MY TEACHER25-34

-


MY TEACHER-25


"Khawnge midang?" ka ti lut nghal a, ka nau in tv en chung in chips alo ei leh tawh. Vei nei lo lutuk ka ning tlat.
"An la haw lo. Iva pawr chhep chhup ve" a bulah ka thu a, ka inrin hma in ka tap. Kalkawng ah pawh ka tap a, ka tah nasat chuan min min en duh lutuk ang tih ka hlau a, ka tahchhuak zel bawk si.
"Hey ngatinge irawn tah ringawt?" ti mahse ka tah chhan ka sawi dawn lo. Sawi pawh ka peih lo. Naute kha ka lo khawngaih ve em em a. Apa chu kan teacher alo ni reng si.

"Mary ngatinge i tah?"
"Lo ngawi rawh" ka tih veleh min kuah ringawt. Min kuah veleh ka tap nasa zual sauh in ka hria. Hetianga tah hi ka zak. Ka tap khat bawk si. Sir vang vek, min hrilh loh mai tur ania. Ka lo lawm ve tawh tehreng nen. Ka lawm na zawng zawng a reh leh vek tawh.
"Awmze neilo in itap ringawt a, ka hlauthawng alawm. Tunge vel che a? Ricky ami?"
"Chutiang anilo" ka ti a, room ah ka luhsan. Mak ka tih pawh a reh theilo. Kan teacher ka duh deuh fapa kha ka hnaih deuh ah alo awm char char sia. Arawn thawh hlim khan fa anei tih lo hresa ila hetiang hian ka duh tho angem le? Ka ring lo. Fa anei tih lo hre lawk ila chuan ka en liam mai mai anga, hetiang em em hian ka duh lo ang. Tunah chuan ka tap vel anih hi. Ka nep lutuk. Ka awmdan chiah pawh hi ka sawithiam lo. Ka vai ruai in ka hria. Ka thil hriat kha amak e. Kan teacher fapa tih ringawt ka rilru ah a awm. Kan school ah hian lo thawk lo law law sela, lo hrelo law law ila chuan ahma ang khan thawveng deuh in ka la awm thei tur ania. Tunah chuan engkim a danglam vek tawh. Sir vang vek anih hi.

 


::::::::::::::::::::::::::::::::::::::::::::::::::::::::::::::::::::::::::::::::::::

"Kar khat ah vawikhat itia, ngatinge irawn kal nawn leh si? Midang in hrevek se iti mi?" tiin Jeneti a phun hlak hlak a, Richard chuan Robert a kut alo vuan vat a. Jeneti a melh run thung.
"Ngatinge i nau i hrilh?"
"Engmaw?"
"Engkim iti harsa vek anih hi. Inzawm leh iduh lo a, inthen hlen turin rilru kan siam a, Robert hi ka fapa anih thu inau bulah ilo sawi leh a"
"Mike maw?"
"I hria ang chu"
"Ka hrilh lo. Engtinge a hriat?" Jeneti thinrim hmel pawh hlauhna in a thlakthleng leh tawh.
"Ka hrilh miah lo tak tak. An hriat chu nang aiin ka hlau zawk. An hriat chuan ka neih che angai ang tih ka hlau a, neih che hi ka duh lo" Richard alo nui hak a, tunah chuan ani pawh in a duh tawh bik lo. A fapa vang chauh a hnaih leh ani.
"Tunah duh ka thlan tir ang che. Hei pawh hi Robert vang chauh a ti ka nih hi. Min neih iduh chuan sawi la, iduhlo anih chuan hmalam ka pan tawh ang. Hma lam pan hi irin aiin ka duh ang tih hria la. I chance hnuhnung ber anih hi"
"Hmalam chu pan rawh. Keichuan hma lam ka pan na arei tawh. Robert hi min chuhpui lo la a tawk ani mai. Kan in ngaihzawn lai pawh a hmeichhe dang min kawpsan duh tu chu ka nei ngam hlawl lo. Engkim ka tuar chhuak tawh. Ka lo tawrh tawh na a let leh kha ka duh lo a, ka hlau ngawih ngawih tawh. I tello in ka hlim tih i hre dawn nia. A kut kha thlah rawh" tih pahin Robert a vawn na a melh a.

 

"Nei duh che chu ni ila nau ka pai tih ka inhriat khan ka hrilh ngei ang che" Richard chuan muangchangin Robert kut a thlah a "Ka hria e, Robert chu ka sawi tawh kha. Ka duh anih chuan ka hmu ve thei ang"
"Apa tih in hriattir suh ang che"
"Ka rin aiin ilo nunrawng daih. Iduh ang chuan ka ti ang. Engtinpawn awm ila i rilru rawn tina suh ang che. Duhthlan tur pawh ka pe leh tawh che a, i rilru i thlak duh chuang lo a, ka nun chu ka duh ang in ka hmang ve tawh ang" ati a, a car dahna lamah a kal a. Jeneti a kalsan hlen tur chuan a rilru a tina lo Robert a khawngaih vang chuan a rilru a hrehawm em em thung. Jenet in zep tlat mahse a fapa a nihna a danglam chuang lo a, apa hre miah lo a a awm tur chu a lainat lo thei bik lo a ni.

Mary te in lam ah akal a, a student anih vang in ala tim tlat tho. Fapa anei tih a hrilh a a rilru na hmel kha a hmuh hmaih lo a, a tlanchhuah pawh khan umzui duh mahse huaisenna a neilo. A phone a phawrh a, a vawikhat nan Mary chu a be hmasa a, insawifiah na hun tak a siamsak a beisei ani. Jeneti nen a an inkar chiang takin a ti tawp a, a duh chu a kawp thei tawh mahse a student anih na chuan ala dang tho mai.
"Sir"
"Ilo chhuak lawk thei angem? Ka hrilhfiah ang che"
"Ka rawnkal" alo nghak reng a, Mary a hmuh rual in kawngkhar a hawng a.

::::::::::::::::::::::::::::::::::::::::::::::::::::::::::::::::::::::::::::::::::::

Ka thu lut a, nidang ang em em in ka zam tawh lo. A fapa chungchang a sawi dawn niang. Ka rilru anat belh mai mai ang mahse haw tir leh tawp chu ka khawngaih sia.
"A tir ah ka hre bik lo. Keipawn ka hriat na ala reilo" ati a, a dik maithei.
"Jenet khan a hrilh lo che mi?"
"Hrilh lo. Ka buai ka tih lai khan finfiahna ka lakhawm a, keiman ka finfiah a ka hre chauh"
"Engtin nge i awm?"
"Naute chu ka khawngaih" ka rindan vel tho a ni. Sir hi misual ani lo a, a fapa pa neilo a awm tir chu a duh miah lo ang. Teacher leh student anga kan awm leh atha zawk tih min hrilh dawn niang.
"Ka duh che ka tih tawh kha. Hmalam pan pawh ka duh. Ka student nilo la chuan hei ai hma hian ka hrilh ang che"
"Aih Jeneti nei rawh" ka lo ti a, sawichhuah a harsat zia chu. Amah hi ka duh ve lutuk tho sia, midang nei tur a tih chu a awlsam miah lo. Iti thei tiin ka infuih ru mawlh mawlh a.
"Naute vang pawh khan innei rawh u. Naute a fahrah dawn tih ka hriat reng chuan ka rilru anuam dawn chuang lo"
"Kan in nei thei lo. Kan inthen na arei tawh a, ani pawn in kawp leh a duh tawh lo a, keipawn ka duh lo. Naute vang in chance ka siamsak a, ala duh chuang lo a, hmalam pan a hun ve tawh ah ka ngai" ati a, ka khawngaih ve tho. Jenet nen chuan in nei tur pawh ka duh tho bawk a, ka rilru chu ana ang a a rei anga a zia mai ang. Mahse Sir hi awlsam tak chuan ka theihnghilh thei dawn miah lo. Arawn thawh tirh atanga ka umzui char char, zirna ah pawh thahnem min ngaih puitu ania, ka pass theih nan engpawh ati hreh lo a, ka ngaihtuah chian chuan kaltir mai chu ka phal bik lo mahse naute bawk ka rilru ah arawn lang leh thin.
"Naute vang pawn in in zawm leh thei tawh lo amaw?"
"Theilo. I rilru ka tihnat avang in pawi ka ti. Min ngaidam turin ka ti ngam lo che a, ka duh che tih chu ka sawi tawh kha. I duh zat zat hun ka pe ang che" ati a, a tih tak tak ka ring. Mahse in ngaihtuah that ve ka duh. Thil tihsual ka hlau a, ka sawi tawh ang in naute ka khawngaih bawk.
"Inchhung ah ka lut tawh phawt mai ang" ka ti a, a hmel ka en a, a chau lutuk tih a hriat. A mitmeng pawh a dul raih mai. Kan sir hi chu engtinpawn awm se a hmeltha. Mahse tunah chuan hnaih loh rih ka duh zawk.
"Thudik ka sawi tih i hre dawn nia"
"Ka ring che" ka ti a, ka ring tak tak. Hmeichhe bula dawtsawi kual chi ani ve lo in ka hria. Ka rilru anat vang in a bula awm pawh ka chak rih lo. Ka chhuak a, inchhung ka luh dawn pawh in a car chu ala awm reng. Kei nge amah zawk hi rilru hrehawm ang le? Keimah ani maithei. Ka duh deuh in min duh ve tih ka hriat rual in fapa alo nei reng tih ka hreleh a, ani pawn a hriatna ala reiloh vang in hriatthiam na chin chu ka nei mahse ka rilru na a dam phah chuang lo.

School kal ka peih lo thar a, gate ah zawi deuh in muang chang in ka lut a. Lehkhazir phei chu ka rilru ah a awm lo hrim hrim. Ka thiam thei dawn chuang lo. Exam chu lo ni vel mai mai rawh se, fail ngailo pawh ka ni chuang hleinem. Ka buaina hi keimah a ka tawrh angai a, ka thiante hnen atangin thurawn lo la dawn pawh ni ila engkim ka sawi angai ang a, Sir in fa anei tawh tih an hreve anga, tih mualpho ka duh lo. Zep char char ka duh zawk.

Kan classroom pan chhoh na step ah Sir alo ding a, hmuh ka duhloh tehreng nen. A hmel ka hmuh hian Robert ka mitthla ah a awm nghal thin. Kal pelh ka tum laiin "Ding lawk teh" alo ti a. Ka ding ve mai a, "Kal rual ang" ka nui tep. Thil pawimawh deuh min hrilh tur anei maw ka tia.
"Tlaiah lehkha kan zir dawn kha aw"
"Ka lokal ang"
"Hun min pe rawh" atih chuan eng ber nge asawi tum ka hre lo a, chhan dan tur pawh ka hrelo.
"Ka student inih vang in ka la zam a, school ah chuan ka ngaihsakna che tih lan vak a rem lo a, min hrethiam dawn nia"
"Chu chu hun pe tihna ami?"
"Aih"
"Anih engah chuan nge hun pe tur che in min duh"
"I bula awm theihna hun te. Ka sawithiam chiah lo. Hun min pe tawp mai rawh. Ka duh tak tak che tih i hre mai ang"
"Ka lo in ngaihtuah ang" ka kalsan a, ka hnung ah alo kal ve reng. Tunah chuan teacher leh student tih vel a ngai pawimawh lo ve tial tial a, fa pawh lo nei se Sir anih chhung chuan ka duhloh phah chuang lo. Ka rilru ala nat vang in ka la hnaih thei rih lo. Lo hnaih duh ta ila Robert hi ka hrereng awm sia, nuam ka ti angem ka hrelo. Tunah tak chuan Jenet hmuh ka duh ber..
.
Cont..


MY TEACHER-26


Class a ka luh chuan Michael alo awm reng tawh. Ngatinge min lo sawm miah loh le? Amah hnaih deuh ah ka thu a "I hrevek tiraw?"ka tih chuan "Aw" tih ringawt in min chhang. Engkim hretu ani a, Michael bak thurawn lak na tur ka nei lo.
"Engtin nge ka tih ang?"
"Eng maw?"ati hmuk a, min ning deuh a ang ber.
"Sir chungchang hi"
"Nei rawh" atih chuan mak ka ti kher mai. Min duh tih a sawi thin vang khan hetiang lam sawipui hi ka inthlahrung a, nuam lo ti viau mah ila Sir chanchin hreve tu awmchhun ani sia.
"A fapa ka sawi awmzia chu i u leh a fapa kha"
"Hetah an awm tawh lo"
"Eng nga?"
"Hetah an awm tawh dawn lo"
"Khawnge an awm dawn?"min chhang duh tawh lo. Sawi nawk nawk chung in "Khawnge an awm dawn?"ka ti leh a.
"Jenet-in hmun dang ah hna athawk tawh dawn" ati leh ringawt a. Classroom atang ka tlanchhuak a, Sir ka zawng. Office ah ka en a, alo awm bawk silo. Office atanga ka chhuah dawn ah arawn lut tur ka hmu a, a kawr ah pawt in midang awm loh naah ka hruai a "Sir an kal daih ania"
"Engmaw?"
"Jeneti leh naute kha hetah an awm tawh lo. Jenet-in hmun dang ah hna a thawk dawn a, naute a hruai" ala hma a, a duh chuan ala nang hman ang. Airport ah pawh kal dawn se an la thleng lo hrim hrim.
"Kal rawh umzui rawh"

::::::::::::::::::::::::::::::::::::::::::::::::::::::::::::::::::::::::::::::::::::
"Umzui an ngai lo. Naute chu anu bulah chuan a him ang" ati a, zana an inhmuh khan Jenet in engmah a sawilo a, a thiltih dan chu a haw takzet. Robert ber a ngaihtuah a, thlahna hun pangai pawh a siam sak lo a, Jenet chuan alo tum lawk daih tawh a ring. Robert pawh a bula a awm chuan enkawlna tha a dawng dawn tih a hria a, a him anga, a hlim bawk dawn tih pawh a hria mahse Jenet in thlahna hun siamsak miah lo a a hruai chu a lungawi lo a, Jeneti a huatna a nasat phah bawk. Robert chiah a rilru ah a awm a, reitak chhung a thukru a, a zep tlat a, a hriatchhuah veleh nel pawh an la in nel hma in a hruai bo leh a, ati lutuk deuh chuan a hreve ani.

A bula mangang taka Mary ding chu kuah in "An tha. Ngaihtuah lutuk duh suh. Tu hnen atanga i hriat nge?"
"Michael"
"An kal na tur a hrilh che em?"
"Hrilh lo"
"A sawi duh lo ang. Michael pawh thlamuang deuha a awm chuan an tha tihna ani mai" ati na a, Robert ringawt a rilru ah a awm a, thlah na hun chu nei se a rilru a dam deuh mahna.

"Class ah let rawh. I rilru ti hrehawm suh. Engkim atha vek" ati a, Mary chu classroom lamah a kalpui a, office a a let leh veleh Paul a be nghal a, ani pawh in Jeneti thil tum chu a hriatpui bikloh thu alo hrilh a, Jenet pawh biak a tum nasa mahse biak tlang theih ani tawh lo.
 


::::::::::::::::::::::::::::::::::::::::::::::::::::::::::::::::::::::::::::::::::

"Ngatinge Sir hi engmah in hrilh ve miah loh a?" Michael a bula thinrim taka ka tih chuan "In zawm na annei tawh chuang lo a, a hriat ve kher angai hleinem" alo ti a.
"Ngai ve tho e Robert vang in"
"Robert hi afa ani hleinem. Robert chu kan unau zing a mi alawm"
"Fiamthu na hun anilo"
"Fiamthu hmel ka pu mi?" ka thinrim chu ka thaw halh a, engtinpawn lo ngai se hriat ve chu a phu alawm. Sir chu ka khawngaih zawk. A hrechak ru ve ngawt ang. Robert vang tal pawh in.
"Engtikah nge an lo haw ang?"
"An lo zin zeuh zeuh zawk maithei" engmah min hrilh tha duh bawk silo. Rilru hah na tur tam lutuk hi ka ning tawh. Ka duh ang in engmah a awm theilo. Atha dawn chauh amaw ti ila buaina dang a awm zel mai bawk si.
"Engahmah ngai suh Mary. Ahma a i awm ang khan awm leh rawh. Jeneti chu kal a tum na a rei tawh. Helama awmhlen hi a tum lo hrim hrim" nem deuh zawk in ati a, ka hrehawm ti hmel a hmu nga nuam lo ati leh si aniang.
"Nagpawh iduh na lam ah chuan kal rawh. Kan duh ber te baka hlu an awm lo. Sir anih vanga perfect tur a beisei chi ani biklo a, tihsual alo nei ve tho thei a. Robert hian engmah a hre dawn lo, iduh chuan Sir bulah chuan kal rawh" ati a.
"I unaunu tan i duhpui lo a, keima chu min duhpui tho tihna mi?"
"Jeneti zawk in a duh lo. A tih luih theih loh. A rilru a siam fel tawh a, Sir lamah ka tang tihna pawh anilo. A lam ah chuan ka tan pawh ka in ring lo. Ka duh che a, nang chuan midang iduh zawk a, Sir hi kei aiin iduh zawk a, itlai hma in thuthlukna siam vat rawh. Tihsual neilo mihring kan awm lo" ati a, Jeneti te kalna ka zawh chuan min la hrilh duh chuang lo.

