si. Lehkhazir hi ka tih chi ani ve lo.

"Sir khan ava man teuh che ve" a chhuah veleh Michael an ati nghal.
"Ilo hmu mi?"
"Hmu e, i lehkhabu i dah ruk kha" avan zialo tak. Misual tak ah min ngaih phah ang tih ka hlau.
"Ka tih loh chuan thiam ka nei bawk silo"
"Nangchu ni ila tha deuh in lehkha ka zir ang. Hmelthat bawk thiam thei bawk nih chu anuam dawn em asin"
"Iti mai mai"
"Ti mai mai lo. I hmeltha, lehkha pawh tha deuhin zir rawh. I hmel ang hi ka nu leh paten mo atana an duh chi" ati a, a nui pah reng bawk. Min fiam kual mai mai ani chiang. Dawt hrilh ka awl hmel ati niang. Ka awih vek ngai bik tawp silo. A bulah ka thurei a, keipawn kawm anuam ka ti telh telh. Ahma ai chuan a tawngduh tawh zawk bawk a.
"Vawin tlai Sir nen in zir leh dawn em?"
"Aih kan test sia, zirlo ang"
"Yes, ka thlah thei che"
"Ni e" ka ti ta ringawt a, min thlah a duhna a rei tawh emai. Min thlah ve tawh rawh se a khawngaihthlak.
"Mary test lai khan ivan hawi nasa, i lu kha a inherh bung deih ang tih ka lo hlau lutuk a" Ricky an min nuihsawh deuh chungin arawn ti a.
"Ka hawi nasa tih hretu chu a hawi nasa ve dawn tih hriat reng"
"Dik chiah Ricky pawh a taksa kha a inherh hlen ang tih ka lo hlau" Moses an ati ve. Min lo tan a ka lawm zia chu. A thianpa ai pawn min tan zawk.
"In herh hlen se kawi deuhin kal reng se athat dawn tehreng nen" ka ti a, an lam hawi a ka insiamchhiat vak hnu ah ka thu tha leh a, kan bang thei tep tawh lehnghal anuam dawn lutuk.
"Awm lo la chuan classroom hi a reh awm" Michael an atih chuan ka intithei ru angreng. Moses te thianho pawn awm lo la chuan school a nuam lo ngawt ang an ti tawh. Mipa ka kawm nasa a, hmeichhia ah chuan Jenny chiah kawm tak tak ka nei. Mipa hi hmeichhia aiin kawm nuam ka ti zawk.
"Reh ngawt ang. Chuvang alawm ka la awm hram hram" alo nui a, a nui mawi zia hi ka sawilo theilo thin.

"Gate bulah ka lo nghak ang che. Gate thleng tal chu ka thiante ruala kal ka duh"
"Ok" Jenny te thutna lamah ka kal a, inhmu ngailo ang maiin kan in kuah chung chung mai. Break ah pawh thil kan ei ho reng sia kan van over tak.
"Kan haw rual vek thei tihna mi?"
"Gate bul thleng kan kal rual thei. Michael an min thlah dawn a, min thlah chakna arei tawh sia, ka haw hma theih chhun ani sia" an tum hmuk hlawm mai. Min lo van ngai awm em em ka tia, a lawmawm ve tho. Classroom atangin kan inkai chhuak a.
"Test chu keichu class11 a kan zir ka la hriat ho te ka ziak tel" Francis an atih chuan ka hmusit ve leh chhawng.
"Pahnih thiam ka nei a, a dang ka chhan leh naah ka thiam pahnih kha ka then hrang a a dang chhan nan ka hmang" Sam an ati veleh a, an thiam biklo hmel kha ka hmu reng ani.
"Sir chu thinrim ngawt ang" kan tia, rilru tihah lo in kan nui liam vel mai mai a. Kan thian ho a kan awm chuan kan rilru a hah vak ngailo.

Gate kan thleng a, Michael zawk alo awm reng tawh.
"In thiannu hi ka lo ruksak lawk ang cheu" ati uang a.
"Aw kan ning deuh tawh hrim hrim a" Jenny in atih chuan ka nui ve duh miah lo.
"Kal hmasa ru" ka tia, an hmuh laia bike a lawn ka peihlo. Ka lawn tur min lo tibuai dawn tih ka hrechiang. Kan in bye bye a, min kalsan hnu ah Michael an "Ka bag hi hmalam ah ka ak duh angem? Itan a hrehawm dawn chuan"
"Hmalam ah ak rawh" ka ti a, min thlah duh te chu ka inthlahrung vak reng reng lo. A insiamthat hnu ah a hnung ah ka thu a, ka kuah duh lo lui vel. Kan in awm na chiang deuh in ka hrilh a, ke a kal leh bus tawt deuh a chuan ai chuan a zia hrim hrim.
"In in ka hriat chuan ka duh duh hunah ka lokal thei dawn nih chu"
"Lokal rawh mahse in a ka awm chauh in"
"Zanah chuan i awm reng ang chu. Hmeichhia chu inkhawm zan anih loh chuan in chhuak ve vak hleinem" ati a, zan a rawn len a tum ani chiang lutuk. Inleng ka la nei ngai lo hrim hrim. Hepa pawh hi inleng ah ka ngai chuang lo. Ka thian ania, min rim nilo in thian kan nih vang chauh aniang.

Kan inbul kan thlen veleh rang deuh in ka chhuk a, kal mai ka tum chu "Zing ah tu rualin nge ikal thin?"
"Ka nau nen kan kal rual, taxi in kan kal thin a"
"Ka rawn sawm ang che. Kawt ah hian min lo nghak dawn nia. Ka rawnkal hma ang, min lo ring rawh" a tlan nghal deih. Min ngaizawng nge kawm nuam min ti ve hrim hrim ka hrelo. Engpawh chu lo nise hahdam deuha school kal theihna kha atha nimai.



Zing ah school kal tur a in atanga ka chhuah chuan kawt a Michael lo ding ka hmu nghal. Alokal hma awm hle mai. A lo awm na bul ka thlen veleh "Ithawh na ala reilo" alo ti nghal a, a dik tak tak. Ka tho a ka insiam a, ka kal nghal.
"Ilokal na a rei tawh em?"
"Rei ve tho. Mi nghah chu ka thei. I hman vek tawh chuan lo chuang la" ati a, hrilh nawn ka ngailo. Ka nau in min hmuh ka hlau tho bawk a, ka chuang vat.
"I muttui em?"
"Tehreng, chuvang alawm ka tlai em em"
"Naktuk ah chuan ka lo kaitho tawh ang che"
"Angai bawk lo, ka tho hma peih lo" pawr tawk a ka tih chuan anui vak mai. Amah anga taima tur ah chuan min ngai lo law law rawh se. Mut phei chu thil dang zawng aia ka thahnemngaih lehzual na ani.
"Anih leh kaitho lo mai ang. Tui deuh in reitawk imu ziah dawn nia" ka rilru a hah ve anih pawn muttheih loh hi ka nei ngai lo. Moses leh Ruby inthen chhan ka hriat duh vanga ka muthei lo kha ani mai.

School kan thlen veleh midang min hmuh hma in ka chhuk nghal. Min hmuh chuan ka bialpa amaw te an lo tileh anga, an sawi leh sup sup anga, min sawi dan ka hriat leh meuh chuan keipawn ka bialpa amaw ka ti tawh ngei ngei ang. Thil sawi hi chu a kalkual reng a, sawichhawn leh dan hi a danglam zel duh. Heivang hian midang chanchin sawi vak vak a tha lo. A ang chiah chiah in a sawitheih tawh siloh a, dawt sawi na mai mai.

