NANG CHAUH-14

NANG CHAUH-14

"Tommy" ka ti sep ri a hriat rualin a rawn inher a, a lawm lutuk chu min kuah nghal thuak. 

"Hun ka ngah lo..i thusawi ngaithla turin ka lokal zuai" ka tih chuan inla hrangin ţhutna min kawh hmuh a, bet lo deuhin ka ţhu. 

"Msa hrehawm tawrh tir ka tum luatah i na tel ve a, min ngaidam rawh" ti zawi supin ka hmaah a rawn ţhu hniam a, ka kut a vuan nghal zat.

"Eng nge awmzia? Msa chu i ţhianţhaber a nia, ngati nge hrehawm tawrh tir i tum?" ka ti mawlh mawlh. 

"Ka chan ve tur dah hauh lo va a ţha zawng zawng a neih bik vangin" a ti rum ul a, chu chuan min ti buai lehzual. 

"Tommy, hun ka ngah lo ka tih tawh kha. Peh hel reng lovin sawi vek rawh" ka tih chuan "Msa hi ka unaupa a ni" a ti chhuak phawng mai. A hmel rum ul leh a mitmeng thim leh vawt raih te chuan a thinrim zia min hriattir a, a thinrim chhan ber pawh ka hria in ka inhria. Remkhawm dan ka thiam lo thung. 

"Chuan?" ka lo ti mawl leh tawp. Muangchang a tho chhuakin a kekawr ipte a zen a, ka ţhutna piah bang ngheng a dingin a thaw ham ham a, nunhlui ngaihtuah let ni awm takin mit a chhing vang vang. 

"Msa pa, kan principal ţhin kha ka pa ve tho a ni. An awmpui baihvai ve tak mutpui duh, a rai tak vang a dawihzep tak a tir bo leh rawk rawk" tiin a chek tlak a, "Tenawm" a ti leh hluk. 

"A awmzia chu i nu hi Msa te bulah a awm ţhin maw? Msa pian hma aniang tiraw? Nih leh tun a ipa leh i nu hi fa nei miah lovin an innei reng tihna em ni?" ka tih chuan min rawn melhin a bu nghut a, a thaw chhuak zui hawk. A thil lo tih tawh chu dahţha ta ila, a chhungril tawt lutuk tur chu hriatthiampuiin ka khawngaih khawp mai. 

"Ka nu min hrilh dan chuan Msa ai hian kum khatin ka upa. An inah a awm ţhin a, Msa pa hian ngaizawngin thiam takin a thlem ţhin a ni awm e. Ka nu hi fahrah a nia, Msa nu nen an inkawm ţhin. Rethei deuh a ka nu awm chu khawngaihin Msa nu hian a la lut a, ka nu pawh dik ka ti chuang lo. Amah khawngaih tu pasal a ngaizawng miau a" a ti a, dik ka ti khawp mai. Tlangval tam tak awm lai a mi pasal kher ngaihzawn hian eng rah ţha mah a chhuah lo. Kan hmeichhiatpui, a pasal rinchhan tlat tu natna siamsakna mai mai. 

"I nu chu engtin nge a awm zel? Msa nu chuan tun thlengin thudik a hre lo tihna em ni?" ka lo ti a, hriatchian zel chakna in min nawr a ni ber. 

"Mipa in thiam deuh a a thlem na na na chuan a thlem thlu a, nau a pai hial. A fa ngei a pai tih a hriat rualin a awmna pa chuan tirh bo dan a zawng chung a, a vau a, a thlem a, ka nu awm ve loh dan zawngin theih tawp a chhuah. Khatih hunlai khan ka nu hi a la upa bik lo a, vau zam theih rual a ni. Rethei tak bawkin a fa nen a damkhawchhuah theih dan a zawng ti tawh mai teh ang. Tun a ka pa nen hian intawngin nupa angin an awm a, an la innei ţha miah lo tih chu i hriat ve tho kha" ti a Tommy-an min hrilhfiah chuan "I nu hian engtin nge Msa pa hi a hmuh leh theih?" ka lo ti vat.

"In veng a an rawnkal ţumin an inhmu hlawl a ni awm e. An in bul lawkah a ni nghe nghe. Biak te pawh an inbe ve ang. A hre tur awm ang hnenah ka nu khan a chanchin a zawt a, private school pakhat nei tu a ni tih a hriat rualin ka school luhna min sawn sak. Msa pa vang a hrehawm a tawrh nasat zia leh kei thleng a min nghawng ve thu nitin min hrilh a, zawi zawiin ka thinlungah huatna min tuh sak a, tun thlengin Msa te pafa aia huat ka nei reng reng hleinem" a ti fak fak a, ka thu hriat te chuan min ţhawng takzet. 

"Msa nu chuan a hre miah lo tak tak maw?" ka lo ti leh hliai. 

"Hre lo, ka nu hi chu a la hria ang. A pasal fa a pai tih erawh a hre lo tawp ang. Msa naupan laiin an inţhen a, tun a a nupui ni mek hian a luhkhung. In vengah an rawn awm a, a nunhlui leh a tenawm zia hre lek lovin mi hausa lawm ho lahin an be ţha hluak reng a, tun thlengin hrehawm tihna leh inchhirna nei miah lo vin a la awm reng ang" a ti a, thinrimna a pai ruk ţhin a in mung tup tup a ni ngei ang, a awki a chang fak fak khawp mai. 

"Nih chuan Msa pawn engmah a hre lo tihna anih chu. A pa tihsual vangin tih sual nei ve miah lo i haw tel a, ngati nge? Msa hian i nu nen a in eng pawi nge a sawi ve?" ka ti let khauh. A nu leh pa inţhen kha hrehawm a tih ber zing a mi a nia, Tommy ang chiah a tuar tu ve tho a ni. 

"Ka nu hian Msa hnaih tlat turin min hrilh ţhin. A ţhian ni a, a nun a tel ve turin. Min ngaina a keipawn ka ngaina. Kan in duhsak tawn zia ka nu ka hrilh chuan 'Hmangaihna leh khawngaihna nei miah lo pa a nei a, a chhun ngei ngei dawn. A pa pawh en mai chuan sualna nei lo ang a nia, a thinlung a kha thung. Tun a a ţhatna hi inhneh tir lo la, tlan khalh la, fin khalh char char la, i thil duh engmah in neih khalh tir suh' min ti ţhin. Ka nu'n min fuih reng a, Msa chuan ka ta tur ţha ţha a neih vek thu a sawi ţhin bawk" a ti leh a, inchhung a inthlahrung reng reng a khawsa ţhin, a nu bak rinchhan tur nei lo hi a â zo vek tawh. A nu'n a thluak a suk sak nasa lutuk a, Msa te pafa haw tur in zirtirna a pe a ni ringawt. A nu fuih khaw loh ka ti lo thei lo.

"Ka duh che a..hman aţangin a ni tawh. Mahse, Msa'n a nei daih che. Eng emaw tal min tihsak turin ka nu'n Msa pa a ngen a, a neih ang ang a fapa neihchhun Msa tan a a dah vek tur thu a sawi. Khata ţang khan ka nu chuan Msa'n hmangaihna a dawn nasat bik zia a hria, Msa pa in a fapa a hmangaih zia hria in Msa zawk hi natna thlen sak turin min hrilh ţhin. Chu chuan a pa a ti na ve dawn. Ka nu'n 'an tan engmah i ni ve lo. I pahrawn faten an duh lo che a, i pa tak ngei pawn a duh lo che. I unaupa Msa pawh hian unau in nih thu hria se chu tun a i unauten an huphurh ang chiah che hian a huphurh ve ang che. I tih tur chu Msa tlan khalh zel la, a chak lohna lai zawng la, a taksa ti na miah lo in engmah ti thei lo khawp a laktlak loh a nih thlengin sawisa rawh' min ti ţhin" a tih chuan ka fiah kuar mai. Min inţhen tir a, mumallo takin Msa a awm chho a, hnathawk thei lo ţhak khawp a chhe vek turin an beisei ang mah se chutiang chu a thleng lo. Msa hi mipa a nia, a hna pawimawhzia a hre bawk. Hna sang pui thawk lo mah se hna ropui, school naupang te enkawl hna a thawk a, keimah vangin a hna a bansan phah lo.  

"Tommy, i nu fuih ţhin dan che chu a dik lo hle mai. Ka khawngaih zawk che" ka ti hap. Sual miah lo tur sual kawngah a hruai lut lui a ni. Tommy hi a thil tih zawng zawngah thiam ka chan tihna a ni lo. 

"Msa hian a pa a haw ve takzet tih i hria em? A nu aia hmeichhe dang a thlan zawk vangin a hua a, a ni phei chuan pahrawn chauh ni lo nuhrawn a hrawn tel. I nu chuan in tawrhna chiah a ngaihtuah a, Msa thinlung diktak hmuh tum lo vin ngaihruatna in a judge a, engamah hmain a pa ang turah a ngai hmak. Msa chuan a pa ang a khawsak loh hram a tum a, anih leh nang ve? I pa te pahnih i huat zia sawi reng chung hian anmahni ang chiahin i khawsa ve tih i inhria em?" ka ti fak fak. A nu in a hriatna a tih pawt vek tawh hi thiang leh turin ka duh. A nu thu ni lo, a ma thu a kal turin ka duh bawk. Nu te thu hi kan zawm tur a ni meuh mai, mahse, a ţha lo tih kan hriat ngeiah chuan nu te meuh pawh kan hnial ngam tur a ni. 

"Fiona bawk maw?" ti supin hnuailam a bih a, "Ka hmangaih thei lo" a ti thlawt. 

"Nih chuan ngati nge i fa i pai tir? I hmangaih miah loh leh i hmangaih theih loh tur chu nawmchen pui kher a ngai em ni? I nu nen a in tuar ţhin ang chiah khan nangmah vangin a fapa nen an tuar mek asin" ka ti hrawk. Fiona te nufa ka khawngaih thar lutuk chuan min ti thinrimin ka vin khawp mai. 

"Ti tla tur a ka hrilh lai khan naute kha paih daih se chu hrehawm a tuar lo vang. Ka nu leh keimah ang a an hrehawm ka hlauh vang alawm a fa pai kha hring lo tur a ka tih. Amah ka ngaihtuah vang zawkin. A duh thu in a nei a, thiam lohna ka neih ka hre lo" a tih chuan lu ka thing nawk.

"I â vek tawh Tommy" ka ti halh. A awmdan hian min ti beidawng takzet. 

"Ni e, ka â vek tawh. Ka duhna che leh Msa te pafa te, ka nu vang te hian ka â vek tawh" a ti vak vak a, ka lo chhing sawk. Engin nge luhchilh pawh ka hre lo. Tommy ka hriat ţhin kha an na pakhatmah a nei tawh lo. 

"Msa hi i haw miah lo tiraw? I nu in haw tur che in i duh a, huat luih i tum mai mai anih kha. Ka hre vek Tommy, lehkhazir a ngaihsak duh miah loh lai a note i copy sak ţhin te, rawlthar rualin insual buai an chin hun lai a Msa thlavang hauh a i insual nasat ţhin zia te kha ka hria. Shillong a ka awm hnuah pawh a ni tho, Msa nen i hriat loh tur a kan inkawp hunlai kha, Msa'n min rawn biain a in kawt a jacket dum a lo awm ringawt thu min rawn hrilh a, jacket awmdan tak ka zawh chuan i rawnkal ţum a i ta tur ang a i lei ngei kha a ni tih ka hria. Kan la inkawm khawm vek lai anih vangin khatih hunlai khan mak ka ti hran lo. Midang chu bum thei mah la kei chu min bum ve thei lo ang. Ka hriat laiin Msa i huat zia sawi tawh miah suh" ka tih chuan min chhan ngaihna a hre lo. 

"Hmeichhe pakhat vang maiin i ţhianpa, thinlung tak a i pawh theih hi chan duh miah suh. Ţhian hi ngaihzawngte aiin an hlu zawk. Fiona te nufa chungchang ah chuan ka dem khawp mai che. Mahse, Msa chungchangah chuan ka dem lo che. I nu in fuih reng lo che se la chu ţhianţha tak in la ni ngei ang. Bakah dawr lian deuh i nei tawh a, Msa ai chuan pawisa i la lut hnem daih zawk ang. Msa chuan a pa school lo din tawh a enkawl zui a ni mai a, nang aiin a lak luh a tlem zawk dawn. Thik lo la, i nu in a sawi leh pawn sumdawnna lam a i tui zawk zia sawipui daih rawh. Thil ţullo ah in hnamhnawih ve duh tawh suh, ţhian chu sawi loh i unaupa ngei i chân theihna anih phei chuan i kut sil hmak rawh" ka ti malh malh. Beidawn hmel zetin ka bulah a rawn ţhu thla hnawk a, min duh ve zia ka hria, khawngaih viau mah ila ka let thei tawh lo. Englai mahin ka duh ve tak tak ngai lo a, kan inkawp reng lai pawhin ka thinlungah mi pakhat dang a awm tho ţhin. Ani pawn siamţhat tur a nei, mipa angin awm se ka duh a ni. 

"Sawiselna tur che ka hre ngai lo" ti sepin a kut ka vuan a, min rawn melh vat. 