Tlai ah library ah ka kal a, Sir chu alo awm tawh. Kan boruak nen chuan lehkhazir chu peihawm loh tak ani. Hmeh pawh a inhmeh lo. Lehkhabu pawh ka phawrh lo a, phawrh tur pawn min ti chuang bik lo. In be miah lo in reitak chhung chu kan awm.
"Haw ang" tih leh ka ban a kaih a rual a, ka lo dang bik lo a, dan khan awmzia aneilo, library ah awm reng mah ila lehkha kan zir dawn chuang lo.
 


Khawi lamah nge a tlan dawn pawh ka hrelo. Ka mit ka chhing a, a duh duh naah min hruai rawh se. Min tina dawn lo tih ka hrechiang tho a, ka hlau hran lo.
"Mary" ka hming a min koh pah in min sawi det det a, ka lo muhil ani ngei ang. Ka meng a, ka hawikual vel a, kan awm na chu a fal hmel. Hmun nuam tak chu ani phawt mai. Ka chhuak a, ani pawh arawn chhuak ve nghal. Rilru ah vei dang nei lo ila chuan tuna a landan ah hian ka buai leh chung tawh ang. A pian leh a thawmhnaw inrem tak te.

"Thil tih theihna nei ila chuan, ka nunhlui ah khan ka let leh anga, ka tisual nawn tawh lo ang" ati a, thiltih theihna neih a Brenda doormat a chantir ka duh thu ka sawilai kha ka ngaihtuah chhuak a, khanglai hun nawm zia kha, ka star em em a, rilru hah na pawh awm lo, buaithlak khawp in kan thawveng thin a, tunah ka hnaih deuh ah a awm a, rilru hah na tam tak kan nei ve ve thung.

"Tupawn tihsual kan nei thei vek" Michael an ka bula a sawi kha ka sawi veleh chhawng ani. Ka thian kawm nasat ber. Keimah vang in ani pawh a rilru ana maithei. Amah aiin Sir ka thlang zawk a, mitha deuh ala tawn ka beisei.

"Ka tihsual hi ngaihdam theih ani em ka hrelo. Keimah ngei pawh min thawng a, ka hriat tirh phei chuan ka tih hmasak ber tur ka hrelo. Ka hamhaih a, khatianga min thawng tu thil kha ka la tawng ngailo" ati a, ka hrethiam lutuk. Keipawh min thawng anih chuan ani phei chu kei aiin a nasa zawk daih ang.
"Ngaihdam theih loh anilo" ka ti a, ani aia tisual nasa pawh ngaihdam an ni tho alawm. Sir hian hei bak hi tihsual aneih pawh ka la hrelo. Tuna mi pawh hi Jenet khan hrilh nghal sela chuan hetiang hi a thleng kher lo ang. A dinhmun ah ka in dah a, hriatthiamna ka nei leh thin.

"Eng nge nangma ngaihdan?" ka ngaidam thei alawm. Michael pawn a sawi vek kha. Sir anih vangin a perfect thei bik lo. Mihring ani ve tho a.
"Ka thei. Ka ngaidam thei" ka ti a, ka hmazawn ah arawn ding a.
"Ahma ang khan min la duh em? I rilru put hmang kha ala pangai reng em?"
"Aw ka la duh tho che mahse thil dang ka ngaihtuah tel zel" ka sawi awmzia chu a hriatthiam ka ring. Naute kha Jenet in kalbopui lo sela chuan ka duh thu pawh hi ka sawi ngam tawh lo ang. Michael an Jenet in Sir hi a duhtawh lo tih a sawi a, a duhtawh loh chuan keiman lo la duh zel ta ila a pawi angem? Lo inkawp ta ila inthiamlohna ka nei zel angem le? Ka rilru a buai telh telh in ka hria.

"Ka hnen a lokal turin ka nawrlui lo ang che, mahse ka duh che ka tih khan thudik ka sawi" ati a, ka hel reng chhung hian ka tlai hman ang tih ka hlau ve tho si. A hnen ah thlamuang deuh in ka kal ngam lo a, ka hnar phal bawk lo ni ber in ka hria. A bialnu hlui ber in a neih duh loh chuan a nunhlui chu ka theihnghilhsak mai dawn nge a nunhlui vang in ka hnar zawk ang? Ka duh tak tak anih chuan a nihna ang ang in ka pawm tur ani. Ka theilo anih chuan a landan chiah ka duh pawh ani maithei. Mahse mipa tam tak ka lo hriat ve tawh zing ah Sir ang a vei hi ka la nei ngailo. Ka rilru na em em chung pawn Sir chu ka la zui reng tho chu ania.
.
Cont

MY TEACHER-27


"Exam i hmachhawn dawn a, i zirlai ah chiah i rilru pe rih rawh aw. Keimah vang a rilru hrehawm deuh a i awm a ngaih vang in pawi ka ti" ka dar a vuan in chiang deuh in min en a, ka duh thu ka la hrilh veleh lo a, Michael pawh ka be tam lo. Tumah ka be tam lo. Lehkha ka zir ngai lo a, ka ngaihtuahna ka kawm a chuzawng chu ani mai. Tlaiah Sir nen lehkha kan zir dun ngailo a, ban veleh keimah in ka haw thin. Tupawn mak min ti. Ricky phei chuan in entir turin min ti.

"Pawi itih thu sawi reng suh. I duh vang anih bik loh kha. Hun ka la mamawh rih zawk alawm" ka ti a, Sir hi rilru nuam lo deuh a awm tur chuan ka ngai ngam ngai lo reng reng. A rilru hah ka hlau thin.
 

"I mize hlui kha a ngaihawm khawp mai" ati a, kan thil tawn a zir hian mihring hi kan danglam thei aniang. Ka rilru a dam deuh hunah chuan ka la nei let leh maithei asin.

Exam hall a ka luh dawn ah Michael ka hmu a, mahse hla tak atang chiah in ka hmu. Min hmuh ve veleh ka lam pan in arawn tlan a, a hma a kan awmdan kha ngaih chang ka nei thin.
"Tha deuh in ti rawh aw"
"Engmah ka zir lo" ka ti sap a, ka zir loh chhan chu a hre ngei ang.
"Tun lo pawh exam ala awm dawn tho alawm. Tuna iti tha lo anih pawn ila ti tha leh thei. Ka kalsan phawt ang che. Tha deuhin iti dawn nia" ati nawn leh a, a thutna lamah akal a. Ka thiante pathum pawh ka hmu. Min lo enreng a, an rilru ka ti nuam lo rei tawh. Ka nui lui a, Francis leh Sam chuan min nuih let ve, Jenny chuan min enreng ringawt. Ka nui lui tih a hria, ani chuan min hrechiang lutuk.

Paper an sem a, min vengtu tur zing ah Sir pawh a tel ve. Min en ngun bik tih ka hria, ka entawn a hlauh vang ani tawh lo. Min ngaihtuah vang zawk ani tawh. Ziahtur engmah ka hrelo a, ka thureng ringawt. Rei deuh ka thut vang vang hnu ah ziah loh aiah tlem te chu ka ziak ve. Ka submit dawn ah Sir in alo la vat a. A dah hmasa ber ka ni maithei.

"Mary" chhuanlam siam in arawn chhuak ani ngei ang.
"Lehkha i zir theilo mi?" Ziahtur pawh ivan hre zawk atih ka lo ring ania.
"Theilo pawh anilo ka peihlo" ka nui lui hak hak a, a hrethiam vek tho ang. Sir hi chuan min chik peih em a.
"Min lo nghak rawh ka thlah ang che. Lokal rawh cafe ah lo awm rawh" midang zawng exam hall ah an la awm bawk a, school compound ah pawh min kai ngam ve. Cafe ah min luhpui a, ka bengchhen thin na hmun.
"I duh ang lo ei rawh. Ka treat ang che. An zawh fel veleh ka rawn kal ang" ati a, midang an awm tawh awm sia, arawn kal a, kan in zuichhuah chuan thu leng vel atam leh ngawt ang.

Ka rin dan chiah in a zo tawh ho chu an lo lut zeuh zeuh tawh. Hmun dang ah ka lo nghak ang che ti dawn ila phone ka hmang ngam bawk silo. Ka lo awm loh chuan a hrilh hai ka hlau ve tho si. Tihdan tur chu a hre mai tur ah ka ngai.

Ka beisei loh deuh in Michael arawn lut hlawl mai. Sawm pawh ngailo in ka bulah a rawn thu nghal. Min duh tih ka hriat vang hian nuam lo ka ti thin kei lah in Sir chiah ka duh bawk si.
"Inui hmel hmuh a khat hle mai" atih vang in tawi te in ka lo nui a. Ngaihtuah a ngah ve awm tho sia ati lang lo thei zawk khawp mai.
"Nguai deuh in i awm reng mai. Ka duhtawh lo tep tawh che ni" ati uang a,min duhtawh lo tak tak se ka ti.
 

"Sir nen chuan atha zel em?" ka lu ka lo thing ringawt.
"Lo inkawp pawh ni ila ka inthiam lo reng dawn a"
"Ngatinge? Ka ute vang ami? Khalam kha chu ngaihtuah duh suh. Pathian ruat anni lo aniang. I duh hi tunah inei lo anih chuan i inchhir reng zawk ang. Tumah kan tha famkim hleinem. Mihring kan nih chhung chuan tihsual kan nei thei vek. Kan hma lam hun tuman kan hre hleinem. I hlim na kha a tha ber" ati a. Dik pawh ka ti ve tho. Inthiamlohna hi neilo ila chuan Sir nen pawh buaina kan nei tawh lo ang.
"Nang chu i duh ber in a duh ve che a i vannei alawm" ka duhloh vang khan hrehawm chu ati ve ngei ang. Mahse kei ai tha leh fel ala hmu ngei ang.
"Sir chu ka hneh dawn ta lo anih hi" nui chungin ati a.
"I hneh lo tihna ani hleinem. Mi tha zawk i phu lawm. Jenet te chu i ngai thin em?"
"Aw ka ngai ve ve. Class12 ka pass hun ah an bulah ka awm ve ang" ka lo ngai lawk. Min pui thin tu ber ani sia.
"Anni chu in dal tir suh. Hetiang a an awm hian an hlim a, Sir pawh pa anilo tihna ani mai a, hlim deuh in awm leh tawh rawh. Tuna i awmdan hi chu nangmah nen a inhmeh lo" ka chhan hma in Sir alo lut a. Michael zawk a thutna atang in a tho nghal.
"Anih aw Mary" ati a, a rilru chu ana ve ani tih ka lo hmu thiam.

"Kan kal dawn mi?"
"Kal hmasa rawh. Midang in mak deuh in an sawi leh palh ang"
"Gate bulah ka lo awm ang" a chhuah hnu ah reilote ka thu leh a, ka chhuak ve tur chuan ka thiante pathum ka hmu.
"Tunlai hi i diklo" Jenny in ati nghal.
"Ka nau nen movie kan en reithei lutuk a, thawh hma angai leh thin sia ka chau vek"
"I movie en chu a va lungngaihthlak awm thin ve. I hlim loh phah vek na chu" Jenny chuan ati leh kher bawk a.
"Chuvang pawh chu a niang, ka lo ngaihtuah zawm thin a"
"Mi pangai anga awm ve hi tum lo la hetiang hian i lungngai lo ani mai" Sam an a ti ve thung.
"Lut rawh u. Ka haw dawn ka lu ana"
"Sir khan alo nghak dawn che mi?" Francis an ati a, ka thiante hi chuan Sir ka duh tih an hrevek a, Michael min duhpui zawk vek thung.
"Nghak lo ang. Michael rual in ka haw ang" ka thiante dawt ka van hrilh ngun tawh tak.
"Kal rawh. Lehkha izir chuan loh chuan mu hma rawh" Sam an ati a, ka thiante chu ka kalsan a. An ngaih ka ti tha lo reng a ka khawngaih. Insiam that dan ka ngaihtuah vat ang.

"In in ah tunge awm?"
"Ka nau a haw tawh chuan a awm ang. Kanu leh pa te chu office ah an la awm ang. Ngatinge?"
"Ka lo lut ve duh a" ka lo leng dawn tih tawp chu a hreh ani maithei.
"Awle" ka ti a, ka nau chuan hmu mahse school ah a zep dawn sa, ka mualphona tur te chu a duh bik teuh lo mai. Naktuk ah history kan exam dawn lehnghal, lehkha ka zir theilo leh chiang dawn sa bawk a. Sir vang vek anih vang in ka fail pawn min hrethiam thei deuh ang chu.

Ka nau alo la haw lo hlauh "Lo thu rawh" ka ti a, room ah inthlak turin ka luhsan a. Ka intifai a, thawmhnaw ka hak hnu ah ka chhuak a.
"Lehkha izir ngailo mi?"atih chuan ka lo "Aw" vat. Amah vang in ka zir thei lo miau a.
"Exam chhung chuan ka tibuai lo ang che ka tia mahse vawin a i chhan na ka hmuh khan mak ka ti. Khatiang em em kha chu ka beisei vak lo"
"Khatiang zat ziahtur ka hriat kha ka beisek biklo" ka lo ti veleh kher a, a thiamloh ani tih pawm mai mai rawh se. A bulah ka thu a, ka bag atang in lehkhabu ka phawrh a "Hetah pawh hian ka fail ang. Ka hrilh lawk sa che anih chu" ka ti a, a hmai zawn ah lehkhabu ka lek kang a.
"Thiam inei mang lo anih chuan pass na khawp thiam na hun pawh inei tawh chuang lo" ka nui ringawt, a sawi dik chiah a, lo hnial na tur ka hre lo.

"Michael hi iduh em?"
"Ka thian anih hi" ka lo ti vat. Michael nen kan awmdun in a hmel hmuh anuam vak ngailo.
"Thurawn min pe tu ber anih hi. A tlai hma a ka rilru siamfel turin min tia, mihring chuan kan hma hun kan hre si lo a"
"Keichuan ka nawrlui lo che. Hun i mamawh anih ka ring a, i in peih hun chu ka lo nghak thei" rilru siam dan tur vak pawh ka hrelo. Sir pawh ka ring leh telh telh tawh.
"Hlauh ka ngah em a" ka ti ta tawp a, dawt ka sawi pawh ani chuang lo.
"Nakin zel ah buaina a awm zel ang tih ka hlau a, abak ah chuan duhloh na chhan tur che ka neilo. Duh hmasa tu zawk che ka nih kha" ka nei ngei ngei ang ka lo tih thin khan a hnen a ka kal hun alo nghak ran chu ani sia. Kan hma hun kan lo hrelo takzet anih hi.
"Buaina awm tur ang chu a awm a, a zo vek tawh. I hlauh chuan nangmah chiah i in hrem. Buaina ka neih tir tawh lo ang che" ati a, keipawn buaina ka duh lo, a hahthlak emai. Vei em em ka neih loh lai kha alo nuam ber anih hi.
"Hun ka duh rei tawh lo ang" ka ti a, engpawh hi risk ngam alo ngai ve dawn anih hi. A sawi anga buaina dang a awm dawn lo anih chuan hman atanga ka duh ber chu amah chauh hi lawm ala nih. Chance siamsak ve chu a pawina vak tur ka hretawh rih lo.
.
Cont.


