RAIN-LAST

~RÃIN🌧  

LAST CHAPTER

By Zuãl's Khiangte 

Bawihi tello a ka han awm chiah chu ka nun a ruah zia ka hrechiang telh telh,engvangin nge invenna tal kha ka lo hman loh le? Chhuatah chuan thingthi in ka kut pahnih ka suih a.

"Lalpa i awm tih chu ka hria mahse ka mamawh che in ka in hre ngailo,mahse Lalpa ka mamawh takzet che ni ka hun lo hman tawh ah i duhzawng tih pakhat mah ka la neilo tih ka hria mahse thil pakhat ka dil thei ang che tiraw? Bawihi nangmah ring em em tu che kha ka tih nat zia i hria tiraw? Keichuan engmah tih theih ka neilo chuvangin khawngaih in a na te kha tuar pui rawh aw amah mai a tuar atan chuan ana lutuk ang,misual tawngtaina hi i ngaithla ve tho ang tiraw? Tih pah chuan ka mit ka meng a.

"Bawiha" tihpah in ka nu chu ka roomah a rawn lut a.

"Pu Mahruaia a lo leng a a be duh che nih hmel lo chhuk la" a tih chuan bu nghauh in ka zui chhuak a.

Bawihi pa sitting room a lo thu ka hmuh chuan ka zam deuh enge a sawi tum tih ka hre chiang mai si a.

"Enge nita Pa mahruai" tih pah chuan a thutna ep ah chuan ka thu a.

"Duha han sawi tan dan tur pawh ka hrelo,ka fanu nen hian naupang te mah la ni ula in inhmangaih tih ka hria a,keipawh in inkar ah in rawlh ka tum ngailo mahse hei fa te i han nei ve dawn a ni a chumai nilo nupui thlengin,ka fanu nen in la in hmu zeuh zeuh tih ka hria chuvangin khawngaih in hmu tawhlo la ka duh ani, hmeichhia i lo mualpho pui tawh ah khan i rilru pek tum la No-i chu i rawn biak hmasak loh chuan a rawn be hmasa lo ang che tih ka chiang,ka fanu leh zel a mualpho hma in he thil hi ti tawp la ka duh ani" a tih chuan ka inhum ruh tun ringawt, thinrim viau mah ila a thusawi a dik zia ka hre chiang bawk si.

"Awle ka rawn hmu tawhlo ang, Ka tihpalh ani khatiang kha ka lo ngaihtuahlo a" 

"Nilo e No-i pawh a bang chuanglo a ni pawh ka hrilhfiah a nga a pawm thiam em em ang,kan haw phawt ang e" tih leh kal a rual a.

"Pa Mahruai" a rawn inher vat a.

"A tawp nan vawiin chiah a bulah ka awm thei leh angem? Vawiin chiah" ka tihchuan a inngaihtuah vang vanga.

"Awle mahse a tawpna ni rawh se" tih pah chuan a inher a ka lo thaw hawk ringawt,A tawpna tih chuan ka phun sap a.

______________

Vawiinah Duha nen kan len dawn avangin ka khi reng ringawt,ni e ka awmdan hi a diklo tih ka hria mahse ka in contol thei biklo ani,mahse nupui aneih hnu ah chuan ka ti buai tawhlo ang tunah chuan nupui ala neilo tiin keimah leh keimah ka inhnem a ni deuh ber.

Tawnzau var ha in a chungah top eng a lai a kilhna tereuh tete awm ka ha a,high waist pawl a khup chung torn deuh chu la chhuak in ka inthawlh zui bawk a,muza sei ve deuh a var chu bun in vans var ka bun bawk a,ka sam chu thlah in  ka hmaiah makeup tlem ka inhnawih bawk a,ka zawh chuan ka bag ah ka mamawh tur ka khung nghal malh malh a,a ruk thei ang ber chuan in chu ka chhuahsan a,kan exam zo tawh bawk a ka indah free ve hrim hrim avangin ka thiante inah ka leng emaw an ti tho ang.

"Ka rei em?"a bula va tlan phei pah chuan a

Ka ti nghal a,a lu a lo thing mut mut mai,a bike chu rawn ti awn in ka chuan zui thak a.

"Tinge helai hmunah hian min hruai a?" Tih pah chuan  a bulah chuan ka thu a, a hma kan inngaihzawn hma a inkhel kan en ho kha ka mitthla zawk mai.

"Hma hun hi hrelawk thei ilang chuan kan inngaihzawn tan tirh a tang khan engkim khan ka ring ang che mawle" 

"Hei kha tiang sawilo la,i thiamloh a ni hleinem"

" Ani tih chu kan hre ve ve alawm ,nupui ka neih hunah pawh ka hmangaih reng ang che ka hmangaih hmasa ber leh a hnuhnung ber i ni tih i inhre reng dawn nia" tih pah chuan ka chhip ah a rawn fawp a.