"Msa unaupa i lo ni reng a ni tih hi Msa ka hrilh lo vang. Ţul i tih leh nangman i hrilh zawk dawn nia. Ka sawi tawh ang khan thil ţullo leh rah ţha nei miah lo turah i kut ti bawlhhlawh tawh suh. Kha zan, Msa leh Fiona te mu dun lai ni awm tak min rawn thawn kha sawi zui ka tum tawh lo. Ka naupai chungchang phei chu sawi leh ka duh lo zual. Thil kan ti sual vek a, kan thiam lo vek a, kan tuar vek bawk. Kan na rei tawh a, tawp tawh rawh se. Mahse, kan thil tihsual pawi sawi lo in an tuar nasa ber hi pawi ka ti" ka ti chuai raih. Fiona te nufa rilru ah an awm lo thei lo. 

"I fapa a nia, ţawngmawi lo ni lo se mi pangai ang pha zân lo lehnghal. An rethei rei lutuk tawh. Msa chuan lo chhawm dawl ve bawk mah se nangmah nen a in ang thei lo. Pawisa i thawk chhuak hnem tawh a, Fiona leh i fapa i hlamchhiah leh si chuan malsawmna i beisei reng ngam dawn em ni?" tih zawngin ka sawipui ta zawk. Thinrim a ka nawr chuan a luhlul zel ang a, a thinlung a ţhatna la awm ve ka nawr chhuak zo lo ang. 

"Ka nu ka enkawl a, chu chu Pathian duh zawng a ni lo em ni? Pathian duhzawng ka tih a, ka eizawnna a theihtawp ka chhuah chuan malsawmna chu ka beisei ve ang chu" a ti ve thung. 

"Tun a i awmdan hi chu i pa nen a inang chiah. Hmeichhe baihvai belh tur nei lo leh i fa ngei chu hre lo der hmakin nangmahin i thawhchhuah i chen a, i fa, i thisen ngei rethei deuh a a awm i en liam mai mai thei. Msa ai chuan i pa i chhun daih zawk. I nu fuih ţhin dan che min hrilh loh i ngah ka ring. Mahse, thil ţha leh ţha lo thliar thiam tur i nia sin. I pa ro in beisei tlat anih leh dil chhuak lui ula, school bak a nei lo. Msa nen a in insem ngat phei chuan in chang tlem dun ngawt ang. In mualpho ang a, in chanchin hre lo turin an hriat belh ang a, i nu in hmelma a ngah sawt ang. Chu chiah chu hlawhchhuah tur in nei" ka tih fak fak hnuah ka sana bunlai ka bih zeuh. Ka kal a hun ţep tawh. Tih tur dang nei hmanhmawh ru ţeuh tawh ka nih vangin a nu ka hmang ţangkai ve thung. A nu mualpho vak chu a duh ka ring lo. 

"I chenpui mek i unaute hian an pa fa ni lovin midang daih fa i ni tih hria se i nu retheih dan tur i chhut thiam em? Msa pa hian a nei let dawn lo hrim hrim a, in nufa bawk a in chhuah leh a ngai mai tur a sin. In ngaihtuah chiang la, phuba hian ţangkaina a nei lo. Phuba chu Pathian lak turah dah la, i nu fuih let ve thung rawh. Nunhlui theihnghilhin hmalam pan rawh u" ka ti leh a, sawi tur vak ka hre tawh bik lo. 

"Nih leh nang? Kan pahnih a kan nunhlui kha theihnghilhin hma lam i pan dawn tihna em ni?" a lo ti ve khauh. Beisei loh lutuk min zawt mah se "Aw, ka tum mek anih hi. Ka ti na che tih ka hria a, kan inti na tawn ti ila a dik zawk ang. Mahse, Pathian remruat zawk anih ring ila, Fiona leh i fapa enkawl na hun ţha i nei tihna a ni mai" tiin buai miah lovin ka chhang. 

Min nawr lui ngam lo va, a thil lo tih tawh te kha hre ve ranin min chelh tlat ngam lo. 

"Aw le, chelh duh viau che mah ila ka chelh lo ang che. Min hmangaih miah lo tih ka hria, ka duhna che leh mahni hmasialna vangin ka chelh lui che a, awmzia a awm loh zia ka hre tawh bawk. Kal la, hmalam pan rawh. Luhlul chhuah reng tawh lo la, i hmangaih ber bulah lung dam deuhin awm rawh" fel fai lutuk a a tih chuan ka hamhaih lek lek. Thinrim hmel hmuh tur a awm tawh lo va, huatna mitmeng a lang tawh lo. 

"In ngaihtuah zui nasa rawh aw. Natna tânin i hre ngai em?" ka tih chuan "Eng nge chu chu?" a lo ti vat. 

"Natna tânin ah kan tang vek a, kan inchhuah zalen thei lo. Kan nghak rei tawh a, zalen lo vin kan la tang ţhap reng, a inkalh tlat. Keimahni zawk hian min chhuah zalen thei tu kan pan angai, keichu ka tang reng duh tawh lo. He natna tânin hrehawm lutuk aţang hian chhuah zalen ka duh tawh a, chuvang chuan ka hlimna tur ni a ka ngaih ka pan dawn. Nang pawn i hlimna tur i hria. Min hnaih a, ka lak a i rilru put hmang thlak thleng i tum loh chuan i tang reng ang. Fiona leh i fapa pan la, naupang rilru thianghlim tak te hian mi an tih hlim theih zia i hria ang. I na zawng zawng a reh vek lo anih pawn i thawl huai tho ang a, zalen ah i in ngai tho ang" ti a ka phun sep sep hnuah amah en ran chungin ka tho a, min melh ve reng. Min chelh lo thung. 

"I fapa nu chu i hmangaih thei em em ang. Natna nasa tak i pe tawh a, tuam dam leh pawh i hna a ni. Na zawng zawngah thinlung hliam nasat lutuk vang a na hi tuam dam a har ber a, i fimkhur viau dawn nia" ka tih leh hnuah ka nui lui sak. 

"Ka ring che Tommy, ka ţhian i la ni reng. Mipa takin awm la, i thisen, i fa ngei tan pa ni rawh. I pa angin awm ve lo la, pa ţha nih tum zawk rawh. I nu chuan engpawh sawi se bengkhawn tawh suh. A hrehawm tawrh tawhna a sawi leh pawn inbual at tir tawh lo la, phuba lak aia tih tur pawimawh i ngah. Ngaihdam dil la, tuam hlawm rawh. I fapa in hrehawm a tuar mek a, a puitlin hun a a huat lohna tur che in awm rawh. Chutianga i ti thei lo anih chuan mipa in ti ve tawh suh. Hmeichhia thlem thlu te te a, mawhphurhna la leh ngam si lo te hi kei chuan mipa ka ti ve thei lo. Bul ţan ţhat leh nan a la tlai lo" ti a ka hrilh hnuah ka sana bawk bih lehin "Mahse, tun a ka kal nghal loh chuan keichu ka tlai mai ang" fiamthu a ka tih chuan za lo deuhin a lo nui ro hak. 

"I duh hun hunah min rawn bia la, ţhian ka la ni ka tih tawh kha. I ngaihdam min dilna kha ka la pawm lo" ka tih leh hnuhnawh chuan hrethiam lo tih hriat zetin mithmul a lo kan uk. 

"Fiona in a ngaihdam theih hunah che keipawn ka ngaidam ve ang che. Ţhian ngaihdam hmasak ka nei tihna a nih chu" zangkhai thei ang ber a tiin ka nui pah a, "Min ngaipawimawh takzet a, ka ngaihdamna i beisei anih chuan ţanpui rawh. An mamawh che" ka ti tel hram. Thil ka hriat loh lutuk na lamah ka lo chelh khawtlai rei a, an nufa a an tawrh zel ka duh tawh lo. 

Chhuah pahin dawr luh dawn a bag lian vak lo ka dah chu ka khai a, sumo stand lam panin hmanhmawh deuhin ka kal hlawk hlawk. Tommy-a dawr aţangin a hla lo bawk a ka thleng hman ang. Tommy nen khan kan sawifel thei ah ka ngai a, tlemin thaw a veng deuh. Bul ţan ţhat leh nan a la tlai loh thu ka hrilh a, sumo ka nan hman phawt chuan keipawh ka tlai lo ang. Tlai ka tum lo. Natna tânin aţanga chhuah zalen ka duh tawh ka tih tawh kha maw.

Sumo hma a a lo vei tawh sek ka hmuh takah chuan tawi khawmuangin ka ding dat. Chak deuh a kal ka ni bawk a thawk ka la ham ham. Dawhthei lo tih hriat zetin sana a bih pah reng a, a hawi kual leh thuak ţhin. Ka dinna lam a rawn hawi rualin rang lutukin ka biru vat. Ka nghah vang vang hnuah ka en ru leh a, a la vei kual char char. 

Zin ve tur dang te sumo a an luh pheuh pheuh hnu chuan sumo chung a lawn driver chu a bia a, driver in bag a khai lang zeuh zeuh. Ţhulh leh mai a tum anih ringin hmanhmawh deuhin ka tlan hlawk hlawk a, "Aw..kha kha rawn la thla rawh" a tih ri ka hre hman. 

"Zin puiah min sawm te te a min ţhulhsan leh si dawn ni maw?" ka tih chuan a rawn leh hawi vut. 

"I bag hi" driver in a rawn tih chuan min melh chhuk ngur chung hian "Lak thlak a ngai lo..dah belh a ngai zawk ang" a ti a, "I lokal a?" ti supin a nui suk. 

"Dah belh a ngai lo ang, thawmhnaw ka keng tam lo a, ka pawm thei mai ang" ka tih takah chuan driver bawk chu hrilh lehin min kai a, min hmu chu a lawm hmel vur vur khawp mai. 

"Min thlah phawt teh tui ka lei lawk dawn" tih leh ka kut lak let ka rual a, counter bul lawk a dawr ka pan. Ka hah lutuk vangin ka dang a ro a, tui vawt ka in khawlh khawlh takah chuan ka nuam huai mai. 

"Kan kim em?" driver in a tih lauh lauh lai chuan Msa chu lut hmasa turin ka hrilh a, tukverh bul a ţhut ka chak. 

"Ka lut hmasa duh lo" a ti hmuk a, ka hawihai kher mai. 

"Tukverh bulah ka ţhu duh. Lut hmasa la ka rawn lut ve nghal mai dawn lawm" ka tih chuan "Tukverh bulah ka ţhu dawn" ti hlukin bag min chhuhsak a, kawngkhar a hawn leh te te hnuah min nam lut nawk nawk. Seat a ka bawk lut rawk rawk chu rang tawk a hawi letin "Malsawmkim, tukverh bulah ka ţhu duh ka tih kha" ka ti vin hlar. 

Ka ţhut ţhat rual a rawn lut ve in "Thli in a chhem na ang che. Ni a sa a, thli thaw a sa vek" ti a chhuanlam a siam chuan sumo a chuang ve dang te an lo nui hak. Midang thawm ka hriat takah chuan kan chetdan naupanchhiat zia hrechhuak leh hnuhnawhin ka zak viau mai. 

"Ngati nge tukverh bul i chuh tlat? Mipa ve si i mak emai. Mi chuan hmeichhia zawk an kian a ni ngai a" ka la ti hlak hlak a, bag laksak ka tum lahin a lo phal der lo. 

"Nisa lakah ka veng che" a tih chuan ka melh hrak a, hmalam melh tlatin a la nui ruh ruh mai. 

"Sumo i rui ţhin a ni maw?" ka tih chuan rang lutuk a min rawn en in a hmuiah a kut chal a dah a, ka nui hak hak. Vawikhat sumo a chuang sual tawh a, a sim hle. Tunah keimah vangin a chuang leh dawn chauh anih hi. 

"A hma seat hi tih hma deuh theih se..ka ţhu rem thei lo" a ti thum dut dut reng a, a che sek bawk. Passenger pakhat kan la nghak a, an phun deuh sap sap tawh. 

"Kan ţhu rem thei vek. I bawp a sei lutuk anih kha" ka lo ti ve thung a, ka ngaihsak ţha duh der lo. A phun peih lutuk te chu ka zak deuh reuh. 

A khupin a hma seat nghenchhan a si chet a, kan seat nghenchhan a nghen rem theih dan tur zawkin a la buai. 

"A va chep em em ve mawle" a ti leh ţhin a, a phun ri leh che sek vang chuan a hma ber a ţhu te pawh rawn hawiin an nui leh tet tet ţhin. Kheuh ru zeuh zeuh mah ila awmzia a awm lo. 

Kan kim hnuah kan chhuak a, Msa a khi vur vur reng. Nuam a va han ti bik tak. Vawikhat sumo a chuang sual tawh na a tun ţum chu a rui lo nasa rapthlak. A vawikhat tihsual khan hlauhna a siam mai mai anih hmel. Ka naupanlai chuan Msa nen a sumo a zin dun ka chak ber ţhin a, tukverh bulah, amah ngheng chialin ţhu ila ka ti ţhin. Duhthu ka lo sam ve ţhin dan leh tun a ka awmdan hi a inpersan hle. Mipa lian pui pahnihin min kar cheh a, thinrimin min nek se chu min nek hlum thei hial maithei. 'A hrehawm em?' an tih apiangin lu ka thing na a hrehawm ka ti lutuk ringawt. 

