RAIN-20

ÃIN🌧   Chapter-20

By Zuãl's Khiangte 

Karkhat a liam meuh chuan Mami sawn pai chungchang chu mite tan titi tui ber ani tawh,a rai har ngawt zawk alawm,a nungchang a thlah dah em alawm tih ten an sawi a mahse a mipa zawk in engmah a tuar ve lo,Duhan  tuar  ve se ka tih vang pawh a nilo mahse hei hi chu a diklo ka ti thin hmeichhia in sawn pai se a paitu hmeichhia hi an dem em em ringawt a a mipa lam engmah an sawi ve ngai silo,hmeichhia te hi an mahni tawp in an rai theilo tih kan hrevek awm e, khawthlang lam milar ten pasal neilo in fa han pai se min hre miahlo tute kan lo lawmpui leh tum hrang bawk si,kan society hi zawng a mak ani e.

 Duha pa leh a nuhrawn pawh chu an rawn chho a ka hriatdan chuan naute pian hnuah in neih an ti a ni awm e,ka nawrluih avanga neih tum ni mahse ka hlim phah hauh silo.

Hun chu a kal ve beuh beuh a mahse Duha ka ngaih dan chu a la ngai reng,khami ni atang khan vawikhat mah ka hmu leh tawhlo,kan khua ah a awmlo a nih ka ring ringawt.

Ka tawngtai zo biakin atang ka chhuah chuan Hruaisanga biakin gate bula lo ding chu ka hmu a.

"Enge itih a?"

"Ka lo nghak che"

"Engvang chuan?"

"In be lawk ang" a tih chuan engmah sawi lemlo chuan ka lu ka bu nghauh a, a bike ah chuan ka chuang nghal a.

"A harsa em?"ka bula rawn thut pah chuan ati a

"Umm,mahse ka tuar thei mai ang"

"I nun tihchhiat phah nan a i hmanglo hi ka lawm khawp mai,i hmangaih zia leh a hmangaih zia che ka hria ,hmeichhe dang chu nise i tih anga an tih ve theih kher hi ka ringlo,hmeichhe dawrawm hmel tak mahse tawrhchhel tak ini"

"Keimah chauh in ka ni hleinem Pathian in min awmpui alawm"

"Nia nangmah ka hmuh che hian ka hre thei,nakinah a la awmdun tir ve che u hi ka ring tlat" 

"Ka beisei"

"Hmanni Mamin nau a pai tih i hriat ni zanah khan Duha alo kal a "Bawihi a na lutuk,a kehchhe vek" a rawn ti a,thil awmzia ka zawh ka zawh hnu ah min hrilh ve duh hram a lawm" sawitur hrelo chuan lehlam chu ka hawi daih a.

"Tunah khawiah nge a awm?"

"Lungleiah a hmu ngamlo che a" 

"A ni pawn a ngai lutuk che,ani vang khan mipa  dang hnaih hrehlo la ila naupang a mipa tha tam i la tawng mai ang"a tih chuan ka lu ka lo bu nghauh a,mahse zawm tumna ka nei chuanglo.

"Haw dawn tawh ila?" Ka tih chuan a lo aw ve mai a,a bike ah chuan chuangin kan inlamah chuan min tlan pui a.

________________________

Hun pawh a kal zung zung nimaiin ka hria,amah ka ngaih na leh ka thlakhlelh na chu la danglamlo mahse ka tha sawt ve viau,HSSLC board exam ka hmachhawn tep tawh a vang in lehkha ka zir ngawrh viau a,ka cher kuam kuam hi a ni ringawt.

"Saw enteh ka luak a pawt" Rinrini kawhna lam ka en chu Mami leh a thiannu Sangpuii hi kan lam panin an lo kal mek a.

"Zual i dam maw?" Kan bul an rawn thlen chuan Mami chuan nuisang hian a rawn ti a.

"Umm dam e,nangzawk?"

"Umm damtha lutuk"

"Engtiknge naute inneih dawn?"

"Tunthla tawp lamah hian aniang,apa hian min duat leh lutuk a ka pangchang vek tawh"tihpah chuan a nui deuh har har a, "sawtah sawn la en tur kan nei sia kan kal phawt ange"tih leh kalsawn an rual a.

"Engtinnge i la biak that peih? Ka khawih hreplo kha vannei in ti hle rawh se" tih pah chuan a in sawh tau nghawng nghawng a,ka lo nuih ringawt. 