MY TEACHER-28


Exam zawh ni chuan chhang tha lem lo mah ila ka thawveng ve huai tho mai. Exam boruak hrim hrim hi chu a ninawm em a, zir ngai chuang lo mah ila zawh vat vat a chakawm tho thin. Siamtuaia leh Michael rawnkal duh ka hmuh chuan ka nui tep. Siamtuai an a ban ah ala vuan tlat zui. Michael chuan puitu tur a duh hmel. Min rawn hmuh veleh ka din na lam ah arawn kalpui a, Siamtuaia pawh nui sang reng mai. Puih dan tur hria ila ka ti khawp mai.
"Mary haw rual ang"
"Sir alo nghak leh tho ang, keimah nen haw rual zawk ang" Siamtuai an alo ti vat vat a, Michael a hmuh loh turin rum deuh deuh in min melh a. Siamtuaia hi chu engtinpawn awm se ka la hlau chhin ngai lo.
"Michael khan a ning che anih kha. Bakah hmeichhia pawh inih loh kha pangai deuh in awm ta che" ka tih chuan a tap pur mai. Michael a a vawnna ka phelh sak a.
"Ka lawm e" atih hnu ah a kalsan nghal a, Sir nen kan haw rual a ring aniang min thlah a tum tawh ngai lo emai.
"Nangmah vang vek Michael-a ruala haw ka duh asin"
"A duh ve hleinem. An nin che chuan an sawisa hrep mai ang che mipa hi ti huam huam suh. An neih ang inei ve"
"Ka neih pawh ila hmu lo" ati duai a, a inhup nghal chawih bawk a.
"Hmulo mah ila ineih ka hria. A danglam bik dawn lo hrim hrim. Dei duai che hian ah. Mahni nihna pawh hrelo" ka ti hrep a, a mittui ala tla zui.
"Sir pawh hi keimah vanga phone number nei inih kha aw, i hnaih theih phah"
"Ka hmang tangkai lo. Ka thatna vang zawk anih hi. A duhzawng ka nih vang" ka hmai bul set ah a hmui arawn ti pawrh a, na deuha a inher hnu ah min kalsan nghal daih. Michael ka pui ve in ka hria, amah char char in min pui sia, ho te ah pawh ka lo pui ve a, nuam ka tih ve deuh phah.

Cafe ah Sir ka lo nghak. Chance chu ka pe ngei a, Robert erawh ka theihnghilh ngai lo. Zawi zawi in Sir pawh ka hnaih leh hret hret tawh a, ka rin theih nan theihtawp a chhuah ve in ka hria. Michael-an min fuih reng bawk. Michael-a tih ang hian ka tive thei kher lo ang. Ka duh deuh in ngaihzawng nei dawn se, a rin theih nan eng fuihna mah ka sawi theih ka ring lo. A lang lo ah hian a tuar nasa viau maithei. Ka ngaihtuah nasat chuan ka inthiam lo thin.

"Ricky heta hi i bialnu" Moses a tawng ka hriat rualin Ricky arawn tlan lut a, min kuah nghal chung chung mai. Min kuah zawh ah ka hmaah thle bar chung in a thu a, anui vur vur reng bawk a.
"Thle reng kher suh"
"Ka delh sual a" ati awlsam et a. Dawt anih ka ring vang in a sam ah ka pawt a, ka kuai vak a "AAHHHHHH" atih tak tuarh tuarh ah chuan ka thlah vat.
"Engatinge?"
"Ka delh sual ka tih chu. Iva mawl ve, ana lutuk, ka nghawng i kuai bung dawn a sin" a hnung lam atangin Francis an arawn kuai dak veleh a. A hma aiin a au nasa zawk.
"A awm ang ang a i dah tawp chuan a dam thei nang"ati a, a kuai nawn leh a. A kuai nawn leh veleh Francis zawk "THLAH RAWH... THLAH NGHAL RAWH, FA NEIH PAWH KA LA DUH VE DAWN, KA NEI THEILO ANG" tiin a au vak vak a, Ricky an a englai nge a khawihsak "MIN THLAH LOH CHUAN KA THLAH DAWN LO. KA HMET KEH VEK ANG" ati ve vak vak tho bawk si. Moses ka en a, a bialnu bulah alo tawng siam siam a, engmah a ngaihsak lo.
"Moses" arawn hawi veleh anui vak vak a, Ricky hnung ah Francis a din vang in ka thutna atang chuan ka hmu ve thei lo.
"Ricky a dingdong kha chu pawhsak suh a thlawn ang" ka hre chiah, ka hmai ka hup a, buaina tam tak ka hmachhawn hnu a a tak tak a ka nuih leh hmasak ber ani maithei. Francis an Ricky a ring delh sual herh ngil a tum a, Ricky a na ti lutuk in Francis-a dingdong a mansak ve thung a. Inthlah hmasak nih an hreh ve ve a, au vak vak chungin an in vuan tawn reng a, Moses an rawn pawt hrang ta tawp a. Ricky chu ahma aiin a thle nasa zawk a, Francis pawh a tlanchhe nghal.
"Ka nu khan mimawl bulah awm suh ati reng a, hetiang delh sual lo in herh dik sak te chu mi pangai in an ngaihtuah lo hrim hrim ang Francis anga mi á lo chuan" ati nang nang a, a nu leh pate hian mo an nei har awm ka lo ti.


:::::::::::::::::::::::::::::::::::::::::::::::::::::::::::::::::::::::::::::::::::

Michael-a class atanga a chhuak chu Richard nen an in tawk a, Siamtuaia lak atanga a kalhran veleh class ah bag la turin a kal a, lehkhabu a zawnkual na lamah a duh aiin alo awm rei ani. Michael zawk chuan kal pelh mai a tum laiin "Ka lawm e" Richard-an atih chuan a ding chawt a.
"Engkim ah ka lawm e" Richard chuan ati nawn leh a.

Michael chu awm lo se Mary nen in pawh deuh in an awm thei tawh kher lo anga, Mary pawh in hma a sawn kher lo ang. A unaunu vang in a hua tih chu a inhria a, Mary a duhna vanga Mary hlim theihna tura engkim a ti chu a fak a, Mary a hlim chuan amah chu hrehawm mahse pawi atilo tih a hriatpui a, Mary a duhna chu a zahsak hle bawk a, lo duh ve kher lo se la chuan Mary bula awm tur chuan Michael hi a duh ber a ring.

"Sir meuh in lawmthu min hrilh na tur in engthil tha nge ka tih le?" Michael chuan nui chung in alo ti a.
"Nangmah vang in Mary ka hnaih lehzual thei tawh a, a mize hlui kha i pelet leh mek bawk a"
"Ka hmeichhe duh ber nangmah vanga a rilru na hmuh kha a hrehawm em a, Mary, ani pawn mawl a intih ve ka ring. Kei aia nang a thlang che hi mawl intih chang a nei ang. Kei chuan a rilru ka ti na ve ngai lo. Sir nangpawn a rilru tihnat sak tawh suh. Vawikhat ilo tisual tawh a, tisual leh tawh suh. I nunhlui a hriatchhuah reng loh nan awmdan i thiam dawn nia"
"Ka lawm e" Richard chuan a ti nawn leh a, a school naupang amah aia kum tak tak a naupang hi tluk lo a inti ru viau thin.
"Mary vang chauh a ti ka nih hi. Jenet leh naute pawh ngaihtuah suh. Ka awm hi. Ka duh naah chuan ka rintlak ania. Engkim hi Mary vang in ka ti. Mary vang khan a hlimna turin ka theih ang ang chu ka ti vek a mahse hnehna ka chang ta chuang lo a, tun ah chuan ka tlawm zawk tih ka pawm mai ang. Mary rilru na a isiam leh anih chuan hetiang hian ka inhnukdawk tawh biklo ang" ati a, Richard dar a a vawn hnu ah tawi te in anui a, a kalsan zui nghal a.

Richard pawh office ah insiamfel vel turin a kal a, Michael chu a ring tawk. A puitling tih a hria a, tluk lohna tam tak nei a inti bawk. An hmeichhe duh a in ang kher kher chu pawi ati a, Michael chu khawngaih mahse Mary chu a pe phal bik lo. Chuvang chuan a theihtawp chhuah ve zel pawh a tum a ni.

::::::::::::::::::::::::::::::::::::::::::::::::::::::::::::::::::::::::::::::::::::

"Kan inkawm khat e Mary"
"Ni e" tiin Jenny chu ka lo chhang vat a, ka bulah arawn thu a, kan hma a Ricky thu chu a ngaihsak lo lui tlat.
"Nizan ka muhil hma ka tih kha. Min hmulo der kher suh. Ka mut hma vang anih hi ka ngawng pawh a sawih vek hi" Ricky an atih chuan "Enge awmzi?"ka lo ti hu a.
"Nizan ah tih dun tur engemaw in siam ami?"
"Kan inkawm khat ka tih tawh kha" Jenny chuan ati leh a. An pahnih inkar ah hian thil thleng a awm ami?
"In in be thin ami?"ka ti leh a. Jenny zawk a ngawih tlat laiin Ricky an "Jenny hian ka khabe ruh nghet tawh lo thleng hian a hmangaih, tuna ka awmdan te hi nalh ati" ati zung zung a.
"Aman min lo be hmasa lawm, ka reply duh loh pawn min ve lui reng a, ka nin theih zia chu"
"A tir ah min ning a, tunah chuan min duh tawh" Ricky-a intithei hmel chu a hmuhnawm zawk.
"Ka nin vang che anih kha. Duhloh theihloh pawh inih loh kha"
"Ka hmelthat vang ami?" Jenny a hawisan hmak a, Ricky chu amah in a nui reng a, thildanga ka lo buai chhung khan thil thleng alo tam hman awm hle mai.

"Sir a lokal" Jenny hawina lam ka en ve nghal. A rawn lut a, kan class chiah kan awm chu a vanneihthlak. Moses bialnu a awm ve tak e, class dang awmchhun.
"Sir lo thu ve rawh" Ricky an inti bengvar tak in alo ti a, Jenny chu Ricky bulah a insan "Hetah hian thu rawh" ati a, ka bula thutna awm a kawh hmuh a. Sir pawn alo hnial lem lo. A rawn thut veleh midang hmuh loh in ka malchung a ka kut dah arawn vuan a, ka thin a phu dawt dawt theiin ka hria.
"Ricky ngatinge?"
"Ka nghawng bawk hi mi? Nizan ah ka delh sual a" alo ti vat a.
"Ana em?"
"Na e. Francis leh Mary ten min kuai vak vak lehnghal"
"Mary a tel ve maw?" Sir chuan ati a, "A harh veleh peih tawh mi?"atih zawm leh a.
"Aw, a inlak cool lai kha i hreve mi? Sir" Ricky chuan ati a, Sir nen hian a rin aiin kan inhrechiang tawh dawn sia, engmah a hrethiam lo.
"Aw hria e"
"In entir rawh ka ti lawm. Atir chuan ka hlau deuh reuh. Ice cream alo ei over amaw te ka tia" Sir pawh alo nui ve vur vur a, ka kut ala vuan reng chu ka awmthiam lo. Midang in an lo hmuh ka hlau bawk sia.
"Thil i ei tawh em?"atih chuan ka lu ka lo thing a, Ricky vang in thil ei nachang pawh ka lo hre hleinem.
"Exam zawh ni ani sia ka treat ang che u"
"MIN TREAT DAWN MAW? SIR" Ricky leh Jenny an au tuarh a, ari rum rum a, Francis leh Sam te an rawn in hnawh ve nghal. Midang pawn rawnkal an chak mahse an leng tawh lo.
"In panga hian ni mai" ati a, Francis leh Sam eitur la turin an in pe nghal a, Sir in pawisa a pek chuan an kal phur lutuk. Ka thiante ho hi chuan Sir nen a kan chungchang hi an hriat ka ring. Ka zah an hlau a min zawt chiang lo mai mai in ka hria.

Eitur chu an lei hmasak apiang an rawn dah zel a, a thlawn a eitur anih chuan an phur surh surh khawp mai. Sir bulah Sam arawn thut vang in Sir nen chuan kan in hnaih lehzual a, Jenny in min lo en zeuh zeuh thin bawk. Ricky chuan a thil eilai bak a ngaihtuah tawh vak lo.
"In ti tha hlawm em?"
"Kan fail mawi leh hlawm ang chu aw" Francis an ati a, Sir a awm tih a hrechhuak leh aniang.
"Sir keichu i subject hi nuam ka ti ber. Subject dang ah chuan kan muthlu vek zel. Tunah pawh khan pass ka tum lutuk mahse kan tih dawn zan khan damlo ang hian ka awm a ka zirthei lo a" ati a, Sir pawh a nui tawp. Peh hel deuh in a fail dawn tih hrilh a tum aniang.
"In pass vek chuan kan picnic ang kan ti sia, kan van picnic thei awm lo ve"
"Picnic tho ila, exam leh huna kan pass theih nan intih hlim te pawh a chakawm a" Sam an ati a, keipawh ka chak ve tho.
"Class kan neih leh hunah midangte nen pawh kan la sawi tha dawn nia" ati a, "Tui ka cheng nasa ang chu aw" Francis an ati nghal.
"Keipawh. Anuam viau ang" Sam an atih laiin Ricky an "Keichu tuichhung ah Jenny ka umkual vel anga" alo ti bawk a. Sir tan pawh picnic lo ang u atih chi tawh loh e.
"Jenny tuichhung ah infawp vel ang aw. Romantic dawn e tiraw?" Sir thutna lam ka hawi lai tak anih vang in Sir chu ka thil in lai ka phuh a, ka khuh zui vak vak a, Ricky vang. Sir chuan ka kut lo vawn pah in ka hnung a chul a, ka zia deuh hnu a ka hawichhuah chuan ka thiante lo nui thaw chiah ka hmu.
"I tha em?" Sir in atih chuan ka lo bu nghat a, ka tha mahse ka zak. A kawr hak lai a huh phung mai.
"Tui in la" ati a, a tui min pek chu hmalam hawi zawng in ka in tawh. Sir pawh a inhru fai mawlh mawlh mai.
"Ka tum lawk pawh anilo nia"
"Min phuh chak ve hrim hrim aniang" ati uang a "Dikchiah tiraw Sir, a ngei deuh che niang. Sir chu ni ila ka thinrim hrim hrim" Francis an alo ti a, a fail dawn sia, picnic a duh tho sia, Sir a tlawn vel aniang.
"Helai pawh hi a huh lawm Sir" tih pahin Sir chu alo hrufai ve vel. Keini a thian te hi chuan a rilru kan hrevek. Sir chu min enreng chung in a nui vur vur a, engtinpawn awm se a hmel hi chu a tha em em reng mai ni.
.
CONT. 

MY TEACHER-29

"Michael" ka lam arawn hawi chuan ka lo tum nghal bur mai.
"Engtinge i pass vek theih?"
"Ka mimal nun leh zirlai ka thliar hrang thiam a" a hnung ah na deuh in ka beng a, ka kut pawh a thip vung vung thei.
"Rilru hahna kan neih chuan nakin ah ala reh leh mai dawn tih a hriat sa vek a, kan zirlai a kan tihchhiat chuan damchhung a nghawng tawh" ala ti talh tho a. Ka zir lo bawk a, ka pass lo chiang khawp mai. Ka thiante pawh an pass chuang lo anni chu rilru hah na an nei ve lo lehnghal.
"Ka nih tum ka thlak a, teacher ka ni ve ang"
"Ngati nge?"
"A chhan chu ihre duh tak tak em?"
"Min hrilh mai mai rawh" ka dar ah a kut arawn dah a, min kuah khat ta khawp mai.
"Nangmah ang ka la hmu veleh maithei a" hrehawm ka tih rual in ka nuih pawh a za tho.
"Keimah ang chu keimah chiah ka awm"
"Ka school naupangte ah nangmah ang ka zawng ang a, ka hmuh veleh ka duh tih ka hrilh nghal anga, nang aiin ka duat bawk anga" ati a, kei aia duat anei lo ang. A duat pawn keimah min duat dan nen a in ang reng ang.
"Tak tak in Mary ka lawmpui che u. Hlim zel rawh u. Anuam vek tur ah ilo ngai ange, harsatna neuh neuh chu a awm ve reng. Harsatna tawk theilo kan awm lo a, i intih pachan ve angai dawn nia. Sir hian a duh tak tak che tih ka hria. Ka en dan chiah in a en ve thin che. Sir bula i awm chuan ka ngaihtuah lo che. Mahse in in then hun ah min lo hrilh rawh, ka nuih chak che" ka ben leh hma in a awmsan hman daih. A nui hmel chu ala hmuhnawm reng tho. Ka thian hi a hlim in ka hria a, keipawh ka hlim ve ang. Nakin ah chuan keimah ang nei suh se kei aia tha zawk nei rawh se. Chu chu a phu zawk. Keimah ang mai mai tan chuan a uihawm lutuk.

"Mary nizan ka mumang ah---"
"A ninawm Ricky"
"Pasal ilo nei a" ati leh hram a, a nghawng pawh ala damtha lo ania, a tawng hnem ber reng tho. Jenny hian a englai nge alo duh ve pawh ka hrelo e ah.
"Ricky nagpawh nizan ka mumang ah hnim ilo pet char char a" Francis an atih chuan "Nia hnim kha Jenny maw ka tia" alo ti vat mai. Jenny ka en a, tukverh ah a dakchhuak daih ka khawngaih lutuk. Ricky lah chu a chhan na vang khan a intithei ropui mai si. Mawl deuhin ngaihzawng neihna chang a hreve anih chu. Keipawh chutiang chuan min lo sawi ve tho maithei.