Msa te khua kan thlen chuan a pahrawnin min lo hmuak a, min be nghal sawk sawk. 

"I nu lokal ve a tum zet na a bungrua in ngah kan ring deuh a, eng tham mah in rawn keng lo tih hria ila lo hruai tel ve ila ţha tur a nia" a ti siam siam. 

"Pawi lo..kan hmu dawn tho alawm" Msa'n a lo ti ve mai. 

A hnungah kan ţhu dun leh a, sumo ai chuan a thawl ta deuh. Msa sumo chuan nawm tum lutuk khan min ti hrehawm a, ka sil ţhum theiin ka hria. 

"Sumo ah khan ngati nge chuan nawm i tum fal em em a?" ka ti chhuak hial. 

"Chuan sual leh ka hlau" a lo ti mai a, "A zahthlak dawn a, ka lian sia" a tih chuan ka nui chhuak hak. 

"Rebecca kan khua chu a nawm hmel em?" ti a Msa pahrawn, Pa Biaka'n min zawh takah chuan hmalam hawiin "Aw nuam ang...thingtlang hi chu khawpui aia a reh zawk vang hian ka ngainat chi a ni hrim hrim. A boruak hian eng emaw ti tak hian lung a ti leng thei ţhin" ka tih ve luam lai a Msa lo nui hawk chu ka hre lo der hmak. 

"Nia...keini chhung pawh hi kan nghet khawp mai. Ţhenawm kan la inpawh tawn a, chawhmeh insuah tawn ringawt te hi ho viau angin lang mah se a hlu riau asin" Pa Biaka'n a tih leh chuan "Dik chiah, chawhmeh insuah tawn te chu in duhsakna alawm. In khua a rawn thawh ve daih theih dan te hi awm se a ţha ang" te ka ti ta vel a, eng eng emaw kan sawi dun leh hnuah tukverh ah hawichhuakin hmuh kim loh hlau takin ka hmuh phak chin chu ka en chiang thei khawp mai. 

Naupang pakhat ţap chung a tlan ter ter hmawlh nen a a nu ni awm takin a um ka hmuh phei chuan mahniin ka nui ver ver. Chhungte chu nei ila, hna aţangin chawl reng thei bawk ila chu ka cham reng duh ang. 

Chutah pastor quarter ka hmu thut a, Fiona ka hrechhuak zawk. 

"Msa ţhiannu te awmna ţhin anih hi" tiin Pa Biaka a tlan zawi deuh. 

A kawtah chuan thingkung a awm a, thingkung hnuaiah ţhutna a awm leh. 

"Thingkung hnuaiah sawn lehkhabu chhiar mai mai ila a nuam ngawt ang" ka ti leh hman pek a, Msa'n "Chut lutuk" a lo ti sup. 

Fiona ka hrechhuak lo thei lo a, mualphona a tawh hma leh hrehawm tam tak a tawrh hma a hlim leh thlamuang tak a a lo awm ve na ţhin a nia, hmu leh ta se a ngai ve ngawt ang. He quarter hian Fiona nunhlui tam tak a keng tel a, hlimna lam chiah a ni bawk. He hmun a an awm hunlai hi a hlim lai ber a ni ve maithei. Pawl12 a zir lai ve tho a nia, college a kal hnuah a mualpho ta rup mai sia, ngaihtuah chian poh leh a khawngaihthlak a, keipawn a chungah tihsual tam tak ka nei. Hun hi her let leh thei ila chu ka ngaihdan chiahin ka kal tawh lo tawp ang. 

Msa te in kawt ah a nu, Nu Tei leh tleirawl pakhat an lo ding a, an zawn a kan ding chiah chu "Ehe...Rebecca, engtia rei nge kan inhmuh tawh loh? I van danglam tawh em em ve. Nangmah ngei i lokal dawn tih chu hre lo ila ka hai hrim hrim ang che" Nu Tei'n a lo ti chul. 

Bag khai chung a ka chhuah rualin tleirawl pakhat lo awm ve khan "Khawi lo la rawh..ka lo khai sak ang che" lo ti thuaiin ka bag chu min chhuh sawk sawk a, Pa Biaka'n "Emily anih kha..Msa nau" a lo ti zui vat. 

"A rit miah lo asin" ti mah ila "Sumo i chuang sia, i chau ang. A rih loh phei chuan ka khai thei lutuk" nui sen sen chung hian a ti a, Msa nau anih vang pawh ni lovin a hmelţha reuh tawp. 

 Inchhung kan luh veleh Nu Tei chuan Emily chu thingpui lum turin a hrilh a, ka bialpa a la ni leh lo na a mipa in a han thlen tawp mai chu fel viau mah se nuam tih lohna a awm ve. 

"Msa ka hruai chhoh ni kha ka hmuh hnuhnun berna che a nia, ka hmu danglam viau che pawh hi a awm lo lem lo. A lo rei ve tawh em a, Aizawl ka lo zin lahin hmuh tur i awm ngai mang si lo. Dam deuh a kan inhmu leh thei hi a lawmawm e..cham ve reng thei ula ţha tur" Nu Tei chuan a ti dap dap a, "Ni e, cham reng thei ula kan ti khawp mai. Pathum chauh kan awm a, a khawharthlak ruk ruk khawp a" Pa Biaka'n a lo ti ve nghal zat. 

Ka hrethiam lo deuhin a hria ni ngei tur a ni Nu Tei chuan "Msa naute tho, Rintea leh Felfeli te phaiah kan dah ve khanglang a" tiin nelawm tak a nui chungin min lo hrilhfiah. 

"A ţha lawm...in in pawh hi a nuam tawp" ka ti ringawt. Sawi tur vang miau hek. 

"A ni maw? Kan lawm tawp" Msa zawkin a lo ti a, hriam hrak a ka melh laiin ka huat tur tawk lekin a lo kiai suk. An inah ngei ka awm ve a, a thlamuan hmel ngawih ngawih. 

"Felfeli pindan ah awm la pawi i ti em? Amah a awm loh lai a ni tho a, Emily khan a siam fel vek tawhin ka hria" Nu Tei'n a tih chuan Msa bawkin "Ka pindanah a awm ang chu. In hrethiam lo mi?" a lo ti nghut. A nu leh pa te an hawi tang hra mai. 

"Eng nge hriatthiam tur awm? Pindan inţawm ngaiin in awm tihna em ni?" dam thlup a Pa Biaka'n a tih laiin Nu Tei'n "Malsawmkim, nupui i rawn ru maw?" a ti hluai. Thingpui rawn sem mek Emily pawn min en tawn zak zak mai. 

"A ti mai mai nih kha..uang uang suh" ka lo ti ve vat. Nu Tei chu a thaw huai niin ka hria. 

"Nupui nei rual i ni tawh tho a, i neih duh chuan sawi hmasa rawh, a ruk ang zawng chuan chet la miah suh" a ti hlak a, thil dang an sawi zui daih chu ka lawm ru viau. 

Msa thil lo tih ţhin ka hriat ve vek duh vangin tlai chaw eikhamah an len ziahna tlangah min hruai a, a thawvengin phul ah kan ţhu a, a nuam khawp mai. 

"Hmanah khan helai ah hian in leng ziah maw? A la danglam vak lo tihna em ni?" amah thlek deuh ha chung a ka tih chuan lu min buk khum nghutin "Danglam a awm a, a tam zawk chu a la ngai. Helai tlang pawh hi a danglam nasa lo" a ti a, ka en thla a, naupanlai chu ni se kan ţhutna aţang hian kan tawlh thla ziai ziai ang chu. A awih lutuk lo a, naupang tan chuan a nuam viau ang. 

Ka ngaihtuahna mawl mang lutuk chu dahţha in "Eng nge in tih ber ţhin?" ka ti leh ta zawk.

"Nuam deuh" a lo ti mawl tawp a, "Mawh..sawi ţha teh. A nawm phei chuan ka ti ve chak teh mai nia aw..ka lo ti ve chhin min hrilh la" a mal a dawm ran chungin ka ti sek sek, ka sawi deuh pah bawk. 

"I ti ve duh tak tak maw?" nuihzat hmel fahran a a tih chuan phur takin "Tehreng mai..ka ti ve nghal duh ang" ka lo ti var. 

Hlimawm leh nuam deuh a sawi dawn maw tiin ka ngaichang ran a, tih ve nghal mai inpeih at a ka awm lai chuan "Lum rawh" a ti hem mai. 

CONT...(A tawp ţep lai kar a ka zawm lo reng kha pawi ka ti khawp mai, a tam tawh lo na a chapter pakhat tawp a khung tur chuan a sei deuh vangin ti hian ka rek bung)NANG CHAUH-14

"Tommy" ka ti sep ri a hriat rualin a rawn inher a, a lawm lutuk chu min kuah nghal thuak. 

"Hun ka ngah lo..i thusawi ngaithla turin ka lokal zuai" ka tih chuan inla hrangin ţhutna min kawh hmuh a, bet lo deuhin ka ţhu. 

"Msa hrehawm tawrh tir ka tum luatah i na tel ve a, min ngaidam rawh" ti zawi supin ka hmaah a rawn ţhu hniam a, ka kut a vuan nghal zat.

"Eng nge awmzia? Msa chu i ţhianţhaber a nia, ngati nge hrehawm tawrh tir i tum?" ka ti mawlh mawlh. 

"Ka chan ve tur dah hauh lo va a ţha zawng zawng a neih bik vangin" a ti rum ul a, chu chuan min ti buai lehzual. 

"Tommy, hun ka ngah lo ka tih tawh kha. Peh hel reng lovin sawi vek rawh" ka tih chuan "Msa hi ka unaupa a ni" a ti chhuak phawng mai. A hmel rum ul leh a mitmeng thim leh vawt raih te chuan a thinrim zia min hriattir a, a thinrim chhan ber pawh ka hria in ka inhria. Remkhawm dan ka thiam lo thung. 

"Chuan?" ka lo ti mawl leh tawp. Muangchang a tho chhuakin a kekawr ipte a zen a, ka ţhutna piah bang ngheng a dingin a thaw ham ham a, nunhlui ngaihtuah let ni awm takin mit a chhing vang vang. 

"Msa pa, kan principal ţhin kha ka pa ve tho a ni. An awmpui baihvai ve tak mutpui duh, a rai tak vang a dawihzep tak a tir bo leh rawk rawk" tiin a chek tlak a, "Tenawm" a ti leh hluk. 

"A awmzia chu i nu hi Msa te bulah a awm ţhin maw? Msa pian hma aniang tiraw? Nih leh tun a ipa leh i nu hi fa nei miah lovin an innei reng tihna em ni?" ka tih chuan min rawn melhin a bu nghut a, a thaw chhuak zui hawk. A thil lo tih tawh chu dahţha ta ila, a chhungril tawt lutuk tur chu hriatthiampuiin ka khawngaih khawp mai. 

"Ka nu min hrilh dan chuan Msa ai hian kum khatin ka upa. An inah a awm ţhin a, Msa pa hian ngaizawngin thiam takin a thlem ţhin a ni awm e. Ka nu hi fahrah a nia, Msa nu nen an inkawm ţhin. Rethei deuh a ka nu awm chu khawngaihin Msa nu hian a la lut a, ka nu pawh dik ka ti chuang lo. Amah khawngaih tu pasal a ngaizawng miau a" a ti a, dik ka ti khawp mai. Tlangval tam tak awm lai a mi pasal kher ngaihzawn hian eng rah ţha mah a chhuah lo. Kan hmeichhiatpui, a pasal rinchhan tlat tu natna siamsakna mai mai. 

"I nu chu engtin nge a awm zel? Msa nu chuan tun thlengin thudik a hre lo tihna em ni?" ka lo ti a, hriatchian zel chakna in min nawr a ni ber. 

"Mipa in thiam deuh a a thlem na na na chuan a thlem thlu a, nau a pai hial. A fa ngei a pai tih a hriat rualin a awmna pa chuan tirh bo dan a zawng chung a, a vau a, a thlem a, ka nu awm ve loh dan zawngin theih tawp a chhuah. Khatih hunlai khan ka nu hi a la upa bik lo a, vau zam theih rual a ni. Rethei tak bawkin a fa nen a damkhawchhuah theih dan a zawng ti tawh mai teh ang. Tun a ka pa nen hian intawngin nupa angin an awm a, an la innei ţha miah lo tih chu i hriat ve tho kha" ti a Tommy-an min hrilhfiah chuan "I nu hian engtin nge Msa pa hi a hmuh leh theih?" ka lo ti vat.

"In veng a an rawnkal ţumin an inhmu hlawl a ni awm e. An in bul lawkah a ni nghe nghe. Biak te pawh an inbe ve ang. A hre tur awm ang hnenah ka nu khan a chanchin a zawt a, private school pakhat nei tu a ni tih a hriat rualin ka school luhna min sawn sak. Msa pa vang a hrehawm a tawrh nasat zia leh kei thleng a min nghawng ve thu nitin min hrilh a, zawi zawiin ka thinlungah huatna min tuh sak a, tun thlengin Msa te pafa aia huat ka nei reng reng hleinem" a ti fak fak a, ka thu hriat te chuan min ţhawng takzet. 

