PERFECT WIFE(COMPLETED)

PERFECT WIFE BY Angel Pops
Sequel to #FIRST_LOVE

PERFECT WIFE-1
(Sequel to First Love)


The best thing a girl can be is a good wife and mother. It is a girl's highest calling.


"Ila mu nange?" Zan dar11 velah Amos arawn haw ve chauh. Zantin arawn haw hma chu ka lo nghak thin a, ka muhil thei ngai bik lo. Sofia pawh kum6 ani tawh a, nau mipa Bobby Kum4 mi a nei tawh bawk. An chhang a zing angreng a, nau pai leh ka duh ta rih lo. Amos pawh MA kha hmunpui lam ah an zirtir a, rawn haw zeuh zeuh mahse a awm rei hman ngailo. Tun ah MA a zo chiah a, Mizoram a a rawn let leh na pawh karhnih vel chiah ala ni. Keichu nau ka pai leh hma avang khan ka training tum pawh ka la ti hleithei rih lo.
"Ngatinge ila mut loh?"
"Ka lo nghak ziah che lawm. Thil mak vak ani hleinem" khum ah a jacket a theh thla a, ka lo la vat a.
"Khawnge naupang?"
"Anni chu an mutna a rei tawh"
"Kan intifai ange" bathroom ah a lut a, tun tum alo haw hi chu ahma ang khan min ngaina tawh lo in ka hria. Min hlat riau a ngaih chang te ka nei a, ka hnual viau dawn hian min duat leh em em thin thung si.

Khum a thu chung in lehkhabu ka chhiar a, bathroom atanga a rawn chhuah veleh "I hak tur ka dahchhuak vek tawh aw" tih pahin a haktur khum a ka dahchhuah sa ka kawk a.
"Muhil tawh rawh a tlai tawh" ati hmuk a, lehkhabu ka khup thawk a, ka mu ve nghal mai. Ani pawh a inthlak zawh ah ka bulah a rawn mu ve a, min hnungchhawn tlat thung a.
"Amos"
"Umm"
"I danglam riau in ka hria"
"Ngatinge?" tih pahin ka lam a rawn hawi a, "Min ngai tawh lo" nui hak chung in min kuah a, kan la naupan em vang hian hlauh ka ngah thin. Naupang te in fa pahnih kan nei tawh a, a upa zawk pawh kum6 lai ani tawh si.
"Ka ngai che lawm. Ka chau deuh a" a in bengkang a, ka chal a a fawh chuan ka mit ka lo chhing a.
"Nangpawh i chau ang. Sofia chu a zia anga, Bobby a harh ropui si"
"Tunah chuan a harh nep tawh. I awm loh lai khan a turu" a ngawih vang vang hnu ah "Jessi" ati sap a.
"Umm"
"Ka fapa hming hi ui hming a nih duh hmel e. A phuahtu hi ka dem" ka nui vak a, keipawn chutiang chuan ka lo ngaihtuah thin.
"Kan awm naa kan thian pakhat hian ui Bobby a nei a, ka fapa hming ang anih vang in ka duat phah. Thil ka lei nasa thin" ati a.
"A ho lutuk a hmeltha tho lawm" a nui suk a, a phone a rik chuan phun hluk chung in a hmet tawp a.
"Tunge?"
"Ka thiante. Ka haw tawh tih an hrelo aniang" min hnungchhawn zawng bawk in a awm leh a, light kan off tawh vangin kan room chhung ah chuan a phone atanga eng lo chhuak bak eng dang a awm lo. A phone a eng reng vang chuan ka ngaih alo tha lo leh hman mahse a zirna vel atang ten thian a ngah a, kan in ah pawh an lokal fo. Chung ho nen chuan an infiam a, an in be rei thin.
"I phone ivan khawih rei"
"Muhil rawh. Naktuk ah naupang in an rawn ti harh hma leh ang che. Muttui Jessi" ati zung zung a, ka tan sawisel leh a nawm tawh loh vang in "Muttui le" ka ti ve a, keipawh a mut lohna lam ah ka in her a, ka lungawi chiah loh vang in mutthilh pawh a harsa. A thiante a biak zawh a a mutthilh duh chuan min rawn kuah leh ngei ang.

Ka harh veleh ka meng zawk a, eng alo luh tawh vang in ka chhing leh nghal a. Meng miah lo in ka zimar al al a, nui ri mawi deuh ka hriat chuan keipawh ka nui ve. Sofia in ka harh hun min lo nghak leh tawh tih hriat na. Ka meng riai riai a, Sofia chuan min lo nuih ver ver pahin "Nu i muttui em?"alo ti a.
"Tehreng mai. I muttui ve em?"
"Aw muttui e. Bobby ala tho lo a, ka kaitho duh angem?"
"Angai lo. Keiman ka kaitho mai ang. I peih chuan lehkha i zir zawk dawn mi? Nizan a i thiamsa te kha zir nawn leh tho la"
"Awle. Tha deuh in ka va zir ang" ka biang ah a rawn fawp a, a kum ngaihtuah in a tawngkam a felfai a,a chezia leh a rilru pawh a puitling an ti thin. Min tih hlim a tum tlat thin a, ka hah a hlau a, thu a awih em em a, apa nen kan inkar a that loh pawh a hlau thin. Sofia hi chu midang fa a nih ka hlau ngawih ngawih thin.

Ka tho a, ka in silfai hnu ah parda ka pawt kau a, Amos a che tuah tuah a, a in let thawk a, a muhil zui leh a. Kan inneih atang in a thawh hma ve hi chu a awm zeuh zeuh. A tlangpuiin a mu rei. A puan sin lai tla tep ka siamtha a, ka sinthat tir a, a phone ala hum run mai. Phone hum reng chunga mutthilh chu ka nuih a za angreng. Bobby pawh school akal ve tan tawh avang in thawh hma a ngai a, apa a chhun aniang thawh a hrelo.

Bobby room ka hawng a, parda ala in zar phui avang in ala thim thiap mai. Nidang ah chuan Sofia in parda alo pawt kau tawh thin sia, tukin chu a theihnghilh ve aniang. Parda ka ti keu a, room chhung a en tawh hnu a ka fapa mu ka en chu a rapthlak zawk. A puan sinlai chhuat ah a tla a, a tlakna a rei viau tawh maithei. A ke lehlam pawh khum ah a awm tawh lo hrim hrim, chhuat a rap pha lek lek tawh. A ban pahnih chung lam ah a phar a, a mutpui thin a ironman pawh khum lu lam chhuat ah a awm. Mutpui ka phal vaklo thin a, a mang a chhe sia, a in khawng na ang tih ka hlau. Laksak ila chuan zankhua pawn a tap peih leh dawn sia. Ironman ka chhar hnu ah a mutna bulah tha deuh in ka dah a, Boddy biang a khawih pah in "Tho tawh rawh le" ka ti a, a che eih lo. Sofia in a kaitho thiam ber.
"Bobby thawh a hun. School i tlai ang" tih pahin ka sawi det det a, a harh ru tawh maithei.
"Cake kha ka dah mai mai sia, eitur an awm loh chuan paih mai angai dawn ani"
"Nu" Bobby aw ka hrezui nghal. Men diar diar pahin a kut pahnih a rawn phar a, lo vuan in ka lo kaitho a.
"I muttui em? Bobby"
"Aw ka mumangah cake ka ei a" atih chuan ka nui hak a. A mit a nuai pah chawt chawt a, a kut ka lo man bet "Mit nuai a thalo" zing tin kan inhrilh ziah a sim thei lo. Amos pawn a mut thawh apiang in a mit a nuai sia, engkim ah apa a chhun a.
"I mumang ah cake ihmu sia, i mumang lo ah pawh hian ei mai rawh aw. Kal ila, i u chuan lehkha a zir a sin"
"A pawh ka ziak thiam tawh ve tho" ati pawr chhar mai.
"Nia i thiam ber. I thiam lutuk" ka ti ta ringawt a.

In hnuai ah ka hruai thla a, Rosy in alo hmuh veleh alo chhaih a, Bobby chuan cake chiah a ngaihtuah tawh. Choka ah ka hruai lut a, school akal dawn sia, chaw ei leh vat a ngaih dawn tho vang in tlem te ka eitir a. Choka atanga kan chhuah veleh a inchei thlap a Amos ka hmuh chuan mak ka ti angreng hle.
"Apa" tiin Bobby chuan apan vat a, Amos pawn alo pawm thuai a "Khawnge ikal dawn?"
"Chhuah lawk angai a, thil tih theihnghilh ka nei a"
"Lalrinfel ka putean school min enkawl pui rawh atih che kha" Rosy in arawn ti fiak thak a "Vawin lam ah chuan school ah kal tawh rawh. Pa ini tawh tih inhria ang che"
"Henu lah hi ah" Rosy kal hnu ah a ti sup a, Bobby biang ah a fawp tawn sek a "Enge i theihnghilh?"
"Ka thiante thil male. A lian tham lo"
"Anih chuan kal nghal lo la. Naupang pawh school ah hruai dun ila, keimah chiahin ka hruai ziah a. I tel ve chuan nuam pawh an ti ve nga"
"Ka pa in car khalh a zirtir che tiraw?"
"Zirtir e"
"Nangmahin i khalh chhuak ngam tawh tho a, nangmah in hruai leh lawk mai rawh. Nidang ah kan pahnih chuan kan kal dawnnia. Tunah chuan ka thil theihnghilh chu tih ngei ngei angai. Ka lo haw har lo ang. Khawnge Sofia?" ati zung zung a, an study room lam kawh pah in "Lehkha a zir" ka ti hmuk a.
"I tum hmuk pawh hian i hmeltha tho a i vannei. Kan kal ange. Bobby enge ka lo hawn ang che"
"Sava thlawk lai" Bobby an a tih chuan Amos a min hmuh hlau deuhin ka nui a, Bobby chuan tupawh thil a chah reng reng in common deuh a chah ve ngai lo.
"Awle sava thla parh lai ka lo hawn ang"
"A hmui zum lo aw" ati leh a.
"Awle sava hmui zum lo thlawk lai leitur ka rawn zawng char char ang"

"Pa zingkar ah khawnge ikal dawn?" Sofia chu kan bulah alo awm ve reng tawh.
"Chhuah lawk ka ngai a, lehkha izir ami? Iva fel ve"
"Aw zir e. School ah min hruai dawn lo mi?"
"Tukin chu ka hman lo nidang ah ka hruai ang che u" kuangkuahin dak vah in apa a en a, a ngaihdan a nilo ve viau ani maithei "School ah pawh min la hruai ngai lo" ati hlar a.
"Ka la hruai em em ang che u. Bobby pawn a ngen miah loh hi, a upa zawk in i ngen daih a, enge ka lo hawn ve ang che" Sofia tih lungawi tum in a ti daih a.
"Engmah ka duh lo" a tih hnu ah a kalsan hmawk hmawk a, a lungawilo a ni tih chiang tak in a hriat tawh. A u titau vel en in Bobby alo nui hak hak a, a hmuh nuam tih zawng ani thin.
"Bobby kal la, i u kha thlem rawh. Sava thlawk lai chu ka lo hawn ang" tih pahin Bobby a dahthla a.
"Min hawn loh chuan hnar sei deuh inei dawn"
"Ngatimaw?"
"Dawt sawi chu an hnar a sei thin"
"Awle ka lo hawn ang. Hnar sei deuh neih ka duh hleinem. Kal rawh le" ati a, Bobby kal hnu ah ka biang a fawp in "Rawn haw hma ka lo tum ang. Sofia kha ngaihdam min lo dil sak dawnnia"
"Nangman ngaihdam dil la tih lungawi tum la"
"Hun ka nei tawh lo. Ka tlai tawh. Ka kal" tih pahin a kal nul nul a, a rawn hawilet tawh lo. Kan ngaih ve thin nen in ah awm hman reng reng lo.

Naupang school kal an ngaih hma in chaw ka ei hma pui a, ka silfai leh hnu ah uniform ka hak tir a, Amos nu leh pate an zin lai anih vang in ka hah lehzual. An sumdawnna avanga an zin reng angai a, an zin loh chuan naupang an lo la hrang thei a, ka hah lutuk pawh a zia deuh.
"Nu, apa hi ngatinge kan bulah a awm duh miah loh?"
"A awm reng min pawm" tiin Bobby an a u alo chhang vat a.
"I hre bawk lo. Lo sawi ve bawk suh" Bobby chuan lei a chhuah a, Sofia a men pur pur a, apa laka a lungawiloh vangin a lung a chhe hma lehzual a niang.
"A thiante nen an la laklawh niang. A rawn haw na ala reilo sia, an in ngai ve a"
"Min ngai ve lo ami?"
"Ngai e, a thiante ai chuan a ngai zawk daih che u. In bulah chuan ala awm tam tial tial mai ang" tiin ka hnem a, a chhungkua aia ngainat chu engmah a neilo ang.

Exam chungchang vel a an principal hmuh a ngaih nghal dawn vang in keipawh ka inchei ve deuh a. Nu ka nih hnu hian ka thau hret in ka hria. Car ah a hnung lamah ka thut dun tir a, school lam panin fimkhur takin ka inkhalh chhuak a.
"Nu Bobby hian an class ah bialnu a nei" Sofia pawh a nui leh hak hak tawh.
"Adik em? Bobby"
"A hmeltha nia aw" fiah mang lo in a ti a, a zak ve deuh hlek aniang.
"A hmeltha mi Sofia"
"Keimah ka hmeltha zawk"
"Bobby i u nge i bialnu hmeltha"
"A u" alo ti vat a.
"Anih leh anu nge i bialnu hmeltha?"
"Anu" tiin Sofia zawhna pawh chu alo chhang a. Kan tan chuan hriat nuam ve angreng tak a ni.

School kan thlen hnu ah an class ve ve ah ka dah a, Bobby ka enzui reng a, luh pahin a thiante dawhkan a thil awm a laksak kual a, an um veleh hla deuh deuh ah a vawmsak a, an la complain vat ang tih ka hlau. Ka en rei chuan ka rilru a nawm loh ziah vangin ka kalsan a, an principal room ah chuan ka kal a.

Ka luh veleh atih dan ngaiin alo nui sang a. Bobby school kal ve hma pawn Sofia vang in ka hmu ngun tawh.
"I dam maw? Sir"
"Joseph min ti ve mai thin la, tlangval la upa lo tak ka la nih ve tho hi" tiin alo uang a, keipawh nui chung in a hmaah ka thu a. Smart takin a inchei thin a, school ah chiah ka hmuh thin vang pawh ani maithei. Hlim hmel a put reng vang in hmuh a nuam thin.
"Ka fate chungchang ah lo hmuh che ka tum a, in thupek ang in" ka ti deuh kher a.
"Nia exam an nei tep a, an lehkhazir dan report turin ka duh cheu a, ilo ziak ve thei angem? Naktuk ah amaw min lo peleh mai anga, bakah keimahni lam in engtinge kan zirtir ang tih kha in thurawn kan mamawh bawk a. Nu leh pate nen a kan tanrual chuan result tha kanneih reng a rinawm" ati dap dap a.
"Awle ka lo ziak dawnnia" ka tih laiin a hnuaia thawk ni awm takin coffee a rawn chawi lut a, a rim pawn min hip khawp mai. In ah chuan keimah leh Muani siam kan in mai thin.
"Bobby hi an teacher ten engtinge an sawi?" ka tih chuan a nui hak a. Ka lo hlauthawng nghal.
"Harh an ti" a ti tawi tak a.
"School ah chuan a zia deuh ka lo ring a, tunah pawh ahma ai chuan zia deuh a sin"
"Ila naupan hmel nen fa pahnih lai inei tawh a" ati daih a, ka zak ve deuh.
"Pasal ka nei hma a"
"Anih ka ring. I fate chu an fel ngaihtuah duh suh" ka lo bu nghat a, coffee ka in zawh a lawmthu te ka sawi hnu ah ka chhuahsan a. Class an neih tan tawh vangin naupang chu ka hmu kawi tawh lo. In ah ka haw tlang a, naupang an awm loh phei chuan a ruak huai mai.

Insuk tur vel ka lakhawm a, a bikin Amos thawmhnaw suk angai lehzual. Muani a hah em vangin ka suk tir ngai lo. A jacket bik ka lakhawm hmasa a, a pocket ka check hmasa zel a, pakhat ah hian bawm tereuhte nalh deuh a chei a awm a, ka la hmu ngai miah lo. Ka ta ani bawk silo. Ka hawng a, hmeichhe zungbun nalh tak alo awm a.

Cont..

---

PERFECT WIFE-2

Zungbun chu ka hum vang vang a, ka birthday ala hnai bawk silo. Kan inneih champha lah a pel leh tawh bawk si. Ka ta tur ti dawn ila min pek chhan tur ka hre bawk silo. Ka dahchhuak ta tho a, amah ka zawt mai. Min surprise a tum anih pawn ka hretawh tho a, surprise nilo mai rawh se.

Zai rat rat chung in ka insu a, naupang buaipui nen ka buai ve thei lutuk a, Bobby phei chu nikhat ah vawi thum ai tam a thawmhnaw thlak ngei ngei a ngai bawk si. Muani a fel hlauh a, ka u ang maiin ka en a, Rosy lah nitin chhuah alo ngai ve bawk nen. Muani nen a naupang leh inchhung zau tak enkawl chu a hautak hret a ni. Mahse hetiang tih huam a pasal nei hi ka nia, ka phun nawi ngai lo. Ka tih tur lungawi taka ka tih theih hi a tha ber.

Ka insuk zawh chuan Bobby hruai a hun a, Sofia ai hma a a ban thin avang in Bobby ka lam hmasa a, an school bula Rose-i dawr ah Sofia kan lo nghak thin. Designing a zir a, dawr lian deuh a nei tawh a, a lun ve thin hle. An school hi kan in atanga a hlat deuh vang in Sofia pawh amah in alo la haw thei lo.

Ka kal hma in ka insuk zar ho ka endik leh a, chumi hnu ah naupang hruai turin ka kal a. An school ka thlen veleh Amos ka call a, a hman tawh chuan Sofia ban ah tal lo awm ve hman sela, Sofia pawh a lungawi veleh mai ang.
"Jessi" zangkhai vaha a rawn tih chuan ka rilru anuam huai mai. A la thei tawh dawn lo amaw ka ti hman a.
"School ah ilokal ve hman angem?"
"Hman rih lo. Vawin chu ka buai nileng leh dawn aniang. Zanah min lo nghak tawh suh aw. Ka rawn hrilh ang che ka tia ka buai char char sia"
"Eng nge i buaina chu?"
"Keimah chauh pawh a nilo. Ka thiante chungchang ania"
"I jacket ah zungbun ka hmu a"
"Lo dahtha rawh ka thianpa min kawltir anih kha" arawn ti vat a, ka ta tur chu a nilo phawt.
"Ka dahtha. Ngatinge a kawltir daih che?"
"Ka thiante chungchang lo sawi vak hi ka tan a mawilo. Ka dah ania, naupang ho kha min lo biak dawnnia. Ka hmangaih che u" tiin phone a ti tawp a. Hlauhna tam tak ka nei nghal. Engemaw zep a nei a ang ka ti. Mahse thil thalo ti tur chuan ka ring phal chuang lo. Min phatsan ka ring miah lo. Amos chu a danglam ve theilo ang. Min hmangaih tu kha a ni reng ang.

Bobby te classroom bulah ka ding a, an miss in a in dawt in a rawn chhuahtir a. Min hmuh vanga a lawm lutuk chu a tih ziah dan in nui hak hak pah in ka mal ah a kuah chung chung a, a sam ah ka tuai a, midang in an fate an nghah ve tho vang in ka kalsan pui a.
"Vawin school anuam em? Bobby"
"Aw, nu Miss in fel min ti"
"Ava lawmawm ve. Miss fel tih tur khan awm zel rawh aw"
"Miss in fel min tih ai ah thil min lei thei"
"Tehreng mai. Rose-i bulah kal phawt ila i eitur duh duh kan chah dawn nia" ka tih chuan a phur lutuk chu a pen pawk pawk a. Amos hian Bobby hi a uniform nen te hian hmu ve sela nalh a tih ve dawn nen. A zirna vang in a buai rei ve tho a, ka hrethiam. Keimahni tan a zir hram hram angai thin bawk si.

Rose-i dawr chhung ah kan lut a, min hmuh veleh customer te kalsan a au chul chung in Bobby a pawm nawlh a, a hmai ah a fawp kual dan dan a, keichuan inthiamlo takin customer te ka enkual a mahse anni pawn ka fapa chu nui sang in an lo en theuh a, hmeltha tih a hlawh em a, Sofia ai pawh in tha an ti thin. A mizia avang hian lawm pawh a hlawh thin.

"In lo hresual ange aw, hei hi ka fapa zawk anih hi" customer te bulah Rose chuan a ti uang a, Bobby a fawp leh mawlh mawlh a.
"Ate miss thu ka awih a" Bobby chuan ati veleh a, ka thiante hian nute tia koh an duh vek a, Bobby hian ko thiam lo in Ate a ti tlat a, an lawm hlei hlei amaw tih mai tur a ni.

"Ani maw? Enge ka lei ang che aw? Thu i awih sia, thil tui deuh deuh order ang aw" ati siam siam a, Rose in a order dawn chuan engmah ka chawi angai dawn lo tihna ani mai. Bobby chuan a duh ho a sawi zung zung a, Rose in a ziak mawlh mawlh a, Bobby a buaipui zawh ah "Enge i ei ang Jess?"ka lam hawiin a ti a.
"Spring roll ka duh. In tur chu i duh duh chah rawh" ka ti a. Nui vur vur chung in ka duh a ziak a, ka hne thei miah lo hi mak an ti thin a. Keipawn ka ti ve tho bawk.

Rose in customer te a buaipui leh a, a dawr hi a lun zual lai phei chuan a ninawm ka ti thin. Inkawm a harsa thin a, haw a phal lawk ngai bawk silo. Jennie leh Lisa te chuan an la zir a, an zo ve tep tawh. Lisa in law a zir hi tupawh in mak an ti. Amah nen a inhmeh lo em a, mahse a tui viau lawi bawk si. Jennie chuan graphic designer leh photographer nih a tum a, tunah hian a bei nasa hle tih ka hria. Mizoram ah a buaipui tan a, mahse a zirna hmun ah ala awm tam zawk. Thla hnih hnu ah chuan Lisa nen pawh mizoram ah an awm nghet ve thei tawh ang. Pasal ka nei hma lutuk a, ka thiante ka phak lo takzet tawh a ni. Puitling thusawi ka lo awih lo kha ka inchhir lo ka tih chuan dawt ka sawi a ni mai.

"Eitur alo thleng e" Rose leh Bobby kut beng ri chuan ka ngaihtuahna atang in min ti harh zawk a "Amos hi arawn haw hnu ah ka la hmu lo. Ka buai lutuk a, ka rawnleng theilo a, nangmah nen lah nitin kan inhmu tho bawk sia, ani rawnkal tum bawk silo nen thupha min lo chawisak hrim hrim rawh"
"Tehreng mai. Ani pawh a buai ve nghal char char a"
"Hna lam ami? A vannei a, kan school hlui kha a enkawl thei dawn niten ka hria a"
"Enge a buai na ka hre rih lo" ka thaw halh a, Rose chuan min en kal tawh.
"In in kar a tha em?"
"Aw tha e. A suallo, ala ngai reng. Mahse a buaina hi ka la hrelo a, Amos chu mi surprise nuam ti chi ani hrim hrim bawk a, min la hrilh tho tur ah ka ngai"
"Aniang. I mak ti hmel a hmu leh chak tawh aniang. Hepa tak hi chu ah. Fiamkual che hi nuam a ti ve hrim hrim. Kan thianho ah nangmah chiahin i first love inei thei a, Jennie leh David lah an inzui rei tehreng nen an inthen leh ta bawk si" ati duah a, Jennie leh David te inthen kha chuan mak tih a hlawh pha. Inkawp rem tak an nih nen.

"Bobby i u ka lam chhung in fel deuh in lo awm rawh aw"
"Awle" ati ve thlap a, Rose nen chuan kan nui ringawt. Ka awmloh laiin eng eng nge alo khawih chhiat leh hman ang? Ka thiannu bulah a awm bawk a, rilru dam deuh in ka kalsan. Gate bulah Sofia ka lo nghak a. A fel em a, school leh kan in hi chu in hnaih sela chuan hruai a ngai tawh lo ang. Fate ngaihtuah chi ka nih avang in ka hruai tho maithei bawk a.

"Sofia i nghak ami?"
"Joseph chu, min ti phu lawm" ka awm ka dawm vang vang laiin alo nui suk duh chauh.
"An bang har deuh dawn tih i hrelo ani ngei ang. Zing ah khan ka lo hrilh silo che a"
"Ngatinge?"
"An teacher an inthlak dawn a, engemaw buaipui tur an nei a"
"Iva haw hma dawn ve"
"Haw tur ka ang ami?" Nui hak chungin a in tur kenlai min hmuh a "Hei hi ka la lawk a, midang tirh kual reng a thut tawp chuan thau ka hlau a, hmeichhe rilru ang ka neih ve chhun anih chu"
"Mipa pawn thau an hlau ve tho alawm. Hmeichhe rilru pawh anih bik loh chu"
"Sofia hi kg-1 anih atangin school ah irawn dah tawh a, i pasal ka la hmu ve hauh lo. Ka zawt sual che anih chuan ngaihdam ka dil"
"Nia ani chu kan inneih hnu ah lehkha a zir leh a, class kal a ngaih ve tho thin vang khan alokal ve hman ngailo a, kal chu a duh ve thin lutuk mahse keimah hian ka ti thei tho a, ka phut lo mai thin"
"Ka nupui nila chu ka duat viau ang che" phawk deuh a ka en hra vang chuan a nui chung in ka sam a tuai a "Ka uang anih kha. Mi nupui alawm inih"
"Nangpawn nupui nei ve tawh rawh" ka zah vang in ka ti daih.
"Ka hmuh hunah ka la nei ve ang chu. Min hmu senior deuh tawh tihna mi?"
"Aih chutiang lam a nilo. Nupui nei la i nun pawh a hlim ang"
"Anih leh nang? I hlim em?"atih chuan ka bu nghat a, tawngka chuan ka chhang thei lo.

Ka hlim em? Ka in zawt nawn fo thin. Ka fate vang hi chuan ka hlim thin. Ka pasal vang hian ka hlim em? Kan inneih hlim kha chuan ka hlim tehmeuh mai. Kan innei rei a, kan inpawh tial tial amaw tih laiin ka pasal chu a hla tial tial ni maiin ka hria. Mahse min hmangaih thu a sawi reng thin. Min hmangaih thu a sawi hi chuan ka hahdam a, ka hlim veng veng thin. Ka pasal hi chuan thil ho te hmang pawn min ti hlim thei a, ka lo hmangaih zia ka hre telh telh a, mahse amah zawk hian ahma ang khan min la hmangaih reng tak tak em?

"I hlim pawn ka hrelo" Joseph chu thip zet in ka melh a, ka hua pawh a nilo. A thusawi chu ka duhlo tih hria se ka duh animai.
"Ka tihpalh" a ban pahnih a phar a, keipawh ka insiam tha leh vat.
"Ka kal hmasa mai ang. Naktuk a i report rawn ziah tur kha theihnghilh lo la. I pasal vanneih zia ilo hrilh dawnnia" hepa hi Sofia school luh tirh atangin ka hre tawh. Ka zah em em thin. Pa nelawm leh in vawng tak anihna thleng in. Tun ang khan ka lak ah ala awm ngailo a, khatiang tawngkam kha ala hmang ngailo. A tir ah khan naupang min tih avang in Sofia nu ka nih a ring lo a, khabak kha chu hetiang a sawi hi ka hre ngailo. In thunun thei tak a niin ka hre thin a, tun tum kha chuan a in veng seng lo ni ber in ka hria.

"Anu ka lo bang tawh ania" Sofia in dak vah in min lo en a, alokal lai ka lo hre lo chu ka inthiam lo. Thut hniam pahin a chal ah ka fawp a "I chau em? School anuam em?"
"Chau lo. School pawh a nuam. Test naah ka hmu sang ber a"
"Iti tha lutuk ania aw. Ka chhuang che. Tha deuhin ti zel rawh. Bobby pawh atei dawr ah a awm tawh" ka ding ngil a, Sofia kai chung in Rose dawr lamah ka kal pui a.

Rose chuan Bobby a lawm ang bawk in alo lawm ve tho. Thil kan eitir a, a ei zawh chuan ka hawpui nghal. In lamah tih tur a tam ve tho bawk si. Kan haw kawng ah Sofia a ngawi reng a, nidang a zai al al thin kha ani sia mak ka ti angreng.

In kan thleng a, room ah kan inzui lut a, Sofia in "Nu ka thianten pa ka neilo amaw an ti sin" ati a.
"Inei alawm. Midang ngaihdan chu engahmah ngai duh suh. Pa nangmahni hmangaih deuh tu che u innei alawm" tiin ka hnem a. School ah nu leh pa an koh khawm in Amos a lokal ve ngai lo a, parent's day an hman in alokal ve ngailo bawk a, mahse a zirna vang vek ani. Lehkhazir chu ngailo se a kal ve em em ang.

Naupang ka bual a, Muani rawngbawl ka pui a, chaw ei a hun pawn Amos a lo la haw chuang lo. Naupang in min zawt reng a, Bobby phei chuan a mut dawn thleng in min zawt. A thawh hun ah chuan apa alo awm ngei ngei tawh tur thu ka hrilh hnu ah chauh a muhil duh a, hahthlak ve tak chu a ni.

Zanah lehkhabu chhiar pah in alo haw hun ka lo nghak a, ka lehkhabu chhiar pawh a tui theilo. Sana ka en reng a, ka phone tlang theilo chuan min ti hlauthawng. Tawhsual a tawh palh te ka hlau. Dar12 ah pawh alo la haw lo a, ka awm nuam lo chu room chhung ah ka veikual sek a. Anu leh pate awm sela chuan ka thlamuang ve deuh in ka ring.

Room kawngkhar a ri rawp a, bang vuan in a ding a. A dinna bula kal vat in ka dawm a, a rim ka hriat chuan ka rilru a na. Kan in hriat tan tirh atanga a ruih ka hriat vawikhatna a ni. A thianten an tih sup sup pawh a ti duh ngai miah lo kha ania. Amah dawm reng chung in khum lamah ka kalpui a, khum kan thlen rual in a mu thlawp a. Naupang an lo la meng ang tih ka hlau zawk. Hetianga apa an hmuh hi ka duh lo. An ngainat loh phah ang tih ka hlau. A faten an hlauh a, a bula awm an hreh phah ka hlau.

"Ngatinge ilo la men reng? Lo mu ve mai thin ta che?"ati pawr chhar a, ka ngaihtuah zia lah a hre silo.
"Ka ngaihtuah che. I phone theih bawk siloh. Tawhsual i tawh te ka hlau alawm"
"Ka chhuah laiin min lo phone tawh suh. Ka phone pawh ka off anih kha" hetiang thu hi Amos hnen atanga ka hriat ka in beisei ngailo. A ruih vanga a sawi anih ka ring. A rui a reh anga, ngaihdam min dil leh mai ang. Amos chuan rilru chhia a put ve ngai miah loh kha.

A jacket ka hlih laiin "I rim chu" ka ti sap a "I ngaihtheih loh chuan naupang bulah mu mai rawh"
"Ka ngaihtheihloh vang anilo. Hetiang rim hi i vawikhat nam ve na anih vang alawm" ngeiawm zet in a nui a, hmangaih lo ila chuan a awm ngai ngai hian ka awmtir anga ka mutsan daih ang mahse nupui ka nih ang in ka pasal buaipui chu ka tih tur a ni. Kan inneih hlim ka la tlangnel loh lai zawng zawng a min buaipui a,ka lam tang tlat thin kha ani ve tho a, zankhat a ruih vang in a thil tih that zawng zawng kha ka theihnghilh sak thei biklo ang.

A thawmhnaw ka thlak zawh hnu ah ka mut that tir a, a bula ka mut ve veleh min kuah a, min khawih a tum chuan ka in la hrang vat "I ruih lai chuan ka duhlo" tap tuau in ka ti a, ka kawr ah tham in min pawt hnai leh a, min fawp zui bawrh bawrh a, insum viau mah ila ka tap chhuak hawk tho. A awmdan zawng zawng avanga ka rilru lo na tawh sa nen, a rawn rui haw hetiang hian a awm leh bawk si, ka in sum thei tawh lo.

Ka tah tak ah chuan min kuah in "Ka tihpalh" ati sap a, ka chal ah dim te in a fawp pah a.
"Ka tihpalh aw" tap chung in ka lu ka bu nghat nghat a.
"Muhil hmasa rawh. Ka lo veng ang che" atih chuan ka mit ka chhing a, ka hnung ah dim te in a chul a, ka bula hetianga a awm hi chuan thil thalo zawng zawng kha ka theihnghilh vek thin a, tihsual chu kannei thei vek alawm tiin ka in hnem leh thin.

"Nangman ka lo hawn ang itih kha" tap riin a zui nghal. Ka thuchhuak a, Amos mutna bulah Bobby nasa takin alo tap a "Apa hnar sei deuh nei rawh" ati tuarh a.
"Hnar sei deuh ka nei duh bik lo. Vawin ah ka lo hawn ngei ngei ang. Nimin khan ka buai a" a vei hle aniang Bobby kaihthawh ngai lo a amaha zing taka a thawh theihna chhan hi. Apa kha a nghakhlel reng a ni.
"Bobby vawin ah alo hawn dawn che chu. Apa kha mutthilh tir leh tawh la"
"A sual si. Hnar zum deuh nei rawh"
"Bobby hian hmui zum deuh nei ve phawt sela" tiin Amos a uang a.
"Ka duhlo" tih pahin Bobby a per tawn tawn a, Amos an pawm nawlh in a bula muttir in a kuah bet lui a, a tap uar sauh amaw tih mai tur a ni.
"Tap tawh lo la school ah ka hruai ang che"
"School ah i lokal ve thei dawn maw?" Bobby ai pawh in ka phur zawk.
"Kal dawn e. Ka ngaihdam dil nan cheu" ka thaw huai mai. Sofia thiante pawn pa anei tih an hretawh ang.

Sofia room ah arawn lut a, apa thawmhnaw ka dahkhawm a melh nghal a, keimah min pah a nui ver ver chung in zing dang ang bawk in "Nu i muttui em?"ati leh a.
"Muttui e. Nangmah zawk?"
"Muttui lutuk" khumah rawn lawn in Amos nen kan inkara a thut hnu ah Amos awmna lamah a kun hniam a "Zu i in" ati chang vak a.
"Enge chu2? Kan in ve duh. Min pe ve rawh. Apa enge i in bik" Bobby an alo ti chul a. Sofia chu kuangkuah in a thaw halh a, nelawm tak chu anilo a ni.
"Bobby pa sual deuh chauhin an in thin"
"Sofia" ka lo ti hlar a.
"A sual alawm" ala ti talh a, Amos pawn chhan ngaihna a hrelo. Amos zawk chu ka lo khawngaih hle bawk. A fanu in hetianga an ti hi na ati ve ngawt ang le..