Sir lo lut pawh a hmel hmuh a nuam tawh. Ahma ang khan pangai takin a nui veleh thei tawh a, a nui lui tawh bik lo. Dawhkan ah paper a dah a, min enkual hmasa te te a "Sir paper isem hma in picnic chu sawi phawt ang u" arawn ti hlauh a.
"Nia" an lo ti dual mai.
"Kan picnic dawn tih in tiam hmasa phawt la isem chauh dawn nia" Sam an alo ti ve leh a.
"In pass vek chuan ka tia"
"Exam leh hun ah kan pass vek tawh ang"
"Hey Ricky kan tih theihloh tur sawi suh" Ms an atih veleh Ricky an "Thutiam chu a bawhchhiat theih" ati leh zel a. Sir pawh anmahni en chung in a nui tawp.
"In in puang nghal vek a, picnic pui cheu pawh ni ila in pass leh duh dawn chuang lo tihna nia"
"Kan tum hrim hrim ang" Francis bawk in ati leh. Picnic chu an lo van chak awm hlawm em em.
"Khawnge kan picnic ang?"
"YESSSSS"
"Yes ah maw?" an nui ri hak a, Michael pawh alo nui ve reng mai.
"A hmun chu atam lutuk"
"Kan picnic ang pawh ka la ti silo a, in lo Yes vak a"
"Sir tunah hian picnic naa ka hak tur lei turin ka nu a bazar mek" Francis an ati a, over fal leh tawh.
"Mary" tih pah in min rawn en a, engmah min zawt suh "Eng nge i ngaihdan? Nang class a thuneitu deuh" tiin min fiam a, min be duh tho sia, inthup a duh bawk si niang.
"Vote la mai rawh" ka lo ti a.
"Awle. Tunge picnic duh lo zawng?"an ngaithla sual aniang an phar dual mai mahse an la thla leh rang lutuk.
"Kan duh vek" an ti luai luai a, Siamtuai an "Sir picnic ngei ngei ang u. Lingerie nalh tawk ka nei"
"Nalh leh nalh loh anilo Siamtuai inhmeh angai" Sam an arawn tih chuan a tum nghal hur mai.
"Kan picnic chuan hmeichhe ho ai pawn inalh dawn ni maw?"tiin Sir in tih hlim dan a ngaihtuah a, Siamtuaia tahbelh zia a hreve tawh a, a hlauthawng ve tho aniang.
"Nalh dawn e, Sir thla la dun ang aw" Sir chuan alo aw duh miah lo mahse a nui tho a, Siamtuaia chuan aw a tih naah alo ngai tho ang.
"Awle kan picnic dawn sia, Siama chhiatloh a tum sia" Siamtuaia nuih nasat zia chu pui tak ani. A hapui tawp thleng in a lang thei vek.
"Engtik hun ah?"
"Harsatna dang a awm loh chuan saturday kan tum dawn nia" dawhkan beng ri chu hlauhawm khawp in a ring.

::::::::::::::::::::::::::::::::::::::::::::::::::::::::::::::::::::::::::::::::::::

"In paper hi" class chhung a reh nghal vek vang in a hawichhuak leh phawt a, amah hmulo der tu an lo tam leh tawh zawk a. Mary kun tlat a hmuh chuan nuam lo tihna ala nei, test ah pawh a pass ve reng thei tawh a, lehkha zir pawh ahma aiin a phur tawh, rilru hah deuha a siam vanga fail ah angai a, amah zawk a indem a, Mary chu dem na aneilo.

Michael an mark a hmuh san ber vang in a lawm ru em em tho a, he naupang hian thil tha ber ber a phu ani ati rilru thin. Paper chu an dawhkan ah theuh a dahkual a, a fail te ka atanga ka rin aiin tih dik ka ngah tih a hriat te chuan a hnual ve rawih in a hria. Teacher ani chu hahthlak tih chang a ngah thin. Mary chuan a paper a hmuh rualin a hmet hlawm nghal nawk nawk a, chu chu Richard tan pawh hmuh nuam ani chuang lo. Mi alo zirtir ve nual tawh a, tuna a awmna class anga thiam lo hi ala zirtir ngailo. An ngaihtuah lo lutuk ber hi tihvak ngaihna a hrelo a, an class ho lo awm ho rei tawh leh in ngamtlak lutuk tawh vang pawh ani maithei, zir loh an intihhmuh anih te a ring thin.
"Kar khat ah vawi hnih test in nei tawh ang. Hmasawn na ka hmuh loh chuan ka ti tam zel anga, a fail tan punishment a awm ngei ngei tawh bawk ang" an huphurh hmel a hmuh chuan a nui suk a, exam leh a pass tir vek chu a thil tum thar ani. Subject dang ah an pass lo anih pawn a subject ah tal chuan pass tir vek a tum. Chutiang tur a teacher nih thlang pawh chu ani. Naupang thiamlo hmasawn tir zel tur in. A class te an ni a, ani chuan a duhsak vek a, an thatna tur a duh a, hetianga an awm chuan an hma hun a thim tih a ngaihtuah thleng vek. Thawveng viau mahse puitu an mamawh tih a hmu thei a ni.

"Saturday ah kan picnic anga, picnic zawh atang chuan test kan nei reng tawh ang. Vawikhat in pass chuan pass zawm zel in chak tawh ang. Tun tum ah khan Michael hian ati tha ber a, ka lawmpui che" Michael chuan uang deuh in a paper a lek kual a, Michael-a nui hmel a hmuh chuan Richard pawh alo nui ve a, hmalam pan vat turin a duh ani.

"Kan picnic dawn anih chuan tumah kal loh awih loh kan ti dawn nia. Picnic zawh atang in kan zir nasa dawn sia. Kal vek ngei ngei tur" bell a rik avang in a chhuak a, "Sir" Michael-a aw a hriat chuan a ding chawt a, a hawilet vat a.
"Saturday kha ka lokal thei dawn lo a"
"Mary vang ani em?"
"A nihna chen a awm tho. Ka lokal ve chuan i bula awm nuamlo atih phah ang mahse chumi ringawt chu anilo. Ka thianpa lo haw ni ania, amah hmuak turin min beisei a. Kal theih loh chhan pahnih ka nei anih chu"
"Awle. Ka lo hria ang. Mark hmusang ber inih vangin ka lawmpui che" ati a, Michael chu a kalsan a.

:::::::::::::::::::::::::::::::::::::::::::::::::::::::::::::::::::::::::::::::::::


Ban veleh library ah ka kal ve tawp. Lehkhazir kan la sawi leh lo a, mahse ka kal tho. Nidang aiin Sir alokal har. Kan sawi leh loh vang in a hrelo anga a haw amaw ka ti rum rum a, min hawsan ka ring silo a.
"Cafe ah ka en hmasa che a" ka hma a arawn thu dawn maw ka tih laiin ka bulah a thu. Ka hawikual nghal. Midang in min hmuh ka hlau. Sir hi keimah vang in a bang daih palh ang tih ka hlau bawk.
"Vawin ah kan zir hman silo a, naktuk a kan zirtur lo en lawk mai ang. Iva chauh hmel ve. I mark hmuh kha i lawm lo ami?"
"Ka mark hmuh zat ka hrelo. Ka en lo hrim hrim. A sen ka hmuh rual khan ka paih daih. Engzat pawh hmu ila vui thei chu ka nilo alawm"
"Exam leh hun chuan in pass vek tawh ang"
"Ka beisei" ka lo ti ringawt a. Ka bula a awm hian ka zam tlat zel. A chhan sawitur pawh ka hrelo. Ka duh lutuk vang pawh ani maithei. Ka zah ve deuh aniang.
"Saturday ah ka rualin ikal duh em?"
"Midang in lo hrethiam ta se"
"Sawidarh lo turin i vau tawh mai ang chu. Tupawn an hlau che lawm" nui chung in ati a.
"Insual chu ka duh tawh kher lo"
"An hriatthiam loh nan iduh leh i thiante i sawm ve anga" ati a, Jenny chu Ricky ruala akal ka ring a.
"Sam leh Francis ni mai. Siamtuaia nen" lo buk nghat pah in min en a "Siama chu anu in a thlah lo maw?"
"I rualin kan kal dawn tih ka hrilh anga anu thlah a duh teuh lo. Francis a awm ve dawn chuan"
"A star ami?"
"Aw star thin"
"Mak thin ve, anih leh nang tunge i star thin?" tih pah in anui a. Amah ka sawi dawn amaw ati hrim hrim.
"Ka star thin chu alo lut tawh lo. Class11 thleng chiah alo lut a" a inrin tehreng nen a hming ka sawilo chu mak atih hmel lutuk.
"Class12 ah lo la lut zel ta sse---"
"Kan in ngaizawng tawh ang. Amah pawn min duh ve a" school ah chuan awm lo ila ka hlau viau ang. School chhung anih chuan engtinmah min ti ngam chuang lo. Ka kut a hmer thin aia na in a hmer anga ani mai. Mahse ka rin loh deuh in ka hmui arawn fawp zeuh. Ka sa chhuak nghal vek. Vawikhat min fawhna ania, ka awmdan pawh ka sawithiam lo. Ahma chuan ka biang ah te a fawp a, ka hmui a a fawhna hmun berkher lah hi library ania, Sir ala ni lehnghal. Sir zawkin dan a bawhchhia.

A aw a thian kharh a, ka mit zawn ah a kut a vei lauh lauh bawk a, ka lo benthlak sak.
"Ti tawh miah suh"
"Eng maw?"ka sawi zak tawh. Ka nep sawt zia hi. Ani pawn ka sawitum hrevek chung in a hrelo der tih ka hremai.
"I hriatloh pawn a pawiloh chu"
"Keipawn i hriat loh ka hrilh ziah che a, tih tawh loh tur itih chu ka hrelo a"
"Tihtawh loh tur tih lem ah library ah hian"
"Chu chu eng nge" ka hawisan daih. A nui ri ringawt pawh chuan ka thin a ti rim tep mahse a rim tak tak rei leh chuang lo maithei.
"Zir tawh ang" zah zel ah ka ti a, lehkhabu ka pe a.
"Naktuk Friday ania, Saturday i picnic ve duh dawn bawk anga, Friday leh Monday a kan zir kha Tuesday ah kan test anga, a tam thei ang ber in test chuan in thiam em em ang. Punishment a awm pheichuan, khami hlauh vanga zir duh pawh i awm dawn a" ka chhan leh hma in.
"Tuesday test chu peihawm loh. Karkhat a vawi hnih test phei chu i peihlo ve em?"tih ri kan hria a, hlauhthawn na in ka khat nghal.
"Peihlo. Fail chi ani dawn lo lehnghal, ka huphurh e Sam keichu" ka thaw huai mai. Mahse ka ngei tho tho. Francis leh Sam an ni chiang lutuk. An tawng rikna lamah Sir nen kan kal a, chair in rem chhawng teuh awm na bulah newspaper in an lo inkhuh a. Am test tur peihlo lutuk in kan awm ve tih leh an biru ani tih an theihnghilh leh tawh aniang. Sir in an in khuhna chu a la a, an phu nasa lutuk chu nuihzathlak zawk. An ti ti tui lutuk a kan pen ri pawh an hrelo. A rilru chak zawk sam chuan "Surprise" ati a, Francis a hlau chu Sam-a au ri ah pawh ala phu.
(Hei bak chu zan in ah ka dah theilo ang aw)
.
Cont



MY TEACHER-30


Kan in bulah kei leh Siamtuai-a, Francis leh Sam ten Sir kan lo nghak a. Francis leh Sam te chuan Sir an la hmu hreh reng. Keichu min chhaih ziah thung.
"In tawng ka ngaihthlak atang khan in ngaizawng ho in enge an sawi thin ka hrechiah" Sam an ati tha leh tawh. Siamtuaia alo nui har har reng a, Francis a kai tlat bawk.
"Alo thleng e" Sam an ati zo chiah chu kan din na bulah arawn ding a, ka luhna tur a hma lam chu arawn hawng nghal. Midang a hnung ah an thu a "Sam hi a ninawm, a hnawk" Siamtuai an ati reng a, Francis chu a ngawi reng. Milim ang chiah nimai. Chet pawh a che tha ngam lo.
"Sam suprise aw" Sir in atih chuan "Sawitwh suh" alo ti vat a. Library atanga an tlanchhe chhuak lai kha ka mitthla ah la awm reng mai.
"Sir ka chhelo dawn tak tak ania aw" Siamtuai an ati veleh a, a hmel ka en peih lo.
"Nangber i chhiatloh loh ten"
"Francis hi tuman min laksak tum suh ang cheu. Uiii.. Francis i hmelthat dan zia hi, ka duh zia che hi i hria em?" Sir ka en a, a dang lap thei in ka hria. A ner leh suk thin. Keini chuan class8 kan nih lai atangin hetianga atih hi kan hre tawh a, Sam nen chuan mak pawh kan ti tawh lo.

Kan picnic na hmun tur kan thlen pawn Siamtuaia chuan Francis ala kai char char. Alo hmu apiang in an lo chhaih a, a intithei zawk mah mah.
"Ka kai ve chak che" Sir chuan zawi te in ati sup a, in thup ngai hi ninawm ka tih zawng tak. Min kal khalh tu an lo tam bawk a, a ri luih luih tawh. Sir in a ko khawm a, Michael ka hmu miah lo. Kal vek tur an ti khan ka hre sia. Sir chuan awm dan tur vel a sawi a, an ngaithla mang pawn ka hrelo.

Jenny nen chuan eitur siam kan duh zawk kan tia, kan pahnih pawn kan ti thei kan tih vang in hmeichhe dang ho chu an lo lawm nasa mai. Eitur leina tur chu kan thawh khawm ve a. Kan siam na tur hmun ah Jenny nen kan kal nghal daih. Jenny chu mak an ti lo a, infiam aia rawngbawl ka thlang chu tupawn mak an ti vek.
"Ricky bulah ka awm duh lo. Ka zak ngun lutuk dawn" Jenny in ati a, ka hrethiam. Keipawh ka awm duh lo ang.

Sir leh Ricky leh Sam an lokal ve a.
"Helai hi a reh a anuam zawk" Sir in atih laiin Ricky chuan "Tuicheng ve ang Jenny" ati tlat a. Jenny chhan na pawh nghak lo in a pawt dawr dawr mai.
"Ka lo pui mai ang che" Sir chuan ati a, Sam pawh a awm ve reng. Sir nen a kan awmdun hi hmuhnawm ati hrim hrim. A kalsan duh teuh lo mai.
"Ava hahthlak ve. Francis hian tui chen a duh lo tlat a" Siamtuai an arawn ti lang lang a.
"Francis kha kai reng tawh suh. Hrehawm ati ve nga sin" lo ti ve mah ila awmzia awm chuang lo. A kai lui tlat tho. Pawn ah an thu a, inchhung ah eitur ka siam a, Sir a awm ve bawk.
"Midang ho kha i enkual reng loh chuan buaina an tawk ang"
"Kan buai ve dawn hleinem" min awm hnaih veleh ka kalsan daih zel. Pawn a awm ho kha min enthla duh tur vek an nia, min chhaih leh na turin ka awm peih lo.

"Ava nuam tak" pawn atanga Siamtuaia tawng ri chu kan la hre pha. Nuam hi ati em ani.
"Francis chu Siama vangin a infiam ve thei dawn lo nimaw"
"Theilo ang. Siamtuaia te chu hlauhawm em. A manbeh tawh chu a chhuah mai mai lo"
"Keipawn ka chhuah tawh lo ang che" arawn thawh tirh atang khan ka pasal turin ka rilru in ka lo hual daih tawh mahse ka hrilh dawn lo.
"Pasal ka neih duh hunah chuan i upa tawh awm"
"Kan innei vat dawn sia upa hman lo ang"
"Ka nei vat dawn reng reng lo che" a tum bur a, cute pawh ka tilo.
"Kum engzah inih hun ah nge pasal i neih duh?"
"Kum30 ka pelh hun ah chiah"
"Iti der ka hrevek"
"Jenny zawt rawh. Kum30 pelh hnu ah chauh pasal ka nei duh tih a hrevek"
"Anih chuan kan innei thei dawn lo anih hi" thutak deuhin a ti a, min duh tak tak se chu min nghak awm emai. Ka ti tak tak pawh anilo, ka fiah ve deuh aniang.
"Kan innei lo anga nimai a, kum30 hnu ah chiah ka duh"
"Kum30 ipelh hnu chauh a iduh chuan inneih loh chu ka pawiti lo" alo ti veleh zel tho. Chutiang em em ka duh bik a ring a manle?
"Ka uang ka test che nih kha. Min nghak theilo a min duh tak tak lo tihna ani mai"
"I ti tak tak lo tih ka hria a, ka ti hlauthawng ve che nih kha" ati leh daih.
"Min neih dawn chuan class12 hi ka pass kher peihlo" anui vur vur a, a awihlo nge ka tum hniam ati zawk pawh ka hrelo.
"Anih chuan tunah in nei ila, class12 i pass hma in kan innei ni mai lawm" a fiamthu tih hre mah ila ka duh chuang lo. Tun ang lek kum a mi in a awm ka peih teuh lo mai. Thawh hma ngaih naah phei chuan ka awm dawn lo.