"Msa nu chuan a hre miah lo tak tak maw?" ka lo ti leh hliai. 

"Hre lo, ka nu hi chu a la hria ang. A pasal fa a pai tih erawh a hre lo tawp ang. Msa naupan laiin an inţhen a, tun a a nupui ni mek hian a luhkhung. In vengah an rawn awm a, a nunhlui leh a tenawm zia hre lek lovin mi hausa lawm ho lahin an be ţha hluak reng a, tun thlengin hrehawm tihna leh inchhirna nei miah lo vin a la awm reng ang" a ti a, thinrimna a pai ruk ţhin a in mung tup tup a ni ngei ang, a awki a chang fak fak khawp mai. 

"Nih chuan Msa pawn engmah a hre lo tihna anih chu. A pa tihsual vangin tih sual nei ve miah lo i haw tel a, ngati nge? Msa hian i nu nen a in eng pawi nge a sawi ve?" ka ti let khauh. A nu leh pa inţhen kha hrehawm a tih ber zing a mi a nia, Tommy ang chiah a tuar tu ve tho a ni. 

"Ka nu hian Msa hnaih tlat turin min hrilh ţhin. A ţhian ni a, a nun a tel ve turin. Min ngaina a keipawn ka ngaina. Kan in duhsak tawn zia ka nu ka hrilh chuan 'Hmangaihna leh khawngaihna nei miah lo pa a nei a, a chhun ngei ngei dawn. A pa pawh en mai chuan sualna nei lo ang a nia, a thinlung a kha thung. Tun a a ţhatna hi inhneh tir lo la, tlan khalh la, fin khalh char char la, i thil duh engmah in neih khalh tir suh' min ti ţhin. Ka nu'n min fuih reng a, Msa chuan ka ta tur ţha ţha a neih vek thu a sawi ţhin bawk" a ti leh a, inchhung a inthlahrung reng reng a khawsa ţhin, a nu bak rinchhan tur nei lo hi a â zo vek tawh. A nu'n a thluak a suk sak nasa lutuk a, Msa te pafa haw tur in zirtirna a pe a ni ringawt. A nu fuih khaw loh ka ti lo thei lo.

"Ka duh che a..hman aţangin a ni tawh. Mahse, Msa'n a nei daih che. Eng emaw tal min tihsak turin ka nu'n Msa pa a ngen a, a neih ang ang a fapa neihchhun Msa tan a a dah vek tur thu a sawi. Khata ţang khan ka nu chuan Msa'n hmangaihna a dawn nasat bik zia a hria, Msa pa in a fapa a hmangaih zia hria in Msa zawk hi natna thlen sak turin min hrilh ţhin. Chu chuan a pa a ti na ve dawn. Ka nu'n 'an tan engmah i ni ve lo. I pahrawn faten an duh lo che a, i pa tak ngei pawn a duh lo che. I unaupa Msa pawh hian unau in nih thu hria se chu tun a i unauten an huphurh ang chiah che hian a huphurh ve ang che. I tih tur chu Msa tlan khalh zel la, a chak lohna lai zawng la, a taksa ti na miah lo in engmah ti thei lo khawp a laktlak loh a nih thlengin sawisa rawh' min ti ţhin" a tih chuan ka fiah kuar mai. Min inţhen tir a, mumallo takin Msa a awm chho a, hnathawk thei lo ţhak khawp a chhe vek turin an beisei ang mah se chutiang chu a thleng lo. Msa hi mipa a nia, a hna pawimawhzia a hre bawk. Hna sang pui thawk lo mah se hna ropui, school naupang te enkawl hna a thawk a, keimah vangin a hna a bansan phah lo.  

"Tommy, i nu fuih ţhin dan che chu a dik lo hle mai. Ka khawngaih zawk che" ka ti hap. Sual miah lo tur sual kawngah a hruai lut lui a ni. Tommy hi a thil tih zawng zawngah thiam ka chan tihna a ni lo. 

"Msa hian a pa a haw ve takzet tih i hria em? A nu aia hmeichhe dang a thlan zawk vangin a hua a, a ni phei chuan pahrawn chauh ni lo nuhrawn a hrawn tel. I nu chuan in tawrhna chiah a ngaihtuah a, Msa thinlung diktak hmuh tum lo vin ngaihruatna in a judge a, engamah hmain a pa ang turah a ngai hmak. Msa chuan a pa ang a khawsak loh hram a tum a, anih leh nang ve? I pa te pahnih i huat zia sawi reng chung hian anmahni ang chiahin i khawsa ve tih i inhria em?" ka ti fak fak. A nu in a hriatna a tih pawt vek tawh hi thiang leh turin ka duh. A nu thu ni lo, a ma thu a kal turin ka duh bawk. Nu te thu hi kan zawm tur a ni meuh mai, mahse, a ţha lo tih kan hriat ngeiah chuan nu te meuh pawh kan hnial ngam tur a ni. 

"Fiona bawk maw?" ti supin hnuailam a bih a, "Ka hmangaih thei lo" a ti thlawt. 

"Nih chuan ngati nge i fa i pai tir? I hmangaih miah loh leh i hmangaih theih loh tur chu nawmchen pui kher a ngai em ni? I nu nen a in tuar ţhin ang chiah khan nangmah vangin a fapa nen an tuar mek asin" ka ti hrawk. Fiona te nufa ka khawngaih thar lutuk chuan min ti thinrimin ka vin khawp mai. 

"Ti tla tur a ka hrilh lai khan naute kha paih daih se chu hrehawm a tuar lo vang. Ka nu leh keimah ang a an hrehawm ka hlauh vang alawm a fa pai kha hring lo tur a ka tih. Amah ka ngaihtuah vang zawkin. A duh thu in a nei a, thiam lohna ka neih ka hre lo" a tih chuan lu ka thing nawk.

"I â vek tawh Tommy" ka ti halh. A awmdan hian min ti beidawng takzet. 

"Ni e, ka â vek tawh. Ka duhna che leh Msa te pafa te, ka nu vang te hian ka â vek tawh" a ti vak vak a, ka lo chhing sawk. Engin nge luhchilh pawh ka hre lo. Tommy ka hriat ţhin kha an na pakhatmah a nei tawh lo. 

"Msa hi i haw miah lo tiraw? I nu in haw tur che in i duh a, huat luih i tum mai mai anih kha. Ka hre vek Tommy, lehkhazir a ngaihsak duh miah loh lai a note i copy sak ţhin te, rawlthar rualin insual buai an chin hun lai a Msa thlavang hauh a i insual nasat ţhin zia te kha ka hria. Shillong a ka awm hnuah pawh a ni tho, Msa nen i hriat loh tur a kan inkawp hunlai kha, Msa'n min rawn biain a in kawt a jacket dum a lo awm ringawt thu min rawn hrilh a, jacket awmdan tak ka zawh chuan i rawnkal ţum a i ta tur ang a i lei ngei kha a ni tih ka hria. Kan la inkawm khawm vek lai anih vangin khatih hunlai khan mak ka ti hran lo. Midang chu bum thei mah la kei chu min bum ve thei lo ang. Ka hriat laiin Msa i huat zia sawi tawh miah suh" ka tih chuan min chhan ngaihna a hre lo. 

"Hmeichhe pakhat vang maiin i ţhianpa, thinlung tak a i pawh theih hi chan duh miah suh. Ţhian hi ngaihzawngte aiin an hlu zawk. Fiona te nufa chungchang ah chuan ka dem khawp mai che. Mahse, Msa chungchangah chuan ka dem lo che. I nu in fuih reng lo che se la chu ţhianţha tak in la ni ngei ang. Bakah dawr lian deuh i nei tawh a, Msa ai chuan pawisa i la lut hnem daih zawk ang. Msa chuan a pa school lo din tawh a enkawl zui a ni mai a, nang aiin a lak luh a tlem zawk dawn. Thik lo la, i nu in a sawi leh pawn sumdawnna lam a i tui zawk zia sawipui daih rawh. Thil ţullo ah in hnamhnawih ve duh tawh suh, ţhian chu sawi loh i unaupa ngei i chân theihna anih phei chuan i kut sil hmak rawh" ka ti malh malh. Beidawn hmel zetin ka bulah a rawn ţhu thla hnawk a, min duh ve zia ka hria, khawngaih viau mah ila ka let thei tawh lo. Englai mahin ka duh ve tak tak ngai lo a, kan inkawp reng lai pawhin ka thinlungah mi pakhat dang a awm tho ţhin. Ani pawn siamţhat tur a nei, mipa angin awm se ka duh a ni. 

"Sawiselna tur che ka hre ngai lo" ti sepin a kut ka vuan a, min rawn melh vat. 

"Msa unaupa i lo ni reng a ni tih hi Msa ka hrilh lo vang. Ţul i tih leh nangman i hrilh zawk dawn nia. Ka sawi tawh ang khan thil ţullo leh rah ţha nei miah lo turah i kut ti bawlhhlawh tawh suh. Kha zan, Msa leh Fiona te mu dun lai ni awm tak min rawn thawn kha sawi zui ka tum tawh lo. Ka naupai chungchang phei chu sawi leh ka duh lo zual. Thil kan ti sual vek a, kan thiam lo vek a, kan tuar vek bawk. Kan na rei tawh a, tawp tawh rawh se. Mahse, kan thil tihsual pawi sawi lo in an tuar nasa ber hi pawi ka ti" ka ti chuai raih. Fiona te nufa rilru ah an awm lo thei lo. 

"I fapa a nia, ţawngmawi lo ni lo se mi pangai ang pha zân lo lehnghal. An rethei rei lutuk tawh. Msa chuan lo chhawm dawl ve bawk mah se nangmah nen a in ang thei lo. Pawisa i thawk chhuak hnem tawh a, Fiona leh i fapa i hlamchhiah leh si chuan malsawmna i beisei reng ngam dawn em ni?" tih zawngin ka sawipui ta zawk. Thinrim a ka nawr chuan a luhlul zel ang a, a thinlung a ţhatna la awm ve ka nawr chhuak zo lo ang. 

"Ka nu ka enkawl a, chu chu Pathian duh zawng a ni lo em ni? Pathian duhzawng ka tih a, ka eizawnna a theihtawp ka chhuah chuan malsawmna chu ka beisei ve ang chu" a ti ve thung. 

"Tun a i awmdan hi chu i pa nen a inang chiah. Hmeichhe baihvai belh tur nei lo leh i fa ngei chu hre lo der hmakin nangmahin i thawhchhuah i chen a, i fa, i thisen ngei rethei deuh a a awm i en liam mai mai thei. Msa ai chuan i pa i chhun daih zawk. I nu fuih ţhin dan che min hrilh loh i ngah ka ring. Mahse, thil ţha leh ţha lo thliar thiam tur i nia sin. I pa ro in beisei tlat anih leh dil chhuak lui ula, school bak a nei lo. Msa nen a in insem ngat phei chuan in chang tlem dun ngawt ang. In mualpho ang a, in chanchin hre lo turin an hriat belh ang a, i nu in hmelma a ngah sawt ang. Chu chiah chu hlawhchhuah tur in nei" ka tih fak fak hnuah ka sana bunlai ka bih zeuh. Ka kal a hun ţep tawh. Tih tur dang nei hmanhmawh ru ţeuh tawh ka nih vangin a nu ka hmang ţangkai ve thung. A nu mualpho vak chu a duh ka ring lo. 

"I chenpui mek i unaute hian an pa fa ni lovin midang daih fa i ni tih hria se i nu retheih dan tur i chhut thiam em? Msa pa hian a nei let dawn lo hrim hrim a, in nufa bawk a in chhuah leh a ngai mai tur a sin. In ngaihtuah chiang la, phuba hian ţangkaina a nei lo. Phuba chu Pathian lak turah dah la, i nu fuih let ve thung rawh. Nunhlui theihnghilhin hmalam pan rawh u" ka ti leh a, sawi tur vak ka hre tawh bik lo. 

"Nih leh nang? Kan pahnih a kan nunhlui kha theihnghilhin hma lam i pan dawn tihna em ni?" a lo ti ve khauh. Beisei loh lutuk min zawt mah se "Aw, ka tum mek anih hi. Ka ti na che tih ka hria a, kan inti na tawn ti ila a dik zawk ang. Mahse, Pathian remruat zawk anih ring ila, Fiona leh i fapa enkawl na hun ţha i nei tihna a ni mai" tiin buai miah lovin ka chhang. 

Min nawr lui ngam lo va, a thil lo tih tawh te kha hre ve ranin min chelh tlat ngam lo. 

"Aw le, chelh duh viau che mah ila ka chelh lo ang che. Min hmangaih miah lo tih ka hria, ka duhna che leh mahni hmasialna vangin ka chelh lui che a, awmzia a awm loh zia ka hre tawh bawk. Kal la, hmalam pan rawh. Luhlul chhuah reng tawh lo la, i hmangaih ber bulah lung dam deuhin awm rawh" fel fai lutuk a a tih chuan ka hamhaih lek lek. Thinrim hmel hmuh tur a awm tawh lo va, huatna mitmeng a lang tawh lo. 