Gosi leh James te ka hmaah an kal a, an inkai vel. Ka thinrim thut a, chak deuh a kal chung in an inkar ah ka lut a, an inkaihna pawh ka su chat. Gosi a te that a, ka sawisak hnu kha chuan engtinmah min ti ngam tawh lo. Anmahni nuihsawh deuh chung in ka hawilet a, James chuan min entha ngam lo. A awm duh dan a tenawm em a, min en ngam tur pawh anilo. Kan class a awm ve ngam tur pawh anilo zawk.
"Kan school couple ah in chhe ber" ka tih hnu ah lei ka chhuah a, nui lui vak vak chung in ka kalsan daih. An hmel bakah an rilru pawh a chhia, Jenny rilru na deuha an siam hnu lawk ah mi zawng zawng hmuh theih in an in kai leh vel a, Jenny khawngaihna nei ve deuh sela chuan a hmuh ah an awm dun duh miah lo ang. Inhauh na pawh neilo in James a lah chuan a then thut lehnghal. Bialnu nei peih tawh lo bialnu nei lehngal thei kha ani miau a.

Class ah ka lut a, an lo kim deuh vek tawh. Ka thutna ngai Michaela bulah ka thu leh a, history kan neih hun tur ani lehnghal. Vawin chuan a tawp ber ah nise ka tih tehreng nen a hmasa ber ah kan nei dawn a, paper a sem ka ring bawk si. Zak vak dawn lo mah ila nuam chu ka tilo ang.

Bell arik rualin paper keng in arawn lut nghal. A inchei dan a inhmeh lehpek lutuk. Amah a fai veng bawk si. Hmuh a nuam thei. Duhloh luih pawh tum ila ka thei lo ang.
"In test khan titha in in ti hlawm em?"ati a, a hawikual a, keichuan amah en loh tum in thil dang ka melhkual ralh ralh mai.
"Ka ti tha" Brenda in alo ti leh hmanhmawh tawh. Sir mit lak tum reng reng hian a awm a, hippo ani tih a inhre lo lehtawh niang. Hla deuh atang pawn a hnarkaw chhung a a hmuh theih. A khabe a lian ropui si. A khabe hian na a hreve theilo ang.
"Brenda chu iti tha a, kha i paper hi rawn la rawh" ati a, Brenda kal reng reng chu a z*ng vah in ka hria. A rawn let leh lam ah min en kher lehnghal. Kan thik loh tehreng nen.
"Siama pawh ati tha a, Michael ati tha bawk a, Ruby nen"ati a, anni pawh an paper alo pe a.
"Midang chuan tuman pass na khawp in chhang lo. A then phei chuan fiamthu ah in ngaiin ka hria" a hmel hlauhawm zia chu. Hetiang hian ka la hmungai lo hrim hrim. Nidang a ka tih thinrim pawn hetiang hmel hi apu ngailo. A mitmeng te chu a vawt raih tawh in ka hria. Subject dang pawh kan thiam lo tih hria se a rilru anuam deuh maithei.
"Tuna paper la bang hi chu entlak engmah a awm lo. Ka zirtir dan cheu hi a diklo ami? In duhzawng anilo mi? Keichuan theihtawp ka chhuah in ka hria a, in duhloh lai a awm chuan min hrilh ula, ka lo in siamtha ang" ati a, tumah an tawng lo. Sawitur chu an ngah anga mahse an sawi ngam lo. Tuna a hmel en chuan ngawih tawp a tha ber ang.
"In tui loh leh in zir peih miah loh tur subject chu ngatinge in lak a?"ati tawh. Ani pawn reilote chhunga thiam teuh tur ah min ngai ve tho alawm. Mahse rawn lut thar pawh kan tluk lo chu ania, Sir tan chuan a thinrimthlak ve tho.
"Class11 amaw la inti tlat te in awm a, class12 ah pawh 11 zirlai rawn ziak tlat te" Francis ani tih ka hria, ka nui chhuak tep. Nuih hun lo a nuihzat tlat hi thil hrehawm tak ani ve. Ka insum tum lutuk na lamah ka hnar te ka hup vel. An thutna lam ka en a, Sam pawh a insum tih hriat reng. Francis chu a kun tlat, hrem ahlau niang.
"Samuel" atih veleh Sam a ding nghal "I paper hi rawn la rawh" a kal hreh hmel rapthlak.
"Hmangaihna te hi atha zawng a sem zai a pawilo a, test a kan chhanna em em hi chu semzai tawh lo ila" ati a, vin miah lo mahse a tawngkam hman duh dan atang ringawt pawh in a kawchhung a alh but but tih a hriat.

Midang pawh a mal mal in a ko a, zak deuh turin a siam vek. A strict viau tawh ka ring.
"A ko ve tep tawh ang che, ahau ve dawn che siq, goodluck" Michael chu rum deuhin ka melh a, a tih that bik vang mai. Engtinpawn min lo ti se tunah te chuan tumah an nui ngam teuhlo. A thinrim phei chuan a pa telh telh ka ti. Mahse chutiang ngaihtuahna hun chu ani rih lo. Tawng loh hrim hrim a him ber. A duhloh zawng sawi palh veih chuan a chhe ber pawh a thleng rup duh maithei.

"Lalhlupuii" min ko dimlo sawt ngei mai. Muang tawk in ka tho. Ka kal dawn ah midang hmuh loh turin Michael an ka kut arawn vuan zawk a, a thlah lehnghal. Midang pawh a hau tho lawm, min hau ve mahse a pawilo. A subject vawikhat kan test ah ka tichhia a, a thinrim em em ringawt a. Kan class hi min zirtir rei peihlo sa.

"Ka rin aiin ilo thiam deih" atia, ka van ngei tak. Meinei deuh deuh in a tawng mai.
"Hei chu a har emai zir rih suh se ka tih ho thleng in irawn ziak a" ati a, ka entawn tih a hriat phah hrim hrim ang. Ziah tur ka duh vang in ka duh lai lai ka keu tawp kha nia.
"I thiam ber. Kan la zir miah loh te pawh irawn ziak tel thei" ati a. Paper min pe a, ka paper ah entawn tawh suh tih a ziah hial ka ring.
.
Cont

MY TEACHER-10


"Heti hian tlai tin a hranpa in kan in zirtir a, test naah itih that phah chuang silo" class ah midang awm laiin min hau a, tunah tlaiah a hranpa in min hau leh a.
"Lo lut thar pawh in tluk lo a, kartin in test tawh ang" ka meng kawk kawk mai. Hmeltha viau mahse kan class chu hremhmun ah a chantir dawn anih hi.
"Test kan neih leh hunah ifail anih chuan tlaiah ka zirtir tawh lo ang che" Michael a rualin ka haw ziah thei dawn ani mai lawm.
"Engpawh nise zir tan leh phawt teh ang sawitur te inei ve anih loh chuan" sawitur chu ka ngah ka sawingam lo mai mai. A chhiatloh zia leh ka duhzia pawh sawi ka chak. Ka sawi veih chuan go home ani leh mai. Hmeltha nunrawng anih hi.
"Sir" min en vat a, a mitmeng hi analh male.
"Diktak chuan kan test dawn khan ka zir ve reng. Ka thiam a, a dang ka zir a, ka thiam sa ka theihnghilh leh a, a beidawnthlak. Ka thluak hi a chawl tawh aniang"
"I thiam chiang lo anih hi. I thluak a chawl teuhlo. Iduh naah chuan i fing lutuk" chuti manle. Chutianga ka awm pawh ka lo hrengai hleinem.
"Chiang deuh in thiam la. I thiamsa kha ziak zel la i thiam chiang mai ang" ati duh chauh. Ka harsatna min hriatthiam pui miah lo. Ka hnual vek. A thil sawi pawh ka ngaihtuah peih lo.
"Ka nuam vaklo a, haw hma ka chak" ka ti a, dawhkan ah ka bawk a, diktak chuan na ka neilo. Min hrethiam lo lutuk a lehkhazir ka peihlo vek.
"I eng nge na?"
"Ka lu ana, ka rit bur mai"
"Awle, i haw veleh damdawi i ei dawn nia. In lamah lo zir tawh rawh aw Mary" ati a, min chhuahsan deih. Damlo ngaihsakna chang pawh a hrelo. Min lo zirtir ning viau aniang. Test naa ka tihchhiat lutuk vang aniang. Midang pawh an tichhe ve tho emai. Keimah chiah ka ni biklo.
"Hey damlo der nu"
"Michael" nui vur vur chungin ka bulah a ding.
"Ngatinge ilo la awm?"
"Ka lo nghak che"
"Sir khan ahmu che em?"
"Aw i damlo tih a sawina, ka awih lo a" hei pawh chu. Sir ang chiah in ani pawh hian min ring tawh lo anih hmel.