Cont

---

PERFECT WIFE-3


"Kan kal thei em?" Sofia in min kai a, Amos an Bobby a pawm a, Sofia lungawi lo hmel pawh ka hmutawh lo. Apa in a school kal tur a hruai dawn vang a ni maithei. Sofia in zu rim a hriat dan kha ka la hrelo. Rose nen an awmdun nasa a, an sawidun ani maithei. Rose dawr ah hian mi hrang hrang an kal hnem ve thin bawk si nen. Zingkar atanga khatiang boruak awm kha chu a nuam lem lo mahse Amos an school ah ka hruai ang cheu atih chuan engkim a tha lehnghal vek a, naupang chuan an lungawi lohna pawh an theihnghilh nghal vek.

Sofia pawh nidang ang in amahin class ah akal duh tawh lo. Apa in a dah kher a duh tlat a. Bobby pawm reng chung in Amos an Sofia a kai tel a, an classroom ah a luhpui a "Ka fanu hi lo hau miah suh ang cheu" ati khur khur a, naupang hrilh hai hmel ka hmuh chuan keimah zawk ka lo zak. Ani leh naupang pahnih lah an hawi vah a, a fate pawh an intithei zawk amaw tih mai tur ani.

Sofia kan thlah zawh ah Bobby pawh kan dah veleh a, nidang ang bawk in a kalpel apiangte tan buaina a thlensak a, hmeichhiate sam tawn lai a pawhthlak sak thul. A tih apiangin Amos an kut alo beng a, tha atih loh vanga a khap ve ka lo rin nen. Keimah zawk classroom ah ka tlanlut a, Bobby chu dawmbet in a thiante hnen ah thupha ka chawi a, samtawn na a pawhthlak sak te pawh an sam ka tawn that sak leh vek a, bell a rik hnu ah pawh a thil khawih danglam sak ho ka tifel zo hman lo. Kan kal dawn ah Amos an "Bobby i pa nia" nui vur vur chunga a tih chuan Bobby an a hriat phak hlau in ka nemsan dawr dawr a. Hetiang zawnga a fate a fuih ka duh lo. Amah ang khan school ah a nghal ber pawl an la ni ve mai ang.

"Principal hmuh ka ngai"
"Ka lokal ve dawn" ati vat a. Principal awm na lamah kan inzui a, ka pasal nen a kan kal a hmuh chuan mak alo ti viau maithei. Amos a lah min si chet in a kal char char reng a, min ngaih deuh lai ang mai kha a ni. Hetianga a awm hi chuan ahma kha khan ka lo ning thin a, tunah chuan ka thlahlel tawh. Hetiang hian a awm khat tawh lutuk a, awm reng se ka ti zawk thin.

Principal kan hmuh chuan ka rin ang ngeiin mak a tih hmel.
"Lo thu rawh u" nui sang in ati na a, amah hi ka hmuh ngun ve tawh vangin a mit ah chuan thildang daih ka hmu.
"Vawin chu in pa irawn hruai ami? In pa anih ka lo ring ringawt a"
"Aw ni e. Tukin chu alokal ve hman hlauh a"
"Anih chu a lawmawm e. Report chu ilo keng em?" Ka bag atangin ka thil ziah ka phawrh sawk sawk a. Ka zial na hnu ka tihmar hnu ah ka pe a.
"Tikhan in duh chuan inkal thei mai ang. Hmuh duhna cheu a awm leh anih chuan naupang kal tlang in kan in hriattir leh dawn nia" nelawm tak a nui reng chung a a tih hnu ah lawmthu ka hrilh a, Amos nen kan inzui chhuak a.

School gate kan pel a, car dahna kan thlen dawn ah "Rose kan tlawh ve lawk dawn mi? A hmu ve chak che a"
"Nitin ikal ziah lawm"
"Nangmah lawm a hmuh chak che"
"Kal ang" ati hmuk a. A ban a vuan chung in Rose dawr awm na lamah kan inzui a. Alo buai leh angreng nidang ang bawk in.
"Rose"
"Lokal rawh Amos pawh,ava mak ve. Hey i rawn haw hnu ah ngatinge ilo la kal miah loh?" Tih pahin Rose chuan Amos alo chum pawp pawp a "Ka hman lo. Hei hian a hrilh lo che mi?" Keichu min kawk kher a, ka hming pawn sawi ve mai awm.
"I nupui anih kha hming neilo ang maiin sawi suh" Rose chuan alo ti chiah bawk a "Kalna tur ka nei a, ka hmanhmawh. Nidangah ka rawnkal leh ang. Kal nghal mai ang" ati a, Rose nen min be kawp ve ve. Hmanhmawhna chhan tur a neih awm pawh ka hre miah silo a, amak thin ngawt mai.
"Kal teh u. Jessi naupang lam pah in lokal rawh aw"
"Awle. I dawr ah lo lo nghah na tur ka nei chuang hleinem" Amos an min kalsan tawh vangin hmanhmawh deuh in ka zui ve a.

Car ah alo awm reng tawh a, ka luh ve veleh min lo melh khui khui a, ka ngaih a ti thalo.
"Eng nge?"
"An principal nen khan in in kar ah enge awm a?"
"Engmah. Naupang ka thlah a, ka hruai leh a, chuzawng chu. A tul ah lo chuan ka hmu ngai lo"
"Dawt sawi suh" ati tuarh a, engtin chiah nge alo hmuh ka hre lo.
"In in endan kha ka hriatthiam loh i ring ami? Ka hmu vek. Ka lo chik nasa che u. Heivang hi anih dawn hi naupang i hruai phur theih em em" in hauh nasat loh nan ngawi zawk awm angai tih ka hria. Keipawh ka ngawi. Ka thiamthu ka sawi pawn min hnial zel anga, a punlun zel zawk ang.
"Naupang school luhna hi san ang che" atih erawh chuan "School tha ber ah kan dah a,ka san lo ang" ka ti ve a. Chak deuh in car a khalh a, ka hlauh vang in ka mit ka chhing a "Tenawm lutuk. Naupang i enkawl amaw tih laia an principal lo buaipui tel" atih pawn ka ngawi reng tho. A khalh chak vanga ka hlau ka tawng tha thei dawn lo a, pangai vek pawh ni ila ka chhang chuang lo ang.

Kan in kawt ah a ding thut a, ka bu dawrh a, ka chal ka tauh na angreng hle. Ka khawih chuan alo hnawng chap a, ka kut ka en a "Amos thisen"
"Tlem te bak a thi lo. I lerh vang in ka hrem che anih kha. Chhuk rawh ka chhuak tlang nghal dawn"
"Zungbun kha"
"Lo khawih suh ang che" ati hmuk a, chumi hnu ah vin tak in "Chhuk rawh ka tih chu" ati leh a, rang takin keipawh ka chhuk nghal.

Ka chhuk rual deuh thaw in a hma ang chiah a chak in a tlanchhuak nghal a, min thawi fua thei. Ka enzui vang vang a, hetiang hian ngatinge a awm thut? Ti danglamtu a nei a mi? Keimah nen kan in kawp hnu khan Maggie a bialnu hlui pawh a ti hrehawm tih ka hria a, kei aia duh a nei veleh ta tihna mi? Chutiang tur chuan ka phallo. A in tiam tawh a, kei aia duh chu a nei thei lo ang. Kei leh a fate aiin midang tumah a thlang lo ang.

Ka chal dawm reng chung in in chhung ah muangchang in ka lut a, "Jessi ngatinge i chal kha" Muan in alo ti chul a "Pawn ah sawn ka in tauh a" tiin dawt ka sawi. Ka pasal mualpho theihna chu ka sawi tur a nilo. A thinrim insum zo lo thil tih aniang, a thinrim a reh anga, engkim a tha leh vek mai ang.
"A kak nasa lo a i vannei anih hi. Lo che san lo la, ka ti fai anga,kan bel phui dawn nia" thutthleng nghenchhan a ka lu dah in awn deuh in ka thu a, ka khawhmuh te a fiah lo ruaiin ka hria. Tunah chuan Amos pawh a in thiamlo leh tawh ngeiin ka ring. Ka pasal hi neih let leh ka duh takzet a ni.

Muan in ka hliam min belphui sak hnu ah kan room lamah min kai a, kak thuk lo mahse ka in tauh na a, inchhung a lut lawk lo a pawn a ka din leh reng vang pawh aniang ka lu a hai riau a, ka tlu mai ang tih ka hlau a ni.
"Muani, taxi fare ka pe che anga, ka fate min lamsak thei mai angem? Ka lu a hai deuh a, Bobby zawk phei chu a ban a hun leh mai anga"
"Tehreng mai inthlahrung duh suh. Taxi fare angai lo. Ka nei alawm. Bakah scooty pawh ka khalh thiam tho a"
"Scooty kha a remchang zawk maithei. Bobby kha an classroom bulah i nghak anga, Sofia lo ban hma chu ka thiannu dawr ah ilo awmpui dawnnia. Rose dawr awmna ihria tiraw"
"Hria e, amah pawh ka hriat em kha"
"Tah khan Bobby nen in lo awm anga, Sofia ban dawn ah Bobby chu kalsan rawh amah in a awm thei. Sofia chu gate bulah ilo nghak dawn nia aw. An class thleng a kal kher angai lo"
"Awle, mahse ka kal hma in eitur ka siam phawt ang che,i lu a hai bawk si. Anih loh chuan ka ngaih a thalo ang. Soup i duh em?"
"A awlsam apiang kha siam tawp rawh. Amos ka bia anga, aman a lam theih dawn chuan ikal kher pawh a ngai lo maithei"

Muanin min chhuahsan hnu ah Amos ka call nghal a, vawikhat naah chuan a la lo. A tlanchak sia, ka ngaihtuah leh tawh. Vawithum ka tih naah ala ve hram a "Amos naupang i hruai hman angem?"
"Ngatinge nangmah? I hruai chak lo mi? Principal kha i hmuthei dawn sin"
"I ngaih ang kha ani miah lo ania. Kan in kar ah engmah a awm lo"
"Ka hruai hman lo. Ka thiante nen tih tur kan nei. Rawn call reng tawh suh a tul chuan ka rawn be mai ang che" amah zawk in phone a dah hmasa leh tawh.

Chunglam en reng chung in ka thaw halh a, Amos hi eng in nge ti danglam? Naupang te ni si in pasal nih kha a tlin thin viau sia, min duat a, ka nin thleng thleng in min fiam a, min ti thinrim a reilote ah min ti nui leh a. Amos ka nei kha hmeichhe vannei ber ah ka in ngai thin a, ka hmangaih em vang in tunah pawh ka inchhir chuang lo. Tlangval a kham dawn lo tih ka hriat vang in a duh leh chak zawng a tih ka phal vek thin a, min nin ka hlauh vang in free deuh in ka awm tir thin. Tunah pawh thinrim mahse alo haw anga engkim kan sawifel leh vek theih ka ring tlat a ni.

"Nu i damlo a mi?" Ka muhil ka harh chuan ka fate pahnih ka mutna bulah an lo thu a, an inthlak vek tawh. Muani hi chuan min chhawk hneh thin takzet a ni.
"Dam e, ka mut a chhuak a, ka lo hruai lo tawp cheu a,a pawi em?"
"Pawilo" an ti rual a, an lu an thing pah a "School a nuam em?"
"Nuam lutuk" an ti leh a, ka sir lehlam ve ve ah an mu a "Anu ngatinge i chal kha? Ana a mi?"ti chung in Sofia in dim te in ka chal a khawih a.
"Ka in tauh a, na lo e. Muani khan a hlauthawng a, a bel mai mai anih hi" ka ti daih a, dam mai tur a ka ngaih kha ka rin aiin a tur nasa. A mutna atanga tho in Bobby zawk chu ka hmai zawn ah alo kun a, ka chal na laiah a fawp a "A dam tawh em?"
"Dam daih. Amak lutuk male" ka tih chuan Bobby mitmeng a nung nghal sar mai. Ka fate hian ka rilru hahna tam tak chu min chhawk ve thin.

Naupang ka tih mut hnu ah keipawh ka mu veleh nghal a. Ka chal hi mutpui tham nilo mahse zan ani tawh tho a, ka mut hma theih chuan a zia vat anga, naupang pawh ka hruai lehnghal thei maiin ka ring. Mut pahin Amos pawh ka lo nghak mai ang.

Ka kawr a min pawt lawp tu awm a ka hriat chuan ka meng kawk a, Amos ka mutna bulah lo ding in min chhuk en run a, a rim pawh a ngai. A rui leh tawh. School akal laia a thiante pawh a thlah vek tawh.
"Ilo haw tawh law?"pangai takin lo ti mah ila "Ngatinge min lo nghah loh?"ati hmuk tho.
"Zan dangah pawh nghah iduh silo a, bakah ka nuamlo ka lo mu mai mai kha ka muhil daih niang"
"Chutiang chhuanlam a tling lo" khum ah a phone a theh thlak hnu ah a jacket a theh thla leh a, sana ka en a, dar10 vel chiah ala ni. Zan dang aia a lo haw hma vang in ka lawm.
"Va intifai la, i hak tur ka lo dahchhuak ang"
"Naupang ho hruai pah in principal chu ihmu leh em? I inchei nalh lehzual phah lo maw?"
"Naupang ka hruai lo. Muanin a hruai"
"Ngatinge i hruai loh? Midang kuta dah iduh loh vang in i zirlai pawh i chhunzawm duh loh kha"
"Ka lu a hai deuh a"
"An principal chuan a rawn kan che em?"
"Aih" ka ti sup a, in hauh ka duh lo. In hau lo a ahma anga awm leh kha ka duh. A thawmhnaw dahna ka hawn lai pawn "Khatah khan zinga kan mi hmuh pa thawmhnaw kha alo awm ve ange" thawk ka lak vang vang hnu ah a dinna lama in her in "Amos ngatinge hetiang a i awm" ka ti sap a.
"Ka ning tawh che" fiah taka a tih hnu ah bathroom ah a lut a.

Milim ang maiin che lo in ka ding khawng lah a, ka chhip atang hian a sa chhuak vek in ka hria. Khuma a phone dah screen eng reng chuan ka mit ala tlat a, min nin viau nachhan pawh ka hrethei maithei a sin. Zam ru tak chung in ka la kang a, a hma pawh in a message dawn ka en ziah. Tun tum chu en chakna engmah ka neilo. Ka rilru nat belhchhahna tur ka hmu ang tih hlau viau mah ila thil hriatchian ka duh avang in a message dawn ho ka enkual dan dan a.
"In nu kha then vat rawh" tih ka chhiar chuan ka mit sulh a, ka khup leh ka kut te a khur der der a, ka phone ken lai pawh ka thlauh. Maggie nen an lo in be thar leh ang tih rin ngaihna reng reng ka lo hrelo. Maggie lah in kan fate pawh a duat in naupang pawh in an ngaina viau si. Amos khan a haw viau thin sia, engtik atangin nge an lo in biak leh ang?

Khum ah thu hnawk in ka en ngai ka en tlawk tlawk a, engtia rei nge min lo bum tawh ang? Mahse ka then dawn lo. Naupang vang tal pawh in ka then lo ang. Ka fate hian pahrawn an hrawn dawn lo a, ka thi anih loh chuan nuhrawn pawh an hrawn lo ang.

"Khawnge ka thawmhnaw hak tur chu" Amos en tur chuan ka dak deuh a, ka tah mai loh nan ka hmui hnuailam ka seh ngat ngat a. Hetiang chu tuman an tuarthiam biklo ang. Tap mah ila dem ka hlawh miah lo ang mahse Amos thinrim lai chuan ka tap ngam lo. Ka tah chuan a thinrim belhchhah anga min chhuahtir duh mai ang. Ahma aiin a chung ah that ka chhuah lehzual sauh ang.

A thawmhnaw bawm awm naah ka let leh a, a haktur ka lak hnu ah hlim hmel pu lui tlat chung in ka pe a "Ka phone hi ngatinge ilo tih tlak? I en ami?" Ka bu nghat a, khumah a dah let leh a, engmah a sawi belh lo. Ka rilru natna tur ka hmuh leh hmuh loh te min zawt sela, ngaihdam min dil sela chuan ka rilru pawh a nuam leh deuh tur ania.

A inthlak zawh ah a mu leh tawp a, ka mut ve veleh ka mut lohna lam ah a in her daih a, mu dun reng mah ila ka ngai tho. Min nin na tur khawp in enge tihsual ka neih ang? That ka chhuah tawk lo tihna mi? Ka rilru na chu ka mittui a tla zung zung a, ka blanket sinlai ka seh ngawt ngawt a, a muhil nghal lo anih chuan ka insut ri chu a hre ngei ang mahse nidang ang in min ngaihsak tawh lo. Pasal neih hrehawm na an tih hi hriat ve kher ka duh lo asin mahse nupui tha tak nih tum in ka bei fan fan tho ang.

Cont

---

PERFECT WIFE-4


"Iva cher em em ve" Jennie leh Lisa ten min hmuh veleh a an sawi hmasak ber a ni. An rawn haw veleh min hmu turin an lokal nghal vang vang a, hetianga min hmuh angai hi pawi ka ti. Ka rilru hah em vang hian ka cher rawih rawih ani tih keimah ngei pawh hian ka hria.

"Keipawn ka zawt ziah lawm. Naupang arawn hruai hian nitin hian a cher belh ni maiin ka hria. A chhan ka zawh lah hian thil ka eithei lo atia. Nau hi ipai leh tawh mawni ka ti hial" Rose pawn alo ti ve nghal zung zung a, nitin hian ka chanchin min zawt tak tak a, a mangang hle thin a ni.
"Jessi in naupai a haw ngai hleinem. Thil a eithei a,a thau hmuk zawk zel alawm" Jennie in a ti ve thung a, an hnen ah hian ka pasal chungchang hi ka sawi dawn nge dawn lo ka hrelo. Amos mualpho theihna chu engmah sawi ka duhlo a, ka pasal ka tih mualpho chuan nupui tha tak ka ni thei dawn in ka hrelo a ni. Mahse anni chu ka tet te atanga ka kawm te an ni a, thu chhia tha engkim in hrilh tawn vek thin kan ni. An hnen a ka sawi loh chuan sawina tur dang ka nei chuang lo a, an hnen a ka sawi chuan ka thawl hawk ka ring thin. In bunruah na tur hi ka mamawh ve thin.

"In nupa inkar atha em?" Jennie in min en kal a, ani bulah hi chuan dawt ka sawi thei dawn lo. Ka tawt nghal up up ni ber in ka hria. Ka thaw halh a, awmzia a awm loh vang in vawitam tak ka ti nawn a, ka pik telh telh amaw tih mai tur a ni.
"I bulah kan awm reng ania, engkim sawi vek rawh" ka thiante aw ka dam tak ka hriat chuan ka mittui alo hnai leh tan a, ka khawhmuh pawh a phe leh ruai tawh. Ka tahchhuak vangin ka hmui hnuai lam a khur der der a, engkim, ka pasal awmdan zawng zawng a in dawt in a rawn in lar zung zung a, sawi hmasak ber tur pawh ka hrelo.

An hriatthiam theih dan ber turin "Amos an ngaihzawng a nei" ka ti sap a, ka thaw kawk a, ka tawt zia chu an hrethiam maiin ka ring. Rilru nat vang hian thi dawn ila chuan ka thi ngun tawh viau in ka ring.
"Nangmah in ilo tuar char char mai thin tihna mi? Ka van khawngaih che ve. Tih theih engmah kannei silo" tiin Jennie in min kuah a, ka hnung lamah Rose leh Lisa ten min kuah veleh a, ka thianten min kuah a, min thlamuan meuh chuan insum tawh lo in ka tap hawm hawm a, insum pawh tum ila ka thei tawh lo ang.
"Amos man theihna dan hi awm se tha ang" min tih hlim tuma Lisa in atih chuan ka lu ka thing a, engtinpawn awm se ka mantir lo ang. Ka pasal anihna a bo chuang lo a, ka hmangaihna pawh a tlem phah lo. Thil a tisual palh ang ah ka ngai lui tlat a ni.

Ka inbeng daih hnu ah Jennie in ka mittui min hruk sak in Rose in ka sam hnawk lutuk min tihman sak hnu ah min tawnsak daih a. An hmel ka en a, an tap ve vek tih ka hria. Ana em a, min tahpui anih pawn an demawm loh e. Anat dan hi ka sawifiah thiamlo zawk hial a, ka chhungril zawng zawng hi a fan vek ni maiin ka hria. A la tuar lo pawh in a nat tur zia chu an ngaihtuah thiam in ka ring. Mahse ka bula a ala awm duh chhung chuan pawi ka tilo, theihtawp ka chhuah lui tlat tho ang.

"Amos chu ka lo bia ang. Hetianga ngaihzawng nei leh tur si ngatinge amah nei tur a a nawr tut tut che? I nih tur ang pawh ni thei lo in inchhung, amah leh naupang enkawl in i buai em em reng a, lawmthu in hrilh a hnek a hetiang zawng a inrulh let te chu, ka ngaithei lo reng reng. Ka hau hrep ang" Jennie in a ti a, vin lo mahse a awki a chang fak thung.
"A dik alawm. Nangpawh naupang ilo hruai laiten sawina hun kan ngah nen engmah i sawi duh lo a, sawi zel rawh i thawl hawk mai ang. Tunge a bialnu chu ni reng reng? Hriat te i tum chhin em?"
"Maggie"
"Maggie bawk maw?" an ti tuarh a, keimah ang bawk in mak an ti ve a ni. Amak reng bawk a.
"Maggie chu a loleng ziah a, in in ngaina tawh viau ani law mi?"an ti a, Maggie hian lemchan a thiam em a, min bum nawn reng mai dawn chu a nih hi. Kei lah in ka lo ring em em tawh thin si a. Amos nen an infiam zeuh pawh in an inkawm pangai ah ka ngai mai a, an inkar ah inthianna bak thil dang a awm ka lo ring tawh lo a mahse ka ring sual ani ngei ang. In thian na aia thuk zawk alo la awm reng si a.

Muani leh naupang an lo haw a, ka thiante an hmuh chuan an kuah chung chung a,a bikin Sofia a hlim khawp mai. A hawikual a "Khawge Uncle Henry" ati hu a, Henry lo tel ve tur ah a ngai a ni.
"Alokal ve lo a, a lokal thei tep ang"
"A biru aniang" tiin Sofia a tlankual a, a bihrukna awm a a rin na apiang ah a zawngkual a, Architect ani a, a buai em vang leh a zinkual nasat avang in Henry nen tak chuan in hmuh a khat thin. Sofia hian a duh em vang in a ngai thin a, phone atanga a biak duh thu te a sawi reng thin. A hmuh loh vang in a men pur a, Lisa in lo pawm in "Hmu tur che in alokal vat ang. A ngai tawh lutuk che. Kawr nalh deuh ka lo hawn ang a tih che kha" kan lawyer neih thar nu in dawt a phuah kual meuh chuan Sofia hmel pawh a nung sar a "Ka prince alokal tep tawh" tiin min nuih ver ver a, Henry an Sofia hetiang anih laia nupui anei anih vaih chuan an inneih chhung zawng a Sofia tap thlem a ngai ngei ang.

"Amos chu alo haw tep tawh angem?"
"Aih zanrei ah bak alo haw ngailo" boruak pawh a uap lehnghal vek. Zan rei ah alo haw a, thinrim na tur ringawt a zawng thin.
"A rui ngai em?" Bu nghat chungin naupang ka kawk a, an hriat laia sawi ka duhlo. Apa an huat hi ka hlau ber. Hetiang hian awm mahse a fate chu a hmangaih em em tho tih ka hria a, naupang in apa chunga ngaihdan diklo an neih ka duh lo.

"Kan nghah chhuah dawn chuan loh chuan haw mai ang u. Jessi kan lo tlawh ziah ang che. Khawhar deuhin kan awm tir lo ang che" an kal dawn ah a mal mal in min kuah leh a, min chhuahsan chiah chu ka mal lehzual in ka in hria. Anni kha ka engkim an ni. Anni kha awm lo ta se ka nun hi a hrehawm lehzual anga, ka beidawn vang hian ka intihlum duh hial maithei a sin.

Ka fate infiam en in a rukin ka mittui ka hru a, ka fate hi ka fahrah tir dawn lo. Ka fate hian pahrawn an hrawn miah lo anga, ka dam chhung chuan nuhrawn pawh an hrawn lo ang.
"Anu i phone a ri" Sofia in phone min rawn pe a, ka mittui a hmu hman lo hlauh.
"Hello"
"Joseph ka nia" mak ti viau mah ila ngai pawimawh awm lo takin "Anih chu" ka ti ve mai a.
"Rose nen khan in lo inhre reng a"
"Ka naupanlai atanga ka thian anih kha. Dawr aneih tirh atangin naupang ka rawn hruai apiangin ka kal ziah lawm. In in hreve zawk ami?"ka ti hu a. In hriatna chhan tur anneih awm ka hrelo.
"Hria e. Ka nu hian a design chiah a ha duh a, ka kalpui thin a. Ka rawnbiak chhan tak che chu school ah hian ilo thawk duh angem?"ka phu deuh zawk in ka hria "Rose hnen atangin piano ithiam tih ka hria a" ati leh a, tunah khan Rose a haw chauh a, engmah a sawi bawk silo. Thawk tur a min sawm a ring lo ani maithei a, bakah kan boruak kha hetiang sawi hun hi a nilo hrim hrim bawk a.
"Thiam lutuk chu ka nilo mahse Rose te nen bawk hian kan ti ho thin a"
"Naupang ho in lehkha ringawt thiam lo a hetiang an thiam tel hi atha ka tia. I fate hruai tur in ilokal ziah tho a, part time job ah ingai mai anga"
"A tha lawm. Ka pasal ka lo rawn ve phawt ange" ka ti a, nula ka nih loh vang in ka thu thu in engmah ka kalpui theilo. Ka pasal ka rawn angai a, kan remtih dun chauh in ka ti ang.
"Awle. Kan inhrilh leh dawn nia. I dam hrim hrim maw? I chauh hmel riau mai"
"Aw dam e. Ka thuthlukna ka lo hrilh vat dawn che nia" tiin phone ka ti tawp a, hna neih a chhuah harh chu ka chak ve. Ka rilru ipik lutuk pawh naupang tam tak bulah chuan a zia ngei ang mahse Amos remtihna lo chuan engmah ka ti lo ang.

Dar11 velah arawn haw a, 12 hma in alo haw mang ngai silo a, mak ti deuh in ka lo en hu mai. Insiamtha vat in nui sang in "Ilo haw tawh maw?"ka lo tih chuan a bu nghat a, khum sir ah thu in a phone a khawih mawlh mawlh a. Tihbuai hreh viau mah ila a bulah thu in "Sofia te school ah hian piano zirtir turin min duh a, i remtih chuan ka thawk duh deuh a, naupang hruai pah vel nen a awlsam dawn a"
"I bialpa bulah maw" ngeiawm taka nui chungin min en a, ka hlau lutuk a ka tim ur ur thei.
"Naupang zirtir chu chhuanlam mai mai. I hmuh reng duh vang anih kha"
"Joseph nen khan kan inkar ah engmah a awm lo. Nu ka ni tih a hria, ani pawh tlangval pangai tak anih kha. Nu tling a ngaihzawn duh iring ami?"
"Iva tan ve. A bula thawh chu iva chak awm ve"
"I phalloh chuan ka thawk dawn chuang lo a, i phal hlauh chuan a remchang a, chuvang zawk chu, Joseph vang kha a nilo"
"I hlimna tur anih chuan ti rawh" atih chuan ka phawk hra a, min rin loh deuh laia ti tur a min ti leh hi a mak.
"Naupang vang chauh in inthen ka la sawi lo a, mahse inthen ka duh Jess" ka nghing dawt a, hetiang anga thu maksak ka awm nawm lohna tur hi nitin a sawi reng thin a, ka ngai a, ka thlahlel a, alo haw hi chuan ka bulah a awm tam ve duh te ka ring thin mahse chutiang anilo min hlat telh telh mai a ni.

"Inthen lo tur a kan intiam vek kha"
"Ka hlim lo" ati sap a, zandang ang in vin tak tak a min hau in min ankhum lo mah sela ka thuhriat hi zandang aiin na ka ti lehzual daih zawk.
"Nuam ka ti tawh lo. Ka ning lutuk tawh. I rilru a nat hlau in engmah ka sawi duh ngailo a, Bobby pian hma atang hian nupui ka lo nei kha ka inchhir tawh. Inthen ka rilruk laiin i rai leh sia, ka sawiduh ta lo a, nupui ka nei hma hi ka inchhir takzet" ka mittui tla a hmuh loh nan ka kun ngul a. Ka mittui a hmuh chuan nep lutuk tiin min ankhum leh chiam ka hlau a ni.
"Fel chu ka ti che mahse ka hlim tawh lo. Tupawn kan hlimna tur kan duh vek. Hlim lo deuha awmreng hi hrehawm ka ti. Inthen la sawi lo mah ila kan inneih reng theih ka ring chuang lo"
"Kan tum chuan kan thei em em ang"
"Ka tum nasa tawh a, awmzia a awm lo. I bula ka hlim tawh loh vang in i bula awm pawh ka peihlo. Zan dang ah pawh ka lo haw tlai pawn min lo nghak tawh suh" din pahin ka hnung a chul thuak a, bathroom ah min luhsan a.

Min ning tih chu ka hriatna a rei tawh ka haider lui mai mai a ni. Inthen ka hlauh lutuk vang in engkim ka palzam lui vek a, ka thinrim na tur awm ang takah pawh ka thinrim duh ngai lo. Mahse ka tuar anga ka tuarchhuah theih ka ring tlat a ni. Amos pawn ahma anga min ngainat leh theih ka beisei, ka tawngtaina thin te hi Pathian hian min la chhang ve em em ang.

Zing a thawh rualin a insiam nghal a, dar6 vel chiah ala ni.
"Khawnge ikal dawn?"
"I hriat tul chu ka hrilh mai ang che" kan room a Sofia leh Rosy rawn lut ka hmuh chuan ka thu tha sawk sawk a, Rosy chuan Amos kawr hak tum lai chu laksak in "Ka putea arawnkal, inhnuai lamah rawnchhuk rawh u. Lalrinfel police hian man daih che sela ka ti khawp mai. Tupawn i chanchin chhia chiah min hrilh thi. Tuman an fak tawh lo che"
"I duh leh min mantir la, ka hlau reng reng lo. Ka nupui fanaute mualpho iduh chuan iduh leh tunah pawh min mantir rawh"
"Zing kar ah khawia miin nge ilo ruih hman? Ruih tur irawn la lut ami? Ka pate lo haw teh se i chaklo khawp ang"
"Apa ka ngei che" Sofia chu Rosy in a kaichhuak a, "Amos ka thawh hma in zu ilo in hman ami?"
"Nangnu pawh hi inrawlh ve sek suh. He in chhung leh a awm te hi ka ning vek che u" ati tuarh a, tshirt pangai ha in a chhuak a, keipawh in ka zui chhuak ve nghal.

Kan principal hlui (ka putea ka ti ve tawh) chu alo thu ran a, a hma chiah ah Amos nen kan thu a "Bawiha i awmdan thin ka lo hria a, zingkar ah ka thawh veleh ka rawnkal nghal a. Ka zak khawp mai. Kan fak ve thin tehreng che nen. I nupui fanaute pawh iti thlabar thin a, hetiang tur hi a nilo. I nupui neih dawn ah thil thleng thei chu kan sawilawk vek tawh kha" ati dam thluam a, "Sawilawk vek e. A ngai pawimawh duhlo a, a neilui tlat a. Tunah lah nupui fanaute zawng zawng hlauh turin a awm leh a, ngaihzawng inei tiraw Lalrinfel. I nei a ka hriat vaih chuan tupawh ni rawh se ka hau nasa ang, kei aia nasa tur an awm miah lo ang. Mi pasal lo ngaihzawn te chu hmeichhe pangai tih tur pawh a nilo. Lainatna nei miah lo mihring aniang nangmah ang chiah kha" Rosy in thinrim takin alo ti leh bawk a, Rosy hian min hum nasa reng a ni. Min ngaina lo ang in a la awm reng a, min ngaina deuh anga lan kha a hreh aniang mahse a ruk chuan min ngaihtuah hle thin a, Amos pawh keimah vang in a hau nasa. A nau aiin min hmangaih zawk amaw ni tih tur ten a awm thin.

"Bawiha in ngaihtuah chiang la. Fa pahnih nei tawh ini. I vannei a nupui pawh inei fel a, nangmah hmangaih tu deuh inei bawk a, hetiang hian awm tawh suh. Vawin atangin school ah min rawn pui la. Puitling tak tak zir tawh rawh"
"Ka peihlo. Chhuahna tur pawimawh ka nei" a putea hi zah takin a be ngai lo. Amos laka a dawhthei lutuk leh a zaidam lutuk hi mak tih chang ka ngah mai. A hmangaih pawn hetiang em em hi chu a mak ka ti.
"I chhuahna tur ah chuan ka zui che anga kan kal zawh hunah school ah kan kal dawn nia" a putea chuan ala ti zel a, Amos an kan thutna hmaa dawhkan a tlawh pawp a, kan pangpar khawi a tla chhe vek bawk a, ka phu nasa lutuk ka te that nghe nghe.

A ding hluai a, a putean alo vuan bet vat a "School ah ka lokal dawn lo ka duh ang in ka awm dawn"
"Robert ka ko alo thleng tep ang" tiin Rosy in min hrilh ru a.
"Zing kar ah ilo rui hman ani maw?"a putea chuam ati a, ala vin phal chuang lo. Amos hi atan eng chiah nge a nih ang? Hetiang em em a duat mai hi.
"Ka hua che i bulah pawh ka awm duh lo" tih pahin Amos chuan a nemsan a, keichu ka inrawlh ngam lo.

Robert a rawn tlan lut a, Amos chu a pawt lawp a "I zaklo hle mai. Inchhung ah buaina isiam reng mai" ka fate pahnih in ka ban leh lam leh lam ah an rawn vuan a, apa chu hlau tih hriat takin an en kar a. Zingkar atang pawn buaina kan nei nghal a, ka thaw a pik ngawih ngawih thin.
"Jessi rawng min lo bawl kep ru aw. Chaw ka lo ei dawn. Vawin chu Amos pawh a chhuak lo ang" Robert an a ti zung zung a, Amos chuan alo hnial ve ngam lo. Ka thaw ve huai mai. Hetianga ka pasal a awm ta mai hi ka lainat ngawt mai. Min nin vanga awm ania ka thiamloh a ni. A hma aia that ka chhuah lehzual sauh angai, engkim huam a ka neih a ni a, Pathian hma ah thu ka tiam tawh a, ka bawhchhe lo ang.