"In ngaihtuah zui nasa rawh aw. Natna tânin i hre ngai em?" ka tih chuan "Eng nge chu chu?" a lo ti vat. 

"Natna tânin ah kan tang vek a, kan inchhuah zalen thei lo. Kan nghak rei tawh a, zalen lo vin kan la tang ţhap reng, a inkalh tlat. Keimahni zawk hian min chhuah zalen thei tu kan pan angai, keichu ka tang reng duh tawh lo. He natna tânin hrehawm lutuk aţang hian chhuah zalen ka duh tawh a, chuvang chuan ka hlimna tur ni a ka ngaih ka pan dawn. Nang pawn i hlimna tur i hria. Min hnaih a, ka lak a i rilru put hmang thlak thleng i tum loh chuan i tang reng ang. Fiona leh i fapa pan la, naupang rilru thianghlim tak te hian mi an tih hlim theih zia i hria ang. I na zawng zawng a reh vek lo anih pawn i thawl huai tho ang a, zalen ah i in ngai tho ang" ti a ka phun sep sep hnuah amah en ran chungin ka tho a, min melh ve reng. Min chelh lo thung. 

"I fapa nu chu i hmangaih thei em em ang. Natna nasa tak i pe tawh a, tuam dam leh pawh i hna a ni. Na zawng zawngah thinlung hliam nasat lutuk vang a na hi tuam dam a har ber a, i fimkhur viau dawn nia" ka tih leh hnuah ka nui lui sak. 

"Ka ring che Tommy, ka ţhian i la ni reng. Mipa takin awm la, i thisen, i fa ngei tan pa ni rawh. I pa angin awm ve lo la, pa ţha nih tum zawk rawh. I nu chuan engpawh sawi se bengkhawn tawh suh. A hrehawm tawrh tawhna a sawi leh pawn inbual at tir tawh lo la, phuba lak aia tih tur pawimawh i ngah. Ngaihdam dil la, tuam hlawm rawh. I fapa in hrehawm a tuar mek a, a puitlin hun a a huat lohna tur che in awm rawh. Chutianga i ti thei lo anih chuan mipa in ti ve tawh suh. Hmeichhia thlem thlu te te a, mawhphurhna la leh ngam si lo te hi kei chuan mipa ka ti ve thei lo. Bul ţan ţhat leh nan a la tlai lo" ti a ka hrilh hnuah ka sana bawk bih lehin "Mahse, tun a ka kal nghal loh chuan keichu ka tlai mai ang" fiamthu a ka tih chuan za lo deuhin a lo nui ro hak. 

"I duh hun hunah min rawn bia la, ţhian ka la ni ka tih tawh kha. I ngaihdam min dilna kha ka la pawm lo" ka tih leh hnuhnawh chuan hrethiam lo tih hriat zetin mithmul a lo kan uk. 

"Fiona in a ngaihdam theih hunah che keipawn ka ngaidam ve ang che. Ţhian ngaihdam hmasak ka nei tihna a nih chu" zangkhai thei ang ber a tiin ka nui pah a, "Min ngaipawimawh takzet a, ka ngaihdamna i beisei anih chuan ţanpui rawh. An mamawh che" ka ti tel hram. Thil ka hriat loh lutuk na lamah ka lo chelh khawtlai rei a, an nufa a an tawrh zel ka duh tawh lo. 

Chhuah pahin dawr luh dawn a bag lian vak lo ka dah chu ka khai a, sumo stand lam panin hmanhmawh deuhin ka kal hlawk hlawk. Tommy-a dawr aţangin a hla lo bawk a ka thleng hman ang. Tommy nen khan kan sawifel thei ah ka ngai a, tlemin thaw a veng deuh. Bul ţan ţhat leh nan a la tlai loh thu ka hrilh a, sumo ka nan hman phawt chuan keipawh ka tlai lo ang. Tlai ka tum lo. Natna tânin aţanga chhuah zalen ka duh tawh ka tih tawh kha maw.

Sumo hma a a lo vei tawh sek ka hmuh takah chuan tawi khawmuangin ka ding dat. Chak deuh a kal ka ni bawk a thawk ka la ham ham. Dawhthei lo tih hriat zetin sana a bih pah reng a, a hawi kual leh thuak ţhin. Ka dinna lam a rawn hawi rualin rang lutukin ka biru vat. Ka nghah vang vang hnuah ka en ru leh a, a la vei kual char char. 

Zin ve tur dang te sumo a an luh pheuh pheuh hnu chuan sumo chung a lawn driver chu a bia a, driver in bag a khai lang zeuh zeuh. Ţhulh leh mai a tum anih ringin hmanhmawh deuhin ka tlan hlawk hlawk a, "Aw..kha kha rawn la thla rawh" a tih ri ka hre hman. 

"Zin puiah min sawm te te a min ţhulhsan leh si dawn ni maw?" ka tih chuan a rawn leh hawi vut. 

"I bag hi" driver in a rawn tih chuan min melh chhuk ngur chung hian "Lak thlak a ngai lo..dah belh a ngai zawk ang" a ti a, "I lokal a?" ti supin a nui suk. 

"Dah belh a ngai lo ang, thawmhnaw ka keng tam lo a, ka pawm thei mai ang" ka tih takah chuan driver bawk chu hrilh lehin min kai a, min hmu chu a lawm hmel vur vur khawp mai. 

"Min thlah phawt teh tui ka lei lawk dawn" tih leh ka kut lak let ka rual a, counter bul lawk a dawr ka pan. Ka hah lutuk vangin ka dang a ro a, tui vawt ka in khawlh khawlh takah chuan ka nuam huai mai. 

"Kan kim em?" driver in a tih lauh lauh lai chuan Msa chu lut hmasa turin ka hrilh a, tukverh bul a ţhut ka chak. 

"Ka lut hmasa duh lo" a ti hmuk a, ka hawihai kher mai. 

"Tukverh bulah ka ţhu duh. Lut hmasa la ka rawn lut ve nghal mai dawn lawm" ka tih chuan "Tukverh bulah ka ţhu dawn" ti hlukin bag min chhuhsak a, kawngkhar a hawn leh te te hnuah min nam lut nawk nawk. Seat a ka bawk lut rawk rawk chu rang tawk a hawi letin "Malsawmkim, tukverh bulah ka ţhu duh ka tih kha" ka ti vin hlar. 

Ka ţhut ţhat rual a rawn lut ve in "Thli in a chhem na ang che. Ni a sa a, thli thaw a sa vek" ti a chhuanlam a siam chuan sumo a chuang ve dang te an lo nui hak. Midang thawm ka hriat takah chuan kan chetdan naupanchhiat zia hrechhuak leh hnuhnawhin ka zak viau mai. 

"Ngati nge tukverh bul i chuh tlat? Mipa ve si i mak emai. Mi chuan hmeichhia zawk an kian a ni ngai a" ka la ti hlak hlak a, bag laksak ka tum lahin a lo phal der lo. 

"Nisa lakah ka veng che" a tih chuan ka melh hrak a, hmalam melh tlatin a la nui ruh ruh mai. 

"Sumo i rui ţhin a ni maw?" ka tih chuan rang lutuk a min rawn en in a hmuiah a kut chal a dah a, ka nui hak hak. Vawikhat sumo a chuang sual tawh a, a sim hle. Tunah keimah vangin a chuang leh dawn chauh anih hi. 

"A hma seat hi tih hma deuh theih se..ka ţhu rem thei lo" a ti thum dut dut reng a, a che sek bawk. Passenger pakhat kan la nghak a, an phun deuh sap sap tawh. 

"Kan ţhu rem thei vek. I bawp a sei lutuk anih kha" ka lo ti ve thung a, ka ngaihsak ţha duh der lo. A phun peih lutuk te chu ka zak deuh reuh. 

A khupin a hma seat nghenchhan a si chet a, kan seat nghenchhan a nghen rem theih dan tur zawkin a la buai. 

"A va chep em em ve mawle" a ti leh ţhin a, a phun ri leh che sek vang chuan a hma ber a ţhu te pawh rawn hawiin an nui leh tet tet ţhin. Kheuh ru zeuh zeuh mah ila awmzia a awm lo. 

Kan kim hnuah kan chhuak a, Msa a khi vur vur reng. Nuam a va han ti bik tak. Vawikhat sumo a chuang sual tawh na a tun ţum chu a rui lo nasa rapthlak. A vawikhat tihsual khan hlauhna a siam mai mai anih hmel. Ka naupanlai chuan Msa nen a sumo a zin dun ka chak ber ţhin a, tukverh bulah, amah ngheng chialin ţhu ila ka ti ţhin. Duhthu ka lo sam ve ţhin dan leh tun a ka awmdan hi a inpersan hle. Mipa lian pui pahnihin min kar cheh a, thinrimin min nek se chu min nek hlum thei hial maithei. 'A hrehawm em?' an tih apiangin lu ka thing na a hrehawm ka ti lutuk ringawt. 

Msa te khua kan thlen chuan a pahrawnin min lo hmuak a, min be nghal sawk sawk. 

"I nu lokal ve a tum zet na a bungrua in ngah kan ring deuh a, eng tham mah in rawn keng lo tih hria ila lo hruai tel ve ila ţha tur a nia" a ti siam siam. 

"Pawi lo..kan hmu dawn tho alawm" Msa'n a lo ti ve mai. 

A hnungah kan ţhu dun leh a, sumo ai chuan a thawl ta deuh. Msa sumo chuan nawm tum lutuk khan min ti hrehawm a, ka sil ţhum theiin ka hria. 

"Sumo ah khan ngati nge chuan nawm i tum fal em em a?" ka ti chhuak hial. 

"Chuan sual leh ka hlau" a lo ti mai a, "A zahthlak dawn a, ka lian sia" a tih chuan ka nui chhuak hak. 

"Rebecca kan khua chu a nawm hmel em?" ti a Msa pahrawn, Pa Biaka'n min zawh takah chuan hmalam hawiin "Aw nuam ang...thingtlang hi chu khawpui aia a reh zawk vang hian ka ngainat chi a ni hrim hrim. A boruak hian eng emaw ti tak hian lung a ti leng thei ţhin" ka tih ve luam lai a Msa lo nui hawk chu ka hre lo der hmak. 

"Nia...keini chhung pawh hi kan nghet khawp mai. Ţhenawm kan la inpawh tawn a, chawhmeh insuah tawn ringawt te hi ho viau angin lang mah se a hlu riau asin" Pa Biaka'n a tih leh chuan "Dik chiah, chawhmeh insuah tawn te chu in duhsakna alawm. In khua a rawn thawh ve daih theih dan te hi awm se a ţha ang" te ka ti ta vel a, eng eng emaw kan sawi dun leh hnuah tukverh ah hawichhuakin hmuh kim loh hlau takin ka hmuh phak chin chu ka en chiang thei khawp mai. 

Naupang pakhat ţap chung a tlan ter ter hmawlh nen a a nu ni awm takin a um ka hmuh phei chuan mahniin ka nui ver ver. Chhungte chu nei ila, hna aţangin chawl reng thei bawk ila chu ka cham reng duh ang. 

Chutah pastor quarter ka hmu thut a, Fiona ka hrechhuak zawk. 

"Msa ţhiannu te awmna ţhin anih hi" tiin Pa Biaka a tlan zawi deuh. 

A kawtah chuan thingkung a awm a, thingkung hnuaiah ţhutna a awm leh. 

"Thingkung hnuaiah sawn lehkhabu chhiar mai mai ila a nuam ngawt ang" ka ti leh hman pek a, Msa'n "Chut lutuk" a lo ti sup. 

Fiona ka hrechhuak lo thei lo a, mualphona a tawh hma leh hrehawm tam tak a tawrh hma a hlim leh thlamuang tak a a lo awm ve na ţhin a nia, hmu leh ta se a ngai ve ngawt ang. He quarter hian Fiona nunhlui tam tak a keng tel a, hlimna lam chiah a ni bawk. He hmun a an awm hunlai hi a hlim lai ber a ni ve maithei. Pawl12 a zir lai ve tho a nia, college a kal hnuah a mualpho ta rup mai sia, ngaihtuah chian poh leh a khawngaihthlak a, keipawn a chungah tihsual tam tak ka nei. Hun hi her let leh thei ila chu ka ngaihdan chiahin ka kal tawh lo tawp ang. 

Msa te in kawt ah a nu, Nu Tei leh tleirawl pakhat an lo ding a, an zawn a kan ding chiah chu "Ehe...Rebecca, engtia rei nge kan inhmuh tawh loh? I van danglam tawh em em ve. Nangmah ngei i lokal dawn tih chu hre lo ila ka hai hrim hrim ang che" Nu Tei'n a lo ti chul. 

Bag khai chung a ka chhuah rualin tleirawl pakhat lo awm ve khan "Khawi lo la rawh..ka lo khai sak ang che" lo ti thuaiin ka bag chu min chhuh sawk sawk a, Pa Biaka'n "Emily anih kha..Msa nau" a lo ti zui vat. 