Ka la chesan peih lo. Rilru buaina hian taksa thleng in alo nghawng thei anih hi. Sir hi neih ngei ngei ka duh a, ka duh tih ka sawi ngam tawh rih silo a, ngatinge hlauh ka neih ngah tak em em le? Ka inhmeh ve lo.
"Khatianga i awm reng chuan khua a thim mai ang" tih pahin Michael chuan ka bag ah ka lehkhabu vel a khung mawlh mawlh a. A khung zawh ah ka hma ah Sir thutna thin ah arawn thu a, dawhkan a bawk ve chung in min en reng,min nuihzat tlat in ka hria a, ka mit ka chhing deih. Amah ang in ka thiam ve lo ani mai a, a ho emai.
"Mary ka duh che" ka taksa ah current a kal nasa mai. Jenny chu awm se ka trek nasa ani tih a hmuthei ngei ngei ang. Cartoon chu nise ka ruh a lang chuaih chuaih ang.
"HAHAHA" nasa takin ka nui lui a, ka tah a chhuak deih zawk.
"Ka duh che" ati nawn leh a, amah ka en, a thutak ropui.
"Mimawl hlawm lian deuh inih kha. Ka ti tak tak, ka englai hi nge iduh. Mi thawveng engmah thiam tak tak neilo hi iduh ami?"
"Aw duh e. Ka mawl vang aniang mawl deuh ka duh tlat" ati a, ala nui zui. A nuih hi chuan khawvel hi a thiang nghal kawk kawk zel.
"I nihna i duhlo anih chuan ngatinge i in siamthat mai loh?"
"Ka pianpui mizia hi ka siamtha thei biklo"
"I pianpui anih ka rin vang alawm i nihna ang a ka duh che" keipawn Sir hi a englai pawh ka duh.

"Tho rawh haw ang" ati a, ka lo in ngaihtuah nasa lutuk ani. A bula awm pawh nuamlo ka ti vek tawh. Sir hi lo duh hman lo ila chuan ka duh ngei ngei ang. Mahse Sir ka ngaihtuah char char. Sir hi ka duhzawk aniang.
"Ka bula awm zah phah nan hmang duh suh. Ka rilru put dan ka hrilh ringawt che anih kha. Min duh ve nghal rawh ka ti chuang lo. Hmeichhia chuan hun an mamawh tlangpui alawm"
"Hmeichhia ivan hriatchian hmel"
"Maithei. Ka unaute hi hmeichhia vek an nia. An harsatna an sawi in min ngaihthlak tir ve thin a, mipa in an ngaihzawn in kan duh ve pawn hrilh nghal loh tur an ti"
"Ka duhve ah che i ngai ami?"
"Min duh ve ka ring lo a, min duh loh pawh ka ring chuang lo"
"Eng nge awm zia?"
"Min duh ve la chuan i mizia tam tak hi i thup ve deuh maithei a, min duh lo la chuan tunah pawh min tlansan deih ang. I mizia ka en hian i duhloh bulah chuan i awm luih peih ka ring lo" min lo van chik awm em em. Ka hlau deuh reuh zawk e ah.

"Hetah hian min lo nghak la bike ka lo la ang" ati a, library kawt ah ka lo ding a, a kal hnu ah Sir haw tur ni awm tak arawn la kal zui.
"Eng nge ila tih?"
"Michael ka nghak a"
"Anih chu. I bialpa a thiam thei tho a, keipawn kan zir hnu i hriat loh thin vang in ka hrilh thin nawn thin che a, i bialpa hi in zirtir tawh la atha ang. A thu pawh i awih deuh zawk ang" teh duah chuan. Ka bialpa anih leh nih loh pawh a hre miah silo a. A thik deuh in ka hria a sawi vel dan hi ka hrethiam vek.
"Ka bialpa chiah pawh ala ni lo e ah"
"Ani dawn vel mek ami?"
"Ka sawidawn biklo" ka ti tlat a, thildang a sawi leh hma in Michael alo thleng.
"Sir iva awm rei ve"arawn ti a, a awki chu a nelawm lutuk.
"Nia ka haw dawn chiah. Nangni pawh haw rawh u in tlai lutuk ang. Mary hi a damtha silo a" ati a, ka dawtsawi kha ala awih ani hrim hrim ang. Michael a hnunga ka thut hnu ah "Anih leh aw Sir" ati leh hram a, Sir anih vanga biak that vak angai biklo e, school a zawh tawh chuan mi pangai ang an ni ve tho. Mi hauh a hrat si.

"I damlo tak tak lo tiraw?"ati leh a, ka damloh tak tak chu a ring ru veleh aniang Sir khan a sawi leh sia.
"Damlo tak tak lo. Ka zir peihlo a chhuanlam ka siam anih kha"
"Aniang. Ka hrechiang che a, damlo la chuan i hmel ah ka hria ang" Sir khan min hrechiang ve lo manle. Ka damloh a ring nghal sia. Michael ang hian min lo chik ve vaklo aniang.
"Damlo tak tak pawh ni ila ka hmel ah ka tilang lo thiam"
"Mitmeng in dawt a sawi ngailo an tih kha" ati a, ani chuan a hrethei maithei. Keichuan mi mitmeng ah engmah ka hrethei lo. An mitmu ka hmu chiang em em a chuzawng chu ani mai.

"Kan thleng e" ka chhuk nghal. Ka nau in min lo hmuh veih chuan kanute a hrilh nghal ani mai. Min hau dawn miah lo mahse zawhna a tam dawn lutuk. Zawhna chhan reng ngai hi a ninawm. Exam ka huat nachhan pawh ani. Zawhna hlir a tlar duat a, a chhanna tur hriat dawn chuan beih fe angai. Note sei tawk tawk thiam vek angai.
"Naktuk ah ka lo sawm ang che. Ka kal ania"
"Aw kal rawh. Naktuk ah rawnkal hma lutuk duh suh min nghak rei leh mai mai"
"Ka lo tum ang" a kal tawh hnu ah arawn let leh. Theihnghilh a neih awm ka hre silo a.
"Hey Mary, ka duh che kha aw" chak tawk in a tlan lehnghal. Lut thar ve si nghal lutuk. Sir tan ka inpumpek tawh a, khawngaih viau mah ila ka duh che ka ti ve theilo. Ka lo van rinawm em em ka in ti keipawh hi. Ka awihlo hial zawk. Sir in min duh tak loh leh Michael chu ka duh leh thei em em tho ang. Sir laka ka beidawn phawt loh chuan ka duh che ka ti ve dawn lo reng reng. Luck lutuk pawh hi buaithlak chang a awm dawn anih hi. Huizzz