Ka tui chhuan ka en laiin ka hnung atang in min rawn kuah a, ka inrin loh vang aniang ka phu nasa lutuk, a nuihza zawk ah ka tang lehnghal.
"Class12 hi pass vat la ka ti. I pass hnu ah chuan inthup angai tawh lo anga"
"A bialnu saw a student hlui ania an ti tho ang"
"A nupui an ti zawk ag bialnu ni lo in"
"Ka nei vat dawn lo che" ka la ti tho. Neih vat ka tum lo tak tak alawm.
"Thil siam ithiam hi amak e. I mize en ringawt chuan i thiam loh hmel. I peih loh hrim hrim hmel"
"Peih lai ka nei. Ka thiam ringawt a ka siam tui thiam lo" min kuahna atangin ka in la hrang a, ka thilsiam tur dahkhawm chu a en hrek hrek mai. Tuilo deuh ei chu a huphurh tih ka hre mai.
"Ka lo siam zawk dawn mi? Lo awm mai mai rawh i chau ang" ti mahse "Angai lo" ka ti tlat. Atir ah kan sawifel vek tawh. Midang bulah ka awm peih lo. Huh deuh hnuang in Jenny a rawn lut a, a thinrim tih ka lo hre nghal. A sawiduh hma chuan a chhan a zawh chi loh. Thutna awl pakhat ah a thu chawrh a.
"Ka lo tihpui ve ang che" Sir chuan ati leh a, Jenny chu lo biak chi niin a hrelo ve aniang.
"Angai lo ka ti thei ka tih kha" vin takin ka ti a, a tawlh dawrh mai. Ka hrilh tawh reng sia ka ning tawh. Jenny nui ri ka hria chu mak ka ti zawk. A thinrim laklawh chuan tih lungawi leh mai a har thin sia.
"Sir in inneih hunah ila ngam lo dawn e" alo ti a.
"Ka ngam lai hian ka hau reng mai ang. Monday tang chuan class apiang ah ka hrem tawh ang che" mn ti ve mahse ka hlau chuang lo. Min hrem phal lo tih ka hrechiang emai.

"Khawnge Jenny" Ricky tawng ri a hriat rualin Jenny chu Sir hnung ah a biru nghal, "E.. Heta hi a awm" Ricky alo lut a, Jenny chuan Sir a kuah bet tlat rawh. Midang chu nise an chak lo ang, ka thiannu chuan min chuhpui dawn lo tih ka hrechiang a.
"Enge awmzia?" Sir chuan ati a, keipawn ka hrechiang chak khawp mai.
"Tuichhunga min fawh talh atum anih kha. Tuichen pawh ka thiam lo a, tui ah ka lu ka hnim phum ngam hleinem" Jenny chuan ati a, keichu ka nui vak vak a, Sir pawh a nuih a za mahse a nui ri ngam ve lo. Ka thiante an nih vang in ka vengthawng lo ve ve.
"Ahma pawn ka sawilawk kha"
"Sawilawk mah la ka duh hleinem. Inthen ang ka ning" Sir chu a mangan hmel tawh. An inthen dawn lo tih ka hrechiang a buaupui vak an ngaih pawh ka hrelo. Jenny chuan a thinrim laiin hetiang hian a sawi ziah a, a ti tak tak ngai lo.
"Hmmm... Inthen te chu
naupangchhia e" Ricky an ati nang nang a, "Dikchiah inthen loh tur Jenny. Inthen hi sawi mai mai loh tur" Sir chuan alo ti ve vat a, lam tang a nei chu Ricky pawh a lawm hmel vur vur khawp mai "Ricky nangpawn a duhlo chung chu tilui lo la, hmeichhia zawk ania, hriatthiamna ineih hram hram a ngai ve tho" ati bawk a, an inthen chu ngatinge alo hlauh ve vak le, inthen mahse keichu ka lo na lo e. Bakah Ricky te ang mawl lutuk chu Jenny tan ka duhlo, ala rethei ang tih te ka hlau.

"Pawn ah va awm ve rawh. Mary rawng ka bawlpui dawn" Jenny in ati a.
"I mawl lutuk thil i hrethiam lo emai" tih pahin Sir nen min en tawn zak zak a, a sawitum chu ka hrevek tho. Sir nen kan pahnih chauh a kan awmdun duh a ring aniang. Jenny chuan a hnen a kal a hreh tawh lutuk nge ala chesawn duh chuang lo.
"Tha mawl-i hi ah" tia phun hluk chung in Ricky a chhuak a, Jenny pawn Sir a thlah ve nghal a, ka lo thaw huai mai. Ka thik vang ni lo in Sir tan a hrehawm ka hlau. Sir chu ka din na bulah alokal nghal a, man beh chu alo ning viau anih dawn hi..
"Khapa kha ka ning"
"Ricky an keiman ka ngai vaklo amah hian min ngai zawk a, ka tello in a awm theilo atih kha" tiin Sir a uang a, keipawn mak ka ti hial zawk, min la kuah zui. Jenny awm ve vang in a ban dahsan tir ka tum a, awmzia pawh awm chuang lo. Kan picnic ve chu ka nidang a kan picnic aiin ka zia a zawi mahse nidang aiin ka hlim zawk maithei. Nidang ah chuan ka thawveng mawl tawp a, tunah chuan ka mipa duh nen awmdun na hun a awm sia. He picnic hi chu ka theihnghilh thei tawh lo ang. Sir hi ka mipa duhthusam ani a, ka neih theih pawh a ka rin ngailoh a ni. Ka duhtak takmeuh ka neih avang in ka tan pawh a hlu lehzual ani.

Tlai ah a chau apiang kan awm na ah an lokal a, a ri nuaih nuaih a, a ninawm leh tawh. Sir pawh ka bulah la awm tho mahse a hma ang in kan in hnaih lutuk tawh lo. Arawn lut thenkhat chu an nui deuh reuh zel in ka hria. An hre ru anih loh pawn min ringhlel aniang. Sawichhuak ngam an awm chu ka ring chuang lo min hlau ve thin sia. Inthlahrung miah lo in kan thilsiam sa an rawn ei a, in dil mawi ve pawh awm lo. Anmahni in an remchhuak a, an suak a an ei mawp mawp ringawt. Kan class chu khatianga indil vel kha a awm ve vak ngailo.
"I riltam em?" Sir in atih chuan ka lu ka thing a, a siamtu nih chuan ei a peihawm loh lehzual.
"Siamtuai i bialpa ban kha i pawt bung mai ange, i vuan nileng sia" an ti sup sup a, Francis chu thidang mai thei hmel a pu tawh. Picnic a chak vei nen khawngaihthlak.
"Nuam kan tih dun zia" alo ti duh lek a, Francis chuan a ban laksan a tum thin awmzia a awm lo viau zel. Tuai kut han thlak ringawt chu a hreh ve deuh bawk si anih ka ring.
"Class12 in nih chhunga in in tih hlimna hnuhnung ber tur anih hi"
"Sir khatiang kha sawi suh" Sir alo nui vak a, school kal leh hun atang chuan lehkha min zirtir nasat a tum tawh si. Francis phei chu atan class12 a boring tluan thak tawh dawn nih hi. A hlim ve na tur ber ah Siamtuaia vang in a hlim leh si lo a, keipawh midang bulah intihlim ve kher lo mah ila Sir bulah ka awm char char thei a, nuam ka ti hrim hrim. Ahma ang khan ka en leh thei tan mek tawh in ka hria. Buaina dang in min chim tawh loh ka beisei. Hlim ve ka duh leh tawh.
"Keichu eitur tui deuh deuh in siam ai hian Francis hi tui hmel ka ti zawk. Ei vek mai ka duh" Siamtuai an ati lang lang a, Francis chu a thi tak tak tep tawh ang. Sir ka en zeuh a, a bula awm reng tura min duh chuan min ei ve duh em lo ang chu.
.
Cont (My Teacher a tawp lam kan hnaih tawh a in ring ru😉😉)



MY TEACHER-31


"Naktuk ah in test dawn kha aw" ka zir ve vang in test mah ila pawi ka tilo. Ka pass loh chuan langsar deuh a min kawp tur thu asawi a, chu chu ka duh bik lo. Kan test dawn tih a sawi lai chuan min en bik in ka hria. Ka zir a ring leh vaklo niang. Ka zir loh pawn zir ang a awm leh zeuh ka hrat sia. Zir lo ang deuh in ka awm anga a rin loh deuh in kan pass daih teh ang.
"In zir nasa em?" Sunday ah kan inhmu lo a, saturday kan picnic haw min thlah in zirtur in min tia, phone atanga kan inbiak pawh in a dah dawn ah zirtur in min ti leh a, ka zir dawn lo ka lo ti zel a, a rukin ka zir daih.
"Aih" ka ti a, keimah chiah in ka chhang. Midang zir miah lo ka hre teuh. An chhang ngam lo aniang. An tih thinrim an hlau pawh ani maithei.
"I zirlo maw? Mary"
"Zirlo" min enreng pah in a hmui a liak zeuh a, a thinrim tih ka hria. I thinrim reilo ang ti rlru chung in ka nui vur vur a, ka nui hmel a hmuh veleh a hawisan nghal. Ka nui hmel pawh a haw viau rih aniang.

"I zirlo tak tak ami?" Michael pawh ka bum chak.
"Zir nang ka peihlo"
"Zan in hun ala awm zir ang che" ati a, ani pawh a lawm hmel vak lo.
"Ka peihlo ka tih chu" ka ti nawn leh a, min chhang duh tawh lo. Test vat vat ka chak tawh. An makti hmel ka hmu chak.
"Picnic chu anuam em?"
"Ngatinge irawnkal loh?"
"Ka bialnu hual ka hmu"
"Ka awih lo" anui vur vur a, bialnu thar tur chu alo nei tak tak a manle?
"Picnic chu siamtuai an nuam ati ber" an ti a, Siamtuaia chu a hmui hup in a nui a, Francis a tum bur reng thung. Picnic zawh atangin tumah ala be lo.
"Nuam e, Francis hi tun thleng in ka la fawp chawk chawk chak" kan nui dur dur mai.
"Chu ilo fawp chawk chawk alaw?"
"Teuh nang chutiang lehzel ka sawi dawn lo" a nuamti hmel chu nuihzathlak lutuk.
"Ka nau chu nise a chaklo ang male" Michael an lo ti nang nang a. Francis nen an pahnih in Siamtuaia an hlau. Mipa dang chuan an chhaih sup sup zel.

Tlaiah Sir in min zirtir dawn lo a, test na tur vel buaipuiin a buai dawn ani awm e. Ka thianten lenkual an tia, ka zir duh vang in ka kal lo. Lehkha zir hi ka zak tlat zel. Mahse ka damkhawchhuah nan a ngai tih ka hreve tho si. Ka tih than chuan ka zak lo mai ang. Ka pa hian lecturer ni turin min duh thin a, tun ah pawh min la duh reng. A thiante fate anga sang tak thleng turin min duh ve ani.


Sir in paper a sem kual a, min rawn pek ve lai chuan nui chung in ka lo en reng. A hmui phun in "Goodluck" ati a. Ka thiam a ring lo viau ang. A tello a ka tih theih hreve se ka ti. A question ka en a, thiamloh ka nei lo. Kan la zir tam lutuk lo bawk a, ka lehkhazir laiin kanu leh paten min menpui reng a, mu tur a ka tih pawn an duh lo. Ka riltam an hlau a, ka ei duh zawng min zawt sek a, ka test tur a ka zir mai mai pawh khati taka an lawm kha ka ngaihtuah chian chuan ka tah a chhuak zawk hial. Ka lo va ti beidawng rei tawh tak em.

Ka chhang char char a, a vaiin theihnghilh nei miah lo in ka ziak chhuak thei vek a, ka paper ka dah lai chuan Sir in ka kut alo vuan a "Ka lawm e" alo tih chuan mak ka ti angreng. Lawmthu min hrilh na chhan ka hre lo.

Test zawh a min lawmpui leh tu chu Michael ani.
"I thiam tih ka hria, ilo zir reng ani maw? Mary min lehpel ngei ngei ang che. Theihtawp chhuah ve ve ila, i hlawhtling lai hmuh ka duh" ati. Ka hmuhtir thei angem ka hrelo. Thinlung taka min duhsak tu ani a, engkim ah a tha ber min duh pui a, a rilru ka tihnat pawh in ani chuan min fuihna thu ala sawi thei a, ka hlawhtling lai chu hmuhtir ngei ka tum ang.

Tlai ah library ah ka kal a, ka thlen chuan Sir alo awm tawh. Min hmuh veleh a ding a, a bul ka thlen rualin min lo kuah a "Iti thei ka tih kha. Ka lawm e. Atha ber ni zel rawh" alo ti a.


"Atha ber ka nih iduh chuan min kuah reng lo in lehkha min zirtir rawh" anui hak a, min thlah hnu ah a bulah min thuttir a.
"Lawk aw" a thutna atang in a tho leh a, ahma a Sam leh Francis te bihrukna kha ava en dik leh phawt a, arawn phei pahin "An awm lo" ati a, ka thawveng huai mai.

Lehkhabu a keu a, ka thiamloh min hrilh zung zung a. Min hrilh zawh a kan bang dawn maw ka tih hnu ah "Subject dang izir tel em?"ati a.
"Aih la zir lo. Hun ala awm loh hi. Engkim thiam nghal vek turin min beisei suh. History pawh ka ti hram hram zel anih hi"
"Awle, min vin vak rawh pawh ka ti tel chuang lo a" ka lo vin leh hman aniang. Ka hauh vak pawh hian a haw chuang lo a, ka thinrim a reilo tih a hretawh aniang.

"Mary enge nih itum?"
"Tum ka neilo. Ka pa chuan lecturer ni turin min duh"
"Ipa duh ang chu tih puitlin sak itum em? Han ngaihtuah teh, i pian hlim atang in anmahni rinchhan in i nung a, i mamawh zawng zawng an pe che a, phut let an nei ngai lo. Itan pawisa tam tak an seng a, i riltam an hlau a, rual i awh an hlau a, i hriat loh hian inu leh pate hi an rilru a hah te iring ve thin em? I hriat miah loh a harsatna an tawh te iring em? Nangmah vang a hrehawm an tih pawn an dem phal lo che a, Pathian tih loh ah chuan nangmah hmangaih ber tu che an ni. An hmangaih em che avang in phut let nei miah lo in a theihtawp a tha in an enkawl che a, an duh ang tak lecturer nih chu harsa iti ami? Lehkha tha taka zir ani mai. Lecturer inih huna ipa lawm tur zia han ngaihtuah teh"
"Sir councilor ami inih" ka lo ti uang na a ka rilru chu a vak thui tho mai.
"Ka nu leh pate hi lehkhathiam an ni lo a, hna sang pawh an thawk lo. An taimak vang in hna chu an hmu zel tho a. Ka tet lai chuan ka nu thil zuar kual hi ka zui ve thin a, i sawi kha a dik ang, ka hriat loh in harsatna nasa tak chu an tawk maithei mahse engmah ka lo ngaihtuah ngai miah lo" ka nui tho na a ka mittui a tla a, midang keimah ang rual hian an nu leh pate tawrh na hi an hrelo ve tho angem le? Sir khan sawilo se chuan keimah chuan ka la ngaihtuah chhuak bik lo ang. An nu leh paten an lo hmangaih zia an hria angem? Keimah ang hian an nu leh pate rilru an ti hah ve thin angem? An nu leh pate hmangaih let nachang an hria angem? A chhan na chu an mahni chiah in an hria a, hetiang zawh na hi in zawt ve se ka ti.

Ka tah vang in Sir in duat tak in min kuah a, "Ila tlai hleinem. An duhthusam tih hlawhtlin na hun ila nei alawm" ati a, keimah lo pawh an la tlai chuang lo.