"A rit miah lo asin" ti mah ila "Sumo i chuang sia, i chau ang. A rih loh phei chuan ka khai thei lutuk" nui sen sen chung hian a ti a, Msa nau anih vang pawh ni lovin a hmelţha reuh tawp. 

 Inchhung kan luh veleh Nu Tei chuan Emily chu thingpui lum turin a hrilh a, ka bialpa a la ni leh lo na a mipa in a han thlen tawp mai chu fel viau mah se nuam tih lohna a awm ve. 

"Msa ka hruai chhoh ni kha ka hmuh hnuhnun berna che a nia, ka hmu danglam viau che pawh hi a awm lo lem lo. A lo rei ve tawh em a, Aizawl ka lo zin lahin hmuh tur i awm ngai mang si lo. Dam deuh a kan inhmu leh thei hi a lawmawm e..cham ve reng thei ula ţha tur" Nu Tei chuan a ti dap dap a, "Ni e, cham reng thei ula kan ti khawp mai. Pathum chauh kan awm a, a khawharthlak ruk ruk khawp a" Pa Biaka'n a lo ti ve nghal zat. 

Ka hrethiam lo deuhin a hria ni ngei tur a ni Nu Tei chuan "Msa naute tho, Rintea leh Felfeli te phaiah kan dah ve khanglang a" tiin nelawm tak a nui chungin min lo hrilhfiah. 

"A ţha lawm...in in pawh hi a nuam tawp" ka ti ringawt. Sawi tur vang miau hek. 

"A ni maw? Kan lawm tawp" Msa zawkin a lo ti a, hriam hrak a ka melh laiin ka huat tur tawk lekin a lo kiai suk. An inah ngei ka awm ve a, a thlamuan hmel ngawih ngawih. 

"Felfeli pindan ah awm la pawi i ti em? Amah a awm loh lai a ni tho a, Emily khan a siam fel vek tawhin ka hria" Nu Tei'n a tih chuan Msa bawkin "Ka pindanah a awm ang chu. In hrethiam lo mi?" a lo ti nghut. A nu leh pa te an hawi tang hra mai. 

"Eng nge hriatthiam tur awm? Pindan inţawm ngaiin in awm tihna em ni?" dam thlup a Pa Biaka'n a tih laiin Nu Tei'n "Malsawmkim, nupui i rawn ru maw?" a ti hluai. Thingpui rawn sem mek Emily pawn min en tawn zak zak mai. 

"A ti mai mai nih kha..uang uang suh" ka lo ti ve vat. Nu Tei chu a thaw huai niin ka hria. 

"Nupui nei rual i ni tawh tho a, i neih duh chuan sawi hmasa rawh, a ruk ang zawng chuan chet la miah suh" a ti hlak a, thil dang an sawi zui daih chu ka lawm ru viau. 

Msa thil lo tih ţhin ka hriat ve vek duh vangin tlai chaw eikhamah an len ziahna tlangah min hruai a, a thawvengin phul ah kan ţhu a, a nuam khawp mai. 

"Hmanah khan helai ah hian in leng ziah maw? A la danglam vak lo tihna em ni?" amah thlek deuh ha chung a ka tih chuan lu min buk khum nghutin "Danglam a awm a, a tam zawk chu a la ngai. Helai tlang pawh hi a danglam nasa lo" a ti a, ka en thla a, naupanlai chu ni se kan ţhutna aţang hian kan tawlh thla ziai ziai ang chu. A awih lutuk lo a, naupang tan chuan a nuam viau ang. 

Ka ngaihtuahna mawl mang lutuk chu dahţha in "Eng nge in tih ber ţhin?" ka ti leh ta zawk.

"Nuam deuh" a lo ti mawl tawp a, "Mawh..sawi ţha teh. A nawm phei chuan ka ti ve chak teh mai nia aw..ka lo ti ve chhin min hrilh la" a mal a dawm ran chungin ka ti sek sek, ka sawi deuh pah bawk. 

"I ti ve duh tak tak maw?" nuihzat hmel fahran a a tih chuan phur takin "Tehreng mai..ka ti ve nghal duh ang" ka lo ti var. 

Hlimawm leh nuam deuh a sawi dawn maw tiin ka ngaichang ran a, tih ve nghal mai inpeih at a ka awm lai chuan "Lum rawh" a ti hem mai. 

CONT...(A tawp ţep lai kar a ka zawm lo reng kha pawi ka ti khawp mai, a tam tawh lo na a chapter pakhat tawp a khung tur chuan a sei deuh vangin ti hian ka rek bung)NANG CHAUH-14

"Tommy" ka ti sep ri a hriat rualin a rawn inher a, a lawm lutuk chu min kuah nghal thuak. 

"Hun ka ngah lo..i thusawi ngaithla turin ka lokal zuai" ka tih chuan inla hrangin ţhutna min kawh hmuh a, bet lo deuhin ka ţhu. 

"Msa hrehawm tawrh tir ka tum luatah i na tel ve a, min ngaidam rawh" ti zawi supin ka hmaah a rawn ţhu hniam a, ka kut a vuan nghal zat.

"Eng nge awmzia? Msa chu i ţhianţhaber a nia, ngati nge hrehawm tawrh tir i tum?" ka ti mawlh mawlh. 

"Ka chan ve tur dah hauh lo va a ţha zawng zawng a neih bik vangin" a ti rum ul a, chu chuan min ti buai lehzual. 

"Tommy, hun ka ngah lo ka tih tawh kha. Peh hel reng lovin sawi vek rawh" ka tih chuan "Msa hi ka unaupa a ni" a ti chhuak phawng mai. A hmel rum ul leh a mitmeng thim leh vawt raih te chuan a thinrim zia min hriattir a, a thinrim chhan ber pawh ka hria in ka inhria. Remkhawm dan ka thiam lo thung. 

"Chuan?" ka lo ti mawl leh tawp. Muangchang a tho chhuakin a kekawr ipte a zen a, ka ţhutna piah bang ngheng a dingin a thaw ham ham a, nunhlui ngaihtuah let ni awm takin mit a chhing vang vang. 

"Msa pa, kan principal ţhin kha ka pa ve tho a ni. An awmpui baihvai ve tak mutpui duh, a rai tak vang a dawihzep tak a tir bo leh rawk rawk" tiin a chek tlak a, "Tenawm" a ti leh hluk. 

"A awmzia chu i nu hi Msa te bulah a awm ţhin maw? Msa pian hma aniang tiraw? Nih leh tun a ipa leh i nu hi fa nei miah lovin an innei reng tihna em ni?" ka tih chuan min rawn melhin a bu nghut a, a thaw chhuak zui hawk. A thil lo tih tawh chu dahţha ta ila, a chhungril tawt lutuk tur chu hriatthiampuiin ka khawngaih khawp mai. 

"Ka nu min hrilh dan chuan Msa ai hian kum khatin ka upa. An inah a awm ţhin a, Msa pa hian ngaizawngin thiam takin a thlem ţhin a ni awm e. Ka nu hi fahrah a nia, Msa nu nen an inkawm ţhin. Rethei deuh a ka nu awm chu khawngaihin Msa nu hian a la lut a, ka nu pawh dik ka ti chuang lo. Amah khawngaih tu pasal a ngaizawng miau a" a ti a, dik ka ti khawp mai. Tlangval tam tak awm lai a mi pasal kher ngaihzawn hian eng rah ţha mah a chhuah lo. Kan hmeichhiatpui, a pasal rinchhan tlat tu natna siamsakna mai mai. 

"I nu chu engtin nge a awm zel? Msa nu chuan tun thlengin thudik a hre lo tihna em ni?" ka lo ti a, hriatchian zel chakna in min nawr a ni ber. 

"Mipa in thiam deuh a a thlem na na na chuan a thlem thlu a, nau a pai hial. A fa ngei a pai tih a hriat rualin a awmna pa chuan tirh bo dan a zawng chung a, a vau a, a thlem a, ka nu awm ve loh dan zawngin theih tawp a chhuah. Khatih hunlai khan ka nu hi a la upa bik lo a, vau zam theih rual a ni. Rethei tak bawkin a fa nen a damkhawchhuah theih dan a zawng ti tawh mai teh ang. Tun a ka pa nen hian intawngin nupa angin an awm a, an la innei ţha miah lo tih chu i hriat ve tho kha" ti a Tommy-an min hrilhfiah chuan "I nu hian engtin nge Msa pa hi a hmuh leh theih?" ka lo ti vat.

"In veng a an rawnkal ţumin an inhmu hlawl a ni awm e. An in bul lawkah a ni nghe nghe. Biak te pawh an inbe ve ang. A hre tur awm ang hnenah ka nu khan a chanchin a zawt a, private school pakhat nei tu a ni tih a hriat rualin ka school luhna min sawn sak. Msa pa vang a hrehawm a tawrh nasat zia leh kei thleng a min nghawng ve thu nitin min hrilh a, zawi zawiin ka thinlungah huatna min tuh sak a, tun thlengin Msa te pafa aia huat ka nei reng reng hleinem" a ti fak fak a, ka thu hriat te chuan min ţhawng takzet. 

"Msa nu chuan a hre miah lo tak tak maw?" ka lo ti leh hliai. 

"Hre lo, ka nu hi chu a la hria ang. A pasal fa a pai tih erawh a hre lo tawp ang. Msa naupan laiin an inţhen a, tun a a nupui ni mek hian a luhkhung. In vengah an rawn awm a, a nunhlui leh a tenawm zia hre lek lovin mi hausa lawm ho lahin an be ţha hluak reng a, tun thlengin hrehawm tihna leh inchhirna nei miah lo vin a la awm reng ang" a ti a, thinrimna a pai ruk ţhin a in mung tup tup a ni ngei ang, a awki a chang fak fak khawp mai. 

"Nih chuan Msa pawn engmah a hre lo tihna anih chu. A pa tihsual vangin tih sual nei ve miah lo i haw tel a, ngati nge? Msa hian i nu nen a in eng pawi nge a sawi ve?" ka ti let khauh. A nu leh pa inţhen kha hrehawm a tih ber zing a mi a nia, Tommy ang chiah a tuar tu ve tho a ni. 

"Ka nu hian Msa hnaih tlat turin min hrilh ţhin. A ţhian ni a, a nun a tel ve turin. Min ngaina a keipawn ka ngaina. Kan in duhsak tawn zia ka nu ka hrilh chuan 'Hmangaihna leh khawngaihna nei miah lo pa a nei a, a chhun ngei ngei dawn. A pa pawh en mai chuan sualna nei lo ang a nia, a thinlung a kha thung. Tun a a ţhatna hi inhneh tir lo la, tlan khalh la, fin khalh char char la, i thil duh engmah in neih khalh tir suh' min ti ţhin. Ka nu'n min fuih reng a, Msa chuan ka ta tur ţha ţha a neih vek thu a sawi ţhin bawk" a ti leh a, inchhung a inthlahrung reng reng a khawsa ţhin, a nu bak rinchhan tur nei lo hi a â zo vek tawh. A nu'n a thluak a suk sak nasa lutuk a, Msa te pafa haw tur in zirtirna a pe a ni ringawt. A nu fuih khaw loh ka ti lo thei lo.

"Ka duh che a..hman aţangin a ni tawh. Mahse, Msa'n a nei daih che. Eng emaw tal min tihsak turin ka nu'n Msa pa a ngen a, a neih ang ang a fapa neihchhun Msa tan a a dah vek tur thu a sawi. Khata ţang khan ka nu chuan Msa'n hmangaihna a dawn nasat bik zia a hria, Msa pa in a fapa a hmangaih zia hria in Msa zawk hi natna thlen sak turin min hrilh ţhin. Chu chuan a pa a ti na ve dawn. Ka nu'n 'an tan engmah i ni ve lo. I pahrawn faten an duh lo che a, i pa tak ngei pawn a duh lo che. I unaupa Msa pawh hian unau in nih thu hria se chu tun a i unauten an huphurh ang chiah che hian a huphurh ve ang che. I tih tur chu Msa tlan khalh zel la, a chak lohna lai zawng la, a taksa ti na miah lo in engmah ti thei lo khawp a laktlak loh a nih thlengin sawisa rawh' min ti ţhin" a tih chuan ka fiah kuar mai. Min inţhen tir a, mumallo takin Msa a awm chho a, hnathawk thei lo ţhak khawp a chhe vek turin an beisei ang mah se chutiang chu a thleng lo. Msa hi mipa a nia, a hna pawimawhzia a hre bawk. Hna sang pui thawk lo mah se hna ropui, school naupang te enkawl hna a thawk a, keimah vangin a hna a bansan phah lo.  

"Tommy, i nu fuih ţhin dan che chu a dik lo hle mai. Ka khawngaih zawk che" ka ti hap. Sual miah lo tur sual kawngah a hruai lut lui a ni. Tommy hi a thil tih zawng zawngah thiam ka chan tihna a ni lo. 