Michael nen kan kal rual leh a, zing tin min lo sawm vang in mi pawn min hmulo theilo. Ka thiante ngei pawn kan in ngaizawng anga kan inzep mai mai anih an ring. In ngaizawng ila chu kan zep dawn loh nen. Class ah kan lut rual a, an lo au dual a.
"In thu dun a, inkal rual a, in haw rual a, in la in hne vat ang. In in hne chuan maw in in hmuh ringawt pawn in luak vak thei ang" Ricky an alo ti a, ka awih lo emai. An thusawi zawng zawng ka awih tawh dawn lo. Ka awih chuan ka che chhia a min nuih vak zel.
"Inhmeh pawh ka tilo che u" Siamtuai an alo ti. Kan in kawmngaih ve hman tehreng nen Michael vang in min ngei deih. Mipa a ngaihzawn chhung chuan a rilru ana nawn mawlh mawlh mai ang. A ngaihzawn chin mipa pangai in tuman an duh dawn silo a, hmangaihna vanduai a ti reng mai dawn ni. Mahse ka hau duh miah lo. Ka hauh veih chuan Sir hi ka duh tih minute reilote chhung in school pum pui in an hre nghal ang. Kan in ngei hian kan thuruk a sawichhuak kher zel.

"Thiam silo lerh si" Brenda in atih ri ka hria a, keimah min sawichhan. Ka hawichho a, a nuihdan han ngeiawm zia chu. Ka kawchhung hi a so nghal bulh bulh. Eng nge maw ka sawi vat loh chuan a so kang vek anga, thinrim vang in ka thi mai ang.
"Lerh si luck lo si. I mit hmul lem te kha tan then rawh. I mitmu aiin i mithmul lem a langsar zawk, khatianga sei mithmul kha mizo in kan nei lo hrim hrim" ka ti let a, ka kawchhung so nasa lutuk pawh a zia deuh. Michael alo nui char char a, he ka mizia hi a duh chu ania, a mawl hlawm tawp anih hi.
"Mithmul lem anilo"
"Nimin a i mithmul khati khan a sei lo. A bulh mut kha, mithmul lem anih kha"
"I neih ve loh vang. Min thik anih kha"
"Thik lo e, hippo ka ang ve duh hleinem. Hippo mithmul lem vuah" ka ti a, a insehruh nasa mai. Hetianga a thinrim hmel hi lawm hmuhnawm em em.

Bell a rik hnu deuh ah Sir alo lut. A rawn hmeltha lut. Ka mipa hriat tawh zawng zawng ah ala hmeltha ber. Ka lo en char char, min hlau zawk maithei.
"Kartin test in nei tawh ang"
"Naaaaaaaaaa" tih chu kan ka atang in a chhuak nghal vek. Thiam lo inthlahrung silo awm khawm kan nia.
"Lawm zawk rawh u. In thiam phah na tur anih hi. A fail chu punishment a awm tawh ang" ala ti zui. Hmeltha nungrawng-a hi ah.
"Sir min nawr lui nasa e" Sen in ati bai bai a, "A pawilo. In thiam phah dawn chuan nitin class dang zawng zawng haw hnu ah test thin mah ula a pawilo" ati a, pawi ti kan tam zawk ang.
"Hmasawn na ka hmuh hma chuan ning mah ula ka thu in ka kalpui char char ang che u. In ngaihdan ka la tawh lo ang" tifuh inti deuh in a hawi vah vah mai. Kan lungngai hmel hmuh chu nuam ati viau aniang.
"Kartin kan test chuan Mary pawn hma a sawn ka ring"
"Vawikhat kan test ringawt pawn kan zir loh thleng thleng pawn ziahtur ahre bik ania"
"Sawichhuak tawh suh Ricky" ka lo ti hlar a, an nui vek, Sir pawh min en chung in anui ve vur vur mai.
"Phut zawk tawh loh tur ania, midang hriat ve loh chi lo tih bik hi chuan phut zawk a awl a"
"Sir nangpawh khan sawitawh lo teh. Ka mumang thleng thleng a hmu zui turin min duh mi a" ka ti a, ka thin a rim tak tak tawh. Tupawh kan che chhe thei vek. Ricky phei chu a taksa a entawn tur a ziah ho hi awm hlen zel sela chuan amah hrim hrim hi a rang nuaih tawh ang. A taksa ah class8 atanga class12 zirlai a khat vek ang.
"Test leh hunah chuan in lehkhabu ka la hmasa vek tawh ang. In duh chuan in rilru a chak lutuk tih ka hria. Tumah thiamthei lo ngaihtuahawm in awm lo. In zir duh leh duh loh ah a in nghat a, tha deuh in zir rawh u. Exam pawh ahnai ve zel dawn a, exam hmasa ber ah hian in pass vek chuan kan picnic dawnnia" an yes dual a, ka hawikual a, keimah min en thap.
"Mary a pass veleh chuang lo ang" Siamtuaian alo ti. Ka rindan vel. An huphurh ber ka nih ka ring reng a.
"A pass ang. Keichu a pass ka ring" Michael an ati a, hrehawm ka tih a hlauh vang mai mai.
"In pass vek angai" Sir chuan ati leh a, keimah chiah loh pawh huphurh tur an tam ve tho emai.
"Mary pawh a pass ngei ngei ang" ati leh kher bawk a, ka phur sawt. Pass chu ka tum ve chhin hrim hrim ang. Am sawi lai chiah hian zir vak ka chak a, ka zir dawn hian ka peih leh thin silo. School chawlh lai te hian lehkhazir ka chak tlat zel. Kan lut a ka ning leh em em a. Sir ka en a, min lo en ve reng. Ka mit ka siai tep ani. A pass ho chiah picnic pui mai sela, ka fail pawn an eitur siamtur tal a kal ve ka dil thei tur ania.

Sir a chhuah hnu ah Miss sual tawk alo lut. Ramhuai pitar kan ti thin. English teacher ania, Siamtuaia nu lo zawk ani. Sual viau mahse arawn luh hi chuan mut a chhuak duh. Mutchhuahna alo pai lut a, a rawn semkual thin. Min sem hnem bik thin aniang midang aiin ka mut a chhuak ziah. A hmel hi a tum hrim hrim, a hlim ve viau pawn thinrim hmel a pu reng tho. Kan class ho chuan a vanduaina ve ah kan ngaihsak a. Film chang ve se chu misualnu ah an tan tir ang.

"Mary" amah ka en a, a phit mek, a hmin tep tawh ang.
"Ilo muthlu leh ta mi?"
"Aih" ka ti na a mumang nen ka la awm.
"I mutthulh veih chuan ka hrem dawn che ania" ka lehkhabu ka en a, ka kun deih. Kun deih hian mutthluk a lang lo. Hei hi nia a hmasaber a thut ka nin em em na chhan. Teacher te nen kan in hnaih lutuk a, thil eiruk pawh a theih loh mutthluk pawh a theih loh. Men ka tum nasat poh leh ka theilo. Ka mit hi arawn inkhup leh dawn thin. Ka lu te ka thing a, awmzia awm chuang lo. Min hrem mai rawh se..
"Mary han ding teh" zawi tawk in ka ding. Ka mut a chhuah tawh chuan tih ngaihna a awm lo a chhuak ani tawp mai.
"Chhuat hi tlai tin in la nawt fai em Ruby"
"Aw kan tifai ziah"
"Mary rawn chhuak teh" ati a, min hrem dan tur ka hre nghal vek. A sual ania he ramhuai pitar hi chu. Hrem dan mak deuh deuh a hrethei si.
"Chhuatah hian rawn muhil rawh. Iduh leh thu la iduh leh mu la, i mit kha chhing tlat ang che" ka mu awm lo ka thu tal ang.