"Tha deuh in zir la, an duh ang chu nih ngei itum dawn nia. Tum chuan theih loh a awm lo. I rilru siam la, inu leh pate tan tun atang chuan i theihtawp i chhuah dawn nia, pui tur che in i bulah ka awm zel ang" ati a. Ka tap chu ka zak mahse ka nu leh pa ka ngaihtuah khan ka insum theilo. Thu ka awih tawh ngawt ang.
"Tap tawh suh. Sam leh Francis te an lo bihruk leh chuan tahbelh an ti palh ang che" ati a, keipawh ka lo nui ve tawp. Ka chal ah a fawp a, hemi tum hi chuan min hmutu awm mahse pawi ka tilo.

Ka in bengdaih hnu ah min thlah a, min fuih zui reng tho. Car atanga ka chhuah dawn "Hmangaih lo che ila chuan ka hawn daih ang che" ati a, ka lei ka lo chhuah ringawt. Min hmangaih vang in ka hma hun leh ka nu leh pa min ngaihtuahpui a, min nghah a in huam a ni.


Ka school kal tur in kan in kawt a car ding ka hmu a, a neitu pawh ka hria. Ka nau nen kan kal rual vang in lo awm lo se ka ti zawk. Ka nau in kan sir ani tih a hrechiang ve vek tawh bawk si.
"Mary saw Sir ani em?"ati ta ngei a, car chhunga thut awm tak kha a ding lang kher bawk si. Ka nau ka kai a, kalpelh luih ka tum.
"Mary" mawl lutuk. Ka nau in engkim hria se ati man le.
"Sir school ikal dawn em? Ikal dawn chuan i rual in kan lokal ve" ka nau chuan alo ti nghal a, inchhung ah chuan awm ila insual na tham ani.
"Lokal rawh u" Sir pawn mak ati tih ka hria. Ka bula kan form ang ha chu ka nau ani tih hriat ve mai awm alawm. Ka be duhlo vel dawn manle. Ka nau chu a lut phur lutuk. A hnung ah kan unau in kan thu a, pawnlam ka hawi tlat. Amah vanga buaina ka tawh veih chuan a chaklo ang.
"Sir kan in bulah enge ilo tih a?" ala ti zui.
"Mi ka nghak a, alokal dawn silo a, kal leh ka tum laiin Mary ka hmu a" min fuih reng thin tu khan tun ah dawt chiang lutuk a sawi chu ania.
"Mary hi a bialpa nen an inthen daih a, a hma chuan a bialpa in bike in alo hruai thin a, ka chuang ve thei ngai silo a, keimahin ka kal ziah. Sir Mary ilo hruai ziah dawn em?"ati a, Sir chuan a aw a thian kharh a, in a awm a sawisak ka van chak tawh tak em. Kan unau hian tunge maw kan chhun le mawl na lai kan ngah em em le.
"Ka hrelo le. Helam ah chuan ka kal ziah a" a upa ber pawn dawt bawk a sawi leh tawh.
"Yes, kan lo chang thin ang che"
"Imawl ami? Ngawi mai mai rawh. Tho hma la ke hlir in kal rawh" ka lo ti vak a, ka nau in a beng a hup vat a, ka tawng rin vak pawh ka hre silo a.
"Darthlalang vel kha i au keh nual lo maw?" Sir in atih chuan ka nau alo nui nasa mai. A nui lui thiam ania hei pawh hi.
"Mary chu a thinrim chuan ring deuh deuh in a au thin alawm" Stephen an ka alo nei ve kher kher hi ka ngei. Tawng a zir tirh lai khan a cute daih zawk ang.

School kan thleng chu ka thaw huai mai. Stephen a tlanchhuak nghal a, hma mah ila a tlan tho zel. Sir nen chuan muangchang in kan kal.
"Tunge i bialpa bike nei chu?"
"Michael kha ka bialpa amaw ati"
"Ka bialpa iti niang chu"
"I ngaih dan dan in ngai rawh" ka ti hmuk a, ala nui zui.
"Inau kha i chanchin hriat duh chu la zawh tur anih kha. Engmah a zep dawn silo a"
"I hriat duh chu i hrevek tawh" ka ti leh a, ka nau a zawh veih chuan a hriat duh ai tam a hrilh ang. Ka zun cheh rei bik zia thleng in.
"Thil ei teuh teuh rawh inau aiin i te zawk ania"
"Mipa aia ka len ten. Tunah pawh sang min ti tu an tam emai"
"Nia kan school model ni awm tak ini" rum deuh in ka en a, a nui laklawh lai a tawp hmak a.
"Ka nau bulah dawt isawi teuh lehnghal" ka ti ve thung a.
"Dawt pawh a nilo. Ka thil phuahchawp alo awih mai mai nih kha" ka chhang peih tawh lo.

Class chu nidang ang bawk in a ri nuaih nuaih mai. Michael pawh alo awm tawh a, dawhkan ah ka bag ka dah chawrh a "Lungawilo kan awm leh tawh mi?"alo ti.
"Awm lo. Min ngaihven suh" ka nau chuan ka mood tihfuh loh vek a thiam ania.
"Siamtuaia saw ngatinge a tah?"ka ti hu a, class ka luh tirh atangin a tap a, amak em lawm. Nimin lamah a hlim har har nen.
"Ka hrelo ka ngaihven loh thil" a bulah ka kal a, ka khawngaih ve thin lawm.
"Hey ngatinge?"
"Francis lawm, sual lutuk"
"Engtinnge a tih che"
"Ka thutna alo kalpelh laiin ka lo vuan a, ka hmai a tham alawm. A kut a lian sia ka hmai zawng zawng a hup vek a, na deuh in a sawk tawn tawn a, tunah pawh ka hmai ala thip vek, sawpa saw ka duhtawh lo" ati a, Francis a dawhtheih chin a pel ve tawh nih dawn chu. A tir atang khan Siamtuaia khan ti chung chung lo se a hmai duh tak tih hmel hem ani lo mai tur.
"A ho lutuk. Midang an tam alawm"ka tih veleh "Chuchiah, enteh Michael saw" ati a, anui leh vur vur tawh.
"Kan sawi tha dawn nia" ka kalsan daih. Michael-a chu Siamtuaia aia duattu an tlem dawn a, ngaihzawng nei vat tur pawh ka duh mahse Michael tan chuan hmeichhia chiah ka duh pui.
"Enge alo sawi?"
"A duh che" a awm zawi nghal vek a, ka dar ah alu a rawn dah a, hnunglam ka hawi a, Siamtuai an min lo siai zauh. Kan class hi chu kan va kimchang bik tak em. Sir hian engtinge min enkawl vek theih zawk. A hnehsawh ropui. Ani hi chu a tha tawp. Perfect ka la ti tho tho. A perfect loh ten Mary bialpa ani nang..
.
Cont


CHAPTER-32


Kan unaua kan test paper ka nu leh pate hmaa kan dah chuan ka nu chu a mittui a tla, ka nau chu mak an ti hran lo keimah lehzel in mark sang tak ka hmu chu an lo beisei biklo ani ngei ang. Ka pa chuan min chibai pah in "Ka chhuang che" min ti. Test na a ka pass ringawt pawn min chhuang em em chu ni sia. Sir sawi kha ka hrereng, an duhzawng ka tih ve hun ala tlai lo. Ka theih tawp ka chhuah ang.

Hun akal ve bek bek a, a hma a ka lo zir peih loh thin zawng zawng zir vek chu ka tan chuan har tak ani. Asawi ang khan Sir chuan min pui zel a, hma ka sawn na pawh a lang ve zel a, ka test paper ho chu paih phal lo in ka pa in file ah a dahkhawm zel thin. Michael pawn min la pui nasa rengba, zirlai mai bakah Sir nen a kan chunchang ah pawh ka thurawn lakna ber ani thin. Amah ah hian ka la inghat nasa hle thin.

"Ka subject ah chuan hma in sawn vek. Fail pawh in tlem tawh" Sir chu ka lawmpui avang in kut ka lo beng a, Michael an min rawn zawm ve nghal a, reilote hnu ah kan class chu kut beng ri in a khat a, tupawh, puih ngai apiang a pui zel a, hma kan sawn vek nachhan pawh a bul ber chu Sir ani. Arawn thawh tirh kha chuan a rilru a hah ve thin in ka ring. Kut kan ben zawh chuan "Ka lawm e" ati a, "Tlem te chiah pass lo in awm tawh a. In hming chu ka sawikher lo anga, in pass teuh khawp mai pass pawh. Tha deuh in tih chhunzawm ula, test leh hun ah chuan in pass vek tawh ngei ang" ka lam hawi in arawn nui a, keipawh in ka lo nuih let ve a, ka chhuang takzet, teacher tha tak ani.


Cafe ah pawh kan class ho kan awmkhawm thin a, Sir pawh kan bulah arawn ei ve thin. Kan nuam tih zawng te min sawipui a, lehkha kan zir that loh na chhan te kan hrilh thin a, Ricky an "ABC darh nuaih hian min rawn tlawh pawp pawp a, ka lu ahai a, ka lo mutsan thin" atih pawh in "ABC ai chuan i kut alian daih zawk a, an rawn tlawh che pawn lo man la lo remdik zel rawh. Nang aia te chu in tlawh luhai tir duh suh, a tlawmngaihthlak" ati thin a, teacher dangte kan zah a, an bulah kan duhzawng pawh kan sawingam loh laiin Sir chu thian ang in kan kawm bawrh bawrh thei a, a in hawng reng a, ka bialpa ani pawh hi ka ngaihtuah chian poh leh ka lawm zual thin.

Tlai a lehkhazir dun chu keimah zawk in ka duh tawh lo a, kan haw dun ziah tho bawk a, ka thiante pawh an duh chuan a phur ve tho thin mahse tunah chuan chance min pek nachang an hretawh. Kan pahnih a kan haw dun a tam tawh zawk a, Ricky leh Jenny kar thin an inhau thin a, kar khat ah vawikhat tal kan rualin Jenny a haw ve thin. Sir nen chuan kan inhau ngailo. Ka thinrim laiin a thinrim ve duh ngai miah lo a, ka hauh hrep pawn alo ngaithla tawp a, ka thinrim a reh hnu ah thil awmdan chu tha deuh in a sawi leh thin. Kei aia a upat vang in min duat thiam thin bawk.

Class ah keimahniin min chhiar tir a, kan thiamloh zawt tur in min ti leh a, exam leh hun atan kan in buatsaih leh tan dawn ani. Uluk deuh a ka chhiar laiin ka beng bulah arawn kun a "I pawnfen pawtthla la, hmeichhia ang in thu rawh" arawn ti sup a, ka lo thu kak leh thin a, ka hrengai lo. Ngaiah ka nei tawh niang. Keipawh ka lo insiamtha ve vat vat. Hmeichhia ka ni sia hmeichhia ang bakin ka thu theilo, Sir thusawi pawh alo dik vek lo ana ang.

Class ah buaina ka nei khat tawh a mahse Brenda nen vawikhat kan insual leh a, an lo tlan khawm tuai tuai a, class room chhung anih vang in class dang in an hre lem lo.
"Eng nge buaina?" Sir aw ka hriat chuan ka dak vah a, thil ho te atangin kan in hnial chho tan a, tawngkam in a daih loh chin ah kan insual ani mai.
"An insual ania Sir?" Ricky an alo ti vat. Jenny nen an inhau leh tawh a, a mood a fu leh vak tawh lo niang.
"Enge a chhan?"keimah min en deuh bik in ka hria.
"Kan inhnial a kan insual" ka ti a, Brenda chu ri si lo in ala tap reng. Min ngam mang silo min in hauhpui ve ziah a, kan insual apiang in a tap ziah lehnghal. Class12 kan chhuah hun ah pawh henu hi chu ka ngai ve lo ang.
"Insual rual pawh in ni tawh hleinem. A lehpek a awm chuan ka hrem tawh ang che u" ve lutuk a, ka hlauh a ring a manle. School chhung ah hlauh chang ka nei a, pawn lamah chuan aman min hlau.

"Nupui ka la nei har dawn e" atih chuan ka lo nui vak vak a, cafe ah kan pahnih chauh in kan awm a, midang chu an haw vek tawh.
"Mahse nei har mah ila a pawilo. Nupui zahawm deuh ka nei dawn tho in ka inhria"

"College ka kalsan hun ah che school naupang ilo zui duan duan mai nga"
"College ikal hunah chuan college naupang zui ka duh zawk, school naupang zui tur chuan ka upa tawh ang" ati a, kei chuan upa pawh ka la ti lo. A hmel phei chu a that vang aniang alang naupang reng.
"School naupang chu zui duh tawh dawn lo mahla school naupang chuan an la zui tho ang che" ka ti a, ka thik lawk sa a, ka lung a leng lawk sa bawk. Mi pangai anga thil ngaihtuah ka chin atang hian khawhar pawh ka nei ve zeuh zeuh tawh.
"Min zui chuan ka biru zel mai ang" a biru dawn lo tih ka hreve reng. A bihruk chuan lehkha a zirtir thei nang.
"Thil awihawm deuh sawi ve rawh Sir inih kha"
"College lam ngaihtuah reng chunga school kal chu a peihawm loh thei ngawt ang" ati leh daih a. Ahma ang kha chu la ni ila Sir ka hmuh duh vangin college kal lo in cafe ah hian thawh ka dil ngei ngei ang. A tlai mai dawn vang in min thlah a, min hmangaih thu a sawi zawh ah tha deuha zir turin min ti leh thin.

"History hi chu exam thut pawh ni ila ka pass ang" Sam an a ti lang lang a, ka lo lawm thin.
"Hey Mary" Ricky bawk.
"Nizan ka mumang ah kan lo innei a"
"Kan innei dawn lo tihna anih chu. Avan lawmawm tak. Neih ai che chuan pasal neih lo a tar pawh ka duh zawk" ka ti hrep a, nui sung chung in "Jenny in min han kuah ngawih ngawih chak tawh nen. Ka pasal inih chuan thawmhnaw pawh pahnih vel bak ka mamawh lo ang ati... ANAAAA" box lian deuh rawn thlawp pheiin Ricky a lu a fu chiang hle. Arawn vawm tu pawh Jenny ani.
"Ka pasal ni tur ang pawn ka la ngaihtuah ngailo bawk che. Mawl si, thiam inei tlem si. Innei ila chu kan retheih tur zia chu ah"
"Ka thluak irawn vawm che a ka mawl leh zual vek. Hei enge a? Box a ang bawk sia, Jenny rim a nam. E.. Jenny anih hi, Jenny ka hmangaih che aw" a mawl der a, box chu a kuah vel a, Jenny nen kan in en a, ka nui hmasa a, ani pawh a rawn nui ve. Ricky hi chu a pasal turin keipawn ka duhpui kher lo. In hau reng mahse an inhmuh loh chuan an in ngai em em reng zel bawk sia, a buaithlak zawk.

"Francis-an bialnu anei" Siamtuaia tap pur in arawn tlan lut a, kan vaiin a kawhna lam tukverh ah kan tlan khawm a, Francis leh a bialnu chu kan hmuchak. Tukverh a dah kan inchuh a, a en apiang kan nui zel a, Francis chu class11 ami tuai ve tho in alo manbet tlat a, talchhuah tum viau mahse a theilo. A kut ah a vuan a, a biang ah te a dawm sak a, a tah lek lek ka ring.
"Francis hi duhtu a nei chhelo thei" kan ti a, enreng chung in kan nui vak vak a.
"Hmeichhe si. Powder pawh cheng10 man chi bak a hmang lo ang. A hmel te khu a local si" Siamtuaia chuan ala ti mawlh mawlh a, Francis ka duh tawh lo ti mahse ala duhtho aniang a rilru ala na emai. Kum tir atanga kum tawp lam pang thleng Francis chu a duh dawn anih hi.

"A mithmul te khu a ziat kawlh a, a ziak leh chawp. A sin si, a hmel khu milem ziah chhiat chawp a ang" ala ti tan tan a, tuman kan ngaihsak lem chuang lo a. Siamtuaia pawn elpui a nei ve dawn tan tlat.

Haw dawn ah Sir in min lo nghahna lamah ka kal a, ka hma ah Ricky leh Jenny inkai chung in an kal a, an ban an then lauh lauh a. Jenny rawn hawi phei apiang in ka lo insiam chhia a, Ricky rawn hawi chuan ka lo hmu lo der thin. Ka chhaih ve veih chuan kalsan hleih theih loh khawp in min chhaih nasa leh ang. Chutiang vel chu ka peih lo.