Cont..

PERFECT WIFE-5



"School ah chuan ka lo thawk ange" nui sang in Joseph chuan a kut arawn phar chhuak a, ka lo chibai a. Ka rilru hah na tlem te pawh a reh theih hi ka duh ber. Tlem tal a reh pawh ka thlahlel ngawih ngawih.
"Engtik atang in nge i rawn tan theih ang?"
"Nangman rem itih hun hun ah ka thei"
"Vawin atang pawh in a pawi hleinem. Min lo zui rawh" ati a.

A hnung ah muangchang in ka zui ve a, ka thiltih hi Amos an thinrim na a zawn changa a sawichhuah ziah loh ka beisei. A remtihna thlap a ti ka ni dawn a, min hauh leh nan a hmang em lo ang chu.
"Ivan kal muang" ka rual in Joseph a kal ve tawh a. Room pakhat kawt ah a ding a "Hetah hian i zirtir thin dawn nia" ati a. Piano pakhat mai pawh nilo ka hmu chu ka ang phuau mai. School ati changtlung lehzual in ka ring tlat. Naupang zawng zawng daih chu a harsa dawn tih ka hria. Tuna an dah chin pawh hi hautak tak tur a ni.

Piano pakhat hma ah min thut tir a, ka khawih lawr dan dan a, ka lo la ngaina takzet a nih hi.
"Jessi ngatinge i cher telh telh?" Joseph pawn a ti ve chiah. Zahzel ah ka hmet kual a, a thusawi ka hriatloh der laiin ka thutna hmaa rawn thuhniam ve in ka banrek ah a hmer a "Ka bia che in ka hria" ka mit ah chiang takin a en a, min hmu tlang vek thei ni maiin ka hria.
"Chaw ka ei thalo a" ka ti sap a. A awihlo hle ani tih a hmel ah a tilang a, rilru hah na kanneih hian a langchhuak aniang Joseph pawh in "Buaina i tawk in ka hria" ati a.
"Chutiang a nilo. Buaina engmah a awm lo. Ka thil ei a tui vaklo a. Mihring chu thil kan ei thatloh chuan kan taksa ah a lang hma bik em a"
"Rilru hah na kan neih hian a lang hma lehzual"
"Min hrechiang deuh ang in awm suh Joseph" ka ti hlak a. Ka banrek ah ala hmer reng a, nui suk pahin "Ka hrechiang lo che ah ngai duhlo zawk rawh. Pasal chu neilo la ka umzui viau maithei che. Hmeichhe umzui hi ka tihtur ah ka dah vaklo na a umzui che hi ka chak riau" ka ban ka laksan rualin a ding chhuak a, a kekawr ipte zen chungin min chhuk en run a "He thil hi ka sawi atan amawi em ka hrelo mahse in nupa in hlim vaklo in ka hria. Puih i ngaih chuan min hrilh zel dawn nia. I pasal chuan nupui tha tak a nei tih a inhre lo a ni ngei ang" a chhuah hnu a kawngkhar a inkhar leh hnu ah pawh a chhuahna lam ka la en reng tho. Ka thiante zinga a hmelhriat ve ber Rose in engmah a hrilh dawn lo tih ka hrechiang a. Ka landan atang in engtinge kan nupa nun thleng a a ngaihruat vek thiam zawk. Ka chung ah that a chhuah nasa tih ka hria, mahse a dang ka beisei lo. Ka chanchin hre vak tur pawn ka duh lo. Ka fate pawn hrehawm an tih phah thei.

Ka practice zawh ah room ka chhuahsan a, keimah in ka ti mawp mawp thin a, naupang zirtir chu ka thiam pawh ka ring lo. Hlimna ka duh ve tho vang in thiam ka tum mai niang chu. Tuman engmah an thiam sa bik hleinem.

Bobby ban veleh Rose dawr ah ka kalpui a, tlankual pahin khawih tur a zawng lehnghal a. Rose in a phal miau vang in ka khap duh lo. Ka khap anih pawn keimah zawk min hau zel tho a. Ka chauh deuh vang in tui ka in khawlh khawlh a, Rose nen in hmachhawn in kan thu a "Joseph hian a ngaihven riau che in ka hria. Keichu ni ila Amos ai chuan ka thlang zawk daih ang. Zan tin hlau thlabar in a siam che a, rilru hahdam na ineih loh chuan ikum aiin i lang upa vat mai ang"
"Amos a ngaihzawng neih in haw em em a, keipawn ngaihzawng ka nei ve anih chuan Amos ang tho ka ni dawn a, bakah engtinpawn min ti se ka pasal ania, ka hmangaih tlat tur a ni"
"Itan chuan hriat a nuam lo ang tih ka ring mahse in inneih rei theih pawh ka ring lo. Ngaihzawng a nei a, a rui reng a, a hau che a, a ti hlau bawk che a, tunah hian nangmah zawk hi hmuh i hrehawm. Mihlim thei deuh hlim hmel hmuh tur awm tawh lo hi kan tan chuan hmuh a hrehawm lutuk" mittui tling pam chung in min en a, ka tah ve mai hlau in Rose kut a vuan chung in ka fapa tlankual vel chu ka enreng a "Ka fate hi i ngaihtuah ve ngai em? Lo inthen ta ila engtinge an awm ang? Amos a chhungte hian ka lak phallo ta se Amos hian nupui dang anei anga, nuhrawn hrawn tur chuan ka phallo. Ka awmpui thei anih pawh in pa tello a an awm angai dawn a, ka fate tih fahrah ka duh lo. Nu ila nih ve loh avang in i hrethiam kher lo ang. Ka fate hi min ti chaktu an ni a, hrehawm tam tak ka tawrh ngawt ngawt theih chhan pawh hi ka fate avang leh hmangaihna vang chiah niin ka hria. Amos pawh ka lainat, a danglam na hi tun thleng in ka la pawm thei lo" Rose zawk insut hrut hrut chu nui lui chungin ka en a, a kut ka vuan nghet lehzual a "Ka ngaihthlak ringawt pawn ka tap a, i tuar dan zawng zawng ka ngaihtuah pawn ka tap a, engtinge chhel deuh a i awm theih zawk le"
"Hmeichhia hi kan lo chhel khawp mai. Pathian hian min tanpui nasa, min tawrhpui ka ring a, engtik ni ah emaw chuan Amos rilru pawh ala thlaksak reng ka ring. Nun nuam tak kanneih reng chuan Pathian auh nachang kan hrelo palh ang. Ka pasal vang in ka hnaih lehzual a, chumai bakah kan ko ah a tlak hi chuan a tuar theih. Ka pasal hi ka lo hmangaih em a ni"
"Mawl ka ti che" ati sap a. Ka lo nui hak a, ka fate chu awmlo se nuih tak tak dan pawh ka thiam tawh kher lo ang.

Sofia a ban veleh hnu ah in ah kan haw a, pawn atangin thawm bengchheng tak kan hrenghal. Ka fate pahnih kai chung in inchhung ah kan lut a, music a tawp chawt na a an lo au dur dur mai. Eng chiah nge thleng ka hrelo.

Hmeichhe pakhat kawrfual tih dawn a a mal chanve vel chauh khuh thei, mar pang mai ha arawn penchhuak a, kan dinna lama rawn kal pahin a no ken laia thil awm chu a in pah reng a, a pen hmanhmawh lem lo. No takin muangchang in min rawn pan a ni.

Kan hma a a din veleh "Amos an ka birthday min lawmsak a, pawi iti lo tur ah ka ngai. In in ah hian hetiang tih hi a khat awm sia, a remchang ber bawk a, kan lokal khawm a nih hi" a thiante ho enkual pah in "Tuna nu ber nilai anih hi. Anilo tep tawh maithei" ati lang lang a, an lo nui dur dur a. Ka zak lutuk hi ka hawikual ve ngam tawh lo. Ka zah bakah ka na ngawih ngawih mai a ni. Amos pawh rawnkal phei ve in chu hmeichhia chu a kuah a "Lokal rawh Ruthi, khatianga ka nupui tih vak kha a ngai kher lo. Jessi pawi iti lo tiraw? Vawin chiah aniang" tiin si sap in min en a, a ruih zia chu en mai pawh in a hriat.
"Pawilo e. Room lamah naupang ka lo awmpui ange" ka beng bula rawn kun hniam in "Ka hmangaih che" ati sap a. He a tawngkam hian min ti hlim pha tawh lo. Room lam kailawn lam pana kan kal lai chuan "In kalsan mai dawn mi?"rawn ti tawk an awm a, nui sang a en chung in "Aw naupang kan kalsan pui ange. Ruthi birthday chu nuam deuh in in hmang dawnnia" naupang an ngawi reng chu ka lawm ru hle. Inchung lama kan chhoh lai te chuan ka tlawm zia ka hria, kan in chhung ah ka pasal in hmeichhe dang birthday a lawmsak ngam a, tih theih engmah ka nei silo.

Room a kan luh rualin ka fate pahnih an tap hliam hliam a, chhuatah thu in an pahnih in ka kuah a, intih pachan tum viau mah ila keipawh ka tap ve tho. Hetiang em em hi ka lo beisei ngam biklo. Chaw eikhawm amaw thil tih khawm dang chu nei se ka hrethiam lutuk ang. Hmeichhe dang birthday kan inchhung a a lawmsak chu ana ve em a ni.
"Bang tawh ru le. An haw tep tawh ang. Kan inlengte vek an nih khu"
"Apa hi ka hua" Sofia in tap chung in ati a, khum ah ka thuttir ve ve a, chhuata la thu reng chung in an pahnih in ka en tawn zat zat a, an biang leh an hnar a sen hlar mai.
"Ipa hi engtinpawn awm se in hmangaih tlat tho tur a ni. A nun a kalsual laklawh a, kan nghak anga, nakin ah chuan ahma ang khan a awm leh mai ang. Eng mi pawh nise in pa a nihna a bo dawn chuang lo a, a hmangaih cheu a, a fate innih vang hian nangni aia hmangaih dang a nei lo. In len hun ah pawh ipa hi hmangaih tlat ru aw. Chu chu in hrereng dawn nia aw" Bobby zawk chu a bu nghat a, ka thusawi chu tlem a zawng bak a hrethiam lo ang. Sofia chuan min en run run ringawt a, apa hi a haw takzet niin ka hria a, chu chu ka duh lo.
"Tihtur a awm silo a, apa tan tawngtai daih ila, nakin ah ala in hmuchhuak ve mai ang" an kut ka vawnsak ve ve a, ka tawngtai pui a, Bobby an Pathian hnen a "Apa fel tir tawh rawh" atih chu Pathian in alo ngaihthlak sak ngei ka ring. Kan tawngtai lai pawn Sofia zawk chu a tap leh hlawp hlawp a, ka fate lungchhe deuh a an tah chuan ka tap ve mai thin.

An awmdan a pangai deuh hnu chuan an uniform ka hlip a, "Bobby ka bual hmasa anga, chumi hnu ah Sofia aw. Tumah harh lutuk awih loh kan ti ang" ka ti a, thuawih ber ni awm tak in Bobby pawh a bu nghawng nghawng mai. Ka bual lai chuan a nui leh uarh uarh tawh. Naupang chuan an rilru natna te an hrereng lo a, hetiang a awm ve hi ka chak. Vawin a thil thleng hi keichuan ka hre leh reng awm si a.

Sofia ka bual lai chuan "Nu Pathian in apa hi a hmangaih em?"ati a.
"Tehreng mai. Keimahnin kan kan hmangaih ai pawh in a hmangaih zawk. Chu chu ipa hian a hriat ve hun ah chuan ahma ang khan hlim deuh in kan awm leh ngei ngei ang"
"Nu min kalsan miah suh aw. Khawiah mah kal suh aw" tap tuau in a ti a, "Apa in kal bo tir che a tum leh hunah pawh duhlo leh rawh aw" ati leh a, apa in min hauh na an lo hreve thin a ni.
"Khawiahmah ka kalsan dawn lo che u. Ka kalsan phal hleinem che u. Hlauthawng reng reng suh. Sofia leh Bobby bulah ka awm tlat ang" chawp leh chilh in a thlamuan hmel nghal a, engtik ah mah ka kalsan lo ang. Nun na ka la neih ve chhung chuan ka fate kalsan in khawi ah mah ka kal lo ang.

Amos pawh a thiante an haw zawh hnu chuan chhuak ve tawh lo in in ah a awm a, naupang lehkha ka zirtir laiin an study room ah a rawn lut ve a, chhuata a thut hnawk hnu ah phone a hmet mual mual a, naupang chuan hlauh hmel takin an melh ralh ralh mai.
"Bobby games khel ila" atih chuan Bobby an "Ka duhlo" tiin alo chhang vat a, apa hi a nel tawh lo.
"Ngatinge i duhloh?"
"A B C ka zir a"
"Hey i fuihpawrh ami?"tiin ka thutna a rawn tlawh a, "Teuhlo mai. Zan in chu a zir tui ve a, an miss in in lama ziah tur a pe nual bawk nen"
"Tlai lamah khan zirtir mai ta che. Tlaiah khan enge ilo tihpui?"
"Ka bual a, an thawmhnaw suk nen. Movie an en laklawh leh ta sia, ka zirtir lo tawp a" tiin tha deuh in ka chhang a. A fate hriat a a thinrim leh vak ka hlau. An hlau telh telh anga, an in pawh lo telh telh anga, Amos bawk hi hrehawm la ti tur a ni.

"In in lak hran tlat vang hian alawm in ah pawh ka awm peih loh" tiin a chhuak a, a rui chu kal pawh a kal tha theilo. Dawm a duh leh dawn loh vang in ka tum buai lo.
"Lo zir ru aw" ka tih hnu ah enzui turin ka chhuak tho a, a tluk palh hlau in ka thlithlai ru thin. A accident tawh vang khan a chetsual leh ka hlau ngawih ngawih tawh. Room a aluh thleng in ka zui ru a, kawngkhar a in khar rualin ka inher a, let leh ka tum laiin thil keh ri ka hria, ka ding chawt a, hre thang viau lo ila chuan ka phu nasa khawm ang, ka perfume bur engemaw ber a paih keh leh tawh ani ngei ang.

"Hepa hi engtia tih chi nge niang Jess? Ka nute ka phone a, naktuk ah lo haw ngei ngei tawh ru ka tia mahse meeting neuh neuh avang in an la hman silo. Ka nu phei chuan a awihlo male" a lungawiloh zia chu a ner vel dan atang in ka hria "An party pawh kha ka rawn haw khan ka tih tawp tir a, nilo se chuan tunah pawh an la ri luih luih reng ang chu. Kanu hi chuan sual theilo tur ah a dah tawp a, kanu bulah hian a fel bawk sia, zanah thil pawi tih a tum chuan min rawn hrilh rawh ka rawnkal ang" Rosy in a tih chuan "Ka lawm e" ka ti sap a. Min kalsan dawn chuan ka dar a hmer vang vang pah in "I tuar rei tawh loh ka beisei" ati sap a. Keipawn a tir atang khan ka beisei tawh. Ka la tuarchhuak ve ngei ang tih hi ka ring tlat a ni.

Naupang ka muttir a, an mutthilh hnu a chhuahsan pawh ka hreh. Sofia phei chu apa hetiang anih hnu hi chuan a muhil lai te hi a phu zawk zawk zel a, a mumang vang tah chhuah phawng chang te a nei thin. Amos arawn haw har chang chuan Sofia room atangin a chang chuan ka lo nghak mai thin a, mahse kan room a min hmuh nghal loh chuan a thinrim phah thin.

Room ah ka lut a, khumah bawkkhup in alo mu a, ka perfume chu alo keh ngei. A rim ringawt pawh a nam nasa lutuk a a hrehawm letling zawk. Ka hruk fai hnu ah ka phiat leh a, ka nau in ka birthday a min pek anih vang in ka ui a ka hman vak phal ngailoh thin kha a ni. A harhfim hunah chuan amah pawh in pawi a ti ang, ka ui zia a hreve vek.

Ka mut ala chhuah loh vang in bang a thlalak kan tar ho ka hrufai kual a, kan hlimlai vek a ni. Kan chhungkaw kim a kan lak chu ka en uluk lehzual a, tupawn hlim hmel kan pu vek a, hetiang boruak hi ala awm ngailo. Amos an naupang lawmna atana min pawm nawlh nawlh hunlai kha a la ni. Keimah in ka nui ver ver a, an vai hian ka hmangaih vek. An vai hian Pathian min pek te an ni. Kei in ka hmangaih na ai a nasa a Pathian hian a hmangaih anih chuan Pathian in a hmangaihna chu ava nasa dawn em...

Cont

---

PERFECT WIFE-6

"Miss i hmeltha e" min ti tu naupang bianga piai pah in "Nangmah alawm hmeltha chu" ka tih chuan ka nui ver ver a, naupang dang ka zirtir lai pawn ka fate pahnih ka rilru ah an awm reng zel. Piano ka zirtir chhung lek te hian nuam an ti in an intithei thin em em a, keipawh ka phur phah lehzual thin.

Naupang ho class lam a an let leh hnu a ka inrem fel laiin Joseph a rawn lut a, kan in nuih sang a, tlangval hmeltha leh fel tak ni si hi nupui a neihar roh ngawt mai.
"Naupang ho ngainat i hlawh bik sia"
"Nangpawh ini tho lawm. Kan in ang reng. Ka class la hi min vil bik ziah. Tih sual nei thin pawh ka an phah lawm" ka ti uang a.
"Ka ngaisang che" atih chuan ka nui hak a.
"I awihlo animaw?"tih paha ka bula lo thu ve in naupang ho paper dah darh nuaih chu min chhar khawmpui a.
"Ngaihsan na chhan tur ka awm lo em a,ngaisang tur zawk che ka nia"
"I kum ngaihtuah in i puitling em a, i chhel bawk a, ka ngaisang che" ati nawn leh a, keipawh in chhel ka in ti. Tuna ka tawn zawng zawng hi tuar ve tur in ka in ring ngai lo a, alo thleng thut a, ka tuar thei viau bawk si. Ka fate hian chakna tam tak min pe a ni.

"Ka office ah coffee in dun ila" a tih chuan ka lo bu nghat a, min duhsak tu ber ani sia, a sawm na lo hnial kha ka duh lo. A office lamah kan in zui a, naupang ban a la hun chiah lo bawk a, hun ka la nei tho a, kan thutfel hnu ah coffee a chah a, a in nasa ve in ka hria.
"I cher lutuk pawh a zia ta deuh e" thutak fe a a tih chuan ka ban vel ka enkual a, ka lo in en chiang mang ngai lo a, naupang ho bula ka awm hian ka hlim ve a, ka taksa ah a lang chhuak veleh tan a ni maithei.
"Ka lo thlah dawn cheu mi naupang an ban fel hun ah. Tih tur ka nei chuang lo a"
"Car ka keng sia, school ah ka dah zankhua thei silo a" tiin ka nui lui hak hak a "I hlimna tur zawng rawh. Kan in hrechiang tawh tho a, ka hrilh ngam ve che. I hlimna zawng ve rawh" thutak deuh a a tih chuan "Ka hlim alawm" ka lo ti vat a.
"I nui hmel lem tak hmang hian min bum tum lo la. Thil engkim ka hmu thiam, nang aiin ka upa a, experience pawh ka ngah zawk a, ka lerh tihna nilo in. Ka hna vang in mi hrang hrang ka hmu hnem. Ka en che hian i rilru a hah reng thin tih ka hre thei. Nangmah inti chhe mai lo hian i hlimna tur zawng ve rawh"
"Ka inti chhe hleinem. Keichu fa pahnih nei tawh ka nih hi. Keiai chuan ka fate ka dah hmasak an ngai alawm"
"I fate chu i ngaihtuah thei tho. Tun ah i buaina hi remchang ah la la, lehkha zir leh rawh. Puitu ineih loh pawn keiman ka pui ang che. Iduh anih phawt chuan zir leh la, i fate tan pawh nu tha zawk ini thei ngei ang"
"Ka lo in ngaihtuah ang" ka ti sap a, jewelry designer nih hi hman atanga ka chak tawh ani a, pasal chu neilo ila ka zir ngei ang. Tunah chuan ka ngaihtuah tawh lo law law. Hun ka nei dawn pawn ka hrelo. Ka zir daih chuan naupang an khawngaihthlak lutuk palh ang.

"I rilru siamfel vat la. Puih che ka in huam reng"
"Ngatinge min ngaihsak em em?"tiin zawhna mawl tak ka zawt a.
"Ka hrelo. Puih duhna che ka nei tlat a, hetianga hmuh reng che hi hrehawm ka ti. Ka inrawlh na tur anilo tih hrereng chung in mawilo mahse i nun ah ka lo tel ve tho anih hi. A lem nilo a tak tak a i hlim hmel hmuh ka duh. Sofia school luh tirh a i awmdan thin ang khan awm leh la ka duh a, khatiang zawng zawng i neih let leh theih nan khan ka pui ang che"
"I thei lo" ka ti sap a, a hrepha lo ani ngei ang. Amos lo chuan tuman an theilo. Amos vang in hetiang hian ka awm a, amah vang bawk in a hma ang khan ka awm leh thei. Nu tana pasal hlutna hi a nasa bik a, a neive lo tan chuan hriatthiam pawh a har ang. Fate kalsan hi a har em em bawk. Ka chhel viau amaw ka intih pawn ka pasal leh fate kalsan hi ka zuam lo leh thin.

Naupang an ban hnu ah kan haw a, living room ah Maggie alo thu a, a bulah toys alo awm nual a, ka fate chuan an bawh chung chung a, tun hnai ah inhmu khat deuh mahse an la ngaina reng anih hmel.
"Ilo awm na a rei tawh em?"
"Reilo e. Ka thleng deuh chiah" a thutna bul thutthleng ah ka thu ve a. Ka pasal nen an chungchang hi ka hria tih a hria angem le?
"In tur i duh em?"
"Tui vawt a ni mai" tui la tur in choka ah ka kal a, Muani thil alo remfel ve mek bawk a, min hmuh rual in "Sawnu saw ka ngaina theilo. Ka lo ngaihsak peihlo anih kha" alo ti zung zung a.
"Lo duat viau tur alawm. Kan ngainat loh te lakah hian that chhuah tlat ila kan ngaina chawp ani mai lawm" ka tih chuan a ner nang a, nui hak chung in ka chhuahsan a.

Maggie hma dawhkan ah tui ka hung a, ka thlitsak ta lo mai. Naupang ho a chhaih char char a, keipawh min la ngaihsak vak hman lo. Ka phone ka en a, Joseph a thil min lo thawn en in ka nui a, piano awmna room kha thla a la a, a ruak nghal vek tih ziak in a rawn thawn a, a tihtur neilo a vak kual leh tawh anih ka ring. Keipawn ka unaupa ang chiah in ka en a, ka ngaina lehzual tawh. Ka tan a inpek nasat vang hrim hrim pawh hian ngainat loh luih a har. Ka thiante pathum tih loh a chuan tun hnai a ka ngainat ber a ni.

"Lokal rawh u ka bual ang che u" tiin Muan in naupang a hruai hrang a, chuveleh Maggie in "Tunlai in nupa boruak a tha em?"ati nghal a.
"Tha lo. Amos nen in lo inkawp leh tih ka lo hre har lutuk a" a meng phawk hra a, ka hria tih ala hrelo ani ngei ang. Tunah chuan hre mahse pawi ka tilo. Ka pasal hi hnaih tawh lo se ka duh.
"I hresual aniang"
"Hmana vawikhat bum ka nih atang khan ka fimkhur tawh a, ka hriatchian hma loh chuan engmah ka sawi ngai lo. Maggie hmeichhe pangai leh zahawm tak ah ka lo ngai thin che asin" ka thaw halh a, thu ngil at chung in min lo en reng a, inthiamlo hmel apu miah lo chu amak ka ti. A awm pawh ka ti ve tho, ka pasal tih hre sa in a ngaizawng a, min then vat tur in a ti bawk a.

"Amos hian keimah chiah min nei lo. Fa pahnih kan nei tawh. Kan fate i ngaina a,anni pawn an ngaina che a, fahrah a chantir i duh a mi? Ka pasal hi a fello tih ka hria, a ngaihdan hi dik ber ah a ngai thin a, a rilru a awm ang apianga awm duh nghal zel chi a ni. Hetiang thil tih duhna anei anih pawh a lo dang tlat zawk tu tur niin ka ngai che a" ka hnuk a ulh tlat vang in ka ngawi leh reng phawt a, ka hmui ka liah huh zeuh hnu ah thawk ka la a, ka ipik leh vek tawh.
"Ka pasal hi i thlah thei anih chuan ka lawm viau ang. Nula hmeltha tak in ngatinge pa fa pahnih nei tawh hi i duh tlat? Ka hrehawmna tur hrim hrim iduh anih chuan hetiang lo zawng hian hrehawm chu min tawrh tir rawh. Tuna hrehawm min tawrh tir dan hi chu a na lutuk a, keimah mai nilo in naupang pawh in an tuar ve vek. Maggie, naupang pahnih hi i lainat miah lo mi?"tiin zawhna ka zawt a, ka mittui vang in a hmel pawh ka hmuchiang thei lo.
"Amos hi thlah har ka la ti. In inneih ni pawh khan ka la neilet leh ngei ang tiin thuthlukna ka siam a, Amos neih let leh nan chuan eng pawh ka ti ang. Nangmah zawk hian chhuahsan rawh. Naupang chu ka ngaina, i sawi ang khan anni pawn min ngaina a, ka enkawl tha ang. Nuam sa deuh in ka siam ang. Rawn ngaihtuah suh" ati ve ta nge nge a. Ka la pawm thei chuang lo. Ka faten nuhrawn an hrawn lo ang.

"I ngaina anih pawn ka fate hi nuhrawn ka hrawn tir dawn lo. Amos chu engtinpawn awm se ka la tuar chhuak ang. Tuna i kawp mek hi ka pasal ani tih hria la, a bula i awm chang apiang in kan nufa hian min lo hrechhuak thin dawn nia. Amah i ngaih chang in keini pawn kan ngai ve ani tih hria la, zan ah i bula awm tur a zan rei tak tak thleng i chelh thin lai khan kan thlahlel ve a, a fate phei chu apa hming lam reng chunga mutthilh chang an ngah thin ani tih hria la. Thinlung i nei ve anih chuan min khawngaih la, ka pasal hi chhuah zalen rawh. Min manbeh sak tawh suh" ka ti a, ka thin a rim lo. Ka chawmawlh tawh anga ka thinrim thei tawh lo aniang. Amos an buaina a siam pawn ka thinrim ngai lo. Lung lian pui pui a vawm a lo in dawh a lo tuar tawp hi ka ang ber in ka hria.

"I pasal hi i pasal anih hma pawh in ka duh tawh a, ka hrilh lawk che. Amos hian keimah lo hmangaih dang a nei theilo tih ka hrilh lawk che. I pawm duhlo a, Amos an i chungah that a chhuah miau vang in amah kha i ring zawk a, keimah min haw ta daih a. Tha deuh a ka hrilh lai che khan in hnukdawk nila chuan hetianga hrehawmna zawng zawng hi i tuar lo ang. Khatih laia Amos rilru kha i hrelo anih kha. A hmangaih ngailo che mahse a atchilh che. Atchilhna kha hmangaihna amaw iti anih kha. Amos pawh a ni tho, a atchilh vang che khan a hmangaih che maw tia, a nei rum rum che a, tunah amah ngei pawh a hlim leh silo. In ngaihtuah harh la kalsan zawk mai rawh " ka hmai hup in ka kun reng a, kalsan ta ila engtinge a awm ang? Tun ai hian a bawraw lehzual ang nge Maggie hi a nei nghal anga hlim deuh in a awm zawk ang?

"Ka chunga i thil tih ang hi i chung ah thleng ve ta se engtinge itih ang? Amos hian alo duh leh che a, a pan leh che anih pawh in nangchuan kawngdik zawk ilo kawh hmuh ka ring a, a rui reng te hi i khap ka ring zawk a, mahse engmah iti lo. A nun kalsual mek pawh i en tawp thei a, hei hi hmangaihna ani em? Amos hi i hmangaih anih chuan a tan a tha tur chauh iduh ang?"
"Nangpawn i hmangaih anih chuan a hlim nan then rawh. A thatna iduh chuan kalsan ta che"
"A fate pahnih nen a a bula kan awm hi a thatna anih hi. Keini hi awm lo ila chuan a rin aiin hrehawm a ti ang. A bula kan awmreng vang in kan hlutzia a hrelo a ni. Mahse ala hre ngei ang. A la kalsan leh tho tho che anga, chuai chuan tunah hian nangman kalsan la, i kawppui tur diktak zawng zawk rawh" ka ti ve ngat a, naupang inbual zo an rawn kal tak vang in kan insiam rem a, lem deuh in kan in nuih a.

"Ka lo haw" khawthim hma a Amos lo haw ve chu kan tana thil mak anih laiin lawmawm tak pawh a ni tel. Ka bulah a rawn thu a, Maggie chu a melh pawh ka hrelo. Inthup ala tum pawh ani maithei. Zu rim engmah a nam lo lehnghal. Ka dar ah a lu nghat in a mit a chhing a, a awmna lama ka lu ti her in a hmel ka en a, a chauh hmel hle a, a hmai te chu a dang in a cher hle in ka hria, a ruih nasat thin vang ani ngei ang.

"Amos iva chau awm ve" Maggie in nuisang a a tih pawh in a awm ngaiin ala awm reng a, a awmdan teh thut hi keipawh in ka hrethiam lo. A awmdan engkim hian ka rilru a tinuam lo vek thin. Sofia in a chal khawih sak in a thle deuh ha a, chumi hnu ah a chal leh apa chal a ti si a, a khawsik leh sik loh en ve a tum ani ngei ang. Apa hi haw viau mahse rui lo a chau tak a a hmuh chuan a lainat veleh pawh ani mahna.

"Apa i damlo ami?" Sofia kut lo mansak in seh a tum der a, te that chungin Sofia a talchhuak a, a tlanchhe zui a.
"Ka hawsan ang che u. Jess chhel deuh in aw" atih hnu ah min chhuahsan a.

"Amos irawn rui lo a, ka lawm e" a nui vur vur a, keimah zawk in ka kuah a, min kuah let ve lo na a nuam ka ti tho. Naupang in min rawn zawm ve vat a, a hma ang bawk in kan chhungkua in kan in kuah khawm leh a, naupang pahnih chu a kuah ve tih ka hria mahse keichu min kuah let ve duh lo. Thinrim na engmah zawng lo a hetianga ruilo a alo haw ringawt pawh hi kan tan chuan lawm na tham a ni.
"Ka lawm e" ka tih nawn leh chuan ka biang ah arawn piai a, ka lo nui ver ver a..

Cont..

---

PERFECT WIFE-7

"Anu ka pum ana" kan khumah Sofia a rawn mu kawm chial a, "Khawilai tak nge na?"
"Helai, helai pawh, ana vek tawh" tih pahin a kawk kual a, ka khawih ve veleh "Khawih suh ana" ati a, tih ngaihna vak pawh ka hrelo. Amos alo la haw lo a, dar10 a rik tawh vang in a rawn ruih haw leh ngei pawh ka ring. Chanchin a hriat chuan a rawn haw hma ve deuh ka rin vang in ka call a, a hmet tawp zel bawk si. A tawp ah Jenet ka bia a "Sofia hian a pum na atia. Khawih hlek pawh a duhlo" ka tih laiin Bobby thophang tih hriat zet in alo lut a, a u hnaih lo turin zaizir in ka lo hrilh a "Ka lokal ang. Amos a awm em?"
"Aih awm lo"
"Ngati thin nge manle. Robert nen kan lokal dawn nia" atih hnu ah kan inbiakna kan ti tawp a.
"Au dam dam aw" atih hnu ah Sofia chal ah a fawp a, a u sam ah a chulsak hliau hliau reng a.
"Sofia ala na viau em?"
"Aw nu ana telh telh" atih phei chuan ka mangang lehzual. Ala naupang ropui mai si.

Jeneti te nufa an lo thleng a, an envel hnu ah "Hospital ah kalpui ila, ultrasound vel ti hrim hrim ang. Hetiang ringawt chuan a diklo. Emergency duty an awm ka ring" Jenet in atih chuan Robert an Sofia pawm a tum a, lo duh lo in "Anu pawm ka duh" ati tlat a. Ka pawm a kan kal tur chu Bobby an min ngen bawk si. Rosy in a thlem a, kan insiam anga kan kal ve dawnnia a tih hnu ah chauh a lungawi a, step a ka chhuk pui lai chuan "Anu kal tawh suh ana" ati a, a taksa chu a thlan in a bual huh vek tawh.

"Nachhawkna in kan chiu phawt mai dawn manle" Jenet chuan a ti tha leh a, Sofia chu men pawh a meng peih tawh lo.

"Ka rilru a hah e" ka ti hluai a, Robert chuan a bag rawn ken a hai rawk rawk a "Chiu phawt mai ang. Hetianga kalpui chu a khawngaihthlak emai" ati a. Room a let leh tum a ka pen leh chiah chu "Anu ana" arawn ti leh sap a, keimah zawk ka tap pur tawh ka khawngaih lutuk.
"Kal lui rawh" Jenet in a ti a, fimkhur takin muangchang in ka kal a.

Khum ah ka nghat riai riai a, Bobby leh Rosy te pawh an rawn lut veleh a, Robert an Sofia chiu a tum chu Bobby an lo phal lo in Robert kut la in a seh vak a, chumi kan buai chhung ringawt pawh chu Sofia tan chuan a rei viau ang. A unaunu an ti na dawn maw alo ti ve a ni. Rosy in a chhuahpui leh ta ringawt a.
"Ka chiu che anga i dam daih mai ang aw. Hlau lo la, ana dawn miah lo ania" ti mawlh mawlh chung in hriau a vit lut a, ka lo en ngam lo chu ka mit ka chhing sawk a, Sofia chuan thawm a chhuah eih lo.
"Kan zo e" Robert an a tih rualin keipawh ka meng a, Sofia chu ka kuah a.
"Enge i an?"
"Nu ala na tho" chau takin a ti a.
"Kalpui hrim hrim ang" Jenet in a tih avang in ka pawm leh a, ka khawih chet zawng te chuan a then tlawk tlawk mai.

Step a ka pawm thlak lai chuan "Nu, apa alo la haw lo ami?"

"Haw tawh e,a intifai anih kha" ka chhan hma in Robert an min lo chhan khalh a, engmah sawibelh lo turin zaizir in min hrilh a. Car ah a hnung ah thu in ka pawm a, a awm a nawm deuh nan zawi te in ka zai sak a. Sofia insut hruih hruih ka hriat chuan hlauthawng tak chung in "Engatinge? Ana leh vak a mi?"ka ti a, a hma a thu Jenet pawh alo leh hawi ve nghal. Sofia chuan a lu a thing a, ngaihtuah dang a nei ani maithei.