Chhuata ke thluang duaih a ka thut chuan an nui hak ri ka hria a, tu tu nge nui ka hrechak ka meng thei silo a, ka meng ru dawn man le. Ka mengru a, miss en ka tum laiin kawngka bula Sir ding reng ka hmu. Arawn lut dawn niang, dawn niang pawh anilo a rawn lut.
"Ka lehkhabu ka theihnghilh a" atia, a tawng ri ka hria.
"Ngatinge hei chu?"zawi te in ati na a anmahni hnaih deuha awm ka nih vang in ka hrethei vek. Sir chu anui ngei ngei ang. Miss in min en ka rin vang in ka meng ru ngam tawh bawk silo. A rawn lut hun lo e, min hrem hma te khan a lehkhabu theihnghilh chu rawn lak deih mai tur ania. Tunah tak hi chuan ka duhawm thlawt lo, min lo duh ve tawh anih pawn tuna ka awmdan hi ahmuh chuan min duhna atlahniam nghal ang.
"A mut a chhuak thei lutuk a, a hran pa a mutthilh na hun ka pe anih kha" Miss in alo ti a, mutthilh na hun min pe ani mai lawm, ka hnar vak vak nghal loh.
.
Cont

MY TEACHER-11


"Mary nizan ka mumang ah i hnarkua ah ka lo lut a" Ricky a nui vak vak chu ka lehkhabu in ka vawm a, ka hnar hian nalh tih a hlawh tehreng nen, a mumang ah pawh nise a luh ka phallo.
"Nizan ka mumang ah ilo rai a" ka ti ve a, nuihza ang in a awm a, a nui lui ani reng sia. Ka ngawi mai mai tawh bik dawn lo reng reng.
"Uii.. Ani maw? Ricky chuan tu fa nge alo pai a" no deuh a nuih pahin Siamtuaia chuan a kut a beng a, Ricky chu a mitmeng lerh tawk in a melh, a chhing sung in ka hria.
"Mi hrang hrang fa alo pai a, a fa khan pa a ngah lutuk a, a pum in a tlin lo a apuak a" tiin dawt ka phuahchawp a, zak deuh a siam ka chak mahse zak hmel pawh a pu lo.
"Ricky rai chu engtin nge awm a?" Nui sawng chung in Siamtuaia chuan ati leh a, Ricky an alo beng pawp. A tuai ber hi kut kan thlak reng mai. Makeup a pai pawn an mansak ve ngailo. Vawikhat an mansak a, office kawt ah a tap char char, anu ati zak lutuk.
"Iduh leh nangmah kha rai la i hremai ang"
"Uii.. Rai te chu maw ka chakna a rei tawh lutuk. Ka rai theilo anih hi. Min ben vang khan ila chaklo ang. Ka tiffin hi i ei ve tawh dawn lo. Eitur dang pawh ka leisak tawh lo ang che" ati bawrh bawrh a, Ricky hmel chu hmuhnawm tak ani.
"HAHA i chawh e Ricky. Iva thinchhe ve, i raino leh tawh mi?"
"Ka rai ngailo tih hrerawh hnarkaw lian"
"Ka hnar hi ka tih arh fe pawn i hnarkaw chanve pawh ala tiat lo" ka tih laiin Michael an min lo pawt a, hnunglam ka la hawi chak asin le.
"Tlar hmasa ber ah thu ah ithiam lo ber. Chhuata mitchhing a thut kha i inhmeh" atih chuan thutthleng ah ka thingthi a, hnunglam ka hawi leh a.
"Ka thut ang khan thu ve la chuan milim dum lianpui amaw an ti ang che. I raino lai hian thinchhe viau zel suh. Thinrim leh tur si min chhaih vel anih kha. Chhuat a mitchhing a thut kha anuam, in hmel chhe lutuk kha ka hmu theilo a" ka dara min rawn vuan kut chu lo hmer vak pahin ka peih thla "Min lo vuan sek suh Michael" ka ti a, Ricky a ngawi reng leh hlau hmel deuha min melh hrek hrek ka hmuh veleh
"HAHA kha kha ni mai. Min chhaih sual i inti viau lo maw? Ngawi leh kur tur si min hnial ve vel a, i hmui te kha bawng chuap a ang si"
"Mary" ka ngawi vat. Tupawh an ngawi vek. Muangchang in ka hawi let a, ka bulah Sir alo ding run mai. Ka dara min lo khawihtu pawh kha Sir hi ani tihna mi? Ricky an hlauh hmel deuh a a en kha keimah nilo in Sir hi mi?
"Sir chu teh thut che chuan" ka ti ringawt a "Hmalam hawi rawh" ka inher dawn a Ricky nui hmel chu ka ngei lutuk. Tunlai hi ka che chhe reng mai.

"In class hi class zawng zawng ah inthiamlo ber a in thawveng ber bawk a, office atang pawn in nuiri hi a hriat theih thin" ati a, mi hau lo hian a awm thiam thlawt lo. Hmeltha lo sela chuan a sa huat ah pen keuh ila thi deih se ka ti ngawt ang. A hmeltha em a thi turin ka phal thlawt lo. Tuna min duhloh pawn a putar hun ah tal min duh se, a bula ka awm hun ah a tlangval lai hmel hlir ka ngaihtuah mai anga. Sir hi ala tar dawn chu ani sia ka ui emai. A vun chuar hun tur pawh ka mitthla thei. Tlangval tam tak ai chuan ala tha tho ang.
"Mary" min ko reng mai ka ning zo zai.
"Min chhiar chhawk leh tawh la" rum tawk in ka melh. Hetianga rum hian Brenda pawh ka la melh ngai lo. Nui chungin a mithmul alo san ak a, ka tuiral leh nghal vek. Mawi thei ang ber in ka nui a, amah ah nghawng enge maw tal chu anei hrim hrim. A puak nghal pep pep in ka hria. Ka din veleh "Ring leh fiah deuh tawh in aw" ati a.

Ka chhiar tan a, classroom chhung pawh a reh ve thap mai. Tam deuh ka chhiar tawh, a tawk ati har tawh lutuk. Keiman tawk tir dan ka hria. Zawi te in ka chhiar leh, ka phun sep sep a, an ri leh deuh tan tawh. Ka hrethei lo an ti leh tawh niang. An hriat kher angai lo, lehkhabu annei vek a anmahni in an chhiar ve thei reng.
"Ifel viau dawn maw tih pawh hian isual a chhuak leh thin" min ti a, a thusawi chu hrelo ang hmaka awm in ka chhiar chhunzawm char char tho.
"Atawk e Mary thu rawh" ka thu chiah chu ka thaw huai mai. Ka chhiar rei lutuk a, ka lu te hi ahai dawn in ka hria.
"Michael tui min lo pe teh. Ka chhiar nasa lutuk a tui ka mamawh" nui chung in tui min pe. Hepa lah hi nui reng mai.
"In teuh rawh, nia i hah ang" tiin min fiam a, Sir chu awm lo sela ka duh mai tur che nia, ka khawngaih reuh che mange ka ti rilru neuh neuh a. Min duh si min nei thei silo hi a lainatawm emai.
"Khatia i chhiar khan i hre nual ang tiraw? Mary" hepa lah hi mipa dang ka ngaihtuah dawn veleh ka rilru arawn la peng ve ziah.
"Hre em em chuang lo. Zir loh chuan hriat tawp a har a" ka ti a, a diktak ka sawi. Ning chung chung a chhiar liam puat puat chuan engmah a hriat theih loh.
"Anih leh tha deuhin lo ngaithla la, ala hma bawk a, ila muthlu lo tur ah ngai ang" ati a, mutchhuak hian hun bi a tliar ve vaklo.
"Michael" arawn hawi a, ka duh che han ti thut mai ila a lawm ve ang chu.
"I ning ve em?"alu a thing ringawt. Ka thiante bulah chuan thu ila kan inbe ru leh char char anga, Michael ve chu uluk deuhin a ngaithla deih zel. A chut ru viau ang. Zei ang in alang mai mai, a chut chiang ang.
"Michael" arawn hawi leh, min en run mai. Ka tihbuai vang aniang.
"Ka au vak chak" anui vur vur mai. Au vak ila an phu nasa hlawm viau ang. Ka ngaithla peih silo a ka ngaihtuahna tal hi ka kawm reng mai loh chuan tih tur vak a awm lo.