Sir min lo nghahna ka thlen chuan car ah ka lut a, ka thutna hnung ngheng in ka mit ka chhing nghal daih a, hmeltha viau mahse ka mit ana lutuk a ka meng peih lo.
"Iva chau awm ve" atih rualin ka chal arawn khawih a, ka la meng peih chuang lo. Ka biang ah a fawp a, ka hmui ah a fawp leh a, meng chuang lo in ka nui a, min hmutur an awm lo anih ka ring. Awm se chuan a ti duh teuh lo.
"I damlo ami?"
"Ka mit a thip"
"Nizan i menrei vang aniang" ka menrei chhan a hre bawk a min hau lem lo. Car a ti nung a, a tlan pah in ka kut arawn vuan leh zeuh zeuh thin.
"Zanah ka lokal ang" ati a, ka nu leh pate bula ka sawitirh khan kan Sir anih vang in an pawm lo viau a, ka nau alo lawm em em thung. Mahse a awmdan leh min kaihhruai dan ka sawi chuan an fak leh a, Sir pawn arawnkal tirh atang in ka nu leh pate chu a nel nghal. An ti ti nghal thei a, kapa in lawmthu alo hrilh bawk.

Zana alokal lai chuan ka zawi lutuk vang in thutthleng ah ka lo mu a. Ka nu leh pate chuan an lo be nghal mawlh mawlh a, ka tho a, ka thut veleh ka bulah arawn thu ve a. Arawn kal tih a hriat vangin ka nau lehkhazir chuan a chhiar ring lui vel a Sir in a hriat phak ngei tur in "Ava zirpeih ve. A fel hle mai" alo ti zeuh bawk a, ring deuh in a chhiar chhunzawm leh char char. Amah ngheng in ka thu a, ka pa chuan ramsa tv a en mek chu a sawizui pui a, ka nu pawn a ning deuh niang min rawn en apiang in a ner lui thin a, an sawi reng takah chuan hmeichhe pahnih min hrechang lo lek in ka pa nen ramsa an chhuizui a, ka ngaihthlak nuam tih zawng anih loh vang in ka lo muhil leh dawn dawn thin bawk.

A haw dawn ah kan kawt thleng ka thlah a, ka mutchhuak tawh bawk a, ka ding nghet thei tawh lo in ka hria. Min dawm bet a "Lut tawh mai rawh" ati a, a hmel chu hmuh nuam ka ti. Hmu ziah mah ila ka hmu lehzel chak thin tho. Vai film chu nise hnai deuh ah ka enreng anga, phul hmun nuam deuh ah kan lam dun nasa tawh ang. Kan in um kawi vel zak zak maithei.
"Kei aia ngaihtuahna kawm duh zawk chu ka hawsan tak tak tawh dawn nia" ka thil ngaihtuah vang chuan ka nui vur vur a, a kal dawn ah "Mipa dang in an lo en ve palh ang che lut hmasa rawh" ati a, ka ban ka vei thuak a, inchhung lamah ka tlan lut. Mipa dang chuan min en pawh nise amah aia duh ka nei chuang lo. Mipa hmeltha tak tak ka hma ah lo intlar put mahse keichuan Sir ka thlang tho ang.
.
Cont

MY TEACHER-33


School naupang hrang hrang in pawlh nuk te chu ka kalpel hmawk hmawk a, kan class ho in hmuhkhawm na tur hmun chu ka pan a. Vawin hi class12 kan nih tawp na ni tur ani tawh. Class12 kan nih chhung a exam hnuhnung ber chu kan zo chiah ni. Hun alo van kal chak tak, reilote amaw ka tih chhung in kan class ho pawh kan in mangtha a hun ve ta. Ka luh veleh min lo kuah chung chung hlawm a, kan exam na hi kan school anih loh avang in kan sawi lawk ang in kan awm kim veleh keimahni school ah kan kal leh a.

Kan kal dawn tih a hrelawk ani ngei ang. Kan principal chu kan class pan chhohna step ah alo ding a, a kal hmasa apiang min lo chibai a, tluang taka exam kan zawh avang in duhsakna min lo hlawm bawk. Kan principal pawh hi kan la ngai ngawt ang.

"Naktuk atang chuan kim deuh chuan kan inhmu tawh lo ang" class room kan luh rual in Jenny in ati nghal a, a tap nghal pur bawk a, hmeichhe dang pawh an tap a keipawh ka tah chhuak. Class-8 atanga lut ho char char kan inthen hrang tawh tur chu huphurhawm tak ani. Kan inhau reng a, kan infiam in kan nuih sawh a, kan in hek a, tuman huat ah kan la ngai lo a, kan in ngei phah ngailo bawk a. Kan class anga a thiam pawl leh thiamlo pawl pawh in lungrual tham tham thei ang hi chu an vang ngawt ang.

Kan pullover hak lai kan phelh a, kan kamis ah inthlahna thu emaw kan ziah duh zawng kan in ziahsak a, kan ri nuaih nuaih mai. College ah chuan kan lut khawm tawh awm tawp silo a. Kan insem darh tawh anga, a then chu Mizoram ah pawh an awm kher lo ang. Kan in ziahsak zawh chuan kan vaiin kan in kuah khawm a, a then chu a ri in an tap tawh. Keipawh ka mittui a tla.

"Sir alo thawh tan ni kha ka la hrereng" Jenny in atih chuan ka lo nui a, arawn thawh hlim khan ka mawl zia ka lo ti lang hmasa ber anih kha. Midang chu zawi zawi in a lang a, tha ka tih lutuk na lamah ka lo in pho chhuak hmasa ber a. Tunah ka bialpa ani ta mai hi awih harsa ka la ti.

"Ka rawn luh hlim a min su tu kha inia nangmah zawk i tlu a" Michael an nui chung in ati a, nui vur vur chung in ka sam a tuai thur a.
"Ka hmeichhe duh hmasa ber leh min duhlo tu hmasa ber" ka lo nui vak a, ka mittui chu ala tla reng tho. Result chhuah hma in a u te bula kal ve a tum a, min hlat deuha a awm tur chu hrehawm ka ti lawk sa. Kim deuh chuan kan inhmu khawm tawh lo tak tak ang.
"Ka awm loh hun ah pawh hlim deuh in lo awm zel ang che. Teacher tha ka tih ber i bulah a awm reng dawn a, ka ngaihtuah lo che. Kan inhmuh leh hunah in lo inthen tawh a, pasal ila neilo anih chuan chance min pek ve theih tawh ka beisei. Ka ngaih thin che ka ring. Kan school hming ka hriat apiangin kan teacher tha tak leh Mary leh ka classmate mawl tak tak te hi ka hrechhuak tel ngei ngei thin ang" ati a, min kuah chuan kei pawh in ka lo kuah let leh ve "Keipawh in ka ngai ang che" ka ti sap a.

Exam zawh ani a, nidang a thawveng tak tak a vawk ang maia lam kual thin kha kan ngui ngiai hlawm a "Vawin hi ral thei lo se" Siamtuai an arawn tih chuan kan lo bu tliar tliar hlawm mai, a ral ngei dawn sia. Ka hawikual a, ka lung a leng tulh tulh in ka hria. Classroom a ka la awmreng lai pawn ka lung a leng a, kan chhuahsan hun ah phei chuan kan class hi ka ngaihtuah zui ngam tawh lo ang. Principal in min tichai lai pawn kan teacher thenkhat te chu an lo tap hman a, result pawh chhuak se a hu ho chuan kan kal leh tawh kher awm silo a. Kan class room ah hian thil thleng lo a awm lo a, thil thleng theia an rin loh tur zawng zawng pawh a thleng vek zawk. He classroom ah ngei hian ka hmangaih ka tawng bawk.

Lokal tur a kan tih vang in Sir pawh a lokal a, a rawnluh veleh kan vaiin kan lo kuah a, a subject har kan tih ngawih ngawih pawh a thahnemngaihna avang in nuam ti tak in kan zir thei a, a tawp khawk ah lo chuan tumah a hau ngai lo. Kan kamis a la inziak rang lo lai kan zawng sap sap a, Sir chu engemaw tal ziak ve turin kan ti a, kan intlar a, pakhat te te in kan dawh a, min fuihna thu a ziah kan ring ber.
"Sir engemaw tal sawi rawh. Kan zavai hma a isawi hnuhnun na ber tur anih hi. Chuvang ania kan koh ve che. Teacher zawng zawng ah itha ber" Sam an ati a, Sir chu class alak apiang a a din na thin ah a ding a, kan thutna ngai theuh ah kan thu a, a tih ziah dan in nuisang in a hawikual a.
"Teacher hna ka la thawh reiloh vang in naupang ka la zirtir tam vak lo a, ka zirtir tawh ah chuan in la danglam ber. Ka rawn luh tirh atanga Miss Fabulous lo ni nghal te an awm a" atih chuan an lo nui vak a, keipawn ka la hre reng.
"Ka hmuh dan cheu chuan in rilru a chak em em vek a, in zir peihlo vek thung. Khavang khan in zir theih dan tur ka ngaihtuah a, min ngainat hmasak phawt a that ka rin vang in in ngainat tur in ka awm a, in fail chuan ka hrem bawk thin cheu a, a hunlai khan in haw maithei--"
"Kan haw lo" an lo ti dual a, Sir pawh anui suk a.
"Mahse in thatna tur vek a ka tih ani. In chhuak anga, naupang dang ka zirtir leh anga, enge an an dawn ka hrelo mahse nangni hi chu in vaiin tute pawh ka hrereng ang che u. Nakin zelah ka hmu cheu anih pawh in in aw ri pawh ka hai ka ring lo, in fiamthu dangdai tak tak te, in class ho in pawhna leh inthianthat na te pawh, in thiltih zawng zawng kha hriatreng tlak vek ani" a hmui hnuai lam pet chung in min enkual a, reitak chhung chu a ngawi vang vang a. A tawng tawh dawn lo amaw ka tih hnu ah "Hmun hran hran ah in awm darh ka ring a, college hran ah in lut anga, thian thar in chhar anga mahse class12 in nih lai hi in la ngaih ber ka ring. Khawi ah pawh awm ula tun ang hian fel deuh in awm zel ula, tha deuh in zir ula, hna tha tak tak in la thawk vek dawn nia. Mi in in hming an sawi a, an fak hunah che u, chhuang tak chung cheu in ka zirlai naupang thin anih kha ka lo ti thin ang. In tum phawt chuan tih theihloh in neilo. Ka ngai thin viau ang che u. In kal zel na turah duhsakna ka hlan vek che u. In Sir ka nihna anga hetianga thusawi tawpna hun ang min siamsak avang in ka lawm e. In thiltih na theuh ah tluang tak leh tha taka inkal zel ka beisei" kut kan lo beng a, Sir chu keimahni min hnungchhawn zawng in a ding a, a lung ngai ve ani maithei. Kan class ami tupawh hi a ngaina ve vek tho si a. A tam zawk kan tap a, mipa pawh an bang chuang lo. Khua lah chu nidang zawng aiin a tlai chak amaw tih mai tur ani. Tuna kan kal darh chuan kan vaia kim deuh a kan inhmuhkhawm leh hun tur pawh a hriat tawh lo. Sir chu nui chungin kan lam alo hawi leh a "Cafe ah kal ang u, ka treat ang che u" ati a, an ding nghal suau a, kawngka a chhuah hmasak an inchuk sap sap mai. An chhuak dual a, a tawp ah Sir nen chiah kan awm a.

Ka thutna ah alo kal a, ka bulah Michael-a thutna thin ah a thu a "Iti tha em?"
"Aw tha e, tha lutuk"
"Nangmah tal ka la hmureng thei dawn che a" ati a, a bialnu ka nih vang in min hmuh reng angai miau alawm.
"Sir ka thutna ah hian hmeichhe dang lo thuttir miah suh" ka tih chuan a nui hak a "An thu lo ang. Mipa pawh an thut ka ring lo" ati a "Mahse i thutna thin hi ka lo enreng thin ang ka ring" atih zawm a, a enreng thin chu ka ring hrim hrim.
"Kan thiante bulah kal tawh ang" ka ti a, keini chu kan la inhmu reng thei a, kan thianho chu kan inhmu khat tawh dawn emai.

Cafe lama kan kal lai chuan tumah kan tawk lo hlauh a. Kan luh chuan nidanga ri luih luih thin pawh khan an ri luih luih tawh lo. Mi pangai ang deuh in zawi te in an ti ti ve a, an zing ah kan thu ve a, Ricky takngial pawn a mumang mak tak tak pawh sawitur a hretawh bik lo niang, Jenny bulah thu in ngawireng in thil a ei. Kan class ho chuan school kal hreh pawh kan nei ve ngailo a, kan thiamloh lutuk pawn kan in ngaih hlawm vang in school kal chu kan chak reng tho thin.

"Kan in be thin dawn nia"
"College khat ah luh tum ila"
"Kan inhmu thin dawn nia"
"Ka ngai ngawt ang che"
"Chanchin kan inhrilh ziah thin dawn nia" tih te chu kan haw dawn chuan a ri nuk nuk a, in ngai viau mah ila exam kan zawh tawh miau vang in kan awmkhawm reng thei tawh silo a, in ngai tak chung in kan in vei liam a.

"I chau em?" Car a ti nung zui nghal a, "Chau lo" ka lo ti a, chau lo mah ila ka lung a leng. Naktuk atang chuan school kan kal tawh dawn silo a, ka thiante ka ngai. Kan Sir pawh hi ka ngai dawn tho.
"School chawlh a rei dawn sia a ninawm"
"Chawlh zawh ah school ani tawh dawn lo lehnghal" atih chuan ka hnual leh vek. College kal ka huphurh ngawih ngawih. Tam deuh kan ni tawh anga, in pawh tak tak a har tawh dawn bawk si. Tunah chuan History ka ning tawh lo bawk a, ka zir chhunzawm zel ang.
"Ka lokal ziah ang. Khawhar hman miah lo in ka siam ang che" ati na a, amah pawh hi a khua chu a har ve tho ang. Kan class ho a hmu tawhlo tur ringawt pawh hrehawm chu a ti ve dawn emai. Kan in bul kan thlen a ding a, ka hmui ah a fawp leh a, min hmu tur an awm loh chuan ati ziah thin.
"Ka thlen veleh ka lo hrilh ang che" ati a, car atang in ka chhuk a, tun tum chu keimah zawk in a tlan liam lai ka en ve thung.

In chhung ah ka lut a, ka kamis ka phelh rualin an thu ziah ho ka chhiar a, keimah in ka nui vak vak a. A then chuan ka tah ati chhuak tho. Michael-a ziah ka hmufuh a, "Ka lo ngai thin ang che" tih bawk a in ziak a, hmun dang ah kal kher lo se ka van ti tak em. Sir ziah ka hmuh chuan ka nui vur vur mai.
"Ka nupui hual hi ka nei tak tak har dawn sia, ka lo nghak reng ang che. Tha deuh in ti zel rawh. Ka hmangaih che" tih alo ziak a, keipawn ka hmangaih. Harsatna tam tak kan paltlang tawh a, tunah pawh dawhthei deuh a kan la awm leh anih chuan hlim deuh in kan la awmdun thei ngei ang.
.
Cont (Chapter khat bak a ngai tawh lo aw)

MY TEACHER-LAST


Class ka lak zawh veleh ka chhuak tur chuan pangpar nalh tak keng a mipa hmeltha tak lo lut ka hmu a, zirlai naupang zawng zawng pawn an hmu ve. Thawm a reh thap a, keimah ang tho in an thin a phu nasa ve ang. Richard, ka bialpa, kan teacher ni thin, ka hmuh tirh atanga ka duh tawh kha. Ka bialpa ani mai kha tun thleng in mak ka ti. Kan teacher kha lo ni lo sela chuan tun dinhmun hi ka thleng miah lo ang. Tuna ka hnathawk thei tura rilru ka siam nachhan pawh amah ani. Kum tam tak liam tawh mahse a hmel chu a hma ang tho khan ala tha reng ani. A bula ka awm hi chuan kan la tleirawl reng ni in ka hre thin.