"Kan damdawi pek vang kha aniang" Jenet in a tih chuan ka thaw huai a, a damloh lai chuan thil lungchhiatlam ngaihtuah lo se ka duh a ni.
"Anu min kalsan suh aw" ati sap a, tunah pawh ka kalsan ala hlau reng a nih dawn hi.
"Ka kalsan lo ang che. Khawiahmah ka kal dawn lo. Engmah hlau miah suh"
"Kalsan ka hlau" tap tuau in a ti leh a, Jenet rawn hawilet in "Bawihte inu kha i bulah a awm reng dawn. Tap tawh lo la, hospital ah kan kal anga i dam vat dawn lawm" arawn tih chuan Sofia in thawm a nei zui leh tawh lo.

Casualty kawt ah kan ding a, car atanga ka chhukpui dawn chuan "Anu ana e" ati leh a, a tawrhchhel tehlul nen ana viau ani ngei ang a sawi reng mai. Sofia hi chu a mut tawp hian na anei tih kan hre chauh thin. Khawsik leh leina tih vel te hi engmah a sawi ve ngai lo. A mut tawp tawh hi chuan ana hle tihna ani tawh thin. A pumna pawh hi tuna kan buai hma pawh hian na riai riai ang chuan a awm fo ka ring, alo palzam leh mai mai tawh a ni ngei ang.

Jenet in a admit a, ultrasound erawh kan ti thei rih lo. Thil a eiloh a ngai a, zing lama tih tur ah an dah a.
"In ah ka haw leh anga, mutbu leh thawmhnaw vel ka rawn keng leh dawnnia" Robert an a ti a. Cabin ruak alo awm hlauh a, chutah chuan kan awm thei reng mahse ka duh lo. Kan nufa chiaha kan awm angaih hun ah a khawharthlak dawn em vang in ward pangai a awm ka duh zawk a, ka duhna ah tak kan awm a, Jenet pawn duty te a hrilh nghal vek a, hlim hmel min hmuh ta vek a. Jennie phone in chanchin ka hrilh a, midang ka hrilh hman tawh loh avang in lo hrilh darh mai turin ka chah a, an in hrilh kim veleh a an rawnkal nghal tur thu a sawi a. Amos ka phone leh a, a tlang leh thei tawh lo. Ka beidawng tawh, biak ka tum tawh lo ang.

Robert alo let leh chuan mutna kan siam a, Sofia ka muttir a, Jenet chuan venflon vel te a vuahsak nghal vek a. A vein an hmuh that theih loh vang in an ti nawn reng lehnghal a, vawithum na velah an ti dik thei chauh. A tul ang ang in an enkawl nghal a, ana a tih thu a sawi reng a, khawih chet a duhlo a, a muhil thei bawk silo. A nat ai hi na zawk thei ila ka ti ngawt mai.

Ka thiante chu dar12 velah an rawn thleng a, tupawh mai chuan mangang tak hmel an pu vek. Henry ber chu Sofia bulah kun hnaiin a sam chul sak pahin a chal a fawhsak a "Ava pawi ve Sofia, mahse naktuk ah chuan i dam vek tawh ka ring, tawngtai char char la" ati sap a, Sofia chuan a mit a chhing nghal zat a "Henry a sam ah khan chul pah reng la, a muhil zawm thei mai ang" an tih vang in Henry chu thutna ka kian a, ka thutna ah thu in Sofia chu a buaipui ve thung a, Sofia in a a mipa duh awmchhun anih vang in Sofia pawh a thlamuan hawk ka ring.

"Anu mipa zawng zawng ah uncle Henry ka duh ber" he thu min hrilh ni khan a sen ve ap ap a, a zak tih ka hriat vang in ka nui duh lo. Khata tang khan a sawi reng thin a, keimah mai nilo midang zawng zawng pawn an hriat phah a, ka thiante an lokal chang pawn Henry alo zawng vat thin.
"A muhil in ka hria" Henry an a tih chuan ka thaw huai a, muhil sela ana theihnghilh vek in tui deuh in muhil rawh se.

"Amos"
"Ka hrelo" ka lo ti vat. Mipa ho thinrim hmel chuan min ti hlauthawng a, ahma anga kut an thlak leh rum rum ka hlau a ni. A hma pawn kan in a an rawn len laiin a rui sual a, naupang tap nasa bawk nen, an thinrim em vang in an khawih rawn a, khatiang kha thleng nawn tur in ka duh tawh lo. A sual vang ni mahse ka lo khawngaih a, a thlavang ka hauh leh ta tho a nih kha. Kan pasal kan hmangaih tak te hi chu a dan a dang em a ni. Zan ah an ruih vang in kan ngei a, zing ah an harhfim a kan ngaidam leh a, ka pasal anih bakah ka fate pahnih pa a ni a, hei hian ka hmangaihna a tizual a, a sual pawn ngaihsam leh ka awlsam phah thin..

"Rose nangchu kal tawh rawh. Bobby ngaihven rawh. Rosy kha a hna a thulh thei miah lo ang. Bobby kha school ah hruai la, an principal bulah khan Sofia chanchin ilo sawi dawn nia" khua a var tawh a, Bobby pawn min zawng tawh ang. Sofia ka kalsan duhlo a, Bobby ka rilru ah a awm reng bawk.
"Awle. A uniform vel te"
"Amah khan a awmna a hre lutuk. Bual hmasa rawh aw. A nih loh chuan uniform a ha duh miah lo nia"
"Hepa khirh lutuk hi chuh. Mi fate chu nise ka ngei ngawt ang. Ka kal ania" nui vur vur chunga tih pah in a ban a vei a, Sofia rawn chet tuah tuah vang in Rose pawh ka veiliam ve lo.
"Sofia"
"Nu ana e" ati leh a, thil ei se a zia deuh angem? Mahse test hrang hrang an tih duh avangin thil ei an phal silo.
"Ka lo chul dawn mi? Ana viau em?"
"Ana" ati sap a, a thlan fim pawh a awm leh tan a, a nat dan tur zia ka hria. Naupang tuarchhel tak pawn ana tih a sawireng chuan na tak ani ngei ang, a thlanfim bawl tuk tuk te hian a ti lang vek.

Jennie in nurse a ko ringawt a, a rawn chiu hnu ah a kalsan leh mai a "Test tur ang ang chu test vat sela. Hetia chiu leh ringawt thin ai chuan" Henry an a ti nang nang a. Midang ho pawh an lo bu tliar tliar a, Jenet-i te nufa an lokal a, a test theih ang zawng zawng chu test tur a an in peih thu an sawi a, result pawh chhuak nghal thei sela tha tur.

Sofia khum bulah kan thu thap a, a test result kan lo nghak a, Sofia tak chu an jection vang in a muhil a, a mutthilh hian tha ka ti zawk. Reilote pawh na a hriat loh hian ka rilru a nuam.

"Enge in an?" Joseph chu kan en thap a, chanchin a hriat rual in alokal nghal a ni maithei.
"Test result kan nghak mek a" Jennie in alo ti a.
"A zia lo khawp mai Sofia chu" ati sup a, kan zing ah a awm ve reng a. Kal leh mai a tum rih lo a nih ka ring. Doctor in ward a rawn round a, tumah min chhuah then tir lo chu a mak. Jenet in a hrilh lawk a ni maithei.
"Result in nghak tiraw"
"Aw nghak mek a" ti a ka hawichhuak chu ka phu nasa lutuk. Kan in a birthday rawn lawm nu kha ani. Ruthi ngei kha. Amos an a birthday a lawmsak ni a ngeiawm taka che kha. Ka fanu enkawl tur hian ka ring zo lo. Amos a neih duh vang in a enkawl chhe zual duh ang. A chhe ber thleng in ka ngaihtuah hman vek. Sofia enkawl tur in ka duh lo.
"Nangmah khan ami ka fanu hi enkawl dawn?"ka ti bawl a, midang chuan an hrethiamlo tih hriat zet in min en hu a.
"Aw ni e"
"Ka duh lo"
"Ka pi Dr Ruthi hi Pediatric Surgeon anih hi. Ring tawp rawh" a bula nurse chuan lo ti mahse ka lu ka thing tho a. Duhlo viau mah ila a enkawl chu a ngai awm tho si. Kan in a arawn awm duh dan avang khan ka ring lo lehzual. Naupang rilru tur pawh ngaihtuah lo in khatiang khan min awmkhum duh a. Midang pawn khatiang kha tawng se he doctor nu hi an ring zo bik kher lo ang.

Kan nghah reng hnu ah Jenet leh Ruthi chu an rawn inzui lut a, an kal hmawk hmawk ni maiin ka hria. Jenet chuan Sofia mutthilh leh mutthilh loh a en hmasak hnu ah "A ril phir a puak a" ka hmui ka hup a, midang pawh an lo then tlawk tlawk a "Emergency in kan zai dawn. Keichuan ka ti thei dawn lo a, Ruthi hian a ti ang"
"Ka duhlo" ka ti tuarh a, mi mit ka la khawp ang le. Ka fanu ka ven theih dawn phawt chuan mualpho pawi ka tilo.
"Jessi ti khawtlai suh. A rei chuan a pawi zel dawn ania. Nizan lamah kan khawmuang rei tawh si"
"Doctor dang in ti rawh se" Ruthi chuan Jenet beng bula engemaw a sawi hnu ah a chhuak a, Jenet chuan "Amah kha ring turin a duh che. Doctor dang iduh chuan kan nghah leh angai dawn a, Sofia i khawngaih chuan kan tih vat angai, Jessi a hlauhawm ania, na a tih lutuk vang hrim hrim pawn a thi thei" atih rualin Sofia ka en nghal a, ka thih tir teuhlo mai. A rawn che hrut a, a meng diar diar a, a nat thu a sawi leh. A tawng ring ngam lo a, a hmui phun ah enge a sawi tih ka hria.

Jenet in Sofia hak tur a min pek chu ka hak tir a, keimah zawk ka mittui a tla reng a, Sofia in min koh apiangin ka tah a chhuak ut ut thin. Na nei tih hriat lutuk a min ko hi hriat a nawm loh rual in a bula awm ka duh lehzual sauh a. An zai anga a damthat vat ka beisei.

Sofia an hruai luh dawn chuan "Anu" tiin thei leh theilo a min en chunga a ban a rawn phar chu ka lo vuan a, ka fawp vawng vawng a "Dam takin ilo chhuak leh dawn nia. Na inei tawh miah lo ang"
"Anu ka hlau" a ti sap a, a hruai luh tum tu ten an lo tawng thlamuan a, kei chuan "Hlau miah suh" tih bak ka sawithei lo.

Ka thiante ho nen an zai lai kan lo nghak thap a, "Amos hi ngati em em nge?"an ti leh thin.
"Ka call nasa, a pick theilo. Message pawh ka thawn a, a hmu bawk silo a" ka mang a ang lehzual. Muani ka bia a, zana a haw loh thu a sawi bawk si. Sofia damloh lai hian Amos hian tawhsual te alo tawk ve ang tih ka hlau. A accident leh mai ang tih te ka hlau. Ka rilru hah lutuk chu ka thaw halh halh a, awmzia a awm thei chuang lo.

Chak lehzual a ka awm angai, chhel taka ka awm angai, tiin ka inhnem ru mawlh mawlh a, apa ka hlauh chang pawh a min thlamuan thin tu ber chu Sofia a ni. Natna a tuar hi hrehawm ka ti a, ka lainat lutuk. Ka thian te ka din hlat a, ka awmdan an hmuh chuan nuam lo an tih ka hlau. Ka rilru hah lutuk hi ka thaw te hi a mumallo vek in ka hria a, awmdan tur ka hrelo a, thil lo thleng thei zawng zawng dawngsawng tur a in puahchah dan pawh ka thiam lo. Alo thleng apiang lo dawnsawn tawp tawp loh chu tih theih pawh ka nei tawh lo. In tih chak zel mai hi ka tih tur pawimawh ber a ni.
"A tha leh vek mai ang" tiin Joseph an ka dar a rawn vuan a "Tumah kan vanduai reng lo a, kan chung ah thil thalo a thleng reng ngailo. Kan vanduai ber amaw kan tih pawh in keini aia vanduai an awm ve zel a, mitdel pawh in khawlaiah Pathian fakin lungawi takin an zai thei a, mitdel an nih vang khan an kut ah Pathian in pawisa a dah tawp lo an thawhchhuah ve tho angai a, vui miah lo in Pathian an fak a. Nangpawh i thil tawn zawng zawng hi Pathian i hnaih lehzual na tur a nih hi. Kan chung ah hian chhan awm lo in engmah a thleng ngai lo. Chhel deuh in awm rawh ka ngaisang che ka tih tawh kha"
"Ka chak tawk tawh viau in ka hria a, a mah mah tawh a ni. Ka thil tawrh hi a tam tawh lutuk. Rilru hahdam taka awmlai hi ka nei zeuh zeuh a"
"Chuvang chuan rilru hahdam hlut zia i hriat phah alawm. Jess a eng zawng in thlir rawh, Sofia damlo hi chakloh phah nan i hman ka hlau a, Sofia tan chak taka awm zel turin ka duh che" amah ngheng in ka ding tawk tawk a, ani chuan nghet deuh in min lo kuah a, ka bulah hian ka pasal awm zawk se ka la ti tho a ni. Min en reng tu awm a ka hriatna lam ah ka thle deuh a, ka hawiphei rualin Amos alo hawisan ve chiah a, ka hmuhchian hma in kalsan daih mahse amah ani tih ka hai lo.
"Amos" tih leh a kalna lama tlan ka rual a, umphak ngei ka in rin nen ka hmu hman tawh lo. Sofia lakah ka inthiam lo khawp mai keimah vang in a pa hmu thei dawn silo a, ka chak tawk loh vang a ni.

Cont

---

PERFECT WIFE-8


Sofia an rawn nawr chhuah chuan ka lo hnaih vat a. Ward lamah kan dah lut a, fimkhur takin khum ah an hlang a, a zun an siak bawk si avang in a buai lo tur anga rem deuh a muttir angai a, a mutdan ka siam rem vel laiin a rawn tap a "Ngatinge a na ami?" ka tih lah in muhil ang in a awm leh bawk si.
"Damdawi ala rui deuh a nih kha. A tha vat mai ang" an ti a. Sofia muhil a harh hun chu kan lo nghak ngawt ngawt tawp a, an lokal atangin ka thiante pawh an la haw leh miah lo. Ka inthlahrung chuan "Min hawsan rawh u. An zai zo tawh a, hna a kal te in ngai ve ang" ti mah ila "Sofia harh leh hun ah" an ti tlat tho a. Ka tir lui duh lem lo. Haw luih tir pawh ni ila an awm a nuam bik dawn chuang lo a, bakah an awm hian ka thlamuang.

Sofia alo harh veleh "Ana" ati lehnghal a. An damdawi hman a reh anga ana ve tan anih ka rin vang in "A dam mai ang. Tuna na kha chu a na rei tawh lo ang" ka ti a. Ka thiante pawn min haw san a, Joseph erawh chuan min la awmpui a.
"Ana e" Sofia in a khat tawk in a ti leh zeuh thin a, ka ngaihbel nge a pum te chu a puar in ka hria.
"Nurse ka va hrilh ange" tiin Joseph a tho a, nurse nen an rawnkal a, nurse chuan nachhawkna a pe leh tawp a. Venflon an vuahna pawh an thlak leh tawh. An vuahna hmasa lam a kut chu a vung bur mai.
"Sofia idam vat dawn nia aw. Hlau reng reng suh i fel em kha" tiin Joseph an a thlamuan ve a, Jenet leh Robert an rawn in luh chhawk zut a, ana chu anni pawn an hrethiam bik lo. A zaitu annih loh bakah Sofia zaitu kha an rintawk thu an sawi.

Hospital ah ni thum kan awm tawh a, Sofia an zai hnu a an zai leh te pawh thil ei an phal tawh laiin Sofia chu engmah ei an la phal ve lo. Ana a chawl lo a, an rawn endik reng a, tui in chiah an phalsak a ni.
"Nu ka zun a chhuak" atih chuan "I zun an siak a, tikhan zung tawp rawh" ka ti a, a awmdan tur ka hrethiam lo. Ka thiante hna ah an buai a, Lisa phei chuan case buaipui tur a nei reng a, Joseph lah meeting pawimawh a neih lai alo ni bawk nen keimaha ka awm vang in ka thlaphang ru hle.

"Nu ka zun a chhuak" ati leh a, a tai hi hmuh theih khawp in a puar chak a, a zun an siakna ka en a, a ruak hiau bawk si.
"Sofia engtinge i awm? I awmdan hi ka hrethiam miah lo. A hrehawm viau em?"ka ti ta ringawt a.
"A hrehawm loh" chu a ti na a, a hmel ah na a tawrh nasat zia a lang nghal vek a, a mitkhur a thuk vek tawh a, a biang ki pawh a cher vang in a pangchiang tawh. An zai atang khan tui chiah ring in a awm a, cher lo thei pawh a nilo.

Sofia a te that a "Nu ka zung" a ti a,a puan sin ka keu a, a zun an siakna kha dawk chhuak in tam deuh a zung a, Sofia a zah ka hlauh vang in min puih tuma midang lokal hnai tur chu ka lo khap a "Doctor min kohsak zawk rawh u" ka ti a. Sofia ka hrufai a, a zun hnem vang in a mutna leh puan sin te a huh hneh hle. Ruthi rawn tlan lut in Maggie in a rawn zui a, ka hmuduh lo ve ve. Sofia in na tak a tuar tih hre chung in Maggie chuan apa ala lakhran sak duh ania, rilru chhia put chang ka ngah ve thin.
"Enge awmzia?"
"A zunsiakna i vuah hi a pitchhuak a, amah in a zung" ka ti hmuk a. Ruthi chuan "Vuah tha leh mai ang" ti a khawih a tum chu a banrek a na taka lo hmer in "Awmzia a awm lo tih i hrevek ani law mi? I vuah a i zun siak ve naah chuan a zun miah loh kha" ka ti tuarh a.
"Kha kha a chhan ka hre biklo. Kan vuah dan leh thildang diklo a awm lo. Kan ti leh chhin anga a tha tawh ang"

"Vuah angai tawh lo. Ka phal tawh lo. In zai atang in ni thum a liam tawh a, a zun siak pawh angai tawh lo ang. Diaper hmang ila ani mai. Doctor thiam inti tak in tihsual engemaw inei anih dawn hi" ka ti hlak a, ka tawngkam mawi loh zia chu keipawn ka hria a, zahthlak pawh ka ti mahse ka mangang lutuk leh Sofia ka lainat bawk si nen ka insum thei bik lo a ni.

"Anih chuan vuah tawh lo mai ang"
"Ngatinge thil ei in la remtihsak loh?"
"Kan la ngaichang mek. A eithei tep tawh ang lo la nghak hram hram ru. Ana ala ti reng sia, vawin kan enthla leh phawt dawnnia" atih hnu ah a kalsan a.
"A mutbu hi engtinge kan thlak ang? A huh nasa sia, a huh a a mut reng hi chuan a khua a sik ang tih a hlauhawm a" Maggie in min ngaihtuah awm tak in a ti a, ka vanduai ka chunga that chhuah der tu hi an tam lutuk a, keimah ang tur ah ngaiin ka lo ring em em zel bawk si.
"Thawktu zawk ania midang ko rawh"
"Khum thlang lamah khuan sawn tawp law law ila. A thawveng a, a nuam zawk bawk anga" ati leh a, duhthlan tur dang a awm chuang lo. Ka lo bu nghat a, Sofia vang chauh in Maggie in min pui ka remti ang.

Sofia khum danga sawn chu thil hautak tak ani. Ana ati ropui mai si. Min puitu an tam bawk a, harsatna em em awm lo in kan san thei a, kan siamfel hnu ah Maggie en pah in "Kal tawh rawh. I hmangaih bulah chuan hlim deuhin awm la, Sofia hi rawn ngaihtuah reng reng suh u" sehchilh rap rap in zawi sap in ka ti a, Sofia in ka thil sawi a hria ang tih ka hlau a ni.
"Dam vat rawh se aw. Ka lo tawngtaipui ang" atih hnu ah min kalsan a. Ka hmuh ringawt pawh khan ka hah in ka hria.

Tui ka lum ka Sofia ka hrufai a "Anu i hah em?"
"Hah lo e. Nangmah zawk khan na inei em?"
"Aih neilo. Ka ril a tam"
"I ei ve thei tep tawh nia. I ei hunah tam deuh i ei dawn nia aw" a then sawk ka hmuh veleh "Ana leh tawh mi?"ka ti nghal a. Alo bu nghat a. Fate na tuar hmuh hi alo hrehawm zia ka hrechhuak thar leh. Tih theih neih miah loh phei chuan a hrehawm lehzual. Anat pawn ka en tawp angai a, ana hi laksak a tawrh sak ka chak takzet a ni. Chiu hun anih veleh an rawm chiu a, nurse ho pawh in an lainat ve hle in ka hria, midang aiin an khawih dim bik ten ka hre thin a, dim a ngai bik reng bawk a. An chiu atanga reilote ah Sofia pawh a muhil a, a sam ah chul in a hmai cher tawh tak ah chuan ka fawp kual a. A thla laksak in Amos ka thawn a, lokal lo mahse hmu ve hrim hrim rawh se. A kut ah vuan in ka tawngtai a, na tak tuar mek mahse Pathian in min laksak ka hlau a ni. A hnen ah a hruai chuan Sofia hian na engmah a nei tawh lo ang tih ka hria mahse nu thinlung atanga mahni hmasialna awm ve chuan min hneh zawk a, ka fanu chuan na tuar mahse ka bula awm tur in ka la duh fan a ni. Zan tam tlaivar phah ngai dawn mahse ka tlaivar anga, ka tih theih ang ang chu ka ti vek ang. Ka fanu ka bula a awm phawt chuan engmah tih hreh ka nei lo a, hah pawh pawi ka tilo.


Kar khat kan awm tlin na chiah ah chuan Sofia in thil a ei theih tawh tur thu min hrilh a, ka lawm em vanga ka mittui tla min hruksak in "Nu tap suh ka dam tep tawh lawm" ati a. Lo buk nghat nghat pah in "Ni e. Idam tep tawh. I dam anga i duh apiang ka leisak ang che" ka ti a. Nui sang in min en a, "Ana kha a reh vek tawh em?"
"Aih a rehthei tawh dawn lo aniang"
"Reh thei e. Ala reh vek dawn lawm. Na vak vak ang chuan a awm tawh lo tiraw. Enge i eichak ber"
"Chaw" tih pahin a nui seih a, a cher mah mah tawh a ni. Chaw pangai a eitheih ka rin loh vangin Muani ka bia a, buh hawp siam a a rang lama min rawn pe turin ka hrilh a.

Ka thiante an lokal veleh Sofia in thil a eitheih tawh tur thu alo sawi hmasa ber a, an lawm lutuk chu Sofia eitur zawng in an chhuak leh a, an thil rawn lei zawng zawng ah chuan Sofia eitheih tur a awm zeuh zeuh chauh. A bak zawng chu a damfel hun a a eitheih chauh tur ang te a ni.

Buh hawp leh bawnghnute ka chawhpawlh a, ka barh a, tui ti deuh in a ei a, ei pawh a ei hnem. Alo chak tawh takzet a nih dawn hi.
"Ava dam tawh awm ve. Thil te alo ei theih tak a" Joseph chu ka lo nuih sang a, Sofia thil ei ve thei ta hi ka lawm em a ni. Ka hmel ah pawh a langchhuak ngei in ka ring. Thil dang ka la pe ngam chuang lo a, a duh dang chu a dam fel hunah a duh duh hun a a ei turin ka chhawp sak reng ang.

A thil ei zo ka thlak fel hnu ah drip an rawn khai a, kan thiante pawh thim thleng in an awm a, Joseph erawh chu mut dawn ah chiah a haw leh chauh ka ring.
"Anu khawnge ka khum bul ami kha? Ka mutthilh hlan in alo bo daih a"
"ICU ah an dah daih a"
"Enge chu chu"
"Damlo na nasa zual dahna ania. I awm ve lo a i vannei lutuk. Pathian hnen ah lawmthu sawi rawh aw. ICU a awm te chu an khawngaihthlak a sin" ka tih chuan a bu nghat a.
"Ka awm ve duh miah lo. Anu ka riltam leh tawh" ka lo nui hak a, ka chet hma in Joseph an a eitur alo siamsak a, buh hawp leh bawnghnute bawk a siam leh a.

Ka pe a, a hma ang bawk in tui ti deuh in a ei a, kan siam sa a eizawh a plate sil tur a Joseph a kal veleh a rawn luak vak a, a luak ah chuan thisen te a tel avang in ka hlauthawng chu Sofia dawm chung in ka au chul a. Midang in nurse min kohsak a, an nin an rawn buaipui a, "A khawsik pawh a sang. A khawsik na a reitawh em?" Nurse pakhat in a tih chuan "Eitur ka barh a, a khuasik tih ka hre miah lo" ka tih laiin Joseph pawh a rawn thleng a, thil awmzia hrilhfiah chawp a ngaih ka ring lo.

Ruthi a rawnkal a, Sofia a en vel laiin Sofia chuan "Ana" tih leh "Anu" tih a sawichhawk reng a.
"Thil pawi tur engmah a ei silo a, ava mak ve" Ruthi pawn a ti tawp tawh. Doctor beidawng hmel ka hmuh hmaih lo a, kei erawh ka beidawng ve lo. Ka fanu hi a dam leh ngei ang.

Damdawi hmang in an chiu leh tawp a, Sofia taksa ah hian damdawi a lut hnem lutuk tawh.
"Ngatinge niang le aw?" Joseph pawn a ti vang vang a, doctor pawn a ngaihna a hriat loh chuan keini tan phei chuan hriat vak ngaihna a awm lo. Sofia a mutthilh hnu ah Joseph chu "Haw tawh mai rawh" ka ti a.
"Ka haw lo mai ang. In nufa chiah a kalsan cheu chu ka rilru a nuam lo ang. Lo awmpui la, kan tei harh zawk ange, ka rawnlet thuai ang" tih leh din a rual a, haw turin ti lui mah ila a haw duh chuang in ka ring lo.

Sofia khum ah ka bawk a, a thil tawrh zawng zawng ka ngaihtuah a, thil a ei ve thei tawh kha a lawm tehlul nen tun ah chuan tui bak engmah pe tawh lo turin min hrilh leh a, ka khawngaih lutuk chu bawk reng chung in a rukin ka tap a..
"Van khawpui ah ka kal thuai dawn...partin vulna ram ah chuan" Sofia chau tak chunga a zai ri ka hriat chuan ka thu ngil awt a, a meng lo. A zai lai pawh chuan a hah vang in a chawl zeuh zeuh a, nidang ang in a zai pawh a nalh lo.
"Sofia i zai anih pawn kha hla kha chu sa suh. Ngaihthlak a nuam lo" tap chungin ti mah ila ala sak zawm tho a, a aw chu a ri chhuak chang chang tawh chauh a ni. Vawikhat a ngaithla fuh a, khata tang khan a duh em em mai a, Amos nen pawh mak kan tih thu kan sawi thin.

Fiah deuh a rawn meng in "Anu tui ka duh" ati a, a aw pawh ahma ai chuan a chiang. Tui chu ka intir a, a tui in a hal tawh viau aniang a in khawlh khawlh mai. A tui in lai tawp chut in "Ana, nu ana" tiin ka kawr ah a tham a, chulsak tuma a pum ka khawih chuan alo puar nasa viau a, ka mangang lutuk tawh. Nidang a ana tuar ai pawh in hmuh a hrehawm lehzual zawk. A rawn luak leh a, Joseph tal awm se ka tih laiin ka dar a arawn vawn hnu ah Sofia a dawm leh a, Sofia chu a luak leh. A pum ah hian engmah a awm thei lo aniang. Doctor ko tur a Joseph a kal lai chuan Sofia a zawi hnawk tawh a, ka koh pawn min chhang tawh lo. Doctor a rawnkal a, Ruthi chi a ni tawh lo "ICU" doctor in a tih ri chu ka hre ruai ruai a. ICU a awm chu a duh hleinem. Sofia an sawngbawl vel lai chu ka en reng a, khawi hmun ah pawh dah se a bulah ka awm reng tho ang. Sofia hi amah in khawiahmah ka kaltir lo ang. Sofia nangpawn min kalsan miah suh aw..

Cont

---

PERFECT WIFE-9


Jessica's Pov

Jenet ngen na ang in ICU chhung ah Sofia mutna bulah khum min dawhsak a, ka fanu ka hlat thei lo. Amah in ka tuar tir thei lo. Zingah chuan alo harh anga engkim a tha vek tawh ang. Doctor pawn a harh ang a tih kha. A nat lutuk vang in nikhua a hrelo mai mai aniang. Kan bul vela damlo awm te chu ka enkual tha ngam lo. An chhungte rilru tur ka hriatthiam pui a, an vai hian dam vat rawh se, pawn lamah an dam hun nghak in beiseina nen an chhungten an lo thlir thap a ni si.

Ka khum tur a min dahsak ah pawh awm lo in Sofia mutna bulah ka ding char char a, ka ke pawh a kham thei lo. Sofia ka enkawl vang hian ka la hah chhin lo hrim hrim.

A mutthilh rei tawh em vang a ka khawhar chuan "Harh ve tawh la Sofia" ka ti sap a. A che duh eih silo. Nurse duty ten min tlawh ngun em em a, min lainat takzet a ni. Jenet in a harh veleh test tih that leh a rawt a, keipawn ka lo pawm thlap. A dam theihna tur chu engpawh tih ka duh.

"Anu" ka fanu chu ka en vat a, ni hnih ngawt ICU ah kan awm tawh. Ka tawngtai nasa a, Pathian in min chhang ani ngei ang ka fanu in min ko leh thei a. A hawikual a, chumi hnu ah hlauhhmel taka min en in "Anu ka thi dawn a mi?"atih chuan "Teuhlo mai. I dam vat dawn. Ithi dawn reng reng lo" ka ti a. A awmna chu ICU ani tih a hria ani ngei ang. Sofia chuan thil a hrethiam hma a, a bulah chuan fimkhur a ngai thin reng a ni.

"Nu tui ka in duh" nurse ka zawt a, tui pawh in tir rihlo tur a min tih chuan ka na vawng vawng a, tui leh eitur tello chuan a damchhuak thei dawn a mi? Hetiang hian ka fanu taksa hi a chhia in a cher thei ang tih ka lo ngaihtuah ngai lo.

ICU atanga an lakchhuah ni chuan tupawh an tap a, ward a kan awmpui hospital atanga la chhuak lo haw pawn mittui nen min lo hmuak a, lawmna mittui ani tih ka hria, keipawh ka tap lo chuang lo. Ka chhungte pawh an awm a, ka nu chu min kuah in a tap a, kapa leh ka nau pawh an insum nasa hle tih ka hria. Sofia hi a tet lai atanga an duat rawn ani a, kanu entir tura phai lama an zin avang in a damloh tirh khan an lokal theilo a ni.

"Cabin a awm tha ka va ti ve" Jenet in a tih chuan keipawn ka hnial tawh lo. Ka nu pawn min awmpui reng thei tawh anga ka thiante rawnkal reng nen, damlo dang kan tibuai reng in ka hrebawk a, cabin ah chuan awm ila engkim a felfai zawk ka ring.

Sofia chu khawih chet vak ngam ala ni chuang lo a, na ala nei reng a, a pum lna in a kiansan theilo, doctor ten a chhan an hre bawk silo. A bulah tuman engmah kan ei duh lo a, tui bottle pawh kan tilang duh lo. A ei ve chak a, a in chak bawk a, a lainatawm lutuk. Ka nu chu Sofia hnaih ah a awm reng a, zung tur a kalsan pawh harsa a ti. Amos nu leh paten min rawn be reng a, a rang lama an rawn haw tur thu an sawi a, Sofia thlalak pawh min rawn dil reng thin a, video call kan ti nasa hle bawk a, mahse Sofia na hmel an hmuh ziah vang in anni pawh in hrehawm an ti.

"A pum hi zai hawng tawp mai ang" Ruthi chu kutthlak te ka chak ut ut mai. Ka bulah Jenet ding in ka ban ah a vuan a, kan vaiin sawitur kan hre lo vek niin a lang.
"Zai leh chu angai hrim hrim. Hetiang hian kan en tawp theilo" Jenet in a ti bawk a "Keiman ka zai anga, engpawh thleng se mawhphurhna ka la ang. In enkawlna man zawng zawng keiman ka chawi ang" Ruthi in a tih chuan "A in enkawlna man tur chu kan nei. Doctor inih ang in ka fanu hi enkawl dam vat la a ni mai. Zai leh pawh nila iti sual leh lo ang tih tunge sawi thei?"ka ti hrawk a.
"Ka zai naah khan tihsual ka neilo. Ka tih tur ang chu ka ti ngei a, i lung ka tih awiloh avangin pawi ka ti. Ka zai anga Sofia hi a dam ngei ka ring" thutak deuh a a tih lai chuan Jenet in ka hnung ah a chul a.
"Duhthlan tur dang a awm lo" ka hriat phak tawk tur lek in a rawn ti sap a.

Sofia zai remtihna chu ka pe leh ta a, a dam na tur niin an sawi a, a damna ka duh ber. Hetianga ka fanu hmuh reng hi ka duh lo. A hma anga harhvang leh hlim thei tak kha ni leh sela ka duh ber.
"I dam hunah i duh apiang ka leisak vek ang che" ka nu in atih chuan Sofia alo ner sen sen a, a natna hi puitling tan pawh a tawrh hrehawm tur anih laia hlim hmel ala pu thei te hi ka fak ngawt mai. Ka fanu hi chu a lo danglam takzet a ni.


Amos's Pov

"Sofia enge an?"
"An zai leh dawn"
"Ruthi bawk in ami?"
"Aw a thiam alawm. A fimkhur tawk lo deuh a ni maithei" ka kut ka hum ruh a, thinur na in min delh nghal mup mup a, ho te ah pawh ka thin a rim vak tawh thin. A nasa tial tial a ni. A chang leh ka lungngai vak a, a chang in ka thin a rim a, ka huat zawng te pawh ka thinrim a so san lai chuan thah chakna hial ka nei thin.