Zanin hi ka birthday a ni a,lawmloh ai ah ti in ka thian hnai pa 6 vel ka sawm a,cake te leiin eitur kan lei teuh a nuam kan ti tlang chuan ka hria ,kumdang ang kha chu nise phur tak in ka lawm ngei awm si a mahse ani tello kha chuan engmah hi ka phurlo a ni ber e.

Ka thiante an haw hnu chuan mutur in ka inti fai a,ka muthnu chuan ka muhil thei thlawtlo chu ka khum thlang deuh a tukverh ah chuan ka dak a,Thlabial zan anih ka ring a bialin a eng emai,a hma kha chuan hlim tak in ani nen khan kan thlir dun thin kha nia tunah hian enge a tih ang? Min ngaihtuah ve tho angem le? Keimah ang tho hian thla khi a thlir ve angem le? Thlapui keimah ang tho a a rawn thlir ve che anih chuan ka ngaih lutuk  tihhi min lo hrilhsak rawh aw.

Kawnglam ka en chuan motor ngheng hian tu emaw hian min lo en reng a,a thim chin a a din a vangin ka hmuchiang theilo mahse ka hrechiang amah kha ni,ka kawrlum la chhuak in ka ha sawk sawk a,dimte a kawngkhar hawngin kan  in thlang step ah chuan ka chhuk thla hlawk hlawk a,a dinna bula ka thlen chuan engkhaw sawi set set lo in ka va kuah chawt a,ka  ngai ka ngai takzet a perfume in kah rimte a aw te a nui ri te a engkim hi ka ngai vel vek.

"Bawihi"tih pah chuan min rawn pawm ve nghal a.

"Ka ngai lutuk che" ka mittui a hnar leh nghal ringawt. 

"Min ngaih let ai a nasa fe khan ka ngai che"tihpah chuana hmuium thur thur in ka chalah chuan a rawn fawp a.

Reife kan in kuah hnu chuan kan inthlah ve thei hram a,thla8 chhung kan inhmuh loh ai kan inkuah nimaiin ka hria .

"I damtha em?" 

"Umm nang i damtha em i pa enge  a an?"

"Kan damtha ve ve e" 

"Mami leh naute an tha maw?"

"Tha ang khalam kha chu sawi hrihlo ang"a tih chuan sawitur hrelo zet in van chu ka en daih a.

"Happy birthday ka vantirhkohte" ka nghawnga  hit nghal ver mai.

"I inhmeh hle mai,Jun-pyo an Jan-di a pek ang kha a nihhi aw khatiang ai pawh khan a analh" a tih chuan thi chu ka en a thla leh arsi lem hi a lo ni a ,ka nuisuk ringawt kan inngaihzawn tan tirh khan Jun-pyo a te kan en dun a khata Jan-di a thi pek kha  nalh ka tihthu ka hrilh a a lo la hre ve reng a nih dawn hi.

"Va lut tawh rawh"

"Muttui aw"

"Muttui le" a tih chuan kal mai ka tum a,ka banrek ah a rawn vuan chat.

"Vawikhat tal ka fawp thei che ngem?" Ka chhan hma hma chuan min rawn fawp a,ka lo chhanglet ve nghal kan awmdan hi a diklo tih chu ka hria mahse keipawh hi ka in control thei biklo an,Mi pasal a la nilo tih chu ka inhnem ve na a nimai,chutia rei fe kan in fawh hnu chuan kan inthlah ve thei hram a "va lut tawh rawh muttui le"  atih chuan step ah tlan chho in in lam chu ka pan vat a.

In ka luh chuan thawm dimte in kawngkhar ka kalh a ka room lam ka pan vat,ka khum a apa thulai ka hmuh chuan ka thlawk teuh kher mai.

"Pa aa..."

"Bawihte hauh che ka tumlo a hrehawm ang tih ka hria mahse thlen nawn tir tawh suh ang che,hetiang a vanga kan chhungkua mualpho hi ka duhlo ania,Duha nen in in hmangaih zia ka hria mahse mi pasal ni mai tur ani tih hrereng ang che" tih leh din a rual a,ka dar a beng thek thek in min chhuahsan a,ka bing mup mup in ka hria ka zak a,ka in ten bawk,mi pasal ala nilo tih chuan ka in hnem leh ringawt.

(Chapter-1 emaw chauh a awm ta😂😂 comment lam kha tang nasa ula aw😊🥰)