Ka bulah Sir arawn ding a, ala sawifiah reng tho. Avan rimtui tak. Min hnaih hi a tum sawt riau in ka hria. Induh hun tak ani angem le? Ka induh chuan kei aiin a induh zawk ang chapo ve hmel ropui si. Bialnu te hi alo nei ru reng ang tih ka hlau, ani ang tlangval puitling tawh chuan neih tawh awm tak ania. A bialnu chu vannei viau ang. Nia ka vannei viau ang. A bialnu ka la ni dawn a, ka vannei dawn lutuk.

Bell a rik chuan ka auchhuak lo chauh. Ka hne na a rei lutuk tawh. Subject zawng zawng ah ka hne ber mahse a la tu a hmeltha. Hmeltha mai bakah apa si sexy bawk si. Ka duh vel vek.
"Break zawh veleh ka rawnkal leh ang" thi ila a nuam zawk ang. He subject ka nin zia hi a tawng ve lo chuan an hrelo ang. Subject nin lutuk zir reng ngai hi. Ngatinge history ka lo lak kher kher? History lo pawh engmah nuam tih ka nei dawn chuang lo a ka thiam dawn chuang lo. Ka tawp up up in ka hria, ka thaw te a hah dawn mahse lung thalo ka nei lo. Thawhah tur ah ka in ngai, ka khawvel hi a zim bik in ka hria.

Dawhkan ka chum pawp a, an lo hawi thap. Tuemaw ber hian ka thin tirim se ka thawl deuh theih nan a sawisak ka duh.
"Tunge min chhaih kha" ka ti a, an in enkual hrek hrek mai.
"Rui in hrosa te pawh i ang alawm" Francis an hla deuh atang in arawn ti a, ka thlan te atla dawn in ka hria.
"History ka ning, ka ning ngawih ngawih" ka tah a chhuak tawh zawk. Michael an na lo te te a ka hnung a ben pah in "In bengdai rawh. Break ah ka treat ang che" ati a,nidang chu nise ka phur ngawt ang mahse min treat zawh ah subject ninawm lutuk kan zir leh anga, school kal hi ka ning tawh. Sir hian min nei duh nghal sela chuan class12 pass kher ka ngai lo tur.
"Nangchu anuam awm e. History hi ithiam sia, keichuan ka ning ropui sia"
"Vawikhat tha deuh in zir chhin la maw, pakhat i thiam chuan nuam iti anga izir zel chak mai ang" ati a, ka ning zozai.
"Toilet ah kan kal lawk"
"Awle" ka chhuak a, ka thawveng deuh. Toilet ah ka kal a, ka inphih harh a, Siamtuaia chuan makeup a ken loh chuan a hmai a phih ngam lo. Makeup a hman loh chuan damlo a ang lutuk. Keichu ka pa in i hmeltha makeup i mamawh lo min ti.

Toilet atanga ka chhuah chuan Sir nen kan in tawk. Ngui deuha thle deuh bar chunga kalpel ka tum chu ka ban ah alo vuan a "Iva ngui ve, diklo a awm ami?"a subject lak vang hian ka nun pum hi a diklo.
"Sir i subject lak berkher hi a har" ka ti a, ka thaw halh a, ka tawt lutuk tak tak. Vawin phei chu ka hne lehzual.
"Keipawn har ka ti thin. Mahse tum ve angai a. I zir loh a thiam itum loh chuan kan zir belh zel sia, harsa iti telh telh ang" ati dap dap a, min hauh ka ring a min hau miah lo.
"History chiah zirtur ani bawk silo. Subject dang pawh a tam ve ropui si"
"Ka hrethiam. Khatiang rilru kha chu tupawn an nei vek" ati a, ka lu ah akut a dah a, nelawm deuha nui chung in min en a "I beidawn hma lutuk chuan i thleng sang theilo ang. Tunah class12 chiah ila nia beidawn ala hun lo. Puih i ngaih chuan ka awm reng ania"
"I hmelthat nen nen i subject lak a har si" ka sawizawh rualin ka inchhir nghal, min hau leh ngei ngei ang. Ka hmui ka hup tawp mahse ka rin loh deuhin ala nui reng tho.
"Nangpawh i hmelthat nen nen i zir peihlo" ka khawng vek. Tunah khan Sir in hmeltha min ti in ka hria. A rilru tak tak ani angem le? Hmeltha min lo ti thin tak tak angem le?
"Chuvang chuan tha deuh in i zir tawh dawn nia, tum chuan theih loh a awm lo. A ti tha ber pawh ila ni thei. Tha deuha itih chuan a lawm ber ka nih loh chuan a dawttu tal ka ni ang" ati a, lehkhazir ve tak tak duhna min siam vek in ka hria.
"Kal tawh rawh. Nangmah khan ka beiseina a sang tih i hrereng dawn nia" ati a, min kalsan a, keipawh thawveng deuhin classroom lamah ka kal. Sir in hmeltha min ti.

Break anih chuan cafe ah kan inzui lut dial a, kan chuh helh bawk a eitur pawh kan nei hma. A hnung ber ah kan thu khawm a, ka bulah Jenny a thu a, ka hmazawn ah Michael a thu. Francis leh Sam te nen an thu ho a, an in be tam vak ngai chuang lo. A sawi ang tak tak in Michael chuan ka eitur zawng zawng ama pawisa in min leisak vek.
"Ruby leh Moses an thudun male, amak e, Moses hi a lerh. A changin Christy a chang in Ruby" Jenny in atih chuan keipawn an thutna lam ka en ve vat. Ruby nuam tih hmel zia chu mahse ka lawmpui, an inhmeh ka ti. Ruby fel bawk sia.
"An ni tawh lo. An inkawm ringawt lawm. Moses chu zing ah pawh Christy nen an kal rual" Sam an alo ti ve thung a, ani hi alo kawp kual vel ania nge. Anih veih chuan ka ten ngawt ang.

Chriaty te class ho rawnlut chu kan lo enthap, Christy in arawn hmuh hun a ahmel awmdan tur ka hmuchak tawh. A thik ve tho ang. Mahse Christy chu anmahni hmulo ang hmak in a awm. A awmthiam zawk ka ti. Mi hmuh ah inthup an tum ani ngei ngei ang. Kan beisei ang kan hmuh loh vang in kan eizo tawh bawk a classroom lamah kan let leh deih. Class hrang hrang awmkhawm luih luihna ai chuan anuam zawk.