"In bengdai rawh" Maggie in damdawi min pek chu ka lo ei a. Chhuat ah thu in Sofia leh a nu ka mitthla rauh rauh a.
"Amos in nu in min hua hi nuam ka ti hauh lo. A chhuahsan theihna tur che a i ngaih ber Ruthi puala party isiam lah kha awmzia awm lo in a zuihral a, Ruthi pawh a hua a, i thiante pahnih hian hrehawm kan ti tih hria la"
"Anih chuan min phatsan mai ula. Nileng zankhua a he in a tawm hi ka ning ve tho. Ka zalen ngam chuang silo. Pawi ka khawih vaih chuan Maggie ka nupui leh ka fate engtinge an awm ang? An zahna tura awm ka duh lo. Tunlai hian hlauhna ka ngah lehzual" ka ti sap a, Maggie chu ka bulah rawn thu in min kuah a "Ka pui zel ang che. Pi Sangi hmuh pawh a hun leh tawh dawn. Tunah kan hmuh loh chuan tlai ah daih ani leh dawrh a"
"Ka hmu duh tawh lo. Thungai bak a sawilo a, awmzia awm lo. Sofia ka hmu ve thei angem?"
"A taksa an vih laiin i insum thei angem? I thianten an lo hau ngei che anga, Jessi nu leh pate pawn an hau ang che. Chutih hun ah chuan i thinrim i insum thei angem? Pi Sangi pawh i that nan i hmuh ngei ngei a ngai"
"Ka hrelo. Ka thu ani hleinem" a ngawi reng a, min la ringtawk lo a, keipawh ka inring tawk lo.

Sofia hospital awm tirh a khapa leh Jessi in hnaih taka an ding ka hmuh ni kha. Thikna leh thinurna in ka khat a, an pahnih a sawisak hrep chakna ka nei an lam pan ka tum laiin ka fanu hmel ka mitthla ah a rawn lang a, ka duh anga che lo in ka in her a, Jessi in min umzui khan a hmuh loh tur ah ka biru a, lo in sum lo ila enge thleng ang ka hrelo.

"I fanu chu i hmuduh takzet em? Amos"
"Ka hmu duh"
"Jessi bia la, i thiante lo khap dai hmasa turin hrilh rawh" Sofia an zai leh hma a hmuh ka duh vang in Jessi ka call a, "Amos" a aw ka hriat chuan ka nui suk a.
"Sofia enge an?"
"Tunah chuan a muhil a"
"Rawnkal ka duh a, ka thiante leh i chhungte an awm em?"
"Aw awm vek. Naktuk ah Sofia an zai leh dawn a. I remtihna lak duh viau mah ila i biak theih siloh a, keimahin thuthlukna ka siam ta mai a ni"
"Ka hmangaih che tih i hria tiraw?" Jessi a ngawih vang vang laiin Maggie chuan min chhuang ani tih hriat takin min lo en a.
"Jessi"
"Aw ka hria lawm"
"I chhungte leh thiante kha ka tana hriat nuam lo lo sawilo tur in hrilh rawh aw. Sofia hmu turin ka rawnkal anga, Bobby ka rawn hruai ang"
"Awle. In lokal vat dawn nia" phone ka dah hnu ah "A hlim nan min then mai sela tha tur" ka ti sap a.
"A hmangaih lutuk che hi a a vek tawh a nih hi. Mi vannei ber ini ngei ang hetianga hmangaihtu inei hi. Inthen iduh vanga a hnen a sawi tur a min tih te ka sawi laia hrehawm ka tih zia kha i hrethiam lo ang. Khati taka a lungngai hmel kha ka la hmu ngailo"
"A tana tha tura ka tih a ni. Ka hmangaih vang in. I hriat kha Maggie, a nasat tawh em hi. He thil hi ka pawm theilo a ni"
"Lungngai suh. Ka tawngtaipui nasa che. Engkim ala tha vek mai ang. Kal ang le. Sofia chu hmu ila"
"Bobby"
"Kan lam kawi dawnnia"


Jessica's POV

"Amos alokal dawn" thinrim hmel an put nghal vek vangin ka ban pahnih phar in "Engmah lo sawi suh u. A diklo tih keipawn ka hria mahse Sofia nen hian inhmuh tir ula, Sofia hriat turin boruak thalo awm suh se. Bakah Hospital a in hauh nuaih nuaih chu a zahthlak hrim hrim. Bobby a rawn hruai dawn lehnghal a, ka fate hriatlaia buaina neih ka duhlo" ka ti duah a.
"Em em a che. I mawl emai. A nasa zozai tawh" ka nu in alo ti hluk a, mahse ka hrelo der.

Amos leh Maggie te rawn inzui lut ka hmuh chuan ka rilru ana a, Amos an Bobby a pawm a, nupa an ang ka ti. Nupa chu ka nih tir miah lo ang.
"A u" Bobby aw ring angreng tak a hria nge Sofia a meng diar diar a "Sofia iva cher em em ve" Amos an a ti sap a, Sofia mutna bula chair kan dah pakhat Sofia lu lam hnaih zawk ah a thu a, a bulah kei Bobby pawm in ka thu a.
"Na inei em? Sofia"
"Aih neilo. Apa ngatinge ilokal ngai miah loh" Sofia biangah mittui a luang ngiai ngiai a, Amos chuan a hrukfai sak a, a u mittui a hmuh vang nge Bobby pawh a men pur pur a.
"Tih tur tam deuh ka nei a, i thlalak chu ka hmu ziah lawm"
"I tihtur chu keimah aiin a pawimawh a mi?"
"Aih nangmah aia pawimawh a awm lo"
"Anih chuan lokal ziah tawh rawh" Sofia in ngenngawl taka a tih chuan Amos pawn "Ka lokal ziah ang" a ti ve a. A fanu damlohna hian a insiamthat tir ve pawh a ni maithei sin. Mi pangai tan chuan insiamthat pawh a awm ve reng a ni. Sofia kut cher tak chu la in a fawp vawng vawng a "Kan lo chiu leh lawk ang chu" nurse in a tih chuan Amos nen awmsan kan tum a, mahse "A ngailo in thut lohna lam ani tho" atih vang in kan thut ngaiin kan thu leh a. Nurse in in chiu na tur vel a buatsaih laiin Amos chuan khum ah a hmai a phum a, a hlau ngai miah silo a, fate chu a dan a dang ani ngei ang. Damdawi an pek zawh ah a hawichhuak ngam chauh a, ka mak ti hmel a hmuh chuan "Sofia ka khawngaih vang" ati a, ka lo rin lawk ang vel chiah a ni.

"Apa lokal ziah rawh aw" Sofia in a ti nawn leh a, a aw zawi sap atang pawn a chauh zia a lang reng mai, drip an khai char char a, hei hian a pui mai mai a ni.
"Ka lokal ang. Zanah pawh Bobby nen kan rawn be dawn che nia" a ti a.
"Bobby min lo vawn tir ve" Amos an Bobby min laksak a, Sofia kut leh Bobby kut a dah dun veleh Sofia chuan a vuan vat a "Au na em?"
"Aih na lo. Ka huai em?"
"Aw au an chiu che kha na em?"
"Aih engmah ana lo" a nau bulah chuan chhel leh chak taka awm a tum tlat thin reng a ni.
"Au dam rawh aw"
"Aw ka dam vat anga kan infiam leh dawn nia" Bobby an Sofia hnaih a tum chu Amos an alo pawt bet a, "I u a damlo. I delh na ang"
"Ka tihpalh ka ti dawn chiah lawm" tiin Bobby alo in veng a, amah pawm leh tum a ka ban chu ka beng dawn amaw a ti niang meng duar duar chung in alo in dang a "Ka hmu khat che sia, ka ngai lutuk che a. Ani thu ilo awih em?"
"Aw thu ka awih thin"
"School ikal ziah em?"
"Aw miss in Bobby a hmeltha a ti" nui vur vur in min en a, a hmai ah ka fawp kual a, ka ngai tawh takzet a ni.

"Amos kan mi hmuh tum hmuh a hun" tih pahin kan bulah Maggie a rawn ding a, "Tunge in hmuh dawn?"ka tih chuan min chhang lo ve ve. Sofia bulah nui sang chung in "Bobby hi kan hruai haw tlai chuan a damlo palh ang. Naktuk ah kan lo hruai leh ang aw" a ti a.
"Awle lokal ngei ngei rawh u" Bobby chu Amos an min laksak leh a, kawtlai thleng ka thlah a, min ngen a tum a mahse apan a thlem lungawi vat thei a, awmkhawm leh vat vat ka chak tawh ngawt mai.

Inchhung ka luh leh chuan ka nu in rum tak in min lo melh a, Sofia a harh ve reng vang in engmah a sawi duh lo mai mai niin ka hria. Sawitur chu a ngah ngawt in ka ring.
"Bum fin theihloh hi an awm ve a" ati hluai a, tuman kan be tawp silo a insum seng lo aniang. Sofia bulah thu in milem bu ka enpui a, kan awmna a thil lo zuar an awm in a duh ang zawng zawng ka lo leisak vek thin. An thil zawrh Sofia duhzawng chu leilo in ka kal tir ngai lo. Lehkhabu pawh kan kawl teuh tawh.
"Nu i phone kengreng rawh zanah apa ten min lo biak dawn kha" a ti a, ka nu alo thaw halh a.
"Sofia muhil rawh le i pum a nat leh hma in" tiin Sofia sam ah a chul a, a hmel ka en a, min hau chak tawh tih ka hria. A sawingai bak a sawi leh chuang in ka ring lo, min hau a mahse ka pasal then turin min ti ngailo. Ka fate fahrah tur hi a duh bik lo a ni. Kan thiante pawn then turin min duh vek a, Henry chiah in inthen tha a tilo a, Joseph lah in min vil reng bawk si, Sofia damlo nen ka rilru a buai nuaih reng mai a nih hi mahse nu ka nihna ang in ka fate tih fahrah ka la tum lo reng thung.

Cont

---

PERFECT WIFE-10

Amos's POV

"In thunun a harsa telh telh ami? Amos a thalo khawp mai. Maggie hnen atangin i fanu a damlo nasa tih ka lo hre bawk si" Pi Sangi chu ka en ngawt ngawt a, he natna hi ka hua.
"Ka nupui fanaute tan ka hlauhawm tiraw?"
"Amos" dawhkan a ka kut dah a rawn vuan a, "Ka hlau. Ka la that mai ang tih ka hlau" ka thutna atanga tho in hmun kil lam ka pan a, chhuatah ka beng hup a kun ngul chung in ka thu a.
"Amos in thunun tum kha a pawimawh ber. In thunun rawh"
"A nasa telh telh iti tiraw? Thih ka duh. Ka chhungte tan pawh ka hlauhawm. Ka thinrim laia ka thil tih engmah ka hre ngai lo. Keima aw ngei hian min hrilh ru reng thin ni maiin ka hria" ka kut a khur a, enge ka khurh leh ringawt chhan pawh ka hrelo. Ka nupui fanaute tihnat ka hlauh vang aniang.
"Pi Sang enge ka tih dawn? Ka intihlum mai dawn mi? He natna hi ka nei tih miin hre ta se ka nupui fanaute thleng in an tih vek thei a sin. Ka fate pawn min hlau ang. A nasat lehzual hma in ka nupui fanaute hian min kalsan mai rawh se. Keichu jail ah, tumah ka tihnat theih lohna ah min dah ula" ka ti zung zung a, pi sangi chu ka bulah rawn thingthi in min kuah a, ka nu ang mai ah ka ngai tawh.

Borderline personality disorder (BPD) an tih natna ka nei a, engtik atanga in tan nge ka hrelo. Min hrilh tirh chuan ka awih lo. Maggie in rei tak alo zep zawk a, pi sangi a lo rawn thin a, pi sang in ka hriat tha zawk a a rin hnu ah chauh min hrilh a. A chang chuan min hrilh lo se ka ti thin mahse min hrilh loh chuan ka nupui fanaute ka ti thlabar lehzual ang tih ka hlau ve tho si. Hetiang natna ka nei tih hi ka la pawm thei chuang lo. Nei ve tur ah ka in ngai lo a,min hrilhfiah hma chuan a natna awmzia pawh ka hre lo. Ka in pawm duh lo a, tunah pawh ka la in pawm thei chuang lo. Ka faten an neih ve ka hlau a, ka natna avanga ka fate an zah ka hlau bawk a, hlauhna in ka khat a, ka thinrim hma em em bawk. Ka mood a inthlak reng a, kalsan nih ka hlauh rualin tupawh nin vek chang ka nei a. Keimah intih nat duh chang te ka nei thin. Ka thinrim in ka hlauhawm tih ka hria a, ka nupui fanaute pawh ka hnaih a awm turin ka duh lo. Thildang vanga thinrim na pawh nei ila an chungah ka tuan vek dawn a, ka hriat loh in pawi nasa tak ka khawih ka hlau a ni.

"Jail a i awm chu ka hmuthei hauh lo ang che. Jail ah pawh nangmaha i awm anih loh chuan chhaih thinrim tu tur che an tam daih zawk. I hlauhna hi dahkian hmasak ber tum ang. Mahni inthah duhna rilru i put reng thin kha dahbo la, damdawi ka pek che pawh kha tha deuh in ei rawh. I thinrim chuan i hlauhawm ngei a, inthunun i zir hram hram a ngai a ni"

Ka dam leh thei angem? Ka dam theih ka rin tawh loh vang in he zawhna hi chu ka zawt duh lo. Min chhanna avang in ka beidawng zual mai mai. Keimah pawh ka in rap a, midang min ngaihdan tur phei chu ka ngaihtuah ngam lo. Ruthi leh Maggie ten min hriatpui a, ka nupui bulah chuan ka sawi ngam lo. Engmah hrelo sela, ka hlauhawm tak tak hma in min chhuahsan mai sela ka duh ber, ramsa ah ka chang zel a, inthunun theihloh chang ka ngah zawk a, ka bulah chuan thlamuang takin a awm thei chuang lo ang.

"Khur tawh lo la, tha deuh in sawi dun ang. I that chhuah leh ka duh a, ka pui mek che a ni"
"A chang leh a nasa tial tial itia, a chang leh ka that leh i beisei a, enge awmzia? Min bumkual mai mai ami?"ka ti tuarh a, ka thinrim vang in ka inhumruh nasa leh tawh.
"Inthunun rawh" a ti vin thak a, ka tho a, a room ka chhuahsan a, min lo dan tum mahse awmzia awm lo. Ka in enkawl peih tawh lo.

"Ding teh Amos" Maggie in min rawn umzui ani ngei ang.
"Enge chanchin?"
"Amah kha va zawt rawh" thinurna in min tuam hlup hlup a, ka nun hi ka ning takzet. Ngatinge hetianga ka awm thin? Ngatinge ka in thunun theih loh? Natna ka nei tih bawk ah ka let leh thin. Ka natna ang neive te thu ziah pawh ka chhiar fo a, ngatinge anmahni anga ka in thunun ve theih loh? Ka nun hi a buai nuaih rih a ni. Natna pakhat in min tichhe mek a nih hi.

Jessica's Pov

Sofia zai turin an in puahchah leh a, Amos pawh Sofia an kalpui hma in a rawn thleng hman a, a rawn lut chu tumah pawh en lo in Sofia mutna ah a kaltlang a, a biang leh chal velah a fawp kual nghal mawlh mawlh a.
"Hlau suh aw. An tihnat dawn che chuan ka chhan ang che"
"Tuman an tina lo ang. A dam nan an zai leh dawn lawm" ka nu in alo ti hlak a, ka lo mitmei nghal vat.
"Apa min zai zawh ah pawh anu bulah i lo awm reng ang tiraw?"
"Aw ka lo awm ang. Nangpawh dam deuh in lo chhuak rawh aw. Sofia ka hmangaih che" Sofia a fawp nawn leh a, chumi hnu ah tukverh lam hawiin midang zawng zawng hnungchhawn zawng in a ding a, ka lo khawngaih leh hman tawh. Hepa hi chuan min tibuai takzet a ni.

Sofia kan kalpui dawn ah chiah a rawn hawilet a, a mit a sen ram a, a chau hle a ni ngei ang. Sofia an nawrluh dawn ah pawh a banah vuan in "Hlau suh aw" a ti a, a ngaihtuah takzet ani tih a hmel ah pawh a hriat. Insiamthat a tum ve tak tak tawh anih ka ring.

Sofia kan nghah laiin Joseph a rawn lang hlawl a, Amos nen a kan ding dun a hmuh chuan a hamhaih angreng hle a, a insiamtha vat thei chu fakawm ka lo ti. Ka hnaih ah pawh ding duh lo in ka thiante zing ah a awm a, Henry zawk chu kan bulah lokal in Amos dar ah a rawn beng thak thak a "I dam maw thian-a" arawn tih chuan Amos alo bu nghat a.
"Tunlai iva vang ve? Khawnge i awm thin? Enge itih thin?"
"Ka awm mai mai. Engmah ka ti peih lo" kan thian dangte chuan an en hrek hrek a, Henry chuan nel tak in a kuah bawrh bawrh a. Amos a chunga a thinrimna a lantir lai ka la hreve lo. Amos lam a tang tlat reng a, kan inneih pawh a Amos a dinpui a ni.

"Sofia chu a tha leh vat ang. Hlauthawng duh suh" Henry bawk in a ti leh a "I fanu hetiang hian awm se i hlauthawng lo bik dawn a mi? Hlauthawng lo tur chuan min hrilh suh"
"Henry inbe lawk ang" Maggie in a rawn tih chuan ka lo melh rawm rawm a, ka hnaih a awm apiangte hi lak hran a tum ni maiin ka hria.
"Ka rawnkal leh vat ang" Henry an a tih hnu ah Maggie a zui a. Engtak chu in hrilh leh ang maw? Amos neih a tum thu a ni maithei. Rilru mak deuh hi ka pu leh thin ngaihtuah ka ngah lutuk a niang.

"Amos i chauh hmel"
"Ka chau lo" a ti hmuk a, Henry thusawi vang khan ala thinrim reng aniang nge ka lakah hian hlimna a hmu tawh miah lo zawk.
"Sofia nghah chhung in thil kan ei dun dawn ami?"
"Aih mi tam naah hian awm ang" a ti tlat a. Kan pahnih chiah a awmdun pawh a duhtawh lo. School kan kal ho lai kha chuan kan pahnih chiaha thil ei dun a duh avang in kan thiante a bumkual reng thin kha ania. Engkim a danglam vek tawh. Maggie hian ka pasal min thlak danglam sak vek a ni.

Sofia an zai chhung chu ka rin aiin a rei a, Henry pawh a rawn let har ti a ka hawikual lai takin kan lam pana alokal ka hmu. A mit a sen ram a, a hnar a sen deuh bawk a, min hnaih deuh hnu ah chung zawng zawng chu ka lo hmu hman vek. A chungah enge thleng ka hrelo. A hmai a phih a nih ka ring.

"Ka rei em?"tiin a nui var var a, Amos a kuah nghal thuak thuak a, an thian dangten ka chunga a awmdan avangin an haw vek a, Henry chuan ahma ang chiah khan ala ngaina reng ani tih ka hmu. A awmdan hi amah hmangaih tak tak tu tan lo chuan huatna tham ani reng a ni. Keipawn naupang vang in ka la tuar hram hram anih hi bakah fel fai deuha a awm hi chuan ka khawngaih leh zel bawk si. Lo innei lo law law ila, fate lo nei lo ila tih ka ngaihtuah chang in Bobby leh Sofia ka fate an nih loh ka hlauh zia ka ngaihtuah tel leh thin a. Naupang vang hian ka tuar anga ka la tuarchhuak mai ang ka ti leh thin.

"Pa inih tawh vang hian induh viau suh. Nitin ka rawnkal dawn. U Robert te in ah ka rawn awm dawn"
"Ilo awmphei dawn maw Henry" ka lo ti vat a "Aw hepa hi a induh lutuk a. Ka kawm ve chak tho sia ka rawn awmchilh dawn. David ai pawn Dear ka ti chak daih tawh zawk" tiin a uang a. Amos chuan a nemsan rawp a "Sofia chiah ka ngaihtuah" a ti sup a. Henry chu ala nui reng tho.

Sofia an rawn nawr chhuak a, kan awm na ngaiah kan kalpui leh a, ahma a an zai a a harh hun awm ah pawh ala harh lo. A kut ah venflon vuah theihna tur an hmuh tawh loh vang in a ke ah an vuahsak a, a cher lutuk bawk nen hmuh a hrehawm in a lainatawm takzet a ni. A rawn harh hun kan nghak thap a, ka mangang chuan Ruthu ka ko reng a, a hlauhawm loh thu leh a harh vat tur thu a sawi a, damlo dang buaipui turin min kalsan leh thin.

A hma ang bawk in a rawn tap chhuak a, "I bulah kan awm ipa nen" ka lo ti vat a. Apa nen a kan awm tih a hriat chuan a thlamuang huai anga, a tah reng loh ka beisei a ni. Drip an rawn khai a, amah hnaih takah ka thu a, a ke lama an khai tawh avang in a ban ven reng a ngai tawh lo ve thung.

A rawn meng riai riai a, Amos nen kan lo enreng a, apa nen min hmuh dun chuan a rilru a hlim anga, a dam huai maithei sin.
"I harh chiang tawh tiraw? Na inei em?" a lu a thing a, Amos an a ban ah a vuan a, Sofia chuan a mit a chhing leh a, an zai hmasak ai khan a mut pawh a tui zawk ka beisei. Sofia dam vat ka duh a, in lama haw a Bobby te nen a awmkhawm leh ka chak tawh ani. Ka fapa ka hmu khat a, ka ngai em em bawk. Ani pawh in min ngai tawh anga, a unaunu pawh a ngaihtuah ve ngei ka ring. Sofia dam taka ka hmuh leh vang in Pathian hnen ah lawmthu ka sawi nghal mawlh mawlh bawk.

(Hei bak ka type hman lo. Kan buai lutuk a,dah loh aiah ka rawn ti hram. naktuk chhun velah ka dah hman lo maithei bawk nia aw, ka lo sawi ang)

Cont

---

PERFECT WIFE-11

Jessica's Pov

"A ril phir puak atanga a hnai per vel vang kha ania" Ruthi in a tih chuan ka lo bu nghat a, damlo dang aiin Sofia hi a ngaihsak bik a, tisual ah a in ngai ve pawh a ni maithei.
"Tunah a tha vek tawh angem?"
"Tha vek tawh ang. Hlauthawng tawh suh u. Amos enge i an?"
"Ka tha" ati hmuk a, ahma a an in rem hmel tehreng nen.
"I damzel maw? Pi Sangi ila hmu ngai em?"
"Ngatinge Pi Sangi chu? Enge Amos an a hmuh nachhan?" Jenet in a tih chuan Ruthi in a hmui a hup a, Pi Sangi chu ka hreve ngai lo.
"Ka tihpalh Amos" a tih hnu ah a tlanchhuak nghal a. A awm ve ho chuan Ruthi awmdan chu mak an ti ve vek in hria. Amos nen hian zep an nei leh tawh a ni ngei ang.

"Nupui Jessi nen khan min lo zui lawk ru" Henry an a tih chuan kan in en hu hmasa phawt a. An awmdan hi amak hlawm. Amos lah Sofia kut vuan in a thu a, tumah min en lo a, a che eih lo bawk a, engemaw tihsual chu a nei chiang a ni.

Jenet nen Henry kan zui chhuak a, Jenet in duty room lam a kal a rawt a, tumah an lo awm loh bawk vang in a remchang hlauh bawk.
"Amos a chanchin i hreve mi? Henry" Jenet in a ti nghal a, a hria a min hrilh loh chuan ka dem khawp ang.
"Hria ti ila ka hre chauh zawk. Sofia an zai lai khan Maggie in min hrilh a" an in koh hran tak kha.
"Amos hian BPD a nei" Jenet chu a hmui hup in a mittui a tla nghal zawih zawih a, keichuan BPD awmzia pawh ka hriatve loh avangin engtia dawn sawn tur nge ka hrelo.
"Maggie chuan Sofia dam hunah chauh sawi turin min tia, mahse Ruthi in a sawithawi avang khan i zawt reng anga, Amos nin chin a thlen ka hlau a, in rilru hah laiin ka sawi ta tawp anih hi" ati a, Jenet a hrilh deuh bik in ka hria.

Jenet chu a hmai hup a kun in a tap a, enge ka hreve tlat lo.
"Enge BPD chu?"ka ti ta reng a, Jenet in a tahpui nghal zawih zawih chhan hi ka hre duh.
"Borderline personality disorder ania" Henry chuan a ti sup a "An mizia leh nungchang te a inthlak nasa thin a. An nungchang velah hian buaina a tama, hriatthiam an ngai lutuk a, kut a thlak ve che pawh kha a duhreng vang anih ka ring lo" atih zawm leh a. Ka hrethiam ve chiah. Ka dawngsawng thiam chuang lo. Engtinmah ka awm lo. Ka awihlo lek lek zawk hial. Ka pasal in chian lohna a nei tihna mi? Ka nuichhuak hak a, Henry an ka hnung ah a rawn chul a, Jenet a hnem pah reng bawk.

"A nasa tawh em?" Jenet in atih chuan "Ka hrelo" tiin Henry an a lu a thing a.
"A buai nasa viau tawh angem le? Mahni in thunun thei turin ala tih theih angem? Hetianga a awm chhan hi anu leh pa bak anni lo ang. Naupanlai atangin mal deuhin an siam a, Amos aiin eizawnna an ngai pawimawh a" tih mawlh mawlh pah in phone a hmet a, a beng bula a dah veleh "Naktuk ah rawn haw nghal ang che u" chang faka a tih leh hnu ah phone a off zui nghal daih a.

"Jessi puih nasat angai dawn nia aw. Nu dang aia i hah bik angai thin hi ka khawngaih ngawt mai che" a ti a, puih dan tur pawh ka hrelo ang tunah pawh ka la awih theilo ania.
"Let phawt ang u. Henry in thiam dangte i hrilh ve dawnnia, anih loh chuan hriatthiam loh vang in Amos an haw palh ang" ti a a chhuak chu a hnung ah muangchang in ka zui a. Ka kawchhung leh ngaihtuahna zawng zawng hi a ruak vek in ka hria.

Amos bulah ka thu leh a, Sofia pawh a harh tawh. Mahse ala harh chiang chuang lo.
"Khawnge ikal daih?" Amos an alo tih chuan ka phu zawk a, amah ka hlauh vang pawh a nilo. Min be thut kha mak ka ti zawk. Min be tawh dawn lo maw ka ti hman a.
"Kan chhuah lai i hrelo mi?"
"Hria e in kalna ka hrelo"
"Pawn ah kan ding harh mai mai"
"Ka chungchang in sawi tro?" ka mit ah tak chiang deuh in min en a.
"Aw sawi e" tiin thudik ka hrilh a.
"Min duhtawh lo ang tiraw? Khavang khan alawm min then rawh ka tih che"
"A thim zawng in engmah ngaihtuah suh. Ka duhloh phah lo che" ka ti a. A hlim hmel phah chuang hauh lo. Vei nei reng hmel a pu. A ngaihtuah ka hrechak.

"Ka chanchin in sawi duh chuan a ruk lo in ka hriat laiin sawi ta che u" kan bul hnaih a Henry a lokal veleh alo ti nghal. Henry chuan inthiamlo takin "Kan tih anih kha. Kan ti tawh lo ang. Midang hi thil kan eipui ange. I lokal ve duh em?"
"Aih" a kal pah in Henry chuan ka dar a rawn hmer a. Ka thiante an chhuak thawl a, ka chhungte leh Joseph an rawn lut veleh nghal a, Joseph hian ka nu leh pate a kawm thiam a, anni pawn an ngaina. Amos hi chu an be tho na a, tha deuha biak harsa an ti tawh a ni maithei, a tul tawp ah lo chuan biak pawh an be mang lo zawk. Johan erawh chuan ala ngai reng a, ka chunga a sual em em lai pawh in thinrim mahse a ngainatna a reh chuang lo. School kan luh ho laiin an in zui nasa em a, Amos hi kei ai chuan a u chei nasa zawk in ka hre thin.

Joseph a kan awm lohna lamah kal in Sofia kut a vuan a, Sofia in "Ka kut ana" arawn ti a, Joseph chuan a thlah rang kher mai. Mahse Sofia chuan na ala ti zel tho a, Amos a vawn na lam ka en ta zawk a, alo hum ngheh hmel hle. A kut ah chelh in ka thlah tir a, Sofia kut chu ka tuaisak a. Thinrimna a nei a ni maithei engmah pawh sawi lo in a chhuak nghal daih lehnghal.

Sofia thil ei an phal ve vat a. Mahse a zawng zawng ei an phallo. Ka dim lutuk na lamah cerelac te ka pe tha leh thul. Na a neih leh mawlh ka hlau a, hospital atanga chhuah vat ka duh tawh bawk.

Ka thiante pathum an lokal a "Sofia muhil ka khawhar lai tak" ka lo ti vat a. Sofia buaipui angai rihlo bawk a, an bulah ka thu ve a. Rose in "Amos hi then rawh. Henry lo chuan then turin kan duh vek che" zawi sap in a ti a.
"Ngatinge?"
"A hlauhawm. A natna min hrilh khan ka ngaih a thalo nghal. Nizan pawn ka ngaihtuah char char a, ka mumang ah thlengin ka hmu a, ka mumangah alo sawisa nasa che. Ka mumang chu a dik theih em kha" atih chuan ka hlau ve. Mahse Amos anih chhung chuan eng natna pawh nei se ka hlauhna chhan tur ka hrelo. Hospital a a rawn kal reng hnu pawh in Joseph a hmuh loh chuan thinrimna a nei ngai hleinem.

"Rose in inpa a awm lo tih min rawn hrilh ru a" Joseph rawn lut chu a lai ve deuh in ka hria. Kan lo enthap vang aniang.
"Thil kan ei dawn lo awmpui rawh" tih leh tlanchhuah an rual a, ka thiante hian ka pasal then a Joseph bula kal turin min ti reng thin. Mahse engtikahmah ka kal lo ang. Ka faten pahrawn an hrawn dawn lo tih hi sawi nawn reng a ngai fo thin.

"Sofia chu a mutthilhna a rei tawh em?"
"Rei ve tawh. Nizan khan games a khel rei lutuk a, chhunah a men theih loh phah anih saw"
"In pa rawnkal a tum lo mi?"
"Ka hrelo chanchin engmah a rawn sawi lo a, a rawnkal maithei. Sofia hian a lam leh zeuh thin sia"
"In pa kalsan a i hlimna zawn ve chu itum ta em? I tui zawng te ti ve la"
"Ka hlim alawm. Ka pasal leh fate hi ka tan chuan an pawimawh ber. Anmahni vang hian ka hlim thin" ka ti a, ka pasal natna mak tak nei puih ngai kalsan in ka hlimna ka zawng theilo ang. Ka kalsan chuan ka inthiamlo anga ka hlim lo zawk ang.

"I fate chu i bulah i awmtir thei reng alawm" ala ti talh a.
"Ka fate ngawr ngawr a nilo. Bakah ka tuizawng lo zir leh dawn ta ila ramdanga ka zir angai ngei anga, naupang hi ka lak an phallo ang"
"Ramdanga zir pawh ngai se naupang hi i hruai vek thei lawm. I bulah lehkha an zir ve anga, chutiang tur chuan engkim ka tihfel sak thei ang che"
"Ka duhlo" ka ti hmak a, in then hi ngaihtuah chian poh leh a zuam awm loh thin.

Ka kut a vawn pawh in ka la san duh lem lo. A hma tang tawh in ka hlim lo a a hriat chuan min vawn sak ziah thin. Ka thian leh unaupa ang ah ka ngai a, ka lak a a rilru put ang hi ka pu ve ngai lo. A bula awm chu nuam ka ti ka thlamuan phah thin.

Amos a nu leh pa leh a nutei an rawn luh chuan ka kut ka la san vat a, ka lo ding hluai a, thil sual ka tiin in hre lo mah ila anu leh a nutei min melh dan ah chuan sual nasa tak khawih ka nih duh hmel. A nutei chu a lokal fo tawh avangin Joseph nen pawh an in be zeuh zeuh a, anu leh pate chuan Sofia te principal ang ringawt in an hria.

Sofia mutna lama an kal pawh ka zui ve nghal a, ka zak et et mai. Amos a pa chuan a lu ah a chul hliau hliau a, Sofia pawh a rawn meng riai riai a, api leh pute a hmuh chuan a hmel hmuh a nuam ngei mai. Api nen phei chuan an awmdun nasa a, a ngaitawh ngawt in ka ring.

"Na ila nei em?"api in a tih chuan a lu alo thing ne ne a, a nui ver ver reng bawk.
"Jessi chu ihah dawn hle mai. Kan rawn hma thei ta silo a, zanin chu iduh leh in lamah riak ve tawh rawh. Inu leh i nutei hian riahpui rawh se" ati a, anni pahnih chu ka awm ve tih hrelo ang hmak in an lo awm thung. Min ngainat nen mipa dang kut ka lo vawn vang a ni. Amos an hmangaih ropui mai si. Min hmuh dan kha an rilru anat phah ang tih pawh ka ring.

"Nangmahni haw zawk rawh u. In chau zawk ang. Bakah ka riahpui loh chuan ka rilru a nuam chuang lo ang" ka ti tlat a, Joseph a thutna lam ka en ngam tawh rih lo. Kan in ngaizawng amaw an tih palh ka hlau khawp mai.

Ka thiante an rawn luh chuan ka lo thaw huai a, Joseph pawh a mal lutuk tawh lo ang. Ka nu leh pate chu an rawn be luam a, boruak pawh a rit lutuk ta lo. Keichu min la be chak lem lo tih ka hrevek a, mahse keimah zawk in ka be lui zel tho a. Ka biak loh ve chuan boruak a chhe leh telh telh ang.

"Nangni ho kha" Amos rawn lut chu an lo kuah chung chung a, a natna an hretawh a ngem le? Jenet khan phone atang ringawt chuan a hrilh duh kher lo anga.
"Iva cher ve enge awmzia?" Ka nu in a tih chuan alo ner suk a "Cher theihna tur enge itih?"ati leh a. Amos an "Engmah" ti mahse a awih loh hmel tho mai.
"Rilru natna ilo nei ami kan awm loh hlan khan" ka nu in a tih leh kher chuan ka lo ngei ve lutuk. Rilru hah nasa zawk chu keimah ka ni reng sia.
"Neilo"
"Min va chhang tha duhlo ve" atih laiin ka bulah Amos a rawn ding a "Jessi hi in hau ami?" sawi sap in a ti a, a thinrim tih a hriat viau tho. Ka lawm lo hmel kha alo hmuthiam aniang.
"Engvangin nge kan hauh ang. Hauhna chhan tur a awm hleinem. Tuman an awmpui loh pawn a awmthei tho a"
"Ka nute ka hah ve tho a, tha deuhin in bia ang u. In hriatfiah duh chu mim zawt ula, thudik tak vekin ka chhang ang che u" ka ti ve ta tawp a, engmah hrechiang lo a dem nih ringawt chu ka duh lo a ni. Ngaihzawng dang neih chungchang ah berkher phei chuan ka duhlo lehzual. Lo nei tak tak ila chuan engtinpawn min tise ka tuar tlawk tlawk thei ang.