"Msa hian a pa a haw ve takzet tih i hria em? A nu aia hmeichhe dang a thlan zawk vangin a hua a, a ni phei chuan pahrawn chauh ni lo nuhrawn a hrawn tel. I nu chuan in tawrhna chiah a ngaihtuah a, Msa thinlung diktak hmuh tum lo vin ngaihruatna in a judge a, engamah hmain a pa ang turah a ngai hmak. Msa chuan a pa ang a khawsak loh hram a tum a, anih leh nang ve? I pa te pahnih i huat zia sawi reng chung hian anmahni ang chiahin i khawsa ve tih i inhria em?" ka ti fak fak. A nu in a hriatna a tih pawt vek tawh hi thiang leh turin ka duh. A nu thu ni lo, a ma thu a kal turin ka duh bawk. Nu te thu hi kan zawm tur a ni meuh mai, mahse, a ţha lo tih kan hriat ngeiah chuan nu te meuh pawh kan hnial ngam tur a ni. 

"Fiona bawk maw?" ti supin hnuailam a bih a, "Ka hmangaih thei lo" a ti thlawt. 

"Nih chuan ngati nge i fa i pai tir? I hmangaih miah loh leh i hmangaih theih loh tur chu nawmchen pui kher a ngai em ni? I nu nen a in tuar ţhin ang chiah khan nangmah vangin a fapa nen an tuar mek asin" ka ti hrawk. Fiona te nufa ka khawngaih thar lutuk chuan min ti thinrimin ka vin khawp mai. 

"Ti tla tur a ka hrilh lai khan naute kha paih daih se chu hrehawm a tuar lo vang. Ka nu leh keimah ang a an hrehawm ka hlauh vang alawm a fa pai kha hring lo tur a ka tih. Amah ka ngaihtuah vang zawkin. A duh thu in a nei a, thiam lohna ka neih ka hre lo" a tih chuan lu ka thing nawk.

"I â vek tawh Tommy" ka ti halh. A awmdan hian min ti beidawng takzet. 

"Ni e, ka â vek tawh. Ka duhna che leh Msa te pafa te, ka nu vang te hian ka â vek tawh" a ti vak vak a, ka lo chhing sawk. Engin nge luhchilh pawh ka hre lo. Tommy ka hriat ţhin kha an na pakhatmah a nei tawh lo. 

"Msa hi i haw miah lo tiraw? I nu in haw tur che in i duh a, huat luih i tum mai mai anih kha. Ka hre vek Tommy, lehkhazir a ngaihsak duh miah loh lai a note i copy sak ţhin te, rawlthar rualin insual buai an chin hun lai a Msa thlavang hauh a i insual nasat ţhin zia te kha ka hria. Shillong a ka awm hnuah pawh a ni tho, Msa nen i hriat loh tur a kan inkawp hunlai kha, Msa'n min rawn biain a in kawt a jacket dum a lo awm ringawt thu min rawn hrilh a, jacket awmdan tak ka zawh chuan i rawnkal ţum a i ta tur ang a i lei ngei kha a ni tih ka hria. Kan la inkawm khawm vek lai anih vangin khatih hunlai khan mak ka ti hran lo. Midang chu bum thei mah la kei chu min bum ve thei lo ang. Ka hriat laiin Msa i huat zia sawi tawh miah suh" ka tih chuan min chhan ngaihna a hre lo. 

"Hmeichhe pakhat vang maiin i ţhianpa, thinlung tak a i pawh theih hi chan duh miah suh. Ţhian hi ngaihzawngte aiin an hlu zawk. Fiona te nufa chungchang ah chuan ka dem khawp mai che. Mahse, Msa chungchangah chuan ka dem lo che. I nu in fuih reng lo che se la chu ţhianţha tak in la ni ngei ang. Bakah dawr lian deuh i nei tawh a, Msa ai chuan pawisa i la lut hnem daih zawk ang. Msa chuan a pa school lo din tawh a enkawl zui a ni mai a, nang aiin a lak luh a tlem zawk dawn. Thik lo la, i nu in a sawi leh pawn sumdawnna lam a i tui zawk zia sawipui daih rawh. Thil ţullo ah in hnamhnawih ve duh tawh suh, ţhian chu sawi loh i unaupa ngei i chân theihna anih phei chuan i kut sil hmak rawh" ka ti malh malh. Beidawn hmel zetin ka bulah a rawn ţhu thla hnawk a, min duh ve zia ka hria, khawngaih viau mah ila ka let thei tawh lo. Englai mahin ka duh ve tak tak ngai lo a, kan inkawp reng lai pawhin ka thinlungah mi pakhat dang a awm tho ţhin. Ani pawn siamţhat tur a nei, mipa angin awm se ka duh a ni. 

"Sawiselna tur che ka hre ngai lo" ti sepin a kut ka vuan a, min rawn melh vat. 

"Msa unaupa i lo ni reng a ni tih hi Msa ka hrilh lo vang. Ţul i tih leh nangman i hrilh zawk dawn nia. Ka sawi tawh ang khan thil ţullo leh rah ţha nei miah lo turah i kut ti bawlhhlawh tawh suh. Kha zan, Msa leh Fiona te mu dun lai ni awm tak min rawn thawn kha sawi zui ka tum tawh lo. Ka naupai chungchang phei chu sawi leh ka duh lo zual. Thil kan ti sual vek a, kan thiam lo vek a, kan tuar vek bawk. Kan na rei tawh a, tawp tawh rawh se. Mahse, kan thil tihsual pawi sawi lo in an tuar nasa ber hi pawi ka ti" ka ti chuai raih. Fiona te nufa rilru ah an awm lo thei lo. 

"I fapa a nia, ţawngmawi lo ni lo se mi pangai ang pha zân lo lehnghal. An rethei rei lutuk tawh. Msa chuan lo chhawm dawl ve bawk mah se nangmah nen a in ang thei lo. Pawisa i thawk chhuak hnem tawh a, Fiona leh i fapa i hlamchhiah leh si chuan malsawmna i beisei reng ngam dawn em ni?" tih zawngin ka sawipui ta zawk. Thinrim a ka nawr chuan a luhlul zel ang a, a thinlung a ţhatna la awm ve ka nawr chhuak zo lo ang. 

"Ka nu ka enkawl a, chu chu Pathian duh zawng a ni lo em ni? Pathian duhzawng ka tih a, ka eizawnna a theihtawp ka chhuah chuan malsawmna chu ka beisei ve ang chu" a ti ve thung. 

"Tun a i awmdan hi chu i pa nen a inang chiah. Hmeichhe baihvai belh tur nei lo leh i fa ngei chu hre lo der hmakin nangmahin i thawhchhuah i chen a, i fa, i thisen ngei rethei deuh a a awm i en liam mai mai thei. Msa ai chuan i pa i chhun daih zawk. I nu fuih ţhin dan che min hrilh loh i ngah ka ring. Mahse, thil ţha leh ţha lo thliar thiam tur i nia sin. I pa ro in beisei tlat anih leh dil chhuak lui ula, school bak a nei lo. Msa nen a in insem ngat phei chuan in chang tlem dun ngawt ang. In mualpho ang a, in chanchin hre lo turin an hriat belh ang a, i nu in hmelma a ngah sawt ang. Chu chiah chu hlawhchhuah tur in nei" ka tih fak fak hnuah ka sana bunlai ka bih zeuh. Ka kal a hun ţep tawh. Tih tur dang nei hmanhmawh ru ţeuh tawh ka nih vangin a nu ka hmang ţangkai ve thung. A nu mualpho vak chu a duh ka ring lo. 

"I chenpui mek i unaute hian an pa fa ni lovin midang daih fa i ni tih hria se i nu retheih dan tur i chhut thiam em? Msa pa hian a nei let dawn lo hrim hrim a, in nufa bawk a in chhuah leh a ngai mai tur a sin. In ngaihtuah chiang la, phuba hian ţangkaina a nei lo. Phuba chu Pathian lak turah dah la, i nu fuih let ve thung rawh. Nunhlui theihnghilhin hmalam pan rawh u" ka ti leh a, sawi tur vak ka hre tawh bik lo. 

"Nih leh nang? Kan pahnih a kan nunhlui kha theihnghilhin hma lam i pan dawn tihna em ni?" a lo ti ve khauh. Beisei loh lutuk min zawt mah se "Aw, ka tum mek anih hi. Ka ti na che tih ka hria a, kan inti na tawn ti ila a dik zawk ang. Mahse, Pathian remruat zawk anih ring ila, Fiona leh i fapa enkawl na hun ţha i nei tihna a ni mai" tiin buai miah lovin ka chhang. 

Min nawr lui ngam lo va, a thil lo tih tawh te kha hre ve ranin min chelh tlat ngam lo. 

"Aw le, chelh duh viau che mah ila ka chelh lo ang che. Min hmangaih miah lo tih ka hria, ka duhna che leh mahni hmasialna vangin ka chelh lui che a, awmzia a awm loh zia ka hre tawh bawk. Kal la, hmalam pan rawh. Luhlul chhuah reng tawh lo la, i hmangaih ber bulah lung dam deuhin awm rawh" fel fai lutuk a a tih chuan ka hamhaih lek lek. Thinrim hmel hmuh tur a awm tawh lo va, huatna mitmeng a lang tawh lo. 

"In ngaihtuah zui nasa rawh aw. Natna tânin i hre ngai em?" ka tih chuan "Eng nge chu chu?" a lo ti vat. 

"Natna tânin ah kan tang vek a, kan inchhuah zalen thei lo. Kan nghak rei tawh a, zalen lo vin kan la tang ţhap reng, a inkalh tlat. Keimahni zawk hian min chhuah zalen thei tu kan pan angai, keichu ka tang reng duh tawh lo. He natna tânin hrehawm lutuk aţang hian chhuah zalen ka duh tawh a, chuvang chuan ka hlimna tur ni a ka ngaih ka pan dawn. Nang pawn i hlimna tur i hria. Min hnaih a, ka lak a i rilru put hmang thlak thleng i tum loh chuan i tang reng ang. Fiona leh i fapa pan la, naupang rilru thianghlim tak te hian mi an tih hlim theih zia i hria ang. I na zawng zawng a reh vek lo anih pawn i thawl huai tho ang a, zalen ah i in ngai tho ang" ti a ka phun sep sep hnuah amah en ran chungin ka tho a, min melh ve reng. Min chelh lo thung. 

"I fapa nu chu i hmangaih thei em em ang. Natna nasa tak i pe tawh a, tuam dam leh pawh i hna a ni. Na zawng zawngah thinlung hliam nasat lutuk vang a na hi tuam dam a har ber a, i fimkhur viau dawn nia" ka tih leh hnuah ka nui lui sak. 

"Ka ring che Tommy, ka ţhian i la ni reng. Mipa takin awm la, i thisen, i fa ngei tan pa ni rawh. I pa angin awm ve lo la, pa ţha nih tum zawk rawh. I nu chuan engpawh sawi se bengkhawn tawh suh. A hrehawm tawrh tawhna a sawi leh pawn inbual at tir tawh lo la, phuba lak aia tih tur pawimawh i ngah. Ngaihdam dil la, tuam hlawm rawh. I fapa in hrehawm a tuar mek a, a puitlin hun a a huat lohna tur che in awm rawh. Chutianga i ti thei lo anih chuan mipa in ti ve tawh suh. Hmeichhia thlem thlu te te a, mawhphurhna la leh ngam si lo te hi kei chuan mipa ka ti ve thei lo. Bul ţan ţhat leh nan a la tlai lo" ti a ka hrilh hnuah ka sana bawk bih lehin "Mahse, tun a ka kal nghal loh chuan keichu ka tlai mai ang" fiamthu a ka tih chuan za lo deuhin a lo nui ro hak. 

"I duh hun hunah min rawn bia la, ţhian ka la ni ka tih tawh kha. I ngaihdam min dilna kha ka la pawm lo" ka tih leh hnuhnawh chuan hrethiam lo tih hriat zetin mithmul a lo kan uk. 

"Fiona in a ngaihdam theih hunah che keipawn ka ngaidam ve ang che. Ţhian ngaihdam hmasak ka nei tihna a nih chu" zangkhai thei ang ber a tiin ka nui pah a, "Min ngaipawimawh takzet a, ka ngaihdamna i beisei anih chuan ţanpui rawh. An mamawh che" ka ti tel hram. Thil ka hriat loh lutuk na lamah ka lo chelh khawtlai rei a, an nufa a an tawrh zel ka duh tawh lo. 

Chhuah pahin dawr luh dawn a bag lian vak lo ka dah chu ka khai a, sumo stand lam panin hmanhmawh deuhin ka kal hlawk hlawk. Tommy-a dawr aţangin a hla lo bawk a ka thleng hman ang. Tommy nen khan kan sawifel thei ah ka ngai a, tlemin thaw a veng deuh. Bul ţan ţhat leh nan a la tlai loh thu ka hrilh a, sumo ka nan hman phawt chuan keipawh ka tlai lo ang. Tlai ka tum lo. Natna tânin aţanga chhuah zalen ka duh tawh ka tih tawh kha maw.

Sumo hma a a lo vei tawh sek ka hmuh takah chuan tawi khawmuangin ka ding dat. Chak deuh a kal ka ni bawk a thawk ka la ham ham. Dawhthei lo tih hriat zetin sana a bih pah reng a, a hawi kual leh thuak ţhin. Ka dinna lam a rawn hawi rualin rang lutukin ka biru vat. Ka nghah vang vang hnuah ka en ru leh a, a la vei kual char char. 