Ka hmaah arawn ding a, inhmu ngun ve viau thin mah ila ka ngai em em tho zel.
"Happy Birthday" ni dawn tak e, ka buai lutuk a, ka birthday pawh ka lo theihnghilh a ni.
"Ka lawm e. Mahse class ah ilokal a, irawn ti chiai vek ange"
"Ka hlauh vang alawm class a zawh hun ka nghah" ati a, zirlaite chu an duh chuan an chhuak thei mahse tumah an chhuak duh lo.
"A birthday theihnghilh thak khawp in nangmahni zirtir in a buai a, pass ngei ngei tum ru aw" zirlaite lam hawi a atih chuan an lo "Aw" dual a, thil thleng lehzel tur hriat an chak hmel hlawm khawp mai. Diktak chuan keipawn ka hrechak.
"Ka zirlai naupang thin ania" ka thawhna ala reilo a, thla khat awrh chauh ala niang. Chuvang chuan min la hrechiang lo hlawm a, an awih lo hmel pawh chu mak ka ti lem lo.
"Ka bialnu ani bawk a" atih zawm leh a, ka zah na tur thil asawi hma in zirlaite chu chhuak daih se ka ti kher mai, class neih leh tur te pawh an nei lo man le.

"Class12 anih atanga tun thleng in ka nupui ni tura a in peih hun tur ka lo la nghak char char a, tunah chuan a inpeih tawh ka beisei" zirlaite lam ka hawi ngam tawh lo a, amah chiah chu ka en a, nui hmel a pu reng a, zirlaite hma ah phei chuan a landan a nelawm lehzual in ka hria.
"Mary reitak chhung ka nghak tawh che a, tunah chuan min nghah tir tawh suh. Min nei duh tawh angem?"ati a, film a ka hmuh ang in ka hma ah a thingthi ve lem lo a, zungbun pawh a phawrh hran lo. Zungbun chu Mumbai a lehkha ka zir dawn a min pek kha ka la bun reng. Midang hma a min sawm ve si ah chuan ati special lem lo khawp mai. Sir thil tih anih vang in mak ka ti hran lo. Khatiang film a kan hmuh thin ang vel khan a tibuai ve lo. Lo hmu ve pawh nise ama style hian akal tho ang. Zirlai ten min ngaichang thap a, ngam leh ngam lo in an hmel ka en a, an lo nui sang hlawm mai.
"Naupang ho pawh hian min nei turin an duh vek che nia, ani em?"tiin naupang ho a zawt a.
"Aw" tih chu an lo chhan let na ani.
"Min chhang ve tawh rawh le, min nei duh em?"ka ngawi vang vang phawt a, min sawm dan a romantic lem lo bawk a, tih hlauhthawn phawt ka duh hrim hrim. Ka rin ang ngei in a nui hmel a ral riai riai mai. Ka khawngaih leh deuh vang in nui chung in "Aw" tiin ka chhang a, zirlai ho an au dual a, Sir zawk ala ding khawng reng mai. Ala awihlo aniang, inneih asawi apiangin ka lo hnial thin sia.

Ka chhanna a ngaihtuah chian hnu ah a lawm lutuk chuan min kuah a, college a kan la awm vang in ka lo nemsan vat a. . Min kuah nawn leh tho. A lawm lutuk hi ka dem lem lo. Kum tam tak min nghak miau alawm.


Kan in neih ni chuan mi tam tak an lokal a, keipawn hetiang em em chu ka lo beisei lo. In neih thu kan chham lai chuan chiang taka ngaihtuah chung in ka chham a, ka mipa duh leh hmangaih ber, damchhunga ka pasal ni tur a Pathian hriatpuina meuh a ka intiam pui thei chu ka lawm a, vannei ka inti takzet a ni. Ka bulah Jenny a ding a, ka ropui ber na ni ah ka thiantha ber in min dinpui thei a, ka nu leh pa leh ka unaupa in min telpui thei bawk a, Pathian hi ka chung ah atha takzet a ni.
In neih hunserh a zawh chuan kut suih in biakin chhung atang in kan chhuak a, ka classmate thin te lo thu thap ka hmuh chuan ka mittui a tla a, ka dang hman lo a ni. Hlim na hun ni mahse reitak ka hmuh tawh loh te hmel ka hmuh khan ka lawm a, hmu lo rei mah ila an hmel kha ka hai lo. Min rawn telpui ka beisei lo. A then chu nupui pasal nei in fa te an nei tawh a, phai lam a hnathawk pawh an awm nual mai mahse ka chhuah pah a ka hmuh pawh khan an kim hmel viau si.

Biakin kawt ah kan ding a, mipui in min rawn chibai sap sap a, ka hawikual ngam vak lo a, ka thiante ho lokal tawh se ka lo tih lai tak in ka pasal ni ta, Sir ti hian sawi nuam ka ti zawk, nui ri ka hriat rual in "Nupui inei hmelchhe e Sir"tih ri ka hria a. Ricky aw ngei ani bawk. Ka haw lo a, ka mittui a tla leh a, Jenny nen reitak an in kawp hnu ah an inthen a, Dehli ah hnathawk in a awm a, keimahni vang in arawn haw vang vang a ni. Min rawn chibai ve a, na deuh in min hmer lui a, class12 a ka classmate te chuan a in dawt in min chibai diat diat a, ka lo kuah vek chak lutuk.
"In nalh dun khawp mai. Ka lawmpui che u. Hlim reng rawh u" ka in sum thei tawh lo. Michael chu ka lo kuah thlawp a, ka ngaihzia ka sawi pawh in Sir pawh hian a thik ngai lo. Mipui lokal te pawh in kan in kawm nasat zia leh kan inhmuh lohna reitawh zia hria sela chuan ka kuah hi mak an ti lo ang. Siamtuaia pawh ala fai vang a, hmuh ala nuam reng, ani pawh hi Mizoram ah a awm lo. Keimah vanga lo haw an tam kher mai. An tan thil tha ka tih ngailoh nen ka inthlahrung zawk. Francis leh Sam pawh ka lo kuah ve ve a, an ni pahnih hian nupui fanau an nei tawh.

Thlalak na hun kan nei a, ka thiante chu ka la ngaihsak hman lo. Kan vannei a, min lawmpui tu an lokal hnem vang in thla min lakpuitu an tam a, dan thianghlima innei kan nih bawk vang pawh ani mah na. Ka lawm dan ka sawifiah thiam lo zawk. Midang in thla min lakpui zawh ah a hu ho in ka thian te an lokal a, thla kan la ho a, an bula awm leh hi nuam ka ti a, anni pawn an tih ngei ka ring.


Mo lawm zualpui a reh hnu ah kan room thar tur ah ka thian te ho nen kan ri nak nak a, kan hun hman thin dan te kan sawi a "Keichuan Jenny ka la duh reng" Ricky an ati uang a, a hawikual nghal rulh rulh a, Jenny pasal awm hnaih leh hnaih loh a enfiah ani ngei ang.
"Sir nen a in innei hi mak ka la ti tho. Engtinge engmah ka lo hriat loh theih?" Sen in ati a, a hrelo an lo tam zawk an sawi dan in.
"A hre hmasa pawl ka niang" Siamtuai an ati a, darthlalang ah in en in a inchei pah hlarh hlarh a, a then chu ala ngai reng ani.
"Sir chuan a duat ngawt ang che. I vannei. Hrim hrim in kan class thiamlo ber kha engtinge lecturer ilo nih theih reng reng? Sir vang bawk anih ka ring" Gos in ati a, Jenny leh James inthen vanga kan insual lai te kha ka hrechhuak.

"Fa inneih hun chuan Sir hi chhun zawk rawh se. Anu an chhun chuan thawveng au vak vak thin hlir an nia nga thenawm innei theilo ang" Sam an atih chuan Sir zawk anuih alo za hle a, keichu ka nui duh lo lui a.
"Siamtuai tunlai enge bialpa inei em?" Moses an atih rualin Francis a biru deuh reuh nghal. Ala hlau tho ani ngei ang.
"Uiii.. Hepa hi.. A chhelo ber ka single ten a dik nang. Ka awl hman lo, an intlar put reng" ati a, tuman awih lo mah ila kan lo nuihpui tho. Awih deuh anga kan awm vek angai tho.
"Anih leh Francis hi"
"Sawi ve sek suh Ricky" Francis an alo hmuk a. Siamtuai a chuan "Hepa hi maw ka nunhlui thim kul muk anih hi. Bum lian, tuai ngaizawng kual reng nupui hmeichhia nei daih tu anih hi" alo ti a, Francis lah chu a nuihza ber ber ah atang a.

"Hetiang a ka hmu cheu hi ka lawm. Im zir puitlin ring lo tu kha teacher zing ah pawh an tam zawk ania. Ka lawm takzet" Sir chuan thutak deuh in ati a, sawi ho viau mahse mi over ta chuan kut an lo beng dur dur tho. Class12 kan nih lai nen khan danglamna ala awm vak chuang lo a ni. Ka ngai vek a, hetiang hian awm ho reng thei ila ka ti. Inneih a zo anga, an hnathawh na hmun ah an kal darh leh anga, kan inhmu lo leh vang vang hlawm dawn chu ani sia. Ka ngaihtuah ringawt pawn ka mittui a tling leh pam tawh. Thiantha tak chu an lo ni vek anih hi.

Mi an haw darh hnu chuan ka chau lutuk ka mu tawp, ka thiante ka ngai bawk si.
"Inthlak rawh" ti chung in Sir in min kaitho a, kan in ngaihzawn chhung zawng zawng pawh khan Sir ka ti thin a, amah zawk a zak thin. A hming a koh ka zak ve thung a, a hming in ka ko thiam lo. In koh dan leh hmangaihna in in zawm na anei hleinem ka ti tawp.

Ka inthlak zawh hnu a ka thu chiah chu ka mut a chhuak nghal in ka hria. Thu chung pawn ka muhil bawrh bawrh thei ang. Sir pawh keimah ang chiah a zawi in ka bulah arawn thu ve lo. Ka nuihba za angreng.
"Iva chau awm ve" min la ti zawk. Sawiloh pawh a hriat sa.
"Mak ka la ti" ati leh a, a sawitum ka hrelawk vek.
"Ka neiduh che hi maw?"
"Ni e, a mak. College ikal vel te khan midang i neih daih ka ring a" ati a, ka nui vak vak a, "School naupang ilo duh ve deih ka hlau ve tho" ka ti ve bawk a, ka hlau thin tak tak.
"Ka lo neilo sia, nitin ka hmangaih che tih leh ka nei duh che tih ka sawi a, engtinge school naupang dang ka duh daih irin theih a?"
"A rukin ilo duh thei a"
"Nia ka duh teuh" ati a, ka huat a ring a, ka haw der mai silo a.

Hmundang a riak tur in rem kan ruat a, mahse keimah zawk in ka peih leh lo a. A tulna ka hreleh vak lo ani. Ka chauh vang in kalkual vel ka peih tawh lo ani ber. Ka duh leh lo tih ka sawi tirh chuan Sir a lungawi lo tep a mahse ka neih loh a hlauh vang in a sawisel ngam chuang lo.

Min kuah pah in ka dar ah alu a dah a "I chau anih kha mutawh mai rawh" ka ti a,alo duh bik lo. Ka thiante thil min pek ho ka enkual a, ka bulah a awm ve reng tho a.
"Vawin khan inalh e"
"Nangpawh inalh a lawm" za vaklo in anui a, "I awih lo mi? Innei lo in lo inthen ta ila chuan pasal ka neilo ang" thutak hmel deuhn ka lang a, ka uang tho. Min chhang duh miah lo. Ka biang ah a fawp a, amah ka en veleh ka hmui ah min lo fawp a. Ka pasal ani ta mai hi keipawn mak ka la ti.

Tlai deuh ah kan mu a, ka kalsan a hlau aniang, a muhil a maw ka tih tawh hnu ah pawh min la kuah bet tlat. Keichu ka muhil thei lo. Pasal ka nei ve ta mai hi mak ka in ti. Ka lo puitling ve ta tak tak anih hi. Ka pasal hmel chu ka enchiang a, mak ka inti telh telh. Ka duh lai thin zawng zawng ka ngaihtuah phei chuan a mak. A hmel ah engmah danglamna ka la hrelo. Ka hmangaih tawh vang in ka hmu tha reng pawh aniang. In upat hleih pawh ni ila ka ngaipawimawh lo. Kan teacher pawh nise pawi ka tilo. Aman min hmangaihba, keiman ka hmangaih bawk chuan a pawina ka hrelo. Ka mit ka chhing a, ka muhil tur hetiang hian ka la thlamuang ngai lo. Sir nen hian hlim taka kan awm reng ka beisei.

END
(MY TEACHER chhiar tute, min like sak tu te leh, min fuih a, thurawn min pe thin tute chung ah ka lawm e. In comment ka chhiar te hian phurna tam tak min pe thin. Hei hi sequel ziah ka tum a, min lo chhiarsak leh vek dawn nia. Mahse remchan zawkna avang in Storyfb group ah chiah ka post tawh ang. In zavai chung ah ka thinlung tak in ka lawm e)



Comments

Post a Comment

Popular posts from this blog

CHHANGCHHENU REMKALAMI-1

-
Image
CHHANGCHHENU REMKALAMI-1 “Anu, i ketin ah hian mail polish ka lo hnawih aw pwease” ka fanu in fiah lo tawka tiin nail polish a rawn la chhuak a, “Hey hey…kha kha mail polish a ni lo, a ro har chi a nih kha. Ka nulat laia ka buaipui ber kha ‘ngah nge i lo lakchhuah ni?” vin zeta ka tih chuan insut hraihin, “Pwease” a ti leh a, please a tih ve na aniang chu ka ti mai. “Mail polish pawh a ni lo, nail polish ti ta che” ka tih laiin, “Nu, hei ka sam ka tan a” tiin ka fanu thoin a beng chung daihah rual lo nuaiin a sam a lo tan a, “Awii…what a very not good, kan nawr kawlh ngei ngei a ngai dawn a nih kha. Ngati nge in harh em em a?” ka tih pang pang laiin ka fapain, “Nu, i phone ah hian tumah an zai ve thei lo, an rap zel” a ti ve thung a, “In khalh chhe zo tawh a nih kha. Ṭhiante pawh ka be thei reng reng hleinem mi harh ho” ka tih laiin harsa tih hmel tawkin Zochhura a rawn pen lut a, a ke ah kan fa naupang berin a uai tlat vang a ni. A ke rekah a uai á¹­ung chung pawhin a rawn p...
Read more

MODERN PASALṬHA-1

-
Image
MODERN PASALṬHA-1 Ka hna bang in lam pana ka hawin, “Khapa kha ka lo man rawh u..kan umpha lo, a remchang lai apianga ding khan lo man teh u” ti a ring leng lung a Lalmalsawma au ri ka hriat chuan kawng sirah ka ding chawt a, a rawn tlan thla hlawk hlawk a, a chapal bun lawk zet avang chuan tlan chak a harsat deuh niin a lang.  A phone awrh lai rawng sen no leh a var a iná¹­ial chu a inthen lawp lawp bawk a, a um lai chu nichina min rawn tlan pel fua tu kha niin ka hria. Ka dinna lam kawk chung hian, “In mak ka ti…man ta che u, rukru a nih kha, sapui kha chhuah reng reng suh u” ring zet hian a ti leh a, a hnungah lah a á¹­hianpa, pianphung, chetphung leh aw pawh nem deuh duai chi hi ban phar kak á¹­ha chungin a rawn tlan ve bek bek bawk a, a khup a tuah emaw tih mai turin tlan no a tum luatah a ke pawh a kak á¹­ha a, misual um ka hriat ve tawhah a la tlan muang ber ang. A la chawl ngun em em zui. A á¹­hian pakhat leh thung chu hmeichhia si pa deuh thung chi a ni thung a, “’Kan um...
Read more

NEVER REGRET (COMPLETED)

-
Image
A bul inţanna chu kan in pelh dawn laia min sut palh ţum kha a ni. A hmanhmawh a, min lo hmulo a, min su nawk a, ka petek nawlh a, lei a tlu lovin amahah ka tlu a, min lo dawm a, khami ni kha ka tlinlung pawh amaha a tluk luh ni a ni a, a nun a ka tluk luh ni a ni. Khalai hmun a ka kal kha tun thlengin ka la inchhir lo. . . Kan intawn ve chuan ka lo tlai tawh. Bialnu nghet alo nei hman tawh a, kan in ngainat tlat tho vangin ţhian anga awm reng turin thu kan ti tlu a, kan inhmuh chuan sawitur kan ngah thei hle a, kan nui dun a, ka thinrim changa ka ankhum buan buan pawhin min chhanglet ngai lo. Mipa ţha tak ka tawng kha ka inchhir ngai lo. . . Kha pindan zimte kha, a inluahah leng turin min sawm a, coaching a kal lai a ni. A ţhiante an lokal ţeuh vangin pindan zim takah kan inkalh khum a, kan hmui a inhnaih a, kan mit a in tawng a, kan thinlung pawh a rualin hunbi neiin a phu a, kan inhip tawnna chuan min ti â zo a, in thunun tur ka ni tih ka in hriat laiin ani chu a ni ve l...
Read more