Kan luh hnu deih ah Moses te pawh an lo lut ve.
"Ka Mary"
"I Mary ka ni lo e Ricky raipuar"
"Break a zo tep tawh sia min hau leh la, Sir rawn lut lai i hrelo leh nga"
"I rilru a chhia" ka ti hmuk a, anui vak vak a, Sir a awm tih ka hriat tirh a ka hmel awmdan te a zir vel. Chhe lutuk a saw ah. Ka ngei lutuk hi sawifiah vak dan ka thiam lo.
"I hnar ah ka lut ka tia i haw em em a"
"I rai ka tia i haw ve tho" bell pawh ari leh tawh a, midang pawn min en leh tawp tawh.
"A ho e, i hnarkaw chhunga inbihruksiak te ka chak ve nimai a" ala ti zel a, "I hmelchhe emai. Inui hmel te kha a chhe lutuk"
"HAHAHAHAHA" ati lui vak vak a, a hnu ah "AHHHH. . AHHHH" ati leh a, a hmai a kawk a, a hmui awm na vel a hup tlat bawk si.
"AHHH... AAHHHH" ati leh thin a, a ban a phar kual vak vak a, kan lo nui vak vak bawk. A fiamthu thawh ve dan a common lo emai.
"Moses, Ricky kha na anei ni lo maw?" Michael an atih chuan Moses an ahmui hup na kut a lakthlak sak a, a mak lutuk, sawi deuh in a ang reng. Ang zau lutuk pawh ani chuang lo.
"A nui lui nasa sia, a khabe ruh invuahna hi a pelh aniang a" an ti a, Moses leh Michael ten an endik vel laiin Sir a rawn lut a, kan hlau hmel ahmuh vang aniang a ngaih athalo ve nghal.
"Ngatinge?"
"Ricky a nuihna lamah a khabe ruh a thlawn"
"A thlawn chiah pawh nilo ang" Moses an alo ti a. Sir pawn a en ve vat a.
"Moses lo hruaichhuaj rawh, car ka lova la chhuak anga, hospital ah kan hruai dawn nia" ati zung zung a, lehkha kan zir dawn lo a avan nuam tak. Moses an a hruai chhuak a, Michael chu akal ve lo.
"Amak e, Ricky kha ang reng chung in hospital ah an hruai dawn" Sam an ati a, a nuih luih vak vak vang anih kha, ang reng chunga hospital kal a ngaih. A sim chiang viau ang.
.
Cont

MY TEACHER-12


"Ricky chu engtinge a awm ang le?" Jenny in atih chuan kan lo bu tliar tliar mai. Kan hrechak theuh. Tawngthei viau mahse ka khawngaih ve tho. Tumah kan bengchheng lo. Nuih vak phei chu kan ngam lo aniang. Nuih vak kan hlau tlat tawh. Ricky kha nuihvak vanga khatianga awm kha ani sia. Lehkhazir loh chu nuam tho mahse kan thiante damlo an awmlai chuan a nuam chuang lo.
"Ana viau angem le?"ati leh a, kan tawrh ve loh vangin kan hrelo tlang angreng bawk si. Na viau pawh nise hospital ah chuan a dam ka ring.

Rei deuh hnu ah Sir leh Moses an lo let a "Ngaihtuah suh u, a chhungten an hruai haw" an tih chuan kan thaw huai hlawm mai. Sir chuan a sana bunlai a en zawk hnu ah "Kan zir hman tawh dawn lo anih hmel. Naktuk ah kan chhunzawm tawh mai dawnnia" atia, a chhuak zui nghal a, Moses an bawr nghal tuau tuau a, kal ve ka tum chu Michael an a phallo.
"Midang in an la bawr nasa emai" alo ti tlat. Ka tum deuh bar mai. Midang awm tam lai tak hian anuam deih zawk.

School ban veleh library ah ka kal lehnghal. Ning viau mah ila Sir ka hmuh theihna anih dawn vang in pawi ka ti lem lo. Inhnaih deuh a kan thu hi nuam ka ti. A rawn lut ka hmuh rualin lehkhabu ka lo phawrh nghal a, ka hmaah arawn thu leh a, nidang aiin a chauh hmel ka ti. A buai ve nasat vang aniang.
"I chauh hmel" ka ti sap a, a hriatphak pawh ka ring lo nia a hrepha aniang min rawn en chiang lutuk.
"Chau vak lo" ati a, lehkhabu a keu a nidang ang in a phur lo. Nidang ah chuan sawifiah vel pawh nuam atih theih tehreng nen.
"Sir hi i damlo chiang" ka ti leh ringawt a, a hmel hmuh a nuamlo. A ngui bur in ka hria.
"Nidang aiin kan bang hma dawn nia. Kan zir chin ang ang hi chu tha deuh in lo chhinchhiah ve rawh" ati hmuk a, a nelawm loh telh telh. A damlo chiang lutuk.

::::::::::::::::::::::::::::::::::::::::::::::::::::::::::::::::::::::::::::
"Moses i thianpa kha casualty ah lo han kalpui la, car hi ka dahtha nga ka rawnkal ve nghal ang"
"Awle Sir" Moses an Ricky a chhuahpui hnu ah Richard chuan car dahna a zawngkual a, a hmelhriat te duty an lo awm hlauh vang in staff ho dahna ah phal takin an lo dah tir a. Ricky a ngaihtuah deuh vang in a hmelhriat lo duty pawh chu be tam lo in casualty ah akal ve nghal a. Ricky an khawih lai vel chu a hmu ngam chuang lo. A serious lo tih an lo hrilh chuan a thlamuang ve huai mai.

"Richard" a aw ri hriat than deuh a hriat chuan a hawilet vat a, thawmhnaw nalh tak a hak chunga kawrvar thianghlim tak ha a lo ding zan chu tunge anih hrilh chawp angai lo.
"Richard hetah enge ilo tih?"a zawhna pawh chhang lo in ahma a hmeichhe hmeltha tak ding chu a enreng a.
"I chhungte damlo an awm ami? Inu leh pa an dam em?"harhchhuak thut ni awm tak in hmeichhia chu chiang lehzual in a en a "Ila danglam lo Jenet"
"Ani maw? Rilru na hmel ka pu tawh lo ami?"
"Chutiang sawi suh. Mizoram ah i awm tawh tih ka lo hre hleinem" ati a, a chhip atanga en thlak dan dan pah in "Doctor form chu i inhmeh bik a nih kha" atih zawm leh a.
"Jeneti, ahma ang tho in i hmel pawh ala tha" hmeichhia chu a nui ve sen sen na a a mitmeng a natna awm chu Richard pawn a hmuh hmaih bik lo.
"Eng nge hetah ilo tih?"
"Ka zirlai naupang ka lo hruai a" atih lai mek in Moses leh Ricky an rawn chhuak a "Atha vek em? Moses, Ricky" alo ti nghal zung zung a, Jeneti pawn alo ngaihven vat a.
"Aw an siam tha. A chhungte kan phone tawh a, ka lo zuk nghah pui anga" Moses chuan ati a, Richard leh Jenet boruak chu a hrethiam ve ni awm tak ani.
"Aw a chhungte rawnkal hunah lo chho la school ah kan let dawn nia" an kal hnu ah Jenet in "I thawhna school hming chu eng nge?"
"Crosswell Academy ihria em?" Jeneti hmel chu mak tihna in a thlak thut a mahse a insiamtha leh vat a.
"Smart kan lo ti thin che pawh kha a awm tho mai. Tunah pawh school tha leh lar ah ithawk thei ania" tiin a fiam ta zawk a.
"Doctor ka ni ve lo a, ka damloh hun ah min la enkawl dawn nia" alo ti let ve a.
"Aih damlo ve suh. I damlo ka hmu duh lo a, damloh ve angailo" atih chuan Richard a nui hak a, Jenetin duhdah deuh a a sam a phiar a sir lam a a uaithlak tir chu a khawih zeuh a, chumi hnu ah "I hun hman dan a nuam zel em? Jenet"
"A nawm i ring em? Kan pahnih chungchang zep tur a min tih tlat vang in ka chhungte bulah pawh i chanchin ka sawi ngai lo. Ka unaute pawn engmah an hrelo. Mahse i bo thut a, keimah in engkim ka tuar--"
"Nangmah chiah tuartu ini lo tih inhre tel la" Richard an alo ti a, a hmel chu thinrim na in a inthlak thut a, chu chu amah hrechiang ber tu Jenet pawh in alo hmuh hmaih lo.
"Ka kal ange Richard, hlim zel ang che" ati a, a kal tur chu Richard pawn dan a tum bik lo. Jeneti kal veleh Moses leh Ricky te awm naah akal a, Ricky chhungten Ricky an rawn lam veleh school lamah an let leh a. An let leh lam pawh chuan Jenet lo chu a rilru ah a awm lo.