"Hriat duh em em pawh kan nei lo" ka nutei chuan ngeiawm deuhin a ti leh kher a. Sofia chuan boruak thalo a hrethiam ve nge min en kar a, ka lo nui lui a.
"Tuman hau suh u. Jessi a kalbo palh ang" Amos an atih chuan ka en ha a, a uang pawh ani chuang silo "Kalsan nih ka hlau alawm" a ban ah vuan in pawn lamah ka kaichhuak dawt dawt a, a kut te chu a khur in ka hria.

"Engtinge i awm a? Ahma a min ning si kha ngatinge ka kalsan che iduh leh thut?" In hmachhawn in kan ding a, kalsan chu a hlau viau aniang a hmel ah pawh ka hrethei.
"Ka kalsan lo ang che" ka ti leh ta ringawt a. Joseph nen a kan thil sawi hi hriat chin a nei amaw ka ti hman a, mahse hria se chuan a thin a rim ka ring tho bawk a, kan thusawi a hrelo anga mahse ka kalsan dawn in a hria a niang.

Nurse duty vei sup sup an awm nachung in Amos chuan min kuah a, keipawn ka lo kuah let ve. Kan in lak hran ve ve hnu ah a kut ka vawnsak leh a, "I kawr ban hi thlep daih rawh tunah tak chuan a vawt lo emai. I thlan te a tla a" ka ti a, a kawr ban ka thlehsak chuan in zaina hnu ka hmu nual a, ka phu zawk nghe nghe. Amah pawn a hrechhuak aniang rang takin a kawrban ka thlehsak tawh a pawtthla a. Hnung lamah a thukru daih a "I in zai thin ami? Ana lo mi?" Ka hlau lutuk chu ka aw te a khur vek.
"Min hlau ami?" Lungngai hmel pu takin a ti a, lu thin pah in "Nangmah ka hlau lo che mahse i thil tih kha ka rap. Ti tawh miah suh. Thil thalo anih kha. Nangmah kha inti na tawh suh" ka ti mawlh mawlh a, chem hriam deuh te hi a rap theih tehreng nen bakah mipa ah chuan ser neih hlau pawl tak a ni maithei. Hetiang a ti hi a pawi lutuk, Jenet bula ka sawi vat angai ang.
"Lut phawt ang. Kan sawi leh dawnnia"
"Min kalsan suh aw" ati leh a.
"Ka kalsan lo ang che ka tih tawh kha. Sofia alo mangang ang. Lut ang" tia ka in her chuan Rose leh Joseph ten rap hmel taka min lo thlir ngawt ngawt ka hmu a, Joseph hian Amos chanchin ala hre hauh lo. Tunah chuan Amos lak atanga min lak hran a duh lehzual ngei ang.

Cont

---

PERFECT WIFE-12


Ka hmu tih a hriat veleh Rose in "Kan awmna ala reilo" lo ti mahse dawt a sawi tih ka hria. Dawt sawi a thiam lo, a mit ah hian a lang nasa bik thin.
"Puitling te intur kan laksak lawk dawn a" Joseph kaiin an pahnih in min kalpel a.
"Kan hnunga an ding kha i hmu miah lo a mi? I awmna atangin a lanchian dawn nen"
"Nangmah chiah ka en che"
"Lut ang" ka ti hmuk a, Joseph chuan mak a ti viau maithei. Ngaihthlak nuam tur a hrilhfiah dan Rose khan a thiam em ang chu. Ka pasal hi mi â ani lo a, mi hlauhawm pawh a nilo. Natna pakhat a nei ve a nimai.

"Sofia hi a chhuak thei tawh ang" Amos a lawm lutuk chuan min kuah a, tap mai tur hmel a pu in ka hria. Hospital ah thla khat ai tam kan awm a, ninawm tak a ni ve tawh reng a ni.
"Anat ve vaih chuan Ruthi i chak lo ngawt ang" a ti khur khur a.
"Na lo ang mahse na dang aneih chuan ka sawi theilo. Mihring taksa ka thunun theilo a. Chu chu Pathian thu thu a ni tawh"
"Doctor inih kha" ati vak a, thinrimna tur Ruthi in engmah a sawi lo. A awmdan inthlak reng hi a awmzia ka hrelo. Hlauthawng deuhin ka awm phah thin.
"Doctor ania, a buaipui em em ang. A hna alawm. Sofia pawh a dam zel beisei ang. Sofia hi Maggie te nen in ah kan haw pui anga, in nupa khan Pi Sangi hmu turin kal rawh u" Jenet in alo ti vat a, Pi Sangi chu Amos enkawl tu ani tih chiah ka hria. Ka huphurh hle bawk.
"Sofia kan rualin haw rawh aw. I nu leh pate hian kal na tur an nei a"
"Awle a pawilo" Sofia chuan thil engpawh a hrethiam thei zel thin. Kan ruala haw pawh a chak viau tho in ka ring keipawn hruai haw ka duh mahse Amos hi a pawimawh rih ve tho si.

Bungrua vel ka khungkhawm a, Sofia chuan mu chung in ka che vel alo thlir reng a, ka lainat thin. Anu leh pate heti mai hi kan ni sia, a damloh lai pawn rilru nawm lohna tam tak kan siamsak ka ring. Nu leh pa tha tak nih hi alo har a nih hi.
"Sofia kan lo haw har lo ang aw" a kut a min hui avang in a hmui bulah ka beng ka dah hnai a "Nu, apa hi mi â ah a chang zel a mi?"ka meng kawk a, hlauthawng tak chung in "Tunge sawi?"ka ti a, a tawngrin ngam bawk siloh.
"Ka mutthilh deuh laia sawi ka hria"
"Tu in"
"Ka hrelo ka meng lo a" kan thiante ho thil sawi alo hre thawi a manle.
"Mi â ani lo a, a ni dawn lo bawk aw. Hrethiam rual inih hunah ka la hrilhfiah vek dawn che nia" mittui tling pam chungin a thaw halh a, chu chu Jenet in a rawn hmuh in "A ngen deuh che mi?"ati a.
"Ngen lo e. Hospital a ngai aniang" Sofia alo nui seih a, "In kal dawn chuan kal a hun a nia" Jenet in a tih tak ah chuan ka khung ban ho ka khung leh sawk sawk a, an haw tur ho a hlawm a ka dah hnu ah ka thian te bulah "Kan kalpui anga, kan in ah lo awm rawh u. Kan reilo ang" ka ti a.
"Kan haw phawt anga a hranpa in kan lokal leh zawk ang"
"Chaw in lo ei vek dawnnia. Sofia dam lawm nan. Sofia te principal pawh kha bia ula sawm rawh u" Jeneti chuan boruak chhia a hreve lo aniang. Amos a nutei leh a nu chu ka chung ah an la lungawi theilo. Jenet in a sawm takah chuan "Awle" an ti a, Amos a ban ah vuan in "Keini chu kal mai ang. Kan kal har chuan kan haw tlai zel zawk ang" Sofia ka en leh zawk a, nui sen sen chung in a ban a vei a "Kan rei miah lo ang" ka tih leh hnu ah Amos ka chhuahpui a.

Keimah zawk in car ka khalh a, amah zawk chu ngawireng in ka bulah a thu a, ka ngaih a that loh vang in ka en leh zeuh thin.
"Ka haw duh lo" arawn ti sup a, traffic jam a kan tan tho vangin a lam ka hawi a, ani chuan pawnlam alo en daih vang in eng hmel nge a put ka hrethei lo.
"Ngatinge?"
"Sofia te principal alokal dawn kha"
"Chupawh nise enge pawi? Sofia te principal anih vang in an sawm ve ringawt alawm"
"Kei aiin itan a tha zawk. Nakin ah chuan kei aiin ila thlang zawk tho ang" kan tlan leh thei tan a, a kut vawn ka tum viau ania ka kut ka la let leh ta zawk a.
"Min chhang theilo anih kha"
"I taksa kha zai tawh suh aw" ka ti daih a, a hmun thlen vat vat ka duh tawh. Jenet khan a awmna min hrilh a, Amos a pawn a hretho bawk a, zawn hmuh chu ka huphurh tehchiam lo.
"Min kalsan dawn a mi?"
"Ahma pawn min ning a inthen iduh thu i sawi kha" ka ti ve a, kha thil a sawi kha na ka la ti reng. A thinrim a ka taksa a tihnat ai pawn ana daih zawk in ka hria.
"Ka sawilo" atih chuan ka nui hak a, hman a Amos kha ka ngai thin. Dawt min hrilh ngai miah lo tu leh harh vang tak, mi hlim thei tak thin kha. A inthlak chiang lutuk hi kei ngei pawh in awih har ka la ti. A mizia hi a inlet thawk ni maiin ka hria. A vun pawh a dang bel tawh a, a ban a in zaina hliam ka hmuh khan a dan viau chhan chu ka hria, a in zai changin thisen a hlauh hnem thin a niang. Ven tawp a ngai ni ber in ka hria.

A awm na hmun an sawi ah ka ding a, ka din rualin rang takin a chhuk a, min kalsan ka hlauh vang in hmanhmawh tak chungin ka dah rem a, ka chhuak ve vat a. Min lo nghak ve reng a, a hmel erawh a ngui angreng hle. A rilru nawm lohna tur ka sawi awm pawh ka hre silo a "A awmna building takah chuan min hruai rawh ka la hreve silo a" kan din na piah deuh a building a kawk a, a kal chuan a banah vuan in a rualin ka kal ve a, amah in ka awm hran tir dawn lo. A fate ai pawn ngaihtuah a ngai nasa rih zawk.

Doctor hmu tur in a room ah kan in zui lut a, nui sang in min lo chhawn a, a hma a thutna awm ah Amos ka thutpui a.
"Amos nupui iva nei hmeltha ve" alo tih chuan keimah zawk ka lo lai daih. Min hrilh zawk se ka lai lo zawk maithei. Amos chuan min en zawk a, a hawisan leh vat a "Enge a an? Jenet in min rawn hmu ngun a, Amos i enkawl dan tur chu a hrilh thei ang che aw"
"Awle. A tha in ka hria" ka ti a, Amos awm ve reng laia a chanchin sawi chu thil nuam pawh a nilo. Keimah a a hranpa a hmuh a, a awmdan zawng zawng sawi vek ka chak.
"Amos enge i an?"
"Ka tha" ati hmuk a, Joseph ala ngaihtuah reng a niang. Amos nen an inkawm chhung ka chhuak leh rih a, pawn lamah ka lo nghak a, ka rilru in ka tawngtai mawlh mawlh. Amos hi tha leh turin ka duh. A awmdan inthlak danglam renh hi ka hrethiam lo a, tawngkam fimkhur a ngai a, in veng reng a awm angai.

"Lo lut lawk rawh se a ti"
"Lo awm la. Min lo kalsan miah suh aw"
"Awle" ka din veleh ka hnung ah a dawm a, ka luh hnu ah pawh kawngkhar ka hawng a, min lo nghah leh nghah loh ka finfiah leh hmasa phawt a, ka thu veleh chauh.
"Amos awmdan thin enge? Sawiduh i neiin ka hria a"
"Aw a tam mai" a nui ver ver a, ka tawng hun alo nghak ran a.

"A ban ah in zaina hnuhma ka hmu nual a"
"Amah leh amah intihnat duhna a nei thin a, a natna ang nei thenkhat pawh an ni ve tho. Dim dawih deuhin enkawl la, i hmangaih viau loh chuan i tuar thei hauh lo ang" tiin bul a tan a.
"Ka hmangaih alawm. Natna a nei tih ka hriat hma pawn ka tuar char char a, ka hriat hnu phei chuan ka tuar thei lehzual ang. A duh vang ani biklo tih ka hre dawn a"
"A natna ka hrilh kha pawi tih chang ka nei thin a, a chhan chu a natna ka sawi khan a in hlau a, in tan a hlauhawm a rin vangin in him nan inthen hial a duh a, mahse tunah chuan ihretawh bawk a, inthen a tih pawn i dang tlat dawnnia"
"A chang in kalsan a hlau thin a"
"Nia kalsan hlauh ngawih ngawih chang a ngah ang. A ngaihtuahna avang in amah pawh a inti hlim lo chawp thin a, thil hi a thim lam hlir a ngaihtuah chang a nei thin. A thim lam in a ngaihtuah tlat anga amah pawh a ngui bur anga, in thah hial duh chang pawh a nei" mak ka ti chuan ka hmui ka hup a, a ban kha inthah a duh vanga zai ani angem?

"Hnem thin la, a thil ngaihtuah ang kha a thleng dawn lo tih hrilh la. I kalsan dawn lo ani tih hrilh mawlh mawlh rawh. Tunah hian Amos hi a tam zawk ah kan la thunun thei a, thil lawmawm tak a ni. Thunun theihloh chu an hlauhawm lutuk. A sual lam zawnga an ngaihtuah phei chuan a hlauhawm lehzual. Mahse lungngai lo la, i hmangaih zia tilang nasa la, a thinrim lohna tur a awm tum hram hram la, thunun reng theih tum rawh"
"Ngatinge hetiang hi a neih bik le?" Amos ka lainat vang in ka mittui ka dang zo lehpek lo. Hetiang a tuar hi keimah pawn hrehawm ka lo ti.
"Lungngai suh. Amos chiah hi he natna nei hi a nilo. An hlauhawm vek lo bawk a, nunphung pangai a nung thei te an awm a, he natna hi annei tih hriat loh khawp a awm te pawh an awm. An in ngaihtuah lungpuam thin a,an lungngai hma bawk. A bulah awm tam la, rilru thlamuang deuh a awm tir tum rawh"

Pi sangi room atanga ka chhuah chuan min lo en run a, ka hmel hmuh a nawm nan ka nui seih a, dawhthei taka alo awm ve thei pawh a lawmawm. Pi Sangi khan a phone number min pe a, harsatna a awm chuan ka zawt reng thei a, ka thlamuan phah.
"Kal ila"
"Ka haw duhlo"
"Joseph bulah ka awm dawn hleinem. Lokal rawh" tiin a banah ka vuan a, ka kaitho a, a din rualin min kuah nghal. A thlamuan nan ka kuah let ve a, mahse Pi Sangi hmu tur dang an lokal ve dawn vang in "Kal tawh ang le" ka ti a. Pi Sangi khan ala thunun theih a tia, a pangaiin ala awm leh thei ang tih ka ring tlat. Ka puih phawt chuan Amos diktak kha ka nei let lehthei maithei asin.

Kan haw kawng ah pawh keimah bawk in car ka khalh. A in ngaihtuah leh vak vak chuan a khur anga, chetsual a hlauhawm zawk. Tunah chuan a rui tur pawh ka phal tawh ang. A natna a pawm duh loh vanga a rilru na kha a rui reng a, tunah chuan khatiang tih tir kha ka duh tawh lo. Ka ven theih dawn leh dawn lo ka chiang lo na a a theih na apiangah chuan ven tlat ka duh. Remlo deuh mahse ka dar ah alu a rawn dah a, he natna a nei hi kei aiin a mangang zawk ngei ang. Nupui fanaute hmangaihna leh venthawn na a neih bawk si avang in atan chuan pawm a har anga, tawrh thiam pawh a har zawk ngei ang.

Gate lian ah ka tlan lut a, car dahna kan thlen pawh in a awm ngaiin ala awm reng a, a muhil anih ring in dim deuh chung in ka sawi a, a che tual tual a, chuveleh "Kan thleng tawh" ka ti sap a. A thu tha a, a mit a nuai nuap nuap a, chumi hnu ah a chhuk ve chauh.

Inchhung ah kan inzui lut a, an lo ri luih luih tawh mai. Joseph pawh ka thiante zing a a awm ve ka hmu a, ka lam hawi a a rawn nuih chuan ka lo nuih let ve a. Thil pawi ah ka ngai hran lo. An awmna bulah Sofia mut na tur zau deuh an lo siam a, Sofia chuan nuam tih hmel viau mahse "Heta muttir hi a tha dawn mi? Room ah mu zawk se la" ka ti tho a.
"A pawina awm lo. A mutna tur kha kan siam uluk ania" Amos a nute in a ti hluk a, "Awle a that chu" tiin ka chhang a, a tan a hriat nuam tak turin ka sawi tho. Sofia mutna bulah Amos nen kan thu a, Henry an min rawn zawm a "Amos nakinah la picnic ang u aw"
"Nia mahse Sofia dam phawt rawh se"
"A dam phawt loh ten le. Ka bialnu tello a picnic ka duh teuh lo" Sofia biang ah a piai a, Sofia alo nui sang a, Sofia chauh nilo in Amos pawh a nui ve. Bobby lokal pawh alo pawm vat a "Henry ka fanu hi nghak lian rawh aw"
"Tehreng mai. Sofia ka nghak lian ang che aw. Ipa in a phal chu" Sofia alo bu nghat nghat a, Henry neih chu a duhthusam alawm.

"Jessi rawng kan han bawlpui ange aw" Rose in a rawn tih veleh Amos an "Nachin khan Nupuiin rawngbawl tur kan ruai ati sia" alo ti hu a, keipawh ka hriat dan a ni.
"Thu rawh u. Rawngbawlpui an ngaih loh chu"
"Eiruk tur tal zawng ang u" an ti a, choka lamah an inzui lut dial a. Ka nau chu kan bulah a rawnkal zawk a, puitling chu inchung lam ah an thu hrang anih ka ring. Amos a nutei chuan rawngbawl ho a vil thung. Ka nau Johan ve thung chu Amos ngheng in a rawn thu a, Bobby huat turin a insiamchhe reng a "Bobby seh rawh. A hmui a rawn tih zum leh veleh lo seh rawh" Amos an alo ti a, Johan an ner nung chung in "I fate thil sual zirtir suh" atih chuan Amos a nui hak a. A nui tak tak hi ka hmuh lohna chin pawh ka hretawh lo. A nui ka hriat ve pawh a thinrim min hauh changa min nuihsawh ri ang hi ani mai.

"Henry, Ms leh David hi ngatinge ka bulah an awm duh loh?" A hlim hmel kha a bo leh vek tawh. Pathau a chu a zin daih a, Pathaua hi chuan Amos chu a ngaina, Ms leh David chu keipawn an inlak hran chhan ka hrelo. Amos an an pawi a sawi pawh a ni maithei. Kan in a an lokal duh a, Sofia an ngaihsak ringawt pawh a lawmawm hrim hrim.
"An ril a tam anih kha. An rawn let veleh kan lo ko dawnnia" Henry an ti mahse a ngui bur tho. Keipawn ka be tho ang. Amos hian hmangaihtu tam tak a nei tih inhria sela ka duh. In tih hlum a duh thin phei chuan a rilru natna tur a an awm ka duh lo anga, amah an hnawl anga a ngaih ka duh lo. Kan fate an la te si, thi tur ang pawn ka ngaihtuah ngam lo.

Choka ah an awmreng peihlo aniang an rawn let veleh mai a. An thutna ngaiah an thu thap a, ka thiante chuan Amos min duhpui tawh lo. Ka bulah an sawi a, an awmdan atang pawn ka hria.
"Ka chau deuh kan mu lawk teh ang" thawh a tum chu ka nau leh kei leh Henry an kan lo vuan a "Sofia bulah mu rawh" ka ti a, amahin ka awmhran tir dawn lo. Ka phal tawh lo hrim hrim. Thil pawi a thlen ka hlau lehzual tawh. A ban pawh tun ah rih chuan tihlan ngam pawh a ni rih lo. Rose in a ban a hmuh ve vang khan ka thiante chuan an hlau lehzual in ka ring.

Sofia mutna an siamsak a zau tho a, a mu ve a, Sofia bulah "Ka kuah chak che a,i pum anat ka hlau sia ka kuah ngam lo che a" atih veleh Sofia zawk a insiam rem a, remlo tak chungin a fanu zawk chuan a kuah a "Ka dam hunah min kuah ve mai rawh"
"Awle i dam veleh"
"Apa damlo ve suh aw. I dam loh chuan Bobby nen nuam lo kan ti ang" Sofia chuan a ti a, a men pur pur nghal in ka hria, a cher ta deuh leh a vun dang lep te chu a fanu fing tak chuan a hmu thiam ve ani ngei ang. Damlo nasa deuh a ang a mahse a hmelthat na a bo chuang lo. Sofia hi upa deuh tawh sela chuan apa damloh dan hi ka hrilh ang, apa pui thei ber tu tur a ni. Amos chuan harsa ti tak chung in "Ka damlo lo ang" a ti a, damlo chunga he thu sawi hi hrehawm a ti anih ka ring. Bobby erawh chu a tlankual zak zak reng a, tuman an pawmbet hleithei lo. Ala naupang lehzual a, thil hrethiam rual ala ni ve lo a, hlim deuh in ala in fiam thei.
"Sofia ipa kha a damlo ve theilo. Natna in an hlau. A hneh zel thin a, natna hneh a tum tlat zel a, a mah ah eng natna mah a awm rei theilo" Henry chuan awmze nei takin a ti a, Sofia a thlamuan rualin Amos pawh a fuih tel pah a ni. Ni e, he natna hi in hneh tir miah suh se.

"Nangni ho kha in thutna kha kha tho vek teh u" thupe mahse Henry chuan an thutna atang in a nem tho a, an thutna chu kan awmna hnaih lehzual ah arawn hnuk phei a, Sofia mutna a si lek lek. An ke dahna tur chiah a dah awl. Thutthleng pathum chutiang chuan a siam a, Sofia leh Amos mutna chu a hual vek a, "Tah hian rawn thu ru. In in la hrang emai nuam pawh kan tilo. Lisa isual si nang aiin Sofia ka duh daih zawk" ati fiamthu a, Sofia mutna mawng lamah a thu veleh a, ka thutna hnaih ber ah Joseph a thu bawk. Amos ngaihthat loh hlau in ka lo be hmasa duh lem lo.
"Sofia chu a hmeltha a i duhzawk ngei ngei dawn. Amos a fanu hi a hmelchhe theilo" Lisa in nui sang in a ti a, midang ang in Amos a hlau ve lo aniang. Ani hi chu midang kan in hnial laih laih pawh a ngawi reng thin kha ania. Midang in thurawn min pek pawn alo ngai reng a, a nui sang zel ringawt a, a hna leh amah hi inhmeh lo tak a ni. Henry nen hian an la in kawp reng. An ti lang ve vak lo na a an nghet dun viau anih hmel. Tumah pawn kan chhaih ve reng ngailo. In ngaizawng pawh an ang lo thian in ngam tlak deuh an ang zawk.

"Anu leh pa an hmeltha a ka bialnu hi chu a hmeltha ania"
"U Henry a nu a hmeltha maw?" Ka nau chuan ka hmai bul set ah min rawn thlek kual vel. Min chhaih thinrim vel hi nuam ala ti em em reng mai a ni.
"Aw hmeltha e" Amos an a rawn ti daih a, Johan a uak der vel a, Sofia chu dim ngai lo se ka tlawh vak vak ang. Amos bulah bawk a insan leh a, a hlat hleithei lo a ni. Amos hian a hlutzia inhria se ka ti ngawt mai. A duhvang ni miah lo in natna a nei a, mi tlem te in an pawmsak theihloh avangin hnual phah lo se ka duh. Amah puiduh leh hmangaih tak tak tu tam tak kan awm a ni tih hria se ka duh ber. Kan hun kal lehzel tur ah hian thil engpawh tawk ila, a chhia emaw a tha emaw pawh nise kei chu ka pasal lam ah ka tang zel ang. A natna a sual chhuahna phen a lo awm nih ka duh a ni.

Cont

PERFECT WIFE-13

"Sofia hian school a lakal theih loh hmel sia. In lamah hian amah zirtir tu tur dah tawp ila exam ringawt se a theih angem?" Midang in chaw an la ei avang in Joseph nen chiah Sofia kan awmpui a, Amos chu Henry leh Lisa ten Bobby nen an a chhuahpui lawk ve thung.
"Zirtirtu tur lak pawh angai hran lo ang. School an ban hun awm ah nikhata an zir chin ang zel la nangman rawn la la, teacher te bulah Sofia note tur bik siamsak hran tur in ka lo ti anga, chuta an ziah ang chu tlai ah irawn la thin anga, in lamah lo zir ve mai rawh se. Chuan a exam thei ang"
"Hospital a awm hlana an zir san ho te kha? Exam a hnai leh dawn tawh bawk si"
"Khapawh kha ka lo buaipui tir dawn nia. Bobby hruai i ngai thin dawn tho a, Bobby hruai pah in i rawn la ziah thei anga" ati a, buk nghat pah in "Ka lawm e" ka ti a. A thiante aia a tihchhiat fal bik chuan Sofia in hrehawm ati dawn lutuk. A thiam ber ani char char a, lehkhazir nuam a ti. A tihchhiat chuan a rilru ana lutuk dawn tih ka hria. Bobby hruai apiangin kan laksak pah zel tawh anga a nimai.
"Sofia chutiang chuan tha iti em?"
"Aw ti e" alo ti vat a, lehkhazir chu a chak leh tawh viau in ka ring.

"Kan lo haw" Amos chu room lamah a chho tlang a, Henry leh Lisa te bawk in an um a, Bobby erawh chu kan bulah a rawn kal ve thung.

"Thil engemaw thuhruk tur annei ami?" Bobby bula ka tih chuan "Aw ice cream" ati a, room a ice cream thuhruk chu a mak emai. Min rawn en zawk a, biak pawh min be lo in a chho lehnghal daih ania.

"Eng nge awmzia le?"ka ngaih a thalo tan. An kal naah hian buaina a tawk a manle?
"Jessi, U Amos khan chaw pawh ala ei ve loh kha. I va ngaihsaklo" ka nau chuan min melh rum angreng. Ani pawh a chaw eikham a rawn chhuak chauh amaw ka tia, Amos te rawn haw alo hmu hman lehpek aniang.
"A chho tlang daih a, Henry leh Lisa ten an zui a, tih tur annei anih hi ka tia"
"I ngaih a sam viau mai. I insiamthat nasat nen. That famkim alo har aniang" inchung lamah ka nau a tlanchho ve a, min tawngkhum dan kha midang hriat ka hlau hle. Puitling ho chaw eikham Jenet te in enpui turin Jenet te in lamah an kal tawh hlauh zawk a, nilo sela chuan anni pawn min dem leh maithei.

Midang chaw eikham pawh an rawn thu veleh sap sap a, keichuan Sofia amaha kalsan ka duhloh vangin ka lo awmpui a, eipui turin Amos ka lo nghak pah bawk a.
"In lokal tawh tho a, Sofia hi lo awmpui ula in chung ah---" ka tih lai tak in Amos tih ri ring tak kan hriat hnu ah step a rawn ri thla rum rum a, Amos rawn tlan thla an rawn umzui a. Amos chu Joseph bulah kal in a kawr awm ah a tham tho lawp a, a hmai ah a hnek a, ka rak tuarh hnu ah Sofia mit ka hup a, thil thleng zel ka hmuh tir duh tawh lo. A mit ka hup na ka kut a huh nghal dup a, a mittui a tla ani ngei ang. Amos chu Henry leh Johan te pahnih chuan an vuan bet hneh mang lo. A thinrim em em a, room ah khan enge an han sawi ka hre lo.

"Ka lo chhawk ang che. Amos saw va ngaihven rawh" Lisa in a rawn tih veleh Sofia mit atangin ka kut ka la san a, Lisa in a hupsak ve thung a.

"Khawnge Bobby?"
"Ka hrelo" ka mangang ka hawikual a, Bobby hmel hmuh tur a awm lo. Lo pawmbet lui ila tha mai tur. Amos bulah kal in a kawr ah ka pawt a "Mi tenawm" tih pahin min nem a, ka inrin hman loh vang in ka tlu chiang hle. Joseph leh keimah kan lo thutdun vang khan a thin a rim anih ka ring ta ber.

"David min lo pui lawk. Amos hi hruai hrang ang u"
"Ka duhlo. Ka chungah enge a tih duh ang ka hre hleinem" David tawngkam avang chuan chhuata la thu reng chung in Amos ka en chho ha a, a hma ai mah in a thinrim lehzual niin a lang. Joseph awm na lamah bawk kal a tum leh a, mahse ka nau leh Henry te chuan an chelh hram hram a. Sofia hmuh a hetianga a awm hi ka duhlo. Rose in min rawn kaitho a, a buai nuaih nuaih ni ber in ka hria.
"Bobby zawng rawh u"
"Muanin thil a eitir aniang. Ka va en dawnnia. Nangmah kha kalsan phawt rawh. A hlauhawm kan tih reng kha. Kan thu kha awih mai la tha tur"
"Ka tih thinrim vang alawm" ka ti a. Fimkhur deuh ila chuan Amos a mualpho miah lo tur a nia.

"Enge buaina? Joseph i hmai chu ngatinge? Amos eng thil pawi nge itih?" Rosy a ni. Ani pawh alo haw tawh chuan midang kha an rawn let har miah lo ang.
"Lo inrawlh ve suh. Khapa khan ka nupui a awmpui anih kha. Ka fanu nen"
"I nupui a awmpui theih chuan i nupuiin a duh ve ani mai lawm. Joseph tawrh tir lo in i nupui zawtfiah ta che" Rosy thusawi chu ka hresual amaw ka ti hial zawk. Hospital a kan awm atang khan Joseph nen hian an in kawm nel a, Joseph hi nelawm tak anih hrim hrim vangin tupawh in an nel nghal vek thin. Vawikhat hmuh naa Rosy pawn a nel ve nghal theih awmchhun a ni.
"U kei aiin itan zawk maw? Kei aiin iduh zawk ami?"
"Ngawi tawh rawh Lalrinfel. Henry inchung lama inkalpui theih loh pawn Aron nen a an infiamna thin room ah sawn hruai mai rawh u. Jessi inpa va awmpui rawh. Sofia chu ka lo buaipui ang. Natna maksak lutuk mai. Joseph i hliam kha damdawi kan hnawih dawnnia, hepa aiawh hian ngaihdam ka dil"
"Ka u ka unaunu tak tak ini em?" Amos chuan a ti sup a, tumah tihnat duh hmel a put tawh loh vang in keipawh in ka hnaih leh a "Kal phawt ang Amos. Min ngaidam rawh" ka ti a, ka nau leh Henry te nen Aron nen a an infiamna thin ah chuan a duhlo chung in kan hruai lui a, Joseph bulah "I hmel kha rawn lan leh tawh ngai suh" ati hram a. Rosy in a hauh belhchhah leh ka lo hlau hman hle. Rosy hian Amos thlavang a hauh ngai miah loh chhan hi keipawn ka hrechak. Unau ve si ah chuan thil mak tak a ni.

Room a kan luh rual in min nemsan leh dawrh a, Henry an "Amos insum tawh rawh. Khatiang khan ti tawh suh" alo ti vat a. Thutthleng ah a thu hnawk a, chauh hmel viau tawh mahse ka la hlau deuh tho. Ka hnaih leh chuan kut min thlak ve ka hlau. Thutthleng hnung ngheng a thut awn deuh pah in a mit a chhing a, a thaw ala ran em vangin a thinrim ala in bengdai lo a nih ka ring a, a rawn che thut a, au vak chungin a bula bungraw awm a vawm darh a, Henry an bawh in a kuah bet a, "Insum rawh. Jessi iti thlabar ang,i fate pawh" tih pahin a hnung a chul sak a, keichu ka lo ding zum reng ringawt a, laktlakloh ka inti thar leh. Ka pasal hi kei aiin midangin an enkawl thiam zawk a nia. Henry pawh ka zah a, ka inthlahrung em em bawk.

Henry an reitak a kuah beh hnu chuan Amos chu muhil ang maiin a awm a, a mit chhing in Henry a siam rem dan dan in a awm a "A chau aniang" Henry chuan a ti sap a.
"Na inei lo tro? Jess"
"Aw engmah a na lo"
"Jessi, U Amos hi ngaihsak tawh rawh. A khawngaihthlak em hi. Henry an a hmui ah a kut zungchal a dah chuan Johan pawh a ngawi chawpchilh nghal mai. Amos a mutthilh loh takin tawngkam fimkhur angai a, tih thinrim belh chi a ni tawh lo. A thil paih darh ho Henry nen kan chhar khawm a, kan remthat hnu ah Lisa in Bobby a rawn pawm lut a "Hei anu leh apa te chu. Ipa chu a chau nimaw" arawn ti lut luam a, Henry pawh Amos awmna bul chhuatah Amos a awmna thutthleng ngheng in a thu a "Amos" a ti sap a. Amos chuan a chhang tawh lo. Thlamuan hmel deuhin a awm a, a muhil a nih ka ring.

"In riltam tawh em?" Lisa nen an lu an thing vat a, Amos tiam in kan pali in engmah kan la ei lo.
"Amos pawh hi tho lawk sela ei rawh se. A eizawh ah muhil leh nghal mai sela,a chau lutuk ang" ka tih chuan Henry an Lisa bulah hmui phun in Joseph la awm leh awm loh a zawt a, Lisa in a lu a thin veleh Amos sawi pah in "Tho lawk la chaw ei ang" ati a, Amos alo rum tuah tuah a, chu chu Bobby an alo nuihzat veleh thung.
"Atha tawh mi?"
"Amos, Lisa in i hmelthat leh that loh min zawt" Henry an a ti uang a, Lisa alo ner nang nang mai. Anni pahnih hi chu innei pawh nise chhungkaw hlim tak an din thei ngei ang ka awt ngawt mai. Mahse keini pawh kan la hlim leh vat mai ang.

Amos duhlo chungin chaw kan eipui a, midang an haw vek tawh a, ka chhungte leh Lisa leh Henry te an la awm. Puitling in Sofia an awmpui a, keinin thil kan eisan a.

"Midang haw lai ka hre miah lo" chhanna beisei deuhin Lisa ka en a, an bula awmrei ber ani tlat a.

"Tih tur an la nei sia, an haw mai a nih kha. Naktuk ah nih loh pawn tunkar chhung chuan kan lo leng leh hman ang an ti" rawn leng lo mahse anmahni hmu tur a kal ka tum hrim hrim. Ka pasal hi ramsa ang maia an ngaih ka duh lo. Duhthlang thei sela chuan he natna neih hi a duhthlan ani hauh lo ang. Amos thawh rual in ka tho ve a. Kan eikham vek chuan ka chhungte pawn haw an lo tum ve chiah. Ka pa chuan "Chhel takin aw" tiin Amos dar ah a hmer vang vang a, ka ni erawh chuan a be lem lo. Ka thiante ho nen hian Amos then hi himna tur ah an ngai a, a bula ka awm chuan ka chungah thil thalo a thlen an hlau a, then tur pawn min duh. Mahse ka lo hnial ziah thin.