Zin ve tur dang te sumo a an luh pheuh pheuh hnu chuan sumo chung a lawn driver chu a bia a, driver in bag a khai lang zeuh zeuh. Ţhulh leh mai a tum anih ringin hmanhmawh deuhin ka tlan hlawk hlawk a, "Aw..kha kha rawn la thla rawh" a tih ri ka hre hman. 

"Zin puiah min sawm te te a min ţhulhsan leh si dawn ni maw?" ka tih chuan a rawn leh hawi vut. 

"I bag hi" driver in a rawn tih chuan min melh chhuk ngur chung hian "Lak thlak a ngai lo..dah belh a ngai zawk ang" a ti a, "I lokal a?" ti supin a nui suk. 

"Dah belh a ngai lo ang, thawmhnaw ka keng tam lo a, ka pawm thei mai ang" ka tih takah chuan driver bawk chu hrilh lehin min kai a, min hmu chu a lawm hmel vur vur khawp mai. 

"Min thlah phawt teh tui ka lei lawk dawn" tih leh ka kut lak let ka rual a, counter bul lawk a dawr ka pan. Ka hah lutuk vangin ka dang a ro a, tui vawt ka in khawlh khawlh takah chuan ka nuam huai mai. 

"Kan kim em?" driver in a tih lauh lauh lai chuan Msa chu lut hmasa turin ka hrilh a, tukverh bul a ţhut ka chak. 

"Ka lut hmasa duh lo" a ti hmuk a, ka hawihai kher mai. 

"Tukverh bulah ka ţhu duh. Lut hmasa la ka rawn lut ve nghal mai dawn lawm" ka tih chuan "Tukverh bulah ka ţhu dawn" ti hlukin bag min chhuhsak a, kawngkhar a hawn leh te te hnuah min nam lut nawk nawk. Seat a ka bawk lut rawk rawk chu rang tawk a hawi letin "Malsawmkim, tukverh bulah ka ţhu duh ka tih kha" ka ti vin hlar. 

Ka ţhut ţhat rual a rawn lut ve in "Thli in a chhem na ang che. Ni a sa a, thli thaw a sa vek" ti a chhuanlam a siam chuan sumo a chuang ve dang te an lo nui hak. Midang thawm ka hriat takah chuan kan chetdan naupanchhiat zia hrechhuak leh hnuhnawhin ka zak viau mai. 

"Ngati nge tukverh bul i chuh tlat? Mipa ve si i mak emai. Mi chuan hmeichhia zawk an kian a ni ngai a" ka la ti hlak hlak a, bag laksak ka tum lahin a lo phal der lo. 

"Nisa lakah ka veng che" a tih chuan ka melh hrak a, hmalam melh tlatin a la nui ruh ruh mai. 

"Sumo i rui ţhin a ni maw?" ka tih chuan rang lutuk a min rawn en in a hmuiah a kut chal a dah a, ka nui hak hak. Vawikhat sumo a chuang sual tawh a, a sim hle. Tunah keimah vangin a chuang leh dawn chauh anih hi. 

"A hma seat hi tih hma deuh theih se..ka ţhu rem thei lo" a ti thum dut dut reng a, a che sek bawk. Passenger pakhat kan la nghak a, an phun deuh sap sap tawh. 

"Kan ţhu rem thei vek. I bawp a sei lutuk anih kha" ka lo ti ve thung a, ka ngaihsak ţha duh der lo. A phun peih lutuk te chu ka zak deuh reuh. 

A khupin a hma seat nghenchhan a si chet a, kan seat nghenchhan a nghen rem theih dan tur zawkin a la buai. 

"A va chep em em ve mawle" a ti leh ţhin a, a phun ri leh che sek vang chuan a hma ber a ţhu te pawh rawn hawiin an nui leh tet tet ţhin. Kheuh ru zeuh zeuh mah ila awmzia a awm lo. 

Kan kim hnuah kan chhuak a, Msa a khi vur vur reng. Nuam a va han ti bik tak. Vawikhat sumo a chuang sual tawh na a tun ţum chu a rui lo nasa rapthlak. A vawikhat tihsual khan hlauhna a siam mai mai anih hmel. Ka naupanlai chuan Msa nen a sumo a zin dun ka chak ber ţhin a, tukverh bulah, amah ngheng chialin ţhu ila ka ti ţhin. Duhthu ka lo sam ve ţhin dan leh tun a ka awmdan hi a inpersan hle. Mipa lian pui pahnihin min kar cheh a, thinrimin min nek se chu min nek hlum thei hial maithei. 'A hrehawm em?' an tih apiangin lu ka thing na a hrehawm ka ti lutuk ringawt. 

Msa te khua kan thlen chuan a pahrawnin min lo hmuak a, min be nghal sawk sawk. 

"I nu lokal ve a tum zet na a bungrua in ngah kan ring deuh a, eng tham mah in rawn keng lo tih hria ila lo hruai tel ve ila ţha tur a nia" a ti siam siam. 

"Pawi lo..kan hmu dawn tho alawm" Msa'n a lo ti ve mai. 

A hnungah kan ţhu dun leh a, sumo ai chuan a thawl ta deuh. Msa sumo chuan nawm tum lutuk khan min ti hrehawm a, ka sil ţhum theiin ka hria. 

"Sumo ah khan ngati nge chuan nawm i tum fal em em a?" ka ti chhuak hial. 

"Chuan sual leh ka hlau" a lo ti mai a, "A zahthlak dawn a, ka lian sia" a tih chuan ka nui chhuak hak. 

"Rebecca kan khua chu a nawm hmel em?" ti a Msa pahrawn, Pa Biaka'n min zawh takah chuan hmalam hawiin "Aw nuam ang...thingtlang hi chu khawpui aia a reh zawk vang hian ka ngainat chi a ni hrim hrim. A boruak hian eng emaw ti tak hian lung a ti leng thei ţhin" ka tih ve luam lai a Msa lo nui hawk chu ka hre lo der hmak. 

"Nia...keini chhung pawh hi kan nghet khawp mai. Ţhenawm kan la inpawh tawn a, chawhmeh insuah tawn ringawt te hi ho viau angin lang mah se a hlu riau asin" Pa Biaka'n a tih leh chuan "Dik chiah, chawhmeh insuah tawn te chu in duhsakna alawm. In khua a rawn thawh ve daih theih dan te hi awm se a ţha ang" te ka ti ta vel a, eng eng emaw kan sawi dun leh hnuah tukverh ah hawichhuakin hmuh kim loh hlau takin ka hmuh phak chin chu ka en chiang thei khawp mai. 

Naupang pakhat ţap chung a tlan ter ter hmawlh nen a a nu ni awm takin a um ka hmuh phei chuan mahniin ka nui ver ver. Chhungte chu nei ila, hna aţangin chawl reng thei bawk ila chu ka cham reng duh ang. 

Chutah pastor quarter ka hmu thut a, Fiona ka hrechhuak zawk. 

"Msa ţhiannu te awmna ţhin anih hi" tiin Pa Biaka a tlan zawi deuh. 

A kawtah chuan thingkung a awm a, thingkung hnuaiah ţhutna a awm leh. 

"Thingkung hnuaiah sawn lehkhabu chhiar mai mai ila a nuam ngawt ang" ka ti leh hman pek a, Msa'n "Chut lutuk" a lo ti sup. 

Fiona ka hrechhuak lo thei lo a, mualphona a tawh hma leh hrehawm tam tak a tawrh hma a hlim leh thlamuang tak a a lo awm ve na ţhin a nia, hmu leh ta se a ngai ve ngawt ang. He quarter hian Fiona nunhlui tam tak a keng tel a, hlimna lam chiah a ni bawk. He hmun a an awm hunlai hi a hlim lai ber a ni ve maithei. Pawl12 a zir lai ve tho a nia, college a kal hnuah a mualpho ta rup mai sia, ngaihtuah chian poh leh a khawngaihthlak a, keipawn a chungah tihsual tam tak ka nei. Hun hi her let leh thei ila chu ka ngaihdan chiahin ka kal tawh lo tawp ang. 

Msa te in kawt ah a nu, Nu Tei leh tleirawl pakhat an lo ding a, an zawn a kan ding chiah chu "Ehe...Rebecca, engtia rei nge kan inhmuh tawh loh? I van danglam tawh em em ve. Nangmah ngei i lokal dawn tih chu hre lo ila ka hai hrim hrim ang che" Nu Tei'n a lo ti chul. 

Bag khai chung a ka chhuah rualin tleirawl pakhat lo awm ve khan "Khawi lo la rawh..ka lo khai sak ang che" lo ti thuaiin ka bag chu min chhuh sawk sawk a, Pa Biaka'n "Emily anih kha..Msa nau" a lo ti zui vat. 

"A rit miah lo asin" ti mah ila "Sumo i chuang sia, i chau ang. A rih loh phei chuan ka khai thei lutuk" nui sen sen chung hian a ti a, Msa nau anih vang pawh ni lovin a hmelţha reuh tawp. 

 Inchhung kan luh veleh Nu Tei chuan Emily chu thingpui lum turin a hrilh a, ka bialpa a la ni leh lo na a mipa in a han thlen tawp mai chu fel viau mah se nuam tih lohna a awm ve. 

"Msa ka hruai chhoh ni kha ka hmuh hnuhnun berna che a nia, ka hmu danglam viau che pawh hi a awm lo lem lo. A lo rei ve tawh em a, Aizawl ka lo zin lahin hmuh tur i awm ngai mang si lo. Dam deuh a kan inhmu leh thei hi a lawmawm e..cham ve reng thei ula ţha tur" Nu Tei chuan a ti dap dap a, "Ni e, cham reng thei ula kan ti khawp mai. Pathum chauh kan awm a, a khawharthlak ruk ruk khawp a" Pa Biaka'n a lo ti ve nghal zat. 

Ka hrethiam lo deuhin a hria ni ngei tur a ni Nu Tei chuan "Msa naute tho, Rintea leh Felfeli te phaiah kan dah ve khanglang a" tiin nelawm tak a nui chungin min lo hrilhfiah. 

"A ţha lawm...in in pawh hi a nuam tawp" ka ti ringawt. Sawi tur vang miau hek. 

"A ni maw? Kan lawm tawp" Msa zawkin a lo ti a, hriam hrak a ka melh laiin ka huat tur tawk lekin a lo kiai suk. An inah ngei ka awm ve a, a thlamuan hmel ngawih ngawih. 

"Felfeli pindan ah awm la pawi i ti em? Amah a awm loh lai a ni tho a, Emily khan a siam fel vek tawhin ka hria" Nu Tei'n a tih chuan Msa bawkin "Ka pindanah a awm ang chu. In hrethiam lo mi?" a lo ti nghut. A nu leh pa te an hawi tang hra mai. 

"Eng nge hriatthiam tur awm? Pindan inţawm ngaiin in awm tihna em ni?" dam thlup a Pa Biaka'n a tih laiin Nu Tei'n "Malsawmkim, nupui i rawn ru maw?" a ti hluai. Thingpui rawn sem mek Emily pawn min en tawn zak zak mai. 

"A ti mai mai nih kha..uang uang suh" ka lo ti ve vat. Nu Tei chu a thaw huai niin ka hria. 

"Nupui nei rual i ni tawh tho a, i neih duh chuan sawi hmasa rawh, a ruk ang zawng chuan chet la miah suh" a ti hlak a, thil dang an sawi zui daih chu ka lawm ru viau. 

Msa thil lo tih ţhin ka hriat ve vek duh vangin tlai chaw eikhamah an len ziahna tlangah min hruai a, a thawvengin phul ah kan ţhu a, a nuam khawp mai. 

"Hmanah khan helai ah hian in leng ziah maw? A la danglam vak lo tihna em ni?" amah thlek deuh ha chung a ka tih chuan lu min buk khum nghutin "Danglam a awm a, a tam zawk chu a la ngai. Helai tlang pawh hi a danglam nasa lo" a ti a, ka en thla a, naupanlai chu ni se kan ţhutna aţang hian kan tawlh thla ziai ziai ang chu. A awih lutuk lo a, naupang tan chuan a nuam viau ang. 

Ka ngaihtuahna mawl mang lutuk chu dahţha in "Eng nge in tih ber ţhin?" ka ti leh ta zawk.

"Nuam deuh" a lo ti mawl tawp a, "Mawh..sawi ţha teh. A nawm phei chuan ka ti ve chak teh mai nia aw..ka lo ti ve chhin min hrilh la" a mal a dawm ran chungin ka ti sek sek, ka sawi deuh pah bawk. 

"I ti ve duh tak tak maw?" nuihzat hmel fahran a a tih chuan phur takin "Tehreng mai..ka ti ve nghal duh ang" ka lo ti var. 

Hlimawm leh nuam deuh a sawi dawn maw tiin ka ngaichang ran a, tih ve nghal mai inpeih at a ka awm lai chuan "Lum rawh" a ti hem mai. 

CONT...(A tawp ţep lai kar a ka zawm lo reng kha pawi ka ti khawp mai, a tam tawh lo na a chapter pakhat tawp a khung tur chuan a sei deuh vangin ti hian ka rek bung)