Nileng chuan Duha nen kan awm dun a,enge kan chungah thleng tih theihnghilh thak khawp in ka nui leh bawk bawk tawh,a bula ka awm hi chuan engdang mah ka ngai in ka inhrelo mahse a bulah hun reilo te chauh ka awm thei tawh,ka biang chu a lumthla pap a.

"Bawihi" min rawn kuah bet nghal a,ka lo insut feih feih nghal .

"He mangchhia atang hian Duha min harhchhuah tir rawh,Eng engtinge ka awm zel ang i tello chuan ka tum ve nasa lutuk mahse ka theilo" kmaw rualchhuah meuh in ka tap a,duat tak a min kuah na te hi ka ngai dawn lutuk mi pasal a ni tep tawh si.

Reife ka tah hnu chuan ka zawi vek thei Duha chuan min pawm hlun hlun a a tih ang ang chuan ka awm a ni tawp mai.

"Bawihi" 

"Umm"

"Vawiin hi kan inhmuh tawpna ni rawhse aw" a tih chuan a mah chu ka melh chho vat a,ka mittui a luang thla leh tawh a na em a tinni.

"Keichu ka mualpho turah ka mualpho law law tawh a,i mualpho ve ka duhlo" a tih chuan a awmah ka hmai ka phum leh nghal,heng zawng zawng hi mumang nise ka vahan ti em.

Haw kawngah chuan a tu a mah mah kan tawnglo,ka rilru leh taksa hi a chau ngawih ngawih,kan inbulah chuan a ding a,ka kut chu a hum vang vang bawk.

"Ka hmangaih reng ang che Ka vantirhkohte" tihpah chuan min rawn fawp a keipawn ka lo chhang let nghal.

"Pa tha tak nih tum ang che aw,Keipawn ka hmangaih reng ang che Mangtha le" tihpah chuan ka inher a ka hmuihnuai ka pet fan fan ringawt ka tahchhuah leh ka hlau em atinni.

Inchhung ka lut chu ka hmai a ri nghal thuai a,min beng tu ka en chu Mami thinrim tih hriatzet hian min en kur a.

"Zawng mihurnu ka pasal lo hmu tawh suh ka ti ani lawm ni" tihpah a min ben leh a tum chu apa in a kut a lo man vat a.

"Mami duhtawk rawh he in hi i in nilo in ka in ka fate nen a kan chenna a nihhi" ka pa chuan vin silo hriam hrak hian a ti a.

"Fate chhan intih nat lutuk vang ani hi in fanu pawh hetiang anih zo tak ni,tlaw nupa lutuk i fanu hi lo zilh ve ang che"tih pah chuan a chhuak a,ka pa chu ka en hrehawm ka ti ngawih ngawih a fanu vangin zahlo tak in an tanwgkhum chu a ni sia.

(End of Flashback)

__________________

"No-i" ka nu min rawn kohna a vang chuan  ka harh zawk a,engtia rei chiah nge ka nunhlui a ka lo chen leh veng veng pawh ka hrelo e a.

Lalduha te pawh an innei ngei a fa pawh an nei tawh mipa a ni nghe nghe ,Class12 ka zir zawh hnuah chennai ah Ka cousin te bulah ka awm a kumkhat dawn ka awm hnuah kan inlamah ka bungrua mamawh ka la lakloh  ho la tur in ka kir leh a,ka nu leh pa ten Mizoram ah nurse min zirtir tum mahse Chennai lamah zir ka duh tlat a vangin min dang zo biklo.

Kha ka mipa hmangaih kha i theihnghilh tawh em? Tiin min zawt ta se ka chhan na chu "Ai" ani , pathian in tul a tih chuan kan la awm dun ve mahna mipa dang ka hmulo a nilo mahse hmangaih dang neih ka duhlo mi pakhat ka hmangaih tawh a a tawk viau kan damchhungin kan inhmangaihna in rah chhuah ve lo mahse a pawi kan tilo thihhnu piahlamah kan la awmdun ve thei mahna, kan na viau emaw kan tih pawh hian pathian hian kan tawrhzawhloh rilru natna min pe ngailo😇

THE END

( HE THAWNTHU ~RÃIN🌧 LO CHHIAR TU TE ZAWNG ZAWNG CHUNGAH THINLUNG TAK IN LAWMTHU KA HRILH A CHE U,A LAST NA NI TAWH BAWK A COMMENT THEUH TUM ANG AW,HAPPY ENDING TIR KA TUM VE VIAU A MAHSE TIANG HIAN A TAWP DAIH ANIHHI😂😂)