Henry chuan a haw dawn ah Amos a kuah a "Nitin ka rawnkal ang. Thil ei tha ang che. I thau veleh nupui ka nei ang" Amos nui ri chu nidang aiin hriat a nuam ka ti zawk.
"Ka tum ve tawh nia aw. Ka bulah ding ve ang che. In inneih pawn i bulah ka ding a, i luck phah em kha"
"Kal mai mai rawh. Ila nei har dawn emai"
"Ka nei har dawn lo. Ka ti tak tak ania. Bobby nupui tur fanu ka nei dawn lawm"
"Bobby chu a duh ber chiah ka neihtir dawn" Henry a nui vak a, a nui lui vak vak a ang zawk.
"Ka fanu ai duh a nei dawn lo. Ka nupui tur hian a raiin a in hria a" Lisa in a hnung ah a rawn chum pawp a, vawikhat mai pawh a duhtawk lo. An inhmuh khat nen. An thiante ngei pawn an in kawp tawh lo amaw kan tih rum rum thin ania, Henry a dawt sawi ani leh ngei ngei ang.
"Ana lutuk Amos min lo chhan" Henry a men lui vel a, lei a thu chu Amos an tlawh pawp pah in "Tenawm piau puau" ati sup a. Lisa in alo thlawp hmel hle.
"Tak tak in Lisa kan thiante annih hi. Theithur iduh dan leh i kawlh dan ah hian i rai ka ring. I rai veih chuan ka hmel hi enreng rawh. Hmeltha deuh hmuh hian fate an hmeltha duh"
"I fate chu mitmu lian leh biangpuar deuh anni dawn nimaw?" Amos an alo ti leh a, Henry fiam hi chu nuam a ti ve hrim hrim.
"Kan kal daih dawn. Kan test anga result kan rawn hrilh ang cheu. Bobby nupui tur alo insiam tan ani maithei a. Amos ka kalsan tak tak ang che. Nitin ka rawn rim dawn che nia. Mipat mipatna hi ka ngaina" Amos hmaah a hmui a ti kawh lui vel a, Amos hmel chu ka lo nuih veleh chhawng. An kal liam thleng in kan ding a, chumi hnu ah Amos an inchhung lamah min kuah lut a.

"Sofia room ah kan san tawh a, tunah Jenet in a awmpui. In khum ah ania kan muttir" ka nu in alo tih chuan "Aw atha zawk. Amah a mut chu ngaihtuahawm hrim hrim" ka ti a. A tlai deuh tawh avang in room lamah kan inzui chho nghal a. Sofia bula ka awmreng loh chuan ka ngaih a tha lo hrim hrim.

Sofia chu a lai takah alo mu a, kan bula a mut tum hi chuan apa nen a kan inkar kher a mu duh thin. Jenet chuan Bobby muhil alo pua a, kan nupa a kan luh chuan alo nui sen sen a "In rawnkal chuan ka haw nghal mai ang. Bobby hi ka mut that tir anga, naktuk duty ka ngai sia"
"Awle ka lawm e aw. Kan thiante awm bawk nen kan buai lutuk a, Bobby pawm beh a duh thin silo a, ka buaipui tha hleithei lo a"
"A pawilo. Ka tih tur ve tho alawm. Sofia ka kal ang aw. Zan in chu mahni in ah tui deuhin mu tawh rawh aw" Sofia bianga a fawh hnu ah min chhuahsan ve chauh a. Ka in bual a, chumi zawh chuan Amos a lut veleh a, thawm ka ngaihven reng mai.
"Nu ngatinge apa kha?" min zawh ka lo ring sa reng a ni.
"Principal khan school kal ala phal tho angem?"
"Phal dawn e. A thinrim thut mai mai anih kha. Principal khan a hrethiam vek alawm"
"Ani hian ngatinge apa a hauh ziah a?" Sofia pawn Amos laka Rosy awmdan chu alo hrethiam ve anih dawn hi.
"Ka hre lo. Ini huat zawng in ipa a awm thin aniang. In hau mahse an in hmangaih em em tho ania aw. Sofia hetiang hi ipa hriat ah sawi suh aw"
"Awle ka sawi lo ang"

Amos chuan bathroom atang pawn kawr bantlawn a rawn ha chhuak. Light a off a, dim light a on leh thung a. Sofia bulah ani pawh a rawn mu ve nghal. Sofia chu thlamuang deuhin a muhil thei tawh ang.
"Pa ka hmangaih che. Anu nen ka hmangaih che u Bobby pawh"
"Keini pawn kan hmangaih che" Amos pawn a ti a "Ka hmangaih vek che u" a tih zawm leh a. Zan dang zawng aiin ka thlamuang zawk. Min hmangaihthu ka hreleh thei a. Beidawn deuh chang ka nei ve thin a, midangin then tur a min tih reng phei chuan ka beidawng lehzual thin. Mahse ka beidawn a, inthen ka ngaihtuah apiangin kan fate mai bakah kan inneih thutiam kha ka chham nawn leh thin. A nuam emaw a hrehawm emaw pawh nise ka pasal hi ka vuan tlat ang. Pathian hmaah thu kan tiam a, tihchhiat leh ka duh tawh lo. Nakin ah chuan hlim taka kan la awm leh vek ka beisei.

Cont

---

PERFECT WIFE-14


"Nizan kha ka tihpalh"
"A pawilo" ka ti sap a. In thiamlo deuh a a awm chuan thil pawi a thleng thei zawk.
"In thunun ka tum reng tawh ang"
"Mi pawh in an theih chuan i thei ve. Tum la i hlawhtling ngei ang. Ka pui ang che" ka kuah a, ani pawh in min lo kuah let pah in "Ka hmangaih che" a ti a, "Nangpawh ka hmangaih che" Amos hi chu ka hmangaih takzet a ni. Ka bialpa neih awmchhun kha pasal ah ka nei nghal a, mipa dang kawp miah lo in ka damchhung in ka nun ah Amos chiah a awm dawn a ni.
"Mi thusawi ngaithla lo lui la, nangmah chiah in ngaihtuah rawh. Rilru natna leh thinrimna i neih pawn i rilru leh i taksa kha thunun itum tlat dawnnia" ka ti a, damna a awm lo. A inthunun theih hi a damna tur chu a ni mai. Hlim taka ka siam reng chuan a rilru a nuam anga a natna pawh a kiam tial tial mai ang.

"Sofia zirlai hi Bobby hruai paha an school a lak zel angai dawn a"
"Ka kal ve zel mai ang" ka rindan chiah a ni. Keimah chuan min kaltir hauh lo ang. Joseph hi thik lo turin engtinge ka hrilhfiah ang? Ka unaupa ang chiaha ka en leh min pui thin tu ber ani sia.
"Sofia tunge lo awmpui ang?"
"Ka nu a awm. Inu pawh ko mai rawh ka kal ve dawn" ati bur a, ka thiante leh David leh Ms ngei pawh ka hmuh duh nen.
"I kal ve dawnnia. Ka thiante hmuh ka duh deuh a, ka hmuh chhung in school ah ikal anga, keiin Rose dawr ah ka thiante ka lo hmu anga"
"Awle atha ang. Bobby kan kaitho ang" a chhuah veleh kei pawh in ka kaitho a, a thawh hlim atangin a nui nghal sen sen zel a, a hmuhnawm thin a nia. Sofia hian keimah a ang an tia mahse keichuan ka fate pahnih hian Amos an ang zawk ve ve ka ti. Keimah a ang tih chang chu ka nei zeuh ringawt. Bobby nen phei chuan pafa an ni tih haitheih anni lo.
"Ka thlak ang che aw" mutna bula a thawmhnaw fai ka dah ka ban a, a kawr ka hlih chuan a pum a an zaina in rin tla ruak chu a langsar lehzual a, amah in chiang deuh a a hmuh hun tur ka huphurh lawk. Hrehawm a tih dan tur chu. Thup theih dan a awm der silo, hmeichhia a ni kher bawk nen ka khawngaih ngawt mai.

Sofia ka thlak zawh ah ka thiante message ka thawn kual a, Rose dawr a lo awm turin ka hrilh a, an hna kalsan lawk mai rawh se. Ka pasal laka an rilru put dan hi thlak tir ka duh. An thian ve tho hetianga a awm hi chu lainat a, puih duh ngawih ngawih zawk awm tak an nia, Ms leh David phei chu ka dem lehzual. Kei ai pawn Amos an hre hmasa a, an in kawmna a rei tawh bawk a, hetianga an thlauhthla mai thei hi a mak ka ti. Amos pawh a rilru ana viau in ka ring.

Chaw ei laiin Rosy in "Amos inleng kan neih in mawilo deuhin che tawh suh ang che" ati hlak a.

"Ka thiamloh zawk a nih kha. Bakah a duh vang ani biklo a, Amos dem ngawt chi pawh a nilo. Engkim i hriat vek tawh kha" ka lo ti ve a, anu leh pate an lo bu nghat nghat a, Amos lam ka tan vang in anni pawh ka lam ah an tan ka ring.

"In thunun tum tur"
"Midang hriat ah Amos thlavang hauh tawh zawk rawh. Midang itan zawk chuan an zahlo palh ang" ka lo ti leh a, ahma ang in ka chung ah a thinrim na a lantir vak ngam tawh lo. Naupang a ngainat bakah a tih peihloh Muani tih sen loh zawng zawng ti tu ka ni tih a hria a, bakah Jenet in min tan em a, Rosy in min hauh vel hian a hau let hrep thin a, that a chhuah char char tawh thin. Amos chuan kun ngul chung in thil a ei a, a inthlahrung a ni ngei ang.
"Amos i tho nuam em?" Anu in a tih chuan a hawichhuak ve hram a.
"Aw tho nuam e. Na ka neilo"
"I rilru kha thunun tlat rawh aw. Mipa inih kha. He natna hi mipa deuhin i hneh dawnnia" apa in alo ti ve charh charh a, tawngtam lem lo mahse a rilru a tha in a nelawm em em a ni.
"Sofia ka lo buaipui anga, school ah chuan in pahnih in inkal dawn nia. Jessi pawh chawlh hahdam na hun ala neilo reng reng" anu in atih chuan "Nizan ka mu hnem a, ka hahdam tawh. Min ngaihtuah duh suh" ka nui sang a, Joseph vang khan min huat tawh loh ka beisei.

Chaw ei kham ah an remti lo chung Muani ka tihfel pui a, hospital a kan awm chhung zawng Bobby leh inchhung zawng zawng amah in alo enkawl a, a taksa chu kei aiin a hah daih zawk ang.
"Heti hian a nibawk lo" tia Bobby tap ri ka hriat chuan ka tlanchhuak a, a kawr nghawng a a thil awrh tur chung chang ah apa nen an lo inhnial ni ngei tur a ni.
"Enge buaina?"
"Ka awrhtir thiam lo a" inthlahrun hmel taka Amos an alo tih laiin Bobby alo tap hluam hluam bawk a.
"A tawk e Bobby ka siamsak ang che" a nghawng awrh tha deuha ka awrh tir hnu ah a bang ve hram a, apa melh rawm rawm chung in "I thiamlo si" ati hlak a.
"Ka ti ngai miau lo alawm. Min hrethiam ve la, i tap nghal zel a, mipa inih kha"
"I sual si. Min duat lo" Bobby chuan ati thar leh a, "Ka duat che"
"Min duat lo. Enge kha kha?"
"Eng maw?"
"Ang la" Amos a an veleh Bobby chu a malchung ah lawn in Amos lei a khawihsak a "Hei enge?" Amos an a kut a manbet a dahsan pah in "Lei anih hi nangpawn ineih ve tho kha"
"Ka neilo eitur nih hi ka duh ve" khawih leh a tum veleh Amos chuan a hmui a chip a "Eitur anilo. Lei anih hi. Ang rawh ilei ka khawih tir ve ang che" Bobby pawh thuawih takin a ang a, Amos an a khawihtir ve hnu ah "Hetiang hi anilo. Ka duh ve" ala ti talh a, ka pa alo nui hak hak a, ka nu chu Sofia buaipuiin room lam ah a awm.

"Bobby hei keipawn ka nei lawm. Nidang ah pawh lei chu i hmuziah sia ngatinge tun a tak a"

"A sen alawm" Amos ka en veleh a kut in a hmui a lo hup a "Thil ei inei mi?"alu a thing na a, keipawn ka awih tawh lo.
"A sen sep sep"
"Amos enge i ei?" A hnung atangin plate ruak a rawn phawrh a, plate chu a sen luai ringawt a "Ehe.. Sofia eitur a ka tih pomegranate kha ilo ei vek alaw? Khawmaw i lei chu ka lo enchhin" a lei a chhuah chu keipawn ka en chiang veleh a "Ka duh ve" ti a Bobby a tah laiin ka nui vak vak thung. Ka thin pawh a rim theilo. Ka nu pawn Sofia eitur a ken lai khan a kim lo tih a hrelo a manle?
"Fate eitur pawh i eisak duh nia"
"Alo sen sia a tui hmel lawm"
"Bobby" plate ruak tawh alo liak kual puk puk ka hmuh veleh ka laksak a, "Kal a hun tawh. A dang eina hun a awm tawh lo. School ban ah i ei dawn nia"
"Tun ah" men pur chung in a per vak vak pah a "School ka kal duh lo"
"School aiin bathroom a nuam ami?" a ding ngil awt a, a bag awm na thin a melh vat a "School ka kal suh" nui seih chung in a bag ka laksak a.
"Ka pawm ang che" Amos an pawm a tum veleh pawr tawk in "Aih" alo ti. Amos bawraw deuh deuh a a chet hma kha chuan ka fate hian keimah min hlau zawk fe fe. Tunah pawh pangai deuh a a awm chuan min hlau zawk tho. Nu hi chu kan lo hlauhawm a niang.

"Ka pa kan kal ang aw"
"Awle. Sofia chu ngaihtuah suh u i nu a awm hi aw"
"Ipu bye bye rawh le"
"Apu bye" tih pahin Bobby chuan a kut a vei a, ka pa pawn nui sung chung in alo vei let ve a "Jess khalh leh mai la"
"Nangman khalh rawh" ka ti tlat. In rintawkna pawh a neih let leh nan a khaihruai angai. A nupui leh fapa a phurh chuan chetsual a hlau anga, a fimkhur anga, amah a in thunun ve anga, a ngaihtuahna pawh a tha lama thunun a tum ve tawh ang. Vawikhat a tih theih chuan vawihnihna chu a huphurh lutuk tawh lo ang. Hreh deuh chung in a thu lut a, a bulah Bobby pawm in ka thu a "Bike pawh i khalh a"
"Keimah chiahin ka chuang thin a. Chetsual pawn keimah chiah in ka tuar dawn a"
"I chesual dawn hleinem. Min be reng rawh. Bobby iti thinrim a, a be peih ber tur che" Bobby thinrim chu pawn lam hawiin a thu tlat Amos pawh a nui ringawt.

A rei deuh hnu ah Bobby a rawn dek zeuh thin a, ani lo thinrim thei si. Pawr deuh deuh in apa a hau a, a tawp ah chuan a ning ngang aniang. Apa lam hawiin a thu tawh. A khawih leh hun tur alo chang ran tawh mai. A mengrum lui vel a, an in ang bawk si. Hmeltha tak ve ve an ni. Amos hlim hmel chu hmuh a nuam. Amah a a awm a thil thalo deuh deuh a ngaihtuah hian a thalo thin. Kalsan hlauh thut chang aneih te hian a thalo tihna a ni mai. A thinrim a insum zawh loh te leh midang aia a chet nasat thin te hian. Pangai deuha ka en luih tlat a, a hma a nuam tih zawng ka tihpui a ka sawipui leh te hian a tha chak zawk in ka ring tlat.

Amos nen Bobby kan dah a, ka hruai khat tawh bawk a, a thiante pawn min lo lawm thiam lutuk.
"Bobby ilokal tawh law?"
"Katy min ngai tawh em?" Amos nen kan in en hu a, Katy chu ka vawikhat hmuhna nilo mahse a hming ka vawikhat hriatna a ni.
"Ani hei Katy"
"Ani maw i thiannu ami?"
"Ka bialnu" ka meng nasa lutuk chu ka hlauhawm zawk hial in ka ring. Amos phei chu biak theih hmel pawh a pu tawh lo.
"Katy lut tawh ila"
"Bye bye" ka thuhniam bawk a Katy chuan ka biang ah a rawn fawp. Bobby pawn Katy fawh lohna lamah a rawn fawp veleh a, in kai chung in classroom ah an lut. Hmeltha tih a nei thin pawh tih tawh nak laiin bialnu alo nei lehzel a.
"Khawvel mak tawh dan hi" ka ti sap a.
"Ho e. An induh ve nih kha"
"Bobby kha kum4 chiah ala nih kha"
"Kal rawh Sofia thil vel chu ka lo buaipui ang"
"Amak e" ka la tireng tho. A upat deuh hlek hunah pawh neise anu ka nih ang in mak ka la ti dawn tho a, kum4 anih tangin a bialnu min hmelhriattir tawh a, nupui nei rual a nih hunah meuh chuan hmeichhia kan hmelhriat tam viau in ka ring.

Rose dawr ah ka kal a, Henry leh Lisa lo chu tumah an lo la thleng lo. Ala hma deuh bawk a ni.
"Lisa chu a rai ta em?" Ka tih veleh Lisa chuan Henry a chum leh a, a sen ap ap mai bawk.
"Jessi nu nih dan lo zirtir teh aw. Pasal te kutthlak reng lo tur ten ti rawh. Kan innei tep tawh si. Amah vang hian biakin ah pawh kan innei thei dawn lo lehnghal" Lisa chuan a hmai a hup tawp a, Rose nen kan lo nui hak hak a, "A rai ami?"
"Rai ang chu mawle. Bobby nupui tur a pai mek. An nu leh pate engemaw tih lawk ve ve hnu ah kan innei dawn a, thla lak ah pawh biakin kawngka in khar khup hmaah thla kan la pha tawk a, kan fate hi chu thil an hriatthiam theih tirh atangin hrilh ang u. Nu leh pate hi min zah rual in kan lo tihsual tawh ang chu tive lo se atha" Henry chuan thutak deuh in a ti a.
"Nia Pathian duhloh zawng tih hi chu a awlsam a, thlemna hi do zawh a har a, thlemna kan tawh laiin a then chuan Pathian auhna chang kan hrelo a, thil pawi kan tih a kan mangan hnu ah Pathian kan au leh chul a, kan tawngtai tlut tlut a, Pathian hi chu a tha ngawt mai" ka ti ve duah a.
"Chuvang alawm keichu ka fimkhur em em. Mipa phei chu rin mai mai ka tum lo. Zankhat thil thu ah min kalsan daih thei. Ka customer te ho pawh hian party na ah te min sawm fo a, ka hnar ziah. I rilru a tunlai lo an tia, mahse party ta ila zan khat nawmna duh vang khan damchhung a ka inchhir na tur thil ka tih ka hlau a, ser hi a reh mai mai thei silo. Keimah ka inven nan leh thil thui tak ka ngaihtuah hian rilru hman lai nih chu ka thlang mai thin" Rose in a ti ve bawk a, keipawh ka fimkhur loh vang in hma takah pasal ka neih phah a, ka inchhir ngai miah lo ka tih chuan dawt ka sawi a ni mai. Ka thiante hlawhtlina ang te hi neih ve ka duh mahse duh ka thlang tawh a, a nih tur ang ani vek tawh. Ka pasal fanaute tha taka enkawl hi ka tih tur awm chhun a ni tawh.

"Nangni pawh in la naupang sia, Lisa rai lo sela chuan inneih la hmanhmawh lo ula tha tur ania" ka ti a, midang an lo la thleng lo bawk a Amos chanchin ah ka la lut lo.
"Amak lutuk a thleng thut a"
"Inneih hma leh inneih hnu chu a dang daih Lisa. Chhungkaw thar inei anga, i thisen zawmpui ni miah lo te bulah i awm anga, i hmangaih angai tho si ang. Hmeichhe tam tak hian an pasal a chhungte an ngaitheilo tlat thin a, an pasal te chiah an duh thin. Khatiang ang inih dawn kha chuan pasal nei lo law law la. A then chu an pasal a chhungten an ti hrehawm lutuk ve thung a, mahse engkim huam a pasal nei kan ni tawh sa sa kan tawrh vek angai a, chhel taka awm reng angai a, khin let ve loh chu har viau mahse a tha ber thung. Nuam sam lo deuh chung pawn inthlahrun vanga chet te angai a, hmeichhia hi chu hrehawm tawrh tur kan ngah vang aniang Pathian pawh hian chakna nasa zawk min pek thin. Kan hma a thil thleng hi kan hmachhawn a, kan tuar thei zel a, Lisa mi in a awm hi tih mai mai ani miah lo ania. Engmah hrethiam lo in ka mo a, a tir lam chu keipawn harsa ka ti. Mahse i insiamrem ve zel theiin ka ring. I pasal a chhungte hmangaih la, i mona in kha i in ang chiahin i ngai dawn nia, an ta ini tawh a, i in ani tawh dawn bawk a" ka duh aiin ka tawng tam mahse a ngaithla uluk phian. A zam awm ve duh em alawm. Rose pawn a khabe dawm meuhin uluk deuhin a ngaithla ve a mahse ani chuan ala neih mai ka ring lo.

"Pasal te hmangaihna hi a reh thei em?"
"Lisa kha kha eng zawhna nge? Kan tar thleng in ka hmangaih ang che itih kha" kan nui leh te te phawt a, chumi hnu ah "Keimah ah chuan a reh thei lo. I hmangaih tak tak chuan a zual tulh tulh zawk ang. In hauh te, thu inhmuhloh inhnial rap rap hi chu a awm lo theilo. Nupa zawng zawng anni vek ang. A ngawi zawk nih chuh tlat ila atha ani mai. Thinrim loh hunah tha deuhin sawidun zawk ila. In in hmangaih tak tak anih chuan in in hne lo ang. Thinrim intih tauh khum te chu awm ve bawk e. Mihring kan nia, thinrim theilo kan awm hleinem. Mahse kan thinrim na kha hrereng lo ila, in mil leh vat dan ngaihtuah ila atha nimai. Nupui tih tur diktak ti zel la, Henry pawh chutiang bawkin. In in hmangaihna a daih rei leh reiloh chu ka sawi phak lo in kut ah a in nghat tawh. Keichuan ka pasal hi a hma ang chiah in ka hmangaih" ka ti tel kher a, harsatna a tawh phei chuan ka hmangaih lehzual thin. Midang an lo thlen tan vangin kan thusawi kan ti tawp a, Amos thiante ka hmuh hian ka rilru ana zual a, hmana Amos kha ka ngai leh thin. Tunah pawh ka hmangaih reng tho. Ka pasal ka hmangaihna chu mizia leh hmel inthlak te, ka boruak tawn ten engmah in a ti danglam ve lo ang.

Cont

---

PERFECT WIFE-15


"Ngatinge min koh khawm thut?" dawhkan pakhat kan thut bial laih a, school kan kal laia dawhkan kan kil bial laih tawh chuan kan nui nghal dar dar zel a, tunah chuan kan in melh hrek hrek hlawm tawh mai. Kan upa zel a, kan rilru a puitling tulh tulh a, vei leh ngaihtuah ngai kan ngah telh telh a, a hma ang in nitin kan in hmu tawh bawk silo nen in pawh tho mah ila nuih ho dar dar kha a har tawh aniang.

"Ngatinge Amos hi in huat vek?" tiin bul ka tan a, an hmel ka enkual pah a, "A tihnat che kan duh lo. A hlauhawm em hi" Rose in a tih chuan Henry alo ner suk a, keimah bawk in "A hlauhawmna ka hrelo. A natna vang ania, in khawngaih zawk lo mi? In puih ve zawk ka lo ring ania"
"Min tina ta se. Hetiang natna nei hian midang tihnat pawi an ti lo lawm"
"Ka ngaihdan chiah. In veng reng a awm angai dawn sia, min tihnat kan hlau lawm" David leh Ms ten an tih chuan "Eng ang thian nge Amos hian alo neih cheu le?"ka ti sap a.
"Kan kawm duhloh vang pawh anilo. Keimahni kan inveng alawm"
"Henry pawh a bulah a awm reng a, engtinmah a tih miah loh hi"
"Sofia hospital atanga a chhuah zan pawn kan buai vak kha. Thunun theih in tia, a thinrim chuan tuman in thunun theih miah loh kha. Nangpawh a nemthluk che kha" an la ti tho a.
"Kan zaivaia puihna a dawn chuan a zia telh telh mai dawn alawm. A beidawng thin a, thih te a chak a, hetiang hian awm tawh suh u. A lakah that chhuah ula, rilru hlim deuh in awm tir reng rawh u. Ka ngen che u anih chu. Amos hi a sual lo tih in hriat vek kha, a natna avangin mak tak tak in a che thin a ani mai"
"Engtinge kan puih anga?"
"A hma a in awmdan ang chiah khan awm rawh u. Anih loh pawn ahma ai khan ngaihsak nasa lehzual rawh u. Hmangaih angai lehzual ania. Rilru hah leh beidawng deuh a a awm chuan ala intihlum mai ang. In thian ania, thi tur in in duh ami?"
"Duh lo" an ti vat a, an inthiamloh ve hmel tan tawh in ka hria.
"Anih leh amah a hrehawm tuar turin in duh ami? A thinrim na tur engmah tilo tlang ila a thinrim lo ani mai lawm. He natna hi amah chauh a a beih chuan a nasa tial tial ang. Kan zavaia kan puih angai alawm"
"Keini chuan min tihnat kan hlau lo. A tihnat che kan hlau zawk. Chuvang chuan hlat la kan duh a, i hlat theih loh pawn amah tal hian hlat che sela kan ti. Chuvang ania kan biak duh loh. Kan awmdan avang hian a hlat che kan ring a" ka thiante pahnih in an ti ve thung a, an ngaihdan chu ka lawm zawng ani hauh lo. A sual vang chu nise thuhran. A natna vanga hetianga an awm hi a mak ka ti.
"Khawngaihin in rilru hi thlak ula, Amos hi pui ve rawh u. Kan tan tlan chuan engkim ala siamthat leh theih. Tumah a tina lo cheu nga keipawh min tina lo ang. Amah hmangaihtu tam tak a nei tih hria sela ka duh" ka tih chuan an bu nghat nghat a, an zawm dawn em phei chu ka hre lo. Min pui turin ka duh takzet a ni.

"Tumah a tina lo cheu pawh nilo in amah zawk a dam phah ang" Henry an alo ti ve bawk a, kan puih tlan chuan beiseina sang tak ala awm ngei a ni.
"Kan be tawh ang" an ti na a, an ngaih chu ala ngam zan lo anih hmel. Min hmaizah vang a bia pawh nise a rei anga a hma ang khan an ngaina leh tho ang. Ka awm laia an biak ringawt pawh hi Amos tan a hlawk thlak dawn emai.
"Ka lawm e. Ti ngei ang cheu. In pui ngei dawnnia. Amos hian kei leh a fate chauh nilo in nangni pawh a mamawh vek che u" ka ti a, Amos tan chuan mi khawngaih pawh a dil zel mai ang. A that chhoh zel theih nan tih hreh engmah ka neilo.
"Joseph hian a duh ve ropui che sia, Amos a that theih dawn loh chuan ka duhpui zawk che" Rose chuan ala ti tho a "Keichu risk lak a har ka ti. Ka ring ngam lo leh thin"
"Ring rawh kan puih chuan atha leh em em ang. Kan beihpui angai alawm. Hei hi lawm thiantha a neih lanchhuahna tur chu. Joseph chu ka unaupa ang chiah in ka en a, bakah pasal ka neitawh a, mipa dang buaipui thei ka ni tawh lo tih in hriat kha. Ka fate an khawngaihthlak bawk si"
"Anih chuan tum chhin ila" an ti a, ka lawm rualin ka rilru pawh a hah tel tho mai. Amos hma sawn ngei ang che.
###########################


Sofia chu exam turin school ah kan hruai thin a, a exam chhung zawng Amos nen kawt ah kan lo nghak a, a dam ve lutuk tawh mahse kan la fimkhur ve deuh mai mai a ni. Amos pawh thinrim bur bur ang in a awm tawh ngailo na a, mahni insit na leh thih duh chang chu ala nei reng a, tupawn kan pui a, a hlut zia hriattir kan tum tlat a, a zia ve zel chuan ka hria a, a awmzel dan tur ka hrelawk theilo hi pawi ka ti ber thin.
"Jessi" kan lam pana Joseph alokal veleh Amos kut ah ka vuan a, ka thlamuan nghal loh chuan a thinrim anga buaina siam in mualpho taka kan awm ka hlau a ni. Kan faten hrehawm an lo ti lutuk ang.
"Piano chu irawm zirtir leh thei dawn tawh em?"
"School ah hian a rawn thawk tawh dawn lo" Amos an alo ti hmuk a. A thinrim vak loh nan ka rilru in ka tawngtai nghal mawlh mawlh reng a ni.
"Ava pawi ve. Kan lo beisei reng a sin. Nupui hna nei neih te chu iduh zawk lo mi?"
"Duhlo. Nupui in a awm a fate enkawl tur ka duh zawk"
"Anih chu. Chutiang tur chuan nangmah khan izir ve angai ang. Duhsakna ka hlan che u" min melh zawk hnu ah a kalsan daih a. Ka thinrim ve tep. A tir atang khan amah duh ang in ka la awm ngai lo hrim hrim a, duhtheih ka nih tawh loh zia pawh a hrevek. A ngaihdan a nilo a nih chuan keichuan sawitheih engmah ka neilo.

"Sofia te unau an pass chuan school dang ah kan sawn ang"
"Awle" ka lo ti vat a. Keipawh in pawi ka ti tawh lo. Bobby hruai ala ngai rei dawn si. Amos telloh changin Joseph ka hmuh ziah angai anga, Joseph rilru pawh ka ti hrehawm mai mai. Kan tan chuan inhmuh reng loh a tha ber mai.
"Henry te chu an in buatsaih nasa tawh em? Inneih a hnai tawh sia"
"Sofia exam chhung chuan inneih kha sawi suh" a ti a, a dik chiah. A rilru na in lehkha a zir theilo palh ang. A bialpa duh deuhin nupui a neihsan dawn a nia. Exam a tihchhiat phah vek ang.
"Tunah chuan Sofia a awm lo a, Henry dinpui turin i inring tawk maw?"
"Tehreng mai. Pi Sangi pawn hma ka sawn niin a sawi a, ka thinrim pawn aw pahnih ka hre tawh. Ahma chuan ka hma a awm chu tichhia a sawisa zel tur ang mai hian ka hre thin in ka hria, ka sawithiam chiah lo a buai nuaih zel a, tunah chuan in bengdai tur a hrilhtu ang hi a lian tawh zawk. Ka in thunun thei zel dawn aniang"
"I thei ang ka tih kha. Tum chuan theihloh a awm lo. I bulah kan awm reng a, kan awmreng dawn bawk a, i hneh ngei ngei ang. Engkim ala tha leh vek ang"

"Nu.. Pa" Sofia lo chhuak chu nui sang in kan lo hmuak a, Amos an alo pawm rual in phur tak in "Ka thiam vek a awl lutuk" ati lang lang a.
"Ani maw? A van nuam awm ve. Eitur tui deuh kan lei haw dawn nia aw" ka ti a, a hlim hmel lehzual. A exam leh tur zir angaih vangin Rose bulah pawh kan peng kawi ta lo. Kan haw kawng tluan deuh thaw in a tawng a, a exam chungchang a sawi deuh ber a. A thiam bawk a nuam a ti kher mai. Ka school kal lai aiin a thiam deih zawk. Ka tluk lo tak tak a ni.

In kan thleng chu Bobby pawh min lo lawm in alo au chul a, a thawm hi a ring ve hrim hrim bawk a, inthlak turin Sofia ka hruai tlang a, Bobby chu Amos an a buaipui ve thung. A uniform ka hlih zawh hnu ah ka bual a, a dul a an zaina ser awm chu thawhnaw a hakloh apiangin a khawih a, a hmel a ngui nghal vek thin. Reh mai thei chi anilo ropui si. Han tawng thlamuan vak ngaihna pawh ka hre thin lo. A hmuhloh tur a khuh bo vat hi a tha ber. Ka bual zawh veleh thawmhnaw ka haktir a, inhnuai lamah ka hruai thla leh a.

Muani eitur siam puiin ka buai lehnghal a, Bobby lah a riltam a rak bengchheng leh nasa tawh. Amos an an pahnih in alo awm a, reitak chhung chu a tul ah lo chuan a lengchhuak tawh ngailo. A thiante ho nen annih dawn hi chuan a kal ve a, a dang ah chuan kal pawh a tum lem bik lo. Anu leh paten min zinsan leh tawh a, an sumdawnna hi Amos kut a an dah ka hlau thin. A zin ve reng angai dawn a, chu chu duhlo in a patea khan a school enkawl tir a tum reng a, kei leh naupang tan pawh a tha zawk dawn hrim hrim.

"Kan siam zo e. Lo ei rawh u Sofia phei chu lehkha zir ala ngai ania" an unau in a rawn pawm phei a, Bobby zawk ka lo laksak a, a thil ei lai pawn Sofia chu apa malchung atangin a chhuk duh lo. Bobby hian thil ei laia pawm te hi a duh miah lo thung a, kan chhungkua chu kan ni nuaih mai ni.

Thil ei zawh ah hrilh nawn ngai lo in Sofia in a lehkhazirna tur lam a pan nghal a, Muani nen kan thil eina kan tihfai laiin Amos an Bobby a pawmsan a.
"Amos hi a lawmawm e tiraw?"
"Nia tunah chuan a lawmawm rih a"
"Nakinah pawh atha zel mai ang. Lungngai suh. Tawngtai tam la, tha deuh a a awmzel theih ka ring tlat"
"Ka beisei. Atha zel ang. Amah hian awm tam lo sela, pakhat tal hian kawm reng hman ila atha ber" ka ti a. Amaha a awm a, mal anga a in ngaih chuan thil thalo deuh a ngaihtuah leh thin. Ngaihtuahna tha lo deuh a neih chuan thil pawi tak thleng thut thei ala ni reng a ni.

Kan tihfel hnu ah a Muani chhuahsan in Amos bulah ka kal a, amah si deuh chet a thut pah in "Iva chau awm ve" ka ti a, meng mang lo in Bobby infiam alo en a, "Chau lo e. Ka mutchhuak mai mai"
"Muhil daih rawh"
"Aih angai lo" ka dar ah a ban a rawn dah kual a, Bobby an a toys thalai ho tihchhiat tum a a bei mek chu kan thlir reng a, toys tha a hmutheilo. Tihchhiat a chak tlat zel. An thar viau te hian a ngaih a thalo thin a. Sawisak a thlakthleng kual vel hi nuam a ti. A u barbie pawh an piansual nasat phah.