Jeneti nen chuan school khat ah an lut thin a, Jenet chu an junior ani thin. A hmuh tirh atang in Richard chuan a duh nghal a, a landan nu zem leh a mizia cool raih te chu. A thiante zing a a awm pawh alo enru reng thin a, midangte fiamthu thawh a lo nui ve sen sen chi ani.

Richard chuan thian ah a sawm phawt a, an inkawm rei hnu ah a duh thu a hrilh a, Jenet pawn a rilru ang chiah a pu a, an inkawp chawt a, an thiante pawn inthen ve thei tur ah an ngai ve lo. Kum tam tak chhung an inzui a, mahse buaina chuan a kalsan biklo aniang engemaw vangin an inthen ve ta tho a. An inhmuh loh vang vang hnu kum2 hnu ah hospital ah an inhmu leh chauh ani.
:::::::::::::::::::::::::::::::::::::::::::::::::::::::::::::::::::::::::
"Duhtawk ang aw" in lama tihtur pawh engmah min hrilh lo in a chhuak deih. Ahma khan ka hrilh ang che ati reng sia, a mawl emai ah. Damloh vanga haihawt thut te chu ah. A chhuak lah kha a hmanhmawh em em lehnghal. Ana ve viau aniang, ka tawngtaipui anga a dam vat mai ang.

Library atanga ka chhuah veleha bike ngheng a Michael lo ding ka hmu nghal. Min nghak lo turin ka ti mawlh mawlh sia.
"Min nghak suh ka tih kha"
"A nghak tu tur che ka nia, ka thuneihna lwm"
"Anih chu" Sir tlan liam tur ka hmuh chuan ka en char char. A damlo nasa viau angem le?
"Michael, Sir kha a damlo in ka hria"
"Ava pawi ve. Keipawh alo let leh khan a hmel ah khan diklo a awm in ka lo hria a, a damloh vang chu aniang. Naktuk ah alokal loh chuan chanchin kan zawt dawnnia, lokal rawh haw ang" ati a, bike ah a lawn a, keipawh a hnung ah ka thu ve nghal.
"Eng nge na ang le?"
"A nuam sam lo mai mai niang. Na lutuk aneih ka ring lo" alo ti a, ka rilru ah a awm reng mai. Michael a tawng pawh ka ngaithla mang lo.

In chhung ka luh rualin ka phone ka phawrhchhuak nghal. Sir hi ka be duh angem le? Enge ka chhuanlam ang? In lama tih tur min hrilh itum kha min hrilh leh lo a ti ta ila mahse chutianga ka tih chuan min rawn hrilh anga lehkhazir angai ang tih ka hlau sia.
"Mary ka ril atam"
"Nangmah in insiam ve mai rawh a ninawm rilru hah lai lai in"ka nau chuan min en hau mai. Artui kan vel bak thiam ka nei chuang lo. A duh chuan kei aiin a thiam deih zawk.
"Siam ve mai la nangman. Naute duat nachang pawh hrelo"
"Ute rilru hah pawh hrethiam lo inih kha. Isiam peih loh leh i riltam reng anga ni mai lawm" ka lo ti vak a, a tawm chawih chawih mai.
"Ka rilru hah, ka thilsiam engmah ka eipeih lo isiam chu ka eipeih" ka tih hnu ah room ah ka lut deih.

Ka intifai a, ka inthlak zwh ah ka phone ka en leh a, Sir phone number bawk ka hmetchhuak leh. Ka call ngam angem le. Keimah ka ni tih hreta se min lo block deih anga tih te ka ngaihtuah. A rilru a putar tawh sia teacher student kha a ti kual leh vel ang a. Ka rilru a buai telh telh.
"Mary lokal lawk teh" ka nau ka nin zia chu rapthlak zawk.
"Eng nge?"
"Min tihpui ve tal rawh"
"Min phut emai. Nidang ah ka ti ziah tikhan nangmah in ti ve rawh. Chaw chhum la chawhmeh siam tur zawng rawh"
"Ka bulah lo awm ve tal rawh" ati leh a, ka kalsan tho. Room ah ka lut leh a, Sir hi ka phone dawn chiang lutuk. Thin phu dut dut chung in ka call. A ring char char a, a lak rualin "Sir" ka ti nghal.
"Tunge?"
"I dam tawh em?"
"Ka damlo hleinem. Mary ami?"a inla pa e, ka damlo hleinem ala ti tlat tho.
"Ni e, i damlo sia ka lo bia che"
"Ka dam vek. Engtinge ka phone number te ilo neih hman?"
"Magic"
"Eng nga"
"Sawi chi pawh anilo. Ka sawi chuan thil pawi lutuk a thleng dawn a"
"Dah la lehkha zir rawh" arawn ti hmuk. Amah zawk in a dah a, ka van ngei tak. Ka be ziah tho ang.

"Mary" ka nau in min ko leh tawh.
"Eng nge?"ring taka ti chung in ka chhuak a, chaw chu alo chhum mek a, artui alo la chhuak teuh a.
"A kawr tal hi lo ch$ keh rawh"
"Min phut dan em em hi a rapthlak zawk. Keiman ka tih ngun tehreng nen"
"Ka pui ziah che"
"Ka peihlo nangmah in ti rawh" ka la ti tlat. Ka mood a fu tawh lo. Sir min tihdan kha ka ngaihtuah a, avan sual tak.
"Duh deuh neih hi chu a buaithlak"
"Tunge i duh?"
"I hriat chi anilo" a hmui a ti pawrh a, cute thlawt lo.
"Ka duh che ti pawp ta che"
"Hmeichhe tan a mawi lo" ka ti a, min lo duhloh ka hlauh ve deuh vang zawk ania, hrilh chu ka hreh lo.
"Hmeichhia in min hrilh ngun lutuk" ati a, huaisenna chu ka nei leh deuh.
"Ka hmel hi mipa duh chi ani em?"
"Nilo kapa hmel i chhun a, mipa i ang" a rilru tak tak anilo tih ka hrechiang. A tet lai pawn Mary a hmeltha ber ati ziah lawm ka nu in a sawi vek.
"I thil tih lai kha ti vat vat teh"
"Gas saw va on ve tal rawh" ati leh. Henau hi rapthlak ka ti lutuk tawh. Inhnial leh ai chuan gas chu ka on a, a duh duh dan in tihzawm tawh teh se.
"Mary ka zun chhuak, lo tihzawm lawk teh", bathroom ah a tlan lut nghal. Tel alo dah sa tawh a, artui ka tih leh zawh ah pawh alo la chhuak lo, avan zung rei em em. Tel a khu rum rum tawh a, alo la chhuak lo. Artui chu ka kang a, ka tih mai loh chuan kan in a alh palh ang. Ka tih zawh veleh "Tui ka intam deuh a, ka zung char char" arawn ti chhuak a, ka awihloh zia chu, a thatchhiat vang mai mai. Ka ngei vang in ka artui kan sa zawng zawng plate ah ka dahchhuak a, a inrin loh laiin ka room ah ka tlan luh pui a, kawngka ka kalh hmak. Rawn beng vak vak mahse ka hwng duh lo. Min bum an tum hian ka ngei tlat zel. Phuba ka lak zel loh ten Mary ka ni nang.
CONT