"Ka lawm e" Amos chu ka en ha a, lawmthu min hrilh thut nachhan tur a awm lo em a "Min puih vang in" ati a, ka lo nui hak a "Ka tihtur alawm"
"Lo hrilh hma che ila chuan hetiang em em hi ani lo mai tur. Ka dawihzep vang anih bakah tihnat cheu ka hlauh vangin min kalsan tura ka duh vang cheu ania. Inthen ka la duh tak tak ngailo. In himna ka duh vang chauh ani. Huaisenna lo ngah deuh hlek ila chuan ka hrilh vat che anga hma ka sawn vat mai tur. I laka ka zep a rilru hah leh hlau taka ka awm khan a nasa zual zel a ni tih ka lo hrelo a. Min puih hnu ah chuan Pi Sangi mak tih khawp in ka tha chak a, nangmah chiah nilo in kan thiante bulah pawh min pui turin min ngensak tih ka hria. I thiltih zawng zawng vang hian lawmthu ka hrilh duh che"
"Ka tihtur ka ti anih kha. Keipawn lawmthu sawina tur te chu ka ngah ve tho lawm. Khatiang zawng khan ngai lo la, nangmah in ngaihtuah la, i natna hi hneh tum tlat rawh. I tum loh miau chuan pui che mah ila awmzia a awm dawn lo a, hlawhtling tur a i beih naah kan lo pui ve che a ni mai" ka lu ah a fawp a, chumi hnu ah ka dar ah a lu a dah a, hetianga a awm hi chuan keipawh ka thla amuang thin. Ka pasal in min thlakhlelna a lantir hian nuam ka ti thin. Ka pasal leh ka fate tan ka hlu thar leh in ka hre thin.

Zanah naupang ka muttir a, Sofia pawh nihnih vel chu kan bulah a mu tawh lo. A damthat chuan amaha mut a duh zawk thin. Kan tih than tir anih vang hian nuam an ti zawk hrim hrim. Ka intihfai zawh a ka mu chu Amos an min lo kuah nghal a, a muhil tawh amaw ka tih vang in ka phu nasa viau a ni.
"Lo awm lo ta ila Joseph hi inei angem?"
"I awm lo tur ang in ka la ngaihtuah ngailo a, chuvang chuan ka hrelo"
"A duh takzet che in ka hria"
"Keiman ka duh ve loh chuan min duh mahse awmzia a nei thei lo. Nangpawn thik tawh suh ka unaupa ang ah chiah ka ngai"
"Sofia te principal angah chiah ngai rawh. Abak phalsak ini lo" ka nui hak a, ka nui chu duhlo a ka hmui hup a tum laiin a kut ah ka lo seh a, ka nuiri ai pawn a au ri a ring daih zawk.
"Joseph vang in min seh"
"Joseph te chu Sofia te principal ringawt lawm" a rilru nawm nan ka ti a, nuam a ti sawt mai ang. Tunah chuan ka thusawi engkim hi fimkhur vek ala ngai rih.

"Muttui aw. Ka hmangaih che" ka hmui a a fawh zawh rualin "Nangpawh ka hmangaih che" ka ti a. Ka mit ka chhing a, Amos ka hnaih lehzual a. Hetianga awm hi nuam ka ti ber. Ka pasal hian ngai la awh lo mahse tuna a awmdanah pawh hian ka lawm em em tawh tho. Hetianga nghet taka min kuah hi chuan huaisenna leh amah puih duhna ka nasa lehzual thin.

(Chapter hnih vel chiah a awm tawh a, zan in hian ka rawn dah zo hman angem ka la hrelo. Ka buai leh buailoh nimai aw)

Cont

---

PERFECT WIFE-16

"Sofia hrilh tur che kan nei a" nui sang in Amos nen kan inkar ah arawn thu a, hrilh tu zawk nih kan duhlo ve ve. Exam an zo tawh a, hrilh pawh a pawi tawh em lo ang chu. A hriat tho angai dawn si a.
"Sofia, Henry leh Lisa an innei dawn a"
"Ka awih lo"
"Ani lawm. I exam vangin kan hrilh duhlo che a, ipa hian a dinpui dawn lawm" men pur pur chungin Amos a in pawmtir a "Mahse keimah min nei dawn sia" a tap chu ani nghal mai. A thiltih lai dahin Bobby an a u a kuah a, "Ngatige?"
"Uncle Henry an midang a nei daih dawn a"
"Enge a neih dawn?"
"Nupui a nei dawn" Bobby a khap fuk fuk a, engtinge a u chu a chhan ang tih kan lo ngaihchan reng laiin "Nu nupui ka duh ve" Sofia tap pawh a bang nghal hmak. Sofia tap thlem nan a tha khawp mai.
"Nakinah i upat deuh hunah ila nei ve dawnnia" ka ti a, Amos chu ala tawng lo. Joseph an min rawn bia a, a thin a rim phah a ni maithei. Ka phone pawh ala hmak tawh mai. Alo biak leh che chuan keiman ka lo chhang tawh mai ang a ti.
"Ka duh nupui" ati nawn mawlh mawlh reng a, nupui awmzia chu hria se a duh kher lo ang.
"Rose bulah kal ila kan hak tur pawh kan tihfel vat vat angai. Hun a thlem tawh si. Tunlai phei chu a buai ania" tih pahin Bobby thawmhnaw ka hlip mawlh mawlh a, Amos an muangchang in Sofia thawmhnaw alo hlihsak ve a, Sofia pawh ala ngui bur mai.

Kan tihfai zawh hnu ah thawmhnaw dang ka haktir a, ka zawhvek hnu ah ka insiam ve thei chauh a, hetiang anih ziah vang hian Sunday phei chuan insiam hma a ngai thin.
"I zo tawh em?" Amos chu ngui bur in alo la thu reng ka buai tehreng nen.
"Insiam rawh Rose bulah chuan kal lawk ang u"
"School a hnaih vang ami i kal chak. I inchei nasa si imit te kha" ner nang in min en a, "Insiam rawh i insiam hlan in ka hmai ka lo phih vek ang. School hnaih vanga kal chak pawh ka ni bawk lo. Rose dawr ah lo kan kal anga ani mai. Phone pawh min laksak tawh kha, tleirawl in ngaizawng pawh kan nih tawh loh hi. Ka awmdan hi en la, rinhlelh awm ka nih loh zia chu i hre em em ang. I hrelo der aniang" ti hlak hlak chungin bathroom lamah ka kal a, ka hmai phih pawn ka nuai sawk sawk tawh. Towel a ka hruk nawk nawk hnu ah a hmai bul set a kun in "Heti hian a fai vek em?"ka ti leh kher a, ka rinawm loh san lai pawh hre tawp silo min ring lo lutuk a ka ning. Ka hah si thinchhiat a awl sa nak laiin thinrim na turin lo awk ve sek mai. Mahse ka hrechhuak leh thut, ka hriatthiam zawk a ngai. Kei ber in ka hriatthiam loh chuan hrethiam tu tur dang an awm chuang lo.
"Insiam la kal ang u. Naupang pawh an hmanhmawh leh tawh ang"
"Kha i phone" ka la tur chu ka in thlahrung zawk. Ka lak veleh "I duh duh be rawh" a ti sup a "I duh chuan la kawl la. Bakah Joseph pawh ka biak hmasak anih loh kha. A lakah hian rilru danglam engmah ka pu lo. Rilru nuam deuh a awm tum la itan pawh tha ni mai. Naupang hmuh a hlim lo awm deuh a awm te hi a thalo ania. Chhungkaw boruak nuam tak hnuai atanga thanglian turin ka duh. Boruak nuam tak siam zel tum zawk ang. Lungawilohna ineih chuan min hrilh la, tha deuh a chinfel dan kan ngaihtuah dawnnia" ka ti leh ta zawk a, in mil dawn chuan a tlawmzawk awm angai. Ka tlawm zawk loh chuan thil thalo deuh kan hmachhawn angai leh anga naupang pawh an khawngaihthlak zozai tawh. Sofia phei chuan thil a hriatthiam tawh vangin hrehawm ati rei ve tawh a, tunah chuan hlim deuhin awm reng se ka ti tawh.

Amos pawh tha deuhin a insiam zui ve mai a, min be lem lo na a ahma a a lungawilohna kha chu a zia ve deuh tawh in ka ring. A zawh veleh "Kal ila" a ti sup a, kan chhuah pahin Sofia leh Bobby kan ko a, Sofia chuan muangchang in min zui a, ka hmanhmawh tawh vangin ka pawm nawlh a, ka kalpui nghal hlawk hlawk a, Amos leh Bobby ten min um bawk.

Rose chu ka sawi ang chiah in alo buai. Amos an car a dahthat chhung in a luhna bulah kan lo ding a, Sofia zawk pawm in Bobby ka kai a. Amos rawn let hnu ah Bobby chu min a rawn pawm veleh a. Kan chhungkua a kan luh chuan Rose in midang zawng zawng kalsan in min lo lawm leh tawh.
"I tha em? Amos" ati ve teh mial a, a biak pawn a that leh that loh chu a zawt ngai tawh lo. Keimah zawk hi ka lo lawm.
"Ka tha e"
"I coat tur chu i ha tawk maw?"
"Tawk chiah chiah. A nalh khawp mai. Hei engtinge an hak tur design sak itum deuh?"
"Sofia nen hian inang deuh reuh in ka duh ania" ka lo ti vat a, Rose in "Sofia eng puan nge nalh itih ber zawngkual ila" atih chuan Sofia in a lu a thing a, a tawrhna chu Rose pawn a hriathiampui ngei ang. Ka fate ang rual ka nih hi chuan hetiang ang hi ka la ngaihtuah pha teuhlo, an vannei a hmeltha an hre hma ah ka ngaihsak tawp thin.

*********************

Henry te innneih ni chuan Sofia tih loh chuan hlim hmel kan pu theuh a, tupawn kan thinlung takin kan lawmpui a ni. Fa tha deuh deuu neiin hlim takin awm zel se ka duh. Pangpar lo pe tura Sofia an duh avangin inkhawm a zawh hma deuhin pawn ah ka chhuahpui a, "Lo nui reng rawh aw. An rawn chhuah veleh Lisa kha hlim hmel pu deuh chung in ilo pe dawnnia aw" ka tih chuan a bu nghat nghat a, Henry bula awm nuam atih lutuk vangin nupui neilo tur ten a ti hial zel a, Henry lah in a chhaih peih in naupang ngainat dan tur a awm alo thiam ve tho si. Hetianga a awm hian Sofia hian Henry an a kalsan phah tur ah a ngai a ni ngei ang.

An tan chhuah veleh a pangpar ken alo pe a, hlim hmel pu tur a ka tih laiin a men pur mai. Amos zawk rawn kun zawk in Sofia a rawn piai a, Henry leh Lisa chauh nilo kan thian dangte pawh an nalh ngei mai. Lawmpuitu an ngah a, Lisa hna in alo zir ve bawk nen, puitling tak tak an lokal khup khup mai.

Henry kan chibai dawn lai chuan Sofia chen turin arawn thu hniam a, a biang leh lam lehlam a fawh sak in nui sang in "Iva nalh ve Sofia. Keimah hi ka nalh ve em?" Sofia alo bu nghat a.
"A that chu. Fel deuhin awm la. Kan inhmu reng dawn tho a, khawiahmah ka kalsan dawn miah lo che a, ifel chuan i hmuh reng theih in ka awm anga, i felloh chuan i hmuhloh turin ka biru tlat dawn nia aw" Sofia mittui a hruksak hnu ah akuah a "Ka kalsan dawn miah lo che nia. Sofia bulah ka awm char char dawn. I nalh ropui mai si tap tawh suh i lanchhiat phah vek ang. Hlimna ni ah an tap ngailo ania aw. Ka kalsan dawnlo che tih i hrereng dawnnia" kan hnung ah midang an tam ve bawk si avangin Sofia ka hruai hrang a, Henru nupui hi ka thiannu chu nilo se ka zak viau maithei ni. Sofia lah hian a ngaina a, eng ang ah nge a ngaih ni, a kalsan tur ah angai nge a tah phah reng mai bawk sia, ka thianten Bobby an lo la hrang hlauh a, Sofia tap pawh ka thlem thei zawk a, nilo sela chu Bobby nen phei chuan kan buai lehzual viau in ka ring. Joseph a rawn inlan lo a, ka lawm angreng. Sofia damloh atang khan ka thiante nen hian an inkawm nel a, an sawm ve chu ka ring. Henry a Amos an a dinpui dawn bawk si nen, boruak thalo a awm hlau in amah zawk a in la hrang a ni maithei.

Henry te in atanga kan haw meuh chuan naupang an muhil ve ve tawh. Bobby chu Henry te in ah a muhil a, Sofia chu car ah a muhil ve thung. Amos an Sofia a pawm lut hmasa a, chumi hnu ah Bobby a rawn la leh a, ka pawm ve thei ka tih pawn a remti lo tlat a, Bobby a pawm luh rualin ka zui lut ve a, inchhung a thim khup tawh. Rosy pawh a haw ve tawh a niang. A hnathawh avangin tunlai a chhuak nasa a, naupang nen pawh an infiam khat.

Room a kan luh veleh "Lut hmasa rawh" tih pahin bathroom a kawk a, ka chau lutuk a inbual harh ka chak tawh. Zing atangin Henry te in lamah kan awm ngar ngar ania. Lisa khan Rose a dinpui a, nalh dun tak an ni. An hmuhnawm zia an sawi sap sap mai. Amos pawh tha deuhin a awm tluan thei a, a dawhtheihna in a tlin loh hlau in rilru nuamlo deuhin ka awm tluan zak. Ka rintawk loh vang pawh nilo in Amos a ah hi chuan a ngaihtuahna ho te atang pawh a engemaw thleng thut thei hi ani sia, ka veng ru pah reng a, kan thiante pawh ka awm ang chuan an awm ve ka ring. Bathroom atanga ka chhuah rualin "Ka zo a, inbual ve nghal mai rawh" ka ti a, ka phone zawk khawih a alo thu chu kalpel in ka haktur ka enkual a, ka phone ah hian engmah hmuhtur tak tak a awm dawn silo a, a en ve peih tak tak a ni.

A luh hlan in a thawmhnaw haktur ka lo dahchhuah sak a, chumi hnu ah zinga kan room tih hnawk vel ka tifel leh a, naupang nen chuan engmah a felfai rei theilo. Bobby phei chuan a awm na hmun tur taka thil awm hi a hmuthei lo zawk a, chu vang chuan zana kan dahthat pawh zingah chuan alo bo leh tawh thin.
"Khum a kha i hak tur" a rawnchhuah ruala lo tih nghal pah in mu turin ka kal a, "Vawin khan Sofia kha a tap rei em? Ikalsan pui hnu khan"
"Reilo e. Henry khan a kalsan dawn lo tih a hrilh a, nupui a neih vang khan bo daih turah angai aniang"
"A that chu a tah reng phah chuan a khawngaihthlak a"
"Naktuk atang chuan Lisa chu Henry te inchhung ah a tlankawi ve zak zak tawh dawn ni maw" Lisa ngaihtuah in ka nui vur vur a, a tih tur te tha deuhin a ti zel thei ngei ang. Nupui nihna leh tih tur hi a theihtawp a tha a atih zel theih ka beisei.

Ka bula rawn mut ve pah in "Pasal ineih in ani aiin i naupang zawk na a, i fel zawk maithei ni" nui seih chung in ka lo hnaih a "I fel vang alawm ka fel"
"Ka awih lo ka sual theih em kha"
"I sual hleinem. I fel vang alawm tun hun hi kan thlen. Nupui fel neitur chuan mahni pawh fel angai lawm" ka ti ve tlat a, kan inneih hlim khan min pui nasa em em a, awm lo sela chuan tun ang hi ka ni kher lo ang. Keimah vang khan a tih ngai loh tam tak a tih ve phah tho a ni.
"La awih chuang lo mah ila ka lawm e" ka nui hak a, ka hmui ah a fawp a, a tir ah chuan ka dawh tawp a, min fawh rei hnu ah chuan keipawh in ka lo chhang let ve. A tihdan takah ka muttui phah sawt ang.

Zingah hma takah tho in ka inti fai a, naupang school chawlh anih vangin hmanhmawh a ngailo na a Muani an in lama a haw ve lai ania, keimaha rawngbawl a ngaih vang in thawh hma angai tho. Ka phone ri chu zing hma takah tunge ni ang le tiin ka en a, Lisa anih chuan buaina a nei anih ring in ka la vat a, mutchhuah hmel tak in "Jess enge ka tih hmasak ber dawn? Henry hi tho rawh ka tih pawn nangpawh kha la mu rawh a tia, ka muhil theilo. Ka la zak bawk si" arawn ti a.
"Tih tur zawng rawh. Choka ah lut la, anu pawh a tho tawh ang. Henry nu chu a thawh hma theih em kha. I pui ve dawnnia"
"Awle. Ka van hreh tak ka zak"
"Zahthlak e" keipawh tih tur hrelo in ka hawi nasa rei alawm. Kan inbiak zawh hnu ah choka ah keipawh ka lut a, siam tur ka dap kual a, rawngbawl tu nih hi chuan siamtur hi a vang thei "Ka lo pui ang che"
"Min ti phu lawm" ka ti tuarh a, a thophang aw zawng zawng nen ka phu nasa lutuk.
"Ka lo pui ang che" nem deuh zawk in a ti leh a, Amos tho hma ve hi a mak zawk. A thawh hma lohna chin pawh ka hre tawh lo.

Nidang ang lo takin rawng kan bawl dun a, a lu anat thu a sawi a, a thawh hma ngailoh vang ah kan puh thlu. A bak chu a lu nat na chhan tur a awm lo. Gas a ka thil chhuan ka chawh laiin ka hnung atang in min rawn kuah a "Ka mut ala chhuak"
"Mu leh la"
"Ka duh tawh lo. Zingtin i tho hma sia, i peih zawk"
"Angai alawm" thildang tih angaih vangin ka kalsan a ka hnung ah min zui zel a, "Lo thu mai mai rawh"
"Ka duh biklo. Tih tur min hrilh zel rawh" ati a. Ka nui tawp. Ka hlat ah a awm duh bawk silo a, tih tur hrilh mah ila a ti chuang lo. Tangkailo viau mahse ka bula a awm reng vang hrim hrim pawn zing nuam tak chu a ni tho mai.

Cont

---

PERFECT WIFE-LAST


"In siam tan ang u. Kan thleng tlai lutuk ange" naupang infiam lai ka kai hrang a, anmahni ka siam zawh vek hma chuan engmah ka ti ve theilo. Vawin hian hmana kan school kalpui ho nen khan inhmuhkhawm leh kan tum a. A tam zawk chu kan kal theiin ka ring. Fa nei tawh kan la tam lo a, a neitawh ho chuan hruai tur an tia, Amos nen pawh kan phur khawp mai. Kan thian ni thin ten kan fate an hmu ve dawn a, hmuj hran a kan awm darh nual vang in inhmuh khawm alo harsa bawk si nen vawin ni ang hi kan tan chuan a hlu bik. Amos pawh phur takin a insiam a, kan chhuah dawn a naupang buaipui vel ah hi chuan min pui ve ngai vak lo. Ka phut em em lo bawk a. Sofia leh Bobby te ka siam hma in a damdawi ka pe a, pek thlap loh chuan ei nachang a hre thin lo.
"Ikal peih tak tak maw?"
"Ka chak tawh" a nui suk a, naupang ho a melh pah a, siam vat vat rawh a tih na ah ka ngai. Khum a mut leh pah in a phone ah games a khel a, hun kan ngah tawh loh vang in Sofia leh Bobby te a rualin bathroom ah ka hruailut a, ka tifai rual mai ang anih loh chuan kan tlai bik lutuk ang.

"Jessi i phone a ri. Joseph a nih hi"
"Lo chhang rawh" tiin ka au let a, ka thil tihlai ka chhunzawm a, naupang school santir kan duh a, chumi vel chu alo hrethawi anga min rawn zawt chiang duh aniang.
"A u ngatinge i pum kha" tiin Bobby chuan Sofia pum a an zaina inrin ruak chu a kawk a, Sofia chuan nui chung in "Pathian min chhinchhiahna" tiin alo chhang a, chutiang chuan ka hrilh thin. Pathian in a duh che a, a hmangaih che a, i thih tep tawh hnu ah a chhanchhuak leh che a, i puitlin hunah pawh thil sual reng reng chu hawisan vek la, engmah ti ve suh tiin ka hrilh thin a, Pathian in a chhanhim nasa che ani tih chhinchhiahna anih hi ka ti thin. Sofia leh Amos te avang khan keipawh in Pathian ka biak tam phah lehzual a ni. Kan chunga thil thleng hi a hunlai chuan hrehawm in tawrh har viau mahse kan tan a tha tur a Pathian ruat zel zawk a lo ni. Kan tawrh theih loh tur phurrit hi Pathian in min siam ngailo. Sofia leh Amos te pawh khatiang khan awm lo sela chuan ka tana an hlut zia hi tun ang hian ka hre kher lo ang. Ka pasal leh ka fate hi ka tan a mi pawimawh ber te anni.

Bathroom atanga ka chhuahpui veleh "Naupang chu kan school ah la dah rawh u ati" Amos an alo ti nghal a.
"I chhang hmuk hmuk kher em? Tha deuhin be tho rawh. A sual miah lo ania"
"Chhang hmuk hmuk lo. Pangai deuhin ka bia, a hla sia a buaithlak ka ti"
"A that chu. A hrethiam ang. Tho la insiam chhunzawm rawh hun kan ngah tawh lo"
"A ho nangpawh ila in siam loh kha. Ka khel laklawh" ati tlat a. Nawrluih zel chi pawh a nilo. Naupang ka siam zo a, an toys tih darh vel dahfel tur a ka tih vangin room atangin an tlanchhuak a, keipawh ka insiam tan ve a "I hmai kha chei nasa suh. Chei lo la i inhmeh zawk"
"Chei ka tum lo. Hun pawh a awm tawh lo"
"Athat chu. Tlangval tam tak an la awm tih hria la" ner nang in a mutna lam ka en a, min lo en ve chung in a nui suk a "Nupui ka nei hmeltha em a"
"A lawmawm" ka tih sap hnu ah ka insiam chhunzawm leh a. Ka awm loh laiin alo in zai leh a, ahma ai chuan a kak thuk lo mahse ka veng nasa lehzual. In ring reng a ka awm a ngai. Thil thalo thleng thei reng anih vang in keimah ka pawimawh lehzual. A natna a taksa a awm hi a thunun zawh loh lai chuan keimah thunun sak ka tum angai a, ka puih a ngai. A taksa ah pawh ser a tam lutuk tawh. Heng te hi ka tan chuan hmuh reng a hrehawm. Ka en apiang hian ka rilru ana thin. Ka ven tlat chuan ser a neih belh lo ang.

Ka insiam zawh veleh kan chhuak a, kan inhmuhkhawmna tur pawh kan thleng har lo. Kan kal tluang angreng a, Bobby car khalh ve ngen a a nuar tih loh chu buaina em em kan tawk lo. A nuar kan in thlem chhawk reng a, a duhtawk a ice cream ei kan phalsak hnu ah a lungawi thei hram.

Kan inhmuhkhawmna tur kan thlen chuan an lo awmkim deuh vek tawh. Ka enkual a, an fate hruai ho pawh naupang tak tak an la ni. Keimahni in fa kan nei lian ber tawh. Class 12 kan zawh hma in ka rai miau a. Min lo fiam sap sap a, Pt-a chuan min pawm nawlh in min virkual pui a, midangin lo khap lo sela chuan ka lu a hai hman vek ang.

A chhung ah kan lut a, kan thianho in kan thu tlar thap a, Sofia chu Henry bulah a awm a, Bobby chu Amos bulah a awm thung. Thu an insawi chhawk a, class12 kan zirlai te an sawi chuan kan nui leh huk thin a, thu pangai tak tak an sawi lo nuihna tur a tam zawk. A tir a zakzum tak a hnu a an hrem ngun leh em em site an sawichhuak a, an sawi thenkhat chu hmundang a an awm vangin an lokal theilo a, a then damlo mek te an awm bawk a, a pawi tak tak a ni.

Thusawi ve tur a Amos a chhuah chuan ka pasal ani tia ka inchhuan viau laiin enge a sawi ang aw tiin ka lo ip chawih chawih tho a. Kan zavai hmaah a dingchhuak a, midang pawh en lo in keimah min en bik niin ka hria. A hmui bul ah mic a lek kang a "Ka hmu leh thei cheu a ka lawm e. A tam zawk chuan in hria anga, ka thiante pawn min tawngtaipui tur a an ngen thin cheu kha. Ka natna avangin reitak chhung chu mu leh mal neilo in ka buai a, ka nupui fanaute hrehawmna thlen tu ka ni thin. Ka duhloh ang deuh deuh a awm chang ka nei a, keimah ngei pawh in hrehawm ka ti thin. Ka thianten min pui nasa em em a, an chung ah ka lawm a, a bikin ka nupui, kawng engkim a min puitu leh min tawiawm tlat tu a ni" amah en a nui ver ver chung in Bobby ka kuah nghat zual sauh a.
"Awm lo sela chuan tun ang hi ka ni kher lo ang. Nupui tha an tehna hi enge a nih ka hre lo a, mi in engtianga awm hi nge nupui tha an tih chu ka hrelo mahse kei chuan ka nupui hi nupui tha ber ah ka puang a ni. A inpekna leh a dawhtheihna hi awihawm loh khawp a nasa a ni"

Bobby lu a ka khabe nghat in ka enkar a, ka nui sang reng bawk a, mi tam tak hma a min fak hi ka lawm a ni.
"Naupang te in ka nei a, thiam engmah a la neilo. In lamah engmah a ti ngailo a, a rawn awm tirh pawn kan inchhung ah engmah a tih ka ring ngailo a mahse a zir chawp a, puitling ten an hrilh ngai miah lo in a hma a thil awm chu tha deuhin a ti thei zel a, tihdan tur min zawt ngailo a, khawia tanga a hriat nge pawh ka hrelo. Engkim a thiam nghal vek ni maiin ka hria. Zingah ka phallo chung in a tho hma a, nau a pai a na aneih pawn a thil tih engmah a thulh ngailo. Ka chhungten an ngaina a, a awmloh chuan an khua a har em em a, tun thleng hian ka chhungte laka lungawilo hmel a put pawh ka la hrelo" kut an lo beng a, ka zah ve deuh vang in ka kun daih a.

"Fa kan nei a, ahma aiin a hah lehzual sauh a, naute diaper thlak tur a min tih chang pawn iduh leh chaw min pektir la, min puak tir la, min bawlh tir la mahse diaper berkher chu min thlak tir suh ka ti thin a, chutianga ka tih pawh chuan thinrim tur a ka ngaih laiin phun miah lo in aman a ti leh mai thin. Mipa zawk ang mai a awm chang a nei a, kan in hnial ve pawn a ngawi hmasa zawk leh boruak tih that tum tu zawk ani ziah thin. Ka nupui ka nei hi vannei ka in ti a, ka hmangaih ani tih in zavai hriat a hrilh ka duh a ni"
"A hmangaih che anih chu" an ti sap sap a "Keipawh in ka hmangaih vang alawm a nupui nih ka thlan" ka lo ti a.

"Sofia" a kut in a hui a, Sofia chu zak tih hriat deuh in apa bulah akal a, "Ka fanu hi tawngtaipui turin ka duh che u. A ni pawh hian a zawn in vawihnih zai a tawk a, tunah pawh ala chaklo em em. A mut hun anih hmaa a mu kan hmuh te hian kan ngaih a thalo a, na anei leh tawh anih ring in kan buai chuk chuk zel a, bakah a bialpa hmanni ah nupui a neihsan bawk a" an nui hak a, Amos pawh Sofia en a a nuih hnu ah a biang ah a fawp a "Ka fanu hi chu a nu ang maia chhel a ni. Engmahin a ti hnual ve ngailo a, huaisen na tam tak a nei a, hospital a reitak a awm hnu pawh a an class a pakhatna la hauh theitu a ni. Ka natna avanga ka buai chang pawh in engmah hrethiam lo mahse ka bulah a awm tlat thin a, min hlau hmel a pu lo a, ka tuar theih nan a ka huaisen theih nan min kuah thin a, min hmangaih thu a sawi thin. Ka fanu hi a hlu a, a bula awm reng kan duh a, natna a neih tawh loh nan lo tawngtaipui rawh u. A damzel theih nan dilpui ula, na a neih tawh miah loh nan in hun tlem te kha ka fanu tan lo hmang ve rawh u. Ka fapa Bobby pawh, zing a thawh veleh a toys zawng zawng kalsan in kan room ah alokal hmasa ber thin. An class a hmeichhia hmeltha a tih ber ai pawh in a u leh a nu hmeltha a ti zawk a, an school a a ngainat ber bula awm aiin anu leh pa leh a u bula awm a thlang zawk a, a len hunah pawh anu leh pa leh a u vengtu nih zel a tum. Kan ironman huaisen tak hi keini pawn a bula awm zel kan chak ania. A u lungawilo a hmuh in a thlem a, a u na tuar a hmuh in a kalsan duh ngai biklo. Hetiang fapa ka nei hi ka inchhuang viau thin a ni. Keichuan chhungkaw duhawm tak ka nei a, an hlimna thlensak ka thiam lo thung. Reitak chhung chu lung ngai takin ka siam a, hlauhawm alo thlen changa an in nghahna ber tur pa ber chuan hlau takin ka siam thin a, ka ti thlabar thin. Tunah chuan ka natna tangkai lo tak hi inthunun tir ka tum tawh lo. Nangni leh ka nupui fanaute min puihna avang hian ka natna chu keimah zawk in ka thunun thei ang tih ka ring tlat a ni. Ka sawi hnem tawh viau in ka hria, Bobby pawh a ham bai bai tawh a, Sofia ke pawh a kham tawh ang. Ka chhungkua ang ka nei hi mi vannei tak ka ni ka ti leh hram duh a, nupui tha tak ka neih vang in ka lawm. Khawvel ah hian nupui tha thlang dawn sela ka nupui hi thlanchhuah zing ah a tel ve ngei ka ring. Jessi i inpekna leh dawhtheihna avang in ka lawm e, ka hmangaih che. Sofia leh Bobby pawh ka fate innih vang in ka lawm ka hmangaih che u. Chhungkaw hlim tak nih zel ka tum dawnnia" tiin a thusawi a ti tawp a, kut an beng a, a thiante an lo au a, ka thiante pawh an bang biklo.

Ka bul hnaih a Sofia kai chunga a rawnkal chuan ka lo ding a, kan thiante zawng zawng hmuh ah kan inkuah a, ka pasal anih avanga ka lawmna hi a hriatthiam ve ngei ka ring a ni. Amos keipawh in ka hmangaih che. Chhunkaw awhawm tak kan nih pawh ka beisei a ni.

Tlai ah chaw kan ei a, kan in chibai mawlh mawlh hlawm a, hmel pawh alo dang ve deuh tawh. Hmeichhia ngat phei chu kan danglam. School kal laia sam tawn tawp a, uniform hak leh tawp ang kha a ni tawh lo a, kan sam a danglam a, rawng hrang hrang a nei tawh a, hmai pawh kan chei ve tawh. Puitling tak tak kan ni vek tawh. Pt-a pawh a hma aiin a cher ve tawh.

Kan thiante chuan Amos an fiam sap sap a, a then in an fuih bawk a "Nupui ka nei dawn. Min han thinrim khum teh se ka pawm nawlh anga tukverh ah thlak kan tum chhin vel anga a sim hmak ani mai" Pt-an a ti lang lang a, a nupui tur pawh tudang nilo in Nun hmuihmul-i a ni.
"Nuni nen in inneih chuan nupa pawh in ang lo ang pa pa in ang ang" Ms an alo tih chuan a ner nasa ngang mai.

Chaw ei kham ah Amos an Sofia a pawm a, keiin Bobby ka pawm a, kan la thukhawm laih tho.
"Rose i nghawng kha ava sen ve. I bialpa in a fawp uchuak ani maw" tiin an fiam a, Rose chuan a nghawng hliah pah in "Thosi in min seh a, a thak a" alo ti a.
"Thosi in va nei lian bik ve. In thosi hapui a nget em? Nge a hahmai a lian. In thosi kha a inchei nalh thei e, sam a nei buk bawk sia" Henry an alo ti zawt zawt a "Keini chuan kan thosi te kan enkawl uluk alawm" Rose pawn nui chung in alo ti ve a. An fiamna chu huat ah ala lo.
"Lisa hian Bobby nupui tur a pai mek" David an a tih veleh Amos an "Bobby chuan a duh bak a nei dawn lo. Ka nawrlui dawn lo reng reng" a ti a. Bobby biang thau ve tak ah a piai pah a "A duh hrim hrim. Anu leh pa anga hmeltha fa kannei dawn lawm. Lo lunggai reng reng suh u. Ka fanu a pian chuan a eng phet phet dawn" Henry bawk in alo ti leh a, Lisa pawh a rai lian ve tawh. Fa tha tak a neih a, nupui tha tak a nih ka beisei.

In a kan haw chuan naupang ka tifai a, an thawmhnaw ka thlak hnu ah Rosy in an thil tur a hawnsak en turin an kaltlang a, Amos chuan ka chet velna apiang ah min zui leh tho..
"Pt-a te chu engtik nge an inneih dawn?"
"Ala chiang lo a, Nuni chhungte an la nghak mek. Fa sek deuh deuh annei ang ka ring" ka lo nui hak a.
"Ka thiante nupui tur te hi nang anga fel an awm ve angem le tih ka ngaihtuah ziah"
"Fakna ah ka ngai anga ka lawm e" ka hmui a a fawh hnu ah a inthlak a, ka insilfai zawh veleh a bathro atanga ka chhuak tur chu bathroom bul set a min lo chang in ka chhuah rualin min kuah a "I tha ber. Ka lawm e. Awm lo la chuan tun ang hi ka ni ang"
"Neilo che ila chuan tun ang hian ka puitling kher lo ang keipawh ka lawm e"
"Nupui tha ber ini"
"Nupui tha ni tur a min kaihhruai avangin ka lawm e" ka kuah let ve a, pasal neih chuan hrehawm tam tak tuar tur alo awm takmeuh mai. Ka ngaihtuah anga englai pawh a nuam reng a ni lo mahse hmangaihna avangin engkim a tawrh theih a, hmangaihna avangin pasalte ngaiha nupui tha ber a nih theih. Hmeichhia nih a, nupui nih chuan chhel alo ngai takzet a ni. Ka tuar a, ka tawrhna chuan rah tha a chhuah mek zel a ni. Tunah hian ka pasal in nupui tha ber min ti a, nakin ah ka faten nu tha ber min tih tur a awm leh ka duh a ni. Ka pasal leh ka fate hi ka tan chuan an tha ber a, ka engkim an ti. Chhungkaw hlim leh in hmangaih tak kan nih zel ka beisei a ni.


END


PERFECT WIFE min chhiarsak a, like leh comment min petu te zawng zawng chung ah thinlung takin lawmthu ka sawi e, ka buai vangin duh angin ka dah tha hleithei lo a, min lo hrethiam zel a, lawmthu ka hrilh che u. Sequel anih vangin ziah thui vak ka tum lo a, chapter nga vel lek ziah tum kha ka ziak ta teuh zawk a, min fuih na leh thurawn min pek thinna avang pawn ka lawm e)